رواية مغامرات ابناء العاصي الجزء الثاني من (العاصي) الفصل السادس والسابع والثامن والتاسع والعاشر بقلم/كنزي حمزه
رواية مغامرات ابناء العاصي الجزء الثاني من (العاصي) الفصل السادس والسابع والثامن والتاسع والعاشر بقلم/كنزي حمزه
العاصي/2
((مغامرات ابناء العاصي))
البارت السادس
في تمام الرابعه عصرا كان واقفا امام الوكاله بزيه العسكري يمسك هاتفه يتحدث مع عاصي الصغير
زين:ايوه يا عاصي يعني ايه مالقتهمش في الڤيلا راحو فين يعني
عاصي: يا زين بقولك انا روحت الڤيلا عندكو طنط دارين قالتلي انهم راحوالمول ومتعرفش هما في اي مول ادور عليهم فين انا بقي
زين:طب اقفل وانا هاحاول اتصل بيهم تاني
عاصي: ماشي انا هاقف شويه وانت اتصل بيهم ولو ردو عليك قولي وان هاروح ليهم لانهم مش بيردو عليا
زين:طيب اقفل يا عاصي سلام
هتف الجد من داخل الوكاله:تعالي يا زين اقعد دلوقتي هما هايجو
زين:حاضر يا جدي ماتقلقش يا حبيبي انا هاتصل بيهم وهاروح اجيبهم
خرج عدي امامه من المنزل وهتف: مايعرفوش هما فين يا زين غمزه قالتلي انها سايبهم بايتين عندكو في الفيلا امبارح وماقلوش ليها انهم هايخرجو والمفروض انهم عارفين ان عاصي هايخرج من الشركه ويروح ياخدهم
زين:كمان يعني خارجين من ورا الكل ماشي اوصلهم بس وهتشوف انا هاعمل فيهم ايه
امسك هاتفه بيده واعاد الاتصال بها للمره العاشره واخيرا فتحت الهاتف واجابت عليه
تيا:الو ايوه يا زينو ازيك عامل ايه
زبن:اخيرا رديتي ايه انا اتصلت بيكي يجي عشر مرات مش بتردي ليه
تيا:هاه اااااصل كنت نايمه احنا بيتين مع دانا عندكو في الفيلا
زين:عندنا في الڤيلا اممممم وكمان بتكدبي انتو فين ومع مين يا حيوانه انطقي
تيا بأندهاش:اااحنا في مول العرب انا وليا ودانا
زين:خليكي عندك انتي وهما لحد ما نيجي ليكو وعالله يا تيا تقفلي تليفونك ولا تتحركي من مكانك ثم اغلق الهاتف في وجهها وتحرك بسيارته وهو يهاتف عاصي
زين: ايوه يا عاصي الهوانم في مول العرب انا رايح اجبهم
عاصي:انا قريب من هناك وهاروح ليهم
زين:تمام نتقابل هناك بس بقولك ايه مش عايزك تتنرفز عليهم اوتمد ايدك علي واحده منهم قدام الناس
عاصي:طيب يازين اقفل عشان عفاريت الدنيا بتتنطط في وشي
//////////////بقلمي /كنزي حمزه
امسكت الهاتف ونظرت اليهم وامتلئت عينها بالدموع
ليا:ايه مالك انتي هاتعيطي ولا ايه
تيا:زين في الجماليه وعرف ان احنا خرجنا من وراهم وقالي ماتتحركوش من عندكو
وجاي دلوقتي وانهمرت الدموع من عينها دون توقف
دانا :يانهار اسود طب سلام انا بقي
ليا بغيظ:انتي بتستعبطي هاتمشي وتسيبينا استني مش اخوكي اللي جاي ده
دانا:لاء ماهو انا ممكن استحمل ان بابي يزعقلي لكن زين مش هاقدر اقف قدامه سلام يا بنات
ليا :دانا يادنا اه يا نادله دي جريت هانعمل ايه يا تيا بطلي عياط بقي وبعدين هوعرف منين
تيا بدموع:معرفش يا ليا
وقف امامهم شبان بدؤو في مضياقتهم
شاب ١:القمر زعلانه ليه احنا في الخدمه ياقمر
ليا بغضب:شكرا لوسمحت ابعد عننا ومش ليك دعوه بينا
شاب ٢: ايه بس يا شرس انت قطه سيامي ياخواتي بتخربش
كادت ان تتحدث ولكنها فوجئت بمن صفعه لكمه علي وجهه
عاصي:لاء وراها رجاله يتكلمو بدلها يا....... امك
كاد الشاب ان يمسكه للأخر حتي يلكمه الا ان يد زين ابرحته ارضا وبدؤو التشابك معاهم حتي تدخل الامن وجذبوهم من ايديهم الي خارج المول
التفت اليها بغضب ونظر لها نظره مرعبه وامسك يدها وبدأ التحرك للخارج وهي من خلفه تكاد ان تسقط من سرعته
وهي لاتري امامها من كثرة دموعها وهو يستمع الي صراخها الي ان زجها داخل السياره اتجه الي مقعد السائق جلس بجانبها وصاح فيها
زين:اقسم بالله لو سمعت صوتك ماهاعرف اسيطر علي نفسي خليني هادي بدل مااكسر دماغك
تيا:طب طب انا عايزه اختيييي احنا سيبنا ليا
زين:اخرسي بقولك ماتخلينيش امد ايدي عليكي
//////////////////////////
نظر اليها نظره مرعبه وصرخ فيها:اتفضلي قدامي كفايه فضايح لحد كده
ليا: ايه اللي جابك انت مش مخاصمني جاي ليه
عاصي بغضب وهو يمسك يدها ويحثها علي المشي امامه:جاي اتفرج علي لمة الشباب حوليكي وهما بيعكسوكي ياروح ابوكي قدامي وحسابنا في البيت يلا
ركبو السياره وتحرك بها بدأت تبكي من شدة غضبه ولكنها علمت ايضا ماينتظرهم في البيت
رن هاتفه وهم في طريق عودتهم للمنزل ليجيب بغضب
عاصي:ايوه يا زين ايوه خرجنااحنا وركو ماشي سلام
ليا بدموع:عاصي يا عاصي يووووه رد عليا طيب
عاصي:تعرفي تخرسي مش عايز اسمع صوتك
ليا:والله لو ضربتني المره دي كمان مش هاكلمك طول عمري يا عاصي
عاصي بغيظ:انت ايه غبيه مش حاسه انك عامله مصيبه
وايه القرف اللي انتي لابساه دا ولا اقولك انا لهضربك ولا ليادعوه بيكي اصلا
انا هاروحك لامك وابوكي وهما بقي يتصرفو معاكي وانا بقي اللي مش عايزك تتكلمي معايا نهائي انتي فاهمه
زاد بكائها عندما تفوه هو بذلك لم يهمها فيما قاله الا انه سوف من يزيد خصامه لها
/////////////////////////***********
اوقف سيارته امام البيت وترجلت هيا منها سريعا ولكن هذا الفستان الذي تلبسه لا يساعدها في الحركه من كثرة ضيقه تصعد الدرج بحركه بطيئه
اغلق سيارته بكل هدوء صعد من خلفها وعندما لمحته يصعد سقطت علي الدرج
صرخ فيها وهو يصعد
زين: بتوقعي طبعا وانتي عارفه تتحركي اصلا من القرف اللي انتي لابساه وديني لربيكي قومي يا ختي قومي دلفت الي داخل شقة جدتها سريعا وهي تصرخ
تيا:الحقيني يا نانا زين هايضربني
شهقو حين رؤوها بهذا الفستان الضيق اللذي يصل الي ركبتيها يكشف نصف صدرها لتهتف غمزه ينهارك اسود ايه اللي انتي لابساه ده يابت
تيا:الحقيني انتي ياغزل حوشيه عني
ليصرخ فيها وهو يفك حزام بنطاله
زين: تحوشك لاء يا حيلتها محدش هايقدر يحوشك من ايدي النهارده
انا عايز اعرف انتي خرجتي من هنا بالزفت ده ازاي وازاي تخرجي انتي والهانم التانيه من غير ماتقولي
جلست غمزه بمنتهي الراحه علي الاريكه ونظرت له
وهتفت:علي فكره ماكنتش خارجه بالزفت اللي عليها ده اصلا
واذا به يتملك منه الغضب وجذبها من حضن غزل ممسك شعرها بين يديه وصرخ فيها
ايه الكلام اللي سمعته ده الهانم بقي قلعت هدومها فين انشاء الله
تيا:ااااااااااه يا شيخه حرام عليكي انا اللي بنتك مش هو
غزل: حرام عليك يا زين سيبها
زين:بس مش عايز حد يتكلم و شدد علي شعرها انطقي يا بت قلعتي هدومك فين
تيا بدموع:ملاكش دعوه ابعد عني سيبني بقي
زين بغضب:كده طب قدامي بقي والله لكسر عضمك ادخلها غرفته واغلق الباب وهي تصرخ من خلفه
وقفت غزل علي الباب تدقه وتهتف به حتي يفتحه القاها علي فراشه وهي تبكي وتبتعد للخلف برعب منه
رفع حزامه وانزله علي جسدها بقوه صرخت من قوة ضربته لها
زين:ارحمي نفسك مني وانطقي ايه اللي خلاكي تخرجي من ورانا وجبتي القرف اللي انتي لابساه ده منين
تيا : ملاكش دعوه لأنت ابويا ولا انت اخويا مش ليك حكم عليا بتضربني ليه.
زين بغضب: لاه يا حلوه دانا الوحيد اللي ليا حكم عليكي وهاتشوفي لما ابوكي يجي
تيا بدموع: انا بكرهك يا زين ابعد عني بقي
نظر اليها بغضب واتجه للخارج ليلتقي بالثانيه التي دلفت اليهم هي الاخري بعد ان تركها الاخر بالاسفل
ليجزبها امامهم من شعرها لتصرخ
ليا:اه اوعي يا زين سيب شعري
زين: حمدلله علي السلامه يا هانم ايه اللي انتي لابساه ده يا ست ليا انطقي
ليا: اه والله احنا شوفنا الفساتين دي في محل في المول وعجبونا اشترناهم ولبسناهم في المحل
زين بغضب: ومن أمتي بقي وانتو بتخرجو من غير ماتقولو ومن امتي وانتو بتلبسو كده اصلا
ليا بصراخ:اااااااااااه سبني بقي وانت مالك طب ماهي اختك هي كمان اشترت زينا ولبست فستان وروحت بيه قبل ماتيجي
رفع حزامه حتي ضربها هي الاخري ولكن يد عاصي امسكته
زين: مله علي جنابك انتي وهي والله لاكسر عضمكو النهارده
ايه حكاية انت مالك دي انا اخوكي الكبير غصب عنك وابقي قولي الكلام ده تاني لما ابوكي يجي
والتانيه اللي في زايد دي اللي ماشين وراها زي الهبل انا بقي هاعرف اربيها كويس
هتف عاصي: خلاص يا زين سيبها لما ابوهم يجي وتعالي ننزل تحت
امسكها مره ثانيه وزجها داخل الغرفه مع اختها واغلق الباب بالمفتاح
واتجه بالحديث الي والدته: ماما انا رايح زايد ساعه بالظبط وهكون هنا الباب ده لو اتفتح وربنا ماهاتشوفي وشي تاني
غمزه بمنتهي الهدوء:حاضر يا حبيبي ماتخافش ماحدش هايفتحه لتهتف جدته
روقيه: استني يا زين انا سيبتك تعمل كل اللي انت عايزه بس عشان خاطري بلاش ابوهم يعرف هات المفتاح واوعدك محدش هايفتحلهم غير لما انت ترجع
نظر اليها وهو يكاد يحترق من شدة غضبه ولكنه لم يتعود ان يرد لها اي طلب واذا به يخرج المفتاح من جيبه
ويهتف لها:ماشي يا تيتا لو حصل واتأخرت ابقي افتحي للهوانم وخليهم يغيرو القرف ده قبل ابوهم ما يجي ويشوفهم
ثم تركها ونزل وسريعا ما اتجه الي سيارته
ليتوجه عدي الي عاصي بالكلام: الله هو زين رايح فين ده لسه جاي
عاصي: رايح يربي الهانم اللي في زايد زي ما ربي الهوانم اللي فوق
عدي: ايه ضربهم ولا ايه
عاصي ضرب تيا ولحقته قبل ما يضرب لياوحبسهم في اوضته وقال محدش يفتح ليهم لحد مايرجع بس تيتا خدت المفتاح منه
عدي:احسن خليه يربيها يارب تبعد عنهم بقي
////////////////////////////
اوقف سيارته داخل حديقة الڤيلا بأهمال واندفع الي داخل الڤيلا وعينه كلها غضب
اوقفته دارين الخائفه علي ابنتها جدا
دارين:حمدلله علي السلامه يا حبيبي اهدي يا زين عشان خاطري
زين:بنتك فين شوفتيها وهي رجعه ليكي لابسه ايه
دارين :شوفتها وهزقتها بس عشان خاطري اهدي شويه
زين:بتقوليلي اهدي ليه هي الهانم مالقتش ليكي هي عملت ايه ولا ايه
وتركها وصعد الي الاعلي حيث غرفتها دفع الباب المغلق من الداخل لينفتح علي مصرعيه ليراها واقفه
مرتعبه بالداخل واذا به يصفعها علي وجهها وهو يصرخ فيها
زين:ايه اللي خلاكي تاخديهم وتخرجي من ورانا
دانا:ااااااااااه يا مامي انا مخرجتش من ورا حد انا كنت قايله لمامي
زين وهو يضربها بحزامه : اه قايله لمامي وياتري بقي الهانم من امتي وهي بتلبس كده وايه اللي خلاكي تمشي قبل ماجي
كاد ان يصفعها الضربه الثانيه الا ان يد والده امسكت هذا الحزام قبل ان ينزل علي جسدها
احمد:كفايه يا زين والهانم عقابها هيبقي انها متتصلش ببنات عاصي تاني ولا هيبقي ليها اي علاقه بيهم
تركها وذهب الي غرفة ملابسها يبحث عن فستانها التي كانت تلبسه واذا به يراه امامه امسكه بيده وخرج به امام والده
زين:حضرتك فاكرني خايف علي بنات عاصي بس لاء يا بابا اناخايف علي الحيوانه دي قبلهم اتفرج بنتك اشترت ايه ولبسته في المحل وجات بيه لحد هنا يا سيادة العميد
ومش كده وبس دي خلت الهبل يقلدوها ويلبسو زيها وفي الاخر خافت وركبت عربيتها وسابتهم ومشيت
دانا بصراخ:هو انت كل حاجه تلبسهاني ايه هما يعني مش بيفكرو انا مشيت عشان خوفت منك انك ممكن تضربني ادام الناس
احمد: دانا اخرسي بقي
زين: ماشي يا دانا وادي الفستان اللي انتي فرحانه بيه اهوه واذا به يمزقه الي شطرين وعالله اشوفك لابسه كده تاني
ثم تركهم وذهب الي غرفته
وقفت دارين تهدأ في ابنتها بينما تحدث احمد بغضب:فين مفاتيح عربيتك والفيزا بتاعتك
دانا:يابابي انا
احمد:انطقي هما فين ومن دلوقتي مافيش خروج من البيت نهائي اخذهم من حقيبتها واتجه الي غرفة ابنه
وجده قد بدأ في تغير ملابسه العسكريه ولبس بنطال من الجينز الفاتح وعليه قميص قطني لونه كحلي
احمد:الله انت خارج تاني ولا ايه
زين بغضب:راجع الجماليه تاني
احمد:خليك معانا النهارده وانا هاتصل بعاصي واعتذر ليه عن اللي حصل
زين:لاء هو اصلا معرفش حاجه وانا لازم ارجع قبل مايجي عشان حابسهم في اوضتي
احمد:ايه حابسهم ؟ ليه كده بس يا زين واوعي تكون مديت ايدك عليهم
جلس علي فراشه بغضب وبدء يفرك وجهه بيده
احمد:رد عليا ضربتهم انت اتجننت ازاي تعمل كده
زين:البركه في بنتك هي السبب انا كنت هاتجنن لما لقيتها مش بترد عليا
احمد بمكر:هي مين فيهم يا زين اختك ولا تيا
نظر له بغضب:تيا يا بابا تيا اللي روحت لقيت الشباب بيتحرشو بيها هيا واختها اللي بربيها علي ايدي من صغرها حب عمري لقتها واقفه والكل عمال يتفرج عليها وهي بفستان قصير وصدرها عريان
احمد: خلاص مش هنتكلم دلوقتي روح عشان تفتح ليهم قبل ابوهم مايرجع من شغله ولينا كلام تاني مع بعض
زين وهو خارج:الاجازه دي هاكون كاتب كتابي عليها انهارده هاكلم ابوها
احمد:الكلام ده يبقي بهدوء مش بغضب كده
زين: ماشي سلام يا سيادة العميد
//////////////////////
العاصي/2
((مغامرات ابناء العاصي))
البارت السابع
رجع بسيارته امام البيت وجد اباه. قد حضر ويجلس براحه امام الوكاله مع حمزه وجده
ترجل من سيارته ونظر الي عاصي الصغير وعدي ليخبروه بنظراتهم انه لم يعلم شيء فتوجه اليه ليسلم عليه
عاصي: اهلا يا حبيبي حمدلله علي السلامه مصدقتش جدك لما قالي انك كنت هنا ومشيت
زين: وحشتيني يا بابا معلش اصلي كنت بودي حاجات كانو عايزنها في زايد وجيت اهو
عاصي:ماشي اطلع بقي غير هدومك واحنا كمان هنطلع وراك
حمزه:طب سيبني اسلم عليه الأول حمدلله علي السلامه يا حبيبي
زين الله يسلمك يا عمي عامل ايه
حمزه :زي الفل بايت معانا ولا ايه
زين :ماتقلقش قاعد
الجد:طب اطلع يلا غير هدومك وارتاح انت من ساعة ماجيبت البنات وانت مقعدتش
عاصي:الله هو ابنك مش قال انه هو اللي جابهم وساب شغله ومشي علي الاساس ده يا حمزه
زين بسرعه:لاء ماهو ماكنش يعرف اني رايح ليهم واتقابلنا هناك
عاصي بشك في كلامه :كده طب اطلع يا زين اطلع وانا جاي وراك
وري عيناه حتي لا تلتقي به واتجه للصعود الي اعلي
ومن خلفه عاصي الصغير وعدي
زين:فتحتو ليهم قبل مايجي
عدي:ماتقلقش انا اول ماشوفته داخل الشارع بعربيته طلعت قلتلهم وفتحت الباب
وليا طلعت غيرت بس تيا كانت نايمه من كتر العياط من الجرح اللي في دراعها
صدم في مكانه عندما استمع اليه
زين:جرح ايه يا عدي هي اتعورت
عاصي:هي اتعورت وبس دي توكة الحزام فتحت دراعها وماما بتقول انه زرق جسمها وورمه
لا يعلم كيف صعد الدرج في لمح البصر كان امامها ليراها راقده علي فراشه لابسه منامه صيفيه عباره عن بنطال طويل وتيشرت زو اكمام طويله
وكانت غزل جالسه بجانبها واضعه رأسها علي قدمها و غمزه جالسه علي الاريكه هي وروقيه
هتفت غزل:كده يازين مبسوط باللي انت عملته ده عجبك جسمها اللي ورم ودرعها اللي اتفتح ده
زين بغضب:اه عاجبني ولو عملت كده تاني هاكسر دماغها سامعني يا تيا هاكسر دماغك لو عملتي كده تاني
لم تتحدث ولكنها فقط ترد عليه بدموعها لتزيد من غضبه
عدي:كفايه بقي ابوس ايدكو عاصي وحمزه زمانهم طالعين ومش عايزينه يعرف حاجه
نظر زين الي والدته ووجه لها الحديث:اومال الهانم التانيه فين
غمزه:اول ماعرفت ان بابها جيه طلعت تجري علي اوضتها
زين بسخريه:ليه فاكره انه مش هايشوفها تاني
غمزه:طب قومي ياهانم انتي كمان يلا قبل بابكي يطلع عشان مايقولش انتي نايمه هنا ليه
زين: سيبيها نايمه وانا هنام مع عاصي وعدي في اوضتهم ونبقي نقوله انها تعبانه ولا داخل عليها زفت برد
تيا بصراخ:مش عايزك تقول حاجه وسيابالك اوضتك بحالها اشبع بيها
هبت واقفه من علي الفراش لتخرج من غرفته ولكنها قبل ان تتخطاه سقطت مغشي عليها بين زراعيه حملها وارقدها في فراشه مره ثانيه
غمزه: بنتي الحق اختك يازين
روقيه:هات يا عاصي ازازة برفان نفوقها
غزل:ياحبيبتي كده يا زين حرام عليك والله
زين بغضب:كفايه بقي اسكتو كلكو واطلعو بره يلا
طلعو جميعهم معادا غمزه التي ظلت معها وهي تحتضنها
افاقت الثانيه اثر لمسات يده علي انفهاولكنها لم تريهم انها واعيه لحديثهم
غمزه:اختك مالها يازين دي مش راضيه تفوء ابعت هات دكتور
زين بغضب:اختك اختك اختك ايه مانتي عارفه كويس انها مش اختي دي حبيبتي وخطيبتي وهتبقي مراتي
مش عايز اسمع كلمة اختي دي عليها تاني انا عندي ٣ اخوات ليا ودانا وبودا وبس
فرحت من داخلها وعلمت ان كمية غضبه هذه ناتجه عن حبه الكبير لها وغيرته عليها
غمزه :طب اهدي دلوقتي يا حبيبي المهم نطمن عليها وتفوء
بدأت تتململ بين يديها وهي تصيح:مامي انا تعبانه عايزه ارتاح
اسقط رصاصيته بين لمعة فيروزتيها واحتضن يدها بكفيه
زين:اطلب ليكي دكتور يا تيا
تيا بدموع:مش عايزه منك حاجه مش ليك دعوه بيا
زين:عشان خايف عليكي تقوليلي كده
غمزه:تيا انتي غلطي انتي واختك واللي عمله زين ده من خوفه عليكو يا حبيبتي وعليكي انتي بالذات
فتح الباب بقوه ودخل والدها خائف عليها جلس مكان زين الذي وقف له من مكانه
عاصي:ايه مالك يا حبيبة ابوكي قالولي انك اغمي عليكي
غمزه: ما فيش حاجه يا حبيبي ما تتخضش هي بس اغمي عليهاتقريبا كده ضغطها واطي اصلها من ساعة ماجم وهي نايمه
عاصي:نايمه ليه قومي يا تيا طب هاتي ليها اكل وانا هأكلها بنفسي
تفجائي بها تصرخ عندما وضع يده علي جرح زراعها
عاصي:ايه مالك في ايه هات ليها دكتور بسرعه يا زين
تيا:لاء يا بابي انا كويسه بس عايزه انام
عاصي:طب تعالي انا هاشيلك اطلعك فوق عشان كمان زين ينام في اوضته براحته
زين بحب:سيبها يا بابا نايمه هنا انا هنام مع عدي وعاصي او حتي هنام علي الكنبه بره مش قصه يعني
تيا:خليني نايمه هنا مش قادره اطلع فوق يا بابي
ليدخل عليهم حمزه والجد اللذي هتف:سلامتك يا حبيبتي
الف سلامه عليكي
حمزه:مالك يا حبيبتي سلامتك
تيا:الله يسلمك يا جدو انت وعمو ماتقلقوش انا كويسه الحمد لله
عاصي:اومال فين ليا
غمزه:هاه فوق دلوقتي هاتلاقيها نازله
حمزه: طب يلا بقي خرجونا من الجو ده يلا عشان نتعشي قومي يا توتو يلا
تيا:معلش يا عمو خليني انا هنا
غمزه:طب سيبوها تستريح شويه وتعالو نطلع بره وانا هاحضر ليكو العشا
وقف عاصي من جانبها ودثرها جيدا بالغطاء ولكنه ارتاب في امرها عندما شعر بتألمها تحت يديه نظر الي زين بعين غاضبه
وهتف: تعالي ورايا عايز اتكلم معاك
////////////////////////////////////بقلمي/ كنزي حمزه
خرج من الغرفه مندفع ومن خلفه والده واخيه
بينما هتفت والدته
غمزه:ينهار اسود هنعمل ايه دلوقتي بابكي شكله شك فيكي لازم تتوجعي
نظرت له بعين باكيه ممتلئه بالدموع
تيا:عشان خاطري يا زين بلاش تقوله لو بتحبني بلاش تقوله
زين بالهفة حب:ماتخفيش يا تيا مش هاقوله حاجه
غمزه:طب يلا اخرج ليه دلوقتي وربنا يستر
خرج من الغرفه يبحث عنه بعينيه ولكنه لم يراه بينهم
زين :الله اومال بابا راح فين
بوده:طلع فوق وبيقولك اطلع ليه
غمزه :طب اطلعله بسرعه دا اكيد طلع عشان عارف ان ليا فوق صعد الدرج بسرعه
ليقابله عاصي الصغير اللذي كان يقف امام شقة عمه لا يجرؤ علي الدخول خائفا علي عنيدته
زين:مالك ياض واقف كده ليه
عاصي برعب: هاه اصل ابوك طلع شكله مايطمنش وانا بصراحه خايف علي الحيوانه اللي جوه دي من غضبه
زين:طب تعالي اما ندخل ليه بسرعه
وداخل الشقه فتح عاصي باب غرفة ابنته وجدها جالسه تبكي علي الفراش محتضنه طمطم الصغيره بين يديها
عاصي بغضب: ليا مالك بتعيطي ليه
ليا :هاه بابي انا مافيش حاجه
عاصي:هو ايه اللي مافيش حاجه ده هو في حد بيعيط من غير سبب انطقي في ايه واختك مالها نايمه تحت ليه
ليا:يابابي مافيش حاجه صدقني
عاصي: ماتنطقي يا بت بتعيطي ليه
ليا:والله يا بابي زين كبر الموضوع من غير داعي
عاصي :موضوع ايه بقي اللي زين كبرو من غير داعي
ليا:اصل اصل يا بابي احنا خرجنا الصبح مع دانا ووو
عاصي بهدوء ما قبل العاصفه:خرجتو مع دانا اممم كده من غير ما تستأذنو من حد هو انتو مش قولتلي انكو هتباتو معاها انا وفقت
لياوقد احنت رأسها:ايوه يا بابي
واذا بها تلقي بصفعه علي وجهها تسقطها ارضاو فزعت طمطم الصغيره من هذا المنظر وجرت للخارج بصراخ شديد
دخل في تلك اللحظة زين وعاصي الذي القي بنفسه عليها ليحميها من بطش والدها الذي بدء يخرج عن سيطرة نفسه
و صرخ فيها وهو يركلها بقدمه ليستقبل عاصي الصغير تلك الركلات بجسده
عاصي: ولما هو ايوه يابابي بتستغفلوني يا بنت............. من امتي وانتو بتخرجو لوحدكو خلاص كبرتو عليا لا وحيات...............
لكون كاسر رجلكو انتو الاتنين النهارده
زين وهو يحاول ان يسيطر عليه:اهدي يا بابا عشان خاطري خلاص هما عرفو غلطهم وانا حاسبتهم
زجه عاصي بغضب ومازل يركل في عاصي الصغير
وانت تحاسبهم ليه ابوهم مات انا لسه موجود ومحدش يربي بناتي غيري
دخل عليهم حمزه في هذه الاثناء
حمزه:ايه اللي بتعمله ده ابعد عنهم بقي كفايه تعالي انزل معايا يلا
انسحب زين من امامه ليذهب الي حبيبته حتي يحميها منه
عاصي بغضب :لاء والله ما هنزل الا لما اكسر عضمها وبعدين هنزل اكسر عضم التانيه اللي نايمه تحت دي
حمزه:بقولك خلاص بقي اهدي يا عاصي كفايه البت هتموت من الرعب وعاصي هيموت من الضرب
نظر اليه وهو ملقي بجسده عليها وهي متكوره مختبئه تحته
وصرخ فيه:انت فاكر نفسك هتقدر تحميها مني والله لكسر عضمك انت وهي
ظلت تبكي وتصرخ وهي تراه يتألم من اجلها
عاصي الصغير بصراخ: اه ه ه اعمل اللي تعمله بردو مش هاسبها
صمت قليلا وكأنه يتأكد من شئ داخله ثم توجه للخارج ونزل الي الاسفل
وبالاسفل دخل الشقه مندفعا وجده قد اغلق باب الغرفه بالمفتاح ويقف حاجز امامه ليصرخ فيه بوجه غاضب
عاصي:اوعي ياض من وشي وافتح الباب ده
زين :لاء مش هاوعي
عاصي: بقولك اوعي يازين من قدامي
للمره الثانيه القي علي مسامعه الرفض ولكنه فوجئ بصفعه قويه منه وبدء يكيل له اللكمات مع صراخ غمزه المتواصل خوفا عليه
عاصي بغضب:هاتعمل ظابط عليا يا بن...............فاكر نافسك مين عشان تقولي لاء
ايه بقيت طرطور في بيتي خلاص كلكو عارفين انهم خرجو من ورايا وبتستغفلوني
وقفت غمزه امام زين وهي مازلت تصرخ
غمزه:كفايه بقي يا عاصي الواد هايموت في ايدك جذبها من امامه بغضب واذا به يرفع يده قاصد اسقاطها علي وجهها
لكن يد حمزه منعته وانتشالها زين خلفه مره ثانيه ووقف عدي امامه
عاصي:انتي تخرسي خالص لسه حسابك جاي ماهو لو انتي ام شاطره كنتي صاحبتي بناتك ومعملوش حاجه من وراكي يا هانم
اوعي يا حمزه سيبني اربي.ولاد.......... دول
واخيرا وقف امامه الحج فضالي قاصد ارجاعه عنهم جميعا
فضالي: كفايه بقي بطل عصبيه اهدي شويه وتعالي نتكلم
عاصي بغضب:مش هاهدي ومش عايز اتكلم مع حد وزي ما لغتوني وخلاص مبقتوش تعتبروني ابوكم تاخدي بناتك وتمشي من هنا انتي فاهمه مش عايز اشوف حد منكم هنا
فضالي:انت اتجننت فوء بقي ده بيتي انا ومافيش حد هايخرج منه لو عايز تمشي انت امشي
عاصي : خليهم ينفعوك انا ماشي جذب مفاتيحه وهواتفه وخرج مندفع لم يستمع الي توسلات حمزه وعدي وذهب خارج البيت واتجه الي سيارته ترجلها واتجه بها خارج الشارع بسرعه فائقه
العاصي/2
((مغامرات ابناء العاصي))
البارت الثامن
جلست علي الاريكه محتضنه الاطفال اللذين يبكون بشده بينما صعد ولدها بعد ان اغلق باب المنزل خلف عاصي الذي ذهب وهو غاضب
روقيه:لحقته يا عدي
عدي:زقني وركب عربيته ومشي يا ماما
مشي راح فين بس هتفت بها غمزه الملقيه بين احضان ولدها الذي مزال يقف امام الباب وهي تبكي بشده
زين:هايروح فين بس يا ماما تلاقيه هايروح الفيلا
فضالي بغضب:انتي وبناتك غلطو يا غمزه وتستاهلو تكسير دماغكو كمان
غمزه: والله ما كنت اعرف يا بابي
حمزه بغضب:زين انت كنت عارف انهم خارجين انت وعاصي صح
زين:لاء يا عمي والله ما عرفت الا لما جيت هنا وعاصي كمان ماكنش يعرف
دا لما الهانم اللي جوا دي ردت عليا وقالتلي هما فين اتصلت بيه وقولتله
وماردتش اقول لأبويا عشان خوفت من غضبه ده
غزل:واهو عرف وغضبه بقي الضعف
حمزه:بطلي غلبه واطلعي شوفي ابنك حصله ايه من ضرب عاصي فيه
غزل: يالهوي تعالي ياعدي نشوفه بسرعه
غمزه:شوف بابك فين يا زين اتصل بيه واحنا نروحله
زين:طب تعالي اقعدي وانا هاتصل ببابا احمد واخليه يبعت حد عند الڤيلا يشوفه ولو لقاه هاخدكو ونروحله
//////////////////بقلمي/كنزي حمزه
فتح باب غرفته عليها حتي يأخذ هاتفه وجدها جالسه تبكي بشده وهي تضم قدمها الي جسدها من شدة الرعب جلس بجانبها وامسك الهاتف وبيد وضمها اليه باليد الاخري ليطمئنها
زين:خلاص يا حبيبتي اهدي مش هايحصل حاجه خلاص
تيا:بابي مشي وهو زعلان مننا وكمان ضربك وتلقيه ضرب ليا
زين وهومبتسم لها:هو من ناحية ضربني ضرب وبأفترا كمان بس انا استحمل اي حاجه وانتي متتأذيش ومتخافيش يا ستي هو مضربش ليا
عاصي بن عمك خد الضرب كله بدلها ده اتعجن تحت رجلين ابوكي ياعيني
تيا بحب:ربنا يخليك لينا يا زين بس هانسيبه زعلان كده.
زين: ويخلكي ليا يا قلب زين استني بقي امااتصل علي ابويا واخليه يشوفه لو راح الڤيلا هاخدكو ونروح ليه
طلب هاتفه وهو مزال محتضنها ليرد عليه احمد عبر الهاتف:الو ايوه زين كلمته ولا ايه
تركها بسرعه ووقف مبتعد عنها ودخل الي شرفة الغرفه
زين:لاء يا بابا مكلمتوش الدنيا هنا بازت علي الاخر وعرف ان البنات خرجو من وراه وثار علينا كلنا واتخانق هو جدي وساب البيت ومشي
احمد:ساب البيت يعني ايه ازاي يعني احكيلي
زين:مش وقته يا بابا المهم دلوقتي عايزك تبعت حد للڤيلا تشوفه هناك ولا لاء عشان نطمن عليه ماما هاتجنن بره
احمد:حاضر يا حبيبي انا بنفسي هاروح ولو لقيته هاقعد اتكلم معاه وأبقي اتصل بيك
زين: ماشي يا بابا سلام
////////*****************
اغلق معه الهاتف ونظر اليها بغضب واتجه الي غرفة ملابسه ليغيرها
احمد:شوفتي عمايل بنتك يا دارين هانم اتسببت في خناقه بين عاصي وبناته
دارين:بصراحه بقي صاحبك ده صعب اوي يا احمد علطول مقفل علي البنات كده هو كان حصل ايه
احمد: ياستي هو طبعه كده طول عمره اذا كان ابوه واخوه بيخافو من عصبيته دي وبيقدرو كل كلمه بقولها تيجي بنتك بقي وتخلي بناته اللي هما بيسمعو كلامه من قبل ما يقوله يخرجو من وراه
دارين:طب انت رايح فين دلوقتي
احمد:هاروح اشوفه وصل فيلته ولا لاء ولو لقيته هاحاول اهديه شويه واقوله اني كنت عارف انهم خارجين ومجاش في بالي انه هايزعل كده يلا سلام يا حبيبتي
دارين:طب ماتتأخرش انا هستناك ومش هنام
احمد:لو نمتي هاصحيكي
///////////////////////////////////
صعدت غزل وعدي الي شقة اختها وجدته ملقي علي الفراش يتألم وليا جالسه بجواره تبكي
غزل بخوف: ابني عاصي ايه اللي جرالك
عاصي:أه ه ه شيلي ايدك يا ماما جسمي بيوجعني
عدي:مالك يا ياض في ايه
عاصي:في ايه اخوك كان بيعجن فيا ده لو كان لابس بيادة جيش ماكنش هايعمل فيا كده
غزل:ليه كل ده ايه اللي خلاه ضربك بس
ليا بدموع: كان عايز يضربني انا يا خالتو وعاصي خد الضرب كله بدالي
عدي:طب استحمل بس لحد ماقلعك التيشرت ده ونشوف فيه ايه
عاصي:حرام عليك ياعدي انت هاتعملي فيها دكتور من قبل ماتدخلها اساسا اطلبيلي دكتور يا ماما
غزل:ماتخفش ياواد كده دي مجرد كدمات خفيفه طلاما ورمت وازرقت يبقي مافيش كسر صح يا عدي
عدي:امممم لاء يا حبيبتي انا بقول طلاما ورمت وازرقت يبقي محتاج يتجبس
ليا بدموع :انتو بتهزرو وهو تعبان كده حرام عليكو هاتو ليه دكتور
عاصي:منكو لله ده أنا لو قطه مش هاتعملو فيا كده
غزل:استني بس يا حبيبي طب بص انا هادهنلك ضهرك هيمو كلار وهتبقي زي الفل هي الحته دي بتوجعك
عاصي: أأااااااااه ليا طلعيهم بره واندهيلي ابوياااااااا
ليا:حاضر حاضر اطلعو بره بطلو هزار بقي
غزل: كويس انه وقف قدام بابكي انا مش عارفه انتي كنتي هاتستحملي الضرب ده ازاي بس
ليا:غزل انتي مش طبعيه ابنك بيتوجع جوه
غزل:ابني مافيهوش حاجه يا بت المهم انك انتي كويسه
عاصي من الداخل:منك لله يا غزل انتي وبنت اختك ربنا يريحني منكم
ليا:الله وانا مالي انا ماهي مامتك هي اللي بتقول كده
/////////////////////*************
وصل الي ڤيلته وعندما رأه حراس الامن الخاص بها فتحوا له البوابه
الحارس:حمدلله علي السلامه يا عاصي باشا
عاصي بغضب :افتح يا بني
فتحوا له ودخل الي حديقة الڤيلا اوقف السياره وتركها وتوجهه الي الداخل وترك باب الڤيلا مفتوح من خلفه
ازاح چاكت حلته من عليه وفك ازرار قميصه وگأنه مخنوق ويريد ان يتنفس
وقف امام طاوله مستديره صغيره كانت اول ما قابله في هول الڤيلا موضوع عليها ڤازه من البورسلين ازاحها بيده من علي الطاوله بغضب ليخرج فيها كل الطاقه السلبيه التي استحوزت عليه
فتح الباب الزجاجي المقابل للحديقة الخلفيه وجلس علي اول مقعد امام حمام السباحه بغضب
وقف بسيارته داخل حديقه الڤيلا بعد ان فتحو له الحرس واتصل علي ابنه ليخبره بوجوده وان يأتي بزوجته وابنأه اليه ثم اغلق الهاتف واتجه اليه انتبه الي صوته وهو يقول
احمد:ناقصك ازازاة منكر تمسكها في ايدك وانت غضبان كده
عاصي:حد الله يا عم بينا وبين الحرام
احمد وقد جلس امامه:ومش حرام عليك اللي انت عامله في نفسك وفي العيال وفي ابوك ده
عاصي بسخريه: هههه ياعم انا بعمل حاجه انامبقاش ليا قيمه قدام ولادي يااحمد بناتي باقو يخرجو من ورايا والبركه بقي في حضرة الظابط هو اللي بقي يحاسبهم
احمد:ايه اللي انت بتقوله ده ياعاصي انت بتصعب الامور علي نفسك وعلي العيال كده ليه
عاصي:انا لا بصعب ولا بسهل اديني سيبتلهم الدنيا بحالها وجيت قعدت هنا يعيشو بقي براحتهم ويعملو ما بدلهم
احمد:عاصي غمزه هاريه نفسها من العياط هي والبنات عشانك اهدي بقي واركز كده
عاصي:ماتجيبش سيرتها دلوقتي يااحمد انا لولا حمزه مسك ايدي وابنك وعدي وقفو قدامي كان زماني ضاربها
احمد:يابني افهم بقي هما البنات مش كانو بايتين عندي ولما خرجو الصبح كانو مستأذنين مني وانا كنت هاتصل بيك واقولك بس لما روحت الشغل كان عندي اجتماع مهم
بصراحه نسيت وبعدين هما مش بناتي ولا ايه
عاصي: طبعا بناتك بس انا اللي نرفزني ليه كلهم خبو عليا وتيا ايه للي معورها واختها كانت قاعده مستخبيه لوحدها بتعيط ليه
احمد: ياسيدي الزفت زين اللي دماغه زي دماغ حضرتك كان فاكر زيك كده انهم
مش قايلين لحد ضرب تيا وهزقهم وخاف يقولك بصراحه
عاصي:ابن........ده يضرب تيا ليه هو ابوها مات
احمد:ههههههههه انت بتشتم نفسك ولا بتشتمني دلوقتي بس عشان ابقي عارف
وبعدين مانت عارف الواد بيعشقها ازاي يا عاصي ده كان مصمم يكلمك عشان يحدد كتب كتابه عليها النهارده
عاصي:تاني ماقولتله يستني اما تخلص الثانويه علي الاقل
احمد: ياعم بقي ماهي سنه خليه يكتب اليومين دول وانشالله تستني لماتخلص الجامعة بس ريحو بقي
عاصي:مش وقته دلوقتي لما دماغي تفضي من الارف اللي بيعملوه ده
احمد: ماشي بس يكون في علمك عيالك جاين ليك دلوقتي مع امهم عشان بس مش عايزين يبعدو عنك اهدي بقي ولم عيالك حوليك عاقبهم بس ماتسيبهمش ياعاصي
عاصي:انت اللي قولت ليهم اني هنا صح
احمد:زين اللي قالي اجي اشوفك قالقنين عليك يا اخي وابوك صعبان عليه من اللي انت عملته قدامه
عاصي: ابويا هه ابويا طردني وخدهم هما في حضنه
احمد: ابوك مايستغناش عنك ياض بس دي ساعة شيطان بقي يومين كده اهدي وابقي روح راضيه يلا هاقوم انا بقي سلام يا صاحبي
عاصي: مع السلامه ياحبيبي
///////////////////////
اغلق الهاتف مع والده عندما علم بأنه وجده هناك وبدء يحثهم علي تغير ملابسهم وتحضير بعض الملابس ليأخذوها معهم
واصر عاصي الصغير ان يذهب معهم بعد ان اطمئنو عليه خوفاً علي عنيدته من بطشه وفي السياره
زين: انتي بتعيطي مش انتي اللي قولتي لازم نروحله عشان مش هايهدي الا واحنا معاه
غمزه: خايفه من المواجهه ابوك هايتعصب علينا ساعة مايشوفنا ربنا يستر بقي
عاصي: يعني هايعمل ايه اكتر من كده واحد مزرق ليه وشه والتاني ورم جسمه المره دي بقي هايفرمنا
غمزه:ممكن مهما يقول محدش يرد عليه سيبوه يقول كل اللي هو عايز يقوله
عبدالرحمن الصغير: متخافوش لو عمل حاجه تاني انا بقي اللي هقف ليه
زين:ولاااااا انت هاتخيب ولا ايه ملكش دعوه بأبوك مهما يقول عالله ترد عليه يادي النيله بتعيطي ليه انتي كمان
ليا:كل اللي عمله ده عشان خرجنا من وراه أومال لو كان شافنا واحنا راجعين بالفسا
زين بسرعه وهو ينظر الي عبد الرحمن:اخرسي يا ليا وكفايه اللي حصل بقي
وصلو الي الفيلا وفتح لهم احد الحراس وترجلو من السياره وبدؤو في انزال الحقائب وادخلها الحارس لهم بالداخل
بينما اسند زين تيا واسندت ليا عاصي الصغير واخذت غمزه عبد الرحمن في يدها وتوجههو الي داخل الڤيلا الساكنه تماما
والظلام مسيطر عليها اضاء زين نور النجفه الكبيره المعلقه خلفهم وجدوه جالس علي المقعد المباشر لهما تماما
ارتعبت الفتيايات هما وامهم من منظره المرعب بالنسبه لهم وبدؤؤ يتاحشون النظر له ويختفون تماما خلف عاصي الصغير وزين الذي ابتلع ريقه بصعوبه صرخ فيهم
عاصي:نعم جاين ليه
زين:عشان انت عارف اننا مانقدرش نستغني عنك مهما عملت
عاصي:وهو انا اللي بعمل حاجه دلوقتي ما البركه في حضرتك انت والاستاذ اللي جامبك ده
خليتو مبقاش ليا قيمه وبقيتو تخبو عني تصرفات بناتي لاءوكمان الباشا بيضرب وبيعاقب اللي بتغلط مش كده
هب واقف امامه وزاد تشبث الفتيات بهم من الخلف
زين:معاذ الله يا بابا بس ركز كده في شكلنا تفتكر كان في واحده منهم هاتتحمل اللي احنا فيه ده
عاصي:ايه يا حضرة الظابط دول بناتي انشالله اموتهم بأيدي بردو اسمهم بناتي
عاصي الصغير:طب حقك علينا احنا ياعمي عشان خاطر جدي متزعلش وكل اللي انت عايزه هانعملو ليك
عاصي:وانتي يا مدام مش ناويه تقولي حاجه انتي كمان
ظهرت أخيراً من خلفهم وهي دامعة العينين
غمزه:لاء مش هاقول وهاسيبك تقول كل اللي انت عايزه ولما تهدي هبقي اتكلم معاك
جري الصغير ووقف امامه واحتضنه من قدمه
بوده:حقك عليا انا يا بابي متزعلش
هتفت كل من تيا وليا بدموع بعد ان ظهرو من خلفهم:احنا اسفين يا بابي مش هانعمل كده تاني
عاصي بغضب :اسفكو مش مقبول ياهوانم وكل واحده فيكم تجيب موبيالها والڤيزا بتاعتها واتفضلو اطلعو علي اوضتكم يلا
فتحت كل منهم حقيبتها وانتشلو منهم ما طلبه ووضعوه علي الطاوله امامه ثم صعدو الدرج
عاصي:وانتي مستنيه ايه خدي ابنك وحصلي بناتك يلا
غمزه بسخري:طب واسيب انا كمان الڤيزا بتاعتي والموبايل
عاصي بغيظ منها:لاء ماتسيبهوش واطلعي نامي انتي وابنك في اوضته يلاااااااااا
نظرت له بغضب ثم توجهت الي الاعلي ممسكه بيد صغيرها
كادو الشباب ان يصعدو خلفهم ان عاصي اوقفهم:رايحين فين انتو الاتنين انا لسه مخلصتش كلامي معاكم اتفضلو ادخلو قدامي المكتب يلا
العاصي/2
((مغامرات ابناء العاصي))
البارت التاسع
جلسو بجانب بعض علي الاريكه الموضعه داخل غرفةالمكتب امامه ما يقرب من النصف ساعه في صمت تام
فقط ينظر لهم بغضب الي ان قطع الصمت عاصي الصغير: ايه يا عمي هو حضرتك عايزنا ننام هنا في المكتب ولا ايه
عاصي:لاء يا ظريف عايز اقولكو ان اللي انتو عملتوه النهارده ده مش هايعدي بالساهل
زين:هو احنا بس عملنا ايه يابابا
عاصي:ايه يا زين باشا انت مش واخد بالك انكو وقفتوا قدامي ولا ايه
زين:يابابا احنا كان كل تفكيرنا اننا نحمي البنات من غضبك
عاصي:تحمو بناتي مني انت عبيط يلا انت وهو ولا ايه
ومن اللي اداكو الحق انكو تمدو اديكم عليهم
تبقو ليهم عشان تمدو ايدكم عليهم لأنت اخوها ولا انت ابوها
عاصي الصغير: بس يا عمي انت عارف كويس قوي انا بعتبر ليا ايه بالنسبه لي مش بس بنت عمي
عاصي بغضب:مش لما تبقي راجل وقد المسؤليه تبقي تفكر تحب وتجوز
عاصي الصغير:هو انت شايفني مش قد المسؤليه يا عمي انا في نظرك مش راجل
عاصي: انت لسه صغير عندك١٩ سنه تقدر لسه قدامك خمس سنين بحالهم في كلية الهندسه تقدر تقولي معاك ايه عشان تفتح بيت
ولا هاتعتمد عليا انا وابوك نجوزكو ونصرف عليكو
عاصي الصغير: بس انت كلامك معايا كان غير كده انت لسه امبارح بس قايلي انك هتجوزني بنتك ونزلت الشركة علي الاساس ده انتمش قولتلي كده
عاصي: اه قولت بس ماكنتش عارف انك تاني يوم هتقف قدامي
عاصي الصغير:اه وقفت قدامك ولا كنت فاكرني هاسيبك تعمل فيها كده واقف اتفرج عليك وقف بغضب وشلح له قميصه ليريه جسده المتورم من ضربه له
عاصي بأبتسامه:هتقدر تحميها يعني ياعاصي
عاصي الصغير :بروحي وانت عارف
عاصي:بكره تدخل الكليه وتشوف بنات كتير وتيجي بعد كده تقولي مش عايز بنتك
عاصي الصغير:لاء يا عمي انا عمري ماأعمل كده طب اقولك لو جيت في مره عملت كده اضربني بالنار
عاصي:ماشي يا عاصي بس اثبتلي انك جدير ببنتي الاول
عاصي الصغير:هاثبت ليك يا عمي ومن بكره هاتلاقيني ناططلك في كل حته في الشركه
عاصي:اطلع نام يا عاصي والايام بينا
تركهم وصعد الي غرفته بينما ظل الاخر صامت بغضب لم يتدخل في اي شيء فقط ينظر له بتحدي
عاصي :ايه يا زين باشا ما اسكت الله لك حسا
زين: انا هاكتب كتابي علي تيا امتي
عاصي: تكتب كتابك عليها ليه عشان تضربها وتتحكم فيها براحتك مش كده
زين: انا ضربتها عشان قالتلي انت ملكش حكم عليا قالتلي لانت ابويا ولاانت اخويا عشان تحقق معايا
عاصي: معاها حق يا اخي كان المفروض تيجي تقول لأبوها انها غلطت مش كده ولا ايه
زين بغضب: بابا اظن انا مش عيل صغير عشان تلاعبني بالكلام انا مش عاصي لسه قدامي كليه ولسه هبدأ شغل في الشركه
انا زين يابابا كليتي وخلصتها وبقيت ظابط من سنه تقدر تقولي هاستني ايه تاني
عاصي:تستني لما انا اقرر يا زين كلمتي انا اللي تمشي مافيش جواز الا لما تيا تاخد الثانويه وتدخل كليه
زين: بابا انا بقولك هاكتب كتابي علي بنتك في الاجازه دي ماقولتش هانتجوز بس انا عايز فعلا يبقي لي كلمه عليها عايزها تسمع كلامي
عاصي: عايزها تسمع كلامك ولا تخاف منك
زين بهدوء:لاء مش عايزها تخاف مني عايزها تحبني وانا جوزها مش وانا اخوها
عاصي: ماشي يا زين بس اتأكد الاول انها موافقه وهاكتبلك عليها
زين:بجد يا بابا ربنا يخليك ليا يا حبيبي وقف امامه واحتضنه
عاصي:ويخليك ليا وديما تبقي سند ليا يا زين
اطلع بقي نام و يومين كده ونحدد ميعاد كتب الكتاب
زين:ماشي تصبح علي خير يا حبيبي
عاصي وانت من اهله بس شوف حاجه بقي للعلامات اللي في وشك دي
زين: ما البركه فيك بس علي فكره انت قسيت علي غمزه
جامد اوي يا عاصي باشا هي ماكنتش تعرف حاجه عن الموضوع ده خالص
عاصي:عذر اقبح من ذنب يا زين لازم تفوء وتكون عارفه كل حاجه عن بناتها
زين:طب عشان خاطري بلاش الخصام
عاصي:اخرج منها ياض انت هتدخل بيني انا ومراتي كمان ولا ايه
زين:ههههههههه طبعا مش ابويا وامي
عاصي:تصدق عشان غلاستك دي انا اللي هاسيبك واطلع انام خليك بقي قاعد لوحدك
//////////////////***********بقلمي/كنزي حمزه
كانت تختلس النظرات من اعلي الدرج حين وجدت عاصي الصغير يصعد وهو غاضب خشت ان يكون اباها قد تشاجر معه مره ثانيه
جرت واختبأت خلف باب غرفتهم حين رأت والدها يصعد الدرج الي اعلي
ليا:ما تتهدي بقي يا بنتي بدل بابي ما يشوفك هو انتي مش تعبانه
تيا:ششششش اسكتي يابلوه ليسمعك ده طالع الدور بتاعه بس زين مش طلع وانا خايفه ليكون اتخانق معاه زي عاصي
ليا :هو انتي عرفتي منين انه اتخانق مع عاصي
تيا:شوفته يا ختي وهو طالع من شويه وشكله مايسرش
ليا: هههههه والله الواد عاصي ده صعبان عليا متبهدل معانا وربنا انتي راحه فين
تيا:يخرب بيت صوتك اسكتي هاروح اطمن علي اخوكي واجي اتخمدي ونامي بقي
ليا: روحي ياختي يارب تلاقيه في وشك
تركتها ونزلت علي الدرج بمنامه سمراء بخطوط بيضاء ذات اكمام طويله وبنطال بنفس اللون والخطوط تلم شعريتها علي شكل كعكه كبيره اعلي رأسها تنزل منها خصل علي جانبي وجهها
بحثت عنه بعينها واخيرا وجدته خارج الفيلا يجلس امام حوض السباحه خرجت بجانب الباب الزجاجي وهمست من خلفه بصوت خفيض
تيا:زين يا زين
زين:الله مالك ياحبيبتي ايه اللي نزلك تاني
تيا: خوفت احسن تكون اتخنقت انت وبابي تاني وكنت عايزه اطمن عليك
زين بأبتسامه:طب ومالك واقفه مستخبيه جنب الباب كده ليه وبتكلمي بصوت واطي كده ليه
تيا:وطي صوتك احسن يسمعنا وينزل ينفخنا تاني
زين:هههههههههه لاء تعالي اقعدي و ماتخفيش
تيا:لاء يا خويا طلاما انت كويس انا هاطلع بقي انا مش ناقصه ضرب تاني
التفت للداخل وكادت ان تتركه وتصعد ولكنها شعرت بيده وهي تمسك يدها
زين:حقك عليا يا تيا والله ما كنت داري بنفسي يا حبيبتي ثم رفع اصابعها لتلامس ثغره وقبلها قبله رقيقه
تيا:خلاص يا زين محصلش حاجه انا فعلا غلطت وانت اخويا ومكنش لازم اقولك الكلام اللي انا قولته ده
زين: طب انا عايز اتكلم معاكي ينفع ولا انتي عايزه تنامي
تيا:امممم طب بقولك ايه انا جعانه واحنا محدش فينا اتعشي تيجي نعمل سندوتشات لينا كلنا ونتعشي ونطلع ليهم هما كمان واتكلم يا سيدي براحتك
زين:الله يخرب بيتك في كل اللي حصل ده ولسه جعانه وجايلك نفس تاكلي
تيا: يووووووه هنصوم يعني ولا ايه بقولك ايه اطلع غير هدومك وانزل بقي بسرعه يلا علي بال مافضي شنط الاكل اللي مامي حاطها دي
زين:لاء ياختي تعالي وهانعملها سوي
تيا :ماشي يلا ورايا
زين:ههههههههه يلا ياقدري
دخلو الي المطبخ وفتحو الحقائب وبدؤو يرصو الطعام داخل البراد
تيا:دي غمزه دي والله استازه جايبه جميع انواع الجبن ولنشون وبيض وفراخ وبرجر
زين:كفايه رغي ورصي الاكل وانتي ساكته مانا شايف الاكل قدامي اهو
تيا:يوه عليك يا زين شوفت بقي اهي ناسيه اهم حاجه جايبه عيش ومش جايبه فينو انا مش بحب سندوتشات في عيش انا وهي عارفه كده
زين:تصدقي انك عيله وانا هاطلع واسيبك ومش عاوز اكل معاكي كمان.
تيا :طب تعالي خلاص ماتزعلش طب بص انت ممكن تبعت حد من الامن اللي بره دول يجيب فينو ويجي
زين:انتي فاكره نفسك في الجماليه ولا ايه انتي في ڤيلا في كمبوند في الشيخ زايد بطلي هبل بقي
تيا :انا هابله الله يسامحك هاقول ايه مانت اخويا الكبير بقي ومش هاقدر ارد عليك افلت من بين يديها قطع الجبن الرومي
وامسكها من زراعيها وثبتها امامه وصرخ فيهاانا مش اخوكي ولا انتي اختي انتي خطيبتي وحبيبتي فاهمه اخرسي بقي واسمعيني
تيا:ااااانا مش فاهمه حاجه
زين:مش فاهمه ايه هي دي حاجه جديده عليكي اتصدمتي لما عرفتي اني مش اخوكي مانتي عارفه انا مين
احنت رأسها للأسفل وصمتت و اجلسها علي مقعد الطاوله الموضعه بالمطبخ وجلس امامها
وضع يده اسفل ذقنها وبدء يرفع وجهها ليغرق
في بحر عينيها الفيروزي
زين: انا بحبك يا تيا من وانتي بيبي صغيره بحبك
تيا: طب مانا كمان بحبك طول عمري انا وليا ومامي
زين:بس حبي ليكي انتي غير حب ليا ومامي انا عايز نتجوز ياتيا عايزك تبقي مراتي مش اختي ساكته ليه ردي عليا
تيا: اقول ايه
زين: قولي اي حاجه قولي انتي بتحبيني ولا لاء عايزه نتجوز ولا لاء عضت بأسنانها علي شفاتيها السفلي
تيا: مانا قولتلك اني بحبك بس اوعي تضربني تاني
زين: لاء يا روحي عمري ماهمد ايدي عليكي تاني يعني موافقه اننا نتجوز
تيا: وابقي معاك علطول وتجبلي انا وانت ڤيلا لوحدنا
زين:طبعا يا روحي ومش هتبعدي عن عيني لحظه واحده لو عايزه قصر مش ڤيلا كمان هاجبلك
تيا:طب بس بابي هايرضي يخلينا نتجوز وانا لسه مأخدتش حتي الثانويه العامه
زين: بصي احنا هنكتب الكتاب ونستني السنه دي ولما تنجحي بمجموع حلو ان شاء الله وتدخلي كليه كويسه هاضغط عليه واخليه يوافق
تيا:ماشي طب يلا كل بقي يا
زين:يا ايه قوليها يا حبيبتي
تيا:طب بص كل انت بقي وانا هاطلع السندوتشات دي لبوده ومامي والعيال اللي فوق دول كادت ان تخرج من باب المطبخ
وجدته واقف امامها بكل شموخ
عاصي:طب وبابي نستيه يا تيا مالوش هو كمان سندوتش من دول
تيا:والله انا ماليش دعوه يا بابي زين هو اللي
وقف بينهم قاصد حمياتها منه
زين:اه يا واطيه بعتيني حتي من غير قلم
عاصي:تاني هتقف بيني وبين بنتي
زين:اهدي يا بابا ده احنا كنا بنعمل سندوتشات تعالي كل معانا
عاصي:لاء يا خويا مش عايز انا هاعمل فنجان قهوه يلا يا بت اطلعي فوق وخدي الاكل ده معاكي
سريعا ما ركضت من امامه الي اعلي وهي ممسكه الصينيه بين يديها
زين :علي فكره موافقه
عاصي:مش قادر تصبر لمااسألها انا
جلس مكانه مره ثانيه وبدء يأكل.
زين:خافت عليا لما شافت عاصي وهو طالع زعلان
عاصي:مش عارف هلاقي بن هنا بقي ولا ايه
وياتري بقي خافت عليك بصفتك اخوها ولا خطيبها
زين:اطمن ماما جايبه كل حاجه مش معقول هتنسي البن بتاعك بدليل انها جابتلك هدومك وغيرت اهو دا حتي الشبشب بتاعك مش نسيته
عاصي: مردتش عليا خافت عليك بصفتك ايه .
زين:اخوها بس قعدنا واتكلمنا والوضع اتغير لما عرفتها يعني انا دلوقتي في حكم خطيبها رسمي
عاصي بعد ان صب فنجال القهوه طب بما انك خطيبها بقي بصفتي ابوها بقولك من هنا لحد كتب الكتاب
تروح تبات في بيتكو انا هاسيبك النهارده بس بايت هنا عشان الوقت اتأخر لكن من بكره تلم هدومك وعلي ابوك
زين:ههههههههه انت هاتعمل فيها حمايا من اولها ولا ايه
عاصي وهو يصعد الدرج :غصب عنك ياض واعمل حسابك ابوك لازم يجي يطلبها مني في الجامليه وبنفسه وانت تكون معاه يا كده يامفيش كتب كتاب يا ننوس عين ابوك
زين:ماشي يابوب ليك حق ماانت ماسكني من ايدي اللي بتوجعني تركه واتجه الي اعلي ودخل الاخر غرفته وجدها واقفه امامه
زين:بتعملي ايه هنا دلوقتي يابت انتي
ليا: الله انت بتزعق ليه دلوقتي تيا ادتني السندوتشات دي وقالتلي اديها للبيه ده وهو معرفش ايه اللي منكد عليه عيشته كده مش راضي يتنيل ياكل
عاصي:الهي ينكد عليكي انتي واهلك امشي يابت من هنا روحي نامي
العاصي/2
((مغامرات ابناء العاصي))
البارت العاشر
وقف زين بينهم حتي يهدؤو ويخفضو من صوتهم: الله يخرب بيتكو انتو الاتنين اتهدي واسكتي ياليا بقي ابوكي لو سمعك هايجي يعجنك
عاصي:يا رب يجي يعجنها عشان اخلص منها بقي
ليا:بس بس بس وعلي ايه دا كله مانشاله ماأكلت انا رايحه انام
تركتهم وخرجت من الغرفه وسط نظارته المستشاطه غيظا منها
عاصي:شايف ال............. اللي حارق دمي عشانها
بدء في تغير ملابسه ثم اتجه الي فراشه والقي نفسه عليه
زين:شششششس كفايه صداع بقي مكفكوش الفيلم الهندي اللي كنا فيه طول اليوم
عاصي :ومالك طالع هادي كده ورايق انا سايبك معاه تحت وانت هاطق من الغيظ
زين بمكر:ابويا يا عم واستحمله ايه ما فيهاش حاجه يعني لما يزعقلي شويه ولا حتي يضربني قلمين نام نام تصبح علي خير
عاصي بغيظ:تصدق بالله انتو عيله مجانين كلكو نام يا خويا نام
/////////////***********بقلمي/كنزي حمزه
اما تيا فقد صعدت الي الدور العلوي في وقت سابق الي والدتها بطبق عليه بعض السندوتشات لها هي وعبد الرحمن دقت الباب ودخلت عليهم
تيا:مامي انتي نمتي
غمزه:لاء يا توتو تعالي يا حبيبتي
تيا:انا نزلت عملت ليكي انتي وبوده شوية سندوتشات عشان تتعشو قوم يا بوده كل
بوده: لاء مامي انا عايز اروح الجامليه عايز اروح لطمطم
غمزه:طيب كل دلوقتي وبكره الصبح نروح لطمطم وكفايه بقي تعتبني
تيا:تعالي ياحبيبي اقعد كل
غمزه:وانتي مالك سعيده كده ليه وعايشه حياتك عادي كده انتي مش خايفه بابي يشوفك ولا ايه
تيا:لاء ماهو شافني انا وزين واحنا بنعمل السندوتشات في المطبخ وكالعاده زين حاشه عني
غمزه:ايه اوعي يكون اتعصب علي اخوكي تاني يا تيا
تيا :لاء ماتخفيش بس في حاجه عايزه اقولك عليها
غمزه:حاجة ايه دي ومالك عنيكي لمعت كده ليه
تيا بفرحه:اصل زين يا مامي قالي انه بيحبني وهايكلم بابي عشان نتجوز
غمزه: ايه وبابك سمعكو وانتو بتكلمو مع بعض
تيا:مش عارفه اصل اول ما قالي اطلعي فوق طلعت جري بس بصراحه وقفت علي السلم وبصيت عليهم
لقتهم دخلو المطبخ تاني وزين قعد ياكل وبابي كان بيعمل قهوه واتكلمو بهدوء فطلعت وسيبتهم
غمزه:طب وانتي ايه رأيك يا تيا
تيا: مش عارفه يا مامي بصراحه زين لما قالي فرحت اوي بس انتي اول ما قولتيلي اخوكي مخي رجع يفكر تاني
غمزه:بس انتو من صغركو عارفين ان زين مش اخوكو وعرفتو حكايته لما ابتديتو تكبرو وانتي بالذات طول عمره من وانتي صغيره وهو متعلق بيكي مش فاكره ولا ايه
تيا:ايوه يا مامي فاكره فاكره لما كان بيتخانق مع عدي ولا عاصي لما يضربوني
غمزه:ومش فاكره كان غيران عليكي ازاي لما كان بيمتحن في الثانويه وانتي كنتي لسه صغيره وجيه اخر يوم امتحانه لأكي قاعده تضحكي مع عاصي لوحدكم
تيا:ياه يامامي الكلام ده كان من خمس سنين
يومها شدني من شعري وطلعني لحد شقتنا واداني حتة علقه الحيوان ده
غمزه:هههههههه كنت حاسه اني شايفه بابكي قدامي ساعتها وانا عماله اقوله طب سيبها وقولي ايه اللي حصل
يقولي بقي ان عاصر نفسي في الزفت الامتحانات بستني اليوم اللي اخلص فيه عشان اجي اشوفها اجي القيها قاعده بتضحك مع عاصي وبتلعب معاه ونسياني
تيا:هههههههههه يا مامي دانا كنت صغيره خالص ساعتها
غمزه: هو من ساعة ما أتولدتي وهو كان عنده خمس ست سنين كده ماكنش بيقول غير تيا دي بتاعتي انا
تيا:ياه يا مامي اد كده زين بيحبني وانا مش حاسه طب ليه ماكنش بيقولي
غمزه: مانتي لسه بتقولي كنتي صغيره وهو عمره ماكان هيقدر يقولك حاجه زي دي غير ما ياخد موافقه من بابكي
عارفه يا تيا لما بابكي جيه يتقدملي الكل كان بيقولي هو الوحيد المناسب ليكي وانا كنت بقول لاء ده عصبي ومش هاعرف اتفاهم معاه
بس برغم عصبيته دي هو الوحيد اللي قدر يحتويني ويخليني احبه بتصرفاته معايا
انفتح باب الغرفه عليهم وهم جالسون ليتفاجؤو به امامهم ظل ثابت صامت ينظر لهم
عاصي:ايه يا ست تيا انا كل ماهادخل حته هاتكعبل فيكي ولا ايه
تيا بعد ان وقفت امامه واحنت رأسها للأسفل:سوري يا بابي بس انا كنت بطلع السندوتشات لبوده ومامي وقعدت معاها شويه
عاصي:طب اتفضلي علي اوضتك والمره دي اظن مش فاضل حد لسه مأكلش يا ريت بقي تروحي تنامي
تيا:حاضر يا بابي جرت من امامه واتجهت للخارج واغلقت الباب من خلفها
اعدلت هيا الصغير بجانبها علي الفراش بعد ان غفي وهو يأكل دثرته بالغطاء جيدا ورقدت بجانبه محتضناه معطيه الاخر ظهرها لم تعيره اي اهتمام وكأنها ترد له اهانتها
وأذا بها تشعر به وهو يرقد بجانبها محتضنها من الخلف بشده
غمزه:ودا اسمه ايه بقي ان شاء الله من فضلك زي ما طلبت مني اني انام انا وابني لوحدنا ياريت تروح تنام في اوضه تانيه
عاصي: يمين بالله يا غمزه لو معديتي ليلتك النهارده ونمتي دلوقتي حالا لاخليها ليله سوده علي دماغك انتي وبناتك بطلي فلسفه ونامي بقي
غمزه بدموع وقد اعتدلت جالسه بجانبه: كفايه بقي حرام عليك اللي بتعمله فيا ده هو انت فاكرني ايه كل مره تتعصب واي حد يغلط يبقي انا السبب وتجيب الغلط عليا خلاص بقي انا تعبت من اسلوبك ده
اسند ظهره علي وسادته واذا به يجذبها علي صدره ثارت عليه وهي تبكي بشده تريد ان تخرج من بين زراعيه ولكنه ابي ان يتركها
عاصي:خلاص مابقتيش تستحمليني مش انا بردو عاصي حبيبك اللي قدر يحبك ويحتويكي
غمزه:اوعي سيبني انت كمان بتصنت عليا ان وبنتي
بدء يغرس اصابعه في شعرها وهي تشهق بشده
عاصي:كده بردو بقي انتي تعرفي عني كده ال وانا اللي قولت اروح انام جنبها عشان مش هتعرف تنام بعيد عن حضني
غمزه:لاء هعرف زي مانت عرفت تبعد عني وتيجي هنا ومع ذلك جيتلك وبردو اهنتني وبعدتني عنك
عاصي: عشان غلطي كان لازم اشد عليكي عشان تفوقي وتقربي من بناتك
غمزه: علي فكره بقي انا اقرب واحده لبناتي واديك شوفت بنفسك دلوقتي
عاصي: قالتلك علي الكلام اللي قالو ليها زين
غمزه:ايوه قالتلي وماتحولش تتساير معايا في الكلام عشان تنسيني اللي عملته
عاصي:ههههههههه شكلك عايزه تتعاقبي يا روحي فاكرني مش هاقدر يعني عشان الواد نايم هنا
غمزه:ما انت قادر وتعملها
عاصي:هههههههه لاء ماتخفيش بس خليكي نايمه في حضني كده
غمزه: عاصي
عاصي:نعم يا روحي
غمزه:تيا لسه افكارها مشوشه البنت واخده علي ان زين اخوها فجأه لقيتو بيقولها انتي خطيبتي وهتبقي مراتي
عاصي: الحمار ده قولتله يستني لما اكلمها انا الاول بس بردو اتسرع وقالها لكن ماتقلقيش انا هاتصرف
غمزه:طب وابن اخوك اللي ورمتله جسمه من الضرب ده هاتعمل معاه ايه ده هايتجنن علي ليا
تنهد تنهيده قصيره يخرج فيها غضبه
عاصي:لا دا بقي سيبهولي خالص الباشا عايز يخطب ويتجوز وهو لسه مادخلش الكليه
فاهم ان عشان كل حاجه بتجيلو لحد عنده يبقي خلاص لكن لاء والله ماهجوزها له الا لما يبقي راجل ويعرف كل حاجه في الشركه وايده تبقي بأيدنا في كل حاجه
غمزه:عاصي عنيد زيك ولما يعرف ان زين هايكتب علي تيا هايتجنن اكتر علي الاقل نخطبهم لبعض
عاصي:والله ما هاتلبس دبلته الا لما يبقي جدير بيها نامي بقي ورايا شغل كتير الصبح
********************
استيقظت من نومها عندما تراقصت اشعة الشمس علي عيناها ظلت جالسه في فراشها تبتسم لهذا الهدوء حتي انتفضت عندما جورتها اختاها في الفراش
تيا:يخرب بيتك انتي ايه مش بتنامي يا بنتي
ليا:ايه لسانك ده الناس تقول صباح الخير Good morning مش يخرب بيتك انتي فاكره نفسك لسه في الجامليه ولا ايه
تيا: ايه الروقان ده كله Good morning mes ليا يسلام لو الواحد يفضل هنا ومش نروح الجماليه تاني
ليا:هههههههه فوقي يا حبيبتي كلها النهارده وعاصي باشا يصدر فرمان برجوع كل شيء الي قواعده
تيا:اه عارفه لو كنا متصلحين معاه ومش واخد مننا التليفونات كنا اتصلنا بدانا وجات هي وانطي دارين وقضو اليوم معانا
ليا:لاء بقولك ايه ياريت تهدي اللعب شويه بقي احنا عايزين نصالحه مش كل شويه زين وعاصي هيوقفوا قصاده عشانا
تيا:طب ايه هما صحيوا كلهم ولا لسه
ليا:الساعه ٩ يا حبيبتي بابي صحي من بدري وراح الشغل ومامي بتفطر بوده تحت والبهوات بقي لسه نايمين
هبت واقفه علي الفراش واشتعلت افكارها داخل رأسها
تيا:طب بقولك ايه ماتيجي نصحيهم
ليا:القفزه الشياطنيه دي انا عارفها كويس اوي
اقولك يلا بينا
تيا:هههههههههه اجري هاتي الكبريت
احضرت ليا علبه بها بعض ثقاب الكبريت وتسللو الي داخل حجرة الشباب
كان عاصي غافي في فراشه علي وجهه ناطر الغطاء من عليه وكان ذين غافي في فراشه علي ظهره يلبس سرواله وصدره عاري
وقفت تيا متسمره امامه هائمه في عضلات صدره نكزتها اختها لتحسها لكي يبدؤ ما دخلو من اجله ثبتت تيا ثقاب الكبريت بين اصابع قدمه
وفعلت ليا مثلها في قدم عاصي واشعلو الثقاب انفزعو الاخرين عندما بدأت الثقاب تلسعهم وجروالفتايات وهم يضحكون جري زين خلفها وهو يلبس تيشرته و يجهر بصوته
زين:تياااااااااااااا وربنا ما هاسيبك.
😈😈😈😈😈😈😈
كادت الاخري ان تخرج وهي تضحك ولكنه توقفت عندما رأته لم يتحرك
ليا:الله انت هاتفضل زعلان مني كده علطول ولا ايه
عاصي:هي الساعه كام دلوقتي
ليا:الساعه ٩ بتسأل ليه
عاصي:٩ طب اطلعي بره عشان عايز اغير هدومي
ليا:طب لما انت زعلان مني كنت بتقف قدام بابي عشاني ليه
عاصي:مش زعلان منك يا ليا
ليا: يعني امبارح اجبلك الاكل عشان تاكل مش تردي تاخده مني والنهارده اهزر معاك وانت كأن كلبه بتصحيك علي العموم خلاص بقي براحتك انا مش هاكلمك تاني لمعت الدموع في عينيها والتفت لتخرج من الغرفه بأكملهاولكنه امسك يدها قبل ان تخرج
عاصي: قولتلك مش زعلان ومبعرفش ازعل منك انتي بالذات بس اتأخرت علي الشركه ومش عايز عمي يقول عليا اني بدلع ولا مش بتاع شغل
غزل:لاء لو الشغل هايخلي دمك تقيل كده يبقي مش تروح
عاصي:هههههههههه لو مروحتش هبقي زي ما هو بيقول عليا لسه عيل ومش قد كلمتي
ليا:هههههههههههه طب وايه يعني مانت فعلا لسه عيل ههههههههههه
ظل ثابت امامها ولم يرد حتي انهت ضحكاتها
عاصي:خلصتي ضحك ياريت بقي تخرجي عشان البس.وابقي نقي الفاظك معايا شويه
ليا:تصدق انت بقيت رخم اوي البس يا خويا براحتك انا خارجه
//////////////****************
كادت ان تسقط من علي الدرج من سرعتها الا انه التقطها بين يديه والقاها علي كتفه
زين:بقي يا جزمه اقولك بحبك بليل تولعي فيا الصبح
كانت رأسها متدليه علي ظهره
وتدق عليه بيدها: نزلني يا زين موديني فين
زين:مش لاسعتيني انا بقي هاوديكي المكان الوحيد اللي مش بتحبيه هارميكي في حمام السباحه يا قطه
تيا:لاء يا زين عشان خاطري لو بتحبني بجد دي المايه بتاعته بيبقي فيها كلور
رأتهم غمزه وهي جالسه علي مقعد السفره هي وطفلها وظل بوده يضحك كثيرا عليهم
غمزه:ايه اللي انتو عاملينه ده في ايه علي الصبح
زين بعصبيه:بقي انا اقول لبنتك بليل بحبها وهاكتب كتابي عليها تقوم الصبح تولع فيا
تيا:والله يا مامي كنت بهزر معاه وبعدين اولع فيك ايه يا اوڤر انت ده عود كبريت مش هيأثر فيك انت
غمزه:هههههههههه خلاص بقي يا زين نزلها وكأنها تتذكر ماكان يفعله والده معها
زين بعد ان خرج امام حوض السباحه:حاضر انتي تأمري ياست الكل انزلها امامه مباشرة ولكنها احتضنته جيدا وهتفت
تيا:هزعل منك بجد وهاخصمك لو عملتها انت عارف اني مش بحب الميه وهاغرق
زين بأستغراب: تغرقي اوعي سيبيني انا بردو اللي اوڤر
رفعت فيروزتها لتقابل رصاصيته لتبدأ بينهم اول شرارة عشق متبادله
 الفصل السادس والسابع والثامن والتاسع والعاشر بقلم/كنزي حمزه رواية مغامرات ابناء ال…){kind=link}
تعليقات
إرسال تعليق