مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 رواية الأمانة الفصل الأول والثاني والثالث والرابع والخامس بقلم نرمين قدرى جديده وحصريه 

رواية الأمانة الفصل الأول والثاني والثالث والرابع والخامس بقلم نرمين قدرى جديده وحصريه 

في منزل بسيط يملئة الدفء الأسري تجلس فتاتان بالقرب من المدفاءة تدفيان جسدهما من برد الليل القارص هما جنه وحياة اختان نشاء في حياة بسيطة يسودها الحب توفت والدتها أثناء ولدتها

لحياة الاخت الصغرى وتولي تربيتهم والدهما الذي رفض الزواج وتفرغ لتربيتهما 

التفتت جنه لصوت هاتفها جرت مسرعة لكي تجيب علي الهاتفها 

جنة/ الو ايوا يا احمد انت فين من الصبح مش عارفه اوصلك من بدري 

احمد / جنتي و نور عيني انا كان عندي شغل كتير معرفتش ارد علي تليفونك بس تعرفي وحشتيني وحشتيني وحشتيني قوي يا اجمل ما رات عيني

تقول جنه بغضب مصتنع ممزوج بدلع:

  يا سلام انا لو كنت وحشتك كان زمانك كلمتني انا مخصماك ومش هصالحك خالص 

احمد / وانا مقدرش علي خصام ست البنات بحبك قوي يا جنة عمري و بنت قلبي وروحي ونبضي

جنه /ماشي يا عم علشان خاطر الكلمتين الحلوين دول سماح مرادي يا عم احمد بس عارف لو اتكررت تاني انت حر 

احمد/ها بقي طمني قلبي عملتي ايه مع باباكي كلمتية ولا اية اقتنع أن اجي اتقدم 

استوووووب

احمد: من اشهر واكبر العائلات في البلد هو اخ من ضمن ثلاث إخوة الاخ الأوسط عائلة الفضالي وهي من أكبر العائلات في المجتمع ولكن مشهور عنها بالقسوة و حب الذات 

اكرم: الاخ الاكبر و متزوج وهو شبه مريض نفسي عنده عقده منذو الصغر  و طزوجته لا تنجب 

ماجده : زوجت اكرم محبه المال الي حد المرض فا هي عاشت حيات الفقر قبل الزواج من اكرم و لاتود الرجوع لها فأصبحت عاشقة للمال حد جنون 

ماجي: الاخت الصغيري لماجده فاهي مثل اختها تعشق المال ولكنها أكثر حظ منها لانها لم تعاصر ايام الفقر مثل اختها زواج اختها من اكرم انقذها من حياة الذل و الفقر 

اختها ماجدة لم يقف طموحها من زواجها من اكرم ولكن كانت ترغب في تزويج اختها من الاخ الاصغر. لزوجها و هو المتحكم و المسؤل عن العائلة كلها و هو من عمل هذه الإمبراطورية فهو أسر الفضالي حوت الصناعة والتجارة فهو المتحكم في السوق كون ثروة مهوله من التجارة فالدية شركة كبيرة متخصصة في جميع المجالات 

لديه عقده منذو الصغير تسببت فيها ولدته له 

باااااااااك

جنه / مش عارفه يا احمد ايه سبب رفضه ليك انا بجد مش عارفه حاولت انا وحياه نقنعة وهو مصمم علي رفضه 

احمد / انا بجد كمان مش عارف اية السبب انا حتي معرفهوش ولا هو يعرفني مش عارف سبب رفضه ليا 

جنه / ممكن بسبب سمعة اخوك وسمعة عيلتكم في السوق انكم قاسين لابعد حد و الحياة العملية في المقام الأول 

احمد/ مش عارف والله يا جنه بس هو ممكن أسر يكون هو اللي متعصب شوبة و معندهوش تهاون بس ده غصب عنه من اللي شافه و عاشه غصب عنه خلاه يتغير و يتحول لواحد تاني 

جنه/ ومين مننا متغيرش المهم انا مش عارفه هقنع بابا ازاي

احمد/ يكون في معلومك يا جنه تقنعي باباكي ولا متقنعهوش انتي بتاعتي ومش هسمح انك تضيعي مني انا لما صدقت لقيتك 

جنه / ربنا يقدم اللي في الخير يا احمد أن شاء الله ححاول أقنعة انهاردة انا و حياة 

وأغلقت هاتفها وهي في حاله حب واضحة عليها 

اقتربت منها حياه 

حياة ،/ هاي نحن هنا رحتي لحد فين يا ختي 

جنه/ بتنهيده عشق رحت لحد فيلا الفضالي اااه يا حياة لو بابا يوافق انا بحب احمد قوي ونفسي اتجوزه

حياة/ بس انتي عارفة. راي بابا في الجوازه دي و من معرفتي ببابا أنه مش ناوي يلين و يوافق واضح أنه اصلا واخد موقف من عائلة كلها بس انا مش عارفه ايه السبب ربنا يقدم اللي في خير تعالي دلوقتي نحضر الغدا زمان بابا علي وصول و بعدين تبقي نتكلم معاه براحة ونفهم منه اية سبب رافضة الغير مسبب ده 

جنه/ بصي يا حياة علشان بس متقوليش اني ما قولتش سواء بابا قبل احمد أو رفضه انا هتجوزة و انا بقولهالك اهو 

وفجاءة انتفضوا الاثنين من مكانهم علي صوت حاد يقولو بغضب شديد

الاب محمد / يعني ايه يا ست جنة ممكن توضيح سواء انا رفضت أو قبلت انتي تتجوزي اللي اسمه احمد معلش كده فاهمين علشان شكلي كبرت و مش عارف افهم 

جنه بفزع من صوت والدها 

جنه / بابا  من فصل حضرتك انا اللي هتجوز وانا اللي هعيش مش حضرتك و انا شايفة أن ساعدتي حتكون مع احمد وانا بحبه 

الاب / بس انا عارف مصلحتك اكتر منك و انا بقولك مش هتكوني مرتاحة مع عائلة الفضالي دي ناس مبتعرفش يعني ايه حب شايلة مشاعرها و حاطة مكانها قلب اليكتروني بيتحرك بحساب لاغين من قاموسهم العواطف الحب و الرحمة 

قالت جنه بهدوء عكس ما تحاول اخفاء من غصب

 بابا من فضلك بس دي حياتي انا و انا اللي عاوزة اعشها بحلوها و مرها حضرتك اخترت ماما الله يرحمها بأرداتك و حضرتك اللي قررت تكمل معاها بقيت حياتك لو سمحت سبلي انا كمان حرية الاختيار انا كمان عاوزه اختار الشخص اللي حقدر اكمل معاه بقيت حياتي 

الاب/ بس انا اكتر خبرة منك و شايف أن الشخص ده مش مناسب ليكي لاهما زينا ولا احنا زيهم فرق المسافات طويلة بنا صدقيني يا حببتي انا مكرهش اشوفك سعيدة بس بلاش حد من العيلة دي صدقيني مش هتكوني سعيده معاهم 

تدخلت حياة  في محاوله لإقناع والدها 

 بابا من فضلك جنه متعلقة بأحمد قوي سبها تجرب مش يمكن تنجح بص يا بابا كل حاجة في الدنيا وارده النجاح و للفشل لازم نجرب و مش مشكله نفشل علشان لما ننجح نعرف طعم النجاح 

قطع الاب كلامها وقال بصوت عالي

الاب/ وممكن تفشل يا حياة 

حياة/ كل شيء وارد و يبقي جربت واتعلمت و عرفت غلطتها 

الاب،/ انتم بتكلموا ازاي افهم بتكلموا ازاي ده جواز مش لعبة هنجرب فيها يعني حياة كاملة يعني لما هتخرج مش هترجع زي ما خرجت افهموا بقا انا مش عدوكم أو ضدكم انا ابوكم و خايف عليكم الدنيا صعبة و الناس مابترحمش 

حياة / معلش يا بابا و انت ضامن منين أن أي حد حيجي يتجوزنا هيطلع كويس يعني بردو في احتمالية للفشل و ده وارد ولا ايه 

اجاب الاب و هو يشعر أنه بداء يخسر المعركة أمام بناته 

الاب/ طبعا وارد يحصل كده مافيش في دنيا حاجة ابدا مضمونه الضامن هو الله

جنه/ يبقي خلاص طلما مافيش اي حاجة مضمونه سبني اجرب وانا و حظي بقا 

رضخ الاب ليهم بعد العديد من المحاولات و اخيرا وافق علي الزواج بشرط ما تجيش في يوم تشتكي منه تستحمل نتيجة اختيارها للاخر

وافقت جنه علي الشرط ده و أسرعت تزف الخبر لاحمد 

قربت حياة من والدها وربطت علي ظهره بحنان وقالت بهدوء 

حياه/ بابا سبها تجرب جنه مش صغيرة و قلبها حب سبها تروح مع اللي بتحبة يمكن تنجح طلما زي ما حضرتك قلت مافيش حاجة مضمونه وكل شيء وارد للنجاح و الفشل خلاص سبها تاخد اللي بتحبه وتجربة معاه حتي لاسؤ الاحوال فشلت يبقي عاشتلها يومين حلوين في الاول 

الاب/ ماشي يا حياة قلبي نسبها تجرب ويارب يخيب ظني و يطلع ابن حلال

حياة / انت اجمل بابا في دنيا 

بلغت جنه احمد بموافقة و الدها وكانت فرحتهم غامرة والسعادة في قلوبهم فهو أيضا عشقها حد النخاع 

حدد احمد معاد لياتي ويطلب يدها للزواج من والدها

جاء احمد في معاد المحدد ومعه اخوية اكرم وأسر ولم تخرج حياة لمقابلتهم تم تحديد معاد العرس ولكن احمد و جنه أصروا علي عدم عمل حفل زفاف والاكتفاء بكتب كتاب وبالفعل بعد اسبوعين من القاء تم كتب الكتاب في منزل العروس و اخدها العريس وسافر معاها لقضاء شهر العسل 

ذهب احمد وجنه في رحلة شهر وكانت اجمل ايام العمر فعلا احمد كان عاشق جنه بالفعل عاملها كأنها ملكة متوجه علي عرشة قضي أسبوعان معا من اجمل ايام عمرهما وكأنهم بيسرقوا من العمر حياه قبل أن يسرق منهم العمر اجمل سنين الحياة

كانت جنه علي تواصل مع اختها طوال مده السفر وكانت تحكي لها عن مدي سعادتها و ان احمد طلع الاختيار الصح و أنها احسنت الاختيار 

فرحت حياة بسعاده اختها الكبيرة وتمنت هي ايضا أن تقابل الحب يوما 

ولكن دائما تاتي الرياح بما لا تشتهي السفن انتهت الإجازة. وعادا العرسان من شهر العسل علي الڤيلا التي تقنط فيها باقي العائله 

دخلت جنه الڨيلا وهي كلها امل و سعاده وكانت مبهوره جدا من منظر الاثاث الفخم و الديكورات كانت مصممة على أحدث تبراز كانت جنه مبهوره فعلا بجمال الڤيلا و شبهتها بلقصر كانت مثل أي عروس تود أن تشعر أنها داخل بيتها ولكن كان للقدر راي آخر 

دخلت جنه وهي ماسكة يد احمد بحب و الفرحة تغمر وجهها المشرق 

وفجاءة جاء صوت من خلفهما 

الف الف مبروك بالعرسان اهلا وسهلا 

التفتت جنه خلفها لتجد سيده في العقد الرابع من عمرها يغطي الشيب معظم شعرها مع صغر سنها ولكن شكلها بعكس عمر اكبر من سنها وكان سواد قلبها طبع علي وجهها 

ابتسمت السيده ابتسامة باهته وقالت نورتي عيلنتا الجميله يا عروسة 

ثم التفت الاحمد وقالت له

ماجدة/ مش تعرف عروستك بيا ولا ايه

احمد/ اه اه طبعا و شاور علي ماجده وقال دي بقي ماجده مرات اكرم اخويا 

ثم شاور علي جنه وقال / دي بقي جنة عمري علي الارض جنتي علي الارض و حببتي و روحي و عقلي جنه مراتي حببتي 

كل ده والغيظ و الحقد يتملك قلب ماجده من ناحية جنه فاهي تشعر بالقهر بسبب جوازها من اكرم بسبب مرضة و تشعر بالنقص لعدم استطاعتها علي الانجاب و تشعر بالطمع وحب السيطرة لخوفها الشديد لرجوع للفقرة مرة أخري فاهي تريد كل شيء واي شيء لنفسها حب الذات سيطر عليها مما جعلها تكره اي حد يشاركها الثروة التي اعتبرتها حق مكتسب لها لذالك أصبحت جنه عدوتها الاول .

انتبهت ماجده أنها شاردت فاقت لنفسها و رحبت بجنه وقالت بابتسامة صفراء

ماجده / اهلا وسهلا بعروستنا نورتي وشرفتي بيتك الجديد اكيد حتكوني مبسوطة معانا 

ثم التفت لاحمد وقالت 

يلا يا احمد خد عروستك و فرجها اوضتها وانا حبلغ حدانتبهت من المطبخ يطلعوا الاكل لحد عندكم فوق عرسان بقا 

رفعت جنه عينيها وقالت 

جنه / مافيش داعي يا أبلة ماجدة الاكل يطلع فوق احنا حتنزل ناكل معاكم علي السفرة عاوز اتعود علي الوضع بسرعة واحس أن انا في بيتي ولا ايه 

برقت ماجدة من كلمة ابله وبلعت ريقها بصوت مسموع و بدأت ملامح عينيها تتحول لنظرات غضب حتي تسرب الخوف لقلب جنه وبدأ قلبها ينقبض من ماجده 

ماجده/ وهي تجز علي أسنانها اللي تشوفي يا عروسة عن اذنكم علشان اشوف اكرم

وماشت تبرطم قال ابله قال ما تقولي يا تيته احسن شكل ايامك هنا حتكون طويله يا بنت الحواري 

ماسكت جنه في يد احمد بقوة و قلبها يزاد خفقان خوفا من نظرات ماجده لها 

ثم التفت إلي احمد وقالت

جنه/ احمد بالله عليك تعالي و ريني فين الاوضة بتاعتنا 

شدها احمد من يدها وهو يبتسم تعالي علي عشنا الصغير يا قلبي 

دخل احمد و جنه غرفتهما حاوطها احمد بذراعة وشدها اللي حضنه وقال لها في حنان

اخمد/ جنتي علي الارض تسمحيلي اعبرلك عن مدي حبي ليكي يا رق واجمل من رأي عيني 

لفت جنه يدها هول رقبته وقالت انا كل لحظة يقضيها معاك هي الجنه بعينها انا بحبك قوي قوي يا روح قلبي 

نزل احمد يد جنه من علي رقبته و مد يده في جيبه واخر علبة كبيرة 

فتح العلبه و انتبه علي شهقان جنه و انبهارها بلعقد الماظ داخل العلبة 

جنه/ ادهز يا احمد العقد يجنن بجد جميل قوي ده بتاعي 

هز احمد راسه بالايجاب 

فتحت جنه فاه من الدهشة وقالت بس ده شكلة غالي قوي 

ابتسم احمد و قال وهو يجلس ويضع ساق فوق ساق

اخمد،/ مافيش حاجة. في الدنيا تغلي علي جنتي و يلا بقا فضي الشنط علشان مكون جاهزين تحت علي معاك الغدا أسر مش بيحب التأخير عن المواعيد بيحب الانضباط و مش بيحب حد يعارضه 

قالت جنه وهي تفتح احدي الحقائب 

جنه/ بس انا ملاحظة أن الكل بيعمل حساب الاخوك أسر و ملاحظه ان كلمة هنا هي كلمتة مع أنه اصغر واحد فيكم

قال أحمد و هو يمسك يد جنه بحنان و يجلسها بجانبة

اخمد/ بصي يا جنه أسر هو اللي عمل كل اللي انتي شيفاه ده هو صاحب الامبراطورية دي كلها اكرم زي ما انتي شايفة مجبر يمشي نفسة بس معندوش قوة أسر في احنا المشاكل 

قاطعته جنه وقالت 

انا كنت لسة حسالك عن اكرم و ايه اللي وصل حالته لكده و تطلع مين امنا الغوله اللي متجوزها بجد تخوف قوي ولا نظرتها اعوذ بالله شبه شيطان 

بجد كلكم هنا كل واحد لغز لوحده 

احمد/ اهتمي بس الاول بتفضيت شنط وأننا نزل في معادنا علشان من ضايقس أسر 

وبليل انا حقعد احكيلك علي كل حاجة في بيت الاشباح اللي احنا ساكنين في 

وبصي بقا بخصوص ماجده حاولي علي قد ما تقدري ابعدي عنها و أياكي ثم اياكي تحكلها حاحة عن حياتنا اوعي يا جنه مفهوم 

جنه / ليه شايفني عبيطة علشان احكلها دا انا بخاف اقعد اتكلم معاها اصلا 

انتهت جنه من شغلها و رصت كل الملابس في دولاب ثم التفت إلي احمد وقالت بمرح

جنه/ احمد انا خلصت يلا بقا احسن انا واقعة من الجوع بجد 

احمد/ ياخبر انا ازاي ما انتبهتش أننا مافطرناش الشغل اخدني وانا قاعد جنبك معلش كان في شغل كتير متعطل بسبب سفرنا 

يلا يا حببتي علشان ننزل نتغدي 

ماسك احمد يد جنه و ذهبوا اللي السفرة 

كان الكل متجمع حول المائدة أسر يترأسها وعلي يمين يجلس اكرم وبجوار. ماجدة التي الي أن وقع عينيها عليهم و يديهم تعانق بعضها البعض الي أن الغل مسكها مرة أخري من نا حيتهم 

دخل احمد و القي تحية رفع أسر راسة حياهم بيها دون أن ينطق و اكمل طعامة في صمت تام الكل كان معتاد علي طريقتة فهو قليل الكلام و لكن الكل بيحذر من غضبه جلست جنه بجانب احمد و هي تنظر لا أسر نظرات تفحصية و كأنه لغز كبير بدأت في تناول طعمها بشهية فقد تملك منها الجوع اقصاه

الفصل الثاني 

فقد كانت جنه جائعة فعلا 

رفعت ماجده عينها علي جنه وقالت لها بسخرية: 

خير يا عروسة انتي شكلك عمرك ما اكلتي مع ناس قبل كده براحة شوية مش كده الأكل مش ها يهرب الخير كتير ولا مش متعوده علي خير ده كله 

احمر وجه جنه بشده وادمعت عينيها و تركت الأكل لاحظ أسر كلام مرات اخوه رفع عينيه من علي الاكل وقال بصوت مسموع وفيه شبه انذار: 

ماجده سيبي عروستنا تاكل براحتها لان ده بيتها ثم التفت اللي جنه وقال لها بهدوء: 

ايه اخبارك بدأتي تتعودي علي العيشة معانا ولا لسة

هزت جنه رأسها بخجل شديد و قد احتبست دموعها 

يعني لسة ملاحقتش احنا يادوب لسة راجعين من شهر العسل لسة واحده واحده هاخد علي البيت 

قال اسر بابتسامة ود :

تمام ربنا يسعدكم بلغي والدك أن انا هستناه علي العشا معانا انهاردة علشان العائلتين زي ما انتي عارفة انكم اتجوزتم بسرعة ملاحقناش نتعرف على بعض كويس 

وانتي اعتبري نفسك في بيتك و اتصرفي ان البيت بيتك تعملي اللي انتي عايزاه في الوقت اللي انتي عايزاه 

جنه هزت راسها بهدوء ثم أكملت حاضر هبلغ بابا بدعوة حضرتك

ضحك أسر من خجلها الزائد وقال :

بصي يا جنه احنا هنا كلنا اخوات يعني ترفعي الألقاب و معلش بقا هاخد عريسك منك عندنا اجتماع شغل يلا يا اكرم لو خلصت اكل انت كمان

انتبه اكرم وقال :

اه خلاص يا اسر خلصت هبلغ المطبخ يجبولنا القهوة فوق علي المكتب 

قال احمد مؤكدا:

اكرم انا مش عاوز قهوة خليها عصير برتقان الله يكرمك

اكرم وهو يغمز بعينة : .

حقك يا عريس محدش يقدر يعترض 

اكرم شخصية طيبة جدا شاطر في شغل الشركة فهو غول حسابات ماسك كل حسابات الشركة بتقنية عالية مش بيحب مراته متجوز في ظروف خاصة لعبت ماجده علية و استغلت المرض النفسي اللي عنده.و اوهمته باشياء لما يفعلها حتي أصرت علي الزواج منه

مشكلة مرضة عنده خوف شديد من الفراق وان أحد يتركه ولكن دون ذالك فهو شخص طبيعي جدا بل وماهر أيضا في عمله 

استغربت جنه من جمال وتواضع أسر رغم أنه يظهر عليه عكس ذلك و لكن دايما خلف كل قناع قسوة شخص كان حنون و تألم أكثر من الازم حتي تحول اللي قاسى

دخل الاخوات الثلاثه غرفت المكتب لبداء العمل

رن هاتف اكرم 

قال اكرم وهو ينظر لهاوية المتصل:

معلش جماعة مجبر ارد

رفع أسر عينية في ريبة من اخية لقد بداء شاكة يتحول الي يقين 

اجاب اكرم علي هاتف بصوت منخفض:

ايه يا امل مش قلتلك ما تتصلش بيا علي الخط ده 

امل بصوت باكي : 

الخط تاني مقفول وانا عوزاك ضروري 

اكرم و بداء علية علامات القلق خير في ايه حصل ومال صوتك 

امل :

نور سخنه من امبارح وانا مش عارفة اعمل اية اتصلت بدكتورة طلعت واخد اجازة مش عارفة يا أكرم اتصرف و خايفة اسيب محمد لوحده في البيت وانزل بيها لاي مستشفي 

اكرم :

طايب تمام اجهزي و جهزي عيال انا ربع ساعة وحكون عندكم

التفت اكرم وجد أن اخواته مركزين قوي في حديثة و علي وجههم علامات الدهشة 

احمد :

اوبا اوبا تعالي هنا يا كبير انت عارف لو امنا الغوله الي برا سمعت الكلامك ده حتعمل فيك ايه 

قطع كلامة صوت أسر وهو يقول بصوت ضاحك مش بعيد كانت عملته حلاقات صغيرة 

ضحك الاخوات وقال أسر بجديه

اسر بجدية:

لا بجد يا اكرم في ايه 

اكرم وهو يستعد للخروج مش وقته احكي انتم بس غطوا ضهري عند امنا الغوله اللي برا ولما ارجع هحكلكم كل حاجة بس انا لازم اخرج حالا معنديش وقت سلام يا أجدع اخوات وخرج مسرعا

جلس احمد و أسر يتحدثان

قال اسر/

بقولك ايه يا احمد خالي بالك مرات اخوك ماجده حاطت مراتك في دمغها حظر مراتك منها وخليها تتجنبها علي قد ما تقدر 

هز احمد راية مؤكد كلام اخيه

اخدت بالي لما اتعمدت تحرجها علي الغدا بصراحة اكبر غلطة عملنها أن سمحنا لوحدة زي دي تخش بنا لولا أن اكرم طيب ما كنتش عرفت تضحك عليه

اسر: 

هي ما ضحكتش علي اخوك هي استغلت نقطة ضعفه و دخلتله منها متنساش ان اكرم من ساعة حادثة ماما وهو وضعة الصحي مش كويس 

احمد بحزن : 

ما هو بردو اللي مر بيه مش كويس عارف لما يكون في عز فرحتة و تتكسر 

اسر بحزن شديد هو الآخر و كان شريط من الذكريات يمر امامه 

انا فاكر الأحداث وكأنها امبارح و كلنا بعد اليوم ده محدش فينا رجع زي الاول تاني كلنا انكسرت جوانا حاجات محدش فينا طلع سليم اكرم هرب بعزلته و قاعده في المصحة وانت هربت وسافرت بعيد وانا اللي شلت الليله كلها حاست ساعتها أن انا كبرت خمسين سنه علي عمري 

احمد :

حقك عليا يا اخويا اللي حصل كان فوق مقدرتي علي تحمل تخيل كده لما ابوك وامك الن*ار تاكلهم قدام عينك وانت واقف مش عارف تعمل ليهم حاجة وكأننا عجزة فاضلنا احنا التلاته واقفين مش عارفين نتصرف لولا انت دخلت وسط النار وعرفت تطلع ماما وكانت النتيجة أن جسمك كله من جوا اتشوة و هي خرجت حيه بس ما كنش فيها حاجة سليمة حتي وشها الجميل راح و متستهونش بالي حصل لاكرم امي ما استحملتش تعيش مشوة و أن بابا سابها وراح امي وقعت من فوق سطح الفيلا قدام اكرم كان واقف تحت لاقي امي نزلت من فوق جمبه أصاب بحالة نفسية من ساعتها 

اسر بدموع فاكر ايامها أكرم فقد النطق شهرين و قاعد في المصحة سنه لحد ما لافت عليه ماجده وكانت شغاله ممرضة هناك و فاهمت حالته و استغلت مرضة و من ساعتها وهي لازقة فينا

احمد :

فاكر انك مكنتش موافق علي الجوزاه دي 

اسر :

اه بس هي كانت عاملة غسيل مخ لاكرم أيامها و حاولت تقنعة أنها خايفة علية

احمد 

فاكر ايامها يا أسر انت بعتلي وقولتي انزل علشان تحضر فرح اخوك 

اكمل أسر كلامة ،:

وكانت طماعة لابعد حد مراعتش حزننا و صممت تعمل فرح طقم الماظ كان الطمع بينط من عينها 

احمد بضحك : 

طايب خالي بالك احسن هي بترسم عاوز تجوزك ماجي هانم الاخت صغنونه أو عقربة صغيرة

اسر بسخرية :

ده ابعد من خيلها دي لو لمست السما بايدها مش حيحصل ولا عمره حايحصل 

وفجأة الباب انفتح دخلت ماجده تبحث بعينيها عن اكرم 

ماجده باستعجاب :

امال فين اكرم هو مش كان معاكم بردو

تلجلج احمد في الكلام ولكن أسر نقذ الموقف 

اسر بجدية ؛

اكرم خرج يخلص شغل متعطل كنتي عاوزه منه حاجة يا مرات اخويا

ماجده بارتباك 

: لا بس خرج من غير ما يقول دي بس اللي مستغربها مش بعاده 

اسر :

الشغل جه فجاءة وكان لازم ينزل بسرعة علشان كان في حد من العمال عامل مشكلة 

ثم رفع عينه فيها وقال :

في أي استجوبات تانبة ولا تسبينا نكمل شغلنا 

خرجت ماجدة و علي وجهها علامات الغيظ 

دخلت علي جنه غرفتها تبخ سمها شوية

كانت جنه تتحدث مع حياة اختها علي الهاتف 

جنه :

ها يا حياة بابا وافق تيجو تتعشوا معانا 

حياه بتهديده: 

اه اخيرا بعد محيلات طلع عيني المهم طمنيني عليكي عاملة ايه في الجواز 

جنه 

/ بصراحة احمد طلع بني آدم كويس هو بس مافيش غير وقطعت كلامها فجاءة علي صوت ماجده 

ماجده :

ايه عروستنا نايمة ولا اجي اقعد معاكي شوية

كانت جنه مستلقية علي السرير اتعدلت اول ما شافت ماجده

جنه :

لا طبعا اتفضلي حضرتك انا صاحية ثم قالت لحياة أن تغلق الخط 

ماجده بسخرية

ايه العريس لحق يزهق من العسل ويطفش شكلك مش مريحاه يا عروسة 

جنه وشها احمر وقالت بتلجلج 

ليه بس انا مش حريحة هو عنده شغل و انا حابيت اسيبه علي راحته 

ماجده وهي ترفع حاجبها الأيسر وشعور الانتصار تسلل لها : 

لا راحته ايه ده احمد اللي مقطع السمكه و ديلها انهاردة معاكي بكره مع غيرك اديني بحظرك علشان متقوليش أن انا محظرتكيش 

دخل احمد وجد وش جنه لا يفسر و ماجده علي وشها ابتسامة انتصار تاكد ان اللعب اشتغل و بدأت ماجدة تزهق جنه 

اقترب احمد من جنة و وضع قبله علي وجنتيها وقال بحب و حنان مبالغ فيهم :

ممكن اعرف جنتي علي الارض وشها ماله مخطوف كده ليه ايه ياروحي لتكوني تعبانه اطلب دكتور 

جنة .:

لا لا خالص انا كويسة ماتقلقش شوية إرهاق من السفر بس حرتاح شوية و حكون تمام 

ثم التفت احمد لماجده وقال بنوع من القرف:

خير يا ماجده كنتي عاوزه . حاجة من جنة 

انتبهت ماجده أنها لسة واقفة في الغرفه معاهم 

قالت ماجده بأرتياك:

لا خالص انا بس كنت جاية اسالها اخليهم يعملوا اكل ايه في المطبخ زي مانت عارف جايلنا ضيوف وكنت خايفة ميعرفوش الاكل اللي حنقدمهلم فا انا جيت اسال جنة يمكن تقولي علي اكل مخصوص اخليهم يعملوا 

وللمرة تانبة تحاول جرح جنه متعمده ذلك 

جنة أخفت زعلها وتظاهرات بالقوة وقالت بنبرة تحدي:

تسلمي يا ابله ماجدة تعبتك معايا بس انا خلاص بلغت الناس اللي في المطبخ تحت عن اللي مفروض يتعمل شكرا تعبتك و تصنعت أنها مشغوله في هاتفها 

ارتبكت ماجدة من طريقتها و اتغاظت أنها اصدرت قرارات للخدم

ماجده:

اممم والله طايب تمام نعديها بس علشان جديدة

جنه :

نعم يا أبلة حضرتك كنتي بتقولي حاجة ما سمعتش اسفة 

كل ده و احمد كاتم ضحكتة وان جنه عرفت تعصب ماجدة 

خرجت ماجدة و هي تكادو تموت غيظا من جنه 

فور ما خرجت انطلق احمد بصوت مرتفع وقال: 

يا جنة يا جااااااااامد ايوا بقاااااااااااااا اديلوا ما ترحمهوش اوعي تحسسيها في يوم انك ضعيفة أو تسمحلها تقل منك انتي فاهمة 

هزت جنة راسها مؤيده لكلامة وقالت له جنة بس انا مخصماك بردو و مش ناوية اتصالح 

ضمها احمد لحضنه وقال: 

يا خبر. جنتي حتقلب جحيمي مخصماني ليه بس

خرجت جنه من حضنه وقالت بدلع:

اولا سبتني مده طويلة لوحدي وانا لسة معرفش حد هنا غير كده ام أربعة و أربعين بتقول أن انك زهقت مني و انك مقطع السمكه وديلها

فصل احمد من كتر الضحك و قال:

وما قلتلكيش اني متجوزة عليكي وعندي نص دسته عيال 

ثم التفت وضمها لحضنة مرة أخرى بقولك ايه يا جنة: اوعي حد يشكك في حبي ليكي وتصداقية انا بحبك لدرجة الجنون بحبك فوق الحب حب انا عشقتك بكل كياني يا اجمل وارق ما رأت عيني 

تعالي بقا علشان عاوزك في كلمتين تعالي بس تعالي اقولك 

اتحرجت جنه فضل حضنها ويوزع قبلات علي وجهها متفرقة اللي أن ذهبا في عالم اخر لا يوجد فيهم غيرهما عالم مملؤ بلاحلام الوردية

و علي الجانب الآخر وصل اكرم عند امل و اتصل عليها 

اكرم :

امل انزلي بسرعة يا حببتي انا وصلت 

نزلت امل و في يدها طفلين تؤام محمد و نور اولاد اكرم من امل 

استوووووب

بعد فترة من جواز اكرم بماجده وكان بدأ يتعافي بدأت تظهر علي حقيقتها و انها عبده للمال وان كل همها حسابها في بنك كام ؛ غير أنها فرضت اختها عليهم و اجبرتهم أنها تعيش معاهم ايام الإجازات بحجة أن ملهاش غيرها وزود البعد أن ماجدة طلعت عقيمة غير قادرة علي الانجاب و أنه تزوجها في ظروف صعبة وكان تحت تأثير المرض اللي ان قابل امل فاكنت تعمل سكرتيره عنده في قسم الحسابات اعجب جدا بشغلها و طريقه تفكيرها حس بأنها هي اللي ممكن يكمل معاها حياته عرض عليها الطلب الزواج ووافقت لأنها هي ايضا كانت مياله له تزوجها عند المأذون في سرية تامة حتي أنه اخفي الخبر علي اخواته وانجب منها طفلين تؤام 

ركبت امل السيارة و علي وجهها علامات خوف شديده علي ابنتها ربط اكرم علي يدها يبث لها الامان 

اكرم/ اهدي كده يا قلبي و متخافيش دقائق ونكون في المستشفى وان شاء الله خير ماتقلقيش

امل / يا رب يا اكرم انا حموت من الخوف عليها حرارة مش بتنزل

وصلوا المستشفي و تم الكشف علي نور وكتب لها الدكتور علي علاج وطئنهم انها بخير 

وصل اكرم امل الي منزل ونزل من سيارة 

التفت له امل باستغراب وقالت: 

اكرم انت طالع معانا و لا اية

ابتسم اكرم وقال بحب : 

طبعا يا قلب اكرم وانتي فاكرة حاسيبك لوحدك ونور عيانه 

أدمعت عيون امل من فرط حنانه وقالت : 

واللي عندك في البيت يا اكرم انا مش عاوزة حد يشك في حاجة انا عاوز اربي عيال مراتك نابها ازرق 

اكرم / امل نطلع نتكلم فوق مضيعيش الوقت انا مشتاقلك قوي 

ضحكت امل و فاهمت قاصده 

امل:

هههههههههههه ماشي يا كيمو بس متقولش علشان خاطر نور بس 

فتح اكرم باب الشقة و دخل الاولاد غرفهم 

وقرب من امل قوي فهو عاشق متيم انا طلعت علشان خاطر ام نور علشان خاطر احن ست في دنيا ربنا يباركلي فيكي ويحفظك ليا يا اجمل ما رات عيني بحبك يا امل 

وأخذها وذهب بيها لعالم الاحلام اللي أن فاقا علي صوت رنين الهاتف 

اكرم بشبه نعاس: 

الو ايو يا ماجدة خير في ايه 

ماجده بعصبية :

انت فين كل ده ممكن افهم حضرتك مختفي فين وسايبني لحرقه الدم اللي هنا 

اكرم بنفاذ صبر و مين اللي قدر و حرق دمك ده الله يباركله 

ماجده بصياح:

اكررررررام انت فين 

اكرم بسخرية : 

منها انا في هدومي 

مالت امل علية وبصوت منخفض يا كداب هي فين هدومك دي اللي انت فيها 

اكرم مال عليها وقال بهمس: 

طايب اقولها ايه في حضنك انبي اقولها 

كل ده ماجدة علي خط عمالة تقول الو الو رحت فين يا اكرم 

اغلق اكرم الخط بحجة الشبكة وقام وقف وهو ينظر لساعة يده وقال:

يادوب اقوم اخد دوش سريع اتاخرت عندنا ضيوف علي عشا ولازم اكون موجود 

قالت امل برضا وحب وتفهم واضح لظروفه: 

ماشي يا حبيبي حقوم اعملك فنجان قهوه علشان تصحصح كده 

وفي الفيلا جهزت جنه لاستقبال أهلها ونزلت علي المطبخ تشيك علي اكل 

دخلت جنه المطبخ كان الكل بيعمل علي قدم وساق أثنت لهم جنه بحب و شكرتهم علي مجهودهم 

وصل بالفعل والدها بصحبة حياة 

جرت جنة عليهم اول ما شفتهم فهم أهلها و عزوتها وكل ما لديها

ابتسم لها والدها وهو يحضنها بشوق وحنان :

اهلا يا حببتي طمنيني عليكي عامله ايه 

جنة بفرحة:

بابا انا مش عارفه اشكرك ازاي انك جيت ومصغرتنيش قدامهم انا عارفة انك جاي غصب عنك بس انا بجد فرحانه قوي انك كبرتني عندهم وعرفتهم أن ليا سند وظهر 

حياة بمرح معتاد :

يا بنتي اهمدي شوية وانتي مش بتفصلي من الكلام الانشة بتاعك ده يا باي زي ما اتني ما اتغيرتيش قلت الجواز حيهدك بس بردو لسة لسانك شغال الله يكون في عون جوزك متحملك كل ده 

جنة بضحك:

انا بردو الله يكون في عون  اللي حيبتلي بيكي و ضمت جنة حياه تحتضنها 

كل ذلك وكانت  وعيون مرقباهم و مراقبة مرح و هزار حياة مع اختها ابتسم علي شكلها الطفولي و براتها إلا أنه اقسم أن عمرها لا يتعدي الثامن عشر 

وفجاءة ظهره ماجدة أمامهم

،

الفصل الثالث 

جنة/ انا بردو الله يكون في عون  اللي في هيبتلي بيكي و ضمت جنة حياه تحتضنها 

كل ذلك تحت أنظار  وعيون مرقباهم و مراقبة مرح و هزار حياة مع اختها ابتسم علي شكلها الطفولي و براتها إلا أنه اقسم أن عمرها لا يتعدي الثامن عشر 

وفجاءة ظهره ماجدة أمامهم

قالت حياة بدون تفكير : 

سلاما قولا من رب رحيم انتم عندكم عفاريت يعني الفيلا دي ماسكونه صح ما تخبيش عليا 

جنة / هههههههههههه في اية بطلي كلام فارغ عفاريت ايه و هبل ايه انتي مش ناوية تعقلي يا بنتي انتي قربتي تكوني معيده في الكليه و لسة طفله ناوية تكبري أمتي بس 

حياة :

ههه هو انا ماقلتلكيش  مش انا مش ناوية اكبر بس لا و  النعمة انا شوفت عفريته من شوية كانت نزله من علي السلم  اه والله زي ما بقولك كده 

الساعة دي فصل اسر من كتر الضحك ووقع علي الارض 

التفت احمد له بأستغراب وقال :

تعرف يا اسر انا اول مرة اشوفك بتضحك كده من ساعة و فاه كارما الله يرحمها 

اسر بضحك : 

/ تعالي شوف بنفسك المصيبة اللي برا و اللي بتقوله علي ماجده  بجد بت مشكله ملهاش حل 

احمد نظر للخارج وقال وهو يبتسم:

اااه انت قاصدك علي حياة  اخت جنة دي بنت زي سكر دي عاملة مشاكل مع طوب الارض في الكلية كلها ملهاش سيرة غيرها هي ومشاكلها 

اسر باستعجاب! 

كلية كلية ايه دي آخرها ثانوي و كمان أنا كارمها 

احمد  بضحك:

ثانوي ايه دي اخر سنة كلية الفنون جميله كل سنة يتنجح  بتقدير امتياز بتحاول السنادي تاخد الامتياز علشان تفوز بمنحة الايطالية من الكلية

اسر : 

/ دي انت بتكلم جد امال شكلها بيدي حضانه ليه 

احمد:

هههههههههههه دي اللي مش عجباك في قسم ديكور. و احسن واحد تصمم ديكورات غريبة مش تقليدية انا شوفت شغلها وكنت مبهور بجد يا أسر حاجة فوق الوصف ملهاش زي 

وفي الخارج دخلت ماجي اخت ماجده علي الضيوف وبكل عجرفه كعادتها : 

هاي اهلا وسهلا نورتونا 

وجلست ووضعت ساق فوق ساق

شاورت حياة لأختها مين دي ولكن رفعت جنة ساعديها دليل علي عدم معرفتها هي أيضا مين دي 

اتكلمت ماجي  من أطراف منخارها مين فيكم بقا عروسة احمد 

جنة: 

انا مرات احمد انتي مين متشرفتاش بحضرتك 

ماجي:

امممم انت  قلت كده والله مش معقول صغنونه اللي جامبك تكون هي دي آخرها تروح مدرستها 

استشاطت حياة غيظا ولكن انقذ الموقف دخول احمد و أسر مرحبين بالضيوف

احمد بحب : 

اهلا وسهلا يا عمي نورتنا بجد مجيك و قبولك دعوتنا شرف لينا والله 

الاب :

شرف ليا يا ابني   انا كل اللي اتمني انك تحط جنة جوا عيونك وتحافظ عليها  و عينة جت علي ماجي بخوف 

احمد : 

ما تخافش انا اصلا حاطت جنة جوا قلبي مش في عيوني بس كن مطمن عليها دي جنتي علي الارض وانا افديها بقلبي 

ابتسمت جنة و حضنتة بعيونها وهو داب في نظارتها ونسوا العالم من حولهم 

حياه وهي تزج جنه في يدها : 

احم احم نحن هنا يا عصافير كناري اااايه  دنيا اوعدنا يارب نص حب ده انا راضية الناس كلها شايفاني جعفر و لسة عيلة يارب اكبر بقا في نظرهم حبه 

دخل اكرم عليهم ورحب بلضيوف وعيون أسر علي حياة 

قال اسر في نفسة: 

ايه السحر الغريب اللي في البنت دي بجد انا مش عارف فيها جاذبية غريبة وجمال فريد من نوعه رغم أنها بداري كل ده في ضحكتها وهزرها بس بجد جميلة و فيها حاجة مميزة 

قطع الصمت كلام احمد مع حياة وهو يقول لها

اللي بلحق  عملتي ايه في مشكلتك حلتيها و لا استعنتي بصديق 

حياة بثقة : 

عيب عليك يا بو حميد انت مش عارفني  حلتها باحتراف  انا حياة يابني عارف معني كلمة حياه 

جنة بضحك:

ما هو مش موديكي في داهية غير ثقتك الزائدة بنفسك يابنتي انتي كنتي هضيعي مستقبلك كله 

حياة/ 

يا سلام يعني اسبها تجرح كرامتي و تاخد مكاني و تعبي واقف اتفرج عليها لية بقي أن شاء الله بقا انا أسهر واجيب مشروع تخرج فريد من نوعه و هي عاوزه تحطت اسمها علية بالساهل كده لا ده لبعدها

الاب : 

بس دي بنت العميد يا بنتي و احنا مش قد الناس دي 

حياة اتعصبت و تحولت من الطفله المرحة اللي الجديه التامة:  

والله ولو بنت وزير الإعلام نفسة  بردو ده حقي وتعبي وانا لا يمكن اسيب حد ياخد حاجة انا تعبت فيها 

احمد : 

بس والله برافوا عليكي انا لما جنة حكتلي اللي عملتيه بجد عجبتني جدا 

ماجي  بسخرية

دقيقة بس علشان افهم  هو انتي في سنة كام يا شاطرة

التفت ليها حياة و هي في قمة غضبها 

حياة باستخفاف

في سنة رابعة يا طنط و ماما قالتلي ما تكلميش العيال الوحشين  و الغلسين  

احمد فصل ضحك و لكن اسر ابتسم وهو مركز معاها 

نطق اخيرا جبل الصمت وقال بوقار : 

هو  انتي عملتي ايه مع بنت العميد وايه الحكاية بلظبط 

نظر اكرم لاحمد دي اول مرة اسر يفتح حوار مع حد أو يسمع حد من أصله 

حياة بخفة ظل: 

تعجبني عندك وقت تسمع ولا عاوز عناوين وخلاص 

اسر  بضحك علي طرقتها و طفولتها

لا خدي راحتك   عندي وقت  قولي عملتي ايه 

حياة : 

تمام صلي بينا على النبي انا في اخر سنة فنون جميلة و كل سنة بطلع بامتياز تمام السنادي مطلوب مننا مشروع التخرج واحسن مشروع يتقدم صاحبة يفوز منحة الإيطالية بشرط أنه يكون جايب امتياز كل سنوات 

انا فكرت في مشروع مختلف محدش عملة و بالفعل اشتغلت علية و سلمتة للدكتور المختص افاجيء أن اسمي اتشال من علي المشروع و اتحط اسم بنت العميد اتجننت الكل قال ربنا يعوض عليكي استعوضي ربنا و اللي يقولك اللحقي قدمي مشروع تاني وكل ده وانا ساكتة مش بتكلم  و بالفعل عملت مشروع تاني احتياطي علشان لو معرفتش اجيب حقي وكان بردو مشروع مميز لحد ما اجتمعت لجنة لمناقشة المشاريع وبما أن المشروع مميز فالعين عليه وهنا بقا بينقفش الجاهل من اول حوار انا سبتها تلف الحبل هي علي رق*بتها لأن المشروع في خبايا مش حيعرفها غير اللي اشتغل علية بس هو الوحيد اللي حيعرف يجاوب 

دار النقاش ساعة وهي عمالة تتهرب و المعيد تقريبا عملها علي نفسة وهو قاعد من الكسفة

هنا بقا جه دوري وقفت و جاوبت علي كل الأسئلة بدقة متناهية و بعد ما خلصت والكل مبهور بطريقة شرحي المشروع أعلنت سرقت مشروعي ونزلت فديوهات وانا شغاله علي مشروع من فترة و منين جبت فكرته الحمد الله اللجنة أقنعت بكلامي

اسر / باهتمام. واعجاب : 

بجد برافوا عليكي طايب و البنت حصلها ايه  بعد كده اكيد اتحولت للتحقيق 

حياة: 

هي البنت بس قلبك ابيض قول العميد  حصله ايه و الدكتور اللي انا سلمتة المشروع بقي اية مش تقولي البنت خش علي تقيل 

اكرم  بضحك : 

انتي مشكلة ماشيه علي أرض 

احمد وهو يحضن ايد جنة: 

اه انت حتقولي ياما نشفت ريقي لما كنت بروح علشان اشوف جنتي 

حياة  بمرح : 

وانا مالي انت اللي كنت بتضرب لخمة

كل ده و ماجي قاعده بتغلي من جواها أسر اول مرة ياخد باله من واحدة اصلا ولاء واحده حتي مش حاطة قلم كحل في عيونها 

ماجي بعصبية واضحة للجميع : 

والله  مع أن اللي يشوفك  ويشوف طريقتك في الكلام يقول عليكي عيلة بجسمك ولبسك اللي تحسي انك رايحة الحضانه بيه  مش جاية عشا في بيت حد كبير و ليه اسمة 

جنة لسه حتتكلم حياة ماسكتها سبيلي انا الطالعة دي 

حياة /

اولا احنا متعرفناش بس ما علينا مش مشكله  بصي يا سكر  انا واحده بحب اللبس اللي يريحني مش مشكله رايحة فين المهم انا مرتاحة فيه  ولا لاء 

الكارثه  هنا اكون لبسة افخم ماركات و يكون اغلي ما فيا لبسي وبس ثم غمزت بعنيها وقالت ولا ايه ثم أكملت 

انا اللي بغلي الحاجة و بديها قيمة مش الحاجة اللي بتغليني تمام يا سكر 

ثم قامت واقفة و بنفس العفوية 

يلا بقا مش احنا معزومين علي عشا ولا ايه أنا ما فطرتش استعداد اليوم الحافل ده اكيد. بقا سفره حتكون خيالية دي سفرة عائلة الفضالي  ولا انتم ناوين تقضوها كلام وبس لاء انا جاية وعاملة غسيل معده استعداد اليوم الحافل ده 

ماجي في همس واضح : 

سوقية  و بيئة اوف معرفش بيجيبوا الاشكال دي من فين 

حياة : 

قلتي حاجة  يا سكر اصلي ما سمعتش  

في دخله ماجده مرة تانية لازقت حياة في جنه وقالت لها

حياة:

شوفتي اهو العفريت رجع تاني اهو مش قلتلك الفيلا مسكونه ما صدقتنيش

جنة جزت جنه علي أسنانها وقالت:

اخرصي شوية بقا دي ماجدة مرات اكرم 

حياة  بخضه: 

احلفي يالهوي انتي معاشرة الناس دي زاي اقسم بالله شكلهم يخوف وكله كوم و الاخ اللي ملتزم الصمت ده كوم تاني لوحدة يعني لما بتحبه تتناقشوا بتشورا ولا بتعملوا ايه علشان افهم بس 

جنة:

اتلمي بقا و عدي يومك ده وتعالي علشان ناكل 

دخلت ماجدة بكل عجرفه 

م السلام  عليكم اهلا وسهلا نورتونا اتفضلوا السفرة جاهزة 

اكرم :

يلا جماعة اتفضلوا اهلا وسهلا نورتونا 

جلس الجميع علي مائدة الطعام

وعيون ماجده زي الصقر مرقابهم 

ماجدة:

ايه يا جماعة مش بتاكلوا ليه حتي جنة هي اللي مختارة الاكل بنفسها بصراحة خفت اختار انا نوع الاكل معيجبكوش أو متعرفهوش فا قلت لجنة هي اكيد عارفة زوقكم في الاكل

نظرت ليها حياة نظرة تفصحصية ثم قالت بروح مرحة: بصراحة الجعان بياكل اي حاجة وانا حموت من الجوع ثم ألقت نظرة علي جنة تحذيرية 

فهمت جنة نظرات اختها 

انهمك الجميع في الاكل تحت نظرات ترقبيه من الجميع اللي أن قطع الصمت صوت حياة :

ايه يا جماعه الصمت القا*تل ده في ايه

رفع أسر عينية وقال : 

احنا بناكل حتقول اية لكن انتي عمالة تقولي جعانة و طبقك لسة زي ماهو ما اكلتيش شوكة واحدة ايه اكلنا مش عاجبك 

حياة : 

اصلي بصراحة حمو*ت و اكل من الاكل اللي قالت عليه طنط ماجده أننا مش حنعرفه احب اتعرف علية 

ثم غمزت لأختها بعنيها 

ابتسمت جنة اختها ردت اعتبارهم 

ماجده:

بحرج شديد وغيظ من كلمة طنط لاء انا مقصدتش المعني اللي وصلك انا قصدي كل بيت و ليه طريقة في اكله 

حياة بمكر:

اه منا ده اللي فاهمتة بلظبط يا طنط 

رد ماجي بغيظ/

و من امتي يا اسر بتاخد بالك من اللي  قاعد معاك لاء وكان واخد بالك اكل ولا ما اكلش دي جديدة خالص  عليك بصراحة 

التفت لها حياة وقالت : 

سوري معلش انتم قولتولي مين قطة علشان ناسيت 

ماجي بتحدي :

انا بكون ماجي اخت ماجدة 

جنة لاحظت التوتر حبه تلطف الجو بنهم قالت :

بجد انتي ماجي اتشرفت بيكي و انا جنة بكون مرات احمد 

ماجي با ابتسامة باهتة

اه منا عرفت انتي مين 

شعرت جنه بالاحرج 

احمد : 

خير يا ماجي هي بتتعرف عليكي في ايه 

ماجدة : 

ايه يا جماعة عندنا ضيوف انتم علي طول كده ناقر و نقير اكنكم مولدين فوق روس بعض 

ثم التفتت الي جنه 

تعرفي يا جنة احمد و ماجي مش بيبطلو خناق خالص معرفش في ايه  لكن بصراحة. اسر بيعامل ماجي زي الملكة عمره ما زعلها حتي هي كمان تحبه و تحترحه خالص و ليه معزه تانية خالص عندها 

ضحكت  حياة بصوت عالي دون اراده منها وقالت: 

اه ما احنا عرفنا اخدت بالي مش بردو اخدتي بالك يا جنة

لاحظ الاب التوتر بينهم وعارف بنتة مش حا تسكت

قام الاب  واقفا وقال: 

حياة نخف بقا علشان اتاخرنا ولا ايه 

حياة  وهي تضع الشوكة و تستعد للقيام: 

/ اه صح ماشي يا حاج انا خلصت اكل الحمد لله.

جنة/

لا مش هاتمشوا  احنا ملحقناش نقعد سوا و نبي يا بابا نقعد حبه كمان 

الاب :

معلش يا قلبي حبقي اجيلك تاني انتي عارفة أن انا بنام بدري ثم التفت إلى حياة وجز علي أسنانه 

يلا يا حياه اتاخرنا 

بلعت حياة رقيها  بصوت و عرفت أن ليها حساب لما تروح

احتضنت حياه جنة وقالت لها بصوت منخفض :

شكلي حتعلق لما اروح استرها يارب

جنة وهي تربت على كتفها : 

بلشفا ده اقل واجب علي عميلك اللي عملتيها هو انتي فصلتي 

حياة بحذر 

خدي بالك من العقربتين دول شكلهم ما يطمنش خالص 

جنة و هي تبلع ريقها:  

اخدت بالي ربنا يستر وخصوصا الكبيرة مش سهله خالص 

الاب بفراغ صبر:  

حفضل كده كتير مستني لما تخلصوا وشوشه

خرجت حياة من حضن جنه و ماسكت يد والدها وقالت : 

انا جاهزة يا حاج يلا 

ابتسم الكل علي طريقتها الطفولية 

مرت الايام و علاقة. احمد و جنة تزاد قرب وحب الي أن جاء اليوم الذي أسعد الجميع عندما شعرت جنة بالغثيان و الدوار أصر احمد علي اخذها للطبيب الذي ذف إليهم خبر حمل جنة 

دخل احمد وجنة الڤيلا وجد الجميع علي سفرة الطعام 

احمد / مساء الخير يا جماعة 

رفع أسر عينية من علي الطبق وقال بصوت هادئ:

احمد انت عارف كويس قوانين ونظام البيت هنا أننا لازم نتحمع علي سفرة تحت اي ظرف وعارف أن اكتر حاجة بضايفني أن يكون في كرسي فاضي علي سفرة صح 

أسرعت ماجده تصداد في الماية العكرة كالعاده وتشعل الجو بين الاخوه 

ماجده:

لازم تعذره بقا يا اسر علشان حكمة ما بقاش في أيده هو بيخاف اكيد علي زعل مراته و هي من حقها يبقي ليها حايتها الخاصة علشان كده بتحاول تبعد احمد عننا و متعرفش أننا هنا كلنا ايد واحده و مستحيل حد يفرقنا عن بعض بس معلش هي لسة جديدة و بكرة تعرف طبعنا أننا هنا ايد واحده وان البيت ده ليه قاونين بس انت متعصبش نفسك خالص يا اسر

التفت ليها احمد وقال بغضب شديد:

اهو في ايه يا ماجده بلظبط ايه الكلام اللي قلتي  ده كله مين حيفرق مين في اية 

اكرم : 

في ايه يا احمد اهدي شوية محصلش حاجه لكل ده ماجدة بس بتوضح سبب تغيبكم عن معاد الاكل وانت عارف أهمية تجمعنا علي السفرة و ان ده حاجة مقدسة عندنا 

احمد بغضب: 

اكرم و هي ماجدة كانت معانا علشان تبرر سبب تأخرنا علي العشا ولا انا مش عارف ايه قواعد البيت ده كويس في. ايه اللي يسمع مراتك و هي بتتكلم تقول إن انا كل يوم بخلف قوانين اللي كبرنا عليها هنا و حاجة تانية انا عمر جنة ما اتكلمت أنها مضايقة. من حاجة هنا بلعكس هي مبسوطة بالجو الأسري وعاجبها الترابط اللي بنا و مش انا اللي امشي ورا كلام مراتي 

تدخل اسر لكي يفض الشجار: 

خلاص يا احمد مرات اخوك متقصدتش

احمد: 

اسر من فضلك لما تحب تديني ملاحظة علي اي حاجة يكون بيني وبينك لو سمحت و عمتا اللي اخرني و خلاني خالفت القوانين انا كنت بجنة عند الدكتور

اسر/ خير الف سلامة مالها 

حضن احمد جنه وقال :

جنه حامل

الفصل الرابع 

احمد/ 

اسر من فضلك لما تحب تديني ملاحظة علي اي حاجة يكون بيني وبينك لو سمحت مش قدام الكل كده 

ثم قال بصوت فيه نبرة زعل 

و عمتا اللي اخرني و خلاني خالفت القوانين حاجة مهمة مش دلع زي ما قالت مرات اخويا و لا أن جنة عاوزه تبعدني عنكم لا طبعا خالص انا كنت بجنة عند الدكتور علشان كده اتاخرنا عن معاد العشا

التفت اسر لهم و بخوف وقال :

بخوف خير الف سلامة مالها جنه أن شلة خير

قرب احمد من جنة وشدها إليه وقال بفرح شديد 

جنه حامل اخيررا الحمد الله حبقي اب 

نزل الخبر علي ماجده كالصاعقة و كأنه زلزال حرك كل وجدنها تغيرت ملامح وجهها في لحظة و ظهر علي ملامحها الغل و الحقد 

قام اسر من مكانه و قرب من أحمد و شده إليه بقوة و بفرحة عارمة قال:

الف مبروووك يا قلب اخوك الف مبروك يا حبيبي ربنا يفرح قلبك و يكمل لكم علي خير يارب 

قال اكرم و الفرحة ظاهرة علي صوته:

الف مبروك يا احمد ربنا يكملكم علي خير الف مبروك يا جنة 

هزت جنة راسها امتننا له وهي مبتسمة 

ردت ماجدة بصوت واضح في الحقد وهي تجز علي أسنانها:

الف مبروك يا جنه أن شاء الله ربنا يكملك علي خير ان شلة 

وبصوت منخفض لو كمل الحمل يعني ده لو و ابتسمت بخبث 

واكملت طعامها وهي شارده 

اما عن ماجي لا تعبير لديها ولا رفعت راسها اصلا من علي الطعام وكان الأمر لايعنيها بشئ

شاور لهم اسر وقال وهو فرح :

يلا ياجماعة اقعدو الاكل حيبرد والتفت لاحمد وقال بحب و فرحة 

اكل مراتك كويس احنا عاوزين اول حفيد يكون بصحة كويسة فاهم عاوزة ينزل يقولي يا عمو علي طول معنديش صبر بجد اجمل خير سمعتة انهاردة 

ضحك احمد وقال ؛

عقبال ما ربنا يفرح قلبك يا اسر زي ما انت بتسعدنا كلنا

نظرت ماجده لماجي وقالت بنظرات مترقبه ورفعت حاجبها الايسر:

ان شاء الله قريب نفرح بأسر و عروسته بقا عندي أنا أن شاء الله محدش يقلق انا اللي حختار له عروستة المرادي علي ايد انا 

هبد اسر الشوكة علي طبق واصدرت صوت عالي مما جعل الكل ينتفض من مكانه و ينظرون إليه 

وقال بحظر شديد وغضب عارم :

بقولك ايه يا مرات اخويا انا جربت حظي مره واحده ومعنديش استعداد اجرب حظي تاني انا اخدت نصيبي من الدنيا واللي قطعته انا اخواتي يوصلوا مافهوم وياريت بقا بلاش كلام ملهوش لازمة ولا معني 

نظرت له ماجده بغيظ و قالت:

يا سلام علشان واحده خاينة ملهاش لازمه و غارت كمان في داهية توقف حالك عليها ايه اللي خلقها ما خلقش غيرها ولا ايه

ثم نظرت لماجي واكملت 

البنات حوليك كتير واحلي منها كمان مثلا كده عندك ماجي زي القمر عروسة تشرح القلب جمال وعلام ولم تكمل كلامها 

وهنا دق ناقوس الخطر و تكهرب الجو 

قام اسر واقفا و علامات الغضب تطلع من عينية وقال بعزم صوت لديه وكأنه يريد أن يهز اركان المكان بصوته 

ماجدااااااااا كارما ماتت وما بجوزش عليها غير الرحمة و سيرتها لو انفتحت هنا تاني مش حيحصل كويس وانا الي اقول أمتي اتجوز ولا متجوزش وانا اللي اختار انا بدير مؤسسة كبيرة بموظفنها مش حعرف اختار اللي تشارك حياتي انتهي كلام وياريت محدش يفتح معايا موضوع الجوزا تاني سفره دايمه. 

مسك اكرم يده بحنان وقال 

استنا بس يا اسر ماجده ما تقصدتش اللي انت فاهمته بلظبط اقعد كمل أكلك خلاص محدش حيفتح سيرة الجواز تاني معاك خلاص بقا اقعد 

ثم التفت اكرم اللي ماجده ونظر لها نظرات كلها غضب ووعيد 

اشاحت ماجده عينيها عنه بلا مبلاه وكانها لا يعنيها نظراته 

ربط أسر علي يد اخوه وقال بحنان

الحمد لله شبعت يا اكرم خلص اكلك وتعالي علشان نراجع شوية حسابات متأخرة 

فتح اكرم عينيه علي اتساعها وقال بتلجلج و لغبطة 

- ايه يا اسر انت ناسيت مش انت عارف اني مسافر علشان اخلص حسابات الشحنة الجديدة اللي في مينا السويس و حغيب يومين ولا ايه شكلك نسيت

بص اسر لاحمد بعدم فهم و شاور له بعينيه 

نقظ احمد الموقف بسرعة وقال مبتسما 

- ااه أتصدق ان انا كمان ناسيت بس انت عندك شغل كتير خالي بالك و حيحتاج كام يوم مش حيخلص بسرعة

اسر فهم ثم ابتسم في خبث وقال بشبه ابتسامة:

بس متنساش تاخد معاك كام غيار احتمال موضوع يطول انا كنت ناسي شغل المينا ده ربنا يستر وتعدي الشحنه علي خير 

ثم غمز بعينية

ولا انت مش قدها ولا حتكسفنا و لا ايه يا كيمو قدها ولا ايه 

يتصنع جدية وقال

قال احمد ضاحك:

أتصدق يا اسر شكله مش قدها وحيستعين بصديق ويكسفنا 

ضحك أسر وقال بسخرية :

عمتا انا في الخدمة لو اتزنقت معرفتش تخلص الشغل اخوك في الخدمة ويسد برضوا يا كيمو 

اكرم وقد استشاط غيظا وقال :

حيلك حيلك منك له انا الاستاذ ولا ناسيتو انا لسة محترف في الملاعب انا الاستاذ في الحسابات

وغمز 

انا مدرسة تدرس عيب عليكم الا أستعين بصديق قال اهو ده كان اللي ناقص ياولاد الفضالي انا اخوكم الكبير اصحواااااا في الشغل ما عنديش يامة ارحميني حريف

مش لسة مبتداء زيكم 

ضحك اسر بصوت عالي وقال

طب احلف كده علشان اصدقك 

و غمز له علي ماجده امال ماشوفناش ليه الحرفنه يا عم المحترف. ماشوفناش غير جميز حمضان وشغل تقيل و ميزانيات ملغبط و تقفيل دفاتر ملهاش لازمة واخر عك الصراحة 

اكرم وهو يرفع حاجبية: 

معلش غلطة الشاطر بالف بس جاري تصحيح الخطاء علي وجه السرعة

نظرت لهم ماجد بريبة وقالت مستفهمة :

انتو بتقولوا ايه انا مش فاهمة حاجة من كلامكم ده 

اكرم بحزم مصتنع: 

في ايه يا ماجدة مش شيفانا بنتكلم في شغل يعني نقطع الكلام علشان نفهم حضرتك شغل الشحنه اللي جاية وانا رايح استلمها من مينا السويس 

ماجده:

  الله السويس خدني معاك 

ضحك احمد و التفت لأسر 

احمد بضحك: 

الله البس علشان خارجين يا اسر

اسر : 

لبست خلاص وريني يا استاذ حتخرج منها ازاي مش هو الاستاذ واحنا تلامذة ولا ايه يا كيمو 

احمد وهو ينظر لاكرم : 

انا راي تاخد ماجدة اهو منها تغير جو بردو 

قرب منهم اكرم وقال: 

اتفرجوا علي اللعب وانتم ساكتين انا الاستاذ يا شوية فشله

اكرم وقد تصنع العصبية ثم التفت لماجده

معلش كده سمعيني قلتي ايه يا ماجده عاوزة تروحي فين علشان ما كنتش مركز معاكي 

ماجده :

باقولك عاوزة اسافر معاك السويس فيها ايه دي 

اكرم :

وده من امتي أن شاء الله ياعني حضرتك حتركبي مع عربيات الشحن ولا ادخلك وسط البضاعة علشان اكون فاهم 

ماجده بحيرة:

ازاي مش فاهمة يعني ايه حركب ايه 

اكرم/

هو ايه اللي مش فاهمة هو انا رايح اتفسح انا رايح استلم بضاعة يعني حركب في عربيات النقل اللي رايحة تجيب بضاعة و حرجع مع الشحنات غير اني حبات مع العمال علي رصيف ميناء علشان اتابع تحميل الشحنة في عربيات بنفسي 

حضرتك بقا حتيجي تعملي ايه حتحملي مع عمال ولا ايه 

ماجده /

لاء انا كنت فكراك مسافر بلعربية قلت فرصة اغير جو معاك بقالنا كتير مخرجناش خلاص خلاص مش عاوزة سديت نفسي 

احمد في سره يابن اللعيبة نفدت منها بحرفنه فنان 

اكرم غمز ليهم وقال لهم بصوت منخفض :

خدو اللي جاي كمان علشان تتعلموا اللعب يا شوية تلاميذ 

التفت اكرم لماجده وقال:

ماجد من فضلك حضري الشنطة علشان معنديش وقت ولسة حراجع كام ورقة مع أسر

ماجده بتأفف

اعمل حسابي في كام يوم يا اكرم 

اكرم بجدية

نقول اسبوع لو قل مافيش مشكلة بس حطي طاقمين ينفع احضر بيهم اجتماعات مهمه 

ماجدة بزهق: 

تمام نص ساعة و اخلص وغمزت لماجي تحصلها

دخلت ماجدة الغرفة و راءها ماجي 

ماجده بغيظ :

شوفتي بنت ال حامل ال حامل قال يعني هي تخلف حتة عيل يورث كل ده واحنا نطلع من مولد بلا حمص الله في سماه ما يحصل ولا حتشوف العيل ده

الفصل الخامس 

دخلت ماجدة الغرفة و  من راءها ماجي تمشي بدلع ثم 

التفت ماجده اللي ماجي وهي تغلق باب الغرفة وقالت في عصبية :

شوفتي البت لعبتها صح  حامل ال حامل قال يعني هي تخلف حتة عيل يورث كل ده واحنا نطلع من المولد بلا حمص  الله في سماه ما حيحصل  ولا الحمل ده كمان حيكمل من أصله وبكره تقولي ماجدة قالت 

رفعت ماجي حاجبيها وكان الأمر لايعنيها ثم قالت:

سيبك دلوقتي من الحمل بتاع  ست زفته و ركزي كده مع الكلام اللي بين السطور اللي اسر رماه واحنا علي السفره ايه ما اخدتيش بالك من كل اللي اتقال و موضوع الحمل بس هو اللي لفت نظرك 

قربت ماجده اليها و همست بغل واضح  وكأنها حيه تتكلم بفحيح :

ده بقا بعيد عن شنبه  هو كمان لما يشوف كده حلمت ودنه مش حايتجوز غيرك و حتشوفي يا ماجي اختك حتعمل ايه علشان يتجوزك محنا مش نستحمل القرف ده كله وفي الاخر يجو شوية عيال ملهمش اي لازمة يشيلوا الليله كلها 

وفي منزل حياة 

رن هاتف حياة بالالحاح فقد كانت مستغرقه بالنوم كعادتها زفرت حياه انفاسها  بغضب و قامت تزيح شعرها من علي وجهها و ماسكت الهاتف لكي تري هاويت المتصل وقالت بغضب:

ياتري مين اللي الرخم اللي مصمم ان انا ارد عليه ومش عارف يزهق من كتر الرن اوف 

ثم اعتدلت حياة في جلستها و فتحت عينها بدهشة

وقالت بأستغراب 

اده دي جنة متصله خمس مرات يارب يكون خير و قبل ما تعاود الاتصال رن هاتفها مرة أخري 

فتحت حياة الهاتف مسرعه والقلق يعترمها :

الو يا جنة خير مالك عندك حاجة اتصلتي كتير 

ردت جنة بغيظ:

لما انتي عارفه أن انا اتصلت كتير  اية يا حياة سنة علشان تردي علي زفت في ايه 

حياة  بتأفف:

نايمة. كنت نايمة  يا بشر جيت من الكلية نمت ايه اللي حصل القيامة قامت خير انطقي بقا 

جنة :

اوف يارب يديني نص برودك يا شيخة يمكن اقدر استحمل العيشة مع العقارب اللي عندي بس  قصره حضري نفسك يا مفعوصة حتبقي خالتو قريب 

قامت حياة نطت وقفت علي سرير وقالت بصوت عالي:

وحياة النبي يا شيخة بتتكلمي جد انا حبقي خالتو احلفي كده انا مش مصدقة نفسي اصلا 

ضحكت جنة بمرح وقالت ؛

هههههههههههه انا متخيلة شكلك اكيد قومتي نطيتي زي الهبل و قفتي علي السرير زي العاده صح 

حياة وهي تضحك ضحكة هبله متقطعة 

حياة/ هاء هاء هاء اه مين قالك صح

جنة؛

لا ما هو الهبل ده مش جديد عليا حفظاكي المهم بلغي بابا علشان مش عارفة اوصله 

حياه :

ماشي حابلغه بس انتي خدي بالك كويس قوي من اللي عندك حظري منهم يا جنة وبلاش طيبة الزياده اللي انتي فيها خودي بالك منهم كويس ربنا يستر ويسبوكي في حالك

جنة بقلق 

ربنا يستر يا حياة بجد خايفة منهم قوي انتي ما شوفتيش نظرات ماجده لما عرفت اني حامل بجد قلبي انقبض منها 

حياة وهي تجلس علي السرير:

بقولك ايه يا جنة ما تكلمي جوزك يشوفلكم اي شقة برا بعيد عن وجع القلب ده

شهقة جنة وقالت بخضة

يالهوي يا الهوي انتي شكلك كده عاوزة القيامة تقوم عندنا

حياة بلامبلاه :

/وليه بقا أن شاء الله انتي بطالبي بحقك أن يكون ليكي سكن مستقل

جنة :

هو انتي فاكرها سهلة كده ده كان اسر قوم الدنيا و وما قعدهاش احنا بس اتاخرنا امبارح شوية علي معاد العشاء يالهوي علي اللي عملة في احمد

جنة بتعجب: 

يا سلام ليه بقا الحاكم بأمرة يابنتي دا انا كنت فكرته اخرس من قله أنه مش بيتكلم قصره بقا انا حعدي عليكي علي المغرب كده اشوفك وحشاني 

جنة بحب:

تنوريني انتي كمان وحشتيني قوي اوعي تنسي تبلغي بابا 

حياة :

/ لاء متقليش خالي بالك بس انتي من نفسك يلا سلام مؤقت 

قفلت حياة الخط وعقلها مشغول علي اختها و قلبها واجعها 

خرجت حياة من غرفتها تبحث عن والدها وجدته جالس في بلكونه دخلت حياة وقالت بوجة باسم:

اقدر اعرف الجميل قاعد لوحده بيعمل اية

التفت والدها ليها و قال وهو يبتسم بحب :

اهلا بلغلبوية الصغيرة اخيرا صحيتي تليفونك مبطلش رن انتي لو نايمة مع اهل الكهف كان زمانك صحيتي 

حياة : 

وانت بقا فين تليفونك يا سي بابا 

قال الاب غير مبالي..

والله يا بنتي منا عارف هو فصل شحن وانا ملقتش شاحن سبته بس فين مش فاكر 

حياة بحيره: 

ماهو ما ينفعش كده يا بابا كل ما نحب  نطمن عليك  نلاقي موبايل فاصل بجد القلق وانا في الكلية كل متصل والاقيك غير متاح لازم تهتم شوية بحكاية شحن موبيل ده عمتا انا حقوم اشوفه فين واشحنه و حطتلك الشاحن جنب السرير عندك 

تركتة وماشت  وفجاءة خبطت علي رأسها كأنها تذكرت شيء مهم ثم رجعت يظهرها وقالت

شوفت يا سي بابا كنت حتنسني حاجة مهمة عارف انت مين اللي كان عمال يتصل لحد ما صحاني 

ضحك الاب اكيد حد ابن حلال وانتي مش سبياه في حاله حب ينتقم منك 

حياة وهي تتصنع الزعل :

مممم ماشي يا سي بابا طايب مش حقولك مين اللي اتصل

وضع الاب ساق فوق الاخري مش عاوز اعرف اصلا 

حياة امممممم:

يعني ش عاوز تعرف انك حتكون بابا جدو بعد كام شهر خلاص خلاص ماشي انا رايحة اشحن الموبايل وتركتة وماشت خطوتين وهي تضحك

انتبه الاب لكلامها  وقام وقف وقال بصوت فرح:

حياة تعالي هنا انتي بتقولي ايه 

التفت حياة له وقالت بدلع 

مش انت مش عاوز تسمع خلاص بقا براحتك 

الاب .:

تعالي بقا بدل ما اقوملك وانتي عارفة اللي حيحصل 

حياة وهي تهز أكتافها: 

لاء وعلي ايه الطيب احسن مش عاوزة اتعلق لازم تحترم برستيچي شوية من هنا و رايح  انا حكون خالتو

قال الاب  بحب وحنان وعيون دامعة :

بجد يا حياة جنة حامل بجد

قربت منه حياة تربت علي ضهره بحنان: 

اه يا بابا جنة حامل هي اللي كلمتني دلوقتي 

الاب بحنان ظاهر 

ربنا يكملها علي خير يارب و ظهر القلق علي تعبير وجهة

فاهمت حياة سر   ملامح القلق اللي علي وجه ابيها لأنها هي ايضا خائفة علي اختها من نفس السبب 

قال حياة وهي تحاول إزاحة ما يفكر فيه.:

بلحق انا رايحة لجنة كمان شوية وحشتني قوي وعاوزة اشوفها 

رفع الاب حاجبية و قال بحظر :

بس ياريت ترجعني من غير ماشكل الله يسعد

ودايما تفتكري أن اختك هي اللي عايشة وسطيهم فا متعمليش حاجة تضرها حاول امسكي اعصابك يا اما متروحيش من أصله 

حياة بثقة: 

لا عيب عليك ما تخفش علشان كلة تحت سيطرة حطير اشحنلك الموبايل و اخش اللبس علشان اللحق وقتي  ومتاخرش عليك 

هز الأب راسة موافقا وقال في نفسة هوانا مش مخوفني غير أن كل حاجة تحت السيطرة بنتي و عارفها   و حافظها لايمكن تسكت علي اي حاجة تمسها أو تمس اختها ربنا يستر و يعدي اليوم ده علي خير من غير مشاكل 

وفي فيلا الفضالي 

غادر اكرم الفيلا متجها لبيته الآخر فهو يعشق بيته الثاني ويعشق امل حد الجنون فاهي حبيته. و عشيقته و الحضن الحنون الذي يحتوية قلما ضاقت الدنيا علية 

دخل احمد علي اسر الذي كان منهمك في الشغل وقال له 

احمد/ اسر لسة معرفتش ايه حكاية اكرم بلظبط احنا بنغطي عليه من غير. ما نعرف هو بيروح فين ولا بيكون مع مين خد بالك يا اسر اكرم طيب و انا خايف أن أي واحده تضحك عليه وتستغله وانت عارف اخوك كويس 

ابتسم اسر وقال بهدوء تام 

اسر / عيب عليك وانت تعرف أن حاجة زي دي تعديني انا عارف كل حاجة عن اكرم و مش من دلوقتي من زمان قوي من اول ما اتجوز  

نزل الخبر مفجاءة علي رأس احمد وقال بشهقة 

احمد / ايه بتقول ايه اكرم اتجوز معلش براحة كده يعني اتجوز اتجوز ولا اتجوز لا انا بجد مش قادر اقتنع يعني اكرم اخير فاق من حصار وتأثير ماجده عليه و تطلع مين دي اللي عرفت تعمل المستحيل و تخليه يخف من تأثير ماجده عليه و يتجوزها كمان اكيد واحده جبروت علشان تصنع المستحيل مع اكرم 

اسر/ هههههههههههه لا جبروت ولا حاجة خالص بالعكس دي غلابانه قوي و بتاعتة عيشة هي حبت اكرم بجد 

فاكر امل اللي كانت بتشتغل عندنا  

ظهرت علامات التفكير على وجه احمد 

احمد/ امل امل اااه اوعي تقول امل اللي كانت شغاله في الحسابات

اسر/ الله ينور عليك هي بعينها افتكرتها. بنت هادية كده وملهاش في المشاكل 

احمد / اه طبعا دي بنت كانت بصراحة. ممتازة والكل كان بيشهد ليها بحسن الخلق وكان لسنها حلو مع كل مواظفين و شغلها كمان كان مظبوط 

والكل كان بيحبها الا ماجده كانت بتكرها لله في لله

ضحك أسر و قال

اسر/  مرات اخوك بتكره حتي نفسها وهي من امتي بتحب حد عموما اخوك عنده تؤام نور ومحمد 

احمد/ يالهوي عليك يا اسر عارف كل ده  وساكت و متقوليش  مين بقا اللي قالك اوعي يكون اكرم هو اللي حكا لك وانا لاء والله فيها زعل بجد منكم انكم تعتبروني غريب 

اسر / لاء طبعا مش هو اكرم نفسة  ما يعرفش أن انا عارف حاجة عنه أنا متابعة من بعيد وبصراحة شايفة مبسوط مش لازم يعرف أننا عارفين لحد ماهو يحكيلنا بنفسة طلما هو مبسوط و سعيد معاها خلاص ربنا بس يبعد عنه الحرباية اللي جوا 

احمد / عندك حق يا اسر كفايا أننا نشوفه مبسوط ويكون بعيد عن سم ماجده وشرها 

ثم ابتسم وقال 

اه بالحق خالي بالك علشان ماجده حطاك في دمغها ومش حاتسكت غير لما تحقق هدفها اكيد فاهمني طبعا يا برنس خد بالك بقا احسن تصحي تلاقي نفسك مدبس و هب تلاقي نفسك عريس و بتتجوز  و لابس بدلة فرحك 

اسر بثقة / خليها تحلم يا ابو حميد هي الاحلام بفلوس سبها تبني امال و احلام و انا أن شاء الله حهدها فوق دماغها هي و السخيفه اختها ياباي عليها تقل دم انا ما شوفتهوش في حياتي 

احمد بتصفيق/ حلاوتك يا اسور يا مسيطر 

وفجاءة سمعوا صوت رنين جرس الباب 

اسر / هو احنا مستنين حد مافتكرش أن انا عاطي معاد لحد

احمد رفع أكتافه بلا مبلاه وقال ساخرا 

احمد/ ليكون اكرم معرفش يسيطر خدها من قصيرة ورجع 

اسر / اتلم بقا تعالي نشوف مين اللي جه دلوقتي 

خرج أسر و احمد وسمعوا صوت صادر من الصالون 

جنة/ وحشتني قوي يا حياة بجد وحشتيني وبابا عامل ايه ليه مجاش معاكي انا حتجنن واشوفه

حياة/ يعني انتي مش عارفه بابا وطبعة المهم طمنيني عليكي عاملة ايه مع جوز عقارب اللي عايشة وسطهم

جنة/ عاملة هبله اه والله عاملة هبله علشان اعرف اعيش معاهم المهم 

يا حياة انا نفسي قوي في ام علي اللي كنتي بتعمليها شكلي بتوحم ما تقومي تعمليهالي 

حياة / يا سلام بس كده تعالي دخليني مطبخ و انا اعملك احسن ام علي في الدنيا

خرجت حياة و جنة من الصالون وتقبلوا مع أسر وأحمد 

احمد/ اهلا القمر عندنا وانا معرفش  ايه اخبارك يا مجنونه 

حياة  / تمام الحمد لله عايشة و بعافر لسة ثم رفعت عينيها علي اسر ولأول مرة يرتعش قلبها بدون سب 

ثم قالت 

ازي حضرتك يا استاذ اسر 

اكتفي اسر بهز راسة ردا علي التحية  وتركها ومشي 

قالت حياة ضاحكة :

انا قلت نتكلم بلغة الإشارة قلتم اطلعوا من البلد وريني يابنتي فين المطبخ خليني اخلص علشان الحق اروح 

دخلت حياة و جنة المطبخ و بدأت حياة تعمل ما طلبته منها اختها تحت ضحكتهما واسترجاع ذكرياتهم سويا  و خفة دم حياه. و نكتها وكان صوت ضحكهم مسمع كل البيت 

كان اسر مبسوط بالجو الأسري ده و كان يبتسم علي نكات حياة فا هو كان متعمد الجلوس بلقرب من المطبخ حتي يستمع لها  و لنكتها فعلا هي خلقت جو مرح للبيت 

دخلت ماجي المطبخ لمحت اسر مستمتع و ينظر إلي حياه بإعجاب شديد 

دخلت  عليهم وقالت بغضب  و بعجرفه :

ايه في ايه ايه صوتكم عالي قوي كده انتم متعرفوش أن البيت ده ليه قواعد ولازم تحترم ولا لسة فاكرين نفسكم قاعدين في الحارة اللي جايين منها 

ثم التفت اتجاه جنة وقالت :

في ايه يا جنة المفروض تفهمي اي حد جديد جاي بشتغل عندنا  في قوانين البيت و أن اللي يشتغل هنا يشتغل باحترامه  و صوته ميطلعش ويحترم البيت 

ثم نظرت الي حياة وقالت بسخرية: 

ماعدتش كمان غير الخدامين اللي صوتهم يعلا في البيت 

وفجاءة جاء صوت من خلفها زي الرعد هز مكان كله

قال أسر بحده :

أنا عاوز اعرف ايه اللي بيحصل هنا بالظبط

اسر/ مااااااااااااجي انتي بتقولي ايه 

برقت ماجي و قف الكلام علي فمها و التفتت ببطيء شديد و وجهها  شاحب اللون وقالت بصوت منخفض مذبذب

ماجي/ اااسسر ااانا  مقصدتش انا كان قاصدي بس يوطوا صوتهم علشان انت كنت محرج اي صوت عالي في البت

تكملة الرواية من هناااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا