رواية الوشم السائر الفصل الخامس 5بقلم إسماعيل موسي
رواية الوشم السائر الفصل الخامس 5بقلم إسماعيل موسي
#الوشم_السائر
٥
ها يا عونى عملت ايه؟ سألنى معاون المباحث بنبرة حماس ...
قلت ولا حاجة يا باشا...
رفع معاون المباحث رجليه على المكتب وتنهد، أشعل سيجارة ورزع مشط الكبريت فى الطاولة
___المدام حاولت تقتلك امس، واذا بك تفاجأنى اليوم برغبتك فى رؤيتها، وبعد ربع ساعه من التوسل واضف إليها نص ساعه بتتكلمو مع بعض جاى تقولى ولا حاجه
ايه؟ كنتم بتراجعو اسألة امتحان الثانويه العامة مثلآ؟
حتى دا كان بيحصل زمان ايام على ابن الجنينى وانجى
ثم نهض معاون المباحث، كان مرتدى بنطال جينز ازرق وقميص ابيض طوى اكمامه حدود الكوع، عدل ياقة القميص
ومسح شعره بيده وابتسم، ممكن اعرف سيادتك شايفنى ايه؟
ثم ضرب فتحى بيه الطاوله بأيده بغضب جعل فنجان القهوة يتراقص
عونى لو مقلتش كل إلى تعرفه هخليك ترقص
__قلت لكن انا معرفش ارقص يا باشا
متشغلش بالك همس فتحى بيه كل هنا ييرقص، هعلمك الرقص على اصولة وغمز بعينه
ادركت ان فتحى بيه جاد وكان لدى دافع ان اخبره الحقيقه
قلت حاضر يا باشا هقلك كل حاجه
نيره متعرفنيش لا من قريب ولا من بعيد، لكنها اختارتنى لأنها تابعت قصه انا كتبتها على صفحتى اسمها خيانة مزدوجه وبطلة القصه كان اسمها نيره
انا لسه برتب أفكارى لكن انا متأكد ان نيره بريئه وانا فيه طرف تالت هو الى ارتكب الجريمه وتقريبا لأن نيره رافضه تتكلم هو شخص قريب منها، واحد من العيله او شخص يهمها أمره
انا حطيت مجموعه من الافتراضات وهمشى وراها
ابتسم ضابط المباحث، عونى انت جاى تعمل دعايه لصفحتك فى القسم هنا؟
عايز تقنعنى اقراء قصه كتبتها علشان اوصل للحقيقه؟
انت بتهرج يا عونى
ولو كنت انت والبنت ديه هتشتغلونى انا مضطر اشغل حنكش
قلت حنكش مين يا باشا
اه انت متعرفش حنكش؟ ضغط فتحى بيه الجرس
وظهر مخبر جلف ضخم بشارب ثعلبى وعيون ماكره
اعرفك على حنكش يا عونى
_قلت بلاش حنكش يا باشا والله انا قولت الحقيقه وتقدر تراجع الكاميرات
__مش هراجع حاجه يا عونى ولو شفتك فى القسم هنا مره تانيه هخلى حنكش يتعامل معاك
كنت اعرف ان فتحى بيه يمكنه ان يصدق اى شيء سوى الحقيقه
ضباط المباحث لا يرحبون بالطرق المباشره السهله
على كل انا مش هقابل معاون المباحث تانى
نيره هتتنقل للسجن وهناك فيه زياره اقدر اطلبها
أخرجت ورقة من جيب بنطالى
شروق
اسامه
اخت نيره وجوزها، قررت ابداء من هناك، وانا نازل السلم خبطت فى شاب صاعد السلم بيلهث كان شبه نيره جدا
عيونه خضره زيها ونفس ملامحها
الشاب اعتذرلى بينما كنت افكر انا انه ربما اخ نيره
وكنت على وشك اسأله انت مين؟
لكن مش معقول اسأل شخص اول مره اشوفه انت مين؟
دا مش بيحصل غير فى روايات احمد مراد او محمد صادق
لزقت فى الحيطه ووقفت مكانى، انا ممثل جيد عندما أرغب انا اكون مهرج اركز فى الورقه وعينى على الشاب الذى طرق باب فتحى بيه ثم بعد دقائق دخل غرفة نيره التى لم تنقل بعد إلى الحجز.
دسست الورقه فى جيب بنطالى، عندما يعمل عقلى اخشانى
فأنا كتلة حماقه متحركه
خطفت ساندوتش طعميه من عربة فلافل متحركه غير عابيء بالحموضه
وغمزت بعينى لشابه جميله كانت تعبر الشارع ذكرتنى بريتا سيزيف
كانت ملابسها متسقه تكاد تكون خرجت من فاترينة عرض للتو وعلى كتفها حقيبة ظهر مقلدة ماركة فكيتوريا سيكرت
اعجبنى حذاءها الأبيض كوتش ماركة اديداس، وكانت تمشى واثقه حتى انها لم تبالى بحماقتى، اخذت قضمة من الساندوتش وهمست سنلتقى مره اخرى
ثم قفزت داخل اتوبيس 319 ووقفت بين الناس متعلق بالعمود النحاسى حتى لا أسقط
تابعت اليافطات والماره من زجاج الاتوبيس القذر، كيف تمضى الحياه بتلك الطريقه بينما شخص مثلى يعيش بمفرده؟
احيان عندما اقطع الطريق سيرا فى منتصف الليل ابحث عن كلب يرافقنى
كانت شروق تسكن فى حى هاديء، زقاق قديم لكن البنايه فى حد ذاتها مقبولة
طالعت البنايه من الجهه الاخرى وسمعت صراخ الغفير الغاضب
فيه ايه يا بيه؟
انت جاى تعاكس هنا؟
ايه البلاوى إلى بتتحدف علينا دى يارب
قطعت الشارع بغضب كنت أطول من الغفير الذى يرتدى جلباب بنى وعمة زرقاء وشال تبنى، كان له شارب لم يشذب منذ شهر وعيون سوداء ضيقه ولحية طفيفه تشبه زغب يدى
وكنت أجمل منه، ربما كان هذا الشيء المحفز فى الأمر
قلت ما شأنك انت؟
الشارع مكتوب بأسمك؟
بصق الغفير من فمه، هو يوم مش فايت باين عليه
يا بيه عيب عليك، باين عليك محترم وابن ناس هو ينفع تقف تعاكس بنات الناس وانا قاعد هنا؟
هو انا كرنبه مثلا؟
وكنت اول مره اسمع شخص يشبه نفسه بكرنبه مما زاد من احترامى للغفير الهازل
قلت دعنا نتفق انه ليس هناك قانون يمنع التسكع فى الشارع؟
ولا حتى الوقوف قرب الرصيف
معاك حق يا بيه، لكن فيه أصول، وفيه غفير بياكل عيش هنا ومهمته يحافظ على الأمن والآمان
مره اخرى يبهرنى الغفير، فهو يعرف واجبات شغلته
قلت اصلك انت متعرفش انا هنا بعمل ايه، وعمال تخلق اتهامات تفور الدم
اقعد يا اخى هفهمك، قعدت مع الغفير على الدكه، انا يا سيدى بدور علي شقه وأولاد الحلال قلولى ان فيه شقه فاضيه هنا
صمت الغفير وهمس لو كان كده ماشى
ومكنتش أعرف أن فيه شقه فاضيه ولا يحزنون، اعملنا كوبيتين شاى بقا يا عم الحج خلينا نتكلم فى التفاصيل
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق