مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 

رواية شيطان امرأة " قشروان"الفصل الرابع 4بقلم مريم اسماعيل 

رواية شيطان امرأة " قشروان"الفصل الرابع 4بقلم مريم اسماعيل 

الفصل الرابع 

رواية شيطان امرأه "قشروان"

بقلمي مريم إسماعيل 

في الشونه 

يحيي وهو يحوم حول ياسين 

* اول حاجة تعملها ترجد في سريرك ، وتجول انك بعفيه ومجدرش ترفع راسك ، بعديها هنجيب الوليه حسيبه هجبضها جرشين تجول لازمن تتجوز لانك مسكون من تحت الأرض وتجول الاسياد مرضينش عنك ورايدين أنك تتجوز مها عشان تصلح اللي حصل ، في الوجت دا هكون أنى مع أمها وخالها بنرتب كل حاجة ." 

ياسين بإعجاب 

" يا أبوووى ، ايه التفكير الواعر دا، بس البت جامده هتوافج تتجوزنى ." 

يحيي بغضب 

" اتجنيت إياك ، مين اللي تجدر ترفض ياسين علم الدين ، همل كل حاجة علي اخوك وانى مهسكتش واصل غير لم تبجي البنيه مرتك و في جاعتك ، وبكرة تجول اخوى جال ." 

شرد ياسين في مها وتخيل إنها زوجته ، وتمنى أنها تعوضه عن كل ما حدث له من قبل .

..............   ............

في منزل حميدة 

زين بعد ما استمع للقرارات والدته ، شعر بالقلق بداية الحديث لكن عندما علم انه سيتزوج مها صمت واستسلم .

علي سطح المنزل 

زين بقلق 

" مالك يا مها ، وشك مخطوف إكده ليه ، لساتك خايفه من مرت خالى ." 

مها بتيه 

" لاه خابر يا زين ، طول ما أنت وعمتى وزياد في ضهرى ، مبخافش واصل ." 

" مينفعش تخافى بعد إكده هنتجوز ونبجي سوا باجي عمرنا ." 

" واخلف سليم و نور ، صوح ." 

" صوح يا مرات زين مستجبلا ." 

من بعيد زياد يراقبهم ويتمني أن لا تنتهي فرحتهم هذه ابدا .

" متخافش يا ولدى ، هنلحجوها من يد ياسين ومحدش هيفرج بينتكم واصل ." 

زياد بأمل في الله 

" يا رررب يا اما يسمع منك ربنا ." 

.......... ......... .......... ................

في منزل عبلة 

طرقت هالة الباب بقوة 

" واه مالك يا بت ، بطجى علي الباب إكده ليه ." 

هالة وهى تترقص 

" زغرطى يا عمتى ، زغرطي انفتح لينا طاجه الجدر ، طلبتيها ونولتيها ." 

عبلة بعد فهم 

" مفهماش حاجة يا بت ، انطجي عدل ." 

هالة بميوعه 

" المعلم ياسين ، شاف مها علي الموجف  والبت عجبته ، والمعلم يحيي عمل ليه خطه زينه عشان الست نرجس والمعلم مرسي يوافجوا ، حضري نفسك اجريب و اجريب جوى هتبجي حمات ياسين علم الدين ." 

عبلة بعدم تصديق 

" يتتحدتى صوح يا بت عبلة ." 

" الا صوح ، هو الحديت دا فيه كدب ولا إيه ، بجولك سمعتهم بودنى وشفتهم بعينيا التنين ." 

عبلة وهى تطلق الزغاريط 

" وهنلعبوا بالفلوس لعب ، ويبجي عندينا طين وبيت كبير ، يرمح فيه الخيل ." 

هالة 

" بس لو مها بعد الشر حصلت اللي جبليها ، هنعملوا ايه ، مفيش واحدة فضلت اكتر من سبوع ." 

عبلة بدهاء 

" لم يجي المعلم يحيي ، هطلب مهرها وشبكتها طين وبيت كبير ، يا إما مفيش جواز ." 

" واه وجدر طفش يا عمتى ، وجالك لاه هنعملوا ايه ." 

" طول عمرك خايبه ، يا بت مش سمعتيهم بيعملوا خطه علشان يتحوزها يبجي وجع لشوشته ، وميجدرش علي بعادها ، يبجي نكسبوا ، واهى لو ماتت كيف اللي جبليها ، يبجي كسبنا ، فهمتى ." 

" يا ابووووى يا عمتى انت راسك دى كبيرة جوى ."

" الفرصه بتيجى مره واحده ، لنكلبشوا فيها ، لا تروح منينا ونبكوا بدل الدموع دم ." 

" علي جولك ولو مكتوب ليها تموت ، هتموت يبجي نكسبوا ، ليكى عليا اعمل جرد لست نرجس واشكر في مها لحد ما توافج ، وحسيبه تعشج الجرش والمعلم يحيي هيديها وتبجى اتوضبت من كله ، بس مها مش ممكن تجول لاه وتتحامى في عمتها وولادها ." 

" في دى متخافيش المأذون يكتب وابوك الوكيل ، والمأذون مهيجلش فين موافجتها ، دا لو رفضت لكن لو جبلت كل حاجة علي يدها هتحصل  بس انى احسن مهجولش ليها دى بت وش فجر وهضيع كل حاجة ، واحنا رايدين نجبوا علي وش الدنيا ." 

" يسمع منك ربنا يا عمتى ." 

" أما انى رجعت ، أما ." 

كانت مها تنادى علي عبلة وهي تتلفت حولها ، لتسمع لصوت عبلة بنبرة لاول مرة تستمع اليها .

" تعالى يا جلب امك ، انى اهنا ." 

مها بإستغراةضةسس 

" هالة بتعملى ايه إهنا ، لسه متجابلين من هبابه ." 

عبلة وهى تحتضن مها

" انى اللي شعيت ليها ، عشان تساعدنى هدبح الفروج دا ." 

مها بزهول 

",هتدبحى فروج مرة واحده ، وايه المناسبه ." 

"رايده اوكلك واشبعك يا ضنايا ،خشي غيري خلجات المدرسة اكون جهزت الوكل ."

دلفت مها غرفتها ، وهى تستغرب حال وتصرفات والدتها ، لكن ما يشغلها الآن هو متى تترك هنا وتبتعد عن البلد بإكملها .

.........................

في منزل مرسي 

دلف يحيي وهو يسند اخيه ياسين ، ويهمس له في اذانه 

" اجمد إياك ، إوعاك تنسي حاجة لا تنطج ولا تتحدت واصل ، وانى هروح لحسيبه اتفج وياها ." 

قبل أن يرد ياسين ، يري نرجس تهرول ناحيتهم ، يا مرى ماله اخوك ماسكه إكده ليه .

يحيي بحزن مصطنع 

" مخبرش مره واحده جال راسي بتطج ، ووجع ولم فاج مبينطجش واصل ، جولت اجيبه علي الدوار ، واوروح لحسيبه تيجي تشوف حصله ايه ." 

نرجس مسرعه 

"بسرعه يا ولدى طلعه جاعته ، وروح للوليه هاتها من رجبتها ، بوك لو درى انه تعبان هيجلب الدنيا ." 

يحيي نفذ وصعد بياسين الذي أتقن دوره بقوة ،. خرج يحيي لمنزل حسيبه الدجالة .

حسيبه وهى تقف امام يحيي برعب 

" اؤمرنى يا سيد الناس ." 

اخرج يحيي من جيب جلبابه رزمه مال كبيره ، والقاها ارضا تحت قدم حسيبه 

" الفلوس دى هتاخدى جدهم مره كمان ، بس تنفذي المطلوب منيكى." 

حسيبه وهى تنحنى تلتقط المال بفرح وجشع 

" امرك يا ولد الأكابر ." 

قص عليها المطلوب منها ، وهى وافقت طالما في الامر مالا يبقي اهلا بأي اي شئ .

ذهبت حسيببه مع يحيي وهى تمتم بكلام غير مفهوم ، كأنها تستدعى أحدا من الجن 

نرجس 

" خلصي يا وليه ، المعلم ماله ." 

حسيبه وهى تتصنع الحزن بعد أن انتهت حديثها مع الجن الوهمي 

" سيد الناس وتاج راسهم ، سكان الارض مرضينيش عنيه ." 

نرجس برعب جلى

" ليه يا وليه ، اسيادنا ليه غضبانين عنيه ، انطجى ."

حسيبه وهى شارده في الفضاء 

" مكتوب ليه جوازه هى جوازه السعد والهنا ، بطنها شياله وهتجيب الوريث ، لكن المعلم واجف في وش الجدر ، هيفضل إكده لحد ما يكتب كتابه عليها ، وجتها هيجي الفرج ، وهيتححدت تانى، بس جبل الجمر ما يكمل لو الجمر كمل ومتجوزهاش هيفضل إكده باجى عمره ،وحالته هتبجي اوعر من إكده ." 

نرجس بخوف 

" لاه إلا غضب الاسياد ، مين دى وانا اجيبها تحت رجليه متكتفه كيه البهيمه  ." 

نرجس كأنها تستمع اسمها من العالم الاخر 

" مها بنت عبله وعبد الحميد ." 

نرجس وهي تضرب علي صدرها 

" يا مرى ، اللي عمتها ام مها مراته الاولانيه ." 

" هى دى الجدر ، اللي هيجيب الهنا للدوار ولسيد البلد كلتها ." 

يحيي بأمر 

" غورى يا وليه ، وإياك خشمك ينفتح ويجول أن سيد الناس مرضان فاهمه ." 

نرجس بطوع 

" فاهمه يا معلم ." 

خرجت نرجس وبعدها تصنع ياسين النوم 

" وبعدين يا ولدى ، هنجوزه مها كيف ." 

يحيي بغضب 

" اما اخوي تعبان ، ومهيروجش غير لم نكتب كتابهم ، يبجي هعمل المستحيل وهجوزه ، واللي يعصي ويجف جصادى رصاصه و اخليه مع الاموات ، الدنيا كوم وراحه اخوى كوم تانى واصل ." 

.....................................

بعد يومين كان تحدث يحيي مع مجدى ووافق بشرط أن يكتب لمها وله كلا علي حد ٣فدان ارض ، مع توفير منزل جاهز اخر لعبله تسكن به ، ام زياد وجد ييت كبير في ضواحي القاهرة واتفق علي إيجاره وسيسافر زين معه لامضاء العقود ، وقام ببيع ارضهم ولكن لم يرضي احدا بتأجير المنزل لانه بجوار عبله ومعروف عنها انها سليطه اللسان ، اما مها كانت يوميا تخفي شيئا من اغراضها دون معرفه عبلة حتى لا تثير شكوكها .

.........................

" جولت إيه يا ياسين ." هتف بهذه العباره يحيي وهو جالس امام ياسين الراقد علي سريره يستمع له بإهتمام .

" اكتب ليهم واديهم مال جارون لو حكمت ، انى رايدها بجت بتطلع ليا في المنام يا اخوى ، بيانى عشجتها ." 

" امرك يا اخوى ، هروح ليهم عشيه واتفج علي كل حاجة ."

نرجس وهى تدلف عليهم ووراها هالة بصنيه محمله بأشهي انواع الطعام .

" لساته ساكت ، جوله هيتجوزها يمكن ينطج والاسياد يحنوا علينا ، ابوك مبهدل الدنيا ، جلجان عليه ."

" هيبجي زين يا اما ، حطي الوكل يا بت لسيدك عشان يأكل ." 

وضعت هالة الصنيه ، وهمت لتخرج لتوقفها نرجس جولى لسيدك أن مها موافجه ومستنيه الاتفاج يتم ." 

" واه دى طايرة من الفرح ومصدقاش نفسها هتبجي مرت المعلم ياسين." 

نرجس 

"سمعت يا ولدى يا رب الاسياد يرضوا عنيك ، هنزل اطمن ابوك عليك ." 

خرجت نرجس وبقيت هالة معهم 

" البت مها حظها من السما أن سيد المعلمين هيدخلها جاعته ." 

يحيي

" هى مش موافجه ليه بتكدبي يا بت ." 

" واه مش موافجه دلوجيت ، لكن بعد إكده لم تدوج العز هتوافج وهترجص رجص ." 

" بلغي ابوك انى هاجى عشيه عشان نخلص الموضوع ومعايا ورج الارض." 

هالة بفرحه 

" تنورنا يا بيه ، هنستناكم وزى كل مره عندينا ، انت خابر لو عمتها دريت هتجلب الدنيا ." 

...... ....... ........ ........ 

في المساء اجتمعوا جميعا واستلمت عبلة ومجدى اوراق بيع ارضهم ، وتم الاتفاق عند تجهيز المنزل ستنتقل عبله له فورا ، وبقي امر اتمام الزواج .

" أنى خالها ، ووكيلها لو رايد نكتبوا الليلة نكتبوا ، إحنا علي اتفجنا أنت خابر البت صغار وعمتها ماليه رأسها بحديت عن العلام ." 

يحيي بتفكير يري هذا احسن كلما اسرع في انتهاء الامر اراح عقله 

" أيوة شيع للمأذون ، وانى هجيب المعلم ياسين وناجوا طوالى ." 

بعد مده 

" مفهمش يا يحيي يعنى هى مهتضراش بجوزانا ." 

" انت فاكر أنها هتوافج اياك  ، وعمتها ، اكده احسن نخلصوا وانت وشطارتك بعد إكده تخليها كيه الخاتم في يدك فاهم جصدى .* 

* فاهم يا اخوى ، وهتيجي ويانا ميتا ." 

" هناك هنتفجوا يلا هم امال ." 

بالفعل ذهبوا وتم عقد القران بدون موافقتها ، ولم يسال المأذون عن موافقتها من عدمها ، المهم تنفيذ الامر وقبض المال وعندما كان ياسين يختم عقد زواجه بها ، كان زياد وزين يمضون عقد إيجار المنزل ، احتضن يحيي اخوه مباركا له زيجاته ، وعلي الصعيد الاخر احتضن زياد اخوه وزفر بإرتياح ، لقد تم الأمر وهرب بمها من براثين الشيطان ، لم يعوا إن مها وقعت منذ زمن في براثن الشيطان للتحالف معه لتصبح ابشع من الشيطان نفسه .

.....................................

تكملة الرواية من هنااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هنااااااا