مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 رواية الأمانة الفصل الحادي عشر والثاني عشر والثالث عشر والرابع عشر والخامس عشر  بقلم نرمين قدرى جديده وحصريه 

رواية الأمانة الفصل الحادي عشر والثاني عشر والثالث عشر والرابع عشر والخامس عشر  بقلم نرمين قدرى جديده وحصريه 

الفصل الحادي عشر 

قد مر علي هذا الحدث أكثر من شهر و انهمكت حياة في عملها الجديد 

وابدعت بكل طاقتها تحت نظر وإشراف اسر و اعجابه  الشديد ب دقتها في العمل و انبهار العميل بلشغل و الثناء الجميل علي حياة و علي دقتها في العمل  مما أثار غيرة اسر  أكثر من مرة عليها 

ومازلت جنة في بيت والدها وهي في أواخر شهور الحمل و مازال كره ماجده وماجي علي. حياة و جنة  و التوعد لهم بالانتقام حين تحين الفرصة لهم ولكن بعد جنة  عنهم صعب عليهم خطتهم 

ظلت حياة منهمكة في العمل مده طويلة اللي أن رن هاتفها  برقم جنة أسرعت حياة تجيب وهي تبتسم 

حياة :

الو يا جنة عتريس عامل ايه طمنيني علي حبيب قلب خالتو 

سمعت حياة علي الطرف الآخر صوت بكاء شديد 

قامت حياة من جلستها ووقفت مسرعة وقالت بخضة:

الو الو في ايه يا جنة انتي كويسة جنة ردي عليا يا جنة خير.  في ايه بقااا

اجاب الطرف الآخر. بصوت يكادو مسموع 

جنة بصوت منهار:

البقاء لله يا حياة  

ارتعبت حياة من الكلمة وقالت بصوت عالي:

البقاء لله في مين في مين يا جنة انطقي بطلي عياط بقي وقولي قلبي حيقف انطقي مين اللي مات 

جنة بصريه: 

بابا يا حياة بابا مات مات 

وفي هذه اللحظة فتح الباب دخل اسر و وعلي وجة علامات  الزعل أنه قد  علم ما حدث من احمد 

فجاءة. سحب منها التليفون و شدها لحضنه وحضنها بطريقة لا إرادية و هي كانت مستسلمة له  وكأنها مغيبة ضمها بشده وكأنه يقول لها انا امانك وكأنه يزيح عنها وجع قلبها  ضمها بشده وكأنه يود أن يخفيها جواه 

دخلت ماجي عليهم و شهقت بطريقة لا إرادية وبصوت مسموع مما جعلهم يلتفتوا لصوتها 

اخرج اسر حياة من حضنه وهي مازالت تحت تأثير الصدمة 

ثم التفت إلى ماجي وقال بلهجة تعنيف حاده:

خير يا ماجي كنتي عاوزة حاجة ضروري اللي يخليكي تخشي من غير استأذن 

ماجي وعينها مازلت عليهم وحياة مازالت مصدومة  و عينيها متوقفة لا ترمش 

ماجي بارتباك :

لاء مافيش بس لقيتك داخل بسرعة عند حياه قلت اجي اطمن يكون حصل حاجة 

اسر بحزم:

تمام يا ماجي بس في اختراع اسمه باب نخبط علية ولو مافيش حاجة تاني تقدري تتفضلي لو سمحتي 

خرجت ماجي وعلي وجهها علامات القلق من الوضع  

اقترب اسر من حياة و قال بحنان :

حياة ممكن تفوقي مافيش وقت للانهيار حياة فوقي بقا 

رفعت حياة عينها وقالت بصوت ممزوج بالضحك الباكي: 

شوفت يا باشمهندس شوفت جنة بتهزر معايا هزار بايخ جنة بتقول أن بابا مات بس انا مش حساكت علي هزار ده لما اروح لها انا حوريها ازي تهزر هزار بايخ كده 

ضغط اسر علي يدها وقال بعصبية:

حياة فوقي بقا. والدك اتوفي فعلا يلا بقا علشان ورانا شغل كتير والناس كتير في البيت عندكم وانتي لازم تروحي تاخدي العزا

هزت حياة رأسها بعدم تصديق و قالت :

لا لا يا اسر متقولش كده لا بابا عايش بابا استحالة يسبني لوحدي هو عارف ان انا مليش حد غيرة جنه مع جوزها انا بقا حروح فين ومع مين قولي يا اسر أنه عايش قول أن بابا ما ماتش افهمني بس يا اسر مستحيل هو يسبني لوحدي هو قالي انا مش حاسيبك وانا كمان مرضتش اسافر و اسيبه 

سند اسر حياة تحت أنظار ماجي المتساله 

خرجت حياة بصحبة اسر علي منزلها 

دخلت حياة  المنزل وجدت جنة جالسة علي باب حجرة ابيها و علامات التعجب ظاهره عليها ودموعها تنهمر بغزارة 

قالت حياة ببكاء :

جنة بابا بجد مات يعني انتي اتاكدتي بنفسك 

رفعت جنة عينيها وهزت رأسها في صمت 

انشغل اكرم و أسر وأحمد في مراسم الدفن والعزاء و بداء المعزين يتوافدون علي المنزل لتأدية واجب العزاء 

حضرت ماجي بصحبة ماجده لمنزلهم 

استقبلتهم حياة  بمفردها فكان التعب يتملك جنة بشده 

وفي أثناء العزاء بدأت جنة تشعر بألم الولاده وبدأ يعلو صوتها بشدة تجمع الكل حولها ولكن حياة كانت أسرعهم

و حوطت اختها بذراعيها حتي لا يقترب منها أحد  الي  ان انتبه احمد علي صوتها و ركد مسرعا إليها 

اسرع احمد يحمل جنة و نقلها اللي السيارة و ركد وراهم  اسر وحياة

انهي اكرم مراسم العزاء و اخذ ماجي.  ماجده علي الفيلا تحت نظراتهم المتفحصة .دخلت  ماجي علي ماجده وقالت بغل :

وبعدين يا ماجده ايه حنسيب كل حاجة كده لا انا قادرة اقنع اسر بيا هو تقريبا مش شايفني من أصله ولاء كملت كمان  بولاده جنة و كمان حتخلف ولد يعني كده انا وانتي. خلاص علينا العوض ممكن اي وقت يقول لنا برا 

ماجده: 

متقلقيش اللي ماقدرناش نعمل في فترة الحمل حنعملة دلوقتي هما الاتنين خلاص ابوهم مات يعني طولت  ولا قصرت حترجع بالعيل علي أيدها وانا بقي اللي حاخدها علي كفوف الراحة هي و ابنها 

ماجي وهي تبتسم:

بس تفتكري حترجع وتسيب اختها  تقعد لوحدها 

ماجده بلامبلاه :

أمال حتعيش معاها طبعا لا خلاص  ده بقي أمر واقع يعني مش يوم ولا يومين احمد مش حايستحمل يقعد هناك اكتر  من كده بصي يا ماجي كله بالصبر اصبري تنولي 

ماجي وهي ترفع حاجبها بعدم اكتراث ؛

اديني صابرة. بس انا بقولهالك اهو يا ماجده انا معنديش استعداد أتنازل عن أسر تحت اي ظرف اللي حيقرب من اسر انا حاكلوا بسناني واظن فاهماني

ماجد بحده :

لاء اهدي كده و متبوظبش اللي بنعمله و متخليش الغيرة تعميكي وخالي بالك من المحتمل جدا أن حياة تيجي تعيش هنا ما فتكرش أن احمد وجنه حيسبوها تعيش لوحده فا انا بقولك من دلوقتي انا مش عاوزة. مشاكل اتحكمي في أعصابك شوية يا ماجي اسر وأحمد لسة مش ناسين اللي انتي عملتي مع جنة و خروج جنة منها هدي اللعب كده 

وفي المستشفى دخلت حياة ورا جنة التي كانت تصيح بشده من الالم 

دخل الدكتور يكشف علي حاله جنة أسرعت حياة تقول :

ياكتور دي لسة في اخر الثامن  انا قلقانه عليها قوي وعلي البيبي

دكتور باطمئنان

لا متقلقش أن شاء الله خير كل المعدلات كلها  طبيعية الحمد لله 

حياة ؛

يارب يارب 

دخلت جنة غرفت العمليات وقفت حياة برا و كادت تصيب بالجنون من كثره القلق 

قرب اسر منها ووضع يده علي كتفها و بداء يطمئنها 

شعر حياة بشعور غريب بالأمان لم تشعر به من قبل التفت والتقت عينهم الاول مرة شعرت حياة برعشة غريبة تسري اللي جسدها ولأول مرة يخفق قلبها بشده 

خرجت الممرضة وعينها تضحك بشده 

جرت حياة بلهفة عليها 

الممرضه :

الف مبروك جالكم عريس زي القمر 

حياة بلهفه وقلق:

طايب و مامته عاملة ايه طمنيني بالله عليكي 

الممرضه :

زي الفل الام و الطفل بخير 

احمد بلهفة وفرحة : 

طايب احنا ممكن تشوفها أمتي 

الممرضة :

عشر دقائق بس وادخلكم 

حضن اسر احمد و قال له مبروك يا قلب اخوك ما جالك ناويت حتسموا ايه 

احمد :.

انا وجنة كنا عاوزين نسمية ياسين 

اسر خلاص يا ابو ياسين هو ياسين 

والتفت لحياة و قال بحب 

اسر:

عقبالك انتي كمان يا حياة 

نظرت له حياة و الدموع تنهمر من عينيها  وقالت بحزن واضح:

ما فتكرش انا حقبل البعثة بتاعة الكلية و حسافر خلاص اللي كان ليا راح و جنة ربنا يخليها ليا بس هي كمان ها تنشغل عندها بيتها وجوزها انا بقي حقعد هنا لمين 

اسر بدون تفكير :

ليا قصدي لشغلك اللي انتي متميزة في 

حياة بنبرة يأس

حتي شغلي اللي بحبه خلاص معادتش ليه نفس ليه هو كمان و كأن بابا راح واخد معاه كل حاجة حلوة  

فتحت الممرضة الباب 

دخلت حياة تجري تطمأن علي اختها احتضنتها و أخفت  دموعها حملت حياة  ابن اختها  و ضمتة إليها و كأن الله زرع حبه في قلبها وكأنها امه شعرت حياة بشعور غريب اتجاه الطفل وكأنها هي من ولدته 

اعطتة لأختها وجلست بجانبها 

دخل احمد عليهم والتفت لجنة و قال بحب :

يلا يا جنتي علي الارض علشان  تروحي تنوري بيتك عبير جهزت كل حاجة انا كلمتها و هي خلصت يلا يا قلبي 

نظرت حياة وجنة لبعض في قلق لاحظ اسر نظراتهم وشعر بقلقهم  وقال مبتسما:

متقلفيش يا حياة جنة وابنها في عينيا  المهم انتي تعالي معانا ما تقعديش لوحدك 

حياة بحزن:

معلش يا باشمهندس انتم تشكروا لحد كده انا مش حينفع اقفل بيت بابا انا حقعد فيه 

جنة بوهن :

حياة مش حينفع تقعدي لوحدك تعالي معايا 

حياة:

جنة انتي عارفني كويس وعارفه أن انا مش حروح معاكم كفايا بقا كلام وروحي علشان ترتاحي وانا بكرة حاجي اطمن عليكي و متقلقيش جوزك معاكي 

رجعت جنة الي منزلها بصحبة اسر وأحمد 

ورجعت حياة منزلها وأغلقت الباب علي نفسها وعلي ذكرياتها أغلقت جميع الانوار وجلست في غرفت والدها وحيدة و دموعها تنهمر وهي بمفردها شعرت وكأن جدارن المنزل تطبق عليها اللي أن غفلها النعاس فاقت علي صوت طرقات علي باب البيت 

.

الفصل الثاني عشر

ورجعت حياة منزلها وأغلقت الباب علي نفسها وعلي ذكرياتها أغلقت جميع الانوار وجلست في غرفت والدها وحيدة و دموعها تنهمر وهي بمفردها شعرت وكأن جدارن المنزل تطبق عليها وعلي صدرها ظلت تبكي و تبكي  اللي أن غفلها النعاس

فاقت علي صوت طرقات علي باب البيت

قامت حياة بخوف تتسأل من قد يكون الطارق في هذا الوقت المتاخر من الليل قالت في نفسها :

ياتري مين اللي يكون جاي في وقت زي ده  ممكن تكون جنه انهبلت وجات علشان متخلنيش اقعد لوحدي بس لاء مش معقول  جنه لسة والده واكيد تعبانه استحالة تكون هي بس مين 

قامت بحذر مسحت دموعها و تقدمت امام الباب لتسأل عن هاوية الطارق 

وقالت حياة بخوف ملحوظ في صوتها

مين برا 

اجاب الطارق بصوت بيعث الاطمئنان:

انا اسر يا حياة افتحي 

استعجبت حياة وقالت: .

بشمهندس اسر خير حضرتك في حاجة جنه كويسة 

اسر :

جنة كويسة افتحي يا حياة متخافيش 

فتحت حياة الباب نصف فاتحة ومدت رأسها قليلا 

لاحظ اسر الدموع عالقه في عينيها وآثار النوم علي وجهها

مد يده بأكياس الطعام وقال لها.:

خدي يا حياه  طبعا ما اكلتيش حاجة طول النهار 

هزت حياه  رأسها وقالت:

ومين ليه نفس ياكل حاجة يا بشمهندس بس شكرا لزوقك وانك افتكرتني بحد انا مش عارفه اقولك ايه 

نظر لها اسر وقال بحنان حياه هو انا ممكن اطلب منك طلب بس ما تكسفنيش 

ابتسمت حياة شبه إبتسامة وقالت: 

ما تقلقش عليا يا بشمهندس انا كنت حسافر ايطاليا  لوحدي يعني مش اخاف لما اقعد لوحدي و ما تنساش أنه بتنا يعني متعوده علية حضرتك روح وكن مطمأن انا كمان حنام ومتنساش تسلملي علي جنه و النونو 

قال أسر:

لاء تأكلي الاول قبل ما تنامي ما فهوم 

ابتسمت حياة وهزت رأسها ثم أكملت :

انا بعتذر منك لو موقفاك علي الباب حضرتك عارف ان انا قاعده لوحدي وعارف كلام الناس  

وضع اسر يده على فمها وقال :

من غير ما تكملي يا حياة انا عارف انا بس كان نفسي تكوني وسطينا علي الاقل تراعي اختك وانتي عارفة أنها تعبانه و محتجاكي دلوقتي اكتر من اي وقت وانتي اكتر حد عارف. جنة  وعارفه انها بحاجة ليكي 

سهمت حياة قليلا ثم قالت فجاءة: 

بشمهندس اسر اتفضل استناني تحت ربع ساعة حجهز وانزل 

ابتسم اسر ابتسامة نصر فاهو قدر يقنعها بطريقه. لانه يعلم إصرارها علي رايها ولكنه دخل لها من منطقة هو يعلم جيدا أنها لن تقاوم فيها 

نزل اسر وجلس في السيارة منتظر حياة و بالفعل بعد برهه من الوقت نزلت حياة وفي يدها حقيقية صغيرة لها 

فتح لها باب السيارة ركبت حياة في خجل 

انطلق اسر بالسيارة ولكن في طريق مختلف عن الفيلا 

استعجبت حياة وقالت:

مش احنا رايحين الفيلا بردوا ولا اية ولا ناوي تخطفني 

ضحك أسر وقال / 

انتي شكلك خايف لا خطفك صح طايب بزمتك انتي ممكن تتخطفي أو حد يقدر عليكي مين اللي حتكون امه داعية عليه ويتجراء ويعملها 

ضحكت حياة وقالت/ 

منا بقول كده برضوا أنا ما خفتش انا بس اللي حيخطفني انا خفت عليه مني مش اكتر 

اسر /

منا عارف بصي  يا ستي انا مش حخطفك علشان العمر مش بعزقة انا بس حاخدك نقعد في حته تاكلي براحتك و نشرب اتنين قهوة. و بعدين نروح ايه رايك 

هزت حياة رأسها وكأنه كانت منظرة العرض ده ولكنها قالت بتعجب

حياه / اوووووووو اسر بأشا الفضالي صاحب السمو و القواعد كسر القاعده وتخلف عن معاد العشاء علشان يق مع حياة لاء كده كتير عليا قوي 

وقف اسر علي أول كافية قابلهم نزلت حياة بصحبته 

دخل اسر وأخرج الطعام وأعطاه لها وطلب لها قهوة 

اكلت حياة القليل من الطعام بدون شهية 

فتح اسر الكلام معاها وقال:

حياة هو انا ممكن اسالك سؤال بس تجاوبيني بصراحة 

هزت حياة رأسها مصدقة علي كلامة وقالت :

بص يا اسر في  حاجة لازم تعرفها عني كويس انا مش محتاجة اكدب أو اخبي حاجة انا بتكلم بصراحة في أي موضوع اللي عاجبة يمسعني اهلا وسهلا واللي مش عاجبه صراحتي هو حر معاه ربنا بقا لكن انا مش حتغير علشان حد أو ازوق كلامي علشان ارضي اي.حد انا كده بكل بساطة ومش ناوية اتغير دلوقتي تقدر تسال وانت متاكد أن حقولك الحقيقة 

اسر/ يعني اسال يا حياة  و حتجاوبي

رفعت حياة حاجبيها لاعلي وقال :

جرب وانت تشوف بنفسك 

قال اسر/

حياة انتي ايه اللي خلاكي تغيري رايك و تيجي معايا برغم أن جنه اتحايلت عليكي كتير في المستشفى و انا اول ما جيت انتي فاهمني من كلامي أن جاي علشان اخدك و رفضتي بردو  ايه اللي غير كلامك 

ظفرت جنة أنفاسها بصوت مسموع و قالت:

بص يا اسر وطبعا اسمحلي اقولك اسر بدون القاب 

الكلام اللي حقولهولك ده لازم تسمعة لان جنه لمحت له لاحمد وأحمد مش عارفه بقي عمل نفسة مش واخد بالله ولا مش مصدق حاجة ترجعله 

كلمها شد انتباه و تذكر كلام احمد علي جنه و تصرفتها 

اسر/ ها يا حياه كملي سامعك

حياة/ بصراحة كده وبدون مقدمات جنه خايفة علي نفسها وعلي ابنها من ماجده و ماجي وبصراحة تانبة انا اللي عملت لعبة أن جنه تعبانه وما ينفعش تتحرك علشان احميها منهم و لو مش مصدقني اسال عبير سمعتهم بنفسها وقالت لجنه غير اللي ماجي عملته مع جنه و بتعملوا معايا هو انت مش شايف أو ملاحظ انها بتتعمد تضايقني 

اسر/ بصي يا حياة انا مش حاكدب عليكي واقولك أن ماجده حد كويس و ان اختها طيبة بلعكس ماجده اسؤ حد ممكن يقابلك شخصية انتهازية مريضة عندها حب الذات مسيطر طماعه وكلنا بما فيهم اكرم عارفين كل ده بس توصل للاذية قوي كده ما فتكرش ما تقدرش هي أجبن من كده 

حياة/ ماشي يا اسر سيب الايام تثبت ده بس متزعلش مني انا مش حاسكت لاي واحده فيهم تيجي جمب اختي أو ابنها حكون زي النمر الشرس عليهم 

ضحك أسر عارف انك قوية وقدها علي فكرة 

حياة / تعرف يا اسر اقولك علي سر 

صحيح انا ابان قوية بس تعرف أن انا 

بكره قوتي عندما اجرح من احب دون قصد .وبكره دموعي قوي لما بتنزل  على من لا يستحقها رغماً عني ..

بكره قوي  حبي حين يمحو كبريائي  أو كرامتي

ابتسم اسر وقال علي فكرة أنا عارف قوي ان كبريائك و كرامتك فوق الكل و انا عرفت ده كويس و لاحظتة في كذا موقف 

حياة :.

عارف ليه علشام كبريائي هو فخرى .وكرامتى هى اعتزازى  حلمى هو طموحى  ثقتى بنفسى هى قوتى .

حبى هو سلاحى. . 

ده  مش غرور منى والله   بس صفات في شخصيتى. مش عارفه اغيرها هي دي مملكتى

وانا مش بجبر حد على دخولها أو البقاء فيها

تعجب اسر بشخصية حياة اكتر و اعتزازها بنفسها بهروا

قامت حياة واقفة وقالت 

حياة/ ايه مش يلا بقا علشان منتاخرش اكتر من كده 

قام اسر وقف وقال 

اسر/ ااه ربنا يستر شكل الجاي كله وجع دماغ انا عارف 

ضحكت حياة وقالت

عارفة لكن مش متاكد بس انا باكدلك معلومة خدلك بقا من دلوقتي حباية صداع و ما تدخلش في اللي حيحصل اتفرج من بعيد وبس

وفي الفيلا ولاول مرة في تاريخ يكسر اسر القواعد و هو الذي يتغيب عن معاد العشاء المقدس لدي عائلة الفضالي

جلس الجميع علي الطاولة مستغربين 

ماجي / 

هو في ايه يا جماعه هو اسر فين كل ده 

اكرم 

/ مش عارف هو قالي أنه و را مشوار ومش حيتاخر

هزت ماجي راسها بعدم اهتمام 

ميلت ماجده عليها وقالت لها:

ماجي فرصتك جاتلك حاولي بقا اكسبي اسر لصفك اهي البت اللي كانت مضياقكي غارت و سمعت كلام من اكرم أنها عاوزه تسافر ايطاليا ورينا بقا شطارتك 

قطع كلامه دخول اسر بصحبة حياة

الفصل الثالث عشر 

ماجده :

ماجي بقولك ايه اظن بقا ملكيش اي حجة و فرصتك جاتلك لحد عندك حاولي بقا اكسبي اسر لصفك

اهي البت اللي كانت مضياقكي غارت من قدامك خالص يعني الطريق دلوقتي مفتوح ليكي تدخلي من اي باب تحبية 

و سمعت كلام من اكرم أنها عاوزه تسافر ايطاليا وتريحنا منها خالص ورينا بقا شطارتك و ازي تحاولي تكسبي اسر لصفك 

ماجي بسخرية 

مش لما يشوفني الاول هو اصلا مش شافيني خالص انا بالنسبه له هوا 

ماجده بصوت حاد:

بقولك ايه يا ماجي اعدلي كلامك و اسمعي اللي انا بقول عليه انا قلت لازم تخلي اسر يحبك احسن وعزة جلالة الله يا ماجي لا اكون أنا اللي متصلة بعمك يجي ياخدك علي. البلد و ابقي فرجني حتعرفي تعيشي هناك ازي من غير عربيتك و شغلك و مع الناموس الي هناك اعدلي كده و فكري حتعملي ايه علشان تلفتي نظره ليكي 

ماجي دمعت عيونها ولكن قطع كلامها دخول اسر بصحبة حياة بجانبه 

قامت ماجده واقفة بطريقة لا إرادية ولكن ظلت ماجي ثابتة مكانها وضعت ساق فوق الاخري و ضحكت بصوت عالي مما جعل الجميع ينظر لها بأستغراب

رمقتها ماجده بنظرة اخرستها 

ولكن حياة لم تفوت الفرصة و قالت: 

خير يا ماجي شوفتي مهرج قدامك حتي احنا في عزا حتي لو مش محترمه أننا حزنا علي ابونا احترمي حرمة الميت ولا ايه 

هبدت ماجي الشوكة و قامت واقفة ورفعت حاجبها وقالت :

حرمة الميت دي هناك في بيتكم لكن هنا محدش يحكمني اضحك اعيط اغني انا هنا حره اعمل اللي انا عوزاه الحزن ده ليكم انتم علشان انتم بناته لكن انا احزن عليه ليه بقا أن شاء الله غير أن انا مليش تقل علي النكد 

ظفر اسر أنفاسه بملل وقال:

ما خلاص بقا يا ماجي انتي ما سمعتيش عن حاجة اسمها اصول ولازم نراعيها 

ماجي وهي تعبث يطبقها:

بصراحة يا اسر انا مستغرباك بجد هو احنا ناقصين هم علي همنا لما تروح تجبلنا واحده عندها ميت و تفضل تحسب كل نفس علينا بصراحة يا اسر انت معندكش حق مش ناقصين نكد اوف بجد 

ابتسمت حياة لأنها عرفت أن ماجي بدأت الحرب بدري قوي ولكنها فوتت عليها الفرصة وتجاهلت كلامها وكأنها لم تتكلم ابدا و اتجهت نحو اختها تحتضنها وتقول لها بحنان مبالغ فيه'

ايه يا حببتي اللي مقومك من السرير أنتي لسة والده اطلعي وانا حجبلك الاكل لحد عندك لكن نزولك هنا غلط عليكي ولا ايه يا طنط ماجده 

ثم التفت لماجده واكملت 

المفروض انك انتي الكبيرة بتاعتنا المفروض كنتي قلتلها بلاش تنزل من السريره.دلوقتي مش قبل اسبوع ولا انا غلطانه يا طنط 

رفعت ماجده عينها بقرف وقالت

لا مش غلطانة يا حببتي 

حياة/

سمعتي بقا يا جنة يلا بقا علشان اسندك و تطلعي علي اوضتك انا جيت مخصوص علشان اشوف طلباتك بنفسي

ماجده بدون تفكير بصوت عالي 

وهو حد كان قالك أننا قصرنا معاها علشان تيجي انتي 

التفت لها حياة نصف التفاته و قالت بصوت هادئ جدا:

اختي بقا وانا اولي بيها شكرا لزوقك يا طنط تصبحي علي خير

طلعت جنه بصحبة حياه اللي غرفتها تركت حياه جنه وجرت تحتضن ياسين  وهي تدلله و تقول:

يا خلاثو حبيب قلب خالتو من جوا قلبي يا يسو اكبر بقا علشان أعلمك حاجات كتير تعرف يا عم يسو لما تكبر حعلمك ازاي ترسم و حعلمك حاجات كتير حعلمك ازاي تعرف تاخد حقك و ما تسكتش لحد خالص 

في دخلة اسر وأحمد عليهم 

جري احمد عليها وقال بضحك :

حيلك حيلك هاتي الواد الحيله حتبوظي دماغة من دلوقتي و تعلمي مش كفايا علينا حياة واحده في العيله لو في اتنين تخرب صدقيني 

أعطت حياه الطفل لجنه وقامت واقفة و ضعت يدها في خصرها وقالت بمرح طفولي:

يا سلام يا اخويا انت تطول أن ابنك يطلع زي ده يوم السعد لما يطلع لخالتوا هو في فجمال ولا رقة خالتو 

ضحك أسر وقال :

ياسلام لو يا خد منها كمان لسنها تبقي كملت ثم أكمل وقال يلا بقي يا لمضه خشي نامي علشان عندنا شغل كتير بكرة و عاوزك فايقة في كمان خالي بالك أن في  عميل جديد عاوز يعمل ديكور لمكتبه 

التفت حياه يمين ويسار ثم أكملت

ماشي تمام  كل ده حلو بس  انا هنام فين تحت في اوضة الغفير ولا في الجنينه

صخكت اسر  وقال مازحا:

لا علي سطح الفيلا ايه رايك اظن منك لربنا عدل 

ضحكت جنه وهي تمسك بطنها من الالم 

قال أحمد وهو ينظر اتجاه حياة:

اوضتك اللي جمب الاوضة هنا علي طول بين اوضتي و اوضة اسر

حياة تمام يلا تصبحوا علي خير انا تعبانه واليوم انهاردة كان طويل قوي ثم التفت إلى جنة وقالت:

جنة لو احتاجتي اي حاجة رني عليا حكون قدامك في دقيقه 

غمضت جنه عينها امتننا لأختها 

دخلت حياة غرفتها ولكنها مازلت تشعر بالغربة فاهي لم تعتاد علي البيت بعد كما أنها تشعر أنها غريبة ولكنها مجبرة علي البقاء من أجل حماية اختها فاهي تشعر بالغدر من جانب ماجده 

وفي حجرة ماجي اجتمعت الاختان

ماجده بغيظ:

يخربيتها بسبع ترواح ايه اللي جبها انا قلت خلاص خلصنا منها و مافضلش غير البت الهبله اللي جوا ودي سهل قوي نخلص منها لكن حياة مش سهلة زي جنه 

ماجي وهي تعبث بأظافرها بلا مبلاه :

اهدي كده يا ماجده علشان نعرف نفكر انا لما قلتلك أن اسر مش شايفني من أصله انتي مصدقتنيش

التفت ماجده و ماسكات ماجي من ذراعها بقسوة و قالت وهي تجز علي أسنانها:

قلتلك مش عاوزه اسمع الكلام ده منك تاني فاهمة ولا مش فاهمة

زقت ماجي يد ماجده وقالت بغضب:

هو في ايه يا ماجده انتي مش لاقيه حد تطلعي عليه قرفك غيري بقولك ايه انا قرفانه لوحدي و ماتنسيش أنها معايا في الشغل والبيت يعني قدامي طول نهار وانا بحاول اتكا علي الصبر علي قد ما اقدر بس اصبري انا حاخلي اسر يقلب عليها حبوظلها شغلها كله وأسر وقت شغل مش بيعرف أبوه وبكرة تتفرجي اختك حتعمل ايه 

عدي اليوم طويل علي جميع و أخيرا اشرق يوم جديد 

استيقظت حياة و ابدلت ثيابها واتجهت لغرفة جنه تطمئن عليها و احتضنت ياسين و صبحت عليه

خرجت حياة من عند جنه واتجهت لاسفل و لم يستيقظ أحد دخلت المطبخ وجدت عبير تعد طعام الإفطار قالت لها حياة مبتسمة:

صباح الخير يا عبير عامله ايه 

ابتسمت عبير وقالت :

صباح الورد يا انسة حياة اخبارك ايه البقاء لله معلش حضرتك جيتي  متأخرة امبارح وانا كنت نمت البركة فيكي انتي و مدام جنه 

ابتسمت حياة وقالت شكرا لزوقك يا عبير البركة في دين محمد 

ثم نظرت حولها وقالت انتي بتعملي ايه 

عبير/ 

بحضر الفطار علي بال ما الكل يصحي

حياة / 

اسمحيلي اساعدك انا حعمل البيض بطريقة حلوة 

عبير/

ياخبر يا انسة حياة ده شرف ليا بس انا اخاف اتعبك معايا 

حياة/

اولا اسمي حياة مش الانسة حياة غير كده انا اصلا كنت متعوده احضر الفطار لبابا الله يرحمه فا عادي متقلقيش مافيش تعب ولا حاجة بالعكس انا نفسي احس انه بيتي بدل ما انا حاسة بلغربة يمكن لما اخش واتعامل في كل حاجة الاحساس ده يروح

واندمجت حياة مع عبير في تحضير الفطار و جهزت حياة البيض بطريقة مختلفة مزجت معه الخضروات و الجبن 

دخلت ماجي عليهم و ابتسمت بمكر وقالت:

امممم اول مرة اعرف ان اسر اللي عمله صح احنا فعلا كنا محتاجين حد يساعد عبير في الشغل والله برافو عليك يا اسر خدامة ببلاش

ثم التفت لحياة وقالت حياة اعمليلي فنجان قهوة بس بسرعة علشان متاخرش علي الشغل وآية العك اللي انتي بتعملية ده البيت هنا ماشي علي نظام غير أن انا باكل اكل دايت مش العك بتاعك ده 

رفعت حياة عينها وقالت بهدوء تام:

إن شاء الله يا ماجي لما ايدك تتشل أو تتكسر حعملك القهوة لكن غير كده موعدكيش وخشي اعملي لنفسك الاكل اللي انتي عايزاه احنا مش شغالين عندك 

ثم التفت لعبير وقالت يلا يا عبير علشان تطلعي الاكل انا خلصت وسابت ماجي الغيظ يأكلها وخرجت وعلي وجهها ابتسامة 

كتمت عبير ضحكتها من كسفت ماجي أمام حياة وخرجت تحمل الطعام علي المائده كان الطعام مختلف عن المعتاد

نزل الجميع الفطور

قال اكرم وهو يطلق صافرة اعجاب بالمائدة  : واووووووووووووو خير يا عبير انتي انهاردة فطارك مختلف في لمسة فنية كانك كده رسمه لوحه مش محضره فطار

اسر مؤكدا على كلامة:

فعلا شكله بجد يجوع وتناسق الالوان الخضار ملهاش حل خير يا عبير ايه اللي حصلك 

ضحكت عبير و نظرت لحياة وقالت :

بصراحة مش انا اللي حضرتك الفطار انهاردة الانسة حياة هي اللي صممت تحضره 

اسر:

حياة انتي ليه تتعبي نفسك كده انتي هنا ضيفتنا مش جيبينك تشتغلي 

جاء صوت من الخلف يقول في سخرية:

اهي تعمل بلقمتها وتساعد عبير شوية بدل ما هي لاشغلة ولا مشغله اصله مش عيب يعني لما تخش تساعد في شغل البيت عادي ما فيهاش حاجة يا اسر هي مش بتخترع غير أن السفره بلدي قوي معرفش عجبتكم في ايه 

احمر وجه حياة خجلا 

التفت اسر لماجي وقال:

ما انتي معانا بقالك خمس سنين ما شوفتكيش يعني عاملتي بلقمتك مرة واحده وانتي بردو قاعده لاشغلة ولا مشغله ولا اية يا ماجي 

ماجي و هي تحاول اخفاء اخراجها:

ليه يا اسر هو انت مستني مني أن اشتغل انا هنا ضيفة مش جاية اشتغل

اسر/ 

وحياة كمان هنا زيها زيك ولو هي عندها زوق ونزلت ساعدت عبير ده من عندها هي مش مجبره عليه 

ثم التفت لحياة وقال لها :

افطري يلا علشان منتاخرش العميل علي وصول

حياة:

انا جاهزة اصلا و مش عاوزة اكل انا حاطلب تاكسي و اروح علي بال ما حضرتك تخلص

اسر بجدية : 

بصي يا حياة علشان كلامي ده حيتقال مرة واحده طول ما احنا في البيت انا اسر وبس و من غير حضرتك ثانيا الفطار ده مقدس لازم الكل يفطر ومافيش اعذار انتي بقيتي خلاص واحده من العيلة 

غير أن أنا اللي حوصلك معايا الشركة 

ماجي  بغيظ: 

انت كمان حتوصلها للشغل بعربيتك انت عمرك ما عملتها معايا

اسر/ 

اظن يا ماجي اختك جيبالك عربية يعني مش محتاجة توصيلة بتاعتي ولا ايه ثم التفت لحياة وقال يلا يا حياة 

ماجده /

اده انتي حتروحي شركة كده بلبس ده و كمان حتقابلي العملاء 

لاء يا اسر ما ينفعش كده دي واجه لشركة انا راي تاخد ماجي ارقي واشيك

الفصل الرابع عشر 

ماجده :

اده انتي حتروحي شركة كده بلبس ده و كمان حتقابلي العملاء ازي يا حياة انتي مابصتيش في المرايا قبل ما تنزلي من الاوضة بتاعتك عمتا خير ممكن تاخدي اي طقم من عند ماجي هي عندها لبس كتير مش بتلبسة خلاص قدم عندها ممكن تدهولك عادي انتم زي الاخوات بردو 

ثم التفت إلى اسر وقالت بمسكنه :

لاء يا اسر ما ينفعش كده دي واجه لشركة انا راي تاخد ماجي ارقي واشيك  علي الاقل حتشرفك 

انت عندك عملا مهمين و الشركة من أكبر الشركات في البلد متهيقلي بايخة قوي لما تخش علي العميل و من غير زعل و في ايدك حياة بمنظرها ده بصراحة وحشة في حقك  قوي ولا ايه

نظرت جنه لحياة التي  

احمر وجه حياه بشده و حبست دموعها حتي لا يراها احد ثم استجمعت قواها  ورفعت رأسها و قالت وكان شيء لم و بمنتهي القوة وعزة النفس :

واللهي يا طنط انا رايحة اشتغل مش داخلة عرض ازياء ولو العملاء اللي حضرتك بتقولي عليهم جاين علشان يتفرجوا علي لبس أو جسم الموظفين يبقي بلاهم لأنهم كده مش حيكونوا محترمين وانا شغلي اللي بيتكلم عني مش لبسي و هما طالبني بالاسم علشان خاطر شغلي وانا اصلا رايحة الشركة علشان اكون مهندسة مش  عروسة مولد يتلم حوليها الدبان و متشكره قوي مش محتاجة اخد لبس من عند حد أنا مقتنعة جدا بلبسي و اللي مش عاجبة شكلي مايبوصليش  

ثم قامت وقفت وابتسمت وقالت اظن المعلومة وصلت يا طنط اوك ودي اخر مرة حضرتك تكلمني علي شكلي أو طريقة لبسي طلما انا مش بدخل في لبس اي حد هنا او اعلق عليه أنه مثلا زي اللي رايحين كباريه  مش شغالين في شركة 

والتفت اللي اسر  وقالت بجديه:

استاذ اسر لو حضرتك شايف أن رايحة علشان اعمل عرض ازياء فا انا بقدم استقالتي من دلوقتي و بعتذر لحضرتك مش حقدر اكمل شغل عندكم 

صقفت ماجي وضحكت بصوت عالي وقالت بسخرية:

اتصدقي الدمعة حتفر من عيني صعبتي عليا وعلي كل اللي قاعدين يحرام

حياة بنفس نبرة السخرية: 

لا باقطه ما يصعبش عليكي غالي عندي بق ولسان بعرف اخد بيهم حقي كويس متقلقيش عليا خافي انتي علي نفسك 

رمقتها ماجي بنظره ساخرة ثم قالت لأسر:

انا جاهزة تاخدني مكانها علي الاقل مش حاكسفك وانت داخل علي عميل 

كل هذا و أسر مازال يتفرج علي الحصل دون أن يصدر منه اي كلمة أو التفاته وكأنه غير جالس من أصله 

ابتسم اسر لماجي وقال بهدوء تام :

اتمام يا ماجي حاخدك  مكان حياة

ابتسمت ماجي بشده ونظرت لحياة نظرة شماته ولكن وقفت ابتسامتها بعد باقي كلام اسر

اكمل اسر قائلا 

بس اتفضلي كده قدام الكل قوليلي تقدري تعملي ايه في شغل حياة علشان اقدر اخدك مكانها يلا يلا اقفي كده و اشرحيلي حاتخشي علي العميل تقوليلوا اية و اية هي مقاساتك و مواصفاتك و اقتراحاتك للشغل اللي هو طالبة 

اتلجلجت ماجي وقالت بصوت منخفض :

لاء منا مش عارفه كل ده انا حاجي معاك بس علشان شكلي يشرفك قدامه وخلاص 

اسر بسخرية :

كان علي عيني اول ما افتح قسم ضيافة في الشركة حبقي اخدك تضايفي الزبائن وتقعدي معاهم كمان علي نفس الترابيزة وتعرضي عليهم لبسك و مكياجيك براحتك بس للاسف دلوقتي احنا رايحين في شغل مش عرض ازياء زي ما حياة قالتك 

ثم التفت اللي حياة وقال :

ها يا حياة جاهزة علشان نمشي 

اومأت حياة رأسها وقالت: 

تمام جاهزة حطلع بس اجيب الملف من فوق بسرعة و انزل 

طلعت حياة و طلعت وراها ماجي دخلت ماجي وراها غرفتها  وجذبتها من يدها بشده وقالت:

اوعي تكوني فكرك دخل عليا الجو اللي انتي عملتيه تحت ده بصي يابت انتي اللي عمالة ترسميله ابعد مما تصوري انا فاهمة كوبس انتي بتخططي وبترسمي علي ايه لكن والله ما حطولي اللي في دماغك يا بنت الحواري

التفت لها حياة و جذبت يدها منها بهدوء وقالت  ببرود تام :

بصي يا عروسة المولد انتي أنا مش عارفة انتي بتكلمي علي ايه بس اللي احب اوضحهولك انا مش بنت غلبانه و حتسمع اهانتها و تقعد تعيط علي جمب لاء و لا فاكرة كل شوية لما تعملي مقارنا بنا أو تعيريني بلبسي انا حاكش أو اخاف منك هههههههههههه يبقي بتحلمي يا قطة ثم التفت ليها و فتحت عينها علي اتساعها و ماسكتها من يدها بشده وقالت بصوت غليظ :

انا وقت الجد بكون نمر مفترس و بخربش و ممكن اكلك وانتي واقفة مكانك من غير ما يرفلي جفن

لا كلامك ولا طرقتك دول يفرقوا معايا من اساسة و وسعي كده شوية خليني انزل  علشان اسوره مستني تحت وانا مش احب اخليه يستنا اكتر من كده عيب في حقي قوي يا قطة بااااي 

ثم رجعت يظهرها لورا وقالت بستهزاء: 

اه بلحق داري كده درعاتك و رجلك علشان الدبان بيتلم دايما علي الحاجة العريان وبالذات لما تكون شبه عروسه المواد باي يا عسل 

ثم نزلت وتركتها تاكل في بعضها 

جزت ماجي علي أسنانها وقالت بغيظ اقسم بالله يا حياة ما هديهالك

الفصل الخامس عشر 

ثم نزلت وتركتها تاكل في بعضها من الغيظ 

جزت ماجي علي أسنانها وقالت بغيظ اقسم بالله يا حياة ما حعديهالك ماشي يا حياة انتي اصلا مش عارفه انتي واقفة قدام مين انا حفرجك يا بنت الحواري الشغل علي أصله بس الصبر حلو ولازم يكون بالأصول 

نزلت حياة وتوجهت نحو اسر وقالت بحزم: 

خلاص يا بشمهندس انا جاهزة نقدر نتحرك دلوقتي 

نظر اسر لها نظرة تفحصية وابتسم هو كان متوقع أنها لم تغير ملابسها تحت اي كلام و ده كان سر إعجابه الشديد بيها و ثقتها بنفسها لم تهتز تحت اي كلام

نزلت ماجي علي الدرج في عجاله وقالت بلهفة: 

اسر اسر استناني حروح معاك 

قربت منهم وقالت وهي تنظر لحياة نظرات تحدي 

من فضلك يا اسر وصلني معاك احسن عربيتي مش عارفه مالها 

رفع أسر حاجبية وقال :

مالها عربيتك يا ماجي ما كانت شغاله امبارح تمام فجاءة كده باظت ايه الصدفة الجميلة دي 

ردت ماجي بتأفف وبدلع مبالغ:

يووو بقا يا اسر انت علي طول قافشني كده مليش مزاج اسوق وانت حتخسر ايه لما تاخدني في طريقك 

اجاب اسر : 

بس انتي عارفة أن عندنا اجتماع شغل و مش رايحين الشركة دلوقتي في لجنة كاملة مستنيانه 

ابتسمت ماجي وقالت: 

خلاص اروح معاكم الاجتماع وبعدين نطلع علي الشركة كلنا سوا علي الاقل تلاقي حد يدون الملاحظات اللي حتتقال وانت عارف ان ده في صميم شغلي 

استسلم اسر للامر الواقع و أشار بيده وقال : 

خلاص اتفصلي قدامي اتأخرنا علي الاجتماع 

تعمدت ماجي أن تركب السيارة بجوار اسر ركبت حياة خلف وهي غير مبالية بالنسبة لها دي كلها هيافات 

ولكن ماجي شعرت بالنصر وكأنها كسبت جوله في سباق.

وصلوا مكان المحدد الاجتماع نزلت ماجي بصحبة اسر وظلت حياة تمشي خلفهم وهي تراجع جميع الملفات 

دخلوا غرفة اجتماعات كبيرة كانت الجنة قد اجتمعت فعلا 

اعتذر اسر عن التاخير 

بدأ اسر بالسلام علي المدير التنفيذي للمشروع العملاق الذي كان عبارة عن قرية سياحية كبيرة و المطلوب إقناعهم بلشركة التي سوف تقوم بتنفيذ المشروع وكانت شركة اسر ضمن اربع شركات 

سلم المدير علي اسر ورحب به ثم وقعت عينية علي حياة و اعجب بيها من أول نظرة رغم بساطة ملابسها وشكلها ولكن كان يوجد فيها شيء غريب يجذب الانتباة ولا يعلم أحد ما هو فا هي لديها سحر غريب يمكن بساطتها الزائده هي سر جاذبيتها 

جلست ماجي و قد تملكها الغيظ فالعميل لم يلتفت لها بالرغم مما فعلته في نفسها من ملابس و مكياج من اغلي الماركات 

بدأ الاجتماع وبدأت جميع الشركات بعرض مقترحتها وكيفية إقناع العميل لشغلها 

بدأ اسر في تعريف حياه بأنها المهندسة المختصة التي سوف تقوم بعمل جميع ديكورات القرية السياحية 

ثم عرف ماجي علي انها السكرتيرة الخاصة به مما زاد من غضبها 

ولكنها حاولت أن تلفت نظر المدير لها وقالت

علي فكرة أنا مش سكرتيرة بس. انا كمان المساعده بتاعت اسر 

نظر لها اسر نظرة اخرستها وعينية تتوعد لها 

هز العميل راسة دون الإجابة بحرف ثم التفت إلي حياة وقال:

ممكن بقا حضرتك تديني تصوير مبدئي لتصورك للقرية يعني شايفة ممكن يكون التصميم ازاي 

وقفت حياة تشرح بكل طلاقة تصورتها المبدأية للمشروع و ايه توقعتها وكيفية تصورها لشكل القرية مما جعل الجميع ينصت لها بعجاب شديد فعلا كان تصورها للمشروع ممتاز جدا ومبدع و غير تقليدي 

قام المدير التنفيذي وصفق لها وقال بصوت عالي بجد شابو ليكي يا انسة اية الدقة الغربية انتي مش ناسية كلمة حتي الحسابات الختامية للمشروع و التكلفة العامة كمان تصور هايل ليها انا مش عارف انتي مهندسة ديكور ولا تخصص حسابات غير كمان الشغل العالي اللي عملاه علشان الحفاظ على سلامت الاطفال بجد حاجة فوق الوصف 

ابتسمت حياة وقالت : 

حضرتك انا لما بخش شغل بحب ادرس كل الجوانب اللي في و ازي التكلفة الإجمالية له علشان لما اعرض الشغل علي العميل يكون عارف هو مبدئيا حيتكلف كام بلظبط 

التفت المدير التنفيذي نحو اسر وقال مبتسما : 

احيك علي حسن اختيار موظفينك بجد الاستاذة ابدعت ثم مد يده ليصافحه وقال : الف مبروووك المشروع خلاص  هيكون من نصيب شركتم احنا قبلنا عرضتكم بشرط يتنفذ زي الباش مهندسة خططت له 

اومأ اسر براسة دليل على امتنانه بكلام المدير و ثم التفت إلي ماجي وحياة و أشار لهم بلذهاب 

ثم رجع والتفت مرة أخري إلي المدير و قال له بجدية: بكرة ان شاء الله في أنظار حضرتك علشان توقع العقود و نبدا الشغل احنا جاهزين 

اجاب المدير عليه وقال : 

تمام ان شاء الله وانا ححجز لكل فريق العمل شاليهات صغيرة جمب موقع الشغل بس اعرف عددكم اد ايه بس حضرتك لازم تعرف أن كل اربعه حيكونوا في شلايه واحد علشان الاماكن حضرتك عارف احنا في صيف و الحجز بيكون صعب في التوقيت ده 

اتفق اسر مع المدير علي اللقاء غدا وغادر المكان بصحبة ماجي و حياة 

وصل اسر الشركة ثم التفت إلي ماجي وقال بجدية تامة 

اعمليلي اجتماع حالا لكل رؤساء الأقسام و اكدي علي الكل أن مافيش مرواح بدري وان ممنوع اي حد يستأذن عندنا شغل مهم بسرعة تكون اوضة الاجتماعات مليانه ثم أكمل بحده اخلصي انتي لسة وفقه مكانك معندناش وقت 

انتفضت ماجي من مكانها من طريقة كلامة و جرت مسرع تنفذ ما طلبه منها  و ابتسمت حياة علي طريقها .

وفي الفيلا جلست جنة ننظر لصورة والدها وموعها نتهمر لقد مات السند الوحيد ليها هي واختها 

دخلت ماجده عليها و افتعلت الاندهاش و قالت : خير يا جنة مالك انتي ما تعرفيش أن غلط علي الولده تعيط حرام عليكي علشان النونو ثم التفت بعينها صحيح هو فين انا مش شيفاه 

تلجلجت جنة وقالت : هو نايم يا طنط حضرتك عازة حاجة 

تحولت ماجده بعد كلمة طنط و اقتربت من جنة بشدة و علي وجهها علامات الغضب وماسكت يدها  بعنف وقالت و هي تجز علي أسنانها لغيظ: 

بقولك ايه بطلي بقا كلمة طنط دي انتي مش نغنوغة يا ختي انتي بتقيتي يعني مسؤله عن أي كلمة تطلعيها فا ياريت بلاش كلمة طنط دي و شغل السهوكة و النحنحة ده تخفية و اتفضلي دلوقتي انزلي شوفي عبير بتعمل ايه ساعديها شوية 

رفعت جنة عينيها وقالت بأستغراب:

انتي بجد عاوزاني انزل المطبخ واساعد عبير 

قالت ماجده بثقه: 

اه وما تنزليش ليه اولا ده المفروض بيتك غير أن الشغل مش جديد عليكي المفروض تكوني متعوده علي كده ولا ايه 

زاد استغراب جنة وقالت : 

بس انا لسة والده ومش قادرة انزل غير أن انا بعتني باياسين مش حينفع اسيبة وانزل 

ومعلش يا طنط سوري يا ماجده ماتمسكيش ايدي كده تاني و ياريت تحتفظي بأوامرك لأختك يعني لما ترجع كده من الشغل ابقي خليها نزل هي تساعد عبير 

ضحكت ماجده بصوت عالي و قالت:

هههههههههههه أنتي بتكلمي كده علي ماجي .

ماجي اصلا مش بتعرف تسلق بيضة لكن انتم واخدين علي البهدله مش جديدة عليكم

دخل احمد عليهم و تقريبا سمع معظم الحوار وجد عين جنة دامعتين و الدموع عالقة 

حضنها برفق أمام ماجده و قال أحمد:

ايه رايك يا جنتي تنغدا برا انا وانتي و الاستاذ اللي مش بينيمنا طول الليل اظن دلوقتي نايم و متسلطن 

ثم التفت لماجده وقال في حاجة يا ماجده كنتي عازة. من جنة حاجة

قالت ماجده :

بصراحة اه يا احمد انا مش عاجبني قاعدة جنة كده لا شغله ولا مشغله انا كنت يقترح عليها تنزل تساعد عبير شوية البنت صغيرة و تعبت ما فيهاش حاجة لما تنزل جنة و تساعد ما هو بتها بردو

ضحك احمد وقال:

عندك حق يا مرات اخويا البت عبير دي الله يكون في عونها علشان كده لو حنتكلم في الكلام الصح. انتي انسب واحده تنزل تساعد عبير علشان  انتي الوحيده اللي فاضية جنة الله يكون في عونها ياسين مزهقها و مش بتنام خالص منه لكن انتي مشاء الله عليكي نفسك حلو و كمان فاضية 

احتقن وجه ماجده بالاحمرار الشديد مما أثار انتباه احمد وابتسم لها بخبث 

وفي الشركة 

امتلأت غرفة الاجتماعات بجميع مهندسن الاقسام 

و. بدأ اسر بتطرح المشروع علي كل الحاضرين و تدوين كل ملاحظاتك 

انتهي الاجتماع علي لفت اسر للجميع أن اول الاسبوع الجاي معظمهم مسافر الساحل الشمالي و حيتم اختيار , الاسماء علي حسب الكفاءة

اتفجاءت حياة بلسفر قالت: 

هو انا كمان لازم اسافر معاكم 

مما زاد غصب و قال:.

لاء ولية تتعبي نفسك احنا نجيب القرية كلها لحد عندك ثم تحول لغضب وقال : بذمتك ده عمرك شوفتي المهندسة الأساسية متروحش موقع العمل 

ابتلعت حياة رقيها بصوت مسموع وقالت خلاص بقي يا بشمهندس انت متعصب قوي كده ليه اهدي شوية تعبت اعصابنا من ساعة ما اتفقنا أننا ناخد المشروع 

اجاب اسر بنفس نبرة العصبية : 

بلا اهدي بلا زفت محدش شايف شغله المشرع اكبر من قدرتنا افهموا

بدأت حياة تهدي من روعة فاهي الوحيده القادرة  عليه و الغريب أنه بيستجاب لها ولا يدري ماذا يفعل وكأنه منوم مغناطيسي 

انتهي اليوم و ذهبوا بسلام الي الفيلا جرت حياة علي غرفتها ووجدت ما لم يتوقع

تكملة الرواية من هنا ااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا