رواية زوجتى المصون الفصل الحادى عشر والثاني عشر والثالث عشر والرابع عشر والخامس عشر والسادس عشر بقلم ملك إبراهيم جميع الفصول كامله
رواية زوجتى المصون الفصل الحادى عشر والثاني عشر والثالث عشر والرابع عشر والخامس عشر والسادس عشر بقلم ملك إبراهيم جميع الفصول كامله
الفصل الحادى عشر والثاني عشر
عمر بفرحه/ دي هنا شكلها حست اننا بنتكلم عليها هقوم ارد عليها وارجعلك
🌸🌸🌸🌸🌸🌸🌸🌸
عمر / الو
هنا / طلقني
عمر/ نعم
هنا بغضب واضح/ بقولك طلقني
عمر/ يعني ايه مش فاهم فجأه كدا عيزاني اطلقك هو ايه الا حصل
هنا/ الا حصل اني كنت غلطانه لما صلحت غلط بغلط اكبر انا جوازي منك اول مره كان غلطه كبيره وصلحتها بغلطه اكبر لما وفقت اكمل معاك
عمر/ طب ممكن تهدي وتفهميني ليه بتطلبي مني الطلب ده دلوقتي
هنا/ عايز تعرف ليه بطلب منك الطلب ده .... عشان بحب راجل تاني
عمر بصدمه/ ايه
هنا/ ايوا بحب راجل تاني ولو انت موافق ابقا معاه وانا مراتك معنديش مشكله
عمر بجنون/ يبقا انتي اخترتي موتك علي ايدي ياهنا
اغلق عمر هاتفه واقسم علي قتلها فعلا لوتأكد بوجود اخر في حياتها
عمر/مازن انت هتفضل هنا مع امي انا لازم اسافر مصر حالا
مازن/ في ايه بس طمني ايه الا حصل
عمر/ ماتسألش كتير يامازن اعمل الا بقولك عليه
🌸🌸🌸🌸🌸🌸🌸🌸
في شقة هنا كانت تجلس بمفردها وهي تبكي بحزن فهي الان تعترف امام نفسها انها تحبه وتحبه كثيراً وتعلم انها ليس لها حق بأن تشعر بهذا الحب تجاهه وكانت حقا تنتظر قدومه لقتلها ليرحمها من هذا الشعور المؤلم
🌸🌸🌸🌸🌸🌸🌸🌸
وصل عمر مطار القاهره منتصف الليل وتوجه سريعا لشقته وقد خيل له شيطانه انه سوف يجد زوجته وهذا الشخص معاها وقد اقسم ان وجده فلا يتردد لحظه واحده علي قتلهما معا
🌸🌸🌸🌸🌸🌸🌸🌸
في شقة عمر وهنا
نامت هنا من كتر بكائها وهي جالسه تضم رجليها الي اعلى وتسند عليها بمرفقها ورأسها
دخل عمر المنزل بهدوء وبداء بالبحث بعينيه عن وجود احد
استغرب كثيرا عندما وجد هنا جالسه بهذه الوضعيه اقترب منها وحاول استيقاظها بهدوء ومع اول لمسه لها فاقت هنا بخضه صارخه تعتقده حرامي قام عمر بوضع يده علي فمها سريعا وبداء يطمنها انه هو عندما رأته هنا امامها اسرعت والقت نفسها بحضنه وظلت تبكي وكأنها تشكي منه وله
بعد قليل شعرت هنا بنفسها ومافعلته وانها الان في حضن عمر بعدت هنا عن حضنه بهدوء وهي تموت خجلا من فعلتها
نظر عمر لها بحب وغضب في نفس الوقت
عمر بجمود/ ايه الا منيمك هنا
هنا/ روحت في النوم وانا قاعده
عمر/ ممكن افهم ايه الا انتي قولتيه في التليفون ده
نظرت له بغيظ وقامت بفتح هاتفها ووضعه امامه
هنا/ وانا ممكن افهم ايه الا في تليفوني ده
اخذ عمر الهاتف واستغرب كثيراً من هذه الصور ثم بداء يتذكر عندما القت سرين نفسها في حضنه وعلم ان من المؤكد ان سرين هي من بعتت هذه الصور لهنا
هنا/ طبعا مش لاقي كلام تقوله
عمر وهو ينظر لها/ يعني موضوع طلبك للطلاق ده كان عشان الصور دي .. طب ليه مسألتنيش وليه قولتي الكلام الفارغ الا انتي قولتيه ده
هنا/ عشان تعرف ان حاجه زي دي بتضايق اد ايه
نظر لها عمر طوييييلاً ثم وبدون اي مقدمات قام بضمها اليه اراد في هذه اللحظه ان يدخلها بين ضلوعه ويقول لها ايها الغبيه كلامك هذا لم يضايقني بل قتلني ومزق روحي
شعرت هنا وهي في حضنه كأنها ملكة العالم كله فهو حبيبها تتمنى ان تقولها الأن ولكن كبريائها يمنعها لأنه يحب اخري وعندما تذكرت امر حبيبته وتذكرت بأن هذا الحضن كان يضم حبيبته قامت هنا بدفعه بعيدا عنها
هنا/ بعد اذنك ماتلمسنيش انا عايزه اتطلق
اقترب عمر منها مرة اخري وهو يضع يده فوق خديها ويقربها منه
عمر برقه/ قولي تاني كدا عايزه ايه
هنا بضعف امام رقته/ عايزه اط.......
وقبل ان تكمل جملتها قام عمر بوضع شفاتيه سريعا علي شفتايها وقبلها قبلة عاشق وصل لقمت العشق طالت قبلتهما وكأنهما في عالم اخر وعندما حاول عمر الابتعاد قليلا قامت هنا بضمه اكتر اليها ولكن جنون هنا هو من ايقظها في هذه اللحظه الرائعه
قامت هنا بدفعه مرة اخري
ضحك عمر علي جنونها/ تصدقي ان انتي بتأكديلي رأي فيكي من اول مرة شوفتك
هنا/ وكان ايه راي حضرتك فيا ان شاءالله
عمر/ ان انتي مجنونه طبعا ودلوقتي اتأكدت
هنا/ والله
عمر بضحك وهو يمسك يدها
عمر/ تعالي نقعد وانا هفهمك حاجه
افتحي تليفونك علي الصور كدا وقوليلي شايفه ايه
فتحت هنا هاتفها وهي تنظر له
هنا/ شايفه واحد وحبيبته حضنين بعض
اخذ عمر الهاتف من يدها وقام بعمل زووم علي وجهه في الصورة ثم وضع الهاتف أمامها مرة أخري
عمر / ده شكل واحد حاضن حبيبته بصي علي ملامح وشي كدا .. الا حصل اني اتفجأت من فعلتها دي وفي اللحظه دي التقطو الصوره لأني بعدتها عني علي طول اول ماعملت كدا
اخذت هنا الهاتف من يده وهي تنظر للصور وتأكدت من صدق كلام عمر فهي تعرف نظرات عمر جيدا عندما يكون رومانسي محب وعندما يكون غاضب وفي هذه الصور واضح جدا غضب عمر
شعرت هنا بلأحراج علي تسرعها ونظرت له بخجل
هنا/ عندك حق الصور واضحه جدا بس انا مش عارفه ازاي ماخدتش بالي
عمر/ انا مايهمنيش كل الا حصل ده انا بس عايز اطلب منك طلب ممكن
هنا/ اه اتفضل
عمر/ ممكن بلاش تنطقي كلمة الطلاق دي تاني وقبل ماتقولي اي كلام تفكري فيه كويس انتي ماتعرفيش الكلام الا انتي قولتيه ده عمل فيا إيه
شعرت هنا انها صغيره جدا امامه/ انا اسفه
عمر/ مش عايزك تعتذري انا عايزك تتأكدي اني عمري مأذيكي
هنا/ حاضر
عمر بمشاكسه/ بس ده مايمنعش انك لازم تصلحيني
هنا/ وعايزني اصلحك ازاي
عمر/ خدمه بسيطه منك بس توعديني توافقي
هنا بستغراب/ خدمه مني انا .. تمام اوعدك
عمر/ تنامي في حضني النهارده
قامت هنا من مكانها سريعا بخضه/ ايه
ضحك عمر كثيراً علي افعالها المجنونه
عمر/ هو انا بقولك حاجه عيب انا عايزك تنامي في حضني وبس ومتقلقيش والله مش هعمل حاجه انا بس محتاج انام في حضنك النهارده وانتي وعدتيني توافقي
هنا بعد تفكير وتردد / ماشي موافقه
قام عمر بتقبيلها من خدها كشكر منه علي موافقتها
🌸🌸🌸🌸🌸🌸🌸🌸
داخل غرفة عمر وهو يضم هنا اليه
بداء عمر في الحديث وهو يحكي لها كيف كانت حالة والدته وعن شعوره بالندم وصعوبة هذا الأسبوع عليه وكيف كان يشتاق لها وكان يتمنى وجودها بجانبه ليشعر بنفس الراحه التي يشعر بها الأن
عمر/ من بكره ان شاءالله هطلعلك باسبور يكون جاهز تسفري بيه في اي وقت انا بجد نفسي اوريكي العالم كله
هنا/ انا مش محتاجه من الدنيا حاجه غيرك
عند سماع عمر جملتها جلس سريعا وهو يجلسها معه
عمر/ انتي قولتي ايه
هنا بخجل/ ماقولتش حاجه
عمر/ وحيات اغلي حاجه عندك قوليها تاني
هنا وهي تنظر في عينه/ انت اغلي حاجه عندي وحياتك عندي انا مش عايزه حاجه من الدنيا غيرك
وقف عمر وقام بضمها اليه ورفعها للأعلي وهو يلف بها في الغرفه ويقول لها بحبك عدت مرات متتاله بطريقه جنونيه عكس شخصيته تماماً
هنا وهي تنظر له بعشق / انت بجد بتحبني
عمر/ من اول مره شوفتك فيها
هنا بسعاده واضحه/ بس ماكنش باين عليك ان انت طيقني اصلا
عمر وهو يضحك / كنت بعمل كدا عشان كان باين عليكي اوي انك مش طيقاني
هنا بضحك / الصراحه اه في الاول كنت متغاظه منك فاكر اول مرة اتقبلنا وانت اتريقت عليا وعلي لبسي
ضحك عمر كثيراً وهو يتذكر هذا الموقف
عمر / علي فكرة انتي كنتي وقتها زي القمر بس لسانك كان عايز قطعه
هنا / يعني عايزني اعمل إيه مع واحد بيضمني لحضنه كدا وقال ايه عشان كنت هقع لا سيدي شكرا كنت تسبني اقع احسن
استمتع عمر كثيرا بسماع كلامها الممتع بالنسبة له
وبداء كلا منهما في الحديث عن الاخر وهما علي الفراش حتي سقط كلا منهما في النوم العميق
🌸🌸🌸🌸🌸🌸🌸🌸
في الصباح في المستشفى
كرولين/ عمر فين يامازن انا مش شايفاه من امبارح
مازن/ اصل حصلت مشكلة في الشركة وراح يحلها وراجع علي طول
كرولين/ مازن انت مخبي عليا حاجه
في هذه الاثناء دخلت سرين
سرين/ ايوا مخبي عليكي
كرولين / مخبي ايه بالظبط
سرين/ ان عمر سافر مصر
كرولين/الكلام ده صح يامازن
مازن/ ما أنا قولت لحضرتك حصلت مشكلة وكان لازم عمر يروح يحلها
كرولين / كلمه يا مازن وقوله يرجع حالا انا محتجاه جنبي اكتر من الشغل
مازن/حاضر هكلمه
سرين/ لا يامازن متكلموش انا بصراحه ياكوكي بفكر اعمله مفجأه ايه رأيك نجهز لحفلة الخطوبه ومنها تبقا احتفال بشفاءك
وعلي مايرجع تكوني بقيتي كويسه وتقدري تحضري وتكون كل حاجه جاهز
كرولين/ فكرة تحفه انا متحمسه جدا يلا نبداء نجهز ليها من دلوقتي
سمع مازن حديثهم وتحدث بصوت لا يسمعه أحد
مازن/ حفلة خطوبه الله يكون في عونك ياعمر
🌸🌸🌸🌸🌸🌸🌸🌸
استيقظ عمر ولأول مره يشعر بكل هذا الدفئ والراحه نظر عمر الي هنا بملامحها الطفوليه الرقيقه وبداء بتقبيل شفتيها قبل متفرقه وتقبيل كل انش من وجهها
بدائت هنا في الاستيقاظ وعندما شعر بها عمر اغمض عينيه حتي تعتقد هنا انه نائم ولكن وبعد لحظات فتح عينيه علي صوت صراخها وهي تقوم بدفعه بعيدا
هنا/ عااااااااا انت عملت فيا ايه
عمر بخضه/ عملت فيكي ايه يامجنونه انتي انا جيت جنبك
هنا/ اه وازاي واخدني في حضنك كدا
عمر/ نعم انتي عندك انفصام ولا ايه انتي نايمه في حضني كدا من امبارح وبموفقتك
بدائت هنا في الضحك بهستريه وهي تتذكر ما حدث أمس
هنا/ معلش اصلي نسيت
وقف عمر وهو يشعر ببعض الغضب/ طب كويس اني اتجوزتك مرتين عشان ماتنسيش انك متجوزاني اصلا
قامت هنا بأحتضانه من الخلف لتحاول ان تصالحه
ابتسم عمر علي فعلتها وقام بلف جسده اليها وضمها اليه بقوة
في هذه الأثناء رن هاتفه المتصل مازن
عمر /معلش حبيبتي لازم ارد
هنا/ تمام وانا هدخل اوضتي اغير هدومي واحضر الفطار
🌸🌸🌸🌸🌸🌸🌸🌸
عمر/ الو
مازن/ ايوا ياعمر عامل ايه عندك
عمر/ الحمدلله كويس المهم طمني امي عامله ايه
مازن/ كويسه قولي انت هترجع امتي
عمر/ لسه مش عارف بس اكيد هحاول ارجع في اسرع وقت ماتقلقش
مازن/ تمام عشان في حاجه مهمه عايز اقولهالك قبل ماترجع
عمر / في إيه ماتقول دلوقتي
مازن/ لاء مش هينفع دلوقتي أنا مش هطول عليك بقا عشان مبقاش رخم
عمر بضحك/ انت فعلا رخم يامازن مع السلامة
فضل مازن بان لا يخبره الان لاعتقاده ان هنا بجواره
🌸🌸🌸🌸🌸🌸🌸🌸
بعد اقل من اسبوع جهزت سرين لحفل ضخم وقامت بتكلفة احد رجال الامن الموجودين اسفل العمارة التي يسكن بها عمر وهنا بأن يبلغها فورا بموعد رجوع عمر ايطاليا
وقد نجح عمر في اخراج باسبور لهنا في وقت قصير جدا والان تستطيع ان تسافر لأي مكان بالعالم
عمر / مبروك ياحبيبتي دلوقتي تقدري تسافري اي بلد تعجبك بس الاول لازم تسافري معايا ايطاليا عايز اعرفك علي امي
هنا بسعاده مثل الاطفال/ بجد هسافر معاك ايطاليا
عمر/ ايوا طبعا ومعاد طيرتنا بكره ان شاءالله
واتفضلي اجهزي بقا عشان انا عازمك علي العشا النهاردة وبعدها هخرجك لأي مكان تحبي تروحيه
وقفت هنا بسعادة وهي تقبله من خده / ثواني وهكون جاهزه
🌸🌸🌸🌸🌸🌸🌸🌸
في افخم المطاعم يجلس العاشقين عمر و هنا
عمر / هااا قررتي عايزه تروحي فين
هنا / بصراحة في مكان عايزه اروحه بس محروجة اطلب منك توديني
عمر / مكان ايه ده الا نفسك تروحيه ومحرج بالنسبالك
هنا بحماس / الملاهي
نظر لها عمر طويلا ثم قال
عمر / طبعا الملاهي هو انا هتوقع تقولي ايه غير كدا
هنا وهي تقلد الاطفال
هنا / وحياتي عندي
نظر لها عمر بعشق
عمر / خلاص ضعفت قدام طفولتك هوديكي الملاهي
🌸🌸🌸🌸🌸🌸🌸🌸
اليوم التالي
سافر عمر وهنا ايطاليا بدون ان يعلم احد بموعد سفره كان يريد مفجأتهم لكنه لا يعلم بأن المفاجأه الاكبر ستكون من نصيبه
حاول مازن الاتصال بعمر كثيرا ليبلغه بأمر الحفلة بعد ما علم بأن سرين حددت موعدها اليوم من الدعوة المرسلة اليه في أخر لحظة ولكن هاتف عمر كان مغلق
وصل عمر ومعه هنا الفيلا الخاصه بوالدته ولكنه تفاجاء بعد دخوله تفتح الانوار المضيئه من كل مكان وبكل الالون وتظهر والدته وزوجها وسرين وكل الاصدقاء والمعارف وبعض وسائل الاعلام الكل يهنون بالخطبه أقتربت سرين منه وأمسكت يده وهو في حالة صدمة لا يعلم ماذا يحدث وقامت بأخذه من جانب هنا لألتقاط بعض الصور الخاصه بوسائل الاعلام ليكون عنوانهم الرئيسي اعلان خطبة رجل الاعمال عمر المنياوي وحبيبته سرين
🌸🌸🌸🌸🌸🌸🌸🌸
انتها الفصل حبيباتي
ماتنسوش تعلقوا برأيكم❤❤❤❤❤❤
الفصل الثاني عشر🌸🌸
سافر عمر وهنا ايطاليا بدون ان يعلم احد بموعد سفره كان يريد مفجأتهم لكنه لا يعلم بأن المفاجأه الاكبر ستكون من نصيبه
حاول مازن الاتصال بعمر كثيرا ليبلغه بأمر الحفلة بعد ما علم بأن سرين حددت موعدها اليوم من الدعوة المرسلة اليه في أخر لحظة ولكن هاتف عمر كان مغلق
وصل عمر ومعه هنا الفيلا الخاصه بوالدته ولكنه تفاجاء بعد دخوله تفتح الانوار المضيئه من كل مكان وبكل الالون وتظهر والدته وزوجها وسرين وكل الاصدقاء والمعارف وبعض وسائل الاعلام الكل يهنون بالخطبه أقتربت سرين منه وأمسكت يده وهو في حالة صدمة لا يعلم ماذا يحدث وقامت بأخذه من جانب هنا لألتقاط بعض الصور الخاصه بوسائل الاعلام ليكون عنوانهم الرئيسي اعلان خطبة رجل الاعمال عمر المنياوي وحبيبته سرين
🌸🌸🌸🌸🌸🌸🌸🌸
وقف عمر بصدمه وعدم فهم لما يحدث حوله
لكن هنا لم تنتظر كثيرا فعندما اخذت سرين عمر من جانبها ونظرت هنا حولها وجدت الجميع يتحدثون عن خطوبة عمر وسرين ويحتفلون بخطبة هذا الثنائي الرائع بالنسبه لهم اعتقدت هنا ان كل مايحدث حولها من ترتيبات عمر واعتقدت انه احضرها معه لأهانتها امام الجميع فأسرعت هنا بالخروج قبل ان يراها احد فهي لا تتحمل ان يهينها عمر وخطيبته هكذا امام الجميع
اسرعت هنا في خطواتها وهي لا تعلم شئ عن اي مكان تذهب اليه اسرعت وهي تجري وتنظر خلفها حتي لا يستطيع احد الامساك بها
في هذه الاثناء قامت سياره مقابله لها بنفس الطريق بدفعها بقوة قبل ان يستطيع صاحبها وقوف السياره بسرعه عند ظهور هنا المفاجاء امامه وبعد نزوله من السيارة تفقد حالة هنا وجدها مصابه برأسها وغائبه عن الوعي اخدها سريعا بسيارته علي المستشفي الخاصه به
🌸🌸🌸🌸🌸🌸🌸🌸
وقف عمر بجنون وهو يبحث عن هنا حتي جائه مازن
مازن/ عمر انا حوالت اكلملك كتير عشان ابلغك بالحفله بس تليفونك كان مقفول
عمر بعصبيه/ مازن انا مش لاقي هنا مش موجوده في اي مكان
مازن/ طب اهدا اكيد موجوده قريب من هنا هي ماتعرفش حاجه هنا اكيد مش هتروح بعيد ماتقلقش هندور عليها كويس وان شاءالله هنلاقيها
عمر/ بسرعه يامازن دوروا أنتم هنا وانا هاخدي عربيتي ادور عليها ع الطريق
اثناء خروجه من الفيلا وقفت امامه سرين تمنعه من الخروج
سرين/ هتروح فين وتسيب حفلة خطوبتنا
قام عمر بصفعها بقوة
عمر بغضب كبير/ انا عدتلك كتير أوي قبل كدا بس اوعدك اني اول ملاقي مراتي واطمن عليها هدفعك تمن كل غلطه غلطيها معايا غالي اوي
ثم ذهب عمر وتركها قد تموت من فشل كل مخطتاتها في جعله يتزوجها
🌸🌸🌸🌸🌸🌸🌸🌸
قضي عمر ليلته وهو يبحث عن زوجته في كل مكان ولم يجدها
وصل مازن اليه وهو مرهق بشدة هو من معه من تدويرهم علي زوجة صديقه ولم ينجحوا حتي الان في العثور عليها
مازن/ احنا دورنا في كل مكان مش موجوده ممكن تكون رجعت مصر
رد عمر عليه بحزن/ باسبورها وكل اورقها حتي تليفونها موجدين هنا في شنطتها ماخدتهاش معاها يعني مراتي دلوقتي في الشارع لوحدها من غير اثبات شخصيه ولا فلوس ولا حتي تليفون نقدر نوصلها منه
ثم وقف عمر وهو يقول بأسرار / بس انا لازم القيها حتي لو هصرف كل ثروتي بس القيها واشوفها قدام عنيا
🌸🌸🌸🌸🌸🌸🌸🌸
في الصباح فتحت هنا عينيها لترى اللون الابيض محاوط بها في جميع الاتجاهات
هنا بضعف للممرضة الواقفه امامها/ انا فين
الممرضه / حمدلله علي السلامه حسه بإيه دلوقتي
هنا بضعف/ حسه بوجع جامد اوي في دماغي
الممرضه/ ثواني هندهلك دكتور خالد
بعد قليل
دكتور خالد/ صباح الخير ايه الاخبار
هنا/ حسه بوجع جامد اوي هو ايه الا حصل
خالد/ امبارح حصلت حدثة بسيطه كدا ظهرتي قدامي فجأه وانا سايق العربيه واغمى عليكي وجبتك هنا المستشفى عندي
هنا/ طب انا كنت فين
خالد/ يعني ايه انتي مش فاكره كنتي فين
هنا/ انا مش فاكره حاجه خالص حسه بوجع في دماغي وصداع فظيع
خالد/ طب ممكن تقوليلي اسمك ايه
هنا وهي تغمض عينها لتتذكر اي شئ/ مش عارفه كل ما أحاول افتكر بحس بصداع ووجع جامد
خالد بهدوء/ تمام ماتجهديش نفسك انا هسيبك ترتاحي دلوقتي وهرجعلك تاني
🌸🌸🌸🌸🌸🌸🌸🌸
دكتور خالد المسيري مصري الجنسيه يعيش هو ووالده في ايطاليا ولكنه يسكن بمفرده بعيداً عن والده لأنه لايشعر بالراحه مع زوجت والده وبناتها
والده دكتور جراح مشهور ويمتلكون احدي المستشفيات الكبيره في ايطاليا
🌸🌸🌸🌸🌸🌸🌸🌸
يجلس خالد مع والده وبعض الاطباء يناقشون حالة هنا وامامهم كل الاشاعات والتحليل الخاصه بها
خالد/ ممكن تكون فاقدت الذاكره من الخبطه
احدي الاطباء/ ممكن واحتمال كبير يكون بسبب حالة نفسيه مع الصدمة وقت الحادثة حصل عندها فقدان ذاكرة مؤقت
والد خالد وهو مدير المستشفي/ طب هي معاها اي اثبات شخصيه او تليفون نقدر نوصل لأهلها
خالد رداً علي والده/ علي فكره يادكتور هي شكلها من مصر مش ايطاليه
والده/ والحل ايه دلوقتي
خالد/ اكيد هتفضل معانا في المستشفي لحد ماتكمل علاجها ونقدر نوصلها لحد من اهلها
والده/ بس دي مسؤليه كبيرة انها تكون موجوده في المستشفى من غير هويه احنا منعرفش هي مين ولا وراها ايه
خالد/ اتطمن انا هتابع الموضوع ده بنفسي ماتنساش حضرتك ان انا السبب في حالتها دي
والده بأنهاء للجتماع / تمام الا تشوفه
🌸🌸🌸🌸🌸🌸🌸🌸
بعد شهر
يقف عمر في شركته امام الزجاج المطل علي المنظر الخارجي وهو ينظر لهذه البلد الكبيره التي ابتلعت حبيبته ولم يجدها حتي الان يفكر كيف تكون الأن هل سعيده وهي بعيده عنه هل ببعدها هذا تنتقم منه وتحاسبه علي ذنب ليس هو من اقترفه
في هذه الاثناء يدخل اليه مازن وهو حزين علي حالة صديقه
عمر بدون ان ينظر له/ في جديد
مازن/ للأسف لاء ماسبناش مكان مادورناش فيه
عمر/ لاء يامازن مدام لسه ملقنهاش يبقي احنا كدا مش بندور كويس كثف عدد الناس الا معاك حتي ولو اضطرينا نخلي ايطاليا كلها تدور عليها
مازن بحزن علي حالة صديقة/ حاضر هعمل كل الا انت عايزه
🌸🌸🌸🌸🌸🌸🌸🌸
في المستشفى
تستعد هنا للذهاب خارج المستشفي بعد ان تم شفائها بالكامل ولكنها لا تعلم الي اين تذهب😔 دخل خالد غرفتها بالمستشفي وهو يتحدث اليها بمرح
خالد/ جاهزه يا فرح
هنا/ اه جاهزه
خالد/ طب انا كنت عايز اتكلم معاكي شويه ممكن
هنا/ اه طبعا اتفضل
خالد/ انتي طبعا عارفه ان انا السبب في الحدثه الا حصلتلك والا بسببها فقدتي الذاكرة
هنا/ لاء طبعا انت مش السبب ده قضاء ربنا ويمكن فقداني الذاكره ده فرصه تانيه ليا أبداء حياتي من جديد الله اعلم حياتي قبل مفقد الذاكره كانت ازاي بس انا راضيه بحياتي الا انا عيشاها دلوقتي
خالد بأعجاب شديد/ انتي عارفه انا اخترتلك اسم فرح ليه
هنا بستغراب/ ليه
خالد/ لأنك بتقدري بمنتهى البساطه تفرحي كل الا حواليكي فرح انا جايبلك عرض النهارده وبتمنى تقبليه
هنا/ عرض ايه
خالد/ عرض شغل معانا في المستشفي انا لاحظت انك كنتي بتساعدي الممرضات في شغلهم وكنتي شطره جدا وعندك طاقه رهيبه في اسعاد المرضي والتفاهم معاهم
هنا/ انا بجد ببقا مبسوطه جدا وانا بتعامل مع المرضي بس مفكرتش ان تكون دي مهنتي مش عارفه بس انا حسه ان انا كنت شاطره في حاجه تانيه بس مش فاكره ايه هي ولما بحاول افتكر بحس بصداع رهيب
خالد/ مش انتي قولتي انك راضيه بحياتك الجديده واظن مفيش احسن من ان تكوني في حياتك الجديده ملاك من ملائكة الرحمه
هنا بحماس/ اه طبعاً أنا موافقه
خالد/وفي حاجه كمان أنا جاري الا في الشقة الا قصادي بيأجر شقته ايه رأيك تاخديها
هنا/ بس انا مش معايا فلوس للأيجار دلوقتي
خالد/ بسيطه انتي تمضي عقد شغلك دلوقتي وتقدمي طلب سلفه تتخصم كل شهر من مرتبك وانا هخلصلك كل حاجه
هنا/ بس كدا كتير اوي
خالد/ انتي تستهلي كل خير يافرح
🌸🌸🌸🌸🌸🌸🌸🌸
بعد شهرين من بدء عمل هنا بالمستشفي
اثبتت هنا نفسها في العمل بشهادة الكل فكل الاطباء يشهدون بكفأتها و نشاطها في العمل وجميع الممرضات اصبحوا اصدقائها واصبحت علاقتها مع خالد علاقة قويه جدا يصطحبها الاحترام والتقدير بالنسبه لهنا والاعجاب والحب بالنسبه لخالد فهما تقريبا وطول الوقت مع بعض في العمل وجيران في السكن
انتهت هنا من عملها وقام خالد بصطحابها بسيارته للمنزل وهما في الطريق
خالد/ علي فكرة انا عزمك علي العشا النهارده
هنا / بمناسبة ايه
خالد بغضب مصطنع/ هو لازم يبقى في مناسبه عشان اعزمك علي العشا
علي العموم ياستي ايوا في مناسبه
هنا/ وايه بقا المناسبه
خالد/ هنفتتح مستشفي خاصه بالأطفال وبصراحه ده كان حلم حياتي
هنا بسعاده من اجل خالد/ الف مبرووك بجد فرحتني
خالد بمرح/ ماشي يا أنسه فرح تكوني جاهزه الساعه ٨ بالظبط تمام
هنا بمشاكسه/ تمام ياحضرت الدكتور
🌸🌸🌸🌸🌸🌸🌸🌸
جلس عمر علي مكتبه بضعف فأصبح مهملا بنفسه لا يهتم بأكل ولا شرب طالت لحيته كثيراً لكنها زادت من وسامته كثيراً ايضاً اصبح عصبي جدا لا يتحمل رؤية احد
دخلت كرولين مكتبه
كرولين/ عمر حبيبي انت هتفضل علي الحال ده كتير انت مش شايف شكلك بقا عامل ازاي
عمر / انا من غير هنا جسد بلا روح
انا بقالي اكتر من ٣ شهور قالب الدنيا عليها ومش عارف اعمل ايه عشان الاقيها
كرولين/ انساها حبيبي وعيش حياتك هي لو عايزاك كان زمنها ظهرت من زمان اختفأها ده ملوش غير معني واحد انها نسيتك فايريت تنساها انت كمان وتفكر في مستقبلك
علي فكره سرين كلمتني والبنت منهاره جدا سرين فعلا بتحبك ياعمر هي دي الا تستهلك
وقف عمر بغضب وهو يلقي بكل الاشياء الموجوده علي مكتبه في الغرفة/ مش عايز اسمع اسمهااا هي السبب في كل الا حصل
دخل مازن المكتب وهو لا يصدق الحالة التي وصلا لها صديقه حاول مازن تهدأته نظر عمر لوالدته ثم تحدث بهدوء عندما رأى الخوف منه في عينيها /ارجوكي يا أمي بلاش تضغطي عليا انا لحد دلوقتي ماعقبتش سرين علي كل الا عملته عشان خطرك انتي ارجوكي
كرولين / حاضر حبيبي بس انت اهدا واكيد هتلاقي مراتك ماتقلقش
عمر/ يارب
بعد ان خرجت والدت عمر من مكتبه
تحدث عمر بغضب الي مازن
عمر/ مش معقول الارض انشقت وبلعتها هي اكيد موجودا والغريب ان حاسس انها موجودا قريب مني اوي بس انا مش شايفها
مازن/ عمر احنا قلبنا الدنيا عليها وملهاش اثر بصراحه احنا بدأنا نشك انهااااا
ماتت
عمر وهو يمسك صديقه من ياقة قميصه هنا مماتتش هنا عايشه فاهم عايشه
مازن حاول تهدأته/ تمام بس اهدى احنا فعلا سألنا عن كل حالات الوفاة الموجوده من غير اهل واتأكدنا ان مفيش حد بموصفاتها
عمر/ انا حاسس بيها يامازن هنا عايشه وموجوده هنا بس فييييين
مازن/ تمام ياعمر صدقني هنحاول ندور تاني وعاشر ومليون لحد مانلقيها
بقولك ايه تعالي نخرج نتعشا في مكان هادي ونفكر اكتر يمكن نلاقي طريقه توصلنا ليها
🌸🌸🌸🌸🌸🌸🌸🌸
ذهب خالد وهنا للمطعم لتناول العشاء جعل لها خالد كل شئ رومانسي كانت تفهم هنا نظراته وتعلم جيدا بما في قلبه وكانت تتمني ان تبادله نفس الاحساس ولكن شئ ما يمنعها وكلما حاولت التفكير به تشعر بالصداع والألم الشديد
خالد / ايه روحتي فين
هنا/ موجوده معاك اهوه
خالد/ ايه رأيك نقوم نرقص
هنا/ بس انا حسه اني مش بعرف ارقص
خالد/ يبقا اعلمك
قامت معه هنا وقامو بالرقص معا علي اغنيه رومانسيه بدأت تلتفت لهما جميع الانظار من شدت جمالهما معا
في هذه الاثناء دخل مازن وعمر هذا المطعم لتناول العشاء
وقت دخول عمر رفعت هنا وجهها وهي ترقص مع خالد رأت عمر وهو يتقدم لداخل المطعم شعرت بالصدمة والصداع الشديد وسريعا سقطت في حضن خالد
فاقدت الوعي😥
🌸🌸🌸🌸🌸🌸🌸🌸
انتها الفصل حبيباتي انا في انتظار رأيكم في التعليقات رأيكم يهمني جدااااااااا❤❤❤❤❤❤❤
الفصل الثالث عشر والرابع عشر
ياريت كل البنات تعلقوا برأيكم في الروايه رأيكم يهمني جداااا❤
🌸🌸🌸🌸🌸🌸🌸🌸
في هذه الاثناء دخل مازن وعمر هذا المطعم لتناول العشاء
وقت دخول عمر رفعت هنا وجهها وهي ترقص مع خالد رأت عمر وهو يتقدم لداخل المطعم شعرت بالصدمة والصداع الشديد وسريعا سقطت في حضن خالد
فاقدت الوعي😥
صدم خالد من اغمائها المفاجئ وقام بحملها سريعا وذهب بها خارج المطعم وضعها سريعا في سيارته وبداء في افاقتها وعندما فاقت فجأته اكتر ببكائها الهستيري حاول خالد تهدئتها اكثر من مره وبعد قليل من الوقت هدأت هنا وتوقفت عن بكائها
خالد/ احسن دلوقتي
قامت هنا بهز رأسها/ اه
خالد/ فرح هو ايه الا حصل خلاكي وصلتي للحاله دي
هنا / هنا
خالد/ يعني ايه مش فاهم
هنا/ اسمي هنا
خالد بستغراب/ انتي رجعتلك الذاكره
هنا/ اه
خالد/ طب ممكن اعرف ايه الا حصلك وخلاكي تبكي بالطريقه دي
هنا/ هحكيلك كل حاجه بس ممكن تطلع بالعربيه من هنا مش عايزه افضل في المكان ده اكتر من كدا
قام خالد بتشغيل سيارته واتجها معها لمنزلها لمعرفة حكايتها كامله
🌸🌸🌸🌸🌸🌸🌸🌸
عند عمر ومازن في المطعم
مازن/ مالك عمال تلف حولين نفسك ليه
عمر/ مش عارف وانا داخل اتهيألي حاجه كدا
مازن/ لا دانت حالتك بقت صعبه اوي
المهم ابو مراتك كلمني يسأل علي بنته بيقول انه كل مايتصل بيها انت الا بترد عليه وبتقوله انها مش موجوده شكله كدا بداء يقلق ويشك في حاجه
عمر/ وانت عايزني اقوله ايه انا محافظتش علي الامانه الا امنتهالي تعرف يامازن انا اول مره في حياتي احس اني متكتف كدا
مازن/بس مش ممكن لو قولناله يكون يعرف حد او مكان ممكن هنا تكون فيه اصل الا هيجنني هتكون راحت فين وهي متعرفش حد هنا
عمر/ هنا موجوده هنا مستحيل تعرف ترجع مصر متنساش ان باسبورها وورقها معايا انا بس نفسي اعرف هي فين انا خلاص هتجنن
مازن/ ماتقلقش ياعمر ان شاءالله هنلاقيها
عمر/ يارب يا مازن
🌸🌸🌸🌸🌸🌸🌸🌸
في داخل شقة هنا تجلس هي وخالد بعد ان حكت له حكايتها مع عمر من بدايتها الي حضورها خطوبته
خالد/ تعرفي ان شركة جوزك هي الا بتنفذلي مستشفي الاطفال بتاعتي وأنا كنت معزوم علي الخطوبه دي بس في الحقيقه انا ماكنتش هروح لأن الدعوه جتلي في نفس يوم الحفله بس مش عارف ليه غيرت رأيي وروحت يومها يمكن عشان اقبلك
هنا/ انا بجد سعيده جدا بالحادثة دي لان بسببها اتعرفت علي انسان عظيم زيك
خالد وهو يحاول ان يدفن حبه بداخله فهو الان تأكد بأن الوصول لقلب فرح او هنا صعب وشبه مستحيل / المهم ناويه علي ايه
هنا بوجع/ لازم عمر يحس بنفس الوجع الا حسيته وانا بحضر خطوبته
خالد/ يعني ايه مش فاهم
هنا/ ............
🌸🌸🌸🌸🌸🌸🌸🌸
صباح يوم جديد في شركةos بإيطاليا
دخلت السكرتيره تبلغ عمر بوجود دكتور خالد ويريد مقابلته وافق عمر علي مقابلته فهو يعلم بأن شركته مسؤله عن تنفيذ مستشفاه الخاص واعتقد انه يريد مقابلته لأمر مهم يخص التصميم او التنفيذ
عمر/ اهلا دكتور خالد اتفضل
بعد ان دخل خالد اراد ان يتأكد هل عمر فعلا لا يحب هنا وهو من اراد اهانتها بحضورها خطوبته كما تظن ام هو ايضا تفاجاء بالامر مثلها
خالد/ اهلا بيك يابشمهندس انا قبل اي حاجه عايز اعتذر اني مقدرتش احضر خطوبتك
غضب عمر كثيرا عند ذكر هذا اليوم
عمر/لا يادكتور متعتذرش ولاحاجه الموضوع اصلا كان فيه سوء تفاهم الحفله ماكنتش خطوبه ولا حاجه دي كانت احتفال بشفاء والدتي
نظر له خالد وشعر بكم الحزن الذي يتحدث به و الذي يظهر عليه وقرر ان يبلغه بوجود هنا وحالتها
عمر/ المهم خير يا دكتور في اي مشكلة في التصميم او التنفيذ
خالد/ بصراحه يا بشمهندس انا كنت جايلك في موضوع تاني يخص مدام حضرتك
نظر عمر له بصدمه وعدم تصديق عند سماع جملته ووقف سريعا من علي مكتبه وهو لا يصدق مايسمعه هل هو يعلم مكان هنا
عمر / انت تعرف مكان هنا
خالد/ ايوا بس بصراحه انا لسه عارف انها تبقا المدام بتاعتك امبارح بس
عمر بلهفه/ طب هي فين انا عايز اشوفها
خالد/ اهدى يابشمهندس هنا الا انت تعرفها مش هي هنا الا موجوده دلوقتي عشان كدا لازم تسمعني قبل ماتقابلها
🌸🌸🌸🌸🌸🌸🌸🌸
في بيت والد هنا
صوت رن جرس الباب قامت سمر بفتح الباب وجدت أحمد ابن زوجها يقف وبجانبه شنطة سفره
أحمد يعرف سمر جيدا ويعلم انها صديقة اخته وعندما وجدها بمنزلهم اعتقد انها موجودا بمنزلهم لرؤية هنا
أحمد وهو يدخل منزله
أحمد/ هنا وبابا جوه
سمر/ لاء
أحمد بستغراب/ يعني ايه اومال انتي هنا بتعملي ايه
سمر بعصبيه/ هو في ايه بالظبط انت واختك كل ماتشوفوا وشي تقولولي بتعملي ايه هنا عايز تفهمني ان ابوك مقلكش انت كمان
أحمد/ مقليش ايه!! وبعدين انتي ازاي تعلي صوتك كدا في بيتنا
سمر/ بيتكم ده كان زمان ايام المرحومه انما دلوقت ده بيتي واعلي صوتي فيه براحتي
كان أحمد علي وشك ضربها بالقلم لأقلة أدبها وصوتها العالي لكن صوت والده وهو يدخل من باب الشقه وقفه
والده/ أحمد انت اتجننت بترفع ايدك علي مراتي
أحمد بذهول / مراتك!!!!!!
والده وهو يقترب من زوجته للأطمئنان عليها بعد ان اتقنت تمثيلها في البكاء بعد ان رأته
والده/ايوا مراتي ولازم تعرف ان كرامتها من كرمتي ومستحيل اسمحلك تهنها بالشكل ده
أحمد/ بابا انت بتتكلم بجد سمر زميلة اختي تبقا مراتك
والده وهو يحالو ارضاء زوجته والاعتذار منها علي فعل ابنه
والده/ معلش حبيبتي ماتزعليش ادخلي انتي ريحي في اوضتنا وانا هتكلم معاه واجيلك
سمر وهي تنظر ل أحمد بمكر وهي في احضان والده
سمر/ حاضر ياحبيبي
بعد دخول سمر لغرفتها
أحمد/ بابا انت ازي تتجوز سمر دي اد بنتك وكمان متجوزها في اوضة ماما الله يرحمها
والده/ لا طبعا غيرت عفش الاوضه ثم انت باذات اخر واحد يحاسبني تقدر تقولي من بعد وفاة امك كلمتني تطمن عليا كام مره سألت عليا وعلي اختك كام مره دا انا حتي لما حولت اكلمك عشان ابلغك بجواز اختك معرفتش اوصلك وجي دلوقتي عايز تحاسبني
أحمد/ بابا الا كان منعني عنكم كان غصب عني حضرتك ماتعرفش الا حصلي
والده/ ومش عايز اعرف ماتنساش ان انت الا اخترت تسافر وتسبنا ودلوقتي جوازي ده امر واقع وسمر مراتي واجب عليك احترامها فاهم
أحمد/ فاهم يابابا ان هاخد شنطتي وهشوف مكان تاني عشان اكيد مش هينفع اعيش هنا بس انا عايز قبل ما مشي اعرف هنا اختي فين ومين جوزها
والده/ هنا مسافره مع جوزها ايطاليا أسمه عمر المنياوي راجل اعمال ومن يوم ماسفرت معرفش عنها حاجه كل ماأكلمها تخلي جوزها الا يرد عليا ويقولي انها نايمه او مش موجودا شكلها هي كمان نستني لما سفرت شكل السفر بينسيكم اهاليكم
أحمد/ ماشي يابابا انا هحاول اوصلها عشان نطمن عليها انا همشي انا عن اذنك
بعد خروج أحمد خرجت سمر من غرفتها تتحدث الي زوجها
سمر/ هو مشي
والد هنا/ اه ماكنش ينفع يفضل معانا في نفس البيت هو فهم كدا من نفسه ومشي
سمر بمكر/ متزعلش يا حبيبي المهم انا معاك اهوه ولا ايه
🌸🌸🌸🌸🌸🌸🌸🌸
في مكتب عمر بعد ان حكى له خالد كل ماحدث مع هنا من وقت الحادثة وفقدانها الذاكره الي امس وكيف رجعت لها الذاكره
عمر / انا فعلا كنت في نفس المطعم ده امبارح
خالد/ وده بيأكدلي ان فقدان الذاكره الاحصل لهنا كان السبب نفسي مش عضوي صدمتها بموضوع خطوبتك مع صدمتها وقت الحادثه دا عمل عندها فقدان مؤقت للذاكره واول ماشفتك امبارح حصلها نفس الصدمه وكان نتيجتها ان الذاكره رجعتلها
عمر/ انا لازم اشوف هنا حالا واكدلها اني ماكنتش اعرف حاجه عن موضوع الخطوبه ده واني فعلا كنت صادق معاها في كل حاجه
خالد/ لا طبعا ده اكبر غلط لأن هنا دلوقتي مقتنعه تماما انك كنت قاصد تأذيها بالشكل ده واي كلام معاها في الموضوع ده حاليا هيجيب معاها نتيجه عكسيه هنا لازم تتأهل نفسيا الاول انها تشوفك عشان ميحصلهاش اي صدمه تانيه
عمر/ يعني ايه يعني مش هقدر اشوفها
خالد/ بص يا بشمهندس الواضح جدا ان زوجتك مرت بعدت صدمات ورا بعض قبل الحادثة عشان كدا لازم تتأهل نفسيا كويس عشان ثقتها في الحياة ترجع تاني
عمر بتعب ووجع/ وايه الا اقدر اعمله يساعدها ويرجعها زي الاول انا مستعد اعمل اي حاجه حتي لو هضحي بكل ثروتي واملاكي عشان بس اشوفها كويسه قدامي
خالد/احمم بصراحه يعني هي كل الا شغلها دلوقتي ازاي تنتقم منك
عمر بوجع كبير/ عارف هنا عنيده وبتفكر دايما ازاي تخلي الا وجعها يدوق من نفس الوجع
خالد/ هو ده فعلا الا بتفكر فيه
بداء عمر في التفكير في خطه يحاول بها خروج هنا من هذه الحالة و كسب ثقتها من جديد
عمر/ انا عندي فكره بس هحتاج فيها مساعدتك يا دكتور
خالد/ اتفضل وانا جاهز
🌸🌸🌸🌸🌸🌸🌸🌸
في منزل دينا صديقة هنا
دينا تتحدث بالهاتف/ الو
مازن/ عامله ايه
دينا/ انت مش ملاحظ انك كل يوم تكلمني في نفس الميعاد وتسألني نفس السؤال وانا اقولك نفس الأجابه😊 ملكش دعوه
مازن بضحك/ يعني انتي واخده بالك اني بكلمك كل يوم في الميعاد ده ويترى بقي بتفضلي طول اليوم تعدي الساعات عشان الساعه دي تيجي واكلمك
دينا بتوتر من معرفته بإن هذا ماتفعله حقاً
دينا/ وانت عرفت ازاي ... قصدي لاء طبعا دا انا ببقا عايزه اقفل التليفون عشان ماتكلمنيش
مازن بضحك علي توترها/ والله وايه بقا الا بيمنعك تقفلي التليفون
دينا/ تعرف ان انت رخم اوي
مازن/ لا معرفش بس مدام قولتي كدا يبقا انا مصدقك اصل حبيبتي عمرها ماتقول حاجه غلط
اغلقت دينا الهاتف سريعا عند سماعها كلمة حبيبتي وهي لا تصدق ماسمعته هل هي فعلا حبيبته ولم لا فكل شئ يفعله مازن يؤكد انه يحبها وهو يتحمل صدها في الكلام وتجاهلها له ومهما عملت معه او قالت له يتحملها ولا ييأس من المحاولات في جعلها تحبه كما يحبها
عند مازن كان يضحك علي هذه القطة الشقيه هي من سلبت قلبه من اول نظره هي من جعلت منه عاشق يعشق كل تفاصيل حبيبته طريقة كلامها شقوتها وعنادها كل شئ بها جعله عاشق يتمنى من حبيبته ان تشعر بعشقه وتعطف علي قلبه المسكين
🌸🌸🌸🌸🌸🌸🌸🌸
في المساء ذهب خالد ليتحدث مع هنا في شقتها
خالد/ انا قبلت عمر النهارده واتكلمت معاه بخصوصك
هنا بتوتر/ ليه عملت كدا انا ماكنتش عيزاه يعرف عني حاجه
خالد/ وانتي شايفه ان ده حل انتي لازم ترجعي لحياتك انتي ناسيه انك طالبه في كلية هندسه والدراسه بدأت بقالها شهر لازم تشوفي مستقبلك ولا انتي عايزه توقفي حياتك علي كدا
هنا/ لا طبعا انا عايزه اكمل حياتي بس عمر مايكونش فيها
خالد/ ومين قالك ان عمر هيكون في حياتك هناا عمر طلقك
هنا بصدمه/ ايه طلقني
خالد/ ايوا ياهنا طلقك لما روحتله النهارده اتكلم معاه بخصوصك قالي انه طلقك واداني شنطه فيها الباسبور بتاعك والموبيل وشوية اوراق تخصك.
صمتت هنا بصدمه لكن عينيها لم تصمت فدموع عينيها تنزل بحسرة علي حالها هل طلقها حقا هل أخذ روحها وتركها بلا روح ماهذا الشعور الغريب هي كانت تعتقد انها تكرهه الان وكانت تفكر كيف تطلب منه الطلاق وهاهو وفر عليها كل مجهود وقام بطلاقها والتخلص منها وهي الان تحدث نفسها وتلومها لماذا تبكي الان ايها الغبيه عليكي استرداد حياتكي التي سرقها منك
ويجب ان تسرعي في ترك هذه البلد طالما لم تري فيها الا الحزن
عليكي الرجوع الي بلدك وحياتك السابقه عليكي التفوق في دراستك كما تعودتي دائما عليكي توديع هنا الساذجه وتركها وجعلك هنا اخري تستطيع ان تحيا بمفردها.
تركها خالد صامته تبكي بعد ان تأكد من حالتها هذه انها مازالت تحب زوجها بل تعشقه نظر لها بحزن وهو يعلم جيدا انها الان بين صراع مع نفسها .
بعد صمت طوييل مسحت هنا دموعها بيدها وهي تبلغ خالد قرارها
هنا/ عندك حق انا لازم ارجع بلدي وارجع كليتي وانجح واعتمد علي نفسي انا لازم اكون اقوي من كدا وماسمحش لحد يلعب بحياتي تاني
خالد/ تمام شوفي تحبي ترجعي مصر امتي وانا هحجزلك
هنا/ ياريت علي اول طياره
قالت هنا جملتها وذهبت سريعا الي غرفتها قام خالد بمسك تليفونه والتحدث به
خالد/ الو انا عملت كل الا اتفقنا عليه
🌸🌸🌸🌸🌸🌸🌸🌸
الفصل الرابع عشر🌸🌸
لو لقيت التفاعل كتير هنزل بارت كمان❤
بعد صمت طوييل مسحت هنا دموعها بيدها وهي تبلغ خالد قرارها
هنا/ عندك حق انا لازم ارجع بلدي وارجع كليتي وانجح واعتمد علي نفسي انا لازم اكون اقوي من كدا وماسمحش لحد يلعب بحياتي تاني
خالد/ تمام شوفي تحبي ترجعي مصر امتي وانا هحجزلك
هنا/ ياريت علي اول طياره
قالت هنا جملتها وذهبت سريعا الي غرفتها قام خالد بمسك تليفونه والتحدث به
خالد/ الو انا عملت كل الا اتفقنا عليه
🌸🌸🌸🌸🌸🌸🌸🌸
بعد أسبوع في مطار القاهرة
كانت هنا في طريقها للخروج ولكنها سمعت صوت شخص ينادي عليها التفتت هنا لتري من !!وجدت
الاء زميلتها بالشركة وسكن المغتربات الخاص بالشركة تجري عليها وهي تنادي
الاء: هنا ازيك وحشتيني انتي بتعمل ايه في المطار
هنا: انا راجعه من السفر وانتي بتعملي ايه هنا انتي مسافره
الاء بضحكه/ ياااريت يسمع منك ربنا انا كنت بودع صديق ليا مسافر المهم انتي وحشتيني اوي عامله ايه
هنا/ تمام الحمدلله
الاء/ هو بشمهندس عمر مرجعش معاكي ولا ايه
هنا وهي تنظر للأرض لا تعلم ماذا تقول
هنا/ لاء مرجعش
الاء/ طب كويس بقولك ايه ماتيجي تقعدي معانا في الشقه علي مابشمهندس عمر يرجع بدل ماتقعدي لوحدك ولا شقة المغتربات مابقتش قد المقام ولا ايه
كانت هنا تفكر منذ ركوبها الطائره الي الان اين تذهب وكيف تعيش.
مقابلتها ل الاء الان وكأنها حل لكل ماتفكر فيه
هنا/لو اوضتي عندكم لسه فاضيه طبعا هاجي معاكي
الاء وهي تضم هنا/ طبعا فاضيه وزي ماسبتيها بالظبط يالا بينا
🌸🌸🌸🌸🌸🌸🌸🌸
في شركة os ب ايطاليا
كان عمر يقف شارداً ينظر من نافذة مكتبه المطله علي الخارج
دخل اليه مازن
مازن/ وصلت مصر بالسلامه والاء قابلتها وحصل كل الا انت عايزه
عمر وهو يلتفت ليجلس علي مكتبه/ تمام المهمه التانيه عايزها تقنعها انها تكمل شغل في الشركة وتأكدلها انها عرفت اني مش هرجع مصر تاني عشان هنا توافق ترجع الشركه وعايزك ترجع مصر عشان تكون قريب لو حصل اي حاجه وممكن تكلف حد ثقه يكون معاها في كل مكان بس من بعيد طبعاً ومن غير ماتحس عايز أحس ان عنيا معاها وشيفاها في كل مكان تمام
مازن وهو يشعر بالسعاده لرجوعه مصر ورؤية حبيبته/ تمام انا هحجز علي اول طياره
عمر بأستغراب من فرحته المبالغ فيها/ وانت مالك فرحت كدا ليه عشان هترجع مصر هي ايه الحكايه
مازن/حكاية ايه مفيش حكاية ولا حاجه
نظر له عمر نظره يعلمها مازن وهي نظرة تأكيد بأنه يعلم بوجود شئ
مازن بتوتر/ بقولك ايه ماتبصليش البصه دي انا عارفها كويس
عمر/ وانت مالك اتوترت اوي ليه كدا هو يعني انا لو عايز اعرف ايه الحكايه مش هعرف
مازن/ بقولك ايه سيبك مني وركز مع مراتك احسن بدل ماارجع مصر واسخنها عليك
عمر وهو يضحك/ هتسخنها عليا اكتر من كدا لا ياعم برحتك مليش دعوه بيك روح يالا اجهز للسفر
مازن وهو يضحك علي حال صديقه / ايوا كدا واخيراً بقالك نقطة ضعف انا هروح اجهز نفسي سلام
عمر / سلام
🌸🌸🌸🌸🌸🌸🌸🌸
في منزل دينا تجلس تحديدا في غرفتها
دينا/ الو
مازن/ عامله ايه
دينا/ الحمدلله بتتصل بدري النهارده يعني
مازن/ اصلي قولت اكلمك عشان اعرفك اني هقفل تليفوني اسبوع كدا
دينا بعصبيه/ نعم تقفل تليفونك اسبوع ليه هو انت هتتجوز ولا ايه
مازن بمشاكسه/ عرفتي ازاي ..قصدي عرفتي منين . قصدي لاء طبعاً انا مسافر شغل
دينا/ شغل طب ابقا سلملي ع الشغل سلام
مازن وهو ينظر لهاتفه ويضحك/ يا مجنونه واخيرا لقيت حد اجن مني
🌸🌸🌸🌸🌸🌸🌸🌸
اليوم التالي
في شقة سكن المغتربات تجلس هنا في غرفتها ومعها صديقتها دينا
دينا/ ياروحي كل ده حصلك
هنا/ ومش عايزه افتكر الا حصلي ده تاني عايزه انساه بأي طريقه عشان اقدر اكمل حياتي حسه اني تايها يا دينا ومش عارفه اعمل ايه
دينا/ لازم تقفي علي رجلك طبعا ومتخليش حاجه تكسرك وتبقي اقوى من الاول كمان
هنا/ ماهو ده نفس الكلام الا خالد قالهولي
دينا/ تعرفي ياهنا واضح جدا من الكلام الا انتي حكتيه والا خالد ده عمله معاكي انه بيحبك
هنا/ بيحبني ايه يا مجنونه انتي لاء طبعاً وبعدين انا خلاص مش عايزه احب ولا اتحب انا هعيش كدا
دينا/ عندك حق اصلا كل الرجاله خاينين احسن حل نسبنا منهم ونتكلم في موضوع تاني .....اه قوليلي هتعملي ايه في موضوع تدريبك في الشركه
هنا/ مش عارفه انا كنت عايزه اسيب التدريب في الشركه ده بس الاء قالتلي امبارح كدا واحنا بنتكلم انها سمعت ان عمر مش هيرجع مصر تاني يعني كدا مفيش داعي اسيب الشركة خصوصا اني دلوقتي محتاجه للشغل جدا واكيد مش هلاقي الفرصه دي في مكان تاني
دينا/ عندك حق انا كمان كنت بفكر اسيب التدريب ده بس فعلا صعب جدا نلاقي الفرصة دي في مكان تاني
هنا/ وانتي بقا كنتي عايزه تسيبي التدريب ليه
دينا بدون تفكير/ بسبب الزفت الا اسمه مازن
هنا بستغراب/ ماله مازن
دينا بتوتر/ اصل يعني بصراحه انا ومازن كنا مع بعض الفتره الا فاتت دي كأصدقاء يعني وبعدين لقيته بيكلمني وبكل بجاحه بيقولي انه هيتجوز
هنا/ ممم كأصدقاء
دينا/ بلاش تبصلي كدا ايوا كأصدقاء
هنا/ طب وانتي كأصدقاء ايه الا يزعلك انه هيتجوز
دينا / مش عارفه بقا اهو ده الا حصل وخلاص هيتجوز نسبنا بقا منهم احنا خالص ونفكر في مستقبلنا صح
هنا بضحك علي حال صديقتها/ صح
دينا/ انا هامشي بقا واشوفك بكره في الكليه وهجبلك معايا كل المحضرات الا فاتتك
هنا/ ماشي ياروحي مع السلامه
🌸🌸🌸🌸🌸🌸🌸🌸
عند أحمد شقيق هنا يجلس في شقة صديق له يدعى مصطفي ويتحدث معه ببعض الأمور
أحمد/ انا عملت ايه بقاا حولت الفلوس الا اشتغلت بيها علي مصر وقولت ارجع اعملي بيها مشروع صغير علي ادي كدا
مصطفي/ فكرة حلوه بس انت فكرت في المشروع ده هيكون ايه
أحمد/ ما انا بعد مارجعت لقيت الدنيا هنا متلخبطه بابا اتجوز عيله اد بنته والواضح جدا انها مش سهله خالص واختي معرفش عنها حاجه غير انها اتجوزت رجل اعمال وسافرت معاه حاسس انهم مش محتاجني مع اني كنت مفكر اني هسعدهم برجوعي وانا معايا مبلغ كويس اقدر اعملهم الا هما محتاجينه
مصطفي/ بس مش يمكن هما كانوا محتاجينك انت جنبهم مش محتاجين للفلوس
أحمد/ عندك حق وهو ده الا انا اكتشفته اول مارجعت المهم عندي دلوقتي اني عايز اتطمن علي اختي
مصطفي/ وهتعمل ايه
أحمد/ هروح شركة جوزها في القاهره أسأل عليه واكيد هوصله
🌸🌸🌸🌸🌸🌸🌸🌸
صباح اليوم التالي ذهبت هنا الي كليتها وهي تحاول تعويض ما فاتها بمساعدة صديقتها دينا بعد ان احضرت معاها جميع المحضرات المسجله لتساعد هنا في تخطي فترة غيابها عن الكليه وقفت هنا ودينا في ساحة كلية الهندسه اقترب منهم دكتورهم بالجامعه مرحبا بهنا
🌸🌸🌸🌸🌸🌸🌸🌸
دكتور يوسف مختار دكتور بكلية الهندسه معجب بهنا منذ التحاقها بالجامعه لفتت نظره من اول يوم برقتها وتدينها يريد الارتباط بها ولكنه منتظر انتهائها من الكلية حتي لا يقال عنه تزوج من طالبته فهو يريدها مهندسه وليست طالبه ولهذا السبب لا يعترف بحبه لها حتي الان
🌸🌸🌸🌸🌸🌸🌸🌸
د.يوسف/ اهلا ياهنا اخيرا افتكرتي تيجي الجامعه
هنا/ اهلا بحضرتك يادكتور انا أسفه جدا بس والله عدم حضوري كان غصب عني كان عندي ظروف صعبه جدا منعتني احضر بس ان شاءالله هحاول اعوض كل الا فاتني
د.يوسف/ تمام ياهنا وطبعاً مش محتاج اقولك لو أحتاجتي اي حاجه انا موجود
هنا/ طبعاً يادكتور شكراً لحضرتك جدا
بعد ذهاب د.يوسف تحدثت دينا الي هنا
دينا/ تعرفي يا هنا د.يوسف ده شكله بيحبك
هنا/ هو انتي كل ماهتشوفي حد بيكلمني هتقوليلي بيحبك
دينا/ لاء طبعا بس انتي ماتعرفيش انه كان بيسألني عليكي تقريبا كل يوم
هنا/ عادي يعني هو دكتور في الجامعة وانا طالبه عنده وبيسأل عليا عادي دا طبيعي جدا علي فكره
دينا/ لا ياقلبي دا مش طبيعي ابدا وصدقيني انا واخده بالي من زمان انه بيحبك و.....
صممت دينا وهي تنظر الي هنا تلك التي كانت بعالم أخر تتذكر عمر وكم كانت تعشقه وتعشق هذه النظره العاشقه التي كانت دائماً تراها في عينيه نعم هي الان تفهم هذه النظره جيداً ولا تتخيل بأن تنظر لعيون احد غيره
دينا/ ايه يابنتي روحتي فين
هنا/ اقفلي الموضوع ده خالص يادينا انا قولتلك قبل كدا انا لا عايزه احب ولا اتحب انا عايزه انجح وبس يلا بينا
🌸🌸🌸🌸🌸🌸🌸🌸
في شركة os بإيطاليا يجلس عمر علي مكتبه وهو يحاول الاتصال بمازن وهو يعلم بإن هذا الوقت ميعاد وصول طائرته الي القاهره
عمر يتحدث في الهاتف
عمر/ الو
مازن/ ياهلا ياهلا بأخي الغالي كيفك
عمر وهو ينظر لهاتفه بستغراب/ مازن انت سافرت انهي بلد بالظبط
مازن وهو يضحك/ مصر طبعا
عمر / وانت فاكر ان انت كدا بتتكلم مصري
مازن / لا طبعا بس كل الحكايه ان كان قاعد جنبي في الطياره راجل شكله عاقل جداً وانت عارف صحبك مبيعرفش يسكت ولازم اتكلم طول ما أنا في الطياره عشان ماحسش بالوقت كل ماكلمه في حاجه هي جمله واحده الا بيرد بيها علي كل كلامي ياهلا ياهلا بأخي الغالي كيفك
عمر/ وشكله عاقل جدا !!!!!
مازن/ اه والله ف أنا فكرة وقولت اعمل زيه مع اي حد يكلمني ارد بنفس الرد عشان تعرفوا اني عاقل
عمر/ تعرف يامازن انت حظك انك مش قدامي دلوقتي
مازن/ عارف والله انا امي الله يرحمها كانت ديماً تدعيلي
عمر/ الله يرحمها المهم سيبك من كل ده انا عايزك ماتنساش موضوع الشخص الا هيحرس هنا ده ومن بعيد زي مافهمتك ويكون ثقه فاهم يامازن دي اول حاجه تتأكد منها
مازن/ ماتقلقش ثق فيا
عمر/ ربنا يستر
🌸🌸🌸🌸🌸🌸🌸🌸
قضت الاء طول الليل تقنع هنا بضرورت رجوعها الي تدريبها وتأكيدها علي عدم رجوع عمر الشركه
هنا/ يعني بتقوليلي ارجع الشركة حتي بعد ماعرفتي ان عمر طلقني
الاء/ وفيها ايه انتي ماعملتيش حاجة غلط عشان تستخبي او تتحرجي من حد انتي اتجوزتي بشرع ربنا واطلقتي برضه بشرع ربنا يعني معملتيش حاجه عيب ولا حرام
هنا بتفكير/ عندك حق بس مش كل الناس بتفكر كدا
الاء/ مش مهم المهم انتي بتفكري ازاي
هنا/ طب لو عمر جه الشركة اعمل ايه
الاء/ انتي عارفه ان الفرع الرئيسي في إيطاليا يعني لو بشمهندس عمر جه فرع مصر هيكون يوم او اتنين وياستي ماتبقيش تيجي الشركة في اليومين دول
هنا/ بس هو اكيد هيبقا عارف اني موجوده لسه في الشركة
الاء/ هسألك سؤل هو بشمهندس عمر الا اداكي فرصة تدريبك ده في الشركة او انتي اخدتي الفرصه دي في الشركة عشان كنتي مراته
هنا/ لاء مازن هو الا عرض عليا موضوع التدريب وهو الا اتفق معايا علي كل حاجه
الاء/ خلاص يبقا كدا اتفقنا ان انتي قبل اي حاجه ومن غير اي حاجه موظفة عاديه في الشركة صح
هنا/ صح
الاء/ يبقا هتيجي الشركة معانا بكره
وانا همشي حالاً قبل ماسمع منك اي اعتراض تصبحي علي خير
هنا بأبتسامه/ وانتي من اهل الخير
🌸🌸🌸🌸🌸🌸🌸🌸
صباح يوم جديد في شركةos بمصر تدخل هنا الشركة مع الاء وهي تشعر بالتوتر والخجل من معرفة الجميع خبر طلاقها السريع من عمر ولكنها عاهدت نفسها علي تخطي الأمر بقوة
دخلت دينا ترحب بصديقتها
دينا/ هناااااا الشركة نورت
هنا/ بنورك ياقلبي
موظفة بالشركة/ أنسة دينا طلبينك في مكتب رئيس مجلس الأدارة
دينا/ طلبني انا
الموظفة/ ايوا وياريت متتأخريش
دينا/ هو انا عملت مصيبة ولا إيه
هنا/ خلاص روحي بسرعه وانتي هتفهمي في إيه
دينا/ عندك حق ربنا يستر
🌸🌸🌸🌸🌸🌸🌸🌸
في مكتب رئيس مجلس الأدارة يجلس مازن ويلف الكرسي بأتجاه النافذه ويعطي ظهره لباب دخول المكتب
تدخل دينا بعد ان سمح لها بالدخول وهو مغير لصوته بطريقة مضحكة
دينا بقلق/ صباح الخير يافندم
مازن وهو مازال يعطيها ظهره ويحاول تغير صوته/ ايه أنسة الا انتي عملتيه ده
دينا بقلق أكتر/ خير يافندم انا معملتش حاجه
مازن وهو يحاول كتم ضحكته/ لاء عملتي وعملتي مصيبه كبيرة كمان ازاي تقفلي التليفون في وش حبيبك ومترديش علي مكالماته
تأكدت دينا من شعورها من اول مادخلت بأنه مازن وذهبت بغضب لتقف أمامه
دينا/ والله انت بتهزر حضرتك
مازن وهو يحاول التوقف عن الضحك ويمسكها من يدها
مازن/ خلاص والله بهزر مع حبيبتي عادي يعني
دينا/ ماتقولش حبيبتك انا مش حبيبت واحد متجوز
مازن بعدم فهم/ هو مين الا متجوز يسمع منك ربنا
دينا/ مش انت قولت هتقفل التليفون أسبوع عشان هتتجوز
مازن/ انا كنت بهزر معاكي والله وبعدين انتي طلعتي بتغيري عليا اوي كدا
دينا/ لاء مش بغير ولو سمحت ملكش دعوة بيا
ذهبت للخارج ثم رجعت له مره أخرى/ وعلي فكرة دمك مش خفيف
مازن وهو يقرر نفس جملته بأبتسامه/ بس انتي دمك خفيف
🌸🌸🌸🌸🌸🌸🌸🌸
بعد حوالي أسبوعين بدون أحداث جديده
في كلية الهندسه كانت تجلس هنا مع بعض زميلاتها يتحدثون ذهب اليهم د.يوسف
د.يوسف/ صباح الخير يابنات هنا ممكن تيجي عايزك في موضوع مهم
هنا بستغراب/ حاضر يادكتور
تركت هنا زميلاتها وذهبت تتحدث مع د.يوسف بعيداً عنهم قليلاً
هنا/ خير يادكتور
د.يوسف بتوتر/ هنا أنا كنت عايز اتكلم معاكي في موضوع مهم ومش هينفع هنا في الجامعه
هنا/ مش فاهمه يادكتور يعني ايه مش هينفع في الجامعه
د.يوسف/ هنا تقبلي تتجوزيني
هنا بصدمه / نعم يا دكتور
د.يوسف/ عشان كدا قولتلك مش هينفع نتكلم هنا ممكن نتقابل في مكان هادي ونتكلم
نظرت له هنا بتوهان وعدم تصديق
وقد فهم نظرتها خطأ اعتقدها تنظر له بعدم تصديق كونه دكتور جامعي ذو مستوى أجتماعي ومالي متميز نظر لها وهو يبتسم لجمال ورقة ملامحها وهي تنظر له بهذه الطريقه ثم تحدث سريعا قبل ان يذهب من أمامها
د.يوسف / هكلمك ونتفق علي ميعاد نتقابل فيه وياريت يكون قريب
قال جملته الاخيرة وذهب سريعا وتركها في حالة من الذهول وعدم التصديق
🌸🌸🌸🌸🌸🌸🌸🌸
كانت دينا ترقبهما من بعيد وبعد ذهاب د.يوسف ذهبت سريعا الي هنا لتعرف منها بماذا كانوا يتحدثون
دينا/ بت ياهنا هو فيه ايه د.يوسف كان عايزك ليه
هنا بتوهان/ ايه
دينا/ هو ايه الا ايه انتي مالك وشك أصفر كدا ليه وهو قالك ايه بالظبط
نظرت هنا حولها وهي تعلم بأن المكان ليس المناسب للحديث في هذا الموضوع
هنا/ مش هينفع اقولك هنا خليني اقولك واحنا مروحين
دينا/ تمام يلا
🌸🌸🌸🌸🌸🌸🌸🌸
شركة os بإيطاليا
يجلس عمر علي مكتبه وهو يتحدث بالهاتف لكنه سمع بعض الاصوات بالخارج اغلق هاتفه وذهب لينظر ما الأمر
عمر/ ايه الدوشه دي
سرين/ عمر انت لازم ترفد البنت دي تخيل مش عايزه تدخلني عندك!!!!
عمر/ مش راضيه تدخلك بأمر مني سرين
سرين/ يعني ايه ياعمر يعني انت بتمنعني اشوفك
عمر بغضب/ مش هينفع نتكلم كدا اتفضلي ادخلي مكتبي عشان الا هقوله ماينفعش حد يسمعه غيرك
بعد ان دخلت سرين المكتب اغلقه عمر حتي لا يسمع احد حديثهم
عمر/ عايزه ايه
سرين/عمر انت ليه مابقتش تحبني زي الأول
عمر/ انا عمري ماحبيتك افهمي بقاا
سرين/ لاء حبتني ياعمر وكتير جدا كمان انا كنت كل حاجه في حياتك قبل متقابل البنت دي
عمر/ سرين ماتجبيش سريتها علي لسانك ومتنسيش اني لسه ماعقبتكيش علي كل الا عملتيه
سرين/ وعمرك ما هتقدر تأذيني عشان بتحبني انا عارفه
عمر/ انا لو مش هأذيكي فده عشان خاطر أمي عشان ماوجعش قلبها لأنها للأسف بتحبك
سرين وهي تقترب منه وتحاول تقبيله
سرين/ وانت كمان بتحبني ياعمر صدقني
عمر/ سرين انا بحب مراتي وبس وقولتلك الكلام ده أكتر من مرة ياريت تفهمي وقبل ماتقولي اي كلمة هنا مراتي خط أحمر لو قربتي منها هنسى وعدي لأمي وهنفيكي من علي وش الأرض أنتي فاهمه
سرين وهي تشعر بالحقد علي هنا من تمسك عمر بها واعلانه حبه لها اكتر من مرة
سرين بغضب وهي تنوي علي شئ بداخلها /فاهمه ياعمر عن اذنك
🌸🌸🌸🌸🌸🌸🌸🌸
صرخت دينا بصوت مرتفع قليلاً عند سماعها بطلب د.يوسف بالزواج من هنا
دينا/ لاء مش معقول بس مش معقول ليه مش أنا قولتلك أنا قولتلك ماصدقتنيش
هنا/ ماتهدي يامجنونه أنتي هتفضحينا
دينا/ فضيحة ايه يابنتي دا جواز وشوفتي سبحان الله بعد عمر ربنا عوضك بالأحسن منه
هنا بأنفعال/ لاء طبعاً مفيش حد أحسن من عمر
دينا/ يا طيبه بقا بعد كل الا عمله فيكي ده وبتدفعي عنه
هنا/ انا مش بدافع عنه انا بقول رأي بصراحه
دينا/ رأيك اااااه طب قوليلي رديتي قولتيله إيه لما طلبك للجواز
هنا/ انا ملحقتش اقوله حاجه أصلا هو اتكلم وقالي هنحدد ميعاد نتقابل ونكمل كلامنا
دينا/ وطبعاً لو حدد ميعاد لازم تروحي
هنا/ مش عارفه انا مش عارفه أصلا أشمعنا أنا وليه في الوقت ده بالتحديد
دينا/ اكيد ياحبيبتي ربنا بيعوضك وبعدين بصراحه د.يوسف ده موز ومليون بنت تتمناه
هنا/ بس أنا مش بتمناه
دينا/ عارفه بس أكيد أنتي مش هتوقفي حياتك علي كدا لازم تتجوزي وتخلفي وتعيشي حياتك صح
هنا/ مش عارفه هعمل ايه انا مش قادرة أفكر بس الا أنا متأكده منه اني لازم اعرفه اني كنت متجوزه ولسه مطلقه قريب
دينا/ متجوزه ازاي يعني بت هو أنتي وعمر حصل بينكم حاجه أنا معرفهاش
هنا/ أنتي اتجننتي لاء طبعاً
دينا/ الحمدلله طمنتيني ده مهما كان كان جوزك ومايصحش كان يحصل بينكم حاجه والله ليه حق انه اتجوز واحدة تانيه غيرك
هنا/ كدا يا دينا ماشي بتتريقي عليا
دينا/ عايزاني اقولك ايه انتي كنتي متجوزه رسمي وبعلم أهلك وأهله يعني طبيعي جدا ان كان يحصل بينكم حاجه خايفه انتي من ايه بقا
هنا/ انا بجد متلخبطه ومش عارفه أعمل أيه
دينا/ بصي سبيها لله وربنا يقربلك الخير ان شاءالله
🌸🌸🌸🌸🌸🌸🌸🌸
صباح اليوم التالي في شركة os بمصر
نظرت هنا لصديقتها بأستغراب من تغير ملامحها للغضب وهي تحدث نفسها بصوت لا يسمعه أحد وواضح أنها تريد قتل شخصاً ما وهي تمثل حركة الخنق بيدها بعد ردها علي الهاتف الخاص بالشركه
هنا/ دينا حبيبتي مالك بتكلمي نفسك ليه
دينا بجنون/ لاء ماهو ياأما عايز يجنني ياأما عايزني اقتله دي سابع مرة يكلمني اروحله مكتبه واول مادخل يفضل يضحك وانا أمشي واسيبه
ضحكت هنا بشدة علي حال صديقتها مع مازن
هنا/ يابنتي بيحبك افهمي بقاا
دينا/ دا مجنون بقولك اول مادخل المكتب يفضل يضحك بيغظني اوي
هنا/ خلاص المره دي ماتسبيهوش وتمشي افضلي قاعده لحد مايبطل ضحك ههههههه
دينا/ انتي بتغظيني انتي كمان وبتضحكي انا مابقتش عايزه أشوف حد بيضحك بجد جنني خالص بس ماشي يامازن يا أنا يا أنت
🌸🌸🌸🌸🌸🌸🌸🌸
في مكتب رئيس مجلس الأدارة يجلس مازن علي مكتبه ينتظر قدوم دينا سمح لها بالدخول بعد ان سمع صوت خبطتها علي باب المكتب
أول ماشافها بداء في الضحك مرة أخري
دينا/ تعرف انا مش همشي وأسيبك المره دي انا هقعد هنا لحد ماتخلص ضحك برحتك عشان تفهمني انا فيا ايه يضحك
جلست دينا أمامه بعد ما قالت جملتها
وقف مازن وهو يحاول كتم ضحكته وجلس علي الكرسي المقابل لها
مازن/ بصراحه انا بحب أشوفك متعصبه جدا بس وضع البوز الا انتي عملهولي ده شكله حلو وبيضحكني اعمل ايه
دينا/ والله انا عامله وضع بوز
مازن/ احلي بوز بس نفسي اعرف ليه مش أنا فهمتك اني لما كلمتك في التليفون كنت بهزر معاكي انا والله بحبك انتي وان شاءالله مش هتجوز غيرك صدقيني بقا
نظرت له دينا بخجل بعد سماعها كلامه وهي أول مرة تسمع مثل هذا الكلام وتحدثت بصوت رقيق أول مره يسمعه
دينا/ علي فكرة انا مش زعلانه منك عشان الموضوع ده
تحدث معها مازن بعدم تصديق بعد سماعه لأول مره صوتها بهذه الرقة
مازن/ طب أنا عملت ايه تاني يزعلك مني
فجأه تحولت دينا بأستخدام طبقة صوتها بطريقة مضحكة
دينا/ انت مش عارف الا صحبك عمله مع صحبتي
مازن/ وانا مالي واحد و مراته وهما حرين مع بعض
دينا/ مابقتش مراته ولعلمك بقا هنا هتتجوز واحد أحسن منه مليون مره
مازن بستغراب/ هنا مين الا هتتجوز!!!!!!
حاولت دينا ان تتحدث معه بثقه ليعلم ويعلم صديقه بأن هنا لم توقف حياتها عليه
دينا/ هنا صحبتي طبعاً هتتجوز دكتووور في الجامعه
مازن بعدم تصديق/ هتتجوز دكتووور في الجامعه دي احلوت اوي انتي متأكده من الكلام ده
دينا/ اه طبعاً اومال انتو مفكرينها هتوقف حياتها عشان صحبك
مازن/ توقف حياة ايه انتي مش فاهمه حاجه دي مصيبه
دينا بستغراب/ يعني ايه مش فاهمه
مازن/ المشكلة ان مش هعرف افهمك دلوقتي بس كل الا اقدر أقوله اننا داخلين علي ايام مايعلم بيها غير ربنا
🌸🌸🌸🌸🌸🌸🌸🌸
انتهاء الفصل حبيباتي❤ تفتكروا عمر هيعمل إيه لما يعرف موضوع جواز هنا😅 🤔 ياريت تعلقوا برأيكم ❤
انتها الفصل يا قمرات شكرا جداااا لكل البنات الا بيشجعوني وبجد كلامكم بيسعدني جدا انا منتظر تعليقاتكم❤
الفصل الخامس عشر والسادس عشر
في مكتب رئيس مجلس الأدارة يجلس مازن علي مكتبه ينتظر قدوم دينا سمح لها بالدخول بعد ان سمع صوت خبطتها علي باب المكتب
أول ماشافها بداء في الضحك مرة أخري
دينا/ تعرف انا مش همشي وأسيبك المره دي انا هقعد هنا لحد ماتخلص ضحك برحتك عشان تفهمني انا فيا ايه يضحك
جلست دينا أمامه بعد ما قالت جملتها
وقف مازن وهو يحاول كتم ضحكته وجلس علي الكرسي المقابل لها
مازن/ بصراحه انا بحب أشوفك متعصبه جدا بس وضع البوز الا انتي عملهولي ده شكله حلو وبيضحكني اعمل ايه
دينا/ والله انا عامله وضع بوز
مازن/ احلي بوز بس نفسي اعرف ليه مش أنا فهمتك اني لما كلمتك في التليفون كنت بهزر معاكي انا والله بحبك انتي وان شاءالله مش هتجوز غيرك صدقيني بقا
نظرت له دينا بخجل بعد سماعها كلامه وهي أول مرة تسمع مثل هذا الكلام وتحدثت بصوت رقيق أول مره يسمعه
دينا/ علي فكرة انا مش زعلانه منك عشان الموضوع ده
تحدث معها مازن بعدم تصديق بعد سماعه لأول مره صوتها بهذه الرقة
مازن/ طب أنا عملت ايه تاني يزعلك مني
فجأه تحولت دينا بأستخدام طبقة صوتها بطريقة مضحكة
دينا/ انت مش عارف الا صحبك عمله مع صحبتي
مازن/ وانا مالي واحد و مراته وهما حرين مع بعض
دينا/ مابقتش مراته ولعلمك بقا هنا هتتجوز واحد أحسن منه مليون مره
مازن بستغراب/ هنا مين الا هتتجوز!!!!!!
حاولت دينا ان تتحدث معه بثقه ليعلم ويعلم صديقه بأن هنا لم توقف حياتها عليه
دينا/ هنا صحبتي طبعاً هتتجوز دكتووور في الجامعه
مازن بعدم تصديق/ هتتجوز دكتووور في الجامعه دي احلوت اوي انتي متأكده من الكلام ده
دينا/ اه طبعاً اومال انتو مفكرينها هتوقف حياتها عشان صحبك
مازن/ توقف حياة ايه انتي مش فاهمه حاجه دي مصيبه
دينا بستغراب/ يعني ايه مش فاهمه
مازن/ المشكلة ان مش هعرف افهمك دلوقتي بس كل الا اقدر أقوله اننا داخلين علي ايام مايعلم بيها غير ربنا
🌸🌸🌸🌸🌸🌸🌸🌸
في بيت والد هنا تجلس سمر وهي تتحدث بالهاتف بصوت منخفض
سمر/ الو
....../ ايه فكرتي في العرض الا عرضته عليكي
سمر/ اه فكرت وموافقه ومستعده اعمل اي حاجه المهم ندمر حياة هنا
....../ تمام أوي يبقى أنتظري مني اتصال في اقرب وقت وهقولك هنعمل إيه بالظبط
بتعملي ايه ياسمر / قالها والد هنا
وقفت سمر وهي تحاول اخفاء هاتفها
سمر بتوتر/ ممفيش انا كنت قاعده اصل لقيتك نايم ماحبتش اقلقك
والد هنا/ طب قومي حضري الغدا انا جعان
سمر وهي تهرب من أمامه قبل ان يلاحظ توترها
سمر/ حاضر
🌸🌸🌸🌸🌸🌸🌸🌸
في شقة مصطفي صديق أحمد أخو هنا
مصطفي/ انا بجد مش عارف انت مستني إيه ماتعمل المشروع الا انت قولت عليه وبعدين لما أختك تيجي من السفر أكيد هتشوفها وتطمن عليها دي مسافره مع جوزها يعني أكيد كويسه
أحمد/ مش عارف حاسس ان في حاجه مش فاهمها جواز هنا بالسرعه دي وسافرها وعدم ردها علي تليفونها دا قلقني دا انا حتي لما روحت سألت علي جوزها في شركته قالولي انه ممكن مايجيش مصر الفتره دي
مصطفي/ طب ومسألتش علي أختك او عرفت اي حد مسؤل هناك ان انت تبقا أخو مرات صاحب الشركة أكيد كنت هتلاقي الف من يقولك أخبارهم
أحمد/ بصراحه انا كنت بفكر أعمل كدا بس لما شوفت شكل الشركة أتأكدت ان مستحيل حد يصدق ان انا أخو مرات صاحب الشركة دي كلها
مصطفي/ ليه هو غني أوي كدا
أحمد/ ربنا يزيده انا كل الا عايزه اطمن علي أختي وبس
مصطفي/ خلاص أسبوع كدا وروح أسأل تاني
أحمد/ أن شاء الله
🌸🌸🌸🌸🌸🌸🌸🌸
بعد ان قضى مازن وقت طويل في التفكير كيف يبلغ عمر بأمر زواج زوجته من رجل أخر وظل يحدث نفسه من بعد خروج دينا من مكتبه
مازن/طب هقولهاله ازاي يعني اقوله مثلا مبروك مراتك جايلها عريس ماشاءالله دكتووور في الجامعه ولا اقوله في واحد عايز يتجوز مراتك ممكن تحددله ميعاد يجي يطلبها منك ااه ما هو دلوقتي ولي أمرها مش هنا تبقا مراته هو ايه الا انا بقوله ده دا مش بعيد لو قولت لعمر كلمه واحده من دول هيخلص عليا اعمل ايه بس ياربي لازم اتصرف قبل ماتتجوز فعلا علي عمر اه انا هكلمه واقوله من غير مقدمات وهو يتصرف بقا
🌸🌸🌸🌸🌸🌸🌸🌸
في المساء كان عمر يجلس في حديقة منزله الخاص وينظر الي هاتفه ويرى صور زوجته المرسله اليه من الشخص الذي يقوم بحراستها من بعيد قام بعمل زووم علي احدى الصور لينظر الي ملامحها الرقيقة ويشعر بداخله كم اشتاق لها ويتمني رؤيتها يتمني لو تعطيه فرصه واحده وسوف يشرح لها كل ماحدث وسوف يفعل اي شئ لكسب ثقتها وقلبها من جديد
رن هاتفه بأسم مازن
عمر/ بتتكلم في اوقات الصراحه مش وقتك خالص
مازن/ يعني ايه مش فاضي دلوقتي
عمر/ لا فاضي انا في البيت اهوه
مازن/ اصل في موضوع مهم كنت عايز اكلمك فيه
عمر/ مازن انت كويس اول مرة تتكلم جد كدا
مازن/ انا بصراحة عايز اعرف انت هتعمل ايه مع مراتك يعني هترجع امتي
عمر بقلق من طريقة مازن/ مازن هو فيه ايه بالظبط هنا حصلها حاجه
مازن باندفاع/ بصراحة بقا مراتك هتتجوز
وقف عمر من مكانه وهو لا يصدق مايسمعه
عمر/ مازن انت بتقول ايه مرات مين الا هتتجوز
مازن/ بص انا عرفت النهارده ان في دكتور في الجامعه طلبها للجواز وهي تقريبا كدا بتفكر
عمر بغضب اعمي/ تفكر في ايه وفي مين دي اكيد اتجننت دا انا اقتلها واقتله
مازن / اهدى بس ياعمر هي متعرفش انها لسه علي ذمتك و انك ماطلقتهاش هي معذوره برضه
عمر/ بس يامازن اقفل دلوقتي انا هتصرف مع السلامه
بعد ان اغلق عمر هاتفه تحدث بواعيد
عمر/ ماشي ياهنا يبقا انتي كدا الا عايزه تشوفي الوش التاني وانا هعرفك انتي مرات مين ومين عمر المنياوي
🌸🌸🌸🌸🌸🌸🌸🌸
صباح اليوم التالي في كلية الهندسة
لاحظت هنا الكثير من الحماس عند زميلاتها في الجامعه وهم يتحدثون عن عقد ندوة مفاجئه في الجامعه وقفت هنا بجانب زميلاتها وهم يتحدثون عن أهمية هذه الندوة ويجب علي الجميع حضورها وسوف يحضرها العميد وجميع أساتذة الجامعه ويرحبون بأحدى الشخصيات العامة الناجحه عالمياً ويناقشون بعض الموضوعات الهامه
لم تهتم هنا كثيراً بالأمر ولا تشعر بالحماس مثلهم وهي الي الان لا تعلم هل تذهب للحضور ام لا
دينا/ هنا احنا هنحضر الندوة دي صح
هنا/ مش عارفه يا دينا انا حسه اني تعبانه ومش هقدر احضر
دينا/ بس شوفي الكل متحمسين ازاي شكل الندوة دي هتكون مفيده لينا فعلا
هنا/ دي أكتر حاجه انا مستغربه منها من امتي والكل بيكونوا متحمسين كدا لما بيكون فيه ندوة
دينا/ اصل انا عرفت ان الشخصية العامة الا بيقولوا عليه ده قمرر أوي سمعتهم بيقولوا مزززز
هنا/ اااااه عشان كدا عايزين يحضروا طب هما عايزين يحضروا عشان كدا انتي بقا عايزه تحضري ليه
دينا/ ما انا كمان عايزه أشوف القمر يعني هي جت عليا تعالي بس كدا معاد الندوة قرب عايزين نقعد في الأول
🌸🌸🌸🌸🌸🌸🌸🌸
جلست هنا بجوار دينا في منتصف الحضور تحدثت دينا بصوت منخفض
دينا/ ايه دا دي نسبة حضور الندوة دي عالميه الجامعه كلها هنا وكلهم بنات بس🤭
هنا/ مع ان الندوة اعلنوا عنها النهارده بس وشكلهم مكنوش مرتبين لها
بدأت الاصوات تنخفض مع دخول العميد ومعه جميع الأساتذة طلب منهم العميد بالترحيب بضيف الجامعة المهندس عمر المنياوي
دخل عمر بهيبتة ووسامته خاطفت الأنفاس جعل كل من في القاعة لا يرون غيره ولكنه ظل يبحث بعينيه بين الحضور عن من خطفت قلبه وجعلت منه عاشقاً بائساً
وسريعاً وجد حبيبته وسط الحضور تظهر كالقمر في السماء لا يرى غيرها
تفاجأت هنا كثيرا بدخول عمر شعرت بوقوع قلبها والتجمد في جسدها عند رؤيته هي لا تصدق انها تراه الان تشعر أنها تتخيل من شدة أشتياقها له نعم هي الان تعترف لنفسها انها كانت تتمنى رؤيته وحقا تشتاق اليه كثيراً
تشابكت نظراتهم كما تشابكت قلوبهم ظلت عيونهم تتحدث بلغة لا يفهما غيرهم ولا يشعر بها أحد
تم قطع اتصال عينيهم بعد سماع عمر مقدمة بدء الندوة
في هذه اللحظة تحدثت دينا وهي تقوم بهز صديقتها المجمده في مكانها
دينا/ هنا مالك انتي كويسه
هزت هنا رأسه بنعم
دينا/ انتي اتفاجئتي من وجود عمر صح
نظرت لها هنا وتحدثت
هنا/ يعني عمر موجود هنا فعلا
دينا بستغراب/ اه يابنتي ماهو قدامك اهوه انتي مش شيفاه
نظرت له هنا مرة أخرى وتحدثت
هنا/ لا طبعا شيفاه بس كنت مفكره ان متهيألي وان شيفاه في خيالي بس
دينا/ أحب أقولك ان مش لوحدك الا شيفاه في خيالك بوصي حواليكي كدا
نظرت هنا حولها وجدت كل البنات ينظرون لعمر بهياام
شعرت بأنهم سوف يأكلونه بنظراتهم
ارادت ان تخلع لهم اعيونهم جميعا حتي لا ينظرون الي حبيبها بهذه الطريقه
ثم نظرت له وهي تلقي بداخلها اللوم عليه هو كيف له ان يكون بكل هذه الوسامه بملامحه الرجوليه وهيبة حضوره وصوته المميز القادر علي سحر قلوب من يسمعه كيف له ان يكون رجلاً تجتمع به كل هذه المواصفات القادرة علي خطف قلوب الفتيات من النظرة الأولي
🌸🌸🌸🌸🌸🌸🌸🌸
قبل أنتهاء الندوة بقليل أقترح أحد أساتذت الجامعه بجعل هذا الوقت القليل لسماع بعض الأسئله من الطلاب وسوف يجيب عليها ضيف الجامعه
كان عمر ينظر لهنا طول الوقت لم يبعد نظره عنها للحظة واحدة وكان في نفس الوقت يجيب علي كل الأسئله بتركيز تام
أستغربت هنا كثيرا كيف له ان يركز بنظره معها وبعقله مع الجميع وهي لا تعلم بماذا يركز بتفكيره ربما بشئً أخر
أستأذنت أحدى الفتيات بأنها تريد ان تسأله سؤالاً خاصاً
سمح لها عمر بكل أحترام
الفتاه/ ممكن أسأل حضرتك سؤال خاص شويه
عمر/ اه طبعاً اتفضلي
الفتاه/ هو حضرتك مرتبط
حالة من الحماس أقتحمت القاعه بين الحضور خصوصاً الفتيات وهم ينتظرون أجابت عمر علي هذا السؤال كان هذا السؤال يشغل تفكير الجميع منذ دخوله
شعرت هنا بالوجع والخوف من ان تسمعه وهو يعلن أمر خطوبته لا تعلم كيف تتحكم في دموعها وقتها
نظر لها عمر مطولاً ثم أبتسم بطريقة رائعه وأجاب علي السؤال
عمر/ لاء أنا مش مرتبط أنا متزوج
حالة من الحزن والاحباط ظهرت علي وجوه الفتيات بعد سماعهم أنه متزوج
وسريعاً تبدلت هذه الحالة الي الأندهاش والصدمة بعد سماع باقي جملته
عمر / وزوجتي طالبه معاكم في الجامعه وموجودة دلوقتي بين الحضور
🌸🌸🌸🌸🌸🌸🌸🌸
الفصل السادس عشر🌸🌸
الفتاه/ هو حضرتك مرتبط
حالة من الحماس أقتحمت القاعه بين الحضور خصوصاً الفتيات وهم ينتظرون أجابت عمر علي هذا السؤال كان هذا السؤال يشغل تفكير الجميع منذ دخوله
شعرت هنا بالوجع والخوف من ان تسمعه وهو يعلن أمر خطوبته لا تعلم كيف تتحكم في دموعها وقتها
نظر لها عمر مطولاً ثم أبتسم بطريقة رائعه وأجاب علي السؤال
عمر/ لاء أنا مش مرتبط أنا متزوج
حالة من الحزن والاحباط ظهرت علي وجوه الفتيات بعد سماعهم أنه متزوج
وسريعاً تبدلت هذه الحالة الي الأندهاش والصدمة بعد سماع باقي جملته
عمر/ وزوجتي طالبة معاكم في الجامعه وموجودة دلوقتي بين الحضور
صدم الجميع بعد سماعهم بأن زوجته طالبه معهم وتجلس بينهم ارادو معرفتها بشدة ليعلموا من هذه الفتاة المحظوظه بمثل هذا الرجل
صدمة دينا كثيرا بعد سماعها كلام عمر ونظرت لهنا تلك التي صدمتها لا توصف ولا تصدق ماسمعته الان هل قال زوجته وكان يقصدها هي كانت تشعر بالخوف الشديد ان يعلن الأن أمام الجميع انها هي زوجته لا تعلم ماذا تفعل أو تقول في مثل هذا الموقف
أبتسم عمر كثيراً وهو يعلم بما تفكر فيه الان وكأنه يقراء أفكارها ثم تحدث بهدوء
عمر/ أنا للأسف مش هقدر أقول أسمها دلوقتي وده لرغبتها هي لأنها مش عايزه تستخدم أسمي في أي نجاح او تميز ليها عايزه تكون مستقلة وتحقق نجاحها بأسمها هي ودي حاجه أنا بحترمها جداً وبقدرها
ثم نظر عمر في عيون هنا وهو يقول من كل قلبه
عمر/ وأسمحولي أقولها قدامكم " أنا بحبك بجد صدقيني "
حالة من السعادة والحماس اقتحمت المكان مرة أخرى ولكنها لم تكن بمقدار سعادة هنا في هذه اللحظة
🌸🌸🌸🌸🌸🌸🌸🌸
بعد أنتهاء الندوة خرج عمر مع العميد ومعهم أساتذت الجامعه وتركوا حالة من الحيرة حدثت بين الطالبات وهم ينظرون الي بعض ويسألون بعض من هي زوجته ياترى ويتمنون لو يحدث معهم نفس الشئ كم كان رومانسين وهو يتحدث عن زوجته وهو يخبرها بحبه
خرجت هنا سريعا قبل ان يشك بها أحد ويعلمون بأنها هي من يبحثون عنها بينهم
خرجت دينا ورأها مسرعه
دينا/ انا مش مصدقه الا حصل جوه ده دا جوزك ده طلع رومانسي أوووي
هنا/ أنتي كمان هتقوليلي جوزك جوزي أزاي وهو مطلقني
دينا/ مش يمكن ردك ليه تاني
هنا/ دا علي أساس ان أنا لعبه يطلقني برحته ويرجعني برحته
دينا/ بس علي فكرة شكلة بيحبك أوي
هنا/ علي فكرة أنتي كل ماتشوفي حد تقوليلي بيحبك أوي
دينا/ لاء بس عمر غير أي حد مش ده كلامك
هنا/ وانا كمان غير أي حد وهتشوفي أنا هعمل إيه
قالت هنا جملتها ثم تركت صديقتها وذهبت
دينا بخوف من تهور صديقتها/ ربنا يستر الله يكون في عونك ياعمر دي هطلع عينك
🌸🌸🌸🌸🌸🌸🌸🌸
ذهب عمر إلي الشركة مباشرةً بعد أنتهاء الندوة وهو الان يجلس في مكتبه ينتظر مجئ هنا لأنه يعلم جيداً كيف تفكر ويعلم بأن أول شئ سوف تفعله الان سوف تحضر الي الشركة لمقابلته وينتظر منها أي رد فعل جنوني قد يصدر منها ينتظره بصدر رحب فهي زوجته وحبيبته وأول من دق قلبه لها ومستعد ان يتحمل كل لحظات جنونها وهو سعيد ومستمتع بحبه لها
نظر له مازن وهو لا يعلم بما يفكر ينظر ليده وهي تدق علي المكتب بتناغم وكأنه منتظر حدوث شئ ما
مازن/ مالك من ساعت ماجيت من الجامعه شكلك مستني حاجه تحصل
هو أنت عملت إيه هناك بالظبط
نظر له عمر وقبل ان يرد عليه سمع صوت هاتف الشركة قام بالرد بلغته سكرتيرة مكتبه بأن هنا تريد مقابلته أبتسم بسعادة علي تأكيدها بحضورها الأن بأنه فعلا يعلم جيدا كيف تفكر ثم سمح لها بالدخول واغلق الهاتف وتحدث إلي مازن سريعا
عمر/ مازن هنا جايه دلوقتي حاول تتحجج بأي حاجه وسبنا لوحدنا
مازن/ اااااه هو ده بقا الا انت كنت منتظره
عمر/ اخلص
دخلت هنا بعد ان سمح لها بالدخول القت السلام علي مازن فقط بعد ان رد عليها مازن السلام تحجج بضرورة أجراء مكالمة هامه وذهب سريعا وتركهم
🌸🌸🌸🌸🌸🌸🌸🌸
وقفت هنا مكانها صامته تنظر لعمر بغضب
وقف عمر وذهب أمامها وتحدث بهدوء
عمر/ خير شكلك متضيقة
هنا بغضب/ إيه الا انت عملته في الجامعه ده أزاي تقول ان احنا متجوزين
عمر/ وايه الغريب في كدا احنا فعلا متجوزين
هنا/ والله
عمر/ اه والله ومعايا اثبات ان احنا متجوزين انتي معاكي اثبات ان احنا مش متجوزين
نظرت له هنا بأستغراب وعدم فهم ثم تحدثت
هنا/ أثبات ايه مش فاهمه
عمر/ يعني أنا معايا قسيمة جوازنا الا بتثبت اننا متجوزين انتي بقا معاكي ايه بيثبت اننا مش متجوزين
تحدثت هنا بغضب وصوت مرتفع
هنا/ انت عايز مني ايه عايز توقف حياتي عليك ابعد عني بقا انت دمرتلي حياتي انا مش مراتك افهم
عمر / غصب عنك انتي مراتي
هنا/ لاء مش مراتك انت طلقتني
عمر/ عمري في حياتي ماهطلقك انتي مراتي ياهنا وهتفضلي مراتي لأخر يوم في عمري
فرحت هنا كثيرا بمعرفت أنها مازالت زوجته ظهرت سعادتها علي وجهها ولكنها حاولت ان تخفيها سريعا ولكن فات الاوان لقد لاحظ عمر فرحتها وسعد كثيرا بعد ان تأكد بأنها تحبه ومازالت تحبه حتي الان
هنا/ وليه قولت ان انت طلقتني
عمر/ عشان ماتحسيش ان بضغط عليكي قولت اسيبك لحد ما اعصابك ترتاح شوية
هنا بعناد/ بس أنا اعصابي ماكنتش تعبانه ولا حاجه اصلاً موضوع خطوبتك ده ماكنش فارق معايا احنا كنا متفقين من الأول ان جوازنا ده شكل قدام الناس وبس
اقترب منها عمر وقام بمسك يدها برقة ثم تحدث وهو ينظر لعينيها بعشق
عمر/ أنا ماتجوزتكيش عشان شكل قدام الناس
أول مرة اتجوزنا وسط أهلي كان بمزاجي علي فكرة أنا كنت اقدر بسهوله ارفض فكرة جوازنا واعتذر من جدي وعلي فكرة بقا انا كنت عارف ان موضوع جوازي من بنت عمي ده من تأليف جدي كان نفسه اتجوز مصريه عشان مانساش بلدي ولا انساهم واول واحدة فكر فيها هي بنت عمي عشان كدا لما مازن قاله ان احنا مخطوبين جدي جوزنا بسرعه عشان يضمن اني اتجوزت مصريه بجد
نظرت له هنا بصدمة ثم تحدثت
هنا/ يعني انت عارف من الاول ان ماكنش هيبقا في مشكله ولا اي حاجة من الا قالوا عليها لو انت ماتجوزتش بنت عمك ومع ذالك كملت موضوع جوازنا
عمر/ ولما اتجوزتك تاني وسط أهلك دا كان برضة بمزاجي عشان الكل يعرف انك مراتي ومحدش يفكر مجرد تفكير فيكي زي دكتورك في الجامعة مثلاً
اتصدمت هنا كثيراً من معرفته بأمر د. يوسف وطلبه لها بالجواز ثم تحدثت بتوتر
هنا/ انت عرفت ازاي الموضوع ده
عمر/ انا اعرف عنك كل حاجه ياهنا وعيني دايما معاكي في كل مكان
هنا/ عموما د.يوسف مايعرفش ان انا متجوزه واكيد لو يعرف ماكنش اتكلم معايا في الموضوع ده
ابتسم لها عمر بسخرية ثم اتجه الي مكتبه وجلس بسترخاء واضعاً قدماً فوق الأخري ثم تحدث
عمر/ اطمني أنا عرفته بنفسي النهاردة انك متجوزة
نظرة له هنا بعدم تصديق ثم تحدثت
هنا/ بس انت ماردتش تقول لحد في الندوة مين تبقا مراتك
عمر/ اه دا بالنسبة لطالبه
لكن الدكاتره والعميد كان لازم يعرفوا مين مراتي عشان كل واحد يقف عند حده
هنا بعناد اكتر/ بس أنا بقا كنت بفكر في طلب د.يوسف وكان ممكن جدا اوافق
وقف عمر واتجها اليها سريعاً وامسكها من ذراعيها بقوة وتحدث بغضب أعمي
عمر / أنتي عارفة لو سمعتك بتنطقي أسم راجل غيري علي لسانك او فكرتي مجرد تفكير في راجل تاني هعمل فيكي إيه
هقتلك
نظرت له هنا برعب من تحوله لشخص غاضب لهذه الدرجة خافت ان تتكلم وقامت بهز رأسها بخوف
نظرت هنا إليه بخوف شديد وهي ترى لأول مرة هذا الجانب المرعب من شخصيته ثم تحدثت بخوف
هنا / أنا عايزه أمشي
ابتعد عنها وذهب الي مكتبه مرة أخري وهو يتمالك أعصابه حتي لا تخف منه أكتر ثم تحدث بهدوء وثقة في نفس الوقت
عمر / هاجي معاكي أوصلك تجيبي حاجتك عشان ترجعي معايا شقتنا
تحدثت هنا بتحدي مع قليلاً من الخوف
هنا / بس أنا مش هرجع معاك أنا مرتاحة كدا
عمر / وأنا مش مرتاح كدا ومن النهاردة هتكوني معايا في أي مكان أكون فيه سواء في مصر او بره مصر
هنا/ يعني ايه انا مش هاجي معاك لأي مكان انا مش شنطة سفر أشترتها وهتخدها معاك في كل بلد
عمر/ ومين قال انك شنطة سفر أنتي زوجتي ومكان الزوجة الطبيعي جنب جوزها ولا ايه
نظرت له هنا بتحدي وقبل ان تتحدث رن هاتف مكتبه رفع عمر السماعة ليرد وجد سكرتيرة مكتبة
السكرتيرة/ في واحد تحت يافندم عايز يقابل حضرتك وبيقول للأمن انه أخو المدام
نظر عمر لهنا وهو يتحدث
عمر / قال أسمه إيه
السكرتيرة/ أسمه أحمد عبد الرحمن يافندم وبيقول انه أخو مدام هنا
عمر / تمام خليه يتفضل أنا في أنتظارة
أغلق عمر الهاتف ثم نظر لهنا وتحدث بهدوء
عمر / أخوكي أحمد تحت
قفزت هنا من مكانها مثل الاطفال وهي لا تصدق بعد سماعها بوجود أخيها وتحدثت بفرحة كبيرة
هنا/ بجد أحمد رجع من السفر انا لازم انزله حالاً
امسكها عمر من يدها وهو يتحدث
عمر/استني هتنزلي فين هو طالع دلوقتي
وقفت هنا وهي تنتظر بسعادة رؤية أخيها تعجب عمر من تغير حالتها السريع فاهي منذ قليل كانت تقف أمامه بتحدي وتتحدث معه بغضب والان بعد معرفتها برجوع أخيها تقفز من الفرحة والسعادة كان عمر مستمتع جدا برؤيتها سعيدة بهذه الطريقة
عمر/ لو كنت اعرف ان رجوع اخوكي هيفرحك اوي كدا كنت روحت جبته انا بنفسي عشان بس اشوف الفرحة الا مالية عنيكي دي
نظرت له هنا بسعادة ثم تحدثت برجاء
هنا/ ممكن مانتكلمش قدام أحمد في أي مشاكل بينا أنا عيزاه يطمن أني كويسة وسعيدة في حياتي
نظر لها عمر مطولاً ثم سمع صوت طرق علي باب مكتبه سمح سريعا بالدخول
دخل أحمد لم تصدق هنا أنها تراه أمامها جريت عليه وقفظت في حضنه سريعاً وهي تبكي من شدة أشتياقها اليه
شعر عمر بالغيرة الشديدة وهو يراها تحتضن أخيها بكل هذا الحب والاشتياق
أبتسم أحمد إلي هنا ومسحا دموعها بيده ثم تحدث
أحمد/ لو كنت أعرف انك هتبكي كدا أول ماتشوفيني ماكنتش جيت
هنا بفرحة/ أنا ببكي من الفرحة ياحبيبي
أقترب منهم عمر وهو يحاول ان يسيطر علي غيرته
عمر / حمدلله علي سلامتك نورت مصر
أقترب منه أحمد وهو يسلم عليه بأمتنان
أحمد / شكرا لحضرتك مصر كلها منوره بوجودك
عمر بود/ إيه حضرتك دي أنا جوز أختك يعني أخوك
أحمد/ دا شرف ليا تكون أخويا
عمر/ طب اتفضلوا نقعد تشرب إيه
أحمد / لا شكرا انا كنت جاي اطمن علي هنا وهمشي علي طول
عمر / لا تمشي ايه دا انا ماصدقت شوفتك
ثم نظر لهنا وهو يبتسم بمكر وكمل باقي حديثه
عمر / دا انت جيت في وقتك بالظبط
🌸🌸🌸🌸🌸🌸🌸🌸
تعليقات
إرسال تعليق