رواية جنة النسر العاشق الفصل السادس 6بقلم زهرة الربيع جديده وحصريه
رواية جنة النسر العاشق الفصل السادس 6بقلم زهرة الربيع جديده وحصريه
6_يلا إدفنيه بيدك الي خطيتي وحبلتي منو اخلصي
جنه مسكت الكريك واديها بتترعش وبقت تبص لمجد جوه الحفره وهو كان بيبصلها بمعني تسمع كلامهم
بقت تبكي بشده ومكانتش شايفه من كتر سحب الدموع الي اتجمعت في سما عيونها ..بقت تشيل بالكريك شويه قليله من التراب وترميهم ناحيه رجليه وهيه مرعوبه وبتبكي
بس حجاج شخط فيها وقال..مش هناخد اليوم..اخلصي
جنه اتنفضت من صوتو وبلعت ريقها وحاولت تاني ..بس مقدرتش وقعت على الارض وغمضت عنيها وقالت ببكا ...انا لله وانا اليه راجعون..انا الله وانا اليه راجعون..اتشهد يا مجد . .اتشهد وربنا معانا
مجد نزلت دمعه من عيونه كان بيتمنى لو يقدر ينقذها ..غمض عيونه ونطق الشهاده واستسلم لمصيره المحتوم
رجالة حجاج بقم يفتحو قبر تاني لجنه وبقم يدفنو مجد
بس قبل ما يخلصو وصلت عربيات كتير ومليانه رجاله مسلحين ونزل منها علي ومعاه شاب اربعيني ببنيه قويه ولابس لبس صعيدي وشايل السلاح واتقدم هو ورجالتو على حجاج ورجالتو واول ماشاف مجد في الحفره بص للحجاج بغضب وقال..عارف ده يبقى ابن مين يا حجاج...عارف انك فتحت على نفسك ابواب جهنم
حجاج بصلو بسخريه وقال..يلزمك يا صابر ولا ايه
صابر قال بغضب..ده ولد عمي..جدو يبقى الحاج فراج..الي البلد دي كلها عايشه من خيره
حجاج اتفاجأ بس ابتسم و قال بسخريه..اه..قصدك فراج الله يرحمو..بس انا مبعملش حساب للحيين علشان اعمل للميتين يا صابر
صابر قال بغضب وثقه...بس لما يكون الميتين جزمتهم برقاب الحيين يبقى لازم بتعملهم حساب يا حجاج
حجاج اتغاظ والغضب سيطر عليه وقال...ده غلط معاي وملوش خروج من هنا ..ولو الحاج فراج طلع من تربتو ونطق وقال يمشي برضو هموتو
صابر ابتسم بسخريه وقال..الحاج فراج يتعب نفسو وينطق ليه طالما انا موجود.. وبصلو بتحذير وغضب وقال...كلمه ورد غطاها ..بتك عندك سيب ولدنا واحنا ملناش صالح بيك
حجاج قال بزعيق وغضب ..ابنكم اتعدى على حرمة بيتي
صابر قال... انا مليش صالح بكل ده انت بقالك ٣ ايام بتدور على الي غلط مع بتك..وكل البلد عرفت..واكيد الي عمل كده خايف يظهر... انما الغلبان ده اول مره يزور البلد جيه يصور فيها علشان هيه بلد جده الله يرحمو يعني ضيف عندك والي عملتو ده يطير فيه رقاب
حجاج رفع سلاحو وقال..مهيمشيش من هنا..هيدفن معاها..ولو على الرقاب انا بحب اطيرها
حجاج قال كده وصابر رفع ايده لرجالتو وابتدي تبادل اطلاق النار بين رجاله حجاج ورجاله صابر
في الوقت الي المكان كان مليان بالرصاص كانت جنه بتحاول بكل قوتها تطلع مجد من الحفره وعلي جري عليه وطلعو معها وهو مخضوض عليه
علي هو وجنه سندوه وراحو بيه على العربيه وكان صابر متفق معاه انو اول ما يشغل الحجاج ورجالتو هو يهرب مجد
علي دخل مجد العربيه ولسه هيقفل الباب مجد مسك ايد جنه جامد وقال بصوت مبحوح من الألم...لا..متسبهاش يا علي.
بقلم..زهرة الربيع
على استغرب واتوتر وقال..صابر قال اخدك انت بس..دي لو اخدناها اهلها مش هيسكتو
جنه ابتسمت لمجد وقالت...معاه حق متخافش علي..صدقني انا مفرقاش معاي روح انت يا ود الناس كده تشكر قوي
جنه لسه هتمشي بس مجد كان ماسك ايدها ومش عايز يسبها وقال بتعب...لا...مش..مش همشي من غيرك
علي وقف مكانو بتوتر وجنه كانت بتحاول تفلت ايدها منو وقالت..يا ود الناس روح هملني انا زينه قولتلك
بس صابر بص لعلي بغضب وشاورلو بمعنى يطلع بسرعه
علي قال بخوف....اطلعي يالا بسرعه..يلا اطلعي انا عارفو مش هيمشي من غيرك
جنه وقالت...بس..
لاكن علي قاطعها وقال..يلا مفيش وقت
جنه طلعت بسرعه وعلي ساق بأقصى سرعه
بقلم..زهرة الربيع
على الطريق مجد كان بيتنفس بالعافيه من الالم وجنه كانت قلقانه جدا عليه وحاطه راسو على رجلها وضاغطه على جرحو علشان النز،يف
مجد ابتسم بالعافيه وقال...لو ..لو مت...خلي..خلي بالك من نفسك يا صغيره...كان نفسي ابعدك عن كل ده..لاكن الاجل ميتأجلش
جنه نزلت دموعها وقالت...متقولش كده انت هتقوم هتقوم علشان نفسك انت حرام تروح في حاجه ملكش ذمب فيها..ان شاء الله ربنا مش هيسيبك..قول يا رب يا مجد ربنا معانا
مجد ابتسم وقال..ربنا معانا يا جنه
على اتنهد بضيق وقال...اقدر افهم ايه الي بيحصل ده..وليه كنت هتودي نفسك في داهيه علشان واحده متعرفهاش ..انت مش هتبطل تهور
مجد لسه هينطق جنه قالت بضيق...حتى لو عايز تعرف اكيد مش وقتو..هو مش قادر ينطق خلينا نلحقو الاول
على نفخ بغيظ وكمل بسكات لحد ما وصل مكان في منطقه صحراويه منعزله وكان فيه بيوت ضغيره جدا جمب بعض زي ما تكون بيت واحد بس متفرقين
نزل من العربيه وسند مجد ونزلو هو وجنه واخدوه على بيت منهم وكان فيه دكتور هناك مستنيهم
علي قال للدكتور ..هو ..صابر كلمك
الدكتور ابتدي يساعد مجد ويجهز حاجتو هيطلعلو الرصاصه وقال...ايوه كلمني و قلي استناكم هنا ..هو شويه وهيجي..يلا ساعدني علشان نطلعلو الرصاصه
وابتدا الدكتور يشتغل وجنه وعلى كانو بيساعدوه وجات بنت منتقبه تبان في العشرينات وكانت بتجبلهم كل الي يحتاجوه من غير ما يعرفوها اصلا
بعد وقت الدكتور كان خلص وخيطلو الجرح وكان على وجنه والبنت الي ساعدتهم في الاوضه مع مجد..وهو لسه مفاقش
جنه بصتلو بدموع وقالت...يارب يكون بخير..انا خايفه قوي
على بصلو بحزن شديد واتنهد وقال...يارب
البنت الي معاهم ابتسمت وقالت..متخافوش..ده حفيد فراج النسر..يعني ميتخافش عليه
علي بصلها باستغراب وقال...هو معلش..انتي مين
البنت قالت..انا مروه...مرت صابر...هو وصاني عليكم...وقلي اخلي بالي معاكم..متقلقوش ان شاء الله هيقوم بخير...وبصت لجنه وقالت....انتي تعالي معاي ..هديكي خلقات تغيري وترتاحي ..على بال ما يفوق
جنه مشيت مع مروه وعلى فضل جمب مجد
بعد ساعات وصل صابر والكل فرح جدا وهو دخل فورا عند مجد وقال بقلق..ها لسه مقامش
علي ابتسم بفرحه وقال..الحمد لله انك رجعت..ده انا قولت انك خلاص ..وهنصلي عليك انهارده
صابر ابتسم ابتسامه جانبيه وقال...انا صابر النسر..يعني عيب تقولي الجمله دي..ها مجد عامل ايه
على بصلو بحزن وقال..كل شويه يفتح عنيه ويرجع ينام تاني
صابر اتنهد وقال..عادي من البنج..المهم بت الحجاج فين
على بصلو باستغراب وقال..البنت الي كانت معاه
صابر قعد وقال بخنقه..اه يا خوي الي كانت معاه...وبعدين انا مش قولتلك تاخدو لوحدو..تموتو وتجيبو لنفسكم البلاوي
علي قال وان مالي بس..هو الي اصر ياخدها انا حتى معرفش اي حاجه
صابر قال بضيق وسخريه...وانت هتعرف ازاي مش كنت هربان من العفاريت..على العموم ..البت دي بت الحجاج من يومين ربنا يستر على ولايانا عرف انها حبله وهيه لسه بنيه متجوزتش..وحلف يدفنها هيه وحيه...انت اول ما قولتلي على الي حصل معاكم وعلى المكان الي سمعتو فيه الصوت فهمت على طول ان حظكم الزين اخدكم هناك..والحمدلله اننا لحقناه
على قال بزهول..يدفنها حيه..انت بتقول ايه..ايه الجنان ده
صابر قال..ده اقل واجب على الي عملتو..الي غايظني بقى تحشرو نفسكم ليه..انتو هنا في امانتي لحد ما تعاودو البندر لازم تطلعوني عيل ومعرفتش احميكم..اديكم فتحتو علينا طاقه جهنم..وخسرت رجاله كتير ولسه الحجاج مش هيسكت ده ضلالي وانا عارفو
مجد فتح عنيه وقال بتعب...صابر
صابر بصلو بلهفه وقال...ايوه يا ولد عمي..ايه..ان شاء الله احسن
مجد قعد بالعافيه وقال بتعب ..جنه..جنه فين
صابر اتنهد بضيق وقال...مع مرتي جوه..متقلقش..هيه بخير
مجد اتنهد بارتياح وقال بتعب شديد..البنت دي مظلومه..وغلبانه يا صابر..انا مش..مش عايز اورطك معايا.. بس معرفش غيرك هنا
صابر اتنهد وقال..تورطني ايه ما ورطتك هيه ورطتي..انت بس مكانش له لزوم تدخل من الاول..ده واحد بيغسل عاره..الراجل مغلطانش
مجد قال بسرعه..لا..لا قولتلك البنت بريئه انا عرغت كل الحكايه
صابر اتنهد وقال..المهم ارتاح دلوك..وشد حيلك وبكره نتكلم
عند جنه كانت مع مروه جابتلها عبايه ونقاب من عندها لانها هيه كمان منتقبه وجنه استحمت ولبست وخرجت تطمن على مجد لسه هتدخل عند مجد لقت صابر طلع من عندو بصلها بضيق وجنه بلعت ريقها بارتباك وقالت..حمد الله على سلامتك يا صابر بيه
صابر قال بضيق..حمد الله على سلامتك انتي يا بت الحجاج....اسمعيني زين الجدع الي جوه ده مش عايش زينا ولا يعرف عوايدنا...تطمني عليه وتهمليه في حاله..كفايه الي جرالو من تحت راسك
صابر قال كده وراح عند مروه وجنه نزات دمعه من عيونها مسحتها بسرعه ودخلت عند مجد
على كان جمب مجد وبيحاول يأكلو وهو مش قادر وجنه خبطت على الباب بتردد وووو
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
تعليقات
إرسال تعليق