رواية مجنونه بالأجبار الفصل 1-2-3-4-5بقلم اروى عادل
رواية مجنونه بالأجبار الفصل 1-2-3-4-5بقلم اروى عادل
#نبذة٠عن٠روايتى٠الجديده٠ارجوا٠ان٠تنال٠أعجابكم
#رواية٠٠مجنونه٠٠بالأجبار
تبدء الأحداث عندما قرر د/ أسر ابو العز عمل رسالة الدكتوراه على مريضه فى المستشفى النفساني
● و هنا تتوالا الأكتشافات●
#الاكتشاف_الأول
•أن المريضة الذى قرر يعمل عليها رسالة الدكتوراه مسجلة بأسم فتاة ماتت منذ ٤ سنوات
#الاكتشاف_الثانى
ان المريضه اسمها الحقيقى ماليكة ..وانه تم تزوير موتها هى و شقيقتها التوأم. بعد ما تم خطفهم
#الاكتشاف_الثالث
•أغتصاب أحدى التوأمتان أمام الأخرى
و الأتفاق على جنان الشقيقه الاخرى لأخفاء الحقيقة. •
#الاكتشاف_الرابع
توريط اثنين من رجال الأعمال المهمين فى الأمر
××××××××××××
#رواية٠مجنونه٠بالأجبار
#الكاتبة٠أروى٠عادل
#الفصل٠الاول
دكتور أسر أبو العز ماجيستير فى الطب النفسى
من جامعة كامبردج ببريطانيا و اشتغل ف أشهر مستشفى فى الطب النفسى ف. لندن رجع مصر من ٦شهور ..اشتغل فى مستشفى و مصحه خاصة للأمراض النفسية و العقلية بجانب مستشفي حكومية
أسر شاب طموح مثقف رياضى من أم بريطانيه و أب مصرى
مقيمون فى بريطانيا....عايش حاليأ مع جدته أم أبوه فى القاهرة
تبدء القصة عندما قرر أسر عمل رسالة الدكتوراه على حالة ميؤوس من علاجها
◇■◇■◇■◇■◇■
فى المستشفى
سامح ٠٠ ايه الاخبار اختارت موضوع الرسالة
أسر٠٠ نقريبآ
سامح٠٠ هتكون عن إيه
أسر٠٠ عن حالة مريضه علاجها ميؤوس منه
سامح٠٠ اختارت الحالة ولا لسه
أسر٠٠ لسه ..بس طلبت من الأستاذ حسين يجيب ملفات الحالات الصعبة و الميؤوس منها .. عشان استقر برأيى على حالة منهم
سامح٠٠ تمام هتبدء امتى
أسر٠٠ اول ما الأستاذ حسين يجهز الملفات الحالات..
الممريضة٠٠ دكتور أسر حضرتك مطلوب فى أوضة ٩
◇■◇■◇■◇■◇■
اليوم التالى فى المستشفى
الأستاذ حسين ٠٠ دكتور أسر الملفات إللى طلبتها
فيها كل الحالات الميؤوس
أسر ٠٠ تمام ٠٠ متشكر تعبتك معايا
الاستاذ حسين ٠٠ ولا يهمك دكتور أسر
( جالسه أسر يفحص الملفات للأختيار حالة منهم بعد مرور ٣ ساعات استقر رأيه على ٣ حالات هيختار منهم حالة واحدة .. هنا جاء د/ سامح)
سامح٠٠ ايه الملفات دى كلها
أسر٠٠ الحالات
سامح٠٠ طيب اختارت الحالة إللى هتبدء فى علاجها
أسر٠٠ فى ٣ حالات هفحصهم الأول و هشوف
سامح٠٠ مين الحالات دى
أسر٠٠ اول حالة مصطفى جمال ٣٥ سنه موجود فى المصحه من ٧ سنين اكتئاب حاد و هلع و ميول دائما للانتحار حاول ينتحر ٩ مرات غير حاول يقتل عايلته
الثانى مجدى عاشور ٤٣ سنه انفصام و اضطرابات سلوكية موجود في المستشفى ٥
ثالثآ ياره مكرم الطحاوى ٢١ مريضة عقليه عندها خلال فى خلايا المخ و كمان وسواس قهرى و اكتئاب موجوده من ٣ سنين فى المصحه
أسر٠٠ أيه رأيك اي حالة منهم تنفع للرسالة الدكتواره
سامح ٠٠ بلاش الحالة الاخيره فيها مشاكل كتيره
أسر٠٠ انت عارف الحالة دى
سامح٠٠ دى بنت جات المستشفى هى فى حالة هلع و صدمة إنهيار عصبى تام واللى كان بيشرف على حالتها الدكتور سمير مدير المستشفى بنفسة قبل ما يتوفى و هو اللى قام بشخيص حالتها ليها أوضة خاصة ممنوع دخول حد عليها لانها يتمثل تهديد على سلامة الآخرين .. عشان كده بقولك بلاش الحالة دى
أسر ٠٠ بالعكس ده احسن للرسالة ..بس ايه إللى يوصل بنت ٢١ سنه لكل ده .. على العموم ان لسه هفحص الحالات بعد كده هستقر على حالة
سامح٠٠ بس انت عارف لازم تأخد موافقت مدير المستشفى.. و أهل الحالة
أسر٠٠ اوكى انا عارف.. و اكيد أهل الحالة مش هيرفضو علاج بنتهم كمان مدير المستشفى دكتور حبيب مش هيرفض
سامح٠٠ دكتور حبيب رجل محترم بيهتم بمصلحة عامة للمستشفى غير مدير السابق دكتور سمير كان أهم حاجه عنده الجانب المادي للمستشفى يلا الله يرحمه
◇■◇■◇■◇■◇■
اليوم التالى فى المستشفى
فحص أسر الحالات فاضل آخر حالة...
فحص آخر حاله.. دخل دكتور أسر على الحالة
عندها رأه فتاه فائقة الجمال فى حالة لا يرثى لها..
لا تقوى حتى على فتح عينيها كانت مثل الجثة
جسد بلا روح كأنها فقدة الاتصال مع عالم البشر٠٠
وهنا سأل أسر الممرضة)
.....
أسر٠٠ هى على الوضع ده من امتى
الممرض٠٠ هى كده على طول
أسر٠٠ ازاى التقرير بيقول ان الحالة غير كده خلاص
الممرض٠٠ عن أذنك يا دكتور الحالة دى خاصة بالدكتور سمير الله يرحمة و استلامها بعده الدكتور إيهاب ممنوع وجودك هنا
أسر٠٠ بأمر مين ممنوع وجودى هنا
ممرض٠٠ بأمر من الدكتور إيهاب
أسر٠٠ أنا هروح لدكتور إيهاب اشوف ليه ممنوع وجودى هنا
◇■◇■◇■◇■◇
مكتب الأطباء
أسر٠٠ دكتور ايهاب حضرتك مانع حد يدخل لحالة ياره مكرم
أيهاب٠٠ ايوه
أسر٠٠ ممكن اعرف ليه
أيهاب٠٠ انا المكلف بعلاجها بعد الدكتور سمير من أهلها
أسر٠٠ تمام بس انا عايز اعمل رسالة الدكتوراه على حالة البنت دى
أيهاب٠٠ المستشفى مليانه ايشمعنا الحالة دى
أسر٠٠ اظن انا حر فى اختيار الحالة لموضوع الرسالة
أيهاب٠٠ انا بقولك بلاش الحالة دى أهلها ناس واصلين و هيرفضوا
أسر٠٠ فى أهل يرفضوا ان بنتهم تتعلاج متهيألى غريبة٠٠ ولا عشان الحالة بتتدفع مصاريف جامده للمستشفى
أيهاب٠٠ اسمع يا دكتور أسر انا بنصحك بلاش الحالة دى بالذات .. و فى الاخر انت حر
أسر ٠٠ تمام يبقى انا حر
(خارج دكتور أيهاب٠٠ و دخل دكتور سامح)
سامح٠٠ فى ايه ماله الدكتور إيهاب
أسر٠٠ رافض انى اتباع حالة ياره مكرم الطحاوى
سامح٠٠هو انت اختارت حالتها
أسر٠٠ انا ماكنتش هختارها بس استفزونى عشان كده اختارتها
سامح٠٠ فحصت الحالة
أسر٠٠ لا لسه شوفتها بس دكتور ايهاب مانع حد يتابع حالتها غيرو ٠٠ بس لسه هتكلم مع دكتور حبيب
سامح٠٠ أظن دكتور حبيب مش هيرفض ٠٠ طيب ايه انطباعك الأولى عن الحالة لم شوفتها
أسر٠٠ جمالها
سامح٠٠ هههههه جمالها يا دكتور
أسر٠٠ هى فعلآ جميلة.. بس إللى لفت انتبهى بجد انها هادية جدآ فى حالة لا وعى تقريبآ مش حاسة باى حاجه حواليها ده عكس تشخيصها...انت عارف انها مريضه عقلية عندها خلال فى خلايا المخ كمان وسواس قهرى و اكتئاب.. مع الهدوء ده ازاى مش راكبه
سامح٠٠ فعلا غريبه بس ادكتور سمير دكتور كبير مش هيغلط فى تشخيص حالتها
أسر٠٠ على العموم كل حاجة هتبان بعد فحصها
سامح ٠٠ يبقى تكلم دكتور حبيب
أسر٠٠ هو ده إللى هيحصل فعلا
◇■◇■◇■◇■◇■◇■
مكتب مدير المستشفى دكتور حبيب صبحى
أسر٠٠ دكتور حبيب انا كنت عايز اتكلم معاك بخصوص رسالة الدكتوراه
د. حبيب٠٠ اتفضل اتكلم يا دكتور
أسر٠٠ انا اختارت الحالة إللى هعمل عليها الرسالة بتاعتى
د.حبيب٠٠ اه دكتور ايهاب كان عندى مش موافق انك تعمل الرسالة على حالة
أسر٠٠ طيب كويس ان حضرتك عارف ..
د.حبيب٠٠ اسمع يا أسر الحالة دى بنت راجل معروف فى البلد مش عايز حد يعرف بمرض بنته ده حقه
أسر٠٠ بس اكيد نفسه بنته تتعالج .. ده لمصلحته
د.حبيب٠٠ انت عارف ان المرض العقليه لا يمكن الشفاء منه
أسر٠٠ بس يمكن السيطرة عليه.. بيسيستم علاج المظبوط..
د.حبيب٠٠ على العموم انت لازم تاخد موافقت أهلها انا شحصيآ موافق طلما ده فى مصلحت المريضة
أسر٠٠ شكرآ يا دكتور .. ان شاء هروح بكره اخد موافقت أهلها.. عن أذنك يا دكتور
د.حبيب٠٠ اتفضل يا دكتور أسر
◇■◇■◇■◇■◇■◇■
فى اليوم التالى فى فيلا مكرم الطحاوى
ذهب أسر الى مكرم الطحاوى ليأخذ الموافقه منه لعلاج ابنته )
مكرم٠٠ قالولى انك طالب تقابلنى خير
أسر٠٠ خير يا فندم انا د. أسر من المستشفى النفسيه إللى بتتعالج فيها بنت حضرتك
( مكرم اتعصب )
مكرم٠٠ عايزين ايه منى فى المستشفى انا بدفعلكم مبلغ كبير عشان ماتوجعوش دماغى
أسر٠٠ حضرتك الموضوع مالهوش علاقه بالفلوس
انا هنا عشان علاج بنت حضرتك انا مستعد اعلاجها بس محتاج موافقتك
مكرم٠٠ ومين قالك انى عايزها تتعالج
أسر٠٠ نعم يا فندم تقصد ايه
( تحدث مكرم بتوتر )
مكرم٠٠ انا حاولت كتير اعلاجها عند أكبر دكاتره دخل و خارج مصر كلهم قالو حالتها لا يمكن شفائها .هى مولوده كده
أسر٠٠ ممكن نجرب حضرتك مش هتخسر حاجة
مكرم٠٠ هخسر وجع دماغى ..
أسر٠٠ بس حضرتك( قطع مكرم كلامه يحده)
مكرم٠٠ خلاص المقابلة انتهت. ياريت دى تكون آخر مره تتكلم فى الموضوع ده .. الا هنقل بنتى من المستشفى عندكم .. اتفضل مع السلامة
(خارج أسر من عند مكرم هو مستغرب من رد فعل مكرم الطحاوى )
◇■◇■◇■◇■◇■◇■
فى سيارة أسر
اتصل أسر بسامح
أسر٠٠ الو سامح انت فين
سامح٠٠ فى الكافيه ليه
أسر٠٠ كنت عايزك هاجيلك على الكافية
سامح ٠٠ مستنيك
( إنتهت المكالمة )
◇■◇■◇■◇■◇■
فى كافيه
سامح٠٠ خير فى إيه
أسر٠٠ انا روحت لمكرم الطحاوى الراجل تقريبآ طاردنى ..قالى لو اتكلمت فى الموضوع علاج بنته تانى هينقلها لمستشفى تانيه
سامح٠٠ غريبه ليه كل ده
أسر٠٠ مش عارف انا بردو استغربت.. انت ماشوفتش الطريقة إللى كان بيتكلم بيها كأنه مش عايزها تتعالج
سامح٠٠ يعنى ايه... لأ اكيد متهيألك
أسر٠٠ لأ مش متهيألى .. فى حاجه مش مظبوطه
سامح٠٠ طيب ليه ما حاولتش تقابل أم الحالة يمكن كانت وافقت
أسر٠٠ عندك حق .. تعالى معايا نروح نسأل عن والدتها .. يمكن ليه لاء
سامح٠٠ انت بتقول الراجل طاردك عايز تروح هناك تانى
أسر٠٠ هنسأل بس لو مكرم موجود مش هنقابلها
سامح٠٠ حاضر هاجى معاك عشان انا عارفك لما تحط حاجة فى دماغك
◇■◇■◇■◇■◇■◇■
أمام فيلا مكرم الطحاوى
(أسر بيسأل البواب)
اسر٠٠السلامو عليكم
البواب٠٠ عليكم السلام اي خدمه يا أستاذ .. اه مش انت كنت هنا من شويه
أسر٠٠ اه كويس انك فاكرنى..هو مكرم بيه لسه موجود
البواب٠٠ لأ خرج في حاجه
أسر٠٠ لأ بس كنت عايز اقابل مدام مكرم
البواب٠٠ بس مدام مكرم ماتت من اكتر من ٣ سنين
أسر٠٠ طيب فى حد من أولاد مكرم موجود
البواب٠٠ مكرم بيه مش عنده غير لؤى بية بس
أسر٠٠ ليه هو مش عنده بنت
البواب٠٠ كان عنده الست ياره بس دى كان مخها على أدها ماتت من كام سنه بردوا
أسر٠٠ مين قالك انها ماتت مكرم
البواب٠٠ لأ هى ماتت فى البسين من أربع سنين تقريبآ.. انا إللى مطلعها بأيدى من البسين بعد ما ماتت
سامح ٠٠ لما ياره ماتت فى البسين آمال مين إللى فى المستشفى
#يتبع
ألى القاء فى الجزء الثانى
#نبذة٠عن٠شخصيات٠الاساسية٠فى٠الرواية
#ماليكة فتاة جميله لما تتجاوز ٢١ عام
#ملك توأم ماليكه
#دكتور امراض النفسية و العصبية أسر أبو العز السن ٢٩ عام درس طب فى لندن شخصية قويه ملتزمة يعتمد عليه
#والدته ماليكه الدكتوره الأطفال ميرفت التاجى لبنانيه لكنها عايشه معظم حياتها فى مصر
#والد ماليكه اللواء سليم المحمدى شخصية عسكرية بكل ما تحمل الكلمة من معنى
#المقدم حاتم سليم المحمدى أخو ماليكه شخصية عسكريه يشبه والده
#مكرم الطحاوى راجل أعمال ديكتاتوري
#لؤى مكرم الطحاوى شاب مستهتر متعدد العلاقات النسائية
#الملياردير عامر السروجى دكتاتورى آخر عديم الرحمة نقطة ضعفه الوحيده ابنه
#خالد عامر السروجي شخصية عنيفه لا بتقبل الرفض
#دكتور سامح صديق الدكتور أسر
#نرمين الصديقه الخائنه
#رواية_مجنونه٠بالآجبار
#الكاتبة٠أروى٠عادل
#الفصل_الثانى
سامح٠٠ لما ياره ماتت فى البسين آمال مين إللى فى المستشفى
البواب٠٠ مستشفى ايه يا استاذ٠٠ بعدين انتو بتسألوا كل الأسئلة دى ليه
أسر٠٠ لأ عادى .. اه انا صحافى كنت عايز اكتب مقالة عن رجال الأعمال
البواب٠٠ اوعى يا استاذ تقول انى اتكلمت عن بنت مكرم بية هو مش بيحب حد يجيب سيرتها
أسر٠٠ لأ مش هقول لحد٠٠ وانت كمان مش تقول انى سألت عليها .. بعدين يعرف انك قولتلى حاجه عنها
البواب٠٠ حاضر
سامح ٠٠ طيب يلا يا أسر.. سلام عليكم
◇■◇■◇■◇■◇■◇■
فى سيارة أسر
أسر٠٠ معناه ايه الكلام إللى قالوا البواب
سامح٠٠ الراجل شكلوا بيخرف ده بيقولك ماتت من ٤ سنين آمال مين إللى فى المستشفى عفريتتها يعنى
أسر٠٠ الموضوع كده يقلق
سامح٠٠ انت عملتوا موضوع
أسر٠٠ يعنى انت شايفه عادى
سامح٠٠ لا طبعا بس احنا لازم نتأكد من كلام البواب
أسر٠٠ صح لو يارة الطحاوى فعلآ ماتت يبقى اكيد طلع ليها شهادة وفاه
سامح٠٠ خلاص انا اعرف واحد شغال فى السجل المدنى ممكن يفيدنا.. و يعرفنا اذا كان فى شهادة وفاه باسمها او لاء
◇■◇■◇■◇■◇■◇■
بعد يومين
فى غرفة الدكاترة
سامح٠٠ اتفضل الشهادة اهى
أسر٠٠ شهادة ايه
سامح ٠٠ انت نسيت شهادة وفاة يارة مكرم الطحاوى
أسر٠٠ بجد يعنى البواب كان كلامه صحيح ... طيب مين البنت إللى هنا فى المستشفى..
و ليه مكرم الطحاوى دخلها المستشفى باسم بنته ..
سامح٠٠ متهيألى تسيبك من الحالة دى ..
و بلغ باللى عرفتوا لدكتور حبيب مالكش دعوة باللى هيحصل بعد كده
أسر ٠٠ بالعكس انا مصمم اكتر من الأول على الحالة دى
سامح٠٠ انا مش عارف اشمعنا الحالة دى بالذات..
و اوعى تقولى عشان جمالها زى المره اللى فاتت
أسر٠٠ بتهزر حضرتك.. بس والله انا مش عارف ليه بس فعلآ البنت صعبت عليا .. بنت عندها ٢١ سنه فى اول حياتها تترمى كده فى مستشفى عشان تقضى بقيت عمرها فيها ليه ..طلما هى مش ياره مكرم الطحاوى ..طيب دى تتطلع مين
سامح٠٠ انا مش عارف.. انت محير نفسك ليه ٠٠
أسر ٠٠ لان الموضوع محاير فعلآ ..على العموم انا لازم اتكلم تانى مع د. حبيب
◇■◇■◇■◇■◇■◇■
فى فيلا اللواء سليم المحمدى
فى فيلا صغيره فى المعادى .. يغلب على مكان طابع الحزن والأسى على كل فرد فى الفيلا .. و يعم الظلام فى منزل رغم كثرة الأنوار الموجوده به .. كأنه منزل بلا روح منذ موت التوأمان ملك و ماليكه سليم المحمدى من ٣ سنوات
يسكن ف الفيلا اللواء سليم و زوجته الدكتوره مرفت
ابنه الرائد حاتم ..
٠٠٠٠٠٠٠٠٠٠٠٠٠
فى مساء يوم
(يجلس اللواء سليم المحمدى مع زوجته و ابنه )
حاتم٠٠ عمتى اتصلت عليا النهاردة عشان نحضر فرح محسن أبنها
سليم٠٠ امتى الفرح
حاتم٠٠ الخميس إللى جاى
مرفت٠٠ روح يا حاتم و اوقف مع ابن عمتك
حاتم٠٠ و حضرتك يا ماما مش هتحضرى بردوا
مرفت٠٠ لأ .. روح انت مع باباك
سليم ٠٠ لحد امتى هتفضلى محرمه على نفسك الفرحه
مرفت٠٠ لحاد ما اموت و اشوف بناتى
حاتم٠٠ بعد الشر عليكى ياماما عشان خاطرى متقوليش كده
سليم٠٠ حرام عليكى نفسك ٣ سنين و لسه دموعك مانشفتش
مرفت٠٠ و العمر كلها .. انا لسه حاسة بشقاوة لماليكة و ضحكات ملك هما بيتنططوا حواليا .. صوت خناقاتهم لسه فى ودانى
سليم ٠٠ كفاية حرام عليكى انا بقتش مستحمل
مرفت٠٠ انا تعبانه و عايزه انام عن أذنكم
حاتم ٠٠ مش لسه بدرى يا ماما
مرفت٠٠ لأ معلش عشان عندى مستشفى بدرى
( غادرة ميرفت )
حاتم٠٠ معلش يا بابا استحمالها بردوا موت ملك و ماليكه كان صعب عليها
سليم٠٠ كان صعب عليا بردوا لما بناتى الاتنين يموتوا غرقنين و مع بعض زى ما أيجو الحياة مع بعض.. ده كان قسمت دهر بالنسبالى .. بس هعمل ايه لا رد لقضاء الله..
و فى الاخر لازم الحياة تمشى
حاتم٠٠ ونعمه بالله.. اعذرها يا بابا هى أم فى الآخر
اتحرمت من بناتها مع بعض .. وسبحان الله رغم أن ملك و ماليكه كانوا ابطال سباحه..يموتوا غرقنين
سليم٠٠ غير الموضوع ده بالله عليك يا حاتم.. قولى ايه اخبارك انت و نسرين
حاتم٠٠ الحمدالله تمام
سليم٠٠ انا عارف اننا المفروض نروح نخطبها رسمى
بس انت شايف حالة إمك
حاتم٠٠ عارف و نسرين و أهلها فاهمين ده كويس
سليم٠٠ نسرين بنت ممتازه كفاية انها وقفت جانبك وقت موت اخواتك
◇■◇■◇■◇■◇■◇■◇■
فى المستشفى النفسية
مكتب المدير د. حبيب صبحى
أسر٠٠ حضرتك طلبتنى يا دكتور
د.حبيب٠٠ اتفضل يا د. أسر
أسر٠٠ خير
د.حبيب٠٠ اتصل بيا مكرم الطحاوى
أسر٠٠ كده انا فهمت .. اكيد طلب من حضرتك انى ماليش علاقة بعلاج بنته
د.حبيب٠٠ بالظبط كمان هددنى انه هيطلع بنته من المستشفى لو اتكرر الموضوع ده تانى
أسر٠٠ أنا مش مستغرب كل إللى حضرتك قولتو
..بعد اللى عملوا معايا لما روحت اطلب منه الموافقه على متابعة علاج بنته
د.حبيب٠٠ يبقى اختار حالة تانيه تعمل عليها الرسالة بتاعتك
أسر٠٠ بس مصمم على الحالة دى بالذات
د.حبيب٠٠ ايه يا دكتور أسر هو عند و خلاص
أسر٠٠ اسمعنى يا د. حبيب انا عارف انك مدير المستشفى من حق تحافظ على الجانب المادي للمستشفى لأنها فى النهاية مستشفى استثمارى..
بس بردوا احنا فى الاخر دكاتره اهم حاجة عندنا صحة المريض
د.حبيب٠٠ ده حقيقي.. عشان كده بقولك من مصلحة ياره مكرم الطحاوى ..ان يتم علاجها داخل المستشفى ده احسن لحالتها .. ده حسب تقرير إللى فيه تشخيص حالتها
أسر٠٠ لو قولت لحضرتك ان تشخيص الحالة فى حاجة غلط
د.حبيب٠٠ تقصد ايه يا دكتور..
أسر٠٠ حضرتك مش مستغرب من رد فعل مكرم الطحاوى لما عرف ان بنته ممكن تتعالج..كمان اصرار د. ايهاب على متابعة الحالة دى بالذات
د.حبيب٠٠ انت عايز تقول ايه يا دكتور .انت بتشكك فى نزهة المستشفى
أسر٠٠ طبعا لأ .. بس حضرتك ممكن تشوف الورقة دى و تقولى رأيك فيها ايه
( شهادة وفاه يارة مكرم من ٤ سنوات)
د.حبيب٠٠ ايه ده جيبت الشهادة دى منين دى اكيد مزيفه
أسر٠٠ لأ حقيقية ممكن تتأكد بنفسك
د.حبيب٠٠ أسر انت عارف انى بثق فيك .. انت متأكد من الشهادة دى
أسر٠٠ الشهادة طالعه من السجل المدنى.. ممكن تسأل دكتور سامح ..واحد معارفه هو اللى جابها لينا
د.حبيب٠٠ ايه إللى خليك تشك من أساس
( حكى أسر الى د.حبيب كل إللى حدث مع البواب)
د.حبيب٠٠ انت عارف ده معناه ايه.. و مين البنت إللى مكرم الطحاوى دخلها المستشفى باسم بنته
أسر٠٠ فى تلاته بس ممكن يجاوبوا على السؤال ده
مكرم الطحاوى ده طبعا مستحيل..د. سمير ده الله يرحمه .. او البنت نفسها و دى لازم تتعالج الأول عشان نفهم منها هى مين
د.حبيب٠٠ و ليه كل ده انا ممكن اسأل مكرم نفسه
أسر٠٠ اسمعنى يا دكتور انا كنت ممكن اخد الشهادة و اطلع بيها على أقرب قسم شرطة
و اقدم بلاغ ..بس ده هيضر بسمعة المستشفى فى الاول و هيضر حضرتك لأنك مدير المستشفى .. لانى عارف حضرتك
يا د.حبيب كويس اوى..كمان انا واثق فى نزهتك عشان كده انا معملتش كده ..
د.حبيب٠٠ طيب ايه حل الموضوع ده
أسر٠٠ حضرتك تسيبنى انا إللى أتابع الحالة المريضة لحاد ما نعرف هى مين
د.حبيب٠٠ المريضه عندها خلال فى خلايا المخ كمان سواس قهرى و اكتئاب حاد.. دى مريضة عقلية يا دكتور أسر ازاى هتقدر تعرف منها حاجه
أسر٠٠ إللى يقوم بتزوير اسم المريضه..مش هيبقى تصعب عليه تزوير تشخيص حالة المريضه..بعدين
انا شوفت الحالة المريضه دى مريضة نفسية مش عقلية .. تقدر حضرتك تشوفها تتأكد بنفسك
د.حبيب٠٠ فعلا انا لازم اشوف المريضه وبعد كده أقرر
◇■◇■◇■◇■◇■◇■
فى غرفة الحالة المسجلة باسم يارة
(دخل د.حبيب مع .٠ أسر)
الممرضة٠٠ فى حاجة يا دكتور
د.حبيب٠٠ لأ مرور عادى .. هى المريضة ساكته كده ليه .. ايه. حالة إللا وعى إللى هى فيها دى
الممرضة٠٠ هى كده على طول
( نظره د٠ حبيب إللى سيستم العلاج)
د.حبيب٠٠ لما هى حالة فى الهدوء تام على طول ليه كمية المهدئات إللى بتتصرف ليها وليه جلسات الكهربا
مين إللى مسؤول على نظام علاجها ده
الممرضة٠٠ دكتور أيهاب .. و نظام ده احنا ماشين عليه من ايام الدكتور سمير
أسر٠٠ بكل كمية المهدئات دى لازم المريضه تكون هادية كده..
( امر الدكتور حبيب الممرضة بالخروج من الغرفة ثم حاول التحدث إللى المريضه لكنها لا تستجيب )
أسر٠٠ أنا من رأيي نحاول نسحب المهدئات من جسمها عشان نعرف رد فعلها .. انما و هى فى الحالة دى مش هنقدر نحكم على الحالة
د.حبيب٠٠ صح .. انا بنفسى هكتب نظام علاج جديد ليها
أسر٠٠ طيب بعد اذنك انا عايز أتابع الحالة بنفسى
د.حبيب٠٠ انا مش عايز مشاكل مع الدكتور أيهاب
أسر٠٠ حضرتك شوفت بنفسك نظام العلاج الغلط إللى الدكتور إيهاب بيتابعه مع المريضه كله عبار عن مهدئات و جلسات كهربا .. ده كفيل ان حضرتك تسحب منه الحالة
د.حبيب٠٠ بس اهل المريضة بيثقوا فى دكتور ايهاب
أسر٠٠ حضرتك بتقول أهلها بعد ما شوفت شهادة الوفاة
د.حبيب٠٠ أهلها مؤقتنا لحد مانعرف دى مين
أسر٠٠ أنا عندى حل .. انا ممكن اخد شفت بالليل
اتابع المريضة من غير ما حد يعرف
د.حبيب٠٠ لدرجة دى انت مهتم بالحالة دى... خلاص انا موافق ابتدأ معاها العلاج و عايز اعرف كل جديد عن المريضه
أسر ٠٠ متشكر جدا يا دكتور
( وهنا صرخت المريضه وهى مصوبة عينيها على الحائط كأنها ترى شئ أمامها وهى تقول )
المريضه٠٠ ملك لأ .. ملك لأ .. ملك .. ملك ..ملك
□□□□□□□□□□□□□□□□□□
الى القاء فى الجزء الثالث
#رواية٠مجنونه٠بالإجبار
#الكاتبة_أروى_عادل
#الفصل٠الثالث
المريضه٠٠ ملك لأ.. ملك لأ ..ملك .. ملك .. ملك
( وهنا حاول الدكتور أسر تهدئتها لكنها كانت فى حالة هلع ..دخلت الممريضة تجرى اعطتها حقنة مهدئ للسيطره عليها ثم غابت المريضه عن الوعى و هنا قال )
أسر٠٠ انتى مين قالك تتديها الحقنة مهدئ .. ازاى حقنة زى دى تتصرف من غير موافقت الدكتور المتابع للحالة
الممريضة٠٠ الدكتور إيهاب هو اللى قالى أديها حقنة مهدئ لما تيجى ليها الحالة
د٠حبيب٠٠ انا لما سألتك هى ليه ساكته كده قولتلى هى كده على طول.. لية كدبتى عليا
الممرضة ٠٠ انا اسفه يا دكتور بس دى أوامر الدكتور إيهاب
د.حبيب٠٠ أوامر من الدكتور إيهاب عليا انا مدير المستشفى.. من الساعة دى انتى مالكيش علاقه بالحالة دى ..لما اعرف ازاى بتتصرفى من دماغك تدى مريضة المهدئ من غير اشرف طيب
الممرضة ٠٠ بس انا معملتش حاجة الدكتور إيهاب هو اللى قالى أديها المهدئ لو جالها النوبة
د.حبيب٠٠ اتفضلى دلوقتى و اعتبرى ده إنذار اخير ليكى ..و زى ما قولتلك مالكيش علاقه بالحالة دى تانى
(غادرة الممريضة)
أسر٠٠ ياريت تكون سدقتنى دلوقتى يا دكتور
د.حبيب٠٠ الحالة دى من دلوقتى بتاعتك يا د.أسر
أسر٠٠ بس انا مش عايز د.أيهاب يعرف انى هتابع الحالة دى
د.حبيب٠٠ تمام
◇■◇■◇■◇■◇■◇■◇■
بعد مرور اسبوعين فى المستشفى
غرفة الدكاترة
سامح ٠٠ مساء الخير أسر
أسر٠٠ مساء الخير ايه انت لسه ماروحتش
سامح٠٠ قولت ايجى أقعد معاك شوية من ساعة ما بقيت بتشتغل فترة مسائيه انا مش عارف اشوفك
أسر٠٠ معلش يا صاحبى .. انت عارف الظروف
سامح٠٠ لسه معرفتش مين البنت إللى كانت متسجلة باسم يارة الطحاوى
أسر٠٠ لسه ... و البنت كمان لسه مأثر عليها كمية المهدئات و المخدر إللى كانت بتاخدها جسمها ادمانها.. انا بحاول اسحب من جسمها المهدئات و مخدر بطريقه بطيئة .. الموضوع هياخد وقت .. بعدها هبدء معاها جلسات العلاج..
سامح٠٠ طيب كويس .. و د.أيهاب لسه ما يعرفش انك انت إللى متابع للحالة المريضه
أسر٠٠ اه لسه فاكر انك انت يا سامح إللى متابع الحالة
سامح٠٠ اه عشان كده ..
أسر٠٠ فى إيه
سامح٠٠ إمبارح سألنى عن نظام علاجها انه يمكن يبص على حالة من وقت و التانى
أسر٠٠ وانت قولتو ايه
سامح٠٠ قولتوا زى ما انت فهمتنى..ان نظام العلاج هو. هو مش هيتغير فى الوقت الحالى
أسر٠٠ تعرف فى حاجه مش مظبوطه فى الدكتور إيهاب هو و الممرضة إللى كانت متابعة الحالة معاه
..عشان كده انا غيرت الممرضة.. بممرضه تانيه اسمها عبير اكيد انت عارفها
سامح٠٠ اه عارفها هى فعلآ ممرضة ممتازه
( فى حد بيخبط على الباب)
أسر٠٠ اتفضل
المريضه عبير٠٠ لو سمحت يا دكتور فى حاجة عايز اقول لحضرتك عليها
أسر٠٠ خير
الممرضة عبير٠٠ د.أيهاب خد المريضة يارة عشان يعملها جلسة كهربا
أسر٠٠ ازاى مين قالوا يعمل كدا
( جرى د.أسر و د.سامح الى غرفة الخاصة بجلسات الكهربا)
◇■◇■◇■◇■◇■◇■
غرفة جلسات الكهربا.

أسر ٠٠ايه إللى بيحصل هنا
أيهاب٠٠ المريضه ليها جلسة النهاردة
أسر٠٠ اوقف الجهاز دى
أيهاب٠٠ انت مالك و مال الحالة دى
أسر٠٠ المفروض انا إللى أسألك السؤال ده
أيهاب٠٠ انا إللى كانت متابعة الحالة وانا اكتر واحد عارف الحالة محتاجه ايه
سامح٠٠ ده مش يديك الحق انك تعمل جلسة كهربا للمريضه من غير موافقت الدكتور المعالج للحالة..
أيهاب٠٠ هو فى ايه بالظبط كل ده عشان جلسة كهربا
أسر٠٠ ايه البرود إللى انت فيه ده..هى جلسة الكهربا عادية بالنسبالك
أيهاب٠٠ د.أسر لو سمحت اتكلم معايا بأسلوب محترم
أسر٠٠ محترم انت لسه شوفت حاجه
(غادر أسر معاه المريضه دون انتظار أى رد من أيهاب)
◇■◇■◇■◇■◇■◇■
فى غرفة المريضه المسجلة باسم يارة مكرم
( حط أسر المريضه على السرير بمساعدة الممرضة عبير )
أسر٠٠ ياريت إللى حصل دلوقتي ما يتكررش تانى
الممرضة عبير٠٠ انا اسفة يا دكتور ..بس انا حاولت امنعوا بس انت عارف دكتور أيهاب
( هنا اتكلمت المريضه و قالت)
المريضه٠٠ مافيش فايدة ملك راحت ..مافيش فايدة ملك راحت .. ملك سايبنى ليه .. سايبنى ليه ياملك
(كانت فى حالة من هلع و خوف شديد )
أسر٠٠ تقصدى ايه مين ملك اتكلمى
المريضه ٠٠ مافيش فايده ملك راحت
أسر٠٠ اهدى شويه و حاولى تتكلمى ده لمصلحتك
انا معاكى ماتخفيش مين ملك
المريضه٠٠ مافيش فايدة.. ماما ..ماما .. ماما ..ماما
الممرضة٠٠ د.أسر أديها مهدئ
أسر٠٠ لأ سبيها تطلع إللى جواها.. و هى لما تتعب هتهدى لوحدها
( فعلآ بعد ساعتين من البكاء بهسترية نامت المريضه )
◇■◇■◇■◇■◇■◇■◇■
فى مكتب المدير
جالس أسر و حكى لدكتور حبيب كل مع حدث مع الدكتور أيهاب و الكلام إللى قالتوا المريضه )
د.حبيب٠٠ انا هتكلم مع د.ايهاب
أسر٠٠ لأ ان عايز اقدم فيه شكوى رسمية
د.حبيب٠٠ انت كده مش مكبر الموضوع
أسر٠٠ بالعكس .. د. ايهاب اكدلى شكوكى اتجاهه بالحركة الاخيره إللى عملها.. اكيد انت فاهم قصدى
د.حبيب٠٠ فاهم .. طيب بالنسبال للمريضه
أسر٠٠ احنا فى تقدم ملحوظ فى العلاج .. و وضح انها فى حالة صدمة و هلع حاد
د.حبيب٠٠ معرفتش اي حاجة عن ملك إللى بتنادى عليها طول الوقت
أسر٠٠ لأ بس واضح انها ليها علاقه بكل إللى هى فيه
◇■◇■◇■◇■◇■◇■◇■
بعد مرور شهر من العلاج
فى غرفة المريضه ماليكه
( حالة المريضه بقيت اهدى و اتسحب المدئات من جسمها لكنها مازالت صامته خائفه و أحيانا تدخل فى نوبة بكاء شديد أحيانا هلع ..كان بأستمرار يجلس د. أسر بجوارها طول الليل و هو بيحاول التحدث إلى المريضة دون رد منها)
أسر٠٠ لسه مصممه ماتتكلميش.. انا عارف انك على الاقل فاهمه كلامى .. طيب حتى ممكن اعرف اسمك ايه انا عارف انك مش ياره مكرم الطحاوى.. طيب مين ملك .. و انتى مين.. كعادة مش هتتكلمى
( أستعد أسر لمغادرة الغرفة و هنا سمع صوت)
ماليكه٠٠ ماليكه
أسر٠٠ نعم انتى قولتى حاجه صح قولتى ايه
ماليكه٠٠ اسمى ماليكه
أسر٠٠ اشهد أن لا إله الا الله .. أخيرآ يا ماليكه
طيب ممكن اعرف مين ملك( دخلت ماليكه فى نوبة بكاء شديد عندها حاول أسر تهدئتها حتى استطاع إيقاف بكائها لكنها رجعت لصمتها مرة آخر

◇■◇■◇■◇■◇■◇■◇■
بعد يومين فى مكتب المدير
يجتمع د.حبيب مع د أسر و د سامح
د.حبيب٠٠ ايه اخر أخبار الحالة
أسر٠٠ اسمها ماليكه
سامح٠٠ هى اتكلمت
أسر٠٠ اه قالت ان اسمها ماليكه بس رجعت رافضت الكلام تانى
د.حبيب٠٠ مجرد انها تتكلم ده تقدم ممتاز فى علاجها
أسر٠٠ أنا بفكر انقلها إللى غرفة تانيه يكون فيها اتصال مع العالم الخارجي . ده هيخفف خوفها دايمآ من الآخرين
سامح٠٠ انا معاك فى الاقتراح ده هيحسن من حالتها كتير
د.حبيب٠٠ يبقى خلاص انقلها .. كمان اسمح ليها تنزل الجنينة .. بس لازم تكون متابعها عشان احنا منعرفش رد فعلها هيكون ايه هى بقالها ٣ سنين تقريبآ مابتشوفش حد غير الأطباء و الممرضين
أسر٠٠ ده فعلآ إللى كنت بفكر فيه..
◇■◇■◇■◇■◇■◇■◇■
فى غرفة اخره
( أول مره خرجت ماليكه من الغرفة كانت خايفه و ماسكة فى ايد الممرضة عبير جامد كنت بتخبى وشها من الكل )
ماليكه٠٠ عايزه ارجع الأوضة بتاعتى
الممرضة عبير٠٠ ماينفعش دى خلاص بقيت أوضتك
اهو كمان د.أسر ايجى
أسر٠٠ فى إيه
الممرضة عبير٠٠ ماليكه مش عاجبها الاوضه
أسر٠٠ليه الاوضه هنا احسن كمان بتبص على الجنينة تقدرى تتحركى فيها براحتك
ماليكه٠٠ مش خايف أهرب
أسر٠٠ تهربى ليه .. ليه قولتى كده
( سكتت ماليكه تانى)
أسر٠٠ رجعتى لصمتك تانى.. على العموم اسيبك فى أوضتك الجديده شويه
◇■◇■◇■◇■◇■◇■◇■
غرفة الدكاترة
سامح٠٠ مالك يا أسر سرحان فى ايه
أسر٠٠ فى ماليكه
سامح ٠٠ انت مش ملاحظ ان ماليكه اخده كل تفكيرك .. ده غلط يا دكتور
أسر٠٠ انت فهمت ايه القصة كلها ان لما كنت عندها قالت جملة غريبه
سامح٠٠ ايه الجملة دى
أسر٠٠ قالتلى انت مش خايف أهرب
سامح٠٠ ده معناه انها بتفكر فى الهروب من المستشفى
أسر٠٠ اه معناه كمان انها هنا غصب عنها .. ان عقلها وعى كويس اوى باللى بيحصلها
سامح٠٠ الحالة دى يتخاف منها
أسر٠٠ أو يتخاف عليها
سامح٠٠ هتبدء جلسات للعلاج النفسي امتى
أسر٠٠ المفروض من بكره.. هى كده مهيأة للكلام
◇■◇■◇■◇■◇■◇■◇■
بعد أسبوع من جلسات للعلاج النفسى
فى الجنينة المستشفى
يجلس د.أسر و ماليكه على طاولة فى الجنينة
أسر٠٠ أنا قولت نعمل الجلسة النهاردة فى الجنينة انا هسألك حابة أسئلة و الإجابة هتكون بكلمة واحد إللى تيجى فى بالك على طول من غير تفكير ... يلا هنبدء
أسر. ماليكه
اسئله. اجابة
--- -----
الاب. حماية
الام. حنيه
الاخ. سند
الأخت. ( هنا سكتت ماليكه حاول أسر يكرر
الأخت السؤال يقول الأخت هنا قالت
الأخت. اغتصاب
الصديقة. خيانه
الصديق. ذئب
البيت. أمان
حب. كدب
الحياه. ألم
الموت. ملك
الناس. انتقام
ماليكه. أنانية
ملك. اختى
غدر. اصدقاء
الفلوس. دهر
اغتصاب. لؤى و خالد
( هنا سكتت ماليكه بدأت فى البكاء اعطها أسر مناديل و هنا )
أسر.. قال كفايه كده النهاردة
◇■◇■◇■◇■◇■◇■◇■
اليوم التالى فى غرفة الدكاترة
أسر٠٠ أنا عايزك تشوف إجابات ماليكه على الأسئله
( شاف سامح الإجابات كلها )
سامح٠٠ عرفنا كده ان ملك تبقى أختها بس ليه اغتصاب قدام إسمها
أسر٠٠ و لما عكست السؤال و سألت عن الاغتصاب جوبت بأسمين لؤى و خالد .. انت عارف ده معناه إيه
سامح٠٠ ان لؤى و خالد اغتصبوا ملك..طيب مين لؤى و خالد و فين ملك دلوقتى
أسر٠٠ ماتت .. لانى لما سألتها عن الموت جوبت بملك
أسر٠٠ انت فاكر لما روحنا و سألنا البواب عن أولاد مكرم الطحاوى.. ساعتها قال انه عنده ولد وحيد اسمه لؤى
سامح٠٠ انت قصد ايه .. لا مش ممكن
أسر٠٠ يبقى انت كده فهمت.. لؤى ابن مكرم اغتصب ملك ..و اي كان السبب ملك ماتت.. عشان يخفى جريمة ابنه دخل ماليكه مستشفى الامراض النفسيةوالعقليه باسم بنته المتوفين إللى كانت مريضة عقلية
□□□□□□□□□□□□□□□□□□
#يتبع
إلى القاء فى الجزء الرابع
#رواية_مجنونه_بالآجبار
#الكاتبة_أروى_عادل
#الفصل٠الرابع
أسر٠٠ بيقى كده انت فهمت.. لؤى ابن مكرم اغتصب ملك اي كان السبب ملك ماتت و عشان يخفى جريمة ابنه دخل ماليكه مستشفى الامراض النفسية و العقلية باسم بنته المتوفيه واللى كانت مريضة عقلية ..
سامح٠٠ لو افترضنا ان تحليلك ده صحيح .. بيقى ازاى دخلت المستشفى ماحدش اكتشف انها مش مريضه عقلية
أسر٠٠ اكيد اكتشفوا .. دكتور سمير اكيد كان عارف
سامح٠٠ يعنى مكرم الطحاوى اتفق مع دكتور سمير
عشان يزوروا تشخيص حالتها
أسر٠٠ ده التحليل المنطقى للموضوع كله
سامح٠٠ ممكن بس فى الاخر ده مجرد تخمين مش اكتر
أسر٠٠ الجلسة إللى جاية هعرف كل حاجة
◇■◇■◇■◇■◇■◇■◇■◇
اليوم التالى
جلسة العلاج
أسر٠٠ انتى أحسن النهاردة
ماليكه٠٠ مش هيفرق
أسر٠٠ بلاش اليأس ده
ماليكه٠٠ هو انا عندى غيرو
أسر٠٠ بداية مش متفائلة.. اشربى البرشامه دى الأولى هتساعدك فى الإسترخاء (شربت ماليكه البرشامه و بعدها نامت على الشزلونج و غمضت عينك.. )

أسر٠٠ مستعدة ( هزت رأسها بالموافقة)
كلمنى عن طفولتك ( ابتسمت ماليكه لأول مره )
ماليكه٠٠ كانت زى الجنة لعب و ضحك و تنطيط و دلع و حب و أمان
أسر٠٠ بتحبى مين اكتر واحد فى عايلتك
ماليكه ٠٠ ماما.. او بابا .. يمكن حاتم ..لا ملك..مش عارف انا بحبهم كلهم بس يمكن ماما مختلفة حضنها فيه أمان الدنيا كلها.. نفسى احضنها اوى هى و حشتنى اوى ..و بابا كمان و حاتم و ملك ( عندما ذكرت اسم ملك بدأت بالبكاء)
أسر٠٠ مالها ملك يا ماليكه
ماليكه٠٠ ملك راحت و راح معاها كل حاجة حلوه
أسر٠٠ ملك ماتت مش كده
ماليكه٠٠ ملك اتقتلت .. قتلوها من غير رحمه
( هنا سكتت ماليكه )
أسر٠٠ مين دول إللى قاتلوا ملك.. اتكلمى .. ماينفعش تسكتى تانى.. عشان خاطر حق ملك
ماليكه٠٠ خالد عامر السروجي و لؤى مكرم الطحاوى قتلوها بعد ما اغتصبوها
أسر٠٠ براحه و هدوء قوليلى حصل ايه بالظبط
ماليكه ٠٠ الموضوع بدء لما ملك كانت عايز تروح رحلة مع أصحابنا للبحر الأحمر
•••••••••••••••••••••••••••
[ [فلاش باك ٣ سنين ] ]
(ملك بتحاول تقنع أمها برحلة الى البحر الأحمر مع أصحابها)
ملك ٠٠ بليز ماما عشان خاطرى
مرفت٠٠ انا قولت لأ.. انتى من امتى بتروحى رحلات مع اصحابك
ملك٠٠ ما احنا روحنا قبل كده كذا رحلة ايشمعنا الرحلة دى
مرفت٠٠ روحتوا قبل كده رحلة يوم واحد و بترجعوا آخر اليوم .. لكن دى رحلة ٣ ايام فى البحر الأحمر عايزه تباتى بره البيت ٣ ايام
ملك٠٠ كل ده عشان ماليكه مش عايزه تروح الرحلة دى يعنى لو ماليكه هى إللى طلبت منك مش كنتى وافقتى
ماليكه ٠٠ نعم يا ست ملك انا مالى بقى بموضوع ده
ملك٠٠ ماهو كله منك انتى يا ماليكه
ماليكه ٠٠ وانا مالى انتى إللى هيفا و بتتعلقى فى الحاجة زى الاطفال
ملك٠٠ شوفتى يا ماما بتكلمنى ازاى
مرفت٠٠ عيب يا ماليكه اتكلمى مع اختك بأسلوب احسن من كده
ماليكه٠٠ خلاص يبقى مش تجيب سيرتى اوكى
ملك٠٠ و انا هجيب سيرتك ليه ان شآء آلله من جمالك يعنى
ماليكه ٠٠ على أقل احلى منك و اعقل كمان
ملك٠٠ ماما شايفه بتقولى إيه
مرفت٠٠ بقولكم ايه انا ماشيه عشان تتخنقوا مع بعض براحتكم.. واخر كلام عندى لو روحتوا الرحلة انتم الاتنين مع بعض انا موافق غير كده لا
( غادرة مرفت الى غرفتها)
ملك٠٠ اسمعى يا ماليكه انا عارفه انك كل حاجة عندك بمقابل قوليلى عايزه ايه و تيجى معايا الرحلة
عشان ماما مش هتوافق اروح الرحلة غير وانتى معايا
ماليكه٠٠ طيب انا محتاجه مصروفك لمدة أسبوعين
ملك٠٠ نعم بتهزرى اسبوعين كتير
ماليكه٠٠ خلاص براحتك شكلك مش عايزه تروحى الرحلة
ملك٠٠ خلاص موافقه
ماليكه٠٠ خلاص حضرى شنطة السفر هتروحى البحر الأحمر
ملك ٠٠ بس افتكريها يا ماليكه ليكى يوم
◇■◇■◇■◇■◇◇■◇■
فى البحر الأحمر
أقاموا المسؤولين عن الرحلة بنصب الخيام ..بحيث كل ثلاته اشخاص فى خيمة واحده على البحر
فى مساء اليوم الأول فى الرحلة
نرمين٠٠ اسمعوا يا بنات عندى ليكم خروجه تجنن
ملك٠٠ فين
نرمين ٠٠ ديسكو
ملك٠٠ الله انا عمرى ما روحت ديسكو
نرمين٠٠ هنروح دلوقتى انا حجزت تربيزه لينا
ماليكه٠٠ روحوا انتم أنا و ملك مش رايحين
ملك ٠٠ لا انا هروح
ماليكه٠٠ خلاص هتصل بماما و هقولها
نرمين٠٠ فى ايه يا ماليكه انتى كل حاجة عندك لأ
ماليكه٠٠ والله انا كده
ملك٠٠ و انا مش كده ...انا من حقى اروح فى المكان إللى يعجبني
نرمين٠٠ اسمعى يا ماليكه القصة كلها اننا هنروح نضحك و نرقص هنقضى وقت حلو مش اكتر
ماليكه٠٠ هو ماينفعش نقضى وقت حلو غير فى الديسكو
نرمين٠٠ ياستى اعتبرى زى اي مطعم لو المكان مش عجبك يبقى امشى منه
ملك٠٠ يلا يا ماليكه عشان خاطرى بليز
ماليكه ٠٠ خلاص موافقه
(حضنت ملك ماليكه لانها وافقت)
◇■◇■◇■◇■◇■◇■
فى الديسكو
الاصدقاء مجتمعون على المائده
لؤى ٠٠ هاى يا نرمين انتى بتعملى ايه فى البحر الاحمر
نرمين٠٠ رحلة مع صحابى فى الجامعة .. ايه ده خالد كمان معاك.. انا كده حظى حلو
خالد٠٠ مش تعرفينا
نرمين٠٠ دول صحابى انت عارفهم
خالد٠٠ بس فى وجه جديد معاكى اهو
نرمين٠٠ اه دول ملك و ماليكه اخوات
لؤى ٠٠ اه همآ ليهم شبه من بعض
ملك٠٠ احنا توأم
لؤى٠٠ بجد . انتم احلى توم شوفتهم فى حياتى
ملك ٠٠ ميرسى
خالد٠٠ هى اختك مش بتتكلم ولا ايه
ماليكه٠٠ معلش انا مش متعودة اتكلم مع حد معرفهوش
خالد٠٠ طيب ما احنا ممكن نتعرف انا خالد
ماليكه٠٠ يلا نمشى يا ملك كفاية كده
خالد٠٠ لسه بدرى انا عزمكم كلكم على رحلة باليخت بتاعى ايه رايكم
نرمين٠٠ طبعآ موافقين
لؤى٠٠ انتى معانا يا ملك صح
ملك٠٠ اوكى موافقة
ماليكه٠٠ انتى اتجننتى يا ملك اتفضلى قدامى هنمشى دلوقتى
خالد٠٠ عصبيه اوى صاحبتك دى يا نرمين انا بيعجبنى النوع ده اوى .. على فكره يا ماليكه انتى معايا على اليخت النهاردة ( هنا مسكه خالد أيد ماليكه )
ماليكه ٠٠ سيب ايدى يا حيوان
( وهنا رميت ماليكه كأس العصير فى وش خالد )
خالد٠٠ نهارك مهبب انتى ايه إللى عملتى ده
نرمين٠٠ انتى اتجننتى يا ماليكه
ملك٠٠ انت ماكنش ينفع تمسك من أيدها كده على فكره
نرمين٠٠ عادى يعنى.. بعدين هو مسك ايد مين البرنسيسه ماليكه
ماليكه ٠٠ انا مش هرد عليكى .. لان واحده زيك متعرفش عيب و الاحترام بالنسبالك عادى عشان متعوده على كده انما انا لأ..فاهمه يا بتاعت العادى
نرمين٠٠ انت قليلة الأدب
ماليكه٠٠ أكيد عشان مصاحبة واحده زيك لازم اكون قليلة الادب
ملك٠٠ خلاص يا جماعة يلا بينا يا ماليكه
خالد ٠٠ تروح فين انا مش هسيبها
ماليكه٠٠ اجرى يلا العب بعيد
( الكل ضحك على رد ماليكه لخالد بعد كده غادروا التوأمان )
◇■◇■◇■◇■◇■◇■◇■
فى الخيمة على الشاطئ
(جأت نرمين تعتذر من ماليكه )
نرمين٠٠ خلاص بقى يا ماليكه متزعليش
ملك٠٠ خلاص بقى
نرمين٠٠ و عشان إللى انا عملتوا معاكى عزمكى على الغدا بكره
ماليكه ٠٠ خلاص مالهوش لازمه
نرمين٠٠ انا مصممه
ملك٠٠ خلاص بيقى هتغدا مع بعض بكره
◇■◇■◇■◇■◇■◇■◇■
اليوم التالى وقت الغدا
نرمين ٠٠ يلا بينا جاهزين
ماليكه٠٠ انا جاهزه
ملك٠٠ و انا كمان
نرمين ٠٠ اه صح احنا هنفوت على عمتى الأول هاخد منها فلوس
ملك٠٠ تمام مش مشكله
◇■◇■◇■◇■◇■◇■◇■
أمام الشالية إللى نرمين قالت عليه انه بتاع عمتها
نرمين ٠٠ ايه انتم مش هتدخلوا معايا
ماليكه ٠٠ لا احنا هنقف عند الباب و انتى ادخلى لعمتك
( دخلت نرمين الشالية و فجأه طلع خالد و لؤى من الشالية و سحبوا ماليكه و ملك داخل الشالية بالقوة)

كان صوت صراخ ماليكه و ملك قوى مع ذلك لما يسمعهم احد وهنا ربط خالد و لؤى ايدهم فى الكرسى.. داخل إحدى غرف الشالية.. و هنا قال خالد)
خالد٠٠ انا قولتلك مش هسيبك
ماليكه ٠٠ انت هتندم على عملتوا ده
نرمين٠٠ انا مش عارفه انتى جايبه قوة القلب دى منين انتى مش خايفه
ماليكه ٠٠ انتم إللى لازم تخافوا على هيحصل فيكم
ملك٠٠ بابا ظابط كبير و اخويا كمان هيوديكم فى ستين داهية
لؤى٠٠ هى بتتكلم بجد
نرمين ٠٠ لا كدابه
خالد٠٠ و حتى لو بتتكلم بجد انا لازم اكسر منخيرها
نرمين ٠٠ انا ماشية دلوقتي
( غادرة نرمين)
خالد٠٠ تحبوا نبدء بمين فيكم الأول
ماليكه٠٠ انت تقصد ايه
( كان لؤى و خالد بيقربوا عليهم و ماليكه و ملك بيصرخوا بيحاولو يفكوا أيديهم وهنا قال خالد)
خالد٠٠ ماليكه ماتخافيش انا هحلى بيكى هات ملك و بعد كده نحلى بماليكه تستاهل بردوا
ماليكه٠٠ لأ .. حرام عليك خالد اسمعنى ..خالد انت مدايقك منى ملك مالهاش دعوة سيبها .. لا ملك .ملك .ملك
( اخد لؤى و خالد ملك خارج الغرفة.. و كانت ماليكه فى حالة هيجان هى سامعه صراخ ملك و ضحكات لؤى وخالد.. لحاد ما قدرت ماليكه تفك ايدها لكن باب الغرفة كان مغلق كانت ماليكه بتكسر فى الباب و كل ما بداخل الغرفة .. و كان صراخ ملك كأنه نار بتحرق فى جسد ماليكه و فجأة اتفتح الباب و اترمت ملك داخل الغرفه هى لأ تقوى حتى على الوقوف .كانت ملابسها ممزقه تقريبآ شبه عاريا كانت بتنزف نتيجة الاغتصاب وهنا حضنت ماليكه و هى تصرخ)
ماليكه٠٠ هقتلهم و الله هقتلهم
( وهنا دخل خالد و لؤى الغرفه وقاله)
خالد٠٠ دورك يا جميل
( مسك خالد أيد ماليكه و هى تصرخ بتقاوم بكل قوتها..و هنا جريت ملك عليهم لتدافع عن اختها... لكن دفعها خالد و لؤى بقوة هنا اتصدمت رأسها من الخلف بحرف السرير و وقعت على الأرض و رأسها كان ينزف لدرجة ان الدم انتشر فى الغرفة.. صرخت
ماليكه و جريت على ملك )
ماليكه ٠٠ ملك لأ..ملك ردى عليا .. إسعاف..انتم واقفين كده ايه اطلبوا إسعاف اختى بتموت ملك .. إسعاف بسرعة حرام عليكم ملك
ملك٠٠ خلاص ...... قولى لماما انا اسفه ...............
ماليكه٠٠ ملك اه ه ه ه ه ه ه ( ماتت ملك)
□□□□□□□□□□□□□□□□□
#يتبع
إللى القاء فى الجزء الخامس
#رواية_مجنونه_بالإجبار
#الكاتبة٠أروى٠عادل
#الفصل_الخامس
ماليكه٠٠ ملك لأ ملك اه ه ه ه ه ه (ماتت مالك)
( عندما رأى خالد و لؤى موت ملك خافوا وخرجوا من الغرفة مسرعين)
٠٠٠٠٠
بعد مرور ٣ ساعات و ماليكه مازالت حضنه ملك وهى تصرخ كانت فى حالة هلع و صدمة من مما حدث
فجأة انفتح باب الغرفة و دخل
راجل الأعمال مكرم الطحاوى و المليادير عامر السروجي )
عامر ٠٠ ايه إللى حصل دى ماتت
خالد٠٠ انا ماكنش قصدى اموتها يا بابا
لؤى٠٠ اه والله هى إللى وقعت على حرف السرير
( هجمت ماليكه عليهم هو تصرخ لكن مسكها مكرم و عامر )
ماليكه٠٠ انا مش هسيبكم انتم لازم تموتوا زيها
(هنا ربط عامر السروجي ايدها بقها)

مكرم٠٠ فين نرمين
لؤى٠٠ انا اتصلت بيها و هى زمانها جاية
خالد٠٠ بابا هو ايه إللى هيحصل دلوقتى
عامر٠٠ ماتخافش أكيد ليها حل
مكرم ٠٠ حل ازاى البنت ماتت
عامر٠٠ لما تيجى نرمين هنعرف مين أهلها بعد كده هنتصرف على اساس مين أهلها
مكرم٠٠ طيب البنت التانيه هنعمل فيها ايه
عامر٠٠ مش لازم تطلع من هنا عايشه دى ممكن تودى أولادنا فى داهيه
مكرم ٠٠ الدم لأ
لؤى ٠٠ نرمين اهى
نرمين٠٠ فى ايه .. يا نهار اسود مالها ملك
خالد٠٠ ماتت
نرمين٠٠ يا نهار أسود .. انت عملت ايه
انت قولتلى انك هتعمل علاقة مع ماليكه بس قولتلك مالكش دعوة بملك انت كده ضيعتنا كلنا
عامر٠٠ اسكتى شويه بقى٠٠ تعرفى أهلهم
( سكتت نرمين هى خايفة)
مكرم٠٠ ما تنطقى تعرفى أهلهم
نرمين٠٠ اه ابوهم العميد سليم المحمدى كمان اخوهم الرائد حاتم
لؤى٠٠ بس ملك لما قالت ان أبوها ظابط شرطه انتى ساعتها قولتى انها كدابه
نرمين٠٠ كدبت ايوه كدبت كنت عايزه انتقم من ماليكه بس عشان الكلام إللى قالتوا قدام صحابى لكن ماكنتش عارفه انكم هتموتوا ملك
مكرم٠٠ اكيد اتجننتوا.. انتم عارفين عملتوا ايه ..
و عارفين كمان أبوهم هيعمل فيكم ..ماكنش قدامك غير بنات ظابط شرطة
خالد٠٠ احنا هنعرف منين ان ابوهم ظابط
عامر٠٠ خلاص احنا لازم نفكر بهدوء اكيد هنلاقى حل.. اول يا نرمين مش عايز حد يلاحظ اختفائهم
نرمين٠٠ حاضر بس المفروض بكره كنا طالعين رحلة بحرية كل يخت
عامر٠٠ هيكونوا موجودين معاكم
نرمين٠٠ طيب ازاى
عامر٠٠ مالكيش دعوة المهم انهم هيكونوا معاكم
(كنت ماليكه تسمع كل ما يدور و هنا و قفلت على رجليها و حاولت الهجوم على نرمين لكن ضربها عامر السروجي على رأسها أفقدها الوعى
•••••••••••••••••••••••••
العوده من الفلاش باك
........................
(نرجع للوقت الحالى و ماليكه مع د.أسر بعد ما حكت كل شئ لدكتور أسر)

كنت دموع ماليكه تنهمر منها دون توقف
ماليكه٠٠ بعدها فوقت لاقيت نفسى فى المستشفى
أسر٠٠ أنا أسفه انى فكرتك بكل ده
ماليكه ٠٠ انا عمرى ما نسيتو
أسر٠٠ بس انتى مش فاكره دخلتى المستشفى ازاى
ماليكه ٠٠ لا مش فاكره
أسر٠٠ تمام طيب أنا ممكن اروح لأهلك و أعرفهم مكانك
( قامت ماليكه مفزوعة من مكانه وهى تقول بخوف )
ماليكه٠٠ لا اوعى تعمل كده
أسر٠٠ ليه اكيد حالتهم صعبة دلوقتى بيدوروا عليكى
ماليكه ٠٠ انا مقدرش اوجهم .. طيب هقولهم ايه لو سألوني عن ملك .. و على الطريقه إللى ماتت بيها
هقولهم ايه انى مقدرتش احمى أختى .. سيبتها تموت قدامى و انا معملتش حاجة ليها. و ماما مش هتسامحنى و لا حتى بابا .. ملك ماتت بسببى
أسر٠٠ لأ مش بسببك انتى مالكيش ذنب فى موت ملك لازم تتخلصى مش شعورك بذنب عشان تقدرى تعيشى حياتك
ماليكه ٠٠ مين قالك انى عايزه أعيش
أسر٠٠ لو الموت حل مكانش للحياة وجود
ماليكه٠٠ سيبنى انا خلاص مافيش منى فايده ..و الأيام إللى فاضله فى حياتى هقضيها فى المستشفى
ده عقابى لنفسى لازم اتقبلوا
أسر٠٠ غلط .. عقاب غلط على ذنب انتى معملتهوش واللى عمل كده فيكى و فى ملك عايش حياته و مستمتع بيها كمان .. انتى فاكره ملك هتكون مرتاحه وهى شايفكى دلوقتى
ماليكه ٠٠ لاء اكيد هى زعلانه منى
أسر٠٠ كويس انك عارفه .. يا ماليكه هروبك من الواقع مش هيغيرو ..ملك ماتت هى بتدافع عنك
دلوقتى دورك انتى تجيبى حقها..
ماليكه ٠٠ ممكن كفايه كده النهاردة مش عايزه اتكلم تانى
أسر٠٠ أنا عارف ان الجلسة النهاردة كنت طويله و متعبه
اتفضلى انا هوصلك أوضتك
◇■◇■◇■◇■◇■◇■
فى غرفة استراحه الدكاترة
سامح٠٠ سرحان فى ايه يا أسر .. اوعى تقولى ماليكه تانى
أسر٠٠ هى فعلآ ماليكه .. تحليلى القصة طلع مظبوط ( حكى أسر كل شئ عن ماليكه لسامح)
سامح٠٠ دى كده جنايه لازم نبلغ البوليس
أسر٠٠ أنا فكرت فى كده .. بس رجعت نفسى
سامح٠٠ ليه
أسر٠٠ خوفت ماحدش يسدقها..خصوصآ انها موجوده فى مستشفى نفسية و عقلية.. لحد دلوقتى دى موجوده هنا باسم ياره مكرم .. كمان مافيش دليل يثبت كلامها
سامح٠٠ عند حق .. طيب انت ناوى على ايه
أسر٠٠ لازم أهلها يشوفها و بتعرفوا عليها
سامح٠٠ مين اللى هيعرف أهلها
أسر٠٠ أنا.. بس لازم ماليكه تكون مستعده انها تشوف أهلها عشان مش يحصل لها انتكاسه
سامح٠٠ كده الموضوع محتاج وقت عشان ماليكة تكون مستعده للمواجهة
أسر٠٠ صح بس .مش وقت كتير.. متهيألى كلامى النهاردة مع ماليكه أثر فيها . و كلها كام يوم و هى إللى هتطلب تشوف أهلها ..مش ده إللى قلقنى دلوقتى
سامح٠٠ آمال ايه إللى قلقك
أسر٠٠ أنا بحثت على خبر عن موت ملك سليم المحمدى و تعرف اكتشفت ايه
سامح٠٠ ايه اوعى تقولى نصيبه تانية
أسر٠٠ الخبر الوحيده إللى لاقيتو بتكلم على موتها.. مكتوب فيه بالظبط .. موت شقيقتان توأم ملك و ماليكه سليم المحمدى غرقانين ..فى مياه البحر الأحمر أثر تناولهم مواد مخدرة
سامح٠٠ يعنى ايه .. ماليكة ماتت غرقانه آمال مين إللى كل ما نعرف ليها اسم تطلع ماتت قبل كده
أسر٠٠ هى ماليكه .. و تاريخ الحادثه بيتفق مع كلام ماليكة ده غير هى نفس إللى فى الصوره المنشورة مع خبر وفاتها .. و غير ده انا واثق فى كلامها .. بس مكرم الطحاوى..و عامر السروجي لعبوها صح ..
سامح ٠٠ عملوها ازاى دى
أسر٠٠ مش عارف .. بس الناس دى دماغهم سم
◇■◇■◇■◇■◇■◇■◇■
فى فيلا الطحاوى
(يجلس الدكتور أيهاب فى انتظار مكرم الطحاوى )
مكرم٠٠ خير يا دكتور ايهاب طلبت تقابلنى
أيهاب٠٠ كنت عايزك بخصوص بنت حضرتك
مكرم٠٠ فى ايه تانى .. انا سايبها في المستشفى عشان اريح دماغى .. مش عشان كل شويه واحد يجيلى هنا
أيهاب٠٠ انا عارف.. بس حضرتك كنت مكلفنى أتابع حالتها و نظام العلاج إللى متفقين عليه
مكرم٠٠ طيب فى ايه تانى
أيهاب٠٠ د.حبيب كلف دكتور تانى بمتابعة الحالتها من فتره و حالة ياره اتحسنت كتير
مكرم٠٠ انت بتقول ايه يعنى اتحسنت
( جذب مكرم د.أيهاب من لياقة قميص كأنه كأنه كان على وش ضربه هنا قال ايهاب بخوف)
أيهاب٠٠ انا ماليش دعوة د.أسر هو اللى كان مصمم..و د.حبيب هو اللى سلم ليا الحالة ياره
مكرم٠٠ وانت جاى تقولى دلوقتى بعد ما اتحسنت حالتها
أيهاب٠٠ إللى عرفتوا انها لحد دلوقتى رافضه الكلام
مكرم٠٠. امشى دلوقتى من وشى
(غادر د.أيهاب ثم اتصل مكرم بعامر السروجي )
مكرم ٠٠ الوو عامر باشا الحقنى
عامر٠٠ فى ايه يا مكرم
مكرم ٠٠ البنت بقيت تتحسن
عامر٠٠. بنت مين
مكرم٠٠ ماليكه لسه الدكتور إللى كنت مكلفه بمتابعتها
بيقولى فى دكتور تانى هو اللى تابع حالتها وكمان بيقولى انها اتحسنت كتير
عامر٠٠ الله يخرب بيتك يا مكرم .. انت مش قولت انك مظابط كل حاجة مع الدكاتره
مكرم٠٠ والله ده فعلآ إللى حصل بس موت دكتور سمير هو اللى لخبط الدنيا
عامر٠٠ انا قولتلك من الأول نخلص منها و نرتاح قولتلى مابحبش الدم . اشرب بقى
مكرم٠٠ عامر باشا مش وقت الكلام احنا مع بعض فى الحوار ده من الاول
عامر٠٠ اسمع انا ابنى لو اسمه اتذكر فى الحوار ده انت مش متخيل انا ممكن اعمل فيك ايه
مكرم٠٠ عامر باشا مالهوش لازمه التهديد لان احنا كلنا فى مركب واحده
عامر٠٠ البنت اتكلمت
مكرم٠٠ لسه
عامر٠٠ انت تروح بكرة تاخدها من المستشفى ..ده حقك مش انت أبوها على الورق .. بعد كده نبقى نخلص منها بأى طريقه
◇■◇■◇■◇■◇■◇■◇■◇■
اليوم التالى فى المستشفى
فى غرفة استراحة الدكاتره
سامح٠٠ ايه يا أسر مش عندك شغل
أسر٠٠ ايه بلاش ارتاح شويه
سامح٠٠ أرتاح ياسيدى..
أسر٠٠ تعرف انا اكتشفت ان شغل الفتره المسائيه احسن ياريتنى ما رجعت الفتره الصباحية تانى
الممرضة عبير٠٠ الحق يا د. أسر
أسر ٠٠ فى ايه ماليكه كويسه
سامح٠٠ هو خلاص تفكيرك كل بقى على ماليكه
أسر٠٠ استنا بس اعرف في ايه
الممرضة عبير٠٠ ابوه ماليكه مكرم بيه جاى عشان يأخدها
أسر٠٠ هو فين دلوقتى
ممرضه٠٠ فى مكتب د.حبيب
أسر٠٠ طيب روحى انتى دلوقتي
سامح ٠٠ هتعمل ايه قانونآ ده من حقه لانه أبوها حتى لو على الورق
أسر٠٠ اكيد فى حد قاله. انها بدأت تتحسن.عشان كده جه يخدها ..بس انا مش ممكن أسمح له يخدها من المستشفى مهما حصل
سامح٠٠ أسر انت مش بأيدك حاجة
أسر٠٠ لأ بأيدى ( غادر أسر الغرفة الدكاتره الى غرفة ماليكه)
◇■◇■◇■◇■◇■◇■◇■
غرفة ماليكه
أسر٠٠ يلا يا ماليكه
ماليكه ٠٠ فى ايه
أسر٠٠ مكرم جاى ياخدك .. لازم اهربك
ماليكه٠٠ ياخدنى لاء لاء انا خايف
( و هنآ جلست فى ركن فى الغرفة هى حضنه قدميها و تتطلع لبابا الغرفة برعب)

أسر٠٠ ماليكه مافيش وقت لازم تسيطرى على نفسك لازم تهربى قبل فوات الأوان
ماليكه ٠٠ بس انا خايفه
أسر٠٠ عارف وانا كمان خايف عليكى بس مش لازم نستسلم لخوفنا .. يلا يا ماليكه
( هنا مد أسر أيده الى ماليكه ثم مسكت ماليكه أيد أسر ساعدها أسر على الوقوف و غادروا الغرفة دون ان يراهم أحد ثم خبأها أسر فى دولاب الملابس الخاص بأسر بالمستشفى )
أسر٠٠ مهما يحصل اوعى تطلعى من غير ما انا اقولك
ماليكه٠٠ بس انا عندى فوبيا من الأماكن المغلقة
أسر٠٠ معلش حاولى تستحملى .. مش هقفل الدولاب عليكى بس لو حسيتى ان أى حد دخل الأوضة اقفلى الدولاب ..تمام
ماليكه ٠٠ حاضر .. بس متتأخرش عليا انا خايفه
أسر٠٠ ماتخفيش..
◇■◇■◇■◇■◇■◇■◇
فى ممر المستشفى
سامح ٠٠ انت روحت فين
أسر٠٠ أنا اهو فى حاجه
سامح٠٠ فين ماليكه
أسر٠٠ فى أوضتها ليه
سامح٠٠ أسر إللى بتعملوا غلط
أسر٠٠ فى إيه ( جاء د. حبيب و معاه مكرم)
د.حبيب٠٠ فين ياره مكرم يا أسر
أسر٠٠ اكيد فى أوضتها
مكرم٠٠ مش فى أوضتها يا دكتور.. قولى فين بنتى
أسر٠٠ و انا اعرف منين فين بنت حضرتك
مكرم٠٠ انا هوديك فى ستين داهيه لو بنتى مش ظهرت دلوقتى
أسر٠٠ لو سمحت اتكلم بأسلوب احسن من كده انت فى مستشفى مش فى الشارع.. ياريت تتكلم بالهدوء هندور عليها و اكيد هنلاقيها هتروح فين يعنى
□□□□□□□□□□□□□□□□□
#يتبع
إللى القاء فى الجزء السادس
تعليقات
إرسال تعليق