رواية الظلم ظلمات الفصل الثاني 2بقلم مشيره محمد
رواية الظلم ظلمات الفصل الثاني 2بقلم مشيره محمد
#الظلم_ظلمات
#الجزء_الثانى
بعد كام يوم امينه كانت مستنيه عمران بره الدار.
عمران بلهفه لما شافها. خير يامه ايه مقعدك اكده بره الدار.
امينه بحزن. مستنياك يا ولدى.
عمران بقلق. فى ايه يامه حوصل ايه؟
فدوه ولا العيل حوصل ليهم حاجه.
امينه. ياريت.... ياريت يوحصلها يا ولدى ياريتها كانت ماتت وغارت هى واللى فبطنها ولا انهاتجيبلنا العار ياولدى.
عمران بغصب. واه عار ايه دى هى طلعت من الدار نوبه تانيه ولا ايه اللى حوصل ماتتكلمى يامه الله يرضى عنيكى.
امينه. انى روحت المستشفى انهرده
وجيبت دول وشاورت باللى فى اديها.
عمران. ايه ديه
امينه. التحليلات اللى انت عميلتها لما كشفنا حدا الدكتور وطلبها منيك
عمران. ما انى قولتلك مالهومش عازه خلاص.
امينه. الحمد لله انى ماسمعتش لحديتك لجل ربنا رايد يكشف الحقيقه. بقلمى مشيره محمد
عمران بعصبيه. حقيقة ايه يامه ما تتحدتى دوغرى امال
امينه. اللى فى بطن فدوه مش ولدك ياعمران ولا من دمك يا ولدى.
عمران بذهول. انتى بتقولى ايه ايه التخاريف دى؟ امال ولد مين يعنى ماتتحدتى يامه
امينه وهى بتشاور بالتحاليل. اسال الفاجره هى بس اللى خابره واهه التحليلات اهه بتقول انك مابتخلفش يا ولدى يبقى ايه.
عمران بغضب. كلام ايه الفارغ ديه
انى زين ومافياش حاجه ومرتى اهه حبله، بجى كرهك ليها يخليكى تتهميها بالساهل اكده.
امينه. فوق لنفسك فدوه بقالها معاك سنه ونص ومحبلتش ولما بقيت تروح وتاجى وتغييب بره الدار شالت وحبلت وربك يريد انك تعمل التحليلات لجل ما تتفضح وتنكشف على حقييتها،
فكر شويه وشوف ربنا عمل اكده ليه علشان يكشف الغمه عن عينك.
عمران بعد كلام امه اللى زى السم سريع المفعول اللى بيسرى فى الدم دخل زى الطور الهايج ينادى على فدوه لحد ما وصل ليها وهى قاعده
فى اوضتها وابتدا يضربها بجنان وهياج من اللى سمعه
عمران. ابن مين ده يافاجره ابن مين اللى فى بطنك يابنت الكلـ ب
فدوه بصراح. كنك جنيت فى مخك اياك اوعى سبنى ااه الحقينى ياماااه. بقلمى مشيره محمد
امينه. الحجك كيف وانتى طاعنه والدى فى ظهره، عمران مابيخلفش يافاجره واهه للتحليلات عتجول اكده يبقى ايه عاد شايله من مين ياسايبه يافاجره انتى .
فدوه بقهر. حسبى الله ونعم الوكيل
حسبى الله ونعم الوكيل فيكم هتموتنى ياعمراااان حرام عليك
عمران بيشدها من شعرها بغل بس امينه وقفت قدامه وقالت بخبث.
امينه. بكفياك ياولدى لتموت فى يدك وتروح فى داهيه لجل واحده ماتستهلشى وانى ماليش غيرك فى الدنيا طلقها..ارمى عليها اليمين خليها تروح بخيرها وشرها
عمران بصلها بغل وكره وشدها لبره الدار وقال. انى ماهوسخش يدى فى كلبه زيكى غورى ماشوفش وشك فى البلد كلاتها قتها هقتلك بيدى غووورى.
قفل الباب وقعد حط ايده على راسه و امه قعدت جنبه وقالت.
عين العقل اللى عملته يا ولدى هى ما تستاهلش تودر روحك عشانها.
فدوة فضلت فتره كبيره فى الشارع
مش عارفه تروح فين ولا لمين وبرد الليل بياكل فى جسمها اللى اكتفى من الضرب بس خلاص مافيش قدامها غير بيت عمها ومرات عمها اللى بتكرهاا بس هتروح فين ومين هيجيب لها حقها
مافيش حل تانى وماتعرفش باب تانى. بقلمى مشيره محمد
♡فى بيت عم فدوه ♡
مرات عمها. واه يا مرى ايه اللى عمل فيكى اكده يافدوه خشى.
فدوه بعياط. عمى فينو يامرت عمى.
مرت عمها. قوليلى بس ايه اللى جرالك ومين عمل فيكى اكده.
فدوه بعياط. عمران ضربنى وكرشنى وعاب فى شرفى يامرت عمى.
مرات عمها. كيف يعنى عاب فى شرفك.
فدوه بانهيار. قال انو ما بيخلفش واللى بطنى مايخصوش وبعياط وحرقه اتكلمت... انى.. انى يامرت عمى، عمى فينو طيب يجى يغيتنى.
مرات عمها بكذب قالت. عمك امسافر وماهرجعش دلوك.
فدوه.يحزنك يا فدوه طيب ميتى هرجع وانى هفضل اكده لما ياجى؟
مرات عمها. انى ماخبراش وما تاخذنيش يا فدوه انى ماقدرش اقعدك اهنه،
جوزك وحماتك انى ماقدرش عليهم افرضى جم اهنه وعموا مشكله، وكمانى سمعت بناتى بردك العيار اللى مايصيبش يدوش!!!
فدوه بذهول. قصدك ايه يا مرت عمى؟ قصدك انى خاطيه.
مرات عمها ردت بكبر. قصدى انتى فهمتيه زين واتفضلى من غير مطرود وماتجبيش لعمك نصيبه لحدت عنديه.
فدوه بقهر اكتر. روحى منك لله حسبى الله ونعم الوكيل فيكى، حسبى الله ونعم الوكيل فيكم كلكم
مرت عمها. وكمانى بتحسبنى علي فى دارى طيب يلا من غير مطرود وبكفايكى ربناكى وكبرناكى وجوزناكى وياريتك عرفتى تحافظى على بيتك وجوزك.
فدوه بقوه. اخرسى قطع لسانك انى ماشيه وانى اللى ما عايزاشى اقعد فى دار واحده خسيسه زيكى وجليلة الاصل.
مشيت فدوه وهى بتكلم نفسها. اروح فين دلوق وانى لا ليا صاحبه ولاقريب طول عمرها مرات عمى مانعه عنى الناس والصحاب، اعمل ايه بس يارب دبرلى حالى يارب،فوضت امرى ليك يارب.
باقى الليله عدت على فدوه فى الشارع ما بين خوف وجوع وتعب لحد ما تفكيرها هداها لحاجه فاتحاملت على نفسها ومشيت لحد ماوصلت للمكان اللي قصدها،وكان يدوب بعد الفجر بوقت قليل.
السلام عليكم يا واد عمى.
الغفير. وعليكم السلام ورحمة الله ، واه انتى تانى ودلوك هو حد يروح لحد دلوك وفى وقت زى ديه يا بت الناس عايزه سعديه بردك.
فدوه اتكلمت بوهن. لاه ااانى انى عايزه الست هانم.
الغفير استغرب. الست هانم.. الست هانم مين. بقلمى مشيره محمد
فدوه بضعف. الست صاحبة السرايا بسرعه الله يرضى عنيك.
الغفير. الست نايمه وبعدين لو صاحيه حتى انى اقولها ايه بس.
فدوه. مالكش صالح عاد ابوس يدك قوام .
الغفير. انى هروح ابلغها لكن لو لساتها نايمه يبقى تروحى لحال سابيلك وتعاودى نوبه تانيه.
رجع عبدالله الغفير بعد شويه وخد فدوه لدولت هانم.
فدوه بتعب. يسعد صباحك ياست هانم
دولت. ازيك ياحبيبتى عامله ايه
تعالى اتفضلى اسمك فدوه مش كدا.
فدوه بتمشى بالعافيه تقرب من دولت. يزيد فضلك ياهانم ايوه انى فدوه انى زينه الحمد لله ومتأخذنيشى ياهانم على جيتى دى بس انى مالجيتش حته تانيه اروحها.
دولت. ما تقوليش كدا يا حبيبتى اتفضلى
دولت. روح انت ياعبدالله
عبدالله. اوامرك ياهانم
فدوه اعدت وشويه وابتدت تعيط بانهيار ودولت ادتها مساحه كافيه تخرج كل اللى جواها واللى واضح انها شايله كتير وطلبت من الشغاله تعملها عصير وبعد وقت دولت قربت منها وقالت.
انا سبتك تعيطي وتخرجى كل اللى جواكى ممكن تهدى بقا، واتفضلى اشربى ده.
فدوه. تسلم يدك يا هانم انى ما عوزاش حاجه
دولت بحنيه . ده مش ليكى ده للبيبى اللى فى بطنك انا فاكره انك قولتيلى انك حامل مش كدا.
فدوة رجعت تعيط وقالت. ايوه انى حبله وبانهيار اكتر كملت. وجوزى ضربنى و كرشنى وانى ماليش حد اشتكيله ولا اروحلو، بس اشتكيتو لربنا قادر يجيبلى حقى منيه.
دولت. اهدى بس ياحبيبتى ولو عايزة تحكيلى اكيد هسمعك.
فدوه فتحت قلبها وحكت لدولت كل حاجه وغفلت عن اللى كان واقف و سامع كل حاجه.
وبعد ماحكيت فدوة كل اللى فى قلبها قالت. حجك عليا يا ست هانم نكدت عليكى وانتى مالكيش ذنب بس يعلم ربنا انى ماليش مكان اروحه ولو امكن يعنى تشوفيلى شغلانه و اى مكان اتاوى فيه الله يسترك.
دولت خدتها فى حضنها وقالت.حسبى الله ونعم الوكيل.
ادهم اللى كان واقف وسامع كل حاجه فدخل وكانه ما سمعش حاجه. احم احم ازيك عامله ايه
فدوه مسحت دموعها وردت. تسلم يا بيه شاله تعيش.
ادهم بضحك. هههههههه بس انا مش بيه انا اسمى ادهم.
فدوه. ربنا يجبر بخاطرك يابيه.
دولت قالت وهى بتبص لادهم.
فدوه هتعقد معانا هنا و هتساعدنى فى البيت من اول انهرده يادهم.
ادهم كان حابب يخفف عنها فقال بهزار. المهم ياماما مش كل ما اشوفها الاقيها بتكلم نفسها اه احسن دى بقت عاده بعدين اتعدى منها ههههه.
بعد يومين فدوه فعلا استقرت فى السرايا ودولت مسكتها شغل المطبخ او بمعنى اصح الاشراف عليه وبس علشان حالتها اللى كانت متعاطفه جدا معاها.
فى الجنينه عبدالله الغفير شاف سعديه جايه عليه . اصباح الخير يا عبدالله.
عبدالله. اصباح الخير، رايحه على فين اكده عالصبح.
سعديه. مشوار جوام جوام اكده شالله يخليك اوعاك الهانم تدرى.
عبدالله. بقولك ايه انى ماليش صالح روحى قوليلها انتى او قولى للبنته اللى جوى تقولها لو لساتها نعسانه.
سعديه. ابنته.. مين دى
عبدالله. اللى جاتك نوبتين ومره منيهم كنتيش قاعده.
سعديه. واه ودى اهنه ليه عاد ومن ميتى.
عبدالله. ماخبرش بس هى اهنه بقالها يومين اهه، الا بحق ياسعديه خبرها ايه البت دى وتقربلك ايه.
سعديه ارتبكت. ااانى ماليش صالح بيها ولا تقربلى لا من بعيد ولا من قريب.
عبدالله بخبث. يا وليه ياكهينه يعنى كانت تاجيكى وانتى ماتعرفهاش يعنى.
سعديه. حماتها كانت نفر فى الجمعيه امعاى ولهو انى يعنى لازمن ابقى جريبة كل الانفار ولا ايه بالاذن انى.
عبدالله. واه راجعه ليه ماعتروحيش مشوارك ولا ايه.
سعديه. لاه.
تانى يوم سعديه خدت الاذن من ادهم وهو فى الجنينه بس المره دى مشوار غير المشوار.
بقلمى مشيره محمد
" فى بيت عمران"
سعديه. بقولك انى ماوعيتلهاش عبدالله الغفير هو اللى قالى انها نفسها البت اللى جاتلى
امينه بغل . انى قولت غارت من البلد كلاتها وخلصت منيها راحت اهناك ليه عاد ولمين.
سعديه. انى ماخبراش انى جيت اقولك وخلاص بس يعنى مش هتقوليلى ليه خلتينى اسيب السرايا قبل ما تاجى لجل ما تلاجنيش وانتى اللى بعتاها لجل باقى الفلوس ومن الاساس ليه جولتيلى اديها نص فلوس الجمعيه مع انها كانت كامله معايا.
امينه. ملكيش صالح انتى ولسانك ديه لو نطق بكلمة انى هقطعه يا سعديه.
سعديه. واه مالك خلقك ضيق اكده ليه انى مالى لمهم حداى تفكى كيسك امعاى وما توبقيش بخيله وانى هحط لسانى فى خشمى وما هسالشى عن شى.
امينه. واه تاني ياسعديه مش اللى طلبتيه خدتيه وخدتى باقى فلوس الجمعيه ليكى
سعديه. ايوه بس ديه كان وقتها بس دلوك شى تانى ، مرت ولدك ما غارتشى لساتها قاعده وقاعده حداى كمانى يعنى انى ما اضمنشى لسانى عاد.
امينه بخبث. طييب ولو قولتلك هعطيكى اللى انتى عايزاه بس تجبيلى ارارها وقاعده هناك ليه وكيف وصلت لسرايا من الاساس.
سعديه. موافقه بس اللاول تقوليلى الحكاية من طأطأ لسلام عليكم.
امينه بغيظ. هحكيلك.....
سعديه بذهول. واه واه واه
مش سهله انتى برضك يا امينه.
*فى بيت عمران*
امينه. جدعه يابت يانوال انى عايزاكى من اهنه وجاى تخليه مايشوفش غيرك
لجل ما ينسى بت المركوب دى.
تاجى اهنه، تتحدتى وياه، تعملى حاجه حلوه وتقوليلو عميلتها لجلك اكده يعنى.
نوال. بس ياخالتى امى ماهترضاشى بكده انتى خابره انها حرنانه على عمران من وقت اللى اتجوز فدوه.
امينه بعصبيه. اسمعينى زين انى عايزاكى تنسى الاسم ديه واصل عشان الكل ينساه فهمانى يا نوال
نوال. فهماكى يا خالتى.
امينه. وفى حاجه كمانى عايزاكى تعمليها.
نوال. خير ياخالتى عايزانى اعمل ايه. بقلمى مشيره محمد
امينه. انى بكره ماقعداش فى الدار
عايزاكى تاجى اهنه لجل عمران هيكون لحاله.
نوال بخبث. واه ياخالتى ترضهالى بردك. بقلمى مشيره محمد
امينه. ومرضهاش ليه ولدى وخبراه زين وبت اختى وتربية يدى
ياعبيطه انى بدى تستفردى بيه تقولى كلمه حلوه تعملى كوباية شاى
اتصرفى انتى بقا.
نوال. طيب وامى اقولها ايه.
امينه. انا هشيعلك ايتها عيل ينادم عليكى قبل لا امشى قولتي ايه.
نوال بدلع. هقول ايه امرك ياخالتى.
*فى السرايا*
فدوه. بتحضر الاكل وادهم نازل فقال. الله الله ايه الروايح الحلوه دى.
فدوه بكسوف. كله من خيرك صحه وهنا على قلبك.
دولت وهى بتقرب قالت. بصراحه يا ادهم فدوه نفسها فى الاكل تحفه.
ادهم وهو بيبص لفدوه. بصراحه ايوه و علشان كدا قررت اسافر وكفايه كده علشان لو طولت فى الاعده هنا وزنى هيزيد وانا بضعف بصراحه.
فدوه اتكسفت اكتر. واه خجلتونى والله.
بعد ما فدوه دخلت المطبخ ادهم قال. وبعدين ياماما لسه ما عرفتيش حاجه عنها.
دولت باسف. عرفت للاسف
ادهم بانتباه. متجوزه فعلا.
دولت. ايوه متجوزه واللى عرفته ان حماتها كانت عاوزه بنت اختها لابنها بس هو اختار فدوه ، ولما حماتها عرفت ان لها ورث من ابوها وافقت لطمعها فى الورث ده، والورث طبعا مع عمها اللى مفروض ملهاش حد غيره.
بس عمها ده بقا ضعيف الشخصيه جدا قدام مراته ست قاسيه كدا ومسيطره عليه وكل همها فدوه تبعد علشان ما تطلبش ورثها من ابوها وكمان البيت يفضى علشان بناتها.
ولما حماتها فقدت الامل انها تاخد ورث فدوه بدات تعمل معاها مشاكل.
ادهم. طيب وقصة الحمل دى هنتصرف فيها ازاى.
دولت. مش عارفه يا ادهم بس قلبى بيقولى ان فدوه مش الحد السۍء ده انت شوفت بعينك
بقالها شهرين معانا اهوه مافيش تصرف واحد يقول انها مش كويسه.
ادهم. يا امى المشكله لو الولد ده اتولد وابوه رفض يكتبه باسمه هتبقى مصيبه.
دولت. انت عارف انا حاسه ان فى سر فى الموضوع والسر ده بيتهيألى عند حد نعرفه
ادهم. مين ده.
دولت. اسمها مين دى، ودى بقا تبقى سعديه.
ادهم. طيب ما تساليها.
دولت. سهل جدا تكدب وكمان خايفه على فدوه ما صدقت انها اتحسنت ونفسيتها بقت احسن
تخيل من يوم ماجت هنا قليل اوى لما تخرج الجنينه بحس انها بتتجنب كل الناس.
فدوه اعده فى حنب عند باب السرايا الداخلى وسرحانه قربت سعديه وقالت منها . ازيك يا فدوه ولا نقول الست فدوه عاد.
فدوه. ازيك ياخاله سعديه بس ليه النقوره دى عالصبح.
سعديه بتريقه. لهو انتى مش سكنتى السرايا تبقى ست فدوه.
فدوه. البركه فى قريبتك وابنها حسبى الله ونعم الوكيل.
سعديه. حد قالك لفى ودورى على حل شعرك، انى متوكده انى الهانم ما تعرفش النصيبه اللى وراكى ولا تعرف انك حبلة من راجل غير جوزك.
فدوه قامت بغلها وهتضرب سعديه بس قبل ما تقرب ظهر صوت ادهم.
ادهم بحده. فدوووه مكانك
وبص لسعديه بوعيد. بصراحه يا سعديه انا لسه مش عارف كل حاجه... وكويس انك عارفه علشان اعرف منك.
سعديه بخوف. عايز تعرف منى ايه حضرتك.
ادهم. اللى انت تعرفيه كل اللى تعرفيه ياسعديه نورى علينا.
سعديه بخوف انى ما اعرفش اكتر من اللى الناس تعرفه.
فدوه. بتعيط ولسانها مش ساكت عن حسبى الله ونعم الوكيل.. حسبى الله ونعم الوكيل.
ادهم قرب من سعديه وبتركيز.
برضو عايز اعرف الناس بتقول ايه.
سعديه. يابيه ربنا يستر على ولايانه.
ادهم. اييييوه اللى هو ايه بقا اللى عايزه تسترى عليه ياسعديه.
سعديه ببجاحه. يابيه البت دى مش زينه وجوزها يا عينى غليان ومالوش فى الخلفه وهى اهه شوفت عينك حبله يبقى ايه.
فدوه ما اتحملتش اللى بيتقال عليها وكانها لقيت حد تفضى فيه كل الغل والقهر اللى جواها كلبشت فى شعر سعديه وهى على صرخه واحده وبتقول يا ولاد الكلب منكم لله حسبى الله ونعم الوكيل
اتدخل عبدالله وادهم وفصلوا بينهم
ادهم. عبدالله دخل فدوه جوه.
عبدالله. اوامرك يا بيه.
ادهم قرب من سعديه اللى بتعيط وقال. انا مش هقولك انها ست زيها زيك وكان اولى ماتقوليش ده على حد مفروض واللى فهمته انك تعرفيها، انا بس هقولك انك طعنتى واحده فى شرفها من غير دليل ولابينه وده اسمه قصف محصنات.
سعديه. يابيه حضرتك سالتنى.
ادهم. ولو حد غيرى كان سالك بردو كنتى هتجاوبيه وتفضحيها قدام كل اللى يسالك، من انهرده مالكيش شغل فى السرايا هنا ولولا انك انتى وجوزك بقالكم سنين هنا كنت مشيته هو كمان.
سعديه فضلت تتوسل لادهم. حقك عليا يابيه حقك على والله ما هفتح بوقى تانى بس بلاش قطع العيش انى حدايا عيال وطول عمرى فى خدمتكم ليه بس اكده.
ادهم ما ردش عليها ولا على توسلها وعياطها وسابها ومشى.
بقلمى مشيره محمد
فى السرايا ادهم بيجهز علشان خلاص نازل اسكندريه فدخلت دولت عنده وقالت. ليه التهور ده يا ادهم؟
ادهم وهو بيرتب الشنطه. من امتى ياماما وانا متهور؟
دولت. وطردك لسعديه بعد السنين دى تسميه ايه.
ادهم بعصبيه. اللى يخوض فى العرض يا امى لا يؤتمن وانا لو متهور بجد كنت مشيت جوزها كمان.
دولت. طيب خلاص اهدى جوزها كمان بهدلها وجه اعتذر ورجعها بيتها.
ادهم. طيب كويس طلع فى رجاله لسه بتفهم فى الاصول فى البلد دى.
دولت بتغير للموضوع . طيب بقولك ايه. خالتك نازله اسكندريه وبصراحه وحشتنى جدا.
ادهم. طييب كويس اجهزى يلا وسافرى ومعايا.
دولت. بصراحه خايفه اسيب فدوه هنا لوحدها.
ادهم. يعنى ايه مش فاهم هتنزلى معايا ولا لا.
دولت. بفكر اخدها معايا، احساسى
ناحية البنت دى مختلف اوى، دخلت قلبى، وخايفه عليها اوى، وحاسه ناحيتها بالمسؤليه
ادهم. اعملى اللى يريحك ياماما ووقت ماتحبى تنزلى اسكندريه قوليلى وانا ابعتلك السواق، ده طبعا
فجأه صوت زعيق فى الجنينه وحد بينده على فدوه بصوت عالى
ادهم وهو خارج بسرعه. ايه الصوت ده ومين بيزعق كدا.
دولت خرجت وراه ووصلو للجنينه وشافوا عبدالله ماسك فى شخص وبيحاول يمنعه يدخل من باب السرايا بالعافيه.
يتبع.
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
تعليقات
إرسال تعليق