رواية مغامرات ابناء العاصي الجزء الثاني من (العاصي) الفصل الاول والثاني والثالث والرابع والخامس بقلم/كنزي حمزه
رواية مغامرات ابناء العاصي الجزء الثاني من (العاصي) الفصل الاول والثاني والثالث والرابع والخامس بقلم/كنزي حمزه
موعدنا يتجدد معكم مع كل ما هو ممتع ومفيد
اقدم لكم اليوم الجزء الثاني من (العاصي)
بعنوان ((مغامرات ابناء العاصي))
البارت الأول ♥️
ازيكم عاملين ايه انا بوده اوعبدالرحمن العاصي ابن بابا اللي في الصوره ده
اختي تيا هي اللي بتقولي يا بوده بس زين اخويا حبيبي ديما بيزعق ليها ويقولها بطلي تدلعيه
هو بقي راجل وعنده ٧ سنين واللي معايا في الصوره دي طمطم او فاطمه بنت عمو حمزه وخالتو غزل شفتو حلوه وقلبوزه اذاي
انا بحبها اوي وديما بتخانق انا واختي التانيه ليا عشان بتزعلها وتقعد تزعقلها
بس ايه بقي طمطم ديما بتعرف تاخد حقها لو انا مش موجود عاصي اخوها الكبير بيظبط ليا هههههههه
ويقعد يزعقلها والله بتصعب عليا ساعات عشان معاها حق اصل طمطم فتانه شويه
ديما تسمع اللي هي بتقوله وتروح تنقله كله لعاصي
اما بقي القمر ده يبقي عدي لالا استنو عيب اسمه عمو عدي احسن بابي يزعل
ديما بيقولي احترم عمك ومتندهلوش بأسمه هو هيبقي دكتور اد الدنيا
وانا اقوله ده لسه في سنه اولي يقولي اولي طب مش زيك لسه اولي ابتداءي
اقوله طب ماهو عاصي اولي هندسه اقوله ايه
يقولي قوله يا ابيه بس عاصي مش ردي وقاله استنو اما اقلده ليكو
هو كان بيقوله كده :ابيه مين يا عم الحج ولااااااا لو سمعتك بتقولي الكلمه دي هنفخك انا مبحبش الاحترام الزياده ده
قولي ياعاصي زي بتقول خلي ابيه دي لزين باشا اهو ده اللي لازم تحترمه ليعلقك بجد ههههههه
رد عليه عمو حمزه وقاله:بقي ياحمار مش عايزه يحترمك وعايزه يحترم زين عشان بقي ظابط طب مانت دخلت الهندسه اهو
رد عليه عاصي وقاله:كل عيش يابا ايه يعني دخلت الهندسه بس لازم كلنا نحترمه هو مافيش مهندسين يعني بيدخلو الحجز اهو لو دخلناه هو يطلعنا منه
ضحك بابي عليه وقاله :هههههه ظابط في الحربيه ياحيوان مش في الدخليه
عاصي قاله:وماله ياعم المهم لين ظهر جامد
بابي قاله: طب قوم يا حلوف من قدامي بدل ما خلي عدي يجي يتدرب عملي في خياطة وشك ده قوم يلاااا من هنا
هههههههه
جري عاصي من قدامه وهو بيقول :ههههههه لا وعلي ايه دا عدي حبيبي انا نازل اقعد معاه هو وجدي في الوكاله سلام يا بشوات انتو مش رايحين شغلكو ولا ايه
بابا قاله:رايحين يا خويا واعمل حسابك اني وهنزلك تدريب عملي في الشركه انا مش لسه هاستني لما تتخرج
عاصي:طب حتي سيبني افرح بالكليه شويه واخرج واتفسح وانبسط كده
بابا قاله:تتفسح وتنبسط ولا تمشي مع بنات يا صايع امشي يلا من هنا ههههههههه
نزل عاصي جري من قدام بابا وعمي وهما بيضحكو عليه الله هي طمطم راحت فين
اسيبكو انا بقي معاهم واروح ادور عليها لازم طلعت تتصنت علي ليا وتيا وهما قاعدين في اوضتهم اما الحقها قبل ما ليا تضربها ولا تزعقلها عديني يا مامي بقي
غمزه: بوده وبعدين معاك اتكلم بأدب ومالك بتجري كده ليه
سيبيني هاروح ادور علي طمطم هي راحت فين يا خالتو
غزل:هههههههه يادي طمطم اللي مجننه الكل طلعت عند تيا وليا تندهم يا سيدي اقعد افطر انت وهما دلوقتي هاينزلو
لاء هاروح اجيبها احسن ليا تاكلها
ضحك الجميع عليه وهو يخرج من باب الشقه
غمزه: انا مش عارفه الواد ده عامل فيها الحارس الامين بتاع طمطم كده ليه
عاصي وهو يضع يده علي كتفها ويضمها اليه الله طالع لابوه بيحافظ علي اللي يخصه يا قلبي
هههههههه ماشي يابشمهندس ماهم ماشين علي اسلوبك انت واخوك
حمزه:وماله بقي اسلوبنا مش عاجبكو بعد ١٨ سنه جواز اسلوبنا ولا ايه
غزل:انا عن نفسي عاجبني وجدا كمان يا حبيبي
حمزه وهو يضمها من خصرها:هههههههه ايوه بقي اهو بعد الكلمتين دول انا ممكن ماروحش الشغل النهارده واقعد هنا طول النهار
ولكن عاصي لم يعطيه هذه الفرصه وامسكه من قميصه من الخلف
لا وعلي ايه يا حبيبي يلا يا خويا قدامي وانا هدلعك انا هههههههههه واخذه وخرجو من باب الشقه
غزل: شوفتي جوزك مش هاين عليه يسيب حمزه يوم واحد اجازه ازاي
غمزه:ههههههههه يا ختي قولي ربنا ما يحرمهم من بعض يلا انا هاروح اشوف مامي قاعده في اوضتها ليه واخرجها بقي عشان نفطر علي ما البنات ينزلو
طيب وانا هاروح اعملي كوباية نسكافيه
دخلت غمزه علي والدتها وجدتها كانت تصلي
حرما يا روكا انتي كنتي بتصلي الصبح متأخر كده ولا ايه دي الساعه داخله علي عشره
روقيه:جمعا يا حبيبتي لا دا انا كنت بصلي الضحي ايه هو جوزك وجوز اختك نزلو ولا ايه
ايوه يا مامي فطرو وراحو علي الشركه يلا بينا احنا كمان عشان نفطر وهنزل فطار لعدي وبابا في الوكاله
روقيه وهم يخرجو من غرفتها: لاء يا حبيبتي هما فطرو من بدري انا حضرت ليهم الفطار قبل ما ينزلو ده حتي عاصي لما نزل قعد معاهم شويه بس مرديش يفطر معاهم وقال هايستني حمزه
غزل:صباح الفل يا مامي انتي لسه صاحيه ولا ايه
صباح النور يا حبيبتي هو انا خم نوم زيك ههههههههه انا صاحيه من بدري بس كنت بصلي
دخلت عليهم فاطمه ذات الخمسة اعوام سريعا وهي تبكي ومن خلفها عبد الرحمن الصغير
غزل:الله مالك يا طمطم بتعيطي ليه عملتي ايه تاني خليتي ليا تزعقلك
انا مس عملت حاجه انا كنت واقفه ساكته هي اللي بتسعقلي
مش عملتي حاجه يا سهونه انتي مش هتبطلي الخصله اللي بقت فيكي دي حتي واحنا نايمين بتصنتي علينا
والله لأقصلك ودانك دول:قالتها ليا القادمه من الخارج وهي مرتديه منامه ببنطلون برمودا قصير وتيشرت نصف كم
وشعرها اشعس اثر النوم
بقلمي/كنزي حمزه
غمزه:يا ساتر يا رب ايه المنظر ده دي غوله داخله علينا دي ولا ايه
ماهي ليها حق البنت تتفزع من شكلك ده غوري اغسلي وشك وسرحي شعرك ده يا غوله انتي
ليا: بقي في ام تقول علي بنتها اللي في ثانويه عامه كده بردو شاهده عليها يا نانا
روقيه:هههههههههههه شاهده يا ختي شاهده بس بصراحه معاها حق اذا كنت انا ذات نفسي خوفت من منظرك ده
غزل:بس بقي بطلو ماله منظرها مش لسه صاحيه من النوم تعالي يا حبيبتي متزعليش انا هالملك شعرك
وقوليلي البت دي عملت ليكي ايه تاني هتف عبد الرحمن بغضب طفولي
عملت ليها ايه يعني هي مش عملت حاجه مش انتو اللي قولتو ليها تروح تنده ليهم
الغوله دي اول ما شافتها قدمها كانت هاتكولها والله يا ليا لو كلمتيها لقول لبابي ولا اقولك انا هاقول لعاصي اخليه يطلع يظبطك زي كل مره
شايفه ياخالتو الحيوان بيهددني بأبنك ازاي طب والله لو مد ايدو عليا تاني لأقول لبابي عليه بس
صباح الخير عليكو جميعا
روقيه:يا صباح الفل علي ملكة جمال العيله كلها هههههههههه
غمزه:ياخواتي علي الروقان اللي انتي فيه ايه يا انسه تيا انتي فين من الحوار ده كله لاء ونازله مغيره بچامتك ومسرحه شعرك ورايقه علي الاخر طب علمي اختك حاجه
تيا: وانا مالي اصلا ماهي اللي شعنونه وكل شويه بحال والله البت طمطم دي مظلومه معاها انا شايفه انها معملتش حاجه
صبرني يا رب انتي ايه يا ختي طبعا مانتي ما شوفتيش كانت واقفه بتسجل ليكي ازاي وانتي بتكلمي زين في الموبايل
غمزه:ايه ده هو زين اتصل بيكي يا تيا ماقلش ليكي هايجي امتي دا وحشني اوي
بيقول لسه ادامه يومين وبيقولك حرام عليكي كمية الموبايلات اللي عندك دي ومش بتشيلي واحد في ايدك
هو قعد يتصل بيكي الصبح اد كده عشان يكلمك وبعدين اتصل علي بابي بس قاله انه نزل ورايح علي الشركه
هههههه والله نسيته علي الكمود فوق
روح يا بوده هاته قبل ما بابك يتصل ومردش عليه
لاء مش هاروح خليه يجي يعلقه في رقبتك بسلسله زي ما قالك ههههههههههه
ليا:بوددددده عيب كده كلم مامي كويس
روقيه:يخرب بيت حنجرتك فزعتيني يا شعنونه يا مجنونه انتي
ليا:هههههههه انتي اتخضيتي يا روكا يا قمر انتي ولا ايه طب ماتزعليش حقك علياوبدأت تزغزغها وتدعبها بحركات مضحكه
هههههههههه اتلمي يا بنت عاصي حوشي بنتك عني يا غمزه
الله هي راحت فين
تيا:طلعت هي تجيب الموبايل قبل مالوحش يتصل ويكلها في التليفون ههههههههه
غزل:طب يلا بقي اقعدو افطرو عشان نلم السفره دي
ليا بعد ان جلسو جميعا وأجلست فاطمه بجانبها فهي برغم كل مشاكستهم معا الا انها تعتبرها صغيرتها تطعمها وتهتم بها
وتحبها كثيرا:امسكي يلا يا طمطم كلي السندوتش ده كله
ده ايه ده انا عايسه لبن
طيب مانا هجيب اللبن بس بردو كلي السندوتش ده جبنه رومي اللي بتحبيها
لاء مامي هاتجيب لي مس عايسه منك حاجه
ليا بصوت مرتفع:امسكي يا حيوانه وكلي يلا انتي هاتدلعي ولا ايه عارفه لو قومتي قبل ماتخلصيه انتي حره في اللي هايجري ليكي بقي
خطفت فاطمه منها السندوتش وجرت من جانبها للخارج وهي تصيح
انا هاكل السندوتس كله بس هالوح اقول لعاصي عليكي عسان يجي يسبطك ويخليكي تبطلي تثلخي سويه يا سعنونه
اخذ عبد الرحمن كوب اللبن بعد ان احضرته لها وسندوتشه في يده الاخري وجري خلفها:استني يا طمطم خدي اشربي اللبن بتاعك
ليا وهي تمصمص شفاها:حنين اوي يا خويا اجري وراها بكوباية اللبن اجري بس اوع تكفي علي بوزك
ظغرت لها غمزه بعيناهامعنفه ايها علي ما قالته: كسر بوزك انتي يا ام لسان طويل طب يارب عاصي يطلع يقطم رقبتك والله ما هحوشه عنك يا ليا
هو انتي من امتي وانتي بتحوشي عننا اصلا اذا كنتي انتي سعات اللي بتحرديهم علينا اذا كان هو ولا ذين
ربنا يخلي لينا غزل حبيبتنا هي اللي مامتنا وديما بتحامي لينا انما انتي ونانا اخ ياني منكم انتو اللي اتنين ياني
تيا:لاء محدش ليه دعوه بروكا روكا دي بتاعتي انا لوحدي هي وجدو عبد الرحمن حبايب قلبي دول
روقيه:هو في زيك انتي يا نور عيني ربنا يخليكي ليا واشوفك عروسه يارب
غمزه:ايه ده كده بردو بعتوني في لحظه يا كلاب
غزل:هههههههه هو انتي عايزه تكوشي علي حب الكل ولا ايه مش كفايه عليكي الشباب وبوده وطمطم
اشبعي بيهم دول حياله بنتين خايبين انابقي ربنا يخليلي زين وعدي وعاصي كفايه انهم بيخافو عليا من زعل عاصي الكبير ومابيستحملوش يشوفوني زعلانه
روقيه:اه والله ولا بوده لما وقف قدامه عشانك دانا كنت مرعوبه لا يمد ايده عليه
غزل:يمد ايده علي مين يا مامي انتي ناسيه هو بيحبه اذاي الصراحه هو بيحب العيال كلهم وعمره مامد ايده عليهم
غمزه:وهو محتاج يمد ايده ده كفايه يبص ليهم بس
روقيه:فاكرين لما غمزه كانت بتولد بوده عمل ايه ههههههههههه
غزل: يالهوي ده فتح دماغ الدكتور ياعيني وكسر المستشفي عليهم لما قاله انها تعابنه ولازم تولد قيصري
تيا:ايوه انا فاكره دااحنا ساعتها كان عندنا ١٢ سنه وانا كنت بعيط جامد عشان مامي فاكره يا نانا
ههههههههه ايوه لما اتسحبتي وركبتي جامبي في العربيه وانتي بتعيطي وهو قفل الباب عليهم كلهم ولما شافك وانتي راكبه وماسكه فيا بصلك بغضب وسكت
غمزه:دا انا كنت بموت فعلا في الواد ده وهو ياحبيبي بقي مرعوب
واللي طالع عليه يقولي ماعملتيش زي المره اللي فاتت ليه انتي مابقتيش جامده ولا ايه
غزل:هههههههههه واول مانزلنا من العربيه وشالك ودخل بيكي المستشفي وخدوكي منه والدكتور قاله كده
فضل يضرب فيه ويقوله هافتح ليك دماغك دي قبل ماتفتح بطنها وفضل يشتم فيه لولا احمد وحمزه جم ومسكوه
وخلصو الدكتور من ايدو كان مات وكل مايسمعها بتصرخ قبل ما يدوها البنج يكسر اي حاجه قدامه لحد ما بابي واحمد خدوه ونزلو في الكافتريا تحت وفضل كل شويه يتصل بحمزه لحد ما ولدت
ليا:يا سيدي يا مامي دا بابي بيحبك اوي
روقيه:بصراحه بابكو ده خساره فيها من يوم ماتجوزها وهي مجنناه
يتبع.....
رواية العاصي/2
((مغامرات ابناء العاصي))
البارت الثاني❤️
دلف عليهم عدي الي داخل الشقه وهم جالسون يستفهم حديثهم :هي مين دي اللي مجنناه
غمزه:صباح الخير يا نور عيني تعالي يا قلبي افطر معانا تلاقيك لما نزلت بدري ملحقتش تفطر
لايا حبيبتي انا فطرت من بدري انا والحج الصبح بس قلولي بتحكي علي مين
روقيه:هههههههه علي عاصي وغمزه لما كانت بتولد عبد الرحمن فاكر
اخ ودي حاجه تتنسي بردو دي المره الوحيده اللي مد ايدو عليا فيها
فاكره يا ماما لما اداني بالبوكس في وشي وشال عاصي حدفه بعزم مافيه في قلب البيت وقفل علينا والمصيبه انكو مشيتو كلكو وساب الوكاله مفتوحه هههههههه
غزل: اه دانت قعدت وشك معلم ازرق كام يوم ياعيني والواد عاصي لما جينا لقيناك مغرق دماغه بن من الجرح اللي كان فيها
روقيه:اومال انت طلعت ليه دلوقتي
فكرتيني صحيح ليا مالكيش دعوه بقي بفاطمه عاصي كان طالع يتخانق معاكي وانا قولتله اني هاطلع ازعقلك
ليا بغضب: هايعملي ايه يعني شايفه بنتك يا ست غزل طب والله بعد كده ماليش دعوه بيها خالص ومش هاكلمها كمان
بس عالله بقي تيجي تقولي اتاخلي يا ليا عاسه انام في حضنك
غزل:معلش يا حبيبتي ماتضيقيش نفسك بس اما تطلعلي الفاتنه دي وبعد قليل
رن هاتف غمزه وهم جالسون
الو ايوه يا دارين عامله ايه يا حبيبتي
دارين :الحمد لله يا حبيبتي وحشتوني اوي
طبعا لازم نوحشك مش حضرتك اللي سيبانا انتي والست دانا بنتك وقاعدين في السخنه طول الصيف
والله يا بنتي انا زهقت من القعده هناك بس هاعمل ايه بقي في الهانم مقدرش اسيبها لوحدها واجي وهي مش كانت عايزه ترجع وتسيب اصحابها
دي ماوفقتش الا لما بابها زعق وقالها كده كتير قوي واننا لازم نرجع بقي
المهم انا عايزه اشوفك انتي وغزل انتو واحشني خالص
وانتي كمان يا روحي وحشتينا طب ماتيجو بكره تقدو معانا اليوم
ها لاء مانا بتصل بيكي اصلا عشااعزمكو بكره تيجبو البنات وتيجو تقضواليوم معانا
مش عارفه اقولك ايه بس انتي عارفه لازم ناخد رأي عاصي وحمزه الاول
اه طبعا مافيش مشكله خلاص كلميهم وابقي ردي عليا وسلميلي علي غزل وانطي روقيه اوي
ماشي يا حبيبتي سلام
مع السلامه
اغلقت معها الهاتف وانضمت اليهم بالحديث
غزل:اخيرا رجعومن المصيف
غمزه:اه بتقول ان دانا مش كانت عايزه ترجع عشان اصحابها بس احمد زعق وقالهم لازم يرجعو
ليا:يابختهم والله باقلهم شهر في السخنه واحنا مش عارفين نروح اسبوع
تيا:مع اننا عندنا الشاليه بتاعنا جنبهم بس احنا بقي عاملين زي اللي مغضوب عليهم ماينفعش نروح في حته من غير الرجاله كلهم وايه هو اسبوع واحد بس
وطول السنه قاعدين هنا في البيت ده وفي قلب الجماليه وسجن الجماليه
عدي بغيظ:ايوه في ثانيه هاتتحولو مش كده اه طبعا ماهي الاميره المغروره جات وهاتتلمو عليها بقي وتتقلبو علي البيت وعلينا وعلي الجماليه بحالها
ليا:انا مش عارفه ايه اللي عاجبكو في العيشه هنا مع اننا عندنا ڤيلا كبيره في زايد
وحضرتك بقي دانا مابقتش عجباك في ايه وليه ديما بتقول عليها مغروره ماهي ليها حق واحده جدها الله يرحمه كان لوا سابق وابوها عميد واخوها ظابط في الحربيه عايزها تيجي الجامليه تحب فيها ايه يا دوكتور
عدي:مانشالله ما حبتها يا ختي واخوها وابوها اللي بتقولي عليهم دول بيعشقو القعده هنا في الجماليه
ولازم تفهمو ان ابوكو لما عملكو اللي انتو عايزينو وجاب الڤيلا وفرشها دا عشان ماتحسوش انكم اقل من حد
ولازم بردو تفهمو انه متمسك بالعيشه هنا عشان جدكو ميقدرش يسيب البيت ده ولا الوكاله اللي هي كل حياته
فايريت بقي تبطلو هبل ودماغكو دي تتعدل وتبطلو تمشو ورا المغروره دي
روقيه:خلاص ياعدي اهدي يا حبيبي هما عارفين الكلام ده كويس صح يا بنات
وقفت تيا من علي مقعدها واقتربت منه وهي تصيح بمرح: خلاص بقي ياديدو متزعليش يابطه داحنا بنحب نناغشك هههههههه
عدي بغضب:يعني مش كفايه ديدو دي لاء وكمان بطه دانتي يومك مش معدي النهارده
خدي يابت هنا ولكنه قبل ان يمسك وجد من تقفز علي ظهره من الخلف وهي تضحك
ليا:مش عجباك ديدو طب بلاش نقولك يا دوده هههههههه اوعي تكون عايزنا نقولك يا عمو ما تنساش انك اكبر مننا بست شهور بس يادوده
عدي ههههههه: لا والله طب انزلي يا ....... من علي ضهري فاكره نفسك خفيفه اوي
واحترمو نفسكو معايا في الكلام شويه اناعمكو غصب عنك انتي وهي يابتوع ثانويه عامه انتو
تيا بعد ان جلست علي الاريكه : صحيح انا مش عارفه يعني احنا الفرق بينا مش كبير كان لازم بقي فرق الشهور يضيع علينا سنه بحالها يابختك انت وعاصي
عديتو السنه دي ودخلتو الكليه واحنا لنا الله في الثانويه العامه
غمزه:انت مش كنت بتقول يا عدي انك هاتكلم المدرسين عشان يدوهم دروس خصوصيه
عدي : لاء ماانا لما قولت لزين قالي ماتفقش مع حد غير لما هو ينزل ويجي معايا هو اصلا مش عايزهم يخرجو ياخدو دروس بره واخويا عاصي مش عايز يدخل حد غريب هنا بصو الموضوع كبير مش بالسهوله دي
غزل:اه يعني لازم مجلس العائله الذكوري ينعقد عشان دروس تيا وليا معاكو ربنا بقي ههههههههه
عدي:ههههه اه والله لاء وخدو التقيله بقي الاستاذ عاصي باشا مصمم اني ماتفقش مع مدرس الالماني اللي كان بيدينا بيقول انو صغير وواخد مقلب في نفسه كده
ليا:نعم طب وهو ماله ان شاء الله هو اصلا مالوش راي عشان يتدخل فينا
عدي:اتلمي يا ليا ومالكيش دعوه عاصي خايف عليكو وانتو اصلا اللي مالكوش رأي المدرسين اللي هانجبهم ليكو هما اللي هاتخدو معاهم يلا انا نازل تحت يا ماما مش عايزين حاجه
روقيه:لاء يا حبيبي بس ابقي هات حد ينضف سطح البيت بتاع جدتك الله يرحمها الكلاب اللي بتربيها خليته بقي فظيع يا عدي
عدي:الله يرحمها حاضر يا ست الكل هاشوف حد يجي ينضفه النهارده يلا سلام انا نازل
بقلمي/كنزي حمزه
تركهم ونزل الي الاسفل لتهتف غمزه:يلا ياهوانم عشان نشوف اللي ورانا تيا ادخلي وضبي اوض عاصي وعدي وجدو
وانتي يا ليااطلعي وضبي شقتنا
وغزل لتهتف غزل:انا هاطلع اوضب شقتي مش محتاجه اومر منك يا سيادة المدير العام ههههههه
روقيه:تمام وانا وانتي بقي هاندخل علي المطبخ يلا غموزه هههههههه
غمزه: وهي متجهه الي المطبخ ههههههه يلا بينا انا مش عارفه ليه بس عاصي وحمزه بعد ماجوزو حسنه مش رديو يجيبو حد تاني
دا حتي لوزه بعد نانا الله يرحمها قالت انا مقدرش اقعد هنا تاني والحاجه مش موجوده
روقيه:ياحبيبتي لوزه كبرت وولادها بردو كبرو وهي محبتش تخلي حد يبصلهم بصه وحشه ولا يقلهم كلمه مش كويسه
ففضلت انها تقعد في البيت وكتر خيرو بابكي عبد الرحمن لحد دلوقتي بيبعت ليها شهريتها هي وحسنه مع بعض
غمزه:هو بابي عبد الرحمن ده في منه دا الحنيه كلها والدلع كله هههههههه
/////////////////////////////
صعدت الي شقتهم حتي توضبها مثلما امرتها والدتها ولكن هاتفها قد نوي ان يعطلها مثل العاده واعلن عن اتصال من صديقتها المحببه اليها هي واختها
التقتطه بيدها وجلست علي فراشها لتحدثها ولم تنتبه لتلك الصغيره التي ولجت اليها ووقفت بجانب باب الغرفه تستمع لها دون ان تحدث اي صوت
ليا:هاي دانا عامله ايه وحشتيني
دانا:وانتي كمان وحشتيني يا ليا عامله ايه وتيا كمان وحشتني اوي
بأمارة ما سافرتي وقاعدتي الفتره دي كلها ونسيتينا مش كده
سوري يا ليا والله بس انشغلت مع اصحابي وبصراحه القعده هناك لطيفه خالص
اه ياختي يابختك قعدتي الفتره دي كلها في السخنه واحنا هنا بنتشوي في الحر ده
هههههههههه طب وانا مالي مش انكل عاصي هو اللي مارديش دا حتي بابي لما قاله قاله لاء انا معنديش بنات يسافرو لوحدهم وقولت ليكم تتحايلو عليه وانتو اللي مارديتوش
ماكنش هايوافق يا دانا احنا عارفين بابي كويس المهم قوليلي هاتيجي مع انطي دارين بكره لو احنا مش جينا ولا بردو مش عايزه تيجي الجامليه
مانتي عارفه يا ليا انا مش عايزه اجي ليه ولا انتي عايزاه يتخانق معايا تاني ويسمعني كلامه اللي زي السم ده
يا بنتي والله عدي طيب هو بس مش بيحب حد يتكلم عننا وحش
وهو انا اتكلمت وحش عنكم فين دانتو صحابي وانا بحبكم زي اخواتي هو اللي مش بيطيق ليا كلمه وكفايه انه كل ما يشوفني يقولي انتي بنت تافهه ومغروره علي الفاضي
معلش يادانا هو من ساعة ما سمعك وانتي بتكلمينا علي اننا نروح نعيش في الڤيلا بتاعتنا وانك مش حابه المنطقه هنا وانا مش عارفه ايه اللي قلبو عليكي كده
سبيه براحتو المهم احنا عايزين بقي نبقي نخرج انا وانتي وتيا مره قبل الدراسه ماتبدء نروح مول او اي حاجه بقي
ماشي بكره نبقي نتفق بس مش عارفه بقي بابي هايرضي ولا ايه وكمان الزفت عاصي داه لما يعرف هيقف زي العضمه كده في الزور ويقعد يقوله يعني ايه يعني بنات يخرجو لوحدهم
ههههههه اقولك ماتقوليش ليهم واحنا نبقى نتفق احنا التلاته ونحاول نخرج من وراهم
هههههههه ضحكتيني والله دا علي اساس ان الانسه تيا هتقدر تخرج كده من غير ماتقول لزين دا كان جيه سود عيشتنا
انا معرفش انتو بتخافو منه كده ليه اذا كنت انا اللي اخته مش بخاف منه كده
الله ما هو اخونا احنا كمان بس انا مش بخاف منه ولا حاجه هو اصلا مش مركز ولا معايا ولا معاكي كل تركيزه يا عيني مع تيا مش بتعرف تاخد نفسها منه ههههههه
دانا بمكر:اهو انا شايفه بقي ان تركيزه ده مش اخويه خالص ههههههه اخوها ايه ده بيموت فيها تعرفي انه شايل في محفظته كذا صوره ليها من وهي بيبي لحد دلوقتي
ههههههههه انا كمان شايفه كده بس انتي عرفتي منين يعني انها صورها هي مش يمكن تكون صوري انا
لاء مانا سألته قالي دي تيا قولتله انت اذاي بتعرف تفرقهم من بعض
قالي من ساعة ماتولدت تيا وهي بيبي وفتحت عينها وانا بعرف افرقها عنا ليا قولتله لدرجة دي بتحبها يا زين بصلي بمكر كده وقالي طبعا بحبها وبحب ليا زي ما بحبك بالظبط انتو التلاته اخواتي الاميرات الثلاثه
مش عارفه ليه مش عايز يقولها ويعترف ليها بحبه ده
علي فكره هي كمان بتحبه اوي بس بتخاف منه وطبعا عمرها ما هاتروح تقوله كده عاااااااااااا
ايه مالك يا ليا بتصرخي ليه
الحيوانه طمطم خضيتني بلف لقتها واقفه في وشي والله لموتها النهارده اقفلي يا دانا سلام
ههههههههههه سلام يا شعنونه
القت الهاتف من يدها واتجهت سريعا اليها وامسكتها بين يديها
انتي مش هاتبطلي الحركه دي يا حيوانه
فاطمه بخوف:مس عملت حاجه يا ليا انا كنت عاسه اقعد معاكي
القتها علي قدمها وظلت تضربها علي مؤخرتها وهي تصرخ
انا هابطلك الخصله دي يا فتانه واقفه تصنتي عليا عارفه لو شوفتك بتعملي كده تاني هافضل اضرب فيكي كده
فاطمه وهي تصرخ:سيبيني يا ليا حلام عليكي مس هاعمل كده تاني
تركتها من يدها وهي تصرخ فيها:امشي من هنا انا مش بكلمك ومخصماكي اوعي تيجي تتكلمي معايا انتي فاهمه
جرت الصغيره من امامها وهي تصرخ من الالم نزلت سريعا الي الاسفل لم تذهب الي والدتها ولأنها تعلم حبها الشديد للاخري وانها سوف توبخها مثلها
جرت الي خارج البيت ودلفت سريعا الي اخيها وجدها حملها جدها علي قدمه ذلك الكهل الطيب الذي كما احب ابناءه غمر احفاده بحب جم
مغامرات ابناء العاصي
العاصي/2
البارت الثالث
جرت الصغيره من امامها وهي تصرخ من الالم نزلت سريعا الي الاسفل
لم تذهب الي والدتها ولأنها تعلم حبها الشديد للاخري وانها سوف توبخها مثلها
جرت الي خارج البيت ودلفت سريعا الي اخيها و جدها
حملها جدها علي قدمه ذلك الكهل الطيب الذي كما احب ابنائه غمر احفاده بحباً جم
الحج فضالي:الله مالك يا طمطم بتعيطي ليه بس
فاطمه:ليا ضلبتني جامد يا جدو وقالتلي انها مخصماني
الحج فضالي:عملتي ايه تاني بس خليتها تضربك ليه
مس عملت حاجه هي اللي كل سويه تضلبني انا هاقول لبابي لما يجي عليها وكمان هاقول لعاصي هو فين
لاء ماتقوليش حاجه لحد وانا كمان شويه لما اطلع هازعق ليها جامد ماشي يا طمطم خدي العشره جنيه دي وروحي هاتيلك حاجه حلوه يلا
اخذت الصغيره المال من جدها ولكنها ذهبت الي مخزن الوكاله عندما رأت بابه مفتوح
علمت انهم به دلفت سريعا اليه وهي تهتف بأسمه بوده يا بوداااااا
كانو يرتبون الاجوله رأها عدي وهو يحمل جوال كبير على ظهره:الله ايه اللي جابك هنا يا طمطم اطلعي فوق ولا روحي اقعدي مع جدك علي بال مانخلص
طمطم:فين بودا ياعدي انا مس لقياه
عاصي:بيلعب بالعجله بتاعته دلوقتي هاتلقيه جاي انتي عايزاه ليه
طمطم:اثل جدو اداني عثله جنيه عثان اجيب حاجه حلوه عسان ليا ضلبتني تاني وهو قالي مس اقول لحد
القي الجوال من يده بكل عصبيه وهب بالخروج لها علي باب المخزن
عاصي:ضربتك ليه هي مافيش فايده فيها يعني
طمطم:انا مس عملت ليها حاجه انا كنت طالعه اقعد معاها ولقيتها بتكلم دانا في الموبايل
انتبه لها عدي عندما القت علي مسامعه ذلك الاسم الذي كم تمني ان يكسر رأس من لقبت به
واكملت الصغيره وهي اول لما سافتني ضلبتني علي التوته وقعدت تثلخ وتقولي يا فاتنه
عاصي:هي فين يا طمطم
طمطم بلا مبلاه:كانت فوق في ثقتهم ال بتلوقها وهي اثلا مث بتعمل حاجه وبتتفق مع دانا عثان يخلجو
ابتسم عاصي والتفت بمكر لعدي وامسك عصي رفيعه جدا يضعها في جانب المخزن:عن اذنك يا ديدو خمسه وراجعلك
عدي :انت هاتستهبل يلا ولا ايه لو مديت ايدك عليها ابوك وعمك هايعلؤك
عاصي:عيب يا عدي من امتي اوعي بس انا هاتسلي شويه وجاي تركه وصعد الي هذه المجنونه وهو منفعل
التفت عدي الي تلك الصغيره واجلسها علي قدمه
عدي:يا سلام عليكي انتي يا بريئه ياقلبوظه بقي انتي كنتي رايحه تقعدي معاها بس
طمطم:اه بث هي اللي ثعنونه وكل ثويه تتجنن عليا
عدي:اممممم قولتيلي بقي كانت بتكلم دانا
طمطم:اه وكانت بتوقولها دا عدي طيب وحنين هو بث مس بيحب حد يتكلم علينا وحس
ابتسم هو ومن داخله وفرح جدا عندما علم انهم كانو يتحدثون عليه وضحك الي صغيرته
عدي:ههههههههه اه يا بنت اللذينه ومش عايزه الكل يقول عليكي فاتنه
//////////////////////////
كانت ترتب غرفة اخيها الصغير وهي تضع سمعات الاذن في اذنها وتشغل تلك المكنسه الكهربأيه وهي تهتز علي انغام اغنية ما تسمعها
لم تشعر به حين دلف الي الشقه وبكل سهوله وجدها من صوت المكنسه
وقف علي باب الغرفه ينظر اليها وهو ممسك تلك العصي وهي تدندن
انا مش مبيناله انا نويله علي ايه ❤
ساكته ومستحلفله ومش قايلله ساكته ليه 💖
خليه يشوف بعنيه 😧ايه الي ناويه عليه 😈
عااااااااااا الحقوني يخربيتك انت طلعت منين
عاصي:طلعت منين من تحت الارض يا ختي ايه هانقدملك في كابريه قريب
امسكت ذراع المكنسه في يدها ورفعته امامه تحتمي فيه
ليا:ااااااانت ماسك العصايه دي في ايدك ليه هاتعمل بيها ايه
عاصي بمكر:تفتكري كده يا ليلو هاعمل ايه هاعمل زي مانتي عملتي بالظبط في الغلبانه طمطم تعاليلي بقي رفع العصي عاليا ليلقيها عليها فصرخت وقذفته
بذراع المكنسه في وجهه ولكنه تفداه بحرفيه
عاصي:كمان كنتي عايزه تعوريني دانا هاخليكي تقولي حقي برقبتي النهارده
ليا:ااانت فاكرني هخاف منك يا حيوان انت ولا ايه طب فكر كده تلمسني بالبتاعه اللي في ايدك دي وانا وربنا لكون قايله لبابي عليك يا عاصي
وقف امام الباب قبل ان تهرب منه بعند نزل بالعصي علي مؤخرتها لتصرخ من فعلته
اااااه انت اتجننت يا حيوان والله لخلي بابي يموتك النهارده والله لقوله يا عاصي
طب قوليله علي دي كمان عشان تبقي تطولي لسانك عليا كويس وتعرفي تشتميني
ولكن قبل ان تلمسها عصاه ذبحته هي بدموعها الحارقه وصرخت: اوعي تعملها تاني انت مالكش دعوه بيا ولا تتكلم معايا
عاصي بعند:موافق بس اقسم بالله يا ليا لو ايدك اتمدت علي طمطم تاني لكون ضربك اكتر ما ضربتيها والجزاء من جنس العمل يا بنت عمي
انتي فاهمه ثم تركها وذهب خارج الشقه سريعا قبل ان تفتك دموعها به
وترجل علي الدرج سريعا وهو ممسك بعصاه في يده قابلته تيا علي الدرج وهي مندهشه من منظره الغاضب
الله انت كنت فوق بتعمل ايه ومالك شكلك متنرفز كده
عاصي:عشان ضربت الهانم اختك وكل ماهتضرب فاطمه وديني لكون ضاربها ثم تركها واكمل سيره للاسفل
وضعت الاخري يدها علي فمها مندهشه مما تفوه به ذلك العنيد وصعدت الي توؤمها لتراها وتري ماذا فعل بها هذا اللعين
دخلت عليها شقتهم وسريعا ما اتجهت نحو غرفة اخيها حيث صدح منهاصوت بكائها
تيا:ليا مالك يا حبيبتي عمل فيكي ايه البني ادم ده
ليا بصراخ:شوفتي الحيوان عمل ايه ضربني بالعصايه علي.... والله لكون قايله لبابي عليه والمره دي بقي مش هاسكت ليه
تيا بمكر:بجد يعني لما يجي بابي هاتقوليله ان عاصي ضربك ولا هاتعملي زي كل مره وترجعي تخافي عليه
ليا:لاء مش هاخاف عليه وان ماقولتش لبابي والله لقول لزين
تيا بخوف:لالالاء بلاش تقولي لزين عشان مايتخنقوش تاني كفايه المره اللي فاتت
ليا بعد ان وقفت من علي الارض التي كانت تجلس تبكي عليها:ماتخفيش اوي كده
المره اللي فاتت لما تخانق معاه وكان هايضربه دا كان عشان بس زعقلك لما حرقتي القميص بتاعه لكن انا بقي مش هايعمله حاجه
تيا بعدم فهم:انتي قصدك ايه هو من امتي زين بيفرق بينا في المعامله ماحنا الاتنين اخواته
ليا وهي تخرج من الغرفه: اه ياختي مانا عارفه وفي سرها هاتفضلي طول عمرك هبله وتركتها وذهبت خارج الشقه بأكملها
/////////////////////
وفي المساء عاد عاصي وحمزه من شركتهم وجلس الجميع علي مائدة الطعام التي ترأسها الجد فضالي وكان الصمت سيد الموقف
بعد ان علم الجميع بهذه المشاجره التي حدثت بين اعند ثنائي في هذا البيت واصدرت روقيه امر للجميع بعدم اخبار الجد او حمزه
او هذا الذي يهابه الجميع ولكنه لاحظ الغضب المرسوم علي وجه من لقب بأسمه واكتسب جميع طباعه
عاصي الكبير:مش بعاده يعني تقعدو ساكتين كده وانت مالك راسملي ال١١١ بين حواجبك كده
عاصي الصغير بعند ولكنه لم يتعود الكذب عليهم:عشان ضربت بنتك
ترك الاخر الملعقه من يده وهب واقفاً
بينما صرخت غمزه: اسكت يا عاصي هو مكانش يقصد يا حبيبي هو
عاصي الكبير :اخرسي يا غمزه عيد ياض اللي انت قولته ده تاني كده
حمزه:انت بتقول ايه يا حيوان انت
ليا بخوف عليه:لاء يا بابي هو مش ضربني دا غصب عنو العصايه فلتت من ايدو جات فيا
امسكه عاصي الكبير من تلبيبه وهو يهتف فيه:بتمد ايدك علي بنتي يا عاصي انطق دلوقتي عملتلك ايه بنتي عشان تمد ايدك عليها
وقف عدي بينهم وهو يهديء اخيه الكبير
ماكنش يقصد زي ماقالولك يا عاصي سيبه عشان خاطري
صرخ عاصي الصغير:لاء كنت اقصد واه ضربتها عشان تبطل تمد ايدها علي فاطمه
وتبطل تشتمني اظن انا اكبر واحد فيهم وعيب اوي لما بنتك تشتمني وتقولي يا حيوان مش كده ولا ايه يا عمي
تركه عاصي من بين يديه ونظر اليها بغضب لترتعد هي وترتد الي الخلف في احضان جدتها
عاصي:انتي شتمتي ابن عمك صحيح
ليا:هو هواللي كل مره يزعقلي وو
عاصي:يزعقلك ويقطم رقبتك كمان ومن دلوقتي ورايح مافيش واحده فيكو تطول لسانها علي واحد فيهم تاني فاهمه يابت
لياوهي تضع وجهها في الارض:حاضر يا بابي
عاصي بغضب:اعتذري لابن عمك يلا
اندهشت هي مما تفوه به اباها واسترسلت الدموع علي وجنتيها وظلت تنظر الي الاخر وكانها تقتله بدموعها فاقفز من امامهم جميعا وخرج من الشقه بل من البيت كله
لتصرخ غزل:عاصي رايح فين يابني الحقه يا عدي
عدي:ماتخفيش يا غزل هايروح فين ياعني انا نزله اهو
حمزه:بس بقي كفايه كده انتو ايه اللي جرلكو كل يوم بمشكله
اخير تحدث الجد: خلاص خلصتو مشكلة النهارده ياريت كل واحد بقي ياخد مراته وبناته علي شقته جاتكم القرف في قعدتكم
جرت الفتايات علي شقتهم بينما نظر هو اليها
عاصي:واقفه ليه ماتحصلي بناتك وياريت تبقي تعلميهم ازاي يحترمو رجالة البيت ده يا هانم
نظرت له بغضب وكادت ان ترد عليه الا ان صوت اباه اسكتها
فضالي :كفايه بقي انا مش عايز خناق انتو ايه مابتفهموش ولا إيه اطلعي يا غمزه ورا بناتك يلا وسيبي عبد الرحمن هيبات هنا في اوضة زين
تركتهم جميعا وصعدت للأعلي وهي غاضبه منه جدا
نظر حمزه الي تلك الواقفه محتضنه ابنتها الصغيره:واقفه كده ليه ماتطلعي انتي كمان علي شقتك يلا.
غزل:لما اعرف ابني راح فين واطمن عليه هابقي اطلع
حمزه :دا علي اساس انو عيل صغير هايروح فين يعني يلا يا مدام علي شقتك انتي وبنتك
غزل:قولت مش ها
حمزه بغضب:غزللللل قولتلك اطلعي وقصري في يومك وكفايه اللي حصل بقي من ابنك
روقيه:خلاص خلاص يا حمزه يلا يا بنتي اطلعي خلي اليوم ده يعدي علي خير بقي
حملت طفلتها واتجهت بها للاعلي وهي غاضبه
وقفت روقيه تلم تلك الصحون التي لم يلمسها احد من علي طاولة الطعام
وساعدها عبد الرحمن الصغير وهو ينظر لأبيه ويهتف:
علي فكره انا مارديتش اتكلم بس بنتك دي تستاهل اللي يجرالها عشان تبطل تمد ايدها علي طمطم تاني
عاصي بغضب:بقولك ايه انا مش ناقصك لانت ولا طمطم بتاعتك دي اطلع من دماغي دلوقتي
جلس الصغير بجانب جده بكل عند ونظر له:انا بايت في شقة جدي اطلع انت شقتك اذا كان مش عجبك كلامي
عاصي وهو يرفع حاجبه له: تصدق انا فعلا هاطلع بدل ما قوم اطلع روحك في ايدي ثم تركه وذهب للاعلي وهو يسبه بأفظع الالفاظ
عيل بن......... ً'''''........ ابوك
بوده بصوت مرتفع:علي فكره انت بتشتم نفسك
امسكه حمزه وهو يصيح فيه:اخرس ياض واتلم بقي بدل مايجي يكسر دماغك دي
ثم امسك هاتفه واتصل علي اخيه الصغير ليجد هاتفه مشغول كان الاخر يتحدث معه حين اتصل به وهو يصعد علي الدرج
عاصي:لقيته يا عدي
العاصي/2
((مغامرات ابناء العاصي))
البارت الرابع
جلست بجانب الصغيره في فراشها توبخها ببعض الكلمات لتهتف الصغيره
طمطم:لاءه يا مامي انا مس قولت لعاصي حاجه انا كنت فاكله بوده في المخسن معاهم ولوحت انده عليه
غزل:يا سلام اومال هو عرف منين وايه اللي خلاه يطلع يضربها لو مش انتي اللي قولتيله
طمطم ببراءه:يوووووه يا مامي افهمي بقي انا دخلت انده علي بوده عسان نلوح نجيب حاجه حلوه بالعثله جنيه اللي جدو ادهالي
فهو سألني جدك اداكي الفلوس دي ليه فأنا قولت ليه هو وعدي بث هو ده اللي حثل
وقف حمزه امام باب الغرفه وهتف: خلاص يا حبيبة بابي ماتزعليش مافيش حاجه حصلت
جرت الصغيره عليه وحملها بين يديه :بث مامي سعلانه مني وليا مخاثمني وكمان عاثي سعلان
حمزه:معلش يا حبيبتي كل حاجه هاتصلح تاني وبعدين مين قال ان مامي زعلانه منك هي مامي بردو تقدر تزعل طمطم حبيبتها
نظرت اليه بتعجب مما قاله وكأنه برأسين هل يريد اغاظتها
ام هو لا يدري مافعله صاحت الصغيره وهي داخل احضانه
طب انا عايسه انام جانبك النهالده بقي
حمزه بحب:ياسلام وانا اطول انام واميرتي في حضني بس السرير بتاعك ده صغير عليا ايه رأيك لو ننام انا وانتي ومامي في اوضتي النهارده هتفت غزل بغيظ
لاء مش ليكو دعوه بمامي واتفضلو ارتاحو انتو في اوضتك براحتكو انا هانام هنا
نظر لها وهو رافع حاجبه الايمن بأندهاش
خلاص براحتك انتي حره يلا بينا يا طمطم خرج من الغرفه وتركها وهي مستشاطه من الغيظ
/////////////////بقلمي/كنزي حمزه
اقبل عليهم الصباح وهي غافيه بين احضانه علي صدره العاري لتفتح عيناها لتقابل عيناه التي تتفحصها بجراءه ويعبث في خصل شعرها المتمرده مثلها
عاصي: صباح الفل ياقلبي
غمزه وهي تعطيه ظهرها:اوعي كده ملكش دعوه بيا
عاصي وهو يعبث في منحنيتها:ههههههههه انتي لسه زعلانه ولا عايزه عقاب تاني
اندهشت هي مما تفوه به وسريعا ما التفتت له :انت مش هتبطل قلة ادب
جذبها اليه وهو يضحك بشده :هههههههه انتي اللي طلبتي اهو تعالي يا قلبي
بس بقي يا عاصي اسكت البنات زمانهم صحيو
عاصي وهو يحتضنها:عمرك ماهتكبري ابدا هاتفضلي طول عمرك حبيبتي المتمرده ام خدود حمره
وكزته علي صدره وهي تتملص منه:طب اوعي بقي عشان احضر ليك الفطار قبل ماتنزل الشركه
جذبها علي صدره مره ثانيه والصقها به وهمس في اذنها:مش رايح الشركه وعايز احلي ينفع ولا لسه زعلانه
غمزه:هاه يعني انت مش نازل
عاصي:اه مش خارج النهارده في حاجه ولا ايه مالك وشك قلب كده
هاه مافيش حاجه ااااصل دارين ودانا رجعو امبارح من السفر وكانت عازمنا انا وغزل والبنات عندها النهارده بس خلاص بقي طلاما انت مش خارج مش هانروح
ليه روحو يا حبيبتي براحتكو انا قاعد النهارده عشان اقعد مع عدي وعاصي بقالي كتير مقعتدش معاهم محتاج افهم هما بيفكرو في ايه
غمزه بفرح:ربنا يخليك لينا ياحبيبي بس تلاقي غزل مش هترضي عشان حمزه مش هايروح الشركه
مين قال كده حمزه اصلا عامل اجتماع للمحاسبين النهارده انا بس اللي قاعد هاه ينفع احلي بقي ولا في أسئله تاني
هههههههههه يا لهوي عليك لاء سيبني اقوم بقي
تقومي فين تعالي بس يا شيخه احنا لسه مخلصناش كلامنا
//////////////////////////////
استيقظ من نومته واعتدل من جانب طفلته وذهب الي المرحاض ليتوضأ وخرج منه وجذب سجادة الصلاه وصلي فرضه ثم اتجه الي غرفته مره ثانيه حتي يلبس ملابسه ويذهب الي عمله
ولكنه توقف حين رأها تقف امام المرأه تسرح شعرها اتجه اليها واحتضنها من الخلف وبدأ يقبلها في عنقها لتهمس هي
غزل:اوعي كده سيبني روح كمل نوم جنب بنتك
حمزه:هههههههه انتي غيرانه ولا ايه طب مانا قولتلك تعالي نامي جنبنا وانتي اللي قولتي لاءه
يا سلام ياخويا يعني تزعلني وعايزني اجي انام جانبك من غير ماتصالحني
حمزه بمكر:انا زعلتك امتي ده محصلش وعلي العموم يا ستي اصالحك احنا ورانا حاجه
احتضنها جيداً وهمس في اذنها :حقك عليا يا روحي انا اصلا ماقدرش ازعلك ثم وضع شفاه علي شفاها وطبع قبله طويله علي ثغرها
لتهمس هي: حمزه هتسيب عاصي زعلان كده
تنهد هو بحزن ونظر الي عسليتهاوهمس
يا حبيبتي ابنك مبقاش صغير الطريقه اللي بيعامل بنات عمه بيها دي غلط لازم يتشد شويه عشان يكبر بقي ويتحمل مسؤولية نفسه
غزل:بس هو مش بيعامل حد كده غير ليا هي اللي علطول حططها في دماغه وديما يتخانق معاها
حمزه:طب ده تسميه ايه بقي ثم غمز لها بعينه وهتف الواد بيعشقها من صغره يا ام عاصي بس هو اللي لسه مش عارف يخطي الخطوه الصح
ابنك ده لا بيحب ولا بينيل ده غشيم وهيفضل طول عمره كده
ههههههه طب هنشوف كلامي اللي صح ولا كلامك المهم دلوقتي انا عايز افطر عشان اروح الشركه
حاضر طب مش هاتنزل تفطر مع عاصي وبابي تحت
لاء عاصي مش رايح الشركه تلاقيه مش هينزل دلوقتي
طب هي دارين كانت عزمتنا عندها النهارده نروح ولا ايه
ماشي روحو وخلي عاصي يوصلكو ما ترحوش لوحدكو
حاضر يا حبيبي هاقوم بقي احضر ليك الفطار
طب ماتيجي نحضره سوي ههههههه
////////////////////////
استيقظت من نومها واعتدلت جالسه وهي تبكي عندما تذكرت ما حدث امس انفتح باب غرفتهم ووجدته امامها يستمع الي شهقاتهاوينظر لها بهدوء
عاصي:ليا قومي اغسلي وشك وتعالي انا عايز اتكلم معاكي
حاضر يا بابي خرجت من جانبه متجهه الي المرحاض
نظر الي توؤمها المبتسمه له وهي تصيح
تيا: صباح الخير يا بوب انت مش خارج النهارده ولا ايه
صباح الفل يا شقيه لاء يا ستي مش خارج وايه بوب دي انا كمان هاتدلعيني ولا ايه
قفذت من علي الفراش واتجهت مسرعه اليه وهي تبتسم
طبعا ادلعك وابوسك كمان دانت احلي بوب في الدنيا بحالها ههههههههههه
عاصي وهو يضمها الي احضانه :ماشي يا شقيه انتي روحي بقي اغسلي وشك وحضري الفطار مع امك عشان عايز أتكلم انا واختك شويه
عيوني بس امي لو سمعتك وانت بتقول امك دي هاتقتلك
هههههههههه هاتيجي تقولي علي فكره اسمها مامتك مش امك ههههههههه
دخلت ليا عليهم وهي مازلت بوجه متبرم حزين
ليهتف عاصي:طب يلا بقي يا شقيه عشان عايز اتكلم مع اختك شويه
نظرت اليها بحزن وأومئت برأسها له واتجهت للخارج لتجلس ليا بجانبه علي الفراش وهي محنية الرأس
عاصي: ارفعي راسك وبوصيلي هنا انتي عارفه انك غلطانه صح ولا لاءه
ليا:ايوه يا بابي عارفه بس هو كمان غلطان
انا عارف انه غلطان وهاحسبه علي غلطه ده
هاه لاء لا يا بابي اصلا انا اللي استفزته وخليته عمل كده لما شتمته
رفع الاخر حاجبه مستفهما وهو ينظر لها في دهشه: وبتحميله ليه بقي لما انتي عارفه انه غلطان
احنت رأسها للأسفل ولم تتحدث
عاصي: طيب علي العموم انا مش عايز اللي حصل ده يتكرر تاني ولسانك ده مش عايزه يطول علي حد منهم تاني وكلامهم يتسمع سواء عدي او عاصي او حتي زين انتي فاهمه
حاضر يا بابي
مالكيش دعوه بطمطم خالص واوعي تضربيها تاني
حاضر يا بابي
والكلمه اللي يقولها ليكي عاصي بالذات تتنفذ مفهوم
نظرت اليه في دهشه ولكنها لم تتحدث ليصيح هو: مفهوم يا ليا
انفزعت من صوته :وهمست حاضر يا بابي
طب يلا عشان نفطر سوي دلوقتي وانا زي ما قعدت معاكي هاقعد معاه واعلمه الادب
اخذها من يدها واتجهو للخارج ليتناولو طعام الافطار
///////////////////////////////
جالس علي فراشه في صمت لم تغفل عينه طول الليل فقط يري امامه صورة عنيدته وهي تتحداه
لم يشعر بهذا الذي يقف امامه ما يقرب العشر دقائق يلوح له بيديه الي ان زجه في كتفه
عدي:ايه يا بني التوهان اللي انت فيه ده ماتفوق بقي
عاصي:ايه يا اخي خضتني في ايه
انا اللي في ايه انت اللي مش حاسس بنفسك بقالي ساعه بكلم فيك وانت ولا هنا
سيبني في حالي مش عايز اتكلم مع حد
لاء فوق كده واظبط الكلام ده قولته امبارح وسيبتك وفضلنا قاعدين ساكتين عند الكلاب لكن دلوقتي عمك نازل يقعد معاك هاتقوله هو كمان سيبني في حالي
قفز من علي فراشه واتجه للخارج وهو يصيح بصوت عالي:يووووه فككو مني بقي انا لاعايز اتكلم ولا اقعد مع حد واذا به يجذب الباب من مقبضه ليراه امامه بكل هيبته
عاصي الكبير: لاء يا عين ابوك فكك انت بقي من الشويتين دول
عشان مش هايكلو معايا وهاتقعد تكلم زي الرجاله ولا اعتبرك عيل وعاملك معاملة العيال الصغيره
انا مش عيل يا عمي ومغلطش عشان تنصبولي محكمه
ومين قال اني ناصب ليك محكمه ياض انت هو انا لما احب اقعد واتكلم معاكو يبقي بنصب ليكم محكمه ولا بكبركم وبعاملكم زي الرجاله
احني رأسه امامه وهو يعض علي شفاه السفلي ولم يتكلم الا انه ربط علي كتفه وهتف
طيب ادخل اتشطف يلا وانا هانزل استناك في الوكاله تحت عقبال ماتفطر وتنزلي ثم تركه وذهب للاسفل لينظر هو الي عدي بغضب
عدي:ايه ماتبصليش كده انا لسه كنت هاقولك انه قاعد بره لكن انت مادتنيش فرصه
ماشي يا عدي انا نازله هي موته ولا اكتر
اتجه الي المرحاض توضيء وخرج صلي فرضه واتجه الي خارج شقة جده ولكن اوقفه صوت جدته:عاصي افطر الاول وبعدين انزل
عاصي:مش عايز حاجه انا نازل ولكنه ارتطم بها وهي تدخل مندفعه مثل عادتها هي واختها
لم تتحدث وغضت عينها للاسفل لتوريهم من عينه المرعبه وهو ينظر لها بغضب
هتفت تيا:صباح الخير يا عاصي
التفت اليها وهتف:خير بقي ولا شر اهوصباح وتركهم ونزل سريعا للأسفل واتجهو هما الي الداخل ليصبحو علي جدتهم وعدي
///////////////////////////////////////
وفي الاسفل داخل الوكاله جلس عاصي خلف المكتب براحه في انتظاره الي ان دلف اليه
عاصي:الله اومال ابويا فين وجدي كمان فين
عاصي الكبير:ابوك راح الشركه وجدك في المخزن في تاجر بيحمل نقلة رز منه
عاصي:طب هاروح اقف معاه مش معقول هانسيبه لوحده
عاصي الكبير:اقعد ياض وبطل ملوعه في الكلام انا مخلص كل حاجه وعدي دلوقتي هاينزل ها نتكلم بقي زي الرجاله ولا ايه
وقف امامه وهو يفرك خلف رأسه بيده:هي اللي عصبتني يا عمي انا والله ما كنتش ناوي امد ايدي عليها بس هي اللي لسانها طويل
وكل ما تشوفني تقولي يا صايع يا بلطجي يا حيوان
عاصي الكبيربهدوء: طب انت ايه اللي يخليك تديها الانطباع ده يا حمار مش هتبطل غشوميه بقي لانت بقيت صغير ولا هي بقت صغيره
نظر له ولمعت عيناه وتفهم ما ينتويه عمه ليكمل الاخر: لو فضلت المعامله بينكو كده هاتفضل تعاملك زي اخوها ولااانت فعلا عايزها اخت ليك بس ولا ايه
عاصي وقد جلس امام عمه بهدوء :مانت عارف يا عمي اناعايز ايه وناوي علي ايه بس بنتك بقي هي اللي مش بطيقني وعلطول تتخانق معايا
عاصي الكبير:بس اللي شوفته امبارح لما قولتلي انك ضربتها ولهفتها وخوفها عليك ما يقولش كده
عاصي:يا عمي
عاصي الكبير:ماليش دعوه بمعاملتكم لبعض لاني واثق انك هاتغيرها لكن انا عايز اقولك علي حاجه ضربك ليها وانك تمد ايدك عليها مش هايثبت قدمها غير انك مش راجل زمان انا عملتها مره واحده مع غمزه ولومت نفسي ساعتها كتير
بس كان معايا حق لكن انت بسبب ومن غيرسبب بتمد ايدك عايزها تفهم انك كبرت ومبقتش راجل ازاي وانت لسه بتعاملهم زي ماكنتو عيال اظن ماينفعش مش كده ولا ايه
عاصي:حاضر يا عمي اوعدك من هنا ورايح ايدي مش هتتمد علي واحده منهم تاني
عاصي الكبير:ياض دانت البكري بتاعنا وانت اللي هاتمسك كل حاجه من بعدنا عدي هايبقي دكتور وملهوش في الهندسه وانا عايز اعلمك كل حاجه الصغيره قبل الكبيره اومال هاجوزك بنتي ازاي هههههههه
عاصي:بجد يا عمي ربنا يخليك ليا يا رب
عاصي الكبير: ويخليك يا حبيبي بس عايزك بقي تبقي قد المسؤولية دي ومن بكره هاتنزل الشركه معايا
عاصي: بس الكليه هاتبدأ بعد شهر وانا لسه معرفش اي حاجه
عاصي الكبير: كلية ايه ياض انت هتبقي تحت ايدي وانا اللي هادربك علي كل حاجه المهم دلوقتي انت هاتبقي مسؤول قدامي عن ليا من غير ماتعرف اي حاجه عن اتفاقنا لحد ماتخلص الثانويه مفهوم يا عاصى
عاصي:حاضر يا عمي ماتخفش محدش هايعرف اي حاجه عن اتفقنا ده
عاصي الكبير:طب يلا دلوقتي بقي اطلع حضر نفسك عشان توصلهم عند عمك احمد في زايد وسبهم وتعالي
عاصي بفرحه حاضر يا عمي ربنا يخليك ليا يا حبيبي يا رب
العاصي/2
((مغامرات ابناء العاصي))
البارت الخامس
جلس داخل سيارته خلف عجلة القياده وبجانبه جلست غمزه وعلي قدمها طمطم وبالخلف جلست كل من غزل وتيا وعنديته ليا
وعم الصمت السياره طول الطريق ولكن طمطم نوت ان تحثهم علي مشاكثتها
طمطم: انتو مالكو ساكتين كده ليه
غمزه:وعايزنا نعمل ايه يا لمضه
طمطم:اي حاجه بقي يا غمسه سغل الكاسيت يا عاثي
عاصي:بس يا طمطم مش ناقص صداع
غمزه: بلهفه مالك يا حبيبي انت تعبان
غزل: عاصي لو مصدع يا حبيبي انا معايا مسكن
كان يراقب تعابير وجهها من خلف نظارته الشمسيه ولكنها لم تهتم لهم وكانت تراقب الطريق
عاصي بغضب: في ايه يا جماعه انا مش تعبان ولا حاجه ماتكبروش الموضوع يعني
تيا:ايوا يا عم مين ادك انت مش اي حد بردو المزتين دول يخافو عليه ههههههههههههه
قرر ان يتلاعب بأعصابها ويتجنبها
عاصي: ههههههههههه والله انتي اللي مزه يا بت يا تيا هتفضلي علطول فرفوشه كده
التفت اليه بغضب ذلك العنيد هل يمزح مع توؤمها ام يريد اغظاتها
طمطم:طب سغل الكاسيت بقي
عاصي:حاضر ياستي وادي الكاسيت اهو ها قولولي بقي هاجي اخدكو امتي
غمزه:يعني تعالي علي ٨ كده
واخيرا نوت ان تتحدث لتشعله من الغيظ
ليا:مامي احنا متفقين اننا هنبات مع دانا انا وتيا ماشي ماتجيش بقي باليل تقولي يلا
استشاط غيظا منها ولكنه تحلي بالصبر فهو يعلم انها القت هذا الكلام علي مسامعه لتغيظه
غمزه:خلاص يا ليا انتو مش قولتو لبابي قبل ما ينزل وهو وافق
تيا:ايوا يا مامي وقالنا باتو وبكره عاصي ولا عدي يبقي يجو ياخدونا
غزل:خلاص تبقي بكره تيجي تاخدهم يا عاصي مانت عارف عدي مش بيحب يروح هناك
عاصي:لاء الله معلش مش فاضي انا نازل الشركه مع ابويا وعمي من بكره
غمزه:بجد يا حبيبي ده ايه القرار الحلو ده
عاصي: ههههههههه مالك فرحتي كده ليه دا انتي فرحتي اكتر مني اعمل لجوزك ياستي هو اللي مصمم مش صابر حتي اما اخد اول سنه في الهندسه عمال يقولي كلية ايه ياض دانا اللي هدربك بنفسي واعلمك كل حاجه
غزل:ربنا يخليه لينا هو بابك عايزينك تبقي تحت عنيهم عشان تعرف كل حاجه
تيا:يا خواتي عليك يا عاصي وانت نازل من العربيه زي بابي كده وشايل أوراقك والرسومات الهندسيه بتاعتك هتبقي امور خالص
نظرت لها بغضب ولكنها اصرت الصمت فأن تفوهت الان سوف تلقي علي ماسمعهم ما يغضبهم منها اكثر
عاصي: هههههههههه امور والله انتي اللي قمر وعسل وحتة سكره يا بت يا تيا يا حبيبتي انتي
طمطم:هاه كل ده تيا وطمطم لاءه انا سعلانه منك
عاصي:ههههههههه لاء دانتي روحي حد بردو يقدر يزعل حبيبو منه ههههههههههههه يلا اتفضلو وصلنا
وبمجرد ان اوقف السياره داخل حديقةالفيلا ترجلت منها بغضب
ولم تلتفت اليهم او تنتظرهم و ذهبت للداخل مسرعه
تيا:استني يا ليا لما ندخل مع بعض وذهبت من خلفها
غزل:طب سلام يا حبيبي خلي بالك من نفسك وانت راجع ماتسوقش بسرعه
عاصي:ماشي يا ماما حاضر سلام ياطمطم
طمطم:سلام والقت له قبله في الهواء
وقفت غمزه امامه تملس علي وجه بحنان:عارفه انك زعلان من اللي حصل بس هي كمان زعلانه بس العند مش هايعمل حاجه غير انو هايزود الزعل
تنهد تنهيده قصيره يخرج فيها غضبه: سبيها لما تجيب اخرها انا مغلطش عشان اروح اصالحها واقولها حقك عليا المفروض هي اللي تعتذر
غمزه بمكر:وهي مش هتعتذر وانت عارف دماغها كويس ايه هاتفضلو كده
عاصي:شكلك عمي مراسيكي علي الحوار كله
غمزه: عيب يا واد من غير مايرسيني انت عارف عمك مش سهل تطلع منه كلمه بس انا اللي مربياك وعارفه كويس مين اللي قاعده هنا 💗ومربعه كمان هههههههههه
عاصي: ايه ياجدعان هو انا مكشوف ليكي انتي وجوزك اوي كده
غمزه:ههههههههههه ياواد دانت ابننا احنا مش ابن غزل وحمزه يلا سلام ومتتأخرش عن الساعه ٨
عاصي:ماشي يا مزتي سلام بس مش عايز حد يعرف حاجه
اتجهت هي للداخل وركب هو السياره وقادها الي الخارج متجها الي الجماليه
///////////////////////بقلمي/كنزي حمزه
وفي الداخل القت بنفسها في احضان صديقتها
وهتفت:وحشتيني اوي يا دانا كده بردو تقعدي المده دي كلها وتسيبينا
دانا:ليا يا حبيبتي وحشتيني اوي
هتفت تيا من خلفهم:لو كنا وحشناكي مش كنتي قاعدتي المده دي كلها وسيبتينا
دانا بعد ان احتضنتها هى الأخري :هههههههه والله وحشتوني بس اعمل ايه بقي بصراحه مكنتش هاقدر مأقعدش مع اصحابي الشهر ده في السخنه داحنا قضينا ايام تحفه هناك.
لتهتف دارين القادمه من الداخل اهلا اهلا بحابيبي وحشتوني
غزل:وانتي كمان يا روحي وحشتينا اوي
غمزه:اه يا بكاشه كل ده وحشتينايا دارين
دارين:تعالو نقعد في الجنينه علي البيسين
وبعدان جلسو هتفت:اعمل ايه بس في الهانم دي ماكانتش عايزه تيجي ولا انا كنت اقدر اسيبها لوحدها انتو عارفين احمد وتحكماته
غمزه:هو انتي كنتي عايزه تسبيها لوحدها وترجعي ولا ايه
دارين:بصراحه اه زهقت من القعده هناك وكلهم شباب وبنات من سن بعض وامهتم بقي مألقيش حاجه كده ايه اللي هما التناكه كلها
غزل:بس بردو مكانش ينفع انك تسيبها لوحدها هناك
دارين:وهو انا كنت اقدر ده احمد كان بهدل الدنيا ده جالنا اخر اسبوع قضاه معانا وفي اخر يوم قال كفايه عليكو كده
الهانم حاولت تعترض وتدلع عليه كالعاده بس هو تربس دماغه وصمم اننا نرجع
غمزه:اه يابختكو بصراحه احنا اللي عايزين نطلع يومين حتي البنات نفسيتهم وحشه اوي ومش بيبطلو مشاكل مع عاصي وعدي
غزل:والله ليهم حق احنا الصيف ده مروحناش في اي حته والبنات ماخرجوش خالص
دانا:طب ايه رأيك يا انطي غمزه لو تقولي لأنكل عاصي و ونروح انشالله يومين سوي قبل الدراسه عشان خاطري
غمزه:اه منك يا شقيه انتي يا بنتي انتو لسه راجعين
تيا:والنبي يا مامي انتي عارفه كويس انك لو طلبتي منه مش هيرفض ليكي طلب
غمزه:ياسلام مانتي عارفه انه مشغول في الشركه هو وعمك ومش هيرضي يخليكو تروحو من غير رجاله خصوصا وان عاصي هاينزل معاهم الشركه من بكره
ليا:وهو يعني اذا ماكنش سي عاصي يجي معانا ماينفعش نروح مايروح معانا عدي وزين كمان نازل اجازه اليومين دول نخليه يروح معانا
دانا :معتقدتش ان زين هيوافق داحنا اتحيلنا عليه كتير اوي وهو كل اللي طالع عليه عندي شغل عندي شغل دا بقالو شهر بحاله مانزلش اجازه
ليا بمكر:اهو راجع بكره ولا بعده والوحيده بقي اللي هتقدر تخليه يوافق هي تيا
تيا:ياسلام ياختي واشمعني انا ولا انتو ديما كده تحطوني في وش المدفع انتو الاتنين
غمزه:خلاص اما يجي بس بالسلامه انا هاكلمه ولو لقيته موافق هاكلم بابكم وغزل عليها حمزه بقي فرحو البنات جدا بماقالته وقضو يومهم بسعاده ومرح
/////////////////////////////////
صعد مع عدي بيت الجده توحه ليريه مشروعه الصغير وما حصده من تربية الكلاب
عاصي:تعالي يا سيدي وريني مزرعة الكلاب اللي انت عاملها دي
عدي:تعالي تعالي ده انا بقي عندي تقريباً كل الانواع
( الچرمن والجولدن و الهاسكي لحد اللولو كمان)
عاصي:ههههههههه ماشي ياعم وعلي كده بقي بتكسب حلو الحكايه دي
عدي: هي بتكسب طبعا دا اقل كلب فيهم بيعدي الالف جنيه بس انت عارف اني واخدها هوايه مش حرفه يعني
امسك مقعد وقلبه امامه وجلس عليه وضع يديه علي مقبضه وهو يحثه علي الجلوس امامه وهتف :طب وانت بقي ايه اخبارك ايه
عدي: اخباري ايه يا عاصي مانت عارف كل حاجه عني وعارف يومي ماشي ازاي طول النهار في الوكاله مع ابوك وبليل هنا مع الكلاب يأما نايم في البيت
عاصي:اه بس الكلام ده مجدش الا من يوم ماتخنقت مع دانا بنت احمد
وزين زعق ليها عشانك ومن يومها هي بطلت تيجي هنا وانت قفلت حياتك علي نفسك
عدي: ماتجبليش سيرتها دي بت مغروره ومتكبره
عاصي:ومالك وشك قلب كده ليه اول ماجات سيرتها
عدي:مش بطيقها ياعاصي دي واحده كل اللي يهمها هاتخرج فين وتصاحب مين وتلبس ايه
عيله تافهه مالهاش اي هدف في الحياه غير انها تصرف فلوس ابوها في الكلام الفارغ
عاصي:ياه دا نت بتكرهها اوي البت دي.
عدي:اه بكرهها وياريت لوتبعد عننا
عاصي:طب ماتحاول تصلح علاقتك بيها انا بصراحه ماقدرش اقطع علاقتي بأحمد ولا بأبني عشان ابعدها عنك
عدي:اااايه تبعدها عني دي وانا مالي ومالها وبعدين انا ماقولتش ليك ابعد عن صاحبك وعارف كويس زين بالنسبه ليك ايه
بس صدقني هي ولا تعنيني في اي شيء حتي لو جبتها تعيش معانا هنا
عاصي وهو يطبطب علي كتفه:ماهو باين انها مش تهمك في حاجه بدليل اننا من ساعة ماطلعنا ماتكلمناش غير عليها
بس عايز اقولك علي حاجه انت لسه قدامك سبع سنين في كليتك حط رجلك علي اول درجه في سلم طموحك
وهاتلقيني في ضهرك واول ما هاتبدأ تتخصص في حاجه معينه في دراستك هاتلاقي احسن عياده في احسن حته في البلد مفتوحه بأسمك
ولو عايز تجدد عربيتك قبل ما الكليه تبدأ هاغيرها ليك ولو حبيت تخطب وانت بتدرس هاخطبلك انشالله تكون بنت وزير
المهم عندي اني مشوفش في عينك حاجه تكسرك عايزك قوي زي انا وحمزه ماشي يا حبيبي
عدي: ربنا يخليك ليا يا عاصي انا عارف انك ديما سندي وماتخفش انا مش هاخذلك ابدا
عاصي:ويخليك يا حبيبي ياض دانت ابني مش اخويا بس تعرف اهي كل كلابك دي مافيهمش واحد زي عنتر ههههههههههه
///////*************
وصل امام الفيلا في تمام الثامنه ورن هاتف والدته واخبرها انه بالخارج ترجلو اليه ومعهم احمد ودارين
احمد:ايه ياض مش عايز تدخل تسلم عليا
عاصي الصغير:هههههههه ازيك يا عمي واحشني والله كنت فاكرك مش جوه
دارين:ولو مش جوه ماينفعش تدخل تسلم عليا
انا
احمد:هههههههه ماهو عشان تربية حمزه وعاصي مهما تقنعيه انه زي زين والبيت ده بيته بردو مش هيقتنع
عاصي: ربنا يخليك يا رب يا عمي انا عارف والله بس الوقت اتأخر وابويا وعمي قاللوي متأخرش
احمد:ماشي يا عاصي يا صغير وانا مش هأخرك وابقي سلملي عليهم لغاية ما اجي الجماليه واقعد معاكو شويه
😈😈😈
 الفصل الاول والثاني والثالث والرابع والخامس بقلم/كنزي حمزه رواية مغامرات ابناء العاص…){kind=link}
تعليقات
إرسال تعليق