مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 رواية حبيبتي مجنونه رسمي الفصل الثانى 2بقلم رحاب القاضي جديده وحصريه 

رواية حبيبتي مجنونه رسمي الفصل الثانى 2بقلم رحاب القاضي جديده وحصريه 

#حبيبتي_مجنونه_رسمي

_الحلقه الثانيه

ــــــــــــــــــــــــــــــــــــــــ

لطمت ام علي وقالت _

هو انت بتفهم ازاي ياااه، انا قولتلك هات عروسه نروح نخطبها مش تتجوز وتجيبلي وحده لا ليها اصل ولا فصل.. 

زعقت ناهد في علي وقالت _

وبعدين بقي ما تسكت امك.. 

علي بنفاد صبر قال _

اسكتي اسمعي واسكتي زي ما انا ساكت عادي هتشوفي من ده كتير... 

ام علي بقلق وهي بتبص لناهد وقالت_

ومالها يا واد يا علي لابسه جلابيه بيضه كده ليه، يالهوي اتجوزت مجنونه يا ابن المجنونه.. 

ناهد بغيظ قربت منه وقالت بصوت واطي _

بقولك ايه سكت امك انا فيا اللي مكفيني وعلي اخري منك... 

علي بحده رد علي مامته وقال _

يا ماما في ايه بقي حد يقول كده، علي العموم دي مش مجنونه بس دي.. 

ام علي بعصبيه قالتله _

ايوه دي ايه بقي فهمني عشان انا جيبت اخري منك.. 

رد عليها وقال _

دد دي تبقي دكتوره زميلتي اتعرفنا علي بعض من فتره واتجوزنا اهو بسرعه عشان ما تزعليش. 

ام علي  بشك _

اممم وايه اللبس ده.. 

ردت عليها المره دي ناهد وقالت _

اتكب شاي علي الفستان بتاعي فا علي قالي اغيره والبس دي... 

علي لهدوء قال لمامته_

ايه بقي يا ست الكل هتسبينا واقفين علي الباب كده؟.. 

_دخلتهم ام علي البيت وراحت جهزت ليهم عشا وقعدو كلهم ياكلو، فبصت ام علي لناهد اللي ما كانتش بتاكل وقالت بحده.. 

ام علي _

ما تاكلي ولا الاكل مش عاجبك.. 

ردت عليها ناهد بهدوء وقالت _

لا تسلم ايد حضرتك انا بس مش جعانه.. 

ام علي بهدوء قالتلها _

لا بقولك ايه انا مرات ابني تقولي يا ماما فاهمه.. 

اتنهدت ناهد وردت عليها وقالت _

حاضر يا ماما... 

علي مال علي ناهد وقالها _

ممكن تاكلي انا عارف انك ما اكلتيش حاجه اليوم كله.. 

ردت عليه ناهد بغيظ وقالت _

خلقتك انت وامك سدت نفسي.. 

ام علي بحده _

بتقولي حاجه يا مرات ابني؟... 

ردت عليها ناهد بخوف وقالت _

لا ابدا والله ما قولتش.. 

ام علي _

الا انتي فين هدومك وجهازك.. 

علي بقلق رد علي مامته وقال _

لا يا ماما اصل انا وناهد هنعيش معاكي هنا فملوش لازمه الجهاز بكره هتروح تجيب هدومها بس.. 

ام علي _

واهلها فين انا عابزه اتعرف علي نسايبك.. 

ناهد بصوت واطي لعلي قالتله _

اجيبلها جوز امي والنبي.. 

علي بغيظ _

اكتمي يا وليه انتي... 

وبعدين رد علي مامته وقال _

مامتها وجوز مامتها مسافرين هيجو قريب واعرفك عليهم... 

ام علي _

طيب مش خلصت اكلك خد عروستك وروحو نامو يلا.. 

بص علي لناهد وقالها بتوتر _

احمم يلا.. 

ناهد بقلق _

هه بتقول حاجه.. 

علي بغيظ _

بقيتي طرشه يعني، بقولك ايه قومي معايا عسان الوليه دي لو مقومناش دهلنا جوه دلوقتي هتخلينا ننام علي السلم بتاع العماره.. 

ام علي بخبث _

هاا ما تقومي ما جوزك ولا ايه الحكايه بالظبط.. 

علي بخوف رد علب مامته قال _

قايمه يا ماما بس هي مكسوفه صح يا حبيبتي.. 

ردت عليه ناهد وهي متوتره جدا وقالت _

ااه ااه مكسوفه يلا يا عمر.. 

علي بغيظ _

اسمي علي الله يخربيتك.. 

ناهد بسرعه قالت _

قصدي ابو عمر عشان احنا يا ماما قررنا لما نخلف بيبي هنسميه عمر.. 

علي بهدوء _

يلا يا ام عمر.. 

_دخلو اوضتهم وقفل علي الباب، فوقفت ناهد قدامه وقالتله بحده.. 

ناهد _

المفروض اني انا هبات هنا معاك، انا وافقت اتحوزك علي الورق وبس.. 

سابها وراح نام علي السرير وقال _

ما تقلفيش هيفضل علي ورق، بس سبيني انام.. 

ناهد بضيق سالته _

انت هتنام بهدومك حتي قوم اقلع الجزمه.. 

رد عليها علي وقال وهو مغمض عينيه _

هقلعهم الصبح وانا بغير هدومي عشان اروح الشغل.. 

ناهد بغيظ _

ده اسمه عفن ده علي فكره.. 

_لقيته ما ردش ونام بسؤعه فا غصب عنها ضحكت وقربت من رجله وقلعته الجزمه وحطتها علي الارض وجابت مخده حطتها بينهم ونامت جنبيه.. 

_وتاني يوم الصبح صحيت لقيت علي حاطنها فصوتت وهو بعد عنها بخوف ووقع من علي السرير وقام وقف وقالها بفزع.. 

علي _

في ايييييه مسكتي العفريت... 

ناهد بعصبيه _

انت كنت حاضني وانت نايم يا حيوان... 

اتنهد لعصبيه وقرب منها وهي جريت من قدامه فزعق فيها وقال _

الله يخربيتك سنينك قطعتيلي الخلف، وبعدين حضنتك وانا نايم من غير ما احس ما تخدتش منك حته يعني.. 

ناهد بكسوف وتوتر قالتله _

لا برضو كده غلط وما ينفعش.. 

شدها من دراعها وقال _

ما كنتش ضربتك علي ايدك عشان تنامي جنبي، جيتي بمزاجك، اول واخر مؤه تخضيني كده.. 

فضلت تضحك وقالتله _

بس شكلك يفطس من الضحك وانت بتقع من علي السرير.... 

سابها ودخل الحمام وقال _

ليك يوم يا ظالم، مردودتلك.. 

_اخد ساور وطلع لاقاها نامت علي السريؤ تاني، فبصلها وسرح فيها شويه وبعدين طلع لقي مامته بتفطر فقعد يفطر معاها وقالها.. 

علي _

صباح الفل يا ماما؟.. 

ام علي بحده قالتله _

انت رايح فين يا ولد؟.. 

رد عليها علي وقال _

رايح المستشغي يا ماما هكون رايح فين يعني... 

ام علي بعصبيه _

لا والنبي هو في عريس بيروح شغله يوم صبحيته.. 

رد عليها علي بهدوء وقال _

لا ما هي ناهد عروستي بتصحي علي بعد الضهر، لما هي تصحي بقي انا هاجي، يلا بقي سلام.. 

_سابها علي ومشي وكملت ام علي فطارها وبعد شويه قامت تشيل الافطار فطلعت ناهد من اوصتها وقالت.. 

ناهد بهدوء _

صباح الخير يا ماما.. 

ام علي بضيق _

صباح النور، انتي ازاي يا بنتي تخلي جوزك يوم الصباحيه يروح الشغل.. 

ردت عليها ناهد بتوتر وقالت _

ااا معرفش انه راح اكيد راح من غير ما يقولي.. 

ام علي بغبظ_

ماااشي يا علي بس اما يجي انا هربيه.. 

سالتها ناهد وقالت _

هو حضرتك بتعملي ايه؟.. 

ردت عليها ام علي وقالت _

بلم الافطار وهعملك سندوتشات تفطري وبعدين اجهز في الغدا علي مهلي.. 

ناهد قالتلها _

لا طبعا ما بصحش اقعدي انتي وانا هعملك كل حاجه.. 

ام علي وهي فرحانه ردت عليها وقالت _

مش هكسفك واقول لا بس هخليكي تساعديني، بس قوليلي الاول انتي مش معاكي هدوم صح؟.. 

سكتت ناهد بحزن فقالتلها ام علي _

انا مس هسالك اتجوزتك ازاي ولا انتو مين هستني ابني يقولي الحقيقه بس مينفعش تقعدي كده انا هدخل اجيبلك حاجه تناسبك من عندي تلبسيها وبعدين نروح نشتري هدوم... 

ناهد بدموع _

بجد شكرا ربنا يخليكي.. 

ــــــــــــــــــــــــــــــــــــــــ 

في المستشفي اول ما دخل هاي لقي عز واقف مع واحد، فقرب منهم وقال.. 

علي _

خير يا دكتور عز في حاجه ولا ايه؟.. 

رد عليه عز وقال _

المريضه ناهد هربت وباباها بيسأل عليها.. 

قال علي بكل برود _

ااه قصدك جوز امها مش باباها.. 

محمد بعصبيه _

مين البني ادم ده؟.. 

قبل ما عز يرد سلم علي علي محمد وقاله _

اعرفك بيا الدكتور علي الشاذلي اكبر مسؤل بعد المدير عن المستشفي.. 

محمد بضيق _

اهلا ممكن تغخمني ازاي بنتي تهرب.. 

علي بهدوء _

قصدك ناهد بنت مراتك لا هي ما هربتش ولا حاجه.. 

عز بسرعه سأله وقال _

انت تعرف مكانها هي راحت فين؟.. 

رد عليه علي بهدوء وقال _

ايوه عندي في البيت.. 

محمد بعصبيه _

هي المجنونه دي سابت النستشفي وراحتلك البيت.. 

زعق فيه علي وقال _

بقولك ايه يا جظع انت اياك تقول عن نراتي مجنونه.. 

محمد وعز بصدمه قالو _

ايييييه مراتك.. 

علي ببرود قال _

ايوه مفيش مبروك ولا ايه؟.. 

محمد بحده _

انت اتجوزتها ازاي ده انا هوديك في داهيه انك اتحوزت وحده مش في كامل قواها العقليه.. 

علي بهدوء قاله _

اثبت هاتلي ورقه واحده تثبت انها مجنونه وانا بنفسي اقولك انها طالق... 

_خلص كلامه وسابها ومشي وراح مكتبه، وكان قلقان من اللي ممكن يعمله جوز ام ناهد، وكمان مش عادل ازاي هيتعامل مع ناهد اللي بقيت مراته بس هو فرحان انه اتجوز وبقيت في وحده مراته... 

ــــــــــــــــــــــــــــــــــــــــ 

رجع اخر اليوم علي من شغله ولقي ناهد لابسه فستان حلو جدا فاول ما شافها قالها بأنبهار.. 

علي _

اه يا قمر يا بنت الايه... 

ناهد وشها احمر وقالتله بكسوف ـ

ااا انت احترم نفسك ايه قلة الادب دي.. 

طلعت مامته من اوضتها وهي ماسكه شنطه كبيره في ايدها وقال... 

ام علي _

ههههههه يا بت جوزك هو حد غريب... 

علي بقلق ـ

انتي رايحه فين يا ماما.. 

ام علي بخبث ردت عليه وقالت _

خالتك تعبانه يا حبيبي هروح اقعد عندها اسبوع كده.. 

بصت ناهد لعلي وقالت _

اممممممم امك ما ينفعش تمشي وتسيبني معاك لوحدنا اتصرف.. 

بصلها علي وقال بخبث هو كمان _

تروحي وتيجي بالسلامه يا ماما، تحبي اوصلك ولا هتروحي لوحدك.. 

بصتله ناهد بغيظ وردت عليها مامته وقالت _

لا يا حبيبي خليك مع مراتك، انا طالبه اوبر.. 

_نزلت مامته وهو جه يقرب من ناهد بعدت عنه وزعقت فيه وقالت. 

ناهد بحده _

انت هتعمل ايه لا لم نفسك.. 

طلع علي موبيله وكلم امجد صاحبه وقاله _

بقولك يا واد يا امجد خدلي اجازه اسبوع، ولو المدير سألك قولو اتجوز وفي شهر العسل... 

قفل علي الموبيل وبصتله ناهد بعصبيه وقالت _

تصدق انا اللي غلطانه اني قبلت بالاتفاق العبيط ده، قال ايه اتجوزك فتره علي الورق انا اخلص من جوز تمي وانت تراضي امك، يا اخي الله يخرب بيت امك.. 

مسك ايدها وقال _

طيب انتي رايحه فين؟.. 

ردت عليه ناهد وقالت _

ماشيه اقعد في مستشفي المجانين ارحم من هنا... 

علي رد عليها بهدوء وثقه وقال _

تتجوزيني؟.. 

ناهد بتوتر قالتله _

انت بتستظرف ما احنا متجوزين اصلا.. 

علي بجديه _

تتجوزيني بجد انا عارف عنك كل حاجه وانتي واتجوزنا، يمكن كل اللي حصل ده سبب عشان نتقابل.. 

اتملت عيونها دموع وسالته _

ليه انا، انا واحده مجنونه رسمي وكانت مريضه عندك.. 

علي بسخريه رد عليها وقال _

ده هما اللي مجانين جوز امك او عز دول ناس مريضه وهي اللي محتاجه تتعاقل، انما اللي قدامي دي اعقل واحده في ةلدنيا خطفت قلبي من اول مره شوفتها فيها وخلتني ادافع عنها واساعدها وافكر فيها وانا مش كده اصلا.. 

ناهد مسحت دموعها وسالته وقالت _

انت عايز مني ايه؟.. 

رد عليها بخبث وقال _

عايزك تشرحيلي جوز امك كان بيعتدي عليكي ازاي... 

ضحكت ناهد غصب عنها وقالت _

والله انت راجل نكته... 

ــــــــــــــــــــــــــــــــــــــــ 

_عدي اسبوع وكانت ناهد وعلي حياتهم حلوه زمبسوطين ورحعت مامته، وهو كمان رحع شغله وكان بيلف علي المرضي بس اول ما دخل مكتبه لقي محمد جوز ام ناهد قاعد قدامه فقاله.. 

علي _

اهلا ابو نسب نورت.. 

محمد بضيق قاله _

حمد لله علي السلامه يا عريس.. 

قعد علي ع مكتبه ورد عليه بهدوء وقاال _

الله يسلمك اما الجواز ده طلع جميل بشكل.. 

رد عليه محمد بحده وقاله _

كفايه بقي لف ودوران وكفايه عليك اسبوع رجعهالي بقي.. 

اتعصب علي وقاله _

انا هعتبر ان الكلمتين دول ما اتقالوش علي مراتي، عشان لو اعتبرت غير كده هقطعلك لسانك انت فاهم.. 

وقف محمد وقاله بحده _

تمام يبقي ما تزعلش من اللي هعمله،وعلي فمره كل اللي انت شوفته في الجواز شوفته قبلك مع ناهد.. 

_مشي محمد وقعد علي متعصب ومدايق جدا، ومكملش اليوم ورجع البيت ما لقيش لا مامته ولا ناهد وبعد شويه جم وكانت ناهد مبسوطه اووي بس لما شافته مدايق قالتله.. 

ناهد _

مالك يا علي في ايه؟... 

رد عليها بحده وقال _

ما قولتيش ليه انك طالعه،مش شيفااني راجل عشان تاخدي اذني.. 

ناهد بقلق ـ

انت بتقول ايه انا بخرج. عادي مع ماما يا علي.. 

ام علي بحده _

جرا ايه يا واد انت ما تتكام معاها كويس.. 

علي بحده _

ماما لو سمحتي ما تدخليش عشان كل ده بسببك انتي اللي خلتيني اروح اتجوز اي واحده من الشارع.... 

دمعت عيون ناهد وقالتله بحزن _

احنا فيها اهو صلح غلطتك وطلقني.. 

قرب منها وقال بحده _

اااه اطلقك عشان تروحيله صح.. 

ام علي بضيق قالت _

جرا ايه با ولد انت ما تحترم نفسك.. 

علي بسخريه ـ

اسكتي يا ماما انتي مش فاهمه حاجه اصلا.. 

قربت ناهد منه وقالت بحده _

ولا انت اصلا فاهم حاجه انا لو عايزه اروحله ما كنتش شوفتك اصلا ولا فضحته وخليته يقول عليا اني مجنونه، بس انا استاهل اكتر من كده انا اقعد في الشارع ولا اقعدشي عندك دقيقه كمان... 

مسكها من ايدها جامد وقال بحده _

استني هنا انتي ىايحه فين، متنسيش انك لسه مراتي.. 

سحبت ايدها منه وقالت بعصبيه ـ

طلقني وريح نفسك وسيبني اغور في داهيه... 

ام علي بحزن قالت _

طيب خلاص اغزو الشيطان يا اولاد، وتعالي بس يا علي معايا عايزاك في كلمتين، وانتي يا ناهد يا بنتي ادخلي اوضتك ارتاحي كده وهدي اعصابك.. 

_ستبتهم ناهد ودهلت جوه، ودخل علي مع مامته في اوضتها، وقالت مامته بعصبيه.. 

ام علي _

في ايه البنت دي مش وحشه الناس بتبان من هييتها، وبعدين انا عارفاك كويس هي لو كانت وحشه انت ما كنتش اتجوزتها... 

علي بضيق رد علي امه وقال _

انا عارف كل ده يا ماما، بس جوز امها جه قالي كلام تعب اعصابي نا بقتش عارف اعمل ايه، فكرت ان راجل غيري قرب منها مجنناني.. 

ام علي بحده _

هي قالتلي ما حدش قرب منها وانت اكيد. عارف كده كويس، هو جه يستفزك عشان تتخانق معاها وتخليها تمشي وهو بقي يستفرد بيها.. 

علي بقلق _

انتي عارفه كل ده منين؟.. 

ضخكت مامته وقالت _

مش بقولك انها بنت كويسه من يوم صبحيتكم وهي حكت ليا كل حاجه... 

ابتسم علي وقال ـ

هو انا عكيت الدنيا اووي.. 

ام علي طبطبت عليه وقالت _

روح راضي مراتك يا حبيبي وصالحها يلا.. 

_طلع علي وقبل ما يدخل اوضة ناهد الباب خبط طلعت ناهد وقالت بخوف...

ناهد _

امي وحوزها بيخبطو شوفتهم من البلكونه...

_طلعت مامته وهو اتنهد بضيق وراح فتح، واول ما شافهم قالهم... 

علي _

امشو من هنا.. 

ام ناهد _

هات بنتي وامشي.. 

ذقته ودخلت ودخل بعدها محمد اللي بص لناهد. بطريقه مش كويسه، وقالت ام ناهد بعصبيه.. 

ام ناهد _

بقي دي اخرتها تتجوزي من ورايا انا وابوكي.. 

اتعصبت ناهد وقالتلها _

انتي ليه اللي جابك هنا، ده مش ابويا انتي مش مصدقاه ومدباني ابعدو عني بقي انا عرفت كل حاجه هو جوزك وانتي كتبتيني باسمه انما انا مش بنته.. 

محمد بسخريه _

تبقي علي اسمي تحسن ما تبقي بنت حرام.. 

زعقت فيه ناهد وقالت _

ابقي بنت حرام ومبقاش بنتك يا حقير، انت لو بتعتبرني بنتك ما كنتش تعتدي عليا.. 

ام ناهد بحده _

يا بنتي بطلي كدب وافتري بقي.. 

زعق فيها علي وقال _

مراتي مش بتكدب.. 

وقفت ام علي هي كمان جنب ناهد وقالت _

وانا مرات ابني مش بتكدب... 

محمد بعصبيه _

من غير شوشره ولا فضايخ احنا جاين ناخد بنتنا ونمشي.. 

مسكت هي في ايد علي وقالتله_

اوعي تخليهم ياخدوني عشان خاطري والله هما بيكدبو هو عايز ياذيني وماما مش مصدقااني متسبنيش يا علي.. 

قالها علي بهدوء _

اسيبك ايه يا مجنونه انتي، هو في حد يسيب حبيبته وقلبه برضو ... 

بص لمحمد وقال بعصبيه وكانه اتحول_

اسمع يا راجل انت ام ناهد عايزه تيجي تشوفها اهلا بيها في اي وقت هنا في بيت ناهد، انما اسوف وشك تاني هشلفطه ليك، وتاخد مراتك وتمشي والا ورحمة ابويا اكلم الشرطه واوديك في داهيه... 

ام ناهد _

بقي ده اخر كلام عندك يا ناهد.. 

ردت عليها ناهد وقالت_

ايوه ومش هسيب جوزي.. 

_مشي محمد وام ناهد وهما متعصبين من علي وناهد، وقربت ناهد من علي وقالتله... 

ناهد _

شكرا ليك يا علي انت وماما،وانا مش هسبب ليكم ازعاج اكتر من كده وهمشي علي طول اروح اي مكان.. 

علي بهدوء _

بحبك وبغير عليكي يا مجنونه وكنت جاي متعصب لان واحد زي ده بيفكر فيكي... 

ناهد بغيظ _

هعدبهالك يا علي بس والله لو قولت اللي قولته ده تاني همشي ومش هتعرف ليا طريق... 

ام علي _

طيب اروح اجهزلكم الغدا ولا ايه؟. 

ناهد بكسوف ردت عليه وقالت _

وانا كمان بحبك يا حيبي... 

علي بمرح _

غدا ليه واحنا عندنا الحلويات كلها يا ام علي يا عسل انتي.. 

_ضحكو هما التلاته وقضو باقي ايامهم في هدوء وسعاده وصدق من قال«ربما صدفه خير من الف معاد» 

_النهايه

ــــــــــــــــــــــــــــــــــــــــــــــ

#بقلم_الكاتبه_رحاب_القاضي