رواية ما يخبئه لنا القدر الفصل الثالث 3بقلم زينب رشدى (جميع الفصول كامله)
رواية ما يخبئه لنا القدر الفصل الثالث 3بقلم زينب رشدى (جميع الفصول كامله)
ياسر: ما انتى بترقصي مع رجاله اهو اومال كنتى رافضه ليه
عمر ضربه لكاميه: يمكن عشان مكنتش شيفاك راجل
واخد ملك وساق هو وهي فضلوا ساكتين
ملك: عايزه اقعد على البحر
عمر: حاضر
اخدها نفس المكان اللى كانت قاعده في قبل كده
ملك: المكان هادي صح كنت ناويه اجيبك هنا بعد الحفلة بس مكنتش متخيله ان هاجى وانا مخنوقه كده
عمر: انتى كويسه
ملك: لا مش كويسه ي عمر مش كويسه
عمر بابتسامة: لو حابه تحكى انا سامعك
ملك: هو ليه بيعاملنى كده طيب انا ازاى كنت مغفله كده
عمر بقلق: اهدى عشان متتعبيش
ملك ببكاء: هو انا وحشه اصل مش ذنبى ان مريضه
عمر حضنها وملس على شعرها: اششش اهدى انتى أجمل بنت شوفتها
ملك ببكاء: سبنى عشان مري'ضه ي عمر بعد ما فضل يقول بحبك ومش هسيبك وهنحارب المر'ض سبنى وقالى امرك محسوب كده كده هتم'وتى يبقي اشوف مصلحتى هو كان طماع وانت'هازى وانا مختش بالى فضل عليا بنت صاحبه الشركه
عمر: اششش اهدى عشان خاطري هو اللى خسران متبكيش على اللى يبعيك
ملك: انا مش ببكي عليه انا كرهته والله مبقتش احبه يمكن محبتهوش اصلا بس ببكي على الكلام اللى سمعته منه وجع قلبى لما قالى انتى هتم'وتى
عمر: بعد الشر عليكي
ملك فضلت شويه في حضنه لحد ما هديت واخدت باله انها في حضنه بعدت بسرعه
ملك باحراج: آسفه ا
عمر بابتسامة وقاطعها: ولا يهمك انا خوفت تتعبتى زي المره اللى فاتت اعتقد المكان ده بتيجي فيه وانتى مخنوقه
ملك: ايوه ولما اكون عايزه اهر.... ثم اكملت بتذكر اي ده ثانيه يعني اي اتعب تانى
عمر: انا اللى اخدتك المستشفى لما تعبتى هنا
ملك بتذكر: متقولش انت اللى سالتنى مالك واغمي عليا على ايدك وووو
عمر: بالظبط
ملك خبت وشها: ي لهوى على الاحراج
عمر بضحك: ههههه بجد مش مصدق اول معرفتى بيكى كنتى منهاره وبتبكى مع انك كنتى زي القمر وتانى مره في المستشفى وانا اللى بزعق ومنهار وبعدين طلعتى اخت صاحبي بجد صدف عجيبه
ملك: عندك حق انا بحب اصلا الصدف اوى
عمر: بقيتى كويسه
ملك بتنهيده: اااه احسن هي الساعه بقت كام دلوقتي
عمر: 11 ونص
ملك بخضه: ي لهوى هيسلموا الورديه وانا معرفش اللى هيستلموا يلا بسرعه
عمر بفرحه فيها: ي خوافه
ملك: اسكت دكتور هيثم مستقصدنى وحاطط ميت عين عليا من ساعه العلاج اللى نسيته
عمر: دكتور محترم وشايف شغله
ملك: خليك كده لحد ما نتقفش ي بنى يلا
عمر بابتسامة: ي بنى؟ طيب يلا ي بنتى
هسوق وهوصلك في وقت قياسي
ملك: اشطا
عمر ساق وفضل ماشي بسرعه كبيره وكان متصور انها هتخاف بس مخفتش وطلعت وشها من الشباك وكانت مستمتعه لحد ما حست بتعب ودخلت وعمر قلق ووقف العربيه بسرعه
عمر بقلق: في اي
ملك بنفس سريع: تعبانه ي عمر نفسي
عمر بقلق: اهدى وخدى نفس براحه بصي ورايا شهيق وزفير شهيق زفير
ملك: عمر خدنى المستشفى بسرعه
عمر ساق وشالها ونزل بيها بسرعه انصدمت ملك بس مقدرتش تعلق لانها كانت تعبانه دخلها اوضتها
عمر: انتى لسه تعبانه
ملك بتعب: عمر جيب البرشامه اللى هناك دي نفسي مش قادره اخده
عمر اعطهولها بسرعه: اكلم دكتور هيثم
ملك: لا لا انا هبقي كويسه
فاطمه:انتى كويسه
ملك: لا ي فاطمه تعبانه
فاطمه وصلتلها جهاز التنفس
وفضلت شويه وبعدين نامت
عمر: هي متعوده تتعب كده
فاطمه: بقالها يومين بعد كل مجهود بيحصل كده وبصراحه هي بتلف على كل الادوار وبتلعب مع الاطفال وكذا مره احزرها وهي مش بتسمع الكلام
عمر بضيق: طيب روحى انتى انا هفضل جنبها
فاطمه: انت لازم ترتاح
عمر: لا مش هقدر هطمن عليها الاول
فاطمه:طيب ربنا يشفيكم يارب
خرجت فاطمه وعمر قعد جنبها ومسك ايدها
عمر: عملتى في اي بس ليه بقيت اخاف عليكى اكتر من نفسي قلبى كان هيقف لما تعبتى وكنت مضايق اوي لما الزفت ده اتكلم معاكى في الحفله
وبعد فتره نام على الكرسي جنبها وهي صحيت الصبح لقيته جنبها
ملك بتعب: عمر عمر اصحي
عمر بقلق: انتى كويسه
ملك: الحمدلله كويسه انت هنا من امبارح
عمر: اااه قلقت عليكى برضو يبقي بتتعبى من بدرى ومتوقليش
ملك: محبتش اقلقكم معايا المهم روح ارتاح انا آسفه تعبتك معايا
عمر: تعب وقلق اي بس انتى بقيتى ملزومه منى
ملك: احم شكرا
عمر: فوقى كده عشان ننزل نفطر
ملك: مش قادره والله ي عمر هفطر هنا
نعمه: عامله اي دلوقتي فاطمه قالتلى انك تعبانه
ملك:الحمدلله ونبى ي نعمه جبلنا الفطار هنا
نعمه: من عنيا
خرجت وجبتلهم الفطار وقعدوا يفطروا وخلصوا وبعد شويه دخلت مامتها وبابها
اسماء: حبيبت ماما عامله اي
ملك: ماما وحشتينى خالص
ايمن: وبابا موحشكيش ولا اي
ملك: لا طبعا وحشتني
بابا اعرفك عمر صاحب آدم وصاحب الشركه اللى بيشتغل فيها وهو اللى مخلى باله منى هنا
ايمن: اهلا ي ابنى تعبينك معانا معلش
عمر: مفيش تعب ولا حاجه واصلا لولا ملك مكنتش كملت علاج ولا حالتى بقت مستقره
اسماء: ربنا يشفيكم ي حبيبي
عمر: امين عن اذنكم انا
ايمن: اتفضل
عمر: ملك فاضل ساعة على برشامك اوعي تنسي
ملك: حاضر ي عمر
اسماء بخبث: اي الموضوع
ايمن: ايوه صحيح دلوقتي مين بيخلى باله من مين
ملك: احنا الاتنين والله
اسماء: امممم طيب ربنا يسعدكم
ملك: تقصدى اي
ايمن: متقصدش المهم انتى عامله اي
ملك: الحمدلله
اسماء: حاسه بتحسن
ملك: هو التحسن هيظهر في شهر ي ماما
ايمن: ي حبيبي ربنا قادر يخففك دلوقتي
ملك: يارب ي بابا
فضلوا شويه وبعدين مشيوا وهي اخدت العلاج وشويه دخل هيثم وعمر ونعمه وفاطمه
ملك بقلق: في اي ي جماعه اي الدخله دي
هيثم: قوليلي ي ملك انتى عامله اي اليومين دول
ملك: عامله اي في اي كويسه
هيثم: اصلك بطلتى تقولي زهقانه ومليت
ملك بتوتر: عادي يعنى اتعودت على الوضع
هيثم: سمعت انك تعبتى امبارح
ملك بخوف: ااااه قول كده
انت قفشتنى بقا
هيثم: يعني سيبك انك بتخرجى من غير اذنى كمان بقالك يومين بتتعبى وعرفت من فاطمه ونعمه بالصدفه انتى اي مفيش اي احساس بالمسئوليه
عمر: براحه عليها ي دكتور
هيثم بعصبيه: براحه اي انت زيها رايحين تخرجوا وتطنطوا وهي ترجع تعبانه افرد مكنش حد لحقها كنتى هتبقى مبسوطه لو حصلك حاجه
ملك بدموع: ي دكتور انت مش حاسس بينا كفايه احساس عدم الامان انا بنام ومش عارفه انا هصحي ولا لإ انت خايف على بحثك ومصلحتك اما احنا خايفين على نفسنا واهلنا عايزين نتمتع في اليومين اللى فضلنا
هيثم: لو سمعتى الكلام هتخفى وتعيشي زي ما انتى عايزة
ملك: توعدنى ان لو ماشيت على كلامك بالظبط هخف
هيثم مردش عليها وخرج وخرجت بعده الممرضين
عمر: اعتقد عنده حق
ملك: عارفه
عمر بتنهيده: هتسمعى الكلام
ملك: هسمع
عمر: خلاص ايدي على ايدك عشان نخرج سوا من هنا
ملك: تمام
عمر: يلا بااااي
ملك: رايح فين
عمر: معايا شغل على الاب عشان الحق ابعته لاخوكى
ملك: اساعدك
عمر: تفهمى في شغلنا
ملك: انت بتغلط على فكره بقولك خريجه ادارة اعمال وبتكلم اربع لغات وتقولى تفهمى فى شغلنا عيب والله
عمر بصدمه: أربع لغات
ملك: امممم يلا يلا وحشني الشغل
نزلت ملك وعمر الجنينه وفضلوا يشتغلوا سوا
ملك: عمر تعالى كده
عمر وقف فى ضعرها وقرب منها
عمر: خير
ملك اتوترت جامد وخصوصا ان نفسه بقا قريب من خدها: مظبوط كده
عمر باعجاب: اي ده ي ملك ده انتى طلعتي شاطره بجد
ملك: عجبك
عمر: تحفه جيبى اكمل وانتى ترجمى الاميلات دي
ملك: اشطا
اول لما وقفت رجلها اتلوت وكانت هتقع واول لما حاول يمسكها زقته ووقعوا سوا هو تحت وهي فوقيه
عمر بوجع:ااااه
ملك: اسفه اسفه مقصدش والله
عمر شالها شعرها من علي وشها وسرح في المره المليون في عنيها: قولتلك قبل كده ان عيونك حلوين
ملك اتوترت وقامت بسرعه: انت كويس
عمر: كويس انتى رجلك كويسه
ملك: ايوه
خلصت الاميلات بسرعه وطلعت اوضتها وتانى يوم اتقابلوا عند مكتب دكتور هيثم
هيثم: تعالوا ي ابطال
عمر: خير ي دكتور
هيثم: اخبار هتعجبكم
ملك: ياريت والله لان بصراحه ي دكتور بقالك فتره مش بتعمل حاجه غير تتعصب وتتخانق
هيثم: واي لزمتها دكتور بعد ده كله
ملك: اسفه ي دكتره اتفضل
عمر: دكتره
هيثم: ادخل في الموضوع عشان ملك هتموتنى ناقص عُمر
ملك: اتفضل
هيثم: تحاليل الشهر دي مبشره جدا في تحسن ملحوظ جدا
عمر بفرحه: بجد
هيثم: بجد انا قولتلكم نسبه شفائكم كبيره جدا
ساكته ليه ي ملك
ملك: لا مفيش فرحانه بس
هيثم: كده من بكره هنبدا بالمرحله التانيه ومفهاش هزار مفهوم
عمر: تمام عن اذنك
اخد عمر ملك من ايدها ودخل اوضته وقفل الباب
عمر: مالك
ملك: ماليش
عمر: ي سلام اومال الدموع اللى في عينك دي اي؟
ملك بدموع: مش عارفه محستش بفرحه لما قالى بالعكس خوفت جدا انا مش مطمنه ي عمر حاسه ان قلبى مقبوض انا هم.....
عمر بمقاطعه: اوعى تكملى كلام هتخفى و هتكملى حياتك
ملك ببكاء: انا اول مره ابقي خايفه من الم'وت وابقي متمسكه بالحياه انا مكنتش همانى في الاول
عمر مسح دموعها ومسك ايدها: اهدي انا مش بحب اشوفك بتعيطى انا قلبى بقا بيقولى اننا هنخف وهنخرج ونكمل حياتنا سوا
ملك بعدت ايدها: سوا
عمر بتوتر: اه طبعاً مش هنشتغل سوا انا قررت هشغلك معايا في الشركه
ملك: ده الشركه بقت بتاعتنا بقا انا واخويا في الشركه
عمر بحب: بتاعتكم فعلاً
ملك: بس قولى ي برنس شكلك مضايق ليه
عمر بملل: نفسي تكملى كلام من غير مصطلحاتك الغريبه دي
ملك: ي عم قول بس
عمر: بصراحه امى وحشتنى جدا وكلمتها امبارح بس طبعاً مقولتهاش حاجه وانتى عارفه المرحله التانيه هنتعب ومش هعرف حتي اكلمها
ملك: اممممم طيب ما تقولها
عمر: لا طبعاً هي هتقلق واحتمال تتعب
ملك: هتعدي بإذن الله
عمر باستغراب: انتى رايحه فين
ملك: رايحه ل هيثم كان عايزنى فى حاجه
عمر بغيره: عايزك فى اي؟
ملك بمرح: معرفش يمكن عايز يطلب ايدي هههه
عمر مسك ايدها وقف قدامها: يطلب ايدك انتى بتهزرى صح اكيد مش هتوافقى انتى مش بتحبيه اصلا ا
ملك باستغراب: اي ي عمر مالك ماوفر الموضوع ليه بهزر معاك
عمر بغيره: بس هو ممكن يكون بيحبك بجد هو بيعاملك بطريقه مختلفه
ملك: براحته يحبنى ميحبنيش عن اذنك
عمر فى اللحظه دي حاسس ان فعلاً حبها اما ملك استغربت من كلام عمر وراحت ل هيثم
ملك: مسا ي دكتره
هيثم: تعالى ي ملك قوليلى بقا مالك
ملك: في ايه ي جودعان كله بيسالنى نفس السؤال
هيثم: جودعان طيب امسكى كده دي تحاليلك
ملك: الله الله انت بتغلط فيا بطريقة غير مباشره ولا اي ي دكتور انا مش بفهم في الحجات دي
هيثم: ياريت تفهمينى ي ملك انتى...
حابه اشكركم على تفاعلكم الجميل ده وعايزه اعرف توقعاتكم ملك وعمر هيخفوا ولا لإ وهيبقي بينهم علاقه ولا لإ
سبحان الله وبحمده
تكملة الرواية من هناااااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
 رواية ما يخبئه لنا القدر الفصل الثالث 3بقلم زينب رشدى (جميع الفص…){kind=link}
تعليقات
إرسال تعليق