رواية ما يخبئه لنا القدر الفصل الثانى2بقلم زينب رشدى (جميع الفصول كامله)
رواية ما يخبئه لنا القدر الفصل الثانى2بقلم زينب رشدى (جميع الفصول كامله)
عمر باستغراب: علاقات
ملك: اااه ما انا قررت نبقي صحاب
عمر رفع حاجبه: صحاب
ملك: ااه مترفعش حاجبك بس وتتنك علينا انت تطول بنت زي القمر زي تبقي صاحبتك
عمر بملل: لا طبعا
ملك: شوفت بقا يلا انا همشي اشوف طنط سوسو
عمر باستغراب: مين
ملك: مريضه هنا في الدور اللى قبلنا صحبتها قريب
عمر: لا شكلك اجتماعيه اوي
ملك: اوي ولسه هتشوف ي زمل بااااى
عمر بقرف: زمل هي قالت متخرجه من اي
ملك بصوت عالي وهي ماشيه: اداره اعمال ي صاحبي ادراه اعمال
وعند آدم في الشركه دخلت عليه مي
مي: صباح الخير
آدم بابتسامة: صباح النور
مي: خير طلبتنى
آدم: مش انتى ي ستي كنتى بدورى على شغل بعد ما سبتى الشغل مع ملك
مي بضيق: ايوه
آدم بابتسامة: متضايقيش بس لقتلك شغل
مي: بجد ي آدم
آدم: بجد هتشتغلى معايا هنا مترجمه وتطلعى معايا اي حفله خاصه بالشركه لان انا مش بعرف غير انجليزى فرنساوى وانتى عارفه انجليزي و المانى واطالى
مي: عندك متنساش تركى
آدم: ااه نسيت انك اتعلمتيه بس عشان بتحبيهم
مي: بس انا مش موافقه انا مش حابه اشتغل معاك انت عارف مش بحب الوسايط
آدم: ومين قال ان وسطه انا فعلا محتاجك في الشغل وهتعامل معاكي زي اي موظفه
مى مدت ايدها: اتفقنا
آدم بابتسامة وسلم عليها: وهتبدا من دلوقتي هترجمى كل الاميلات دي
مى: تحت امرك ي فندم
عدا اسبوع يوميا بتروح ملك تتكلم مع عمر وهو مره يرد وعشره لا بس اتعود على وجودها واستغرب انها مجتلهوش النهارده
عمر: لو سمحتى هي اوضه ملك فين
نعمه بحزن: اوضتها اللى جنب حضرتك بس هي تعبانه النهارده والدكتور بيكشف عليها
عمر بقلق: تمام اتفضلى
فضل عمر قلقان عليها لحد ما قرر يروح يشوفها وخبط ودخل لقاها نايمه وحاطه محلول
عمر بتوتر: مساء الخير
ملك بصدمه: عمر
عمر بابتسامة: مستغربه ليه
ملك بتعب:ابدا ده انا قولت ارتحت ان مجتلكش النهارده عارفه ان مطفله حبه
عمر بضحك: هههه حبه
ملك: ابو جبل بيضحك ياااهووو
عمر: على فكره انا مش زي ما انتى فاكره اااه ماليش صحاب وكل حياتى شغل بس مش حجر يعني
ملك: استغفر الله مين يقدر يقول كده
عمر: ماشي اتريقي المهم انتى عامله اي
ملك: احسن الحمدلله
دخل دكتور هيثم
هيثم: ازيك ي عمر
عمر: الحمدلله
هيثم: ينفع اللى بتعمليه ده
ملك بملل: ي دكتور انت بقيت ممل اه والله من اول الصبح وانت بتقول نفس الكلام
هيثم بعصبيه: ده مش لعب ي ملك طالما دخلتى هنا تنتظمى بالتعليمات انتى في مستشفى تتعالجى مش لعب بعني
ملك: خلاص ي دكتور نسيت اخده
هيثم: نسيتى بقالك تلت ايام مش بتاخدى علاجك وتقولى نسيت
عمر بصدمه: تلاته اومال فين الممرضه بتاعتها
هيثم: اعطتها اجازه اصلها مديره المستشفى بتدي اوامر
عمر: خلاص ي دكتور انا هاخد بالى منها
هيثم بضيق: انتوا اللى اتنين تعبتونى اصلا عن اذنكم
ملك: تاخد بالك من مين مكنتش انا اللى باخد بالى منك
عمر: ناخد بالنا من بعض
ملك: متقولش هتتغير وهنبقي صحاب وهترد عليا مش هكلم نفسي
عمر بضحك: ههههه انتى ملاحظه ان احنا اوردى بقينا صحاب والا مكنتش جيت اطمن عليكى
ملك: ايوه صح
عمر: طيب انا هروح اوضتي بقا
ملك: تمام
وتانى يوم صحيت ملك على صوت خبط الباب دخل عمر واتفاجاءه بشكلها رغم ارهاقها شعرها مش مظبط نتيجه نومها عينها اللى تسحر
عمر: احم صباح الخير
ملك بكسل: صباح النور شكلك هتتعود عليا الساعه لسه تسعه ي استاذ
عمر: ااااه واذا كان عاجبك اصلا النوم بدرى مفيد يلا نفطر تحت
ملك: طيب انزل وانا هغير وجايه وراك
نزل عمر وملك اخدت شاور بسرعه ونزلت وراه كان الفطار وصل
ملك: ازيك ي فطوم عامله اي
فاطمه:الحمدلله بخير اخبار صحتك
ملك: فل هستناكى بليل انتى ونعمه
فاطمة: حاضر
عمر: بت انتى عارفه المستشفى كلها
ملك: ده كام واحده بس
عمر: امممم طيب افطرى
فطروا والغريب انها ساكته
عمر: اتكلمى مش متعود اشوفك ساكته
ملك: اقول اي
عمر: انتى غريبه حاسس انك بتضحكي وبتكلمى وبتصاحبى كتير عشان تنسي الوجع عيونك بتلمع عايزه تبكى انتى بدارى حزنك بالضحك
ملك بابتسامة: دكتور نفسانى حضرتك
عمر: لا والله بس باين عليكى اصل اللى يشوفك وانتى بتكلمى مع ده وده عشان تحفزيه ميشوفكيش وانتى اصلا مش هامك تخفى ولا لإ
ملك: عندك حق انا داخله هنا واثقه ان مش هخف اصل ده مش اي مرض انا دخلت بس عشان خاطر اهلى مش عشان اعيش عشانهم عشان لو حصلى حاجه ابقي عملت اللى عليا من نحيتهم
عمر بصدمه: انتى ازاي بتفكرى كده
ملك: عايزني افكر ازاى مش عايزة احبطك بس بص حواليك وقولى كام واحد خف من المر'ض ده
عمر: اللى عند ربنا مش كبير
ملك بتنهيده: ونعمه بالله
عمر: في حاجه تانى مضيقاكى او دخلتى المستشفى عشانها
ملك: قولت دكتور نفسانى
عمر: قولي قولى
ملك: مش حابه اتكلم في الموضوع ده
نعمه: معاد الجلسة ي ملك
عمر: ده في معاد جلستي
نعمه: ايوه لانكم تخصوا دكتور هيثم
ملك بحزن: طيب انا هروح
عمر: هي مالها
نعمه: مش متقبله الجلسات ودي حاجه غلط وغير كده هي بتتعب بعدها
عمر: ازاى جواها الالم ده كله بس بتنشر السعادة في المستشفى
نعمه: ربنا زرع حب الناس فيها عن اذنك
راحت ملك تاخد الجلسه وفعلا تعبت ورجعت كان اخوها ومي مستنين عارفين انها بتكون تعبانه
آدم بحضن: وحشتينى
ملك بتعب: وانت كمان
مى: انتى كويسة
ملك: كويسه
آدم: مالك ي حبيبتي اي اللى مضايقك
ملك بدموع: عايزه امو'ت فى وسطكم مش عايزه اقعد
آدم بخضه: ليه بتقولى كده ي حبيبي
ملك: قلبى بيقولى ان مش هخف
مي: هتخفى ي حبيبتي وهترجعى شغلك وهتعيشي حياتك كمان
ملك: حياتي؟ طيب
آدم: حبيبتي خلى املك فى ربنا كبير قولتلك انا عند ظن عبدى في
ملك بتنهيده: طيب
عمر دخل: مساء الخير
آدم بصدمه: عمر
عمر: آدم انت اي اللى جابك هنا
آدم: انا جاي لاختى وهو ده الشغل ياعمر
عمر:مكنش ينفع اقولك ي آدم مبحبش نظره الشفقه
آدم: شفقه ي صحبى بدل ما تقولى واقف جنبك
عمر: شغلى اللى ماسكه وامى اللى مخلى بالك منها دى وقفتك جنبى
آدم: مكنش العشم ي صحبى
عمر:اختك عامله الواجب وزياده
ملك: لا بقولكم اي الافلام الهندي مبحبهاش
عمر بقرف: متاكد انها اختك
آدم: احيانا
ملك: عارفه ان احلى بس متقولش قدامه عشان مشاعره
عمر: اومال اي احلى بكتير
امى عامله اي ي ادم
آدم: الحمدلله نقصها تسمع صوتك
عمر: قريب إن شآء الله
آدم: وانت عامل اي
عمر: زي ما انت شايف
مى بصوت واطى: بت الواد المز ده وقعتيه ازاى
ملك: وقعت اي اتلمى احنا اصدقاء
مى: اصدقاء ده أنا اسمع من آدم ان ملهوش صحاب غيره
ملك بخبث: من آدم الله قوليلى اي حكايتك مع ادم
مى بتوتر: ولا حاجه
قعدوا شويه وبعدين مشيوا
ملك: ياااه على صدف طلعت صاحب اخويا
عمر: فعلا صدفه غريبه المهم انا قررت اخد بالى منك ومن علاجك وحالتك النفسية بس اللى مش ظاهره للناس
ملك: حلو وانا موافقه وانا كمان هخلى بالى منك
عمر مد ايده: تحدي
ملك سلمت عليه: تحدى
وتانى يوم راح عمر يشوفها ملقهاش فى اوضتها قلق جدا لحد ما سمع صوتها من وراه
ملك: ازيك ي بشمهندس
عمر: ملاحظه انك مش بتقولى عمر خالص ي استاذ ي بشمهندس مع ان مش مهندس ولا حاجه
ملك: مش عارفه محرجه اقول اسمك بس
عمر: ملك محرجه اللهم اجعله خير
ملك: لا انت متعرفنيش في الاحراج اوعى
عمر: طيب كنتى فين على الصبح
ملك بابتسامة: طفل صغيور بقاله كام يوم هنا روحت العب معاه
عمر بياس:لا انتى فظيعه مش عاتقه
ملك: هعرفك عليه في يوم متقلقش
عمر: طيب تعالى خدي علاجك الاول
ملك: انت اخدت علاجك
عمر: من ساعه انجزى يلا
ملك: طيب متزقش بس
نعمه دخلت بسرعه: ملك مصيبه
عمر بقلق: في اي
ملك بملل: لا متخدش في بالك
بصي ي نعمه ساعه وعلبه برفان هيخلص الموضوع
نعمه: دايما فهمانى باااي
عمر باستغراب: مش فاهم
ملك: لا ابدا ي اما خطيب الاسبوع ده زعل منها وعايزه تصالحه ياما اكتشفت ان عيد ميلاده قرب
عمر: الاسبوع ده
ملك بضحك: هههههه اه والله
بقولك اي انت وراك اي بليل
عمر باستغراب: ولا اي حاجه
ملك: معاك قميص وبنطلون حلوين او بدله
عمر باستغراب: اكيد يعني
ملك: حلو هعدي عليك الساعه سته تكون لابسهم
عمر: طيب انا هروح اوضتي بقا
ملك: عمر سته بدقيقه تبقي جاهز
عمر بتوهان: قولتى عمر يعني
ملك بتوتر: احم مش انت اللى قولت اقول عمر
عمر بابتسامة: خلاص هجهز فى المعاد باااى
وعلى الساعه سته راح عمر اوضه ملك كانت لسه بتجهز
عمر بزهق: انتى منهم
ملك باستغراب: من مين
عمر: من اللى مش مهتم بالمواعيد بيقعد ساعه يلبس
ملك قربت بضيق: على فكره انا خلصت
عمر بابتسامة: بس انا مش شايف كده
مريم مسكه لياقه قميصه: ليه شكلى وحش ولا مش مظبط
عمر ولاول مره يسرح في عنيها ويبقي قريب منها: زي القمر
ملك بعدت باحراج: ايوه كده اتعدل يلا
عمر: ممكن اعرف رايحين فين اعتقد ممنوع نخرج
ملك: ليه سجن تعالى بس
نزلت ملك مع عمر وخرجوا من الباب الخلفى بدون ما حد يتكلم معاها
عمر: ازاي
ملك: قدرات ي استاذ
عمر: صحبتيهم هما كمان
ملك: حاجه زي كده
راحت ملك وعمر حفله وكانت عيد ميلاد واحده صحبتها
عمر: مبحبش الجو ده
ملك: ربع ساعه وهاخدك عند الجو اللى بتحبه
عمر: طيب
ملك كانت شيفاهم وهما بيرقصوا وافتكرت ياسر لما كان بضايق لما ترفض ترقص معاها
عمر: انتى بتحبى الرقص
ملك: جدآ
عمر: تحبى ترقصي
ملك: بس
عمر مسك ايدها: تعالى تعالى
ملك مرفضتش ودي كانت اول مره ترقص مع شخص غير اخوها
عمر: شكلك متوتره
ملك: بصراحه اه مرقصتش مع ولد قبل كده
عمر باستغراب: غريبه بس بترقصي حلو
ملك: لان اصلا بحب الرقص جدا وكنت برقص مع آدم
وانت كمان رقصك حلو مين علمك بقا
عمر: اتعلمت بالممارسه
ملك: ازاى ليك حبيبه
عمر بسرعه: لا ابدا عمرى ما حبيت اصلا بس في الشغل اي حفله كنت برقص مع العمله
ملك: اممم
عمر:شكلك حلو النهارده
ملك بخجل: مرسي
عمر بتوهان:و عيونك شكلهم حلو
ملك: شكرا
ياسر: معقول ملك انتى هنا
ملك بضيق: ومبقاش هنا ليه
ياسر: سمعت انك تعبانه
ملك بضيق:وانت بتسال على اخبارى ليه
ياسر: طبعاً احنا بنا عيش وملح بس غريبه صحتك جات على المستشفى وعملتى موف اون بسرعة
عمر بضيق: يلا بينا
ياسر: ما انتى بترقصي مع رجاله اهو اومال كنتى رافضه معايا ليه
اللهم صلى وسلم وبارك على سيدنا محمد
تكملة الرواية من هنااااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
 رواية ما يخبئه لنا القدر الفصل الثانى2بقلم زينب رشدى (جميع الفصو…){kind=link}
تعليقات
إرسال تعليق