رواية الوشم السائر الفصل الاول والثاني بقلم اسماعيل موسى
#الوشم_السائر
١
كنت داخل شقتى أعطى مجموعه من الطلبه درس لما سمعت صراخ جارى احمد المرتفع جدا، كان يسب ويلعن عندما فتحت باب شقتى، ويدفع زوجته نيره على السلم بعنف وهو يصرخ خائن_ة، عاهر_ة انتى طالق، طالق وبالتلاته
ومضت نيره على السلم دون أن تفتح فمها، وتلقت الضربات والصفعات بصمت، وجارتى نيرة امرأه شابه
هاديه جدا ومؤدبة ونادر ان تخرج من شقتها ولم أرى منها الا كل خير، وكنت بقابلها احيانا على السلم
ارمى السلام فترد التحية بصوت خافت يكاد لا يسمع
وكان الناس قد تجمعو واحضرو تاكسى لنيره أخذها ورحل وسرت همسات ان نيره كانت على علاقه برجل وان زوجها اكتشف خيانتها وطلقها.
اكملت الدرس لطلاباتى وكن اربعه يسكنون نفس العماره
وسهرت حتى وقت متأخر وعندما نمت لم افتح عينى الا وقت العصر.
وكانت الحاره كلها بتتكلم عن إلى حصل لما نزلت اشترى اكل
جارى احمد وجد مقتول داخل شقته
شق سكين صدرة ووصل قلبه، مات بعيون مفتوحه مرعوبه
وكانت المتهمه زوجتة نيره.
طلب كل ساكنى العماره فى القسم وخضعنا لتحقيق رسمى وكنت انا واحد منهم،لأن نيره نفت التهمه عن نفسها
لكن الشهود أكدو رؤيتهم نيره عائده إلى الشقه فى وقت متأخر مساء تلك الليله
ولأنه لم توجد بصمات على السكين فقد كان كل منا مشتبه به
لكن ضابط المباحث سرعان ما اخلى سبيلنا
وانا خارج قابلت نيره كان الحديد فى ايديها وبتبص نظرات تايهه وشارده وتصادف اننا جينا فى وش بعض وهى بتعبرنى همست مقتلتوش يا عونى
وصرخ الحارس امشى يا متهمه ومضيت انا فى طريقى
فأنا لست محامى ولا حتى قريب لها وكنت نسيت الأمر
الجميع كان يعرف ان نيره انتقمت من أحمد ورسخت الفكره فى عقولنا
ومضى أكثر من أسبوع عندما وجدت عسكرى يطرق باب شقتى، ولأننى اعرف حظى التعيس أدركت ان هناك مصيبه
لكن الشرطى طمأننى، قال معاون المباحث عايز يتكلم معاك
ولأننى لا أثق فى الشرطه ابتعت طعام فى طريقى إلى القسم واكلته داخله
لما دخلت مكتب معاون المباحث همس ايه إلى بينك وبين نيره؟
قلت فى سرى اهلا هى وصلت لكده؟
ياباشا مفيش اى علاقه تربطنى بنيرة والله
مج معاون المباحث من سيجارته وهمس مش معقول
قلت ليه ياباشا؟
#الوشم_السائر
٢
لازم تعرف يا عونى ان أى كلمه تنطقها ممكن تكون دليل إدانة
او؟ ونفخ معاون المباحث دخان لفافة التبغ فى وشى فيها نجاتك.
قلت يا باشا انا مش محتاج اكدب، مفيش اى علاقه تجمعنى بمدام نيرة
صمت معاون المباحث __انا مقلتش ان فيه علاقه تجمعك بمدام نيره يا عونى
قلت بوضوح تعرف مدام نيره؟
وشعرت ان معاون المباحث ينتوى توريطى او ببساطه يشعر بالملل
رفع معاون المباحث بصره تجاه النافذه كأنه يرى عبر الجدار وهمس مدام نيره طلبتك انت تحديدا عشان تساعدها
حط نفسك مكانى يا اخى، واحد بيدعى انه ميعرفش واحده ولا ليه اى علاقه بيها وبعد ما تحصل جريمة قتل تكون هى فيها المتهم الرئيسى تطلبه هو بالأسم علشان يساعدها؟
وقبل ان افتح فمى قال المعاون لازم تعرف انك مش متهم هنا، نيره فى الغرفه إلى جنبى تقدر تقابلها ولو عرفت اى حاجه يا ريت تبلغنى....
فى الرواق بلعت ريقى وشفت واحده قاعده متوتره حسيت انى اعرفها كان جنبها راجل على ما يبدو جوزها وكان بيحاول يهديها
سألت العسكرى مين دى؟ همس دى اخت المجرمه
فتح الشرطى الباب وقال انا هكون هنا لو احتجت حاجه
نيره المكبله بالحديد كانت تجلس على كرسى خشبى
نحيله ورقيقه مثل الورده الذابله
__استاذ عونى؟
ازيك يا مدام نيره
_الحمد لله استاذ عونى
قعدت على الكرسى مش عارف اقول ايه
_مقتلتوش يا عونى والله ما قتلته، انا رجعت الشقه اجيب أوراق الورث بتاعت بابا، اخدتها ومشيت، واحمد مكنش موجود وقتها
وكنت على وشك ان اسألها ليه انا؟ ليه اخترتى شخص ميعرفش عنك اى حاجه علشان يساعدك؟
لكن لسانى رفض ان يطاوعنى، قربت المقعد من نيره
ولمست بعيونى خجلها، بعد ما فتحتى الشقه عملتى ايه؟
_همست نيره مفتحتش الشقه، الشقه كانت مفتوحه
ها وبعدها عملتى ايه؟
_دخلت على اوضة المكتب اخدت الأوراق ومشيت
يعنى مدخلتيش اى غرفه تانيه؟
_لا
محسيتيش ان فيه حاجه غريبه فى الشقه؟ أوراق مبعثره؟
مقعد مقلوب؟
فنجان مهشم؟
__كل حاجه كانت طبيعيه يا عونى
وفكرت، انها تقول عونى دون القاب رغم أنها اول مره اتحدث فيها إليها، ايه إلى عايزه توصلهولى؟
كنت اعرف ان حوارنا مسجل والكاميرات تصورنا وان رفع الكلفة بتلك الطريقه قد يبدو امر مريب
لاحظتى اى حاجه تانيه يا مدام نيره؟
_وانا طالعه الشقه قابلت شخص معالمه مش واضحه كان نازل السلم بسرعه لكن مشفتش وشه
قلت ودا قولتيه فى محضر التحقيق؟
همست ايوه قولته لكن محدش صدقنى، عونى انا مش عايزه اموت ارجوك ساعدنى
لكن انا مش محامى يا مدام نيره هساعدك ازاى؟
__همست نيره انت هتساعدنى، لازم تساعدنى، لازم ونهضت فجأه والقت بجسدها على ووضعت حافة زجاجه مكسوره على رقبتى، لو تحركت هقتلك
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق