مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 رواية لا أحد سواك (رائفى) الفصل الأول والثاني والثالث والرابع والخامس والسادس والسابع بقلم سمسم 

رواية لا أحد سواك (رائفى) الفصل الأول والثاني والثالث والرابع والخامس والسادس والسابع بقلم سمسم 

البارت الاول

فى منزل بسيط فى احد الاحياء السكنية التي يتصف اهلها بالاخوة والمحبة والتعاون فى المواقف الصعبة فهى بالرغم من بساطة أهلها الا انهم يظلوا يد واحدة فى الشدائد

سمعت صوت أذان الفجر نهضت من نومها وذهبت الى الحمام لكى تتوضأ حتى تؤدى صلاة الفجر بعد ان انتهت من الوضوء دخلت غرفة والدتها لكى توقظها حتى تصلى هى أيضاً

سچى......ماما اصحى يا حبيبتى الفجر أذن يلا علشان نصلى مع بعض

سمعت تلك المرأة صوت ابنتها فتحت عينيها بابتسامة لوجه تلك الجميلة التى لا تترك فرضا ابدا وخصوصا صلاة الفجر فهى تحرص على تأديتها فى وقتها

نعمة...... صباح الخير يا حبيبة ماما

سچى.....صباح النور يلا علشان نصلى الفجر

نعمة......حاضر يا حبيبتى قايمة اهو

قامت من على السرير وذهبت لكى تتوضأ هى أيضاً ولكنها شعرت بغثيان قوى فى معدتها فهى اصبحت هذه الايام تعانى من غثيان المعدة وتقوم بافراغ ما فى معدتها ولكنها لم تخبر ابنتها بما تعانيه حتى لا تسبب لها القلق والتوتر حتى تستطيع التركيز فى دراستها

سچى......ماما فى حاجة انتى اتأخرتى ليه كده فى الحمام

نعمة.....مفيش يا حبيبتى انا جاية اهو خلصت وجاية

خرجت من الحمام وهى تحاول الظهور بمظهر عادى حتى لا تشك ابنتها فى أمرها

نعمة.....يلا يا حبيبتى نصلى

قاموا بأداء فريضة الصلاة وبعد الانتهاء قامت سچى لتذاكر حتى يحين موعد الذهاب الى الجامعة فهى فى السنة الخامسة فى كلية طب علاج طبيعي فهى اختارت هذه الكلية حتى تستطيع مساعدة المصابين الذين تعرضوا للحوادث فهى ترى انها مهنة نبيلة ان تستطيع ان تساعد شخص فى امس الحاجة إلى المساعدة سمعت صوت قطتها الصغيرة فهى تعشق تلك القطة وتطلق عليها اسم مشمشة

سچى....مشمشة تعالى هنا

اخذت القطة فى أحضانها بابتسامة فهى قطة بيضاء جميلة ورقيقة مثل صاحبتها

سچى...تعالى نذاكر يلا سوا

جلست ووضعت القطة على قدميها تمسد فرائها الغزير وكانت القطة مغمضة العينين مستمتعة بمداعبة سچى لها

نعمة.....حبيبتى انتى هتذاكرى

سچى.....ايوة يا ماما عايزة حاجة يا حبيبتى 

نعمة......لاء يا قلبى انا بسأل علشان اعملك حاجة تفطرى بيها

سچى.....متتعبيش نفسك انا هبقى اقوم اعمل اى حاجة اكلها

نعمة.....لاء خليكى فى مذاكرتك وانا هروح اعملك اكل

قامت سچى بتقبيل يد امها بحب فوالدتها تعمل كل ما فى استطاعتها حتى توفر لها ما تحتاجة وبالرغم ان والدها على قيد الحياة الا انه تزوج على والدتها منذ زمن بعيد حتى انه لا يأتى اليهم الا نادرا فزوجته الثانية لا تسمح له بالمجىء لهم فهى تسيطر عليه سيطرة كاملة

سچى......ربنا يباركلى فيكى يا ماما ومتحرمش منك ابدا

نعمة......ولامنك يا حبيبة ماما

قامت والدتها بتجهيز الفطار حتى تذهب هى ايضا الى عملها فهى تعمل عاملة باحدى مصانع الملابس حتى تستطيع ان توفر لابنتها ما تحتاجه

نعمة.....يلا يا حبيبتى كلى بالهنا والشفا والاكل بتاع مشمشة فى المطبخ

سچى.....تسلملى ايدك الحلوة دى

نعمة.....يلا علشان نفطر علشان تلحقى كليتك وانا اروح الشغل

سچى.....كان نفسى اريحك من كل ده يا ماما

نعمة.....كل حاجة تهون علشان خاطر عيونك الحلوة دى

انا بس عيزاكى تركزى فى مذاكرتك وكليتك وبس ومتفكريش فى اى حاجة تانية

بعد انتهائهم من تناول الفطور تجهزوا حتى تستطيع كل من هن التوجه الى وجهتها

سچى....مشمشة خليكى مؤدبة على ما ارجع من الكلية ماشى يا روحى

اصدرت القطة مواء كأنها تفهم ما تخبرها به فالقطة أيضا متعلقة جدا بسچى ولا تجعل احد يداعبها غيرها

تقابلت نعمة مع جارتها التى تعمل معها ايضا فى نفس المصنع وهى مقربة منها ايضا وتعتبر كاتمة اسرارها وتدعى عزة

نعمة.....صباح الخير يا عزة

عزة.....صباح النور يا حبيبتى عاملة ايه يا سچى

سچى....الحمد لله يا طنط عزة عن اذنكم علشان ورايا محاضرة كمان شوية

نعمة.....مع السلامة يا حبيبتى

سچى....الله يسلمكم 

بعد ذهاب سچى نظرت عزة تجاه نعمة ولكنها لاحظت انها ليست على طبيعتها

عزة.....مالك يا نعمة لسه برضو معدتك وجعاكى

نعمة.....مش عارفة فى ايه يا عزة معقول يكون دور برد تقيل شوية

عزة......تعالى نروح لدكتور اكشفى وشوفى هيقولك ايه اهو تطمنى على نفسك برضو يا حبيبتى

نعمة.....ان شاء الله يلا بينا دلوقتى نلحق الشغل

****************************

فى الجامعة

ذهبت سچى الى كليتها وقابلت ايضا صديقتها ريهام فهى كانت تنتظرها وعندما رأتها ابتسمت لها

ريهام......ايه يا بنتى بقالى شوية مستنياكى

سچى....انا جيت اهو ثم لسه فى وقت على المحاضرة

ريهام....ما انا عارفة انا بس زهقت من القعدة لوحدى

لمحت سچى فتاة تنادى عليها ولم تكن سوى اختها من ابيها وتدعى أروى

أروى بابتسامة.......سچى عاملة ايه وحشتينى

سچى.....وانتى كمان انتى جاية ليا مخصوص

أروى......قولت اجى اشوفك قبل ما اروح احضر المحاضرة بتاعتى

سچى....وعاملة ايه فى كليتك

اروى....اهو لسه فى اول سنة وبخبط ههههههه

ريهام......انتى فى كلية إيه

اروى.....تربية فرنساوى

ريهام بضحك.....دى سهلة يا ستى يعنى مش صعبة

سچى....المهم ركزى فى مذاكرتك

أروى.....حاضر طب انتى فاضية النهاردة اقعد معاكى شوية

سچى....على الساعة ١٢ الضهر هكون فاضية انتى وراكى محاضرات

أروى....لاء تمام هبقى اجيلك باى دلوقتى

سچى بابتسامة.....مع السلامة

بعد انصراف أروى استغربت ريهام من قوة العلاقة بين سچى وأروى فهى تعلم انهم اخوات من أب واحد ولكنها تعلم ان والدة أروى امرأة قوية وقاسية فكيف تنجب فتاة رقيقة مثل أروى

ريهام......غريبة اوى

سچى باستغراب......هى ايه دى

ريهام.....علاقتك باختك

سچى.... غريبة ان اكون انا واختى بنحب بعض

ريهام......انتوا يعنى من اب واحد بس اللى عرفتو منك ان امها ست مش سهلة ومفترية

سچى....بس أروى مش كده وانتى شوفتيها

ريهام.....اه لطيفة اوى ورقيقة

سچى.....هى فى الاول والاخر اختى بصرف النظر عن اى اعتبار تانى وانا بحبها جدا بالرغم ان احنا بنتقابل صدفة لان مامتها مبترضاش تخليها تيجى عندنا ولا بتحبنى اروح عندهم

ريهام.....شكل مرات ابوكى عاملة زى مارى منيب لما كانت بتقول طوبة على طوبة خلى العركة منصوبة هههههه

سچى.....يلا يابت مش وقت خفة دمك دلوقتى يلا بينا على المحاضرة

*******************************

فى منزل حامد راضى

كانت تلك المرأة تقف امام المرآة تطمئن انها مازالت جميلة مثل ما كانت عليه فجمالها هو من اغرى ذلك الرجل وترك زوجته الاولى وابنته من اجلها فهى تعرف كيف تجعله تحت سيطرتها ولا يرفض لها اى طلب كان

حامد.....ايه يا فادية فين الفطار

فادية.....الفطار جاهز على السفرة برا انت مشفتوش

حامد.....هو اللى يشوف الجمال ده يشوف حاجة تانية

فادية......ما انت مستخسر فى الجمال ده ١٠ الاف جنية

حامد....بس انا محتاج الفلوس دى علشان اجيب خشب للورشة

فادية بزعل مصطنع.....خلاص مش عايزة منك حاجة ما هو انا كده لما اطلب منك حاجة لازم تتحجج

حامد.....مش حجة بس محتاج الفلوس فى شغل

فادية.....خلاص بقى مش عايزة منك حاجة

حامد.....اوعدك اخلص الطلبية وهشتريلك الدهب اللى انتى عوزاه

فادية.....انت اللى قولت اهو ومترجعش فى كلامك

حامد.....وانا امتى رجعت فى كلامى كل طلباتك اوامر

فادية....تسلملى يا ابو بنتى

حامد.....هى فين أروى صحيح

فادية......راحت الكلية من بدرى بتقول وراها محاضرات كتير النهاردة

حامد.....كنت عايز اروح اشوف نعمة وسچى النهاردة واخدها معايا

عندما سمعت فادية ذلك شعرت بغضب شديد فهى لا تريده ان يذهب الى زوجته الاولى وابنته

فادية.....هو انت رايح جاى على بيت نعمة

حامد..... حرام عليكى هو انا بروح هناك الا قليل

فادية.......انا مش عيزاك تروحلها مش كفاية بنتى اتعلقت ببنتك

حامد.....هى تبقى اختها فى الاول والآخر

فادية.....ايه حنيت لنعمة ولا ايه مبقتش عجباك دلوقتى

حامد.....انا قولت كده هى برضو مراتى ولازم اطمن عليها هى وبنتى

فادية.....كفاية انى راضية انها تبقى على ذمتك اكتر من كده لاء

حاولت استخدام دلعها وزعلها المزيف فهى تعرف تأثيرها عليه فهو لا يستطيع ان يتحمل ان تبتعد عنه

فادية بدموع زائفة.....خلاص لو مش عاوزنى سيبنى ورحلها هى ما انت مبقتش تحبنى خلاص راحت عليا اهئ اهئ اهئ

حامد.....اهدى يا حبيتى انا اقدر ابعد عنك برضو

فادية.....ما انت خلاص قدرت واللى كان كان

حامد......هى برضو ليها حق عليا

فادية.....حق مين يا ابو حق ما كل مرة تروح مبترضاش تاخد منك حاجة وتعمل فيها الست اللى نفسها عزيزة ومبتقبلش حاجة من حد ريح نفسك كل مرة تروح وترجع قفاك يقمر عيش منها ومن كلامها

تذكر حامد معاملة نعمة له عندما يذهب اليهم ولكنه هو السبب الرئيسي فى حالتها تلك فهو تركها وتزوج عليها ولا يسأل عليها هى او ابنتها الا نادرا فهو مشغول بحياته مع تلك المرأة التى استطاعت اخذه من زوجته الأولى وتزوجته 

حامد.....بس سچى بنتى وبرضو ليها حق

فادية من غير نفس.....اااه ست الدكتورة اللى حاطة مناخيرها فى السما

حامد....سچى مش كده دى طول عمرها مؤدبة ومتواضعة بدليل أن أروى بتحبها اوى

فادية.....اه ما انت لازم تقول كده اصلك مخلفتش غير ست الدكتورة وانا وبنتك مش قد المقام

حامد....ازاى تقولى كده بس ما انا عايش معاكم وسايبهم

فادية بدلع....طب يا حامد يلا علشان تفطر وتنزل تفتح ورشتك وتشوف شغلك علشان اشوف هتجبلى ايه بقى المرة دى

حامد....كل اللى انتى عوزاه يجيلك لحد عندك يا قمر

فادية.....تسلملى يا جوزى يا حبيبى

فكانت هذه حالتهم دائما تستطيع ان تؤثر عليه وتنسيه ان زوجته الاولى وابنته لهم مثل الحقوق عليه ولكنه منغمس فى حياته مع تلك المرأة التى لو كان بيدها كان اخفت نعمة وسچى من الوجود

********************************

فى منزل ماهر زيدان

منزل جميل يسكنه الأب والام والجدة وثلاثة ابناء ذكور كانت هدى الأم تعشق اولادها الثلاثة وزوجها فهى تزوجته بعد قصة حب جميلة وتوجت قصة الحب بانجاب ثلاثة ابناء وكلما كبر ابنائهم كبر معهم حبهم فوالدهم لايتخيل يوم لايرى فيه وجه زوجته الجميلة

هدى بابتسامة...... صباح الخير يا حبيبى

ماهر....صباح الجمال والحلاوة

وبالرغم انهم متزوجون من ٣٥ عام الا انهم مازال الحب بينهم مثلما كانوا صغار

هدى....يلا علشان تلحق تفطر وتروح شغلك

ماهر.....حاضر 

هدى....انا حضرتلك الهدوم وهنزل اشوف الفطار والاولاد

ماهر بحب....تسلملى ايدك الحلوة دى

هدى.....تسلملى يا حبيبى

خرجت هدى من غرفتها سمعت صوت حركة فى غرفة ابنها الاكبر فتحت الباب بابتسامة وعندما رأى والدته ابتسم لها واخذ يدها يقبلها بحب

رائف..... صباح الخير يا دودو

هدى.... صباح النور يا قلب دودو

رائف بمزاح...بابا صحى ولا نموسيته كحلى

هدى.... بطل شقاوة يا ولد

رائف.....ولد كل الطول والعرض ده ولد اه لو سمعك العساكر فى الكتيبة بتاعتى يقولوا عليا ايه

هدى....هههه انا أمك اقول اى حاجة براحتى انت جهزت شنطتك

رائف.....اه خلاص هتوحشينى الشوية دول يا دودو

هدى....تروح وتيجى بالسلامة يا حبيب أمك

انتهى من ارتداء ملابس الجيش فهو ضابط صاعقة فى الجيش وله من العمر٣٤ عاما وانتهت اجازته وسيعود الى عمله مرة اخرى

وجدت هدى حماتها وابنها الثانى ينتظرون على السفرة

هدى....صباح الخير

صفية....صباح الخير يا حبيبتى ماهر صحى

هدى....ايوة ونازل دلوقتى هو ورائف بتعمل ايه يا أكرم

أكرم.....بنقنق على ما تيجوا يلا ورايا عمليات كتير النهاردة

كان أكرم الابن الثانى دكتور وله من العمر ٣٠ عاماً يعمل بالمستشفى الخاص بهم 

هدى باستغراب......شادى فين

ولكنهم سمعوا صوت فرقعة قوية تأتى من الجنينة فعلمت اين يكون شادى الآن فهو فى المعمل الخاص به

أكرم......عرفتى المتخلف ده فين فى المعمل كويس ان بابا عامله المعمل فى الجنينة والا كان زمانه هد البيت على دماغنا بتجاربه المتخلفة دى

دخل الابن الثالث ويدعى شادى شاب فى ٢٠ من عمره بالسنة الثالثة بكليه العلوم قسم كيمياء فهو يحب دراسته جدا ويرى نفسه عالم فى المستقبل

أكرم.....اهلا يا زويل فرقعت ايه المرة دى

شادى.....مش عارف يا جدع ايه اللى بيحصل مع ان كل العناصر بالكمية المظبوطة 

هدى.....طب روح اغسل وشك يلا علشان تروح كليتك

شادى.....صباح الخيرات على جميلة الجميلات

هدى....بطل بكش يا واد انت

شادى....صباح الخير يا صفصف

صفية.... صباح النور يا حبيب صفصف

على السفرة

اجتمع جميع افراد الاسرة لتناول طعام الإفطار قبل ذهاب كلا منهم الى عمله

شادى....الحمد لله يلا مين اللى عليه الدور فى البوسة النهاردة 

وضع جميع افراد الاسرة ايديهم على وجوههم فهم يعلمون ماذا سيفعل شادى سيقوم بتقبيل احد منهم وليس هذا فقط بل انه سيقوم بعض من يقبله 

ماهر.....مش انا اللى عليا الدور

شادى....اللى عليه الدور أبيه رائف

رائف.....واد انت لو جيت جمبى هحط وشك فى طبق المربى انت عارف انا راجع الكتيبة ارجع وانا معضوض شكلى ايه قدام العساكر هناك ولا زمايلى ها

شادى....طب هبوس من غير عض

رائف......مستحيل انت فاهم

شادى....خلاص انت يا ابيه أكرم

أكرم.....ما تحترم نفسك ياض انت انت مش عاتق حد انت معلم علينا كلنا

شادى بتمثيل.....كده كلكم بتكرهونى انا عارف ان انتوا لقتونى قدام باب البيت وربتونى شكرا ليكم على كرمكم انا هروح ادور على اهلى

هدى.....ايه مواهب التمثيل الفاشلة دى يا شادى

شادى....بجد ياماما تمثيلى وحش اوى

رائف.....فوق ما تتصور يا شادى يا حبيبى بس احنا مكناش لقينك قدام البيت لاء لقيناك على باب المعبد اليهودى

أكرم.....لاء يا رائف مكنش المعبد اليهودى دا فى صندوق الزبالة اللى على اول الشارع

شادى.....شايف يابابا ولادك بيقولوا عليا ايه

ماهر.....مش انت اللى جبت لنفسك الكلام

صفية......طب دا انت يا واد يا شادى الوحيد اللى اتولدت فى البيت امك ملحقتش تروح المستشفى

هدى....اه والله ولادته كانت سهلة

شادى.....شوفتوا بقى طول عمرى مش متعب ازاى طول عمرى نسمة كده ماشية فى البيت

رائف.....نسمة! دا انت زوبعة البيت يا شادى

ماهر....انا سمعت صوت فرقعة من شوية عملت ايه يا شادى

شادى....ولا حاجة يا بابا دى فرقعة الصباح بتاعة كل يوم

رائف....انت بتخترع بومب ولا ايه يا شادى

أكرم.....لاء دى شكلها متفجرات

شادى....اتريقوا اتريقوا بكرة تتفشخروا ان اخوكم عالم الكيميا الكبير شادى زيدان

هدى.....احلى عالم فى الدنيا

شادى....تسلميلى يا ماما يا رافعة من معنوياتى مش زى ولادك المحبطين دول

رائف......يلا بقى علشان انا همشى دلوقتى

ماهر....مش لسه بدرى

رائف.....هعدى على مايا اشوفها قبل ما امشى

عندما سمعت والدته ذلك تغيرت ملامح وجهها فهى لاتحب خطيبته المدعوة مايا او بالاصح لا يحبها احد من افراد الاسرة فهى فتاة مدللة تعيش بقيم واخلاق لا تتناسب معهم ولا يعرفون سر تمسك رائف بها فهو يستحق فتاة افضل منها

شادى.....استنى يا ابيه خدنى معاك وصلنى الكلية علشان عربيتى بتتصلح

أكرم.... انت خربت العربية تانى

ماهر.....صحيح انا مش عارف اعمل ايه كل شوية تخرب عربيتك انت احسنلك تروح الكلية وانت ماشى على رجلك

شادى....يعنى انت يابابا عندك شركة ومصنع قطع غيار عربيات وعايزنى اروح الكلية وانى ماشى على رجلى

ماهر....ما انا زهقت منك يا شادى ومن عمايلك

شادى.... حبيبى يا بوب كده تزهق من حبيبك واخر عنقودك

ماهر....هههه يلا يا واد انت على كليتك

رائف....يلا يا اخرة صبرى خلينا نمشى اصلك طالعلى فى البخت يا شادى

شادى....اكيد بختك الحلو طبعا

هدى.....تروح وترجع بالسلامة يا حبيبى

رائف....الله يسلمك يا أمى سلام

قام بتوديعهم وانصرف لرؤية خطيبته قبل ان يعود الى عمله ويقوم بإيصال اخيه الى الكلية

ركب سيارته متوجه الى الجامعة ثم سيقصد منزل خطيبته 

رائف....يلا يا ابنى انزل

شادى...خلاص يا عم متزقش خلاص نازل هتوحشنى يا أبيه متجيب بوسة

رائف....انزل يا شادى احسن ما ارميك برا العربية

شادى....تروح وترجع بالسلامة يا أبيه

رائف بحنان....الله يسلمك يا حبيبى خد بالك من نفسك

شادى...وانت كمان مع السلامة

رائف.... الله يسلمك

خرج شادى من السيارة متوجه الى كليته قام رائف بالاتصال على خطيبته ولكنه جاءه الرد متأخرا

مايا بصوت ناعس......الو مين

رائف.....مين! حضرتك مش عارفة مين بيرن عليكى

مايا....سورى يا رائف اصل كنت نايمة

رائف.....لسه نايمة لدلوقتى 

مايا....اصل امبارح كنت فى بارتى بتاع واحدة صاحبتى

رائف بنرفزة....انا مش قولتلك مفيش سهر وحفلات من دى تانى انتى مبتسمعيش الكلام ليه

مايا....يوووه بقى وبعدين يا رائف

رائف....لا قبلين ولا بعدين سلام علشان الحق اروح الوحدة

وقام بغلق الهاتف وهو يتأفف كالعادة من تصرفات خطيبته فهو يحاول إصلاحها ولكنها لا تسمع الكلام وبسبب عصبيته وهو يقود السيارة كان سيصطتدم باحد المارة لولا انه تحكم فى السيارة فى اخر لحظة

كانت سچى واقفة وقد هرب الدم من عروقها فهى الان كانت ستكون فى تعداد الاموات بسبب تلك السيارة وقفت مغمضة العينين محتضنة كتبها بشدة كانت قد خرجت من الكلية لشراء بعض الاوراق المهمة الخاصة بدراستها وطلبت من ريهام انتظارها حتى يعودوا الى محاضرتهم مرة أخرى

نزل رائف من السيارة ليرى اذا كان اصابها مكروه

رائف.....انتى كويسة يا آنسة

سچى بصوت منخفض..... الحمد لله

رائف....انتى بتقولى ايه ما تعلى صوتك

ولكن بسبب خوفها خرج الكلام من شفتيها بصوت ضعيف هامس وهى ايضا لم ترفع رأسها لترى من يحدثها فكان شخص طويل القامة وكل ما رأته سچى انه يرتدى ملابس الجيش ولكنها لم ترى وجهه وهو ايضا بسبب خفض رأسها لم يتبين ملامحها جيدا

سچى....خلاص حصل خير

رائف....لو حصلك حاجة اوديكى المستشفى

سچى....انا كويسة عن اذنك

قالت ذلك وانصرفت حتى بدون ان تنظر فى وجهه فاستغرب تصرفها ولكن بعد مغادرتها وجد على الأرض اسورة رقيقة تحمل حرف s اخذها ونظر حوله ليرى تلك الفتاة ليعطيها اسورتها ولكنها اختفت فى لمح البصر

رائف....دا الانسيال بتاعها وقع اوديه فين ده

نظر الى ساعته وجد انه سيتاخر فركب سيارته سريعا ووضع الاسورة فى جيبه بدون ان يشعر

*************************

فى المصنع

شعرت نعمة بالغثيان مرة اخرى استأذنت وذهبت الى الحمام قامت بافراغ ما فى معدتها مرة اخرى شعرت عزة بالقلق عليها فذهبت لرؤيتها

عزة.....نعمة كده مش هينفع احنا لازم نروح لدكتور

نعمة بتعب.....ان شاء الله هنروح انا مبقتش عارفة ايه اللى بيحصلى

عزة بقلق.... خير ان شاء الله

عادت نعمة الى المنزل ولكن سچى لم تعود من كليتها بعد فكرت ان ترتاح قليلا حتى مجىء ابنتها دخلت غرفتها نامت على سريرها لترتاح من تعبها

بعد ان انهت سچى محاضراتها وجلست مع اختها الصغيرة أروى تسألها عن أحوالها عادت الى المنزل ولكنها لم تسمع صوت فى المنزل ففكرت ان والدتها لم تعود من عملها قامت بتغيير ملابسها وذهبت الى المطبخ لتحضير الأكل لها ولوالدتها ونادت على قطتها

سچى....مشمشة انتى فين تعالى انا جيت

خرجت القطة من مخبأها رفعتها سچى بين يديها تحتضنها 

سچى....تعالى يلا نحضر الاكل على ما ماما ترجع انتى جعانة يا قلبى اسكتى يا مشمشة سچى كانت هتموت النهاردة ومش بس كده يخرجلها واحد من العربية عامل زى الحيطة لما سمعت صوته خفت اكتر ما كنت خايفة يلا الحمد لله ربنا ستر

ذهبت ووضعت للقطة بعض الطعام الخاص بها ثم بدأت في تجهيز الطعام لها ولوالدتها

بعد ان انتهت وجدت باب غرفة والدتها يفتح

سچى.....ماما انتى هنا من امتى انا افتكرت انك لسه فى الشغل

نعمة.... أصلى حسيت انى تعبانة شوية استأذنت وجيت

سچى بقلق .....مالك يا ماما فى ايه ايه اللى تاعبك

نعمة بابتسامة..... مفيش يا حبيبتى دول شوية ارهاق 

سچى....ماما لو تعبانة يلا نروح للدكتور

نعمة....حبيبتى متقلقيش مفيش حاجة انا كويسة

سچى....انتى عارفة انا مليش غيرك وبخاف عليكى

نعمة.....وانا كويسة يا روحى متخافيش

بالرغم من محاولة نعمة طمأنة ابنتها عليها الا ان القلق استبد بسچى فهى تخاف على والدتها بشدة 

قررت نعمة ان تذهب الى الطبيب لمعرفة ما هذه الحالة التى اصبحت عليها ولكنها لم تخبر ابنتها انها ذاهبة الى الطبيب فهى اخبرت عزة ان لا تخبر ابنتها وذهبت هى وعزة الى عيادة الدكتور وبعد ان تم الكشف عليها

الدكتور....حضرتك انا هكتبلك على شوية تحاليل واشعة تعمليها ضرورى

عزة....هو حضرتك فى حاجة

الدكتور.... احنا منسبقش الاحداث نشوف التحليل والاشاعة وبعدين هنعرف فى ايه

قامت نعمة بإجراء التحليل والاشعة التى طلبها منها الدكتور وكانت عزة معها لا تفارقها ابدا وكل هذا لم تعلم سچى شىء عن والداتها فهى حرصت على الا تعلم سچى اى شىء الآن

ذهبوا الى الطبيب نظر الى التحليل والاشعة بامعان شديد ثم نظر الى نعمة

الدكتور.....مدام نعمة حضرتك...............

............................................

رأيكم يا حلوين

لا أحد سواك ( رائفى)

البارت الثانى

ذهبوا الى الطبيب نظر الى التحليل والاشعة بامعان شديد ثم نظر الى نعمة

الدكتور.....مدام نعمة حضرتك للأسف عندك ورم خبيث

نعمة بصدمة......ورم خبيث

الدكتور.....ايوة وكمان فى مرحلته الأخيرة للأسف

عزة....طب ايه العمل دلوقتى يا دكتور نعمل ايه

الدكتور بأسف.....حتى الكيماوى مش هيجيب نتيجة مفيش حل غير المسكنات غير كده الباقى بايد ربنا

كانت نعمة لا تتكلم وكأن اصابها الخرس فهل ما قاله الدكتور صحيح هل اصبحت مريضة بمرض خبيث حتى لا يوجد دواء ماذا سيحدث بها او ماذا سيحدث بابنتها

عزة....شكرا يا دكتور

خرجوا من العيادة نزلت دموع نعمة بشدة حاولت عزة مواساتها فى مصيبتها

عزة.....اهدى يا حبيبتى ربنا قادر على كل شىء وقادر يشفيكى ان شاء الله

نعمة بدموع.....انا مش زعلانة على مرضى انا راضية بقضاء ربنا بس اللى خايفة عليها بنتى وانتى عارفة ابوها رمانا من زمان ومراته مش هتتحملها

عزة.....حبيبتى متقوليش كده ربنا هيشيل عنك وتخفى

نعمة برجاء......مش عايزة سچى تعرف حاجة يا عزة

عزة.....حاضر مش هقولها حاجة متخافيش

عادت نعمة إلى المنزل حاولت رسم ابتسامة على شفتيها حتى لا تلاحظ ابنتها اى شئ

نعمة....السلام عليكم

سچى.....وعليكم السلام ورحمه الله وبركاته كنتى فين يا ماما ده كله

نعمة.....كنت مع عزة بتشترى شوية حاجات لبنتها ما انتى عارفة انها قربت تتجوز

سچى....ربنا يتمملها بخير ويسعدها

نعمة بدموع حاولت اخفاءها....ربنا يفرحنى بيكى انتى كمان يا سچى

كانت اخفت التحاليل والاشعة فى شنطتها حتى لا تراها سچى

سچى.....ربنا ما يحرمنى منك يا ماما

سمعوا صوت جرس الباب فكانت صديقتها ريهام جاءت لتذاكر معها

ريهام......ازيك يا طنط نعمة

نعمة......اهلا يا حبيبتى اتفضلى

سچى....تعالى يلا علشان نلحق نراجع اللى ورانا

ظلت ريهام وسچى يذاكرون حتى شعرت ريهام بالملل 

ريهام....هى المذاكرة دى ما بتخلصش أبدا

سچى.....مالك يا بت فى ايه

ريهام.....زهقت يا اختى من المذاكرة مفيش واحد ابن حلال ييجى يتجوزنى بلا دراسة بلا هم

سچى.....دا انتى فاشلة صحيح

ريهام.....هو فى احسن من الفشل الا قوليلى ايه اخبار دكتورنا الحليوة

سچى..... دكتورنا الحليوة مين ده

ريهام.....استعبطى يابت عليا قصدى يوسف

سچى باستغراب.....ماله يوسف ده كمان

ريهام....شوف البت ما انتى عارفة انه عينه منك

سچى....لا عينه ولا رجله انتى عرفانى مليش فى الحوارات دى

ريهام......انتى فهمتينى غلط انا اقصد انه ممكن يكون حابب يرتبط بيكى

سچى.....والله لو نيته كويسة خير وبركة غير كده فى انه هينضرب بالجزمة

ريهام..... ياواد يا مفترى انت

سچى.....واد كمان ذاكرى يا بت واسكتى نقطينى بسكاتك تعرفى

ريهام....حاضر هنقطك بسكاتى صحيح فين الانسيال بتاعك

سچى بحزن....مش عارفة وقع منى فين ومش لقياه دا كان هدية ماما ليا لما نجحت فى الثانوية وفضل فى ايدى لحد ما وقع منى حتى خايفة اقول لماما لتزعل منى

ريهام....ربنا يعوض عليكى يا حبيبتى شوفى مشمشة نايمة ومأنتخة ازاى الواحد ميبقاش قطة يعيش حياتة يأكل ويشرب وينام

**********************************

فى احد النوادى

كانت تجلس تلك الفتاة مع شلتها وصوت ضحكاتها يسمعه جميع من فى النادى

مايا.....هههههه لاء حلوة دى كمان نكتة بقى يا وائل علشان خاطرى

نيللى.....كفاية يا بنتى صوتك جايب لاخر النادى حد يسمعك يقول لخطيبك

وائل.....انا عارف انتى اتخطبتى لواحد خنيق زى ده ليه

نيللى...وماله رائف على الاقل ارجل منك يا لولو

وائل.....احترمى نفسك يا نيللى احسنلك

مايا.....بس اسكتوا انتوا هتتخانقوا ولا ايه

وائل....ما تلاقى الحلوة دى عينها منه

نيللى.....احترم نفسك ياض انت هو علشان بحترمه يبقى عينى منه

وائل....وعاجبك فى ايه بقى يا نيللى هانم

نيللى....الظاهر انك اعمى ومبتشوفش انت مش شايف رائف عامل ازاى 

وائل....علشان ظابط فى الجيش وايه يعنى

نيللى....ومش بس كده لاء دا ظابط صاعقة عارف يعنى ايه يا لولو

مايا.....اهدوا بقى انتوا الاتنين

نيللى....انا لو منك اطلب منه نتجوز النهاردة قبل بكرة وابقى حرم رائف ماهر زيدان

مايا.....لسه بدرى هو انا هقيد نفسى من دلوقتى لسه الحياة قدامى طويلة

نيللى....ليه ناوية تتجوزوا امتى بعد خمسين سنة

مايا....بس يابت بطلى هبل فى حاجات لازم الواحد يتمتع بيها قبل ما تنحبس حريته

لاحظت مايا ان هناك شاب من النادى يبتسم لها وهى بدورها ابتسمت له

نيللى.... انتى بتبتسمى لمين

مايا.....مين الشاب ده

نيللى....قصدك على مين

مايا.....الشاب اللى قاعد هناك ده

نظرت نيللى ووائل الى حيث اشارت مايا ولم يكن ذلك الشاب الا احد اعضاء النادى ويدعى هانى

وائل......اه ده هانى 

قام هانى من على طاولته وذهب اليهم ليعرفهم بنفسه فهو لاحظ نظرات تلك الفتاة له

هانى.....هاى انا هانى نصار

مايا......هاى انا مايا ودى نيللى وده وائل

هانى.....اهلا ممكن اقعد معاكم

مايا....اه طبعا اتفضل

نيللى بصوت منخفض لمايا.....فى ايه يا بنتى لو حد شافك دلوقتى يقول ايه

مايا.....اسكتى بقى متبقيش خنيقة

نيللى.... والله انتى هبلة

************************************

فى الورشة

كان يعمل حامد على انهاء طلبية الاثاث المطلوبة منه عندما رأى ابنته أروى

أروى.....السلام عليكم

حامد....وعليكم السلام راحة فين كده

أروى.....انا قولت لماما انى راحة اذاكر عند واحدة صاحبتى بس

حامد ......بس ايه انتى راحة فين

أروى.......هروح لسچى وطنط نعمة وانت عارف لو قلت لماما هترفض وهتزعقلى وانا زعلانة انى كدبت عليها بس اعمل ايه هى منعانى اشوف سچى او اروح عندهم

حامد.....خلاص روحى وخدى الفلوس دى اديها لسچى

أروى.....مش هتروح معايا

حامد.....عندى شغل كتير سلميلى عليها

هو يعلم انه اذا ذهب الى هناك فسيرى فى نظرات زوجته الاولى نظرات قهر ووجع كأنه يهرب من واقعه فهو يعلم ايضا ان الله سيعاقبه على ما يفعله

************************************

فى منزل ماهر زيدان

شادى.....ابيه أكرم ابيه أكرم

أكرم.....عايز ايه ياض انت بطل زن بقى

شادى....ياض دكتور ايه ده والنبى

أكرم...... لخص وقول عايز ايه

شادى.....انا عايز انا عايز

أكرم......هتفضل تتهته كده كتير

شادى......انا عايزك تساعدنى فى تجربتي الجديدة

أكرم......مليش دعوة علشان تفرقع فى وشى تشوهنى لاء يا حبيبى مش هساعدك

شادى.....دا ايه الإخوة دى

أكرم......هو يا تفرقع المعمل فينا يا اما مبقاش اخوك روح العب بعيد عنى

لاحظ شادى اقتراب والدته منهم ففكر انها ربما تساعده هى ولكنه نفض الفكرة سريعا من دماغه

شادى فى سره......لاء ماما لاء دى لو جرالها حاجة بابا يقتلنى فيها دا بيخاف عليها من الهوا الطاير

هدى.....بتتكلموا فى ايه

شادى.....مش راضى يساعدنى

أكرم......ماما قوليله يحل عنى مش ناقص فرقعة انا 

هدى.....انت عايزو يساعدك فى ايه يا شادى

شادى....دى تجربه عامل محلول وعايز اجربه فى حد

أكرم......يلا علشان اموت متسمم كمان حد قالك انى فار تجارب يا حبيبى

هدى.....بعد الشر عليك يا حبيبى

شادى......طب اجربه على مين عم عبده الجناينى

هدى....شادى ابعد عن اى بنى ادم مش ناقصين مصايب انت فاهم 

شادى.....خلاص يا ست ماما مش هجرب على حد خليكم كده طب اوصل للعالمية ازاى ها قوليلى

أكرم.....انت عايز توصل للعالمية على جثثنا يا زويل

شادى....ما كل نجاح لازم له ضحايا

هدى....بطل جنان يا شادى احسن اخلى بابا يهدلك المعمل ده خالص

شادى....خلاص يا ست ماما انا كنت بهزر معاكم وكنت بجر شكل ابيه أكرم علشان ابيه رائف مش هنا علشان اضايقه انا مش عامل محاليل ولا حاجة

اثناء حديثم لا حظوا دخول رائف ومع والده إلى الصالة

شادى....ايه اللى جاب القلعة جمب البحر

هدى....صحيح انتوا اتقابلتوا ازاى

ماهر....اتقابلنا على الباب

هدى....حمد الله على سلامتكم

أكرم.....اه حبايب قلبك جم

شادى....طب انا ايه بقى يا ست ماما

هدى.....انت روحى

أكرم....وانا ابقى ايه بقى

هدى....انت نور عيونى

رائف....طب وانا وانا

هدى....انت قلبى

ماهر....يا حلاوة وانا ابقى ايه بقى

هدى بهزار.....انتوا كلكم عليا ولا ايه

ثم نظرت إلى زوجها تلك النظرة التى لم تكف عن النظر له بها منذ ان دق قلبها له

هدى....انت حبيب عمرى انت الأمان والسند انت جوزى وابو ولادى وانت الدنيا دى كلها

ماهر....حبيبة قلبى انتى

وكأنهم نسوا ان اولادهم الثلاثة ينظرون اليهم بابتسامة على وجوههم

شادى....دا انت طلعت شقى اوى يا بوب مخلى جميلة الجميلات دايبة فيك

أكرم....اه شوفتوا ولا قيس وليلى

ماهر بغضب مصطنع....انتوا بتعملوا ايه هنا يلا كل واحد على اوضته بتتفرجوا على ايه

رائف بمزاح...كده يابابا قلبك طاوعك تطردنا 

هدى....هههه يلا خلصوا علشان تاكلوا

ظل رائف يفكر هل سيحظى يوما بزوجة مثل امه تعشقه كما تعشق امه والده وتنظر اليه بتلك الطريقة التى تجعله لا يفكر فى احد سواها

*******************************

فى غرفة رائف

قام باخذ شاور جلس على السرير أمسك هاتفه وقام بالاتصال على خطيبته

رائف بابتسامة......اخبارك ايه

مايا بتساؤل.....تمام انت رجعت

رائف.....ايوة لسه جاى من شوية قولت اتصل اطمن عليكى

مايا.....تمام كنت خارجة مع اصحابى ما تيجى تخرج معانا

رائف بعصبية......انا قولتلك انا مبحبكيش تخرجى مع اصحابك دول

مايا.....دول اصحابى وانت عارف مش كل مرة تعمل كده امال لو انا مراتك كنت عملت فيا ايه

رائف.....طبعا مكنتش هخليكى تعرفى حد فيهم ولا كنتى هخليكى تسهرى معاهم

مايا....يا سلام انت عايز تقيد حريتى بقى وتمشينى على هواك ولا ايه

رائف....علشان عايزك تسيبى الشلة الفاسدة اللى انتى مصحباها دى ابقى بقيد حريتك

مايا.....انت عارف انا كده وهفضل طول عمرى كده

رائف بعصبية شديدة.....اعملى اللى تعمليه سلام

قام بغلق الخط فى وجهها فهو حاول إصلاحها ولكنها عنيدة جدا ولا تستمع لكلامه فهو احيانا يفكر لماذا يتحمل تصرفاتها؟

وجد باب غرفته يفتح ولاحظ ان القادم لم تكن سوى جدته دلفت جدته الى الغرفة بابتسامة له

رائف.....اتفضلى يا تيته

صفية.....مالك يا حبيبى باين عليك متنرفز ومتعصب

رائف.....من مايا وتصرفاتها اللى مش عايزة تبطلها دى

صفية بغضب....وانت ايه اللى مخليك متمسك بيها ما تسيبها يا ابنى وريح دماغك دى متنفعكش

رائف.....هنتكلم فى الموضوع ده تانى يا تيته

صفية.....انا هموت واعرف انت متمسك بيها ليه

رائف..... بحبها يا تيته ومش عارف اعمل ايه مش جايز تتغير يا تيته

صفية.....طيب شكلك هتستنى عمرك كله يا رائف

رائف......ليه بس كده يا تيته

صفية.....اقولك ربنا يقدم اللى فيه الخير محدش عارف نصيبه فين

رائف.....ادعيلها ربنا يهديها

صفية بهمس.....ربنا يهديها ويبعدها عنك 

ولكنها لمحت الانسيال على الكومدينو فاستغربت من وجوده ولكنها فكرت ان رائف اشتراه لخطيبته ولكن الانسيال به حرف s وخطيبته اسمها مايا

صفية.....انسيال ايه ده يا رائف

رائف....دا يوم ما سافرت كنت هخبط بنت بالعربية لما نزلت كلمتها مشيت ولقيت ده وقع منها بصيت حواليا علشان اديها الانسيال ملقتهاش ففضل معايا

صفية....شكلها ايه صاحبته دى

رائف....هههه معرفش

صفية.....متعرفش ازاى انت مش بتقول كنت هتخبطها بالعربية

رائف....لما نزلت فضلت باصة فى الأرض وهى بتكلمنى ومرفعتش راسها فمعرفش شكلها ولا هى تعرف شكلى

صفية.....باين عليها بنت مؤدبة أوى

رائف....الظاهر كده وكانت محجبة كمان حتى صوتها مكنتش سامع هى بتقول ايه

صفية.....علشان كده جايز من النوع اللى بينكسف يرفع عينيه فى حد وهو بيكلموه فى كده بنات مؤدبة ومحترمة وبتنكسف

رائف.....بس مش عارف اعمل ايه بالانسيال ده

صفية..... خليه محدش عارف مش جايز تقابل صاحبته فى يوم من الايام

رائف باستغراب.....ودى هاقبلها فين دى بقى

صفية....محدش عارف تدابير ربنا جايز فعلا تقابلها

استغرب رائف من تفكير جدته فاين سيقابل تلك الفتاة حتى اذا قابلها لن يعرفها وهى بدورها لن تتعرف عليه فهى لم تنظر اليه وهو لم يرى ملامح وجهها

*********************************

فى منزل سچى

سمعت صوت جرس الباب فتحت الباب وجدت اختها اروى ابتسمت لها

سچى..... أروى اتفضلى

أروى.....تسلمى يا حبيبتى

سچى.....بس ايه المفاجأة الحلوة دى

أروى......قولت اجى اشوفك واقعد معاكى شوية هى طنط نعمة فين

نعمة.....ازيك يا أروى

أروى.....الحمد لله يا طنط انتى اخبارك ايه

نعمة.....الحمد لله نحمد ربنا تعالى يلا اتغدى معانا

أروى....الله وحشنى الأكل من ايدك

تناولت أروى معهم الغداء وبعد الانتهاء ذهبت نعمة الى غرفتها لترتاح

دخلت اروى مع سچى الى غرفتها لتجلس معها قبل ان تعود الى المنزل

أروى.....سچى بابا بعتلك الفلوس دى

سچى برفض......قوليله شكرا يا أروى ماما مش مخليانى محتاجة حاجة من حد

أروى.....بس ده مش حد ده باباكى

سچى......معلش يا أروى مش هاخد الفلوس رجعيها له

حاولت أروى اقناع سچى باخذ المال ولكنها رفضت تماما ان تاخذهم بعد ان جلست معها هبت واقفة حتى تعود الى منزلهم

أروى.....طب انا همشى بقى علشان متأخرش

سچى....ماشى يا حبيبتى لما توصلى ابقى رنى عليا طمنينى انك وصلتى

أروى..... حاضر سلام

سچى.....مع السلامة

انصرفت اروى وعادت سچى الى مذاكراتها مرة أخرى 

كانت نعمة فى غرفتها تفكر فى مصير ابنتها اذا حدث لها شىء فهى تعلم ان زوجة ابيها لن تقبل ان تعيش معهم سچى فهى لا تطيقها وهى ايضا لاتريد ان تتأذى سچى من عيشها مع زوجة ابيها ظلت تفكر كثيرا كيف تتصرف فى هذه الحالة

********************************

اثناء ترتيب سچى غرفة والدتها عثرت على التحاليل والاشعة الخاصة بها وايضا الروشتة الخاصة بالدكتور

انصدمت سچى عندما علمت مرض والدتها بكت بشدة فكيف لها ان تخبأ عنها أمر هام بهذا الشكل فوالدتها الحبيبة تعانى من مرض خطير يهدد حياتها كانت ممسكة بالاوراق فى يدها وتبكى بشدة عندما دخلت امها ووجدتها بتلك الحالة

نعمة....فى ايه يا سچى

سچى.....ليه ياماما خبيتى عنى حاجة زى دى

نعمة.....حاجة ايه دى

سچى.....التحاليل والاشعة دى

نعمة بتوتر....دى دى بتاعة واحدة تانية مش انا

سچى....انتى ناسية انى هبقى دكتورة وفاهمة الاشعة والتحاليل دى فيها ايه وكمان اسمك اللى على الروشتة ده إيه

نعمة.....اعمل ايه واقولك ايه بس يا سچى ربنا عايز كده

سچى.....مش لازم تخبى عنى حاجة زى دى ابدا كان لازم تقوليلى يا ماما

نعمة.....هتعملى ايه يا سچى دا امر الله

سچى....ونعم بالله بس ممكن نروح لدكتور تانى نعمل اشعة تانى نعمل اى حاجة

نعمة....ودا هيغير الحقيقة يعنى دا امر واقع وانا مش معترضة على مرضى كله اختبار من ربنا اهم حاجة لو حصلى اى حاجة انتى هتعملى ايه

سچى.....متقوليش كده انتى هتبقى كويسة وربنا هيشفيكى ان شاء الله

نعمة.....انا كل خوفى عليكى انتى مش عيزاكى تتبهدلى بعد منى

سچى.....انتى ان شاء الله هتبقى كويسة يا ماما

بكت بشدة اخذتها امها فى حضنها بقوة وهى تبكى ايضا فالله وحده هو من يعلم كيف ستكون الايام القادمة

**********************************

اتصل رائف على مايا ولكنه وجدها تسهر مع اصحابها فى احد النوادى الليلية غضب بشدة اخذ سيارته وذهب اليها حتى يعيدها الى المنزل عندما دخل النادى نظر بقرف شديد لهذا المكان وجدها تجلس تضحك مع اصحابها سحبها من يدها بغضب شديد

مايا.....فى ايه يا رائف براحة مش كده ايه اللى انت بتعمله ده الناس بتتفرج علينا

رائف......ايه القرف اللى انتى بتعمليه ده والمكان الزبالة اللى انتى سهرانة فيه ده

مايا.....دا مكان كويس جدا ومش كل حاجة اعملى ده ومتعمليش ده بطل تحكمات وأوامر

رائف.....انتى لازم تحترمى انك خطيبتى وهتبقى مراتى وانا ظابط منظرك ايه لو حد شافك كده يقول عليا ايه مش عارف اشكمك ولا ألمك من الأماكن الغريبة دى

مايا.....ايه تشكمنى وتلمنى دى كمان انا حرة وهفضل حرة وانت خاطبنى وعارف انى كده انا بابى ومامى مبيعملوش معايا كده ومفيش حد فى الدنيا دى له حكم عليا

رائف.....ماهو للأسف انهم سابوكى كده لحد ما بقتيش تعملى حساب لحد 

مايا.....رائف لو سمحت انا مبحبش الاسلوب ده فى الكلام ماشى

رائف.....بصى انا صبرت عليكى كتير بس من هنا ورايح لازم تغيرى طريقة عيشتك دى وكمان لبسك انتى فاهمة ولا لاء وتقكعى علاقتك بالاشكال اللى تعرفيها دى

مايا.....انت بتتحكم فيا بمناسبة ايه بقى إن شاء الله

رائف....انا خطيبك لو حضرتك ناسية كده

مايا....اديك قولت خطيبى مش جوزى علشان الاوامر دى كلها وانا مش شغالة عندك علشان تؤمرنى ماشى

تركته وذهبت اثناء عبورها الشارع للوصول إلى سيارتها حاول اللحاق بها ولكنه لم ينتبه لتلك السيارة المسرعة القادمة تجاه ولكنه لم يستطيع الابتعاد فكان مصيره ان صدمته تلك السيارة بكل قوة فوقع على الارض فاقد الوعى وغارق فى دماءه

عندما رأت مايا ذلك اصابها الذهول جرت عليه حاولت تحريك جسده ولكنه لا يستجيب

مايا.....رائف رائف رد عليا 

********************************

فى منزل ماهر زيدان

كان افراد الاسرة جالسون فى المساء كعادتهم ولكن شعرت هدى بوخز فى قلبها

هدى....ياساتر يارب ايه ده

ماهر.....مالك يا حبيبتى فى ايه مالك

هدى....مش عارفة حاسة زى ما تكون حاجة ضربت قلبى جامد

صفية.....خير يا بنتى استعيذى بالله من الشيطان الرجيم

هدى....اعوذ بالله من الشيطان الرجيم

شادى....هو ابيه رائف فين مش شايفوه يعنى

أكرم.....شكله راح لمايا هانم

شادى.....اه قولتلى بقى مايا 

صفية.....ربنا يصلح حالهم انا مش عارفة هو واجع دماغه معاها ليه

لاحظ ماهر سكوت زوجته فاستغرب حالتها فشعر بالقلق وسألها

ماهر.....فى ايه مالك يا هدى بس

هدى....مش عارفة يا ماهر حاسة انى مش مرتاحة وقلبى مقبوض جامد زى ما يكون فى حاجة حصلت

شادى....فى ايه بس يا جميلة الجميلات سلامة قلبك

هدى بقلق .......مش عارفة يا شادى

وجد أكرم نمرة المشفى الخاص بهم ففكر ان ربما هناك مريض يحتاج مساعدته الآن

هدى.....مين يا أكرم

أكرم.....دول من المستشفى ممكن يكون فى حد محتاج عملية ولا حاجة

فتح أكرم الهاتف ليجيب عليه وكان المتصل احد الاطباء فى المشفى ويدعى ياسر

ياسر....الو دكتور أكرم

أكرم..... ايوة يا ياسر خير فى ايه

ياسر......دكتور أكرم لازم حضرتك تيجى المستشفى حالا

أكرم.....فى ايه اللى حصل

ياسر.....اخو حضرتك عامل حادثة وجابوه وحالته صعبة جدا

أكرم بفزع.....رائف ماله رائف 

سمعوا جميعا اسم رائف هرب الدم من عروقهم فخشيت هدى ان يكون اصاب ابنها مكروه

هدى بلهفة......ماله اخوك يا أكرم رد عليا

أكرم بتوهان.....بيقولوا عمل حادثة وحالته صعبة

هدى بصراخ.....ابنى 

وبعد ذلك لم تدرى بشىء حولها فهى فقدت الوعى حاولوا افاقتها وبعد افاقتها نزلت دموعها بقوة

هدى بدموع.....انا عايزة اروح لابنى ابنى جراله ايه

ماهر بتماسك......اهدى يا هدى ويلا نروح المستشفى

ذهبوا جميعا الى المستشفى بقلوب ترتجف من الخوف والصدمة

أكرم.....ياسر فين رائف

ياسر.....فى العمليات مع الدكتور مجدى

قام أكرم بارتداء زى العمليات ودخل الى غرفة العمليات وجد اخيه ممددا على سرير العمليات شعر بوجع فى قلبه فهذه اول مرة يرى اخيه بهذا المنظر 

فى الخارج

كانت مايا واقفة ايضا خارج غرفة العمليات حاولت هدى ان تسألها ماذا حدث لابنها

هدى.....مايا هو ايه اللى حصل بالظبط عايزة اعرف ابنى ايه اللى جراله

ماهر.....اهدى يا هدى مش كده

هدى بنرفزة.....اهدى ابنى بين الحيا والموت وتقولى اهدى هى لازم تقول ايه اللى حصل انطقى 

ولكنها لم تسمع اجابة منها اذ وجدت ابنها أكرم يخرج من غرفة العمليات

هدى بلهفة..... أكرم اخوك جراله ايه وعامل ايه دلوقتى

أكرم.......................

**********************************

رأيكم يا حلوين

لا أحد سواك ( رائفى)

البارت الثالث

ولكنها لم تسمع اجابة منها اذ وجدت ابنها أكرم يخرج من غرفة العمليات

هدى بلهفة..... أكرم اخوك جراله ايه وعامل ايه دلوقتى

أكرم بحزن شديد...... للاسف الحادثة اثرت على العمود الفقري بتاع رائف

ماهر...... يعنى ايه يا ابنى فهمنا اخوك حصله ايه

اكرم بحزن.....للاسف رائف هيحصله عجز فى رجله ممكن ميقدرش يمشى

سمعوا جميعا ذلك ولم تتمالك امه اعصابها اذ كانت تنتحب بقوة ودموعها تنزل غزيرة على وجنتيها وقلبها يحترق مما سمعته

هدى بحرقة.....يا حبيبى يا ابنى يا حبيب أمك كان مستخبيلك ده فين يا حبيبى ابننا هيبقى عاجز يا ماهر اول فرحتنا مش هيقدر يمشى يا ماهر

ماهر.....اهدى يا هدى مش هينفع اللى انتى بتعمليه ده دلوقتى امسكى أعصابك

شادى بأمل ..... انت متأكد من الكلام ده يا ابيه أكرم يمكن تكونوا غلطانين وهو هيبقى كويس 

صفية.....ايوة يا اكرم ممكن ده يحصل واخوك يبقى كويس

أكرم بحزن شديد.....اظن انا مش هقول كلام مش متأكد منه يا تيتة هو فعلا هيحصله عجز فى رجله بس ممكن بجلسات علاج طبيعى يقدر يمشى بس اكيد مش هيقدر يمشى زى الاول يعنى ممكن يمشى بعكاز

سمع والده ذلك تملك الحزن من قلبه فهو يحاول التماسك بأى طريقة امام افراد اسرته ولكنه يسمع الآن ان ابنه الاكبر سيصاب بعجز وعرج فى رجله ربما سيلازمه إلى الأبد

ماهر.....لو محتاج يسافر برا يتعالج انا اسفره يا أكرم المهم اخوك يبقى كويس نسفره اى بلد نعمل اى حاجة بس اخوك يرجع زى الأول

أكرم.....ملوش لزوم يا بابا ده دلوقتى حتى لو هيسافر لازم الأول يجتاز المرحلة الاولى ويقدر يقف حتى لو هيمشى بعرج

كانت مايا فى هذا الوقت تقف بعيدا عن اسرة رائف فهى لا تسمع ما أصابه لانها لو اقتربت منهم لن تنجو من كلام والدته

ولكن عندما سمعت هدى هذا الكلام عن ابنها ذهبت اليها ووقفت وجهها لوجه مع مايا تسألها بقلق يحترق حسرة بسبب إصابة ابنها

هدى موجه كلامها لمايا.....انتى لازم تقوليلى ايه اللى حصل وصل ابنى لكده ارتاحتى ابنى كان هيروح فيها وانا متأكدة انك السبب فى ده كله انطقى قولى ايه اللى وصل ابنى لكده

مايا ببرود.....هو انا حضرتك اللى عملت فيه كده

هدى.....وانتى واقفة بكل برود وبتردى عليا هو اللى جوا ده مش المفروض خطيبك حتى مش شايفة فى عينك نظرة حزن عليه ولا شايفة انك متأثرة بأى حاجة ولا حتى فى دمعة واحدة نزلت من عينك عليه 

مايا ببرود.....الظاهر حضرتك اعصابك تعبانة عن اذنكم انا ماشية والف سلامة عليه

قالت مايا ذلك وانصرفت استهجن الجميع تصرفها فهى من المفترض ان تظل بجانب خطيبها فى محنته ولا تتخلى عنه بكل هذا البرود

صفية.....فى ستين داهية انتى السبب فى ده كله ياريته ما كان عرفك ولا خطبك ولا احنا شوفناكى

شادى.....سيبك منها يا تيتةدى بنى ادمة متستاهلش الكلام أصلا خسارة حتى ان الواحد يوجهلها كلام

قاموا باخراج رائف من غرفة العمليات وذهب الى غرفة العناية المركزة دخلوا تباعا للاطمئنان عليه فى ما لا يتجاوز الخمس دقائق حسب أوامر أكرم 

وعندما حان موعد دخول والدته دخلت باقدام ترتجف فأى ام لاتحب ان ترى ابنائها فى وضع كهذا عندما رأته طريح الفراش متصل بجسده العديد من الأجهزة لم تتمالك دموعها فكانت تبكى بقوة حتى صار صوت شهقاتها مسموع

هدى بدموع غزيرة.....بعد الشر عليك يا نور عينى ان شاء الله كنت انا وانت لاء يا حبيبى

دخل زوجها لاخراجها فهو يعلم حالتها الان فهى على وشك الانهيار فهى منذ سماع خبر حادثة رائف وهى تبكى بشدة

ماهر.....قومى ياهدى مينفعش كده انتى لازم تتماسكى علشان ولادك

هدى.....شوفت يا ماهر اللى حصل لابننا شوفت اللى حصل لرائف اول فرحتى انا وانت اول واحد اسمع منه كلمة ياماما اول واحد مسك فى ايدى لما ابتدى يمشى كنت بشوفه هو وأخواته بيكبروا قدام عنيا يوم عن يوم متخيلتش فى يوم ان ممكن يحصله كده

ماهر.....كله مقدر ومكتوب وانتى ست مؤمنة يا هدى وكل أمر الله خير واحنا مش عارفين ربنا حكمته ايه فى ده كله

هدى بدموع.....ونعم بالله يارب اشفيه يارب يارب اشفيه وعافيه يارب

اخذها زوجها فى أحضانه لكى يهدأ من روعها فهو يبذل ما فى استطاعته حتى يتماسك بهذا الشكل فليس من السهل ان يرى ابنه بهذا الشكل الموجع للقلب

*************************************

فى الجامعة

لاحظت ريهام ان سچى ليست على طبيعتها فحاولت الاستفسار منها عما يضايقها

ريهام....مالك يا بنتى فيكى ايه ايه الحزن والكأبة اللى انتى فيها دى

سچى.....فى ايه مالى يا ريهام

ريهام.....انتى سرحانة ومش مركزة خالص ووشك باين عليه ان حصل حاجة وحاجة كبيرة كمان

نزلت دموعها فاستغربت ريهام بكاءها لماذا هى تبكى الآن ماذا حدث جعلها حزينة بهذا الشكل

ريهام.....انتى بتعيطى ليه يا سچى فى ايه قوليلى يا حبيبتى مش انا صاحبتك وحبيبتك

سچى بدموع.....ماما يا ريهام

ريهام.....مالها مامتك

سچى.....ماما طلع عندها كانسر

ريهام.....يا خبر وانتى عرفتى ازاى الكلام ده

سچى..... كانت مخبية عليا بس انا لقيت التحاليل والاشعة وعرفت

ريهام..... حبيبتى ربنا يشفيها يارب والف سلامة عليها وربنا يحفظهالك

سچى برجاء.....يارب يارب يا ريهام انا مليش غيرها انا ماما لو جرالها حاجة أعيش ازاى انا فى الدنيا دى

سمعوا صوت ينادى على سچى ولم يكن سوى الدكتور المدعو يوسف

يوسف.....انسة سچى ممكن اتكلم معاكى شوية بعد اذنك

سچى.....افندم يا دكتور يوسف

ريهام.....طب انا هشترى حاجة من الكافتريا وهاجى على طول ماشى

سچى....ماشى متتأخريش يا ريهام

ريهام.... حاضر هاجى على طول عن اذنكم

ذهبت ريهام الى الكافتريا حتى تستطيع إفساح المجال لهم للحديث فهى تعلم ماذا يريد يوسف من سچى فهى تفهم تلميحاته لها

سچى.....افندم يا دكتور اتفضل حضرتك سمعاك

يوسف....هو انا كنت عايز يعنى

سچى....خير فى ايه حضرتك

يوسف.... الصراحة كنت حابب اتعرف على مامتك علشان انا عايز ارتبط بيكى

سچى....والله يا دكتور يوسف اليومين دول عندى ظروف صعبة اوى ممكن نأجل الموضوع ده شوية علشان اعرف أفكر

يوسف.....ظروف ايه خير فى حاجة

سچى......معلش مش هقدر اقول لحضرتك دلوقتى

يوسف....طب بالنسبة للفكرة انتى ايه رأيك فى كلامى

سچى....والله انت يا دكتور يوسف دكتور ممتاز والكلية كلها تشهد باخلاقك بس انا اليومين دول مش قادرة افكر في حاجة خالص فياريت نأجل كلام فى الموضوع ده

يوسف......خلاص هديكى الوقت اللى انتى محتجاه علشان تفكرى براحتك

سچى.....ان شاء الله

يوسف....عن اذنك

سچى....اتفضل يا دكتور

عادت ريهام الى سچى بعد انصراف يوسف وسألتها عن ماذا يريد منها

ريهام.....هو كان عايز ايه منك دكتور يوسف

سچى......كان عايز يقابل ماما عايز يرتبط بيا يا ريهام

ريهام.....و انتى قولتيله ايه

سچى....قولتله انى اليومين دول عندى ظروف لانى يا ريهام مش هقدر افكر فى اى حاجة تانية غير ماما دلوقتى انا كل اللى يهمنى ماما دلوقتى مش اى حاجة تانية

ريهام.....ربنا يشفيها ان شاء الله ويباركلك فيها

سچى....اللهم امين يارب العالمين

ريهام....طب يلا علشان نحضر المحاضرة بتاعتنا خلاص هتبدأ

سچى.....يلا بينا

******************************

فى منزل حامد راضى

عاد الى المنزل يحمل فى جيبه اسوارة من الذهب فهو قد وعدها عندما ينهى الطلبية سيشترى لها ذهبا فهو لا يرفض لها طلب فهى يشترى لها ما تتمناه اما الأخرى لا يكلف نفسه حتى ان يذهب اليها ومعرفة ما بها 

فادية......حمد الله على السلامة يا حبيبى

حامد......الله يسلمك يا قمر

فادية..... انت جعان احضرلك العشا يا حامد

حامد.....اه يا ريت بسرعة بس استنى اتفضلى يا ستى هديتك اهى

فادية....ايه العلبة دى يا حامد فيها ايه

حامد..... دى يا ستى هديتك اسورة بالخاتم بتاعها كمان

فادية بفرحة..... بجد تسلملى يا ابو بنتى وتعيش وتجبلى

حامد..... ربنا يخليكى ليا فين أروى صحيح مش شايفها

فادية.... جوا فى الاوضة بتذاكر

حامد.....طب اندهلها علشان نتعشى سوا واعمليلك همة يلا بقى وحضرى العشا انا هموت من الجوع

فادية.....بس كده من عنيا الاتنين احلى عشا لاحسن راجل فى الدنيا دى

اثناء تناول العشاء لاحظ حامد شرود ابنته أروى على غير عادتها

حامد.....مالك يا أروى فى إيه مالك مش بتاكلى ليه

أروى....مفيش حاجة يا بابا

حامد..... طب مالك سرحانة ليه كده فى حاجة حصلت ضايقتك

أروى....سچى يا بابا

حامد....مالها سچى فيها ايه

أروى......حاسة ان سچى فى حاجة مضايقاها أوى بس مش راضية تقولى

حامد.....ليه هيكون ايه اللى حصل

أروى..... مش عارفة حتى لما شفتها فى الكلية مكنتش على طبيعتها انا خايفة تكون تعبانة ولا حاجة

فادية من غير نفس.....ومالها بقى ست الدكتورة ان شاء الله ايه اللى تاعبها كفا الله الشر

أروى.....ما تيجى يا بابا نروح نشوفها مالها لتكون تعبانة ومش عايزة تقول

فادية.....تروحى فين يا بت انتى الظاهر انك عايزة اللى يلمك

أروى.....ايه الغلط فى انى عايزة اعرف اختى مالها وايه اللى مضايقها

فادية.....متقوليش اختك دى تانى فاهمة انتى ملكيش اخوات

حامد......خلاص نروح نشوفها يا أروى ونطمن عليها

فادية.....وترجع من هناك زى كل مرة قفاك يقمر عيش دى حتى رجعتلك الفلوس اللى انت كنت بعتهالها دى بنت حاطة رأسها فى العالى ومش هاممها حد واعمل حسابك لو روحت هناك مترجعش هنا تانى يا حامد مفهوم

أروى.....انتى بتكرهيهم ليه كده هم عملولك ايه دول هم المفروض اللى يكرهوكى وبرغم كده عمرى ماسمعت منهم كلمة وحشة عليكى مش زيك طول الوقت تغلطى فيهم

فادية.....اخرصى يابت انتى ويلا على اوضتك احسن والله العظيم اجيبك من شعرك تحت رجلى ومحدش هيرحمك منى يا قليلة الادب انتى

ذهبت اروى الى غرفتها وهى تبكى بسبب سلوك امها السىء مع اختها سچى وكرهها لهم

كان لايستطيع حامد معارضتها فكل شىء يملكه باسمها هى وهى المالكة للشقة والورشة وكل شئ لذلك هو لا يخالف لها أمر 

وكان هذا هو الحال رجل يخضع لامرأة لا تحمل فى قلبها سوى الكره والحقد والغيرة

************************************

فى المستشفى

بعد مرور ثلاث ايام افاق رائف كانت امه لاتتركه ابدا هى وجدته واخوته ووالده فتح عينيه ببطىء شديد كأنه يخشى ان يفتح عينيه مرة واحدة ظل ينظر حوله ليتذكر اين هو ؟وماذا حدث له؟

رائف بصوت واهن......ماما

هدى.....حبيب قلب ماما حمد الله على السلامة يا حبيبى وبعد الشر عليك

رائف......هو ايه اللى حصل يا ماما

صفية.....الحمد لله يا حبيبى على كل شىء قدر ولطف الحمد لله

رائف.....انا فاكر اخر حاجة لما مايا كانت بتعدى الطريق وكنت ماشى وراها وبعدين عربية جت بسرعة وبعد كده مش فاكر أى حاجة خالص

شادى.....حمد الله على السلامة يا أبيه والف سلامة عليك

رائف.....الله يسلمك يا حبيبى

هو بابا فين واكرم مش شايفهم هم فين

هدى.....بابا كان هنا من شوية بس طلبوه فى الشركة ضرورى علشان شغل مهم وأكرم بيشوف المرضى وجاى دلوقتى

رائف.....ومايا فين هى مش موجودة هنا

صفية......خليك فى نفسك يا حبيبى دلوقتى اهم حاجة انت دلوقتى يا رائف

حاول رائف الاعتدال فى جلسته ولكن نصفه الاسفل لا يستجيب لمحاولته فشعر بالقلق لماذا لا يستطيع ان يجلس بشكل طبيعى

رائف باستغراب......هو فى ايه مش قادر اقعد ومش حاسس برجلى خالص 

عندما سمعت امه ذلك نزلت دموعها بقوة ولاتجد ما تقوله 

رائف بانفعال.....ماما قوليلى فى ايه انا اتشليت مش كده يا ماما مش هقدر امشى تانى خلاص انا بقيت عاجز 

هدى بدموع....اهدى يا قلب امك الانفعال مش حلو علشانك اهدى يا رائف

رائف بعصبية.....اهدى اهدى ازاى حياتى ومستقبلى خلاص ضاعوا انا خلاص انتهيت انتهيت

صفية.....دا امر الله يا حبيبى وربنا قادر يشفيك بأذن الله

هدى....ان شاء الله هتبقى كويس يا حبيبى وأكرم بيقول بالعلاج الطبيعى ممكن تمشى تانى

رائف بوجع.....امشى تانى ولا امشى بعرج متضحكيش عليا يا ماما

أخذته فى احضانها بقوة وهى تبكى فهى ترى ابنها الاكبر بهذه الحالة شئ لا تتحمله وكأن قلبها يقطر دما وحزنا عليه أما هو وكأن تحجرت كل حواسه لايعرف ماذا يفعل فهو حياته قد تحولت من شاب بمستقبل مشرق الى انسان حتى يعجز عن مساعدة نفسه

وكان حال اخيه الاصغر وجدته لا يفرق عن حالة والدته فلم يتحمل شادى ذلك ان يرى اخيه بهذا الشكل خرج من الغرفة وهو يبكى على حال اخيه الاكبر الذى كان يعتبر بمثابه والد ثانى له

أكرم بقلق.....مالك يا شادى بتعيط ليه فى ايه اللى حصل حد حصله حاجة ماما كويسة

شادى..... ماما كويسة بس ابيه رائف صحى وعرف اللى جراله يا ابيه أكرم وهو دلوقتى منفعل ومتعصب جامد

أكرم بتعب.....ياالله ادينى القوة والصبر من عندك يارب

دخل أكرم الى الغرفة حاول رسم ابتسامة على شفتيه فكيف سيواجه أخيه فهو اكثر واحد مقرب من رائف ويعلم كيف يكون رائف عندما تتملكه العصبية والغضب

أكرم......حمد الله على السلامة يا رائف

رائف.....وهى فين السلامة دى يا أكرم

أكرم......اهم حاجة انك لسه عايش يا رائف ولسه موجود وسطينا

رائف.....عايش وهو انا كده هكون عايش لما اعيش عاجز ومقدرش امشى يا أكرم

اكرم بتفاؤل.....انت ممكن ان شاء الله تمشى تانى بس الاول تعمل جلسات علاج طبيعى وممكن تسافر تعمل عملية وتبقى تمام

رائف.......انت فاكرنى عيل صغير علشان تضحك عليا بكلام زى ده يا أكرم

أكرم.....وانا امتى كدبت عليك انت عارف احنا اخوات واصحاب وانا اقرب واحد ليك ومش ممكن اغشك او اضحك عليك يا رائف

هدى....ايوة يا رائف يا حبيبى ان شاء الله ربنا هيشفيك وزى ما اكرم ما بيقولك انك ممكن تعمل عملية وتمشى تانى

امتنع رائف عن الكلام فماذا يقول؟ فهو لا يملك ان يفعل شئ سوى الانتظار وان يرى ماذا سوف يحدثه له

ذهبت خطيبته مايا لرؤيته وتطمئن عليه ولكنها كانت لا تحب ان تتقابل مع احد من اهله لأن نظراتهم لها كلها اتهام وخصوصا والدته فنظراتها كادت تحرقها حية

دخلت الى غرفته كان بمفرده فرحت قليلا ان لا احد من اهله موجود معه

مايا......حمد الله على السلامة يا رائف

رائف ببرود......الله يسلمك لسه فاكرة تيجى تشوفينى دلوقتى يا مايا

مايا.....مامتك يا رائف عاملتنى باسلوب مش كويس واتهمتنى انى السبب فى اللى انت فيه وقالتلى كلام كتير وزعلتنى جامد

رائف..... زعلتك ! اى ام مكانها هتعمل اكتر من كده انتى مش شايفة حالتها عاملة إيه

مايا......المهم دلوقتى طمنى عليك اخبارك ايه 

رائف ببرود.....حصلى اصابة فى العمود الفقرى اثرت على رجلى يعنى هبقى عاجز ومش هقدر امشى ولو مشيت همشى بعرج فى رجلى

سمعت مايا ذلك اتسعت عيناها بقوة من الدهشة هل ما يقوله صحيحاً هل سيصبح انسان عاجز عن المشى فماذا تفعل هى الآن؟

مايا.....رائف انت بتقول ايه انت متأكد من الكلام اللى بتقوله ده

رائف.....اللى انتى سمعتيه يا مايا وايوة هو ده اللى حصل

مايا.....طب مفيش حل انك ترجع تمشى تانى زى الاول

رائف.....الحل هيبقى على المدى الطويل وهاخد وقت على ما ارجع امشى تانى زى الأول

مايا.....طب الف سلامة عليك انا ماشية دلوقتى عايز منى حاجة

رائف بابتسامة سخرية...... شكراً يا مايا ومع السلامة

خرجت مايا من عنده وهى تفكر ماذا تفعل فهل لن تتحمل ان ترتبط برائف بظروفه هذه واثناء تفكيرها سمعت صوت أكرم ينادى عليها

أكرم.....مايا مايا استنى

مايا.....اهلا أكرم فى حاجة

أكرم.....انتى كنتى عن رائف جوا

مايا.....ايوة فى ايه

أكرم......وعرفتى اللى حصله بسبب الحادثة

مايا....هو قالى على كل حاجة لما كنت عنده

أكرم.....رائف محتاجلك تقفى جنبه يا مايا رائف حالته النفسية وحشة جدا فانتى لازم تقفى جنبه علشان يعدى المرحلة دى

مايا.....عن اذنك يا أكرم انا لازم امشى انا اتأخرت سلام

ذهبت مايا وتركت أكرم واقف مكانه حتى قبل ان يرد عليها كان أكرم يعلم ان مايا ستفعل ذلك فهى فتاة لا تهتم لأحد سوى نفسها فهى انانية لاقصى الحدود

أكرم لنفسه.....عارف انك هتعملى كده يا مايا وانك بنى ادمة سطحية ومبتحبيش غير نفسك

**********************************

فى منزل ماهر زيدان

عاد رائف الى المنزل دخل المنزل على كرسى متحرك يدفعه والده كانت حالته النفسية سيئة للغاية فأصبح لا يتكلم كثيرا وأصبح شخص انطوائى وكأن الكلام يزيد من وجعه ففضل الصمت 

ماهر.....نورت بيتك يا حبيبى

رائف.....شكرا يا بابا انا عايز ارتاح لو سمحتم

هدى.....انا خلتهم ينضفوا الاوضة اللى هنا جنب مكتب بابا علشان ترتاح فيها يا حبيبى

رائف.....ماشى يا ماما

فهو يعرف انه لن يستطيع ان يصعد إلى غرفته فى الدور العلوى 

أكرم......انا كلمت دكتور علاج طبيعى عندنا فى المستشفى هتبتدى جلسات العلاج من بكرة إن شاء الله

رائف.....عن اذنكم عايز ارتاح لو سمحتوا عايز اروح الاوضة

اوصله اخيه اكرم الى غرفته وساعده ان يرتاح فى سريره فهو الآن لا يريد ان يرى أحد يريد ان يجلس بمفرده

خرج اكرم من غرفة رائف وهو يشعر بالاسف على حال اخيه

أكرم.....بقت حالته النفسية وحشة جدا وكده مش هينفع خالص

ماهر..... معذور يا ابنى يعنى من ظابط صاعقة لواحد قاعد على كرسى متحرك

أكرم.....بس يابابا لو بالنظام ده كده مش هينفع علاجه بيعتمد على الدعم النفسى والحالة النفسية وانتوا لازم تعملوا كده تحاولوا تحسنوا حالته النفسية وانتى يا ماما بلاش عياط قدامه كده ابوس ايدك

هدى.....اعمل ايه لما اشوف اول فرحتى بقى كده دا انا قلبى بيتقطع عليه يا أكرم

شادى......ابيه اكرم معاه حق احنا لازم نساعده مش نزود همه أكتر

صفية.....اللى انت عاوزو هنعمله اهم حاجة يبقى كويس

أكرم.....هو كان المفروض البنى ادمة اللى كان خاطبها دى تبقى واقفة جنبه بس الظاهر كده هى مبتحسش ولا عندها دم ولا ذوق

شادى.....متفكرنيش بيها واحدة أنانية ومعندهاش دم

هدى.....اااه انا قلبى محروق منها لانى عارفة ان هى السبب فى اللى ابنى فيه لو كانت هى فعلا مش مسامحاها ابدا على اللى عملته فى ابنى منها لله وحسبى الله ونعم الوكيل فيها

ماهر......خلينا فى ابننا دلوقتى يا هدى وكويس انها خطيبته مش مراته كان اتبلى بيها

************************************

فى منزل سچى

كانت ترى والدتها تتألم فى صمت كانت تبكى لا تعرف ماذا تفعل فحتى المسكنات لم تعد تجدى نفعا الآن فكانت نعمة تحاول ان تدارى ألمها عن ابنتها فهى الآن على وشك دخول الامتحانات وكانت لاتريدها ان تتأثر دراستها ولكن سچى كانت تعلم ما تشعر به والدتها وقلبها يعتصر ألما عليها ولكنها لا تملك لها شئ الا الدعاء فكانت عندما تصلى تظل ساجدة وتبكى وتدعو الله ان يشفى أمها

سچى بدموع ورجاء.........يارب يارب اشفى امى يارب واشفى كل مريض انا مليش غيرها اشفيها يارب

كانت امها تسمع صوت بكاءها وهى تصلى وكانت هى ايضا تبكى فهى راضية بقضاء الله ولكن تشعر بالخوف عليها فعندما يحين موعد رحيلها عن الدنيا ماذا سيكون مصيرها؟

نعمة بابتسامة......حرما يا حبيبتى

سچى.....جمعا يا ماما ان شاء الله

نعمة.....يلا بقى علشان تذاكرى امتحاناتك خلاص قربت اوى وانا عايزة تقدير زى كل سنة ماشى يا قلبى

سچى.....ان شاء الله يا ماما ادعيلى انتى دعواتك الحلوة

نعمة بحب.....دعيالك يا حبيبة امك وربنا ان شاء الله هيرزقك بالسعادة كلها

سچى.....انا وانتى يا ماما ان شاء الله

عادت إلى مذاكرتها مرة اخرى فهى تريد ان تدخل الفرحة والسرور إلى قلب امها فهى لاتملك الان سوى ان تذاكر وتنجح حتى تسعد أمها

***********************************

فى الجامعة

بدأت الامتحانات وضعت سچى كل تركيزها فى دراستها برغم التلميحات الكثيرة التى كان يلمحها يوسف بخصوص ارتباطهم وهى كانت تعتذر له بأنها مشغولة بالامتحانات

ريهام.......وبعدين يا بنتى دا الواد استوى على الآخر

سچى.....انت عارفة اللى فيها يا ريهام وانا بجد مش فاضية للمواضيع دى دلوقتى

ريهام......طب انتى ايه احساسك ناحية الموضوع

سچى......عادى

ريهام.....عادى ازاى يعنى مش حاسة بحاجة خالص

سچى.....اكدب عليكى لو قلتلك انى حاسة بحاجة هو انسان كويس وكل حاجة بس بالنسبة ليا عادى

ريهام.....طب انتى توافقى تتجوزيه ازاى وهو بالنسبة ليكى عادى يعنى ومش مميز ولا حاجة

سچى بتنهيدة.....مش عارفة يا ريهام ان اليومين دول حاسة انى فى دوامة

ريهام.....اهى هانت فاضل امتحان وخلاص

سچى.....على خير ان شاء الله

انهت سچى امتحاناتها واشتد الوجع والمرض بأمها ذهبت بها الى احدى المستشفيات فقام الدكتور بحجز والدتها فى المستشفى فحالتها سيئة للغاية

الدكتور.....هى يا انسة لازم تفضل هنا حالتها الصحية سيئة جدا

سچى بدموع واستسلام...... ماشى يا دكتور

تم حجز نعمة بالمستشفى وكانت سچى ملازمة لها بشكل دائم وكانت تتردد عليها جارتها عزة لترى ما يحتاجونه

نعمة بتعب.....تشكرى على تعبك معايا يا عزة

عزة.....متقوليش كده يا حبيبتى ربنا ان شاء الله يشفيكى

نعمة....شكل النهاية قربت يا عزة

عزة.....متقوليش كده ربنا قادر يشفيكى ان شاء الله هى فين سچى

نعمة.....فى الحمام وزمانها جاية انا عايزة منك طلب يا عزة

عزة....اؤمرى يا حبيبتى عنيا الاتنين عايزة إيه

نعمة.....تسلم عينيكى انا هديكى عنوان تروحيه والست اللى هاتقبيلها خليها تجيلى هنا المستشفى

عزة.....عنوان مين ده

نعمة..........................

************************************

رأيكم يا حلوين

لا أحد سواك (رائفى)

البارت الرابع

عزة....اؤمرى يا حبيبتى عنيا الاتنين عايزة إيه

نعمة.....تسلم عينيكى انا هديكى عنوان تروحيه والست اللى هاتقبيلها خليها تجيلى هنا المستشفى

عزة.....عنوان مين ده

نعمة....ده عنوان خالتى

عزة باستغراب......خالتك مين دى

نعمة.....دى خالتى صفية تبقى اخت امى

عزة.....انا اول مرة اعرف ان ليكى خالة

نعمة.....دى خالتى الوحيدة كانت متجوزة تاجر غنى اوى بس بعد امى ما ماتت الدنيا لهتنى والعلاقات بينا اتقطعت

عزة.....وانتى عيزاها ليه دلوقتى يا نعمة

نعمة....روحيلها بس وقوليلها نعمة بنت اختك عايزة تشوفك ضرورى بس بسرعة يا عزة مفيش وقت الله يخليكى

عزة.....حاضر يا حبيبتى هروحلها حاضر من عنيا

اثناء كلامهم رجعت سچى من الحمام ورأت والدتها تتحدث مع جارتهم عزة

سچى.....ازيك يا طنط عزة عاملة ايه

عزة..... الحمد لله وازيك انتى يا حبيبتى عاملة ايه

سچى.....الحمد لله نحمد ربنا على كل حال

عزة......انا جبتلك اكل يا حبيبتى وشوية حاجات مع الاكل ولو عايزة حاجة تانى قوليلى اجبهالك الزيارة الجاية

سچى..... تسلمى يا طنط عزة بس ليه تتعبى نفسك فى اكل كتير اوى هنا

عزة......لازم تأكلى يا حبيبتى انتى ضعفانة خالص وكمان باين على وشك الارهاق والتعب

سچى.....ان شاء الله هاكل وتسلمى على وقفتك معانا

عزة...... متقوليش كده دا ربنا يعلم ان امك عندى اكتر من الاخت كمان انا همشى دلوقتى عايزة حاجة تانية يا نعمة

نعمة......سلامتك ومتنسيش اللى قولتلك عليه ياعزة

عزة......من عنيا حاضر سلام عليكم

سچى ونعمة.......وعليكم السلام

****************************

فى منزل ماهر زيدان

ذهبت عزة الى العنوان الذى اعطته لها نعمة وقفت على الباب طلبت من البواب انها تريد مقابلة السيدة صفية فى أمر هام

عزة.....سلام عليكم

البواب......وعليكم السلام

عزة......لو سمحت كنت عايزة اقابل الست صفية ضرورى

البواب......الست صفية وعوزاها ليه

عزة.....عيزاها ضرورى الله يخليك قولها انى عوزاها ضرورى وبسرعة

البواب.....ثوانى ابلغ الشغالة تقولها

ذهب البواب لاخبار الخادمة التى تعمل فى المنزل ان هناك سيدة تريد مقابلة السيدة صفية

ام سيد....خير فى ايه

البواب..... يا ام سيد فى واحدة برا بتقول عايزة تقابل الست صفية ضرورى

ام سيد..... واحدة مين دى واسمها ايه

البواب.....معرفش انا اول مرة اشوفها بس هى مصرة تقابل الست صفية

ام سيد.....استنى اسألها واقولك

ذهبت ام سيد لاخبار صفية بما قاله لها البواب بان هناك امر تريد مقابلتها على وجه السرعة

ام سيد....صفية هانم

صفية.....ايوة يا ام سيد فى ايه

ام سيد.....البواب برا بيقول فى واحدة عايزة تقابلك ومصرة انها تقابل حضرتك

صفية باستغراب......واحدة مين دى واسمها ايه

ام سيد.....مقلتش على اسمها بس بتقول عايزة تقابلك ضرورى وبسرعة

صفية.....خليها تتفضل يا ام سيد اما اشوف مين دى

دخلت عزة الى المنزل فكان المنزل فخم جدا ويدل على ثراء اصحابه فاستغربت ان نعمة لها اقارب بهذا الثراء فخشيت ان تكون اخطأت فى العنوان

صفية.....ايوة حضرتك عيزانى فى ايه

عزة.....هو حضرتك ليكى بنت اخت اسمها نعمة

صفية.....ايوة مالها نعمة فيها ايه

عزة......نعمة تعبانة اوى فى المستشفى وطالبة تشوفك بسرعة

صفية بخضة......يا حبيبتى هى مالها هى بقالها زمن مختفية ومعرفش عنها حاجة وايه اللى جرالها

عزة بأسف......عندما مرض خطير وتعبانة أوى وطلبت منى انى اجيلك ابلغك انها عايزة تشوفك فى المستشفى

صفية بلهفة.....طب لو سمحتى ودينى ليها هى فى مستشفى ايه

عزة.....هى فى مستشفى للاورام

ذهبت صفية مع عزة الى المستشفى التى ترقد بها نعمة بين الحيا والموت

كانت نعمة فى هذا الوقت تغفو فى النوم بسبب بعض المسكنات التى تأخذها لتخفف عنها الألم مؤقتا

عزة......نعمة نعمة اصحى يا حبيبتى

نعمة....ايوة يا عزة

عزة....انا روحت لخالتك وهى جت معايا اهى

صفية......حبيبتى الف سلامة عليكى ليه مقولتليش من زمان ليه كنتى مختفية الوقت ده كله يا نعمة

نعمة.....الحمد لله انك جيتى يا خالتى

صفية.....انا هنقلك من هنا هوديكى مستشفى احسن من دى ليه يا نعمة متعرفنيش الا دلوقتى ليه اخبارك اتقطعت عنى بعد موت امك 

نعمة....... ماتزعليش منى كله نصيب يا خالتى

صفية....خلاص متتعبيش نفسك بالكلام ارتاحى يا حبيبتى

كانت سچى تتابع الحوار وهى لا تفهم شئ فهى تعلم ان لامها خالة ولكنها لم ترها فى حياتها هى كانت تسمع عنها من امها فقط

صفية.....انا هكلم أكرم حفيدى يبعت عربية اسعاف تنقلك من هنا بسرعة هوديكى احسن مستشفى

نعمة.....ملوش لزوم لده كله يا خالتى

صفية بحزن.....اسكتى يا نعمة انتى مش عارفة انتى غالية عليا ازاى دا انتى اللى كنتى فاضلة من ريحة امك الله يرحمها

وبالفعل قامت صفية بمهاتفته حفيدها أكرم وطلبت منه ارسال عربة اسعاف ضرورى لنقل نعمة كان أكرم مستغربا من طلب جدته ولكنه قام بارسال عربة الاسعاف الى حيث تريد جدته

صفية.....انتى يا حبيبتى بنتها

سچى.....ايوة انا سچى

صفية.....معلش اصل مشفتكيش قبل كده وعلشان كده تلاقيكى متعرفنيش

سچى.....انا كنت بسمع عنك من ماما

صفية.....خلاص لمى حاجة مامتك عربية الاسعاف زمانها جاية دلوقتى

سچى.....هنروح فين

صفية......دى مستشفى ابنى بناها وحفيدى أكرم بيدرها وهى احسن من هنا وهناك هيخدوا بالهم من أمك

سچى.....بس بس

صفية.....مفيش بس ولا حاجة يلا بسرعة يا حبيبتى لمى الحاجة

بالفعل وصلت عربة الاسعاف وطلبت صفية من الدكتور نقل نعمة من المستشفى فوافق بالرغم من انه يعرف ان حالتها الصحية سيئة ولا فائدة من نقلها ولكنه وافق 

صفية .....خلاص يا حبيبتى لميتى الحاجة بتاعتكم

سچى.....ايوة

صفية......يلا يا نعمة عربية الاسعاف وصلت

قامت سچى وعزة باسناد نعمة حتى وصلت الى عربة الاسعاف التى أرسلها اكرم

عزة.....نعمة انا هروح دلوقتى وابقى اجيلك المستشفى هشوف العيال وابقى اجيلك

نعمة...تسلمى يا عزة على تعبك

عزة....تسلمى يا حبيبتى وربنا يشفيكى وانا هبقى اكلم سچى اعرف منها عنوان المستشفى سلام عليكم

سچى....وعليكم السلام لو سمحتى يا طنط عزة خدى مفتاح الشقة علشان القطة لوحدها ممكن بس تحطيلها أكل ليجرالها حاجة ودى روح زينا

عزة.....بس كده حاضر يا حبيبتى

انصرفت عزة الى منزلها وركبت سچى مع والدتها عربة الاسعاف وركبت صفية السيارة التى اتت بها

تم نقل نعمة الى المشفى الخاص الذى يديره أكرم فاستغربت سچى من المستشفى فهى مستشفى خاص على اعلى مستوى من حيث التجهيزات

قابل اكرم جدته وسچى فظل يفكر ما علاقة جدته بهذه الفتاة وامها فهو فى حياته لم يرى تلك المرأة او ابنتها

أكرم بتساؤل......تيته مين دى وتعرفيها منين؟

صفية.....دى سچى بنت نعمة

أكرم......نعمة مين؟

صفية.....بنت اختى

أكرم باندهاش.....بنت أختك انا اول مرة اسمع الكلام ده واول مرة اعرف ان ليكى بنت اخت

صفية.....مش وقته يا أكرم الكلام ده روح دلوقتى شوف نعمة واعملها اللازم كله 

أكرم..... حاضر هروح انا اسف يا انسة اهلا بيكى والف سلامة على مامتك

سچى.....اهلا يا دكتور والله يسلمك

تم حجز نعمة فى غرفة خاصة بها جميع وسائل الراحة 

نعمة بامتنان.....تسلميلى يا خالتى يارب

صفية....تسلمى يا حبيبتى وربنا يشفيكى ويشيل عنك ان شاء الله

نعمة.....خالتى انا كنت بعتالك علشان عايزة منك خدمة 

صفية.....اؤمرى يا حبيبتى عايزة ايه اطلبى اى حاجة انتى عيزاها وانا هعملهالك

نعمة......سچى يا خالتى

صفية.....مالها سچى فيها ايه

نعمة بدموع......لو جرالى حاجة سچى امانة فى رقبتك خليها معاكى 

صفية.....متقوليش كده انتى هتخفى وهتقومى وتفرحى بيها ان شاء الله

نعمة..... اوعدينى انك متسيبهاش مش عيزاها تتبهدل بعد انا ما اموت

سچى بدموع......متقوليش كده يا ماما ربنا ما يحرمنى منك

نعمة.....لكل أجل كتاب ومحدش بيموت ناقص عمر ودى إرادة ربنا وملناش دخل فيها

صفية.....بعد الشر عليكى يا حبيبتى ارتاحى بس يا نعمة ومتفكريش فى حاجة

نعمة.....اوعدينى يا خالتى انك هتاخدى بالك منها متخليش ابوها ياخدها بلاش ابوها ياخدها تعيش عنده يا خالتى

صفية.....هو فين ابوها انا مش شيفاه هو مش موجود معاكم ليه

نعمة.....ابوها سابنا من زمان واتجوز وتقريبا مبيسألش علينا الا قليل جدا ومراته ممكن تبهدل سچى لو راحت تعيش معاهم دى واحدة قوية وبتكرهنا ولو سچى عاشت معاهم هتتعبها وتقرفها فى عيشتها هى مش بطيقنا اصلا

صفية.....اطمنى يا نعمة بنتك فى عينيا بس عيزاكى دلوقتى ترتاحى ومتفكريش فى أى حاجة اهم حاجة دلوقتى انك ترتاحى ومتتعبيش نفسك

نعمة براحة.....تسلميلى يا خالتى كنت عارفة ان مفيش حد هيحافظ على بنتى ويصونها غيرك انتى

صفية......اوعدك سچى هتبقى عندى زى ولاد ماهر ابنى

شعرت نعمة بالاطمئنان والراحة من كلام خالتها فهى تعرف ان قلبها طيب وهى من ستحافظ على سچى من ابيها وزوجته الثانية

صفية....سچى لو محتاجة اى حاجة أكرم موجود فى المستشفى اطلبى منه وانا ان شاء الله كل يوم هاجى اشوفكم ولو محتاجة اى حاجة من برا قوليلى اجبهالك معايا

سچى.... متشكرة جدا على تعبك معانا وربنا يقدرنى وارد جميلك

صفية....جميل ايه بس يا بنتى دا احنا أهل وامك كنت بعتبرها زى بنتى بس الايام فرقتنا ومكنتش حابة لما اقابلها تانى تكون تعبانة بالشكل ده بس ربنا قادر على كل شيء

*************************

فى منزل ماهر زيدان

كان رائف بدأ جلسات العلاج الطبيعى بقلب مدمى على حاله الذى وصل اليه ولكنه بسبب طبيعة عمله وانه كان ظابط صاعقة استخدم قوة إرادته بالرغم من انه فى معظم الاحيان يريد ان يصرخ باعلى صوته فهو لم يعد يحتمل كل هذا ولكنه كرجل لا يقبل على نفسه اظهار ضعفه امام الآخرين

الدكتور......تمام كده يا رائف النهاردة

رائف بعصبية......هو ايه اللى تمام حضرتك نفسى اعرف فين التحسن اللى انا فيه

الدكتور.....يعنى انت مش شايف اى تحسن خالص يا رائف

رائف......تحسن فى ايه انى سيبت الكرسى المتحرك وماشى بعكازين هو ده التحسن فى نظرك

الدكتور......مفيش حاجة بتحصل بين يوم وليلة كل حاجة بتاخد وقت فانت لازم يبقى عندك الصبر والارادة علشان تقدر تعدى المرحلة دى

رائف بنفاذ صبر.....كله عمال يقولى اصبر اصبر اصبر لحد امتى اصبر ها لحد ما شبابى وعمرى يروح

الدكتور.....كده مينفعش يا رائف لازم نفسيتك تكون كويسة بلاش تضغط على اعصابك بالشكل ده انت كده بتهد اللى بنبنيه

رائف.....لو سمحت انا عايز ارتاح انا تعبت النهاردة كفاية كده

الدكتور....خلاص انا هسيبك النهاردة ترتاح ونتقابل بكرة ان شاء الله بس ياريت تحاول تهدى شوية علشان خاطر نفسك حتى

رائف بنفاذ صبر....ان شاء الله مع السلامة يا دكتور

الدكتور....الله يسلمك

خرج الدكتور من غرفة رائف قابل هدى وهو فى طريقه الى الخارج فهى تعلم ان الجلسة اليوم لم تمر مرور الكرام بسبب عصبية رائف الزائدة

هدى.....هو انتوا خلصتوا النهاردة بدرى يا دكتور ولا ايه

الدكتور.....رائف للاسف حالته النفسية بتسوء زيادة يا مدام هدى 

هدى.....طب نعمل ايه معاه يا دكتور 

الدكتور..... انا بحاول اعمل معاه اللى اقدر عليه بس بالنظام ده مش هيبقى فى تقدم فى حالته هو اه ابتدى يسيب الكرسى المتحرك بس ضغطه على اعصابه بالشكل ده هيخليه يتأخر فى انه ممكن يخف اسرع من كده

هدى.....ربنا يصلح الحال واسفة لو كان رائف اتعصب عليك 

الدكتور..... محصلش حاجة وعن اذنك وان شاء الله اجيله بكرة

هدى....ان شاء الله يا دكتور مع السلامة

الدكتور.....الله يسلمك

دخلت هدى لابنها فى غرفته فهى لا تعرف ماذا تفعل حتى تخفف عنه او تجعله يتصرف بدون غضب او عصبية

هدى بحنان....حبيبى اجبلك حاجة تشربها يا قلبى اجبلك عصير انا عارفة انك بتحب عصير الفراولة وانا خلتهم يعملهولك مخصوص

رائف....شكرا يا ماما مش عايز حاجة مليش نفس

هدى.....وبعدين يا حبيبى

رائف.....فى ايه يا ماما

هدى....فى حالتك دى يا رائف

رائف بوجع......عيزانى اعمل ايه انا مستقبلى وحياتى خلاص ضاعوا حتى البنت اللى حبتها والمفروض انها خطيبتى مبتسألش عنى زى ما تكون بتقولى افهم انت مبقتش مناسب ليا او لأى واحدة تانية انت خلاص انتهيت يا رائف بالنسبة لي

هدى.....متقولش كده يا حبيبى انت اى واحدة تتمناك وانت ضفرك برقبتها وكويس انها غارت بعيد عنك هى مكنتش تنفعك اصلا وانت عارف ان احنا مكناش حابينك ترتبط بيها

رائف بقهر......ولا انا بقيت انفع اى واحدة خلاص يا ماما رائف خلاص حضرة الظابط خلاص مبقاش له لازمة

هدى.....متقولش كده ده اختبار من ربنا ولازم تصبر يا حبيبى

رائف.....ادينى صابر يا ماما مبقاش فى حاجة فارقة خلاص

هدى.....حبيبى انت ابنى وانت عارف غلاوتك عندنا كلنا وكفاية انك لسه موجود فى وسطنا

رائف.....ياريتنى كنت موت فى الحادثة بدل اللى انا فيه ده

هدى بحزن.....بعد الشر عليك يا حبيبى متقولش كده تانى انت بتموتنى بكلامك ده يا رائف

رائف......مبقتش قادر استحمل يا ماما تعبت تعبت

نزلت دموعه رغما عنه عندما رأت والدته دموعه أخذته فى أحضانها وكأنه كان ينتظر ذلك فانهار فى البكاء حتى صار صوت بكاءه عبارة عن تأوهات بصوت يمزق قلب امه واخيه الصغير الذى كان يقف خارج الغرفة يستمع الى حديثهم

رائف....ااااااااااه يارب يارب مش قادر يا ماما تعبت خلاص

هدى.....اهدى يا قلب امك مش كده كفاية يا حبيبى

دخل شادى ودموعه على وجهه اقترب من اخيه يحتضنه بقوه هو الآخر

شادى.....اهدى يا ابيه احنا جنبك ومش هنسيبك ابدا

هدأت عاصفة الوجع الذى اجتاحت جميع حواسه والتى فطرت قلب امه واخيه الصغير

رائف......معلش سيبونى عايز ارتاح

شادى .......لاء مش هسيبك انا بقالى كتير منمتش جنبك فاكر لما كنت بتاخدنى فى حضنك وتنيمنى يا أبيه

رائف......انت كبرت يا شادى مبقتش صغير

شادى.....بس معاك هفضل العيل الصغير اللى انت كنت بتشيله وبتجبله الشوكولاته من ورا ماما

هدى بمزاح...... يعنى كنتوا بتستغفلونى بقى وانا كنت اقول لنفسى شادى مبقاش يزن على الشكولاته ليه

رائف.....كان بيصعب عليا لما كان بيعيط

شادى.......ايه بقى يا ست ماما هو مفيش اكل فى البيت ده ولا ايه ولا اروح اكل رحيق ذرى

افلتت ابتسامة من رائف فهو يعلم ان اخيه يحاول التخفيف عنه بالمزاح فشادى دائما كان سبب ابتسامة رائف 

شادى......ايوة كده يا ابيه وحشتنى ابتسامتك

هدى.....مش عايزة ابتسامتك دى تختفى يا رائف وانت يا شادى خليك مع اخوك

شادى.....ما تخافيش يا جميلة الجميلات انا خلصت امتحانات وقاعدلكم افرقعلكم فى البيت

رائف.....بلاش فرقعة مش هلحق اجرى يا شادى

شادى....حبيبى يا ابيه متخافش انت فى امان معايا الفرقعة هتبقى فى الجنينة

هدى بنظرة حب.......ربنا ما يحرمنى منكم يا حبايبى وتفضلوا سند لبعض على طول

*********************************

قامت أروى بالاتصال على سچى للاطمئنان عليها فهى لم تراها منذ ان انتهت من تأدية الامتحانات

أروى.....سچى عاملة إيه يا حبيبتى واخبارك ايه

سچى بصوت مخنوق.... الحمد لله يا أروى

أروى.....مال صوتك فى ايه

سچى بدموع......ماما تعبانة اوى ومحجوزة فى المستشفى

أروى.....مالها طنط نعمة الف سلامة عليها

سچى..... تعبانة اوى ادعيلها يا أروى

أروى.....طب انتوا فى مستشفى ايه اجيلك انا وبابا

اخبرتها سچى بعنوان المستشفى قامت اروى سريعا وارتدت ملابسها وذهبت الى ورشة والدها

حامد.....خير فى ايه يا أروى

أروى.....بابا طنط نعمة تعبانة اوى ومحجوزة فى المستشفى

حامد.....مين اللى قالك

أروى.....اتصلت بسچى وقالتلى على كل حاجة

حامد.....طب استنى اقفل الورشة ونروح هى قالتلك على عنوان المستشفى 

أروى......ايوة قالتلى عليه

قام باغلاق الورشة وصرف العاملين وذهب هو وابنته الى المستشفى ليرى زوجته الاولى ماذا حدث لها

وصلوا إلى المستشفى واستعلموا عن الغرفة بالرغم من استغراب حامد كيف لنعمة ان تأتى بمصاريف تلك المستشفى

وصلوا الى الغرفة قاموا بدق الباب فتحت سچى الباب وجدت والدها واختها على الباب

أروى بلهفة......سچى 

سچى.....اتفضلوا

حامد.....فى ايه يا سچى مالها امك

سچى بجمود......زى ما انت شايف تعبانة

نظرت اليه نعمة نظرات متعبة فهو لم ينصفها فى حياته فالشخص الذى كان من المفترض ان يكون لها الامان والسند تركها تواجه مصيرها المحتوم فى هذه الدنيا

حامد......الف سلامة عليكى يا نعمة

نعمة.....الله يسلمك وتشكر لسؤالك

حامد..... طب ما اتصلتوش ليه تقولولى

نعمة.....على اساس انك بتسأل علينا أوى يا حامد

حامد.....مش وقته الكلام ده يا نعمة

نعمة.....على رأيك مبقاش ليه لزوم الكلام ده دلوقتى

أروى....الف سلامة عليكى يا طنط نعمة

نعمة.....تسلمى يا بنتى

حامد....بس انتى جيتى المستشفى دى ازاى

سچى.....وهو ده اللى هامك حضرتك دلوقتى احنا جينا المستشفى دى ازاى

نعمة.....دى رحمة ربنا بعباده هو اللى بيسبب الأسباب

حامد.....مش فاهم حاجه

نعمة....المستشفى دى تبقى بتاعة حفيد خالتى صفية

حامد....خالتك صفية وانتى وصلتها ازاى انتى بقالك زمن العلاقات مقطوعة بينكم

نعمة.....وصلتلها يا حامد ومش بس كده وصيتها لو جرالى حاجة تاخد سچى معاها

حامد..... يعنى ايه تاخدها معاها ومين قالك انى هسمح بكدة

نعمة بدموع.....بص يا حامد اعتبر ده رجاء منى متخليش بنتى تقعد مع فادية دا اول واخر طلب هطلبه منك سيب خالتى صفية تأخد سچى وانت ابقى اطمن عليها هى مش هتمنعك بس سچى هتكون عندها فى الحفظ والصون

امام دموع نعمة اضطر حامد للاذعان الى طلبها فهى لم تطلب منه شئ طوال حياتها فكفى ما فعله بها

حامد.....خلاص يا نعمة اللى انتى عوزاه هيحصل

لاتعرف سچى احساسها فى هذه اللحظة فوالدها لم يتمسك بها او انه اصر عليها ان تبقى فى حمايته ولكنه وافق على ان تعيش وسط ناس غرباء لم تراهم فى حياتها ولكن تذكرت منذ متى ووالدها يهمه أمرها

*************************

فى منزل ماهر زيدان

كان افراد الأسرة مجتمعين لتناول العشاء عندما لاحظ ماهر ان والدته شاردة وليست على طبيعتها فحالتها تدل على ان هناك امر هام يشغلها

ماهر.....مالك يا امى فى ايه

صفية....سلامتك يا حبيبى

ماهر.....حاسس زى ما يكون فى حاجة مضيقاكى

أكرم.....دا تلاقيه بسبب بنت اختها

ماهر باستغراب.....بنت اختك مين انتى ملكيش غير بنت اخت واحدة نعمة

اكرم......ماهى دى يا بابا

هدى......ودى مالها فيها ايه

ماهر.....دى بقالها زمن محدش شافها ولا يعرف عنها حاجة

صفية بحزن.....نعمة بتموت يا ماهر

ماهر.....لاحول ولاقوة الا بالله ليه مالها

اكرم....للاسف عندها كانسر وفى المرحلة الأخيرة يعنى يعتبر بتقضيها أيام

هدى....لا اله الا الله ربنا قادر يشفيها

رائف.....وهى مالهاش حد غيرك يا تيتة

صفية.....جوزها متجوز عليها وسايبها هى وبنتها

ماهر.....هى عندها بنت

صفية....ايوة اسمها سچى وهى مأمنانى أمانة ان لو جرالها حاجة اخد بالى من بنتها ومخليش ابوها يا خدها

رائف.....ليه يعنى ده ابوها هو هياكلها

صفية....اللى عرفته ان مرات ابوها ست مش سهلة والبنت ممكن تتمرمط معاها وانتوا مشفتوش البنت دى عاملة ازاى

شادى......ليه مالها البنت دى يا تيتة

صفية....عاملة زى الملايكة يا شادى ادب واخلاق وصوتها وهى بتتكلم من خجلها متسمعوش

اكرم......فعلا انا شفتها بنت محترمة اوى وهادية جدا وبتتكلم وهى باصة فى الأرض

هدى..... ما شاء الله ونعم التربية 

ماهر......بكرة ان شاء الله هاجى معاكى انا وهدى علشان ازور نعمة فى المستشفى

صفية....ان شاء الله يا حبيبى

لايعرف رائف لماذا ظل اسمها عالق بذهنه وايضا حديثهم عن اخلاقها فزاد فضوله ان يرى تلك الفتاة التى يتحدثون عنها فهل حقا فى هذا الزمان يوجد فتيات بهذه الاخلاق ولا هذا كله مجرد قناع ترتديه امام الآخرين

*************************

فى المستشفى

كانت سچى جالسة طوال الوقت بجانب امها وهى ممسكة بكتاب الله تقرأ منه لوالدتها بصوتها العذب وعندما حان وقت صلاة الظهر قامت سچى توضأت وبسطت سجادة الصلاة وبدأت صلاتها كانت والدتها قد غفت فى النوم

وصل ماهر وهدى وصفية الى المستشفى قامت صفية بفتح باب الغرفة رأت هدى سچى تصلى فمنعت زوجها من الدخول

هدى.... ماهر استنى هنا البنت بتصلى مينفعش تدخل دلوقتى

ماهر....ماشى لما تخلص نادى عليا ادخل 

دخلت هدى وصفية الى الغرفة وجلس ماهر على أحد الكراسى الموضوعة امام الغرفة انتظروا حتى انتهت سچى من صلاتها 

عندما وقع نظر هدى على سچى لا تعرف سر الارتياح الذى شعرت به فهى فتاة حقا جميلة وجدت نفسها تبتسم لها لا اراديا

صفية..... حرما يا حبيبتى

سچى.....جمعا ان شاء الله

صفية....دى هدى مرات ابنى وتبقى ام الدكتور أكرم

سچى بابتسامة..... اه اهلا تشرفنا بحضرتك

هدى....الشرف ليا الف سلامة على مامتك ربنا يشفيها ويعافيها يارب

سچى....الله يسلمك وانا متشكرة جدا على اللى انتوا عملتوه معانا

هدى....متقوليش كده يا حبيبتى 

صفية.....دا امك دى انا اللى كنت مربياها ولما اتجوزت وجدتك ماتت اختفت مرة واحدة 

سچى....معلش الدنيا تلاهى 

هدى.....كل شئ بميعاد ربنا هو اللى بيسبب الاسباب

سچى....ونعم بالله اتفضلوا اقعدوا اطلبلكم حاجة تشربوها

صفية....تسلمى يا حبيبتى 

لا تعرف هدى لماذا تنظر اليها بهذا الشكل فهى منذ ان رأتها شعرت انها احبت تلك الفتاة هل بسبب انها لم تنجب فتاة وإنها كانت تتمنى ان يكون لها فتاة تربيها كتربية سچى

دخل ماهر الغرفة بعض مرور بعض الوقت فلماذا لم تنادى عليه زوجته او امه

ماهر.....فى ايه انتوا نسيتونى ولا ايه فى حاجة حصلت

هدى..................................

*****************************

رأيكم يا حلوين

لا أحد سواك ( رائفى)

البارت الخامس

دخل ماهر الغرفة بعض مرور بعض الوقت فلماذا لم تنادى عليه زوجته او امه

ماهر.....فى ايه انتوا نسيتونى ولا ايه فى حاجة حصلت

هدى..... معلش يا حبيبي الكلام اخدنا ونسيت انادى عليك

استيقظت نعمة على الاصوات فى الغرفة فرأت ابن خالتها وزوجته وأمه

ماهر.....الف سلامة عليكى يا نعمة ربنا يشفيكى ويعافيكى يارب

نعمة بصوت منخفض......الله يسلمك وتسلم يارب

هدى..... احنا قولنا نيجى نشوفك والف سلامة عليكى وربنا يشفيكى

نعمة..... تسلموا يا رب من كل شر وتسلموا على اللى انتوا بتعملوه معانا

ماهر.....متقوليش كده احنا اهل هى العسولة دى بنتك

نعمة بطيف ابتسامة.....ايوة دى سچى

ماهر....اهلا يا سچى الف سلامة على مامتك

سچى بخجل.....الله يسلمك واهلا بحضرتك نورتونا

ماهر.... وانتى بتدرسى فى كلية ايه يا سچى

سچى....بدرس فى كلية علاج طبيعى

هدى....ماشاء الله ربنا يوفقك يا حبيبتى

سچى بخجل.....شكرا

لاحظت هدى فعلا انها تتحدث وهى ناظرة الى الأرض ووجهها يكاد ينفجر منه الدماء من فرط خجلها فابتسمت لها فهى تشعر انها احبت تلك الفتاة فهى كانت تتمنى ان يكون لديها ابنة ولكن الله قد رزقها باولادها الثلاثة

ماهر.... طب انتوا محتاجين اى حاجة انتوا بس تؤمروا 

نعمة....ربنا يباركلك يا رب

صفية.....لو محتاجة اى حاجة يا حبيبتى قولى متنكسفيش

نعمة......ربنا يخليكوا وتسلموا على زيارتكم

بعد ان قضى ماهر وزوجته وامه بعض الوقت فى المستشفى للاطمئنان على نعمة وابنتها انصرفوا عائدين إلى المنزل

**********************

فى منزل ماهر زيدان

كان رائف وشادى فى الغرفة المخصصة لعمل الجلسات العلاجية الخاصة برائف لاحظ شادى ضيق رائف فهو يعلم ان أخيه يصيبه السأم بسبب هذه الجلسات التى لا يرى منها فائدة ولكنه يفعلها لارضاء والديه

الدكتور.....تمام كده النهاردة كده احنا خلصنا النهاردة

شادى......فى تحسن يا دكتور

الدكتور.......ايوة طبعا بس لو رائف يبطل عصبية ونرفزة يبقى احسن

رائف بعصبية.......وانا عملت ايه ما انا بعمل الجلسات وانا ساكت اهو ومتكلمتش

شادى....مش كده يا ابيه ميصحش كده

الدكتور....وهو ده اللى بقول عليه انك بتعمل الجلسات تقضية اوامر مش برغبة منك 

رائف بنرفزة.... اظن انك ملكش حق تدخل فى رغباتى انتى تشوف شغلك وبس انت فاهم

شادى باحراج.....سورى يا دكتور على عصبية اخويا

الدكتور.....انا مقدر حالته واللى هو فيه عن اذنكم

شادى.....مع السلامة يا دكتور

خرج الدكتور من غرفة رائف نظر شادى لاخيه بعتاب بسبب ما يفعله

شادى....احنا قولنا ايه يا ابيه وبعدين بقى 

رائف.....فى ايه انت كمان

شادى.....انت بقيت عصبى جداً يا ابيه

رائف..... اوووووف كله عمال يقول عصبى ومحدش حاسس باللى انا فيه

شادى....والله يا ابيه عارفين وحاسين وعايزين نساعدك بس انت مش بتساعد نفسك

رائف.....كفاية كلام يا شادى اسكت بالله عليك انا مش ناقص اللى فيا مكفينى

دخلت امه وجدته للاطمئنان عليه بعد عودتهم من المستشفى

هدى.....حبيبى عامل ايه دلوقتى يا قلب ماما

رائف.....الحمد لله يا ماما

صفية....هو الدكتور مشى ولا ايه يا شادى

شادى....ايوة مشى بس بعد ما ابيه اداله دش بارد كالعادة وخلاه خارج قفاه يقمر عيش من الإحراج

هدى....وبعدين يا رائف فى اللى انت بتعمله ده هو ده اتفاقنا مع بعض

رائف باحباط.....فى ايه يا ماما بس انا معملتش حاجة هو اللى بيدخل فى حاجات ملوش فيها

شادى.....هو عايز يساعدك يا ابيه علشان تخف بسرعة

رائف بعصبية..... خلاص بقى بالله عليكم ارحمونى شوية انا مبقتش مستحمل كلام من حد

هدى..... خلاص هنسيبك ترتاح بس حاول يا حبيبى تبطل عصبية

سكت رائف ولم يكن يرغب فى ان يتكلم فالكلام أصبح يوجعه اكثر من السكوت

شادى....صحيح قريبتك يا تيتة عاملة ايه دلوقتى

صفية بأسف.....والله دى تعبانة اوى يا شادى وحالتها صعبة اوى

هدى.....ربما يشفيها دى صعبت عليا اوى فعلا ربنا يشفى كل مريض

شادى.....وبنتها عاملة ايه هى كمان

هدى.... الحمد لله دى طلعت بنت يا شادى الله اكبر عليها ادب واخلاق وتدين وهى عسولة

شادى بمزاح.... حلوة يعنى يا ماما علشان تجوزيهالى وتفرحى بيا

هدى.....هههه بس دى اكبر منك يا شادى

شادى....يا خسارة يا ماما ليه كده تواجهينى بالحقيقة ههههه

هدى....بس انت خلص كليتك الأول يا فالح

رائف......هو بابا فين هو مش كان معاكم فى المستشفى

هدى.... بابا رجع الشركة يخلص شغل مهم 

صفية.....انا هطلع ارتاح شوية عن اذنكم

هدى.....اتفضلى يا ماما

اجبلكم حاجة تاكلوها يا حبايبى

شادى....ياريت يا ماما والله انا شايف ديك رومى فى التلاجة ياريت تجبيه نتسلى فيه كده شوية

رائف....هتتسلى بديك رومى بحاله

شادى....هنقنق كده على ما بابا وابيه اكرم ييجوا انت عارف بقى انى بجوع بسرعة

هدى....ههههه خلاص هخليهم يعملولكم شوية ساندوتشات تتسلوا بيها وابعتلكم معاها عصير الفراولة اللى رائف بيحبه

شادى بمزاح.....ياريت يا ماما يكون برميل عصير الجو حر اهى حاجة تطرى على قلب الواحد

ابتسم رائف على كلام شادى فهو لا يمل من المزاح والضحك طوال الوقت

***********************************

فى النادى

كانت تجلس مايا كعادتها مع اصدقائها فى النادى غير مبالية بأحد سوى نفسها فقط

نيللى......يعنى انتى يا مايا مشفتيش رائف خالص بعد الحادثة ولا روحتى اطمنتى عليه لما رجع البيت

مايا ببرود......لا مشفتوش من ساعة ما قالى على اللى حصله وانه ممكن ميقدرش يمشى على رجله

نيللى.....ازاى يعنى ده خطيبك وانتى لازم تطمنى عليه دى الحادثة بقالها حوالى ٣ شهور ده كله ومبتسأليش عليه خالص ليه كده يا مايا

وائل.....يعنى انتى عيزاها تدفن عمرها وشبابها مع واحد مبيمشيش وعاجز انتى هبلة ولا ايه دى تعيش أميرة مش تعيش معاه ممرضة تخدمه

نيللى.....هو انتى مش بتحبيه يا مايا

مايا...... اظن هو فهم دلوقتى ان اللى بينا انتهى خلاص انا مقدرش اتحمل ده كله وانتى عارفة انا مليش فى جو التضحيات ده

نيللى.....دا انتى طلعتى انانية اوى معقولة فى كده

مايا......دا انتى بقى صحيح زى ما قال وائل ان كانت عينك منه 

وائل....مش قولتلك مصدقتيش انتى مشفتيش كانت بتبصله ازاى

نيللى.....ياريت تخرس انت يا استاذ لولو بلاش انتى تتكلم أحسن وانت اصلا الواحد يحس انك لا مؤاخذة يعنى متفرقش كتير عن البنات

مايا.....على العموم يا حبيبتى اهو عندك اشبعى بيه انا خلاص مبقتش عيزاه لو عيزاه اتفضليه بالهنا والشفا على قلبك يا روحى

نيللى.....حد قالك انى باخد فضلتك يا مايا انا كان بس صعبان عليه انه حبك وانتى فى اول اختبار ليكى بعدتى واتخليتى عنه ومهتمتيش بحاجة غير نفسك وبس

مايا.....ياريت بلاش الحكم والمواعظ دى خليها لنفسك تنفعك احسن مش انتى اللى هتحاسبينى او توعظينى يا ست نيللى

وجدت مايا هاتفها يرن ولم يكن سوى الشاب المدعو هانى الذى تعرفت عليه مؤخرا واصبحوا اصدقاء

مايا بابتسامة......هاى يا هانى

هانى....انتى فين كده

مايا.....فى النادى مش هتيجى ولا ايه

هانى..... شوية وجايلك يا قمر

مايا.....ماشى تعال بسرعة ومتتأخرش باى

هانى.....باى 

نيللى بسخرية......مضيعتيش وقتك سيبتى رائف لقيتى بديل بس يا خسارة البديل اللى لقتيه ميجيش حاجة فى رائف

مايا.....على فكرة انا ابتديت اتخنق منك لو كده بلاها الصحوبية دى خالص انتى زهقتينى

نيللى....على رأيك انا منفعش اصاحب واحدة زيك انانية ومعندهاش دم ولا اخلاق

قامت نيللى وتركت مايا مذهولة من كلامها فمن تكون حتى توجه لها هذا الكلام

وائل......سيبك منها دى بت حقودة وبتغير منك علشان انتى احلى منها

مايا....انا اللى غلطانة انى صاحبت واحدة زيها اصلا 

وائل....متفوريش دمك اهى غارت فى داهية

مايا.....فى ستين داهية انا مش عارفة ايه الاشكال دى لاء وكمان عمال تدينى حكم ونصايح

وائل......هبلة اصلها مش عارفة انك أميرة وهتفضلى أميرة على طول غيرة بنات بقى يا ستى المهم متزعليش نفسك انتى

*************************

فى منزل حامد راضى

كانت أروى حزينة بسبب حالة اختها وزوجة ابيها بعكس امها الذى لا يبدو على التأثر بأى شىء فهى لم تفكر ان تقوم بزيارتها مرة على الأقل 

أروى......ماما انتى مش هتروحى تشوفى طنط نعمة فى المستشفى

فادية.....واروح ليه يعنى هى بتحبنى اوى اروحلها ولا بطيق تبص فى وشى

حامد.....بس دى تعبانة اوى ومحدش ضامن عمره يا فادية

فادية بلامبالاة....ربنا يشفيها يا سيدى عايز حاجة تانية بقى

أروى.....سچى صعبانة عليا أوى نفسيتها تعبانة خالص بسبب حزنها على مامتها

فادية.....ميصعبش عليكى غالى يا حبيبتى صحيح يا حامد لو نعمة ماتت بنتك هتروح فين وهتعيش فين

أروى.....خليها يا بابا تيجى تعيش معانا هنا مينفعش نتخلى عنها او نسيبها فى محنتها

فادية.....نعم تيجى فين يا حبيبتى ان شاء الله ايه اللى انتى بتقوليله ده يا بت انتى 

حامد.....ريحى دماغك يا فادية ومتخافيش اوى كده نعمة موصيانى لو جرالها حاجة انى اخلى خالة نعمة تاخد سچى تعيش عندها

فادية....خالة نعمة مين دى كمان

حامد.....دى خالتها الوحيدة وهى موصياها على سچى انها تخلى بالها منها لو جرالها حاجة

فادية باطمئنان......طيب اذا كان كده ماشى

أروى باستهجان....ارتحتى لما سمعتى انها مش هتيجى هنا مع ان ده بيت ابوها واولى بيها

فادية.....بيت ابوها مين يا عنيا ده بيتى انا وانتى بقيتى تقلى ادبك احترمى نفسك احسن ما اربيكى من اول وجديد

*********************************

فى المستشفى

ذهبت ريهام للاطمئنان على سچى ووالدتها بعد ان علمت انها محجوزة فى المستشفى بسبب تدهور حالتها الصحية

ريهام....الف سلامة عليكى يا طنط نعمة ربنا يشفيكى يارب

نعمة....الله يسلمك يا بنتى 

ريهام.....عاملة ايه يا سچى دلوقتى

سچى.....الحمد لله نحمد ربنا يا ريهام 

ريهام.....انا لما عرفت جيت اطمن عليكى وكمان افرحك ان النتيجة طلعت

سچى....بجد وعملنا ايه فى النتيجة

ريهام..... الحمد لله يا سچى نجحنا

سچى.....والتقدير ايه يا ريهام

ريهام.... التقديرجيد جداً لينا احنا الاتنين

سچى.....الحمد لله الف حمد وشكر ليك يا رب الحمد لله

نعمة....الف مبروك يا حبايبى عقبال التخرج ان شاء الله

ريهام...تسلمى يا طنط وربنا يشفيكى يارب ويعافيكى

نعمة.....تسلميلى يارب

بعد اطمئنان ريهام عليهم عادت الى منزلها كانت سچى سعيدة بنجاحها ولكنها ايضا حزينة على حال والدتها فكل يوم تسوء حالتها الصحية أكثر مما يتسبب فى زيادة القلق والخوف فى قلب سچى فهى لا تتصور ان يأتى يوم ولاترى فيه وجه والدتها الحبيبة

سمعت صوت أذان العشاء قامت توضأت وصلت فرضها كعادتها وبعد ان انتهت سمعت صوت والدتها تنادى عليها

نعمة بصوت منخفض......سچى سچى

سچى....ايوة يا ماما عايزة حاجة يا حبيبتى

نعمة....عايزة اتوضا علشان اصلى انا كمان

سچى....بس انتى مش هتقدرى تقومى انا هجبلك حاجة تتوضى وانتى على السرير ماشى

ساعدتها سچى فى ان تتوضأ وجلست نعمة على السرير وادت صلاتها وبعد ان انتهت نادت على سچى لتجلس جوارها

نعمة....سچى حبيبتى انا عيزاكى تاخدى بالك من نفسك

سچى بقلق.....بتقولى ليه كده يا ماما

نعمة.....انا عيزاكى تسمعى كلام خالتى صفية ماشى يا حبيبتى

سچى....في ايه يا ماما متقلقنيش عليكى والنبى

نعمة.....اسمعى كلامى يا سچى انتى معاها هتبقى فى الحفظ والصون وربنا يا بنتى يكتبلك الخير والسعادة دايما اوعدينى يا سچى انك تسمعى كلامها ولو مت يا سچى ابقى خليهم يدفنونى جنب امى الله يرحمها

سچى بدموع......متقوليش كده محدش هياخد باله منى غيرك انتى يا حبيبتى ان شاء الله ربنا هيشفيكى وتقوميلى بالسلامة

نعمة..... المهم يا حبيبتى زى ما وصيتك اسمعى كلامها ماشى 

سچى بدموع..... حاضر يا ماما هسمع كلامها

نعمة بابتسامة رضى......انا دلوقتى ارتحت اناعايزة انام

سچى....نامى يا حبيبتى ولو عاوزة حاجة تنادى عليا

نطقت الشهادتين بصوت منخفض واغمضت عينيها بابتسامة على وجهها وقد أذن الله لها بالرحيل عن هذا العالم

كانت سچى جالسة وهى تبكى وتنظر الى والدتها ولم تكن تعلم ان امها قد فارقت الحياة فهى ظنت انها نائمة ولكن شعور غريب أصابها جعلها تقترب منها وهى تنادى عليها

سچى....ماما ماما 

نعمة.................

سچى بدموع.....ماما ردى عليا انتى مبترديش عليا ليه ماما ماما

ولكن لايوجد رد مسكت يدها وعندما افلتت يدها سقطت يد نعمة على الفراش معلنة ان امها قد فارقت الحياة وصعدت روحها الى بارئها

جرت سچى بصدمة الى خارج الغرفة لتجد طبيب ليرى والدتها وجدت أكرم

سچى بلهفة.....دكتور أكرم لو سمحت تعال معايا شوف ماما فيها ايه

ذهب أكرم معها بسرعة الى الغرفة قام بالكشف عليها وعلى وجهه علامات الاسف ولكنها علمت من تعابير وجهه بانه سيخبرها الأن بما سوف يحطمها

سچى برجاء.....ابوس ايدك بلاش تقول انها ماتت

أكرم بأسف.....انا اسف البقاء لله

سچى.... لااااااء ماما ردى عليا هتسبينى لمين ماما ماما

أكرم.....مينفعش كده لكل أجل كتاب شدى حيلك

قام أكرم بالاتصال على والده واخبره بما حدث فذهب هو وأمه وزوجته الى المستشفى وايضا ذهب والد سچى واختها أروى

كانت سچى كانها مغيبة عن العالم ولا تدرى بأى شىء يحدث حولها فهذه اطول ليلة مرت عليها فى عمرها بأكمله

وعندما اتى الصباح كانوا قاموا بتجهيز نعمة لمؤاها الاخير وتم دفنها بجانب والدتها حسب رغبتها

كانت سچى واقفة كالاموات فهى ترى من حولها وكأنهم أطياف فهى تعلم شىء واحد ان من كانت تنير حياتها قد ذهبت الى غير عودة

بعد ان تم دفن والدتها الحبيبة وذهب الحاضرين جثت على ركبتيها امام قبر امها بعيون باكية فهى تشعر ان روحها قد غادرتها

سچى ببكاء....كده يا ماما سبتينى وانتى عارفة انى مليش غيرك أعيش ازاى فى الدنيا دى من غيرك هسمع مين بيدعيلى اشوف مين بيضحك فى وشى كل يوم الصبح لما افتح عينى الله يرحمك يا ماما ويصبرنى

صفية بحنان.....قومى يا حبيبتى كفاية كده يلا علشان نمشى

سچى....ماما خلاص سابتنى فى الدنيا دى لوحدى

صفية....متقوليش كده انا جنبك وكلنا هنبقى معاكى يا حبيبتى 

قضت ايام العزاء بقلب ممزق وروح تهفو الى والدتها وعيون باكية حتى اصبحت بلون الدم 

اصرت سچى انها لن تترك منزل والدتها الا بعد مرور شهرعلى الأقل فهى تريد ان تظل مع ذكرياتها مع والدتها وافقت صفية حتى انها ظلت معها فى الشقة حتى لا تكون بمفردها 

صفية....العزا خلص يا حبيبتى يلا علشان نروح البيت عندنا

سچى....ممكن بس افضل هنا شوية انا مش هقدر اسيب البيت وامشى دلوقتى ومش همشى من هنا الا بعد شهر

ماهر.....ليه يا بنتى عايزة تقعدى لوحدك ده كله

هدى.....مينفعش تقعدى لوحدك يا حبيبتى

صفية بتفهم.....خلاص سبوها براحتها وانا هفضل هنا معاها لحد ما تبقى مستعدة انها تيجى تعيش معانا

ماهر......ماشى يا امى ولو عايزين حاجة ابقى اتصلى عليا

صفية....ماشى يا حبيبى وانتى يا هدى ابقى ابعتيلى مع السواق هدوم بكرة

هدى.... حاضر يا ماما عن اذنكم

سچى.....مع السلامة ومتشكرة جدا على وقفتكم معايا

هدى....متقوليش كده ربنا يرحمها ويصبرك يا حبيبتى

وبالفعل ظلت سچى فى منزل والدتها هى وصفية لاحظت سچى ان صفية شديدة الطيبة فهى تتعامل معها بكل ود وحب حتى ان سچى احبتها وتعلقت بها جدا فهى لم ترى جدتها والدة امها فعوضتها صفية عن هذا الإحساس

وعندما انقضت المهلة التى كانت تريدها سچى اجتمع كل من حامد وأروى وماهر وهدى وصفية

صفية......لو سمحت يا ابو سچى نعمة كانت موصيانى ان اخد سچى عندى البيت

حامد.....عارف وهى قالتلى قبل ما تموت ووصتنى انى معارضش

صفية.....انا برضو بستأذنك علشان دى الاصول

حامد....عارف يا ست صفية وانا معنديش مانع انها تروح معاكى

نظرت اليه سچى ببرود وجمود فهى لآخر لحظة كانت تتوقع انه سيرفض ان تذهب الى أى مكان اخر سوى بيته

ماهر....وانت برضو لو حبيت تطمن عليها تشرف فى اى وقت

هدى....وسچى هتبقى فى عنينا الاتنين ومتخافش عليها

حامد....عارف انكم ولاد اصول وهتحافظوا عليها

صفية.....خلاص يا حبيبتى جهزى نفسك علشان نمشى

قامت سچى وهى يكتنفها الصمت بلم اغراضها فوالدتها الحبيبة اوصتها ان تستمع لكلام خالتها وهى ايضا لايصح ان تعيش بمفردها ووالدها لم يبذل جهد فى ان يأخذها الى بيته فكل شئ يتساوى فى نظرها الآن

تأخرت فى غرفتها دخلت صفية لترى لماذا تأخرت كثيرا فى غرفتها

صفية......ايه يا حبيبتى اتأخرتى ليه

سچى بهدوء.....خلاص انا خلصت هو ممكن اخد قطتى معايا ولا حضرتك تضايقى

صفية بابتسامة......لاء يا حبيبتى دا انا حتى حبيت مشمشة خالص خلاص هاتيها معاكى

قامت سچى بوضع قطتها فى قفص صغير خاص بها حتى تأخذها معها الى ذلك المنزل التى لا تعلم حتى الآن كيف ستعيش فيه ؟

************************

كانت سچى تجلس بجوار خالة امها فى السيارة كانت تنظر من شباك السيارة كأنها تنظر إلى المجهول فكيف ستذهب وتعيش مع هؤلاء الناس وهى لم تعرفهم سوى من مدة قصيرة وجدت صفية ممسكة بيدها وكأنها تواسيها فهى تعرف ماذا تشعر به الآن

ماهر.......انتى هتنورى البيت يا سچى

سچى بصوت منخفض...... شكراً

هدى.....انتى هتبقى بنتى اللى مخلفتهاش انتى متعرفيش كان نفسى قد ايه اخلف بنت بس ربنا اراد يرزقنى باولادى الثلاثة فأنتى هتعوضينى احساس ان يكون عندى بنوتة

صفية بمزاح.....دى هتعمل جو حلو بدل الخناشير اللى احنا عايشين معاهم يا هدى

ماهر....كده يا امى احنا خناشير

هدى.....هى متقصدكش انت تقصد ولادك

ابتسمت سچى رغما عنها فهى شعرت ببعض الراحة من كلامهم وهم يبدو عليهم الطيبة 

وصلوا الى المنزل استغربت سچى من فخامة البيت فهى لا تعلم انهم اثرياء لهذه الدرجة فهم يتعاملون بتواضع شديد

هدى.....نورتى البيت والدنيا كلها يا حبيبتى

سچى..... شكراً لحضرتك

صفية.....اتفضلى ادخلى يا سچى

دخلت سچى المنزل وهى تشعر بان حياتها ستتغير لا تعلم سر هذا الإحساس المسيطر عليها

وجدت فى الصالة أكرم ومعه شاب اخر اصغر منه

أكرم.....ازيك يا انسة سچى تيتة وحشتينى

صفية.....وانت كمان وحشتنى يا حبيب تيتة

سجى....الحمد لله يا دكتور

شادى بضحك.....ايه ده انسة ودكتور انتى قوليله يا اكرم وانا معنديش مانع انك تقوليلى يا واد يا شادى عادى كده يا صفصف تسيبينى شهر بحاله

صفية.....ادينى رجعت اهو يا روح صفصف

ابتسمت سچى على كلامه ونظرت إلى الارض من خجلها بسبب كلام شادى

ماهر....فين رائف

أكرم.....فى اوضته جوا

هدى.....عمل حاجة تانى فى الدكتور النهاردة يا شادى

شادى.....كسفه واحرجه بس غير كده معملش حاجة تانى

صفية.....وانت عايزو يعمل ايه تانى

أكرم......انا الصراحة خايف الدكتور يزهق وميرضاش ييجى تانى دا اشتكالى كتير من عصبيته

كانت سچى واقفة لا تفهم شئ مما يقولونه فمن يكون رائف؟ وماذا يفعل ؟وما قصة الدكتور ؟ فخمنت ان يكون الابن الثالث لهذه العائلة فهى تعلم من هدى ان لديها ثلاثة ابناء وربما يكون رائف الاخ الصغير لأكرم وشادى

اثناء كلامهم انفتح باب احدى الغرف وخرج منه شاب يستند بثقل على عكاز رأته سچى ولكنه لم يكن شابا صغيرا بل انه اكبر من أكرم فعلمت ان تخمينها ليس فى محله فرائف هو الابن الأكبر لماهر وبالرغم من أن أكرم وشادى من ذوات القامة الطويلة الا ان رائف يفوقهم طولا ولكن ماذا حدث له؟وما الذى اوصله لهذه الحالة؟ ظلت تسأل نفسها هذه الاسئلة

اقترب منهم وعلامات الالم والوجع بادية على وجهه وخطواته بطيئة بسبب إصابته

رائف.....اهلا يا انسة نورتى البيت

سچى بتوتر..... ششكراً

فكرت سچى كيف ستعيش فى هذا البيت وبه ٣ شباب فهى لن تأخذ راحتها وستشعر انها مقيدة فماذا تفعل؟

فاقت من افكارها على صوت صفية وهى تتكلم مع زوجة ابنها

صفية.....قوليلهم يا هدى يحضروا العشا بسرعة

هدى......حاضر

ماهر.....هغير هدومى وهاجى على طول

صفية....اتفضلى يا حبيبتى اقعدى ثوانى وجاية

وجدت سچى فى موقف لا تحسد عليه فبالرغم من انها تنظر إلى الارض الا انها تشعر ان هؤلاء الثلاثة ينظرون اليها فركت يدها بتوتر شديد فلو الأمر بيدها كانت فرت هاربة من مكانها وخصوصا ذلك الجالس بكل هدوء وكأنه يراقبها بعينيه التى تشبه عيون الصقر فشعرت بالخوف يسرى فى مفاصلها 

شادى بهزار..... إيه يا بنتى انتى مبتنطقيش ليه للدرجة دى وسامتى وحلاوتى توهتك

أكرم.....بطل ياض انت هزارك الرخم ده

شادى.... انا قولت افك القعدة شوية دى عاملة زى مايكون مقبوض عليها في القسم وباين على وشها الخوف

رائف بهدوء.....بس يا شادى أسكت بقى

سمعت صوته العميق الذي يحمل فى نبراته لهجة تدل على انه يجب ان يطاع فيما يقوله فزاد خوفها

سمعوا الثلاثة صوت مواء قطة فاستغربوا فهم لا يملكون قطة فى المنزل

شادى......هو انا سامع صوت قطة ولا دى تهيؤات

أكرم.....يبقى بيتهيألى انا كمان لانى سامع صوتها

رائف.....لاء يا حبيبى انت وهو مش تهيؤات دى قطة بجد

شادى....قطة بجد فين دى

رائف....هناك اهى فى القفص الصغير اللى هناك ده

شادى...هى ماما اشترتلى قطة ولا ايه

سچى بصوت منخفض وبكسوف......دى تبقى القطة بتاعتى انا

شادى......الله انتى عندك قطة اسمها ايه

سچى باحراج.....اسمها مشمشة

ذهب شادى وجلب القفص الخاص بالقطة وقام باخراجها منه

أكرم.....دى شكلها حلو اوى

شادى......اه شوف يا ابيه رائف شكلها حلو ازاى

رائف بطيف ابتسامة.....اه هى حلوة أوى

شادى بطفولية......هو ينفع العب معاها

أكرم.....تلعب معاها ازاى يعنى

سچى.....هى مش واخده على حد غيرى ومش بتتعود على حد بسهولة

أكرم.....شوفت بقى ياريت تسكت وتبطل شغل العيال بتاعك ده

شادى....حاضر ما انا ابن البطة السودا فى البيت ده

هدى....انا بطة سودا يا شادى اخس عليك يا خسارة تربيتى فيك

شادى....انا اقدر اقول كده يا جميلة الجميلات دا انتى قمر

هدى....طب بطل بكش وروح نادى لبابا وتيتة علشان الأكل جاهز

يلا يا حبيبتى اتفضلى

على السفرة

كانت سچى تنظر الى طبقها ولا تأكل سوى لقيمات صغيرة ولكنهم لاحظوا ذلك 

صفية.....ايه يا حبيبتى الأكل مش عاجبك

سچى....لا بالعكس الاكل جميل جدا

هدى.....امال مش بتاكلى ليه دا طبقك زى ماهو

شادى.....لو مكلتيش الاكل هاكله انا انا زى التمساح فى الأكل

ماهر.....وبعدين معاك يا شادى

أكرم.....هو الصراحة مش مقصر من ساعة ما سچى جت ومش مبطل رخامة

صفية.....بس محدش يزعل حبيب قلبى ده

شادى.....شوفى مفيش غيرك انتى يا صفصف اللى ليا

هدى....بقى كده

شادى......طب هاتى بوسة يا دودو

هدى.....محدش بيقولى يا دودو غير رائف

لاحظت سچى ان جميعهم يتحدثون ماعدا رائف فهو يجلس بصمت رهيب ولم ينتبه سوى على جملة والدته

وعندما رفع نظره تقابلت عيناها بعينيه فخفضت نظرها سريعا وهى تشعر بسخونة فى وجهها فعقد حاجبيه استغرابا من تصرفها ولكنه تذكر كلامهم عنها انها من النوع الخجول

********************

فى منزل حامد راضى

كانوا يجلسون لتناول العشاء وكانت فادية تشعر بسعادة انها استطاعت ان تتخلص من نعمة وابنتها

أروى.....بس يا بابا كان لازم سچى تيجى تعيش معانا

حامد.....امها وصتنى انى اوافق انها تعيش مع خالتها

فادية....اه يا ترى هيعملوا معاها ايه اكيد هيشغلوها ويطلعوا عينها

أروى....مظنش انهم كدا دا حتى باين عليهم انهم ناس أغنياء

فادية......وانتى عرفتى منين

أروى.......العربية اللى كانوا ركبينها غالية اوى وكمان المستشفى اللى كانت فيها طنط نعمة بتاعتهم

فادية....هما صحيح اغنيا اوى كده يا حامد

حامد.....ايوة خالتها كانت متجوزة راجل غنى وابنها عنده شركات ومصانع 

فادية بغيظ...... آه يا بنت نعمة يابنت المحظوظة وهو ابنها ده عنده ولاد

أروى.....انا شفت واحد منهم دكتور على ما اظن اسمه أكرم

فادية....خلاص كلوا وبطلوا كلام مش هنفضل نتكلم عن الست الدكتورة ومزاجها طول الليل

كانت تشعر ببراكين من الغيرة عندما سمعت هذا الكلام فهى كانت تظن ان سچى سوف تعانى فى حياتها بعد موت أمها

************************

فى منزل ماهر زيدان

كانوا انتهوا من تناول العشاء وكانت سچى لا تعرف كيف تخبرهم انها لا تستطيع ان تعيش معهم فى هذا المنزل

صفية......تعالى يا حبيبتى ارتاحى فوق انا خليتهم جهزولك اوضة هتعجبك اوى

سچى.....ممكن اتكلم مع حضرتك شوية

هدى.....فى حاجة يا سچى

سچى.....عايزة اتكلم معاكم شوية على انفراد

دخلت صفية وهدى وسچى الى غرفة لتستطيع ان تتحدث بحرية

صفية..... خير يا حبيبتى فى ايه

هدى....فى حد ضايقك يا سچى ولا حاجة حصلت زعلتك

سچى.....لاء حضرتك ابدا والله

هدى....لو ضايقك هزار شادى وكلامه معاكى انا هخليه يحترم نفسه

سچى....لا والله ابدا دا دمه خفيف ربنا يباركلك فيه

صفية....طب فى إيه يا حبيبتى مالك

سچى.....انا أسفة انا مش هقدر اعيش فى البيت هنا

صفية.....ليه كده يا حبيبتى

سچى....علشان........................

********************************"

رأيكم يا حلوين

لا أحد سواك ( رائفى)

البارت السادس

دخلت صفية وهدى وسچى الى غرفة لتستطيع ان تتحدث بحرية

صفية..... خير يا حبيبتى فى ايه

هدى....فى حد ضايقك يا سچى ولا حاجة حصلت زعلتك

سچى.....لاء حضرتك أبداً والله 

هدى....لو ضايقك هزار شادى انا هخليه يحترم نفسه

سچى....لا والله ابدا دا دمه خفيف ربنا يباركلك فيه

صفية....طب فى إيه

سچى.....انا مش هقدر اعيش فى البيت هنا

صفية.....ليه يا حبيبتى

سچى بتردد....علشان علشان

هدى....علشان ايه يا حبيبتى قولى متنكسفيش

سچى....الصراحة مقدرش اقعد فى مكان فيه شباب انا مش متعودة على كده

صفية بتفهم.....اه فهمتك يا سچى

سچى.....انا مش قصدى حاجة لا سمح الله انا عارفة ان ولادك متربين احسن تربية بس انا مقدرش والله لأنى متعرضتش لحاجة زى دى قبل كده لانكم عارفين انا كنت عائشة انا وماما الله يرحمها لوحدنا

هدى باعجاب.......خلاص يا حبيبتى لو مش عايزة تقعدى هنا فى استراحة فى الجنينة جميلة جدا وهتاخدى فيها حريتك بس هتبقى بالنهار هنا وهتاكلى معانا يعنى الاستراحة علشان تنامى فيها وتذاكرى ماشى يا سچى قولتى ايه

صفية.......ولو انى كنت حابة تقعدى معانا هنا بس طالما دى رغبتك خلاص زى هدى ما بتقولك والاستراحة مفروشة زى هنا واحسن كمان

سچى بابتسامة شكر.....ماشى حضرتك انا متشكرة جدا واسفة لو كنت هسببلكم ازعاج

هدى...مش عايزة اسمع منك الكلام ده تانى انتى بقيتى واحدة مننا يعنى زيك زى ولادى دلوقتى

سچى.....شكرا حضرتك طيبة وذوق جدا انتى وتيتة صفية

صفية......وانتى عسولة يا سچى ربنا يحميكى يا حبيبتى

سچى....طب لو سمحتم ممكن اروح الاستراحة دلوقتى 

هدى...ايوة يا حبيبتى انا عارفة انك ممكن تكونى تعبتى وعايزة ترتاحى

صفية....... خلى ام سيد توصلها ولو محتاجة حاجة تعملها ليها

هدى....اتفضلى معايا يا سچى

رأت سچى ان ربما هذا حل جيد فهى تستطيع ان تجلس بحريتها دون ان تشعر انها مقيدة بنظرات من حولها وخصوصا نظراته نظرات ذلك الذى يجلس بكل هدوء وصمت كأنه لا يعينيه اى شئ يحدث حوله ولا تعرف لماذا اخذها تفكيرها إليه ؟ فاستغربت من تفكيرها

خرجوا من الغرفة كان ماهر واولاده يجلسون يتسامرون كعادتهم رأوهم يخرجون من الغرفة لا يعرف رائف لماذا التفت اليهم وهم يخرجون ؟ فهناك شئ بداخله جعله يلتفت بدون ارادة منه ليرى تلك الفتاة التى أتت الى المنزل حتى تكون تحت رعاية جدته

نادت هدى على احدى الخادمات حتى تأخذ سچى الى الاستراحة

هدى.....ام سيد ام سيد

ام سيد...... ايوة يا هدى هانم حضرتك عاوزة حاجة

هدى....خدى الانسة سچى للاستراحة اللى فى الجنينة وشوفى لو محتاجة حاجة اعمليهالها

روحى معاها يا سچى

ام سيد..... حاضر يا هانم

سچى.....شكرا وتصبحوا على خير

جميعهم......وانتى من اهله

مدت سچى يدها لكى تاخذ شنطتها والقفص الخاص بقطتها وجدت ام سيد تسبقها فى حملهم

سچى.....لاء متتعبيش نفسك انا هشيلهم

ام سيد.....لاء ميصحش يا انسة سچى

سچى بابتسامة....انا متعودتش ان حد يخدمنى فانا اللى هشيلهم هو انتى بس تيجى معايا توصلينى للاستراحة بس انا هشيل حاجتى متتعبيش نفسك

ام سيد بايتسامة....ربنا يحميكى لشبابك يا بنتى

سچى..تسلمى يارب 

ام سيد.....اتفضلى معايا

وامام إلحاح سچى فى حمل اغراضها وافقت ام سيد وكل هذا يحدث على مسمع ومرئى من الجميع وكان اكثر من يستغرب من تصرفتها هو رائف فهو يتذكر جيدا كيف كانت خطيبته مايا تعامل من حولها وكأنها أميرة يجب ان تطاع غير مبالية بأى احد سوى نفسها فقط

وخرجت سچى مع الخادمة فى حين انهم جالسون لا يفهمون شئ مما يحدث

ماهر.....ايه ده يا هدى انتى ازاى تخليها تقعد فى الاستراحة هى ضيفة مش كانت هتقعد هنا معانا فى البيت

هدى.....رفضت يا ماهر تقعد فى البيت وانا محبتش اغصب عليها

أكرم باستغراب.....ليه يعنى ترفض انها تقعد معانا هنا

صفية بهزار.....علشانكم انتم يا حلوين انتوا السبب

رائف.....علشانا ازاى يعنى هو احنا عملنا فيها حاجة

شادى....صحيح يا تيتة هو احنا هناكلها ولا ايه

هدى.....الفكرة كلها يا جماعة ان البنت عندها حياء وخجل وانتوا بسم الله ماشاء الله شباب مش عيال فهى هتحس انها متقيدة ومش هتاخد راحتها فاقترحت انها تقعد فى الاستراحة احسن ما ترفض وتمشى من البيت خالص

صفية بهزار....وعلشان انتوا ما شاء الله شحط منك ليه يعنى

أكرم بذهول.....شحط انتى بتقوليلنا احنا كده يا تيتة

شادى....دا انا حاسس ان احنا اتهزقنا يا جدع

رائف....والله حاسس ومش متأكد ان تيتة فعلا هزقتنا

صفية.....فى ايه يا واد انت وهو انا بس بوضحلكم الصورة

أكرم بضحك...هو انتى كده بتوضحيها دا انتى يا تيتة بعترتى كرامتنا خالص هههههه

ماهر.....جدتكم بتهزر معاكم

هدى.....سچى دى بجد جميلة جدا شكل ومضمون حتى مش راضية تخلى ام سيد تشيلها شنطها 

زاد احترامهم لها بسبب تفكيرها فالظاهر انها فتاة متمسكة مبادىء وقيم عظيمة

الوحيد من بستغرب تفكيرهاوتصرفاتها هو رائف هل يوجد فتاة بمثل هذه القيم فخطيبته كانت متحررة حتى انها كانت تسهر مع اصدقاء لها في النوادى

ماهر باعجاب......بنت عجيبة فعلا

هدى......هى مش عجيبة هى محترمة ومؤدبة وده الصح الله يرحم مامتها عرفت تربى

صفية.....فعلا ونعم التربية الله يرحمها نعمة كانت مربياها احسن تربية

********

فى الاستراحة

دخلت سچى الاستراحة فكانت جميلة جدا وبها كل وسائل الراحة التى توجد فى المنزل 

ام سيد.....حضرتك عايزة حاجة اعملهالك يا انسة سچى

سچى....متشكرة جدا لحضرتك

ام سيد....عن اذنك ولو عايزة اى حاجة تطلبيها على طول

سچى.... شكرا واتفضلى وتصبحى على خير

ام سيد......وانتى من اهله

ذهبت الخادمة وتجولت سچى فى الاستراحة فكانت عبارة عن ٣ غرف وصالة ومطبخ وحمام فمثلها مثل اى شقة فى اى حى راقى فالاستراحة تصميمها جميل جدا فاستغربت سچى كيف يطلقون عليها استراحة وهى تشبه الشقق الراقية

دخلت غرفة النوم فتحت شنطتها واخذت ملابس لها ودخلت الحمام اخذت حمام دافىء وخرجت قامت باخراج قطتها من القفص الخاص بهاوذهبت الى السرير

سچى.......مشمشة انتى جعانة انا جبتلك الاكل بتاعك معايا

اخرجت الطعام الخاص بقطتها ودخلت الى المطبخ لتجلب لها طبق تضع فيه الطعام فوجدت فى المطبخ كل شئ تحتاجه ففكرت لماذا قاموا ببناء هذه الاستراحة بينما منزلهم واسع جدا وبه العديد من الغرف

سچى.....اكلك اهو يا روحى تعالى كلى

اقتربت قطتها من الطبق وبدأت الأكل بجوع ولهفة وظلت تأكل حتى شعرت بالشبع

كانت سچى تشعر بارهاق شديد ففكرت انها لن تستطيع ان تنام فى مكان غريب ولكن لدهشتها عندما وضعت رأسها على الوسادة غفت بسرعة كبيرة لم تحلم بها

دخل رائف الى غرفته ولا يعرف لماذا ظلت صورتها عالقة بذهنه وخصوصا وجهها الذى يظهر عليه خجلها بكل وضوح

تمدد على سريره بألم واضح ظل ينظر إلى سقف الغرفة ووجد نفسه يتصل على خطيبته مايا ولا يعرف لماذا اتصل بها

ظل منتظر بعض الوقت حتى جاءه الرد على الطرف الآخر ولكنه سمع ايضا صوت ضوضاء منبعثة من المكان الذى تتواجد فيه ففكر انها ربما تسهر احدها سهراتها فى تلك الأماكن الغريبة التى كان لا يحبها ان تذهب اليها

مايا باستغراب ودهشة.....رائف

رائف بسخرية.....انتى لسه فكرانى يا مايا ومنستنيش

مايا بتوتر.....فى حاجة يا رائف

رائف.....هو حضرتك مش ناسية حاجة يا مايا

مايا باستغراب......حاجة ايه دى اللى نسياها مظنش انى ناسية حاجة

رائف...... لاء نسيتى حاجة مهمة نسيتى انى خطيبك يا مايا

مايا بتلعثم......ماهو ماهو يا رائف اصل

رائف.....ماهو ايه يا مايا عايزة تقولى ان اللى بنا خلاص انتهى وان احنا مبقاش ننفع نكمل مع بعض

مايا بتهرب.....ما انت ما شفتش مامتك كانت بتعمل ايه معايا ولا اهلك كانوا بيبصولى ازاى ولا لما مامتك اتهمتنى انى السبب فى اللى انت فيه

رائف....وهو مين فعلا اللى كان السبب فى اللى انا فيه ووصلنى للحالة اللى انا فيها دلوقتى مش انتى برضه يا مايا

مايا......هو انت كمان هتكلمنى زى مامتك وتتهمنى زيها

رائف.....دلوقتى بقت حجتك امى لكن انا مفرقكش معاكى فى حاجة خالص مجرد واحد تعرفيه حصله ظروف بعدتى عنه مبقاش يلزمك مش كده

سمع رائف صوت احد ينادى على مايا ويبدو انه صوت شاب فابتسم بسخرية مريرة فهى لم تضيع وقتها هباء فوجدت من يحل محله فى حياتها بدون وخز من ضميرها فهى من كانت السبب فى إيصاله الى تلك الحالة التى اصبح عليها فهو بسببه لحاقه بها على الطريق صدمته تلك السيارة

رائف بابتسامة سخرية...... شكلك مش فاضية مش هأخرك على أصحابك الظاهر فعلا ان احنا مننفعش لبعض بس انا اللى كنت أعمى مع السلامة يا مايا

وقام بغلق الهاتف وقلبه يعتصره الالام على فتاة كان يظن انها تحبه ولكن مع اول محنة تعرض لها بعدت عنه فكيف كان أحمق ووقع فى حبها ؟ ما الشئ المميز بها الذى جعله يظن انه يحبها هل انبهر بجمالها ومظهرها ؟ ام انه كان يرى انها فتاة ستناسبه فهى من عائلة كبيرة ومتعلمة وجميلة ولكنه اتضح انها لا تملك اى ذرة من الاهتمام باحد غير نفسها فهو علم الآن لماذا كانت عائلته لا ترتاح لهذه الفتاة فهم على حق ولكن هو من كان اعمى عن هذه الحقيقة

********

سمعت صوت موبايلها يعلن عن ان صلاة الفجر بدأت قامت من نومها وهى تشعر ببعض الراحة فهى قد نامت منذ ان وضعت رأسها على الوسادة حتى استيقظت على صوت برنامج المؤذن الذى تضعه على هاتفها قامت توضأت ولكنها احتارت اين تكون القبلة فى هذا المكان فتذكرت انها ايضا تضع برنامج على الموبايل يحدد لها القبلة اذا كانت فى مكان غريب

بدأت صلاتها وبعد الانتهاء جلست كعادتها لقراءة القرآن الكريم حتى يحين موعد شروق الشمس

اشرقت الشمس معلنة بدء يوم جديد فى حياتها فكرت ان تخرج الى الجنينة لتستنشق بعض الهواء اثناء خروجها لمحت قطتها تخرج خلفها فحملتها بين ذراعيها واخذت تمسد على فرائها

سچى....انتى عايزة تخرجى تشم هوا مع سچى يا مشمشة

اصدرت القطة مواء كأنها توافق على كلامها فالقطة مرتبطة جدا بسچى لانها هى من قامت بتربيتها منذ ان كانت صغيرة فوالدتها اشترتها لها وهى قطة صغيرة جدا وعندما تذكرت سچى امها وجدت نفسها تبكى والدموع تنهمر من عينيها ظلت تبكى حتى هدأت فخرجت لعل الهواء النقى يهدأ من حالتها النفسية

وعندما خرجت وجدت حمام سباحة لا تعرف لماذا فكرت ان تجلس على حافة حمام السباحة وتضع قدميها فى الماء

فى هذا الوقت كان رائف خارج من المنزل ليتمشى قليلا فى الجنينة فهو يشعر بالضيق بسبب ما حدث بالامس اثناء كلامه مع مايا كان يستند بيده على العكاز ويمشى بخطوات بطيئة ومترددة وعلامات الالم على وجهه ولكنه عندما رأى تلك الفتاة تجلس على حافة حمام السباحة وتضع قدميها فى الماء كانت ترتدى إسدال للصلاة ولكنها كانت تشبه الحورية نسى اين يذهب وظل ينظر اليها وعندما شعر بتعب قدميه جلس على أحد الكراسى حتى يستطيع ان يراقبها بحرية

كانت تشبه الاطفال وهى تلهو بقدميها فى الماء ولكن حدث صوت فرقعة قوية من شدة رعب سچى سقطت فى حمام السباحة

عندما رأى رائف ذلك هب واقفا من مكانه وصل الى حمام السباحة ونادى عليها ليرى اذا كان اصابها شئ فربما هى لا تعرف السباحة

رائف.......يا آنسة يا انسة ردى عليا

سچى بانفاس مقطوعة.....ايوة ايوة

رائف باهتمام.....انتى كويسة حصلك حاجة 

سچى.....اه الحمد لله بس الفرقعة رعبتنى فوقعت

رائف...... طب انتى بتعرفى تعومى ولا هتغرقى ولا ايه لو كده هاتى ايدك اطلعك من حمام السباحة

سچى..... لاء خلاص انا هطلع لوحدى انا بعرف اعوم

رائف.......طب اطلعى من الحمام يلا مستنية ايه

سچى.....هطلع بس حضرتك امشى من هنا

رائف باستغراب.....امشى ليه يعنى

سچى.....علشان اطلع من الماية

رائف.....طب ما تطلعى مستنية ايه

سچى.....مش هعرف اطلع وانت موجود

رائف......ليه يعنى انتى لابسة إسدال يعنى وعادى ممكن تخرجى

سچى باحراج شديد......اسدالى مبلول فهيكون لازق عليا ياريت تكون فهمت بقى

فهم قصدها فشعر بالاحراج من كلامها فكيف هو لم يفهم ذلك

رائف......خلاص خلاص انا ماشى

ذهب رائف وخرجت سچى من حمام السباحة وجرت بسرعة إلى الاستراحة واغلقت الباب واستندت على الباب تأخذ انفاسها بقوة من هذا الموقف المحرج

فى المنزل

دخل رائف وجد عائلته قد استيقظت فاستغربوا اين كان فى هذا الوقت الباكر من الصباح

هدى.....انت كنت فين يا حبيبى

رائف.....كنت زهقان وقمت اتمشى شوية فى الجنينة

أكرم......كويس انك عملت كده انت فعلا لازم تحاول تتمشى وتعمل الجلسات علشان تتحسن بسرعة

صفية......هدى ابعتى حد ينادى سچى علشان تفطر معانا

ماهر.....هى فين صحيح هى لسه مصحيتش 

رائف بهدوء..... لاء صحيت بس كانت واقعة فى حمام السباحة برا

كلهم بصدمة..... إيه

رائف.....اللى سمعتوه شادى افندى فى المعمل وهى كانت قاعدة عند حمام السباحة سمعت فرقعة جامدة شكلها اتخضت وقعت فى حمام السباحة

هدى.....وبعدين حصلها حاجة هى خرجت من حمام السباحة ولا لسه فيه احسن تكون مبتعرفش تعوم

رائف.....روحت اشوفها ليكون جرالها حاجة او اساعدها انها تطلع قالتلى انها بتعرف تعوم وطلبت منى امشى علشان هى تطلع

أكرم بعدم فهم......اشمعنى يعنى مش هتطلع علشان انت واقف

صفية.....علشان يا دكتور لو طلعت هدومها هتكون مبلولة ولازقة عليا وعيب هو يشوفها كده فهمت يا دكتور

ماهر.....البنت دى كل شوية يزيد اعجابى بشخصيتها وأخلاقها وادبها

هدى.....فعلا يا ماهر انا مشفتش اخلاق كده انا هروح اشوفها واخليها تيجى تفطر وابعتوا حد ينادى شادى اللى كان هيموتلنا البنت عمايله سودة اخر العنقود ده

ذهبت هدى الى سچى وجدتها قامت بتغيير ملابسها اطمئنت عليها انها لم يصبها مكروه اخذتها وذهبت ليتناولوا جميها طعام الإفطار

على السفرة

صفية......معلش يا بنتى على اللى حصل بس شادى كده على طول كل يوم الصبح لازم يعمل فرقعة فى المعمل

شادى.....هو حصل حاجة ولا ايه

هدى.....حضرتك سچى اترعبت ووقعت فى حمام السباحة وكان ممكن يجرالها حاجة

سچى باحراج......خلاص محصلش حاجة انا كويسة

شادى.....انا اسف والله بس انتى بقى اعرفى كل يوم الصبح تصحى على فرقعة اعتبريها المنبه اللى هيصحيكى الصبح

ماهر.......نفسى مرة تعدى تجربة على خير يا شادى

شادى.....مينفعش يابابا لازم احس بالفشل ههههه

سچى....انت فى كلية ايه

شادى....رايح رابعة كلية علوم قسم كمياء يعنى انا زويل الجاى

سچى ......ربنا يوفقك ان شاء الله

أكرم...... ماشى يا زويل سلام انا بقى علشان الحق اروح المستشفى

ماهر....خدنى معاك خلينى اروح شغلى انا كمان

أنصرف أكرم ووالده وظلت سچى تفكر ماذا تفعل سمعت رنين هاتفها عندما رأت المتصل ابتسمت ابتسامة خفيفة واعتذرت منهم وخرجت الى الجنينة

ظل يفكر لماذا ابتسمت بهذه الطريقة ؟ ومن يكون المتصل ؟ هل هى على علاقة بأحد ؟ام من يتصل بها فى هذا الوقت؟ استغرب تفكيره ولماذا يهمه أمرها إلى هذه الدرجة ؟

كان المتصل بسچى لم تكن سوى اختها أروى لذلك ابتسمت عندما رأت اسمها ينير الشاشة فهى من تسأل عنها بخلاف والدها الذى تخلى عنها بكل سهولة

سچى....ازيك يا أروى عاملة ايه

أروى......الحمد لله يا حبيبتى انتى عاملة ايه

سچى.....الحمد لله

أروى.....هو انتى سيبتى البيت بتاعكم

سچى....ايوة مشيت وجيت هنا بيت تيتة صفية

أروى..... طب خلى بالك من نفسك وطمنينى عليكى

سچى....ان شاء الله سلام

أروى.....مع السلامة

كانت انهت المكالمة وعندما نظرت خلفها وجدت رائف ينظر اليها بفضول

سچى باحراج.....فى حاجة

رائف.....لا ابدا هو انتى كنتى بتكلمى مين

سچى باستغراب.....وحضرتك بتسأل ليه

رائف ببرود....عادى مش عايزة تقولى براحتك انا افتكرت فى حاجة حصلت

سچى....ماشى عن اذنك وشكرا لاهتمامك

************

فى منزل ريهام

كانت قامت ريهام بالاتصال على سچى لتعرف اخبارها فهى صديقتها المقربة جدآ وهى قد علمت منها انها ستذهب لتعيش عند اقارب والدتها فارادت الاطمئنان عليها

ريهام.....السلام عليكم

سچى....وعليكم السلام

ريهام.....ايه يا بنتى فينك كده مبتسأليش عليا ليه يخونك العيش والشاورما اللى بناكلهم مع بعض

سچى.....وانتى مسألتيش ليه يا اختى عنى انتى اخر مرة شوفتك فيها قبل ما امشى من بيتنا بشوية

ريهام.....اصلى حضرتك مش فاضية اليومين دول

سچى....ورا حضرتك ايه يعنى اهم منى

ريهام.....بطفش عرسان طنطك زينب

سچى بمزاح.....وهما بييجوا بكامل ارادتهم وقواهم العقلية يا ريهام

ريهام.....فهمت قصدك يا سچى بس اما اشوفك حاضر هوريكى

سچى....والله انتى وحشتينى اوى يا ريهام

ريهام......طب ما تيجى تقعدى معايا شوية اهو نتكلم تحكيلى على الناس اللى انتى عايشة معاهم اعرف اخبارك ايه

سچى....انا هنكسف اطلب منهم اخرج

ريهام.....يعنى هتفضلى حابسة نفسك فى البيت كده

سچى.....خلاص هكلم طنط هدى وتيتة صفية واقولهم بس شوية كدة

ريهام.....ماشى يا قمر

انهت ريهام مكالمتها مع سچى وجدت باب غرفتها يفتح وكانت أمها وتدعى زينب

زينب....ايه يا حبيبتى مش هتقومى تجهزى علشان العريس زمانه جاى

ريهام.....هو انا بقيت أكل كتير يا ماما عايزة تسربينى

زينب....اسربك ايه يا ريهام هو انتى قطة

ريهام.....ما قولتلك مش عايزة اتجوز قبل ما اخلص دراسة

زينب.....يا حبيبتى انتى خلاص فاضل ليكى السنة دى يعنى لو حصل نصيب هتتخطبى وهتتجوزى لما تخلصى دراسة

ريهام.....وبابا رأيه ايه بقى فى الموضوع ده

زينب..... انتى عارفة باباكى مش هيغصب عليكى فى حاجة

ريهام....حاضر يا ماما اما اشوف اخرتها ايه 

حضر العريس المرتقب وهو شاب ويدعى حمادة مع والدته وتدعى سعاد

جلس والد ريهام المدعو ناصر هو ووالدتها مع العريس وامه حتى يحين موعد خروج ريهام من غرفتها

خرجت ريهام من الغرفة وعندما وقع نظرها على العريس انصدمت ونظرت له بفم مفتوح من هيئته فهو يرتدى بنطلون كاد يسقط منه ويرفع شعره الكثيف بطريقة غريبة ويرتدى مجموعة من السلاسل حول رقبته فينقصه فقط ان يضع علكة فى فمه

جلست ريهام بجانب امها وكانت زينب تعلم بماذا تشعر ريهام الآن فهى نفسها تضايقت من منظر العريس فعلى ما يبدو انه من الشباب الطائش

ريهام بهمس لامها......ايه ده يا ماما

زينب....والله ما كنت اعرف انه كده يا بنتى انا اتفاجأت زيك

ريهام....على اخر الزمن اتجوز واحد سيس زى ده

سعاد....ازيك يا عروسة

ريهام....الحمد لله

حمادة....وانتى فى سنة كام يا أبلة

ريهام بسخرية..... أبلة انا أبلة والله يا حمادة انا هبقى دكتورة ان شاء الله

ناصر....انتى عرفتى اسمه منين

ريهام.....ازاى يعنى

زينب....علشان هو اسمه حماده

ريهام....لا والله فعلا دا انا بتريق بجد اسمه حماده

سعاد....بتتريقى على ايه يا حبيبتى ان شاء الله

حمادة.....فى ايه يا أبلة مالك

ريهام..... أبلة تانى بقولك ايه وانت عامل زى الديك الشركسى كده خد امك ويلا امشوا من هنا معندناش بنات للجواز

ناصر....عيب كده يا ريهام ميصحش

ريهام.....عيب ايه يا بابا انا اتجوز واحد مسقط بنطلونه ولابس سلاسل حوالين رقبته دا يبقى حتى خسارة تربيتكم فيا

سعاد....براحتك يا حبيبتى العرايس على قفا من يشيل

حمادة....يلا بينا من هنا

ريهام.....زين ما تفعل مع ان شكلك مسلى والله بس انا حاليا مش فاضية

زينب....بس بقى اسكتى يا ريهام عيب كده

خرج العريس وأمه وعلى وجوههم علامات الغضب من كلام ريهام وسخريتها منهم

ريهام.....ايه العرسان العاهات دى يا ماما

ناصر.....اهو راح لحاله خلاص يا بنتى

ريهام.....بقولك ايه يا ماما انا مش عايزة اشوف اشكال زى دى تانى ماشى

زينب......ربنا يكتبلك اللى فيه الخير

ريهام.....ايوة كده سبتى الدعاء ده قال حمادة قال ما هو ده اللى ناقص دا انا اعنس اكرملى

*******

فى الورشة

كان حامد يعطى اوامره للعاملين فى الورشة حتى ينهوا ما بأيديهم حتى يستطيع تسليم طلبية الاثاث فى ميعادها

حامد.....ما تخلص بقى يا ابنى انت وهو هنفضل طول النهار فى اللى احنا فيه ده شدوا حيلكم شوية ميعاد التسليم قرب مش عايزين حد ياكل وشنا

التفت وجد زوجته فى الخارج تبتسم له فخرج اليها يسألها عن سبب مجيئها للورشة قى هذا الوقت

حامد....فادية انتى ايه اللى جابك هنا

فادية.....جيت عايزة فلوس علشان اشترى شوية حاجات من السوق

حامد.....هو مصروف الشهر اللى بديه ليكى خلص

فادية....انت شايف الاسعار مولعة ازاى وكل حاجة بقت غالية اوى ولا انت مش عايش فى الدنيا يا حامد

حامد....ماشى يا ستى خلاص انا مش عارف بتصرفى الفلوس دى كلها فى ايه

فادية.....انت محسسنى انى بسرقك يا راجل ما كله فى بيتك هو انا يعنى بصرف على الفاضى ولا انت مخونى

صحيح ايه اخبار الست الدكتورة بنتك بقالى شوية مسمعتش عنها حاجة

حامد....من ساعة ما راحت بيت خالة نعمة مشوفتهاش

فادية.....ما تبقى تيجى نروح نشوفها ونطمن عليها هى بنتك برضه

حامد باستغراب.....وده من امتى بقى انتى يا فادية عايزة تروحى تشوفى سچى وتطمنى عليها دا اكيد القيامة هتقوم

فادية....وفيها ايه دى يعنى هى برضه بنتك وانت لازم تطمن عليها

حامد....من امتى الاهتمام ده كله بسچى

فادية....تصدق انا غلطانة هو انت مفيش حاجة عجباك خالص يا راجل انت

حامد....مش عليا الشويتين دول يا فادية انا عارف انتى عايزة تروحى ليه

فادية.....ليه يا خويا بقى ان شاء الله

حامد.....علشان تشوفى الناس اللى سچى عايشة عندهم مش كده برضه

فادية.....طيب هات بقى الفلوس خلينى امشى انت الكلام معاك خسارة

حامد....خدى الفلوس اهى وياريت تحاولى تطلعى سچى من دماغك يا فادية 

فادية....انا همشى ومش هرد عليك سلام

حامد.....مع السلامة

ذهبت فادية فى طريقها وعاد حامد الى عمله وهو يفكر ان فادية لا يكفيها ان نعمة توفت فهى تبحث الآن عما يتعب سچى ويضايقها

*******

فكرت سچى ان تستأذن صفية وهدى فى ان تذهب الى صديقتها ريهام ولكنها كانت تشعر بالخجل والكسوف ان تطلب منهم ذلك فهى مر عليها اسبوع كامل فى هذا المنزل كان تشعر بمحبتهم لها فهى ايضا صارت تكن لهم كل الحب والمودة فهم يتعاملون معها على انها فرد من افراد الاسرة ولكن هناك شخص منهم تشعر انه يتعمد مضايقتها ولم يكن ذلك الشخص سوى رائف فأى موقف لها لا يجعله يمر بسلام 

صفية....فى حاجة يا حبيبتى حاسة انك عايزة تقولى حاجة

سچى....كنت عايزة استأذن حضرتك انى اروح عند واحدة صاحبتى

رائف باندفاع...... صاحبتك مين دى بقى ان شاء الله

استغربت سچى والجالسين من لهجة رائف حتى هو لماذا اندفع فى الكلام عندما قالت انها تريد الذهاب الى صديقتها

سچى.....دى صاحبتى ريهام ومعايا فى الكلية

هدى.....لو عايزة ممكن تقوليلها تجيلك هنا

صفية....خلاص يا هدى لو عايزة تخرج مفيش مانع احنا مش هنحبسها فى البيت هى من ساعة ما جت وهى مخرجتش من البيت خالص ماشى يا حبيبتى هخلى السواق يوصلك ويستناكى ويرجعك هنا تانى

سچى .....ملوش لزوم هاخد تاكسى

هدى....لاء طبعاً زى ما ماما قالتلك السواق يوصلك ويجيبك

سچى باستسلام.....زى ما حضرتك تحبى عن اذنكم علشان اجهز نفسى علشان الحق اروح

قامت سچى وذهبت الى الاستراحة لتغير ملابسها قبل الذهاب الى منزل ريهام وعندما خرجت وجدت رائف يجلس على احد الكراسى

رائف..... ياريت ما تتأخريش برا او القعدة تاخدك وتنسى نفسك

سچى.....هو حضرتك فى حاجة

رائف.....حاجة ايه

سچى.....اصل سورى فى الكلام يعنى بتتكلم كأنك ولى أمرى او كأنى شغالة عندك

رائف......مش عاجبك كلامى

سچى....انا مستغربة الصراحة هو اللى له حق يقولى كده جدتك بحكم ان ماما موصياها عليها بس اللى مش قادرة افهمه الكلام اللى انت بتقولهولى انك تسألنى مين صاحبتى وانى متأخرش والكلام ده ليه ده كله

رائف.....عادى يعنى انتى عايشة هنا والبيت ده له احترامه

سچى.....وانا اللى هضيع احترام البيت

رائف.....انا مقلتش كده

سچى.....امال قولت ايه ومعنى كلامك إيه ليه حاسة أنى من ساعة ما جيت وانت مضايق من وجودى لو كده اقول لجدتك وامشى من هنا علشان حضرتك متضايقش

رائف ببرود.....وانا ايه اللى هيضايقنى فى وجودك هنا انتى زيك زى اى حد هنا عادى يعنى

سچى.....ماشى عن اذنك بقى علشان متأخرش والحق ارجع بدرى قبل ما حضرتك تقفل البوابة

رائف بابتسامة.....بس مش انا اللى بقفل البوابة

لا يعرف لماذا اصبحت متعته الوحيدة الآن مضايقتها وان يرى اثار النرفزة والغضب على وجهها من كلامه فهو يشعر بإحساس غريب عندما يشاكسها بكلامه 

لاحظت سچى دخول شخص تعرفه جيدا فهو لم يكن سوى دكتورها المدعو يوسف ففكرت لماذا هو أتى الى هنا

وماذا يفعل هنا فى هذا الوقت؟

سچى بهمس.....دكتور يوسف

يوسف بابتسامة خفيفة.....ازيك يا رائف

رائف باحباط.....الحمد لله تمام يا دكتور

يوسف باستغراب.....سچى انتى بتعملى ايه هنا

سچى.....................

***************

لا أحد سواك ( رائفى)

البارت السابع

لاحظت سچى دخول شخص تعرفه جيدا فهو لم يكن سوى دكتورها المدعو يوسف ففكرت لماذا هو اتى الى هنا؟ وماذا يفعل هنا فى هذا الوقت؟

سچى بهمس.....دكتور يوسف

يوسف بابتسامة خفيفة.....ازيك يا رائف

رائف باحباط.....الحمد لله تمام يا دكتور

يوسف باستغراب.....سچى انتى بتعملى ايه هنا

سچى....اهلا يا دكتور يوسف

يوسف بدهشة.....غريبة أوى انى شوفتك هنا

سچى .....انا عايشة هنا يا دكتور يوسف

يوسف..... عايشة هنا ازاى يعنى انا مش فاهم حاجة خالص

سچى.....دى حكاية طويلة ويطول شرحها

شعر رائف بجمر يشتعل فى قلبه فماذا يحدث؟ وهى ما علاقتها بيوسف؟ فهم على ما يبدو ان بينهم سابق معرفة

رائف بفضول.....باين عليكم تعرفوا بعض اوى

سچى بتوضيح....دكتور يوسف دكتورى فى الكلية هو اللى بيدرسلى

رائف بنرفزة....اه فهمت اتفضلى بقى روحى مشوارك وانت اتفضل يا دكتور نعمل الجلسة ولا هنفضل طول النهار واقفين نتكلم

سچى....عن اذنكم عن اذنك يا دكتور يوسف

يوسف.....اتفضلى يا سچى

ذهبت سچى الى السيارة وهى تشعر بالعصبية بسبب لهجة رائف معها لماذا يعاملها بهذه الطريقة فجميع من فى البيت يتعاملون معها بود ومحبة الا هو فهى تشعر احيانا انها يعاملها بعداء خفى 

دخل رائف ويوسف الى الغرفة المخصصة لعمل الجلسات العلاجية الخاصة برائف فاذا كان رائف يشعر بالعصبية سابقا وهو يعمل تلك الجلسات فهو الان يشعر بغليان الدم فى عروقه وخصوصا بعد معرفته ان يوسف يعرف سچى

يوسف.....يلا بينا نبدأ الجلسة

رائف.....اتفضل يا دكتور

يوسف.......هو انا ممكن أسألك سؤال

رائف.....خير اتفضل

يوسف.....ايه علاقة سچى بيكم وهى عايشة معاكم هنا ليه وبصفتها إيه

رائف بتأفف..... وانت حضرتك مهتم اوى تعرف ليه كده

يوسف.....علشان كنت عارف انها عايشة مع مامتها حتى لما طلبت منها ارتبط بيها قالتلى انها فى الفترة دى عندها مشاكل ومش هتقدر تدينى رد

وكأن هذا ما كان ينقصه ان يعرف ان يوسف كان يريد الزواج منها 

رائف.....انت كنت عايز تتجوزها

يوسف.....ايوة وانا لحد دلوقتى معرفش ايه ردها وكمان حكاية انها عايشة هنا مش قادر افهمها خالص وايه علاقتها بيكم

رائف....انا هريحك يا دكتور يوسف هى مامتها ماتت الله يرحمها وجدتى تبقى خالة مامتها وكانت موصياها انها تيجى تعيش هنا بعد وفاتها ارتحت يا دكتور يوسف كده ولا لسه حضرتك عايز تسأل على حاجة تانية

يوسف.....وانت متعصب اوى ليه كده يا رائف

رائف....وانا هتعصب ليه ده العادى بتاعى وانت عارفنى

يوسف....على رأيك يلا بقى نبتدى الجلسة

بدأ رائف الجلسة وهناك شعور مسيطر عليه بانه يريد ضرب يوسف ولا يعرف سر هذا الإحساس هل بسبب انه يتكلم عن سچى ؟ام انه يريد الزواج منها؟

**********************

وصلت سچى الى منزل صديقتها فرحت ريهام جدا برؤيتها وجلسوا فى غرفتها ليتحدثوا بحرية

ريهام.....ايه يا بنتى اخبارك ايه وحشتينى اوى

سچى.....الحمد لله تمام وانتى كمان وحشانى اوى

ريهام.....والناس اللى قاعدة عندهم اخبارهم ايه معاكى كويسين ولا مضايقين

سچى.....طيبين و محترمين اوى يا ريهام ويمكن احن عليا من ابويا اللى مبيسألش فيا و هم شايلنى على كفوف الراحة ومش مقصرين معايا فى حاجة خالص

ريهام.....هما عندهم بنات

سچى....لاء هما ٣ شباب بس

ريهام.....يالهوى وعايشة فى وسطهم ازاى دول يا سجى

سچى....انا بقعد فى استراحة فى الجنينة وهما الصراحة مؤدبين وخصوصا شادى دمه خفيف أوى كل يوم اصحى على فرقعة الصبح ولا مدفع رمضان هههه

ريهام....ليه هو فى سنة كام ده

سچى....رايح رابعة كلية علوم قسم كيمياء

ريهام..... وأخواته لسه بيدرسوا

سچى.....لاء الكبير رائف ده كان ظابط صاعقة بس حصله حادثة عملتله عجز فى رجله والتانى أكرم دكتور وهو بيدير المستشفى اللى كانت فيها ماما الله يرحمها

ريهام......الله يرحمها دا انا افتكرتهم صغيرين ومفيش حد فيهم متجوز ؟

سچى.....لاء بس مش عارفة اللى اسمه رائف ده تحسى انه مش طايقنى ليه مش عارفة

ريهام....ليه هو عمل ايه معاكى

سچى.....تحسى انه عايز يتحكم فيا وخلاص وعايز يمشى كلامه عليا وبيتعصب وبيتنرفز عليا معرفش ليه مع انى معملتلوش حاجة

ريهام.....يا سلام ليه يعنى هو انتى عملتيله حاجة

سچى....مش عارفة والله اسكتى عارفة شوفت مين قبل ما اجى هنا

ريهام....شوفتى مين ده

سچى....دكتور يوسف اللى بيدرسلنا فى الكلية

ريهام.....شوفتيه فين ده

سچى....فى البيت طلع الدكتور اللى بيعمل جلسات العلاج الطبيعى لرائف

ريهام.....اه وعمل ايه لما شافك

سچى....استغرب انا بعمل ايه فى البيت ده وليه عايشة معاهم بس رائف اتنرفز جامد وقالى امشى روحى مشوارك

ريهام.....هو ماله حاطك فى دماغه ليه كده انتى بتاكلى اكله يا بت ولا ايه ولا خدتى ورثه

سچى....ههههه يمكن وانا مش عارفة انسان غريب فعلا دا انا لو قتلاله قتيل مش هيعمل معايا كده

ريهام.... عايزين نشوف مستشفى ندرب فيها بدل القاعدة السودا اللى احنا قاعدينا دى وبقينا شبه المخلل

سچى....اه والله اقولك انا هقول لدكتور أكرم ونروح ندرب فى المستشفى بتاعته هو مظنش انه هيعترض هو محترم جدا وان شاء الله هيوافق

ريهام.....اه والنبى يا اختى على الاقل الاقى حاجة تشغلنى على الدراسة ما تبدأ بدل العرسان العاهات اللى بشوفها دى

سچى....شكلك كده واخدة مقلب قريب طالع من دماغك

ريهام....مقولكيش يا اختى دا اللى كان هنا مش عريس دا سوسن

سچى....سوسن ازاى يعنى

ريهام....مسقط بنطلونه ورافع شعره زى الديك الشركسى ولابس سلاسل وحاجة مسخرة اقسم بالله

سچى....طول عمرك مرزقة يا ريهام

ريهام......هو ابن الحلال اللى فى دماغى يا ترى هو فين دلوقتى وأتأخر ليه هى المواصلات زحمة ولا ايه ههههه

سچى....ههههه هييجى هييجى والله يكون فى عونه فعلا

ريهام....ماشى يا سچى بتسخرى منى

سچى....بسخر منك ايه الثقافة دى كلها انا همشى بقى احسن ما اسمعلى كلمتين منه ملهمش لازمة

ريهام.....ماشى ولو وافق الدكتور ده على التدريب ابقى عرفينى

سچى....ان شاء الله سلام

ريهام.....مع السلامة يا قمر

*************************

فى منزل ماهر زيدان

عادت سچى الى المنزل دخلت الاستراحة نادت على قطتها ولكنها لم تسمع لها صوت

سچى....مشمشة مشمشة انتى فين انا جيت

ولكنها لم تأتى اليها كعادتها فخافت ان يكون حدث لها شىء بحثت فى كل مكان في الاستراحة ولكنها لم تجدها

سچى بقلق....راحت فين دى احسن يكون جرالها حاجة

خرجت من الاستراحة متجه الى المنزل لتسألهم اذا كانوا شاهدوا قطتها واثناء مرورها من الجنينة لمحت رائف جالس على كرسى كان يريح رأسه على طرف الكرسى ويغمض عينيه لم تعره انتباه ولكنها اثناء مرورها لاحظت ان قطتها تنام باحضانه فاندهشت فقطتها لا تدع احد يداعبها او تنام باحضان احد غيرها

ولكنه شعر بوقع اقدام فعرف انها هى بدون ان يفتح عينيه

رائف.....اتأخرتى ليه ده كله

سجى باستنكار.....افندم

رائف....بقولك اتأخرتى ليه ده كله برا

سچى....هو فى ايه يا استاذ رائف بالضبط

رائف....فى ايه انتى قصدك ايه

سچى....قصدى انت ليه بتقولى الكلام ده

رائف....عادى القطة بتاعتك كانت بدور عليكى علشان كده بسألك اتأخرتى ليه

سچى....القطة! ماشى انا جيت اهو هاتها بقى

رائف....انتى متعصبة ليه كده

سچى....وانا هتعصب من ايه يعنى هاتها بقى

عندما مدت يدها لتاخذ قطتها سحبها بعيد عنها لينرفزها اكثر 

سجى بغضب....هو ايه ده ما تجيب قطتى

رائف....مش جايز هى اللى مبسوطة انها قاعدة معايا

سچى باندفاع.....يارب تكون خربشتك

رائف بضحك.....ههههه لاء مخربشتنيش دى باين عليها انها حبتنى بدليل انها نامت فى حضنى وهى ساكتة ومعملتش حاجة حتى لو كانت خربشتنى مزعلش ان الخربشة من مخلوق حلو زيها كده

كانت سچى لا تفهم شىء مما يقوله ولكنها الآن تشعر بعصبية وهذه ليست عادتها فهى فتاة هادئة دائما ولكنها منذ ان جاءت الى المنزل و هو يخرجها عن شعورها

سچى....طب هاتها بقى 

اخذتها منه وذهبت الى الاستراحة وهى متنرفزة بشكل كبير نظرت الى القطة وكأنها شخص امامها تكلمه

سچى بعصبية....وانتى يا مشمشة قاعدة فى حضنه كمان ومبسوطة دا انتى مش بتخلى حد ييجى جمبك هو ضحك عليكى بايه ها

انا اتجننت ولا ايه بكلم القطة كمان الله يسامحه دايما يخرجنى عن شعورى

ولكنها عندما مسدت على فراء القطة شمت رائحة عطره عالقة بفراء قطتها

سچى....وكمان ريحة برفانه جاية معاكى طب تعالى انا هديكى شاور خلى الريحة دى تطلع منك ما هى مش ناقصة ريحة برفانه كمان

ارادت سچى اخبار اكرم برغبتها فى الذهاب الى المستشفى لكى تتدرب هى وريهام حتى بدء العام الدراسى

سچى.....لو سمحت يا دكتور أكرم ممكن اطلب طلب

أكرم.....اتفضلى وايه حكاية دكتور دى ممكن تقوليلى أكرم عادى انتى بقيتى زى اختى دلوقتى اؤمرى

سچى بابتسامة....شكرا لذوقك بس كنت عايزة اطلب من حضرتك ان انا وواحدة صاحبتى نيجى ندرب عندك فى المستشفى على الدراسة ما تبدأ

أكرم.....بس كده انتوا تنوروا المستشفى كلها

سچى بحماس..... بجد انا متشكرة جدا 

دخل شادى وهو ينادى على والدته بصوت عالى فهو يشعر بالجوع الشديد الآ

شادى....يا ماما يا ماما

أكرم....ما توطى صوتك ده شوية طرشتنا ياض انت

شادى....جعان يا ناس جعان يا خلق جعاااااان

سچى.....اقوم اعملك ساندويتش لان شكل ام سيد مشيت عندها مشوار ضرورى

شادى بامتنان.....يبقى كرم اخلاق منك والله احسن اكل دراع ابيه اكرم

سچى بضحك....هههه حاضر ثوانى ويكون الساندوتش جاهز

دخلت سچى الى المطبخ لعمل ساندويتش لشادى فرأتها هدى بعد ان نزلت من غرفتها

هدى....بتعملى ايه يا سچى

سچى....بعمل ساندويتش لشادى بيقول انه جعان

هدى.... ههههه هو على طول فاضحنا كده على العموم انا عملالكم حفلة باربكيو (حفلة شواء) فى الجنينة اهو تغيير شوية

سچى....اهو هعمله الساندويتش يصبر نفسه بيه

قاموا بتجهيز كل شىء فى الجنينة لعمل حفلة شواء لهم فى الهواء الطلق كنوع من التغيير

كانوا جالسين جميعا ماعدا رائف فهو لم يظهر بعد ولا تعرف لماذا تبحث عنه بنظراتها وكأن هناك شئ ينقصها هل بدأت تعتاد على مضايقته لها ام انها اعتادت على رؤية دائما جالسا معهم

ماهر....بقالنا كتير مقعدناش نشوى فى الجنينة

صفية....الجو النهاردة حلو اوى فعلا

شادى....دا انا هشولكم فراخ ولحمة مش عايز اقولكم هتاكلوا صوابعكم وراها

أكرم.....قصدك مش هنلحق ناكل حاجة وراها يا شادى

هدى.....لو سمحتى يا سچى فى طبق فاكهة فى المطبخ هاتيه

سچى بابتسامة....حاضر

ذهبت سچى لجلب طبق الفاكهة ولكنها كانت غير منتبه فاصطتدمت بشخص طويل القامة ولم يكن سوى رائف وبسبب اصطدامها به كان ربما اختل توازنه وسقط لولا انها امسكته من ذراعه بقوة حتى لا يقع

سچى....انا اسفة جدا مش قصدى والله 

كان لايعى شئ سوى يدها الممسكة بذراعه بقوه فهذه اول مرة يشعر بلمسة يدها وعندما نظر الى يدها سحبت يدها سريعاً كأنها شعرت بماس كهربائى أصابها

سچى....انا اسفة مرة تانية

رائف....حصل خير مفيش داعى للأسف بس راحة فين كده

سچى.... هجيب طبق الفاكهة من المطبخ عن اذنك

ذهبت سريعا من امامه وهى تشعر بحرارة ألف شمس فى وجهها من ذلك الموقف فهى عندما اصطدمت به شعرت انها اصطدمت بصخرة فبنيته الجسدية قوية جدا 

وقفت بضع لحظات تلتقط انفاسها حتى تستعيد هدوئها قبل ان تخرج اليهم

وعندما خرجت حاولت قدر الامكان ان لا تنظر اليه حاولت ان تلهى نفسها بأى شىء فاقترحت ان تقوم هى بالشواء وتساعد شادى

سچى.... انت بتعمل ايه يا شادى انت بتاكل اللى بتشويه

شادى....بنقنق بس ما تفتنيش عليا خليكى جدعة

سچى....دا كده مش هيلاقوا حاجة ياكلوها

شادى.....اعمل ايه الجوع كافر وانا ميت من الجوع والساندويتش اللى عملته ليها مشبعنيش

سچى....هههه دا معاك الجوع كافر ويهودى كمان

رأها تبتسم وتمزح مع أخيه ضيق ما بين عينيه ونظر اليها بنظرات تقدح شرار

ماهر....ايه يا حبايبى هناكل الفجر ما تخلصوا بقى الواحد جاع

رائف....مش لما يخلصوا كلامهم وهزارهم الاول يبقوا يفكروا يجيبوا الاكل علشان ناكل اصلهم مش فاضيين

أكرم بصوت منخفض....مالك يا رائف شايط ليه كده يا حبيبى

رائف بنرفزة.....مفيش حاجة يا أكرم

هدى.....يلا الاكل خلاص اهو اتفضلوا يلا

تناولوا الأكل ولكن اكرم شعر ان رائف به شئ غير مفهوم فهو يفهمه من نظراته

أكرم......فيك ايه يا ابنى مالك

رائف....فى ايه يا أكرم انت كل شوية تسألنى فى إيه ما انا كويس أهو شايفنى بقطع فى هدومى ولا ناكش شعرى يعنى

أكرم.....اصلك مش طبيعى وحاسك مترفز ومتعصب جامد فى حاجة حصلت ضايقتك

رائف.....مفيش حاجة حصلت وارحمنى بقى واسكت تعرف ولا متعرفش

أكرم....هلاص يا عم هسكت انا غلطان انى سألتك دا انت بقيت اوفر فى النرفزة والعصبية

صفية....تسلم ايدك يا سچى يا حبيبتى

سچى....تسلمى يا تيتة بس شادى الصراحة هو اللى تعب اكتر والله

شادى بتمثيل.....ماهو انا كده دايما ناسينى اهئ اهئ ومحدش يقولى كلمة حلوة تبل الريق 

هدى....احنا نقدر يا حبيب ماما دا انت حبيب قلبنا من جوا ونور عنينا

شادى....وشى احمر من الكسوف يا ماما اخجلتى تواضعى

ماهر.....وانت وش كسوف اوى يا شادى

شادى....كده يا بابا بتسيحلى قدامهم استر عليا دا انا ابنك برضه كده يا بوب بتعمل كده فى اخر عنقودك

ماهر بضحك....بطل هزار بقى يا واد انت

شادى....انتوا تقدروا تعيشوا من غيرى اصلا

هدى....طبعا ياروحى

ارادت سجى اخبار صفية بانها ستذهب للتدريب فى المستشفى الخاص بهم 

سچى.....لو سمحتى يا تيتة انا هروح ادرب فى المستشفى عند دكتور أكرم 

صفية.....ماشى يا حبيبتى

هدى.....كويس اهو تسلى وقتك على الدراسة ما تبدأ

سچى.....انا قولت كده بدل ما طول النهار قاعدة ومش بعمل حاجة

هدى بمزاح......زهقتنى مننا يا سچى ولا ايه

سچى....لا ابدا والله ازاى يا طنط تقولى كده دا انتوا بقيتوا غاليين عندى اوى

قالت هذه الكلمة ووجدت نفسها تنظر اليه فاستغبت تصرفها لماذا التفتت اليه عندما قالت تلك الكلمة كأنها تخصه بها

رائف بهمس لأكرم......يعنى ما قولتش على الموضوع ده

أكرم.....دى لسه طالبة منى الطلب ده قبل ما نخرج الجنينة ثم انت مهتم اوى ليه كده بالموضوع ده يا رائف

رائف بتهرب.....وانا ههتم ليه يعنى انا بسأل عادى يعنى يا أكرم

أكرم بلؤم.....عادى برضه هحاول اصدقك يا رائف هعمل عبيط واصدقك

رائف....انت قصدك ايه بكلامك ده انت بتلمح لايه ها قول

أكرم.....ولا حاجة هو انا قولت حاجة احنا بندردش مع بعض يا حبيبى

رائف....طب اخرص بقى مش عايز اسمع صوتك فاهم

أكرم بهزار...حاضر يا ابيه هسكت خالص

رائف....قوم يا ض انت من جمبى يلا

أكرم....انا مرتاح هنا ومش قايم

رائف....طب اقعد وانت ساكت انت فاهم

اراد أكرم استفزاز رائف اكثر فراح يدندن كلمات اغنية ست الصبح

أكرم....بتعدى فى حتة انا قلبى بيتكسر ميت حته افضل فى مكانى لستة الصبح بفكر فيك بتعدى فى حتة قصادى تفوت ببقى انا على بعض ومش مظبوط حد يقولى انا اعمل ايه

رائف....بس ياض صوتك وحش وبتغنى غلط

أكرم...وانت مالك انت هى الاغنية جاتلك على الجرح ههههه

************************

فى المستشفى

وصلت سچى الى المستشفى قامت بالاتصال على ريهام لترى لماذا تأخرت فى المجىء الى التدريب فهى اوصتها ان تحضر فى الوقت المحدد

سچى....ايوة يا بنتى انتى فين اتأخرتى ليه ده كله

ريهام....اصل كنت بتخانق مع سواق التاكسى وجاية اهو

سچى....طول عمرك بلطجية يا ريهام خلصى وتعالى

ريهام....عشر دقائق واكون عندك 

انهت ريهام المكالمة مع سچى كانت تضع هاتفها فى شنطتها غير منتبهة امامها فأصطدمت بأكرم

ريهام....اااه مش تحاسب يا عم الحاج انت وانت ماشى

أكرم....عم الحاج

ريهام.....هو يعنى علشان ضاربلى البالطو الابيض والسماعة حوالين رقبتك والنظارة على وشك تمشى تخبط فى خلق الله ومش عامل حساب لارواح الناس

أكرم.....محسسانى ان خبطك أتوبيس يا آنسة

ريهام....خلاص مترغيش كتير شوفك رايح فين انتى هتقف تحكى معايا يلا يا بابا خدلك سكة

أكرم....اخدلى سكة ايه البت دى

تركته ريهام واقف مكانه مذهولا من رد فعلها فهى فتاة سليطة اللسان جدا

وصلت ريهام الى سچى ووجدتها تجلس فى غرفة تنتظرها حتى تأتى

سچى....حمد الله على السلامة لسه بدرى امال لو مكانش اول يوم تدريب لحضرتك كنت جيتى على المغرب

ريهام....انا وصلت بس خبطت فى حيطة وانا داخلة

سچى.....حيطة ايه دى

ريهام....واحد باين عليه دكتور هنا خبطنى وانا داخلة بس ايه وحياتك اديته من المنقى خيار وخليته واقف يكلم نفسه

سچى.....يعنى عملتلنا مصيبة واحنا لسه بنقول يا هادى يا ريهام انتى ايه لسانك ده متبرى منك

ريهام....متخافيش مش هيقدر يعمل حاجة

سچى....طب تعالى اعرفك بدكتور أكرم

ريهام....صاحب المستشفى دى

سچى....ايوة وكمان علشان يقولنا دكتور مين اللى هيدربنا هنا

ريهام....ماشى يلا بينا

ذهبت سچى وريهام الى غرفة مكتب أكرم وعندما انفتح الباب ودخلوا ورأت ريهام أكرم اتسعت عيناها بقوة

سچى....دكتور أكرم دى ريهام صاحبتى

أكرم بابتسامة.....اهلا وسهلا يا دكتورة نورتى المستشفى

ريهام.....الله يسلمك وانا أسفة جدا على اللى حصل

أكرم.....اسفة على ايه على طولة لسانك ولا على ايه بالظبط

سچى باستغراب.....هو انتوا تعرفوا بعض من قبل كده

أكرم.....الانسة يعتبر لسه شتمانى من شوية بس

سچى بهمس لريهام....يخربيتك هو ده الدكتور اللى شتمتيه من شوية وقولتيلى عليه

ريهام.....ايوة هو ده يا سچى هو

سچى....انا بعتذر بالنيابة عنها يا دكتور أكرم على اللى حصل

أكرم.....وهى ملهاش لسان تعتذر بيه دا حتى بسم الله ماشاء الله لسانها متبرى منها

ريهام..... ماقلت لحضرتك انا أسفة

أكرم......على العموم حصل خير

سچى......طب حضرتك مين اللى هيدربنا هنا

أكرم......دكتور يوسف

سچى....دكتور يوسف اللى بيعمل الجلسات لاخوك

أكرم بتساؤل..... ايوة انتى تعرفيه؟

سچى....دا دكتورنا فى الكلية بس معرفش انه بيشتغل هنا

أكرم.....لاء بيشتغل هنا من فترة وهو ممتاز فى شغله جدا

سچى....اه عارفين ماشى يا دكتور اكرم متشكرين جدا

أكرم.....مفيش داعى للشكر يا سچى وقولتلك انتى زى اختى اى حاجة عوزاها اطلبيها على طول

سچى بابتسامة.....عن اذنك

أكرم.....اتفضلوا

خرجوا من غرفة المكتب نظرت سچى لريهام فهى لا تتكلم فاستغربت حالتها

سچى....مالك يابت نزل عليكى سهم الله كده ليه

ريهام......هو ده أكرم يا سچى

سچى......اه ماله فى ايه

ريهام......هو بجد ولا حقيقى ولا ثرى دى

سچى.....انتى اتجننتى يا ريهام مالك

ريهام.....هو انتى عايشة معاهم فى البيت ازاى ومحبتهوش

سچى بعدم فهم.... احبه ازاى يعنى

ريهام.....تحبيه يعنى تحبيه

سچى....اه فهمت قصدك لاء اكرم وشادى انا فعلا بحبهم واحترمهم زى اخواتى بالظبط

ريهام.....يعنى مجبتيش سيرة اخوهم التالت يعنى

سچى بتهرب.....يلا يا بت مش ناقصة الهرتلة الفاضية بتاعتك دى

ريهام.....هرتلة فاضية ماشى يا سچى مسيرك تقرى بكل حاجة

ذهبوا الى غرفة التدريب وجدوا يوسف فى انتظارهم ومعه حالة لطفلة كانت تعانى من كسور فى العظام ليدربهم بطريقة عملية 

يوسف....اهلا اتفضلوا يا دكاترة انتوا متأخرين ليه كده

ريهام....سورى يا دكتور ده اول يوم على ما عرفنا المكان

يوسف.....خلاص ماشى احنا هنبتدى بجلسات العلاج الطبيعى اللى بتتعمل بعد لما الشخص يفك الجبس لحالات كسر العظام

سچى....اوك ماشى يا دكتور اتفضل

شرح لهم يوسف بطريق عملية كيفية التعامل مع حالات الشفاء من كسور العظام كانت سچى وريهام فى شدة التركيز وفى شدة الحماس أيضا 

انتهى يوسف من الشرح وجاوبهم ايضا على اسئلتهم التى كانوا يريدون معرفة إجابتها

يوسف....كده خلاص النهاردة ونكمل بكرة ان شاء الله

سچى....شكرا يا دكتور يوسف

ريهام....بجد التطبيق العملى حاجة تانية خالص

يوسف....طبعا وكويس انكم تتمرنوا لانكم خلاص فاضلكم سنة الامتياز ودى معظمها تدريب

سچى.....ماشى شكرا عن اذنك

خرجت سچى وريهام سريعا من غرفة التدريب وكان يوسف يريد مفاتحة سچى فى موضوع ارتباطهم ولكنها خرجت بسرعة قبل ان يتمكن من سؤالها

***************************

فى منزل ريهام

زينب .......عملتى ايه النهاردة فى التدريب با ريهام

ريهام.........تمام وطلع اللى بيدربنا هو الدكتور بتاعنا فى الكلية كمان

ناصر.....يعنى التدريب فادكم واستفادتوا منه

ريهام..... جدا يا بابا الصراحة احنا كنا متحمسين اوى النهاردة

زينب....على فكرة فى عريس تانى عايز ييجى قولتى ايه

ريهام......بقولك ايه يا ماما اقفلى على الموضوع ده بالضبة والمفتاح كفيانى عاهات بقى بلاش قلة قيمة

ناصر.....متغصبيش عليها يا زينب سيبيها براحتها هى عارفة مصلحتها

زينب.....هو انا قلت حاجة غلط انا بس بعرفها

ريهام.....مش عايزة اعرف لسه نصيبى مجاش 

لا تعرف لماذا عندما قالت ذلك ارتسمت صورة أكرم فى مخيلتها لدرجة انها عقدت حاجبيها استغرابا من تفكيرها فهى لم تراه سوى اليوم لماذا ظلت صورته مطبوعة فى ذاكراتها

زينب.....سرحتى فى ايه كده يا ربهام

ريهام.....ها لا ابدا مفيش حاجة بس بقى يا ماما سبينى اركز فى التدريب بلا عرسان بلا بتاع

ناصر.....ربنا يوفقك يا حبيبة بابا وتتخرجى وتبقى دكتورة قد الدنيا

ريهام....حبيب قلب انت يا ابو ريهام

زينب....ماهو محدش مقويها غيرك

ناصر....طبعا اما كنتش انا ابقى ضهرها اللى بيقويها يبقى مليش لازمة بقى

ريهام..... حبيب قلبى يا بابا وتسلملى يا رب

زينب.....طيب يا اختى انتى وابوكى محدش بيعرف يا خد منكم حق ولا باطل

ناصر....ههههه انتى غيرانة من بنتك يا زينب

ريهام......ههههه بتحبك يا بابا وبتغيير عليك بقى انا لو مكانها اللى تكلمك اشرحها

زينب....بطلى يابت انتى شقاوة وطولة لسان واسكتى

ريهام....ماشى يا زوزو هسكت اهو

**************************

فى منزل ماهر زيدان

ماهر.......هى سچى فين وأكرم لسه مجاش ولا ايه

هدى....... سچى زمانها جاية دلوقتى هى رجعت من التدريب وجايز تكون بترتاح شوية واكرم لسه شوية على ميعاد وصوله

دخلت سچى بابتسامة خجولة على وجهها فهو لم يراها طوال اليوم إلا الآن بسبب ذهابها إلى المستشفى حتى عندما عادت لم يراها

سچى....السلام عليكم

كلهم..... وعليكم السلام ورحمة الله وبركاته

شادى....ها ايه اخبار التدريب كان حلو

سچى بابتسامة.....الحمد لله تمام

صفية....كان كويس يعنى

سچى....ايوة حتى الدكتور اللى بيدربنا هو الدكتور بتاعنا فى الكلية

رائف.....دكتور يوسف

سچى.....ايوة هو

ماهر.....هو الصراحة دكتور ممتاز ومحترم جدا وشاطر فى شغله

هدى....فعلا شاب محترم جدا

رائف بانفعال وغيرة.....خلاص هو جاى يخطبها

نظروا جميعا الى رائف مستغربين من رده فعله الغريب 

كانت لا تعرف سبب حدته فى الكلام وخصوصا اذا كان الموضوع يخصها فارادت استفزازه اكثر

سچى...... وانت بتقول فيها حضرتك هو فعلا كان عايز يخطبنى بجد

صفية.....بجد الكلام ده يا سچى

هدى....امتى طلب منك الطلب ده

سچى باحراج.....كان طالب منى كده قبل ماماما الله يرحمها تموت

ماهر.....وهو فاتحك فى الموضوع ده تانى

لم يتحمل سماع كلمة اخرى هب واقفا مكانه يريد الذهاب الى غرفته فيكفى ما سمعه

رائف.....عن اذنكم

هدى....رايح فين يا حبيبى انت مش هتتعشى معانا

رائف....هريح فى اوضتى شوية على اكرم ما ييجى والعشا يجهز

شادى..... لسه بدرى يا ابيه على ما ابيه اكرم ييجى رايح فين كده

رائف....داخل اوضتى اصل دماغى صدعت

دخل غرفته وبمجرد دخول غرفته قام برمى عكازه بقوه على الأرض من شدة عصبيته ونرفزته من الكلام الذى سمعه فى الخارج حتى انه شعر باختناق فقام بخلع قميصه والقاه على الأرض وكان يريد تكسير كل شئ حوله الا انه تمالك أعصابه

ولكنه وجد باب غرفته يفتح ويدخل منه اخيه أكرم

أكرم.....مالك يا ابنى فيك ايه بس قالولى انك مصدع وانت قالع قميصك ليه كده هو اللى بيصدع بيقلع هدومه

رائف....اكرم انا مش فايقلك ياريت تسكت ماشى

أكرم..... حاضر هسكت بس كان فى موضوع شاغلنى اوى

رائف.....موضوع ايه ده كمان اللى شاغل سيادتك

أكرم.....دكتور يوسف

رائف بعصبية..... ماله دكتور بتاع ده كمان

أكرم........................................

*****************************

رأيكم يا حلوين

تكملة الرواية بعد قليل