رواية أحببت مجنونه احببت اخى الجزء الرابع البارت العشرون20بقلم نجمه براقه في موسوعة القصص والروايات جميع الفصول كامله وحصريه

#أحببت_أخي

#البارا_20

#مسك

بعد ما قولت لماما اللي حصل بقت مركزه معايا ومع تصرفات سيف اللي زادت في يوم الخطوبه.. بس تركيزها لوحده مكنش رد فعل طبيعيّة انا كنت متوقعة منها رد فعل قوي، اي ام هتسمع اللي سمعته ماما كانت اتجننت وعملت حآجه تخلينا نبعد عن بعض او تخلي سيف يمشي مثلا بس هي معملتش كده وده خلاني احس ان في حآجه غلط

خالد جه قبل الخطوبه بيوم عشان نشتري الفستان والخاتم وكنا هنروح لوحدنا بس طبعا سيف مستحيل يوافق لازم يجي معانا

خالد_ يلا بينا

مسك _ عن اذنك يا بابا

سيف بيطلع من الاوضه _ رايحين فين

خالد _ هنشتري الفستان وخاتم الخطوبه

سيف _ لوحدكم كده

مراد _ وفيها ايه يابني

سيف _ فيها كتير. مينفعش يروحو لوحدهم

مسك_ ومينفعش ليه هو انا صغيره

سيف بحده _ اسكوتي انتي

مسك _ كلمهُ انت يا بابا علشان دي مش طريقه

خالد _ ياسيف انت قلقان من ايه هما ساعتين وهنرجع وكمان ريم بنت خالتى هتروح معانا يعني مش لوحدنا

سيف _ ولا دقيقة واحده. واحنا منعرفش ريم دي عشان نثق انها بخير معاكم انا هاجى

خالد _ اللي تشوفه

مسك تبصله بشرود وهو يلاحظ ويتهرب من نظراتها

سيف _ يلا بينا

خالد_ يلا ... مسك يلا

مسك_ هه. حاضر يلا

روحنا عند المول وهو ماشي وسطنا وكل ما خالد يجي نحيتي يبصله بحده يخليه يرجع..

دخلنا جوه لقينا ريم مستنيانا هناك واول ما شافتني حضنتني بحب

ريم_ كل ده تأخير انا مستنياكم من بدرى

مسك_ كنت بجهز نفسي

ريم تبص لسيف_ مين ده

مسك _ اخويا

سيف_ أهلا وسهلا

ريم_ اهلا بيك. هو ده بقا اخوكي

سيف_ من الواضح انك تعرفيني

ريم_ خالد حكالي عنك

سيف يبصله بقرف _ وحكتلها ايه بقا

خالد_ كل خير

ريم بإبتسامة_ علي العموم تشرفت بيك وبتمد ايدها عشان تسلم وهو بيسلم عليها

بقت طول الوقت تبصله باعجاب وعينها عليه وكل شويه تفتح معاه كلام وهو يرد ويضحكو وانا وخالد بعيد بندور في الفساتين وتركيزي معاهم. ولا مره شوفته بيضحك كده غير معايا لما كنا في امريكا... ريم دي اعرفها من خلال خالد،، عرفني عليها من أيام الجامعه وكانت بنت كويسه بس اليوم ده كانت مايصه وعماله تضحك مع سيف ومش عامله اعتبار لحد ولا حتي خالد اللي مفروض انه اخوها ولازم تحترمه

مسك _ امال بنت خالتك دي مش كانت جايه تختار معانا الفستان

خالد_ ايوه

مسك_ امال سيبانا وقاعده بعيد ليه

خالد_ انا قولتلها كنت عارف ومتاكد ان اخوكي هيجي ويحاول يضايقنا

مسك بنرفزه_ اخويا وبيخاف عليه انت ازاي تجبله واحده تشغله وتتمايص عليه كده

خالد_ ايه تتمايص دي. هي اتمايصت امتي دا بدل ما تشكريها انها خلتنا ناخد راحتنا بعيد عنه

مسك بلخبطه_ اه بس ده مينفعش

خالد_ من الواضح انك مش عاوزانا نقعد مع بعض لوحدنا من غيره

مسك_ ايه اللي انت بتقولو ده. طبعا عاوزة بس مش نجيب حد يشغله بشكل ده

خالد_ وانتي شيفاها بتعمل ايه اهي قدامك بينهم مترين وبيتكلمو عادي

مسك _ معرفش بقا

خالد_ مسك سيبك منهم وخلينا نختار الفستان علشان لسه هنشتري خاتم وكله هياخد وقت مش هنضيع وقتنا في التركيز معاهم

سكت وبقيت ادور معاه وانا واخده بالي ان سيف انشغل عننا معاها. وبطل يضايقنا معقول يكون نسته كل حآجه من اول مقابله،، بعد شويه تجاهلتهم وخدت اي فستان وخلاص ومعجبش خالد فضل يقولي دا وحش وانا اقوله اي حآجه وخلاص وصوتنا طلع شويه ليلاحظه سيف و ريم ويجو نحيتنا

سيف_ مالكم

خالد_ شوف دا فستان يحضرو بيه خطوبه

ريم_ ايه ده. دا وحش جدا ايه رأيك انت ياسيف

سيف_ هي كده ذوقها وحش في كل حآجه بس طالما عاجبها ماشي

مسك بنرفزه_ مالو ذوقي، ادينا شوفنا ذوقك مطلعش بينور يعني

سيف_ مالو ذوقي بقا

مسك_ زفت

سيف _ طيب ايه رأيك انك هتلبسي فستان الخطوبه علي ذوقي الزفت ده

مسك بنرفزه_ لا مش هاخد غير ده

سيف_ قولت هتلبسي علي ذوقي يعني هتلبسي على ذوقي، القرف ده مش هيتلبس أبداً

مسك _ ملكش دعوه خليك في حالك، يمكن هنعطلك

#سيف

قررت اضايقها عشان تفهم احساسي تجاه خالد ده وان مش بأيدي انسا بسهوله. ف بقيت اتكلم مع ريم ونهزر وسبتها تروح مع خالد يختارو فستان وانا واخد بالي من تركيزها معانا وعامل مش هنا لغيت ما صوتهم طلع ف روحنا عندهم نشوف اي الحكاية لقيناهم مختلفين على الفستان . هو فعلاً كان فستان وحش جداً وبعد كلامها عن ذوقي الزفت اللي انا فهمت انها تقصد ريم بيه اصريت انها مش هتلبس غير على ذوقي وبعد جدال كتير مشيت رأيي عليها واختارتلها فستان بلون الابيض وبحاملات تشبه اجنحة الفراشات بعض الشيء ومرصع بالماس ليضيف له لمعه براقه .. بصتلي بقرف وخدته مني و دخلت البروفه لبسته وطلعت علينا

كانت اشبه بلأميرات والماسات اضافت ليها بعض البريق لتزداد تألق

ريم و خالد كانو واقفين قدامي وانا تراجعت للخلف وبقيت ابصلها من بعيد وبعدين ريم مسكت ايدها ولفتها مرتين ليدور شعرها بطريقة مذهله.

ريم_ عيني باردة عليكي هتتحسدي، لا انتي تسيبي الفستان ده بجد هتاخدي عين لو لبستيه

مسك بإبتسامة_ مش اوي كده

ريم_ طيب والله ما بجامل مش كده يا خالد

خالد باعجاب_ جمال فوق الوصف

مسك بإبتسامة_ انتو بتبالغو

ريم_ بلاش احنا اخوكي اهو تعاله واقف بعيد ليه

مسك تبص بعيد بارتباك وهو يبصلها بإبتسامة باهته_ حلو عليها فعلا طالعه زي البرنسيس اختياري ادعيلي بقا و مبروك

مسك بلخبطه_ الله يبارك فيك

ريم_ مالك مكسوفه ليه ده مش وقت كسوف لسه بكره لما خالد يلبسك الخاتم وترقصو مع بعض قدام الكل ابقي اتكسفي ههههه

سيف يضايقه كلامها و بحده_ مش هنمشي بقا

ريم_ نمشي فين لسه باقي الجزمه والخاتم

سيف_ طيب شهلو اتأخرنا

خالد_ يلا يا مسك علشان نختار الجزمه

سيف بقرف_ هي بتعرف تختار جزم كويس تعاله انت

مسك تداري نفسها وتضحك وتحدث نفسها_ الله يخربيتك ايه اللي بتقوله ده

خالد _ اتمنا اكون فهمت حضرتك غلط

سيف_ وحضرتك فهمت ايه

خالد بغيظ_ ولا حآجه اتفضل.. ريم شهلو خلونا نمشي

سيف بقرف _ اتفضل

بني آدم رزل قال عاوز يختار معاها الجزمه ماهي اختارتك يعنى هتعرف تختار جزمه غيرك

#على

بعد ما رجعت من عند عمي انور بقيت كل شويه اتصل بمريم ولما ترد اكلمها ببلاها وغباء لغيت ما اضايقت مني

علي_هو شكلي معجبكش

مريم_ بذمتك شكلك كان عاجبك انت شخصيآ

على_ ماما وبابا قالو حلو

مريم_ اه بس انت هتجوزني انا مش ماما وبابا. على المنظر ده مينفعش معايا

على_اهم حآجه الجوهر مش المنظر وانا مرتاح كده

مريم بزهق_ وانا مش مرتاحه مقدرش اعيش معاك كده انا لما حبيتك محبتكش كده

علي_ انا طيب وهقدر اسعدك وهاخدك النادي كل يوم

مريم بقرف_ نادي ايه هو انت كنت ناوي تفسحني في النادي بدل ما تقولي نروح باريس ولا اسطنبول

علي _ معرفش اتعامل مع الأجانب بتكسف يا مريم بس احنا ممكن نروح اسكندريه

مريم بغيظ_ اقفل ياعلي

علي _ حاضر بس متزعليش

مريم بغيظ_ بقولك اقفل ياعلي

قفلت معاها وكلمت ايمي

ايمي_ عملت ايه

على _ ههههه كرهتني

ايمي _ الف مبروك عقبال ما ترفضك

على_ هما يومين وهخليها تكرهني وترفضني بنفسها

ايمي_ يارب ترفضك

على _ ان شاءلله.. قوليلي مش معاكي رقم جميله بردو

ايمي_ اه معايا

على_ طيب هاتيه

ايمي_ لا طبعا

على_ علشان خاطري لازم اكلمها

ايمي_ قولت لاء يعني لأ لما نخلص من مريم الاول

علي_ بطلي نداله انا علوش حبيبك

ايمي_ على اسكت يا بابا مش هدهولك انت غبي وبتعك

علي_ بكره تحتاجيني وانا مش هنجدك يا سلعوه

ايمي_ لما احتاجك ابقا زلني

علي_ طيب غوري بقا

مرضتش تديني الرقم كان نفسي اكلمها بقالي كتير مشوفتهاش ولا بعتلها رسايل.. بقيت افكر في حل يخليني اشوفها وبعد تفكير طويل جاتني فكره وهي اني اعزمهم كلهم على الغدا.. نزلت بسرعه وطلبت من بابا يعزمهم وهو وافق وكلم انور وقاله انه معزوم عندنا بكره هو وكل اسرته وعمي انور وافق وقاله هيجي هو والباقين... مبقتش مستني بكره يجي عشان اشوفها

#جميله

كنا قاعدين قدام التلفزيون وبابا قال ان عمي ياسين عازمنا كلنا علي الغدا بكره

صبا_ نروح عادي

مريم _ انا مش هروح

رحيم_ مش نفسك تشوفي علوش ولا بتتقلي

مريم_ شوف ابنك يا بابا

انور_ مش عايزة تروحي ليه

مريم_ مبحبش اروح اكول عند حد

صبا_ روحي ومتاكليش بس عيب متروحيش

مريم_ قولت مش رايحة

انور بحده_ انا قولتلهم رايحين مش عاوز كلام كتير في الموضوع ده

مريم_ يا بابا

انور_ خلصنا يا مريم

مريم بنرفزه_ طيب.. وبتقوم تروح اوضتها

جميله بالكتابة_ سامحوني انا مش هقدر اروح

صبا_ ليه بقا مالك انتي كمان

جميله_ انتي عارفه يا ماما

رحيم_ ملكيش دعوه بحد.. اصلا محدش هيضايقك هناك

جميله_ علشان خاطري سيبوني علي راحتي

انور بتفهم_ خلاص حبيبتي خليكي على راحتك

رحيم_ يابابا دا بدل ما تخليها تطلع وتختلط بناس

انور_ اختك بتضايق خلاص سيبها علي راحتها

جميله بإبتسامة _ شكرا ياحبيبي

رحيم _ جميله خدي عاوزك

انور _ سيبها علي راحتها يارحيم

رحيم _ خلاص مش هتكلم معاها انا عاوزها في حآجه تانيه

دخلت اوضتي ورحيم معايا

رحيم _ اختي حبيبتي

جميله بشك_ عاوز ايه يا رحيم

رحيم _ ااا هو مش انتي صاحبتي البنت اللي اسمها ايمي

جميله _ ايوه وبعدين

رحيم _ ابعتيلها وشوفيها هتكون هناك ولا لأ

جميله بضحك _ وانت مالك بيها تروح ولا لأ

رحيم_ عادي يا جميله يعني

جميله _ عاادي ازاي يعني

رحيم بإبتسامة _ عاوز اضايقها شويه

جميله بإبتسامة _ ليه بردو

رحيم بزهق _ يووه ما تبعتي وانتي ساكته

جميله _ طيب لا لما اعرف ليه الاول

رحيم بإبتسامة _ مفيش نفسي اشوفها وبس

جميله _ ليه بردو

رحيم يشد منها التليفون بزهق_ اقولك هاتي انا هعرف ابعتلها

جميله تحاول تاخد منه التليفون ومتقدرش

جميله_ عيب يارحيم

رحيم_ اخرسي انا هبعتلها يعني هبعتلها

جميله_ خلاص هات هبعتلها انا

رحيم_ ماشي خدي

قعد جمبي وبقا يبص على التليفون معايا ومش راضي يبعد وانا حاطه ايدي علي قلبي لا تفتح سيرة علي

جميله _ ايمي حبيبتي

ايمي _ جميييله التليفون نور تصدقي

جميله _ تسلميلي ياقلبي

ايمي _ عامله ايه وحشتيني

جميله _ بخير حبيبتي

ايمي _ عارفه انا كنت هبعتلك بعد زن من الزفت

جميله بارتباك _ رحيم واقف على راسي عاوز يعرف هتيجي ولا لأ..

رحيم بنرفزه_ متستعبطيش قولتي لها ليه

ايمي تحس قلبها هيوقف بعد ما كانت هتعك الدنيا _ اجي فين وبيسال عليه ليه وجه البرص دا

جميله تاخد نفسها وهو يشد منها التليفون

رحيم _ علشان بقالي كتير مشوفتش قرود

ايمي بقرف_ بتكلمني ليه ياض انت

رحيم _ تليفون اختي وانا حر اكلم اللي اكلمه منه

ايمي _ حر علي نفسك مش عليه

رحيم _ بطلي رغي وقوليلي هتروحي بيت ياسين بكره ولا لأ

ايمي _ واروح ليه

رحيم _ معقووول معزموكيش.. تلاقيكي مفجوعه خافو تخلصي الاكل

ايمي بقرف _ احسن بردو علشان مشوفش وشك هناك

رحيم _ انا كنت بطمن انك مش هتروحي عشان اروح انا

ايمي _ مش رايحه روح ان شاءلله لقمه توقف في زورك تموتك

رحيم _ ماشي يا سلعوه

ايمي _ غور ياض واديني جميله

رحيم _ اهي يختي

جميله تاخد منه التليفون وتشاورله عشان يمشي

رحيم _ اقنعيها تروح عشان خاطري

جميله تبتسمله وتعمله إشارة بالموافقه

رحيم يقبلها علي جبينها _ حبيبتي يا ملاك . وبيمشي

جميله _ كنتي هتودينا في داهيه

ايمي _ مين معايا

جميله _ انا جميله رحيم مشي خلاص

ايمي _ اووف كنا هنتشيع

جميله _ ربنا ستر...

ايمي _ هو عاوز مني ايه

جميله _ عاوز يشوفك هناك

ايمي _ ويشوفني بتاع ايه

جميله _ اكيد عاوز ينكشك

ايمي _ تنكشه عقربه

جميله _ الله يخليكي بلاش دا رحيم طيب اوي

ايمي_ بس مستفز كل شويه يقولي يا قصيره

جميله _ ههههه هو كده لما بيحب حد بيصايقه

ايمي بإبتسامة _ حب ايه ده. اما صحيح حلوف

جميله _ ههههه مش اوي.. المهم احنا معزومين عند عمي ياسين بكره هتروحي ولا لأ

ايمي _ طبعا انا نفسي اشوفك

جميله _ لا انا مش رايحه

ايمي _ لا بالله عليكي تعالي ضروري

جميله _ مش هينفع حبيبتي

ايمي _ عشان خاطري

جميله _ انتي عارفه اللي فيها يا ايمي

ايمي _ وعارفه ان العزومة دي اكيد على اللى مخترعها عشان يشوفك

جميله بتنهيده _ وبعد ما يشوفني

ايمي _ هيتكلم معاكي ويقولك ناوي علي ايه

جميله _ ناوي يطفش مريم . انا شوفت عمل ايه في نفسه

ايمي _ طيب وانتي رايك ايه

جميله _ لما يخلص ابقا اقول رايي

ايمي _ يعني ممكن توافقي تجوزيه

جميله _ لو مريم سابته بكامل ارادتها وقتها افكر

ايمي بفرحه _ هتسيبهُ صدقيني

جميله بإبتسامة _ براحتها بقا

ايمي _ انتي بتحبيه صح

جميله _ لأ

ايمي _ جميييله كلنا عارفين انك بتحبيه بتخبي ليه بقا

جميله _ معنديش حآجه اخبيها.. المهم هتروحي ولا لأ

ايمي _ لو روحتي انتي انا هروح

جميله _ انا مش هروح

ايمي _ طيب ايه رأيك اجيلك انا

جميله بفرحه _ ياريت ليه لأ

ايمي _ خلاص لما اهلك يمشو انا هجيلك

جميله بإبتسامة _ ماشي حبيبتي

ايمي _ قولي لوجه البرص اخوكي اني هروح مش عاوزة اجي الاقيه في وشي

جميله _ ههههه حاضر

#سيف

يوم الخطوبه جه وعملناه في قاعة،

كان في معازيم كتير من معارف بابا وصحابه وشركاء الشغل ومشوفتش حد من اهل رودينا حتى شهاب اخوها من وقت ما جيت مشوفتهوش تواصل معاها.

بعد شويه بدأت الحفلة وانا كنت واقف بعيد عن الزحام وبتفرج علي مسك اللي قاعده جمب خالد وشكلها حلو اوي بالفستان اللي انا اخترته. لا تقل جمال عن اليوم اللي تنكرنا فيه عشان نهرب ويمكن اجمل . بقيت ابصلها وارجع ابص بعيد وانا مكسوف من نفسي بسبب احساسي اللي لا يناسب علاقة اخ باخته.. لكن سرعان ما انسا وارجع ابصلها تانى وانا مقهور من الشئ اللي قاعد جمبها وماسك ايدها وبيلبسها الخاتم.

لتقطع تركيزي ريم

ريم بإبتسامة _ واقف بعيد ليه

سيف بشرود _ بتفرج

ريم _ طيب ما تتفرج من قريب . انت حتى مسلمتش عليهم

سيف بخيبه _ مبحبش اشارك في الحاجات دي

ريم _ تعاله بس مسك هتفرح أوي لما تشوفك ومينفعش متسلمش عليها وتقولها مبروك

سيف _ اسلم عليها بعدين

ريم _ حساك مش مبسوط

سيف بخيبه _ وافرح ليه وهي هتجوز

ريم _ الظاهر انك بتحبها اوي ومش متخيل انها تسيبكم وتجوز

سيف يحبس دموعه_ اختي بقا.. استاذنك

مشيت وسبتها وروحت الحمام ودموعي غلبتني ونزلت..

سيف محدث نفسه بانفعال _ دي اختك انت ازاي بتفكر بشكل ده .. اختتتك افهم بقا.. ياريتك ما كنتي دورتي عليه وكنتي سبتيني اواجه مصيري بنفسي...

بعد وقت من الدموع والحزن وتأنيب الضمير غسلت وشي عشان ميبانش عليه حآجه وطلعت من الحمام لقيت رودينا واقفه وبتبصلي

سيف باستغراب _ في حآجه

رودينا _ عقبالك ياحبيبي

سيف _ متشكر .

رودينا _ بأيدي دي همكيجلك عروستك

سيف بخيبه _ متشكر بس انا مش هتجوز

رودينا _ كلنا قولنا كده واتجوزنا

سيف _ قولتي مش هتجوز

رودينا بتنهيده _ ايوه بس اتجوزت مليش كلمه بقا

سيف _ انا فاكر انكم اتجوزتو فجاه مكنش في فرح ليه صحيح

رودينا _ ابوك مستناش نعمل فرح كان بيحبني ومصبرش

سيف بضحك_ الا قوليلي صحيح هو انتو ليه كل واحد في اوضه لوحده

رودينا بتريقه _ من كتر الحب

سيف بحيرة _ حب ايه انتو لو كارهين بعض مش هتباتو كل واحد في اوضه لوحده

رودينا _ اصل ابوك بيتقلب ويشخر وانا بضايق

سيف _ ههههه بابا مش بيعمل الحاجات دي انا فاكر كويس وبشوفه دلوقتي بينام ومبيعملش حآجه

رودينا بتنهيده _ سيبك مننا وقولي كنت بتبكي ليه

سيف بلخبطه _ محصلش وابكي ليه

رودينا _ هو انا صغيره مفهمش بردو

سيف بتهرب _ بيتهيالك انا تمام

رودينا _ انا عرفت اللي حصل بينكم انت ومسك

سيف بصدمه _ عرفتي ايه بظبط

رودينا _ اللي حصل

سيف _ اللي هو ايه من فضلك قولي على طول

رودينا _ حبيتو بعض في امريكا

سيف بارتباك _ لا فهمتي غلط محصلش كده انا اصلا مشوفتهاش غير اخر يوم

رودينا _ مسك قالتلي

سيف يزفر بغضب _ وقالتلك ليه دي حاجه تتقال بردو

رودينا _ عرفت صدفه .. المهم دلوقتي اني ملاحظه انك مش قادر تنسا وتفهم انكم اخوات ياسيف

سيف _ انتي فاهمه غلط انا اصلا محبتهاش انا كنت كده مع البنات هناك كل يوم مع واحده وكنت بحاول معاها انما حب ومشاعر محصلش معايا

رودينا _ اتمنا يكون كده فعلاً

سيف _ هو كده

رودينا _ طمنتني. روح بقا احتفل معاها

سيف _ مبحبش الاجواء دى

رودينا _ حبها النهارده دي اختك بردو في اخ يسيب اخته لوحدها في يوم زي ده

مصدقتنيش وبقت تتكلم بشك وتلميحات وعلشان اثبتلها انها غلطانه روحت معاها عند مسك وحاولت اكون طبيعي

سيف بإبتسامة _ مبروك يا عرايس

خالد بإبتسامة _ الله يبارك فيك أخيرا رضيت عننا

سيف يحضنه' انا كنت عاوز اشوفك هتستحمل لامتي اصل مسك اختي نكد خوفت تزهق وترجعها تاني يوم ههههه

مسك تبتسم بإبتسامة باهته وهى عارفة انه بيحاول يداري شعوره

خالد _ ههههه مسك دي عمري مقدرش اسيبها

سيف يكظم غيظه_ قدامي كده ههههه علي العموم مبروك. يسيبه ويبص لمسك بإبتسامه _ مبروك يامسك أخيرا شوفتك عروسه

مسك بارتباك _ لسه شويه

سيف _ ناوين على امتي

خالد _ بعد شهر

سيبف بإبتسامة _ فرحتلكم بجد

مسك _ عقبالك وانت دور علي عروسه في كتير هنا

سيف _ هو انا اهبل زيكم

مسك _ هتعجز لوحدك

سيف يقرب ويهمس في ودنها _ مش احسن ما اتجوز ارجوزه زي مانتي عملتي عاجبك فيه ايه ده

مسك بهمس _ دا حتي شبهك

سيف _ انا مفيش حد شبهي

مسك _ طيب والله شبهك مع فرق بسيط في الملامح حتي بص كده

سيف _ فين ده انتي بتتوهمي انا مليش شبيه...

مسك بشرود _ صح .. طيب ايه

سيف _ ايه

مسك _ هتشوف عروسه ولا لأ

سيف يقرب منها ويقبلها علي جبينها وبهمس_ كفاية واحد بس يتجنن في العيله.. مبروك . وبيمشي ويسيبها

لتنظر حولها بارتباك

خالد _ قالك حاجه تزعلك ولا ايه

مسك بشرود _ لأ

خالد _ أمال في ايه

مسك _ مفيش حآجه

ريم تيجي عندهم _ ايه ياحلوين مش هترقصو ولا إيه

مسك _ لا

ريم _ لا هترقصووو

#مسك

ريم بقت تزن علشان نرقص وخالد موافقها ف اطريت ارقص معاه .

الساحه فضيت والكل واقفين بيتفرجو علينا واحنا بنرقص سلو على موسيقة رومانسيه و اضاءه خافته

وخالد مركز معايا وبيتكلم وانا مش سمعاه بيقول اية ورغم الزحمه والموسيقي وخالد اللي ماسك ايدي وحاطط ايده في وسطي الا اني مش شايفه حآجه ولا حاسه بحاجه.. عدا الوقت ومحستش غير لما خالد شد علي ايدي

خالد _ مسك انتي سمعاني

مسك _ هه. نعم

خالد _ لا ده انتي في دنيا تانيه بقا

مسك _ اسفه بس مصدعه شويه

خالد بحده _ مش موضوع صداع . ما تفهميني في ايه

مسك_ مفيش ياخالد انا كويسه يلا نقعد

خالد _ لما تخلص الحفلة لازم نتكلم كده مش هينفع

مسك _ ان شاءلله بس خلينا نقعد انا تعبت

#خالد

من وقت ما رجعت وقابلتها وهي مش طبيعي دايما شارده بعيد عني وخصوصا لما رقصنا مكنتش حاسه بيه ولا منتبهه لكلامي معاها واحده غيرها كانت هتكون فرحانه انما هي ساعات بحسها مش عاوزاني وموافقه كده وخلاص. قررت اتكلم معاها وافهم في ايه لو طلعت صح مش عاوزاني انا هسيبها مستحيل اقبل علي نفسي ااتجوز واحده مش عاوزاني او ممكن تكون مشغوله بحد تاني .. مش كفايه مستحمل عمايل اخوها اللي من اول ما قابلته وهو بيدور ورايا ويضايقني باي شكل علشان اسيبها

#جميله

جه تاني يوم و بابا وماما ورحيم راحو بيت عمي ياسين. وانا استحميت وظبطت نفسي و جهزت عصير وحطيته في كبايات وجهزت كيك علشان ايمي . وبعد شويه الباب خبط وروحت افتح لقيت علي في وشي فضلت بصالو بصدمه وفجاه لقيته داخل وقفل الباب وحضني بقوه

علي _ وحشتيني

مكنتش عارفه ارد عليه ومحاولتش ابعده عني

#علي

ايمي كلمتني وقالتلي اللي قالته جميله ف فهمت انها هي. كمان عاوزاني ولما عرفت انها مش هتيجي خليت ايمي تقعد بدالي وتشغلهم وتبرر غيابي. وروحت هناك واول ما شوفتها مقدرتش امنع نفسي اني مخدهاش في حضني واضمها بكل قوتي. كانت وحشاني اوي.. وكنت متوقّع انها تضربني او تقاوم بس بالعكس سندت رأسها علي كتفي وتمسكت بقميصي..

بعدت عنها وبصتلها لقيتها بتبكي من غير صوت

علي _ انا اسف بس مقدرتش امنع نفسي اني اجي واشوفك

جميله دموعها تنزل بغزاره وتشاور لباب

على _ همشي .. بس عاوز اعرف انتي عاوزاني زي ما انا عاوزك ولا لأ

جميله تهز رأسها بالايجاب وتبتسم ابتسامه تصاحبها دموع

علي بإبتسامه _ انا كنت. متأكد انك عاوزاني . وعلشان كده انا خلاص هسيب مريم . او هخليها هي تسبني وبعدين هطلبك انتي علشان خاطري اوقفي معايا و وافقي. اوعى تخذليني

جميله تبتسمله ويفهم انها موافقه ثم يضع يديه علي وجهها ويتأمل ملامحها ونظراتها له ويهمس بحب _ يمكن نفس الشكل بس صفاء قلبك مخليكي مختلفه تماماً ... انا حبيت هدؤك وطيبتك اكتر من شكلك

جميله ترد عليه بإبتسامه وعينيها تلمع

وهو ينظر لعينيها ويقترب منها محاولة تقبيلها لكنها تضع يدها علي فمه وتأشر له بالرفض ليمسك. كف يدها ويقبله بشغف ثم يبتعد عنها ويتوجه للباب

علي _ هتوحشيني. هستنا رسالة منك

جميلة ترد بإبتسامة

علي _ بحبك

جميلة تعمل علامة قلب بأيدها وبعدين تقرب منه وتفتح الباب وتذقه لبرا

علي بضحك _ مااشي. باي...... يتبع

تكملة الرواية من هناااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل

متابعه لصفحتنا على فيس بوك هنااااااااااا

الرواية كامله الجزء الأول من هناااااااااا