رواية مجنونه بالأجبار الفصل 6-7-8-9-10بقلم اروى عادل
رواية مجنونه بالأجبار الفصل 6-7-8-9-10بقلم اروى عادل
#رواية_مجنونه_بالإجبار
#الكاتبة٠أروى٠عادل
#الفصل_السادس
أسر٠٠ لو سمحت اتكلم بأسلوب احسن من كده انت فى مستشفى مش فى الشارع .. و ياريت تتكلم بالهدوء . واحنا هندور عليها و اكيد تلاقيها هتروح فين يعنى
مكرم ٠٠ المفروض انت إللى تقولى هتروح فين ازاى مريضه تختفى من المستشفى من غير ما حد فيكم ياخد باله
د.حبيب٠٠ اهدى يا مكرم بيه ممكن تكون خايفه مستخبيه فى اي مكان
سامح٠٠ اهو حد قالها انك جاى تاخدها فخافت
مكرم٠٠ تقصد ايه يا دكتور هتخاف منى ليه
أسر٠٠ دكتور سامح يقصد يقول ان المريضه ساعات بيكون متعلق بالمستشفى مش عايز يخرج منها لانه بيكون فاقد الثقه فى العالم الخارجى
مكرم ٠٠ انا ماليش دعوه بكلام المجانين ده انا عايز بنتى قدامى دلوقتى
د.حبيب٠٠ اتفضل يا مكرم بيه عندى فى المكتب
و انا هأمر كل الأمن في المستشفى يدورو عليها
( امر د.حبيب الجميع بالبحث عن ماليكه)
◇■◇■◇■◇■◇■◇■◇■
فى الغرفة تغير الملابس الموجوده فيها ماليكه
( طلعت ماليكه من الدولاب نظرت فى جميع أركان الغرفة و هنا لاقيت بالطو ابيض بتاع الدكتور أسر ..لاقيت ايضآ نظاره طبيه.. لبست ماليكه البالطو و النظاره و فردت شعرها و طلعت من الغرفة
مشيت بهدوء شديد لم يتعرف عليها أحد و توجهت إللى مباشرآ إللى باب الخروج من المشفى هنا أوقفها راجل الأمن و هى خارجه من المشفى )
الأمن ٠٠ انا اسف يا دكتوره انتى معانا هنا فى المستشفى
ماليكه ٠٠ خير بتسأل ليه
الأمن ٠٠ معلش انا أول مره اشوف.حضرتك
ماليكه٠٠ أكيد عشان انا شفت مسائي ..انا د.ماليكه فى حاجه تانى ولا ممكن اخرج
الأمن ٠٠ اه طبعا اتفضلى يا دكتوره
( خرجت ماليكه من باب المشفى لأول مره من
٣ سنوات. هى تنظر إلى كل شئ بخوف كأنها طفلة صغيرة تائه من أمها )
◇■◇■◇■◇■◇■◇■◇■◇
فى مكتب د.حبيب
الأمن ٠٠ يا فندم مش موجوده في المستشفى كلها
د.حبيب٠٠ دورتوا كويس
الامن٠٠ مافيش مكان فى المستشفى كلها مش دورنا فيه
د٠حبيب٠٠ روح أتأكد من البوابه الرئيسية للمستشفى
و مش عايز حد يخرج من المستشفى غير بأذن منى
الأمن ٠٠ حاضر يا فندم
سامح٠٠ هو ايه إللى هيوصلها لحاد البوابه
أسر٠٠ معلش يا دكتور سامح لازم نتأكد من كل حاجه
مكرم٠٠ اتاكدوا من كل حاجه بس فى الآخر انا عايزها تكون قدامى
( بعد ربع ساعة رجع رجل الأمن و معاه المسؤول عن البوابة )
الأمن ٠٠ انا أمرت مافيش حد هيخرج من المستشفى غير بأذن منك يا دكتور حبيب.. و انا جبت المسؤول عن البوابة معايا
د.حبيب٠٠ فى حد خرج من بابا المستشفى من نص ساعة إللى فاتت
أمن البوابة٠٠ مافيش غير دكتوره ماليكه
أسر٠٠ دكتور مين
أمن البوابه ٠٠ ماليكه
د.حبيب٠٠ احنا عندنا دكتوره هنا اسمها ماليكه
سامح٠٠ آظن لا
مكرم٠٠ و انت اي حد يخرج من البوابه و يقولك انه دكتور عادى
أمن البوابة ٠٠ دى كانت لبس بالطو الأبيض و شكلها عقله جدآ
أسر٠٠ طيب كان شكلها ايه
أمن البوابه٠٠ هى كانت حلوه اوى بيضه و عينيها خضره و شعرها بنى طويل
د.حبيب٠٠ من امتى خرجت من البوابه
أمن البوابه٠٠من أقل من نص ساعة تقريبآ
مكرم٠٠ يعنى ايه الكلام ده ماليكه هربت
أسر٠٠ ماليكه مين هى مش بنت حضرتك اسمها ياره
( أتجاهل مكرم كلام أسر ثم قال)
مكرم٠٠ انا هقدم شكوى فيكم و هقفل لكم المستشفى دى. ( خارج مكرم من المستشفى مسرعآ ليبحث عن ماليكه)
د.حبيب٠٠أسر انت ليك علاقه بهروب إللى اسمها ياره او ماليكه دى
أسر٠٠ لأ .. و ماتخفش يا د.حبيب مش هيقدر يقدم بلاغ هيقول ايه فيه بنتى اللى ماتت من ٤ سنين اختفيت من المستشفى
سامح٠٠ أسر عنده حق
أسر٠٠ طيب عن أذنكم انا
(خرج أسر من غرفة المدير و جرى على غرفة تغير الملابس لكنه لاقى الدولاب مفتوح و ماليكه غير موجودة وهنا أتأكد من كلام رجل الأمن أن ماليكه هربت و هنا غادر أسر المستشفى ليبحث على ماليكه بالسياره هو يعلم أن حالتها لا تسمح بوجودها بمفردها خارج المشفى و يعلم ايضآ ماذا سيحدث لها اذا وقعت فى ايدى مكرم الطحاوى ..)
◇■◇■◇■◇■◇■◇■◇■
فى سيارة أسر
يبحث أسر عن ماليكه.. الطريق كان واقف كان فى صوت كلاكسات السيارات عالى نزل أسر من السياره ليعرف ماذا حدث و هنا رأى ماليكه واقفه فى نصف الطريق رغم الأصوات العاليه لكنها لم تتحرك كأن أصابها شلل تام جرى أسر عليها اخدها إلى السياره
هو يتأسف للجميع عن تصرف ماليكه

فى السيارة
أسر٠٠ ماليكه انتى كويسه.. ماليكه اهدى انتى بتترعشى
ماليكه٠٠ انا ماعرفتش اعدى الطريق .. معرفتش حتى اتحرك . انا كنت خايفه ماكنتش عارفه اتصرف
أسر٠٠ و ليه خرجتى من المستشفى لوحدك .. انا مش قولتلك استنينى
ماليكه٠٠ خوفت انك تنسانى.. و خوفت مكرم الطحاوى يلاقينى
أسر٠٠ انسى المهم انك معايا دلوقتي ..
ماليكه٠٠ و انا هعمل ايه دلوقتي هروح فين
أسر٠٠ أول حاجه انتى بتثقى فيا
ماليكه٠٠ بعد إللى عملتوا معايا لازم اثق فيك
أسر٠٠ يبقى تسمعى كلامى
ماليكه٠٠ اتكلم على طول مش لازم مقدمات
أسر٠٠ هههه تمام
ماليكه٠٠ انا مش شايفه حاجة تخليك تضحك
أسر٠٠ مستغربك بصراحه .. ازاى قدرتى تهربى من المستشفى وكمان تقنعى الأمن انك دكتوره
ماليكه٠٠ الفضل يرجع ليك يا دكتور.. انت إللى رجعت ليا ماليكه من تانى
أسر٠٠ كلامك ده بيخلينى اشك انك كنتى حاسه بكل حاجه بتحصل حواليكى طول ٣ سنين إللى فاته
ماليكه٠٠ اه كنت حاسه
أسر٠٠ طيب ليه استحملتى
ماليكه ٠٠ عشان ده كان عقابى لنفسى
أسر٠٠ بتعقبى نفسك ليه على ايه
ماليكه ٠٠ لانى مقدرتش احافظ على حياة ملك
أسر٠٠ لازم تتخلصى من فكرت انك السبب فى موت ملك عشان تقدرى تعيشى ..و عشان كمان تقدرى توجهى إللى جاى
ماليكه٠٠ صعبه
أسر٠٠ بس مش مستحيل .. احنا وصلنا
ماليكه٠٠ فين
أسر٠٠ بيتى
ماليكه٠٠ نعم بيتك
أسر٠٠ انتى مش بتثقى فيا
ماليكه٠٠ اه بس مش لدرجة بيتك
أسر٠٠ هههه طيب ياساى يلا انزلى من العربية و متخافيش
( هنا مسك أسر ايدها و أخرجها من السياره و دخل عماره و طلع الدور الثانى عندما فتح باب الشقة هنا قالت ماليكه )
ماليكه ٠٠ لأ .. لأ مش هينفع
أسر٠٠ قالتلك ماتخافيش انا مش عايش لوحدى جدتى معايا
ماليكه٠٠ طيب اشوفها الأول
أسر٠٠ حاضر.. يا تيته. تيته . تيته
تيته٠٠ ايوه فى ايه
أسر٠٠ تيته معايا ضيفه
تيته٠٠ اهلا وسهلا طيب اتفضلوا واقفين بره ليه
أسر٠٠ مش راضيه تدخل غير ما تتأكد انك موجوده فى البيت
تيته ٠٠ اول مره تعرف واحده عندها دم و بتفهم
أسر٠٠ خلاص يا تيته ماليكه واقفه
تيته٠٠ اسمها ماليكه.. تعالى ادخلى يا ماليكه على فكره اسمك حلوه
ماليكه ٠٠ ميرسى يا تيته
تيته٠٠ بسم الله ماشاء الله ايه الجمال ده .. المره دى ذوقك طلع حلو اوى يا أسر
أسر٠٠ تيته اهدى عليا شويه .. الموضوع مش زى ما انتى فاهمه
ماليكه ٠٠ ممكن الحمام
أسر٠٠ اه طبعآ اتفضلى من هنا
( بعد دخول ماليكه الحمام قال اسر)
أسر ٠٠ تيته ايه إللى انتى بتقولى احرجتى البنت و بعدين دى مجرد صديقه هتقعد عندنا كام يوم
تيته٠٠ أسر انت جايب بنت البيت كمان عايزها تفضل كام يوم معاك .. اسمع الكلام ده عن امك فى بريطانيا انما هنا انت فى بيت محترم
أسر٠٠ يا تيته انتى بتقولى إيه ..اذا كانت ماليكه مدخلتش البيت غير لما شافتك.. يبقى جايبه الأفكار إللى فى دماغك دى منين
تيته٠٠ اه صح.. بس هى بردوا غريبه
( طلعت ماليكه من الحمام وسمعت كلام تيته)
ماليكه ٠٠ هى فعلآ غريبه من حق تستغربى. اذا كان انا مستغربه الموقف
تيته٠٠ انا مقصدش انا
ماليكه ٠٠ انا عارفه انتى قصدك ايه ده طبيعى و حقك كمان . بصراحه هى غريبه حفيدك داخل و معاه بنت بيقولك هتقعد معانا ..طبيعى تدايقى
أسر٠٠ خلاص بقى.. قوليلى يا تيته هتغدينا ايه
تيته ٠٠ ثوانى و الاكل هيكون جاهز
( دخلت تيته على المطبخ )
أسر٠٠ تعالى اعرفك الأوضة إللى هتقعدى فيه
( دخل أسر الغرفه مع ماليكه عندما رأت ماليكه بعد الصور لأسر قالت )
ماليكه٠٠ بس دى أوضتك
أسر٠٠ ايه المشكله انا تقريبآ معظم وقت بكون فى المستشفى
ماليكه٠٠ و هتنام فين
أسر٠٠ فى إيه أوضة تانيه الشقه واسعه
ماليكه٠٠ خلاص يبقى تفضل فى أوضتك و انا إللى هنام فى ايه أوضة تانيه
أسر٠٠ على فكره انا مش باخد رأيك. انتى هتفضلى
هنا . انا دكتورك لازم تسمعى كلامى .ده أمر
ماليكه٠٠ كنت دكتورى . بس احنا هنا مش فى المستشفى
أسر٠٠ طيب طالما انا مابقتش دكتورك يبقى نغير طريقة المعاملة
ماليكه٠٠ تقصد ايه يا دكتور أسر
أسر٠٠ خلاص بيقى مافيش دكتور اسر طالما مافيش مريضه ماليكه.يبقى خليها أسر بس
ماليكه٠٠ كل المقدمه دى عشان تخلينى اقولك يا أسر من غير دكتور . ماشى يا أسر
أسر٠٠ و ذكيه كمان شكلك هتتعبينى
ماليكه٠٠ ايه
أسر ٠٠ لأ ولا حاجة .. يلا عشان تاكلى
◇■◇■◇■◇■◇■◇■
بعد مرور اسبوع فى شقة اسر
( وجود ماليكه فى منزل أسر و حنية الجده على ماليكه فرق كتير فى نفسية ماليكه حتى أصبحت مختلفه)
ماليكه٠٠ صباح الخير يا تيته
تيته٠٠ صباح الفل يا حبيبتى .
ماليكه٠٠ الفطار جاهز يارب يعجبك
تيته٠٠ طيب تعبتى نفسك كنتى صاحتنى
ماليكه٠٠ حبيت اوريكى انفع اكون ست بيت ولا لأ
تيته٠٠ حبيبتى اكيد هتكونى احلى ست بيت كمان ..هو أسر لسه نايم مش كده
ماليكه ٠٠ تقريبآ لسه نايم
تيته٠٠ معلش يا ماليكه ممكن تروحى تصاحى أسر
ماليكه٠٠ حاضر
( خبطت ماليكه على باب الأوضة لكن أسر لا يرد عليها و هنا فتحت باب الغرفة كان أسر وقف فى الغرفة نصف عريان و هنا غمضت ماليكه عينيها بسرعة و بأرتباك قالت)
□□□□□□□□□□□□□□□□□□□
#يتبع
إللى القاء فى الجزء السابع
#رواية_مجنونه_بالإجبار
#الكاتبة_أروى_عادل
#الفصل_السابع
(خبطت ماليكه على باب الأوضة لكن أسر لا يرد عليها و هنا فتحت باب الأوضة كان أسر وقف فى الغرفة نصف عريان غمضت ماليكه عينيها ثم قالت)
ماليكه٠٠ انت قليل الأدب على فكره ازاى تقف بالمنظر ده
أسر٠٠ دى أوضتى انا حر اقف فيها براحتك
( اتكسفت ماليكه جريت من الأوضة هى مغمضة عينيها كانت هتقع جرى عليها أسر و مسكها من ذراعيها هنا فتحت عينيها نظر أسر في عين ماليكه وقال )
أسر٠٠ حسبى . و افتحى عينيك وانتى ماشيه عشان تعرفى تشوفى طريقك كويس
ماليكه٠٠ لو سمحت سيب أيدى
( ساب أسر ايديها غادرة ماليكه الغرفة )
◇■◇■◇■◇■◇■◇■
(الجده منتظره على مائدة الطعام )
تيته٠٠ أسر صحى
ماليكه ٠٠ اه هو جاى
تيته٠٠ آمال مالك .. هو أسر قالك حاجه دايقتك
ماليكه٠٠ لأ
أسر٠٠ صباح الخير يا تيته
تيته٠٠ صباح الخير يا حبيبى
( نظره أسر الى ماليكه هو يبتسم)
ماليكه ٠٠ فى حاجه
أسر٠٠ بصراحه شكلك حلو بعباية تيته
تيته٠٠ حلو بس دى قمر
ماليكه ٠٠ ميرسى يا تيته
أسر٠٠ مافيش ميرسى يا أسر . انا إللى قولت الأول على فكره
( ضحكت ماليكه لأول مره و هنا قال أسر)
أسر٠٠ ضحكتك حلوه اوى .. كمان اول مره اخد بالى ان عندك غمزتين
( اتكسفت ماليكه نظرت إلى الأرض بخجل )
تيته٠٠ انت بتعاكسها قدامى
ماليكه ٠٠ عن أذنكم هقوم اعمل شاى(غادرة ماليكه)
أسر٠٠ ايه يا تيته انتى كسفتيها
تيته٠٠ هى اتكسفت من كلامك مش منى انا
أسر٠٠ هو انا زوتها
تيته٠٠ اه
أسر٠٠ اعمل ايه ماهى حلوه اوى بصراحه
تيته٠٠ لم نفسك شويه.. ايه إللى جرالك كنت عاقل
أسر٠٠ والله ما انا عارف يا تيته
تيته٠٠ طيب اسكت ماليكه جاى علينا
ماليكه٠٠ اتفضلى الشاى يا تيته
أسر٠٠ طيب انا ماشى عايزين حاجة
تيته٠٠ تسلم ياحبيبى
أسر ٠٠ و انتى يا ماليكه
ماليكه ٠٠ لأ ميرسى
أسر٠٠ طيب سلامة عليكم( غادر أسر)
تيته٠٠ تعرفى يا ماليكه .. الواد أسر ده عرف بنات كتير اوى بس عمري ما شوفتوا بيبص على ايه بنت زى ما بيبص عليكى كده
ماليكه٠٠ انا مش فاهمه انتى عايزه تقولى ايه
تيته٠٠ لا انتى فاهمه . عارفه ان أسر معجب بيكى
ماليكه٠٠ أسر انسان محترم .. وانا بقدره بس إللى فى دماغك ده مش مظبوط انا مجرد حالة بالنسبال لأسر مش اكتر
تيته ٠٠ حالة ازاى هو انتى كنتى مريضه عند أسر
ماليكه٠٠ اه انا كنت مريضه عنده فى المستشفى
تيته٠٠ بس أسر ماقالش كده. طيب كنت بتتعلجى من ايه
ماليكه٠٠ حاجات كتير
تيته٠٠ بس انتى مش باين عليكى حاجة
ماليكه٠٠ البركه فى أسر . لولا أسر انا كان زمانى محبوسه فى أوضاع فى المستشفى مش حاسه بالدنيا خالص
تيته٠٠ حالتك كانت صعبه كده
ماليكه٠٠ اكتر من ما تتخيلى . .هحكيلك يا تيته
( حكت ماليكه كل حاجه ليها )
تيته ٠٠ يعنى انتى هربانه من المستشفى .. انا كمان استغربت جيتى تقعدى عندنا كام يوم مش معاكى حتى شنطة هدوم.. كمان بنت فى سنك مش ماسكه تليفون . و خوف أسر عليكى. و منع أسر ليكى انك حتى توقفى فى البلكونه
ماليكه٠٠ خوفتى يا تيته
تيته٠٠ عليكى ياحبيبتى.. الناس إللى تعمل كده عشان تدارى جريمة ولادها اكيد مش هيسبوكى فى حالك
ماليكه ٠٠ ايوه همآ فعلا بيدوره عليا
تيته ٠٠ طيب و أهلك مش بيدوره عليكى
ماليكه٠٠ اهلى دفنونى من ٣ سنين
تيته٠٠ ازاى يعنى
ماليكه ٠٠ معرفش ده اللى حصل ماتعرفش .. بس شوفت الخبر المنشور عن موتى انا و ملك غرقانين فى البحر الأحمر
تيته٠٠ يعنى أهلك فاكرين انك موتى
ماليكه٠٠ اه انا بالنسبالهم موت من ٣ سنين
تيته٠٠ يا قلب امك اكيد قلبها اتوجع على فراقك انتى و اختك .. انتى ليه لحاد دلوقتى ما عرفتوش اهلك انك عايشه
ماليكه٠٠ انا مش عايزهم يعرفوا
تيته٠٠ ليه بس كده
ماليكه ٠٠ لانى من هقدر الرد عليهم لما يسألوني ملك ماتت ازاى.. دى كانت ماما تروح فيها و بابا كمان مش هيستحمل الخبر كمان حاتم ممكن يتجن لو عرف حاجة زى كده ( بدأت ماليكه فى البكاء)
تيته٠٠ حاسه بيكى وآلله يابنتى.. رغم كل ده اكيد أهلك وحشينك
ماليكه ٠٠ وحشنى اوى اوى يا تيته نفسى فى حضن ماما ..... نفسى حتى أمسك ايد بابا .. نفسى ارجع لحياتى تانى .. و مش قادره استحمل وحشونى اوى
تيته٠٠ لو خايفه انا ممكن اروح لأمك
ماليكه٠٠ لأ عشان خاطرى بلاش
تيته٠٠ خلاص ياحبيبتى براحتك
◇■◇■◇■◇■◇■◇■◇■◇■
فى المساء من نفس اليوم
تيته٠٠ مش عارفه أسر اتأخر ليه
ماليكه٠٠ أكيد عنده شغل .. انتى عايزه تنامى
تيته٠٠ مش قادره افتح عينى
ماليكه٠٠ ادخلى نامى و انا هجهز العشا لأسر
تيته٠٠ مش عايزه اتعبك
ماليكه ٠٠ لأ طبعآ
تيته٠٠ طيب خدى التليفون ده
ماليكه ٠٠ اعمل بيه ايه
تيته٠٠ خلى معاكى انا مش عاوزه .. كبير على الفاضى بيوجعلى أيدى كمان
ماليكه.. لا شكرآ ده تليفونك انتى
تيته ٠٠ اسمعى يا ماليكه انا كده كده اخرى فى التليفون اقول الو.. انا احسن حاجه ليه التليفون الصغير ده مرايحنى
ماليكه٠٠ بس هعمل ايه بيه انا بردوا .. هو فى حد عارف بوجودى غيرك حضرتك و أسر
تيته٠٠ اسمعى انا راسى وجعنى و عايزه انام خدى التليفون من ايدى بقى
ماليكه ٠٠ حاضر
تيته٠٠ هو فيه واى فاى .. يلا تصبحي علي خير
( غادرة تيته المكان إلى غرفة نومها وهنا مسكت ماليكه التليفون و فتحته صفحتها على الفيس بوك
لأول مره من ٣ سنين وهنا رأت صوره نشرها أمها فى ذكرى وفاة ملك و ماليكه كانت صوره تجمعهم الثلاثه)

(فضليت ماليكه تتنقل من صفحة أمها و أبوها و اخوها فى الفيس الى ان وصلت رساله ليها خافت ماليكه لكنها فتحت الرساله لاقيت الرساله من حاتم اخوها بيقول فيها ..مين انت إللى فاتح الصفحه دى .الصفحة دى بتاعت اختى مين انت ..
وهنا ماليكه قفلت التليفون بسرعة .. هنا رن جرس الباب )
أسر٠٠ مساء الخير
ماليكه٠٠ مساء الخير
أسر٠٠ ايه مالك
ماليكه٠٠ مافيش.. ثوانى هحضرك العشا
(مسكها أسر من ايدها و مسح دموعها ثم قال )

أسر ٠٠ انتى كنتى بتعيطى ( حاولت تخبى وشها)
ماليكه ٠٠ لأ
أسر٠٠ بصى انتى المفروض عرفتى انى دكتور رخم مش هسيبك غير ما اعرف مالك .فقولى على طول توفير فى الوقت( هنا ابتسمت ماليكه)
أسر٠٠ فى حد و نبى عنده الابتسامه دى و يكشر
يلا قوللى حصل ايه(قالت ماليكه على إللى حصل لما فتحت الفيس)
أسر٠٠ بس ده إللى مزعلك ده عادى
ماليكه٠٠ بس كده حاتم عرف ان فى حد فتح فيس بتاعى
أسر ٠٠ سيبك انتى من كل ده و تعالى شوفى انا حيبت ليكى ايه
ماليكه ٠٠ ايه صح الاكياس دى كلها
أسر٠٠ ده لبس ليكى
ماليكه ٠٠ ليا انا
أسر٠٠ اه بس ياريت ذوقى يعجبك
ماليكه٠٠ بس كده كتير
أسر٠٠ مافيش حاجه كتير عليكى
ماليكه٠٠ انت بتعمل معايا كده ليه
أسر٠٠ مش عارف ..بس اوعدك لو عرفت ابقى اقولك
ماليكه٠٠ انا ما بهزرش على فكره
أسر٠٠ و انا كمان ما بهزرش .. لانى بجد مش عارف .. بس حاسس انك مسؤوله منى
ماليكه٠٠ يمكن عشان انت متعاطف معايا.. او يمكن عشان صعبت عليك
أسر٠٠ أنا دكتور نفسانى اكيد فى حالات كتير كنت متعاطف معاها و حالات اكتر صعبت عليا بس عمرى ما عملت مع حد إللى عملتوا معاكى
ماليكه٠٠ لخبطنى
أسر٠٠ سيبى الأمور ماشية زى ماهى و الوقت هيوضح كل حاجة
ماليكه٠٠ حاضر .. هتتعشى
أسر٠٠ ايه رأيك نطلب اكل من بره قوللى نفسك ايه
ماليكه٠٠ بيتزا بالجمبرى
أسر٠٠ بس كده انتى تأمرى .. ممكن بقى تشوفى الحاجات إللى جبتها مناسبه ليكى ولا لأ
ماليكه ٠٠ اكيد مناسبة كفاية انك تعبت نفسك و نزلت اشترتهم بنفسك
أسر٠٠ بصراحه مش بنفسى اوى.. كانت فى واحده معايا هى إللى اختارت معظم البس
ماليكه ٠٠ اه اوكى .. صحابتك مش كده
أسر ٠٠ لا مش كده .. دى خطيبت سامح
ماليكه ٠٠ اه تمام ..انت بتبصلى كده ليه
أسر٠٠ حسيت انك اديقتى لما قولتلك واحده هى إللى اختارت ليكى البس
ماليكه ٠٠ لأ طبعا وانا ايه إللى هيديقنى
أسر٠٠ مش عارف .. قولى انتى
ماليكه٠٠ اقول ايه.. مافيش الكلام ده
أسر٠٠ متاكد
ماليكه٠٠ هو فى ايه يا أسر
( كان التوتر ظاهر على ماليكه)
أسر٠٠ مافيش .. جرس الباب
ماليكه٠٠ مالو
أسر٠٠ بيرن انتى مش سامعه
ماليكه ٠٠ سورى ماخدش بالى
أسر.٠٠ انا هفتح اكيد بتاع البيتزا
( فتح أسر الباب )
أسر٠٠ البيتزا وصلت
(جالس أسر و ماليكه لتناول البيتزا و تحدثوا كثير)
◇■◇■◇■◇■◇■◇■◇■
فى صباح اليوم التالى
(استيقظ أسر على صوت جدتو )
تيته٠٠ أصحى بقى يا أسر
أسر٠٠ فى ايه يا تيته
تيته٠٠ ماليكه مش فى البيت
أسر٠٠ يعنى مش فى البيت
(جرى أسر يبحث فى جميع غرف المنزل )
تيته ٠٠ انا دورت قبلك هى مش موجود
أسر٠٠ يعنى راحت فين
تيته٠٠ اهدى ياحبيبى
أسر٠٠ اهدى ازاى .. انا نازل الدور عليها
#يتبع
□□□□□□□□□□□□□□□□□
الى لقاء فى الجزء الثامن
#رواية_مجنونه_بالإجبار
#الكاتبة٠أروى٠عادل
#الفصل_الثامن
أسر٠٠ اهدى ازاى .. انا نازل الدور عليها
تيته٠٠ استنا انا اديتها تليفونى امبارح تقريبآ هو معاها رن عليها
أسر٠٠ على الخط الأول و لا التاني
تيته ٠٠ الخط التانى ( اتصل أسر)
أسر٠٠ مش بترد
تيته ٠٠ رن تانى
أسر ٠٠ برن .. انا نازل
( خرج أسر يبحث على ماليكه)
◇■◇■◇■◇■◇■◇■
فى سيارة أسر
(اسر مازال بيحاول الاتصال بماليكه اخيرآ ردت )
أسر٠٠ الو ماليكه
ماليكه٠٠ ايوه يا أسر
أسر٠٠ انتى فين
ماليكه٠٠ معلش انى خرجت من غير ما تعرف
أسر٠٠ انتى فين انطقى
ماليكه ٠٠ هو فى ايه .. كلها ساعة و هرجع
أسر٠٠ ماليكه انا مش عايز اتعصب عليكى قولى انتى دلوقتى
ماليكه٠٠ انت بتزعقلى ليه
أسر٠٠ انتى عايزه تجنننى اخلصى و قولى انتى فين
ماليكه٠٠ فى المستشفى العام
أسر٠٠ بتعملى ايه فى المستشفى. انتى كويسه
ماليكه٠٠ بشوف ماما
أسر٠٠ أنا جايلك
(إنتهت المكالمة )
(بعد مرور ربع ساعة اتصل أسر تانى بماليكه)
أسر٠٠ الو انا قدم المستشفى . انتى فين
ماليكه ٠٠ انا امام العياده الخارجية
أسر٠٠ أنا وصلت العيادة الخارجية . مش شايفك
ماليكه٠٠ قدامك مستخبيه وراه العمود
( وهنا رأى أسر ماليكه و هى تقف امامه)

ماليكه ٠٠ تعالى هنا استخبه
أسر٠٠ من ايه
ماليكه٠٠ من ماما
أسر٠٠ انتى جاية هنا عشان تشوفها وانتى مستخبيه
انتى كده مجنونه رسمى
ماليكه٠٠ اه ما انا مجنونه ولا انت نسيت
أسر٠٠ اسفه يا ماليكه بس
ماليكه ٠٠ ما تتأسفش انت قولت حقيقتى مجنونه
أسر٠٠ ماليكه أنا بتعامل معاكى طبيعى ..على فكره انتى إللى طلبتى كده لما قولتلى أنى معندش دكتورك
ماليكه٠٠ تقوم تقولى انتى مجنونه
أسر٠٠ طيب ما انتى امبارح قولتلى انى قليل الأدب
انا مزعلتش
ماليكه ٠٠ اه بس ده عشان كنت واقف قدامى نص عريان
أسر٠٠ اه بس ساعتها كنت واقف فى الأوضة بتاعتى انتى إللى فتحتى الباب عليا
ماليكه٠٠ انا حبطت عليك الأول و ناديت عليك كمان انت إللى مش رديت
أسر ٠٠ تقومى تفتحى الباب
ماليكه٠٠ انا مش مسدقه نفسى ازاى انا واقفه معاك و بتكلم فى حاجة زى دى .. انت شكلك جننتنى
أسر٠٠ لأ بعد أذنك انا مستلمك مجنونه لوحدك
( ضحكت ماليكه على كلام أسر ثم قالت)
ماليكه٠٠ ماشى يا أسر ..طلما انا مجنونه ابقى خاف منى بقى ( هنا نظرت ماليكه و بدأت فى البكاء و هى تنظر إللى امامها)
أسر٠٠ فى إيه
ماليكه٠٠ ماما . الدكتوره مرفت
أسر٠٠ فين
ماليكه٠٠ هى إللى واقفه قدام العيادة
أسر٠٠ وحشاكى
ماليكه٠٠ اوى .. لسه زى ماهى
أسر٠٠ طيب بتعيطى ليه دلوقتى
ماليكه٠٠ نفسى احضنها اوى
( ذهبت الدكتوره مرفت )
أسر٠٠ يلا يا ماليكه
ماليكه٠٠ خلاص كده هى مشيت
( مسكها أسر من ايدها و غادروا المستشفى )
◇■◇■◇■◇■◇■◇■◇■
فى السيارة أسر
( كنت ماليكه متأثره برؤية أمها )
أسر٠٠ لما هى وحشاكى ليه مش عايزه تروحى تشوفى لأهلك
ماليكه٠٠ معلش يا أسر مش عايزه اتكلم دلوقتى
أسر٠٠ تمام براحتك
( كان ظاهر على أسر التوتر كل ما ينظر فى المرايا الجانبية للسيارة )
ماليكه ٠٠ هو فى حاجة . أسر . أسر
أسر٠٠ ايه بتقولى حاجة
ماليكه٠٠ اية روحت فين . انا بكلمك
أسر٠٠ معلش ماكنتش مركز
ماليكه ٠٠ ايه إللى اخد عقلك
أسر٠٠ لأ ابدآ بس فى حاجة غريبة.. فى العربية ورانا من ساعة ما خرجنا من المستشفى
ماليكه٠٠ يمكن يكون متهيألك
أسر٠٠ لأ انا غيرت الطريق بردوا همآ لسه ورانا
ماليكه٠٠ طيب ادخل من اى طريق يقابلك و نشوف كده هيفضلوا بردو ورانا
(دخل أسر من اول طريق فرعى .. لكن السيارة مازالت وراهم )
أسر٠٠ شوفتى لسه ورانا .. أكيد كانوا متأكدين انك هتروحى عن والدتك عشان كده كانوا بيرقبوا والدتك على أمل انك تظهرى.. وانتى عملتى إللى همآ عايزينو
ماليكه ٠٠ بعدين هنعمل ايه
أسر٠٠ هحاول أهرب منهم .. بس دى مش المشكله. المشكلة كده خلاص عرفوا انى معاكى
( من طريق الى طريق آخر قدر يهرب أسر عندما قفلت عليهم أشارة المرور )
ماليكه٠٠ خلاص .الحمدالله . هربنا منهم
أسر٠٠ هربنا منهم وبعدين(كان بيتكلم بعصبيه)
ماليكه٠٠ انت بتكلمنى كده ليه
أسر٠٠ عشان انتى مش مقدره حجم المشكلة إللى احنا فيها دلوقتى ..و كل ده ليه عشان حضرتك مابتسمعيش الكلام
ماليكه٠٠ أسر لو سمحت ماتتكلمش معايا بطريقه دى
أسر٠٠ هو ده بس إللى فارق معاكى طريقة كلامى
ماليكه٠٠ هو فى ايه انا مش فاهمه
أسر٠٠ خلاص الناس دى شافتك و شافتنى معاكى.. يعنى انا كده اتعرفت بالنسبالهم
ماليكه٠٠ هو ده إللى مدايقك انهم عرفوا انى معاك صح
أسر٠٠ لأ مش صح ..إللى مدايقنى ان المكان الوحيد إللى كام أمانه عليكى فيه بالنسبالى بيت جدتى كنتى حتى قدام عينى. دلوقتى مش هينفع تروحى هناك تانى . لانهم دلوقتى هيدورو ورايا انا كمان هيعرفوا انا عايش فين
ماليكه ٠٠ اعمل ايه كنت عايزه اشوف ماما
أسر٠٠ كنتى قولتلى اكيد كنت لاقيت طريقة تانى اخليكى تشوفيها بيها . مش إللى انتى عملتى ده. ولا انتى فاكره لما تلبسى سويتر و تحطى زنط على راسك ماحدش هيعرفك
ماليكه ٠٠ خلاص بقى . إللى حصل حصل و روحت شوفتها و خلاص اعمل ايه فى نفسى دلوقتى .ارمى نفسى من العربيه عشان ترتاح
( هنا حاولت ماليكه تفتح باب العربية وهى ماشيه. مسك أسر ايدها بسرعة ثم قال لها بغضب )
أسر٠٠ انتى ايه إللى عملتى ده . انا كنت فاكر انك بقيتى كويسة لكن اثبتلى دلوقتى انك لسه مجنونه محتاجه علاج نفسى
ماليكه٠٠ اه انا لسه مجنونه .. لو ما نزلتنيش دلوقتى من العربية هوريك الجنان يبقى ازاى
( حاولت ماليكه فتح باب العربية مره ثانيه لكن أسر كان مسوجر باب العربية و هنا أوقف أسر العربية)
أسر٠٠ بتعمليها تانى. انتى مجنونه
ماليكه٠٠ اه مجنونه. انا مجنونة .ماليكه مجنونه اية اقول تانى ولا كفاية انا مجنونه
( سكت أسر و حاول السيطرة على أنفعالو وغضبو من ماليكه )
أسر.٠٠ ممكن تسكتى دلوقتى
ماليكه٠٠ مش هسكت غير ما تنزلنى
أسر٠٠ ماليكه متعصبنيش اكتر من كده .اسكتى.. ايه مابتعرفيش تسكتى( كان يتحدث بصوت عالى بتعصب😡)
ماليكه٠٠ انا مش هسكت و هتنزلنى يا أسر أو هصرخ هقول انك خطفنى
أسر٠٠ مش هنزلك و اعملى إللى انتى عايزه
ماليكه ٠٠ كده طيب🗣
(صرخت ماليكه بصوت عالى وهنا جذبها أسر بأيده إليه و أيده التانيه حطها على فمها نظر إليها وقال)

أسر.٠٠ لو كنتى مجنونه انا اجن منك . لو صوتك تطلع تانى هتندمى . سامعنى .. انا هشيل ايدى مش عايز اسمع صوت تمام
( هزت ماليكه رأسها بالموافقه ثم تركها أسر و أدار السياره مره اخره .. و ماليكه هنا كانت تنظر إلى أسر بزهول ..و هنا توجه أسر الى مكان يشبه المطعم يبدو انه مهجور من فتره فتح أسر المكان و دخل هو و ماليكه )
أسر٠٠ انتى هتفضلى هنا . و اوعى تروحى اي مكان..او حتى تفكرى تطلعى بره. انتى فاهمنى طبعا . و إللى حصل النهاردة مش عايزو يتكرر تانى
ماليكه٠٠ ايه كمية الأوامر دى . هو انا شغاله عندك.ولا تكون اشتريتنى انا مش عارفه.
أسر٠٠ هتسمعى الكلام يا ماليكه احسنلك
ماليكه٠٠ مش هسمع الكلام يا أسر
أسر٠٠ انتى ايه مابتعرفيش تقولى حاضر
ماليكه ٠٠ لأ مابعرفش
أسر٠٠ ماليكه متعصبنيش( هنا قرب ليها اسر هى تبعد )
ماليكه٠٠ لو سمحت متقربش.. اوعى تحط ايدك عليا تانى. انا مش هسمحلك
أسر٠٠ خايفه ابقى اسمعى الكلام
ماليكه ٠٠ لأ مش خايفه ولا هسمع الكلام . انا ماشيه
أسر٠٠ تعالى هنا
(سحبها أسر إليه ثم قبلها بالقوة وهنا ابتعدت عنه ماليكه )

(كانت قبله سريعه و قويه لكنها كانت كمهدئ سريع المفعول لأسر و ماليكه . عدى لحظات و الصمت سيد الموقف )
أسر٠٠ أنا آسف . انا مش عارف ايه إللى جرالى ٠ماليكه سدقنى ماكنش قصدى
ماليكه٠٠ انت مش قولت كلمة دايقتنى عشان تقولى ماكنش قصدى . انت بوستنى . يعنى زيك زى
(قطع أسر كلامها ثم قال)
أسر٠٠ اوعى تقوليها يا ماليكه انا مش زى ايه حد . ولا انتى بالنسبالى زى ايه حد
ماليكه٠٠ كلامك غير افعالك .. المفروض انت اكتر واحد تقدر تسيطر على نفسك يا دكتور
أسر٠٠ أنا قبل ما اكون دكتور انا انسان بدايق و بتنرفز و بتعصب ممكن كمان افقد السيطره على انفعالاتى
و انتى كنت مصممه تنرفزينى
ماليكه٠٠ انت كمان غلط فيا
أسر٠٠ عشان خايف عليكى
ماليكه٠٠ خايف عليا تدايقنى
أسر٠٠ عشان حاولتى تأذى نفسك
ماليكه ٠٠ تقوم تبوسنى
أسر٠٠ عشان بحبك
( سكوت تام فى المكان)
أسر٠٠ ايه مش هتردى (حاولت تغير الموضوع فقالت )
ماليكه٠٠ اه . هو المكان ده ايه
أسر٠٠ بتغيرى الموضوع. ماشى ده مطعم كان بتاع والدى قبل ما يسافر بريطانيا .. وفى أوضة ممكن تنامى فيها
ماليكه٠٠ لوحدى
أسر٠٠ لو عايزانى معاكى انا موافق( اتكسفت ماليكه )
ماليكه٠٠ انا اقصد هقعد هنا لوحدى
أسر٠٠ هو مكان مؤقت عقبال ما اشوف مكان غيرو
ماليكه٠٠ اوكى
أسر٠٠ خلاص انا هروح اجيب ليكى شوية طلبات و هاجى بسرعة
(غاب أسر لمدة ساعة بعد كده رجع و معاه طلبات إللى ممكن تحتاجها ماليكه خلال فترة غياب أسر عنها )
أسر٠٠ أنا همشى عشان اتأخرت كتير على الشغل .. و هقفل الباب من بره
ماليكه٠٠ اوكى .. بس اوعى تتأخر عليا
أسر٠٠ ماتخفيش .. اه صح فى حاجه انا قولتها و انتى لسه مش رديتى عليا هنتكلم فيها بعدين
( ضحكت ماليكه ثم غادر اسر)
◇■◇■◇■◇■◇■◇■◇■◇■
فى المستشفى
فى غرفة استراحة الدكاتره
أسر٠٠ سامح انا محتاج شقة ضرورى
سامح٠٠ ليه انت مش عايش مع جدتك.. ولا ناويت تتجوز
أسر٠٠ انت بتسأل كتير ليه تعرف ولا لأ
الممرضة ٠٠ دكتور أسر فى حد عايزك
أسر٠٠ مين
مكرم٠٠ انا يا دكتور ( هنا فهم السبب وراء زيارة مكرم)
أسر٠٠ خير يا مكرم بيه
مكرم٠٠ ممكن نتكلم لوحدنا
سامح٠٠ طيب امشى انا يا أسر( غادر سامح)
أسر٠٠ هو فى ايه بالظبط
مكرم٠٠ فين ياره
أسر٠٠ ياره مين
مكرم ٠٠ انت هتستعبط. ياره إللى كانت معاك الصبح
فى المستشفى العام
أسر٠٠ بس انا ماكنتش مع ياره فى اى المستشفى
مكرم٠٠ طيب شوف الصورة دى بعد كده رد
( كنت صورة ماليكه و أسر مع بعض عندما كانوا فى المستشفى العام)
مكرم٠٠ دلوقتى اكيد مش هتقدر تنكر
أسر٠٠ أنا عند كلامى انا ماكنتش مع ياره
مكرم٠٠ وصوره دى
أسر٠٠ وهى الصورة دى بتاعت ياره بردوا
مكرم٠٠ تقصد ايه يا دكتور
أسر٠٠ اقصد إللى فى الصوره اسمها ماليكه مش ياره
مكرم٠٠ تمام طلما العب على المكشوف كده . قولى
عايز كام وتقولى ماليكه فين
□□□□□□□□□□□□□□□□□
#يتبع
الى لقاء فى الجزء التاسع
#رواية_مجنونه_بالإجبار
#الكاتبة٠أروى٠عادل
#الفصل٠التاسع
مكرم٠٠ طالما العب بقى على المكشوف تاخد كام وتقولى ماليكه فين
اسر٠٠ على طول كده
مكرم ٠٠ انا واحد وقتى غالى .. انجز و قول عايز كام
أسر٠٠ انت تقدر تدفع كام
مكرم٠٠ مليون
أسر٠٠ يا راجل بقى حياة ابنك و ابن عامر السروجي تساوى مليون بس
مكرم٠٠ مليون ونص و ده آخر كلام
أسر٠٠ تمام
مكرم٠٠ اتفضل الشيك اهو مكتوب فيه مبلغ إللى اتفقنا عليه
أسر٠٠ وانت اتفضل الورقة دى مكتوب فيها عنوان الموجوده فى ماليكه
( كانت الورقه مكتوب فيها عنوان فيلا اللواء سليم المحمدى ابو ماليكه )
مكرم ٠٠ انت هتستعبط يالا
أسر٠٠ ليه الغلط بس
مكرم٠٠ انت كاتب عنوان اللواء سليم ابو ماليكه
أسر٠٠ ايوه . ما هو ده عنوان ماليكه دلوقتى..لان ماليكه عند أهلها
مكرم٠٠ انت كداب ٠ ماليكه ما وصلتش لأى حد من أهلها لحد دلوقتي
أسر٠٠ انت حر تسدق او لاء بس ماليكه عند أهلها دلوقتى
مكرم٠٠طيب اسمع الكلمتين دول كويس اوى انا هطلع من هنا على النقابة الأطباء هقدم شكوى انك خطفت بنتى من المستشفى بعد كده هقدم شكوى للنيابه
تخيل بقى إللى هيحصل فيك ساعتها
أسر٠٠ هههه واللهى ضحكتنى.. هو فى حد بيخطف واحده ماتت من أربع سنين
مكرم٠٠ ده انت بتفتش ورايا بقى
أسر٠٠ اكيد لاء كمان انت مش من اهتماماتى عشان افتش وراك بس فى معلومات كده ربنا بيسخره للواحد زى موت ياره بنتك فى البسين من أربع سنين .شوفت حكمت ربنا بقى
( هنا صرخ مكرم فى اسر)
مكرم٠٠ انت فاكر نفسك ايه انت اخرك رصاصه وسخه و اخلص منك
أسر٠٠ أنا مش ماليكه و ملك عشان تخلص منى ..لو سمحت اتفضل من هنا انا عندى شغل
( كان الصوت عالى لدرجة ان الصوت كان واصل الى مكتب مدير المستشفى )
د.حبيب٠٠ هو ايه إللى بيحصل هنا
مكرم٠٠ أسأل الدكتور كان مع مين الصبح
أسر٠٠ يسألنى انا ليه ما تقول انت
مكرم٠٠ الدكتور كان الصبح مع بنتى و اتفضل دى صورتهم مع بعض النهاردة
د٠ حبيب٠٠ صح الكلام ده يا د. أسر
أسر٠٠ لأ مش صح انا ماكنتش مع بنته
سامح ٠٠الصوت يا جماعه احنا فى مستشفى ماينفعش كده
مكرم٠٠ انت لسه بتكدب بعد ما شافوا الصورتك مع بنتى. خلاص كده الكل عرف دلوقتى انك إللى خطفت بنتى
أسر٠٠ بس إللى فى الصوره دى مش بنتك
د.حبيب٠٠ مكرم بيه بنت حضرتك هربت من المستشفى و طلعت من باب المستشفى لوحدها حضرتك كنت حاضر ساعة استجواب رجال الأمن
ده غير كاميرات المراقبة صورة بنتك وهى خارجه لوحدها من المستشفى . دكتور أسر مالهوش علاقة بهرب بنتك
مكرم ٠٠ والصوره يا دكتور اللى لسه شايفها
سامح٠٠ الصورة لبنت لبسه زنط على رأس وشها مش واضح .
أسر٠٠ ده إللى بحاول اقولو من الصبح إللى كانت معايا دى اسمها ماليكه مش بنته ياره
( فهم سامح و الدكتور حبيب ماذا يقصد أسر)
مكرم٠٠ تمام خليك فاكر كويس اوى الكلام إللى قولتو ليك( ثم غادر مكرم الطحاوى المستشفى )
د.حبيب٠٠ أسر انت ليك علاقة بهروب يارة او ماليكه أي كان أسمها
سامح٠٠ د.حبيب انت لسه قايل ان الكاميرات ظهرت ان ماليكه طلعت لوحدها من المستشفى
د.حبيب٠٠ بس الصوره ( قطع أسر كلامه)
أسر ٠٠ هى هربت لوحدها من المستشفى بس انا دورت عليها لاقيتها
د.حبيب٠٠ و ليه مش رجعتها المستشفى
أسر٠٠ عشان مكرم يجى ياخدها . انت عارف كويس اوى انها مش بنته دى بنت اللواء سليم المحمدى
سامح٠٠ طيب ليه مش وديتها لأهلها
أسر٠٠ هى رافض خايفه توجه أهلها بعد موت اختها
د.حبيب٠٠ اسمع يا أسر انا هعتبر إللى حصل النهاردة كأنه ماحصلش. بس انا مش عايز الحوار ده يتفتح تانى فى المستشفى
أسر٠٠ شكرآ يا دكتور . انا أوعدك دى تكون آخر مره
◇■◇■◇■◇■◇■◇■
فى مساء اليوم التالى
(كان رجالة مكرم بيرقبوا أسر عشان كده معرفش يروح لماليكة و هنا اتصل أسر بماليكه )
أسر ٠٠ الوو ماليكه
ماليكه٠٠ الو نعم
أسر٠٠ طالما نعم من غير نفس يبقى زعلانه.
ماليكه ٠٠ طيب كويس انك عارف
أسر٠٠ انا كلمتك امبارح و قولتلك على إللى حصل مع مكرم من ساعتها و رجالة مكرم بيراقبونى
ماليكه٠٠ يعنى هتسبنى لوحدى هنا
أسر٠٠ طبعآ لأ انا بس هشوف اي طريقة أهرب من مراقبتهم و اجيلك
ماليكه٠٠ بس انا خايفه
أسر٠٠ من ايه بس
ماليكه ٠٠ فى فار انا خايفه منه
أسر٠٠ هتخافى من فار يا ماليكه
ماليكه ٠٠ بس ده فار كبير اوى
أسر٠٠ يعنى هتفرق
ماليكه ٠٠ انت ماشوفتش بيبصلى ازاى
أسر٠٠ مين ده اللى بيبصلك
ماليكه٠٠ الفار
اسر٠٠هههه اكيد الفار معجب بيكى
ماليكه٠٠ انت بتتريق عليا
أسر٠٠ اسف ياستى . ممكن بقى تضربى استاذ فار بأى حاجه جانبك هيخاف و يهرب
ماليكه ٠٠ اضرب مين اذا كان انا خايفه انزل من على الكرسى من الصبح
أسر٠٠ انتى بتتكلمى بجد انتى من الصبح وانتى واقفه على الكرسى. لدرجة دى انتى خايفه
ماليكه٠٠ اه لدرجة دى و اكتر
أسر٠٠ طيب هشوف يمكن اعرف اجى ليكى
ماليكه ٠٠ هستناك. سلام
أسر٠٠ سلام
( إنتهت المكالمة )
٠٠٠٠٠
( بعد انتهاء المكالمة خارج أسر من المستشفى من الباب الخلفي بدون سيارته و اخد تاكسى و بعد ما اتأكد ان مافيش حد بيلحقوا ذهب إلى ماليكه )
◇■◇■◇■◇■◇■◇■◇■
فى المطعم القديم بتاع ابو أسر
( دخل أسر المطعم القديم كانت ماليكه قعده على كرسى و رافعه رجليها بخوف
أسر٠٠ انتى قعده كده ليه .
ماليكه٠٠ الفار واقف هناك
أسر٠٠ أنا مش شايف حاجه
ماليكه ٠٠ عندك وراه الصناديق إللى عندك دى
أسر٠٠ هو ده الفار الكبير أوى
ماليكة ٠٠ اه انت مش شايف كبير أد ايه
أسر ٠٠ ده فار صغير أوى .
ماليكه٠٠ انت لسه هنتكلم موته بسرعه بالله عليك يا أسر
أسر٠٠ لأ انا طلعتوا بره . يلا انزلى من على الكرسى
ماليكه٠٠ احلف الأول انه طلع بره
( هنا شال أسر ماليكه من على الكرسى )
ماليكه٠٠ أسر نزلنى
أسر٠٠ ايه مابقتيش خايفه
ماليكه ٠٠ لأ طبعا مش خايفه
هنا قال أسر ساخرآ
أسر ٠٠ حسبى الفار يا ماليكه
( هنا صرخت ماليكه و تعلقت فى أسر
هنا ضحكه أسر عليها )
ماليكه٠٠ انت بتضحك عليا مش كده
أسر٠٠ معلش انا اسف بس شكلك يضحك و انتى خايفه كده
ماليكه٠٠ على فكره انتى رخم عشان انا بخاف بجد
أسر٠٠ خلاص انا اسفه ( قرب إليها أسر و حط أيده على خدها ثم قال لها )
أسر٠٠اوعى تخافى وانا معاكى
( بعدت ماليكه عن أسر ثم قال أسر لها)
أسر٠٠ بتبعدى عنى ليه
ماليكه ٠٠ عادى يا أسر
أسر٠٠ انتى سألتني قبل كده انا بعمل معاكى كده ليه صح
ماليكه ٠٠ اه صح . وانت قولتلى مش عارف
أسر٠٠ بس دلوقتى انا عارف .. ماليكه انا بحبك
ماليكه٠٠ انت بتقول إيه
أسر٠٠ بحبك بحبك بحبك سمعتى ولا اقول تانى
ماليكه ٠٠ أسر انا..... انا مش عارفه اقول ايه
( شاور أسر الى قلب ماليكه ثم قال)
أسر٠٠ قولى على إللى موجود هنا وبس
ماليكه ٠٠ انا مش نكره ان فى احساس جوايا اتجاهك بس ده مش وقته يا أسر
أسر ٠٠ كل إللى انا عايز اعرفوا احساسك اتجهى ايه وبس . مش صعبه قصه يعنى
ماليكة ٠٠ يعنى اقول ايه
أسر ٠٠ جاوبى بأه أو لاء
( نظرت ماليكه فى الأرض بخجل ثم هزت رأسها بالموافقه )
أسر٠٠ اسمعها منك يا ماليكه
ماليكه٠٠ اه
أسر٠٠ اه ايه
ماليكه٠٠ بحبك
أسر ٠٠ ياه الله اسمعها تانى ممكن مره تانى عشان حاطرى
ماليكه ٠٠ بس بقى يا أسر
أسر٠٠ يا قلب أسر
( وجهها احمر من الخجل)
(جالسوا الاثنين مع بعض يتحدثوا فى كل شئ حتى الصباح ثم غادر أسر)
◇■◇■◇■◇■◇■◇■
فى اليوم التالى
فى النيابة
٠٠٠٠٠٠٠٠٠٠٠٠
. فى مكتب الرائد حاتم المحمدى
( توجه أسر الى النيابة مباشرتآ و سأل عن اللواء سليم المحمدى لكنه لم يكن موجود ثم سأل عن
الرائد حاتم سليم المحمدى عندما علم انه موجود توجه إلى مكتبه و طلب مقابلته)
فى المكتب
وعند دخل أسر مكتب حاتم
حاتم٠٠ اتفضل طلبت تقابلنى خير
أسر٠٠ أنا الدكتور أسر ابو العز دكتور امراض نفسيه و عصبية
حاتم٠٠ اهلآ و سهلآ بيك خير طلبت تقابلنى
أسر٠٠ الموضوع إللى انا جاى فيه هو غريب و صعب
حاتم٠٠ ممكن تدخل فى الموضوع من غير مقدمات
أسر٠٠ أنا جاى من عند اختك ماليكه
حاتم٠ انت شارب حاجة و لا جاى تهزر هنا
أسر٠٠ أنا لا شارب و لا جاى اهزر اظن انا شكلى مش شكل واحد بيهزر ولا شارب
حاتم٠٠ آمال ايه التخاريف إللى انت بتقولها دى
أسر٠٠ من الاخر اختك ماليكه لسه عايشه .
و مشوار بسيط معايا دلوقتى هيأكدلك كلامى
حاتم٠ انت متاكد انك دكتور نفسانى. ولا مريض نفسى
أسر٠٠ يعنى اكيد انا مش مجنون اوى لدرجة اجى لظابط شرطة فى النيابه عشان اقول اي كلام فى الهواء
حاتم٠٠ كمان إللى بتقولوا ماحدش يسدقوا انا دفنت ماليكه من ٣ سنين بأيدى دى
أسر٠ اتحداك لو الجثة ماليكه كانت واضح ملامحها وقت دفنها
حاتم٠٠ صح بس كانت نفس هدوم ماليكه كانت لبسه نفس الخاتم بتاع ماليكه
أسر٠٠ ماليكه بتتعالج فى مستشفى النفسية من ٣ سنين .. اتفضل الصوره دى انا أخدتها من ماليكه من ساعة تقريبآ .دى اختك ولا لأ
( شاف حاتم الصوره من على تليفون أسر ثم نزلت دموع من عينه دون بكاء وهو لا يصدق ما تراه عينه فعل هى شقيقته)
حاتم٠٠ شكلها مختلف
أسر٠٠ لانها أكبر ٣ سنين من آخر مره شوفتها
حاتم٠٠ طيب ازاى
أسر٠٠ ازاى دى مش بتاعتى ماليكه بس إللى من حقها الرد عليك
حاتم٠٠ انا عايز اشوفها حالآ
أسر٠٠ أنا مش عارف رد فعلها هيكون ايه لما تشوفك
بس انا لازم اعمل كده
حاتم ٠٠ يلا بينا
( غادر حاتم و أسر ثم اتصل أسر بخطيبته نسرين و حكى لها القصه )
◇■◇■◇■◇■◇■◇■◇■◇■
فى سيارة حاتم
أسر٠٠ أتأكد ان مافيش حد ورانا
حاتم٠٠ ليه
أسر٠٠ معلش ممكن تتأكد
حاتم٠٠ انا ظابط اكيد لو حد ورانا كنت أخدت بالى
أسر٠٠ اوكى
حاتم ٠٠طيب ممكن اخد خطيبتى معانا
أسر٠٠ انت واثق فيها
حاتم٠٠ هو فى ايه بالظبط
أسر٠٠ معلش خدنى على أد عقلى
حاتم ٠٠ ايوه طبعا واثق فيها
أسر ٠٠ يبقى تمام
( عدى حاتم على نسرين و ذهبوا الثلاثه الى ماليكه و كان حاتم فى حاله صعبه بين مسدق و مش مسدق وعندما وصلوا إلى مكان ماليكه كان حاتم يمشى هو يشعر بثقل فى قدمه و هو كان يعلم أنه متعلق بأمل كدابه ان البنت إللى فى الصوره ليست ماليكه لكن كان يوجد شئ داخلى بيحاول يسدق ..وهنا تقدم أسر لفتح الباب ثم قال)
أسر٠٠ مستعدين لمقابلة ماليكه
#يتبع
□□□□□□□□□□□□□□□□
الى لقاء فى الجزء التاسع
#رواية_مجنونه_بالإجبار
#الكاتبة_أروى_عادل
#الفصل٠العاشر
أسر.. مستعدين لمقابلة ماليكه
( هنا اخد حاتم نفس طويل ثم قال)
حاتم ٠٠ افتح الباب لو سمحت
أسر ٠٠ هفتح بس انا هدخل اتكلم معاه الاول
( فتح أسر الباب عندما سمعت ماليكه صوت فتح الباب توجهت إلى أسر جيت ليه تانى فى حاجه .
قال أسر )
أسر٠٠ معايا حد عايز يشوفك
ماليكه٠٠ تيته مش كده . هى فين
أسر ٠٠ استنى يا ماليكه مش تيته إللى معايا
( كان مازال حاتم واقف خلف الباب عندما سمع صوت ماليكه و هى بتتحدث مع أسر هنا قال لنسرين)
حاتم ٠٠ مش ممكن ده صوت ماليكه يا نسرين
نسرين٠٠ فعلآ ده صوت ماليكه يعنى ماليكة عايشه بجد
( لم يستطيع حاتم ان يمنع نفسه أكثر لذلك ركضه لداخل وهو يحمل بين ضلوعه شوق و ألم فراق سنين ركضت نسرين خلف
بينما فى نفس ذلك الوقت كان أسر بيحاول يوضح بماليكه ماذا فعل)
أسر ٠٠ ماليكه انت قولتلى انك بتثقى فيا صح
ماليكه٠٠ هو فى ايه يا أسر .مين إللى معاك
( وهنا ظهره حاتم امامها و هو فى حالة من صدمة لم يصدق ما تراه عينه)
حاتم ٠٠ ماليكه. مش ممكن ماليكه
اتسعت عين ماليكة و بلعت ريقها بذعر
وهى ترى شقيقها امامها
ماليكه٠٠ حاتم
( أسرع حاتم الى اخته و حضنها هو لا يصدق عدى الموقف كأنه حلم بالنسبال لماليكة . عدى بعد الوقت حتى استوعب حاتم ان ماليكه مازالت عايشه و كانت ماليكه تتطلع بأسر كأنها بتسألوا لماذا خانها.
كانت تشعر فى ذلك الوقت بألم الخيانه و هى تظن أن أسر فعل ذلك فقط حتى يريح نفسه من مشاكلها
ثم قال حاتم

حاتم٠٠ لازم ماما و بابا يعرفوا انا هتصل بيهم
( هنا مسكت ماليكه التليفون من ايد حاتم و هى تصرخ كما كان واضح عليها الذعر و الخوف)
ماليكه٠٠ بلاش يا حاتم . عشان خاطرى بلاش
حاتم٠٠ ليه . انتى لو تعرفى حالة ماما عامل ازاى ولا بابا ليه يا ماليكه مش عايزاهم يعرفوا انك عايشة
( نظرت ماليكه الى أسر و هى تبكى تقول )
ماليكه٠٠ عجبك كده ارتاحت
أسر٠٠ ماليكه كان لازم أهلك يعرفوا .. انتى هتكونى فى امان معهم اكتر منى .
ماليكه٠٠ اه كده فهمت . عايز تخلص من مسؤوليتى كنت قولتى انا كنت مشيت.
أسر٠٠ ماليكه انتى فكره انا عملت كده . عشان عايز اخلص منك
ماليكه٠٠ عادى يعنى.. ده حقك معلش بقى انا قلبت حياتك
( كان كلام ماليكه مثل الخنجر فى صدر أسر هو كل إللى كان يريد أن تظل ماليكة فى أمان
أسر٠٠ ماليكه انتى بجد بتفكرى فيا كده .. انا عملت كده عشان مصلحتك .
ماليكه٠٠ مصلحتى بجد
أسر٠٠ ايوه بجد . ماليكه انا مش هكون مرتاح و انتى بعيده عنى . بس مصلحتك أهم من رغبتى . مصلحتك انك تكونى مع أهلك
حاتم٠٠ هو ايه إللى بيحصل هنا . انت بتكلمها كده ليه . وانتى يا ماليكه ماكنتش عايزه اننا نعرف انك عايشه ليه. كمان انتى خايفه كده من ايه .وصح طالما انتى عايشه كنتى فين الفتره دى كلها . و مين إللى انا دفنتها بأيدى بدالك
نسرين٠٠ براحه يا حاتم . ماليكه شكله متوتر و خايفه
حاتم٠٠ ده إللى انا عايز اعرفو هى خايفه من ايه و مرعوبه كده
( كانت تنظر إلى أسر بعتاب ولم تنطق حتى
بحرف واحد )
حاتم٠٠ انت مش بتردى عليا ليه . ماليكه انتى ساكته ليه. ما تنطقى ماليكه ما تعصبنيش عليكى
أسر٠٠ براحه عليها . ماينفعش تتكلم معاه كده
حاتم٠٠ انت هتعرفنى اتكلم مع اختى ازاى .. انت مين اصلآ . و ليه ماليكه معاك
أسر٠٠ انا دكتورها . كمان ماليكه مسؤوله منى
( نظرت ماليكه إليه بأستغراب )
حاتم ٠٠ ماليكه مسؤوله من أهلها وبس
أسر٠٠ لما تكون فى بيت أهلها تبقى مسؤوله منهم .انما لحد دلوقتى هى مسؤوليتى
حاتم٠٠ تمام يبقى انا هاخدها من هنا دلوقتى
أسر ٠٠ مش بالساهل كده . لازم تتكلم مع ماليكه الأول .كمان لازم هى توافق تيجى معاك
نسرين٠٠ د. أسر عنده حق لازم تتكلم معها .. لحد دلوقتي احنا منعرفش حاجة غير ان ماليكه عايشه حصل ازاى و ماليكه كانت فين الفتره دى كلها ..ماليكه لوحدها هى إللى تقدر ترد على كل الأسئلة دى كلها
هنا نظر أسر لماليكة وقال
أسر٠٠ ماليكه لازم تتكلمى ماتخفيش
حاتم٠٠ ماليكه انتى خايفه من ايه مافيش حد ممكن يقدر يقرب ليكى طول ما انا عايش على وش الدنيا . اتكلمى عشان خاطرى انا
كانت ماليكة تتطلع فى الجميع برعب وهى تتنفض
ماليكه ٠٠ مش قادره . انت مش هتسامحنى
و هتكرهنى لو عرفت
حاتم٠٠ يا عبيطة انتى اختى الصغيره ماينفعش حتى ازعل منك
ماليكه٠٠ هتزعل لما تعرف انى سبب فى موت ملك
حاتم٠٠ انتم الاتنين وقعتوا فى البحر مع بعد يبقى ازاى انتى السبب
ماليكه ٠٠ احنا مش وقعنا فى البحر
حاتم٠٠ ازاى ملك ماتت غرقانه فى البحر
ماليكه ٠٠ ملك اتقتلت
( وهنا انفجارت ماليكه فى البكاء وهى قص لحاتم كل ما حدث خلال فترة الثلاثة سنوات الماضية
هنا علما حاتم ماذا حدث مع شقيقاته لذلك اصابه نوبه هيجان و الغضب الحاد .. لدرجة ان وجهه كان مثل كتله من النار وهو يصرخ بقهر رجل تم انتهاك عرضة بطريقة بشعه )
حاتم٠٠ اقسم بالله هقتلهم.. لازم يموتوا كلهم
نسرين٠٠ اهدى يا حاتم مش كده
حاتم٠٠ ماحدش يقولى اهدى ده عرضى
( ثم حاول يخروج من المكان . كان واضح أنه ناوى على الشر لخالد السروجي و لؤى مكرم . اعترضت نسرين طريقة لكنه صرخ بها
وهنا أوقفته ماليكه لكنه لكنه حاتم دافعها بالقوه لتبتعد عن طريقة كادت أن تقع على الأرض لكن أسرع أسر و امسك بها
هنا .نظرت ماليكه الى أسر و هى فى حالة لا يرثى لها كانت نظرت ماليكه مثل النيران تحرق أسر من الداخل

ذلك جعل أسر يفقد السيطرة على نفسه و اندفعه الى حاتم ثم لكم أسر حاتم على وجهه ثم صاح به
أسر٠٠ لو لمستها تانى بطريقه دى انا إللى هقتلك
( حاول حاتم ان يرد الكمه الى أسر لكن ماليكه وقفت امامه كادت الكمة ان تصاب ماليكه لكن حاتم سيطر على نفسه فى اللحظه الاخيره و هنا فقدة ماليكه الوعى امسكها أسر قبل ان تقع على الأرض
و هنا أسرع حاتم حاول سحب اخته من أسر ..
لكن أشاره أسر إليه بالوقوف ثم قال )
أسر٠٠ اسف يا ماليكه انتى كان عندك حق
( هنا حاول أسر ان يجعلها تستعيد وعيها . بعد عدة دقائق إستعادة ماليكه وعيها لكن اصابتها نوبة بكاء شديد حضنتها نسرين بقوه و هى تقول لها)
نسرين٠٠ ماتخفيش مافيش حد هيعمل حاجة غير إللى انتى عايزاها
( وهنا جالس حاتم على الأرض و سحب اخته إليه و حضنها و هو يبكى يقول)
حاتم٠٠ بس يا ماليكه انا معاكى
ماليكه٠٠ ما تسبنيش
حاتم٠٠ هو فى حد يقدر يسيب حته منه
ماليكه ٠٠ انا اسفه . انا أسفه
حاتم٠٠. ششش انتى معملتش غلط عشان تتأسفى عليه
ماليكه٠٠ ملك ماتت بسببى و كانت بدافع عنى
حاتم٠٠ لا انتى مالكيش ايه ذنب و الكلاب إللى عملوا كده و رحمة ملك هتدفعهم التمن غالى اوى هخليهم يتمنوا الموت مش هيطلوا
نسرين٠٠ قوموا من على الأرض يلا
( قام حاتم هو ماسك ماليكه )
أسر٠٠ أنا أسف على حصل منى
حاتم٠٠ انا إللى اسف . بشكرك كمان لولاك كانت ماليكه لسه مرميه فى المستشفى ماحدش يعرف عنها حاجة . وقوفك فى وش مكرم الطحاوى. عشانها
أسر٠٠ ماليكه تستاهل كل ده و أكتر.
حاتم٠٠ ليه
أسر ٠٠ هو ايه إللى ليه
حاتم٠٠ انا شايف فى رابط بينكم غير انك الدكتور بتاعها
( نظرت ماليكه الى أسر فى أنتظار رده على حاتم)
أسر٠٠ انا بحبها .
حاتم ٠ ايه
أسر٠٠ انا بحب ماليكه .
نسرين٠٠ من غير ما تقول ده واضح عليك و عليها كمان
( نظرت ماليكه الى الارض بخجل ثم حضنتها نسرين ثم قالت نسرين)
نسرين٠٠ كبرتى يا ماليكه
( حاول أسر تغير الموضوع عندما رأى حرج ماليكه )
أسر.٠٠ مش وقته الكلام ده دلوقتى.. المهم هنعمل ايه دلوقتي
حاتم٠٠ انا هاخد ماليكه على البيت
أسر٠٠ دلوقتى خطر عليها من مكرم و السروجي
حاتم٠٠ هو انا مش هقدر احمى أختى
أسر٠٠ الموضوع مالهوش دعوة بالحمايه . انا بردوا كنت قادر احميها .. انا عايز ليها الامانه . انها تتحرك فى ايه مكان و هى مش خايفه . انا عايزها تسترد حياتها
ماليكه٠٠ قبل ده كله انا مش عايزه بابا و ماما يعرفوا إللى حصل لملك
نسرين٠٠ ازاى أكيد هيعرفوا
حاتم ٠٠ ماليكه عندها حق. حتى على أقل ميعرفوش حاجة عن اغتصاب ملك. احنا فى مجتمع شرقى . و الناس مابترحمش . ده غير ان مستحيل ماما و بابا هيقدروا يتقبلوا الموضوع ده
ماليكه٠٠ ماما ممكن تروح فيها
حاتم٠٠ صح ده لحد دلوقتى لسه مش مستوعبه ازاى ماليكه و ملك ماتوا همآ شاربين ممنوعات ازاى عايزها تستوعب حاجة زى دى
أسر٠٠ بس كده حق ملك هيضيع
نسرين٠٠ د. أسر عنده حق بردوا احنا كده بنضيع حق ملك
ماليكه٠٠ لأ حقها مش هيضيع همآ قتلوها
أسر.٠٠ ماليكه انتى قولتى انهم دفعوها بقوة لما حاولت تدافع عندك .. هيعتبرها قتل خطاء. حتى إللى عملوا فيكى يا ماليكه مافيش ورقه فى المستشفى تثبت أن ماليكه كانت موجوده فى المستشفى. طول ٣ سنين ماليكه كانت محبوسه فى أوضه ماحدش يعرف حاجه عنها غير الدكتور سمير ده إللى يرحمه و الدكتور إيهاب بعده و ده استحاله يتكلم وحتى لو اتكلم إللى كانت فى المستشفى اسمها ياره مكرم ..حاتم انت ظابط و عارف اكتر منى فى القانون
حاتم ٠٠ للأسف كلامك صح . حتى استحاله إثبات اغتصابهم لملك كمان مافيش اثبات ان ماليكه كانت محبوسه فى مستشفى من ٣
نسرين٠٠ و كلام ماليكه هى شافت كل حاجة تعتبر شاهده كمان د.أسر ممكن يشاهد ان ماليكه كانت فى المستشفى
حاتم ٠٠ ده بيثبت ان ماليكه كانت فى مستشفى الأمراض النفسية و العقلية . يعنى كلامها مشكوك فيه
نسرين٠٠ بس انت قولت دلوقتى ان مافيش ورقه بتقول ان ماليكه كانت فى مستشفى
حاتم ٠٠ ايوه بس احنا ساعتها عشان نثبت إللى حصل لازم أثبت ان ماليكه كانت فى المستشفى
أسر٠٠ على أقل الفتره ٣ شهور إللى انا تابعة حالتها فيها ..لان الكل شافها فى المستشفى و الكل عارف ان مكرم كان بيدور على بنته المريضة فى المستشفى
نسرين٠٠ يعنى احنا منقدرش نثبت أن ماليكه كانت فى المستشفى من ٣ سنين
حاتم٠٠ للأسف لأ كل إللى نقدر عليه نثبت انها موجوده فى خلال فترة علاجها مع د.أسر ٣ شهور بس
( جالسوا الثلاثه أسر و حاتم و نسرين يفكرون ماذا سيفعلوا
لم تشارك ماليكه فى حديثهم و ذهبت بعيد عنهم كأنها مش موجوده .. كان واضح انها تخطط لشئ ما
#يتبع
□□□□□□□□□□□□□□□□□
الى القاء فى الجزء الحادى عشر
تعليقات
إرسال تعليق