رواية مغامرات ابناء العاصي الجزء الثاني من (العاصي) الفصل السادس عشر والسابع عشر والثامن عشر والتاسع عشر والعشرين بقلم/كنزي حمزه
رواية مغامرات ابناء العاصي الجزء الثاني من (العاصي) الفصل السادس عشر والسابع عشر والثامن عشر والتاسع عشر والعشرين بقلم/كنزي حمزه
العاصي/2
((مغامرات_ابناء_العاصي))
البارت السادس عشر
وقفت تنظر اليه وهي دامعة العينين لم تعجبها طريقته هذه في الكلام معها وصاحت فيه
ليا:انت بجد زي بابي ماقال عليك عمرك ماهتتغير وهتفضل زي ما انت
تملصت من بين يديه وسريعا ماصعدت الي الاعلي لتجلس بجانب اختها ودانا
وقف هو مكانه مندهش مما تفوهت به :ايمكن ان يكون تحدث معها ابيها
هل يمكن ان يحرضها ضده ولماذا اذا كان يقول انها سوف تصبح له
صعد سريعا خلفها وجلس بجانب عدي في صمت نظر اليهم زين وهو مرتاب في امرهم
زين: مالكم انتو كمان في ايه
عاصي:مافيش حاجه يازين بس مي نزلت من نفسها مامتها
ماتصلتش بيها ولا حاجه وهي اللي خلت مامتها تمشي معاها
تيا:يعني زعلت مشيت زعلانه يا ليا قالت ليهم حاجه
لم ترد بكلمه واحده فقط تنظر الي الا شيء وعيناها تلمع بالعبارات
عدي:ما تردي يا بنتي انتي كمان مالك قاعده مسهمه كده
ليرد هو: كانت زعلانه بس احنا صلحناها ومازن هو اللي كان هايقول بس قالتله عيب كده وانه يسكت ومايتكلمش
زين:شوفتي انتي عملتي ايه يادانا هانم
دانا:قولت ليكم ماكنش قصدي خلاص بقي ولا اقولكم انا كمان هامشي واريحكم مني خالص
تيا :تمشي تروحي فين انتي هاتباتي معانا النهارده عشان بكره نروح نشتري الفاستين سوي
زين:خلاص بقي خليكي باتي هنا عشان بكره نبقي مع بعض كلنا
جلسو يتحدثو جميعا مره ثانيه ولكنه وقف من جانبهم واتجه الي غرفته وفتح الباب والقي بجسده علي التخت وهي تراه من الخارج وعيناها ثاقبه عليه بكل غل من تصرفاته الهمجيه هذه
///////////////////////
مرت الثلاثة ايام وانشغل الكل في ترتيبات حفل عقد القران الذي رحب الجميع بان يتم في ڤيلا العاصي
والذي عزم بدوره كل اصحاب شركات الهندسه وشركات المقاولات الكبري
كما عزم احمد بدوره كم هائل من رجال الشرطه وأيضا بعض رجال الدوله المعروفين وبدء الحفل
كانو الثلاث فتايات يجلسن في غرفتهم
ومعاهم امهاتهم والميكب ارتسيت التي تقريبا لم تصنع شيئا فهم جمالهم طبيعي لا يزيده اي جمال خارجي
فقد لبست العروس فستان ذهبي اللون مجسم من الصدر الي الخصر منفوش بعد ذلك برقائق التل الذهبيه اللامعه
ووضعت فوق رأسها تاج صغير وتركت شعرها منسدل خلف ظهرها وما ابرز جمالها تلك الشفاه التي وضعت عليها ذلك الطلاء بلون النبيذ الاحمر مع رسمة عيناهاالتي كانت كالبرواز الذي يحمي تلك الحجار الكريمه
واتفقت ليا ودانا وايضا مي علي ان يلبسو فساتين من نفس لون زهرة البنفسج الغامق ولكن كل واحده منهم كان لها طابع خاص بجملاها وزينتها
كان فستان مي محتشم زات اكمام طويله وعليه حجاب من اللون الموڤ الفاتح مجسم عليها زات ذيل قصير من الخلف وميك اب بسيط جدا
اما ليا فكان فستانها رقيق جدا من خامة الستان ذات اكمام من التل قصير من الامام وطويل من الخلف وكانت تضع طلاء شفاه من لون الاحمر الناري مما اظهر جمالها جدا واغاظ الاخر جدا جدا
اما دانا كان فستانها علي رسمه عروس البحر من خامة تشبه قشر السمك زات اكمام من التل مغلق من الصدر ولكنه له من اعلي الظهر نصف دائره تظهر شدة بياض جسدها ووضعت طلأ شفاه من اللون الاحمر المقابل لون دم الغزال
ولبست غمزه فستان من اللون الفضي وغزل فستان من اللون الاحمر ودارين لبست فستان بالون الاسود ولبست اسراء فستان من اللون الازرق القاتم
انفتح الباب عليهم ودلف منه العاصي ووقف ينظر لبناته بحب وهو يضع يديه في جيب بنطاله أيقظته زوجته من افكاره وهي تهتف
غمزه:ايه يا حبيبي مش هاتقول للعروسه مبروك ولا ايه
عاصي:مبروك علي ايه دانا هانزل ادي الواد زين ده ٣٠ جزمه علي راسه عشان هايخدها مني ههههههههههه
ضحك الجميع علي ماقاله و اقترب هو منها واخذها بين احضانه وهو يقبل رأسها
عاصي: الف مبروك يا حبيبة بابي زي القمر يا تيا
وضعت رأسها علي صدره وهتفت
تيا:حبيبي يا بابي الله يبارك فيك ومش يحرمني منك ابدا
ابتعد عنها وامسك وجهها بين يديه وكأنه يتفحصها جيدا لوقت قصير تركه وامسك يدها ليشبكها في ذراعه
ولكنه القي علي اختها نظره تفحصيه قبل ان يخرج وهمس لها :مش قصير الفستان ده يا ليا هانم ولا ايه
ليا:قصير ايه بس يابابي انت مش شايف ديله اد ايه
عاصي بتكشيره:مش هانتكلم دلوقتي عشان مش عايز انكد علي حد النهارده
ونظر الي تلك التي دائماً مايسقط عليها اللوم بغضب واتجه بأبنته خارج الغرفه
غمزه:الله يخرب بيتك يا ليا قولتلك الفستان مش هيعجبه
دارين:بقولكو ايه هو نزل ومتكلمش خلونا نعدي الليله بقي منغير مشاكل عشان خاطر تيا وزين
غزل:خلاص ياغمزه هو قال مش عايز ينكد علي حد متوتريش نفسك وتوترينا معاكي بقي
غمزه:ربنا يستر بقي ومايتجننش علي اقل حاجه
اسراء:يلا يا حبيبتي عشان تبقي جنب بنتك ساعة كتب الكتاب
وتحركو جميعا للخارج خلفها
////////////////////////////////
وقف اسفل الدرج بحلته السوادء وبجانبه عمه حمزه من جهه وابيه من جهه كان قد اوشك ان يصعد اليه حتي يأخذها من بين يديه المطابقه جيدا عليها
ولكن الاخر قرر ان يتلاعب بأعصابه ويثير حنقته اكثر فغمز الي احمد وحمزه بأشاره متفق معاهم عليها
وحين وصل اليه تفاجئ به يتخطاه ويتجه بها نحو الاريكه الجالس عليها جدها وجدتها واطبق الثنائي علي يد زين الذي كان ينظر اليهم ببلاهه وهذا ما اضحك عاصي الصغير وعدي والشباب جميعا عليه
وقفت تيا امام جدها وانحنت بجزعها لتقبل يده وهو يضع يده الاخري علي رأسها
الحج فضالي:الف مبروك ياضي عيني
تيا:ربنا يخليك يا حبيبي ويبركلنا في عمرك يا رب ثم توسطتهم لتغمرها روقيه بحضنها الممتليء بحنانها وحبها لها هي بالذات
روقيه بعين تلمع بقطرات الدموع:مبروك يا روحي كبرتي يا توتو وشوفتك عروسه
تيا بمرح:اوعي تعيطي يا نانا احسن هاعيط انا كمان
ليصيح زين وهو مزال محتجز بين يديهم:لاء ابوس ايدك يا نانا اوعي تعمليها دي ممكن تعيط وتلطعني انا ساعه كمان في تصليح الميكب
ليضحكو جميعا علي لهفته ويهتف عدي المأذون وصل
زين: المأذون وصل سيبوني بقي عايز اكتب كتابي وأخيرا تركوه من بين أيديهم
وكاد ان يقترب منها الا انه وقف امامه وامسك يده
عاصي: رايح فين ياض لسه هتحط ايدك في ايدي انا الاول جذبه من يده واتجه به الي المأذون وهومتمسك بيد الاخري ليجلسها بجواره
وجلس هو امامه وبينهم جلس المأذون الذي بدوره فتح دفتره الكبير ودون فيه بيناتهم وبيانات الشهود وهم حمزه والدكتور حازم
وضم يد كل من ذين وعاصي معا ووضع عليهم المنديل ليتمم الزيجه بمقولته الشهيره(بارك الله لهما وبارك عليهما وجمع بينهم في خير)
قذف عاصي الصغير بينهم وجذب المنديل بمرح واذا به يقف فجاءه حتي يجذبها من جانب والدها وهتف بعلو صوته
زين: اخيرا تيا بقت بتاعتي لوحدي فاكر لما قولتلي الكلمه دي زمان فاكره يا ماما
ضحك الجميع عليه واحتضنها هو جيدا وظل يدور بها وهو يصيح بحبببببببببك
************************
مازلت تنظرله بغضب وهو يقف بجانب تلك اللعينه من وجهة نظرها
تراه يضحك ويتكلم ولم ينتبه لها فقررت ان تثتثير غضبه حين اتي ابن صديق والدها وطلب منها ان تشاركه الرقصه الجماعيه مع زين وتيا
نظرت الي والدها ليموئ لها بالموافقه ووقفت واتجهت معه الي ساحة الرقص وتعمدت ان تمر بجانبه لتبتسم له
دانا:عقبالك يا عدي وتركته وذهبت قبل ان يتكلم وكأنه مثل المسحور بجمالها وعطرها الذي اسكره في ثانيه فاق من شروده هذا لتتحول عيناه الي جمرتان من النار لما رأي ظهرها العاري من الخلف وذلك الشاب يقترب منها ويلف يده حولها
لينطلق بسرعه البرق ويجذبها من يدها قبل ان يلمسها الاخر ويتجهه بها بعيدا عن الجميع ويصيح فيها
عدي:ايه اللي انتي لابساه ده
دانا : ماله فستان زي كل الفساتين طويل ومقفل خالص اهو
عدي: مقفل من قدام ومفتوح من ورا مش كده يا هانم لاء وكمان راحه ترقصي وتسيبي واحد غريب يحط ايدو عليكي مش كده
ضمت يدها حول صدرها ورفعت له حاجبها الايمن مستفهمه
دانا ببرود:أولا انت مالك يا عدي دي حاجه مش تخصك علي فكره ثانيا هو استئذن من بابي وبابي وافق
عدي وقد استشاط من الغيظ: صح عندك حق يا دانا انا مالي فعلا بس عايز اقولك حاجه انتي لو بنت محترمه لا كنتي كشفتي حته من جسمك ولا سمحتي لواحد غريب عنك انه يلمسك
ترقرت العبرات في عينها الان فذلك اللعين نجح في ان يثير غضبها الهذا الحد يشك بأدبها وتربيتها
نفضت يده من علي يدها وصرخت به:ملاكش دعوه بيا ولا بتصرفاتي وخليك مع المحترمه اللي لزقلها دي وزجته من امامها وذهبت سريعا وجلست بجانب والدتها وليا
التي كانت تجلس وهي خائفه من نظرات الاخر ذلك العنيد الغاضب الذي لم يتحدث معها منذ اخر خلاف بينهم ولكنه يطلق حولها من عيناه سهام الغضب لذلك فضلت ان تجلس معهم ولن تتحرك الي ان وجدته
يقترب منها بسرعه ويقف امام من ينحني بجانبها ليطلبها للرقص ليجيبه هو قبل اي احد من الجالسين بالرفض وتنظر هي له ببلاهه
جذبه والده الي الطاوله التي يجلسون حولها الرجال وتحدث معه
حمزه:في ايه يا عاصي مالك بي بنت عمك
عاصي بغضب:ماانت لسه قايل اهو بنت عمي ايه عايزني اسيب كل من هب ودب يحط ايده عليها
ليطرق عاصي الكبير يده علي الطاوله بقوه و بصوت مثل فحيح الافعي:كلمه زياده ورحمة امي ماهاعمل حساب لأي حد
امشي من قدامي دلوقتي بدل ماقوم واخليك عبره لكل اللي في الفرح
نظر له بتحدي وهتف:حاضر انا هابعد اهو بس والله لو قامت من مكانها ما هايحصل طيب وتركه وذهب
/////////////////////////
جلسوالفتاتان بجانب بعضهم وكل منهم تضع يدها اسفل ذقنها ينظرن الي زين الذي يغلق علي تيا بين يديه بأحكام
ويتمايل بها في مرح وهي تلف يدها حول عنقه وتضع رأسها علي صدره
والي مي ايضا التي تتمايل بين يدي هذا الشاب الذي تراه دانا لأول مره
دانا:الحقي شوفي صاحبتك المحترمه وهي بترقص مع واحد غريب
نظرت لها ليا وگأنها تحولت امامها الي حيوان برأسين
وصاحت:هو مين ده اللي غريب ده شهاب ابن عمها وصاحب عدي وعاصي بس هو اكبر منهم بسنه
تحولت لمعة عيناها من الحزن الي الفرح وارادت ان تستفهم اكتر
دانا:قولتيلي بقي بس ماله كده بيبصلها بنظرات غريبه
ليا:يا بنتي ده بيحبها جدا وبيغير عليها جدا وهو اللي اجبرها تلبس الحجاب دول تقريبا شبه مخطوبين
واخيرا ما عادت الابتسامه الي وجهها
دانا:طب ايه احنا هنفضل قاعدين كده
ليا:يعني انتي مش شايفه الحيوان ده بيبصلي اذاي وعدي كمان عمال يبص علينا انا عارفه هما واقفين عاملين زي اسدين قصر النيل كده ليه
دانا بمرح:سيبك منهم وتعالي نرقص مع تيا وزين هما خلصو الرقصه بتاعتهم
ليا:يلا ربنا يستر بقي
العاصي/2
((مغامرات ابناء العاصي ))
البارت السابع عشر
ظلو الفتايات يتمايلن مع العروس بينما جذبهم زين قبل ان يصلو اليهم وحسهم علي الرقص معه هو واصدقاءه الشباب
زين:مالك ياض انت وهو مبوزين كده ليه انتو مش فرحانين لينا ولا ايه
عاصي:ياعم فرحانين وربنا ماحنا بنرقص اهو
زين:ههههههههه طب ارقص يا خويا انت واهو ولا اولك تعالي ياض ياعاصي
جذبه من يده واتجه به الي الDJليأمره ان يختار تلك الاغاني الشعبيه(اغاني المهرجانات) التي يعلمها الاخر جيدا
واختار منها اغنية( فرتكه فرتكه) التي ظلو الشباب يرقصون عليها معه الي ان انتهي الحفل اخير وبدأ المدعون في الذهاب حتي خلت الڤيلا منهم وتبقي العائلتان فقط
احمد:الف مبروك يا عرايس يلا نسيبكم إحنا كمان عشان نمشي يلا يا دارين انتي ودانا
الحج فضالي: اقعد يا احمد لما نتعشي كلنا سوي
احمد:هههههههه ربنا يخليك يا عمي بس انا خلاص مش قادر وعندي شغل الصبح وبعدين مانا سياب ليكو العريس بحاله اهو دا تلاقيه مش هاشوفو تاني وخلاص هايبلط هنا رسمي يا عاصي هههههههههه
زين: هههههههه انت بتقول فيها من هنا لحد اجازتي ماتخلص انا قاعد ومش متحرك من هنا
عاصي الكبير:طب خليك انت هنا واحنا كلنا راجعين الجماليه بكره ههههههههه
حمزه:يا اخي ماتحبطهوش بقي ههههههههه
احمد:يلا سلام انا بقي يلا يا حبيبتي انتي وبنتك
دارين :حاضر انا جاهزه يلا يا دانا
هتفت ليا سريعا:لاء خلي دانا بايته معايا والنبي انطي
دارين: بقالكو تلتيام بايتن مع بعض ايه مزهقتوش
ليا بمرح:لاءه احنا مش بنزهق من بعض ههههههه
احمد بحسم:لاء معلش يا ليا كفايه كده يلا يا دانا قدامي
دانا وقد استشعرت في نبرة ابيها الغضب: حاضر يا بابي انا جاهزه
///////////////////
واخيرا ما صعد الي غرفته بعد ان اطمئن علي الجميع شلح سترته وألقاها بأهمال ليلقي بجسده علي الفراش ويغفو قليلا قبل ان يزعجه اي منهم مره ثانيه
لتدلف اليه تلك التي تعشقه بكل مافيه من عيوب قبل مميزات وجدته قد غفي قليلا وهو مزال بملابسه لتلكزه في كتفه ببطئ شديد وريبة ايضاحتي يفيق ليغير ملابسه
غمزه:عاصي حبيبي قوم غيرهدومك عشان تعرف تنام
عاصي:لاء مش عايز مش قادر اصلا اطفي النور وسيبيني انام
غمزه وهي تتجه الي غرفة الملابس:طب علي الاقل قوم اقلع الجزمه بتاعتك دي
فتح عينه نص فتحه ونظر لها بنظرته الماكره:طب ماتيجي انتي تقلعيهالي
وقفت كمن اسقط علي رأسها دلو ماء واستدارت له
بغضب:نعم انت فاكرني امينه وهاتعملي فيها سي السيد ولا ايه
ضحك ضحكتة المعهوده فهاهو الان ايقظ غيظها لتبدء خطته
عاصي: بقولك ايه انا تعبان ومش حمل مناهده دا بدل ماتقولي حبيبي تعبان طول النهار وتحاولي تريحيني وتاخدي بالك مني
لمعت عيناها بخبث عندما علمت ما ينتويه
واقتربت منه وهي تضع يدها في جانبي خصرها بعد ان حررت شعرها
غمزه: امممممم طب وحبيبي بقي عايزني اريحه ازاي
امسك يدها وجذبها بجانبه وحاوط يده حولها
عاصي:بصراحه ليا مزاج اقطع الفستان ده
غمزه:هههههههه طب وعلي ايه ماتسيبني اغيره احسن وأجيلك تاني
عاصي :توء أبدا انتي جيتي وخلاص ومش هاتبعدي تاني لينهي ليلته وهي بين احضانه يخبرها بأنها ستظل دائما عنيدته حبيبته الجميله
///////////////////////////
اتجه الجميع الي غرفهم وكادت ان تدلف هي الاخري مع اختها غرفتها الا انه جذبها معه داخل غرفته وأغلق الباب من خلفه
تيا:ايه في ايه يا زين مالك شدتني كده ليه
زين: اوف يا ساتر اخيرا سابونامن ساعة الحفله ما خلصت وانا عايز اقعد معاكي لوحدنا
تيا:هو احنا لسه هانقعد انا تعابنه وعايزه انام
اقترب منها وحاوط خصرها بيديه:سلامتك يا قلب زين حاسه بأيه
احمرت وجنتيها جدا واحنت رأسها وهي تحاول ان تفك قيوده:سيبني يا زين عيب كده
احل قيدها وهو يضحك واتجه الي مقعد جانبي وهو متمسك بيدها جلس عليه واجلسها علي قدمه
كادت ان تفقد الوعي من فعلته هذه تريد ان تبتعد عنه ولكنه ابي ان يبعدها
وهمس في اذناها:اهدي يا تيا اهدي يا حبيبتي انتي ناسيه انك بقيتي مراتي خلاص
تيا:لاء مش ناسيه بس كده مش هينفع بابي لو شافنا دلوقتي هينفخنا يازين
زين:ههههههههههه هاينفخنا ليه بس انا جوزك يا حبيبتي وانتي مراتي يعني بابي ماينفعش يدخل علينا دلوقتي الا لما يخبط علي الباب ده
تيا:طب سيبني بقي اناعايزه اروح اوضتي
زين: بطلي كسوف بقي تعرفي انك جميله اوي في الفستان ده وشعرك حلو اوي وانتي حاطه التاج عليه كده وفرداه علي ضهرك
تيا بعد ان تاهت بين كلامته الساحره:هاه وايه تاني
قرب ثغره من وجهها وبدء يلامس وجنتها بشفاه ويوزع قبل رقيقه بدأ من عيناها نزولا علي وجنتيها
كل هذا وهي مغمضة العينين كالمسحوره الا انها انتفضت حين لمس ثغرها بشفاه وقذفت سريعا من علي قدمه بعد ان صفعته بالقلم علي وجهه واتجهت نحو باب الغرفه وهي تجري
كادت ان تفتحه الا ان يده كانت اسرع واغلق الباب مره ثانيه ولكنه هذه المره اغلقه بأحكام ووضع المفتاح في جيبه
والتفت لها وهو منزعج من فعلتها وهتف فيها بغضب
ايه اللي انتي عملتيه ده
احنت رأسها للأسفل وهي تضم كفيها وتفركهم في بعض وتجمعت العبرات في عينيها
رجع الي مكانه وجلس علي مقعده براحه وهتف فيها:تعالي هنا
اقتربت منه وهي تضع عيناها في الارض كمن تبحث عن شيء فقد منها
صاح بها: اقعدي زي ماكنتي قاعده
بدأت تهز رأسها يمين ويسار بالنفي بسرعه ولم ترفع وجهها له ليمد هو يده ويجذبها ليجلسها مره ثانيه علي قدمه
زين :ينفع اللي انتي عملتيه ده في عروسه بردو تمد ايدها علي عريسها حبيبها في اول لحظه ليهم وهما لوحدهم بدأت الدموع تسيل علي وجنتيها وهي تتلعثم في كلمات غير مرتبه
تيا:ما هو مش انت يوه
كفف دموعها بأنامله وهو يتأمل خجلها الذي يعشقه
اهدي يا حبيبتي ماتخفيش مني كده خلاص انا اسف لوكنت ضايقتك بس ماينفعش تمدي ايدك كده عليا
تيا:يا سلام يا خويا مش انت اللي كنت دايما تزعقلي من وانا صغيره وتقولي اوعي تخلي حد يلمسك او يحاول يحط ايده عليكي
ضحك ضحكه رنانه علي سازجة طفلته بدأ يضمها اليه بحب
هههههههههههه الا انا يا حبيبتي وخصوصا بعد ماتجوزنا انا الوحيد اللي من حقي اخدك في حضني وضعت رأسها علي كتفه واستكانت انفسها علي عنقه
وهمست: انا اسفه مش هاعملها تاني انا بحبك اوي
زين: انا كمان بحبك اوي ياروحي انتي ماتعرفيش انتي ايه بالنسبه لي قرب شفاه مره ثانيه من ثغرها ثبت رصاصيته علي فيروزتها
وهمس: عاوز ادوقهم ياتيا نفسي فيهم اوي دول بتوعي انا بس ينفع
اومئت له برأسها ولم تتكلم ليثبت ثغره علي علي كرزيتها ويلتهمهم بكل رقه لأول مره يشعرو بأنهم فرد واحدوأخيرا تركها وهو يضع جبينه علي جبهتها
بحبك وهافضل اقولها لأخر يوم في عمري
احتضنته جيدا وضمها هو بيده وظل يملس علي ظهرها
تيا:انا كمان هافضل اقولك بحبك يا حبيبي وعمري ما هبطل اقولها ابدا
زين :خليكي معايا في حضني كده مش عايز اسيبك
تيا:مش هاينفع لازم اروح اوضتي عشان اغير الفستان ده وكمان مش هاينفع انام هنا
زين: خايفه مني ولا ايه
تيا:لاء طبعا انا عارفه انك بتخاف عليا وبتحافظ عليا بس مش هاينفع انام هنا
زين: خلاص يا حبيبتي انا هاسيبك بس عايزك بقي تخلصي السنه دي بسرعه عشان نبقي مع بعض علطول
تيا:طب ممكن اطلب منك طلب
زين :أأمريني يا روحي
تيا:انت فاضل اسبوع وأجازتك تخلص وهترجع شغلك تاني واحنا مخرجناش خالص الصيف ده ايه رأيك لو يعني تقول لبابي ونروح شاليه العين السخنه انشالله يومين حتي
زين:بس كده عيوني يا حبيبتي تصدقي انا كنت بفكر في كده وكنت عايز اعملها ليكي مفاجئه بس انتي بقي سبقتيني
تيا:حبيبي انت ربنا يخليك ليا
////////////////////////////////الواد طلع قليل ا لادب زي ابوه 😊😊😊
وصلو الي ڤيلتهم ودلفو اليها كادت ان تصعد الي غرفتها الا ان صوت اباها استوقفها
احمد:رايحه فين يادانا
دانا:طالعه اوضتي يا بابي عايز حاجه
احمد:اطلعي غيري هدومك وماتنميش عايز اتكلم معاكي شويه
ارتابت من نبرة صوته ولكنها تصنعت الا مبلاه :حاضر يا بابي
دارين:في ايه يا احمد مالك بتكلم دانا كده ليه
احمد:يعني ملاحظتيش اللي حصل بينها وبين عدي في الحفله
دارين: ايه اللي حصل عدي طول عمره ولد مؤدب و اطمن اصلا هما الاتنين تقريبأ مش بيطيقو بعض
احمد:ولما هما مش بيطيقو بعض مين اللي اداله الحق انه يشدها قدام الناس من ايد الشاب اللي كان طالبها للرقص
دارين: ماتكبرش الموضوع يمكن كان عايز يوريها حاجه او شاف حاجه علي الشاب ده.
احمد:يا سلام شاب ابوه لوا وهو ظابط طاير ايه اللي ممكن يعمله وهو يبقالها ايه بردو عشان يتصرف من دماغه كده
دارين: اهدي بس يا حبيبي ومتتعصبش كده
احمد:انا طالع ليها هاتكلم معاها وبلاش تيجي ورايا مفهوم يا حبيبتي
دارين:حاضر حاضر
صعد اليها ودق باب غرفتها لتصيح من الداخل اتفضل يا بابي
احمد: غيرتي هدومك يا دانا
دانا:ايوه يابابي تعالي اتفضل
جلس علي فراشها واجلسها بجانبه ونظر في عينيها بعين غاضبه
دانا:مالك يا بابي بتبص لي كده ليه
ايه اللي بينك وبين عدي يا دانا تنبهت جيدا لما قاله والجماتها صدمة كلامته
دانا:والله يا بابي مافيش حاجه خالص ده اصلا واحد مغرور ورخم في نفسه كده
احمد: وايه بقي اللي يخلي واحد مغرور ورخم زي مابتقولي يقف ادام الشاب اللي كان عايز يرقص معاكي ويشدك وراه كده
دانا:والله يابابي انا هزقته وسيبته ومشيت
احمد:هو عمل كده ليه ايه اللي يخليه يتعامل معاكي بالطريقه دي
دانا:معرفش يابابي هو بيقول انه شاف الشاب ده وهو بيحاول يحط ايده علي ظهري من عند فاتحة الفستان من فوق
احمد:بقي كده طب اعملي حسابك انك هاتلبسي الحجاب زي مامتك انا كنت حابب اسيبك لما تقتنعي وتلبسيه لوحدك لكن الظاهر اني كنت غلطان ولبسك خلاكي مطمع للكل ثم وقف من علي الفراش بغضب
وأتجه للخارج تاركها تستوعب صدمتها
********************************
غير ملابسه واتجه الي فراشه وتسطح عليه واغمض عينه لينعم قليلا بقسط من الراحه قبل ان تأتي واحده منهم وتزيد من تعبه
ولكن كيف له ذلك وصغيرته مازلت مستيقظه هي ومعذبته ليجد من تجلس فوقه وهو نائم بفستانها الابيض الجميل
طمطم:حمسه قوم فكلي الجسمه مس عالفه اقلعها لوحدي
حمزه:روحي لمامي ياحبيبتي وهي تقلعك وسيبني عشان تعبان
طمطم:لاءه مامي عند ليا وقاعده معاها وانا عايسه انام جنبك يلا بقي يا بابي قوم يا حبيبي
حمزه: امري لله تعالي يا ستي
طمطم:بث انا جبت البيچامه تاعتي عثان تلبسني كمان
حمزه:عيوني ليكي انتي يا روح بابي ازاح حذائها الصغير من قدمها وبدأ يبدل لها فستانهاوهي
تصيح له:انا كنت احلي من تيا وليا النهالده ثح يا بابي
حمزه:طبعا كنتي قمر احلي من كل البنات اللي في الحفله
ازحت الغطاء عن الفراش وتمددت بجانبه وبدوره دثرها جيدا ورقد بجانبها
طمطم:وكنت احلي من غسل كمان
ابتسم لها واخذها في حضنه وبدأ يملس علي شعرها الناعم
حمزه: غسل اه ياني من غسل دي واللي بتعمله فيا نامي ياحبيبتي نامي اغمضت عيناها واستكانت بين احضانه بينما استمع هو لصوتها يأتي من خلفه
غزل:وبتعمل فيك ايه بقي غسل انشاء الله اعتدل علي ظهره ونظر اليه نظرة شوق وهي تحرر شعرها من الحجاب
حمزه: علطول مجناني ومزعلاني وسيباني لوحدي
غزل:كفايه عليك طمطم مش مديه اي حد فرصه يقرب منك
حمزه:هههههههههه داحنا بنغير من بنتنا بقي ولا ايه
غزل بزعل :ملاكش دعوه خليك كده واخدها في حضنك علطول ونيمها جانبك وناسيني انا
حمزه :هههههههههه طب ماتزعليش ياروحي هي نامت خلاص انا هاشيلها اوديها أوضتها وانتي اقلعي فستانك ده. علي بال ماجي
حمل صغيرته واتجه بها الي غرفتها ووقفت هي سريعا لتبدل ملابسها واتجهت الي الفراش لتغمض عينيها قبل ان يأتي
لتشعر به وهو يجذبها اليه من الخلف ويدفئ عنقها بقبلاته
الرقيقه:اوعي تكوني نمتي انتي اصلا مالحقتيش تنامي
غزل: لاء لسه بس تعابنه اوي وعايزه انام
حمزه:لاءه مافيش نوم دلوقتي انا كمان تعبان وعايز ارتاح وريحة البرفيوم بتاعتك دي مدوخاني
غزل:اوعي سيبني انت مش كل يوم تاخد بنتك في حضنك وتنام وحتي ماتسئلش انا نمت فين
لفها بين يديه ليجعل وجهها مقابل له وهو ينظر لها بدهشه
حمزه :انتي غيرانه من بنتك بجد بقي
اومئت له برأسها وهي تواري عيناها عنه ليضع اصابعه اسفل ذقنها
غزل:اوعي سيبني بقي روح نام جنب بنتك
حمزه:ههههههه طب ماهو انت كمان بنوتي حبيبتي
غزل:لاء ماخلاص بقي انا راحت عليا وشكلك كده مابقتش تحبني زي زمان
حمزه:اه مابقتش أحبك انا عديت الليڤل ده من زمان
تعالي بقي في حضني كده عشان انا عايز اثبتلك انا بعشقك اد ايه
😀😀😀😀😀😀
العاصي/2
((مغامرات ابناء العاصي))
البارت الثامن عشر
مر اليوم علي الجميع بسعاده الا هم الثلاثه الثنائي العنيد وتلك الشقيه التي تريد ان تروض ذلك العاصي الصغير
استيقظت في الصباح و ظلت في فراشها حزينه علي ما وصلو اليه فهو لا يتكلم معها بأي كلمه منذ اخر يوم اهانته فيه ووصفته بأنه عيل
صباح الخير افزعتها بها تيا التي وقفت من علي فراشها وقذفت بجانب شقيقتها
ليا:ايه يا مجنونه ده صباح النور ياستي بس مش لازم تفزعيني كده
تيا:هههههههههه مره من نفسي يا ستي مانتي كل يوم بتفزعيني كده
ليا: صحيح انتي روحتي فين امبارح داحنا فضلنا قاعدين مستنينك وفي الاخر زهقنا
تيا: هاه يعني هاروح فين وانتو مين بقي اللي كنتو مستنيني
ليا:انا وغزل فضلت قاعده معايا هنا وفي الاخر زهقت ودخلت أوضتها قولي بقي كنتي فين
تيا: هاكون فين يعني كنت قاعده بتكلم مع زين شويه
لمعت عيناها بفرح لهم ونظرت لأختها بمكر:الله طب ومالك خدودك احمرت كده ليه
تيا:ها مافيش حاجه يا ليا اسكتي صحيح مش انا قولت لزين علي موضوغ المصيف وهو وافق وقال هايقول لبابي
ليا:بجد هيههههههه واخيرا هانخرج
تيا:ومالك فرحانه كده ليه يابنتي بقولك لسه هايقول لبابي
ليا:لاء ماهو طلما زين اخويا حبيبي موافق يبقي بابي اكيد هايوافق
تيا:ياسلام واثقه فيه اوي ياختي انا بقي مش هاصدق غير لما اسمعها من بابي بنفسه
ليا:هههههههههه ايه ده يابنتي خليكي واثقه في جوزك شويه
تيا:طب يلا قومي عشان ننزل ليهم دول اكيد كلهم صحيو تحت عااااااااااااا يخرب بيتك يا طمطم انتي جيتي منين
طمطم: من الباب يعني هاكون جيت منين انتو قومو بقي كلهم تحت ومستنينكو عثان نفطل يلا يلا وتركتهم وذهبت للخارج
ليا:ماهو يأما البت دي بتتسحب عشان تصنت علينا يأما جنيه وبتظهر لنا فجأه
تيا:هههههههههههه يخرب بيت دماغك انتي الافلام لحستلك دماغك دي خلاص
ليا:طب يلا بينا يلا
توجههو للخارج بعد ان غيرو ملابسهم ليتقابلو مع عدي وعاصي امام الدرج
لتصيح ليا بمرح:صباح الخير علي الناس الكسلانه
لم يلتفت اليها وتوجه للأسفل
بينما هتف عدي:صباح الفل علي العرايس الحلوين
تيا:صباح النور يا ديدو يا حبيبي
لينضم اليهم زين الذي اصطنع الغضب مما تفوهت به
ووضع يده علي كتفها وضمها اليه بجراءه:يعني مش كفايه بتدلعيه لاء وحبيبي كمان اروح انا بقي ولا اجيب اتنين ليمون
عدي بخوف مصطنع ايضا:لاء وعلي ايه انا اللي هاجيب الليمون اقولك انا هاسبئكو احسن ههههههههه
زين:ههههههه اه يا جبان الله مالك ياليا واقفه زعلانه كده ليه ياحبيبتي
ليا:هاه لاء مش زعلانه ولا حاجه انا كمان هاسبئكو وترجلت امامهم علي الدرج
لينظر لصغيرته بحب:ينفع تصبحي علي الكل وحبيبك لاءه
تيا:توء لاءطبعا مش ينفع صباح الخير يا حبيبي
زين:لاء مش عاجبني الصباح ده وبعدين انا زعلان منك ولازم تصالحيني
تيا: هو انا لحقت ازعلك عشان اصالحك
زين: طب تعالي ندخل جوه وانا اقولك زعلتيني في ايه
سحبها خلفه الي داخل غرفته وأغلق الباب
تيا:لاء يا زين تعالي ننزل دول كلهم مستنينا تحت
زين:طب انجزي وصالحيني بسرعه بقي قبل مايخدو بالهم
تيا:هو انا زعلتك في ايه بس
زين:اولا ماجتيش تصحيني ورحتي صبحتي علي عدي وعاصي
لاء وكمان بتقولي لحد غيري يا حبيبي
تيا:.يا سلام طب ماانت بتقول ل ليا يا حبيبتي كده نبقي خالصين
زين:لاء ولاانتي تقوليها لغيري ولا انا اقولها لغيرك متفقين كده
تيا:متفقين طبعا يلا بقي ننزل
زين:طب صالحيني بقي واخلصي
تيا:يوه عايز ايه يعني
اقترب منها ليتذوق كرزيتها :عايز ادوق دي
ليدق الباب عليهم بنقر خفيف
زين:مين
افتح يا زين انا بابا
تيا:يالهوي عاجبك كده ده بابي هانعمل ايه دلوقتي استخبي فين
زين:بس يا هابله تستخبي ايه ماتخفيش كده انتي مراتي واتجه نحو باب الغرفه وفتحه له
عاصي:الله انتي هنا ياتوتو
تيا:هاه والله يا بابي زين هو اللي شدني ودخلني هنا
ليعض الاخر علي شفتيه السفلي ويغتاظ من خوفها هذا
عاصي: ههههههههه وشدتها ودخلتها هنا ليه بقي يا زين باشا
زين:طب ده سؤال يا بوب والنبي عادي يعني مش مراتي بصراحه كنت عايز اديها هدية جوازنا
وذهب الي خزانة ملابسه واذا به يخرج منها علبه مبطنه من القطيفه
وفتحها لها لتري بها طقم من الماس اخذ عقلها من جماله
لتهتف :الله يا زين ده حلو اوي بس شكله غالي اوي
زين:مافيش حاجه تغلي عليكي ابدا يا روح زين وجذبها امام والدها وقبلها في وجنتها
ليربط عاصي علي كتفه :ربنا يخليك ليها ياحبيبي ويحفظها ليك يلا بينا بقي عشان ننزل نفطر وتوريهم هدية جوزك ليكي يا تيا
////////////////////////////////
جلسو جميعا في هول الڤيلا لحين يفرغو النساء من تحضير الطعام
فتحت تيا تلك العلبه لتريها لجدتها وجدها وعمها وعدي وعاصي الصغير
تيا:بصي يا نانا زين جابلي ايه
روقيه:الله مشاء الله ده حلو اوي يا تيا
الجد:تعيش وتجيب ليها ياحبيبي
زين:ربنا يخليك يا جدي يا رب
عدي: بجد جميل اوي بت يا توتو اوعي تلبسيه في الجماليه ده شكله غالي اوي
حمزه وهو يربط علي كتفه :ما هو الغالي مش بيجيب غير الغالي
تيا:هارح افرج مامي وغزل وليا عليه وجرت الي المطبخ
ومن خلفها طمطم :استني يا تيا هاتيه البثه سويه
عاصي وهو يقصد ان يلقي كل كلمه علي مسامع الاخر: مين اللي دفع حق الطقم ده يا زين
زين: يعني ايه مين اللي دفع دي يا بابا انت ناسي اني ظابط وبقبض مرتب
وبعدين ماانت عارف اني مش مسرف وبحب اشيل فلوسي عيب يعني ده حمزه اللي معلمني ازاي احوش عشان اول هديه
نظر الي الاخر وفي عينه نظرة تشفي وهو يقول:ماترد عليا ياض انت ولا ابوك اللي دفعتو فلوسه
زين: ياعم انا انا والله وبعدين انت شايفني عيل ادامك عشان امد ايدي لأبويا واقوله هات اجيب لمراتي هديه
ليقفز الاخر من علي مقعده ويتجه خارج الڤيلا بأكملها
ليصيح الجد: الله رايح فين يا عاصي تعالي عشان هنفطر سوي
عاصي بغضب:مش عايز حاجه من حد انا راجع الجماليه جذب مفاتيح سيارته وخرج امام الجميع
زين بدهشه:الله هو الواد ده ماله
عدي:هو خد في وشه ومشي كده ليه
حمزه بغضب:الواد خلااااااص جاب اخره معايا ولو زود تصرفاته وعنده ده انا مش عارف تصرفي معاه بعد كده هيبقي ازاي
عاصي:ششششششش اهدي يا حمزه وملاكش دعوه بيه خالص انا قولتلك سيبه وانا هاعرف اظبطه تاني وهايرجع الشغل يعني هايرجع الشغل
زين:ماتفهمونا ياجدعان في ايه
حكي لهم عاصي ماطلبه منه ابن اخيه ورده عليه ليشركهم معه في خطته
//////////////////////
اما عند غمزه وبناتها هتفت غزل:في ايه يا طمطم بتجري كده ليه
طمطم :خلي تيا تلبثني الثلثه ثويه يا مامتي دي حلوه اوي
غمزه: سلسلة ايه دي يا تيا
تيا: بصي يا مامي زين جابلي ايه وقالي دي هدية كتب الكتاب
غزل:الله الطقم ده حلو اوي ومبروك عليكي ياتوتو
ليا:ده شكله غالي اوي ربنا يوعدني واحد زيك يا زين ياخويا يا رب
تيا:هههههههه يا رب يا ختي
غزل بزعل :طب يلا بينا بقي عشان نحط الفطار علي السفره
اخذو الفتايات الاطباق واتجهو الي طاولة الطعام والتفو جميعا حولها
وظلت غزل تبحث عن ابنها هي وغمزه في الغرف
ليهتف عاصي من الاسفل انا نفسي افهم انتو بتعملو ايه فوق هو مش في اكل اتحط
غزل وهي تنزل الي الاسفل: هو عاصي راح فين احنا مش لاقينه فوق
حمزه:تعالي يا غزل افطري عاصي سبقنا علي الجماليه
عقدت الاخري حاجبيها ووقفت امامه بغضب:ومشي ليه من غير ما يفطر اكيد حد ضايقه
عاصي: وطي صوتك ياغمزه ايه هو صغير هايغضب ونجري نحايله
غمزه:لاء هو مش صغير هو عنيد زيك وبيتصرف بنفس طريقتك مش هايجيبه من بره يعني يا عاصي بيه
طرق بيده علي الطاوله وصاح بصوت جهور لتفزع هي في وقفتها ويقف امامها عدي وزين ليحجبوها نهائيا من امامه
عدي يومك يا غمزه ومتدخليش في اللي مالكيش فيه
زين:اهدي يا بوب عشان خاطري خلاص بقي يا ماما اقعدي يلا عشان نفطر
غمزه:ولا عايزه افطر ولا عايزه اتنيل دا ايه العيشه الزفت دي
والتفتت لتصعد الدرج
ولكن صوته اوقفها:زفت علي دماغك لو اتحركتي خطوه واحده تاني يومك هايبقي اسود
غمزه: ايه مش عايزه افطر هاتكلنا كمان بالعافيه
عاصي بغضب:اه هاتفطري بالعافيه وغصب عنك هاتقعدي زي الكل ماهم قاعدين ولا تحبي اوريكي
حمزه وهو يمسكه من زراعه:لاء ماتحبش هي هاتقعد لوحدها اقعدي يا غمزه ربنا يهديكي خلينا ناكل اللقمه بقي
عدي:عشان خاطري ياغمزه اقعدي بقي
جلست بجانب اخيها الصغير وعيناها تلمع بالدموع
عاصي:كلي
روقيه:خلاص يا حبيبي هي هاتكل اهيه كل انت ومتركزش معاها
فضالي:خلاص بقي يا عاصي خلينا ناكل اللقمه مره من غير خناق
جلس زين بجانب تيا الخائفه من ملامح ابيها ليربط علي يدها
وقف بوده بجانب والدته يطبطب علي زراعها وهو ينظر لوالده بعدائيه ويصرخ فيه: انت بتزعق ليها ليه هي عملت ايه عشان تزعق كده
عاصي:اقعد مكانك وكل وانت ساكت ماتخلنيش اقوم اكسر ليك دماغك دي
بوده:هو انت كل حاجه تتعصب علينا كده طب والله لو زعقت ليها تاني لخاصمك ومش هاكلمك ابدا ومش هحبك كمان
حمزه :اقعد يا بوده ساكت يلا يا حبيبي كل وبلاش تتناقش مع بابي دلوقتي عشان متنرفز
جلس هذا العنيد الصغير علي مقعده وهو يشوح له بيده بلا مبلاه:ماهو علطول متنرفز هو من امتي يعني كان بيهدي
فضالي:طب ناكل بقي وكفايه كلام مش عايز اسمع صوت حد تاني
جلست غزل بين حمزه وليا التي فضلت الصمت ولكنه كان صمت ممتزج بالحزن علي عنيدها
كانت تعبث في صحنها بالملعقه لم تشعر بتلك الدموع التي استرسلت علي وجنتيها الا لما غزل اعتطها منديل من تحت الطاوله
غزل بهدوء:امسحي عنيكي دي
ليا:هاه مالها عنيا
غزل:انتي مش حاسه انك بتعيطي
ليا:لالا دي تقريبا كده حاجه دخلت في عيني
غزل:طب كلي يا حبيبتي وامسحي دموعك يلا
وجه زين الحديث الي والده وعمه
وهو يمسكك يد تيا :انا شايف ان ان الكل مشحونين ومحتاجين يغيرو جو وبالذات البنات
ايه رأيكو لو ناخد باقي الاسبوع اجازه ونروح السخنه نغير جو كلنا
حمزه:لاء انا مش فاضي
لتصيح طمطم:هو كل حاكه مس فاتي مس فاتي انا عايسه لوح البحل بقي يا بابي
عاصي:معلش يا حبيبتي بلاش دلوقتي عشان عندنا شغل في الشركه كتير
ترك زين الموضوع لطمطم وفضل الصمت فهي كفيله ان تجلب الموافقه منهم ولم يصمدو امام رجائها لهم
صعدت اللعينه علي قدم عاصي وعانقته وقبلته في وجنته
وهي تهتف برجاء:عثان خاطلي يا عاثي والنبي لوح البحل وقول لبابي يوافق
فضالي:اظن دي بالذات مش هتعرف ترفض ليها طلب
طمطم وهي تتوجه لحمزه: انت مس فسحتني خالث وكمان قولت هالوح مدلسه يبقي لوح بحل الاول والنبي يا بابي
ثم قبلته هو الاخر وعانقته
وبدأت تأثر عليهم بسلاحها الفتاك وتترك لدموعها الحديث
ليأخذها عاصي من علي قدم اخيه ويبدء يهدهد فيها وهي علي قدمه: خلاص يا روحي ماتعيطيش ابدا روحي يا ستي المصيف وانبسطي زي مانتي عايزه
طمطم:هييييه يعني هاتوديني المثيف يا عاثي
عاصي:لاء مش انا ولا بابي انتي هاتروحي مع زين وعدي وعاصي اخوكي وجدو ونانا كمان
لاءه انا عايسك انت وبابي كمان عسان تلكبني banana boot وتلعب معايا
حمزه: ههههههه خلاص بقي يا طماعه انتي ما قالك هاتروحي اقولك روحو انتو واحنا هانبقي نيجي ليكو بعد يومين كده لما نخلص شغل
عدي:طب كده حلو اوي احنا نلحق بقي نلم الدنيا هنا وبعدكده نروح علي الجماليه ونشوف هنسافر امتي
تيا:خلاص قول لأنطي دارين ودانا يجو معانا يازين
زين:حاضر ياحبيبتي هقولهم
العاصي/2
((مغامرات ابناء العاصي ))
البارت التاسع عشر
وصلو بسيارتهم الي بيتهم في الجمالية وجدوه قد فتح الوكاله وجالس امامها
كادت ان تذهب اليه هي واختها الا ان صوت الجد اوقفهم
فضالي: اطلعي فوق يا غمزه انتي وغزل يلا
غزل:حاضر هنطلع بس نطمن عليه حتي
حمزه:متبقوش اوڤر بقي ماهو كويس ادماكو اهو اطلعو دلوقتي وهو هايطلع ليكو فوق.
غمزه:طب حتي ناخده معانا ياكل حاجه ده رجع من غير ما يفطر
نظر لها هو نظره غاضبه فهمت معناها جيدا ولم تتكلم
زين:خلاص بقي يا جماعه اطلعو واحنا هانجيبه ونطلع وراكو انا وعدي
أومئو له برأسهم واتجهو الي داخل البيت خلف والدتهم والفتايات
واتجه الي داخل الوكاله الجد وهم من خلفه
فضالي:ايه يا عاصي فتحت لوحدك الوكاله يعني
عاصي الصغير :عادي يا جدي قولت افتحها وارص الحاجه علي بالي ماتيجي
حمزه:ولزمته ايه اللي انت عملته ده ايه اللي خلاك تغضب زي العيال وتمشي كده
عاصي الصغير: انا مش عيل انتو فاهمين بطلو تقولو عليا كده..
الواحد بيبقي راجل بتصرفاته مش بالكلام وانت كل تصرفاتك تصرفات عيال: قالها عاصي الكبير بسخريه وهو يجلس علي مقعد والده خلف مكتبه داخل الوكاله
استشاط منه الاخر غيظا ونظر له بعدائيه ولكن زين جذبه من يده :تعالي معايا يا عاصي نطلع فوق نقعد مع بعض شويه واهو بالمره تطمن مامتك وخالتك عليك
عدي:اه وتاكل عشان هايتجننو عشان مأكلتش لغاية دلوقتي
عاصي وهو ينظر لعمه :انا مش عايز حاجه من حد فككو مني كلكو بقي
حمزه بغضب:لم الدور يا عاصي ومتعملش ليك حوار من غير ولا حاجه واطلع يلا معاهم
جزبه زين من يده وصعدو الي اعلي وجدوهم جالسين
وجرت طمطم عليه وحملها وجلس علي الأريكه وكانت جلسته مقابل عنيدته التي زبل وجهها من الحزن علي ما يفعله
ليصيح زين:هاتي بقي ياغمزه كل الاكل اللي عندك للأستاذ
غمزه :ياسلام عيوني ليه هو انا عندي اعز منكم يعني لتجد غزل قد احضرت له الطعام وجلست بجانبه.
غزل:كل يا حبيبي بألف هنا
عاصي:مش عايز يا ماما في ايه انتو مالكم بتعملوني كده ليه ماتسيبوني براحتي.
لتصيح جدته بغضب:براحتك دي اللي هي ازاي يعني عايز تفجأنا كلنا وتمشي لوحدك وتخضنا كلنا عليك
وتخلي الكل يتخانق مع بعضه وخوفنا وقلقنا عليك يزيدو وتقول سيبوني براحتي ايه انت خلاص مابقاش يهمك احساس حد فينا
عاصي:لاء يا تيتا طبعا انا مقصدش كده وكمان مش عايز حد يتخانق ولا يزعل عشاني
جلس زين بجانب ليا التي تنظر اليه بحزن ليلف زراعه حول عنقها ويقربها منه
وهو يتحدث اليه:طب بقولك ايه يا معلم احنا اتفقنا اننا هانروح كلنا السخنه بكره
نظر له عاصي بغضب :كلنا اللي هو مين يعني انا مش رايح في حته
جلس عدي بجانبها هو الاخروجذبها من بين يدي زين ليفعل ما فعله بمشاكسه هو الاخر:مش رايح ايه ياض لاء هاتروح طبعا داحنا رايحين من غير الكبار و هنبقي براحتنا
عاصي وقد اغتاظ مما يفعلاه هم الاثنان:عايزين تروحو روحو لوحدوكو انا مش رايح
تيا وقد جلست بجانب زوجها:الله في ايه يا بني ماتخليك جدع بقي وتبطل غلاسه
عاصي:لمي لسانك يا بت انتي احسنلك
زين بمشاكسه:ولد عيب احترم نفسك وكلم مدام زين السيوفي عدل
عاصي:حصلنا الرعب يا سيدي بردو لاء
غزل:طب لو قولتلك ان بابك مش رايح معانا ايه هاتسبني انا وأختك نروح لوحدنا
عاصي:لوحدك ليه مانتي هيبقي معاكي شاحطين اهو
ليا وقد نفذ منها الصبر ووقفت من وسطهم:وسعولي بقي انتو الاتنين كده
وانت بقي انشالله عنك ماروحت ولاعنك روحت انت ايه يا اخي فاكر نفسك رشدي اباظه
لو وفقت هنقول النجم اتعطف واتنازل ورضي يروح معانا
خليك قاعد هنا وشك في وش حمزه وعاصي يارب ياكلوك هما الاتنين ونخلص من عندك ده
ثم تحركت لتصعد الي الاعلي وهي تكمل ال ايه مش هاروح
والكل بيتحيلو عليه مانشالله ماروحت يا راجل هي ناقصه كأبه
ظلو يضحكون جميعا بصوت مرتفع علي ما قالته وسط زهوله وانفراجة ثغره غير مستوعب ما قالته تلك اللعينة
ليكركر عبد الرحمن الصغير
بوده:ههههههههههههههه ليا هزقتك يا عاصي دي خليتك عامل زي الكتكوت قدامها
عاصي: بس ياض ثم نظر الي زين وهو يفرق رأسه من الخلف وتحدث: هي البت دي كانت بتكلم مين كده
زين بكركره: ههههههههههههههه كانت بتكلم امي
عدي وقد فقد السيطره علي نفسه: ههههههههههه طب وربنا جدعه بصراحه خلت منظرك زباله
عاصي:وقد هم للخروج خلفها : عشان ماتبقوش تلوموني لما أفتح ليكو دماغها دلوقتي حالا
غمزه وقد امسكته قبل ان يخرج وهي تضحك ايضا: هههههههه تعالي بس يا عبيط دي بتنكشك عشان عارفه عندك كويس
عاصي:طب بطلي ضحك الاول وبعدين اتكلمي وبالعند في بنتك بقي هاروح معاكو وهوريها الكأبه علي حق ربنا
ليضحك الجميع بصوت مرتفع علي هذا الثنائي العنيد
//////////////////////////
تركهم زين بعد فتره وذهب الي ڤيلا والده لكي يحضر اخته ووالدتها حتي يأخذوهم معهم و داخل الڤيلا دار بينه وبين والده هذا الحديث
احمد:لاء يا زين لدراين ولا دانا هايروحو معاكم
زين : ليه بس يا بابا ده هو اسبوع هانقضيه كلنا مع بعض وكمان ابويا وحمزه يومين كده وهايجولنا وانت كمان لوعرفت تيجي تعالي اقعد معانا يومين
احمد:قولتلك لاء روح انت واتبسط مع عروستك وكده كده هما لسه راجعين ومقضين الصيف كله هناك
زين: طب لو قولتلك عشان خاطري طب قولي لو في حاجه ضيقتك عرفني وانا هاتصرف
جلس خلف مكتبه ونظر الي ابنه وصمت
زين :ماتتكلم يا بابا في ايه انت كده بتقلقني اكتر
احمد: انا مش عجابني تصرفات عدي مع اختك
زين: عدي ماله عدي عدي ولد مؤدب وفي حاله طب قول عاصي اهو ده بقي اللي بيشاكس الكل
احمد: لاء انا اقصد عدي انت كنت مركز امبارح مع عروستك ومشوفتش اللي حصل
زين: ايه اللي حصل يا بابا
احمد:لما بدأت الرقصه بتعاتكم جيه حسام ابن اللوا نشأت وطلب مني انه يرقص مع دانا
وانا وفقت وراح فعلا وأخدها وقربو عشان يرقصو معاكم لكن فوجئت بيه لما قرب منه قبل ما يحط ايدو علي كتفها
وشدها بكل عنف منه ووقف اتكلم معاها شويه وبعدين هي رجعت قعدت مكانها وهي عماله تبص ليه بخوف
وطبعا حسام بصلي بأستغراب وراح قال لوالده حاجه فضل طول الفرح يراقب تصرفتها
زين:حسام ده اللي هو ظابط في الطيران مش كده
احمد:ايوه هو
زين:طيب يا بابا انا بأكد ليك ان عدي لما عمل كده عشان هو بيعتبرها زي تيا وليا ومتاخفش علي اختي هي هتبقي معايا وانا اعرف احافظ عليها كويس
وده ما يمنعش بردو اني هاحسبه وافهمه انه ماكنش ينفع يعمل كده
أحمد :انا كان ممكن اقول لعاصي واخليه هو يحاسبه بس عارف انه كان ممكن يتعصب ويعمل مشكله خصوصا انه كان علي اخره من تصرفات عاصي الصغير مع بنته
زين:لاء سيب الموضوع ده ليا انا بس بردو بأكد ليك ان عدي ولد مؤدب وأتصرف بحسن نيه اومال هما فين
احمد:راحو المول يشترو لدانا لبس محجبات اصلي غصبت عليها تلبس الحجاب
زين: وليه بالغصب يا بابا
احمد:عشان امبارح لما سألتها ليه عدي شدك كده قالتلي انه بيقول انه شاف حسام وهو بيحط ايدو علي ظهرها العريان وانه زعقلها
زين وهو يعض علي شفتيه السفلي: كنت متأكد
احمد: بتقول ايه يا زين
زين:يابابا الواد حسام ده واد و..... مقضيها فالنادي مع البنات وفراحان بلمتهم حوليه
وعدي ماكنش هايعمل كده من فراغ
احمد: بس بردو مكانش ينفع يتصرف كده ادام الناس كان جيه وقالي علي الاقل
زين :طب خلاص اهم وصلو عشان خاطري بقي وافق اني اخدهم معايا وصدقني هاخلي بالي منهم وعيني مش هتنزل من علي دانا
احمد:يوه طيب موافق بس يباتو في الشاليه بتاعنا وانت تبقي معاهم
زين:حاضر طبعا اصلا انا كنت هاعمل كده
وقفت دارين امامهم وهي معها تلبس حجاب انيق وفستان طويل زهري ولكن يظهر الغضب علي وجههاليقف زين منبهر من جمالها
زين:بسم الله مشاء الله ايه الجمال ده يا بت يا دانا
دارين:شوفت يا زين قولها والنبي احسن دي زعلانه ومش مقتنعه ال
ليصيح احمد: ان شالله ما اقتنعت من هنا ورايح كل لبسك لازم يبقي كده والحجاب مش هيتقلع تاني
نظرت له بحزن وجرت من امامهم وصعدت الي غرفتها
زين: الله ما تهدي شويه بقي يا بابا كده هتكرها فيه وانا بصراحه عجابني اوي يارب الهبل اللي هناك يقلدوها فيه
دارين :طب اطلع ليها انت يا زين وحاول تتكلم معها
زين:ماشي هاطلع ليها بس بقولك ايه يا دودو حضري نفسك وضبي الشنط عشان هانسافر بكره
دارين:نسافر فين يا زين
احمد:اطلع انت لأختك وانا هأقولها علي كل حاجه
زين:ماشي انا هاطلعلها وتركهم وصعد اليها دق علي بابها ودلف داخل الغرفه ليجدها خارجه من غرفة ملابسها وقد ابدلتها وحررت شعرها
زين:لحقتي تقلعيه مع ان شكلك كان حلو اوي فيه
دانا بتهجم:ممكن تبطل تريقه البتاع ده اصلا خانقني ومش طايقه البسه
اسند جزعه السفلي علي ظهر مقعد مرأتها وضم يديه الي صدره :ومين قالك اني بتريق بالعكس والله انا شايفه جميل جدا عليكي انتي مش طياقه ليه بقي
دانا:مش استايلي يا زين مش اللوك بتاعي انا كده اصحابي كلهم مش هيعرفوني كله من الزفت عدي هو السبب وجلست علي فراشها بغضب واضعه يدها تحت ذقنها
زين:ايوه هي المشكله كلها في اصحابك الشله البايزه وشوية العيال الهايفه اللي انتي ملمومه عليهم والزفت عدي ضايقك في ايه بقي وايه اللي شافه بابا خاله ياخد القرار ده وميرجعش فيه
دانا:شافه وهو بيشدني من ايد حسام ابن انكل نشأت والبيه قالي انتي بنت مش محترمه لمجرد اني فساتني
مش عاجبه عشان كان فيه فاتحه صغيره من الظهر
ولما قولت لبابا بدل ما يروح يزعقله هو ويقوله انه ملوش دعوه بيا لقيته بيزعقلي انا وبيفرض عليا لبس الحجاب
زين: بصي يا دانا انا مش هاقولك ان تصرف عدي صح يمكن هو غلط في طريقته في الكلام معاكي بس هو عمل كده بدافع الخوف عليكي
وانا متأكد انا شاف علي حسام ده حاجه مش كويسه اكيد انتي عارفه كويس اوي من النادي وعارفه سمعته عامله ازاي
وده مايمنعش انك جميله جدا في الحجاب ودلوقتي ولا بعدين كنتي هاتلبسيه
دانا:ايوه بس الكلام ده لما انا اللي اقرر مش اتغصب عليه وبعدين حضرتك مغصبتش تيا عليه ليه هي مش بقت مراتك
زين:ومين قالك اني مش هاقولها وكمان عايزها تشوفك بيه عشان تقتنع علطول واكيد ليا هيا كمان هاتلبسه لما تشوفك يلا قومي بقي وفرفشي كده عشان تحضري شنتطك
دانا:شنطة ايه هو احنا مسافرين
زين:ايوه انتي لسه هاتسألي قومي قومي ياشيخه داحنا رايحين كلنا السخنه بكره
هبت واقفه علي الفراش وهي تقفز:بجد براڤو يا تياااااااا انا قولت ان تأثيرها جامد عليك محدش صدقني ههههههههه وذهبت سريعا الي غرفة ملابسها
زين في سره:الله يخرب بيتك يا تيا انتي كنتي قايله ليها
يافضحتك يا زين باشا.
العاصي/2
((مغامرات ابناء العاصي ))
البارت العشرين
في اول ساعات النهار بدأو يستعدون جميعا للذهاب الي رحلتهم الترفيهيه
وصل زين امام البيت بسيارته ومعه دارين و ودانا التي كانت تجلس بالخلف بحجابها وتخفي وجهها بنظاره شمسيه كبيره
ترجل عدي خارج البيت وهو يجر حقائب السفر من خلفه وجده يقف امام سيارته ينتظرهم وبدأ بينهم الحديث
عدي:يا صباح الفل يا زين باشا ايه ماطلعتش ليه
زين بجديه:صباح الخير يا عدي ابدا كنت لسه هاتصل علي بابا اشوفهم جاهزين ولا لسه
عدي:اه هما جاهزين دي حتي تيا كانت في اوضتك سألتها بتعملي ايه قالتلي بحضر لزين شنطته زي ما قالي وسبتها بتقفلها
زين :ماشي انا هاطلع اجيب منهم الشنط وانت خليك بقي في عربيتك وتركه وصعد الي الاعلي
وقف هو ينظر له مستغربا ما قاله لبرهه من الوقت لم يتفهم لماذا يحدثه بهذه الطريقه
التفت ليذهب بأتجاه سيارته ليجدهم جالسين بداخلها فتقدم اليهم ليلقي عليهم السلام
لكنه وقف مثل التمثال لا يعلم لماذا ملئت وجهه تلك الابتسامه البلهاء حين لمحها تتجمل بحجاب انيق لتخرجه من شروده والدتها بلبقاتها المعهوده
دارين :صباح الخير يا عدي عامل ايه
عدي وهو عينه علي من ملكت قلبه:يا صباح الجمال حلوخالص خالص
نظرت له وهي تبتسم علي ما قاله وتواري وجهها للجهه الاخري حتي لا يري فرحتها
دارين: هو ايه ده اللي حلو عدي انت بتقول ايه
عدي:بصدمه هاه لاء قصدي اقول يعني اني كويس ومبسوط عشان انتو معانا
دارين:ربنا يخليك يا حبيبي
عدي:طب عن اذنكو هاحط الشنط في العربية
دارين:طبعا اتفضل يا حبيبي
//////////////////////////////////
صعد الدرج ليقابل عاصي الصغير امامه وهو يحمل ثلاث حقائب ممتلئه كاد ان يسقط بهم ولا يستطيع ان يحملهم
زين:ههههه ايه يابني اللي مبهدلك كده
عاصي بصراخ:غزل امي عماله تحول في شنط ياعم دي فاكره نفسها مهاجره
والنبي يا زين تقولها كفايه مرمطه فيا بقي مانا كنت مش جاي وانتو اللي دبستوني
زين:بس يابني بطل غلبه واتفضل يلا علي عربيتك وتركه ودلف الي شقة جده ليراه يجلس امامه
فضالي:اهلا يا حبيبي جبيبت اختك ومرات بابك معاك و لا لاء
زين وهو يقبل يده:اه يا حبيبي جبتهم هما تحت في العربيه ايه هي تيتا لسه ماجهزتش ولا إيه
لاء انا جاهزه اهو :نطقت بها روقيه القادمه من الداخل وهي تحمل حقيبه بها بعض المأكولات للاطفال
زين:وايه بقي اللي في ايدك ده يا تيتا
روقيه:شوية سندوتشات وعصاير للعيال عشان مايجعوش في السكه
زين:هههههههه ماشي طب سيبي الشنطه وانا هانزلها مع باقي الشنط هما لسه مانزلوش ولا ايه
فضالي وقد غمز له بعينه:مراتك جوه في اوضتك بقالها نص ساعه كل ما تقفل شنطتك تلقي حاجه ناسيها وترجع تفتحها تاني
زين:هههههههه طب هادخل اشوفها واخد منها الشنطه بدل ما لاقيها مخرجه الدولاب كله
فتح الباب بهدوء ودلف اليها ليجدها تتركز فوق الحقيبه بركبتيها تحاول ان تغلقها بجر سحابها ولم تنتبه الي دخوله اغلق الباب بهدوء وانحني بجانبها وهمس
بتعملي ايه ياتوتو
عاااااااااااااا لتسقط بين يديه وهو يضحك بشده
تيا:اخس عليك يا زين خضتني
زين:هههههههه يا روح زين انتي ايه يا بنتي كل الهدوم دي هو انا ماشي ومش راجع تاني ولا ايه
تيا: بعد الشرالله مش انت اللي قولت احضر ليك الشنطه
زين:انا قولتلك طقمين خروج وطقمين بيت وخلاص دول هما يومين تلاته يعني مش قصه وسعي كده عشان اشيل منها شوية عشان نعرف نقفلها
تيا :لاء ماهو انا حاطه ليك فعلا طقمين من كل حاجه
زين بعدم فهم:الله اومال ايه اللي مالي الشنطه كده
تيا:ااااصل بصراحه دي بقيت حجاتي انا اصل شنطتي مش كفت وليا مش رديت تخليني احط بقيت حاجتي معاها فقولت احوطهم هنا بقي ممكن ولا ايه
زين بحب: طبعا يا روحي ممكن عقبال مانحط حاجتنا سوي في مكان واحد علطول
توردت وجنتيها بخجل وهو يخطف منها قبله رقيقه لتقف بسرعه امامه
تيا : طب يلا بقه عشان مانتأخرش
زين:وهو يغلق سحاب الشنطه طب يلا اطلعي غيري هدومك بسرعه وانزلي عشان انتي هتركبي معايا في عربيتي
تيا:ما انا لابسه اهو لتصدمه بكلامتها ونظر اليها متفحص كانت تلبس كنزه قصيره بدون اكمام بيضاء اللون علي بنطال اسود ضيق علي ساقيها
زين بغضب:لابسه ايه انتي بتخرجي بالبتاعه دي بره البيت يا تيا
تيا بخوف:مالها بس يا زين علي فكره دي بلوزه حلوه لسه جديده وانا هبقي معاك
احمرت عيناه فجأه وامسكها من زراعها
وهتف فيها بهدوء عكس ما بداخله:بصي ماتخلنيش اتنرفز عليكي عشان انا مش عايز ازعلك فبهدوء كده تطلعي تغيري الزفته دي وتلبسي حاجه محترمه يا كده يا الكل ها يروحو وانا وانتي هانقعد هنا قولتي ايه
تصنمت امامه وهي تراه يفرض سيطرته كامله عليها لا تعلم لماذا حزنت من داخلها هكذا مع ان هذه هي طريقته معها من قبل زواجهم
زين بصراخ وكأنه يفيقها:يلاااااااااا يا تيا
خرجت من امامه وصعدت الي شقتها ليجر هو تلك الحقيبه ويخرجها بجانب باقي الحقائب
فضالي:بتزعق كده ليه علي الصبح يابني انت والبت دي مالها خارجه مدمعه كده ليه
زين:مافيش ياجدي انا هنزل الشنط دي علبال ما يخلصو وينزلو بقي
فضالي:طب يلا خدني معاك اما نشوف هاينزلو امتي دول
زين:يلا بينا اومال فين تيتا
فضالي:نزلت مع عبد الرحمن وطمطم اصلهم مصممين يركبو معاها عشان تأكلهم
زين:ههههههههه ماشي يا حبيبي ربنا يخليكو لينا
//////////////////////////////
وقفت امام ملابسه داخل الخزانه وهي تأخذ منهاوتلقي بالحقيبه بأهمال لتجده قد حاصرها بيديه بغضب
عاصي: بتعملي ايه جوه دولابي ومالگ عماله تنفخي وترزعي كده
لم تلتفت له ولم تتكلم واذا به يجذبها من معصمها ويلفها نحوه
ويصيح بغضب. انا مش بكلمك مش بتردي عليا ليه تعمدت ان تسقط فيروزتها داخل بنيته وتنظر له بحزن
غمزه: اوعي سيبني انت مش مخاصمني من ساعة ما جينامن الڤيلا امبارح اديني هاريحك مني اسبوع بحاله عشان تبقي مبسوط
صحق كرزيتاها داخل شفتيه الغليظه وهو يضمها اليه بشده وبعد ان تحولت قبلته من القسوه الي رقه طاغيه
عاصي: بقي مش عارفه ليه انا مش بكلمك من امبارح يا غبيه مش فاهمه اني بحاول ابعد نفسي عنك عشان اعرف اسيبك تسافري معاهم ومش توحشيني
بس جيت للاخر وفشلت ومش هقدر علي بعدك ولا حتي ليله واحده مش اسبوع كامل
غمزه وهي تريح وجنتها علي صدره: حتي وانت بتعبرلي عن حبك قاسي قاسي اوي ياعاصي
قبل جبينها ووضع ذقنه علي رأسها وهو مازل
يحتضنها :عارف ان طول عمري قاسي عليكي بس انتي طول عمرك حبيبتي اللي بتقدر تمتص كل غضبي بحبها خليكي معايا هنا ماتروحيش معاهم
غمزه:تعرف لوكنت قولتلي كده امبارح كنت فضلت معاك وقولت ليهم اني مش هاروح معاهم بس دلوقتي هنقول ليهم ايه
عاصي: يتفلئو كلهم احنا مش محتاجين نبرر موقف يا حبيبتي وكده كده هنبقي نروح ليهم بعد يومين تلاته
صمتت ولم تتحدث واحنت رأسها للأسفل
ليرد هو:بس شكلك انتي اللي ليكي مزاج تروحي وتسيبيني
غمزه:لاء طبعا بس عشان البنات وبوده هيبقو لوحدهم
عاصي: علي فكره معاهم زين بس خلاص يا حبيبتي ادام ليكي مزاج تروحي روحي مش هغصب عليكي تقعدي معايا لوحدك هنا بس قوليلي بتعملي ايه جوه دولابي بقي
حاوطت عنقه بزراعيها وهمست له: بحضرلك شنطتك عشان لما تيجي تسافر تلاقيها جاهزه
ضمها اليه بحب جم وهمس لها وهو يقبلها بكل رقه: ربنا يخليكي ليا يا قلبي ومايحرمنيش منك ابدا
************************************
وقفت تلقي عليه بعض التنبيهات وهو جالس امامها علي الفراش واضع يده اسفل ذقنه ويستمع اليها
غزل:بص ماتدخلش المطبخ نهائي انت لما بتدخل تعمل شاي حتي بتبهدل الدنيا
حمزه:ماشي حاضر مش هشرب شاي
غزل:من فضلك يا حمزه المكان اللي تقعد فيه بس هواللي تنور النور بتاعه وماتسيبش نور الشقه كله شغال
حمزه:ماشي ياغزل هقعد في الضلمه حاضر
غزل:واياك اياك ياحمزه تسيب باب الحمام مفتوح
حمزه:مش هدخل الحمام اوكي كده ولا
لسه في اوامر تاني
غزل وهي تفرك رأسها : ايوه في حاجه ناسيها فكر معايا كده
حمزه:صبرني يا رب
غزل:ايوه بص اوعي تنسي لما تفتح البلكونه تسيب الباب بتاعها مفتوح عشان الدبان مايملاش الشقه ياحمزه عشان خاطري
حمزه وقد فاض به الكيل : مش هافتح البلكونه يا غزل مبسوطه كده
جلست بجانبه علي الفراش واحنت رأسها للأسفل وامسكت بيده:لاء مش مبسوطه انا عارفه انك مش هتاخد بالك من نفسك وبتبقي عايز اللي يعملك كل حاجه
قربهامنه وهو يضمها اليه بحنان ويقبلها برقه :طب ماتخليكي معايا هنا عشان تاخدي بالك مني
غزل:طب وعاصي وطمطم مين هايخد باله منهم
حمزه:عاصي مش صغير وهايخد باله من اخته بس اقولك روحي يا حبيبتي عشان تنبسطي وانا يومين بالظبط وهاتلاقيني عندك
اومئت له برأسها وهي تحتضنه جيدا
غزل:طب اوعدني انك تاخد بالك من نفسك وتاكل كويس
حمزه ها:حاضر يا حبيبتي اوعدك
➖➖➖➖➖➖➖➖➖➖➖➖➖➖➖➖
خرج مع جده وهو يحمل الحقائب ليجد جدته وهي تحتضن اخته بكل حب ووالدتها تقف بجوارها وعدي يقف يضم يديه حول صدره وينظر اليهم بسعاده ويقف عاصي بجانبه ينظر له ببلاهه
روقيه:والله مفاجئه حلوه اوي يا دانا شكلك زي القمر في الحجاب
دانا:ميرسيي اوي يا نانا مش اوي كده يعني
الحج فضالي:لاء اوي اوي كمان انتي عارفه انك عامله زي ماتكوني حطيتي تاج علي راسك يجملك اكتر
دانا :ربنا يخليك يا جدو يا رب
دارين :ايوه اقنوعها والنبي احسن دي مش عاجبها
زين:طب يلا بقي اركبو ولما نوصل ابقو اقنعو بعض
لتخرج ليا من خلفهم وهي تجر حقيبتها بضعف تلبس سلوبيت چينز boyfriend واسفله تيشرت أبيض
ليا:يعني كلكو نزلتو شنطكو وسيبتو شنطتي انا
زين :هاتي يا لمضه اما اشوف هاعرف احطها في عربيتي ولا لاء
ليأخذها عاصي من يده بغضب وهو يصيح:هاتها يا زين انا عندي مكان في العربيه لسه
زين:ماشي طب يلا بقي اركبو علي بال الباقي ما ينزلو واذا به يلقي بوالدته تقف من خلفه هي ووالده ويمسك بيده زوجته
التي بدلت ملابسها الي فستان قطني اسود ذو اكمام تغطي ثلثي زراعها ضيق من الصدر وينزل واسع يغطي نصف ساقيها
غمزه: ادينا نزلنا اهو يا زين باشا
عاصي:باشا علي نفسه عاملين دوشه ليه ياض انت
زين :هههههههه احنا نقدر بردو يا بوب بس مش عايزين نمشي في الحر
عاصي:حر ولا مش حر تسوقو براحتكو ومش عايز سرعه والكلام ليكو انتو التلاته
ليهتف الثلاث شباب:تمام يا فندم
خرج حمزه من خلفهم وهو يمسك بيد غزل الباكيه:خلاص بقي يا حبيبتي والله يومين بالظبط وهاجيلك هتضحكي العيال علينا
غزل:طب خلاص بس لو اتأخرت عن يومين هاخلي عاصي يرجعنا
عاصي الصغير: دا ايه جو الحب الاعمي اللي انتو فيه ده يلا غزل تعالي ياحبيبتي اركبي ومرمطي في عاصي براحتك ما انا الساعي بتاع ساعتك
حمزه :ولااااااا اتلم وبراحه علي امك وعلله تشتكي منك ياعاصي وتسوق علي مهلك ماشي
عاصي الصغير:حاضر يا حمزه مانا عارف ان السفريه دي هتهد حيلي انا يلا بقي اركبو
امسك زين يد تيا الغاضبه وهمس لها وهو يدخلها الي المقعد الامامي في سيارته: اسود يا تيا لابسلي اسود
اشاحت النظر عنه ونظرت للجهه الأخري لتري امامها دارين ودانا الجالسين بالخلف وهتفت لهما
تيا:صباح الخير ايه ده دانا شكلك حلو اوي
دارين:صباح النور يا قلبي
دانا:بس ياتيا انتي كمان انا مخنوقه منه
تيا:بالعكس والله ده شكله تحفه عليكي
✴✴✴✴✴✴✴✴✴✴✴✴✴
ترجل الحج فضالي بجانب عدي في سيارته وجلست روقيه والاطفال بالخلف
وجلست غزل بجانب عاصي في سيارته وامسكت غمزه يد ابنتها تحثها علي الركوب معه
غمزه:يلا يا ليا هنركب مع ابن عمك
ليا:لاء يا مامي انا هركب مع زين او مع عدي
غزل ما فيش مكان عندهم يا حبيبتي يلا اركبي معانا بقي
ليا:هاركب مع نانا واقعد طمطم علي رجلي
غزل وهي تقرص ابنها في يده: قولها حاجه يا بني ادم انت
عاصي الصغير:براحتها عايزه تركب تركب مش عايزه تتفلئ
غزل:الله يخرب بيتك عيل عندي
امسك حمزه يد ليا واجلسها بسيارة ولده وهو يحزره بطريقه غير مباشره
حمزه:اركبي يا حبيبة عمك ولو حد ضيقاك او قالك حاجه تزعلك اتصلي بيا بس وانا لما اجي هاطلع روحه في ايدي قولي انشالله
ليضحكو جميعا علي ما قاله عمها وتجلس غمزه بجانبها في الخلف
وبدؤ الشباب اخيرا بالتحرك بالسيارات تحت نظرات عاصي وحمزه الذين ظلو واقفين الي ان ابتعدو واحتجبت عنهم رؤيتهم
 الفصل السادس عشر والسابع عشر والثامن عشر والتاسع عشر والعشرين بقلم/كنزي حمزه رواية …){kind=link}
تعليقات
إرسال تعليق