رواية مغامرات ابناء العاصي الجزء الثاني من (العاصي) الفصل الحادي وعشرون والثانى وعشرون والثالث وعشرون والرابع وعشرون والخامس وعشرون بقلم/كنزي حمزه
رواية مغامرات ابناء العاصي الجزء الثاني من (العاصي) الفصل الحادي وعشرون والثانى وعشرون والثالث وعشرون والرابع وعشرون والخامس وعشرون بقلم/كنزي حمزه
العاصي/2
((مغامرات أبناء العاصي))
البارت الحادي والعشرون
بعد مرور اكثرمن٣ساعات اخيرا وصلو الي مقصدهم اوقف زين سيارته امام الشاليه الخاص بوالده وهي مازلت نائمه علي كتفه
لتصيح دارين وهي تحاول افاقة ابنتها
دارين:وبعدين بقي هانصحيهم ازاي دول تقريبا طول الطريق نايمين اصحي يا دانا بقي
دانا بنوم:انا صاحيه يا مامي اهو
دارين :طب يلا انزلي خلاص وصلنا
زين:انزلو افتحو انتو الشاليه وانا هاصحي تيا وانزل الشنط
ترجلو من السياره وهو يحاول ايقاظ محبوبته
زين:توتو اصحي بقي يا حبيبتي
تيا: اممممم مش عايزه عايزه انام
زين:طب انتي عارفه انك نايمه في حضني ولو ماصحتيش هاقفل العربيه علينا وكده كده ازازها متفايم ونكمل نوم سوي
تياوقد فتحت له عينها ونظرت له بهدوء: لاء خلاص انا صحيت اوعي بقي عايزه انزل
زين:استني بس انتي هاتفضلي زعلانه كده
تيا:ايوه عشان انت زعقتلي جامد
زين:عشان بحبك وخايف عليكي ومحبش حد يلمح بس شعره منك وحضرتك عايزه تنزليلي ببلوزه منغير كمام مبينه دراعتك كلها
تيا وقد ابتعدت عنه:شوفت اديك رجعت تزعقلي تاني
زين وهو يضمها اليه مره تانيه:غصب عني يا روحي بحبك وبغير عليكي وعايز اخبيكي جوه قلبي
تيا بمرح:عشان كده طول الطريق قافل اللوك بتاع ازاز الباب بتاعي
زين :ايوه عشان محدش يشوف القمر بتاعي
عارفه انا نفسي في ايه
تيا وقد سحرت من نظرته:نفسك في ايه
زين:نفسي تقلدي البت دانا وتلبسي الحجاب زيها
نظرت اليه نظرة اندهاش ولم تتكلم اليست اخته هذه التي كان ينهرهم لتقليدهم الاعمي لها
اذا كانت اخته غير راضيه عن لبسها الحجاب بهذه الطريقه فهل سيجبرها هي ايضا علي ارتداءه لتصيح دانا من امام الشاليه
دانا:ماتيلا بقي يا زين خلينا ننزل الشنط هي لسه ماصحيتش ولا ايه
زين:خلاص يا دانا جايين يلا يا حبيبتي عشان ننزل مالك سكتي كده ليه
تيا:مافيش حاجه انا هاروح الشاليه بتاعنا استناهم لحد مايوصلو
زين: لاء انتي هتاخليكي معايا هنا وكمان ليا لما يوصلو هاخليها تيجي تقعد معاكم انتي ودانا
تيا:اذاي يعني مامي مش هترضي
زين بهدوء:قولتلك لاء يعني لاء انتي هتفضلي مع دانا هنا ولو مامي مش رضيت تخلي ليا تيجي خلاص خليها لكن انتي لاء
تيا: ده انت مصمم بقي وناوي تجبرني
زين بعدم فهم:قصدك إيه اجبرك علي إيه
تيا:علي الحجاب اللي جبرت اختك تلبسه وبتبدأها بانك تجبرني علي اني اقعد معاها غصب عني
زين بأندهاش:انتي ازاي تفكري اني ممكن اجبرك علي حاجه ومين اللي قالك اني انا اللي جبرت دانا علي الحجاب
تيا بعد ان رأت سيارة عاصي ومن خلفها سيارة عدي يقتربو :اهم وصلو لو انت صحيح مش هاتجبرني علي حاجه سيبني اروح الشاليه بتاعنا
زين بأندهاش مما تقوله:خلاص يا تيا عايزه تروحي ليهم اتفضلي و انا مش قصدي اجبرك علي حاجه علي فكره
لم تتكلم بل ولم تلتفت أليه وتوجهت اليهم وتركته مزهولا من حديثها الذي اثار غضبه
لتوقظه دانا من زهوله هذا
دانا :هوووووه انت روحت فين اميرتك مشيت خلاص دخل بقي معايا الشنط زين يا زيييييين
زين بغضب:ايه يا دانا خلاص سمعتك يلا خدي شنطتك وانا هادخل الباقي
//////////////////////////////
ذهبت اليهم سريعا ما وقفت امام الباب لحين يأتون اليها ترجلت غزل وغمزه من سيارة عاصي الذي حمل تلك العنيده ذات النوم الثقيل ليدخلها الي الداخل
غمزه: يبني تقيله عليك اقولك سيبها نايمه في العربيه لما تصحي لوحدها
عاصي :افتحي ياغمزه واخلصي مانتو جايبني معاكو عشان اشيل الشنط وعيالكو بالمره
غزل بعد ان دلف ابنها:ههههههههههه والنبي شكلهم حلو ياغمزه عقبال ما يشيلها وهي عروسته
غمزه:ههههه يا رب بس لو ربنا يهديه ويبطل يعاند عمه
تيا:مامي انتو بتقولو ايه
.
غمزه:ولا حاجه انتي سيبتي جوزك وصاحبتك
وجيتي يعني
تيا:يعني كنت هاقعد عندهم يعني واسبكم ولا ايه
غزل:عادي يا حبيبتي لوعايزه تقعدي مع زين اقعدي وابقي تعالي باتي هنا ده جوزك
تيا:لاء ماهو البيه ال عايزني انا وليا نقعد مع اخته هناك وانا قولتله مش هينفع
انضمت اليهم روقيه وهي تعطي طمطم الغافيه علي زراعها لغزل ومن خلفها الجد عبد الرحمن
روقيه:تيا ايه الطريقه أللي بتكلمي عن جوزك ببها دي
تيا:يا نانا انا
الجد:ممكن تدخلو الاول وبعدين نتكلم
دلفو جميعا الي الداخل وبعدهم دلف عدي وهو يحمل بوده
عدي :ايه مالكم في ايه
لتبدء تيا في سرد كل ماحدث امام الجميع
بدئت روقيه تغضب من حديثها هذا وتوبخها علي طريقتها
مع زوجها:خلاص كفايه انتي كل الكلام اللي قولتيه ده بيثبت انك غلطانه واسأتي الظن بجوزك وحتي ماديتلوش فرصه انه يثبتلك عكس كلامك ده
////////////////////////////////////
دلف الي الغرفه وهو مزال يحملها بكل حب وحنان ويرقدها في الفراش بكل رقه وجلس بجانبها ينظر اليها ويزيح بيده سلاسل شعرها البنيه من علي وجهها لتلامس انامله وجهها الذي يحفظ كل تفاصيله
بدأت تتململ تحت يديه وتفتح عينها ببطئ
لتشهق بشده عندما رأت وجهه
ليا:هاه ه ه انت بتعمل ايه هنا يا حيوان انت
عاصي بصدمه:هاكون بعمل ايه يا متخلفه يا ام لسان طويل انتي شايفه نفسك فين دلوقتي ايه ناسيه انك كنتي متنيله نايمه في العربيه
دانتي قطمتي ضهري ربنا يهدك يا شيخه
ليا بعد ان افاقت لكلامه:يخرب بيتك انت ازاي تسمح لنفسك
انك تشيلني ياض انت
عاصي:ياض طبعا وانا هانتظر ايه يعني من عبده المكانيكي اللي واقف قدامي ده
كادت مقلتيها ان تقتلع من عينها لما يقوله هذا العنيد عليها:انا عبدو المكانيكي يا قليل الزوق
عاصي وقد نجح في اثارة غيظها:هههههه طبعا اصل يعني منظرك بالعفريته اللي انتي لابساها دي مايديش غير علي كده يا عبدو المكانيكي يا بليه الصبي بتاعه يلا كملي نوم ياقطه سلام
ليشير لها وهو يخرج من الغرفه بيده
ليا:وهي تدب بقدمها الارض كده يا عاصي طب وربنا لوريك
/////////////////////////////////////
دلف بالحقائب اليهم ووجهه احمر بالكامل من الغضب القي بكل شيء من يده وجر حقيبته خلفه وبدء يصعد الدرج متجه الي غرفته
لتصيح دارين:زين اطلع غير هدومك وانزل افطر معانا ياحبيبي
زين بغضب:لاء انا هاطلع انام ومش عايز حد يصحيني
دارين:الله مالك بس طب كل ساندوتش حتي انت طول الطريق ماكلتش حاجه
زين:يووووه قولت مش عايز انا تعبان من السواقه وعايز اطلع استريح
صعد الي غرفته بغضب والتفتت هي الي ابنتها لتستفهم منها:هو ماله ايه اللي غيرو كده
دانا وقد رفعت كتفيها ليخفو عنقها كاملا وبسطت كفيها لها:علمي علمك يامامي انا خرجت عشان اخد معاه الشنط لقيته كده بعد ما تيا مشيت
دارين:وبعدين بقي هواحنا جايين ننبسط ولا نزعل من بعض
///////////////////////////////////
نزلت اليهم وجدتهم جميعا يوبخون اختها علي مافعلته جلست بجانب غزل لتفهم ما يحدث
ليا:هو في ايه مالكم كلكم بتسلخو في البنيه كده ليه
غزل:انتي صحيتي طب مش كنتي تصحي قبل ماتتعبي عاصي معاكي وتخليه يشيلك كل ده
ليا:الله ماتقولي في ايه الاول لتستمع الي جدها وهو يصيح
الجد:بس خلاص الموضوع اصلا منتهي وانتي يا هانم تقومي دلوقتي وتروحي تعتزري لجوزك
حتي لو قاصد انو يجبرك علي لبس الحجاب فداه حقه اظن انك مابقاتيش صغيره وكلها سنه ويبقي ليكي بيتك الخاص
وجوزك من حقه دلوقتي انه يحافظ عليكي بأي طريقه طلما في نظره الطريقه دي صح اتفضلي قومي يلا
تيا:بدموع طب خليها كمان شويه يا جدو هو زمانه نام دلوقتي
الجد بأمر:دلوقتي ياتيا انتي عارفه زين كويس لما بيكون غضبان من حاجه لبيعرف ياكل ولا حتي ينام
تيا وقد نظرت الي اختاها:طب هاروح اقولهم ايه بس
ليا:قوللهم انك جايه تاخدي حاجتك اللي في شنطته
تيا:طب تعالي معايا واقعدي مع دانا
نظرت ليا لوالدتها لتحثها الاخري علي الذهاب معها
غمزه:روحي مع اختك يا ليا وقولي لأنطي دارين انهم هايتغدو معانا هنا النهارده
ليصيح عاصي:اشطه يبقي سمك وجمبري بقي يا غمزه
الجد بتفكير :حلو تبقي اكلة سمك حلوه علي حسابي وانت اللي هاتروح تجيبها ياعاصي
عاصي بغضب:يا سلام واشمعني انا مايروح عدي
عدي وهو يهرب للاعلي:عدي مين يبني ده نايم بقاله ساعه
///////////////////////////////////////
ذهبو اليهم وأزحو باب الشليه الزجاجي ليجدوهم جالسين امامهم علي طاولة الطعام
دارين:اهلا بحابيب قلبي تعالو افطرو معانا بقي
ليا:انا فعلا حماتي شكلها كده هتحبني بتاكلو ايه
دانا:هههههههه تعالي يا طفسه كلي معانا وانتي يا تيا تعالي اقعدي يلا
تيا:هاه لاء انا مش جعانه اومال زين فين مش بيفطر معاكو يعني
دارين:والله يا حبيبتي مش عارفه ايه اللي غيرو فجأه وطلع اوضته وقال انه هينام عشان تعب من السواقه
تيا:طب عن اذنكو هاطلع اشوفه ماله واخد حاجتي اللي في شنطته
دارين : اتفضلي ياحبيبتي
كان قد شلح قميصه من عليه وجلس علي الفراش وهو عاري الصدر بغضب ينظر الي تلك الحقيبه التي فتحها امامه لتنفجر امامه ملابسها
استمع الي دقات متفرقه في اذنيه لا يعلم ان كانت هذه دقات قلبه ام دقات الباب وبدأت تعلو تلك الدقات لتخرجه من شروده
وانفجر كالبركان:قولت مش هاكل سيبوني اتخمد بقي
اتاه صوتها خائف مرتجف هامس: اانا تياممكن ادخل ولكنه لم يعطيها جواب
فافتحت الباب ببطئ ودلفت اليه وهي محنية الرأس واغلقت الباب من خلفها
ليصيح فيها بغضب:جايه ليه مش خايفه احسن اجبرك علي حاجه
مازلت منحنية الرأس ولم تجيبه ليصرخ فيها
زين:ماتردي عليا ماتنطقي جايه ليه
تيا وهي تظهر رجفتها منه وبدأت عبراتها تعرف طريقها علي وجنتيها:خ لا ص انا ها مشي لو جودي مضيئك
زين:استني عندك اتفضلي قبل ما تمشي خدي حاجتك من شنطتي عشان ماتضريش ترجعي تاني
نظرت اليه وهي مندهشه لما يقوله لها لتقطع قلبه تلك الاءلاء التي تسقطها تلك الماسات الخضراء
لكنها:همست بهدوء:ح ا ض ر
انحنت بجزعها امامه علي ركبتيهالتغلق الحقيبه ولكنها ابت ان تنغلق مثل الصباح
جلس بجانبها ولف الحقيبه اليه بغضب حتي يخرج منها ملابسه لتسطتيع اغلاقها ولكن شهقتها بدأت تعلو وتضعفه
ترك ملابسه من يده وجذبها بين زراعيه وضمها اليه بقسوه وهي تزيد من عبراتها التي تحرق صدره العاري تخرج الكلمات من ثغرها متقطعه
تيا:اااانا ا س فه
زين وهو يجلسها علي قدمه ويمطر وجهها بقبل رقيقه:بس خلاص اهدي وبطلي عياط
تيا:بس انت زعلان مني
زين:ايوه زعلان منك عشان مش بتثقي فيا ومعرفش ايه اللي خلاكي تفكري كده
تيا وقد تجرأت وقبلته هي في وجنته:انا اسفه يا حبيبي مش هافكر فيك ابدا بالطريقه دي تاني
زين:وهو يبتسم وانتي كده صالحتيني يعني
تفهمت مايقصده وقربت كرزتيها من شفتيه وهمست:طب عاوز ايه
زين وهو يقطفهم داخل فمه:انتي عارفه عاوز ايه
بعد فتره ليست بقصيره ترك شفتايه ليتجول براحه علي وجنتها نزولا الي عنقها وهو يعبث بيده في منحنايتها
الي ان احست بأنه بدأ يفقد السيطره علي نفسه فهبت واقفه من علي قدمه
تيا خلاص بقي صالحتك يلا بقي تعالي نفطر سوي انا جعانه
زين وهو ينظر لها بحب ويقف بجانبها:اه لو تعرفي انا بحبك اد ايه ماكنتيش هاتهربي من حضني كده
تيا:عارفه ومتأكده من حبك ده بس لازم اهرب منك دلوقتي بقي
كادت ان تجري من امامه الا انه قبض علي معصمها بيده وجذبها اليه مره تانيه
زين و هو ينظر الي ماستيها :قولتلك ماتخفيش مني انا عمري ما هاجبرك علي اي حاجه ولا اقدر اذيكي يا حبيبتي
تيا:مش خايفه منك بس ممكن تفهمني براحه انت عارف اني ساعات بتسرع في تفكيري وبقول حاجات غلط
زين وهو يجلس علي الاريكه ويجلسها بجانبه:لازم تفهمي اني يوم ماهاحاول اجبرك علي حاجه هاتكوني فعلا بتصرفي بتفكير غلط
ولازم تفهمي بردو اني مش انا اللي جبرت دانا علي لبس الحجاب ده بابا ولما قولتلك تلبسيه كان طلب ماكنش امر
تيا:طب ممكن تسيبني لما اقتنع لوحدي والبسه عشان مألعهوش تاني
زين وهو يداعب خصلاتها: حاضر يا حبيبتي ولو اني عايز اخبي كل حته فيكي لنفسي انا وادريها من عيون الناس
تيا:طب يلا بقي تعالي نفطر وهما زمانهم خلصو كل الاكل اللي تحت
زين:لاء يا حبيبتي كده شبعت اوي روحي انتي افطري وسيبني انام ساعتين كده وابقي تعالي صاحيني
تيا وهي تقبله في وجنته وتهرب بمرح:يا سلام انت تأمر يا عيوني
العاصي/2
((مغامرات أبناء العاصي))
البارت الثاني والعشرون
استيقظ في تمام الواحده ظهرا وقف في شرفة حجرته ليجدها تجلس امامه بمفردها علي البحر ابتسم بسعاده وقرر النزول اليها
وسريعا ماتحرك وخرج من حجرته نزولا علي الدرج ليصتدم بغزل
غزل:اه يخرب بيتك يا عدي بتجري كده ليه انت مش كنت نايم
عدي:معلش معلش يا حبيبتي اديني صحيت عديني بقي
غزل:طب مالك بتجري كده ليه
عدي : اصلي عايز اقعد علي البحر شويه
غمزه وهي تبتسم له:طب علي ماهلك يا حبيبي البحر قاعد مش هايمشي
عدي وقد خرج من امامهم:خليكو في حالكو شويه بقي
غزل:هههههههه هو ماله المجنون ده بيجري كده ليه
غمزه:تقريبا كده شاف البنات قاعدين علي البحر ورايح يقعد معاهم
/////////////////////////////
كادت ان تنقطع انفاسه وهو يلهث للوصول اليها ويهتف
بأسمها:دانا
اندهشت هي من منظره هذا وكادت ان تصرخ وهو يقذف بجسده نحو المقعد الممدود بجانبها
الا انه استمع لصراخ تيا من تحته
تيا:عاااااااا حاسب ياعم انت مش شايفني ولا ايه
عدي بغضب:ايه ده انتي هنا
تفاجئ بمن ترد عليه من الجهه الاخري
ليا: اه هنا وانا كمان موجوده اي خدعه يا ديدو
عدي وهو يعيد انتظام انفاسه:لاء يا ختي انتي وهي متشكر اوي ربنا يخدكم ويريحني منكم
لتصيح دانا:مالك ياعدي انت تعبان اقعد خد نفسك
نظر لها بكل حب وصمت لبضع ثواني
لتيقيظه يد تيا:عمو عمو عدي انت يابني ماتقعد بقي
عدي وهو يزجر تلك اللعينه:امك عايزكي جوه انتي وهي يلا روحو كلموها
ليا:اسمها مامتك ياعدي وبعدين هي هتعوزنا في ايه
عدي وهو يجذبهم من علي المقاعد:معرفش روحو شفوها عايزه ايه وتعالو تاني يلا يلا بدل ماتلاقوها فوق دماغكو هنا
تيا:الله طب متزقش كده روحي يا ليا شوفيها وانا هاروح اصحي زين
واخيرا تركو له المكان ليلتفت اليها حتي يتحدث معها ولكن لما الهروب يا من ملكتي قلبي
عدي:استني يا دانا رايحه فين انا عايز اتكلم معاكي
دانا وقد توقفت امامه بغضب:نعم عايز ايه في اتهام تاني حضرتك عايز تتهمني بيه
عدي بأندهاش:اتهام اتهام ايه ده
دانا:انت مش اتهمتني اني بنت مش محترمه جاي تتكلم معايا ليه دلوقتي
تذكر ما قاله لها في ساعة غضبه وامسك يدها يريدها ان تجلس امامه
عدي:طب ممكن تقعدي نتكلم وبعد كده كل اللي عندك قوليه
دانا:من فضلك سيب ايدي
عدي:انا اسف والله انا قصدي بس انك تقعدي عشان عايز اتكلم معاكي
جلست امامه علي المقعد المقابل له وهتفت:نعم افندم عايز تقول ايه
عدي وقد جلس امامها:عايز اقولك اولا اسف علي كل كلمه وحشه قولتها ليكي
انفرجت رصاصيتها وانفتح فاهها لأخره هل حقا يعتذر لها
ذلك المتعجرف الذي دائما مايثير غضبها
واكمل هو:ثانيا عايز اقولك مبروك علي الحجاب اللي زادك جمال فوق جمالك يا دانا
لم تقوي علي اخراج اي كلمه من ثغرها الذي لازال منفرج
ليكمل هو:تعرفي من ساعة ما شوفتك الصبح وانا عايز اقولك كل الكلام ده وعايز نرجع اصحاب تاني من غير مشاكل ولاخناقات بينا
داناوقد بدأت تفيق من تأثير كلامته:يا سلام كل ده حصل بمجرد انك شوفتني بالحجاب
انت عارف اني لابساه وان مجبره وعارف كمان ان انت السبب ان بابي جبرني علي لبسه
عدي:انا السبب ليه قصدي ازاي يعني انا السبب
دانا وقد وقفت امامه :لان يا استاذ يا محترم بابي شافك في الفرح وانت بتشدني وبتتخانق معايا
وسألني لما روحنا قولتله كل اللي حصل وانك قولت عليا الكلام الفارغ ده
فاببساطه اجبرني اني البسه يعني عاقبني انا بس عايزه اقولك علي حاجه البنت بتبقي محترمه بتربيتها واحترمها لنفسها واهلها
في بنات كتير اوي لابسين الحجاب ومش بيعملو بيه وفي بنات تانيه مش لابساه لكن بيراعو ربنا في تصرافتهم
عن اذنك يا استاذ عدي التفتت لتنصرف من امامه والعبرات تترقرق في عيناها
ولكنها انصدمت عندما رأت اخيها
يقف خلفهم ضامم يده خلف ظهره وعاقد حاجبيه بوجه متهجم
دانا:زين انا
زين بهدوء شديد وهو يكفف عبراتها بأنامله:انتي احلي وأجدع بنوته في الدنيا يا حبيبة اخوكي يلا ادخلي اغسلي وشك وحصلي مامي وتيا علي الشاليه بتاعهم
تركتهم وذهبت سريعا وجلس هو مكانها امامه ذلك الذي احني رأسه ليس خوفا منه
ولكن خجلا من كلامتها التي رجفت قلبه حزنا علي من تمني قلبه ان يفصح عن مافيه لها
زين بعنف:ممكن اعرف مالك ومال دانا ياعدي بيه
عدي بهدوء:مافيش يا زين انا كنت جاي اتأسف ليها عشان كنت قليل الزوق معاها شويه
زين: شويه بس لاء ياعدي انت كنت قليل الزوق جدا وانا بحذرك ياريت تحسن من اسلوبك معاها ومن اﻻحسن انك تبطل تتكلم معاها خالص
ثم هب واقفا ليذهب من امامه
ليوقفه عدي بكلاماته :انا بجد اسف يا زين بس صدقني انا كنت باعملها بالطريقه دي عشان بخاف عليها زي تيا وليا بالظبط
ولما شوفتها بالحجاب مكدبش عليك حبيت شكلها بيه اوي وقررت اعتذرلها عن كل الكلام الوحش اللي كنت بضيقها بيه
زين بهدوء ماكر: وهيا تهمك في ايه ياعدي عشان تحب شكلها بالحجاب اوحتي تخاف عليها زي تيا او ليا
عدي:انا مش هاخبي عليك يا زين لأن انت عندي زي عاصي اخويا وحمزه بالظبط والله انا بحبها وبخاف عليها
ومكنتش ناوي اتكلم مع حد او حتي اقول اللي جويا لأي حد غير لما ابدأ اشق طريقي وابني مستقبلي بأيدي
بس لما شوفت الشاب ده يوم الفرح وهو ماسكها في ايده وبيحاول يلمس ظهرها مقدرتش اسيطر علي نفسي غيرت عليها يازين وروحت شدتها من ايده
زين :انت قولت لدانا حاجه زي دي
عدي:لاء طبعا وعمري مافكرت اني ممكن اقولها كده من غير ارتباط رسمي
وده مش هايحصل دلوقتي علي الاقل بعد سنتين اكون في تانيه كليه وهي كمان تكون خلصت ثانويه ودخلت كليه بس واضح كده انها فعلا مش بتقبلني
زين:طبعا انا المفروض دلوقتي بعد الكلام اللي انت قولته ليا دلوقتي ده علي اختي اني اقوم اكسر عضمك
بس انا مش هاعمل كده عارف ليه عشان انت راجل ياض وانا عمري مااتمني لاختي واحد اقل منك ابدا
عدي:يعني هاتساعدني يازين
زين:وعايزني اساعدك في ايه بقي ان شاء الله
ايه اروح اقولها عدي بيحبك حبيه والنبي ومتزعليهوش اصله مش عايز يخطبك الا لما يبقي دكتور
عدي بضحك:ههههههه لاء طبعا اوعي تقولها اصلا حاجه ذي دي
وبعدين مانا لسه بقولك مش هستني لما اخلص كليه هما سنتين بس
وبعد كده هقول لعاصي يخطبهالي انا بس عايزك تصالحنا علي بعض ولو عايزني اعتذر لعمو احمد كمان هاعتزر ليه
زين:وهتقدر تقوله كل الكلام اللي قولته ده
عدي:مش انت هتبقي معايا لو هتبقي معايا هقدر اقوله
زين:خلاص يا عدي لما يجي بابا عاصي هانقعد الاول ونتكلم وهاصالحك علي دانا بس منغير نحنحه ياض فاهم هههههههههه
عدي:ياعم اتنيل مانا لو ليا في النحنحه كان ده بقي حالي ههههههههههه
واذا بهم يجدو هذا المشاكس قد ظهر لهم والفتيات من خلفه
عاصي:بقولكو ايه حلو عني بقي انا مش هاروح اجيب السمك
تيا:يعني ايه مش هاتروح مش جدك هواللي قال انت اللي تروح
عاصي:واشمعني انا اللي اروح هو انتو جايبني معاكو عشان ابقي عبدو مشاوير بتاعكو مش كده
ليا:الله يخرب بيتك لبيت عبدو اللي انت مبهدله معاك في كل الشغلانات ده يابني حتي الاكل هتعند فيه
عاصي:اتلمي يا ليا ولمي لسانك بدل ما اقصهولك بالمقص قولتلكو مش هاروح يعني مش هاروح
ليصيح عدي بمكر وهو يغمز لزين:خلاص ياعم هاروح انا بطل غلبه بقي بت يا ليا تيجي معايا نروح نجيب الاكل سوي
ليا:اشطه عليك ياديدو يلا بينا بس تجبلي ايس كريم معاك
عدي:يا سلام انتي تأمري يلا بينا خليك انت بقي هنا ايها اللعين عليك اللعنه وتركه وذهب وهو يلف ذراعه حول عنقها ويضحك
عاصي بوجه غاضب: خسئت ثقلتك امك
زين وهو يضحك:ههههههههههه امه دي تبقي جدتك ياض تيا هي دانا فين
تيا :عند حمام السباحه بتلاعب بوده وطمطم
زين: طب تعالي نروح ليها وانت بقي اقعد خدلك تان هههههههههه
////////////////////////////////
ذهبو الي الجهه الاخري من الشاليه وهو يلف ذراعه حول كتفها ويضمها اليه بحب وجدهم جميعا يجلسون امامهم
فضالي:اهلا بالعرسان انشالله تكونو مبسوطين
زين وقد جلس بجانبه:طبعا ادام انت موجود معانا يا حبيبي لازم نبقي مبسوطين
روقيه:يا واد يا بكاش انت بقي انت مبسوط عشان جدك هو اللي معاك بردو
دارين:ههههههههه عديها بقي يا ماما روقيه ماشيها عشان جدو
زين وهو يجذب زوجته بجانبه:الله انتو هاتقسمو علينا ولا ايه طبعا مبسوط ان جدي معانا وانا ليا بركه غيرو
بس ده مايمنعش يعني اني فرحان وطاير من السعاده كمان عشان حبيبتي معايا وضمها اليه بجراءه
تيا بخجل من نظارتهم وجراءة زوجها: طب طب انا هاروح لدانا نلاعب العيال بقي
وجرت سريعا من جانبه قبل ان يمسك بها
غمزه:ههههههههه البت دي هيجري ليها حاجه من كتر الكسوف يابني بطل جرأتك دي شويه بقي
فضالي:تعرف يا واد يازين كل ما ابصلك اشوف قدامي العاصي ابني بكل ترصفاته
غزل:اومال فين الباقين
زين:عدي وليا راحو يجيبو السمك وعاصي قاعد علي البحر
فضالي:هو بردو عند في دي كمان ومسمعش كلامي وراح هو
زين:خلاص بقي يا جدي سيبو براحتو
غزل:ماهي ليا لو كانت قالتله انها هاتروح معاه زي عدي كان رضي وراح
زين:بس هي ماقلتش لعدي ده هو اللي لما لقاه مصمم
مايروحش قاله خلاص انا هاروح وقالها تعالي معايا فراحت معاه
غزل: طب انا هاروح اقعد معاه وتركتهم وذهبت اليه وجلست امامه
غزل: وبعدين معاك يا اسم علي مسمي انت
عاصي:في ايه يا ماما مالك جايه علي اخرك كده ليه
غزل:منك ومن تصرفاتك الهابله دي يابني هتستفاد ايه بس وانت بتعاند في الكل كده
عاصي:انا معاندتش حد يا ماما كل ده عشان مارديتش اروح اجيب الغدا ماهو عدي باشا راح واخد معاه الهانم
غزل:طب وماروحتش انت ليه واخدتها معاك
عاصي بتريقه : اه اصلها كانت هترضي
غزل:ماهو طول مانت بتعاملها بالطريقه دي عمرها ما هترضي يا عاصي
يابني لو انت صحيح بتحبها يبقي لازم تسمع كلام ابوك وعمك وتطيعهم شويه
عاصي بغضب: وهما ليه مايعملوش معايا زي ما عملو مع زين ومتقوليش زين خلص كليته وبقي ظابط انا حفظت الجمله دي خلاص.
غزل:مش هقولك كده بس هقولك عمك قالك ادامك سنه تقدر تثبت ليه فيها انك قد المسئوليه وانك تشتغل معاهم ويعلموك كل حاجه لكن انت بقي ناوي تضيع الفرصه دي من ايدك
خليك كده لحد مايجي واحد راجل بجد يملي عينه ويخدها منك
اشتعل وجهه بالكامل بحمرة الغضب واذا به يقف امامها ويصرخ في وجهها:قسما بالله لو حد قرب من ليا لكون قاتله وجايب ليكو مصيبه
ليا دي بتاعتي اناومحدش هايتجوزها غيري ماشي يا ماما ثم تركها سريعا وجري الي غرفته
//////////////////////////////////////
كانو الاطفال يمرحون في سعاده امامها في حوض السباحه
ولكنها كانت مغيبه تماما عن رؤيتهم وعبراتها تسترسل علي وجنتها
ولا تشعر بمن تجلس بجانبها الا وهيا تلامس وجنتها بأناملها لتجفف لألأها.
تيا:مالك بس يا دانا مانتي كنتي كويسه بتعيطي ليه
دانا:هاه مش عارفه يا تيا بس انا حاسه ان نفسيا تعابنه حاسه اني هايجلي اكتئاب والله
تيا :اكتئاب مره واحده كل ده عشان الحجاب
دانا:لاء بالعكس مش الحجاب انا حتي خلاص حبيته واقتنعت بيه
تيا:طب هوعدي زعلك تاني ولا ايه
دانا:عدي بالعكس ده النهارده ولاول مره يكون لطيف معايا
واعتذر علي كل الكلام الوحش اللي كان بيقوله ليا وكمان باركلي علي الحجاب وقالي اني حلو اوي فيا
تيا:طب انتي المفروض تكوني مبسوطه مش زعلانه كده
دانا: انا زعلانه عشان انا اللي كنت قليلة الزوق معاه وقولتله اني مش قابله اعتذراه وكمان ولكنها صمتت ولم تكمل
تيا :كمان ايه كملي
دانا:مش عارفه يا تيا والله مش عارفه انا كان ممكن اقبل اعتذاره عادي لكن مش عارفه ايه اللي خلاني اقوله الكلام ده
تيا بهمس: بس انا شكلي كده عرفت
دانا:عرفتي ايه طب قوليلي
تيا:انتي معجبه بعدي يا دانا في حاجه كده شداكي ليه
داناوقد نظرت امامها بشرود:وتنهدت بقلة حيله بتقولي ايه بس ده انا وهو مش بنتفق علي حاجه ابدا انا وهو ديما عاملين زي القط والفار
تيا بضحك:ههههههههههه ماهو ديما بيبتدي كده يا عبيطه اسأليني انا
العاصي/2
((مغامرات أبناء العاصي))
البارت الثالث والعشرون
حضرو اليهم بوجبة السمك الدسمه وبدؤ النساء في وضع الطعام علي السفره
بينما امسكت ليا بغزل لتسألها عن هذا المشاغب وهي تأكل الايس كريم
ليا:اومال فين ابنك يا ست غزل مش شايفه يعني
غزل بمكر:نايم فوق يا ليا بقولك ايه ما تطلعي تصحيه
ليا:لاء ياختي وانا مالي احسن يقوم يضربني يطلع جننوته عليا
غزل:يابت مش هايضربك روحي صحيه براحه انتي بس وهو هيقوم معاكي
ليا بتفكير: ماشي هاروح اما اشوف اخرتها
غزل بعد ان ذهبت من امامها:اخرتها خير انشاء الله ربنا يهديكم لبعض
//////////////////////////////الا بذكر الله تطمئن القلوب
صعدت اليه ودقت الباب وفتحت ودلفت بعد ان لم يأتيها رده
ولكنها لم تجده بالغرفه فدلفت الي الشرفه
ولكنها ايضا لم تجده فوقفت في وسط الغرفه واضعه يدها بجانب خصرها وهي تكمل اليس كريم وهتفت
تيا:الله هو راح فين ده ولكنها انتفضت في وقفتها حين اتاها صوته من خلفها
عاصي:انا هنا علي فكره انتي بتدوري عليا
كان خارج من مرحاض غرفته لافف منشفته حول خصره وعضلات صدره تلمع من تناثر لماء الذي يتساقط من شعره الناعم الذي بدء يزداد طوله
التفتت اليه لتراه هكذا وتصنمت مكانها
ليا:ااااانت ايه ده خضتني علي فكره
عاصي:نعم خضيتك انتي جايه اوضتي تدوري عليا
ولما تشوفيني تقولي خضيتك انتي هابله يا بت
ليا:لم لسانك انا كنت جايه اصحيك عشان تاكل معانا افتكرتك نايم زعلان
لكن انت بقي صاحي اهو ولا علي بالك
عاصي وقد بدء يتقرب منهاوبهدوء:طب وانتي يهمك في ايه ازعل ولا مزعلش قلبك عليا اوي ياختي
ليا بتوهان من سحر عينيه:هاه يعني انا انا
عاصي بهمس :انتي ايه ما تنطقي بتعملي فيا كده ليه رايحيني وقوليها بقي
ليا:هي ايه دي اللي اقولها اوعي عديني عايزه انزل
عاصي: مش هاتنزلي الا لما تتكلمي رسيني علي بر بقي يا ليا
ليا:بر ايه انا مش فاهمه حاجه اوعي ماينفعش تقف قدامي كده
عاصي:ليا احنا هانفضل لحد امتي كده في النقار ده انا نفسي نقرب من بعض شويه وماتقوليش انك مش فاهمه عشان انتي ابوكي مفهمك كل حاجه
ليا:طب بزمتك ينفع تكلمني وتستجوبني وانت واقف بالمنظر ده قدامي عديني اخرج وبعدين نبقي نتكلم
عاصي:لاء مش هاعديكي الا لما تتكلمي
ليا:عديني يا عاصي احسنلك
عاصي وقد حاصرها بيديه:قولتلك انطقي وانا اعديكي
تيا:كده طب انت حر بقي واذا بها تغمس بسكوته الايس كريم في وجهه وتتملص من بين يديه وتجري الي الخارج قبل ان يمسك بها
وهي تضحك بشده وتهتف: ههههههه اتفضل ادخل استحمي تاني بقي وابقي انزل كل معانا
عاصي بغضب: ماتبقيش تزعلي بقي لما اكسر عضمك
/////////////////////////اذكرو الله
جلس الجميع علي طاولة الطعام ونزلت هي اليهم وهي تضحك بشده
لينتبهو لها جميعا ويوقفها زين بنظراته المستفهمه:الله انتي نازله بتضحكي علي ايه كده يا بت انتي ماتضحكينا معاكي
ليا بخوف منه:ايه يا عم انت ما فيش حاجه انا كنت بشوف عاصي عشان يجي ياكل معانا
زين :والله وعاصي بقي قالك ايه ضحكك كده
نظرت الي توؤمها التي تقف خلفه حتي تنقذها من هذا المأزق فأمسكت يده وهتفت
تيا:زين تعالي يلا عشان نتغدي تعالي اقعد جانبي
نظر اليها بحب وجذبها تحت زراعه
زين يلا يا حبيبتي ثم نظر الي الاخري بريبه وجلس بجانبها
وجلست ليا بجانب دانا التي كانت تجلس مقابل عدي الذي تحاشي النظر لها وهذا ما كان يؤلمها جدا
وبدء الجميع في تناول الطعام ونزل اخيرا هذا العاصي العنيد وجلس امامها
وحين رأته بدءت تفقد سيطرتها علي نفسها وتضحك نظر اليها بتوعد و هو يبتسم ويفرك لحيته
ليهتف الجد:طب ماتضحكونا معاكو بدل مانتو ماسكين نفسكو بالعافيه كده
لتنفجر ليا من الضحك وهو ايضا بدء يضحك بشده علي ماتفعله به تلك الشقيه
غزل:ربنا يبسطكو كمان وكمان بس ياريت تاكلو بقي
روقيه:سيبوهم يضحكو براحتهم احنا بقالنا كتير مش شوفناهم بيضحكو كده
عاصي:ايه جماعه مافيش حاجه والله عادي يعني
زين بغضب:وايه هوالعادي ده بقي يا عاصي بيه اللي مخليكو مش قدرين تمسكو نفسكو كده
عاصي:الله وانت ايه اللي مزعلك كده واحد وبيضحك مع بنت عمه اظن ده ميزعلش حد
فضالي:لاء طبعا يا حبيبي واحنا يعني عايزين ايه غير انك تبطل عند ووترجع تهزر وتضحك الكل تاني
عاصي:يا لهوي يا جدي هو اناكنت كئيب اوي كده
بوده بمرح:كئيب بس دانت عامل زي البومه ههههههههههه
ضحك الجميع علي ماقاله ذلك الطفل اللعين
عاصي: بس ياض انت الله مالك ياعدي مابتكلمش يعني ولا بتقسم عليا انت كمان
لم يرفع عينه من امام طبقه ورد بكلمه واحده
عدي:باكل
عاصي:يا ساتر طب حتي بوصلي يا اخي وانت بتاكل
عدي بانفعال غير مبرر:مش عايز ابص لحد يأخي انا حر
واذا بها تلقي ملعقتها وتقف من علي مقعدها
دانا:الحمد لله
غمزه:انتي ملحقتيش تاكلي حاجه ياحبيبتي
اقعدي كملي اكلك
دانا: شبعت والله يا انطي مامي انا هاروح اقعد علي البحر شويه عن اذنكو
دارين:هاتروحي لوحدك يادانا استني لما نخلص اكل ونروح كلنا سوي
دانا:هاسبقو انا علي بال ماتخلصو وخرجت امام عينه
نظر هو لزين اللذي وضع يده اسفل زقنه ونفخ بغضب
ليقف هو الاخر من علي مقعده ويصعد امام اعينهم الي غرفته
روقيه:الله وانت كمان قومت ليه يا عدي
عدي بغضب:شبعت يا ماما شبعت
غزل:هما العيال دول مالهم احنا مصدقنا
واحد يضحك يقوم التاني يزعل كده
زين :الحمد لله انا كمان كلت تيا انا هاروح اقعد مع دانا وانتي كملي اكلك وابقي تعالي
تيا حاضر
///////////////////////////////سبحان الله والحمد لله ولا اله الا الله
صعد الي غرفته وهو منفعل من نفسه دلف الي شرفته ليراها تجلس امامه علي البحر وهي حزينه
بدء يجزب خصلاته ويشدد عليها يكاد يقتلعها بين يديه وهو يسب نفسه علي ما يفعله بها وبنفسه
عدي:غبي غبي هتفضل طول عمرك غبي هتضيعها من ايدك بتصرفاتك دي يا حمار
////////////////////////////////
كانت تجلس علي المقعد امام مياه البحر الاحمر الفيروزيه تخفي عيناها الممتلئه بنظارتها الكبيره بالعبرات وتضم يدها الي صدرها
جلس بجانبها اخيها الحنون وامسك يدها بين راحة يديه وابتسم لها وهو يقول
زين:دانا
دانا:نعم يا زين
زين: مالك يا حبيبتي انتي مش عجباني خالص
دانا:مافيش حاجه انا كويسه
زين:لاء انتي مش كويسه انتي مش انتي اصلا دانا اختي الشقيه اللي مش بتبطل هزار ولا شقاوه
واكمل بمكر: لو الحجاب اللي مزعلك اوي كده انا هاكلم بابا واقوله يسيبك تقلعيه
دانا بلهفه:لاء يا زين اوعي تقوله اصلا انا خلاص اقتنعت بيه وحبيت شكلي فيه
زين:بجد طب براڤو عليكي بس يا تري ايه السبب اللي خلاكي تغيري رأيك انتي لحد ما كنا في الطريق الصبح وانتي زعلانه ايه اللي حصل بقي
دانا ببتاسمه بسيطه: عادي يعني يا زين لقيت الكل فرحانين بيا وبيقولو انو شكلي حلو فيه
زين:الكل دول اللي هما مين بقي ماكلهم كلموكي قبل مانركب العربيه وانتي كنتي مكشره بردو ولا في حد تاني كلمك
دانا بصدمه: هاه لاء مانا فكرت في كلامهم وعجبني بصراحه
زين :كده ماشي انا يعني يهمني ايه غير اني اشوفك احسن بنوته في الدنيا وتكوني مبسوطه يا حبيبتي
ليتفاجيء بصوت تيا من خلفه:شوفت اهو انت اللي بتخلف وعدك اهو
زين وهو يتصنع الخوف:يا لهوي انتي هنا من امتي
تيا:من ساعة ماكنت بتقول لدانا يا حبيبتي عشان ماتزعلش بقي لما اروح اقولها لعدي
زين وهو يجلسها بجانبه:مين قال يا حبيبتي هو انا اقدر اقولها غير لتيا حبيبة عمري بردو
ضحكت دانا عليهم وهي تقول:ههههههههههه بقي كده بعتني في لحظه ماشي يا خويا ربنا يهنيكو ببعض
تيا: ههههههههههه واخيرا ضحكتي
اشعل سيجارته وهو جالس معهم وهتف
زين:طب بقولكو ايه ماتيجو ننزل المايه شويه دي شكلها تحفه
تيا وهي تجري للداخل: لالالا الا الفكره دي
زين بضحك:خدي ياجبانه تعالي ماتخافيش ههههههههه
دانا:ههههههههه ماتحولش دي اكتر حاجه تيا بتخاف منها
زين:ههههههههه لاء ماتخافيش انا ناوي ابطلها الخوف ده
اتت اليهم ليا بعد ان اصتدمت بتوؤمها وكادت ان تسقطها
ليا:هي مالها بتجري كده ليه
دانا: اصل زين اقترح عليها تنزل المايه معاه
ليا:مين دي تيا ماتحولش يا معلم هي كانت مره ومتهايئلي مش هتكررها تاني
زين: طب وانتي بقي ايه اللي باسطك كده
ليا :مافيش يازين انت مالك مركز معايا كده ليه
زين بجديه:بت انتي اتعدلي احسنلك وماتنسيش الكلام اللي ابوكي متفق معاكي عليه ولا انتي مش عايزاه يتعدل .
احنت رأسها للاسفل عندما علمت انه علي علم بهذا الاتفاق.
لتصيح دانا:انتو بتكلمو عن ايه ماتفهموني
ليا:مافيش حاجه يا دانا ليراه هو قادم اليهم وهو مبتسم
زين :اهو جاي اهوه اما اشوف بقي هاتعملي ايه
ليا: خلاص بقي يا زين ماتخفش هاعمل اللي بابي قايل عليه
زين:اما اشوف يا ليا ولازم تفهمو انتو الاتنين ان عيني عليكو
دانا:الله وانا مالي انا اذا كنت مش فاهمه حاجه اصلا
عاصي: ايه قاعدين ليه انا قولت هالقيكو نزلتو المايه
زين:مانا بقولهم كده مش راضين هما لسه بيتغدو ولا ايه
عاصي: لاء خلصو بس انا هربت من جدك بيدور علي حد يلاعبه طاوله
ليا:حتي دي مقدرتش تسد فيها وهربت
نظر اليها بعدم فهم وغضب مما تفوهت به
ليقول زين:طب انا هاروح اقعد معاه
دانا:استني انا هاجي معاك اشوف تيا
وبعد ان ذهبو: جلس هو امامها بغضب وهتف
عاصي:انتي مش هاتبطلي طريقتك دي يعني
ليا:طريقة ايه انت مالك بتزعق كده ليه
امتص غضبه بصعوبه وهو ينظر لها وتحدث بهدوء:في ايه يا ليامالك ايه اللي قلبك مره واحده كده
ده انا ماصدقت اننا نرجع نهزرتاني ونبقي كويسين مع بعض.
ليا:وانا ايه اللي هايغيرني بقي ان شاء الله غير تصرفاتك دي
عاصي:تصرفات ايه هو انا لازم اعمل كل حاجه عشان ابقي كويس في نظركو
ليا:هو انت بتعمل حاجه خالص انت كل حاجه بتتهرب منها كل ما حد يطلب منك حاجه تقول لاء انت اسم علي مسمي بجد
عاصي وقد تملك منه الغضب:طب لمي لسانك بقي احسنلك انا اصلا لسه مش حاسبتك علي حركة الايس كريم
ليا وقد وقفت من امامه:ولا تحاسبني ولا احاسبك انا اصلا سايبهالك وماشيه
ليجذبها من يدها يجلسها مره ثانيه
عاصي:اقعدي هنا بت انتي انتي هاتلاعبيني ولا ايه مش هاتمشي من هنا الا لما ارسي معاكي علي بر
ليا: اه بر ايه سيب ايدي لاحسن هنده ليك زين والله
عاصي:الله انتي كمان هاتخوفيني بزين وعامله فيها مش فاهمه حاجه
لاء انتي فاهمه كل حاجه وابوكي هو اللي قالك تعامليني كده صح بس انا عارف كويس اوي بقي اني بحبك وانك بتاعتي بتاعتي انا لوحدي
ليا:من فضلك ماتكلمش عن بابي بالطريقه دي
وانت اللي لازم تفهم اني مش بتاعت حد
ويوم ما افكر احب او اتخطب يبقي لرجل يقدر يتحمل المسئوليه مش لعيل مش قادر حتي يتحمل مسئولية نفسه
اخرسي:واذا بها تتلقي صفعه علي وجنتها تميلها علي مقعدها
عاصي:نفس كلام ابوكي دلوقتي بس اتأكدت انه قايلك كل حاجه
بس انتي بقي اللي لازم تفهمي انك بتاعتي غصب عن اي حد وعنك انتي كمان
مش بعد ما اقولك اني بحبك تعيديلي كلام ابوكي تاني ويوم ماتفكري تحبي ولا تتخطبي لواحد غيري هايكون موتك علي ايدي
وعالله يا ليا تتحركي او تروحي حته من غير ما كون عارف انتي فين ومع مين انتي فاهمه
ليا بصراخ:لاء مش فاهمه ومش هاسمع كلامك انت ملاكش انك تضربني اوتجبرني علي حاجه
عاصي وهو يشدد علي معصمها:انا الوحيد اللي ليا الحق في كل حاجه
وابقي روحي قولي لزين اللي بتخوفيني بيه ولا اقولك روحي اتصلي بابوكي وقوليله كمان يلا مستنيه ايه قومي من وشي
وقفت من امامه وهي تبكي بشده وتفرك يدها وجرت لداخل الشاليه
ولكنها التفت من الباب الخلفي عندما رأت جدها يجلس مع اخيها يلعبون الطاوله سريعا ما صعدت الي غرفتها وهي تبكي بشده
ولكنهاوجدت اختها وصديقتها يلعبون مع طمطم
اندهشو من شكل وجهها عندما رأوها
وصاحت تيا:ايه ده مالك ايه اللي عمل فيكي كده
ليا:مافيش حاجه يا تيا سيبيني انا عايزه انام
دانا:تنامي ايه انتي مش شايفه وشك عامل ازاي من اللي ضربك كده
تيا:هو عاصي ضربك تاني ياليا هو اللي صوابعه معلمه علي وشك كده ردي عليا والله لا اروح اقول لجدو وزين عليه
ليا بخوف:لاء يا تيا اوعي تقولي لحد من فضلكم مش عايزه حد يعرف ولحد يسألني حتي سيبوني انام بقي
العاصي/2
رواية((مغامرات ابناء العاصي))
البارت الرابع والعشرون
مامي يامامي تعالي اقولك حاكه:صاحت بها الصغيره وهي ممسكه بفستان والدتها
غزل:مالك يا طمطم في ايه
دارين:مالك يا حبيبتي خايفه كده ليه
طمطم:يامامي عايسه اقولك حاكه سل
غمزه:ههههههه انتي عندك سر ده السر يجي لحد عندك انتي ويبقي فضيحه ههههههه
لتصيح الجده:استنو يا بنات اما نشوف البنت مالها
طمطم ببكاء:لاء انا عايسه قول لمامي بس
غمزه:الله طب خدي بنتك ياغزل شوفيها مالها
حملت غزل الصغيره واتجهت بها الي غرفتها وجلست بها علي الفراش:ادينا بقينا لوحدنا قوليلي بقي بتعيطي ليه وسر ايه ده اللي عايزه تقوليه
طمطم:عاثي ضلب ليا بالقلم علي وثها تاني
غزل بصدمه:ايه ليه يا طمطم انتي شوفتيه وهو بيضربها
طمطم:لاء بث هي جات من البحل وتيا شافتها هي ودانا
وقالت ليهم مس يقولو لحد وفضلت تعيط كتيل وانا جيت اقولك
غزل بتفكير:براڤو عليكي يا حبيبتي انك وماقولتيش قدامهم حاجه تعالي اغسلي وشك ونروح نشوفها
///////////////////////////////سبحان الله وبحمده سبحان ربي العظيم
ذهبت اليها وجدتها نائمه علي الفراش واضعه رأسها علي قدم اختها ودانا تجلس امامها
غزل:ليا مالك يا حبيبتي ايه اللي حصل تاني بس
تيا:انتي عرفتي ياغزل شوفتي الحيوان ابنك عمل ايه
ليا:اسكتي يا تيا هو معملش حاجه
دانا:لاء يا انطي عمل انتي شكلك عرفتي من طمطم اصلا ولازم بقي حد يوقفو عند حده مش كل شويه يمد ايده عليها
غزل:طب ممكن تسيبونا لوحدنا عشان اقدر افهم ايه اللي حصل وياريت ماتقولش لحد حاجه وانا هاتصرف
تيا:ماشي ياخالتو اما نشوف بقي هاتعملي ايه
وترجلو خارج الغرفه اخذين تلك الصغيره معهم
جلست غزل مكان تيا واخذت ليا بين زراعيها
غزل:قوليلي بقي يا حبيبة خالتو الحيوان ده عمل كده ليه
ليا ببكاء: عشان قالي بحبك انتي بتاعتي وانا قولتله انا مش بتاعت حد
ويوم ماهاحب واتخطب يبقي راجل يتحمل المسئوليه مش لعيل مش قادر يتحمل مسئولية نفسه
وبيهرب من اي حد يطلب منه اي حاجه راح ضربني وقالي
اخرسي ويوم ماتفكري تتخطبي لحد غيري هاكون قاتلك
وهددني اني لوروحت مع اي حد في اي حته منغيرماقوله هيضربني تاني
غزل:طب وانتي ليه قولتيله كده يا ليا انتي مش بتحبيه زي ما هو بيحبك
ليا وهي تغمر وجهها بين زراعي خالتها: بحبه بحبه اوي يا غزل
بس هو مش عايز يتغيرعايز يفضل طول عمره كده كل حاجه تجيله علي الجاهز زي ما بابي بيقول عليه
غزل:كان ممكن تغيريه بطريقه تانيه غير انك توقفي قصاده كان ممكن تخليه يحبك اكتر واكتر ويعمل كل حاجه علشانك بدل ما يضربك
ليا وهي تبتعد عنها:يعني انتي مش عارفه ابنك يا غزل مش عارفه انه كل حاجه بيتجيلو بالساهل بياخدها ولما بيزهق منها برميها ولا انتي ناسيه طريقة ابنك يعني
غزل:لاء ياحبيبتي مش ناسيه بس انتي مش اي حاجه انتي حبيبته وهتبقي مراته واي حاجه هاتقوليله عليها مش هيرفضها
بالحب يا ليا مش بالعند ماتبقيش عنيده زي مامتك
ماتعمليش زي ماهي كانت بتعمل مع بابكي زمان
ليا:لاء بعد اللي عمله النهارده انا ماليش دعوه بيه وعمري ماهكلمه حتي لو اتغير عمري ماهوافق علي خطوبتي ليه اصلا انا بقيت اكرهه
غزل: بجد طب عيني في عينك كده طب بصي انا عايزكي تخاصميه وماتقعديش معاه واعملي كل اللي انتي عايزه
هاتلاقيه هو اللي هيتجنن عشان يصالحك ماشي ياقلب غزل
ليا:ماشي ياغزل
////////////////////اللهم صلي وسلم علي سيدنا محمد
كان خارج من غرفته وجهه يظهر عليه الارهاق
وما كان ينقصه ان يراها امامه مع ابنة اخيه الان
ولكن لماذا تظهر علامات الغضب علي وجههم لماذا هما الاثنتان حزينتان بهذا الشكل
عدي مستفهما: الله مالكم انتو الاتنين شكلكم عامل كده ليه في حد دايئكم ولا ايه
تيا :مافيش مافيش يا عدي
دانا:عن اذنكم انا هاروح الشاليه بتاعنا وانتي يا تيا لما ليا تصحي ابقي هاتيها وتعالوباتو معايا
عدي:استني يا دانا هاتمشي ليه لو انتي لسه زعلانه انا بتأسفلك تاني ويا ستي لو مديأه من وجودي اوي كده انا ممكن انزل مصر دلوقتي حالا وانتي تبقي مبسوطه
دانا:لاء يا عدي انا مش زعلانه منك خلاص محصلش حاجه بس عايزه ارتاح شويه عن اذنكو وتركتهم وذهبت
عدي : الله هي مالها ياتيا وانتي كمان مالك في ايه
تنهدت بقلة حيله وهي تتحرك من امامه: مافيش يا عدي مافيش
عدي: مافيش ايه خدي يا بت هنا كلميني زي مابكلمك
////////////////////////////اذكرو الله
صعد الي غرفته ووجهه يكسوه الغضب ولم يتحدث مع احد وقبل ان يغلق باب غرفته وجد من تدلف له وهي تزجه للداخل بشده
عاصي:الله عايزه ايه يا ماما انا مش ناقص وعلي اخري دلوقتي
غزل وقد تملك منها الغضب: عايزه اردلك حاجه اديتها لبنت عمك يابيه يا محترم واذا بها تصفعه علي وجهه بشده
ليتفاجئ هو من فعلتها هذه ويضع يده علي وجنته
عاصي:انتي بتضربيني يا ماما
غزل :اه لما اردلك انا القلم ده احسن ماعمك هو اللي يرده ليك
او الاقي زين ماسك فيك هو عدي انت ايه يابني غبي ولاصايع ومش لاقي حد يلمك
جلس علي فراشه واحني راسه للاسفل ولم يتحدث واذا بها تلقي عليه اوامرها
غزل: يكون في علمك كل الكلام اللي قولته ليا ده مافيش حاجه منه هتتنفذ ملاكش دعوه ببنت اختي ياعاصي
مش انا اللي كنت بقولك نفسي تكونو لبعض انا نفسي دلوقتي بقولك عمري ماهرضي ان ليا تكون ليك
انت واحد همجي وعربجي وبنت العاصي وغمزه عمرها ماهتكون الا للي يعرف قيمتها ويعاملها زي الاميرات
عاصي: هي اللي اضطرتني اعمل كده يا ماما هي اللي استفذتني
غزل: نفس الحجه بتاعت كل مره واهي خلاص كرهتك افرح بقي
هي اللي قالت انها مش عايزك بعد ما كانت بتحاول تقرب منك لكن حضرتك بقي خليتها قطعت كل امل في انك تتغير وتشيل مسئوليه
عاصي بصوت مرتفع:مسئوليه مسئوليه ايه هو انتو كلكو مافيش عندكو
غير الكلمه دي ايه هو مافيش غيري يشيل المسئوليه ماعدي اهو ادمكو زي ومن سني ولا انتو مش وخدين بالكو غير مني انا وبس
غزل:اخرس ماتجيبش سيرة عدي علي لسانك انت عارف كويس اوي ان عدي هو اللي شايل الوكاله مع جدك
وابوك وعمك بيتابعوه من بعيد لكن حضرتك بقي مابتخدش بالك من حد ولا من حاجه غير نفسك وبس
لاخر مره هاقولهالك يا عاصي ملكش دعوه بليا انت فاهم
عاصي:وانا هاقولهالك تاني يا ماما انا عمري ما هبعد عن ليا ليا دي بتاعتي انا وبس واللي عنده حاجه يعملها
انا كنت طالع الم حاجتي تاني وارجع مصر لكن بعد اللي انتي قولتيه ده انا مش هامشي من هنا غير وهي راجعه معايا
زي ما جيتو معايا وتتعدل معايا ويأما هي دي هتبقي طريقتي معاها
غزل:كده يا عاصي طب وديني وما اعبد لنا قايله لبابك وهو بقي يتصرف معاك
/////////////********اللهم انك عفو تحب العفو فاعفو عنا
استيقظت من غفوتها وجدت نفسها نائمه بين احضانها تملس علي شعرها الناعم وتربط علي وجنتيها براحه يدها
ليا:مامي انتي بتعملي ايه هنا ليه مش نايمه في اوضتك
غمزه:نوم ايه لسه بدري علي النوم انا جيت اطمن عليكي ياحبيبتي مالك يا ليا في حد زعلك تاني ولا ايه
اعتدلت جالسه بجانبها ونظرت لها بخوف
ليا:لاء مافيش حد زعلني ولا حاجه ليه حضرتك بتقولي كده
غمزه:اومال الدموع اللي مغرقه وشك وانتي نايمه دي ايه بتعيطي ليه يا حبيبتي بس
ليا:مافيش يا مامي حاجه هو انا بس تقريبا كنت بحلم حلم وحش شويه
غمزه :كده طب قومي اغسلي وشك واتوضي وصلي وربنا هايريح بالك انشاء الله
ليا:حاضر يا مامي بس هما تيا ودانا فين
غمزه:عند دانا في الشاليه بتاعهم وقالو لما تصحي زين هايجي ياخدك ليهم
ليا:طب اتصلي بيه انا عايزه اروح ليهم
غمزه:طب قوليلي الاول انتي في حاجه حصلت بيبنك وبين عاصي تاني هو زعلك في حاجه
ليا:هاه لاء يا مامي مافيش حاجه حصلت ليه بس بتقولي كده
غمزه :اصلك مش بتبقي زعلانه كده ومديائه الا اذا كان هو اللي زعلك
ليا:والله يا مامي عاصي ده الواحد مش عارف يزعل منه ولا عليه اقولك ماتتصليش بزين انا هاقوم اصلي انا واروح للبنات
غمزه: طيب يا حبيبتي ربنا يهديلك الحال يا بنتي
////////////////////////////////////
صلت فرضها وخرجت من غرفتها وهي خائفه ان يتعرض لها ذلك العنيد القاسي مره اخري
وعندما مرت امام غرفته تسحبت علي اطراف اصابعها حتي لا يستمع الي خطواتها
ولكن حدث ما لا يحمد عقباه عندما انفتح الباب بقوه وجذبها الي داخل غرفته
كادت ان تصرخ من فعلته هذه وسريعاماتملصت من بين يديه وهي تصيح فيه
ليا:اه اوعى سيب ايدي انت عايز مني ايه تاني
عاصي:اخرسي و وطي صوتك بتسحبي كده ورايحه علي فين
ليا: وانت مالك انت ملاكش دعوه بيا
عاصي وقد امسك زراعيها بغضب : انا الوحيد اللي مالي يا ليا
قولتلك بطلي تتحديني عشان انا مش هاسيبك ابدا
تذكرت ليا ما قالته لها خالتها وقد بدأت فيما تنتوي فعله معه
ونظرت بي فيروزتها داخل ليله الموحش الغاضب: هاتسيبني هاتسيبني لما تلاقيني قدامك بسهوله ده طبعك ديما عشان انت بتزهق بسرعه
عاصي وقد بدأ قلبه يرق لمعذبته: عمري ما هاسيبك انتي حبيبتى انا في حد بردو بيسيب روحه حتي لو انتي مش عايزاني بردو مش هاسيبك
ليا:اه سيب ايدي بتوجعني ايوه مش عايزك وهفضل اقولهالك علطول لحد ما تروح الشركه وتشتغل زي ما بابي وعمو حمزه قلولك
عاصي وهو يشدد علي يدها:مالكيش دعوه اشتغل ولا ماشتغلش دي حاجه ماتخصكيش
ليا وهي تبتعد عنه وتفرق يدها:يبقي انا كمان ماخصكش في حاجه وطول مانت علي عندك ده اوعي تفكر اني هاكون في يوم ليك ابدا
كادت ان تخرج من امامه الا انه امسكها من زيل شعرها الطويل وجذبها اليه مره اخري
عاصي:الظاهر انك فاكراني بهزر ومش اد كلامي تحبي اوريكي دلوقتي انتي ملكي انا اذاي
جذبها بين احضانه ورفعها بين يديه واتجهه بها نحو الفراش والقاها عليه والقي بجسده عليها
وبدء يقبلها في وجهها بعنف وهي. تلفت بوجهها يمين ويسار وبسرعه شديده وتبكي بشده تصرخ في وجهه
ليا: بتعمل ايه يا حيوان انت سيبني احسن هاصرخ وانده عليهم كلهم
اشتعلت رغبته فيها وهي تتحرك هكذا وكان كالمغيب امامها
عاصي: بحبك يا ليا حرام عليكي اللي انتي بتعمليه ده بيجنني زياده
ليا ببكاء شديد : انا بكرهك بكرهك يا عاصي سيبني اناعمري ماهكون ليك ابدا
عاصي:انتي عمرك ما هاتكوني غير ليا انا انا وبس يا حبيبتي
ليا وهي تتشبث بملابسها جيدا:ابعد عني بقي والله هاصرخ
عاصي وهو يصرخ في وجهها: اصرخي اندهي عليهم خليهم يجو يشوفكي وانتي في حضني كده عشان يتأكدو انك بتاعتي انا بس
تهاوت قوها وبدأت تفقد السيطره وتضعف وهي تبكي
بشده:طب عشان خاطري يا عاصي ابوس ايدك انت كده هاتفضحني
هاسمع كلامك ومش هاعمل حاجه غير اللي تقولي عليها والنبي سيبني ياعاصي لو بتحبني بجد سيبني
ابتعد عنها وهو ينظر اليها بغضب :قومي روحي اوضتك ومتخرجيش منها فاهمه
جرت من امامه وهي تعدل من ملابسها وخرجت من الغرفه مغلقه الباب خلفها بعنف
بدء يوبخ نفسه علي مافعله معها
عاصي وهو يضع وجهه بين راحة يده: ازاي تعمل كده في بنت عمك يا حيوان انت
ايه خلاص مش قادر تسيطر علي نفسك اهي بقت تكرهك من تصرفاتك دي معاها ابقي افرح بقي اما تقول لابوها لما يجي
////////////////////////////استغفرك ربي واتوب إليك
جرت علي غرفتها وأوصدت بابها جيدا بالمفتاح وبدأت تبكي وتصرخ بشده من الحزن والرعب في نفس الوقت
وبعد مرور ما يقرب من ساعه كانت تجلس بجانبه علي الارجوحه المعدنيه وهو يمسك هاتفه يتحدث مع والدها وهو يضحك
زين: عادي يا بوب هاتلقيها راميه التليفون في اي حته
عاصي :يعني هي مافيش فايده فيها طب انتو قاعدين فين وهي فين دلوقتي
زين:طب اهدي بس اقولك انا هاروح اديلها التليفون وانت تكلمها براحتك ماشي
عاصي:طيب اقفل سلام
امسكت الهاتف منه وهي تتحدث مع والدها
تيا:كده يا بوب يعني هي غمزتك بس اللي عايز تطمن عليها بردو
عاصي: هههههههه ايه يا شقيه مانا مطمن عليكي طول مانتي مع زين
تيا:امممممم قولتلي بقي طب وليا وبوده مطمن عليهم هما كمان
عاصي:طبعا يا قلب ابوكي طول مانتو مع زين وجدكو انا مطمن عليكو وحشتيني يا بنت ال...... ووحشتني شقوتك ههههههههههه
تيا:ههههههه لو سمحت ماتشتمش بابي عشان ده حبيبي
وعندما وصلو حيث تجلس هي
وقف امامها وهو يلطم خديه يحرك فمه يمين ويسارويشير لها بأصبعه علي الهاتف
زين:تليفونك فين ده علي اخره
غمزه وهي تفتح ثغرها مندهشه: هاه تليفوني يالهوي ده في المطبخ باين
زين:طب ربنا معاكي بقي اديها يا تيا التليفون
امسكت الهاتف منه وهي ترتبك في الكلام
غمزه: ااالو ايوه ياحبيبي عامل ايه
لم تستمع الي كلمات بل الي انفجار بركان قوي
قنبله انصاح دويها الي اذناها كاد الهاتف ان يسقط من يدها وهي تسمعه
عاصي:عامل زفت علي دماغك ودماغ اللي يحبك
ياشيخه حرام عليكي اعمل فيكي ايه اكتر من ٤٠ مره وانا بتنيل اتصل بيكي ايه دانتي لو نايمه وسط اهل الكهف كان زمانك صحيتي
غمزه:يالهوي ٤٠ مره والله التليفون في المطبخ ومش سمعته
عاصي بهدوء:سايبه التليفون في المطبخ ليه ياغمزه هيأشر هو بدالك البصل
انفلتت منها ضحكتها التي تسكره وهمست:خلاص بقي يا حبيبي مانت عارف اني برميه في اي حته وانساه
واخيرا ما رق قلبه لها وهتف بهدوء:وحشتيني ومش قادر اتنيل اقعد لوحدي من غيرك
ضحكت مره ثانيه ضحكتها الرنانه:غلبتني بكلامك زي كل مره وانت كمان يا حبيبي وحشتني اوي
غمز زين بعينه الي زوجته وهو يشير اليها:شايفه اهي كلت عقله بضحكتها وصوته هدي انا بقي عايزك علطول تاكلي عقلي كده ههههههههه
العاصي/2
((مغامرات ابناء العاصي))
الفصل الخامس والعشرون
لكمته بيدها في كتفه وهي تصيح
تيا :بطل بقي يا زين كلامك ده الله
زين وهو يقلدها:بطل بقي يازين الله هههههههه بقولك ايه صحيح هي البت ليا لسه نايمه كل ده ولا ايه
تنهدت بحزن علي اختها فهيا لم تخبره كما طلبت منها وقالت
تيا: اه باين كده بقولك ايه ماتيجي نطلع نصحيها وتقعد معاها شويه وتحاول تخرجها من جو النوم ده
زين:تيا هو انتي مخبيه عني حاجه ولا ايه
تيا:انا لاء ابدا يا خويا وانا هاخبي عليك ايه يعني
زين وهو يجذبها تحت ذراعه بمرح:اخوكي اخوكي مين يا بت انتي انا جوزك قولي ورايا كده يا حبيبتي جوزي
تيا بدلع:هههههههههه جوزي حبيبي ارحمني بقي ثم جرت من تحت يده وهو خلفها
زين:الله علي الجمال طب خدي اما اقولك حاجه سر طيب هههههههه
///////////////الله لا اله الا هو الحي القيوم
دقت باب اختها و هي تضحك بشده عليه وهي تراه يصعد من خلفها
حاولت ان تفتح الباب ولكنها وجدته موصود من الداخل واستمعت الي بكائها فارتابت في امرها ونظرت اليه
زين:ايه مالك قلبتي كده في ايه
تيا:ليا قافله الباب من جوه وبتعيط اسمع كده
وقف امام الباب يستمع الي شهقاتها وهتف
زين:ليا افتحيلي يا حبيبتي.انا زين اخوكي افتحي قوليلي مالك
تيا:افتحي يا ليا عشان خاطري قوليلي بتعيطي ليه
لم يتلقو منها رد فصاح زين بغضب
زين:ليا لو مافتحتيش الباب هاكسره افتحي وقوليلي مين اللي زعلك
استمع الجميع بالأسفل صوته وهو يصيح ويرتطم بجسده بالباب حتي يكسره صعدو اليهم جميعا حتي الاطفال
وصاح عدي:في ايه يا زين بتكسر الباب ليه
تيا: ليا قافله علي نفسها جوه وعماله تعيط ومش راضيه تفتح لينا
خرج من غرفته وهو صامت امامهم نظر لهم ولم يتكلم
عدي:طب بتعيط ليه حد عملها حاجه
نظرت دانا الي ذلك العنيد وكادت ان تتكلم وتقول انه ضربها الا ان تيا اشارت لها بأن تصمت
ولكن زين ارتاب في امرهم عندما رأها وهي تشير لها
واذا به واذا به يركل الباب بقدمه وينفتح امامه وكان اول من رأها
تجلس علي الارض ضاممه قدمها الي صدرها عيناها حمراء منتفخه بشده من كثرة البكاء
دلفت اليه غمزه ومن خلفها غزل وتالتهم جدتها
غمزه:بنتي ليا مالك يا حبيبتي فيكي ايه
غزل:مالك يا ليا بتعيطي كده ليه يا حبيبتي
انحني زين بجزعه ليحملها ولكنه وجد من وقف مقابله وحملها قبل ان يلمسها هو بيده وهي تصرخ بشده
نظر لها نظره اسكتتها وارقدها في فراشها وهو صامت
زين وهو ينظر اليه بغضب:مالك يا ليا ايه اللي مخوفك كده انتي حد عملك حاجه
ليا بخوف من وعلي عنيدها:لاء لاء مافيش حاجه مافيش حاجه
روقيه:اهدي يا حبيبتي اهدي طيب خلاص محصلش حاجه
لتصرخ الصغيره من الخوف عليها
طمطم:انا هاقول لبابي عليك ياعاثي وهقول لعاثي كمان
امسكه زين من تيشرته وهو يصرخ فيه:عملت فيها ايه وصلها للحاله دي يا حيوان انت ماتنطق يلا عملتلها ايه ولكمه في وجهه
تلقي عاصي اللكمه ونظر اليها ولكنه فاجئ الجميع وهو يرد له الكمته ويتكلم بهدوء شديد
عاصي:ماهي عندك ايه اسألها عملت فيها ايه
وقف عدي بينهم وابعد زين عنه اخيرا ليصيح الجد من خلفهم
فضالي:والله عال انتو هتضربو بعض كمان ايه اللي بيحصل هنا بالظبط
زين:مش هاسألها بس هاسأل الكبار اللي عارفين ايه اللي بيحصل ومخبيين علينا
وصرخ فيهم انطقي انتي وهي في ايه
اشارت لهم ليا بعدم الحديث وامسكت غزل بأبنتها حتي لا تتكلم مره اخري
تيا:هاه انا معرفش حاجه يا زين مش انا كنت معاك
دانا:ولا انا عرف حاجه ماهو احنا من ساعة ماسبناها واحنا قاعدين عندنا ومنعرفش حاجه
زين:كده ماشي بس وديني يا عاصي لوكنت مديت ايدك عليها لهتشوف انا هاعمل فيك ايه
عاصي ببرود:علي فكره دي بنت عمي وتخصني اكتر منك واللي يضرها يضرني انا كمان
ونظر اليها نظره لم تفهم اذا كانت نظرة حب ام طمأمينه ام توعدثم خرج
امام الجميع كاد ان يخرج خلفه ولكن الجد امسكه وصاح
فضالي:كفايه يا زين خلينا نطمن علي اختك الاول
عدي وهو يجلس امامها:مالك يا ليا اجبلك دكتور يا حبيبتي
القت بجسدها داخل احضان عمها وصاحت بصراخ: وديني لبابي ياعدي عايزه بابي يا عدي
عدي بخوف عليها:حاضر حاضر يا حبيبتي انتي ايه اللي مخوفك كده بس
ليا وهي تختبيء داخل صدره:مافيش مافيش انا عايزه بابي مش عايزه اقعد هنا ياعدي
لتهتف دارين الواقفه بجانبها:طب هاتها عندنا ياعدي لحد بابها مايجي
غمزه:انتي ايه اللي حصلك بس مالك يابنتي خايفه كده ليه
نظرت اليها غزل بحزن علي ما أوصلها ابنها اليه:خدها يازين في الشاليه التاني وانا هاجي اقعد معاها
غمزه بصوت مرتفع :لاء انا اللي هاروح معاها ولو عرفت ان ابنك عمل ليها حاجه ياغزل والله ماهاسكت
وابقو شوفو حته بقي خبوه فيها لما ابوها يعرف يلا يا زين انت وعدي خدوها
ليا بخوف من ان يعرف انها ذهبت دون رغبته:لاء انا مش هاروح في حته خليني هنا خليني هنا
زين:ماتخفيش يا ليا ماتخفيش كده كلنا معاكي
كاد ان يحملها ولكنها استندت علي يد عدي من الجهه الاخري فربما يحدث مالا يحمد عقباه اذا رأه وهو حاملها
عدي:خلاص يا زين سيبها وانا هاشيلها تعالي يا حبيبتي
ليا:لاء لاء خليني هنا والنبي بس هاتلي بابي
جلست جدتها بجانبها وأخذتها من بين احضانها وبدأت تجذبها اليها وتهدأ فيها
روقيه:طب خلاص زي مانتي عايزه خليكي هنا وايه رأيك انا هافضل معاكي ومش هسيبك ابدا بس يا حبيبتي بطلي عياط بقي
احضرت تيا لها كوب من العصير :وجلست بجانبها من الجهه الاخري حتي تسقيها منه
تيا:اشربي يا حبيبتي العصير هيهديكي شويه
ليا:لاء مش عايزه
ارتفع صوت زين الواقف بجانب الباب وكأنه يريد ان يتأكد من شىء ما:طب عشان خاطري انا يا ليا لو صحيح بتحبيني اشربي العصير
وقبل ان يلمس الكوب ثغرها وجده ينظر اليها بغضب وهو جالس علي فراشه فابتعدت بعيناها عنه واختبأت بالكامل داخل صدر جدتها
أمسكه زين من ذراعه وهو يتقدم به للخارج ونزل به الي الاسفل ومن خلفه جده
وعدي الذي اسرع اليهم حتي يفض اشتباكهم مره ثانيه
زين:بغضب شوفت ياجدي اتأكدت بنفسك انها خايفه منه
دي مرديتش تشرب من العصير لما شافته بيبصلها
عاصي:اوعي ايدك دي انت ماسكني كده ليه وانت مالك انت تخاف مني ولا متخافشي انت اللي تخصك في البيت ده هي تيا وبس اي حد تاني لاءه
زين وهو يضغط بيده علي فكه:اخرس ياض انت
عيلة العاصي فضالي كلها تخصني من اول ابويا العاصي لغاية عبدالرحمن الصغير
واللي انت راعبها فوق دي تبقي اختي انا واذا به يتركه من يده ويصفعه علي وجهه ليرتطم عاصي علي الاريكه وتجري غزل عليه
ويمسك عدي بيد زين قبل ان يقترب منه مره ثانيه
عدي:عشان خاطري يازين اقصرالشر وتعالي معايا دلوقتي
زين:لاء مش هاخرج مش هاسيب امي واخواتي ومراتي مع الحيوان ده ومش هاسيبه قبل ماعرف عمل إيه في اختي وصلها للحاله دي
صاح عاصي بأنفعال:قولتلك ملاكش دعوه بيها
محدش ليه دعوه اصلا بيها
الجد :اخرس بقي يا عاصي واطلع علي اوضطك كفايه لحد كده بقي
عاصي وهو ينفلت من يد والدته: ماشي ياجدي انا طالع اوضطي بس بردو بقولكو اهو محدش له دعوه بليا
صعد الي غرفته المقابله لغرفتها وترك بابها مفتوح وجلس امامها علي الفراش منحني علي جزعه للأمام ضامم يده بغضب
وينظرلها وهي تواري عيناها منه في صدر جدتها
اتجهت غمزه له بغضب ودلفت اليه واغلقت باب غرفته من خلفها وجلبت مقعد خشبي وجلست امامه
غمزه :عملت ايه في بنتي ياعاصي
عاصي بغضب: ايه هو انتو شايفني شيطان ادمكو ولا ايه روحي اسأليها ولما تقولك ابقي تعالي حاسبيني بس لازم تفهمي ان انتو كلكو اللي وصلتوني لكده
ضمت حاجبيها بعدم فهم ولكنها التزمت الهدوء حتي تستوضح ما حدث بينهم
غمزه: وصلناك لأيه يا عاصي كلمني كده زي مابكلمك وقولي ايه اللي حصل بينكو بالظبط
عاصي:بقولك ايه ياغمزه بنتك عندك في الاوضه التانيه اهيه كويسه ومافيهاش حاجه انا صحيح خوفتها
بس هي اللي خليتني اعمل كده عشان تبطل تقولي هحب وهتخطب لغيرك والكلام الاهبل ده..
مازلت تسيطر علي اعصابها من الانفلات
انا بسألك انت ياعاصي دلوقتي رد عليا وطمني علي بنتي عملت ايه في ليا يا عاصي
لاحظ نظرة الانكسار تملئ عيناها و هي تتهمه بهذا الاتهام الذي استمعه جيدا دون ان تتحدث
عاصي وهو يجلس أمامها:عملت فيها ايه يعني انتي متصوره اني ممكن اأذي ليا بالطريقه الو...... دي
للدرجه دي انتو خلاص كلكو شايفني كده بدأ صوته يرتفع ويجهر في وجهها
ليه انا عملت ليكو ايه عشان تفتكرو فيا كده
مازلت تتحكم في اعصابها :انت بردو مارديتش عليا لحد دلوقتي
عاصي:ضربتها يا غمزه وحبستها هنا معايا في الاوضه خوفتها مني عشان تعرف ان محدش هايتجوزها غيري وطول مانتو بتبعدوها عني هتفضل دي طريقتي معاها
دلفت غزل عليهم وهي في قمة غضبها: انت خلاص مبقاش في فايده من الكلام معاك يا حيوان انت في حد بيحب حد يخوفه بالطريقه دي
عاصي: اه مش انتو حطيتو في دماغها اني عربجي وصايع انا بقي هافضل كده وهو ده هيبقي اسلوبي معاها مش هيتغير وهاتجوزها غصب عن اي حد
غمزه وقد وقفت امامه:ضربت ليا بس يا عاصي
عاصي:يووووووه ايوه ضربتها بس لو كانت زادت في عنادها كان ممكن اعمل حاجه تانيه خالص
وقفت امامه وامسكت ذراعيه بيدها وهي تصرخ في
وجهه:اتحرشت ببنتي يا عاصي فاكر انك بالطريقه دي هتقدر تكسرها
لاء مش هاسمحلك يا حيوان انت دنا من غير ماكلم باباها
احطك تحت رجلي وادوس عليك بجزمتي
الله في سماه يا عاصي لو كل العاىله وافقو علي جوازك من بنتي انا ماهوافق وتشيل بنتي من دماغك احسنلك يابن غزل
ومن النهارده من دلوقتي حالا تنسي ان ليك ام تانيه غير مامتك ولا حتي هاكون خالتك انا بقيت بالنسبه ليك ابعد واحده ممكن تحاول تتكلم حتي معاها
نظرت الي أختها بغضب وتركت لهم الغرفه موصده الباب من خلفها بعنف
////////////////////////////ان الله وملائكته يصلون علي النبي يا ايها اللذين امنو صلو عليه وسلمو تسليما
جلست علي الفراش والعبرات تسترسل من عينها في صمت
غزل: انشالله تكون مبسوط دلوقتي بلانت عملته
عارف انت بقيت ايه في نظر خالتك دلوقتي عارف انگ ضيعت ليا من ايدك للأبد
عارف انك لاول مره هاتخلي اختي تخاصمني يا حيوان انت
عاصي وقد اعطاها ظهره وهو واقف امام زجاح الشرفه :انا خلاص زهقت منكو ومن تصرفاتكو دي معايا
وزي انتو ما مش عايزني معاكو انا كمان مش عايزكو
جلب حقيبته امام اعينها ووضع ملابسه واشيائه بها
ليجد من يمسك يده وينظر في عينه بغضب
الجد: وهتقول ايه لابوك ولعمك لما توصل
احني رأسه بخزي امامه وهو يبكي بشده علي ما اوصل نفسه اليه
عاصي: مش هقول لحد حاجه ولو مش عايزني في حياتكو خالص انا هامشي ومش هتشوفو وشي تاني
ماكان منه الا ان تلقي تلك الصفعه علي وجنته حتي يفيقه مما وصل اليه
وامسكه من يده يحسه علي المشي امامه وهو يستند علي عصاه باليد الاخري
الجد: يوم ماتفكر تخرج من العائله يبقي اخرجك انا بأيدي علي ظهرك احسن امشي ادامي
وقفت تلك المصدومه مما يفعله بها ابنها وما قاله والد زوجها
غزل ببكاء شديد:عشان خاطري يا بابي هاتخدو علي فين بس
الجد بحزم: شيلي ايدك عنه ياغزل انا مأثرتش في تربية حد فيهم لانا ولا ولادي عشان يطلعلي واحد عاق امشي ادامي يا ولد يلا
///////////////////استغفرك ربي واتوب اليك
خرج من غرفته امام اعينها والجد ممسك به ولكنه استشاط غيظا
عندماوجد زين يجلس بجوارها يأخذها تحت ذراعه ويسقيها العصير بيده والكل يجلس حولها
كاد ان يذهب اليه مره ثانيه ولكن الجد ابي ان يتركه وجهر بصوته:عديييي تعالي معايا
وقف عدي امام الجميع وذهب الي والده :حاضر يابابا بس هانروح فين دلوقتي
الجد: يلابينا بس دلوقتي وهتعرف احنا رايحين فين لما نخرج امشي ادامي يا ولد
زجه من امامها هذه المره وهو ينظر اليها بحزن
وكانت هي تنظر له نظرة ضعف خوف انكسار ام هي نظرة حب لم يمت وتملك من قلبها قبل قلبه
 الفصل الحادي وعشرون والثانى وعشرون والثالث وعشرون والرابع وعشرون والخامس وعشرون بقلم/ك…){kind=link}
تعليقات
إرسال تعليق