رواية حكاية زهرة الفصل الرابع وعشرون24بقلم شيماء منير (حصريه وجديده في مدونة موسوعة القصص والروايات)
رواية حكاية زهرة الفصل الرابع وعشرون24بقلم شيماء منير (حصريه وجديده في مدونة موسوعة القصص والروايات)
الفصل الرابع والعشرون
عمار وقرب من مازن وكان عايز يهجم عليه
لكن بكلمه واحده من جمال وقف مكانه
جمال بغضب اتهبلت ايااك انت هتتهجم على الراجل في دارنا وكمان وهو جاعد معايا
عمار:ماهو كمان اتهجم عليا مرتين وتطردني من فيلا عندهم
مازن ومسألتش نفسك ليه ..انت عارف كويس اووي انا عملت معك كدا ليه
ثم وجه كلامه لجمال يرضيك ياحاج جمال وانتو هنا اصل العيب والصح والغلط ينفع يجي لمراتي اكتر من مره وانا مش موجود
عمار:كنت عايز بنت اخويا
مازن:لو انت فعلا عايز بنت اخوك كنت جيت كلمتني الاول واعتقد انك كنت عارفني كويس عشان كدا كنت بتيجي تخبط وانا مش موجود
مازن وكمل وهي طبعا مكنتش بتقولي عشان سيادتك كنت بتاخد منها فلوس وبتهددها انك هتاخد البنت وتقول لوالدك على مكانهم
عمار وبص بخوف لجمال
اللي اتكلم بغضب هي حصلت تاخد فلوس من حرمه وتستغلها
مازن :ومش بس كدا دا لما جيه الفيلا كان عايز ياخد البنت بالعافيه ومش محترم وجود والدي واخويا الكبير
جمال بغضب لعمار وانا اللي كنت فاكر اني باعت راجل يرجع بنت اخوه وكل الفلوس اللي كنت بتاخدها مني دي كنت بتوديها فين ..اكيد بتصرفها على المسخره بتاعتك غوور من وشي غووور
عمار واتحرك بسرعه وخوف من جمال
جمال بحسره من جواه على ابنه وتصرفاته كل ياولدي كل هو كان مفهمني عكس اكده
مازن قعد مع جمال وقت طويل تقريبا طول اليوم بيتكلموا
جمال حب مازن واتمنى فعلا جواه انه يكون عنده ابن زيه
جذب انتباهه لبس زهره اللي كان فستاين واسعه عكس ما كانت متجوزه اشرف كانت بتلبس بناطيل ودا كان خلاف بينه وبين اشرف اللي دايما كان يقوله سيبها براحتها هي عايزه كدا
ـــــــــــــــــــــــــــــــ
في فيلا مصطفى المنشاووي
جيهان:انا قلقانه موبيلتهم مقفوله
مصطفى:اهدي ممكن يكونوا فصلوا شحن
حسام :او شبكه مثلا
جيهان:طيب هنطمن ازاي عليهم
حسام:اهدي بس ياماما مازن اكيد هيكلمنا
جيهان:انا خايفه الناس دول يكونوا عملوا فيهم حاجه او مثلا حاولو ياخدوا البنت بالعافيه وانت عارف اخوك مش بيتحكم في اعصابه
حسام:ياماما متقلقيش نفسك اكيد مازن هيكلمنا وليه متقوليش العكس الناس رحبوا بيهم ومثلا مش عارف يكلمنا لحد ما يخلص معاهم
جيهان بقلق يااارب ياارب
الليل دخل
جهزوا اوضه لمازن وزهره
وجنا جدتها اخدتها تنام معها بعد وقت كبير مازن بيقنع فيها
زهره بتوتر:ايوه يعني طول الوقت بتتكلموا في ايه لما ماتكلمتوش عن جنا
مازن وهو ماسك الموبيل وبيبص فيه بتركيز عادي بنتكلم في امور عاديه
زهره بضيق وبعدين كفايه اننا بتنا هنا
مازن بعصبيه اولا وطي صوتك و اهدي بقا في ايه هو انتي فاكره الموضوع هيخلص في يوم الناس شايفين ان جنا دي الحاجه الوحيدة من ريحة ابنهم وهيتتجننوا عليها مش معقول يعني هجبها هنا وساعتين واقولهم باي باي شوفت بنت ابنكم سلام بقا وبعدين شكلهم كانوا بيحبوا ابنهم اووي الناس مجروحين من موته مهما عدت السنين
مازن وقام وقف وحط الموبيل على ودنه ايوه ياحسام ..ايوه سامعك الشبكه هنا مش حلوه خرج البلكونه
خلص مكالمه ولاحظ عمار اللي قاعد تحت في مكان وماسك ازازه في ايده وواضح ان فيها شئ مسكر وكان شكله مش مظبوط
دخل الاوضه وكانت زهره لسه قاعده بس كانت بتعيط
مازن وقرب منها وخدها في حضنه وبعدين بقا
زهره ببكاء انت وعدتني هرجع ببنتي
مازن:ولسه عند وعدي وهنرجع بيها ان شاء الله
زهره:ازاي؟؟
مازن:معلش دي شغلتي انا بقا ممكن بقا تنامي شويه احنا تقريبا منماش امبارح نريح جسمنا عشان نقدر بكره نشوف هنعمل ايه
مازن اخدها في حضنه لحد ما حس انها هدات وراحت في النوم
نيمها على الوساده
مسح دمعه كانت نازله من عيونها
خرج البلكونه وقرر يدخن سيجاره
فاضل واقف شويه وبعد كدا قرر يدخل ينام
دخل نام
الصبح صحى على خبط على الباب
قام وقاعد شويه وبيستوعب هو فين
قام وفتح الباب وكان احدى الخادمات
الخادمه :سيدي الحاج جمال بيجولكم الفطور جاهز تحت
مازن وهز دماغه تمام قوليله نازلين
مازن ودخل صحى زهره
ولبسوا ونزلوا
جمال:تعالوا اتفضلو
مازن وقعد وجمبه زهره
كان عمار قاعد وعليه اللي كانت بتأكل جنا
جنا اللي اول ما شافتهم
جريت عليهم حضنت مازن وقعدت على رجله
عمار بصله بضيق وغل
عليه:طيب كملي وكلك الاول
مازن:روحي ياجوجو اسمعي كلام تيتا
جمال:طيب يلا عشان نأكلوا احنا كمان
قعدوا على الاكل كلهم وبدوا يأكلوا
بعد الاكل خرجوا بره يشربوا شاي
جمال ومازن وعمار
مازن كان عايز يفتح الكلام مع جمال ولكن مش حابب في وجود عمار
زهره وعليه كانوا قاعدين قاصدهم وجنا جمبهم بتلعب بعجله
عليه وهي بتكلم زهره وعيونها على مازن دايما واجعه واجفه يامصروايه انتي
ابتسمت زهره بخفه فهي تعرف طريقة عليه على الرغم من صراحتها اللاذعه الا انها بتحمل قلب طيب وحنون
عليه وكملت كنتي واخده نورتنا هنا وبردوه وجعتي على واد حلو ولسه صغير والحاج جمال بيجول انه ابن اكابر ومتعملين واغنياء بردك
زهره:وتفتكري دا كله يعني كان بالساهل
عليه:لازم بنتلدع من النحل عشان ندوج عسله
جمال طلب من مازن انهم يتمشوا شويه
مازن ورحب بده
مازن وشافها فرصه انه يفتح موضوع جنا
مازن:كنت حابب اتكلم مع حضرتك في موضوع خاص بجنا
جمال:اتفضل ياو لدي خير
مازن:بس اتمنى حضرتك تفهمني صح وتقدر اللي انا هقولك
ابتسم جمال بخفه والراجل العجوز دا مش بيعرف يجدر والا ايه
مازن:لا طبعا مقصدش كدا ابدا ..انا بس عارف ان كل بيئه ولها تفكير مختلف شويه
جمال:عايز تاخدها معاك مش اكده؟؟؟
مازن:دا بعد اذنك طبعا
جمال:وتتحرم من عز جدها وابوها الله يرحمه وتروح تعيش في بيت الغرب
مازن:ياريت متحسبهاش كدا احسب انها متعلقه بمامتها وهتتعب لو فضلت هنا ونفس الفكره بالنسبه لزهره مستحيل تبعد عن بنتها
جمال بمكر:خلاص تفضل مع. بنتها اهنه
مازن بعدم فهم ازاي؟؟ تقصد ايه يعني
جمال وابتسم بخفه مجصدش حاجه متتحمقش اكده
جمال واتنهد بتعب اديني فرصه افكر وادور الموضوع في دماغي وارد عليك
مازن:تمام
في الغرفه اللي قاعد فيها مازن وزهره
زهره بعصبيه يعني ايه هيفكر
مازن بضيق هيفكر ايه محتاجه شرح
زهره:احنا هنقعد هنا انا اصلا المكان دا مش بحبه ومخنوقه فيه
مازن:نصبر الموضوع لازم ناخده بهدوء
زهره وقعدت على احد المقاعد بضيق
ـــــــــــــــــــــــــــ$$ـــــ
عدى كذا يوم وجمال لسه مردتش على مازن
زهره كانت على اخرها ومنتظره رد جمال
في غرفة جمال وعليه
عليه بضيق:يعني ايه ياجمال هتسيبهم ياخدوها يخدوا اللي باقيه لينا من ريحة الغالي
جمال:عشان البت هي متعجله بيهم ويمكن لما تكبر تحب تيحي اهنه
عليه بسخريه هي اللي هتعيش في مصر هتيجي تعيش اهنه دا انت بتحلم
جمال:عايزه الحجيجه انا خايف على البت من ابنك مش هيعرف يتعامل معها
عليه:ليه دا عمار حتى جلبه حنين
جمال: ابنك مش جد مسؤلية البت مش هيعرف يتعامل وكل همه هيبجا الفلوس وانا مش ضامن اعيش لها العمر كله واهو انتي شايفه بتجوله يابابا وبصراحه الراجل بيتعامل معها بحنيه وكأنها بنته
عليه ببكاء يعني خلاص دا انا كنت بداءت احس ان روحي ردتلي تاني
جمال:ماهو احنا هتفج معاهم انها تجيلنا على طول
بعد شويه
زهره مكنتش مصدقه نفسها ومازن بيقولها حضرت حاجتها هي. ومازن وجنا
تحت
عمار بغضب يعني ايه يا بوي هتخليها تروح معاهم
جمال:ملكش صالح انا جدها وعارف ايه في مصلحتها
عمار:تجوم تسيبها عند الغرب
جمال:اوجات الغريب بيبجا احن من القريب
عمار:جصدك ايه؟؟
جمال:اجفل خشمك دلوجت ليك حساب كبير معايا بس بعد الضيوف متميش بعد اللي عملته في مصر
عمار بصله بخوف وسكت
نزلوا وسلموا على الكل
مازن:بيتي مفتوح لكم في اي وقت وانا كتبت العنوان لحضرتك في الورقه دي وقت ما تحب تيجي تزور جنا
جمال:كلك واجب ياولدي بس مش هوصيك عليها
مازن:متقلقش جنا دي بنتي وربنا عالم بحبها قد ايه
جمال:انا عارف يا ولدي انك جدها وجدود
مازن اخد زهره وجنا وركب عربيته
عماد قابلهم وسلم عليهم
طلب منهم يستضيفهم في بيته بس مازن قاله ان شغله متعطل ومره تانيه لازم هيبقا يزوره
مشي بالعربيه هو وزهره وجنا
زهره :هو صحبك دا صعيدي والا من القاهره
مازن :نصه كدا ونصه كدا
زهره :ازاي؟؟
مازن :ابوه صعيدي وامه من القاهره
زهره:عشان كدا كان بيتكلم صعيدي كويس لما كان بيكلم الغفر
بصت على جنا
زهره:جنا نامت
احتضنتها بحب الحمدلله انا مش مصدقه اني رجعت بيها
مازن:الحمدلله
وصلوا الفيلا
الكل قابلهم بفرح وترحاب
جيهان:الحمدلله انكم رجعتوا بسلام
مازن:الحمدلله
جيهان:البيت كان وحش من غيركم وبالذات جنا
مصطفى:الحمدلله انكم حليتوا الموضوع دا عشان كل الاطراف ترتاح
مازن:الحمدلله
مصطفى:يلا يابني اطلعوا ارتاحوا اكيد تعبانين
وفعلا بعدها طلعوا ارتاحوا
عدى اسبوع
مازن خرج هو وزهره وجنا يشتروا حاجات كانوا محتاجنها
كانوا واقفين وفجاءه حد نادى على مازن
مازن وبص على مصدر الصوت
وكان مروان ومعه اخواته اتنين بنات
ودول تؤام روضه وريم
مروان قرب منهم وسلم على مازن والقى التحيه على زهره اللي ابتسمت بفتور لانها مش بترتاح لمروان ونظراته
مازن كمان سلم عليه وعلى اخواته
واتكلموا شويه وبعد كده مازن اخد زهره وجنا ومشي
مروان وبيبص على زهره وتكااا اووي
ريم :يابني عيب بتعاكس مرات صاحبك
مروان:ماهو خطفها في ثانيه كنت عايز اخدها انا
روضه:انت مش قولت انها كانت متجوزه وعندها بنت
مروان:ايوه بس مووزه
ريم بضيق اووووف بقا منك انا همشي
&&&&&&&&&&&&&&&&
تاني يوم مازن كان في الچيم
اتفاجاء بمروان اللي دخل عليه
مازن: ايه يابني ما انا شوفتك امبارح ما قولتش انك جاي
مروان:عادي يعني جيت على بالي قولت اجي اقعد معاك شويه
ثم اكمل وهو بينظر على المكتب اومال السجاير فين دا انا كنت بلاقي ب٣علب على المكتب بطلتها والا ايه
مازن و هو بيفتح احد الادراج ويخرج علبه لا بس مقلل شويه منها
مروان:غريبه يعني اخر توقعاتي
مازن:عادي يعني مراتي بتحسس منها شويه
مروان:ماشي ياحنين دا الدكتوره جيهان بقالها سنين بتحاول في دا زهره عملته في وقت قياسي
مازن وبصله بضيق بمجرد ما نطق اسمها
مروان بتوتر :احم.. اقصد المدام يعني.. اطلبلي قهوه
مازن ورفع السماعه وطلب قهوه من البوفيه
القهوه جاءت
في الوقت دا دخلت جنا
الساعي حط القهوه
جنا وجريت على مازن وحضنته
مازن:قلب بابي..يلا جاهزين للتدريب
جنا وهزت رأسها اااه جاهزه
مروان:ايه ياجوجو مش هتسلمي عليا
مازن:سلمي على انكل مروان
جنا وراحت سلمت عليه ورجعت تاني ل مازن
مازن :اقعدي شويه هنا ياجوجو على ما التدريب يبداء
جنا قعدت على احد الكراسي
جنا:بابي موبيلك هلعب شويه
مازن واداها الموبيل
الباب خبط
ودخلت واحده منه
البنت:مساء الخير
مازن وبص لها باستغراب مساء النور
البنت حضرتك الاستاذ مازن
مازن:ايوه في حاجه اتفضلي
البنت دخلت وقعدت وخرجت اعلان من شنطتها انا جايه عشان الاعلان دا الخاص بمدرب السباحه
مازن:ايوه بس الاعلان مدرب مش مدربه
البنت وبصت في الاعلان :اه مأخدش بالي هتفرق؟؟
مازن:اه بالنسبه ليا فارق
البنت:طيب مينفعش اشتغل حتى لو مؤقت انا محتاجه الشغل اووي والله تقريبا حياتي متوقفه عليه
مازن وحس انها محتاجه مساعده
مازن :طيب تعالي نتكلم بره
مازن لمروان:مش هتأخر
مروان براحتك
مروان لجنا بتعملي ايه ياجوجو
جنا:بلعب يا انكل
مروان:طيب هشوف حاجه بس في الموبيل كدا
جنا:اتفضل
مروان واخد الموبيل
وبعت لنفسه حاجه منه
ورجعه بسرعه لجنا
قام وخرج من المكتب
مازن كان واقف مع البنت
البنت:حضرتك فهمتني غلط انا مش محتاجه فلوس
مازن: بوصي حواليكي الچيم دا رجالي فقط مفيش بنات غير البنات الصغيره اللي بتدرب سباحه ولحد سن معين كمان مفيش ستات بتشتغل هنا
البنت بزعل خلاص تمام ماشي اسفه لو عطلت حضرتك
مازن:طيب هاتي رقم موبيلك وانا هشوفلك شغل عند ناس اعرفها لو كده هبقا اديهم رقم موبيلك
البنت:طيب تمام رقم حضرتك وانا ارن عليك اصل مش حافظه الرقم
مازن :تمام ٠١......
البنت:انا اسمي ريهام
مازن :تمام تشرفنا
ريهام واتحركت من مكانها وخرجت
مازن وراح اتجاه المكتب
قابله مروان
مازن:ايه يابني رايح فين؟؟
مروان:همشي بقا شكلك مشغول
مازن:طيب خليك شويه ملحقناش نتكلم مع بعض
مروان:خليها مره تانيه ونبقا نتفق ونتقابل
مازن:تمام زي ما تحب
مروان مشي
ومازن دخل المكتب واخد جنا وراح على المكان اللي فيه تدريب السباحه وبداءت تدرب مع المدرب ومعها بنات وولاد تانين
مساء
زهره كانت في غرفتها
جات لها رساله على الواتساب
(جوزك بيخونك)
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هنااااااا
 رواية حكاية زهرة الفصل الرابع وعشرون…){kind=link}
تعليقات
إرسال تعليق