رواية حكاية زهرة الفصل الثامن عشر 18بقلم شيماء منير (حصريه وجديده في مدونة موسوعة القصص والروايات)
رواية حكاية زهرة الفصل الثامن عشر 18بقلم شيماء منير (حصريه وجديده في مدونة موسوعة القصص والروايات)
الفصل الثامن عشر
مازن اخد زهره وجنا ودخل على الفيلا
كان مصطفى وحسام ومريم في استقبالهم
الكل اندهش من شكل زهره الكل كان متوقع انها اكبر من كدا شكلها صغير مستحيل تكون عندها بنوته
قطع النظرات دي
حسام اللي طبعا مش اكيد هيتأمل في مرات اخوه
حسام بابتسامه:حمدلله على السلامه
مازن:الله يسلمك
مازن ولاحظ ان جيهان مش موجوده
مازن ودخل وسلم على مصطفي وقبل ايده ودماغه
مصطفى:حمدلله على السلامه يابني
مازن:الله يسلمك يابابا
مازن:ازيك يامريم
مريم:الله يسلمك ازيك يامازن حمدلله على السلامه
مازن :الله يسلمك
مازن وشد ايد زهره اللي كانت واقفه وراه ومحرجه وشها احمر من الإحراج
مازن وحط ايده على كتفها دي زهره مراتي
مازن وكمل دا بشمهندس مصطفى والدي
زهره بابتسامه خفيفه:اهلا بحضرتك ياعمو
مصطفى:اهلا بيكي يابنتي نورتي
زهره وابتسمت بخفه شكرا
مازن:دا بشمهندس حسام اخويا الكبير
حسام:اهلا بيكي نورتي
زهره :اهلا بحضرتك
مازن: دي بقا مريم ومرات اخويا وبنت خالتي في نفس الوقت
مريم وقربت من زهره وسلمت عليها
مريم: اهلا بيكي نورتنا والله
زهره بابتسامه تسلمي ياحبيبتي
مازن وشال جنا اللي كانت واقفه جمب زهره دي بقا جنا بنت قلبي .....بوصي بقا ياجوجو دا جدو مصطفى ودا انكل حسام ودي طنط مريم ماشي؟؟
جنا بابتسامه :ماشي يابابا
كلهم بص لبعضهم بدهشه من كلمة جنا
مازن ولاحظ دا بس كمل عادي يلا ياجوجو سلمي على الكل بقا
جنا وسلمت على الكل
مصطفى بمرح وهو يلمس على شعر جنا نورتي ياجوجو
جنا بابتسامه شكرا ياجدو
مصطفى ولاحظ ان جنا نسخه مصغره من زهره نفس لون العيون البندقيه حتى نفس لون درجة بياض البشره
قعدوا كلهم مع بعض واتكلموا في مواضيع مختلفه
بعد كدا مازن اخد زهره وجنا
وطلعوا على فوق يبدلوا ملابسهم عشان الغداء
مازن وزهره كان ليهم غرفه لوحدهم وجنا كانت ليها غرفه لوحدها
دا قلق زهره في الاول لكن مازن طمنها
دخلوا الاوضه وبداء يبدلو ملابسهم
مازن خرج قبل زهره
وقرر انه يروح لجيهان ويتكلم معها هو عارف انها زعلانه
راح وخبط على اوضتها
جيهان ادخل
مازن ودخل رأسه من الباب متاكده؟؟
جيهان وقفت مكنتش متوقعه انه يجيلها
جيهان مردتش
مازن ودخل انا عارف انك زعلانه وحقك بس بكره الايام تثبتلك ان قراري مش وحش
جيهان:انت حر بس ياريت متندمش بعد كدا
مازن:تمام..
مازن وقرب منها وقبل رأسها وحشتني ياجيجي
جيهان ودموعها نزلت:كذاب لو وحشتك فعلا مكنتش غبت كل دا ومتسألش عني ولاعلى باباك
مازن:انتي عارفه اني مش بكذب ياجيجي
جيهان وكانت واحشها كلمة جيجي منه:عموما ملوش لازمه الكلام اهم انك رجعت جمبنا وخلاص وعلى فكره انا وافقت انها تيجي هنا عشان خطرك انت بس...
مازن وفهم هي تقصد ايه
وعارف انها مش متقبله وجود زهره وجنا
مازن وجيهان خرجوا من غرفة جيهان
كانت زهره هي كمان خرجت بعد ما غيرت لبسها
خرجت كانت لابسه إسدال بيتي واسع
جيهان كانت خارجه هي ومازن
زهره شافتهم
وقفت بحرج
جيهان اما شافتها وشها اتغير
بصتلها من فوق لتحت بضيق
زهره حست بالتوتر
مازن قطع واصلة النظرات دي
وراح عند زهره وماسكها من ايدها ووقف قدام جيهان
مازن اعرفك ياجيجي دي زهره مراتي....ماما يازهره
زهره:اهلا بحضرتك
جيهان ببرود اهلا ..يلا ننزل عشان الغداء
واتحركت من مكانها
زهره بصت لمازن نظره فهمها
مازن:معلش شويه كدا خليها عندك المره دي
زهره :تمام ثواني هجيب جنا
زهره جابت جنا ونزلوا
قعدوا على السفره
زهره كانت مضايقه بس بتحاول تبان طبيعيه وميبانش على وشها ودا بردوه عشان خاطر مازن
الكل كان بيتكلم ماعدا هي بتاكل بصمت وبتاكل بنتها
جنا خلصت اكل قامت بسرعه وقفت
جنا بمرح طفولي:بابا انا هطلع العب في الجنينه شويه
جيهان وانتدهشت من الكلمه والضيق ظهر على وشها
جيهان:ينفع اللي بتعمليه دا مينفعش متقوميش من على الاكل طالما كلنا لسه بناكل او تستاذني اتعلمي الذوق وبعدين وطي صوتك شويه واتكلمي براحه
جنا مسكت في زهره بخوف
حسام ومريم بصوا لبعض بتعجب من طريقة جيهان
مصطفى بضيق جيهان في ايه دي طفله
مازن كان بيسمع بهدوء خارجي
مازن:روحي ياحبيبتي العبي
جنا حركت دماغها بالرفض وهي ماسكه في زهره
جيهان وقامت من على الاكل ووجهت كلامها لمازن عايزاك جوو تعالى
مازن وقام وراه بضيق
زهره وقامت واقفت معلش انا اسفه انا شبعت انا هطلع فوق
مصطفى :ماشي يابنتي اطلعي
زهره اخدت جنا وطلعت
________________________
في غرفه استقبال في الفيلا
جيهان ومازن كانوا بيتكلموا
جيهان:في ايه إن شاء الله ايه حكاية بابا دي انت ابوها منين
مازن:عادي ياماما يعني فيها ايه البنت نفسها تقولي كدا ايه المشكله
جيهان:لا تقولك انكل عمو اي حاجه بابا دي لا. .
مازن:ماما لو سمحتي البنت مشافتش باباها اصلا ميت ومامتها حامل٤شهور فيها وطلبت مني دا ومستحيل ارفضلها حاجه زي دي ..ثم ان مش ضارني في شئ ايه المشكله
جيهان:انت اصلا مديهم حجم في حياتك كبير وبعدين هي دي اللي عجتك انت كتير عليها اووي
مازن:خلاص بقا ياماما قفلي على الحوار دا هي مراتي وانا بحبها وبكره الايام تثبتلك انها تستحقني وبعدين بصراحه انتي زودتيها اوي مع البنت ايه المشكله فرحانه بالمكان الجديد
جيهان:انت اللي نسيت الاصول والصح والغلط اللي انت اتربيت عليه
مازن:ماشي انا معاكي ان دا الصح بس البنت مطيعه جدا وبتفهم الصح بسرعه لو كنتي نصحيتها بطريقه اهدا من كده شويه او قولتلي وانا عرفتها افضل ..
_______________________
زهره واخدت جنا وقعدت في اوضتها
زهره ونزلت الدموع من عيونها هي حست من اول لحظه انها مش قابله وجودها من وقت من دخلت الفيلا ومكنتش موجوده في استقبالهم
جنا:انتي بتعيطي ياماما
زهره ومسحت دموعها لا ياحبيبتي دي عيني واجعني تعالي في حضني ياقلبي
جناببراءه:وهي تيته جيهان مش بتحبني
زهره :لا ياقلبي دي بتحبك جدا بس هي بتقولك عشان تعرفي الصح
جنا:بس انتي مكنتيش بتقوليلي حاجه لما كنا في شقتنا
واقوم من على السفره
زهره:بوصي ياجوجو هنا غير هناك هنا حاجات مختلفه عن هناك اي حد كبير يقولك على حاجه قولي حاضر
جنا:ماشي
مازن دخل
متكلمش ودخل الى الحمام على طول
زهره :ممكن تروحي اوضتك ياجوجو
جنا:حاضر ياماما
مازن خرج من الحمام بعد ما اخد شاور
لاقى زهره واقفه في نص الغرفه
مازن
باستغراب:واقفه كدا ليه؟؟
زهره:عايزه اتكلم معاك
مازن:جنا فين؟؟
زهره :في اوضتها
مازن:تمام عايزه تتكلمي في ايه؟؟
زهره بتردد مازن انا حاسه ان وجودي انا وبنتي مش مقبول
مازن:من قال كدا؟
زهره:محدش قال بس واضح من تصرفات مامتك
مازن:متكبريش الموضوع لو على اللي حصل تحت فهي كانت بتعرف البنت الصح من الغلط
زهره بضيق:مش بالطريقه دي
مازن :زهره حاولي متاخديش المواضيع بحساسيه
نتكمل بصراحه اكتر لو جنا دي بنتي من دمي وكانت جدتها بتعلمها كدا كنتي هتزعلي؟؟؟
زهره بصتله بصمت وسكتت
مازن وكمل صدقني امي مفيش اطيب واحن منها بس شويه كدا
مازن وقرب منها
مازن:سيبك بقا من الحورات دي انتي واحشتني على فكره
مازن قرب منها وحضنها
زهره وكانت دماغها مش فيها وبتفكر ايه اللي هيحصل الايام الجايه معها
____________________
في غرفة مصطفي وجيهان
جيهان:انا مغلطش يامصطفى انت عارف اني طول عمري بربي ولادي كدا
مصطفى:عارف بس يكون براحه شويه وكمان كان في طريقه تانيه كان ممكن تعرفي ابنك وهو يعرفها بطريقته
جيهان بصتله وسكتت
مصطفى:كمان براحه شويه على البنت يتيمه
جيهان:هو انا جيت جمبها وبعدين ماهي بتقوله يابابا
مصطفى:اممم انا عارف ان دا هو اللي ضايقك بس عادي على فكره البنت صغيره ومتعرفش حاجه جبر خواطر ياستي
جيهان:المشكله اني مش قادره اتقبل فكرة الجوازه دي نهائي
مصطفى :سبيها على الله دا نصيب
...
_________________
تاني يوم الصبح
مازن صحي واخد شاور
خرج من الحمام
كانت زهره صحيت
كانت بتخرجله لبس من الدولاب يلبسه
مازن وحضنها من الخلف صباح الفل
زهره بابتسامه صباح الورد
مازن ووضع قبله على خدها:في حد بيبقا قايم من النوم قمر كدا
زهره: انت بس اللي عيونك حلو
مازن بداء يلبس وزهره كانت بتساعده في اللبس
الباب خبط دقات خفيفه
ما زن وفتح الباب
مازن:قلب بابي صباح الفل
جنا:صباح الخير..المنبه اللي ماما عامله ليا صحاني
زهره:ايوه عشان تروحي الروضه
مازن:طيب انا هسبقاكم على الفطار متتأخريش ياجوجو عشان الباص جاي
زهره:حاضر هجهزها وننزل على طول
زهره جهزت جنا
فتحت بابا اوضتها
انزل بقا ياجوجو واناوهجهز وانزل
جنا:ماشي ياماما
كانت جيهان نازله هي كمان
بصت لزهره اللي كانت واقفه ولابسه بيجامه ستان من اللون الموف بكت تظهر جمال بشرتها البيضاء ورفعه شعرها الطويل الناعم ديل حصان هي تعرف ابنها يحب هذ اللون
زهره لاحظت نظراتها
زهره بتوتر:صباح الخير
جيهان وبصتلها بضيق ومشيت من غير ما ترد عليها
زهره وتتهدت بتعب يلا جنا انزلي افطري وانا جايه على طول
جنا نزلت وبعدها بشويه زهره
الكل كان موجود على السفره ماعدا مازن
زهره:صباح الخير
الجميع طبعا ماعدا جيهان صباح النور
مصطفى:تعالي يابنتي اقعدي افطري
زهره:هو مازن مشي؟
حسام:ايوه تقريبا المهندس وصل الصاله وكلمه فمشي على طول حتى نسي موبيله
زهره قعدت بتردد
بصت الموبيل كان باقي خمس دقايق على الباص
مريم:مش بتكلي ليه يازهره
زهره:احم اصل الباص فاضل عليه خمس دقايق
مصطفى:لو حابه تركبيها الاول مفيش مشكله
زهره بصتله بتردد ومش عارفه تعمل ايه مازن لو عرف انها ركبتها الباص هيعمل مشكله هو بيرفض تعاملها مع اي راجل
فاقت من شرودها على صوت جنا
جنا : لا مش هينفع ماما بابا هيضايق ماما مش بتكلم رجاله عشان عيب بابا قال كدا ياجدو
الكل بص لبعضه
حسام ومريم بصوا لبعض وابتسموا بخفه على كلام جنا
زهره حست ان جسمها كله بيطلع سخونه من الاحراج
زهره بحرج جنا خلاص في ايه
حسام :خلاص خلاص انا هركبك تعالي يلا يا لمضه انا كدا كدا خارج رايح الشركه وهركبها
حسام اخد جنا
زهره كانت مكسوفه قعدت وبداءت تعمل نفسها بتأكل
مصطفى كمان خلص فطار وخرج على الشركه
جيهان :قامت هي كمان وطلعت الجنينه
مريم:ماتيجي تقعدي معانا بره شويه في الهواء
زهره كانت هتوافق بس افتكرت طريقة جيهان لا مش مشكله
مريم:يابنتي هتفضلي طوال الوقت محبوسه في الاوضه بجد بتزهقي
زهره:معلش شويه كدا وهبقا انزل
مريم:على راحتك
مريم خرجت الجنينه
وزهره طلعت الاوضه
_________________
عدى اسبوع
والوضع زي ماهو عليه وجيهان مش متقبله زهره وبنتها وخصوصا لما مازن بيدافع عنهم
زهره قررت انها تغير شويه في اوضتها واوضة بنتها
فضلت ترتبت لبسها هي مازن زي ما بتحب
غيرت شويه في الاوضه
نزلت وطلبت من الشغالين مكنسه كنست الاوضه ورتبتها ورشت فيها معطر
حاست انها مرتاحه وانها بقت شبهها لما حطت لمستها فيها
زهره واخدت المكنسه والحاجه وراحت على اوضتة جنا كانت عايزه تعمل فيها زي ما عملت في اوضتها هي ومازن
جيهان ومريم كانوا طالعين اوضهم يرتاحوا شويه اتفأجوا بزهره وهي بتظبط اوضتة جنا
مريم تقبلت الموضوع عادي لكن جيهان متقبلتش دا
وقربت من زهره وبغضب انتي بتعملي ايه؟؟
زهره واتخضت من شكل جيهان اللي قدامها ووشها باين عليه الغضب وقفت المكنسه
زهره بتوتر:مفيش برتب اوضتة جنا
جيهان بغضب اكبر وحد طلب منك دا ..دا شغلك..دا شغل الشغالين هنا
زهره وبصت لمريم بحرج انا بس كنت حابه ارتب اوضتة بنتي على ذوقي وقولت افتح الشباك تتهوى شويه
جيهان بغضب:بردوه مش شغلك وبعدين وصلت للمكنسه دي منين
زهره بتردد:طلبتها من الشغالين
جيهان بغضب:كمان
مريم متدخله خلاص ياخالتو محصلش حاجه لكل دا
جيهان:اسكتي انتي
مريم واكتفت بالصمت لانها شايفه جيهان في حالة غضب
جيهان :هو الحساب مش معاكي الحساب مع البيه ابني اما يرجع ويشوف القر..ف اللي جبهولي هنا دا
زهره بخوف لما افتكرت مازن هي بردوه مش عايزه حورات ياطنط لو حضرتك اتضايقتي انا هرجع المكنسه ومش هكمل ..انا اسفه
جيهان:متتكلميش معايا ولا كلمه سامعه
جيهان واتحركت من مكانها بغضب
مريم وقربت من زهره اللي واقفه مصدومه ومش عارفه ايه الغلط الكبير اللي عملته
مريم:متزعليش هي شويه وهتروق
زهره وحركت دماغها بهدوء وسكتت
مريم مشيت
زهره قفلت اوضة جنا وراحت اوضتها
جلست على اقرب مقعد وبكت
اخر النهار مازن رجع بعد ما خلص شغل مع المهندس
دخل الفيلا الكل كان موجود ماعدا زهره وجنا
مازن وسأل عليهم
مازن:هي زهره منزلتش؟؟
مريم وتكلمت لا زهره فوق وتقريبا جنا نايمه
مصطفى:طيب اطلع يابني غير لبسك وهاتهم يلا عشان الغداء
مازن:تمام
مازن كان هيتحرك بس جيهان واقفته
جيهان :استنى يامازن عايزاك في موضوع
مازن وقف وبصلها
مصطفى:والموضوع مينفعش يتأجل لبعد الغداء
جيهان:لا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هنااااااا
 رواية حكاية زهرة الفصل الثامن عشر 18بق…){kind=link}
تعليقات
إرسال تعليق