رواية يومين في الحرام الجزء الحادي عشر والثاني عشر الأخير للكاتبة حنان حسن جميع الفصول كامله
رواية يومين في الحرام الجزء الحادي عشر والثاني عشر الأخير للكاتبة حنان حسن جميع الفصول كامله
بعدما رجال الشرطة
شكوا ان يكون فرغلي
اتقتل
بسبب علامات الضرب...
الي كانت علي جسمة
واتهموني انا بقتلة ...
وبعدما اتحقق معايا ...واتبهدلت
وصل تقرير الطب الشرعي
ولقيت الضابط
بيسالني
سؤال غريب اوي
قال..
امتي اخر مرة
حصلت علاقة زوجية بينك وبين فرغلي؟
فا قلت..
محصلش بينا اي علاقة
وبعدها فضلت اعيط
واقسملة اني مقتلتش فرغلي
فا رد الضابط
وقالي..
تقرير الطب الشرعي اثبت فعلا ان فرغلي متقتلش ...
واثبت كمان
انه مات بسبب المرض الخطير الي كان عندة
قلت..مرض ايه؟
رد الضابط
وقالي...
هو انتي مكنتيش تعرفي
ان فرغلي جوزك كان مصاب (بمرض الايدز؟)
بصيت للضابط بزهول
ورددت الكلمة تاني
وقلت..ايدز ؟
لا ...
اول مره اسمع
ان فرغلي كان عنده ايدز
احنا اصلا مكناش عايشين مع بعض
بسبب المشاكل
وفرغلي مدخلش عليا اصلا
رد الضابط
وقالي...
حظك كويس انه مدخلش عليكي
عموما...
بعدما تقرير الطب
الشرعي اثبت
ان فرغلي مات بسبب المرض الي عندة
كده الوفاة تبقي (طبيعية)
وبكده القضية اتحفظت..
ودلوقتي تقدري تمشي
فا بصيت للضابط
وسالتة...
قلت...
بجد يا بيه؟
يعني دلوقتي ممكن اروح بيتي؟
قال..ايوه
وفعلا...خرجت من القسم وروحت البيت
وانا بقول الحمد لله
وبمجرد ما دخلت البيت..
فضلت ادور علي هيما الخواجة
عشان اقولة ...
علي كل الي حصل ...
وافرحة باني اتبرئت من تهمة القتل
والقضية اتقفلت
لكن ...ملقتش هيما في البيت
فقلت اكيد هيظهر كمان شوية
ودخلت اخد حمام
علي ما هيما يظهر تاني
وبصراحة...
كنت منتظرة رجوع هيما بفارغ الصبر..
لاني كنت فرحانة
وحاسة ان خلاص المشاكل كلها بتتحل
واحد ورا التاني
لكن...
علي اد ما كنت فرحانة اني مشاكلي بدات تتحل
علي اد ما كنت محتارة ومش فاهمة حاجة
وبقيت اسال نفسي
ازاي فرغلي طلع عنده ايدز؟
وجالة ازاي؟
واية موضوع الايدز الي انتشر عندنا في البلد ده ؟
يعني من فترة اعرف ان هيما الخواجة
مصاب بالايدز...
ودلوقتي اعرف ان فرغلي كمان..؟
هي ايه الحكاية؟
ولقيت نفسي
رجعت احزن تاني
لما افتكرت
ان هيما الخواجة...
هيبقي مصيرة نفس مصير فرغلي
يلهوي يعني هيما كمان كام شهر ويموت؟
وللاسف مش هقدر اعملة حاجة
لان مفيش علاج لحالتة
يا قلبي يا هيما....
وفي اللحظة دي
قررت بيني وبين نفسي
اني افضل معاه
...ومسيبهوش في مرضة
وقررت اني اتصل بهيما
وفعلا...
بمجرد ما خرجت من الحمام
اتصلت بهيما...
لكن لقيت تليفونة مقفول...
فاحاولت تاني..وتاني
لكن برضوا
التليفون كان مقفول
فا خوفت لا يكون جرالة حاجة
ولقيتني بقول لنفسي
معقولة؟
يكون المرض قضي علي هيما كمان و.........
لالا انا لازم اروح لهيما بيتة
وفعلا..لبست النقاب بسرعة
عشان اروح لبيت هيما
بس قبل ما اتحرك من مكاني
سمعت الجرس بيرن
فا هللت من الفرحة وقولت اكيد ده هيما
وبسرعة جريت علي الباب وفتحتة
واتفاجئت ادامي ...
بالست الطيبة
(خالة هيما)
فا فضلت واقفة ابصلها بدون ما اتكلم
ولقيتها بتبدء بالكلام
وقالتلي...
هيما قالي...
انك عرفتي كل حاجة
وعرفتي كمان ...
انه اخترع موضوع الجن العاشق
عشان يحميكي من فرغلي واهل البلد
وانا وافقت اساعدة لما هيما طلب مساعدتي و.....
وقبل ما تكمل المقدمة بتاعتها
قاطعتها ..بلهفة
وقلت..ايوه عارفة كل ده
وبشكرك انتي وهيما لانككم فعلا انقذتوني
من فرغلي وامة
لكن...فين هيما؟
مجاش معاكي لية؟
فا ردت الست الطيبة
وقالت...
هيما سافر عشان وراه حاجات مهمة كان لازم يعملها
قلت...سافر فين؟
قالت..معرفش سافر فين بالظبط
المهم ان هيما
طلب مني اوصلك رسالتين
اولهم ...
انه عايز يعرفك
انه اجر شقة في القاهرة ..
وبيقولك...
لازم تروحي تولدي فيها
عشان محدش من اهل البلد يعرف بموضوع الحمل
فا بصيتلها بحيرة
وقلت..
لكن ازاي هسيب بلدي ...
واروح بلد غريبة لوحدي
واولد؟
ردت الست الطيبة
وقالت...
متخافيش يا حبيبتي
هيما ابن اختي
موصيني عليكي
وطلب مني مسبكيش
لغاية ما تولدي واطمنة عليكي
فسالتها...
قلت..
وهيما مكنش لاقي كام دقيقة يجيلي و يقولي
الرسالة دي بنفسة
قبل ما يسافر؟
ولا هو اول ما عرف ان فرغلي مات
عايز يتهرب من وعده ليا بالجواز ؟
ردت الست الطيبة
وقالت...
متظلميش هيما يا فاطنة
وخدي الورقة دي
هتلاقي فيها الرسالة التانية
وشوفي هو عايز يقولك ايه؟
بصيت للورقة الي حطتهالي في ايدي...
وقبل ما افتحها
لقيت الست الطيبة
استني دلوقتي قبل ما تفتحي الرسالة
تعالي نجيب هدومك الي هتاخديها معاكي
واحنا مسافرين
هزيت راسي
وقلت..ماشي
وفعلا..لميت هدومي... وركبت معاها العربية ...
عشان نسافر
وفي العربية
فتحت الرسالة
ولقيت هيما كاتب
يقولي...
حبيبتي فاطمة...
عارف انك مستغربة من كلمة حبيبتي
بس بجد انتي فعلا حبيبتي
و بحبك من اول مره شوفتك فيها
وكان نفسي نكمل حياتنا مع بعض
لكن ......
انا شخص ندل ...
وعارف انك لما تعرفي الي انا عملت
عمرك ما هترضي تبصي في وشي تاني
لو تفتكري
اني من فترة قولتلك ...
في اسالة مكنش يعرف ارد عليها
وانا دلوقتي
كاتبلك الرسالة دي
عشان اصارحك بالحقيقة
الي مقدرتش اواجهك بيها
وعشان اقولك علي حقيقتي
لازم احكيلك حكاية صغيرة
الحكاية بتبدء
لما الواد ابن العمدة سافر بره
هو واصحابة الي طول عمره عايش معاهم....
عشان يتفسح بفلوس ابوه...
وفي الغربة... فسدت اخلاق ابن العمدة اكتر ...
هو واصحابة
وخصوصا...
لما اتلموا علي مجموعة من شباب من الاجانب
مارسوا معاهم الرزيلة
وبعدها..اكتشفوا
انهم...
اتعدوا منهم بمرض الايدز...
في الوقت ده
تصادف... اني كنت موجود
في نفس البلد
الي هما كانوا فيها
لكن ....
كنت بنام في الشوارع
ولما ابن العمدة واصحابة عرفوا ظروفي
اخدوني معاهم في شقتهم...
هو.... واصحابة
عشان اخدمهم...
انا طبعا طول عمري بخاف ربنا
ومكنش ليا في الي هما بيعملوه...
وبمجرد ما لقيت شغل بره... سيبتلهم البيت
المهم..
بعدما ابن العمدة رجع من بره هو واصحابة..
واحد منهم فضح السر
وفضيحة ابن العمدة بدات تنتشر
ولما بدء الخبر يتسرب
العروسة الي كان خاطبهالة ابوه العمدة
رفضت تتمم الجوازة
وطبعا العمدة
عشان يكدب الخبر في بلدة
فكر يجيب بنت غريبة...
وخلاها تعمل دور العروسة
مقابل مية الف جنية
عشان يكدب كل الي اتقال عن ابنة ...
لكن... ابن العمدة في ا ليلة دي
كتب كتابة علي العروسة فعلا
...وبعدها انتحر
وطبعا كنتيانتي كنتي
العروسة يا فاطمة
ويومها انا كنت اول مره اشوفك
ولقيت العمدة داخل يجيب مسدس
عشان يقتلك..
فا اخدتك علي الموتوسيكل...
وهربتك... ووصلتك لبيتك
ودي اول مره
كنت اشوف فرغلي ابن مراة ابوكي..
وبعدما ما اتعرفت علي فرغلي... بفترة
لقيتة بيطلب يقابلني تاني...
ولما قابلتة...
طلب مني
اني اساعدة في جريمة هو ناوي يعملها
ولما استفهمت منه
عن الي هو عايزة مني
رد فرغلي
وقالي...
فاطنة بنت جوز امي
الي اتجوزت ابن العمدة الي انت انقذتها..
قلت..مالها؟
قالي
انا اتجوزتها...
قلت..مبروك
قال..مبروك ايه؟
دي طلعت بنت كل...ب... خاينة
ومفيش راجل في البلد ممشيتش معاها
وانا عايز اخلص منها ...
واقتلها
عشان انتقم لشرفي
فا استغربت من دماغة ...وتفكيرة
وقلتلة..بس انت لو قتلتها هيشنقوك
فا رد فرغلي
وقال..
مهو عشان كده
انا عايزك تخدمني انت ...
الخدمة دي
فسالتة
وقلت..ايه ؟
عايزني اقتلهالك؟
رد فرغلي
وقال...
لا انا كل الي عايزك تعملة
انك (تغتصب) فاطمة
قلت..مش فاهم؟
ازاي انت بتقول انها مراتك؟
وازاي عايزني اغتصبها؟
رد فرغلي
وقال..انا من ساعة ما خانتني... ومبقتش اعتبرها زوجة ليا
لانها انسانة خاينة
بصراحة بقي ...
انا عارف كويس
انك واحد من اصحاب ابن العمدة
و كنت معاه في بلاد بره
وانا عارف ان كلكم عندكم ايدز
ولو اغتصبت فاطمة
هتنقلها العدوي
وهتموت بالمرض
وساعتها محدش هيعرف اننا قتلناها
و المقابل...
هدفعلك مليون جنية
اول ما فاطمة هتتعدي وتموت وانا اورث
في اللحظة دي
فهمت دماغ فرغلي
اصل فرغلي...
كان فاهم ...ان ابن العمدة مصاب بالايدز
هو وكل اصحابة ... من الحريم الي بره
وعشان انا كنت من ضمن اصحابة
وكنت معاهم بره
فا فهم اني انا كمان مصاب بالايدز
مسكين فرغلي
الغبي
مكنش يعرف ان ابن العمدة
واصحابة كانوا ( ش...واذ)
وانا مليش في الي هما بيعملوة لاني بخاف ربنا
المهم...
لما عرفت ان ابن العمدة
كان فاهم
اني انا كمان اتعديت زيهم
اخدتة علي اد عقلة
واتماشيت معاه للاخر
بدل ما ييستعين بحد غيري
وبصراحة اكتر كلامة طمعني فيكي
فسالت فرغلي
..
وقلتلة..
لكن ازاي هدخل ...واغتصب مراتك
وهي هتسكت ؟
دي ممكن تصوت...
وتلم عليا الدنيا
رد فرغلي
وقالي..
لا مهو انت مش هتظهرلها علي انك بني ادم
ولا هي هتشوفك اصلا
قلت امال ايه؟
قال..
البلد كلها عارفة ان فاطنة
ملبوسة
وهي كمان عارفة كده
وانا ناوي استغل الحكاية دي
قلت..ازاي؟
قال...سمعت ان فاطمة ناوية تاجر بيت
احناهنحاول ندخلك البيت الجديد بتاعها
ونشوفلك مخباء فيه ...وهنفهمها ان البيت مسكون
وهنخلي الشيخ جلال ياكد علي كلامنا
بمجرد ما نديلة قرشين
ولو عملتلها شوية حركات من بتوع الجن في بيتها
الموضوع هيدخل عليها
وهتصدق انك من الجن
في التوقيت ده..
خالتي كانت مريضة
ومحتاجة عملية بمبلغ كبير
وومكنش معايا فلوس عشان
اعملها العملية
لان ابويا كان بخيل زي منتا عارفة
فا وافقت اني انفذ طلبة
في مقابل...
اني اخد من فرغلي فلوس العملية
وفعلا... عملت كل الي اتفقنا عليه
وكنت ناوي اخدع فرغلي...
لغاية ما اخد منه الفلوس
واعمل العملية لخالتلي
وبعدها اسيبة يضرب دماغة في الحيط
لكن... الي حصل
اني حبيتك يا فاطمة
ومن يومها
وانا قررت احميكي من فرغلي
ومن اي حد
لكن ....مكنتش قادر اواجه
فرغلي
ولا قادر افهمة اني بحميكي
عشان ...
انتي كنتي مازلتي علي ذمتة
وكل ده
كنت مستني لما قضية الخلع تحكم لصالحك
واتجوزك ...
وانسب الي في بطنك ليا
لكن الي حصل
اني عرفت ان فرغلي ناويلك علي الشر
وعايز يخلص منك في اسرع وقت
قبل ما يتحكم في قضية الخلع
فا كان الحل الوحيد
عشان احميكي منه ...
هو اني...
اخلصك من فرغلي
للابد...
وعشان كده ..
اضطريت اني......؟
تفتكروا هيما الخواجة
عمل ايه في فرغلي.....؟
الجزء الاخير
من رواية
يومين في الحرام
الجزء الثاني عشر
والاخير
للكاتبة..حنان حسن
بعدما قرات رسالة هيما الخواجة...
عرفت منها....
ان هيما كان بيخدرني قبل الاغتصاب...
وعشان كده..
كنت ببقي فاقدة القدرة علي الحركة...والمقاومة
وعرفت كمان
ان هيما ...
بمجرد ما اكتشف ...
اني مازلت عذراء
اتاكد ان فرغلي كدب علية
واني بريئة من اتهامة ليا بالفجور والانحراف
ومن يومها
وهيما قرر ...
انة ياخد فرغلي علي اد عقلة...
وفهمة انه ماشي معاه في خطتة..
لغاية ...
ما قضية الخلع يتحكم فيها
وكان مخطط اني اول ما اخد حريتي.... يتجوزني
ويسيب فرغلي يضرب راسة
في الحيط
لكن الي حصل...
ان هيما لاحظ ...
ان فرغلي عرف بقضية الخلع
وكان مستعجل انه يخلص عليا بسرعة
وانا لسة علي زمتة
عشان يورثني
وكمل هيما في رسالتة
وقال...
اول ما حسيت بان فرغلي ممكن يخلص عليكي ...
بدون مساعدتي ...
قررت اتعشي بيه
قبل ما يتغدي بيكي...
وبنفس الطريقة
الي هو كان عايز يخلص منك بيها.....
انا خلصت عليه بيها
والي حصل...
اني كنت اتعرفت علي اكتر من صديقة...
وانا مسافر بره
ومن ضمن صديقاتي دول
كان ليا صديقة اسمها (اكسيا)
وكنت عارف
انها تبع الشلة اياها
وكنت اعرف عنها ...
ان سلوكها منحرف ...وعايشة الحرية المزعومة بتاعتهم بره
لغاية ما بقت... مدمنة للمخدرات ....
واتنقل لها الايدز زيهم..
بس هي قالتلي...
انه اتنقلها عن طريق الحقن الملوثة
...
فا انتهزت الفرصة
اول ما عرفت ان اكسيا نزلت مصر
في زيارة لاصدقائها
واتصلت بيها ...
وعرضت عليها مبلغ كبير
في مقابل ..
انها تتعرف علي فرغلي...
وتقنعة
بانه يتجوزها عرفي...
وبعدها... تسافر علي بلدها
وفعلا وافقت اكسيا
ونفذت كل الي طلبتة منها
وبعدما... نجحت اكسيا
في تنفيذ الي طلبتة منها ...
اتاكدت ان فرغلي اتعدي منها..
وفضلت فترة صابر علي فرغلي
لغاية ما يدفع ثمن شرة
وقلت..
مسيرة يتصاب باي مرض
بسبب نقص المناعة
وساعتها هيتهد ..ويعرف ان الله حق
وبعدت عنة ...
ومبقتش اتصل بيه
لكن...في الفترة دي
فرغلي ...وامة
شكوا اني هرجع في اتفاقي معاهم
بسبب اني ورثت... ومبقتش محتاج الفلوس
الي اتفقت عليها مع فرغلي
وطبعا فرغلي كان فاهم في الوقت ده
اني مريض ايدز
وهموت بعد كام يوم
فا بعتلي فرغلي امة
بحجة انها ...
تطلب من خالتي
انها تروح تعيش معاهم
بعدما انا اموت
وكانة كان بيبعتلي رسالة
تهديد..
وبيقولي
انك لو معملتش الي اتفقنا علية
فا خالتك هتبقي تحت ايدي بعدما تموت
فا يجبرني اني انفذ اتفاقي معاه
وطبعا كان لازم افهمة
اني مازلت علي اتفاقي معاه
فا اخدت ام فرغلي علي اد عقلها
وفهمتها اني موافق
ان خالتي تروح تعيش معاهم
لكن ...
بعد وفاتي
وفعلا صدقتني ام فرغلي
وكل شيئ كان ماشي زي منا مخططلة في اليوم ده
لغاية ما اكتشفت انك جيتي عندي في الاوضة
يا فاطمة ..
لاني بمجرد ما بصيت في تليفوني....
و شوفت الرنات الي... انتي بعتيها
من تليفوني..لتليفونك
والعكس
عرفت ساعتها
انك موجودة في الاوضة
لان توقيت الرنة كان...
قبل ما ادخل بدقيقة تقريبا
فا اتاكدت انك مستخبية في مكان ما في الاوضة
وعملت نفسي نايم
ورايح في سابع نومة
عشان تخرجي وتروحي بيتك...
لان الوقت كان متاخر
وانتي حامل...
وبعدما خرجتي..
فضلت ماشي وراكي
عشان اوصلك ...
بدل ما تمشي لوحدك باليل...
ويجرالك حاجة
وللاسف...
الي كنت خايف منه حصل
وشوفت بعيني فرغلي
وهو بياخدك في توكتوك
بعدما خدرك
لكن ساعتها مكنتش قادر اعمل حاجة
لاني مفروض
في بيني وبين فرغلي اتفاق
وكان لازم انتظر الحكم بالخلع
عشان اقدر اواجهة
وكان الحل الوحيد
اني انتظر لوقت متاخر
و لما الكل في بيت فرغلي ينام
ادخل البيت بالقط الاسود
عشان اوهم الجميع انه شغل عفاريت
وبالفعل عملت كده
وبمجرد ما دخلت البيت انا والقط
بعدها فصلت الكهرباء عن البيت كلة...
ودخلت كتفتك....
وقصدت اسيبك متقيدة في بيت فرغلي
عشان الكل يعرف
انك بريئة من الي حصل لفرغلي... وامة
وبعدما قيدتك وغطيتك بالبطاطين...
روحت علي اوضة فرغلي...
في الضلمة
وبعدما ضربتة...
قيدت ايدة ورجله.. ...
وغرقت هدومة بالمية
وكان لازم اني اغرقة مية...
واوقفة في الشباك طول الليل
لان فرغلي كان مصاب بالايدز
وانا كنت عارف
ان طالما في شخص مصاب بالايدز
فا ده معناه ..
ان جهاز المناعة بتاعة بيكون متدمر تماما
واي فيرس صغير ..
او حتي شوية برد ..
ممكن...
يقضوا علية في الحال
وعشان كده
انا غرقتة مية
وسيبتة طول الليل في الشباك
والي عجل بهلاكة كمان ...
انه ملقاش رعاية من اي حد
لان امه كانت مريضة..
وهدها المرض...
واخوه عويضة مسافر بره من زمان
و اهل البلد بعدوا عن فرغلي
لما خافوا من العفريت ....
الي هو اخترعهلهم...
وفعلا... فرغلي مات بنفس الطريقة
الي كان عايز يخلص منك بيها
وشرب من نفس الكاس
الي كان عايز يسقيكي منه
وانهي هيما رسالتة
بالكلمات الاتية
وكتب..
انا عارف يا فاطمة اني ارتكبت اكتر من ذنب...
لكن...
انا كان لازم اعمل كل ده
عشان.... احميكي
انا عارف انك دلوقتي بتقولي عليا
اني انسان مليان بالشر
واني اكتر من شيطان..
لكن ..
صدقيني يا فاطمة
انا كنت خايف عليكي
و لو كان ثمن حمايتك حياتي ...كنت هفديكي بيها
لاني (بحبك )
عارف اني مش هتصدقيني...
ولا عمرك هتقتنعي
اني انسان طيب و مسالم
لكن انا هاكدلك كل كلامي ده حالا...
والدليل ...هو الرسالة الي في ايدك دي
لاني بعترف فيها بكل ذنب انا عملتة
بالرغم ان مفيش اي جهة بتوجهلي اي اتهام
لكن انا عارف انك دلوقتي بتكرهيني
لا نك شايفاني مجرم
ومغتصب... وفيا عيوب الدنيا كلها
وده في حد ذاتة
اصعب عقاب بالنسبالي
عشان كده..
هسيب في ايدك القرار
اما انك تحرقي الورقة
الي في ايدك...
وتحرقي معاها ...
اي ذكري وحشة ليا في دماغك
و ساعتها هعرف انك سامحتيني...
وموافقة ...
نبدء من جديد مع بعض
واما....تسلمي الرسالة الي معاكي للبوليس
وانا ساعتها...
هعترف بكل الي عملتة
وبكده هتبقي اخدتي بثارك مني
و اكيد بعدها هتسمحيني
وانا في كل الحالات هبقي راضى
برضاكي عني
وقابل باي حاجة هتقرريها
منتظر قرارك بفارغ الصبر
جوزك
هيما الخواجة
بعدما قرات الرسالة
مبقتش مصدقة المفاجاءت الي قراتها في الرسالة
وفضلت اسرح وافتكر...
كل الي حصلي
مع فرغلي وامة... وهيما وخالتة...
وبدات اربط الاحداث ببعضها
وفهمت اخيرا..
ليه فرغلي وافق علي شرطي عشان اتجوزة؟
لما اشترطت علية يكتبلي كل الي بيملكة
هو ...وامة ...واخوه عويضة..
ويومها امه وافقت بالنيابة عن اخوه
الي كان مسافر
وفرغلي كتبلي فعلا كل ما يملك
اتارية......
كان بيكتبلي كل حاجة
عشان كان مخطط
انه هيرجع كل مليم اخدتة منه
وفوقيهم ميراثي
من ابن العمدة ....
مهو كان فاهم اني مصابة بالايدز...
وكلها كام يوم واموت
وعرفت كمان
ان فرغلي... وامة برعوا في تمثيلهم
لغاية ما اقنعوني فعلا
بان البيت فيه جن عاشق...
ولقيتني بقول لنفسي
يبقي فعلا
فرغلي لما خطفني
كان ناوي يخلص عليا ...ويقتلني
وفعلا كان عايز يخلص مني
وانا لسة علي زمتة
قبل ما المحكمة تحكملي بالخلع
عشان يلحق يورثني
يعني فعلا
لولا هيما اتدخل وحماني منه هو وامة....
كان زمانهم فعلا قتلوني
ولقيتني بقول لنفسي
صحيح هيما اذاني في الاول...لكن هو الوحيد الي كان
بيحميني
وفضل يحميني لاخر لحظة
ده غير انه
ناوي فعلا يتجوزني...
وينسب الي في بطني لنفسة
وفضلت ابص للرسالة الي في ايدي
وانا مش عارفة اعمل ايه؟
وبقيت محتارة
احرق الرسالة؟
وانسي الي فات؟
وابدء من جديد مع هيما؟
ولا اتصرف ازاي مع هيما؟
واعمل ايه في الرسالة؟
وفضلت افكر كتير
وف الاخر
احتفظت بالرسالة
لا حرقتها ....
ولا ورتها لاي حد
ومرت شهور كتير
وفضلت كل يوم افكر في رسالة هيما ...
لغاية ما جه يوم الولادة
وفي اليوم ده
حسيت اني تعبانة اوي
فا روحت كشفت عند طبيبة امراض نساء
فا لقيتها بتقولي
اني لازم اولد قيصري
لانها مش مرتاحة لوضع الجنين
ولا لحالتي الصحية
لان الضغط عندي كان عالي جدا
ومن الاخر
الولادة هتبقي متعثرة
وحياتي انا ...والجنين ممكن تبقي في خطر
فا طلبت من خالة هيما...انها تتصل بهيما
وتقولة ...
يجي ...
قبل ما اولد
وفعلا ...
وصل هيما
بمجرد ما سمع الخبر
واتارية كان قاعد في شقة
قريبة مننا
عشان يتابعنا وياخد بالة مننا ديما
المهم..
اول ما دخل هيما
لقيتة بيبصلي بحزن واسف
فا بصيتلة...
وقلت..
انا باين عليا هولد يا هيما..
والدكتورة بتقول...
انها مش مطمنة ...
والولادة ممكن تبقي متعثرة
ومين عالم؟
يمكن اموت وانا بولد؟
عشان كده
عايزاك تجيب ماذون دلوقتي حالا
وتكتب كتابك عليا
عشان لما ابني يتولد يبقي له شهادة ميلاد
وكمان ...
عشان لو انا مت
تورثوني انت وابنك
في اللحظة دي
لمعت في عين هيما دمعة
وهو بيقولي...
ميراث ايه يا فاطمة؟
انتي متعرفيش انتي بالنسبالي ايه؟
ابتسمت في عز الالم
وقلت.. عارفة
انا ...
(عمرك الي معشتوش )
بصلي هيما باستغراب
فا قلتلة..
انا شوفت اسمي علي تليفونك كده
في اللحظة دي
ضمني هيما لحضنة
وقالي...
انتي هتقومي بالسلامة... وهتجيبي ابننا
وتديلة حنانك الي عمري ما شوفت زية
فا رديت علية
وانا بتالم
وقلت..
اسمع الكلام ياهيما
وهات الماذون بسرعة
عشان مفيش وقت
انا عايزة ابني يطلعلة شهادة ميلاد
فا هز هيما راسة
وقال...حاضر
هجيب ماذون حالا
وفعلا...
خرج هيما ...
وبعد شوية..
رجع بسرعة
ومعاه الماذون... واتنين شهود
وبعدما اتكتب الكتاب...
طلع بيا هيما علي المستشفي
وقبل ما ادخل غرفة العمليات
مسك هيما ايدي
وهو بيبكي
وقالي...
فاطمة ارجوكي
سامحيني
فا سكت ومردتش عليه
عشان كنت بتالم جدا
فا صرخ هيما
وسالني
وقالي..ساكتة ليه يا فاطمة
قولي انا مسمحاك؟
فاحاولت اتكلم لكن ...
مقدرتش
لاني كنت في عز الالم
وكل الي عملتة
هو..
اني مديت ايدي لهيما بالرسالة بتاعتة
وقلت...(خد احرق دي)
في اللحظة دي
بكي هيما ....
وفضل يبوس في ايدي
وقالي ...
انا مستنيكم انتي وابني
ومش همشي من هنا غير بيكم انتوا الاتنين
وبعدما دخلت لغرفة العمليات
فضلت استغفر ربنا
وطلبت من ربنا انه يسامحني انا... وهيمة
وكنت بدعي وانا واثقة
انه هيغفرلنا
لان ربنا غفور رحيم
واثناء ما كنت بستغفر
لقيت دكتور التخدير بيبصلي
وبدء ياخد ايدي عشان يخدرني
وفي اللحظة دي
لاحظ دكتور البنج اني متوترة
فحاول يلهيني بالكلام
فا سالني
وقال..
اسمك ايه؟
قلت...عمري الي معشتوش
فا رد الدكتور مازحا
وقالي..ايه ده ؟
هو انتي بتخرفي قبل ما تخدي الحقنة؟
ابتسمت للدكتور
وقبل ما ارد عليه غيبت عن الدنيا...
وبعدها ... بفترة
معرفش اد ايه؟
فتحت عنيا تاني
علي وش هيما الخواجة...
الي كان فرحان اوي لما شافني بفوق من البنج...
ولقيتة بيقرب مني وفي ايدة البيبي (ابننا)
وبيقولي..
قومي يا فاطمة شوفي الحلم الي انتي حققتيهولي
قومي شوفي جيبتلنا ايه؟
فا بصيت في وش ابني وابتسمت اوي
وسالتة
قلت...
هو انا ولدت وقومت تاني بجد؟
رد هيما
وقال
الحمد لله ربنا استجاب لدعائي
قلت...الحمد لله
فسالني هيما...
قالي..شوفتي ابننا جميل ازاي
ده شبهك يا فاطمة
فا بصيتلة وابتسمت
وسالتة
قلت...ياتري هقول ايه لاهل البلد لما يشوفوه ؟
رد هيما
وقالي..
ومين قالك اننا هنرجع البلد تاني؟
احنا معدش لينا حد هناك خلاص
وبالنسبة لمراة ابوكي
فا دفعت ثمن الشر الي عملتة من صحتها..
والمرض هدها...
وابنها عويضة....مش عايز يرجع من ساعة ما سافر
ده حتي مرضيش ينزل يدفن اخوه...
ويرجع تاني
عشان كدة...
من النهاردة عايزك تنسي البلد والي حصل في البلد
قلت...امال هنعيش فين؟
رد هيما
وقال...
احنا هننقل املاكنا وعيشتنا كلها هنا
وانا اشريت بيت وكتبتة باسمك في القاهرة
وهنعيش كلنا فيه
قلت..ليه اشتريت البيت باسمي يا هيما؟
رد هيما
وقال..مهرك يا قلب هيما
ولا انتي ناسية اني مدفعتلكيش مهر ؟
في اللحظة دي بس
حسيت ان الدنيا بدات تبتسملي
اخيرا
واول مره احس اني اتجوزت بجد
وبعدما خرجنا من المستشفي
رجعنا انا.. وهيما ...وابننا... وخالة هيما
لبيتنا الجديد
وبدئنا مع بعض...اجمل واسعد
(ايام في الحلال).
كده الرواية انتهت
عايزة اقول ...
ان فكرة الرواية مستوحاة من قصة حقيقية
وتقريبا حضراتكم عارفينها
وهي قصة الزوج الي طلب من رجل بيعمل عامل عنده
انه يغتصب زوجتة ...
عشان يخلص منها...
وهو خارج المنزل..
وفعلا الراجل اخد المفاتيح من الزوج
ودخل البيت وحاول يغتصب الزوجة الغلبانة
فاحاولت تقاومة فا اغتصبها ادام ابنها الصغير ...
وقتلها بعدها
دي قصة حدثت فعلا في الدقهلية
انا اخدت الفكرة من الجريمة دي
يعني...
انا استوحيت الفكرة فقط
لكن طبعا حنون لازم تحط التتش بتاعها..
عشان تغلبكم معاها...وتخليكوا تفكروا... وتحتاروا
من اول جزء ....لاخر جزء
المهم...
نسجت في الاخر قصة
بالكيفية
الي قدمتها لحضراتكم
واخيرا
بحبكم جميعا في الله
تعليقات
إرسال تعليق