مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 

رواية خفايا القدرالفصل 31-32بقلم حليمه عدادى (جميع الفصول كامله)

رواية خفايا القدرالفصل 31-32بقلم حليمه عدادى (جميع الفصول كامله)

خفايا القدر

٣١&٣٢ والاخير 

الفصل 31 

- ما معنى الحب؟ - الحب ليس لمسة يد رقيقة وليس قُبلـة عميقـة وليس اشتباك أيـادي ولا كلمات تؤخذ مـن أغاني الحـب هو إحساس بقلب يخاف عليك يمنحك الابتسامة عندما تقسو الدنيا عليك  نظرة تسكنك في الجنات الحب إحساس أنك أجمل وأهم شخص في حياة من يحبك "❤

************************************************

بيجاد اتصدم لما شاف مايا قاعده في الشارع قدام الشركه بتصرخ والناس ملمومه حواليها وهي بتمثل البكاء 

مايا : اشهدوا ياناس إبن جوزي واللي كنت بعتبره إبني رماني في الشارع أنا وأبوه شوفوا بيجاد الشهاوي أنا اللي وصلته للمكانه دي أنا اللي كبرت الشركه دي ..

واحد من اللي واقفين بص لبيجاد وقال

الراجل : لا حول ولا قوة إلا بالله إزاي تعامل الست اللي ربتك ووصلتك للمكانه دي بالشكل دا ..

بيجاد بصلها وجز على سنانه بغضب حارق 

بيجاد : ياجماعه في سوء تفاهم تعالي معايا ..

 

وقفت مايا وهي تبتسم بخبث لحقت بيه 

بيجاد : أوعي تفكري إني خوفت من اللي عملتيه بس شغل الشحاتة دا أنا مش بحبه 

دلوقتي هتروحي لعند جوزك ومصروفك هيوصل لحد عندك ولو لمحتك هنا أو رجليك خطت باب الشركة مرة ثانية أنا هكسرهم ..

مايا : أنا مش عايزه منك مصروف أنا خلاص مليت من أبوك العجوز دا أنا عندي طلب واحد وهسافر من هنا ومش هتشوف وشي ثاني ..

 

بيجاد : هو أنا موجود هنا علشان أنفذلك طلباتك ولا ايه والعجوز دا مش كان حبيبك .. 

مايا : حب إيه وهبل إيه أنا كنت بحب فلوسه ولما راحت الحب راح هههه ..

بيجاد : قولي بسرعة عايزه إيه وغوري من هنا ..

مايا : عايزه فلوس وهسافر من هنا ..

 

بيجاد : انجزي عايزه كام بس أقسم بالله لو لمحتك هنا تاني  لهندمك ..

مايا : إطمن مش هتشوفني ثاني عاوزه المبلغ دا **** ..

بيجاد : ماشي المبلغ هيوصلك يلا غوري من هنا ..

************************************************

غزال حضرت الأكل هي ونادية اللي اصرت إنها تساعدها 

غزال : خلاص ياماما كل حاجة جاهز روحي ارتاحي ..

نادية : لا يابنتي إنتي روحي غيري هدومك وأنا هشوف الباقي ومش عايزه إعتراض .. 

غزال بإبتسامة : ماشي ياحبيبتي بيجاد إتأخر ..

نادية : يمكن عندوا شغل شوية وهيجي ..

غزال : إن شاءالله ..

غزال دخلت أوضتها غيرت هدومها وخرجت شافت بيجاد قاعد مع سيلا 

غزال : حمدالله على سلامتك جيت إمتا ..

بيجاد قرب منها باس راسها 

بيجاد : الله يسلمك ياحبيبتي جيت من شويه إنتي عامله إيه ..

 

غزال : أنا كويسه أومال فين سيف وأمل ..

بيجاد : شوية وهيوصلوا ..

 

بيجاد حط إيده على بطنها وابتسم 

بيجاد : بنوتي القمر أخبارها إيه اوعى تكون بتتعبك ..

غزال : ههه لا بنوتي طلعت هاديه مش شقيه ..

سيلا : ليه بتقولوا بنوته مايمكن يكون ولد ..

غزال :من يوم ماعرفت إني حامل وبيجاد بيقول بنوته ..

بيجاد: علشان عايز بنوته تكون شبهك ..

غزال : علشان تنسى غزال وتحبها هي أكتر مني .. 

بيجاد بحب : غزال في قلبي وفي عقلي إزاي أقدر أنساها ..

 

سيلا : احم احم نحن هنا ..

بيجاد : ههههههه سيلا هنا إيه بعبر عن حبي

غزال : هههه سيلا حبيبتي ..

نادية : إتأخرت ليه يابيجاد يابني قلقتني عليك ..

بيجاد حكالهم كل اللي حصل 

نادية : ربنا معاك يابني ويحفظك من شرهم ..

بيجاد : هي خلاص هتسافر وهنخلص من مشاكلهم ..

بعد مدة وصل سيف وأمل سلموا عليهم 

سيف : وحشتني اللمه مع العيلة والأصحاب ..

بيجاد : الحمد لله اتجمعنا من ثاني لكن إنت هتسافر وتسيبنا ..

سيف : إن شاءالله مش هتأخر ..

بيجاد : تروح وترجع بالسلامه إن شاءالله ..

سيف : عبقالكم إن شاء الله لما تزوروها ..

بيجاد : مش هتحضروا فرح سيلا ..

نادية بتعجب : فرح سيلا مين اللي طلبها ..

بيجاد : آسر جاء لعندي وطلبها مني وأنا سألت عليه وعرفت عنه كل حاجه هو شخص كويس وفي حاله ومش بتاع مشاكل إيه رأيك ياماما ..

نادية : آسر دا مافيش زيه يابني كان سند لينا هو اللي كان واقف جنبنا ..

بيجاد بخبث : أنا شايف إن سيلا مش موافقه عليه ..

سيلا ردت بسرعه :مين قال إني مش موافقه أنا موافقه ..

ضحكوا كلهم على إندفاعها 

سيلا اتكسفت بسبب تسرعها وبصت للأرض  

غزال: بس يابيجاد متكسفهاش ..

رحمة زغرطت : لوووولوووي ألف مبروك يابنتي ربنا يسعدكم ..

سيلا : الله يبارك فيك ياطنط ..

سيف : ألف مبروك ولو ماقدرناش نحضر الفرح هديتك هتوصلك ياعروسه ..

 

قضوا مع بعض وقت جميل مابين الكلام والهزار كانت ليلة جميلة وهاديه ..

************************************************

ثاني يوم الصبح  في فيلا خالد 

نزلت مايا تسحب شنطتها وراها

خالد : رايحه فين على الصبح ..

مايا : ورقة طلاقي توصلني ياخالد أنا مسافرة ..

 

خالد بصدمه : مايا إنتي اتجننتي طلاق إيه اللي بتتكلمي عنه أنا عملت إيه ..

مايا : ماعملتش حاجة بس أنا إيه اللي يجبرني إني أبقى معاك وإنت مابقاش حيلتك حاجة وخلاص عجزت  .. 

 

خالد بعصبيه :مااااايا انتبهي على كلامك فلوس إيه اللي بتتكلمي عنها إنتي نسيتي حبنا وأد إيه ضحينا علشانه ..

مايا : دماغي مصدعه بلاش كلام كتير عايزه ورقة طلاقي وإلا هخلعك ..

خالد بقرف : طلعتي واطيه وكلبة فلوس وأنا اللي كنت بعملك كل اللي تطلبيه ..

 

خرجت مايا من غير ماترد عليه 

خالد فضل قاعد وبيفكر هي دي الانسانه اللي اتخلى عن مراته وولاده علشانها اتخلت عنه لما مابقاش حيلته حاجة ..

************************************************

بعد مرور أسبوع سافر سيف وأمل 

سيلا اتكتب كتابها هي وآسر 

خالد بقى وحيد في الفيلا والندم بيأكل قلبه 

على السفرة قاعدين بيتكلموا في موضوع جواز سيلا 

بيجاد : سيلا حبيبتي اتكلمي مع آسر أنا عايزه يشتغل معايا ..

 

سيلا : يمكن يرفض هيقول إنك بتشفق عليه ..

بيجاد : شفقة إيه هو هيشتغل وياخذ مرتبه زيه زي كل اللي شغالين معايا ..

 

سيلا : حاضر يابيجاد هتكلم معاه ..

رن تلفون بيجاد شاف رقم زينة

بيجاد دادة زينة بتتصل خير إن شاءالله ..

بيجاد رد : الو أيوه دادة إزيك ..

 

زينة بخوف : ألحق أبوك يابيجاد ..

الفصل 32 الأخير 

في المستشفى بيجاد كان واقف قلقان هو وأمه افتكر لما داده زينه بلغته إن والده عمل حادثة وهو راحله المستشفى بسرعة 

نادية: اهدى ياحبيبي إن شاءالله هيكون بخير ..

بيجاد بقلق : مهما عمل معنا بس مش قادر أكرهه أنا خايف عليه أوي ..

نادية : ادعيله يابني مهما حصل يبقى أبوك ..

بيجاد : هتقدري تسامحيه ياماما ..

نادية : أنا مسمحاه يابيجاد لكن مستحيل أنسى اللي عمله معايا كل اللي حصل لسه قدامي كأنه حصل النهاردة ..

 

بيجاد : عارف إن اللي عمله معاكي صعب أوي ..

بعد مدة خرج الدكتور 

بيجاد بلهفه : طمني يادكتور هو عامل إيه دلوقتي ..

الدكتور : إحنا عملنا كل اللي علينا والباقي على الله هو طلب إنه يشوفكم ..

بيجاد جري لداخل الأوضة أما نادية وقفت قدام الباب 

بيجاد قعد جنب خالد مسك إيده وباسها 

بيجاد : بابا إنت كويس حاسس بحاجة ..

 

خالد بصوت ضعيف : سامحني يابني وخلي والدتك هي كمان تسامحني ..

بيجاد : ماتتكلمش كتير الأول قوملنا بالسلامة وبعدها أقعد معاها واطلب منها إنها تسامحك ..

خالد : لا يابني أنا حاسس إني خلاص مابقاش فاضل ليا كتير ..

بيجاد بدموع : ماتقولش كدا يابابا إنت هتخف وهتحضر فرح سيلا وهتسامحك ..

خالد بصله و الدموع في عينيه كأنه بودعه كان حاسس بالندم ضيع عمره مع واحده طماعه 

خالد : خلي بالك على سيلا أنا حرمتها من الأب و الأخ كون ليها الأب والسند ماتخليهاش تحس إنها وحيده ..

بيجاد : إنت هتخف وتكون ليها السند ..

خالد بصله لآخر مرة وروحه طلعت لخالقها 

بيجاد ببكاء : لالا بابا قوم إحنا لسه بحاجتك  ..

دخلت نادية تجري والدموع في عينيها 

بيجاد حط رأسه فوق جسم أيوه ودموعه نزلت 

بيجاد : سبتنا ليه يابابا مهما عملت هتبقى برضو أبونا ..

 

الدكاتره دخلوا طلبوا من بيجاد إنه يخرج يعمل إجراءات الدفن 

بيجاد بدموع : كنت هسامحه سابني ليه ..

 

نادية : البقاء لله ياحبيبي ربنا يرحمه ..

بيجاد خلص إجراءات الدفن وتم دفن خالد 

بيجاد قعد قدام القبر يبكي غزال قعدت جنبه بيجاد كان اتصل بيها  وطلب منها تيجي هي وسيلا

غزال بدموع : الفراق صعب أوي يابيجاد أنا ماشوفتش ماما وبابا ..

 

بيجاد حضنها كأنه يستمد القوة منها 

غزال طبطبت عليه : ربنا يرحمه ويغفر له ..

بيجاد : أنا مش مصدق إنه خلاص راح ومش هشوفوا ثاني ..

غزال مقدرتش تقول حاجه كانت بتعيط 

غزال : بيجاد سيلا من وقت ماعرفت مااتكلمتش أنا خايفه عليها روحلها ..

بيجاد مسح دموعه وراح عند سيلا اللي كانت مش بتتحرك وباصه قدامها 

بيجاد : سيلا حبيبتي إنتي كويسه ..

سيلا بعصبيه : سألتوني السؤال دا كام مرة أنا كويسه مش معنى إني ماعيطش أبقى مش كويس

 أنا ماعرفوش علشان أعيط عليه عمري ماشوفته ولا سمعت منه كلمة حلوه ولا حسيت بحنانه ..

غزال : سيلا اهدي ياحبيبتي إحنا بنسألك لأننا خايفين عليكي ..

 

سيلا : ماتخافوش أنا كويسه أنا لما كنت بتعب كنت بلقى آسر جنبي لما تكون عندي مشكله آسر بيكون جنبي لما بعيط هو بيكون جنبي هو كان ليا الأب والأخ والسند آسر كل حاجة بالنسبالي .. 

بيجاد: أنا فاهمك ياقلبي خلاص اهدي ..

سيلا بدموع : كنت بتمنى إني أشوفه واترمي في حضنه لآخر مرة كنت عايزه اسمع منه كلمة بنتي ..

بيجاد حضنها كان حاسس بوجعها 

سيلا : هو آسر ليه جه ومشي بسرعه ..

بيجاد : كان في إجتماع مهم ممكن بسببه نخسر كل حاجه وأنا سيبته وهو عمل كل حاجه ..

نادية : بيجاد ياحبيبي يلا نروح ربنا يرحمه ..

بعد مرور سنة حاجات كثير

 سيف وأمل بقى عندهم توأم محمد و ملاك 

غزال و بيجاد بقى عندهم بنوته زي ما كان بيحلم بيجاد سموها حور 

سيلا اتجوزت هي و آسر وهي حامل 

بيجاد دخل فيلته شاف أمه قاعدة قدام التلفزيون

بيجاد : السلام عليكم أخبارك إيه ياست الكل ..

 

نادية : أنا كويسه طول ما أنا شايفكم مبسوطين ..

بيجاد : ربنا يحفظك لينا وتفضلي منوره حياتنا دائما أومال فين غزال وحور ..

نادية : حور كانت نايمه وغزال بتحضر الاكل اللي هناخذوا معانا ..

بيجاد : فكرة سيف حلوه من زمان ماطلعناش رحله سوى وانبسطنا

خرجت غزال وهي شايله حور ..

غزال : ماما ممكن تخلي حور معاكي علشان أقدر اجهز الحاجات اللي هناخذها معانا  ..

بيجاد : تعالي ياحبيبتي علشان أساعدك زمانهم مستنينا ..

 آسر وسيلا وصلوا وسيف كمان 

دخلت غزال وبيجاد جهزوا كل حاجه 

غزال : كدا خلصنا يلا نروح ..

بيجاد : إستني ياغزال عندي ليك هدية صغيرة ..

 

غزال : اي هي ..

 

طلع من جيبه علبة قطيفه فتحها وطلع منها خاتم ألماس 

غزال : الله دا حلو أوي بس دا غالي أوي يابيجاد كان ممكن تجيب واحد عادي ..

بيجاد لبسها الخاتم وباس إيدها 

بيجاد بحب : مافيش حاجة تغلى عليكي ياحبيبتي إنتي غاليه مش عادية إنتي غزالي إنتي مافيش زيك يا غزال ..

(أتعلمين منذ التقاء قلوبنا أنتي اصبحتي إدمان في قلبي ليس لي شفاء منكي أبداً )

غزال : بحبك ياحبيبي ونور عيني ..

بيجاد : هههه إحنا إتأخرنا لما نرجع نبقى نكمل ..

باس راسها بحب ومسك إيدها وخرجوا هو شال حور وأمه وغزال شالوا الحاجه ركبوا العربية واتحركوا ..

**************************

في مكان كلوا ورد وشجر جنب النهر حطوا الفرش على الأرض وقعدوا 

بيجاد : المكان حلو أوي بيريح القلب ..

سيف : آسر هو اللي اختار المكان ..

آسر : المكان دا كنت بجيب سيلا عليه لما تكون زعلانه أكتر مكان كانت تكون مبسوطه فيه ..

 

سيف : هو فعلاً المكان بيريح القلب ..

أمل : الحمدلله مكنتش متخليه إني في يوم هيكون عندي عيلة وولاد و بيت ..

نادية : ربنا كريم يابنتي بيختارلنا الخير دائما ..

 

بيجاد : مين يصدق إن سيف يتجوز أمل هو كان رافض فكرت الجواز لحد مالقى الحب وربنا جمعكم صدفه ..

سيف : كانت أجمل صدفه حصلتلي في حياتي ..

نادية : بيجاد كمان كان الكل بيقول إنه مش هيخف وربنا بعتله غزال زي الملاك كانت بتحميه وحبته من غير ماتفكر ..

بيجاد : وقتها كنت وحيد لحد ماجت غزالي وحسيت معاها بحنان الأم و الأخت و الزوجه كانت ونعم الزوجه ..

غزال : أنا كمان من يوم مافتحت عينيا على الدنيا ماشوفت يوم حلو لكن كنت دائما بقول ربنا كريم وهيعوضني والحمد عوضني أجمل عوض ..

سيلا : أنا كمان كنت ديما بعاني لأني قاعدة على كرسي متحرك لحد ما التقيت بأسر و كان أجمل لقاء ..

آسر : أنا كنت أي بنت اتقدملها لما أهلها يعرفوا حالتي المادية يرفضوني لحد مالقيت سيلا حبيتها من قلبي كنت خايف إنها ماتحبنيش لكن الحمدلله ربنا كريم ..

بيجاد : خلاص اللي فات مات إحنا جينا هنا علشان ننبسط وننسى اللي فات ..

  

قضوا وقت جميل بين الكلام والهزار كانت الفرحه ماليه المكان والقلوب صافيه مافيش حقد ولا كره كل واحد لقى قلبه ونصيبه الحلو وسعادته 

سيف : بمناسبة اللمه الحلوه دي لازم ناخذ صوره حلوه علشان تبقى ذكر 

قربوا من بعض وأخذوا صوره جماعيه كلها حب

  

عندما ندرك أن الحب ليس التقاء بين جسدين.....بل لقاء بين روحين....عندها سيعلوا بنا الحب....ويمنحنا بصيرة عظيمة للحياة

توته خلصت لحدوته رأيكم يا سكرات

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا