رواية مغامرات ابناء العاصي الجزء الثاني من (العاصي) الفصل الحادي عشر والثاني عشر والثالث عشر والرابع عشر والخامس عشر بقلم/كنزي حمزه
رواية مغامرات ابناء العاصي الجزء الثاني من (العاصي) الفصل الحادي عشر والثاني عشر والثالث عشر والرابع عشر والخامس عشر بقلم/كنزي حمزه
العاصي/2
((مغامرات ابناء العاصي))
البارت الحادي عشر
رفعت فيروزتها لتقابل رصاصيته لتبدء بينهم اول شرارة عشق متبادله وهمست له وهي تضع يدها علي صدره
تيا:زين لو بتحبني بجد بلاش انا بخاف من المايه وانت عارف
زين:بحبك ياحته من قلب زين انا روحي فيكي انتي
تيا:وانا كمان بحبك اوي بس لو عملت كده هاخصمك
تركها من بين يديه وهتف
زين:لاء وانا مقدرش علي خصامك يا قلبي بس عايز اعرف حاجه واحده بتحبيني عشان انا زين اخوكي ولا حبيبك وخطيبك
احنت رأسها في خجل ولم ترد عليه
وضع اصابعه اسفل زقنها ورفع وجهها ليقابل وجهه مره ثانيه وهمس
زين: ردي عليا
تيا:بحبك اخويا وحبيبي وخطيبي وهتبقي جوزي وكل حاجه ليا في الدنيا
حملها بين يديه بفرحه وظل يدور بها وهي متشبثه في عنقه جيدا ثم القي بنفسه في الماء وهي محتضناه جيداً وتصرخ بأنفعال
ولم تتركه بل تشبثت به اكثر وهو يضحك بشده وفرحه كبيره
💕💕💕💕💕💕بقلمي/كنزي حمزه 💕💕💕💕💕
كل هذا كان تحت نظرات غمزه التي كانت سعيده جدا جدا من اجلهم وشاركتها المشاهده ليا التي كانت تقف مندهشه مما تراه
ثم اتي عاصي بعد ان اتم لبسه وقبل ان يرحل رأهم
عاصي بأندهاش: هو في ايه
غمزه:مافيش حاجه اصل زين خطب تيا من بابها امبارح وهو وافق ولسه قايلها دلوقتي
ليا بفرحه لهم:بجد يا مامي والله كنت عارفه
تركهم عاصي وخرج من الڤيلا بأكملها وهو منفعل جدا
وهتفت غمزه لهم
غمزه: اظن كفايه كده اوي ويا ريت تطلعو بقي
بوده بمرح:استني يا زين ماتطلعش انا عايز اعوم معاك انا كمان
تيا بصوت خفيض:طلعني يا زين انا زعلانه منك
زين:وانا بحبك يا قلب زين ومش هاسمح ليكي تزعلي مني او تخافي من اي حاجه وانتي في حضني
رفعها بين يديه واجلسها علي حرف حوض السباحه وبدء يعوم بعيدا عنها
وقف بوده بجانبها والقي بنفسه له في الحوض وقفت هي وركدت سريعا الي الداخل وهي في قمة الخجل من والدتها واختها التي سريعا ما تحركت خلفها
*****************************
صعدت الي غرفتها وكادت ان تغلق الباب الا ان يد ليا اوقفتها ودلفت خلفها وهي تمزح معها
ليا: مبروك يا توتو والله كنت عارفه
تيا:كنتي عارفه ايه بس اذا كنت انا مكنتش اعرف حاجه
ليا:هههههههههه عشان عبيطه مالك وشك احمر كده ليه
تيا:اسكتي ياليا انا حاسه ان قلبي هيوقف من الفرحه
ليا:ياسيدي يا سيدي اوعدنا يا رب
لكزتها في كتفها وهي تتجه الي المرحاض الخاص بغرفتهم
تيا:يا رب يا ختي وسعي بقي خليني اخد شاور واغير هدومي دي وتركتها وذهبت
//////////////////////////////////
وصل الي مقر شركتهم ووجهه مقفهر من الغضب لم يتجه الي مكتبه ولا حتي ذهب الي والده وصعد الي مكتب عمه مباشرة
لم ينتظر ان تعطيه سكرتيرة مكتبه خبر ولا حتي استمع لها
لم يدق الباب بل قبض بيده علي مقبضه وفتحه بكل عنف وجدهم يجلسون هم الاثنان معا
غضب عاصي من تصرفه هذا وبدء يوبخه
عاصي: انت شرفت في ايه علي الصبح ايه الطريقه اللي داخل علينا بيها دي
تكلمت السكرتيره:والله يا فندم حاولت اوقفه مقدرتش
حمزه: خلاص روحي انتي دلوقتي وبعد ان ذهبت نظر اليه واكمل حديثه مالك ياض شكلك عامل كده ليه
لم ينظر اليه ولكنه وجه حديثه الي عمه
عاصي الصغير:ممكن اعرف اشمعني هو وفقت ليه وانا لاء
حمزه:هو مين ده انت بتكلم عن ايه
عاصي الصغير:ماترد يا عمي ماتقول لأبويا انا بتكلم عن ايه
عاصي بغضب: وطي صوتك يا حيوان وانت بتتكلم معانا ومتنساش نفسك اقعد وخليك راجل واتكلم براحه
جلس علي الاريكه الجلديه السوداء الموجوده بالركن الجانبي من الغرفه وبجانبها مقعدين من نفس اللون ومازل وجهه يكسوه الغضب
اتجه له والده وجلس بجانبه
حمزه:مالك بس يابني طب فهمني في ايه
لم يرد عليه ولمعت الدموع في عينه وهذا ما أزعج اﻻخر جدا تنهد بقلة حيله وقف من علي مقعده واتجه اليه وجلس امامه
عاصي:اللي انت بتعمله ده بيثبتلي اني عندي حق وانك لسه مابقتش راجل ومقدرش أئتمنك علي بنتي
صاح بغضب
عاصي الصغير: لاء انا راجل غصب عن اي حد انا ارجل من زين اللي انت فرحان بيه ووفقتله علي جوازه من بنتك بس عايز اقولك علي حاجه زي ماوفقت ليه علي الخطوبه هاتوافق لي علي خطوبتي من ليا
عاصي بهدوء:قولتلك اثبتلي انك راجل وقد المسؤليه وانا اجوزهالك وتاني مره اوعي تتحداني فاهم
عاصي الصغير:لاء مش فاهم انت رافض ليه مانا اتنيلت وبقيت باجي الشركه كل يوم اهو والكليه خلاص هتبدء وانتظم فيها
جلس براحه اكثر وضع ساق علي اخري واشعل سيجارته
عاصي: معاك فلوس تجيب لبنتي ڤيلا وتفرشها زي اللي زين هايجبها لتيا بلاش معاك تجبلها شبكه ولا هتستني لما بابا يجبلك
عاصي الصغير:ايوه ابويا هايجبلي هو انتو فقرا
حمزه:ماينفعش يا عاصي يابني زين اكبر منك بخمس سنين يعني خلص كليته واشتغل ومرتبه مشاء الله يعيشه مرتاح طول عمره من غير ما ينتظر من ابوه حاجه
انما انت لسه قدامك خمس سنين كليه غيركده لسه بتاخد مصروفك مني
عاصي الصغير:طب تلبس دبلتي بس وانا والله هاعمل كل اللي انتو عايزنه بس اعرفها انها بتاعتي انا
عاصي بغضب:بتاعت مين ياض عالله أسمعك بتقول الكلمه دي علي بنتي تاني ومتفكرش انها هتبقي خطيبتك الا لما تثبتلي انك جدير ببنت العاصي فضالي واتفضل بقي علي شغلك يلا
عاصي الصغير: وانا مش قاعدلك فيها والله مانا معتب شركتكم دي الا لما تكون لابسه دبلتي في صباعها
خرج مندفعا من المكتب ومن الشركه بأكملها وركب سيارته واتجه الي الجماليه
جلس حمزه بغضب منهم وصاح في اخيه: انا تعبت من عصبيتكم انتو الاتنين وبعدين كده مش هاخلص انت عنيد وهو وارث العند منك عايزني اتفاهم معاكو ازاي انتو الاتنين
عاصي:يعني عايزني اوافق علي اللي هو عايزه يا حمزه عايزني اجوز بنتي لأبنك وهو لسه عنده١٩ سنه
ماانت عارف ابنك لما بيعوز حاجه بيفضل شبطان ازاي وبعد مايزهق بيرميها ومش بيبصلها تاني وانا مش هاسمح ولا ليه ولا لأي حد يفكر يأذي بناتي
حمزه : ولا انا هاسمح بكده يا عاصي بس انت عارف ابن اخوك اكتر مني عاصي نسخه منك انت عمره ما جه بالعند بالعكس انت لما بتكلمه براحه بتعرف تخليه يعمل اللي انت عايزه
عاصي:كلمته بدل المره اتنين وكنت متفق معاه معرفش ايه اللي قلبه مره واحده كده
حمزه:اكيد غار من زين لما عرف بخطوبته هو تيا
عاصي: الحيوان التاني ده وربنا لما اشوفه لوريه قولتله يستني لما انا اكلم بنتي واقولها اتنيل استعجل وراح قلها
قولتله يمشي ويبقي يجيب ابوه ويجي الجماليه عملي نشره وقلب التاني عليا
حمزه:ههههههههه اكيد فرحان سيبه يا أخي هو اللي اتعمل فيه شويه ده من ساعة ماأتخرج وهو بيتحايل عليك
يلا انا هاروح مكتبي اشوف شغلي سلام وقف من علي مقعده وخرج من امامه واغلق الباب من خلفه
*******************************
امسك الاخر هاتفه واتصل عليه
انار الهاتف امامه بأسمه وهو يلبس ملابسه امسكه وفتح المكالمه وهو يبتسم
زين:والله بلبس وماشي اهوه
عاصي:ايه اللي خلاك تقول لعاصي علي الخطوبه
زين بأستغراب:انا متكلمتش معاه في حاجه
عاصي: انت هتستعبط يلااااااااا اومال هو عرف منين
زين:وربنا ما اعرف انا سيبته في الأوضه ونزلت تحت اههه اكيد شافنا لما كنا في .......صمت ولم يكمل
عاصي:شاف ايه بقي انشاء الله ومالك قطعت كلامك ليه
بدء يفرك رأسه وهو يبتسم ويبرر موقفه
زين:مافيش حاجه يا بوب داحنا كنا بنهزر انا وبوده وتيا وهو كان نازل وشافنا وتقريبا كده ماما هي اللي قالتله
عاصي:بتهزرو ماشي يازين اما اشوفك اسمعني خليهم يلبسو وتاخدهم توديهم الجماليه وتمشي واخر النهار تجيلي انت وابوك علي هناك فاهم يابن ال.... عاصي
زين:ههههههههه علم وينفذ يا بوب انا تحت امرك
///////////'///////////////////
اوقف سيارته بفرمله قويه امام وكالة جده مما افزعه واوقفه من علي مقعده وخرج اليه
كان قد ترجل منها واغلق بابها خلفه بغضب واضح علي وجهه خاف جده عليه ان يكون حدث معه مكروه وصاح فيه بعد ان ارتمي بين احضانه
فضالي:مالك يا عاصي فيك ايه يا حبيبي
عاصي:مافيش يا جدي مضياق شويه بس
فضالي: مين اللي ضيأك يا حبيبي انت اتخنقت مع حد
ابتعد عنه ولمعت الدموع في عينه مره ثانيه ولم يرد عليه
فضالي :ايه اللي انت فيه ده تعالي ندخل جوه اقعد واتكلم برحتك وانا هاسمعك زي مانت عايز
عاصي: بعد ان جلس امام جده عمي رافضني يا جدي رافض يخليني البس ليا دبلتي زعقلي لما قولتله عايزها تعرف انها بتاعتي انا
قالي انا بنتي مش بتاعت حد وعالله اسمعك بتقول كده تاني مع ان زين مش بيقول غير كده علي تيا ووافق علي خطوبته منها
فضالي: طب ممكن تهدي شويه وتسمعني اولا زين دلوقتي عنده٢ سنه
خلص كليته وبقي ظابط وتيا من وهي لسه في اللفه وهو كان عنده خمس سنين وهو بيقول عليها كده ومن ساعة ما أتخرج وهو بيزن علي عمك
وعمك مكانش موافق الا لما تاخد الثانويه لكن انت بقي لسه صغير يا حبيبي لسه قدامك الكليه وتتعين في الشركه وتقدر تثبتله ان مافيش حد يستحق بنته غيرك انت
عاصي:مش هاروح الشركه دي تاني وليا بتاعتي غصب عن اي حد
فضالي:ياعبيط انت عارف ان العند مش بيجيب نتيجه مع عمك مانت نسخه صغيره منه وعارف
بقولك ايه ماتسايسه شويه وريله انك راجل وقد المسؤليه وليك عليا يا سيدي السنه دي تعدي وخليه يوافق قولت ايه
عاصي:انا لسه هاصبر سنه بحالها من غير مااعرفها
فضالي: معلش انت عارف انها ثانويه عامه السنه دي تخلصها بس وانت تكون اخدت وضعك في الشركه واتعلمت كل حاجه وانا بنفسي اللي هاجبره يوافق علي خطوبتكو
عاصي:هو ابنك ده حد بيقدر عليه حد بيعرف يجبره علي حاجه ده كلامه من دماغه
فضالي:انا ياواد بقدر عليه ده ابني وانا عارف كويس اوي ادخله منين
عاصي: مش هاروح الشركه يا جدي اما نشوف اخرتها معاه ايه الله اومال فين عدي مش شايفه يعني
تنهد فضالي بزعل ثم قال:طلع عند الكلاب بتاعته شايف الشباب الصا... ..اللي واقفين بره دول جاين يشترو منه كلب وهو طلع يجيبه ليهم
انا مش راضي عن اللي هو بيعمله ده ياعاصي وعايزه يسيبه بقي من حكاية الكلاب دي خالص
عاصي:ما تسيبه يا جدي اهو بيسلي نفسه.
فضالي:وهو يعني ملاقش غير العيال دي اللي يسلي نفسه معاهم
عاصي: اهي بيعه وجاتله مش هايصاحبهم يعني اهو نزل اهو انا هاروح اقف معاه
//////////////////////////////////////--
وقفو الشباب ينتظرونه حتي اتي اليهم وبيده كلبbedbolاسود شكله يدل علي مدي توحشه وانضم اليهم عاصي
شاب 1:اوبا اوبا يا ابو عدي يا جامد
عدي: الله يخليك متشكر اوي
شاب٢: ماتفك يا عم شويه كده والله لو مكنتش مؤدب زياده عن اللزوم كده عليا النعمه كنت بقيت صاحبنا وش هههههههههه
عاصي بسخريه:ههههه لاء فكك انت بقي ومش عايزين ننول شرف الصحوبيه دي انتو ليكو كلب اشترتوه وتتكلو علي الله
شاب١: مالك يا عم شادد حيلك علينا كده ليه هو حد وجهلك كلام
شاب٢:ومين قالك ياض ان احنا نرضي نصاحبك
عدي:ماتصلو علي النبي ياجدعان خد يا عم ادي رخصة الكلب اهيه واوراق التطعيم بتاعته وانا كده وصلني حقه وكده نبقي خالصين
شاب١:ماشي يا عدي متشكرين يا عم وانشاءالله مش هتبقي اخر معامله بيناوهجبلك زباين كتير عشان انت زوق بس
سلام يا جدع
اخذو الكلب ورحلو من امامهم ولكنهم قبل ان يرحلو نظرو الي عاصي بكره
عاصي:انت عرفت العيال دي منين
عدي:في ايه يا عاصي مالك داخل فيا شمال كده ليه دي عيال من الحته هنا جاين يشترو كلب ويمشو مش هاصحبهم يعني
عاصي: بس بس مالك هبيت فيا كده ليه انا بسألك عشان خايف عليك علي فكره
العاصي/2
((مغامرات ابناء العاصي))
الفصل الثاني عشر
ظلو يتناقشون امام عينه وهو جالس داخل الوكاله ينظر اليهم بحب وقلق في نفس الوقت الي ان ولجو له بمناقشتهم الحاده
عدي:بقولك ايه مش عشان انت اكبر مني بتلات شهور هاتعمل عليا كبير ماتنساش ان انا عمك بردو
عاصي:يابني بقولك خايف عليك انت متعرفش العيال دي زي ماانا اعرفهم انت كل اللي تعرفو عنهم انهم من الحته من هنا
لكن انا بقي اعرفهم كويس وعشان كده بقولك ملاكش دعوه بيهم يا عدي
عدي:اظن انا مش عيل صغير عشان حضرتك تبقي واصي عليا انا بعرف افصل كويس بين الكويس والوحش خلي بالك انت بس من تصرفاتك وملاكش دعوه بيا
واخيرا ما نطق والده
فضالي:كفايه بقي انتو ايه خلاص مبقاش ليكو كبير
مابقتوش تحترمو حد مين يا عاصي العيال دي انت تعرفهم
عاصي: ايوه ياجدي اعرفهم ده الواد حماده ابن عبده السروجي اللي بيته في اخر الشارع والواد التاني اسمه ماندو ابن سيد المكانيكي عيال ....... ومكملوش تعليمهم
فضالي:انعم واكرم ونعم المعارف والصحاب يا عدي باشا
عدي:معارف واصحاب ايه بس يا بابا دول شباب جم اشترو من عندي كلب وشكرا علي كده اكيد مش هصاحبهم يعني
فضالي:بص يا عدي انا ممكن اجبرك انك تسيبك بقي من حكاية الكلاب دي بس انا مش هاعمل كده لكن هاقولك حاجه واحده انا مش راضي عن اللي انت بتعمله ده واللي عارف كويس اوي انه مش هايجيب غير المشاكل
عدي: مشاكل ليه بس يابابا ماتسبوني اعمل الحاجه الوحيده اللي بحبها انا مبضرش حد يبقي انتو كمان ماتجبرونيش بقي اني اسيبهم
قطعت الصغيره حديثهم عندما ولجت الي الوكاله
طمطم:عاثي جيه عاثي جيه ليحملها اخيها بين يديه ويقبلها بحب
عاصي: اهلا يا حبيبتي وحشتيني يا قرده
طمطم:فين بوده مس جيه معاك ليه
فضالي:اه صحيح هما ماجوش ليه ولا ناوين يقعدو هناك كتير ولا ايه
كاد ان يرد عليه ولكنه صمت حين التفتو جميعا بنظرهم الي سيارة زين التي توقفت في الخارج وبدؤو يترجلون منها
طمطم:ههيييييهههه بوده جيه نزلني يا عاثي عايزه الوح العب معاه
افلتها عاصي من بين يديه واتجهت غمزه بالفتايات الي داخل البيت بينما ولج اليهم زين وهو يحمل طمطم و يمسك عبد الرحمن الصغير من يده ليتركه ويذهب الي جده
عبد الرحمن:ازيك يا جدو وحشتني
فضالي:هههههههه يا بكاش وحشتك مره واحده دا هي ليله واحده بيتها بره
بوده:بردو وحشتني
فضالي:وانت كمان يا حبيبي وحشتني اوي ربنا مايحرمني من دخلتكو عليا
زين:ويخليك لينا ياحبيبي عامل ايه يا جدي
فضالي:هههههههه اهلا بالعريس ده احسن خبر سمعته النهارده علي فكره
زين:ربنا يخليك ليا يا رب كده يا عاصي كنت عايز اقوله انا
عدي:طب ما تفهموني انا كمان ايه اللي بيحصل يا جدعان
عاصي بغيره:براكله خطب تيا من أخوك وهو وافق
عدي:بجد الف مبروك اخيرا
زين وهو ينظر لعاصى بأستغراب:مش كده وبس ده ابويا جاي النهارده وهنحدد معاد كتب الكتاب
فضالي:هههههههه الف مبروك ايوه كده فرحوني
عاصي بغضب:انا طالع فوق
زين :كده منغير ماتباركلي
عاصي:ها لاء ازاي الف مبروك يا زين ثم احتضنه وقبله من وجنتيه وذهب للاعلي
فضالي:وبعدين بقي فيكو انا كل ما باشوف حد فيكو زعلان بتعب
عدي:ليه بس يا حج ماحنا كلنا كويسين اهو وعاصي ايه اللي هايزعله بس
زين: كلم عمه امبارح علي خطوبته من ليا ورفض
عدي:وهوازاي فكر ان عاصي ممكن يوافق علي حاجه زي كده منغير مايكون خلص كليته او علي الاقل اشتغل
زين:ماهو ده اللي ابويا قاله ليه بس تقول ايه بقي في العند اللي فيه
فضالي:و هو هايجيبه من بره ماهو وارث العند في كل حاجه منه
زين:طب انا ماشي بقي وانت ابقي حاول تقعد وتتكلم معاه يا عدي سلام يا جدي اشوفك بالليل بقي
فضالي:مع السلامه يا حبيبي
عدي:مع السلامه
*****************بقلمي/كنزي حمزه****************
صعد الدرج بسرعه وغضب لم يدلف الي شقة جده ولا حتي الي شقة والده
بل صعد فوق سطح المنزل الي تلك الغرفه التي قرر في السنه الماضيه ان يبنيها حتي يستذكر دروسه فيها هو وعدي
دلف اليها واغلق بابها عليه بأحكام وجلب ذلك الصندوق الذي يخبئه تحت التخت الموضوع بالغرفه
والذي يحمل فيه كل صوره معاها استسلمت دموعه للنزول
عندما كان يتذكر مراحل نموها امام عينيه ظل يبكي بشده
ويهتف : حرام عليك يا عمي عايز تحرمني منها ليه ليه مش عايزني حتي اعرفها لملم اشياءه سريعا وبدء يمسح دموعه حين استمع لدق الباب
عاصي:مين اللي بره
غزل: افتح يا عاصي انا ماما يا حبيبي
عاصي:سيبيني يا ماما لوحدي انا مش عايز اقعد مع حد
غزل:ولا حتي انا افتح عشان خاطري ماتوجعش قلبي عليك
عاصي:انا كويس يا ماما ماتقلقيش عليا بس عايز انام شويه وانا هبقي انزل مش هاعرف انام في الدوشه اللي تحت دي
غزل:طيب يا حبيبي انا هانزل ولوعوزت تاكل ولا حاجه ابقي اتصل عليا وتركته ونزلت الدرج لتقابلها عليه
ليا:مش قولتلك مش هايفتح ليكي ابنك ده بقي رخم اوي يا غزل
غزل وقد ضربتها علي كتفها: بطلي يا بت ابني ده قمر طب بقولك ايه ماتروحي تخبطي انتي عليه وتشوفيه ماله
ليا:يووووه هي صوره بقولك امبارح دخلتله بأكل ومرديش ياخدو مني وطردني والنهارده الصبح حاولت اهزر معاه ودخلت صاحيته وبردو طردني وعايزني اروحله تاني لاء خليه زعلان احسن
غزل:كده يا لولو يخونك الضرب اللي انضربه عشانك
ليا:بقولك ايه ماتسبتينش انا عايزه انزل عشان اجهز انا وتيا قبل انكل احمد وانطي دارين مايجو اكيد دانا هاتيجي معهم صح
غزل:ايوه صح انزلي ياختي انزلي عيني عليك يابني مش لاقي حد سائل فيك
ليا:ههههههه طب متزعليش بصي احنا هاننزل نجهز كل حاجه ولو هو مانزلش قبل ما يجو هبقي اطلع ليه وامري
////////////////////////////////////
وصل بسيارته الي ڤيلا والده و ترجل خارج السياره رأهم جالسين في الحديقه امام حوض السباحه
ذهب اليهم وهو كله حماس وفرح انحني بجزعه العلوي ليقبل رأسها وهتف
زين:ازيكو عاملين ايه وانتي ياقمر انتي عامله ايه وحشتيني وقبلها في وجنتها
دارين:ههههههههه ده ايه الرضا دا كله كان فين الكلام الحلو ده امبارح
زين:ايه هو انا امبارح مقولتش ليكي انك وحشتيني اخص عليا دا أنا وحش جدا
احمد:انت بتعاكس مراتي وانا قاعد يا واد ولا ايه
زين:اه ياعم بعاكسها عندك مانع ولا ايه
احمد:اه طبعا دي ياحبيبي ملكيه خاصه لو مديت بوزك ده تاني هاقطعهولك
دارين:هههههههه ولا تقدر تعمله حاجه داه ابني حبيبي ربنا يخليه ليا
زين:حبيبتي انتي يا رافعه معنوياتي
احمد: هههههههه روح اتشطر علي اللي مشحططك ورا بنته
زين:طب مش كفايه شحططه لحد كده انتو مش ناوين تقومو تجهزو بقي ولا ايه
دارين:لسه بدري يا حبيبي احنا لسه العصر وحنا هانروح علي الساعه ٧ كده
زين: لاء مع نفسكو بقي انا هاطلع اخد شاور واروح علي هناك تاني
احمد:ما تعقل يا واد في ايه هو مش عاصي قايلك تجيلي انت وابوك وعامل فيها النهارده حماك زي ماقولتلي يبقي تستني لما نروح كلنا سوي
دارين:هو احنا هانروح كلنا ونسيب دانا لوحدها هنا
احمد:ونسيبها ليه هي مش ناويه تحضر خطوبة اخوها ولا ايه
دارين:بصراحه اصلها من ساعة اللي حصل وهي زعلانه ومش عايزه تخرج من أوضتها
زين:يعني هي اللي غلاطنه وزعلانه كمان
احمد:خلاص بقي يا زين هي غلطت وانت كمان غلطت لما مديت ايدك عليها اكيد هتزعل طبعا
دارين:هو انا لو قولتلك عشان خاطري يا زين تصالحها مش هتسمع كلامي
زين:يا حبيبتي انتي تأمري وانا انفذ حاضر هاطلع ليها اهو وبس لو غلست بقي ماتخضوش لو لقتوني حادفه ليكو في البيسن ده
احمد:ههههههههه ولااااا براحه عليها عايزين نفرح النهارده
زين وهو يتجه الي الداخل: ماتقلقش يا سيادة العميد اللي مش هايفرح النهارده هاحبسه خميس وجمعه
////////////////////////////
صعد الي غرفتها ودق علي بابها ولكنها لم تسمعه ففتح الباب ودخل اليها
كانت تجلس علي فراشها وامامها جهاز الحاسوب النقال تبعها وتضع سمعات الاذن فوق رأسها وتلعب عليه لعبةpupjy
دانا:يابني غطيني كده هاموت انا احدف عليهم قنبله ولا اي حاجه
زين:قنبله وابنك بتعملي ايه يا هابله دانا داناااااااا لم تلتفت اليه ولا حتي سمعته وفأضطر ان يرفع سماعة الأذن من علي رأسها ويغلق الجهاز
دانا:ايه ده ليه كده يازين انا هاخسر كده
زين:ما تخسري يا بت وايه ياعني ده gaimيعني مش حاجه مهمه وبعدين انا جاي اتكلم معاكي
دانا:نعم افندم حضرتك في حاجه تاني جاي تزعقلي عليها ولا ناوي تضرب علي طول
زين:لاء هاضرب علي طول يا أم لسان طويل انتي وبدأ يدغدها وهي تضحك بشده
دانا:هههههههه خلاص خلاص مش قادره
زين:قولي الاول انك اسفه وانك صالحتيني وانا اسيبك
دانا:هههههههه هاموت يا زين خلاص انا مصالحك
زين:لسه ماقولتيش انك غلطانه
دانا وقد جرت من امامه:لاء انا مش غلطانه ومش هاتأسف ليك علي فكره
وريح نفسك مش هاروح معاكم الجماليه دي
زين بمكر: اتأسفي احسنلك وهاتيجي معانا الجماليه دي خطوبة اخوكي يا هبله
تيا:مبروك يا خويا بس بردو لا هتأسف ولا هاروح
واذا به يحملها بين يديه ويخرج بها من باب الشرفه الزجاجي وهي تصرخ وهو يهتف لوالده
زين:ها يا سيادة العميد بنتك مش راضيه ارميها ولا ايه
دارين بخضه:بنتي نزلها يا زين اوعي تعمل كده
احمد:هههههه بقولك ايه لو حدفتها في المايه هاتعطلنا وتقولك استني اما اعمل شعري ومش عارف ايه انا بقول نكتفها احسن وناخدها وخلاص
دانا:بابيييييي خليه ينزلني
زين:ما قولتلك اتأسفي الاول
دانا خلاص انا اسفه نزلني بقي دانت رخم
زين :رخم شكلك عايزه تتحدفي بجد
دانا سريعا:لالالا والنبي يا زين خلاص افلتها من بين يديه علي الارض وقرص علي وجنتيها
زين:ايوه كده بنوته شاطره بتسمع الكلام يلا بقي اجهزي يا حبيبتي عشان تروحي معانا عقبالك يا قطه وتركها وخرج وهي تتمتم بكلام غير مفهوم
دانا:اف بقي مش عايزه اروح الجامليه دي ولا اقابل انا الزفت عدي ده
بس ولو هاروح عشان اشوف تيا وليا ولو غاظني والله هاديله كلمتين في جنابه واغيظه انا كمان
مش عارفين مين هايغيظ مين
هي ليا هاتقدر تخلي عاصي ينزل
#وجه جديد
العاصي/2
((مغامرات ابناء العاصي))
البارت الثالث عشر
جلست روقيه علي الاريكه ترحب بأسراء صديقة غمزه هي وابنتها
والتي اتصلت بها غمزه اول ما وصلو حتي تأتي وتحضر معهم خطبة ابنتها فهم مازلو اصدقاء لا يخفون عن بعض شيء ويودون بعض في كل المناسبات
روقيه:وحشتينا يا اسراء بقالك كتير ماجتيش
اسراء:معلش يا ماما روقيه غصب عني والله بس اعمل ايه حازم شغله مش بيخلص ومي ومجانني هي ومازن اخوها مخليني بمشي في البيت اكلم نفسي والله
غمزه:ههههههههه انتي اللي طول عمرك شعنونه دي مي دي الرقه والجمال كله
مي:حبيبتي يا انطي غمزه ربنا يخليكي
روقيه وكانت تنظر اليها بحب:كبرتي يا مي مشاء الله عليكي طول عمرك جميله وارثه الحلاوه من مامتك بقيتي في سنه كام دلوقتي
مي:ميرسي يا نانا انا رايحه تانيه ثانوي
روقيه:يعني فرق سنتين طب حلو والله مش وحش
اسراء:هو ايه ده اللي حلو مش وحش يا ماما روقيه
روقيه:هاه لاء مافيش حاجه اصلي كنت فاكرها اصغر من تيا وليا بسنتين بس افتكرت انهم لسه داخلين تالته ثانوي.
غمزه وقد تفهمت ما يدور في رأس والدتها:اطلعي يا مي اقعدي مع البنات يا حبيبتي هما بيلبسو فوق مع خالتهم غزل
مي:ماشي كلامك يا أنطي عن ازنكم انا هاطلع ليهم
غمزه:مشاء الله يا اسراء مي جميله اوي في الحجاب
اسراء:نعمل ايه يا ستي في المجنون شهاب ابن عمها من ساعة ما اخدت الاعداديه وهو كل ما يشوفها منغيرو يزعق ليها
روقيه بزعل:ايه ده هي اتخطبت يا اسراء
اسراء:لاء مش مخطوبه ده ابن عمها وهو الكبيرفي سنه تانيه في كلية الحقوق وانا بحبه بصراحه ومش بحب ازعله ده حتي صاحب عدي وعاصي
روقيه: اه قولتيلي
غمزه:ههههههه بتفكري في ايه يا روكا
روقيه:بس يا بت بلا روكا بلا زفت
يلا خدي صاحبتك وروحو كملي اللي كنتي بتعمليه
غمزه:ههههههههه كده ماشي تعالي يا بنتي ندخل جوه
اسراء:بت يا غمزه مامتك مالها قلبت فجأه كده ليه
غمزه بمكر: انا عارفه ياختي
اسراء:هههههههه ياختي مشافكيش عاصي جوزك وانتي بتقوليها
/////////////////بقلمي/كنزي حمزه//////////////////////////
صعدت مي اليهم وكالعاده وجدت الباب مفتوح فوقفت داخل الرسيشبن وصاحت:يا اهل الدار يالي هنا انا جيت انتو فين يا بنات
خرجت طمطم الصغيره لها وهي تهتف :دي مي بنت اسلاء تعالي احنا هنا
حملتها بين يديها وهي تقبلها:اسلاء لو سمعتك هاتعلقك انتي مش هاتعدلي اللدغه الجميله دي بقي وحشتيني يا قلبوظه
صرخت الفتايات عندما رأوها واحتضنتها تيا:عاااااااااااا مي وحشتيني يا بنت الايه
ليا:اخص عليكي كده من ساعة مااخدنا الاجازه مش شوفناكي(فهم اصدقاء في نفس المدرسه)
غزل:بس انتي وهي براحه عليها شويه تعالي يا بنوته يا جميله انتي سلمي عليا ازيك يا مي وازي مامتك
مي:الحمد لله يا انطي كويسين هي مع انطي غمزه تحت شايفه بنات اختك ال يعني هما اللي كانو بيسألو عليا اوي
تيا:يا بنتي مانتي عارفه احنا عندنا حظر تجول علطول وانتي يا ختي من بعد الامتحانات محدش شاف وشك
مي: ما انتو عارفين اني بعد الامتحانات سافرت البلد(القريه التي تقيم فيها العائله) وقعدنا حاولي شهر كده هناك
ليا:ماشي بس في حاجه اسمها شات او تكلمينا في الموبايل
مي:ماخلاص ياختي انتي وهيا انا جيت اهو المهم دلوقتي مبروك يا عروسه
تيا:ههههههه الله يبارك فيكي عقبالك انتي كمان
مي:اه يا رب
ليا:هههههههه واقعه واقعه يعني
غزل:طب اسيبكو انا بقي تتكلمو برحتكو وانزل اسلم علي صاحبتي انا كمان اوعي تنسي يا ليا اللي قولتلك عليه
ليا: لاء مش هنسي ماتخفيش
/////////////////////////////////////
وصل بسيارته امام وكالة ابيه ترجل منها ودلف اليه وجده يجلس خلف مكتبه وصغيره يجلس علي المقعد امام
المكتب يراجع له بعض الطلبات المطلوبه من تجار التجزئه
حمزه:سلامو عليكو
فضالي:وعليكم السلام حمدلله علي السلامه اومال اخوك مجاش ليه
حمزه: انا سيبتو كان بيخلص شوية شغل وجاي ورايا هو الواد عاصي فين
عدي: عاصي نايم في اوضة السطح انا طلعتله
من شوية وغزل قالتلي انه فوق ومرديش يفتحلها لما طلعتله
فضالي: ايه اللي حصل يا حمزه
حمزه :عيل غبي فاكر ان عمه رافض خطوبته من بنته مش عايز يفهم انه عايزه يبقي راجل يقدر يعتمد عليه يشتغل ويبدء يعمل حاجه لنفسه ويعرف بعد كده يفتح بيت ويطمن علي بنته معاه
عدي:براحه بس يا حمزه مانت عارف ابنك وعنده
حمزه:يااخي انا زهقت منهم هما الاتنين اذا كان من عند الكبير ولا الصغير
فضالي:معلش اطلع بس دلوقتي غير هدومك علي بال اخوك ما يجي
حمزه:ماشي انا طالع اشوفه احسن ما ينزلش ويكسفنا زي عوايده
تركهم ليصعد الي الاعلي وقابله عبد الرحمن الصغير امام الوكاله وحمله بين يديه
حمزه:بتعمل ايه لحد دلوقتي في الشارع ياض
بوده:حمزه تعالي طلع لي العجله بتاعتي كل ما اقول لعدي يزعق لي ويقولي اطلع فوق بقي
تذكر حمزه عندما كان زين صغير ويطلب منه هذا الطلب وضحك مليء فمه
حمزه:ههههههههههه هي الايام بتعيد نفسها تاني ولا ايه اقولك تعالي معايا واطلع صحي عاصي واقوله ينزل يكلمني وانا هابقي اعملك اللي انت عايزه
بوده:حاضر بس هتطلع لي العجله
حمزه:ماشي يا سيدي هاطلعها ليك
وصعدو الي الاعلي وقف امام شقة والده ولم يدخل عندما رأي زوجته امامه في الداخل وسمع صوت صديقتها
اشار لها فخرجت له وصعدت خلفه الي شقتهم ودلفو اليهاوصعد الصغير الي السطح ليفعل ما طلبه منه عمه
غزل:حمدلله علي السلامه يا حبيبي مالك زعلان كده ليه
حمزه:من تصرفات ابنك اللي مش عارف هو بيعاندنا ولا بيعاند نفسه
غزل:طب ماتعملو ليه اللي هو عاوزه ماانتو عارفين هو بيحب البنت قد ايه ومتعلق بيها
حمزه:ياستي محدش ممانع بس ابوها بردو عايز يطمن عليها خايف من طبع ابنك الزفت ليكون زي عوايده لما بيشبط في حاجه
مابيهداش الا لما ياخدها ولما يزهق بيرميها ازاي ودي بنت العاصي يا غزل مش حاجه وخلاص
غزل:لاء عاصي ابني ما يعملش كده ده بيعشق ليا يا حمزه والنبي ماتزعلوه
حمزه:هو ده راجل بزمتك حد يأتمنه علي بنته
عمه يقوله هتقدر تجيب ليها شبكه وڤيلا وتعملها زي زين ما هيعمل لتيا
يقوم يقوله ابويا هايجيبلي هو انتو فقرا في الأخر يسيب الشغل ويمشي والله انا لو ابوها ماهوافق عليه الحيوان ده
غزل ببكاء: ياعيني يابني كلكم عليه
تركها وذهب الي غرفته وهو منفعل من بكائها ايضا
حمزه:يوووه هلاقيها منك ولا من ابنك انتو باينكو ناوين علي موتي وصفع الباب من خلفه
////////////////////////////////////////
وقف الصغير امام باب الغرفه وظل يدق بيده
عليه.
بوده:افتح بقي ياعاصي كل ده نوم
افزعه صوته من الداخل حين صرخ فيه:انزل يلا من هنا ايه اللي مطلعك
بوده:الله حمزه جيه من الشغل تحت وعايزك وهو اللي قالي اطلع انده ليك
عاصي: روح قوله اني نايم ومش هانزل
بوده:طيب هاقوله واقوله انك زعقتلي يا رب يطلع يحدفك من هنا بقي
عاصي:غور ياض من هنا
///////////////////////////////////////
دلف علي والده الوكاله بعد ان ركن سيارته في مكانها المعتاد وجلس امام اخيه الصغير ووجهه مبتسم له
عاصي:سلامو عليكو ازيك ياابا
فضالي:شوف ياخويا الواد ولا كأنه مزعلني منه ولاسابلي البيت ومشي ولاحاجه
عاصي:خلاص بقي يا عبد الرحمن مانت كمان طردتني واحد غيري ماكنش دخلها تاني بس انا اللي قلبي طيب ومقدرش استغني عنك
فضالي:ههههههههه غني عليا ياخويا غني ماشي علي العموم مبروك ياابو العروسه كبرت ياعاصي وبناتك بقو عرايس
عاصي:بقو عرايس اه لكن انا كبرت لاء مش كده ولا ايه ياض يا عدي بزمتك انا كبرت
عدي: هههههههههه فشر انت شيخ الشباب ياعاصي
عاصي:ههههههههه شيخ الشباب مين ياض ده انا اصبي منك دا البنات بيعكسوني في الشركه لحد دلوقتي
عدي:اقفش حلوين اوي الكلمتين دول يا حج اطلع انا بقي اقولهم لغمزه واطلع عليه اللي عمله فينا كلنا امبارح
فضالي:تصدق صح يا واد ياعدي خلينا نفرح فيه شويه لماغمزه تطلع عليه الجنونه بتاعتها
عاصي:ههههههههه عيب عليك انا مسيطر بردو يلا اما اطلع اشوف البنات قبل المجنون التاني ده مايجي الواد ماصدق قولتله موافق هههههههه
فضالي:اطلع يا حبيبي ربنا يهنيهم ويسعدهم كلهم
عاصي:امين يا رب وافرح فيك ياعدي انت كمان
عدي:هههههههه بعينك انا قاعد علي قلبك ومربع كمان
فضالي:طب وعاصي هتفضلو معندين بعض كده انت وهو
تنهد تنهيده قصيره ثم التفت ليخرج من الوكاله
عاصي:لاء ده بقي سيبه لما يتعدل لوحده واتجه صاعدا للاعلي
/////////////////////////////
اتجه الي شقته مباشرة حين استمع لصوت فتاياته بالاعلي وهم يضحكون ويغنون
دلف اليهم لما رأوه وقفو الثلاثه في صمت واحنت فتياته رأسهم للأسفل في صمت لتقطع مي هذا الصمت
مي:ازي حضرتك يا انكل وحشتنا
عاصي:اهلا اهلا ياحبيبة انكل ايه القمر اللي استخبي في الحجاب ده كبرتي يا مي
مي:ربنا يخليك يا رب ومش تحرمني من كلامك الحلو ده
عاصي :حبيبتي انتي ياام كلام بينقط سكر ابوكي لسه مجاش ولا ايه مع اني مكلمه من الصبح الواد ده
مي:هو لسه مش جيه من المستشفي بس قالي انا ومامي نيجي
طب اسبقكم انا بقي علي تحت يا بنات عن اذنك يا انكل
عاصي:اتفضلي يا حبيبتي وسلمي علي مامي علي بال ماانزل واسلم عليها بنفسي
مي:حاضر وامسكت بيد طمطم واتجهت للأسفل
جلس علي الاريكه ولم يحيد النظر عنهم واذا به يفتح لهم ذراعيه ليلقو بجسدهم بين احضانه ويشبعهم من حنانه الذي غمرهم به منذ نعومة اظافرهم بدأت عبراتهم تسترسل
علي وجنتيهم وهو يقبل رأس كل منهم
عاصي:بس مش عايز عياط النهارده عايز اشوف فرحتكم في عيونكم وبس
تيا:احنا اسفين يابابي والله مش كان قصدنا نزعلك ابدا
ليا:وحياتي عندك يابابي ماتزعل مننا احنا بناتك حبايبك
بدء يكفكف دموعهم بيديه ويقبلهم في وجنتهم
عاصي:اه بناتي حبايبي بس دانتو نور عيني عارفين قبل امكم ما تحمل فيكم اصحابي كانو بيقولو عليا مجنون لما كنت بتمني من ربنا انه يرزقني ببنت
ولما نورتو حياتي وربنا رزقني بيكم الدنيا مكانتش سيعاني من الفرحه
كنت حاسس اني اخدت احلي مكفاءه في الدنيا كبرتو قدام عيني وانا بدعي ربنا في صلاتي يطول في عمري بس لحد ما افرح بيكو وسلمكم لأيد اللي يستهالكو بجد ويحافظ عليكو
تيا: ربنا يخليك لينا يا حبيبي ويطول لينا في عمرك احنا من غيرك ولا نسوي حاجه
عاصي: انتي بالذات انا مطمن عليكي جدا لاني هاجوزك لأكتر واحد يستهلك
زين ده انا لو انتي بتحبي بابي يبقي اكيد بتحبي زين
احنت رأسها بخجل واحمرت وجنتيها وهمست:عمري ما هاحب حد زيك يا بابي
عاصي:هههههههه بكره نشوف ياقلب ابوكي يلا بقي انزلي لمامي تحت عشان انا عايز اتكلم مع ليا شويه
تيا: حاضر يا بابي تركتهم ونزلت للأسفل
ليا:خير يا بابي انت لسه زعلان مني
عاصي:لاء يا حبيبة بابي عمري مااعرف ازعل منكم انا بس بخاف عليكو اوي اكتر من اي حاجه في الدنيا دي فهماني يا ليا
ليا:ايوه طبعا يابابي فهماك بس ماتخفش يا حبيبي بنتك بمية راجل
عاصي:هههههههه عارف ان شخصيتك مش ضعيفه واقوي من تيا بس كنت عايز اخد رأيك في حاجه كده
ليا:حاجة ايه دي يا بابي
عاصي: يعني كنت عايز اعرف رأيك ايه في عاصي ابن عمك
ليا:هاه ماله عاصي والله يا بابي من ساعة ماجه من الشركه وهو نايم فوق السطح في اوضته ومعملش حاجه
عاصي بهدوء:اهدي مالك خوفتي كده انا بسألك عن رأيك
في شخصيته مش هاعمله حاجه
ليا:في ايه بس يابابي مانت عارف شخصيته اكتر مني انا اللي هقولك يعني
عاصي:اه انتي اللي هاتقولي عشان هو عايز يخطبك وانا رافض بصراحه
ليا:ايه والله يا بابي انا مش ليا دعوه بالكلام ده ولا اعرف عنه حاجه والله
عاصي:ههههههههه عارف يا حبيبتي ماتخفيش بس اديني قولتلك اهو يبقي لازم تخلي بالك من تصرفاتك معاه من هنا ورايح
ليا:طب هو يعني حضرتك يعني ممكن تقولي انت رافض ليه
عاصي: بصي هو انا مش رافض انا بس مش حاسس انه بقي جدير بيكي عايزه يبقي راجل زي زين اقدر اعتمد عليه في اي وقت زيه
هو لسه صغير وعارف انه بيحبك واتجنن وغار الصبح لما عرف بخطوبة تيا وزين
ليا:بص يا بابي هو بصراحه جدع وبيخاف علينا بس انا شايفاه اخويا زيه زي زين وعبد الرحمن وكمان انا لسه هادخل ثالثه ثانوي وهو كمان لسه اول سنه في الكليه
يعني لوفكرت اتخطب يبقي على الاقل بعد مادخل الكليه وانا مش هاقبل بواحد اقل منك انت وزين
عاصي:براڤو عليكي يا حبيبة بابي وانا اوعدك اني لو هو مغيرش من نفسه وبقي راجل يعتمد عليه عمري ماهوافق عليه ومش هاجوزك غير اللي يستهلك
ليا:اتفقنا يا بوب وانا معاك في اي حاجه
الحمد لله دائما وابدا
العاصي/2
((مغامرات ابناء العاصي))
البارت الرابع عشر
حضر الجميع وجمعو في شقة الحج فضالي كما حضر الدكتور حازم زوج اسراء وصديق عاصي وحمزه وولده مازن ذو الثلاثة عشر
وجلس الرجال جميعا سويا جلس معهم الشباب بينما جذبت الفتايات دانا التي اتت معهم مرغمه
وصاحت ليا:ههههههههه اخير جيتي الجماليه يا دانا
دانا:ماكنتش هاجي وحياتكم لولا بس خوفت زين وتيا يزعلو انا جيت عشان خاطركم انتو بس يا تيا
روقيه بغيظ منها:وليه دا كله اللي يسمعك يقول ان حد هنا قاتلك قتيل
دارين:سيبك منها يا انطي دي بت شعنونه
اسراء:والله وحشتيني يا دارين بألي كتير اوي مش شوفتك
دارين:وانتي كمان والله يا حبيبتي وحشتيني
والقمر بتاعتك دي كبرت وبقت عروسه مشاء الله عليها اسمك ايه ياقمر
اسراء:اسمها مي مش بقولك نستينا
غمزه:حد بردو ينسي مي العسل دي الله مالك ياغزل قاعده ساكته كده ليه
غزل وهي تنظر الي ليا:هاه مافيش حاجه يا غمزه لتقترب ليا منها وتهمس لها
ليا:ماتخافيش عدي طلع يجيبه انا مش طلعت عشان بابي فضل قاعد معايا ونزلنا سوي
غزل بزعل منها:خلاص يا ليا بس يا رب يرضي ينزل معاه بقي
لتراهم امامها هما الاثنان يدخلون وهو لازال وجهه غاضب
متجمعين في الفرح ديما ولكنه تصنم مكانه حين رأها
وهي ايضا التفت مسرعه تنظر اليه بغضب لما استمعت لصوته وكأنها تلومه علي البعد
دارين:يارب يا حبيبي عقبالك ياعدي
اسراء:عدي تعالي يا واد سلم عليا
عدي:ربنا يخليكي يا طنط دارين ياعسل انت انما انتي اخ ياني منك انتي اديني برستيچي شويه بقي يا اسراء ليقبل راسها وهي تحتضنه
دارين:اخس عليك بقي هي اسراء وانا طنط لاء انا زعلانه منك
عدي:هههههههه طب انا ممكن ادلعك كمان بس اوعي تقولي لسيادة العميد ليعلقني
لتمرح مي معه وهي تقول:كده طب انا بقي هفتن عليك لبابي وهقوله
ليقترب منها تحت نظرات الاخري عدي:اه يا لمضه مش هتبطلي طولة لسان
مي:لاء يا خويا مش هبطل وخصوصا اني زعلانه منك
عدي:ليه بس يا ميويا انا عملت ليكي حاجه ابت
مي:بت اما بتك فين الكلب الجولدن اللي وعدتني بيه من اخر الدراسه
عدي:يا سلام عيني وهمس لها بس مترجعيش تقولي مش هاخده عشان شهاب هيزعق
مي بهمس:بس انت هاته وهنقول مازن اللي اخده منك
روقيه بحب :واد يا عدي انت بتقولها ايه يا واد
عدي:الله اصحاب مدرسه واحده وبنتكلم ماتركزيش معانا بقي يا روكا
غمزه:ههههه انتو مافيش فايده فيكو ابدا طول عمركم كده تقعدو تنقارو في بعض
وقفت بجانبه وهو مزال وقف بجانب الباب لم يدخل بعد
غزل:مالك بس ياحبيبي حابس نفسك فوق ليه وزعلان كده ليه
عاصي:مافيش يا ماما انا لازعلان ولاحاجه كل الحكايه اني كنت عايز انام شويه
غزل:تنام طب اتفضل ادخل سلم علي الناس ولما نقرا فاتحة تيا والناس تمشي نبقي نتكلم
دلف اليهم وبدء يرسم الابتسامه علي وجهه بطريقه مصطنعه
عاصي:سلامو عليكم
مي:هههههههه اهو جيه بتاع البصل
تيا:بس ابت ماتقوليش علي ابن عمي كده
ده بتاع بطاطا
لتصيح دانا متعمده اغاظه من اهملها وكأنها غير موجوده:بطلي رخامه يا تيا ده عاصي خالصtrejante
عاصي:ازيك يا دانا عامله ايه
دانا:كويسه خالص ازيك انت
عاصي:الحمد لله عقبالك
دارين:وانت كمان ياحبيبي عقبالك
لتصيح مي بمرح مره اخري:هههههههه عاصي يتجوز ودي مين اللي ترضي تتجوز بتاع البطاطا ده
عاصي وهو يقزفها بوساده صغيره من علي الاريكه: اكيد مش انتي يا بتاعت الجرجير انتي
ليا:ههههههههه بتاعت الجرجير حلوه يا مي
مي:كده يا هبله بتضحكي علي صاحبتك ماشي عدي اللي هيخدلي حقي منك صح يا عدي
عدي: لاء لو عايزني اخدلك حقك سخنيني شويه كمان كده انا لسه مسخنتش
مي بسرعه:خدلي حقي منه واخلي اسراء تعملك رز بلبن من اللي كنت بجيبه ليكم المدرسه
عدي:ابوا رزبلبن اسراء لاء مبدهاش بقي انا كده هاقوم اطحنه ليكي لينقض عليه وسط نظراتهم وهم يضحكون
عاصي:طول عمرك ندل هاتبيع ابن اخوك عشان مي وطبق رز بلبن
عدي:يابني دا رز بلبن ومن ايد اسراء أنا أصلا بفكر اشاركها ونفتح محل
ظل يلكمه وهم يضحكون جميعا الا هي ظل وجهها عابس وجلست بجانب والدتها وهي تشيح النظر عنه بغضب
***********بقلمي/كنزي حمزه*************
ايه يابني انت وهو الدوشه اللي انتو عاملينها دي: صاح بها زين وهو خارج لهم من غرفة الصالون وممسك بين يديه مازن ابن اسراء
مازن:دول اتجننو باين ولا ايه
عاصي :الحق يا زين الواد عدي اتهبل وشكله عايز يبوز الليله
زين وقد قضب ما بين حاجبيه: ليلة مين دي يا حيوان انت وهو اللي تبوز انا عندي استعداد دلوقتي اكتفكو انتو الاتنين واحبسكم عند الكلاب ال يبوزو الليله ال
وانتي تعالي يا بنتي عشان ابوكي عايزك جوه امسك يدها وجذبها اليه وسط نظراتهم وهتف امامهم
مبروك يا حبيبتي هاقرا فتحتك دلوقتي ويوم الخميس هانكتب الكتاب احمرت وجنتيها بدات مثل جمرتان متوهجتان واحنت رأسها للأسفل لتداري ابتسماتها عن رصاصيتاه
مازن:يانهار ابيض انتي وشك احمر اوي كده ليه يا تيا لو زعلانه هاقول لأنكل عاصي وبلاش زين يخطبك
زين:روح ياض اقعد جنب مامتك انتي زعلانه ال يا حبيبتي
لم تتكلم وزاد خجلها امام الجميع كادت ان تسقط بين يديه وهو يجذبها ليدخل بها الي والده والجميع من خلفهم لتصيح به غمزه
غمزه:براحه عليها يا زين وبطل تكسفها بقي
زين:عيوني ليها يا ماما وهمس لهامتخافيش لووقعتي هاشيلك في عيوني
تيا بهمس:اسكت خالص عشان كلامك ده هيخليني يغمي عليا
زين وهو يدخل بها الي والده: ههههههه بعد الشر عليكي يا قلب زين
ليصيح والدها فيه
عاصي: انت من دلوقتي هتكلبش فيها كده سيب بنتي ياض
زين:وحياتك عندي كلها ٣ايام بس ومحدش هيقدر يقولها تاني
حمزه:مستغربين ليه ياجماعه هو هيجيب الجراءه دي من بره طالع لابوك ياواد
احمد:نعم قصدك ايه يا حمزه
ليصيح حازم:هههههههه ميقصدكش انت خالص يا سيادة العميد
عاصي:جبتلي الكلام يا بن ....... العاصي
تعالي يا حبيبة ابوكي اقعدي جامبي هنا وسيبي الواد ده كادت ان تذهب الا انه شدد علي يدها واجلسها بجانبه مره ثانيه
زين:ماينفعش يعني تقول اللي انت عايزه وهي قاعده هنا وخد حبيبتك قعدها جامبك عادي اتفضلي يا ماما أقعدي واقفه ليه يا حبيبتي
عاصي:سيب البت عشان لو قومت من مكاني هانهي كل حاجه ومافيش جواز التلاته دول حبايبي انا يابن.........
احمد:امممم طبعا الشتيمه دي راجعه عليك انت قومي ياتيا اقعدي جنب بابي يا حبيبتي وكفايه طولة لسان منه بقي
ضحك الجميع علي ماقاله احمد وجلست تيا بجانب والدها وجلست اختها علي الجانب الاخر منه
عاصي وهويقبل رؤسهم:حبايب بابي دول يا ناس بصي يا تيا لو انا وزين كل واحد مننا محبوس في حوض أزاز
والحوض ده عمال يتملي مايه كل شويه وتقريبا احنا الاتنين هنغرق وانتي الوحيده اللي معاكي مفاتيح الحوضين
بس ماينفعش تفتحي غير لواحد فينا هاتفتحي لمين ؟
اندهشت هي مما قاله والدها وعم الصمت الغرفه بأكملها
والجميع ينظر اليه بدهشه الهذا الحد يحب ابنته هل يمكن ان يختبرها هذا الاختبار ليقطع هذا الصمت اخيرا صوت الجد
الحج فضالي: اللي انت بتطلبه من بنتك ده صعب اوي يا عاصي
عاصي:لاء يا ابا مش صعب ولا حاجه انا عارف بنتي كويس ردي يا تيا هاتختريني ان ولا الحلوف ده
زين: بعد حلوف دي اكيد هتختارك انت
تيا:انا فعلا هاختارك انت يا بابي
عاصي:ليه يا تيا هتختاريني انا ليه
تيا: عشان انت في كل صلاه ليك بتدعي ربنا يطول في عمر جدو ويديلو الصحه
ولما بوده سألك في مره ليه علطول بتدعي لجدو قولتله ان الابن ممكن يتعوض والزوج ممكن يتعوض لكن الاخ و الاب لاء
دول اللي مش ممكن يتعوضو والقت نفسها بين زراعيه وادمعت عيناها وهتفت
تيا:ربنا يخليك لينا ياحبيبي
عاصي:ويخليكي ليا ياحبيبتي انتي واختك واخوكي ياقلب ابوكي
ويخليلي زين ابني الكبير سندي في الدنيا ظهري اللي بتسند عليه واللي يشهد ربنا ادمكو كلكو اني هاسلمه حته من قلبي بنفس راضيه
وانا مطمن عليكي معاه عشان هو قبل ما هايكون زوج ليكي كان اعظم اخ ليكو كلكو بحبه وخوفه عليكو انتو السته من اول عدي وعاصي لحد طمطم الصغيره
زين وقد ركع امامه علي ركبتيه: وانا عمري ماهخذلك ابدا ياحبيبي يا ابويا وقبل يديه امامهم جميعا
احمد:طب اظن انت كده راضي جدا يا عاصي بتربيتك نقرا الفاتحه بقي
عاصي بمرح:هههههههه طبعا راضي ابوك شكله غيران يازين هههههههههه
احمد:ههههه انت بتقول فيها طبعا غيران دانت واخد الكل في حضنك الا ماحد عبرني بكلمه حتي
ليصيح عدي بمرح:الحق اقرا الفاتحه يازين قبل ما ابوك يقع مع ابوك ههههههههههه
حازم:ههههههه حلوه ياض عدي
حمزه:طب يلا بقي نقرا الفاتحه علشان زين كده خلص كل الصبر ياجماعه
زين: انت بتقول فيها اه وربنا وقف عبدالرحمن الصغير امامه وصاح في والده
بوده:بقولك ايه يا بابي ماتخليني انا كمان اقرا الفاتحه انا وطمطم انا وهي حافظنها علي فكره
رنت ضحكاتهم جميعا وتمت قراءة الفاتحه وفاجيء زين تيا وهو يلبسها خاتم جميل من الماس الفيروزي لون عيناها
واتفق الجميع ان يتم كتب الكتاب بعد ثلاثة ايام وقبل انتهاء أجازة زين
وصعدو الشباب جميعا فوق سطح المنزل ليجلسو مع بعض
جلس زين واخذ بجواره تيا التي كانت سعيده جدا ولكنه عاتبها بالقول
زين:بقي كده يا ندله ابوكي يقولك هتختاريني انا ولا زين تقوليله انت يابابي
تيا:هو انت زعلت طب بزمتك لو كان سألك انت وانا اللي كنت في الحوض المقفول كنت هتختار مين
زين بدون تردد:انتي يا حبيبتي بس ده مايمنعش اني كنت هكسر الحوض بتاعه ولاحظي انا هكسره مش هافتحه
تيا: خلاص متزعلش هبقي اكسر ليك الحوض بتاعك هههههههههه
العاصي/2
((مغامرات ابناء العاصي))
البارت الخامس عشر
جلست الفتايات بجانب بعضهم وجلس عاصي وعدي ومازن بجانب بعضهم
بينما راح بوده وطمطم يلفون حولهم في مرح
ليصيح عاصي فيهم:ماتقعد يلا انت وهي بقي خيالتونا
ليا:الله متزعقش في العيال كده ماتسبهم يلعبو
عاصي:هو اللعب يعني ماينفعش غير كده ما السطح واسع لازم يلفو حوالينا
ليا:هو في ايه انت بتزعقلي ليه دلوقتي مالك قالب علي الكل ومش طايق نفسك من الصبح ليه
عاصي:انتي مالك بيا خليكي في نفسك وفي الهزار اللي انتي مش بتطليه ده
ليا : اهزر براحتي عشان انا واحده دمي خفيف ومش معقده زيك
عاصي وقد وقف امامها:اتلمي يا ليا احسنلك
ليا وهي تقف بتحدي امامه:هاتعملي ايه يعني
وقف امامه عدي ليحول بينه وبينها ووقفت دانا بمقابلها تحسها علي الجلوس ومي تجذبها من الخلف
عدي:بسسسسسس يا جدعان صلو علي النبي واقعدو هديين شويه بقي
دانا:خلاص يا ليا اقعدي بقي ومش تردي عليه
وكأنه كان ينتظر ان تتحدث حتي ينفجر فيها
عدي:ليه ان شاء الله هو كان قالها ايه يعني عشان ماتردش عليه
دانا:مش هو اللي بدء بالغلط وقعد يزعق من غير سبب
عدي:ليه اهبل ولاعبيط هي اللي واحده هيفا وبتفكر بسطحيه
دانا:لوسمحت ماتغلطش وتطول لسانك هي مغلطتش ولا شتمت حد
عدي:ولا تقدر احنا عندنا هنا في الجماليه يا ماما البنت اللي بطول لسانها علي شاب بيطول هو ايده عليها
دانا:اه دي بقي بتسموها عندكو رجوله مش كده يا كابتن كاد ان يقترب منها حتي يريها ما اجنته كلماتها
عدي:انا راجل غصب عنك
وقف الجميع مندهشون مما يحدث بينهم ليصرخ فيهم زين اخيرا: بس الله يحرقكم كلكم في ايه انتو اتجننتو ولا ايه
احنا طالعين نقعد مع بعض شويه عشان نشوف هانعمل ايه في الفرح ولا طالعين عشان تتخانقو
دانا وقد لمعت العبرات في عيناها: انا مش هقعد انا هانزل عند مامي تحت عشان نمشي
جرت عليها تيا وامسكتها ليا وهتفت:لاء مش هتنزلي خليكي قاعده معانا عشان خاطري يا دانا
تيا:كده يا دانا مش انتي قولتي انك جايه عشاني انا وزين اقعدي بقي
لتصيح مي:خلاص ياجماعه حصل خير صلو علي النبي واقعدو بقي
دانا بعدائيه غير مفهومه:وانتي مالك انتي اصلا
عدي وقد تجاوز الغضب حده:انتي بتزعقي ليها ليه هو انتي مش هتبطلي الغرور اللي فيكي ده
زين:الله خلاص بقي يا عدي هما بنات مع بعض بتتحشر بينهم ليه ماتحترم نفسك وتراعي انها اختي حتي يا اخي
مي:انا اسفه اني ادخلت بينكم عن اذنكم يلا يا مازن
صاح عدي:لاء يا مي مش هاتمشي اقعدي وانا هاجبلك الكلب اللي انتي عايزه ليتركهم وينزل الي اسفل سريعا
تيا:يوه اقعدي بقي يا مي انتي كمان انتو ايه اللي جرالكو والله هاتخلوني اعيط
ليصيح زين:عاجبكم كده منكم لله كلكم بوزتو الليله جاتكم القرف
جلس عاصي بجانب داناوهتف:انا مكانش قصدي كل ده يحصل حقك عليا انا يا دانا ماتزعليش يا مي
ليتكلم مازن بمزاح:وبالنسبه ل ليا ايه هوا كده مش باينه
عاصي:بس ياض انت
مازن:علي فكره بقي المفروض تعتذر ليها هي عشان انت زعقت ليها هي
عاصي:اقعد يا مازن ياحبيبي ولا اقولك روح العب مع بوده وطمطم
مازن : احسن بردو انتو قعدتكو رخمه بصراحه
زين:ههههههه طب وربنا عنده حق
جلست ليا بجانب مي التي كانت الاخري تنظر لها بعينان مشتعلتان مثل الجمر وهمست
ليا: اقعدي بقي متزعليش حقك عليا انا ياستي
مي:انا مش عارفه البت دي مش بنزلها من زور ليه هو انا عملت ليه حاجه دي مغروره اوي
ليا:مين دي دانا والله ابدا طيبه خالص بس انتو عشان مش صحاب ماتعرفوش بعض كويس
مي بمرح: ولا عايزه اعرفها بصراحه اذا كان من غير ماعرفها بتكلمني كده اومال لواتصحابنا بقي هتجبني من شعري ههههههههه
صعد اليهم عدي وهو يحمل بين يديه جرو صغير من فصيلة الجولدن والقاه علي قدم مي وهو مزال وجهه عابث وينظر الي دانا بغضب
مي:الله يا عدي ده حلو خالص وصغنن خالص
عدي:ده لسه مولود من اسبوع بس
زين:ايه ده هي الكلبه ولدت يا عدي
عدي:اه وجابت سبعه يلا شوفي بقي هاتسميه ايه يا مي
مي بخوف:بس يا عدي بس مش هاينفع
عدي:ههههههههه مش قولتلك هاتخافي علي العموم يا ستي أستني مازن يا مازن
مازن:نعم يا عدي
عدي:ايه رأيك في الكلب الصغير ده
مازن:الله ده حلو اوي ممكن العب معاه شويه هاتيه يامي اشيله
عدي وقد اخذه من بين يديها واعطاه له:امسك يا عم بس بقولك ايه من النهارده الكلب ده بتاعك انت ومي تخلي بالك منه وعالله تنزل بيه الشارع
مازن:الله بجد متشكر جدا ياعدي هاخلي بالي منه طبعا وجري به نحو الاطفال
عدي:خلاص ياستي المشكله اتحلت ثم همس لها بس ايه ده الواد شهاب مسيطر جامد بردو وبنترعب منه اهو لكزته في كتفه
وبدء يضحك هو بصوت مرتفع امام اعين دانا التي ابتعدت عنهم ووقفت امام الجدار المطل علي الشارع معطيه لهم ظهرها
تنظر اليه غير مهتمه بهم ولكنها في الحقيقه كانت تداري عبراتها التي استسلمت للنزول علي وجنتيها
لتذهب لها تيا وتقف بجانبها:ايه يا دانا سيبتينا وقومتي ليه بس ايه ده انتي بتعيطي
دانا:لاء مش بعيط ولا حاجه بس تقريبا عيني دخل فيها حاجه
تيا:طب معلش تعالي اقعدي معانا بقي عشان نشوف هانعمل ايه
دانا:انا عايزه امشي ياتيا عشان خاطري سيبيني انزل
تيا:لاء مش هاسيبك تعالي بقي عشان نشوف هننزل امتي نشتري الفساتين وجذبتها من يدها وجلسو بجانب زين
زين:خلينا في المهم بقي احنا دلوقتي مافيش قدمنا غير ٣ ايام وورانا حاجات كتير اوي لسه هانعملها من بكره الصبح
عاصي: حاجات ايه دي
تيا:اولا كده القاعه لازم نحجز قاعة افراح في اي فندق بأسرع وقت
تيا:يعني ايه اي قاعه دي لاء طبعا لازم تكون شيك كده وتعجبني
زين:اه جينا بقي لكلام البنات الهايف اللي ملوش لازمه يا حبيبتي الكلام ده لو في وقت انما احنا مافيش قدمنا غير ٣ايام بس يا رب نلاقي اي فندق فاضي
تيا:الله مش انت اللي مستعجل ماليش دعوه ياتحجز القاعه اللي تعجبني يا تأجل الفرح
زين بغضب:اأجل ايه يا جزمه انتي مافيش افراح هتتأجل الفرح يوم الخميس حتي لو هانكتب الكتاب هنا
دانا:كفايه ابوس اديكم خناق لحد كده بصو انا عندي اقتراح اسمعوه ولو عجبكم ننفذو
ايه رأيكم لو نعمل كتب الكتاب في الڤيلا عندنا او حتي في الڤيلا بتاعت انكل عاصي
ليا:والله فكره حلوه واهو في افراح دلوقتي بتتعمل في ڤلل كتير
دانا:احنا كمان ممكن نعملهRejoic daylight.
تيا:الله بالنهار دي فكره حلوه اوي خلاص انا موافقه ونعمله عندنا في الڤيلا عشان لسه جديده والجنينه بتاعتها كبيره وحلوه
زين وهو يلف ذراعه حول عنق اخته:جدعه يا بت يا دانا حليتي اصعب حاجه في الموضوع
تيا :بس بردو كده في مشكله
عاصي:خير يا جلابة المشاكل في ايه
تيا:احنا كده هنعوز حد WeddingDesigner
عدي: لاء سيبو الحكايه دي عليا انا انا هاسهر النهارده علي النت واشوف احسن مصممين حفلات وابعت ليك صور شغلهم يازين ونتفق معاهم
زين:كده تمام يبقي فاضل ايه
ليا:الفساتين والبدل طبعا
زين:اه بكره ننزل نشتريهم من اي مول وقبل ماتنفعلي ياتيا اتفرجي براحتك خالص واللي هاتختريه هاجيبه بس من الاول كده ليكون عريان ولا قصير
تيا:هههههههه ماتخفش ماهو اكيد مش هاجيبه كده عشان بابي ياعني
زين:اممممم يعني كل الخوف من بابي بصي كلها٣ايام يا تيا وهاتشوفي
دانا: كده بقي يبقي مش فاضل غير الميك اب ارتست
مي:تمام ايه رأيكم يابنات انااعرف كذا واحده تعالو ننزل وافرجكم علي شغلهم علي النت
دانا:كذا واحده ايه يا حبيبتي لالاء سيبك ياتيا من الكلام ده الmikup artist
دي خليها عليا اكيد مش هاجبلك اي حد يعني
استشعرت مي بالحرج من معاملتها وجلست صامته بجانب ليا بينما انشغلو هم بأدق التفاصيل حتي امسكت هاتفها وصاحت
مي:طب ياجماعه ربنا معاكم بقي في الباقي انا هنزل عشان مامي بترن عليا يلا سلام والف مبروك يا تيا انتي وزين
تيا:لاء خليكي معانا يامي وهما يروحو احنا لسه هنسهر ويبقي عدي يوصلك انتي ومازن
عدي وعاصي مع بعض:اقعدي يا مي واحنا هنوصلك
مي:لاء والنبي يا خويا انت وهو انتو ناوين علي موتي النهارده مش كده هههههههه
ليا بهمس:يا بنتي ماتبقيش جبانه كده طب اقعدي وعدي هيكلم شهاب ويخليه يجي
مي:لاء والنبي ياليا بلاش عشان بابي كمان مايزعلش
دانا:خلاص بقي يا جماعه ماتسيبوها براحتها خلينا نخلص بقي
نظر لها الجميع بعدائيه بينما صاحت مي علي اخيها وامسكته من يده وهتفت:يلا يامازن سلام يا شباب اشوفكم في الفرح بقي وسريعا ما ترجلت علي الدرج ليصيح فيها اخيها
زين:ايه الاسلوب الزباله اللي بتكلمي البنت بيه ده هي عملت ليكي ايه عشان تعمليها كده
عدي:عادي يعني ماهي دي طريقة اختك في الكلام مع الناس مش جديده عليها
عاصي:انا هانزل وراها احسن تكون زعلت ولا حاجه
عدي:استني ياعاصي خد اديها الكلب بتاعها عشان نسيته وانتي يا ليا انزلي معاه شوفيها انتي كمان
دانا: يا عدي ماكنتش اعرف انها تهمك اوي soory
عدي: نعم انتي قصدك ايه بالظبط
دانا:مش قصدي حاجه انا شيافك زعلان اوي عشانها
عدي بغيظ:طبعازعلان عشانها لانها بنت محترمه صاحبتنا وزي اختنا ومتربيه معانا انتي بقي ايه ظروفك مش طيقاها ليه
زين:خلاص بقي انت وهي انا بجد زهقت من كتر الخناق
تيا:انتي ليه يادانا بتعمليها كده دي مي بجد بنت مؤدبه ولطيفه
دانا:والله مش قصدي حاجه انتو عارفين دي طرقتي
في الكلام انا مش قصدي ازعل حد
////////////////
نزلت الي والدتها وقفت امامها وهتفت بمرح
مي:يلا بينا بقي يا مامي هو بابي لسه هنا ولاايه
غمزه:لاء ياحبيبتي دول نزلو كلهم تحت لسه بدري انتي ليه عايزه تمشي يا مي
اسراء:مالك يا مي انتي في حد زعلك
مازن:ايوه يا ماما في
مي:اسكت يا مازن عيب كده مافيش حاجه يا ماما بس الوقت اتأخر وانا عايزه ارتاح بصراحه
ليدلف عاصي اللذي سبق ليا في النزول حتي لا يحتك بها مره اخري :يعني امك مش عايزه تمشي وانتي اللي بتقولي كده
اسراء:امك يا حيوان انتي سكتاله ازاي يا غمزه
غمزه:هو تقريبا كل اللي اسمهم عاصي برمجتهم واحده ههههههه
مي:معلش والنبي يا عاصي انا حاسه ان اناتعابنه وعايزه اروح
ليا:كده يا مي طب خلاص بس اعملي حسابك بكره هاتنزلي معانا واحنا بنشتري الفساتين
مي:لاء معلش عشان ابقي انزل مع مامي اشوفكم يوم الفرح احسن
عاصي:طب خدي الكلب اللي عدي جابهولك انتي ومازن ونستيه ونزلتي
مي بهمس: بلاش يا عاصي
روقيه:لاءبقي كمان هترفضي هدية عدي كده انا اللي هزعل منك
مي:وانا مقدرش علي زعلك يانانا يا حبيبتي انتي
غزل:خلاص يبقي تاخديه بقي عشان ماتزعليهاش
نظرت الي والدتها التي بدورها أومئت لها برأسها فأخذته منه وترجلو جميعا خارج البيت بعد السلام
صعد عاصي وليا اليهم مره ثانيه واثناء الصعود دار الحديث بينهم
ليا:والله صعابنه عليا مش عارفه ليه دانا مش بتحبها
عاصي:انتي السبب لو مكنتيش عليتي صوتك عليا وقليتي ادبك ماكنش حصل حاجه من دي
وقفت مندهشه مما قاله ونظرت له بغضب
ليا:انا مش قليلة ادب وماسمحش ليك انك تقول عليا كده انا متربيه ومؤدبه احسن منك انت اللي عيل وكل تصرفاتك تصرفات عيال
عاصي وقد امسكها من كتفيها وضغط عليهم بقسوه:لو سمعتك بتقولي الكلمه دي تاني هاكسر ليكي دماغك انتي فاهمه ولا لاء
 الفصل الحادي عشر والثاني عشر والثالث عشر والرابع عشر والخامس عشر بقلم/كنزي حمزه روا…){kind=link}
تعليقات
إرسال تعليق