رواية الظلم ظلمات الفصل الثالث 3بقلم مشيره محمد
رواية الظلم ظلمات الفصل الثالث 3بقلم مشيره محمد
#الظلم_ظلمات
#البارت_الثالث
فجأه صوت زعيق فى الجنينه وحد بينده على فدوه بصوت عالى وعايز يدخل بالعافيه
ادهم وهو خارج بسرعه. ايه الصوت ده ومين بيزعق كدا.
دولت خرجت وراه بسرعه ولما وصلو للجنينه شافوا عبدالله ماسك فى شخص وبيحاول يمنعه يدخل من باب السرايا.
ادهم زعق وهو بيقرب منهم مين ده يا عبدالله.. انت مين يا جدع انت وبتعلى صوتك هنا ليه وعايز ايه.
عمران. جاى للفاجره اللى انت انيها فى بيتك ومتستر على فضيحتها الله اعلم ليه عاد، جاى لجل تغور من اهنه، ومن البلد كلاتها بفوجرها وجلة حياها.
ادهم. الزم حدودك يا زفت انت لان حرف تانى زياده وهخليك تندم على الساعه اللى فكرت انك تيجى فيها هنا، انطق انت مين وعايز ايه بالادب؟ بقلمى مشيره محمد
عمران. انى جوز الـ....
فدوة كانت واقفه منهاره من وقت ماسمعت صوت عمران وبصوت مخنوق حاولت تزعق و قالت. اياااك اياااك تنطقها انى مش مرتك ولا هتسمالك مره من اهنه ورايح.
عمران بتريقه. مستنى كلامك انى اياك انا طلجتك من وجت اللى خرجتى فيه من دارى يا فاجره.
دولت. لاااه انت زودتها اوى امشى اطلع بره.
عمران. مش قبل ما اجول اللى حداى الاول واحظرها جدامكم لجل ما اكون عملت اللى عليا وبصلها بغل وقال. اياكى تجيبى سيرة امى على لسانك النجس ديه مع ايتها حد ولا فى ايتها مكان انتى فاهمه ولا لاه، واحسنلك تروحى للى سلمتيه نفسك يا فاجره وماترميش بلاكى عالناس وعلى سعديه الغلبانه واحمدى ربك انى امى موجوده وعلى وش الدنيا وملهاش غيرى والا كت جتلتك بيدى وبقولهالك اهه احسنلك اتغورى من اهنه ومن البلد كلاتها .
ادهم انفعل وهجم عليه وضربه بالبوكس فى وشه وهو بيقول. لا دانت قليل الادب وعايز تتربى من جديد، بتهددها قدامى يا حيوان بتعمل راجل على ست ضعيفه يا كلب.
عمران بمقاوحه. وانت محموق اكده ليه يابيه بس معذور برضك مانت ماخبرش حاجه عن فضايح بت المركوب دى
ادهم من غير ما يسيبه. انت عارف لو ما اختفتش من قدامي دلوقتى انا هدفنك مكانك ولعلمك بقا فدوه فى حمايتى انا والهانم وحقها انا هاخده منك وهلففك حوالين نفسك عالاقل تنشغل بحاجه احسن ما انت قاعد تسمع للحريم وتيجى تتهجم على حريم من غير ما تشغل مخك.
فدوه وهى منهاره ومش مبطله عياط اتكلمت بحرقه . لاه يادهم بيه انى ما عيزاش منيه ايتها حاجه، وفوضت امرى لله واشتكيته لرب العالمين وخصيمته يوم الموقف العظيم. روح ياعمران لحالك ربك عادل وقادر يجى اليوم اللى تاجينى فيه ذليل وتترجانى وتطلب منى السماح، وابنى ديه انى اولى بيه منيك ويشهد ربنا انه ابنك ومن صلبك وقادر ربنا يحوجك لينا ووقتهاما هتلاجيش حدانا غير القسوة والكره اللى سقيتوهولى انت وامك من وقت ما دخلت دارك وختمتها لما طعنتى فى شرفى ورمتنى فى الشارع لكلاب السكك وانى ماليش حد غير ربنا روح حسبى الله ونعم الوكيل فيك
بقلمى مشيره محمد
ادهم زقه بقوته كلها. يلاااه غور من هنا ولو خايف على عمرك بلاش تخليني المحك او اسمع عنك حاجه غور.
* فى اسكندريه*
دولت. انا بس عايزه افهم ليه صممت نيجى معاك انا وفدوة الليله
ادهم. سبحان الله انتى مش كنتى عايزه تيجى علشان تشوفى خالتى
ياماما ايه الغريب بقا.
دولت. الغريب ان انت قولت براحتك ياماما وفجاه اصريت وصممت نمشى فى نفس الليله.
ادهم قعد وقال. بصراحه انا مش مطمن للراجل اللى اسمه عمران ده
خوفت اسيبكم هناك لوحدكم وكمان ما كنش ينفع اتاخر علشان شغلى.
دولت. وهو هيقدر يعمل ايه يعنى؟ بس عارف انا متاكده ان اللى عمله ده سببه سعديه تلاقيها راحت اشتكتله وكذبت كذبتين من غيظها انك طردتها.
ادهم. ده انا متاكد منه وده اللى قلقنى عليكم لانه لو راجل ومش ودنى ماكنش عمل كدا فى فدوه من الاساس، الاول سمع لامه وبعدها لسعديه يعنى غبى كلمه توديه وكلمه تجيبه
دولت. يعنى انت مصدق فدوه يا ادهم.
ادهم بتوضيح.. بنت زى اللى حكتيلى عنها دى ياماما واللى شوفناه منها ومن اخلاقها مايقولش انها تعمل حاجه زى دى، وبعدين احنا لينا نظره فى الناس برضو. غير ان اللى تعمل كدا تكون واخده على السرمحه والمرواح والمجى لكن فدوه مش كدا برضو،
دى لما جت هنا لسعديه كانت كانها هتقع فى بحر علشان مش لاقيه الباب، لالا ياماما مستحيل، فانا ايوه مصدقها
دولت. انا كمان واثقه انها ما تعملهاش وسعديه بالتاكيد ليها ايد فى الموضوع.
ادهم وهو خارج. هيبان ياماما كل حاجه هتبان انا لازم انزل دلوقتى.
بقلمى مشيره محمد
*فى البلد وف. بيت امينه*.
امينه. واه ايه اللى جابك اهننه يخربيتك.
الشخص. خبر ايه يا وليه انتى ابتغلطى ليه اما انك وليا عجربه صوح.
امينه بصوت واطى. اقفل خاشمك يا واد المركوب انت ايه االى جابك اهننه مش خدت فلوسك وخلصنا عاد ولا ايه ولا هى قصة ابو زيد هنعيدوا ونزيدو فيها عاد.
الشخص. ايوه هى قصة ابو زيد وغنيوه زينه كمانى والفروجه اللى عتبيض بيضه ذهب وابقى حمار لو مكبشتش منيها على كد ما اقدر.
امينه. واه كنك بتهددنى ولا ايه.
الشخص. افهمى اللى تفهميه، نهايتو اسمعى اللى الكلمتين دول لجل ماهعيدش كلامى ديه تانى ، جدامك يومين وعقد قيراط الارض يجينى لحدت عندى
والا اقسما عظما لافضحك وبقولهالك تانى اهه اوعاكى عقلك يوزك ويقولك انك تقدرى تضرينى لاه ديه فى احلامك.
بقلمى مشيره محمد
* اسكندريه*
دولت. فدوه يافدوه.
فدوه. ايوه نعم ياهانم.
دولت. يابنتى قولى مدام ما بحبش هانم دى.
فدوه باحراج. واه نسيت حقك عليا
امرى يا مدام.
دول طبطبت عليها وقالت. خدى يافدوة البسى الفستنان ده وشيلى الملس اللى انتى لبساه وبكره باذن الله هنروح للدكتور نطمن عليكى وبعدها نعدى نجبلك هدوم جديده ايه رايك.
فدوة بفرحه وعيون دامعه. كل ديه عشانى انى.
دولت. ايوه ياحبيبتى وبعدين انا عملت ايه يعنى دى هدوم علشان تناسب المكان اللى هتعيشى فيه،انا عايزاكى تنسى البلد واللى فيها ماهو مش معقول تلبسى ملس فى اسكندريه ولا ايه.
فدوه. طيب والداكتور ليه عاد انى زينه ومفياش حاجه واصل.
دولت. ازاى بقا ده حمل ياحبييتى يعنى المتابعه مطلوبه وخلينا نطمن على البييى ولا انتى مش عايزه تشوفيه بعيونك.
فدوه دموعها نزلت تانى فقالت دولت. بتعيطى ليه ياحبيبتى بس.
فدوه. والله العظيم يا مدام انى عمرى ما عملت حاجه حرام ولا حاجه تغضب ربنا طول عمرى طوع لمرت عمى ومن بعد جوازى كت طوع لحماتى وجوزى ويعلم ربنا انى مافى مخلوق مس منى شعره واحده
انا عمرى ما كت عفشه.
دولت خدتها فى حضنها. حبييتى من غير ما تحلفى انا متاكده من ده ومن اول مره شوفتك فيها وانتى دخلتى قلبى وانا مش برتاح لحد بسهوله علشان تبقى عارفه و فاهمه وقلبى عمرى ماكدب عليا وقلبى قالى انك حد كويس وطيب
فدوه. وانى مخبراش ليه لما الدنيا ضاقت بيه جيتك انتى مخبراش ليه.
دولت حاولت تخفف عنها فقالت.
طيب مش كفايه نكد بقا ويلا روحى غيرى هدومك وتشوفلنا الناس اللى جوه دى هتطبخلنا ايه ولا اقولك قوللهم انتى يطبخوا ايه،انتى عارفه ان اختى جايه تتغدى معانا وانا متاكده انك هتشرفينى
فدوة. عيونى تؤمرى امر.
*فى بيت عمران*
عمران. انى ما خبرش انتى متصربعه على ايه يمه ماخلاص عملت اللى انتى عوزاه
وخطبتها لازمته ايه بجا الجواز اللى بعد شهر ديه.
امينه. واه خير البر عاجله يا ولدى وانى زى مانت شايف ماجدراشى على خدمتك وخدمتى ، ومن الاساس نأجلو ليه عاد ماكل حاجه موجوده غيرش بس هى اوضة النوم اللى هنغيروها والنقل اللى هيجيب الاوضه الجديده عياخد الاوضه الجديمه لجل ماتَفرح عروستك عاد.
عمران بقلة حيله. اعملى اللى يلد عليكى يمه.
امينه. ايوه اكده فرح قلب امك وانسى الهم ينساك، انى بكره هروح لخالتك ونتمموا كل حاجه.
بقلمى مشيره محمد
*فى اسكندريه *
اكرام. ياخبر يا دولت ايه الطعامه دى الاكل حلو اوى تسلم ايدك.
دولت. وهو انا اكلى حلو كدا الاكل ده عملاه فدوة.
اكرام. خدامه جديده ولا ايه
ادهم. لا ياخالتى فدوة مش خدامه دى معرفه من البلد.
دولت قيدت كلامه. هعرفك عليها هتحبيها اوى نخلص بس اكل وهتشربى من اديها اجمل قهوه دوقتيها فى حياتك.
اكرام. طيب ليه مش بتاكل معانا؟
دولت. خليها براحتها هى بتتكسف شويه.
ادهم. هتقعدى كتير فى اسكندريه ياخالتى.
اكرام. والله ان كان عليا انا مش عايزه اسيب اسكندريه بس مش قارده اسيب سيف لوحده هو بس هيخلص شغله هنا ونسافر واهوه اكون شبعت من دولت شويه.
ادهم. طيب انا هكلم سيف يعمل check out من الفندق وتفضلوا هنا لحد ما تسافروا اصلا كان مفروض تعملو ده من الاول طالما شقتك فيها تصليحات.
اكرام. ماانت كنت فى البلد بقا وانت عارف ماليش تقل على اعدة الارياف.
دولت. هو مش سبب مقنع بس ماشى
تعالى يلا نشرب القهوه فى الحنينه
وهما فى الحنينه قرب منهم شاب بهدوء وقال.
السلام عليكم.
الكل. وعليكم السلام ورحمة الله وبركاته.
دولت قربت منه وحضنته. وحشتنى اوى يا سيف كل دى غيبه.
سيف. وانتى كمان وحشتينى والله، معلش يا خالتى دوامة الشغل مش بتنتهى ولولو انى لازم اسلم الاجهزه بنفسى لاماكنها ماكنتش نزلت مصر.
ادهم وهو بيقرب منه ويحضنه قال.
ياماما سبيه ده بيرسم على هجره عايز يسبنا بس بياخدها بالتدريج.
سيف. يعم طيب سلم وقول حمدالله على السلامة بدل الموشح ده.
ادهم. نورت مصر ياسيف وحشنى ياجدع.
سيف بيرجع بظهره وهو بيقوله. وانت كمان وحشتني يا اده.....
قطع سلامهم صرخ من فدوه.
واه واه واه
دولت بسرعه. حسبى يا فدوه القهوه تحرقك.
فدوه بغيظ. ما تفتح ياجدع انت عميت فى عينك ولا ايه؟
وهنا سيف بعد بسرعه بعد ما سمع صوت فدوه ومع حركته دى اتكعبل وخبط فيها اكتر والقهوه كلها غرقت فدوه اللي صرخت من سخونه القهوه على جسمها.
دولت جريت عليها سحبتها من اديها لجوه السرايا. تعالى تعالي بسرعه غيرى هدومك دى.
دولت خدت فدوه ودخلت واكرام اطمنت ان سيف بخير ودخلت وراهم.
ادهم. ادخل ياابنى غير هدومك والبس اى حاجه من عندى واوعى تقول ما بحبش البس حاجة حد. الوضع ده مايسمحش انتكه، قميصك اتبهدل.
لاحظ ان سيف فى عالم تانى وعينه على باب الفيلا
ادهم. انت ياابنى بكلمك.
سيف وهو مسهم شاور على مكان فدوه وقال. مين دى.
ادهم. تقصد مين فدوه.
سيف. الله اسمها فدوه
ادهم. سيييف لم نفسك بلاش شغل المراهقين ده ، ولا انا بقول ايه ما هو الطبع غلاب وقعادك بره زود سفالتك.
سيف. ايييه ياابنى انا قولت ايه لده كله، وبعدين اللى يشوف الجمال ده وما يعترفش بيه يتحرم عليه ههههه
ادهم بتريقه. لا والنبى ودى بقا من اقوال سيف الماثوره؟؟
سيف. طبعا ياابنى دانا اقوالى بكره تتدرس فى المدارس و الجامعات بس انت اصبر.
ادهم مسكه من كتفه ماسكة مخبرين وقاله. ولاااه امشى قدامى
يلا عشان تغير هدومك دى، انا مش عارف انت رجل اعمال ازاى بهبلك ده.
سيف بتمثيل. نزل ايدك لو سمحت، وماتنساش انى صاحب اكبر مصنع للمستلزمات الطبيه فى الشرق الاوسط كله والمستورد والمصدر الاساسى ليه اه فتحترم نفسك وانت بتكلمنى
ادهم خبطه بهزار على دماغه. مش لما انت تبقى محترم امشى يلاه امشى.
عند فدوه.
دولت. انتى متاكده انك كويسه؟
فدوه. صدقينى ياغاليه والله انى زينه والجهوه من الاساس كانت حنينه طمنى قلبك.
اكرام. طيب حصل خير الحمد لله انك كويسه، واه صحيح تسلم ايدك على الاكل كان حلو اوى بجد.
فدوه. تسلمى وتعيشى مترح مايسرى يمرى صحه وهنا على قلوبكم.
دولت. طيب غيرى هدومك يلا وانزلى وعوضلنا القهوه اللى اندلقت دى من ايدك الحلوه.
فدوه بغيظ وتسرع. الا مين الجدع الاعمى ديه مالوش حق ادهم بيه يصاحب بهايم كيف اللى كان هيحرجنى بالجهوة ديه.
اكرام برقت عنيه واتفاجئت بكلامها وقالت. انتى تقصدى مين؟
فدوه ببراءه. سلامت الشوف يا هانم. قصدى على اللى مايتسمى، الجدع الماسخ اللى كان واقف حدى ادهم بيه!!!!.
دولت بسرعه. احم معلش يا اكرام فدوه ماتعرفش ان سيف يبقى ابنك.
فدوه شهقت ووشها جاب الوان من كسوفها وقالت. يامرراارى.. لمؤاخذه يا هانم حقك على انى اكده بهيمه وبطس الحديت طس لجل النبى اوعاكى تزعلى منى.
دولت. اهدى يا حبيبتى اكرام متفهمه ما تخافيش هى مش زعلانه يلا روحى انتى غيرى هدومك.
بعد ما مشيت اكرام اتكلمت. ايه ده يا دولت ايه البنت دى.
دولت بضحك قلدت فدوه وقالت. ههههه ايه البنت ما كدبتش ابنك ماسخ يا هانم هههه.
اكرام. لااا دانتى تحكيلى مين دى اللى دخلت قلب دولت بسرعه دى وقفلت عليها.
بقلمى مشيره محمد
سيف خارج من اوضة ادهم بيظبط هدومه وفدوه خارجه من اوضة دولت بتكلم نفسها على العك الى قالته قدام اكرام عن ابنها وهى بتشتم فى نفسها على غبائها وتهورها.
وفلحظه كانت فدوه فى حضن سيف اللى لتانى مره يتوه فى جمال فدوه وعيونها اللى جذبته من اول لحظه!!!!.
يتبع.
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
تعليقات
إرسال تعليق