رواية حكاية زهرة الفصل الثالث عشر 13بقلم شيماء منير (حصريه وجديده في مدونة موسوعة القصص والروايات)
رواية حكاية زهرة الفصل الثالث عشر 13بقلم شيماء منير (حصريه وجديده في مدونة موسوعة القصص والروايات)
الفصل الثالث عشر
رجعوا من الساحل
وعدى اسبوع وكل واحد بداء يرجع لحياته وشغله
ساره رجعت بيتهم
ودا ريح مازن اكتر على الاقل لما يكون في البيت
حسام ومريم بيستعدوا وبيجهزوا الجناح اللي في الفيلا لهم عشان خلاص قرب ميعاد الفرح
عمر اخد اسبوع راحه من الشركه بعد رجوع مصطفى وحسام
ودا ضايق فتون لانها كانت نفسها تشوفه اووي وعدم وجوده كان مش محببها في الشركه
سوزي طلبت من عمر ينزل يشترى لها شويه طلبات من سوبر ماركت
وفعلا نزل واخد العربيه وراح يشتري لها اللي طلبته
____________
عند مازن وزهره
كانوا قاعدين على السفره بيتغدوا
زهره بتردد :مازن كنا عايزين نشتري شوية حاجات كده للبيت
مازن وهو بياكل:ماشي اكتبي الحاجه اللي انتي محتاجاها وانا هبعتهالك
زهره تمتمت بخفوت:ماشي
جنا:ليه يابابا ماتيجي نخروج ونروح نشتري الحاجات دي سوا مع بعض زي كل اصحابي بيخرجوا مع بابهم ومامتهم للماركت
زهره بضيق خفيف: جنا عيب كدا بابا قال هيبعتها خلاص
مازن:اهدي ايه المشكله ؟؟؟
وبص لجنا فكره حلوه ياجوجو خلاص نخرج نشتريها كلنا سوا
زهره:عشان مش تعطل شغلك
مازن:مش هتفرق ساعتان كمان ايه المشكله فداكم اي حاجه
جنا بفرح:هيييييه بحبك اووي يابابا
مازن:وانا كمان ياجوجو بموت فيكي ياقلب بابا
زهره:يعني اطلع انا منها
مازن:ابدا يازوزه منستغناش عنك
ابتسمت زهره بخجل
مازن:يلا قوموا اجهزوا
زهره وجنا قاموا جهزوا
وبعد كدا نزلوا
وصلوا لماركت معين وكبير
وبدوا يختاروا حاجات اللي محتاجينها
جنا وكانت مسكه في ايد مازن ومبسوطه اووي
______
عمر وكان واقف في الماركت وبيكلم سوزي في الموبيل وبيشتري الحاجات اللي بتقوله عليها
فجاءه بيوص قدامه لاقي مازن وهو شايل بنت على اكتافه وماشي جمبه واحده وبيشتروا حاجات ويهزروا
عند مازن:الست جوجو تؤمر بس
زهره:تؤمر اكتر من كدا بجد مش حابه دايما شايلك لها كدا هي مش صغيره
مازن:انا مبسوط طول ماهي مبسوطه وبعدين هي تعبانه في ايه كدا
زهره :انا مش متكلمه انا هسكت احسن
مازن:ههههههههه انا بقول كدا بردوه
فجاءه لاقى عمر واقف قدامه بسنتيمترات وعلى وشه الدهشه
مازن ابتلع ريقه ببطئ
ونزل جنا من على اكتافه
في جو من الصمت بين الاتين
قطع الصمت مازن
مازن لزهره:خودي المفاتيح دي واستنيني في العربيه انتي وجنا
زهره بصتله بقلق وخايفه انها تكون سببتله مشكله
طمنها بعيونه
وقرب من ودنها وبصوت هادئ قال مش هتأخر عليكم
زهره واخدت المفاتيح واخدت جنا وخرجت على بره
مازن قرب من عمر اللي مازل الدهشه باينه على وجهه
مازن:ازيك ياعمر
عمر:تمام الحمدلله
مازن:احم طنط وعمو ومريم عاملين ايه؟؟
عمر:كويسين
مازن :مكانش عارف يبدا ازاي
عمر. فااضلل بصصله ومستنيه يتكلم
مازن:مراتي على سنه الله ورسوله
عمر بدهشه اكبر وبنتك؟؟؟!!
مازن:لا
عمر:ايه الفزوره دي؟؟
مازن:بوص ياعمر هو الموضوع ميتقألش كدا هقابلك ونتكلم واحكيلك بالتفصيل بس دلوقت مش هينفع
عمر:تمام
مازن بصله شويه في صمت
عمر وفهم نظرته
عمر: ولا كأني شوفتك اصلا
مازن ابتسم بخفه تمام
مازن وخرج لزهره وجنا
زهره كانت. قاعده في العربيه قلقانه
هي مش عايزه تخسره في اي حال من الاحوال ياترى دا مين شكله قريب ليه اووي اكتر من انه يكون صاحبه هو كمان بان عليه الدهشه
بصت حوليها بتوتر هي اصلا مكنتش عايزه تخرج خايفه عمار يشوفها في اي مكان بس هتفضل تستخبى لحد امتى
فاقت من شردوها على صوت شنطة العربيه بتتفتح
الظاهر ان مازن جيه وبيحط الحاجه
اتعدلت في قاعدتها
مازن وفتح باب العربيه وركب وبداء يشغل العربيه
وطلع على طول في صمت
زهره:هو مين دا؟
مازن:عمر بن خالتي
زهره بخوف:يعني ايه ماهو ممكن يروح...
قاطعها مازن متقلقيش مش هيتكلم وبعدين مايتكلم كدا كدا هيعرفوا احنا مش هنطول كدا كتير لازم الكل هيعرف
زهره:انا مش عايزه اعملك مشاكل بينك وبين اهلك
مازن:ان شاء الله مفيش مشاكل انا هعرف اظبط كل حاجه
زهره بدموع ازاي اكيد هيكون عندهم اعتراض
مازن وبص لجنا االي كانت مركزه معاهم زهره في ايه نهدا شويه مش وقته كلام
زهره ومسحت دموعهاوهي بتبص لجنا اللي كانت مركزه معها وزي ماتكون هتعيط
مازن وحب يغير الجو دا جوجو قلبي انبسطي
جنا:ايوه يابابا
مازن:ماشي ياعمري
وصلوا لحد العماره وطلع معاهم وطلع الحاجه اللي اشتراها
وقعد معاهم شويه ونزل راح الجيم
_____________
عدى اسبوع
مازن كان مشغول بين الجيم وبيروح لزهره
كان في الجيم
الغريبه انه مكلمش عمر ولا قابله
افتكر ان رقم عمر معه
مازن رجع ظهره لواره
عمر كان في مكتبه
موبيله رن
كان رقم غريب
عمر ورد
عمر:الو
مازن:ايوه ياعمر ازيك
عمر:الحمدلله من معايا
مازن:انا مازن
عمر:اه ازيك يامازن عامل ايه؟
مازن:تمام..كنت عايز اشوفك ونتكلم
عمر:ماشي انا في الشغل دلوقت بعد الشغل
مازن:ايوه ما هو مش دلوقت الساعه ٥كدا على ما اكون خلصت شغل
عمر:تمام
مازن :هنتقابل في كافيه...
عمر:ماشي خلاص نتقابل هناك
______________
عند زهره كانت هاله قاعده معها
زهره بضيق:اووف اعمل ايه ؟؟
هاله:انا قولتله انك سافرتي بره مصر بس هو مش مصدقني
زهره:ايوه افضلي قوليله كدا ..ايه فكروا بيا دا
هاله:المره دي بجد ومجنني لدرجة فكرت اسيب الكافيه واروح اشتغل في مكان تاني ..
زهره:ربنا يسترها
هاله:جنا هترجع امتى؟
زهره:نص ساعه كدا
هاله:طيب هقوم امشي انا
زهره:لا اقعدي بالله عليكي اتغدي معنا
هاله:لا بلاش وعشان لو جوزك رجع من شغله
زهره:لا مازن مش هيجي النهارده انا مكلماه وقال مش جاي خليك بقا عشان خاطري جنا هتفرح اوووي...
_____________________________في احد الكافيهات
كان
يجلس كل من عمر ومازن على احدى الطاولات
مازن:تشرب ايه؟؟
عمر:ماشي قهوه مظبوط
مازن طلب قهوه ليه ولعمر
عمر:بس غريبه مكلمتنيش على طول توقعتك هتكلمني اول ماتروح..والا كنت بتختبرني وتشوفني هقول لحد والا ايه ومكونش قد الثقه دي وانك تحكيلي عن الموضوع دا
ابتسم مازن بخفه وان عمر فهمه
الجرسون جاب القهوه
مازن وخرج سيجاره
عزم على عمر
عمر:انت عارف اني مش بشرب
مازن وولع سيجاره يمكن تكون غيرت رايك
ابتسم عمر بخفه:لا ماليش في الجو دا انت عارف
مازن وارتشف من القهوه مش بعرف اشرب القهوه من غيرها
عمر:اممم عارف ملاحظ دا
مازن:اتعرفت عليها في الكافيه دا كانت بتشتغل هنا
عمر بصله بانتباه وعرف انه بيتكلم عن مراته
مازن:هي كانت ارمله وعندها البنت دي ..فانا اما قبلتها هنا حبيتها واتجوزتها عند مأذون وشهود وكدا
عمر:ليه محدش يعرف وبالذات في البيت عندك
مازن:ان شاء هعرف الكل بس بعد فرح حسام ومريم
عمر:اممم يبقا اكيد عارف انهم ممكن يرفضوا الموضوع
مازن:معرض لدا بس انا عايزه بظروفها ايان. كانت
عمر:انا مش ضدك يامازن بس انا ضد انك خبيت عليهم الصح كنت تقولهم..وحاول في اقرب وقت تعرفهم وتعلن الموضوع دا انا عارف انها جوازه مختلف عن العرف اللي ماشي وممكن يكون في اعتراض وخصوصا من عمو مصطفى وخصوصا انك عملت دا من غير معرفته لكن ظروفها دي مش عيب ولا غلط
مازن:تمام..
____________________
عدي يومين
مازن كلم زهره وقالها انهم هيخرجوا يتعشوا بره النهارده
زهره كانت مبسوطه بس كانت خايفه اكتر ...
جهزوا هي وجنا
ومازن عدى عليهم
قعدوا في مطعم وطلبوا الاكل
المطعم كان هادئ وقضوا وقت لطيف فيه
خلصوا عشا وقاموا عشان يمشوا
زهره وجنا كانوا سابقين مازن بشويه
مازن ومشي فجاءه بنت خبطت فيه وكانت ماسكه عصير في ايدهاووقعت عليه
مازن:مش تاخدي بالك يا انسه
البنت بدلع وهي بتقرب لمازن سوري ما أخدتش بالي
مازن ورجع خطوه لواره
البنت وقربت وحطت ايدها على قميصه ومسحت العصير اللي وقع على قميصه
وقربت منه وبصوت هامس انا باجي هنا كل يوم
مازن وابتسم بسخريه وشال ايدها بهدووقرب منها وبصوت هامس بس انا مش باجي ولا هاجي باااي
واتحرك من مكانه وراح لزهره اللي كانت واقفه ومراقبه الموقف من بعيد وشها اتغير وبان عليها الضيق وخصوصا بعد ما شافت مازن بيضحك للبنت وبيكلمها بس طبعا مش عارفه هما بيقولوا ايه
مازن قرب منهم ولاحظ دا
زهره اتحركت بضيق ومسكت جنا في ايدها
وصلت عند العربيه ومازن وراهم
فتح العربيه
جنا وركبت وراه
مازن ركب وزهره ركبت جمبه
مازن طلع بالعرببه
مازن :تحبوا ترحوا اي مكان تاني
زهره بضيق واضح في كلامها لا عايزين نروح
جنا :ليه ياماما نروح نأكل حمص بالشطه
زهر ه بعصبيه:جنا اسكتي شويه
مازن وطلع على الشقه من غير كلام
وصلوا عند العماره
زهره نزلت من العربيه ورزعت الباب
مازن بصلها ومعلقش
ونزل هو كمان
فتحت الباب لجنا
جنا مسكت في ايدها
ومازن قفل العربيه
قابلهم خليل البواب
خليل:حمدلله عل السلامه ياهانم
زهره مردتش عليه ووقفت قدام الاسانسير
خليل استغرب طريقتهاوخصوصا انها على طول بتكلمه بطريقه حلوه ومتواضعه
ووجه كلامه لمازن حمدلله عل السلامه يامازن بيه
مازن وحط ايده على كتف خليل :الله يسلمك ياخليل
مازن قرب من زهره وحط الشفره في الاسانيير وفتحه
دخلت وجنا معها ومازن دخل هو كمان وطلعوا شقتهم
زهره على طول دخلت الاوضه وغيرت الفستان اللي كانت لابسه ولبست بجامه
كانت جنا ومازن في الايفنج
زهره:جنا قومي يلا عشان تغيري لابسك دا
جنا:سبيني ياماما اقعد شويه مع بابا
زهره بعصبيه وصوت عالي:قولت قومي يلااا
وقتها مازن بصلها بغضب
زهره وبلعت ريقها بتوتر
مازن بغضب:انا مستحمل طريقتك من ساعة ما خرجنا من المطعم لكن لحد البنت واستوب مش هسمحلك تنكدي عليها قبل ما تنام
مازن وبص لجنا:جوجو ادخلي ياحبيبتي اوضتك شويه
جنا:حاضر يابابا
جنا دخلت اوضتها
مازن ووقف قصاد زهره
مالك في ايه النهارده
زهره:مالي ..مفيش
مازن:لا في حاجه مش مظبوطه بقالك يومين وعصبيه زياده عن اللزوم
زهره:مفيش حاجه ..وبعد كدا اما تبقا عايز تصاحب بنات اعملها بس وقت مكونش موجوده معاك
مازن:افندم؟؟اصاحب؟؟على اساس اني مثلا لو عايز اصاحب بنات او اعمل علاقه مع بنت هستنى اخد رائيك
وقتها زهره بصتله بصمت ودموعها نزلت بغزاره
مازن: واتنهد بضيق.. انتي بتعيطي دلوقتي ليه؟؟؟
زهره بدموع:لو سمحت يامازن سبيني ارتاح مش عايزه اتكلم بقا
مازن وقرب منها وحضنها مش هينفع اسيبك كدا ايه اللي مزعلك اووي كدا.. انا والله ما اعرف البنت دي اصلا معقول معتدكيش ثقه فيا؟؟
زهره:انت كنت بتضحك معها وبتتكلم
مازن :ابدا والله انتي فاهمه غلط ..زهره انا بعشقك ومفيش حد في الدنيا يعملى عيني غيرك
ابتسمت من بين دموعها
مازن ومسك وشها بين ايده مش هتقوليلي ايه بقا اللي موترك كدا مش معقول موضوع البنت دا
زهره بتوتر بتحاول تدرايه مفيش حاجه
مازن:متأكده
زهره:اممم
مازن:طيب ممكن تعمليلي فنجان قهوه قمر زيك كدا
زهره بابتسامه خفيفه حاضر
زهره:دخلت المطبخ
سندت ظهرها على الجدار
وافتكرت اللي حصل من يومين
فلاش باك
رن الجرس الباب عند زهره
زهره وفتحت الباب
زهره:مي...
:مساء الخير يا جمر
زهره بتوتر:عمار..
عمار:ايو عمار اللي بجالك ٤شهور مدوخاه وراكي
زهره بصتله بصمت وخوف
عمار ورايح يدخل جنا فين اتوحشتها جووي
زهره وصدته بايدها انت اتجننت انت داخل فين اطلع بره....
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
 رواية حكاية زهرة الفصل الثالث عشر 13بق…){kind=link}
تعليقات
إرسال تعليق