مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 رواية الأمانة الفصل السادس والسابع والثامن والتاسع والعاشر  بقلم نرمين قدرى جديده وحصريه 

رواية الأمانة الفصل السادس والسابع والثامن والتاسع والعاشر  بقلم نرمين قدرى جديده وحصريه 

الفصل السادس 

ثم نظرت الي حياة وقالت بسخرية 

ماعدتش كمان غير الخدامين اللي صوتهم يعلا في البيت 

وفجاءة جاء صوت من خلفها زي الرعد هز المكان بأكملة وسمعه كل من في البيت حتي الخدم 

اسر/ مااااااااااااجي انتي بتقولي ايه 

برقت ماجي و قف الكلام علي فمها و التفتت ببطيء شديد و وجهها شاحب اللون وقالت بصوت منخفض مذبذب :

اااسسر ااانا مقصدتش انا كان قاصدي بس يوطوا صوتهم علشان انت كنت محرج اي صوت عالي في البت بس واللهي ده كان قصدي 

قال اسر وعلي وجههي علامات غضب عارم :

ماجي اولا انتي هنا ضيفة مش صاحبة مكان علشان تقولي مين يعمل ايه وميعملش ايه دي اولا ثانيا جنة هنا صاحبت مكان يعني تقدر تقول مين يخش المطبخ ويعمل ايه و مش من حقك تتحكمي في حد هنا و تقوليله وطي صوتك أو علي صوتك احفظي مكانك هنا كويس و اعرفي انك هنا ضيفت مرات اخويا و انا اذا كنت سايبك تعملي اللي انتي عايزاه فا انا اتعلمت أن إكرام الضيف واجب فا متخديش الواجب ده و تعمليه حق مكتسب انتي هنا زيك زي حياة محدش هنا احسن من حد زي ما انتي ضيفة ماجده هي كمان ضيفه جنة . وزي ما انتي ليكي الحق تخشي و تطلعي في أي وقت هيا كمان عندها نفس الحق ده مفهوم انطقي مفهوم ولا مش مفهوم 

في هذا الوقت دخلت ماجدة المطبخ وعينيها علي اختها تبعث لها نظرات عتاب علي عدم تحكمها في اعصابها وقالت بصوت منخفض:

اسر هو في اية لكل ده ماجي عملت ايه علشان الزعيق ده كله حتي انت طول عمرك حنين عليها و بتعاملها هي بلذات معاملة خاصة طول عمرك مدلعها و هي المميزة عندك ليه بقا دلوقتي بتزعقلها وقدام الغرب كمان اية اللي جد و مين اللي خلاك تتغير من ناحيتها 

ثم رفعت عنيها تستحقر حياة 

نزلت الكلمة علي جنة وحياة كالصاعقة 

ثم أكملت بدموع كاذبة عمتا يا اسر لو انت مش عاوز ماجي هنا معانا في البيت سهلة خالص انا حتصل بعمي في البلد يجي ياخدها تعيش معاهم هناك وانت كتر الف خيرك لحد كده ولعلمك يا اسر ماجي عارفة حدودها كويس في البيت هنا وعارفة أنها ضيفه عندي وعمرها ما تجاوزت الحدود دي الرك بقا علي نسي نفسة و داخل بيت الناس وعمل نفسة صاحب بيت و داخل المطبخ يطبخ ويضحك وصوته يعلي ولا كانه عايش في بيتة براحتة لكن انت ما شوفتش كل ده و شوفت بس تصرف ماجي الغلابنه علشان خايفة عليك و دخله تقولهم عيب كده ما يصحش البيت ليه قواعد وأصول علشان هي قلبها عليك وعارفة انت ايه اللي بيضايقك لكن حنقول ايه أن خرج العيب من اهل العيب مش بيبقي عيب لكن هما من واضح متعلموش في بيت اهلهم ايه هو العيب عمتا انا حاخد اخوتي و مش حتشوف وشنا هنا تاني 

فجأة نطقت جنة لما حاست ان مشكله حتكبر

جنة/ في بس يا جماعة وحدو الله ليه كل ده وانتي يا طنط ماجده ايه حصل لكل ده ماجي هي اللي دخلت و غلطت فينا مش احنا بدل ما حضرتك ما تقوللها أن كده ميصحش حضرتك داخل تعاتبي. علينا غير أن صوتنا مش عالي زي ما قالت جنة 

وفجاءة. التفتت لها ماجده وقطعت كلامها وبصوت شبه فحيح الحيا :

طنط مين يا ام طنط انتي انتي فاكرة نفسك لسة في الحارة الزباله اللي جاية منها ما تقوليلي يا خلتي احسن و مين دي اللي اقولها ما يصحش و يصح انتي عارفة انتي بتتكلمي علي مين دي ماجي عارفة مين ماجي يعني الشياكة كلها والزوق كله

واخيرا فاض الكيل بحياة و فجاءة زقت اختها وراء ظهرها و تحولت من قطة رقيقة لنمر شرس وقالت بثقة مبالغ فيها وبقوة :

عندك حق يا طنط انا بقي حرويكي بتوع العيب بيتعاملوا ازاي 

اوقلك انا بقي مين تطلع ست ماجي دي و حوريلك بتوع الحارة الزباله بيتكلموا ازاي

ماجي دي حتت بنت جاية من ورا الجاموسة من البلد عاملة نفسها مدلعة من بتوع مامي و بابي واصلا اللي هي مش واخده بالها منه أن اصلا دلعها ده ماسخ ومش لايق عليها من اصله ولو كانت بصت بس لنفسها شوية في المرايه كانت شافت نفسها كويس غير أنها شخصية هايفة و دمغاها فاضية فاكره أن الفلوس اللي بتاخدها منك حتعمل منها واحده تانية فاكرة أن اللبس الغالي و عوجان اللسان هو اللي حيعمل منها بنت زواد لا خالص علي فكرة هي مش واخده بالها أنها بتخلي اغلي ما فيها لبسها وبس.

و متعرفش أن الإنسان باصله الطيب مش بلبسة الغالي اللي كمان اللي هي مش دافعة تمنه ياريت لو كانت بتشتري اللبس اللي بتتنطط بيه علي ناس من تعبها لا دي من فلوس جوز اختها ياريت حتي مش فلوس اختها الخاص لاء كمان 

اقولك كمان تطلع مين ماجي . واحده بتحاول تثبت للكل أنها هي صاحبة المكان و ان هي الأمر الناهي و انها لما تزعق مع الناس اللي هنا في البيت سواء اللي بتنضف أو اللي بتطبخ كده هي اثبتت انها صاحبة المكان متعرفش أن ده بيقل منها ولا عمره كان اثبات لحاجة غير أنه ممكن يثبت أن الواطي لما يمسك منصب حيكون اكتر من كده وهي لما اتمكنت بقت كده متعرفش أن البنت العاملة اللي هنا احسن منها مليون مرة علي الأقل هي نزلت تشتغل ومامدتش أيدها لاي حد و بتقوله اديني وارجع اتنطط بيهم كمان علي خلق ربنا عرفتي بقي مين ماجي بنت هايفه مدلعة انتهازية و عندها نقص بتطلعة علي الاقل منها هي دي ماجي 

شدت جنة حياه من ايدها وقالت لها بدموع عالقة فقد انجرحت من كلام ماجده عليها 

جنة:

خلاص بقا يا حياة كفايا وحقك عليا ان انا اللي حطيتك في موقف زي ده 

حياة بقوة :

لا يا حبيبتي انا اللي بتأسف لو مجي عندك سبيلك مشاكل بعد كده لما احب اشوفك حبقي اشوفك برا بس انا لازم امشي وسامحيني في المشاكل اللي عملتهالك دي بس ما كنش ينفع اسكت علشان لو سكت حنبقي زي ما و صوفونا كده حقك عليا غصب عني بس انا ردتلك كرمتك 

واخيرا جبل الجليد نطق وقال بهدوء:.

انسه حياة انا اللي بعتذر ليكي باسم كل اللي في البيت عن سؤ تفاهم اللي حصل و ده بيتك تيجي في أي وقت تشوفي اختك وعيب انك تقولي حتشوفيها برا لأن البيت ده بيت جنة و من حقها تستقبل في أي حد 

التفت ماجي ليهم و بتعجب و سخرية قالت :

ياسلام احنا بنشوف العجب اسر الفاضلي بذات نفسة أتنازل واتاسف لحتة بت جاية من حاره لا راحت ولا جات

هنا تحول أسر و كاد يظفر بها لولا دخول احمد علي صوتهم 

هنا دخل احمد علي صوتهم ولمح دموع جنة تنساب على وجهها بغزارة شدها إليه وحضنها وقال بلهفة وشوق وخوف:

افي ايه يا نواره حياتي يا جنتي علي الارض مين زعلك ثم رفع عينه علي كل الحاضرين وقال:

هو مين اللي زعل جنة و بتعيط بحرقة كده ليه

رفعت ماجي حاجبيها لاعلي وقالت بغيظ:

انا يا احمد اللي زعلتها ليه وليه داخله اقولها وطي صوتك احنا قاعدين في بيت بس واضح أن مراتك مش متعوده تعيش في أماكن نضيفة معلش معلش مع الوقت ممكن تتعلم بس انت شد عليها شوية علشان تتعلم بسرعة 

وهنا ماجي استنفذت كل ذره صبر للجميع طلع فيها احمد وأسر و حياة في نفس واحد لدرجة أنها انتفضت ورجعت للوراء بحركة لا إرادية ولكن كان احمد اعلاهم صوتا 

احمد بصوت قوي وفيه نبرة تهديد واضحة :

ماجي كفايا بقا كفياكي تبصي للناس بلمنظور ده وبلشكل ده في اااايه انتي شكلك كده ناستي نفسك ولا ااااايه لاء فوقي جنة هنا صاحبة البيت وصاحبة مكان يعني تعمل اللي هي عاوزه في أي وقت انتي فاهمة ولازم تعرفي حدودك هنا كويس انتي هنا ضيفة وبس يعني تاخدي واجب ضيافة وانتي ساكته ملكيش دعوة مين عمل ايه وعمله ليه اخرك هنا حدود الاوضة بتاعتك متخطهاش وكمان الاوضة انتي فيها ضيفة مش مسموح ليكي تحركي حاجة من مكانها 

شدت ماجده ماجي وقالت خلاص ياجماعة ماجي فاهمت حدودها عن اذنكم وشدتها من أيدها وطلعت فوق 

وعلي الجانب الآخر اكرم اخد امل وأولاده و طلع بيهم علي الغردقة علشان يستمتعوا بالاسبوع الإجازة وكأن اكرم عاوز يعوض امل علي كل لحظة بعد فيها عنها فهو يحبها ويعشقها بكل جوارحة اهتم 

وفي الفيلات دخلت ماجدة وفي يدها ماجي تسحبها اللي غرفتها زقتها داخل الغرفة خلت وأغلقت الباب عليهم و بدون اي مقدمات رفعت يدها ونزلت بيها علي وجه ماجي وقالت بصوت الفحيح المعتاد لديها 

ماجده / اية خلاص مش قادره تتحكمي في أعصابك شوية ايه لازم تكشفينا قدمهم مش قادرة تصبري لما تبقي صاحبة المكان كله خلاص 

ماجي/ بعياط لاء لاء مش قادرة مقدرتش يا ماجده اصلك مش بتشوفي نظرات اسر للبت دي ولا ماشوفتيش الضحكة اللي كانت علي وشة وهو عمال يسمع لنكاتها البايخة مع اختها في المطبخ

ماجده صقفت ليها وقالت بغيظ

ماجده / برافو بجد برافوا أن خليتي غيرتك تتحكم فيكي اديكي خسرتي كل حاجة بهبلك و شوفي امتي بقا لما اسر يسامحك انتي بالهبل بتاعك ده رجعتينا من تاني لنقطة الصفر بعد ما كنت بدأت الفت نظرة ليكي وحاول أقنعة بالجواز منك 

قالت ماجي بغل و هي تنظر شارده اللي الا شيء 

ماجي / متقلقيش يا ماجده انا عارفة حرجع اسر معايا تاني زي الاول ويمكن احسن متقلقيش علي اختك انا مسيطرة 

ماجده /بغيظ يخربيت الثقة اللي مش لقيلها لازمة من اساسة وريني شطارتك يا مسيطرة بس بعد اللي حصل النهاردة ما افتكرش ان مره دي مش حتعدي بساهل انتي زوتيها قوي معاهم 

وتحت عند جنة وحياة 

حضنت حياه جنه تربط علي ضهرها بحنان فهي اكتر حد عارف أخته هي طيبة ومتسامحه لابعد حد وده اللي مخوفها عليها أن حق اختها ضايع مع عقربتين وخايفة جدا عليهم منها حضتنها بقوة وقالت لها

حياة/ نصيحة من اختك حرصي من اللي عندك دول قوي اوعي تتكسفي أو تسكتي لحد فيهم دول لو سكتلهم حايفتكروكي ضعيفة اوعي يا جنة اوعي تحسيهم انك ضعيفة اوعي يا جنه يحسة بضعفك

الفصل السابع 

حياة/ نصيحة من اختك حرصي من اللي عندك دول قوي 

اوعي تتكسفي أو تسكتي لحد فيهم دول لو سكتلهم حايفتكروكي ضعيفة اوعي يا جنة اوعي تحسيهم انك ضعيفة حيكلوكي شكلهم مش ناوين علي خير اسمعي مني 

هزت جنه رأسها بحيرة بخوف شديد فاهي لاتعلم سبب العداوة ليها وليه الكره الواضح قوي ده 

خرجت حياة وهي حزينة وقلقه على اختها لأنها تعلم جنة جيدا وتعلم أنها طيبة و سوف تتهاون في حقها كي لا تفتعل المشاكل 

دخلت حياة منزلها في صمت خوفا أن يشعر بها والدها ويبداء في استجوابها 

وعند جنة في الفيلا

دخل احمد الغرفة علي جنة التي كانت تجلس أمام المرأه ولكنها كانت في عالم اخر 

التفت احمد اليها وجدها شارده وعلي وجهها علامات القلق قال أحمد بحنان مبالغ فيه  :

حبيب قلبي ممكن يقولي ماله خير يا جنة مالك يا قلبي مين زعلك قوليلي بس وانا حوريكي حعمل في ايه هو احنا عندنا كام جنة هي واحده بس نوارت حياتي كلها

فاقت جنة من شرودها علي صوت احمد وقالت في شرود تام:

ها يا احمد انت بنادي عليا معلش كنت سرحانه شوية مأختش بالي

احمد  بقلق من شكل جنه :

ايه يا قلبي سافرتي لحد فين انتي مش هنا خالص  فعلا انتي حتي ما حستيش  بيا وانا داخل عليكي 

رفعت جنة عينها له وقالت بدون تفكير 

احمد تعالي نسكن لوحدنا علشان خاطري

قام احمد واقفا و قال متفاجيء وقال بلهجة شديدة الحده:

جنة انتي عارفة بتقولي ايه. مستوعبة كلامك

جنة : 

اه طبعا عارفة بقول اية وليه مش هبله انا حقول اي كلام وسلام 

تحولت ملامح احمد لغصب وقال:

معلش ممكن الهانم تعرفيني ليه عاوزاني اسيب بيتي و ملكي واخواتي وابعد عنهم واسكن برا افهم يمكن انا فهمي علي قدي اليومين دول وانا مش واخد بالي 

جنة بعنف :

  علشان اقدر احافظ على ابنك اللي في بطني يا احمد ارتحت  

التفت ليها احمد وقال بعصبية :

افندم سمعني كده علشان تقدري تحافظي علي مين ليه قاعده في غابة ولا شيفاني مش راجل و اقدر احافظ علي ابني و احافظ علي ايه  من مين وليه ممكن افهم حد هنا جه جنبك حد عملك حاجة انطقي بقا 

اتحرجت جنة ووشها احمر وقالت والدموع تنهمر من عينيها وقالت بيأس:

خلاص يا احمد اعتبرني ما تكلمتش معاك ولا قلت حاجة خلاص انا هنام  وتركته وذهبت للنوم 

نظر لها احمد نظرة حيرة و تركها و غادر الغرفة 

مر شهر بسلام و يلية شهر اخر و ماجده مازالت تفكر ماذا تفعل حتي لا يكتمل الحمل 

دخلت ماجي علي ماجده و علي وجهها نظرة سخرية وقالت : 

خير يا قلبي عرفتي تشوفلنا حل في حمل الهانم اللي فتحهلنا سبيل لكل واحد شوية ولا ايه وكأنها وكاله من غير بواب حاجة بقت تقرف اوف 

ماجده :

بصراحة الوضع يخوف انا خايفة اعمل حاجة تنشكف وانا اروح فيها وانتي عارفة اسر مش بيرحم حد 

ماجي بنفس نبرة السخرية:

هههههههههههه كنت متوقعة. انك بق علي الفاضي خلاص انتي كفايا عليكي لحد كده شكلك كبرتي وراحت عليكي وسبيلي انا الطلعة دي انا حعرف اتصرف معاها هي و اختها اللي شكلها كده بترسم علي بعيد بس ببعدها انا حربيهم هما الاتنين و حخليكي تتفرجي وتسقفي و ترضربي كمان تعظيم سلام كمان ليا 

وفجاءة سمعوا شهقة مكتمونة 

خرجت ماجده مسرعة لتري من صاحب هذا الصوت ولكنها وجدت المكان فارغا 

دخلت ماجده وأغلقت الباب 

قالت لها ماجي وهي تعبث في أظافرها بالامبلاه 

هو في ايه خرجتي بسرعة كده ليه 

ماجده بحيرة:

هو انتي ما سمعتيش الصوت اللي انا سمعته 

رفعت ماجي عينها وقال :

صوت ايه انا مسمعتيش اي صوت انتي شكلك بيتهبقلك كان بدري عليكي يا جوجو مالك ياقلبي 

وعلي الجانب الاخر دخلت عبير الخادمة غرفة جنة 

اتفجاءت جنة بدخول عبير عليها بدون استذذان

قامت جنة واقفة وقالت بحيرة :

خير يا عبير مش بعاده تخشي عليا كده 

قالت عبير بخرج شديد:

معلش يا ست جنة بس كان لازم ادخل كده قبل ما اي حد يشوفني  

جنة باستغراب 

ليه في ايه حصل علشان تخشي كده 

وفجاءة الباب خبط ودخلت ماجدة دون السماح ليها 

نظرت لعبير بعيون تشبه الصقر الذي وقع علي فريسته وقالت بحده :

عبير انتي هنا من امتي و هنا بتعملي ايه اصلا و مش في المطبخ ليه 

انتفضت عبير من مكانها و قبل أن تجيب قالت جنة :

انا بعتلها علشان عاوزها تساعدني في حاجة خير يا طنط ماجده هو ممنوع عبير تطلع هنا ولا ايه 

رفعت ماجده حاجبيها و هي تنظر لعبير وقالت: 

لا طبعا مش ممنوع بس هي كده حاتسيب المطبخ لوحده خليها تنزل وانا حساعدك في اللي انتي عايزاه عادي يعني 

شعرت جنة أنها تريد أن تذهب عبير باي طريقة ولاحظت أن عبير لديها كلام مهم تود ان تخبرها بيه 

قالت جنة :

معلش يا طنط بس انا محتاجة عبير بس لو ده حيضايقك خلاص مش مشكله. انا حا خلي احمد هو اللي  يساعدني 

ثم التفت لعبير تغمز لها وقالت 

خلاص يا عبير انزلي علشان طنط ماجده مش تزعل وانا حكلم احمد اشوفه فين يجي يساعدني 

قطعت كلامه ماجده :

لاء لاء خلاص يا جنة حتتصلي باحمد ليه 

ثم نظرت لعبير وقالت :

خلاص يا عبير خلاصي مع جنة وبعد كده انزلي شوفي شغل المطبخ اللي وراكي تحت 

ثم التفت لجنة وهي خارجة 

بس يكون في معلومك يا جنة لو احمد وأسر و اكرم جم و ما لقوش الغدا انا مليش دعوة من اللي حا يحصلك 

غمزت عبير لجنة أنه ولا يهمها من كلامها 

جنة : 

عندك حق يا طنط لو جم قوللهم أن انا السبب انا اللي مخلتش عبير تعمل الاكل اوكية

فضلت ماجده واقفة مكانها مش عارفه تعمل ايه 

قالت لها جنة مستفهمه:

خير يا طنط حضرتك لسة واقفة في أي حاجه انا ممكن  اسعدك بيها 

اتحرجت ماجده وخرجت وهي تجز علي أسنانها من الغيظ 

فجاءة شدت جنة عببر وقالت بصوت منخفض خير يا عبير في ايه اخلصي قبل اي حد ما يخش علينا تاني ايه اللي حصل وخلاكي تخشي بالطريقة دي وإصرار ماجده ماتسبكيش عندي كل ده قلقني انطقي 

ابتسمت لها عبير وقالت 

هو انتي عطياني فرصة انطق بس والله برافوا عليكي يا ست جنة لاماحة و عرفتي أن انا عاوزاكي ضروري 

جنة بملل :

اخلصي يا عبير قبل ما حد يجي 

روت عبير كل ما سمعتة من ماجده و ماجي 

وضعت جنة يدها علي فمها و اليد الثانية علي بطنها وقالت بخوف :

ماشي يا عبير اخرجي دلوقتي و اوعي تحكي كلام ده لاي حد  و اوعي تحسسي ماجده انك سمعتهيهم هي تقريبا شاكة انك سمعتيها خالي بالك 

هزت عبير رأسها بالايجاب و خرجت وتركتها بمفردها 

خبطت جنة علي راسها فقد وقف مخها عن التفكير قطع صمتها صوت رنين الهاتف الخاص بها

جرت جنة علي الهاتف وكأنها وجدت من ينقذها 

قالت بلهفة.

جنة ،/ الوو يا حياة الحقيني اتصلتي في وقتك 

حياة بخضة :

خير يا جنة في ايه انتي كويسة صح

جنة / انا لحد دلوقتي كويسة بس لو ملاحقتنيش الله اعلم حكون كويسة ولا ايه

حياة بزعر: 

جنة اتكلمي علطول انا اصلا اعصابي مش مستحملة 

حكت جنة لحياة كل ما سمعتة من عبير بالتفصيل

شهقت حياة وقالت: 

يا ولاد الابلسة دول استحالة يكونوا بني ادمين وعندهم د*م زينا استحالة اقسم بالله دول شياطين الانس مش قلتلك عقارب و حرصي منهم 

جنة ببكاء من الخوف:

حياة انا مخي واقف عن التفكير مش عارفه اعمل ايه

انظرت حياة بره من الوقت ثم قالت:

طايب ما تقولي لاحمد علي اللي حصل يا جنه 

جنة :

اه و يقعد يفسر الكلام أن انا بعمل كده علشان اضغط علية و نسكن لوحدينا و مش حخلص منه لاء يا حياة مش حقوله عندك حل تاني و ما حدش يعرف و يبان أنه طبيعي 

حياة بمكر :

اه طبعا عندي هو انا هغلب انا حياة الجامد قوي علشان تعرفي بس اننا جامدين مافيش الي احنا   بس بشرط خ تعملي زي ما انا حقولك علية بلظبط و سعتها نشوف بقا حيتصرفوا ازاي اسمعي بقا الخطة دي

الفصل الثامن

حياة / اه طبعا عندي خلاص يبقي تعملي زي ما انا حقولك علية بلظبط  و سعتها نشوف بقا هيتصرفوا ازاي

اتعدلت جنة في جلستها وقالت :

ها يا عبقرينوا احكي هعمل ايه بلظبط

ضحكت حياة وقالت اسمعيني كويس بس تعملي زي ما بقول بلحرف

وعند ماجدة 

ماجي / ها يا ماجده لقيت حد سمع حاجة 

رفعت ماجدة أكتافها وقالت: 

/مش عارفه بس عندي احساس أن البت عبير سمعت حاجة 

ماجي بتعجب:

  ليه بتقولي كده سمعتي حاجة 

ماجده بغيظ.:

لاء ما سمعتيش  بس دخلت علي جنة لقيت عبير عندها  وشكلهم كده ميطمنش كانوا بيتكلموا بصوت واطي والبت عبير ارتبكت اول ما شافتني 

ماجي :

يعني تفتكري ممكن عبير تكون سمعتنا وراحت قالت لجنة 

ماجده :

مش عارفه بس لو ده كان حصل مافتكرش هيكون البيت هادي كده كان زمان اسر قلب الدنيا 

و عند جنة اتصلت باحمد :

الو ايوا يا احمد انا هنزل اروح عند بابا

احمد باستغراب:

لية خير فجاءة كده حصل حاجة 

جنة  بتصنع:

اه حياة كلمتني الصبح و قالتلي أنه تعبان شويه وبصراحة أنا قلقانه عليه وعاوزة اروح اشوفه 

احمد:

الف سلامة عليه ماشي يا قلبي روحي وانا هعدي عليكي بليل اخدك و اطمن علي بابا بس خالي بالك وانتي رايحة  و اول  ما توصلي طمنيني عليكي اوعي تنسي 

جنة 

ماشي يا حبيي حاضر

احمد  بسرعة:  

جنة بقولك ايه انا هبعتلك سواق الشركة اللي عندنا يوصلك علي بال ما تجهزي يكون وصل 

جنة بحب :

ربنا يخليك ليا يا قلبي بجبببك قوي يا احمد 

احمد :

طاب ايه بقاااااااااااااا

جنة بضحك:

/اية اية بس يا قلبي 

احمد :

مافيش حاجة تحت الحساب لحد ما اشوفك 

جنة :

اتلم بقا انت مش بتشبع

احمد :

يخراشي طايب بزمتك في حد يشبع من القمر ده انتي روحي يا جنة قلبي

جنة ربنا يخليك ليا يا حبيبي 

اغلق احمد الخط الهاتف ثم التفت تجد  اسر في ظهره

اسر بابتسامة:

خير يا عم النحنوح خلصت فقرة الحب ولا لسة 

احمد بهيام:

لاء طبعا ده  الحب مش بيخلص خالص 

وطثم فجاءة اتعدل ةفي جلستة  و اترسم على وجه الجدية وقال:

بس بيني وبينك جنة قلقاني ومش عارف اعمل ايه

انتبه اسر لكلامة و قال بجدية:

خير يا احمد في ايه

احمد بحيرة:

بص يا اسر انا اول ما عرفت جنة حكتلها عن حياتي وأن انا  هعيش معاكم وكانت فرحانة و مرحبه بكده قوي بس من كام شهر كده حصلت حاجة غريبة و بالاخص اليوم اللي اللي اتخانفت ماجي فيه مع حياة اخت جنة

اسر باهتمام ايه الي حصل في اليوم ده :

احمد :

دخلت الاوضه علي جنة بعد ما اختها ماشت لقتها في عالم تاني 

سالتها مالك اول كلمة قالتها تعالي نبعد عن هنا و نسكن برا 

بسالها ليه قالتلي علشان اعرف احافظ على ابنك 

كشر اسر حاجبية وقال باستغراب :

وجنة تقول كده لية بس ايه اللي هي حاستة

احمد:

مش عارف انا كمان مسالتهاش ومرضتش. ادي موضوع اكتر من حقة و زعقت معاها علشان ما تفتحش الموضوع ده تاني بس من ساعتها عقلي مش مبطل لأن انا حافظ جنة كويس وعارف قد ايه كانت مرحبة بفكرة العيشة و سطيكم علشان كده مستغرب أنها تقول كده

غير انها بعد موضوع ده علي طول بدأت جنة  تتجنب الخروج من اوضتها  ولو  تلاحظ مش بتظهر غير علي مواعيد الاكل ومش بتاكل غير لما الكل ياكل من الطبق ولا بتشرب حاجة خالص غير اللي هي بتعملها

اسر بغضب: 

وانت ازاي ساكت علي حاجة زي كده اكيد مراتك مش مجنونه ولا هتقول كده من الباب للطاق اكيد شافت أو سمعت حاجة و انت بزعيقك ليها خلتها تسكت وما تتكلمش

احمد:

بحزن  ما هو ده اللي تاعبتي ان انا حاسس ان جواها كلام و عنيها جواها عتاب ممزوجة بغضب

اسر /

طايب وبعدين هتعمل ايه معاها هتكلمها ولا هتعمل نفسك مش شايف تاني لحد ما تخرب خالص 

احمد :

لا طبعا  انا رايح بليل أجبها من عند بابها هخدها نقعد في أي مكان و اتكلم معاها براحة يمكن تحكي اية المخوفها من هنا ومن مين بظبط 

وفي الفيلا

استعدت جنة للخروج وهي نازله قبلتها ماجي 

رفعت ماجي حاجبها وقالت:

ماجي :  

علي فين العزم ان شاء الله ولا هي سايبة كده تروحي وتخرجي وقت ما تحبي ولا فاكرة نفسك لسة حارة اللي جاية منها 

رفعت جنة عينها و بصت لماجي بقرف  وسابتها ومشت بدون اي كلمة 

شدتها ماجي من يدها  بشده وقالت :

ماجي :

استني اقفي هنا انا مش بكلمك ولا انتي الحارة اللي جاية منها ماعلموكيش تحترمي اللي بيكلمك  

نزعت جنه يدها منها و قالت بحده وصوت عالي  والأول مرة :

ماااجي اول واخر مرة تمدي ايدك عليا انتي تطلعي مين علشان تساليني رايحة فين وجاية منين 

اتلم كل اللي في البيت علي صوتهم في نفس اللحظة حاولت ماجي تزق جنة من علي السلم لولا عبير لحقتها بسرعة بعد أن أطلقت صوت عالي والكل شاهد علي فعلت ماجي 

التفت ليها جنة و بعزم ما فيها أعطتها قلم علي وجهها تحت شهقات الجميع و دن النظر لاي حد تركتهم وخرجت

وضعت  ماجي  يدها علي وجهها وقالت :

والله ما هعديلك القلم ده وانا مبهزرش انا بقا زي عقرب قرصتي والقبر  

وصلت جنة عند حياة. و جسدها يرتعش بالكامل 

اتخضت حياة علي منظر جنة و علي علامات الفزع علي وجهها وقالت بخوف ة

خير يا جنة مالك في ايه وشك اصفر وجسمك بيترعش ليه كده 

قصت جنة عليها كل ما حدث

حياة بأبتسامة:

احلفي ضربتيها قلم تسلم ايدك تربيتي طمرت فيكي بس تعرفي يا جنة ان اللي حصل  ده جه في مصلحتنا  حيسهل علينا كتير 

وانا كلمت دكتور هبه جارتنا وفاهمتها يلا انتي خشي ونامي و الباقي عليا وانتي شكلك اصلا حيثبت لعبتنا 

جنة بخضة مما يحدث: 

تمام انا حنام بجد بقالي كتير ما نمتش من القلق 

اتصلت حياة باحمد وقالت ببكاء مصتنع 

حياة :

احمد تعالي بسرعة جنة تعبت قوي  بعد اللي حصل عندكم الصبح أنا كلمت دكتورة و هي في طريق 

انتفض احمد وقال

مكانه في اية يا حياه ايه اللي حصل عندنا الصبح انا مش فاهم حاجه خير 

حياة بمكر: 

يالهوي اده انت ما تعرفش خلاص خلاص اعتبرني ما اتكلمتش انا كنت فكراك كنت موجوده ساعتها بس خلاص طلما ما تعرفش المهم تعالي دلوقتي

قام احمد وقف بخوف يتوجه للسيارة استعداد للذهاب وقال بصوت مرتفع  :

يه حصل يا حياة انطقي بقا اعصابي خلاص ما عدتش مستحملة لحد ما اجي 

شد اسر التليفون من احمد وفتح الصوت 

قالت حياة بعياط مصطنع: 

خلاص بقا يا احمد علشان معملش مشكلة مع حد انا بعتذر افتكرتك عارف أو جنة حاكتللك 

احمد بعصيية 

اتكلمي بقا يا حياة

حياة :

اصل جنة وهي جاية الصبح ماجي وقفتها علي السلم و اتخانفت معاها و كانت عاوزة تعرف جنة رايحة فين و كانت حتوقعها من علي سلم لولا عبير لحقتها 

رد اسر متسرع استحالة ماجي تعمل كده اكيد في حاجة غلط 

حياة بعصبية  وقد استفزها دفاعة عنها:

وانا حكدب ليه يا استاذ اسر عندك الناس الشغاله في البيت عندك اسالهم غير أن انا ما كنتش حتكلم لولا احمد اللي غصب عليا عمتا ده مش وقته خالي احمد يجي جنة تعبانه قوي دكتورة قربت توصل

اسر:

اصلا احنا علي طريق من ساعة ما اتصلتي و قربنا علي البيت خلاص 

قامت حياة واقفة تمام تمام سلام

جرت حياة اتصلت بدكتوره و بلغت جنة و ظبطوا حكاية 

وصل كل من أسر وأحمد استقبلتهم حياة بدموع 

احمد بلهفة:

فين جنة يا حياة وهي عاملة ايه دلوقتي

حياة :

جوا معاها دكتورة بتشوفها  ربنا يستر انا خايفة عليها قوي 

اسر:

هي تعبت كده لدرجة دكتورة طايب والليبي عامل ايه 

رفعت حياة. عينها و جاوبت بكلمة. واحدة 

/ اه 

دخل احمد يجري علي الاوضة 

كانت جنة مستلقية علي سرير و تقف الدكتورة بجانبها 

قال أحمد بلهفة خير يا جنة حاسة باية يا حببتي و النونو كويس طمنيني  

جنة أو ما لمحت احمد اترمت في حضنع  و بكت بشده فاهي ما زالت تحت تأثير الخضة و مازال وجهها اصفر 

قالت الدكتوره

لاء ما هو كده ما ينفعش احنا قلنا اي انفعال حيسبب تشنجات ونرجع للخطر تاني لو سمحتي هدي نفسك خالص كده ما ينفعش 

اخرج احمد جنة من حضنة و ريحها علي السرير و التفت إلي دكتورة 

احمد/  

خير يا دكتورة طمنيني 

دكتوره :

بصراحة كان نفسي اطمنك بس حالة جنة مطمنش اولا ممنوعه من حركة خالص لأن ده غلط علي البيي ممنوع العصبية أو أي حركة مفجاءة

احمد:

بخضه ليه كل ده 

دكتورة :

/ واضح انها اتعرضت لحركة و مفجاءة و اتخضت. جامد حصل لها تشنجات عضلية في الرحم و انقباض شديد مهدد بالاجهاض

احمد:

طابب هي مش ساكنة هنا ممكن نعملها كل ده في اللبيت

الدكتوره 

من الظاهر حضرتك ما سمعتنيش كويس بقولك الحركة ممنوعة 

٠

بعتذر عن التاخير لظروف خارجة عن إرادتي

الفصل التاسع 

احمد:

طايب يا دكتورة  هي مش ساكنة هنا ممكن نعملها كل ده في بيتها مش هنا 

الدكتوره :

من الظاهر حضرتك ما سمعتنيش كويس بقولك الحركة ممنوعة نهائي يعني ما ينفعش تقوم من السرير يادوب الحمام بس علشان هي مهدده بألا جهاض  في أي وقت انت مستغني عن اللي في بطنها ولا ايه

احمد بخضة :

لاء لاء خليها مكنها زي ماهي وحضنها بشده 

وعند حياة في الخارج 

وقفت حياة في انتظار الدكتورة تخرج من عند اختها و هي خائفة من انكشاف لعبتها 

وأسر يقف بجانبها ينظر لها بإعجاب هذا اول مرة يعجب اسر بفتاه رغم بساطتها وعدم تكلفها في ملابسها و تلقائيتها في الحديث الي أنها رغم كل ده لفتت انتباه لها فهو يشعر شعور غريب اتجاها وكأنها فيها مغناطيس يجذبه له دون وعي منه حاول مرارا وتكرارا التغلب علي شعور ده و لكن باء بالفشل 

قطع تأمله لها صوت جرس هاتفه أجاب عليه وارتفع صوته 

اسر:

/ اللي هو زاي يعني هو ما فيش مسؤلية ازي تحصل غلطة دي مين اللي ماسك ديكور الفيلا دي 

رنت كلمة ديكور علي اذن حياة ثم التفت لأسر 

اغلق اسر التليفون  و علي وجه علامات غضب ورفع عينه وجد حياة تنظر له باهتمام 

شاور لها براسة مما جعلها تصيب بالحرج من طريقته وقال لها ممازح :

اخير بصالي  كده ليه ثم غمز بعينية وأكمل  مازحا ايه الجميل معجب ولا ايه لو معجبه قولي الخط فاضي 

اعتدلت حياة في وقتها وجهها ازداد احمرار ولكنها وجدت أن الهجوم اسلم طريقة للدفاع قالت بحده :

هو مين اللي معجب بمين انا مش فاهمة. انا بس كلمة ديكور لفتت نظري لأن ده صميم تخصصي

رفع أسر عينية وقال بصوت مهتم:

انتي بتكلمي جد انتي قسم ديكور

حياة :

/ اه طبعا ده العشق انا كمان متميزة بالأعمال المختلفة انا كليه الفنون الجميله قسم الديكور 

اسر :

اه انا عارفه انك فنون جميلة بس ما كنتش اعرف القسم ممكن تفرجيني علي  شغلك حالا 

حياة بلهفه بتتكلم جد ولا بتشتغلني 

اسر بضحك:

طبعا بتكلم جد بس ايه بتشتغلني ده يابني أنتي بنت آنسة رقية بلاش دور جعفر اللي متقمصك ده 

حياة :

بقولك ايه فكك مني خالص دلوقتي انا حاروح اجيب لاب توب وافرجك شغلي بسرعة 

وتركته و جرت علي حجرتها تحضر جهاز كمبيوتر الخاص بها 

ابتسم علي طريقتها الطفولية فا هي من يراها بشعر وكأنها طفله بجد 

دخلت علية حياة وجدته يتأمل الصور من علي الحائط ووقف أما صوره لها و دقق النظر فيها 

قالت له بمرح: 

شوفتني لما كنت حلوة 

التفت لها اسر وحب يغظها وقال:

اه شوفت كتني فعلا حلوة حتي انا ما كنتش عارف ان اللي في صورة  دي انتي غير لما دققت ووقت قدمها شوية 

انغاظت حياة ومن كلامة ولكنها أخفت ولكنه ابتسم شبه إبتسامة كأنه قراء ما بداخلها فهو يشعر بمتعة غريبة لما يثير غضبها ولا يعلم لماذا هذا الشعور الغريب 

فتحت حياة الاب توب وبدأت تفرجة علي أعمالها وكل مرة يزداد انبهار بشغلها الي أن وقفت  عند مشروع التخرج وبدأت تشرح له 

وفجاءة قام واقفا وقال لها وهو ينظر الكمبيوتر بدقة:

حياة ايه رايك تتطبقي مشروع التخرج ده علي والواقع اظن دي فرصة ما تترفضتش اصل حرام يكون الشغل ده كلام علي ورق أو علي ماكيت شغل لازم الكلام ده يتطبق علي الواقع 

قامت حياة واقفة من المفجاءة وقالت :

هو حضرتك بتكلم جد أستاذ اسر يعني انا ممكن أطبق الكلام ده عملي بجد 

اسر:

بصي يا انسة لازم تعرفي عني حاجة مهمة انا لما بكون بتكلم في الشغل مش بعرف اهزر واتفضلي خشي غيري هدومك علشان راجعين الشركة مهندسة ديكور اللي عندي ماشت وسابت الشغل متعطل وحضرتك من ساعة دي اتعينتي مهندسة ديكور لشركات الفضالي و دلوقتي اعملي حسابك حتستلمي شغل الفيلا صاحب الفيلا بيحب الحاجات الغير تقليدية عملنا كذا اجتماع مافيش حاجة اقنعتة أو عجبته متهيقلي لو شاف شغلك حيعجبه اده انتي لسة واقفة  اجري غيري ويلا و خالي بالك انا في الشغل مش بعترف بقرابة 

التفت له حياة وقالت في تحدي و ثقة :

وانا شغلي هو الي بيتكلم عني انا مش مستنية درجة قرابة بس احب اعرفكم انا شخصية عشوائية مش بحب الالتزام بقوانين اللي بيطلع في دماغي بعمله فوضوية مكركبه في بعضي ده علشان تكون علي نور من اولها 

ضحك و شاور لها بجدية انها تروح تلبس بسرعة 

خرجت دكتورة من عند جنة  و خرج معاها احمد اقترب منهم اسر وقال باهتمام :

خير يا احمد طمني جنة اخبارها ايه و النونو ايه أخباره طمن قلبي 

احمد بخوف:

الدكتورة بتقول انها ممنوعة من حركة خالص لحد ماتولد لازم تقعد في السرير 

اسر:

ياه ده لسة قدمها تقريبا شهرين

الدكتوره :

لا شهر ونص وخالي بالكم حالتها النفسية مهمة جدا مش عاوز زعل خالص 

احمد:

تمام يا دكتوره شكرا لتعبك وصلها احمد الباب و رجع لأسر 

احمد بعصبية.:

شكل ماجي مش ناوية تحبها لبر بجد وزدتها قوي 

اسر:

  اصبر يا احمد لحد بس ما نتأكد احنا ما سمعناش غير من طرف واحد بس انا اللي حتابع موضوع بنفسي احنا حتروح وكان مافيش حاجة حصلت و انا اللي حشوف موضوع ده 

احمد :

ماشي يا اسر بس انا مش مروح انا حفضل هنا مع جنة مش حينفع اسبها 

دخلت عليهم حياة وقد سمعت كلامهم و ابتسمت أن خطتها نجحت وانقذت اختها من العقربتين اللي في البيت ولو أنه حل مؤقت الموقف 

حياة :

تمام انا جاهزة خلاص ممكن ننزل

التفت لها احمد وقال انتي نازلة علي فين يا حياة

اجاب اسر مسرعا 

انا  حامسك حياة مشرع فيلا الساحل الشمالي رغده سابت مشروع لما معرفتش توصل للدماغ العميل انت عارف ان دماغة غريبة شوية بس لما شوفت شغل حياة لفت نظري ان شغلها كمان غريب متهيقلي حا يعجب العميل 

احمد :

اه والله عندك حق انا ازاي فاتت عليا دي حياة متميزة قوي في شغلها عمتا ربنا يوفقكم انزلوا انتم و انا حفضل مع جنة حببتي .

خرج أسر بصحبة حياة و صلوا للشركة انبهرت حياة بلتصميم فكانت شركة كبيرة تعمل في الكتير من المجالات و منها قسم الديكورات 

ارتسم علي وجه اسر الجدية والانضباط فور دخوله الشركة  وكانت وراءه  حياة تركض كي تحصله فتحولت شخصية تمام 

وصل اسر القسم المقصود وجلس علي طاولت الاجتماعات وصل العميل وكان غاضب جدا 

العميل بغضب: 

بصراحة باشمهندس اسر دي مش طريقة شغل لو انتم مش بتعرفوا تختارو الناس اللي شغاله معاكم ما ترتبطوش بعقود ده شغل  مش لعب و بيوت مفتوحة

اسر بأحراج شديد:

/انا بعتذر ليك دي اول مرة تحصل معانا بص انا حفرجك علي شغل اتفرج عليه واحكم إذا كنا قدها ولا مش قدها و المهندسة اللي عملت كده فصلنها من الشركة و حضرتك حتتفرج علي شغل المهندسة الجديدة وحضرتك احكم بنفسك 

العميل :

تمام يا بشمهندس انا عارف. سمعتكم في السوق اية و انكم من اكتر الشركات التزاما بس اللي حصل معايا اكيد مش اي حد حيتقبله

خبط الباب و دخلت حياة و هي تحمل الاب توب الخاص بها

التفت اليها العميل و في عينة نظرات اعجاب واضحة مما أثار غصب اسر بدون سبب 

دخلت حياة و القيت التحية وجلسة 

التفت اسر للعميل الذي لم ينزل عينية من علي حياة وقال:

/استاذ رؤف دي المهندسة حياة اللي حتمسك لحضرتك. ديكور الفيلا هي حتفرجك علي شغلها بس انت قلها اي تخيلاتك  للتصميم اللي حضرتك محتاجة وهي حا تنفذ بس حضرتك الاول شوف طريقة شغلها واحكم إذا كنت حضرتك حا تكمل معانا و انا تحت امر حضرتك في أي حاجة 

بدأت حياة  في عرض شغلها علي العميل الذي بدأ بدورة الانبهار بشغلها 

وفي أثناء الاجتماع فتح الباب دخلت ماجي بدون استئذان التفت الجميع الي الباب دخولها المفاجئ 

ماجي بدون مقدمات حتي بدون أخذ في الاعتبار أن في عميل جالس 

ماجي: 

اسر الكلام اللي سمعته ده صح انت بجد حتشغل البتاعه دي هنا و حاتمسكها قسم الديكور بدل رغده وانا ماجي خريجة تجارة انجليش مماسكني حته سكيرتيرة في شركة لاء انا مش  اسمح بكده علي جثتي البت دي تتعين في المنصب ده 

فجاءة ظهرت علامات الغضب علي وجه اسر وبدا يتحول لولا اكرم نفذ الموقف ولفت نظر ماجي لوجود عميل 

بلعت ماجي رقيها بصعوبة فاهي لم تتلفت لوجود عميل جالس معهم و علمت أن اسر لم يعدي الموقف بسلام 

خرجت ماجي بعد أن اعتذرت العميل و قلبها يخفق من الخوف ومما سوف يجري لها

اتصلت بماجده مسرعة :

الو ايوا يا ماجده اية مش بتري بسرعة ليه 

ماجده:

في ايه يا ماجي حد عرف حاجة من اللي احنا عملاناه طمنيني 

ماجي يزهق ؛

هو ده كل اللي همك نفسك و بس لكن انا او*لع  انا حبلغك الاسوء من ده عارفه لما جيت لقيت مين اللي اتعين عندنا في قسم الديكور

ماجده بنفاذ صبر:

ماجي انجزي انا دماغي مش رايقة ليكي خالص مين 

ماجي:

حياة هانم بقت المهندسة المسؤلة عن القسم كله 

نزل علي ماجده صمت تام وكان الصدمة شلت لسانها

ماجي :

ماجده ماجده انتي سمعاني بقول ايه ردي عليا

ماجده بهدوء تام:

اه يا ماجي سمعت البنات دي مطلعوش سهلين راسمين علي وشهم وجه الملائكة وهما شياطين واحده لعبت علي احمد و تانية بتحوم حولين اسر 

ماجي :

ده ببعدها انا قعدلها والله ما حخليها تعمر اسبوع الصبر انتي عارفه أن اسر ليه طقوس خاصة بيه و البت شكلها مهرجل كده مش بتاعة. انضباط بصي انا هديها يومين خلينا نصبر ونتفرج ولو هو بنفسة ما مشهاش انا حخطط لها بنفسي خلينا نلعب بسياسة النفس الطويل ونشوف مينا عنده نفس اطول

وفي الداخل انبهر العميل بشغل حياة بشده ووصف لها ما يريد و حياة لترسم اللي ان أخرجت الشكل النهائي لتخيله اعطتة حياة الورق و قلبها يكادو يقف من الخوف 

قام العميل ووقف يصقف تصفيق حاد تعبيرا عن إعجابه الشديد بشغلها 

نظر العميل لأسر وقال:

انت لقيت المعجزة دي فين دي محصلتش دي عملت اللي في دماغي بلظبط وكاني انا اللي برسم بجد ممتازة 

اسر بابتسامة رضا:

الحمد لله أن الشغل عجبك وانا بكرر اعتذاري من اللي حصل من رغده

قطع كلامه العميل لاء انا اللي عاوزة اتصل برغده اشكرها أنها عملت كده  علشان اتعرف علي المعجزة الصغيره اللي عندكم بس انا حاسس انها صغيره قوي علي انها تكون مهندسة ديكور

خفضت حياة. راسها لاسفل خجلا من كلامة 

ابتسم اسر وقال مازحا كل قصير ما كير ميغركش شكلها صغير  احترس كل من اقترب من الأرض 

ضحك العميل واستاذن علي موعد للقاء  لبدء العمل

خرج أسر الذهاب لمكتبة وجد مكتب ماجي فارغ التفت لاكرم وقال:

الست هانم فين يعني جاية متأخرة و كمان مش. علي مكتبها بص يا اكرم انا مستحملها بس علشانك لكن انا لو عليا لا طيقها هنا ولا في البيت بجد خلاص الواحد جاب آخره منها 

لمحت ماجي اسر عند مكتبها غلقت التليفون بسرعة و جرت علي مكتبها 

اسر بملل:

و جناب البرنسيسة جاية علي نفسها ليه ما تيجي وقت ما تحب براحتك خالص انا حقعد مكانك اخلص شغلك وبصوت عالي اتفضلي قدامي علي المكتب علشان نشوف القرف اللي عملتية قدام العميل انهاردة 

دخلت ماجي وراءه وهي تنظر لاكرم أن يقف بجانبها

ماجي:

  اسر انا ما اختش بالي أن كان في عميل قاعد  انا اول ما سمعت خبر تعين البت دي اتعصبت. 

هبد اسر علي مكتب لحده مما جعلها تنتفض بشده من مكانها وقال بغضب؛ 

اولا اسمها المهندسة حياة ده اولا غير كده انا مش مستني الاذن منك علشان أعين في شكركتي مين متهقلي انا كبير كفايا ولا ايه ومش محتاج إذن من سكرتيرة علشان اعرف اعمل ايه ولا معملش ايه

ثم رفع إصبع  محذرا وقال  لها بحده وصوت ممزوج للتحذير والانتظار 

اياكي اياكي يا ماجي تاني مرة تدخلي في شغلي وتقوليلي اعمل ايه ولا ماعملش ايه مفهوم 

ماجيبنفس نبرة صوتها العنيفة :

ماهو بردو ما ينفعش اكون انا بقالي خمس سنين شغاله سكرتيرة وهي تخش علي منصب رئيس قسم الديكور ده مش عدل وهي اصلا لامنظر ولا شكل حتة عيله بيئة 

ازرد غصب اسر علي ماجي ولكن اكرم شد ماجي ما يدها اخرجها للخارج 

قال اكرم  لها بحده :

ما كفايا بقا يا ماجي في ايه ما تنسبش أن اسر مشغلك هنا علشان خاطري انا وماجده و انتي عارفة طبع اسر كويس مش بيحب حد يقوله اعمل ايه وما تعملش ايه خليكي في حالك و اتفضلي يلا علي مكتبك علشان لو خرج ملاكيش علي مكتبك مش بعيد يرفدك اقصري الشر و كفايا لحد كده 

خرجت حياة من مكتبها تتفحص الشركة وقد شعرت بالجوع الشديد فاهي اتلهت مع جنة وما اكلتش حاجة خالص 

لقت واحده جالسة علي مكتبها 

حياة :

هاي انا حياة ومدت أيدها سلمت 

ابتسمت لها البنت الجالسة علي مكتب ومدت يدها وقالت 

وانا ريهام سكرتيره استاذ اكرم 

حياة/

اهلا ريهام بقولك انا جعانه جدا هي مافيش كافتيريا هنا في شركة 

ضحكت ريهام :

هو في بس بعيد عنك كل اللي هنا مرسومين عايشين علي شوفان واكل الدايت 

حياة:

اهلا لا انا ماينفعنبش كلام ده خالص ونظام شوكة وسكينة ده لا بتنفخ بسرعة انا جعانه قوي 

وفجاءة جاء صوت من خلفها

واللي يسمعك يقول بتاكلي قوي أنا نفسي اعرف الاكل ده بيروح فين .

الفصل العاشر 

ضحكت ريهام :

هو في اكل بس بعيد عنك كل اللي هنا مرسومين عايشين علي شوفان واكل الدايت لما بطننا نشفت تقولي داخلين عرض ازياء بكرة 

حياة:

ههه اهلا لا انا ماينفعشي الكلام ده معايا خالص ونظام شوكة وسكينة ده لا بتنفخ بسرعة انا جعانه قوي و عاوزة اكل شوفلنا سندوتش شورما كده ولا طبق كشري مصري حاجة كده تفتح النفس قال شوفان قال 

وفجاءة جاء صوت من خلفها:

واللي يسمعك يقول بتاكلي قوي أنا نفسي اعرف الاكل ده بيروح فين .

ارتبكت حياة و احمر وجهها خجلا ولكن نقذالموقف 

قالت ريهام وهي تضحك علي منظر حياة

ريهام :

بصراحة يا باشمهندس الانسة عندها حق البوفية هنا فاضي خالص مافيهوش غير كل حاجة لايت مافيش غير الاكل اللي بيتهرب لحضرتك 

التفت حياة علي كلمة وقالت بمرح كأنها لقت كنز:

اية سمعيني كده الاكل اللي ايه بيتهرب انا سمعت صح هو فين بقا 

اسر بتوعد :

ماشي يا ريهام الواحد ما يعرفش يخبي معاكي سر خالص اخر مرة حخبي معاكي الاكل 

هزت ريهام رأسها ضاحكة وقالت:

مش حتعرف يا بشمهندس علشان انا بس الي بعرف اخبي الاكل 

بس بصراحة لاء انا  طلعت فتانة مش بعرف اخبي

وفجاءة قربت حياة من ريهام وقالت لها بدلع:

ريري هو فين اكل الباشمهندس و غمزت لها 

بصت ريهام لأسر الذي هو أشار براسة مواقفا علي طلبها 

اخرجت ريهام من الدرج لفة كبير فيها اكل واعطتها لحياة 

التي كانت حياة بدورها تتلهف لمعرفة نوع الاكل بداخلها فهي تعشق الاكل جدا وتجد في متعة ولكن لا يبان عليها 

ولكن أسر كان اسرع منها وخطف اللفه

التفت له حياة ووضعت يدها علي خصرها وقالت 

حياة:

اده بقا هو احنا فينا من الكلام ده هات بقا عاوزة اكل جعانه جدا وانا لما بجوع مش بعرف اشتغل 

نظر اسر للسقف و قال ممازحا

اسر:

بس ده اكلي انا علي فكرة و أنا ماعزمتش عليكي 

حياة بزلع مصتنع :

ولو و ايه يعني بس انا جعانة و حاكل منه علي فكرة 

اسر:

مين قال ايه عاوز تاكلي تعالي و راية علي المكتب 

حياة بضحك :

ياسلام اجي ما اجيش ليه هو انا صغيرة 

دخلت حياة ورا اسر الذي سبقها ودخل مكتبة ولكن وجدت ماجي في طريقها 

قالت ماجي بسخرية وغل 

ماجي :

هاي رايحة فين هي وكالة من غير بواب ولا فاكرة نفسك في بيتكم تخشي و تطلعي بمزاجك

زفرت حياة أنفاسها بقرف و قالت 

حياة :

بقولك ايه يا بتاعة انتي انا مش فايقالك مش كل ما اجي هنا حتفضلي تحرقي بنزين علي فاضي اهدي كده في نفسك وقولي هديت بدل ما يطقلك عرق و تروحي فيها ونرتاح منك تمام يا مسكرة و وسعي كده علشان الدبان اللي ملموم علي سكر يا سكر 

و تركتها واكملت طريقها المكتب ولكن ماجي كانت اسرع منها ماسكتها كن ذراعها وشدتها 

التفت ليها حياة وقالت بصوت مرتفع نسبيا :

هو القلم اللي عطهولك جنة معلمش معاكي صح بس جنة أيدها حنينه لكن اللقلم بتاعي انا بيعلم تحبي تجربي 

ثم رفعت إصبعها محذرة اياكي ايدك دي تتمد عليا تاني حقطعهتلك وانتي شبه الديك الرومي المنقوش علي الفاضي

خرج أسر علي صوتهم و قال وهو يكشر عن أنيابه

اسر خير ايه الصوت العالي ده في ايه انتم ناسين نفسكم انكم في شركة ولا ايه 

قالت ماجي بصعبانبة ودموع التماسيح:.

و اللهي يا اسر انا بس كنت بقولها رايحة فين لازم تخشي لما استاذنك الاول لكن انا اول ما قلت كده هي اتحولت وبدأت تزعق وتقول انتي متعرفيش انا مين انا ممكن ارفدك انا هنا بواسطة اختي 

ولسة اسر حيدافع عن حياة دخل عماد صديق اسر المقرب و هو المدير التنفيذي لشركة وأطلق صافرة اعجاب عندما وقعت عيناه علي حياة 

وماسك يدها و لف بيها وقال بانبهار

اده يا اسر انت زوقك في الموظفين اتغير خالص ايه جمال ده كله 

استشاط اسر من مدح عماد لحياة والتفت لحياة و قال لها بصيغة الأمر :

آنسة حياة الشركة هنا ليها نظام والكل هنا ماشي علية هي مش وكاله تخشي عندي في أي وقت لازم تساذني الاول من ماجي و اصلا انتي هنا شغلك في قسم الديكور يعني انا مليش دعوة بيكي شغلك بيكون مع المدير التنفيذي بتاعك الاساتذ حسان مش انا

انا هنا المدير العام لشركة يعني مش اي مشكلة تجري عليا وانا لما بوظف الموظفين مش علشان الوسطي بتاعتهم انا لو حشوفها بالوسطي بتاعتهم يبقي حضرتك اختارتي العنوان الغلط هنا شركة محترمة مش ممشينها بال محسبويات هنا ولا هي وكاله لاي حد يخش ويطلع علي مزاجة

امتلك حياة الغضب لاقصي مداه و فقدت السيطرة على نفسها و كالعاده تسرعت في الرد :

ايه ايه في ايه عمالين تحدفوني لبعض زي عروسة لعبة 

ثم التفت ل اسر وقالت بمنتهي الثقة شركة ايه اللي انت بتتكلم عليها وواسطة ايه انت ناسي انك انت اللي عرضت عليا الشغل لما كنت عندي في البيت يعني لا انا ولا اختي اتوسطنا عندك علشان اشتغل غير أن شغلي هو اللي فرض نفسة مش انا واسال العميل بتاعك اللي كان مبهور من شغلي و حيطير من الفرحة انا اللي بقواهالك اهو انا اللي ميشرفنيش اشتغل معاكم 

ثم التفت لماجي وقالت

بصي يا ملزفه انتي حقي انا متنازلة عنه لوجه الله لكن حق جنة اختي واللي عملتي فيها قسما بالله ما حعدهولك علي خير 

ماجي بغرور :

وانتي تطلعي ايه بقا علشان تهديني اختك هي اللي قليله الرباية وكانت لازم تتعلم الادب وبصراحة انتم الاتنين شبه بعض محتاجين تتربوا من اول وجديد 

حياة بكل ثقة اتصدفي عندك حق وبعزم ما فيها وقدام الكل نزلت بالقلم علي وجه ماجي وقالت بصوت عالي ده علشان اللي اتعمل مع جنة 

رفعت ايدها مرة ثانية ولسة حتنزل علي وجهها وجدت ايد ماسكت يدها 

التفت ونظرت لأسر نظرات تحدي ولكن أسر نزل يدها وقال بعصبية:

اتفضلي يا انسة علي مكتبك و ما شوفكيش غير لما اليوم يخلص يلا بسرعة

حياة بعصبية هي الأخري :

مكتب مين انا مستقيلة اصلا الله الغني عن دي شغلانه

اسر بغضب:

ما هو مش بمزاجك يا بشمهندسة حضرتك ماضية عقد غير عقد الشغل اللي حضرتك لسة مضياه مع العميل كل دي التزمات لحضرتك ولا مش واخده بالك اتفضلي روحي شوفي شغلك ثم التفت لماجي 

وانتي كمان علي مكتبك و حسابك مش هنا اتفضلي يلا 

دخل اسر و عماد المكتب و أسر في قمة غضب 

جلس عماد ونظر لأسر وقال بهدوء تام 

عماد :

/ وده حصل امتي يا اسر ممكن اعرف 

رفع أسر عينية ومن علي يده و قال مستفهاما :

اللي هو ايه اللي حصل 

عماد بنفس نبرة الهدوء

انت عارف وانا عارف 

اسر

/ بس انا بجد مش فاهم تقصد ايه بكلامك يا عماد 

قام عماد واقف ولف حولين اسر وقال :

/ بص يا اسر انا حجبهالك بصراحة كل اللي عملته برا ده ما يكلش معايا انا اكتر حد فاهمك انت كل اللي عملته مع المهندسة حياة انك غيرت عليها مني لما عكستها

ارتبك اسر و شبك يده في بعضها و قال بتلجلج 

/ غيرة لاء طبعا غير  ايه وهغير من ايه 

عماد بمكر:

بص يا اسر انا وانت عارفين موقفك الواضح من ماجي و مش انا وانت بس الشركة كلها عارفة انك مش طايقها ومشغلها علشان خاطر اكرم فا متجبش دلوقتي هي تسخنك بكلمتين علي البت انت اللي عرضت عليها الشغل مش هي اللي طلبت وجاي تقول انها بتداري ورا وسطتها 

ثم أكمل كلامة و هو يدقق النظر في أسر 

تعرف يا اسر انا من اول ما دخلت من باب الشركة وكل الموظفين مالهمش كلام غير علي مهندسة ديكور الجديده و العميل اللي مبهور بشغلها مش ده العميل بتاع فيلا الساحل اللي عرضنا علية شغل خمس مهندسين ديكور و معجبهوش ولا واحد فيهم 

اسر وهو يحك رأسه متوترا : 

اه هو وبصراحة اول ما شاف شغل حياة انبهر بية و ماسك في حياة كأنه لاقي كنز 

عماد ؛

تمام يعني شغل حياة هو اللي اتكلم يعني البنت مش مسنوده بالوسطي بناعتها ولا ايه

نزل اسر عينة في الارض و هز راسة 

عماد : 

خلاص  يبقي حصل امتي قول بالتفصيل الممل 

اسر بتنهيده: 

أتصدق بالله يا عماد انا نفسي مش انا لقيت بالي مشغول بيها من غير ما احس رغم بسطاها في كل حاجة و عصبيتها تعرف أن اكتر حاجة شدتني ليها هي طريقتها في اخد حقها عارف فيها حاجة مختلفة مش البنت الضعيفه اللي بتحط أيدها علي خدها و مستنية حد يا 

خد حقها لا دي اول ما حد يجي جنبها بتخلع قناع القطة و تلاقيها بقت نمر شرس بيأكل اي حد يجي عليها .

عماد :

يا خرابي عليك يا اسر دانت حافظها اكتر ما هي حافظة نفسها طايب ليه عملتها كده قدامي 

اسر

تصدق  مش عارف يا عماد المفروض انا اللي كنت قايلها 

تعالي علشان نأكل سوا يعني انا كنت عارف انها جاي. بس ليه عملت كده 

ثم خلطت علي راسة وكأنه افتكر شيء 

قام وقف فجاءة و جري علي المنضده و حمل لفة الطعام. وخرج 

خرج و رارئه  عماد وهو ينده عليه

التفت له اسر وقال له وهو مكمل مشي خش انت استناني في المكتب انا مش حتأخر 

دخل اسر علي مكتب حياة 

مسحت دموعها مسرعة بظهر يدها فور أن رأته 

وضع الاكل علي المكتب و لمح الدموع في و كاد قلبه ينفطر عليها يود أن بضمها لحضنه 

قامت حياة واقفة و أشارت علي الفه وقالت ايه ده يا يبشمهندس

جلس اسر ووضع ساق فوق ساق وقال :

يلا بقا علشان انا حموت من الجوع 

حياة حضرتك ما اكلتش في مكتبك ليه 

قطع كلامه بأنه وضع يده فوق فمها وقال اش باااس يلا علشان نأكل 

لاحظت ماجي غياب اسر طول في مكتبها قامت وبحركة فجاءية فتحت باب المكتب. كان اسر بيشرف القهوة 

حياة : 

خيبر يا ماجي ناسيني ايه 

استشاطت غيظا من منظرهم 

مر علي هذا الحدث أكثر من شهر وانهمكت حياة في عملها الجديد وابدعت بكل طاقتها و مازال مره ماجده وماجي علي. حياة و جنة 

الي أن وصل حياة تليفون وكان سبب في تغير كل حياتها 

حياة وهي مركزة في تقرير أمامها علي المكتب 

الو مين 

الطرف الآخر. البقاء لله

تكملة الرواية من هنااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا