مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 

رواية احببت مجنونة الجزء 5 (عشق بالخطأ) الفصل السادس 6بقلم نجمه براقه جديده وحصريه 

رواية احببت مجنونة الجزء 5 (عشق بالخطأ) الفصل السادس 6بقلم نجمه براقه جديده وحصريه 

احببت مجنونة 5   p6

#نسمه 

عدا تلات أيام وانا مش بخرج من البيت ولا شوفت زين،  لغيت ما حسام كلمني وطلب مني اروحلوه ضروري،  .. وانا وخارجه عشان اروحله، قابلت زين طالع  بالعربية،  وانا استنيته يمشي وبعدين ركبت عربيتي ومشيت وفي مكان بعيد عن الكمباوند وقف قدامي بعربيته ونزل منها وجه عندي وانا كنت قاعده مكاني منزلتش 

زين _ لسه زعلانه منى  

نسمه _ ممكن تبعد علشان اعدي 

زين _ انا اعتذرتلك يا نسمه 

نسمه _ انت تطفلت علي خصوصياتي وكمان كدبت عليه 

زين _ واسف على. كده،  اعتذرلك ازاي  تاني  

نسمه _ مش  عاوزة  اعتذار منك،  ممكن  توسع عربيتك عشان اعدي 

زين يلف لجهه التانيه  ويركب معاها  

نسمه _ انا اتاخرت 

زين _ على فكره انا مش متعود اعتذر، سامحيني يلا 

نسمه _ طبعا ما انت  نجم وفاكر انك  ممكن  تغلط ومحدش  يزعل  منك 

زين _ مش شايف نفسي نجم وانا معاكي،  انا شايفك صديقتي وبس وياريت تتصرفي علي الاساس وتسامحيني 

نسمه بإبتسامة _ اه 

زين _ اه ايه

نسمه _ طيب  مش  زعلانه  بس متكدبش عليه تاني  

زين  بإبتسامة _ اوعدك هتكون اخر مره

نسمه بإبتسامة _ ماشي

زين _ ممكن تغمضي عينيكي وتديني ايدك طيب

نسمه _ اوعا تكون هتحطلي تعبان 

زين بضحك _ ههههه اصلي حاوي انا علشان امسك تعبان في ايدي وادهولك 

نسمه بضحك _ وانا ايه عرفني هتعمل  ايه 

زين _ هاتي ايدك وهتعرفي 

غمضت عينيا وهو لبسني خاتم وبعدين قالي فتحي 

نسمه بذهول _ ودا كان معاك بردو 

زين _ ومش دا بس

نسمه _ امال ايه 

زين يطلع اسوره من جيبه _ ودي 

نسمه بإبتسامة _ انا قولت مش هلاقيهم تانى أبداً 

زين _ كانو مع الفلاشه 

نسمه بإبتسامة _ طيب ولبستني الخاتم ليه ما كنت ادتهوني البسه لوحدي

زين _ حبيت اعملك سبرايس 

نسمه بضحك _ سبرايس بخاتمي، دا بدال ما تجيب من عندك 

زين _ بس كدة، الليلة يكون عندك خاتم احلي منه 

نسمه _ بهزر انت صدقت

زين _ وانا كمان بهزر

نسمه _ ههههه ماشي...  ممكن اعرف بقا خبيتهم ليه ومقولتش انهم معاك من الاول 

زين _ عشان الاقي سبب اشوفك بيه 

نسمه بخجل _ اه....  طيب 

زين بإبتسامة _ اوكي  ... انا ماشي وهستناكي النهارده تعلميني الزومبا 

نسمه _ مقدرش،  بابا لو عرف هيضربني 

زين _ اتصرفي انا هستناكي 

نسمه_ ماهو...

زين _ نسمممه بربك،.. انا هستناكي ومليش دعوه

نسمه بإبتسامة _ اوك هحاول

زين_ اسمها هاجي 

نسمه _ خلاص هاجي 

زين بإبتسامة _ اوكي، باي  

رجع عربيته ومشي وانا روحت ل حسام في المكان اللي بنتقابل فيه دايما 

نسمه _ أتاخرت عليك 

حسام _ ايوة،  ليه كل ده 

نسمه _ الطريق كان زحمه 

حسام _ طيب ،  هو انا لازم اقولك تيجي عشان تفتكري تشوفيني 

نسمه _ كنت  مشغوله 

حسام _ مشغوله مع مين 

نسمه _ في البيت

حسام_  نسمه هو في حاجه حصلت كده ولا كده مقولتليش عليها وشغلاكي عني

نسمه _ لا مفيش  وانت عارف انا بخرج من البيت بصعوبه عشان اقابلك 

حسام _ يعني زين قابيل موخدكش مني 

نسمه _ واخدني منك ازاي

حسام _ يكون بتتقابلو مثلا، انا سمعت انه سكن عندكم في الكمباوند

نسمه _ انت مين قالك، انا مجبتلكش سيره

حسام _ عرفت من اخباره علي الانترنت، انتي ناسيه انه مشهور وكل حاجه بيعملها بيقولها علي النت 

نسمه _ معرفش، انا متابعه كل حسباته مشوفتش حاجه كده عنده 

حسام_ معرفش بقا انا شوفت الخبر ده على حساب بأسمه

نسمه _ ماشي  

حسام _ مجاوبتيش،  هو  اللي  واخدك مني 

نسمه  _ ايه واخدك دي،  مفيش  الكلام  ده 

حسام _ اتمنا 

نسمه _ لا اطمن محدش بيخدني من حد 

حسام _ ومالك قفشتي ،  انا  بقولك  كده  علشان  خايف  اخسرك،  ومش  عاوزك تتعاملي مع  الواد ده 

نسمه _ مالو،  على فكره زين ده شخص كويس ومش  زي بقيت المشاهير 

حسام _ مدام مشهور  يبقا زيهم واي حركه بيعملها كله بيعرفها 

نسمه _ ماشي ماشي،..  خد دول 

حسام _ ايه  دول  

نسمه _ الخاتم والاسوره اللي  كانو  ضايعين مني 

حسام _ لقيتيهم فين 

نسمه _ زين الي مش عاجبك هو  اللي  رجعهملي 

حسام _ ماشي  يشكر بس بتدهمني ليه 

نسمه _ خدهم بيعهم وابتدي بيهم مشروع 

حسام _ لا طبعاً،  نسمه انتي كده بتحسسيني بعجزي مش  بتساعديني 

نسمه _  انا وانت واحد بلاش كل ما اقولك  خد حاجه تتعامل بالحساسيه دي 

حسام _ لا مستحيل اخدهم،  وربنا  يقدرني وارجعلك اللي  ادتهوني 

نسمه _ انت لو مخدتهمش والله  ما هتشوفني تاني 

حسام _ يا نسمه ايه اللي انتي بتعملية ده 

نسمه _ انت هتاخدهم دلوقتي ولا امشي ومتشوفش وشي تاني 

حسام _ مشكلتي اني مش بقدر ازعلك بس ده مش  اسلوب 

نسمه _ طيب  خد لو مش عاوزني ازعل بجد

حسام بزهق _ هاتي وامري لله،  بس الحركه دي لو اتكررت انا اللي همشي  ومش  هتشوفيني تاني 

نسمه _ ماشي مش هتتكرر تاني  ..  انا  ماشيه 

حسام _ ملحقتش اقعد معاكي 

نسمه _ نقعد بعدين يدوب اروح  قبل  ما يوصل بابا

حسام _ ماشي حبيبتي ابقي كلميني لما توصلي 

نسمه _ ماشي  

#مسك 

روحت الشغل وقعدنا انا وزين وبقينا نتكلم عن حياته الجديده 

مسك _ شيفاك مرتاح وانت بعيد  عننا 

زين _ انا مرتاح بس مش عشان بعيد عنكم 

نسمه _ ايه بقا اللي مريحك هناك 

زين _ بيت خاص بيه،  و هدوء بعيد عن  عياط ابنك،  وبنام براحتي  ومش بسمع ضحككم انتي  وسيف، وكمان اتعرفت علي صديقه جديده 

مسك _ صدددديقه اه،  لا كده  تبقا مرتاح بجد 

زين بإبتسامة _ مسك بربك متأفوريش،  هي صديقة  وبس 

مسك _ وانا اتكلمت يابني 

زين  _ ومتتكلميش احسن،  يلا هنعمل  أيه 

مسك بإبتسامة _ هنصور مشهد مع الصديقة،  اقصد الحبيبة  

زين _ ههههه انا غلطان اني جبتلك سيره  

مسك _ حبيبي انا افهمك من غير  ما تتكلم  

زين _ في  دي غلطانه لأنها صديقة  وبس  

مسك _ قال يا خبر بفلوس 

زين _ مفيش  اخبار يامسك،  خلينا نشتغل عشان لازم أمشى  بدري 

مسك _ هي الصديقة  مستنياك 

زين _ لأ  

مسك _ امال 

زين _ مشوار كده 

#ريماس 

الليله دي منمتش وانا ببكي من قلقي علي سليم، وبقيت  ارن علي  خالد  ومش  بيرد،  والنهار طلع ،  ومسك جابتلي أسر،  وبقيت العبه وأكله ونومته وانا لسه على نفس الحاله لغيت ما جه سيف  وسمعت صوت عربيته،  ف خدت أسر، وطلعت عنده علشان  ادهوله واتهرب بأي حجه واروح اشوف  خالد يمكن يحن عليه ويخليني اشوف ابني

ريماس _  ممكن أسر يقعد معاك  يكون  روحت مشوار وارجع اخده منك 

سيف _ لأ 

ريماس بخيبه _ انا لازم اروح المشوار ده ضروري،  لو سمحت  

سيف بحده _ قولت  لأ،  لما  تيجي  مسك ابقي روحي  

ريماس _ ماشي،  

سيف _ مشوار ايه اللي عاوزة  تروحيلوه 

ريماس _ مشوار خاص 

سيف _ علي حد علمي ملكيش قرايب تروحيلهم وشغلك سبتيه،  مشوار  ايه الخاص ده بقا 

ريماس _ هزور قبر جوزي 

سيف _ اه...  اوكي تقدري تروحي  

ريماس _ متشكره اوي 

سيف _ متتأخريش عشان  انا ورايا مشاوير اعملها 

ريماس _ حاضر  

ادتله أسر ومشيت  ومنستش اوقف عند الباب  وابصله، للحظات ضمن الخطه ،  وهو  لاحظ نظراتي ليه ومشي  وسابني....  شكله  كده مش هينفع معاه الجو ده،  دا عاوز رقاصه عشان  تلفت انتباهه

روحت المطعم وقابلت خالد وبقيت اترجاه يخليني اشوف  ابني 

خالد _ مش  قبل  ما تنفذي الاتفاق 

ريماس _ انا شغاله دلوقتي بس هو شكله صعب والله ما بيطقني،  انا  مش  عارفه هوقعه ازاي  ده،  

خالد _ هو  انتي  مش  ست 

ريماس _ ايوه  بس  هو  بيحب  مسك ومستحيل يبص لغيرها 

خالد بعصبيه _ اخررسي،  ونفذي والا قسمآ عظمآ ما هتشوفي ابنك غير  جـ.سه متقطعه 

ريماس ببكاء _ وابني ذنبه ايه

خالد _ اطلعي بره  ومشوفكش تاني غير وانتي  مخلصه كل  حاجه 

ريماس ببكاء _ ونبي اشوفه مره واحده وبس والله وهسمع كلامك 

 

نده على  الامن وطلعوني بره.. وقعدت في الشارع  ابكي لغيت ما حسيت نفسي مكتوم، وبدأ السعال  ف قومت و وقفت تاكسي ورجعت  بسرعه،  ودخلت  اجري عشان الحق اخد الدوا وانا في  طريقي شوفت سيف قاعد  مع  أسر  في  الجنينه، قريب من حمام السباحه.. وتجاهلته وروحت  علي اوضتي خدت الدوا ولما ارتحت استدرت وروحت للباب ف لقيت سيف واقف  وشافني انا وباخد الدوا 

ريماس بلخبطه _ في حاجه حضرتك

سيف بحده_ وريني علبة الدوا دي

ريماس _ لأ 

سيف  يدخل عشان يجيبها وهي  تجري تمسكها وتخبيها في هدومها 

سيف بحده _ ورييييني العلبه  

ريماس _ لأ  

سيف يمسك ايدها ويضغط عليها بقوة _ بقول وريني  

ريماس  _ لأ 

سيف يزيد ضغطه على ايدها _ اخلصي لا اكسرهالك

ريماس تداري ألمها _ لو هتقدر تاخدها خدها بنفسك

سيف _ اخدها؟ 

ريماس _ ايوة 

سيف _ خليني اقول ان دي محاولة  منك لاغرائي 

ريماس ببرود _ بعد  جوزي، متخلقش الراجل اللي يلفت انتباهي عشان  اغريه...  ولو فيه مش  هيكون  جوز مسك 

سيف _ يستحسن يكون  الموضوع  كده  فعلاً  

ريماس تبصله بتركيز في عينيه _ ممكن  تسيب ايدي  عشان  بتوجعني،  وكمان مسك لو شافتك معايا..  لوحدنا في اوضه واحده وماسك ايدي  هتفهمنا غلط 

سيف _ لا واضح اوي انك بريئة،.. وبيذق ايدها بقوه وتتخبط في  طرف التربيزه 

ريماس تمسك ايدها وتحاول تداري ألمها _ أسر لوحده ممكن تبعد عشان اشوفه

سيف بخنقه_روحي

ريماس تمشي خطوات وصوته يوقفها 

سيف_ هو المرحوم مات موته طبيعيه ولا اتصدم فيكي 

كلمته حسيتها زي السكاكين بتقطع فيه، واتمنيت اني كنت موت قبل ما اسمعها، ومكنش مني غير اني اسيبه واروح اشوف أسر ولما وصلت بقيت ابص يمين شمال ملقتهوش، ولما قربت من حمام السباحه لقيته واقع فيه 

#سيف

طلعت وراها  وشوفتها بتجري علي حمام السباحة وترمي نفسها فيه، ولما بصيت علي أسر ملقتهوش لغيت ما شوفتها مطلعاه من حمام السباحة، جريت عليه بسرعه وهي كانت بتضغط علي قلبه ولما وصلت كان رجع يتنفس، شديته منها وحضنته وانا جسمي كله بيترعش من الخضه، 

ريماس ببكاء _ خليني اطمن عليه

سيف بدموع _ ارجعي مكانك 

ريماس ببكاء _ اطمن عليه الاول 

سيف بغضب _ قولتي ارجعي مكانك 

مسك بتدخل وبتشوفه وبتطلع تجري عليهم 

مسك بصدمه _ ايه اللي حصل 

سيف بدموع _ وقع في حمام السباحة، وكان هيموت 

مسك تشده منه وتحضنه وتبكي _ ياحبيبي يابني،... وانتو كنتو فين 

ريماس ببكاء_ اسفة اطريت اسيبه 

مسك بانفعال _ اسفه، وانا كنت هعمل ايه بأسفك لو حصله حاجه 

ريماس ببكاء _ غصب عني

مسك بانفعال_ اطلعي بره مش عايزة اشوفك هنا تاني 

ريماس بدموع _ حاضر، بس ممكن اطمن عليه 

مسك بتحذير _ اياكي تقربيلوه تاني

ريماس ببكاء _ حاضر، هروح الم حاجتي وهمشي 

سيف _ مش هتمشي 

ريماس توقف وتبص بعيد عنهم  

مسك بعصبيه_ لا هتمشي، مستحيل تقعد دقيقه واحده هنا

سيف _ انا اللي سبته لوحده وهي انقذته، 

مسك بعصبيه _ ازاي  يعنى  انا  سبتهولها هي،  وانا  شيفاك انت اللي  انقذته مش  هي،  متدافعش عنها  

سيف _ انا خدته منها في الاول  وسبته ودخلت  ولما  رجعت لقيتها بطلعو من حمام السباحة وتعمله إسعافات،  وزي مانتي  شايفة  هي  اللي  مبلوله مش  انا

مسك بدموع _ ريماس انا  اسفه، بجد بس مقدرتش اتمالك اعصابي لما شوفته كده 

ريماس بدموع _ ولا يهمك،  انا  رايحه  الم حاجتي  وهمشي

مسك توقف قدامها _ لا مش  هتمشي،  سامحيني  عشان  خاطري  

ريماس ببكاء _ انتى  اللى  تسامحيني انا  استاهل اكتر من كده 

مسك _ بتقولي  كده  ليه  

سيف _ روحي  غيري ل أسر  قبل  ما ياخد برد وبعدين اتكلمو 

مسك بدموع _ حاضر،  بس  متخلهاش تمشي يكون  رجعت  

سيف _ ماشي  

مشيت وانا  وقفت جمبها  وهي بتحاول تداري وشها مني 

سيف _ المفروض كنت سبتها تمشيكي، بس مينفعش بعد ما انقذتي ابني ودي الحاجه الوحيدة اللي شافعتلك عندي

ريماس بدموع _ الظاهر ان ربنا خالقك عشان تكون سبب في موت ناس كتير مش ابنك بس 

سيف _ وانا كنت سبب في موت مين بقا انتي بتخرفي بتقولي أيه 

ريماس _ سيبك من تخريفي وقولي ليه مقولتلهاش انك كنت معايا في اوضتي لوحدنا 

سيف بغضب _ بلاش تلميحاتك دي، انا فاهمك كويس، وعارف نيتك،  بلاش انا علشان هتتعبي اوي

ريماس _ صعبانه عليه اوي مسك، واخده واحد كداب،... مش لسه من كام يوم قولتلي مش بخبي عليها حاجه، ليه بقا خبيت انك كنت معايا 

سيف  _ كنت معاكي؟ 

ريماس _ اه مش كنت معايا دلوقتي ومسكت ايدي وادخلت في حاجات ملكش دخل فيها، 

سيف  _ امممم لو فهمي مش بيخوني ف انتي بتحاولي تستفزيني  عشان نكون مع بعض صح

ريماس بضحك _ انا قولتلك من شويه لو فكرت في حد بعد جوزي مش هيكون جوز مسك،،، انت مش النوع اللي بيشدني،،، عن اذنك

متأكد انها بتستفزني عشان اغلط واكون معاها، بس انا هخليها تشوف نفسها رخيصه اوي علي اللي بتعمله ده

#ريماس 

كنت بحاول استفزه عشان يغلط واخلص، بس هو مش ضعيف اوي كده علشان يغلط لما استفزه، ومش هينولهاني بسهوله، لكن علشان ابني يرجعلي مش هسكت غير لما انفذ مهمتي، وبعدها، موت خالد هيكون على ايدي دا لو انا مموتش قبل ما اخلص عليه

#ياسر

رجعت البيت تاني يوم ولقيت ماما مستنياني 

شهيره _ كنت فين 

ياسر_ في ايه يا ماما 

شهيره _ السنيوره دخلت من العصر امبارح ولسه مخرجتش جنابها، فهمها ان هنا محدش هيخدمها لتكون فاكره نفسها.متجوزه بجد 

ياسر _ مطلعتش خالص 

شهيره _ لاا مطلعتش 

سبتها وطلعت اوضتي، لقيتها ماشيه وبتتسند علي الحيط وشكلها تعبان اوي، وبصيت علي التربيزه، لقيت كل شرطان الدوا فاضيه،  روحت جمبها وانا شاكك انها تكون شربتهم.كلهم 

ياسر _ انتي عملتي أيه 

مريم بدوخه _ شربت كل الدوا وهموت وارتاح منك

ياسر _ الله يخربيتك، علي اليوم اللي شوفتك فيه، تعالي 

شيلتها و وديتها الحمام وحطيت ايدي على معدتها والايد التانيه، بقيت اضرب بيها علي ضهرها لغيت ما رجعت كل اللي شربته،  وبعدين حطيت دماغها تحت الحنفية، وهي عماله تقاوم بس مقدرتش تقاوم كتير عشان دايخه بسبب البرشام اللي شربته 

ياسر يقعدها على قعدة الحمام _ ارتاحي 

مريم بدوخه _ مين قالك تلحقني انت عاوز منى ايه تاني

ياسر بخنقه _ انتي بتعملي معايا كده ليه، هو انا اذيتك في حاجه ولا اعرفك قبل كده 

مريم بدوخه _ محدش اذاني قدك، انا بكرهك 

ياسر _ انا بجد بقيت مشوش،، عارفه لو بتتهمي حد غيري والله كنت صدقتك ومش بعيد كنت ساعدتك، بس انتي بتتهميني انا 

مريم بدموع _ ولو انا مشوفتكش بعيني كنت صدقت ان اللي عملها واحد تانى 

ياسر بخنقه _ طيب اعتبريني صديق و صرحيني، وانا اوعدك هفهمك،،، انتي بتعملي.كل ده ليه.... حد ضحك عليكي وخلي بيكي وخوفتي ف عملتي كده يعنى

مريم ببكاء _ استغفر الله العظيم،.. انت عاوز تطلعني مجنونه يعني 

ياسر _ لا انا المجنون ياستي،، يلا سامعك قوليلي ايه اللي حصل بقا 

مريم تقوم بغيظ ف توقع وهو يسندها 

مريم بدوخه _ ابعد عني 

ياسر _ طيب بس تعالي نامي علي السرير

سندتها لغيت السرير ونامت، وانا قعدت علي الكنبه وانا دماغي بتشت مني، البنت دي هتجنني، دي شككتني في نفسي 

#زين 

خلصت شغل،  ورحت علي  محل مجوهرات،  عشان  اشتري سلسله وخاتم هديه ل نسمه،  وانا و واقف وبختار،  لقيت واحد وقف جمبي وبيكلم البائع،  وانا كنت منتبه للمجوهرات لغيت ما لمحت مع الولد ده  خاتم واسوره شبه بتوع نسمه بالملي،   ف استنيت يكون  خلص  مع البائع وبعهمله وبعدين  انا  اشتريتهم،  واشتريت سلسلة بحرف ال N وروحت  البيت  وانا  ناوي ادهملها هديه   

ولما  وصلت شغلت الموسيقي،   وطلعت   في  الجنينة  وفضلت مستنيها، ومجتش  وبعد  ما فقدت الامل  انها تيجي ودخلت البيت... سمعت الباب  بيخبط،  استدرت ف لقيتها  هي  قدام  الباب، وروحت فتحتلها 

زين _ كل  ده  تأخير  

نسمه _ اسكوت انا كدبت علي بابا علشان اقدر اجيلك 

زين _ ليه الكدب ما تقوليلوه اننا صحاب وريحالوه 

نسمه _ هنا  مش  زي امريكا 

زين _   امريكا احسن على الاقل مش بنطر نكدب عشان نعمل  حاجه 

نسمه _ انت هتاخد الموضوع بحساسيه ولا إيه،.. خلاص انا ممكن امشي،.. اصلا انت اللي طلبت اجي

زين_ لأ طبعا تمشي ايه انا من بدري مستنيكي 

نسمه _ طيب يلا بقا علشان متأخرش 

زين _ اول يوم نخليه بريك ونبتدي من بكره تدريب

نسمه _ امال جايبني ليه لما هو بريك 

زين _ حابب نقعد مع بعض 

نسمه _ احنا داخلين علي المغرب لو تاخد بالك يعني 

زين _ مش هاخد من وقتك كتير 

نسمه _ طيب، 

زين يمسك ايدها _ تعالى عاوزك 

نسمه _ عاوزني فين 

زين _ تعالي متخافيش 

خدتها و وقفنا قدام مرايا في الصالون 

نسمه _ في ايه يا زين 

زين يوقف خلفها ويلبسلها السلسلة وهي تمسكها وتبصلها في المرايا

نسمه _ ايه ده 

زين _ دي هديه 

نسمه _ وجايبها ليه، 

زين بإبتسامة _ ايه رايك فيها

نسمه _ حلوه اوي بس  مش  هقدر  اقبلها 

زين  _ انتي  قبلتيها خلاص  

نسمه _ انا  اسفه بجد مش هقدر،  هقولهم مين جبهالي 

زين _ نسمممه بربك مش كل حاجه هتصعبيها كده  

نسمه _ انت مش  فاهم،  ماما بتسأل  علي  كل  حاجه 

زين  _ قولي  اي حاجه بس  هتخديها 

نسمه  _ مكنش  ليه  لزوم 

زين _ انسي السلسلة دي وشوفي دول 

نسمه  تاخد  منه علبه وتفتحها تلاقي الخاتم والاسوره بتوعها 

زين _ زي بتعاتك بظبط 

نسمه _ جبتهم منين  دول  

زين _ من نفس  المحل  اللي  جبت  منه السلسلة  دي

نسمه _ كانو في المحل  يعني 

زين  _ لا لقيت  واحد جاي يبعهم ف اشتريتهم 

نسمه _ يبقا هو 

زين  _ هو  مين 

نسمه  _ دا حد  كنت  قولتله يبيعهم علشان  اجيب بدالهم 

زين _ ههههه،  وانا راجع اجبهملك تاني 

نسمه  _ تجيبهم لمين،  مش  موافقه  طبعا 

زين  _ نسمممه بربك 

نسمه  _ نسممممه بربك،  انت ماسك  في  الكلمه  دي ليه،  ..  طبعا  مش  هاخدهم كفايه  دي

زين _ هتاخديهم 

نسمه _ مش هاخدهم 

زين  _ هتخديهم 

نسمه  _ الله  مش  عاوزاهم هي  بالعافية 

زين  _ انا  جايبهم عشانك  

نسمه _ رجعهم،  انا. كفايه  عليه  دي

زين  _ علشان  خاطري 

نسمه  _ خاطرك على  عيني بس  كده  كتير 

بقيت  اتحايل عليها  تاخدهم وهي رفضت واكتفت بالسلسله،  وبعد  ما خلصنا وجت تمشي  طلبت منها نرقص سالسا مع  بعض دقيقة واحدة  وبعد  محايله وافقت، وبدأنا الرقص والصراحه انا كنت  مبسوط  ومندمج معاها لدرجة اني نسيت نفسي  وفي  نهاية الرقصه وقفت ابصلها هي مايله علي  دراعي وحاسس ان عيونها بتجذبني ليها أكتر،  وايدي بدأت تقرب من وشها بدون ادراك 

#نسمه 

عدت لحظات وانا  بين  ايديه ومش  قادره اتحرك وانا بصالوه لغيت ما ايده لمست خدي،  وقتها اعتدلت،  وطلعت  اجري واول ما وصلت  بيتنا لقيت  بابا في  وشي  وبيبصلي  بشك

سليمان  _ بتجري  ليه  

نسمه  بارتباك _ كان في كلب بيهوهو ف خوفت 

سليمان  _ روحتي ازاي  من غير  عربيتك

نسمه  بارتباك  _ اصل اصل،  انا  غيرت رايي وروحت السوبر ماركت  اشتري حاجه 

سليمان _ هي فين  الحاجه  دي 

نسمه  _ ايه ده  هي  راحت  فين،  كانت معايا  ...  هو  الكلب ابن الكلب  اللي. جراني خلاها توقع

سليمان  _ هي ايه  الحاجه  دي 

نسمه  بارتباك  _ ااااااا ششششيبسي واندومي 

سليمان  _ طيب  ادخلي  ولما  تعوزي حاجه هايفه زي دي ابعتي  أسينات او اي حد من الأمن

نسمه  _ حاضر  

سبته وطلعت  اوضتي جري وقفلت علي  نفسي  بالمفتاح وانا  ايدي بترتجف،  وبعد  وقت طلعت  في  البلكونة،..  لقيته  هو  كمان  واقف في  البلكونة  بتاعته،  ف دخلت  تاني، وانا مكسوفه من نفسي ومش  عارفه  هقابله ازاي  تاني 

#زين 

دخلت علي تسجيلات الكاميرا وحفظت المده اللي كنا فيها مع  بعض  وحطتها في  ملف خاص بيها مع  الفيديوهات  بتاعتها،  وبقيت  اتفرج عليهم،  وابتسم لا أرديآ

#اسراء 

الليله  دي روحت  عند حسام  بعد  ما عرفت  انه خد الخاتم والاسوره من نسمه وباعهم،  

اسراء _ عملو كام  

حسام _ 20 الف بس  

اسراء  _ حوسو مش عليه  يا حبيبي،  البت  قيلالي ان حقهم يعدي ال100 الف

حسام _ هه 100 الف ليه،، الماس 

اسراء _ ايوه الماس،  اطلع بالفلوس

حسام  _ معملوش غير  55 الف،  انتي  هتاخدي عشرين  وانا  اخد الباقي 

اسراء  _ 27 يا حسام  

حسام  _ خلاص  25 علشان  انتي  حبيبتي  

اسراء  _ ولاااا متنرفزنيش هاتي الفلوس  لاما هفضحك دلوقتي  

حسام _ دا انتي  ...  استني  اجبهملك 

دخل  جابلي الفلوس وقعد 

حسام _ معرفتيش تجيبي الفلاشه  بردو

اسراء  _ لأ  امها القرشانه وقفالي زي غفير نص  الليل. كل ما اروح  تفضل مركزه  معايا 

حسام  _ اتصرفي عاوزين نعمل  سبوبه من وراها عشان  نقب من الفقر  ده  

اسراء  _ الاهم  من السبوبه هو  الانتقام  منها  هي  والفاشل اللي  عامل  فيها  مطرب 

حسام  _ ننتقم منه ازاي  ده  

اسراء  _ بعد  ما نلاقي الفلاشه  هقولك

تكملة الرواية من هناااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله الجزء الأول1 من هناااااااااا

الرواية كامله الجزء الثاني2 من هناااااااااا

الرواية كامله الجزء الثالث3 من هناااااااااا

الرواية كامله الجزء الرابع4 من هناااااااااا

الرواية كامله الجزء الخامس5 من هناااااااااا

مجمع الروايات الكامله اضغط هناااااااا