مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 سكريبت أنت عمرى كامله 

#إنت_عمري

#لانا_سيف

#الجزء_الآۆلْ_والاخير

"" وأديني سبته أهو ومحصلش حاجة

والوضع فعلا مختلفش بأي حاجة 

باكل وبضحك بشتغل وبعمل أي حاجة 

لأ لأ مش زعلانة وكئيبة ""

                                        سميرة سعيد 

طفيت الغنية بسرعة , هيك نوع من الأغاني ما بيوصفوني أبدا , كان نفسي كون قوية وانسى وعيش حياتي بس عبث , حياتي توقفت من خمس سنين من هداك النهار يلي قرر هو فيه يحط نهاية قصتنا ويترك البطلة , ويروح يفتشلو ع قصة تانية ببطلة تاني 💔

*********************

كانت الدني عم تشتي , وما في حدا بالشارع غيري تقريبا وكم من حدا , كنت عم اركض بسرعة لأوصل للبيت لان ما لقيت ولا سيارة , فجأة حسيت بحدا عم يلحقني , وكل ما سرع يسرع أكتر , خفت كتير وصرت أبكي بس بلا صوت لحتى ما يحس علي , بس فجأة ودون سابق إنذار هجم علي الشخص يلي كان وراي , صرت صرخ بس وقت تطلعت حواليي لقيت ما في حدا بالشارع غيري أنا وهالشخص , كنت عم قاوم بكل قوتي بس ما في مقارنة بين قوتي وقوته , وحسيت إنو هي هيي نهايتي , غمضت عيوني بأسى وغبت عن الوعي ....

*********************

سارة : لياااااااان 

ليان :لك شو في شو في .

سارة : إلي ساعة عم أحكي معك , وين سرحانة ??

ليان : تركيني بحالي 

سارة : لا زهقانة تعي نطلع 

ليان : اوف ما جاي عبالي 

سارة : ليش إيمتى كان جاي عبالك , عأساس من وقت تركتي إنتي وياه شو بتعملي غير عم تسمعي غنيتك لتضلي تتذكري , اي حاج بقى انسيه ..

وحملت حالها و راحت ,, سارة بتكون أختي يلي ما إلي غيرها بالدني , اهلي متوفيين من سنين وما إلنا قرايب هون ...

رجعت لذكرياتي , هه عأساس إيمتى بطلع منها 

*******************

وقت فتحت عيوني لقيت حالي بالمشفى , وعطول تذكرت يلي صار , تخيلت صدمة أهلي وقت عرفو إنو واحد غتصبني , بس أنا والله حاولت قاوم , ما كان عندي حدا بالغرفة بس بعد شي خمس دقايق فات رجال أول مرة بشوفو بحياتي , صرخت بخوف :

- إنت مين ??

- ما مهم أنا مين , أنا شفتك بالشارع وقت اغمى عليكي وهداك الحقير كان هاجم عليكي فلهيك تدخلت وضربتو ونقلتك عالمستشفى , خبريني شو رقم أهلك لخبرهم إنك هون بكونو قلقو عليكي هلأ ..

حكيتلو الرقم وأنا مصدومة , يعني أنا متل ما أنا ما صرلي شي وكلو بفضل الشخص يلي واقف قدامي هلأ , حسيت براحة كبيرة , وضليت لوقت إجو أهلي عم بتشكرو لإن رجال مو متل يلي عم نشوفهم هلأ .

إجو أهلي , ركضت إمي وسارة لعندي , وأبي راح لعند الرجال المجهول ..

سارة : لك عطول لازم تضلي معيشتينا بالأكشن انتي 

امي :حمدلله ع سلامتك يا بنتي , الحمدلله يلي وقفلك ابن حلال يحميكي من هيك كلاب 

أنا : الحمدلله .

كان أبي بعدو عم بحاكي الرجال ويتشكرو 

أبي :شكرا إلك كتير يا ابني , عنجد أد ما تشكرتك ما بوفيك حقك أبدا 

المجهول : لا عمي هاد واجبي 

أبي :ما قلتلي شو إسمك 

المجهول : عماد .....

******************

سمعت صوت سارة فجأة عم تصرخ كإنها عم بتبهدل حدا , ركضت لعندها لقيتها واقفة عند باب البيت , قربت لعندها 

أنا : عمااااااااااااااااد 

عماد : اي ليان أنا كتير شتقتلك 

أنا :هه منيح يلي تزكرتني هلأ 

عماد :سمعيني بس , ما بدي منك أكتر من إنك تسمعيني 

سارة : لا ما بدها تسمعك ويلا تفضل برا ما بدي ارجع شوفك 

******************

- آنسة ليان بس نطري شوي , سمعيني بس لك وقفييي

= خير شو بدك ? عملتلي حالك بطل وأنقذتني , لتجبرني احكي معك , أصلا إنتا أحقر منو 

- لا والله ما بدي أأذيكي أبدا بس سمعيني , خلينا نقعد بشي مطرح واسمعيني ..

وافقت وأنا معصبة قدامو , بس قلبي كان عم يرقص من جوا , من وقت شفتو بلمشفى , من تلات شهور حسيت دقات قلبي دقت غير عن العادي , بس اقنعت حالي إنو مجرد إعجاب لإن ما معقول حب حدا ما بعرف عنو شي بلحظة , بس طول الفترة يلي مضت وأنا عم فكر فيه , ومن أسبوع بلش هو يلاحقني بكل مطرح , بلجامعة , عالفيسبوك , وأنا عم أتقل عليه لأتأكد من نيتو تجاهي 

*****************

عماد : تاركة أختك تطردني من بيتك 

ليان :خلص روح عماد ما في أي شي نحكي فيه , وبترجاك حاج تلاحقني من مطرح لمطرح 

حمل حالو وراح وأنا ضليت صافنة بالمطرح يلي كان واقف فيه , معقول أنا طردتو !!

سارة : كنتي بدك تفوتيه ما , لك إلو غايب عنك خمس سنين وما تزكرك غير من شهر واحد كيف بترضي تحكي معو حرف أصلا 

ما رديت عليها وحملت حالي ورجعت ع غرفتي 

****************

رحنا ع كافيه قريب من الجامعة , قعدنا شي خمس دقايق ما حدا حكي حرف , كإنو العيون هي يلي عم تحكي ., بعدها هو حكا 

- هلأ شوفي هو يمكن الموضوع مش طبيعي , يعني انا ما شفتك غير مرة بهداك اليوم , بس يعني أعجبت فيكي كتير , وحاسس هالإعجاب تحول لحب ..

-...........

- اذا في حياتك حدا خبريني 

- لا 

- لكان شو ?

- ما بعرف , شو يأكدلي إنك ما عم تتسلى فيي , وعم تضحك علي بكم كلمة  . 

- أنا هي آخر سنة إلي بالجامعة , بس نتعرف ع بعض أكتر بكون خلصتها وبتقدملك 

- وأنا شو يضمنلي لوقتا !?

- قلبك وحبي إلك 

 - وشو مطلوب مني هلأ ??

- ردي ع مسجاتي عالفيس 

- من وين جبت فيسي !!!?

- هالأيام سهل إنك تلاقي أي حدا 

- اه 

- فيني أعتبر هالشي موافقة 

- بفكر بالموضوع , أنا تأخرت يلا رح روح 

وقبل ما يقول شي قمت ورحت , خفت يفضحوني عيوني ويبينو شو عم حاول أخبي , رحت عالجامعة وما صدقت إبمتى يخلص الدوام , رجعت عالبيت بسرعة  وأول ما فتت عالببت فتت ع حسابي , لقيتو باعتلي مسج 

" وينك يا محتالة ?"

ما رديت أصلا شو بدي رد , عنجد وين كان عقلي وقت عملت هيك , وكيف فكرت , رجع بعتلي كمان مسج 

" يلي شافك وقت هربتي فكرني بدي أخطفك وأنا فعلا بدي أعمل هااشي بس اقلبي الفاء باء " 

خجلت كتير وما قدرت رد , سكرت النت بسرعة , كإنو خفت يشوف ربكتي وخجلي , رحت لعند إمي 

- إمي بدي خبرك شي 

- احكي حبيبتي 

- بتتزكري الشب يلي أنقذني بهداك اليوم 

- اي كيف فيي أنساه وهو السبب بنجاتك من شي بشع كتيير 

- اي هو حكي معي وخبرني إنو معحب فيي وحابب نتعرف ع بعض أكتر وبس تخلص السنة رح يجي يتقدملي . 

- رح كون كتير مبسوطة وقت تتزوجي هيك شب محترم يا بنتي 

ضمتني هي وعم تدعيلي وأنا عتبرت فرحة إمي مباركة لعلاقتنا ❤

 

فقت من ذكرباتي ع صوت سارة 

- لينو ما تزعلي مني ع طريقتي معك قبل شوي 

- ما صار شي 

- أنا ما بدي ترجعيلو ويرجع يتركك وتدمري , والله خايفة عليكي بكفي إلك خمس سنين دافنة حالك بذكرياتك معو , وبعدين طفيلي هالغنية هي , حاجتك طول الوقت عم تسمعيها , فيقي ليان فيقي , صار وقت تتعافي من إدمانو 

*****************

بعد شهرين من لقاءنا بالكافيه , كنا عم نحكي متل العادة 

- حبيبتي 

= عيوني 

- بتعرفي أغنية إنت عمري 

= بصراحة ولا مرة سمعتها , ما بحب أغاني زمان مملين كتير 

- ههههه بعينك الله سمعيها كرمالي 

= بعتلا شي منها ما بدي اتركك هلأ 

- اي يلا 

- قد ايه من عمري قبلك راح وعدى يا حبيبي ،، قد ايه من عمري راح

ولا شاف القلب قبلك فرحة واحدة ،، ولا داق في الدنيا غير طعم الجراح

ابتديت دلوقتي بس أحب عمري ،، ابتديت دلوقتي أخاف لا العمر يجري

كل فرحة اشتاقها من قبلك خيالي ،، التقاها في نور عنيك قلبي وفكري

يا حياة قلبي يا اغلى من حياتي ،، ليه مقابلتش هواك يا حبيبي بدري

= محلاها طلعت ظالميتهم ..

**********************

- ليااااااااااااااان 

= اي اي معك شو في

- في واحد شافك بحفلة عيد ميلاد جنى وحكي معي قال معجب فيكي وصرعني بدو يحاكيكي بس قلت باخد رأيك 

= رأيي بشو ??

- إنو تحاكيه وتعطيه فرصة 

= مين قلك بدي أحكي حدا , سارة إذا بعد فتحتي معي هالسيرة عنجد رح أزعل 

- عم بحكي لمصلحتك

= أنا أدرى بمصلحتي ولو سمحتي تركيني لحالي 

طلعت سارة لبرا وهي متدايقة كتير مني , بعرف إنو خايفة علي بس أنا كمان ما فيي أعمل شي ما بدي ياه لأرضي أي حدا حتى لو بحبو , رجعت شغلت غنيتي , 

الليالي الحلوة والشوق والمحبة من زمان والقلب شايلهم عشانك

دوق معايا الحب دوق حبة بحبة من حنان قلبي اللي طال شوقه لحنانك

هات عنيك تسرح في دنيتهم عينيا هات ايديك ترتاح للمستهم ايديا

يا حبيبي تعالى وكفاية اللي فاتنا هو اللي فاتنا يا حبيب الروح شوية

ومع كلماتها رجعت غرقت بذكرياتي 

*****************

اليوم هو اليوم يلي كنت ناطرتو , أخيرا رح يجي يتقدملي عماد , لحتى الكل يعرف إنو قلبي ملكه هو وبس , كانت الساعة لساتها أربعة العصر , وهو ميعادو يجي مع أهلو عالسبعة , كنت كتير متوترة وخايفة , بدلت تيابي لروح مع سارة عالسوق , ما ضل وقت كتير ولازم كون جاهزة , رحنا شترينا كل شي بدنا ياه , في الطريق ونحن مروحين اتصل علي رقم غريب , فكرتو عماد أو إمو , رديت بسرعة 

- الو مرحبا 

=انتي ليان 

- اه ليش , مين معي ?

= أنا جاركو أبو محمد البيت تبعكو حترق وأهلك فيه وهلأ نقلوهم عالمستشفى وحالتهم خطيرة ...

- شوووووووووووو .

سكرت الخط بسرعة , أكيد عم يكزب مو معقول لا مو معقول أبدا ,,

سارة : لك شو في مالك ? عماد منيح 

ليان : بيتنا حترق 

سارة : شوو وامي وابي شو صار فيهم مناح ?

ليان :  بلمستشفى وحالتهم خطيرة 

حسيت حالي كإنو كنت بحلم وتحول لكابوس  , كنت عم احلم باللحظة يلي يفوت فيها عماد مع اهلو ليطلب ايدي وهلأ خلص كل شي تدمر كل شي حترق متل بيتنا 

رحنا عالمشفى بسرعة , سألت عن مكانهم وقالولي لسة بالعناية المركزة , وصلت عالغرفة يلي خبرتني تبعت الاستقبال انهم فيها , وقت شفت الدكاترة عم بطلعو سريرين من الغرفة  ومغطيبن وجه الناس يلي عليهم , قربت من سرير و رفعت الغطا من عليه وشفت إمي 

- لاااااااااااااااااااااااااااااااااا  

وغبت عن الوعي ,, وقت فقت لقيت سارة عندي عم تبكي بقوة 

- سارة خبريني إنو كان كابوس 

= لا حقيقة , ماتو ليان ماتو يا ريتني ما طلعت معك ومتت معهم 

- لا كزب عم تكزبي علي , قولي انك عم بتكزبي , هلأ رح دقلها لامي واشكيلها منك ومن مقالبك السخيفة ,

نزعت المحاليل يلي بايدي ورحت لعند موبايلي و رنيت ع امي 

(( الرقم المطلوب مغلق حاليا )) 

- أوف موبايلا طافي , مية مرة خبرتا ما تخليه يطفي وتخليني أقلق عليها ,, رح رن لأبي 

(( الرقم المطلوب مغلق حاليا ))

- يا الله حتى أبي موبايلو مسكر 

= ماتو ليان ماااتو

بهاللحظة فات عماد ,, ركضت لعندو انا وعم ابكي 

- لك عماد شوف سارة عم تعمل فيي مقلب قال شو امي وابي ماتو , لك هلأ بكونو ناطرينا مو عأساس تجي تطلبني تأخرت عليهم يلا نروح 

= روقي حبيبتي روقي 

- قلي إنها عم تكذب 

= طيب بس رتاحي هلأ 

- رد علي قلي إنها عم بتكذب قليييييييييييي

ضليت عم صرخ وعماد عم يهدي فيي , ضمني بقوة وصار يبكي معي , كل شي نتزع كل شي حترق حتى فرحتي ,,

        - - - - - - - - - - - - - - - - - - - - - - - - - - - - - - - - - -

                 

                     بعد أسبوع من حادث الحريق

       

        - - - - - - - - - - - - - - - - - - - - - - - - - - - - - - - - - -

خلص العزا وما عاد حدا يجي غير عماد يلي ما كان يفارقني غير وقت النوم ,, كانت نفسيتي متدمرة , وما عم أرضى اكل غير وقت يغصب علي عماد آكل شي , ما كنت عم استوعب شو صار وكيف صار , راح بيتنا وهلأ ساكنين بالأجار وراحت عيلتنا وضاعت الفرحة ,, كل يوم فيق فيه بتمنى يكون كل شي صار مجرد كابوس وبس أعرف إنو واقع بتمنى موت , بهالفترة هي تعلقت بعماد كتير , صار هو كل عيلتي يلي فقدتها , صار سندي الوحيد بهالحياة ,, متل كإنو الله حرمني شي وعوضني عنو بشي , بس الوجع يلي بقلبي ما كان يروح ولا حتى يخف 

*******************

فقت من ذكرياتي هالمرة ع صوت الموبايل , كانت الشاشة عم تضوي برقم ناقشتو بقلبي قبل عقلي , رديت وحاولت كون باردة أد ما فيي 

- الو مين معي 

= نسيتي رقمي ?

- عفوا ما فهمت مين معي 

= أنا عماد نسيتي صوتي ?

- اه والله ما معي حق , بس خمس سنين يلي مرقو 

= سامحبني 

- ايوا سامحك قلتلي 

= عطيني فرصة أثبتلك اني بحبك

- بكفي يلي أثبتلي ياه زمان يلا بالاذن خطيبي برا 

وسكرت الخط بوجهو ,, ما بعرف ليش قلتلو إنو نخطبت , كإني عم انتقم منو عالشي يلي عملو فيي 

******************

                   - - - - - - - - - - - - - - - - - - - - - - - - -

                         بعد مرور سنة على الحادث 

                    - - - - - - - - - - - - - - - - - - - - - - - - -

مر سنة عالحادث بس أنا حاسستو كإنو اليوم بعدو قلبي محروق وفرحتي ضايعة , حكي معي عماد كتير كرمال نتزوج بس ما حاسة حالي قدرانة أتزوج بهالفترة , ما فيي أفرح وأهلي مو معي , كان لمفروض أبي يزفني لعريسي وإمي تدعيلي بس كل شي راح ,, 

كنت عم أسمع غنيتي المفضلة متل العادة , إنت عمري مع فنجان القهوة تبعي وزناخة أختي سارة ..

""رجعوني عنيك لأيامي اللي راحوا

علموني أندم على الماضي وجراحه 

اللي شفته قبل ما تشوفك عنيه

عمر ضايع يحسبوه إزاي عليّ 

انت عمري اللي ابتدي بنورك صباحه ""

- لك ليانو طفيلي هالغنية والله مليت منها 

= بحبها ما حلك تتعودي علي 

- وينك يا عماد تخلصني منها 

= ليكو عم برن طيرو 

"" - صباح الخير حبيبي 

   - اي تمام بس لجهز حالي وبجي 

غيرت تيابي بسرعة ورحت عالمطعم يلي اتفقنا نفطر فيه , كان المطعم شبه فاضي لإن كل الناس هلأ إما بمدارسها وجامعاتها أو بالشغل , شفتو كان قاعد بمكان فاضي , كان متل كأنو كل هموم الدني فوق راسو , بس أول ما شافني ابتسم , رحت لعندو وقعدت 

- شفت ما أحلاني ما تأخرت 

= اي 

- مالك حبيبي في شي ?

- لا عمري يلا رح اطلب فنجان قهوة ولا شربتي ?

= حتى لو شربت برجع أشرب , القهوة معك غير 

- ولونو قهوتهم ما طيبة متل قهوتك بس يلا 

ابتسمتلو بخجل وحب , نادى عالنادل وخبرو بدنا تنين قهوة وطلب منو يحط غنيتنا ,, كان شارد وملبك كتير وفي بتمو حكي بس ما بعرف  شو هو , كان نفسي اعرف شو مدايقو أو ضمو لنسيه جرحو , وصلت القهوة ونفتحت الغنية , حسيتو نوجع أكتر 

- عماد , إنت منيح 

= لا 

- لك حبيبي مالك كتير قلقتني عليك 

= ما تتركيني ليان 

- ومين قال إني رح أتركك 

= بس تعرفي يلي بدي قلك ياه رح تتركيني 

ضليت ساكتة عم حاول أحزر شو المصيبة يلي جاي يقلي ياها , معقول خاني , معقول رح يسافر معقول , معقول , ومليون فكرة إجت براسي ,, 

= بنت خالتي غتصبها واحد وكتشفو إنها حامل ولحتى ما تنفضح وتشوه سمعة العيلة جبرتني إمي أتجوزها , بس والله أنا ما بدي ليان , أنا بحبك إنتي وما بدي غيرك , أخي ياسر رفض يتجوزها لإنو متجوز , بس أنا 

- إنت المفروض على علاقة بوحدة وشبه مخطوبين , إنت المفروض يلي رح تعوضني عن كل الدني بس طلعت متلك متل أي واحد 

= لياني افهميني ليان أنا ما رح قرب عليها وهي فترة وبعدا رح طلقها 

- ما بهمني ماااااا بهمنييييييي , صرت أبكي وصرخ , حسيت حالي جنيت , ليش يا الله لييييش .

= ليان ما تتركيني ما فيي عيش بلاكي أنا ما فيي ..

ضليت ساكتة وفجأة رن موبايلو تطلعت لقيت مكتوب" خطيبتي " ومحطوط صورتها , كانت البنت حلوة كتير , أحلى مني , كان المفروض صورتي تكون هون  , بس لحتى ترضى إمو رح يكبني بكل بساطة بس ليرضيها 

= ليان ليااان 

- تتهنى يا عريس سلاااام , وحملت حالي ورحت وما رديت عآلاف الاتصالات والرسائل يلي اجتني منو ولا رضيت استقبلو وقت اجا عندي , كل يلي عملتو إني عتزلت الكل وضليت بس بغرفتي عم أبكي وموت كل ما سمعت عنو شي , عم أسترجع ذكرياتنا مع بعض كل ضحكة تشاركنا وكل دمعة مسحناها لبعض , يمكن علاقتنا ما استمرت لوقت طويل كتير بس بهالفترة القصيرة تعلقت فيه كتير وصار أهم شي بحياتي أو بمعنى أصح حياتي كلها , بعدو كان متل انتزاع الروح مني , ولهيك صرت عايشة بلا روح ... 

********************

رجع رن رقمو ليرجعني للواقع , واقع فقدو , رديت بعصبية 

- شو بعد بدك مني , خلص حل عنيييي...

- ليان أنا مشتاقلك كتير خليني شوفك ونحكي شوي وحياة أغلى شي عندك ليان ·

سكتت شوي وبعدا تنهدت بتعب , كنت غرقانة فيه لآخري بس بنفس الوقت موجوعة منو كتير

- كرمالي ليان 

= طيب 

اتفقنا نتقابل بالكافيه يلي تقابلنا فيه آخر مرة من خمس سنين !!

رحت ولقيتو قاعد بنفس المطرح , رحت لعندو  تماما متل السيناريو يلي صار قبل خمس سنين بس طبعا بفرق كتير كبير ووجع أكتر 

- مرحبا 

= كيفك

- منيحة طول ما انت بعيد

= بس انا ماني منيح بغيابك وعيونك بيحكو انك مانك منيحة   عيونك يلي ختفت منهم ابتسامة الفرح وكل هاد بسببي أنا بعرف , بس أنا ولا بعمري دايقتك لا بقصد ولا بدون قصد بس هالشي كان اجباري وكنت بتمنى تتفهميني وضلي معي ليخلص ..

- المطلوب ?!

= إيمتى تعلمتي تصيري بلا قلب

- من وقت تركتني وحلو إنك لاحظت لإن مني شايفة سبب لوجودك

= تحررت يا ليان 

- ليش كنت مسجون هههههههههه

= يلي كان رابطني بديما أمي , وإمي 

سكت شوي ليمنع دمعة كانت ع وشك تطلع من قفصها , ما بعرف ليش مانع حالو من إنو يبكي ويطلع يلي بقلبو

= إمي ماتت ليان من كم شهر , وأنا طلقتا لديما ورجعتلك 

 - يعني انت حتى ما حاربت كرمالي لقول عمل شي لحتى سامحو , لك انت عاساس فترة قصيرة تتجوزها مش تنطر لتموت امك , يعني لو ما ماتت هلأ ما كنت جيت , وبدك تفهمني إنك ما قربت عليها كل هالفترة ??

= ليان البنت معها سرطان وشفقت عليها 

- خليك معها وتركني بحالي خلصنا بقى 

وتركتو ورحت لبرا , ركبت سيارتي ورجعت عالبيت , عتزلت غرفتي ما بقى بدي اي شي من هالدني  , بس عم أبكي وأشتاق واتوجع هي حياتي من بعدو , خمس سنين ما قدرو ينسوني ياه , كنت معتزلة كل شي وعم أبكي ,,  الشي يلي ما عملت غيرو لمدة تلات ايام , كانت سارة كل يوم تجبلي صنية الاكل , وتطلع الصنية متل ما جابتها ما مأكول منها شي , كنت اشرب المي بالعافية , كإنو كنت عم عاقب حالي ع كل شي ما عملتو , باليوم التالت من رجوعه أو من بعده ما عاد في فرق  , قمت غيرت تيابي وقررت روح لعندو , عاتبو بهدلو قلو اديش مشتاقتلو اي شي لمهم شوفو , ركبت سيارتي ورحت ع بيتو دقيت الباب ونطرت شوي ما نفتح رجعت دقيت و ذات الشي , لفيت ضهري وكلي خيبة لإن الشي يلي جيت كرمالو ما رح اقدر اعملو وما بعرف اذا رح اقدر ارجع اعمل هالشي ولا لا , وفجاة نفتح الباب , بس شافني تلبك كتير , متل الطفل الصغير وقت يغلط ويخاف من امو 

- ليان !!

-كنت جاية لنحكي شوي 

" حبيبي مين عالباب ? " هالصوت الأنثوي كان جاي من جوا , دفشتو بكل القوة المتبقية جواتي وفتت لشوف مصدر الصوت , كان في وحدة  بغرفتو ومنا مرتو لان مرتو شفتا عالصور , كان في كاسات خمر بالغرفة , كان بعدو واقف مصدوم مكانو , تطلعت فيه بقرف وركضت لبرا ,,  ركبت سيارتي ومشيت باقصى سرعة كنت بدي اهرب بدي روح لمطرح بعيد , مطرح كون فيه بس لحالي , ليش رجع ليش ?? , رجع ليشوه صورتو اكتر قدامي رجع ليزيد صفحتو سواد رجع ليزيد لجروح يلي بقلبي , كنت عم ابكي والرؤية عندي منا واضحة أبدا , وفجأة حسيت سيارتي خبطت بشي قوي , وسمعت صراخ وأصوات كتير منا واضحة صوت طفل صغير عم بنادي امو , وبعدا صوت ناس عم يحاولو يطلعوني من السيارة و بعدا ما عاد حسيت بشي..

*********************

وقت فتحت عيوني كنت حاسة بوجع شديد بكل جسمي , حركت رقبتي بصعوبة لشوف وين انا , شفت ممرضة عندي , قلت بصعوبة :

- وين انا ?? شو صار !?

- حادث بسيط وان شاء الله كم يوم ورح ترجعي متل الاول  

- موجوعة كتير 

- هلأ رح حطلك مسكن حبيبتي رتاحي 

حطتلي مسكن وبعد فترة راح الوجع وما بعرف كيف رجعت نمت , بالمنام شفت كابوس شفت طفل صغير عم يبكي لحالو ويصرخ , قمت مرعوبة وصرخت وصرت ابكي وبس اجت الممرضة سألتها عن الناس يلي خبطت سيارتي فيهم 

- قليلي الناس يلي خبطت سيارتي فيهم مناح ?

-اي مناح لا تقلقي وطالعوهم من المشفى كمان 

حسيتها عم بتكزب بس ما كان قدامي غير صدقها 

- اديش الي هون ??

- اسبوع 

-اسبووووووع 

- اي وقت نقلوكي هون فتي بغييوبة لمدة أربع تيام 

- سارة سارة اختي يي بتكون قلقت علي هلأ , عطيني موبايلك , اجت لتعطيني موبايلها قمت حركت ايدي لاخدو وحسيت متل كأنو نكسرت , صرخت من الوجع ورجعت ابكي , كل هاد بسببو 

- ما تحركي حالك حبيبتي انا بمسكلك الموبايل نقليني الرقم 

عطيتا ياه وبس ردت اختي قربتو لداني 

- سارة هي انا ليان 

-ليااان 

كان صوتها مبحوح كتير وضعيف كإنو كاينة عم تبكي 

- لك كيف هيك بتروحي بلا ما تخبرنيي , هداك الحقير خبرني ب يلي صار خفت تكوني عاملة بحالك شي , وين انتي خبريني 

- انا بالمستشفى 

- مستشفى شوو ?! 

سألت الممرضة وخبرتني , قلتلها عنوان المشفى وبعدا سكرت معي لتجيني , وبعد شوي اجت ممرضة تانية للممرضة يلي عندي ( ماري )

- لك ماري ماري , الرجال يلي نجي هو والطفل من هديك الحادثة فاق من الغيبوبة 

- عنجد يلا جاية 

لحقتها لبرا , وانا قمت من فراشي رغم كل الوجع يلي فيي ولحقتهم بلا ما يحسو علي , كانت حركتي كتير بطيئة بسبب الكسر يلي برجلي بس قدرت اوصل لان ما كانت بعيدة كتير عني ,, وقت فتت الغرفة شفت رجال بالتلاتينات تقريبا جسمو مليان جروح ومليان شاش وبس دققت منيح شفت الفراغ الموجود مطرح ايدو , شهقت بخوف ونزلو دموعي ,  وعلى السرير التاني كان في طفل صغير وجهو محروق وملفوف راسو بشاش , حسيت الدني لفت فيي , كل هاد بسببي انا دمرت حياة عيلة بسببي ,, كان عم يصرخ ويسال وين مرتو و وبنتو  , ركضت بسرعة ع غرفتي متجاهلة كل الوجع يلي فيي كنت بدي اهرب كإني شي مجرم عم يهرب من المحاكمة , بعد نص ساعة اجت سارة , ركضت لعندي وضمتني بقوة , كنت بحاجة كتير لحضن ينسيني وجعي وشعوري بالذنب

- سلامة قلبك يا روحي , الله لا يسامح يلي كان السبب 

- سارة شوفي شو صار بسببي , الزلمة فقد ايدو وابنو تشوه ومرتو وبنتو ماتو , كلو بسببي 

- لا منو بسببك , هاد قضاء وقدر يا عمري 

بكيت بشكل هستيري لعند ما اجت لممرضة وحطتلي مهدئ ونمت بسببو لتاني نهار..

 وقت فقت تاني نهار ما لقيت حدا عندي , ستغربت كتير وين سارة راحت , سترجعت الاشيا يلي صارت معي من وقت شفت عماد عم بخوني , صرت أبكي بقوة ليش هيك حظي أنا ليش !! كل شي بصير معي عكس ما بدي  , فجأة تزكرت الرجال يلي خبطت سيارتي بسيارتو, وجعني قلبي كتير وحسيت بتأنيب الضمير , حسيت حالي مجرمة , فجأة اجا ببالي شي وعطول نفذتو ,  قمت عن السرير بصعوبة ومشيت لبرا الغرفة متجاهلة كل وجعي , شي كان يشدني لهديك الغرفة متل كإنو شي مغناطيس وأنا مجرد قطعة حديد ما إلها حول ولا قوة , فتت شوي شوي وكنت مفكرتو للرجال نايم , بقيت عم أتطلع بإيدو المبتورة لوقت سمعتو عم يصرخ 

- مين إنتي ????

- أنا أنا ولا شي بس .... ,  اي خربطت بلغرفة بعتزر 

- لا منك مخربطة بلغرفة والدليل ربكتك 

سكت شوي هو وعم يتطلع فيي  , وبعدا صرخ بصوت عالي :

-  اي اي تزكرتك , لك إنتي يلي دمرتيلي حياتي الله لا يسامحك , لك شو ستفدتي اه ? قتلتي مرتي وبنتي , بتعرفي لوين كنا رايحين , كنا رايحين نعرف جنس لبيبي يلي ببطنا , مرتي كان ضايلا اربع تشهر وتولد , إنتي قتلتي فرحتي الله لا يسامحك الله لا يسامحك ..

ضلو عم يصرخ وأنا ما عم أستوعب شي , لهالدرجة أنا بهالبشاعة , أنا ما كان قصدي أنا كنت موجوعة كنت هربانة من وجع لقيت حالي بوجع أكبر صرت أبكي بلا صوت ..

- اي اسمعي هالدموع ما بتفرق معي , متل ما بسموها دموع التماسيح , فهميني مين خبرك تقتلي مرتي اي انطقي .

= ما قتلتها حادث حادث مجرد حادث وأنا نأذيت فيه كمان , ما مبين اني نأذيت .

- طبعا هدول المؤثرات تعون المسلسل يلي عاملتي , الله لا يسامحك وياخد حق مرتي منك ..

ضل عم يصرخ ويدعي علي وانا   ركضت ع غرفتي عطول , هو صادق أنا دمرتلو حياتو أنا ما إلي لازمة بهالدني أنا السبب أنا السبب لازم موت بكفي , أنا وجهي نحس عالمل أنا ما مكتوبلي الفرح أبدا , انا بسبب الحزن لكل الحوالي , أنا نحس , انا مجرمة , انا قتلت تلات أرواح لازم موت لازم موووووووت  ,, تطلعت حوالي لقيت مزهرية , مسكتا ورميتها عالارض وبس نكسرت نزلت جبت شقفة منها وصرت أجرح بإيدي , لازم موت خلص بكفيييي وجع بكفي , صارت مشاهد كتير من حياتي تجي , صور معروضة متل شي سينما وانا البطلة ,,  بلش الدم ينزل بغزارة وصرت أسمع أصوات متداخلة و صراخ وعياط وصوت الدكاترة  , وبعد شوي غبت عن الوعي , شفت حالي بمكان بعيد كتير , وجاي لعندي شخصين ما مبينة ملامحهم  وبس قربو أكتر وضح شكلهم , اي هاد عماد كان عم يبكي , إي وهي أختي سارة لك شو جابهم هدول لهون , قربت لعند عماد وفجأة وقف بكي وصرخ فيي :

- لك يا مجنونة ضيعتي حالك , ليش عملتي هيك , ما فكرتي فيي , طيب بلاش فيي ما فكرتي باختك يلي ما الها غيرك , طيب بلاها اختك ما فكرتي بربك .. وبس جيت لاحكي تركني وراح , قربت لعند سارة وجيت بدي ضما تطلعت بالدم  يلي بايدي وصرخت بخوف هي وعم تبكي 

- ليش تركتيني ليييش , ما الي غيرك أنا ما إلييييي , ما فكرتي شو رح يصير فيي وكيف رح يكون حالي بلاكي .. وركضت هي كمان لحقت عماد وتركتتي 

بعد شوي شفت امي وابي من بعيد جيت لاركض لعندهم صرخو فيي هما لتنين

- ما تجي ليان ما تجي , بعدو إلك عمر , ما مكتوبلك تموتي , 

= خلوني شوفكو مشتاقتلكم كتير 

- لا ليان خليكي مع الناس يلي بتحبك , وبعد عمر طويل منلتقي بالجنة , توبي ليان ولا تعيديها اياكي بعد تعملي هالشي .

= بس !!

- من دون بس يلا ارجعي

====================

. ليان ليان ليااااااااااان 

فتحت عيوني بصعوبة وتطلعت حواليي كان موجود عماد وسارة ,, شو جابو هاد لهون , معقول سارة خبرتو يجي بس ليش ليييش ..

- لك ليان ردي  

حكيت بتعب :

= اي شو في ?!

عماد : كيف حاسة حالك كيف صرتي??

جيت لرد بس مرق ببالي شو عمل , وانو هو السبب بيلي عم بصير فيي  , قلت بعصبية :

= ما إلك , شو جابك لهون إنت اه , جاي لتدمر حياتي أكتر ??

- ما تتعبي حالك ليان جيت اطمن عليكي واذا زاعجك وجودي رح فل 

= اي زاعجني كتير , يا ريت بتعمل معروف 

لف وجهو بدو يطلع من الباب وقت صرخت فيه سارة :

- وين رايح انت كمان , بتقلك فل بتفل , حاج بقى خلينا نتطمن عليها وبعدين تخانقو 

- لا ليكها منيحة .

ووقت اجا بدو يطلع دخل الدكتور ..

- السلام عليكم 

= وعليكم السلام 

اجا لعندي وغير المحلول وبعدا سألني :

- كيف صرتي ?? 

= منيحة 

- هيك بتعملي بحالك قلقتي الكل عليكي , حتى خطيبك كان رح يكسرلنا المشفى .

ابتسمت ابتسامة باهتة اكيد قصدو ع عماد , هه ما بيعرف انو مجرد حدا بيغدر وبس ..

= منو خطيبي صديق بس 

- أه بعتزر , المهم ما ترهقي حالك هلأ لتتعافي وبعد بكرة إن شاء الله فينا نطالعك من هون ..

= تمام 

طلع عماد لبرا مع الدكتور وضلت سارة عندي .

سارة : ليش هيك حكيتي , ما تقنعيني انو ما بتحبيه يعني 

أنا : شو صرلك انتي من ايمتى بتحبيه وبتدافعي عنو .!!

سارة : لو شفتي شو صار فيه وقت عرف شو صرلك , لو شفتي كيف كان خايف وقلقان عليكي , بيستاهل فرصة تانية ليان 

أنا : لا ما بيستاهل وما بقى بدي أسمع سيرتو .

بهاللحظة اجا عماد , قرب لعندي وحكا بصوت موجوع :

- ليان 

سكت شوي كإنو عم بجمع كلامو وبعدا تابع :

- ليان أنا غلطت بحقك بس إنتي أكتر حدا بيعرف إنو منو بايدي , ما كان فيي اترك امي تغضب غليي او سمعة عيلتنا تصير بالارض وقتا ما كنتي إنتي رح تقبلي تتزوجي واحد سمعة عيلتو متل الزفت , وخبرتك هاد وضع مؤقت فترة قصيرة بس وبيخلص, كان نفسي توقفي حدي وما تتركيني كنت كتير بحاجتك ليان , كنت موت بالليلة ألف مرة , منو سهل عليي اتزوج غيرك , منو سهل بعد ما حلمت تكوني مرتي تجي وحدة تانية بعتبرها متل أختي وتصير مرتي , بعرف انو ما كان فيكي بس هلأ كل شي انتهى , هلأ ما في شي بيمنعنا نكون سوا , ما تضيعي الفرصة ليان من ايدينا , ما باقي في العمر كتير لنضيعو , انا موجوع كتير ع موت امي ويلي واجعني انو فرحت في لحظة لان رح اقدر صير حر وصير الك ..

كان فيه دموع متمردة عم تنزل ع خدو , دموع قدرت تغادر السجن يلي حابسها فيه عماد , يا الله شو بتوجعني دموعو وبتقتلني 

- ليان أناةبحبك كتير ما تتهلي عني وتتركني ..

بقيت ساكتة ما عرفانة شو قول 

= تركني استوعب يلي صابني وانسى وبعدا بفكر بالموضوع 

- ليان طاوعي قلبك لمرة وحدة بس ..

☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆

بعد ثلات سنوات ....

- عماد خبرتك مليون مرة ما تتأخر مع رفقاتك 

قرب لعندي وباس جبيني 

= خلص ما تزعلي بوعدك آخر مرة بس الطريق كان زحمة وما حسيت عالوقت 

- كل مرة بتوعدني وبتكزب علي 

= لا هالمرة عنجد , وحياة عيونك يلي ما بحب شوف الزعل فيهم 

- طيب طيب اضحك عليي بكلمتين 

= ههههه يسعدلي ياها حبيبتي , شو وينها سارة ما تقليلي نامت 

- لكان بدا تضل تنطرك الساعة صارت ١١ ولا ما نتبهت , طول الوقت وهي تقلي ايمتى رح يجي بابا ايمتى رح يجي بابا , صرعتني فيك 

= الحمدلله بتحبني مو متل امها 

- هلأ أنا ما بحبك 

= لك بمزح بمزح 

- اي هيك احترم حالك بلا ما عصب 

= كلو الا تعصبي 

- صحيح سارة بكرة جاية مع محمد لعنا 

= اي اهلا وسهلا , ما خبرتك ايمتى عرسهم 

- مبلى لشهر الجاي 

= على خير ان شاء الله بس ما تروح تسمي بنتها ليان متل ما عملتي ويصير فيه ليانتين 

- ليكون ما عاجبك.

= مبلى بيعجبني , بس بلا ما تطلع حلوة متلك وحبها اكتر منك 

- بالله شو بتسترجي تحب غيري 

= ههههههههههه ماشي يا مرعبة 

- اي لازم تخاف مني قوية انا 

= هلأ بشوف 

وراح حملني لفوق وصرت صرخ فيه لينزلني 

= ما عأساس قوية انزلي لحالك

- يا الله شو زنخ ,

نزلني عالأرض وضمني 

= بحبها يلي لسانها طويل 

- ضلك راضيني بكلميتن, يلا روح بدل تيابك عبيل ما جهزلك العشا

= طيب حبيبتي 

- إنت عمري 

رحت لحضرلو العشا وسرحت بذكريات قبل تلات سنين ..

☆☆☆☆☆☆☆☆☆☆☆☆☆☆☆☆☆☆☆☆☆☆☆

عماد : ليان وافقي ارجعيلي وهلأ رح نتزوج 

أنا : هلأ !!!! مجنون انت شي 

عماد : مجنون فيكي , رح اعتبرك موافقة 

أنا :لا ما وافقت 

سارة : خلصنا ليان , عماد بحبك وانتي بتحبيه , حاج توجعو بعض وهو رح يتغير كرمالك والا أنا بقتلك ياه 

أنا باستسلام : طيب 

راح عماد اتصل ع كذا مأذون بالعافية لقدر يلاقي واحد يجي لهون ,, بعد حوالي نص ساعة اجا المأذون , كانو عيون عماد عم يلمعو من الفرح وانا كنت طايرة من الفرح بس ما كان بدي ياه يحس بهالشي , لان لهلأ زعلانة منو .. بعد ما طلع المأذون إجا عماد لعندي وقعد حدي 

- وهي صرتي مرتي 

= اي 

- بعدك متزكرتيها إنت عمري 

= لكان ما بنساها 

قام فتحها ع جوالو 

((يا أغلى من أيامي

يا أحلى من أحلامي 

خدني لحنانك خدني

من الوجود وابعدني 

بعيد بعيد أنا وانت

بعيد بعيد وحدينا 

ع الحب تصحى أيامنا

ع الشوق تنام ليالينا 

صالحت بيك ايامي

سامحت بيك الزمن 

نستني بيك آلامي

ونسيت معاك الشجن ))

- إنتي عمري 

= وإنت عمري 

- اعتبرك رضيتي علي هيك ?!

= نو رضاي مطول كتير 

- بنطرو مش مشكلة 

= هههه طيب 

- ايوا هيك اضحكي بعمري ما شفت عروس حزينة متلك , تقولي تزوجتك بالعافية 

=  ما هو هيك فعلا 

- ما بدك ياني يعني ??

= لا ما بدي ياك 

قام زعل وراح من عندي 

= لك بمزح معك والله بحبك 

- وأنا بحبك 

☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆

- بشو سرحانة حبيبتي 

= فيك طبعا

- ايوا اذا هيك مش مشكل اسرحي متل ما بدك 

= إنت عمري 

_ يو هالغنية نفثها ما بتملو منها 

التفنا نحن لتنين لورا 

عماد : شو فيقك إنتي اه 

سارة : عطثانة 

عماد :عطثانة قلتيلي , شربيها لبنتك شربيها 

سارة : ماثي يا إنت عمري

فرطت من الضحك عليهم , ودعيت الله يحميلي ياهم ❤