رواية مغامرات ابناء العاصي الجزء الثاني من (العاصي) الفصل السادس وعشرون والسابع وعشرون والثامن وعشرون والتاسع وعشرون والثلاثون بقلم/كنزي حمزه
رواية مغامرات ابناء العاصي الجزء الثاني من (العاصي) الفصل السادس وعشرون والسابع وعشرون والثامن وعشرون والتاسع وعشرون والثلاثون بقلم/كنزي حمزه
العاصي/2
((مغامرات أبناء العاصي))
البارت السادس والعشرون
وصلو الي المسجد وتوضؤو الثلاثه ووقف به امام المنبر وهو يهتف به
الجد: طول عمركم من وانتو صغيرين وانا كنت حريص علي اني اعلمكم الصلاه والقرب من ربنا
عشان ربنا يحفظكم من وسوسة الشيطان انا مش هاسألك ولا هاحسبك واقولك انت عملت ايه وغلطت في ايه
بس هاسيبك توقف ادمه منك ليه عايز تشتكيله اشتكي عايز تعترفله بأخطأك اعترف حاسب نفسك علي خطيىئتك وعاقبها
صلي بخشوع لربنا يا عاصي علي قد ما تقدر صلي وانا واقف في ظهرك ولما تحس انك خرجت كل اللي جواك تعالي نتكلم ونوصل لحل سوي
ما كان منه الا ان يطيع هذا الكهل الذي دائما ما يحتويه ويرشده الي الطريق الصحيح
وقف امام ربه متقبلا وجهه له في خشوع والعبرات تنهمر علي وجهه وبدء صلاته
وقف عدي بجانب والده يصلون ركعتان تحية المسجد وهم يستمعون الي شهقاته الحاره وبعد ان صلو فرضهم
جلسو في انتظار انتهائه من صلاته يستمعون الي صوته العذب الممتلئ بالشهقات وهو يرتل القرأن
وبعد مرور ما يقرب من ساعه انتهي اخيرا والتفت اليهم وجدهم جالسين مع شيخ المسجد في انتظاره
ذهب اليهم وجلس معهم في صمت ووجهه احمر عيناه منتفخه من كثرة البكاء
ليصيح الشيخ:وعليكم السلام ورحمة الله وبركاته اهلا بيك وسطنا
احني رأسه بخزي ولم يتحدث
الشيخ :ايه ماتعرفش ان تحيتنا هي السلام ولا ايه طب قولي الاول انت اسمك ايه
نطق بكلمه واحده:عاصي
الشيخ وهو ينظر الي الجد بمرح:مالقتوش غير الاسم ده تسموه بيه هههههههه ماهو كل انسان بيبقي له نصيب في اسمه
الجد:سمناه علي اسم عمه عشان يبقي راجل وجدع زيه بس للاسف خزلنا كلنا وطلع اسم علي مسمي
التفت الي جده بأندهاش وهو يبكي بحراره
الشيخ:طب ممكن تيسبونا نتكلم براحتنا انا وهو شويه
الجد:حاضر يا شيخنا الفجر اصلا قرب يأذن تعالي ياعدي نستعد للصلاه
عدي وهو يسند ابيه:حاضر يابابا وابتسم للاخر وهمس له:عاصي هاستناك تيجي تصلي الفجر جانبي
اومئ له برأسه دون ان يتحدث وذهبو من امامه ليلتفت الي الشيخ مره ثانيه
الشيخ:قولي بقي ايه اللي مديأك ومزعل الكل منك كده
احني رأسه وصمت ثانية وتفاجيء بكلام هذا الشيخ: يا ساتر للدرجه دي ايه قتلت مثلا
........... سرقت طيب............ ادمنت وشربت مخدرات........
سكير وبتعصي ربنا بشرب الخمر والمنكر.......... ماهي كل دي معاصي وكبائر ربنا بيحاسب عليها
عاصي بصوت خفيض:انا مصلي وحافظ للقرأن وجدي ده هواللي محفظني
الشيخ:طب كويس اوي اومال فين المشكله بقي ايه الذنب اللي انت عملته مخلي الكل زعلان منك كده
عاصي: ذنبي الوحيد اني بحب بنت عمي وعايز اتجوزها وهما شايفين ان ده غلط واني لسه صغير
الشيخ:الزواج نصف الدين بيعصم الشاب عن الوقوع في الاخطاء
وحاجه كويسه انك تبقي عايز تستقر بس قبل ماهما يعوزو انت شايف نفسك انك جدير بيها
عاصي:احنا الحمدلله مش فقرا يعني هاتعيش زي ماهي عايشه في نفس المستوي
الشيخ:شايفك بقيت تكلم بصفة الجمع قولي صحيح انت بتشتغل ايه
عاصي:انا طالب في سنه اولي كلية هندسه
الشيخ: ومش بتشتغل
عاصي:لاء لسه بدرس
الشيخ:ومتكل علي بابا وجدو يجوزك ومش عايزهم يرفضوك هههه
يأخي اتي الله ده ربنا بيقول اسعي يا عبد وانا اسعي معاك
عاصي بعصبيه:ماطلبتش منهم جواز قولتلهم اخطبها تعرف انها مش لحد غيري هما اللي وصلوني لكده هما اللي خلوني اخوفها مني
انا بحبها ومش هاسمح لأي حد انه يبعدها عني
الشيخ:اهدي ووطي صوتك وماتنساش ان المسجد له حرمته واهي يا سيدي خافت منك وفهمت اللي انت كنت عايز توصله ليها
تفتكر انها دلوقتي لواتجوزتك هتجوزك عشان بتحبك ولاعشان بتخاف منك
عاصي:مش مهم المهم انها تبقي بتاعتي وبس
الشيخ:ونسيت كلام ربنا وهو بيقول (وَإِذَا جَاءَهُمْ أَمْرٌ مِنَ الْأَمْنِ أَوِ الْخَوْفِ أَذَاعُوا بِهِ وَلَوْ رَدُّوهُ إِلَى الرَّسُولِ وَإِلَى أُولِي الْأَمْرِ مِنْهُمْ لَعَلِمَهُ الَّذِينَ يَسْتَنْبِطُونَهُ مِنْهُمْ وَلَوْلَا فَضْلُ اللَّهِ عَلَيْكُمْ وَرَحْمَتُهُ لَاتَّبَعْتُمُ الشَّيْطَانَ إِلَّا قَلِيلًا (83)سورة النساء
عاصي:صدق الله العظيم انا ماكنش قصدي اخوفها بالطريقه دي والله يا شيخ انا مش وحش بس حسيت انهم كلهم جايين عليا
الشيخ:انت فعلا ولد كويس طب بقولك ايه ماتدي نفسك انت فرصه اقعد مع نفسك كده وحاسبها براحه بلاش تخلي شيطانك هو اللي يتحكم فيك
صلي بعد الفجر صلاة استخاره وروح نام واللي ربنا يهدي فكرك ليه اعمله ومتخافش ربنا بيحب عبده الزنان اللي لما بيتمني حاجه بيلجئله بالدعا بس انت قول يا رب
تنهد براحه ورفع وجهه راجيا من مولاه:يا رب
وبعد ان انتهي من جلسته وحان وقت الصلاه وقف بجانب عدي في صفهم واذا به يجده يقف بجواره من الجانب الاخر و بدؤو صلاتهم في خشوع
///////////////////////////////// استغفرو الله
اقبلت شمس اليوم الثاني علي الجميع وهم مستيقظين ينتظروهم لحين عودتهم
ولكن كل واحده تجلس بمفردها في غرفتها ماعدا الثلاث فتايات
كانو يجلسون مع بعض في غرفة دارين بعد ان اتي بهم ذين الي الشاليه تبعهم
كانت تتوسطهم تلقي برأسها علي صدر اختها
وتتمسك بيد صديقتها لتصيح دانا
دانا: ليا ناميلك شويه يا حببتي النهار طلع علينا وانتي لسه زي مانتي
ليا:مش قادره دماغي هتنفجر من كتر الصداع
دانا:طب اجبلك مسكن
تيا:الصداع ده عشان مأكلتيش كلي اي حاجه وهانجبلك مسكن
ليا:مش عايزه اكل ولا اشرب يا تيا هاتي المسكن بس واسكتي
اومئت لها برأسها ووقفت من جانبها لتشير الي الاخري بعيناها
ارقدتها في الفراش وتملصت من جانبها وذهبت الي الاخري
تيا: وبعدين دي مش بتبطل عياط
دانا: بقولك ايه انا هاجيب لها بدل المسكن حباية منوم من عند مامي عشان تنام شويه
تيا :يكون احسن بردو وانا هاوح اشوف زين جيه ولا لسه
دانا:هما شكلهم كلهم جم بصي جدو عبدالرحمن راجع الشاليه اهو وهما التلاته رايحين ناحية البحر
ياتري كانو فين نظرت الي النافذه المفتوحه في هذا الممر الذي يفصل بين الغرف لتراهم امامها يتوسطهم هذا العنيد وهم يتجهون به ناحية البحر
تيا :دلوقتي هنعرف لما زين يجي
دانا بخوف:لما زين يجي لازم نكون نايمين ده مش بعيد يدبحنا عشان دارينا عليه بصي انا هاروح اجيب شريط المنوم ونسفه احنا التلاته
تيا:ينهار اسود انا اذاي نسيت اجري بسرعه هاتيه قبل مايجي
///////////////////////الابذكر الله تطمئن القلوب
كانت جالسه في غرفتها منتظراه حتي يعود لتطمئن علي حفيدها وتطمئن عليه ايضا
فهو لم يعد مثل قبل اصبح لايتحمل السهر كثيرا لم تعد صحته مثل قبل
بل لم تقوي قدماه علي حمله فتره كبيره فمابالك بهذا المجهود المضني مع شباب في مقتبل اعمارهم
يرشد هذا للصواب ويأمر هذا بالهدوء والطاعه ويمتص غضب هذا
دلف غرفته وجدها جالسه امامه تبتسم له بحب
فضالي:انتي لسه صاحيه يا روقيه انا قولت هالاقيكي نمتي
روقيه: ومن امتي بنام قبل مانت تيجي وتكون جانبي واطمن عليك
فضالي وهو جالس بجانبها:اطمني ياستي اديني جيت اهو اطمني ياستي وقومي نامي
روقيه :طب والواد ياعبد الرحمن مجاش ليه
فضالي وهوضامم لها حاجبيه:قولي بقي انك عايزه تطمني علي الواد مش عليا اطمني يا ستي الواد بخير وزي الفل كمان وقاعد مع عدي وزين علي البحر قدامك اهم
روقيه:وهو انا ليا بركه غيرك انت يا حبيبي ربنا يديك الصحه والعافيه ويخليك لينا
بس ماكنتش سيبته يقعد مع زين احسن يتخانقو تاني
فضالي:لاء اطمني هما خلاص اتصالحو مع بعض
زين عاقل وبيعرف ياخدهم تحت جناحه اذا كان هو ولا عدي تعالي بقي ننام احسن انا مش قادر اقف علي
حيلي ثانيه واحده تاني
روقيه:يلا يا حبيبي بس هو يعني ربنا هداه كده واتعدل
فضالي وهو يمدد علي الفراش :الله ماقولتلك خلاص وبعدين
انا معنديش حد من ولادي وحش ولا اخلاقه مش كويسه
وعاصي كويس ومصلي وحافظ كتاب ربنا واول ما وقف بين اديه فاق لنفسه ورجع لصوابه تاني
روقيه:الحمد لله ربنا يهدي لهم حالهم يارب كلهم ويهديكي يا غمزه يا بنتي وتصالحي اختك وماتقوليش لجوزك
انتفض من رقدته جالسا مندهشا مما قالته وصاح فيها: بتقولي ايه هي فين روحي ناديها ليا
روقيه :اهدي بس هي في اوضتهانايمه مع ابنها ارتاح شويه ولما تصحي هاندها ليك تقعد معاها براحتك
فضالي وهو يقف متمسك بعصاه هو انا هارتاح ولا هالاقي راحه طول مانتو ورايا
عايزاني استني لما يتصل بيها وهو رايح شغله وتقوله يقوم يمسك في اخوه هناك
ولا يجي علي ملا وشه ويعمل حاجه في الواد خرج من غرفته مسرعا اليها
وفتح الباب دون ان يدقه وجد الطفل غافي وحيدا في الفراش
بحث عنها بنظره ليجدها جالسه علي الاريكه مقابله وجهها متهجم من شدة الغضب
فضالي بالهفه:غمزه انتي كلمتي جوزك
غمزه: لا يا بابي انا لسه ماكلمتوش تعال اتفضل
فضالي وهو يجلس بجانبها:وناويه تقوليله ايه لما تكلميه ناويه تحكيله اللي حصل يا غمزه
غمزه:اللي حصل ماكنش شويه ولازم يعرف ويوقف عاصي عند حده بقي
هو مابيخفش من حد اد مابيخاف من عمه يبقي لازم هو اللي يقف له
فضالي:انتي عارفه كويس قوي ان جوزك لو عرف مش هينهيها كده
بالعكس ده ممكن يبقي فيها دم عايزه الاخوات يقعو في بعض ويبعدو عن بعض بسبب العيال يا غمزه
غمزه بعصبيه:مابقوش عيال يا بابي واللي فكر فيه ابن غزل وحمزه لو كان حصل ماكنش بردو هاينتهي الا بالدم
فضال وهو يجذبها حتي تجلس امامه مره تانيه: اللي عمله ابن غزل وحمزه نابع من كتر حبه لبنتك
احنا كلنا اللي كانت طريقتنا غلط معاه عاصي الصغير مش وحش يا غمزه
هو انا اللي هقولك عليه ده ابنك انتي وتربيتك انتي وانتي بردو اللي في ايدكي دلوقتي كل زمام الامور
في ايدكي انك ترجعي الفرحه للبيت كله او تهدي البيت والعاىله اللي عملتوها وكبرتوها وحافظتو عليها انتي وجوزك واختك وجوزها
عايزه تحاسبيه حاسبي وخاصمي براحتك بس من غير عاصي مايعرف
لأنه لو عرف انتي عارفه كويس اوي ان عائلة الحج فضالي هتقع ومش هتقوملها قومه تاني
رن هاتفها وهو جالس بجانبها واذا به يقف امامهاويذهب بأتجاه الباب
فضالي:اهو بيتصل بيكي انا هاسيبك بقي تكلميه براحتك امسحي دموعك وردي عليه وشوفي بقي انتي عايزه ايه تهدي ولاتعششي وتكبري زي مانا اتعودت منك
خرج من غرفتها واوصد الباب بهدوء انتبهت جيدا لما قاله وفتحت الهاتف قبل ان يصمت ويعلن عن انتهاء المكالمه وهي تكفف عبراتها وتحدثت بصوت متحشرج
غمزه:االو ايوه يا عاصي
عاصي:صباح الفل يا قلب العاصي انتي كنتي نايمه ولا ايه
غمزه:ايوه هاصحي بدري اوي كده اعمل ايه
عاصي:تطمني عليا مثلا زي ما بتعملي كل يوم لما بصلي وباجي من الجامع
غمزه:هاه اه مانا كنت صاحيه وهتصل بيك بس حطيت راسي علي المخده فانمت
عاصي:مالك يا حبيبتي في حاجه حصلت وانتي مخبيه عني
اعتدلت في جلستها وتصنعت الابتسامه حتي تداري بحة
صوتها هذه:اقولك مالي ياحبيبي النوم جافني الليله دي عشان انت مش جانبي
انا سهرانه من امبارح وقاعده مستنيه تليفونك عشان اكلمك وحشتني اوي
عاصي :ينهار اسود ومنيل بستين نيله انتي فاكره انك بعد اللي انتي قولتيه ده انا هاقعد بعيد عنك ليله كمان
وحياتك عندي لخلص كل حاجه النهارده واجيلك اخدك في حضني ياروحي حتي مش هستني حمزه
غمزه بسرعه: لالالاءخلص شغلك وتعالي براحتك يا حبيبي
عاصي وقد ارتاب في امرها:غمززززه في ايه انتي مش علي
علي بعضك ليه ابويا كويس حد من العيال حصله حاجه انطقي علطول
غمزه:اااصل بصراحه بوده تعب شويه اه كان عنده سخونيه الظاهر اخد برد من نزوله المايه
عاصي: ينهار اسود وانتي اذاي ماخدتيش بالك منه مانتي عارفه انو بيتعب من اقل حاجه يا مهمله انتي لاء وتقولي هاروح معاهم عشان اخد بالي من العيال
زين جابله دكتور ولا لاء طب السخونيه نزلت ماتنطقي انتي اتخرستي ليه
ابعدت الهاتف عن اذنها ونظرت اليه ببلاهه ثم تحدثت:دانت لسه مكملتش دقيقه طب كنت سيبني اتهني بالكلمتين الحلوين
علي العموم يا سيدي اطمن ابنك كويس والحمدلله ونايم جانبي اهوه ربنا يخليهولك
عاصي بمشاكسه: نايم جانبك بجد
غمزه:ايوه اومال هينام فين يعني
عاصي:يابخته عقبال ما اجيلك انا وانام جانبك يا روحي
غمزه وهي تعض بأسنانها علي شفاها السفلي:انت لسه فاكر ياحبيبي
عاصي:طبعا فاكر ياروح حبيبك عارفه وانا جاي هاجبلك ايه
غمزه :اه عارفه هاتجبلي مانجه ههههههههههه
العاصي/2
((مغامرات أبناء العاصي))
البارت السابع والعشرون
مازلت جالسه بشرفة غرفتها وجهها قاتم من الاحمرار عيناها كالجمر منتفختان
تراه يجلس امامها علي الشاطىئ معهم حزينا منكسرا
تريد ان تجري اليه تجذبه بين أحضانها تحميه من نفسه من شيطانه الذي تملك منه
تقسم ان لوكان الشيطان يري بالعين لقتلته من اجل فلذة كبدها
رن هاتفها وظهرت عليه صورة زوجها امامها فتحته وهي تبكي وهمست بكلمه واحده
غزل:حمزه
حمزه:الو يا روح حمزه مالك بس يا روحي كل مااتصل بيكي الاقي صوتك كده
صمتت ولم تتحدث وهو يستمع الي شهقاتها
حمزه: طب بتعيطي ليه دلوقتي يا حبيبتي بس حد ديأك ولا عاصي عمل مصيبه زي عوايده طب طمطم فين هي كويسه
غزل بهدوء:هاتيجي امتي
حمزه: هاحاول اخلص شغلي النهارده واجيلك بكره وحشتيني
غزل:وانت كمان تعالي بقي انا تعبانه اوي من غيرك مش قادره اقعد هنا وانت بعيد عني
حمزه:طب انتي زعلانه عشان كده بس ولا في حاجه تاني عاصي مزعلك في ايه قوليلي وانا لما اجي والله لوريه
بدأت تكفف عبراتها وهي تحدثه:قولتلك مافيش حاجه وهو يعني مافيش غير ابني اللي بيعمل مصايب والنبي عاصي ده غلبان وطيب هو بس اللي متسرع شويه
حمزه:هههههه افضلي انتي دلعيه كده لحد ما يعمل كارثه زي عوايده
ابتسمت بسخريه دون ان تجيبه
ليهمس هو لها:روحتي فين يا قلب حمزه
غزل:معاك يا حبيبي بس حاول متتأخرش وتيجي بسرعه
حمزه:عيوني اصلا انا مش هقدر ابعد عنكم اكتر من كده
/////////////////////////////ربي اني مسني الضر وانت ارحم الراحمين
جلسو هم الثلاثه علي الشاطئ ومازلت عينه تدمع ليصيح فيه
عدي:كفايه بقي يا عاصي ماتهدي بقي وان شاء الله مش هيحصل حاجه
عاصي:انت فاكرني خايف من اخواتك ياعدي
عدي: نعم يعني عايز تفهمني انك مش همك
عاصي:انا كل اللي يهمني هيا يا عدي ضيعتها مني بغبائي انا اللي خليتها تكرهني عمرها ماهتردي بيا
زين وهو مزال غاضب: كنت متصور انها هتحبك وتدوب فيك بعد اللي عملته
هتحبك علي ايه وهي ماشفتش منك غير المشاكل وكل كلامك معها خناق وزعيق
وان كترت في الكلام يبقي عادي جدا تمد ايدك عليها مش كده بردو
لا يعرف بماذا يرد لايقوي علي التحدث اليه فهو معه كل الحق فيما هتف به لذا التزم الصمت حتي يكمل هو
زين:انت كنت بتفكر ازاي وانت شايفنا كلنا بنحاول ننصحك وعايزينك تبقي راجل
ليه خدت الموضوع عند ليه ماحولتش تسمع كلام عمك
ياأخي ده قالك هاجوزهالك قالك انت اللي هتمسك الشركه من بعده
اب وبيحاول يكبر ابنه ليه خذلته ياحمار
احني رأسه امامه وهو يهتف: معرفش عندت غيرت ايوه
غيرت منك قولتله زي ما خليت زين يكتب كتابه علي تيا خليني اخطب ليا وانا اجي الشركه
زين:غبي وتفتكر ان عمك يجي بالطريقه دي
عدي:وطبعا لما ملاقتش اسلوبك ده جايب نتيجه معاه قولت تستقوي وتضغط عليها هيا مش كده بردو
عاصي:كفايه بقي ارحموني انتو الاتنين خلاص انا من النهارده ماليش دعوه بيها وهنزل مصر دلوقتي حالا
زين: اقعد يلا مكانك واسترجل بقي وبطل هبل شويه حاول تصلح اخطأك بدل ماتهرب منها
عدي :اقعد يا عاصي استهدي بالله كده واسمع كلام زين خلينا نوصل لحل قبل الموضوع ما يوصل لابوك وعمك
عاصي:يوصل ولا مايوصلش انا مايهمنيش
امسكه زين من فكه مره ثانيه وهو يصرخ في وجهه:تاني يعني مافيش فايده في دماغك الو....... دي اسمع ياض انت انا مش هاسمحلك تهد البيت ده
شئت ام ابيت انت واحد مننا للاسف غصب عنك وعننا وهعدلك تاني يا عاصي بمزاجك غصب عنك هعدلك تاني
عاصي:طيب موافق انا من ايدك دي لأيدك دي هوافقك علي كل حاجه بس ترجعهالي تاني يا زين ابوس ايدك خليها تسامحني
زين:يبقي تقعد بقي كده وتسمعني وتنفذ اللي هاقولك عليه بهدوء
واقعد انت كمان يااخرة صبري يكش تعقل وتبطل الدبش اللي بتحدفه من لسانك ده
عدي:الله وانا مالي انا طه
//////////////////////////////اللهم لك الحمد حتي ترضي ولك الحمد اذا رضيت الحمد بعد الرضا
مرالوقت سريعاعليهم وهم نائمون بعد هذا المجهود المضني الذي بذلوه
وبعد الظهيره بما يقرب من ساعتين كانت تجلس علي الارجوحه امام حوض السباحه وبجانبها ذلك الصغيرالمشاكس
تتحدث معه كمن تتحدث مع رجل عاقل وحكيم
غمزه:فهمتني بقي يا بوده عرفت ليه لازم نداري عليه
بوده:لاء مش فاهمك بصراحه انتي عايزاني ماقولش لبابي عشان مايجيش يتخانق ويضرب عاصي
ماهو لازم ينضرب زي ماضرب اختي انا لوكنت كبير شويه وربنا كنت طحنته
غمزه:يادي النيله يابني افهمني بقي ماتوجعش قلبي
بوده:يا مامي انتي اللي مش عارفه تقنعيني بالكلام مش انتو ديما بتقولو اللي يغلط لازم يتعاقب
غمزه:ياحبيبي ماحنا كلنا عقبناه انا زعقتلو ومخصماه ومش هكلمه ابدا
وليا كمان عمرها ما هاتصالحه وزين شوفت عمل فيه ايه و جدو كمان
لكن بابي بقي لوعرف هيعمل اسوء بكتير هيعاقب الكل مش عاصي بس
بوده:هيعمل ايه يعني يامامي
غمزه:هايرجعنا انا وانت واخواتك من هنا وهيبعدنا عن الجماليه خالص
ومش هيخلينا نقعد مع العاىله تاني ولا هيخليك تشوف طمطم وتلعب معاها تاني
بوده بلهفه:لاء الا طمطم قولي بسرعه عايزه تقولي ايه وانا هحفظ علطول
غمزه: براڤو عليك يا قلب مامي بص هو احتمال يجي النهارده باليل
انا قولتله انك امبارح اخدت برد وكان عندك شوية سخونيه وانت عارف بابي بيحبك اد ايه عشان كده لما يجي مش عايزاك تتنطط وتجري وتنزل حمام السباحه عايزك تبقي هادي زي لما بتكون تعبان بالظبط
بوده:اشطه يا مامي ماتقلقيش عملتها كتير دي عشان اغيب من المدرسه ثم شهق الصغير علي ما قاله وجحظت عيناه
غمزه بشهقه:هه كده بردو يا بوده بتضحك علي مامي وعامل فيه فتك وتقولي اشطه اديك وقعت بلسانك
اهو اوعي بقي تقع في الكلام معاه وتقوله علي كل حاجه
غمسه نطقتها تلك اللعينه التي تملك قلب الكل وهي تفرك بيدها في عيناها
التفتت لها الاخري وهي تنظر لها بحب
غمزه:تعالي يا طمطم انتي صحيتي
صعدت الجميله علي قدمها والقت نفسها بين ذراعيهاوهي تصيح
طمطم:اه ثحيت انا جعانه وعايسه لبن
غمزه:يا سلام عيوني ليكي يا قلب غمسه انتي تعالي اعملك سندوتش زي بوده وأجبلك لبن عشان انا عايزكي في موضوع مهم اوي.
ضحك الصغير وهو يقضم قطعه من ساندوتشه ويشير عليها بأصبعه
بوده:ههههههههههه موضوع مهم ماتحوليش دي فتانه وهتقوله علي كل حاجه
غمزه:بس يا واد انت دي طمطم دي حبيبة خالتو وهتسمع كلامها كله ومش هتقول لحد صح يا طماطم
طمطم وهي تجلسها علي المنضده التي تتوسط المطبخ:اقول ايه لمين انا مس فاهمه حاكه
غمزه:خدي يا حبيبتي اشربي اللبن اهوه وجلست علي المقعد امامها
بصي بقي يا ستي بابي وانكل عاصي احتمال يجو النهارده واحنا مش عايزين نزعلهم
طمطم:ايوه ايوه ماهي مامي قالتلي اني اسكت ومس اقول لحد فيهم حاكه من الللي حثلت امبالح
غمزه:كده طب كويس اوي انا كمان بأكد عليكي عشان احنا مش عايزين نزعل ونتخانق تاني اوعي يا طمطم تقولي لبابي ولا لعاصي حاجه احسن هيبعدنا عن بعض ومش هيخليكي تلعبي مع بوده تاني
احتضنته الصغيره بيدها وتمسكت به جيدا خوفا من عدم رؤيته مره ثانيه وهتفت
طمطم: لاء انا بحب بوده وبحب العب معاه مش هقول حاجه خالث
غمزه:براڤو عليكي ياقلبي يلا بقي خلصي فطارك عشان تلحقو تلعبو شويه قبل مايجو
دلفت دارين عليها وهي تجلس معهم وصاحت
صباح الخير يا غمزه عامله ايه دلوقتي يا حبيبتي
غمزه:صباح النور تعالي يا دراين
دارين:ايه هما لسه نايمين ولا ايه
غمزه:اه اكيد كلهم تعابنين من اللي حصل
دارين:وغزل نايمه لسه
غمزه:معرفش مشوفتهاش من امبارح اصلا دخلت اوضتها ولا علي بالها حاجه ونامت
لتصيح الصغيره:مامي مس نايمه دي لسه بتعيط فوق
دارين:غمزه انا مش مصدقاكي بجد انتي هتزعلي من اختك علي حاجه هي ملاهش ذنب فيها
انزلت الصغار من علي الطاوله وهي تحسهم علي اللعب
غمزه:طب يلا بقي انتي وهو ادام خلصتو فطار روحو العبو سوي بس ماتروحوش ناحية البحر
بوده:ماشي هنلعب بالعجل بقي ثم جرو خارج الشاليه
دارين:طب وهي زنبها ايه ياغمزه بس دانتي عارفه انها روحها في البنات وبالذات ليا
غمزه:وعشان كده كان لازم تاخد موقف مع ابنها كان لازم تقولي لما عرفت انو ضربها مش تداري عليا وتسيبو لحد ما صمتت ولم تتكلم
دارين :لحد ما ايه هو الواد ده عمل حاجه تاني غير انو ضربها بالقلم
غمزه:لالاء معملش حاجه هو بس خوفها منه بالضرب وانتي شايفه البت من كتر الخوف عامله ازاي
دارين:خلاص لما عاصي وحمزه يجو قوللهم وهما بقي يحسبوه
غمزه:ينهار اسود بقي انا عماله احفظ العيال من الصبح وافهم فيهم
عشان مايتكلموش ولا يقوللهم حاجه وتيجي انتي بمنتهي البساطه تقولي كده
اوعي يا دارين تكوني قولتي حاجه لأحمد
دارين:لاء ماتخفيش ماقولتش حاجه والله
بس بردو حرام عليكي دي غزل اختك حبيبتك وانتي مش بتستحملي عليها حاجه
بزمتك هتقدري تخصميها ......طب كفايه انها حابسه نفسها في اوضتها وعماله تعيط زي طمطم ما بتقول.........
طب عشان خاطري انا لو ليا معزه عندك تعالي نطلع ليها دي اختك حبيبتك
تنهدت بفارغ صبر لتخرج ما في صدرها من غضب وامسكتها تلك الصديقه الحنونه من يدها واتجهت بها الي الاعلي
دارين:يلا تعالي ياحبيبتي ربنا يهديكو لبعض
دقت باب غرفتها لتسمعها من الداخل وهي تهمس بصوت خفيض دامع
غزل:ادخلي يا طمطم
واذا بها تفتح الباب وتهتف بمرح:انا مش طمطم تنفع دارين
غزل وهي تجفف عيناها:اه طبعا تعالي يا حبيبتي
دارين:بس انا مش لوحدي جذبتها اليها ودلفت بها الي داخل الغرفه
وعندما رأتها امامها اجهشت بالبكاء بصوت مرتفع كطفله مفتقده حضن والدتها وتهاوت قواها
غمزه وهي تغمرها داخل احضانها:ايه اللي انتي عامله في نفسك ده كل ده عشان زعلنا من بعض شويه
غزل:ايوه واكتر كمان وتزعلي مني ليه وانتي عارفه اني من غيرك ولا حاجه هو انتي اختي بس انتي مش عارفه انتي بالنسبه ليا ايه
غمزه:عارفه يا غزل عارفه بس غصب عني دي بنتي حته مني
غزل:وبنتي انا كمان وعاصي ابنك ياغمزه انتي عارفه انو غلبان وبيحبها الواد شافنا كلنا جاين عليه وبنحاول نبعدها عنه
غمزه: اسكتي يا غزل ماتجبليش سيرته الحيوان ده
غزل:طيب ماشي عاقبيه وازعلي منه براحتك بس انا زنبي ايه
غمزه:تعرفي زنبك ايه انك امه وخايفه عليه لما عرفتي انو ضربها ماجتيش قولتيلي ليه
غزل:لاء انا ماخوفتش عليه انا دخلتله اوضته وضربته بالقلم قولتله انا هردلك القلم اللي ادتهلها وهاقول لبابك كمان
دارين :خلاص بقي يا جماعه اهدو بقي وبطلو عياط ده ايه المصيف النكد ده
قومو بقي تعالو ننزل علي بال الكل ما يصحو ونشوف هنعمل ايه مع اللي جاين دول
//////////////////////////////////////////////////استغفرك ربي واتوب اليك
تسحبت علي اطراف اصابعها ودلفت اليه غرفته واغلقت الباب من خلفها
تكاد الرؤيه معدومه امامها من العتمه فهو مغلق الستائر القاتمه بأحكام حتي لاينفذ اليه اي ضوء صغير
فتحت جزء بسيط منها ليدخل شعاع الشمس الحارق وقت الظهيره
وأتجهت الي الفراش وجلست بجانبه وهو غافي علي وجه صدره عاري ويلبس سرواله فقط
قررت ان تمتص غضبه قبل ان يستيقظ ويكسر عنقها بين يديه
فنظرت حولها لتري ريشات الطاوس الموضعه في تلك المزهريه
اخذت منها واحده واتجهت بها اليه وبدأت تملس بها علي وجنته وظهره حتي تيقظه
بدا يتقلب وهو مغمض العينين ويفعل حركات بيده كمن يهش بعوضه من علي جسده
ابتسمت هي علي حركته هذه وبدأت تزيد من فعلتها
واذا به فجأه ينقض عليها ويقبض علي معصمها بقبضه من حديد وعيناه منفرجه امامها بغضب
لتصيح هي برعب مما يفعله:ايه ااااااانا تيا في ايه يا زين مالك
نظر لها نظره مرعبه وصاح فيها: جايه ليه
تيا:جيت عشان اصحيك الساعه ٣
زين:وانتي مالك اصحي ولا اتزفت ملكيش دعوه بيا
تيا:اه سيب ايدي طيب هاتكسرها
ترك معصمها من يده وهتف
زين:اديني سبتها اتفضلي بقي اخرجي وابقي اعرفي اكدبي عليا كويس
تيا بدلع:كده بردو يازيني هتزعلني منك وتخليني اخاصمك
جحظت عيناه مما تفوهت به فهاهي تتبع نفس طريقة والدتها عندما تقلب الاوضاع لصالحها مع والدها
زين:ليه ان شاء الله هو مين اللي من حقه يزعل من التاني
تيا ومازلت تتدلل :انا ال من حقي ازعل عشان انت اللي بتزعقلي
زين وقد تحشرجت حنجرته وبدء قلبه يرق الي محبوبته:خلاص مش هزعق بس بردو انا زعلان عشان بقيتي تعرفي تحوري عليا
تعلقت بزراعيها في عنقه وهمست في وجهه:طب حقك عليا ثم قبلته في وجنته اليمني متزعلش مني وقبلته في وجنته اليسري
لف زراعيه حول خصرها وضمها اليه بتملك
زين:طب وانتي كمان ماتزعليش مني ابدا يا روحي ثم اطبق بشفتيه علي كرزيتها ليأخذها معه الي عالم ممتليء بالحب والسعاده
/////////////////////////////////////////////بقلمي/كنزي حمزه
مازلت نائمه في الفراش بوجه متعرق حزين عين تدمع وهي مغلقه
لا تشعر بما هي فيه ولكنها تراه امامها مقيد بسلاسل غليظه من حديد والدماء تسيل من كل قطعه في جسده
ووالدها يمسك سوط جلدي طويل ينزل به علي جسده وهو لا يصرخ ولكنه ينظر في عينها بكل حب لا يتفوه الا بأسمهاهي (ليا)
تريد ان تقترب كلما تمد يدها اليه تري والدها وهو ينظر لها بغضب ويبعده هو عنها اضعاف المسافه
انفزعت من نومتها وصرخت بقوه وهي تنطق بأسمه دون ان تشعر (عاصييييي)
التفتت اليها صديقتها وجرت اليها بفزع:ليا مالك يا حبيبتي بتصرخي كده ليه
ليا بصراخ:عاصي يادانا عاصييي حشو بابي عنه ده هيموته حشوه يا دانا عاصي عاصي
وسريعا ما دلفو اليهم ليجدوها علي هذا المنظر
زين:مالك يا ليا اهدي يا حبيبتي
ليا:الحقه يا زين حشوه عنه بابي هيموته الحقه بسرعه
تيا :هو مين بس با حبيبتي بابي لسه مجاش انتي كنتي بتحلمي
ليا بصراخ:لاء هو بيضربه بالكرباج وجسمه كان كله دم والنبي تلحقوه قبل ما يموته قلوله اني خلاص مش زعلانه منه
زين وهو يمسك يدها بين يديه:اهدي يا ليا انتي كنتي بتحلمي يا حبيبتي محصلش حاجه من دي
وبابا لا عرف ولا جيه اصلا اهدي كده بقي وفوقي عشان هو لما يجي لو شافك كده هيشك ويعرف كل حاجه لازم تتمسكي تبطلي خوف عليه
توقفت عن الصراخ ونظرت اليه وهي مندهشه
ليا: لاء انا مش خايفه عليه اااانا خايفه علي بابي احسن يعمله حاجه بعدين يتحبس عشان واحد مايستهلش
تبدلو ثلاثتهم النظرات في صمت واكمل هو
زين: طب كويس اوي انتي كده جدعه عليكي بقي انك تنسي وتقومي تفرفشي كده
عايزين نقضي النهارده كله في ضحك وهزار ولعب ايه رأيك تقومي تاخدي شاور وتفوقي كده وهاخدكو ونروح نتغدي بره
لتصيح دانا:اشطه نروح كلنا وناخد عدي معانا كمان
////////////////////////////////لا اله الا الله محمد رسول الله
حضرو الي الشاليه وهي ممسكه بيد اخيها ومن خلفها دانا وتيا
رأتها غزل وغمزه وهم جالسون علي المقاعد ومعهم دارين وجدتها
فتحت لها روقيه زراعيها وارتمت في احضانها
روقيه:عامله ايه دلوقتي ياضي عيني
ليرد زين:عامله يعني ماهي زي القرده اهيه ومرمطاني معاها
غمزه:اسكت يا زين ليا حبييتي ردي عليا انتي بقيتى كويسه مش كده
ليا:ايوه يامامي الحمد لله انا كويسه
غزل:حقك عليا انا يا حبيبتي متزعليش ابدا واخذتها من احضان جدتها وضمتها اليها
تيا:خلاص بقي يا جماعه ليا نسيت اللي حصل
زين :صحيح فين عدي وعاصي انا مش شايفهم يعني
روقيه:عدي في حمام السباحه بيلاعب طمطم وبوده ثم تنهدت
واكملت وعاصي مخرجش من اوضته من ساعة مادخلها الصبح
العاصي/2
((مغامرات أبناء العاصي))
البارت الثامن والعشرون
مر اليوم عليهم بسلام حيث ذهبو جميع الشباب ماعدا عاصي الذي ابي ان يخرج معهم
خوفا علي معشوقته من ان تهابه الي مطعم البيتزا اكلو وجبتهم وعادو وهم يمزحونها ولكنها كانت فقط تبتسم لهم من حين الي اخر
حل عليهم المساء وهم جالسون علي الشاطيء جميعا الا هو
مزال يرقابها من شرفته وهي تكاد ان تسقط العبرات من فيروزتها
وهي تلمحه يخطف النظرات اليها ويختفي خلف الستائر
استمعو جميعا الي صرير اطارات سيارة تصف بجانب باقي السيارات
ليجدو الثنائي قادمون اليهم وجري عليهم الاطفال
طمطم:هييييييه بابي جيه بابي جيه
حملها حمزه بين يديه:اهلا بروح قلب بابي من جوه وحشتيني يا كلبوزتي
بوده:حمدلله علي السلامه يا بابي وحشتني اوي يا حبيبي
عاصي وهو يرفعه بين زراعيه:الله يسلمك يا حبيبي انت عامل ايه طمني عليك لسه عيان
نظرت غمزه الي الصغير فتذكر هذا الاتفاق
بوده وهو يضع يده علي جبهته ويغمض عينيه:اه الحمد لله علي كل حال انا بقيت كويس
همست روقيه في اذنها لتلحق الموقف:قومي الحقي الحلوف ده قبل مايكشفنا كلنا
غمزه بصوت خفيض :اجري يا زين سلم عليهم وخد منه الواد الاوڤر ده
زين:الله يخرب بيت زين وسنين زين اعتقوني بقي لوجه الله
وهب واقفا اليهم الف حمدلله علي السلامه يا بوب وانزل بوده وزجه اليها ليحتضنه
عاصي:الله يا يسلمك يا حبيبي ايه العيال دي عاملين ايه معاك وماجبتش لبوده دكتور ليه
زين وهو يحتضن حمزه:حمدلله علي السلامه يا عمي دكتور ليه بس دول كانو شوية سخونيه ومتقلقش عليه هو بقي كويس
حمزه: الله يسلمك يازين ازيك يا بابا صحتك عامله ايه وجلسو بجانبهم
فضالي:انا كويس يا حبيبي الحمد لله
جلس عاصي بجانب غمزه واخذ منها طفله الذي صب عليه كل اهتمامه واجلسه علي قدمه وهو يغمر بحنانه ويقبله بحب
ولم يلتفت الي فتاياته وهذا ماهدأ من روعتها قليلا
عاصي:كده يا غمزه مش عارفه تاخدي بالك من الواد اعمل فيكي ايه انا دلوقتي
غمزه وهي تبتسم له:حمدلله علي سلامتك يا حبيبي ماله بس الواد ماهو كوبس اهو ماكنوش شوية برد دول
عاصي وهو يمسك وجهه بين يديه:شوية برد ايه انتي مش شايفه وشه اصفر ازاي وخاسس كده انتي مكنتيش بتأكليه ولا ايه
اندهشو جميعا مما قاله هو لم يغيب عنهم الايوما بليله فهل يعقل ان يلاحظ نزول وزن الطفل من يوم واحد
روقيه: هههههههه ايه اللي انت بتقوله ده يا عاصي الولد زي الفل اهو واكيد مش هيلحق يخس من يوم يعني
عاصي:اومال ماله هادي كده ومش بيلعب انت تعبان يا حبيبي طب قولي عايز ايه وانا اعمله ليك
قرر اللعين ان يستغل الموقف ويتلاعب بقلب هذا العاصي الحنون
الذي رغم نقارهم معا دائما الا انه يهاب ان تلمسه نسمة هواء
بوده بتصنع المرض:مامي حارمني من الحلويات الايس كريم من امبارح وكمان انا ملعبتش خالص وهما كلهم اكلو بيتزا وانا سندوتش برجر بس وعايز ملك شك
لم ينظر الي احد وحمل طفله بين يديه واتجه به مره ثانيه الي سيارته وهو يهتف
عاصي:حرماك ليه انت تطلب بس وكل حاجه تجيلك تحت رجلك هي بتجبلك حاجه من بيت ابوها
تعالي يا حبيبي انا هاجبلك كل اللي انت عايزه واخذه وذهب به دون ان ينظر الي احد
جحظت عيناها وهي تنظر الي سرابه بعد ان ذهب
غمزه:الملعون أكل بعقله حلاوه
فضالي:ده حتي مسلمش عليا والله الواد ده هيجننه قريب
صاحت تيا :هو يعني مخلفش غير بوده ده مبصش ناحيتنا اصلا
جذبتها دارين واجلستها بينها هي وزين وهمست:اقعدي يا حبيبتي الحمد لله انو مخدش باله منكم اصلا
والا كان شك في منظر اختك اللي قاعده مش بتنطق دي
ليصيح حمزه: صحيح ياغمزه جوزك جايبلك في العربيه صندوقين مانجه
اندهش الجميع مما قاله ومنها و هي تضحك بشده علي تفكير هذا الشقي
ثم همس حمزه بأذن زوجته:عامله ايه يا روحي شكلك مش عاجبني
غزل وهي تمسك يده:الحمد لله يا حبيبي انا بقيت كويسه جدا جدا لما شوفتك
حمزه وهو ينظر لعدي:اومال فين عاصي مش شايفه وسطكم يعني
عدي:هاه لاء ده كان معانا بس لما جينا من بره قال انه عايز يطلع ينام شويه عشان كان سهران امباح
حمزه:طب تماما عن ازنكو انا بقي اطلع ارتاح شويه من السواقه
ابنك شغلني السواق بتاعه طول الطريق ياحج وال ايه جاي قبل مانوصل بحوالي ٢كيلو يقولي اوعي انت بقي وانا هكمل
فضالي:هههههههههههه معلش يا حبيبي ربنا يخليكم لبعض
غزل:تعالي يا حبيبي ارتاح في اوضتك فوق وذهبو معا وهو يحمل الصغيره بين يديه
تيا:اوف الحمد لله عدت علي خير ومعرفوش حاجه
غمزه:اه الحمد لله بس ربنا يستر علي ما الحيوان ده يجي مش هطمن الا لما اعرف عمل ايه معاه
//////////////////////////////اللهم قنا واعفو عنا وارحمنا انت مولانافانصرنا علي القوم االكافرين
صعدو سويا الي غرفتهم وقبل ان يدلف اليها التفت لها وهتف وهو يعطيها ابنتها الغافيه علي كتفه
حمزه:ادخلي نيمي البنت وانا هاشو عاصي واجي
غزل وقد امسكت يده:لاء قصدي يعني ده سيبو نايم وبكره ابقي اقعد معاه
حمزه وقد ارتاب في امرها: في ايه يا حبيبتي بس مانا عارف انه نايم انا هاشوفه واجي علطول ادخلي انتي
ترك يدها واتجه الي غرفة ولده وفتح الباب دون ان يدقه
تصنع الاخر النوم على الفراش واغلق عينه باحكام
وبدوره كأب حنون امسك الغطاء ودثره جيدا وهو ينظر اليه بحب
وتنهد براحه لرؤيته وهمس له وهو يقبل جبينه ويملس علي شعره الناعم: ربنا يهديك ويحفظك يا ابني
ثم اغلق باب الشرفه الزجاجي والستائر من بعده ونور المصباح واتجه للخارج موصدا الباب من خلفه برفق حتي لا يفيقه
نزع الغطاء من عليه بعصبيه وحزن وهو يزرف من عينيه الدمع
واعتدل جالسا علي فراشه وهو يضم ساقيه الي صدره ويبكي بحرقه ويأنب نفسه ويوخها
عاصي: لنفسه لوعرفت اللي عملته مش هاتعملني كده انا ماستحقش حبك ده ليا
انا خذلتك عمري ماكنت الابن اللي انت ببتمناه ابدا بس لاء من النهارده لازم اتغير لازم اشرفك وماخليش حد يبصلك بنظره تكسرك ابدا
وربنا يقدرني ويقف جانبي ورفع يده الي السماء واتجه الي ربه وهتف بصوت كله رجاء(يا رب)
//////////////////////////////استغفرك ربي واتوب اليه
دلف اليها وجدها نائمه في الفراش وقد اعدت له وجبه خفيفه علي الطاوله الصغيره بجانب الفراش نظر لها بحب وهمس وهو يتجه الي حقيبته ليغير ملابسه
حمزه:طب ايه هتنامي ومش هاتكلي معايا
غزل:لاء انا كلت من بدري كل انت بالهنا والشفا ياحبيبي
حمزه وقد جلس بجانبها:بس حبيبك مش جعان حبيبك عايز يطمن عليكي عشان انتي مش عجباه خالص
مالك يا روحي انتي في حاجه مخبياها عليا قوليلي ايه اللي مزعلك بس
غزل:مافيش يا حبيبي كل الحكايه ان مودي كان وحش بس عشان انت اول مره تبعد عني
معرفش ليه كنت حاسه اني عامله زي العريانه اللي مش لاقيه امانها وغطاها وسندها
لم يقوي علي التفوه لها فبأي كلمة حب سوف يجيب عليها
فقرر ان يعبر لها عن احساسه بشوقه اليها بطريقتهم الخاصه جدا. واطبق عليها بزراعيه ليغوصا سويا في نعيم حبهم
/////////////////////////////الله يا مولف القلوب الف قلبي علي حبك وطاعتك
بعد مرور ما يقرب من ساعتين صعد الجميع الي غرفهم وعاد الفتيات مع زين ودارين ودانا الي الشاليه الخاص به
وانطفأت الانوار لأستعداد الجميع للنوم اخيرا عادو وهم يحملون في ايدهم الكثير من الحقائب البلاستيكيه
وقالب كبير من الجاتوه وعلب من البيتزا زات الحجم الكبير وصناديق من اللعب
جري الصغير الي الداخل بمرح وهو يصيح
بوده:هييييييه قضينا وقت جميل جدا
عاصي: اه تصدق يا معلم كانو ساعتين حلوين اوي انا عن نفسي انبسط جدا
بوده:وانا كمان انبسط اوي يا حبيبي ربنا يخليك لينا يا بابي يارب واذا به يحتضنه بيديه الصغيره من قدمه
عاصي وهو يحمله:ويخليك ليا يا حبيبي وتكبر ادام عيني واشوفك احسن الناس
بوده:الله دول بينهم نامو كلهم ولا ايه
عاصي:الظاهر كده بقولك ايه يلا اطلع انت كمان غير هدومك بقي ونام ولا عايز حاجه تاني
بوده:لاء مش عايز حاجه انا عايزك انت تنام جانبي النهارده عشان الصبح ننزل البحر سوي
هاهو قد وضعه في مأزق وكيف يهرب منه الان
عاصي:اااا لاء مش هينفع انت سريرك صغير يا عم
وانا عايز ارتاح عشان جاي من السفر وكده وكمان شنطة هدومي تقريبا كده طلعوها عند مامي
بوده وهو ينزلق من بين يديه ويجري نحو الدرج :خلاص انا هاطلع اغير هدومي بسرعه واجي انام انا جانبك انتو السرير بتاعكو كبير وهايخدنا كلنا
رفع حاجبيه ببلاهه ولم يستطيع الرد حيث صعد الاخر سريعا
وضع قالب الجاتوه والتفت ليصعد ولكنه وجد الباب الزجاجي المطل علي حوض السباحه مفتوح فذهب ليغلقه
ولكنه وجد شخص يجلس في الظلام وحيد منحني الراس
ارتاب هو في امره وقرر ان يذهب ليري من هذا فوجده من سمي علي اسمه جالس ووجهه تكسوه الدموع
عاصي: عاصي مالك يا حبيبي فيك ايه قاعد لوحدك كده ليه
عاصي الصغير وهو ينظر اليه بخزي:عمي انا انا
عاصي:انت ايه مالك بس يا بني
عاصي الصغير:مافيش حاجه ياعمي مافيش
عاصي: مافيش ازاي انت فاكر انك كده بتريحني يعني قولي مالك يا حبيبي ايه اللي مزعلك كده وانا والله لو كان مين بالذي اكون جايبلك خبره
عاصي الصغير:انت هتعمل كده عشاني انا بعدكل اللي عملته معاك
عاصي : عملت ايه يعني عندت شويه عادي ابن وبيدلع علي ابوه وعمه
المهم انك ترجع لعقلك تاني وبدل ما تقف قصدنا تقف في ظهرنا
اومال احنا خلفناكو رجاله ليه ياض مش عشان تبقو سندنا في الدنيا
انت و عدي وزين بالنسبه ليا ولادي صحيح انا مخلفتش ولا واحد فيكو بس انا اللي ربتكو والاب ديما هو اللي بيربي مش اللي بيخلف
انتو كبرتو قدامي وبقيتو شباب زي الفل بفتخر بيكو في كل حته
لو قاعد مع مين بقول عيلة الحج فضالي كلها رجاله
يمكن علي بوده ما يكبر اكون انا مش موجود وسطكم عايز اكون مطمن عليه
اكون مطمن اني سايبه مع رجاله تقدر تحافظ عليه وعلي ماله ويعوضوه ببعدي عنه
مايفرقوش في المعامله بينو وبين ولادهم زي مانا عملت معاهم بالظبط
وهل كان له ان يقوي علي الحديث ان يرفع عينه التي انكسرت امامه
اي رجل هذا يتحدث عنه هو يعلم جيدا وصف شخصه الان ولكنه لا يقوي حتي ان يصارحه بما فعل
واذا به يجهش امامه بالبكاء ليغمره عاصي بين زراعيه وهو يهدئ فيه
عاصي:خلاص بقي ياض بطل عياط زي الحريم واطلع يلا اوضتك ولما نرجع عايزك تثبتلي ازاي انت بتحبني وهتبقي قد المسئوليه ولا لاء وعلي فكره انا لسه عندي وعدي ليك
وعده كيف له ان يخبره ان وعده هذا قد اضاعه من بين يديه فأذا قبل هو سوف ترفضه هي
لن تقبله بعد ما فعله بها واذا به يأخذه من يده ويتجه به الي الداخل مغلق الباب من خلفهم
///////////////////////بقلمي /كنزي حمزه
هاهي الان تجلس امام عينيه تنظر له بجراءه وغضب ولا تهابه ذلك اللذي يهابه الجميع
عاصي وهو يضيء النور ويمسك بيده صحن كبير ممتليء بثمار المناجو:ايه ده انتي صاحيه داانا قولت هالاقيكي نمتي من بدري
لم تجيبه والتفتت للجهه الاخري
جلس بجانبها علي الاريكه ووضع الصحن علي الطاوله امامه
واذا به يجذبها علي قدمه كعادته ويغمر وجهه في لافائف شعرها الاسود ذو رائحة الياسمين التي يعشقها جيدا
عاصي:انا ممكن استحمل اي حاجه النهارده الا انك تزعلي مني
غمزه:اوعي سيبني انت لسه فاكرني اصلا
عاصي:طبعا يا روحي فاكرك هو انا ممكن بردو انساكي ده انا بفكر فيكي حتي وانا نايم
غمزه: بأمارة ما اول ما وصلت ماكنتش شايف ادامك غير ابنك بس
ده انت حتي مسلمتش علينا واخدته ومشيت ال ايه واذا بها تقلد صوته هي بتجبلك من بيت ابوها اوعي كده سيبني
عاصي وهو يتمسك بها جيدا: هههههههههه غصب عني يا روحي كنت هاتجنن من القلق علي الواد
دانا سيبت الشركه تضرب تقلب وجيت عشان لم يكمل كلمته حيث برقت عينها امامه وصرخت في وجهه
غمزه:كمان يعني مش عشاني انا زي ما قولتلي اوعي كده واخيرا فكت قيوده من عليها واتجهت نحو الباب
عاصي وهو يقف ويجذبها من يدها اليه:خدي يا مجنونه رايحه فين بس دلوقتي اومال انا جايب المانجه دي كلها لمين
غمزه وهي تشير نحو الفراش: المانجه اه ابقي كلها انت وابنك بقي
وتركت يده بغضب وذهبت من الغرفه حتي تنام في غرفة صغيرها التفت هو حيث اشارت ليري صغيره نائم في الفراش بمنتهي الراحه فذهب اليه وحمله بين يديه وهو يضحك :ههههههههههههه يا ولاد المجانين
دلف بالصغير غرفته واذا به يجدها غافيه في فراشه ارقده بجانبها بهدوء ودثره جيدا
واذا بها تجده يحملها بين يديه ويتجه بها للخارج
غمزه بهمس:سيبني انا هنام هنا
عاصي وهو يقبل وجهها:لاء انتي هاتكلي مانجه الاول وبعدين تنامي في حضني
دلف بها غرفته واغلق الباب جيدا من خلفه وارقدها علي الفراش
غمزه:مش عايزه منك حاجه اوعي انا زعلانه منك علي فكره
عاصي:عارف علي فكره وهاصالحك يعني هاصالحك
غمزه:واثق اوي من نفسك
عاصي:طبعا يا بنتي دانا العاصي واذا به ينقض عليها كالليث الذي ينقض علي فريسته
العاصي/2
((مغامرات أبناء العاصي))
البارت التاسع والعشرون
انهاالحادية عشر صباحا كان يقف امام تلك الرخامه السوداء ويمسك بيده مج كبير وضع به بعض السكر عليهم بعض حبوب القهوه الامريكيه وينتظر تلك الغلايه حتي تعلن عن غليان الماء وهو يدندن
حنين حنين حنين
انا دايبه فيك حنين
انا دايبه فيك حنين
والغربه توهتني
لكن ما غربتني عنك طول السنين
عنك طول السنين
شيالك في نين عيني
واللي بينك وبيني
احلام كل الاحبه
وحنين المغرومين اه ياعيني
احتضنته هي من الخلف وغمرت وجهها في ظهره وهي
تهمس له: اه يانا مالحنين
التفت اليها وبدورها وضعت وجنتها علي صدره ليغلق عليها. وهو يبتسم
عاصي :يا صباح الفل ياقلبي ايه اللي صاحكي كنتي خليكي مستريحه في السرير
غمزه:جسمي كله بيوجعني
عاصي: هههههه معلش ياروحي اصلك كنتي وحشاني اوي طب اشيلك اطلعك تاني فوق
غمزه:لاءه انا هبقي كويسه انت بقي عمال تخبط وبتعمل ايه كده
عاصي:بحاول اعمل نسكافيه زي اللي بتعمليهولي بس بردو مش عارف اظبطه
غمزه:طب وسعلي كده يا فاشل انت
عاصي وهو يغمز لها بعينه : مش مهم فاشل في ده بس شاطر في حاجات تانيه هههههههه
همست له بأندهاش وهي تتلفت حولها خوفا من ان يسمعهم احد: قليل الادب
عاصي وهو يجذبها اليه:طب بزمتك ده مكان اعاقبك فيه تعالي نطلع فوق واعاقبك بقي براحتي
الله الله يعني امبارح بوده والنهارده مامي يا سي بابي واحنا ايه ولا علي بالك خالص كده
صاحت بها تيا الواقفه بجانب الباب ومن خلفها يقف زين وهو يضع يده علي كتفها
غمزه؛استلم بقي علي فكره راكبها العصبي من ساعة ما خرجت انت وبوده امبارح ومسلمتش حتي عليهم
عاصي بصوت خفيض وهو يتصنع الخوف:هي مالها بتبصلي كده ليه وكأني جوز امها مش ابوها
ضحكت ضحكه رنانه وابتسم زين له واذا بها تزجه اليها
عاصي:تيا حبيبة بابي وحشتيني ياقلب ابوكي
تيا بغضب:بس بقي يا بابي ماتحولش انا اصلا زعلانه منك ومخاصمك كمان
عاصي وهو يتصنع الحزن: يالهوي ويهون عليكي تخاصمي عاصي يا توتو دانا حبيبك بردو
توسطهم زين والتفت برأسه له:لموأخذه يا حج بس توضيح انا اللي حبيبها مش انت انت حبيبتك هناك اهيه
عاصي وهو يمسك ياقة قميصه من الخلف
غور ياض من هنا ال حبيبته ال بت يا تيا الواد ده عبيط ولا ايه
غمزه :لوسمحت مسمحلكش ده زين الشباب كلهم
تيا:بس بردو انا زعلانه منك انت حتي ماحولتش تبصلي انا وليا
عاصي:يا عبيطه كان لازم اخرج عشان انا محضر ليكي انتي وهي حتة مفاجئه هي فين صحيح
انتبهو جميعا لسؤله عنها ولم تقوي بالرد عليه
لصيح زين :دي لسه نايمه هي ودانا دلوقتي يصحو ويجو
عاصي: طب تمام اوي كده بقولك ايه يا حبيبتي انتي تروحي تصحيهم وتخليهم يجو عشان ورانا حاجات كتير اوي النهارده
تيابعدم فهم:حاجات ايه دي يا بابي
عاصي:لا مش هاقول حاجه احسن شكلي كده انا بس اللي فاكر والتفت الي زين الذي ابتسم له
زين:مش لوحدك علي فكره
تيا:ولو اني مش فاهمه حاجه بس ماشى انا هاروح اصحيهم واجبهم واجي وتركتهم وذهبت
غمزه وهي تعطي له النسكافيه:انا قولت انت اكيد نسيت
عاصي :وانا من امتي نسيت عيد ميلاد حد فيكو يا حبيبتي اومال انا جايب التورته اللي في التلاجه دي ليه
زين بمكر:ههههههه وكمان جبت التورته دانت مسيبتش لينا حاجه نعملها بقي
عاصي بمرح :هههههه لا يا حبيبي ماتقلقش اطلع انت بس صحيلي الاتنين اللي فوق دول وانزلو عشان تلحقو تعلقو الزينه
زين:اوك يابوب يابو المفاجأت انت هههههههههه
اتجه الي الدرج ليقابل حمزه ومن خلفه غزل
حمزه:صباح الخير عليكو ايه بدأت بدري ولا ايه ياعاصي
الجميع:صباح الخير
عاصي:لاء لسه بلم العيال عشان نبدأ
زين: انا هاطلع اصحيهم
غزل:تصحي مين عاصي وعدي في البحر من بدري
زين:ولاد اللذينا كده منغيري طب والله لروح انكد عليهم واجبهم من افاهم وذهب اليهم.
غزل:هو في ايه مالكو بتخططو لايه كده
غمزه:النهارده عيد ميلاد ليا وتيا يا غزل وعاصي عاملهم حفله
غزل:عقبال ١٠٠ سنه يا حبيبتي ربنا يخليك ليهم يا عاصي
عاصي ربنا يخليكي غزل يا رب يلا ياحمزه نبدء تعليق الزينه
حمزه:لاء بقولك ايه انا جعان نفطر الاول وبعد كده نعمل اللي انت عايزه
//////////////////////////////صلو علي من اشق له القمر
ذهب اليهم ووقف علي الشاطيء يشير لهم بيده يخرجو من الماء واذا بهم يروه ويخرجو اليه وبعد ان خرجو
زين بغضب:بقي حضرتكو هنا وانا عمال الف عليكم من الصبح
عدي:في ايه بس يا زين مالك انت كمان
زين:مالي يعني ايه اطلع عشان اصحيكو ونقعد سوي تفجأني غزل وتقولي دول نزلو البحر
عدي :والله انا صحيت بدري وقولت اصحي الاستاذ ده وننزل المايه شويه يمكن يفوق بقي ويخرج من المود اللي هو فيه ده
كان قد جلس علي المقعد ينشف جسده بالمنشفه
زين وهو يجلس امامه: وهو ده منظر واحد بقي فايق وكويس ماتتعدل ياض بقي الله يخرب بيتك هتكشفنا عمك لو شافك هيتأكد ان فيه حاجه
عاصي: لاء اطمن شافني امبارح وعارف اني مدايق بس معرفش من ايه
وابويا كمان شافني بس عملت نفسي نايم فيا ريت بقي تسيبوني ارجع عشان انا مش هاقدر ارفع عيني فيهم
زين :علي فكره مش هينفع اللي بتقوله ده يحصل يا عاصي
والنهارده بالذات.انت كده هاتخليهم يشكو اكتر
عدي:ليه مش هينفع النهارده بالذات يا زين
عاصي:عشان انهارده عيد ميلاد تيا وليا بس حتي ده مش هقدر احضرو
زين:معلش يا عاصي حاول تسيطر علي مشاعرك دي شويه ده هو اللي بعيتني ليكم عشان نعلق الزينه يلا بقي بينا نروحلهم
//////////////////////////////////سبحان الله والحمدللله ولا اله الا الله
دلفو مره اخري ليجدو الجميع مجتمعين و يجلسون علي طاولة الافطار
عاصي يمسك هاتفه ويتحدث بصوت مرتفع وهو يسب ويلعن بأفزع الالفاظ
وحمزه ايضا يتحدث بهاتفه
توجه زين الي جده بالحديث:هو في ايه يا جدي انا كنت سايبهم كويسين من شويه
الجد:في شيك ب٢مليون جنيه كان المفروض هايتسلم للبنك النهارده وسكيرتيرة عاصي بتقوله انه مسلمهوش ليها وحمزه كمان نفس الحكايه
ليصيح عاصي بصوت جهور:بقولك ايه حوارت كتير مش عايز اقلبي ام مكتبك لحد ماتلاقي الشيك والا ورحمة امي لتكونو بيتين كلكو في الحبس النهارده واغلق الهاتف في وجهها
حمزه:ايوه انا بنفسي اخدت الشيك منك في الحاسابات ووقعت عليه وبعد كده انت اخدته مني ودته فين بقي ايه بتقول ايه طيب طيب اقفل وانا هاشوف الموضوع ده اغلق الهاتف
وتوجه بالحديث الي اخيه اللذي جلس ينظر اليه
حمزه:اهدي كده ركز معايا انا الشيك جالي ومضيت علي الورق اللي معاه ونزلته في الحاسابات عندي وبعدين الملف كله دخل السكرتيريا عندك
والموظف متأكد ان البنت دخلت ليك الملف لأنها اخدته من ايده ودخلت في ساعتها لانك كنت عمال تزعق وتسأل عليه
وهي بتقول انك بعد ربع ساعه اتصلت واديتها الملف من غير الشيك.
انتبه لكل كلمه كان اخيه يلقيها علي مسامعه في صمت تام وبعد دقائق معدوده قفز من علي مقعده وهتف
عاصي:ينهار اسود انا شيلت الشيك من الملف بعد ما مضيت عليه و بدل ما ارجعه فيه تاني شيلته وحطيته في الخزنه وقفلت عليه
حمزه:يعني هو دلوقتي في خزنتك طب هنعمل ايه دلوقتي الشيك ده لو مراحش البنك بكره بالكتير مع الورق هيفرضو علينا غرامه كبيره
عاصي: لاء ماتقلقش انا هانزل مصر حالا دلوقتي وارجع كل حاجه زي ماكانت واتجه ليصعد الدرج
ليهتف عاصي الصغير: خليك انت يا عمي واروح انا بدالك
وقفو جميعا ينظرون اليه بدهشه اهذا هو الذي يتهرب دائما من عمل ابسط الاشياء هل يتحمل عبئ هذا المبلغ الضخم
حمزه:لاء يا عاصي دي مسؤليه كبيره عليك المبلغ مش قليل ولو الشيك ضاع هيبقي كمان في غرامه كبيره
ليصيح عاصي الكبير: اسكت يا حمزه سيبو هو هيبقي اد ثقتنا فيه ويقدر يتحمل المسؤليه
واتجه الي سلسلة مفاتيحه اخرج منها مفتاحين واتجه اليه
عاصي: المفتاحين دول واحد منهم بتاع مكتبي والتاني بتاع الخزنه ورقماها تاريخ ميلاد بوده عارفه ولا اكتبه ليك في ورقه
ابتسم له عاصي الصغير وهتف: لاء عارفه كويس ومتاخفش هاعمل كل اللي تقولي عليه
ربط علي كتفه وابتسم لأخيه واتجه به الي الطاوله الصغيره وجلسو هما الثلاثه
عاصي:تمام يا معلم بص انت هتفتح الخزنه هاتلاقي الشيك ادامك هاتخده منها وتقفلها تاني بالمفتاح وتاخد الملف من السكرتاريا تحط فيه الشيك وتحطه في ظرف ابيض من الاظرف اللي في درج المكتب عندي وتقفله
وتسلمه ليها تاني عشان بكره تاخده هي توديه البنك
عاصي الصغير:وليه هي توديه انا هوديه بنفسي بكره
حمزه:ليه يا حبيبي انت مش هترجع لينا تاني النهارده
عاصي الصغير:يعني انتو بتقولو شيك بالمبلغ ده وعايزيني اسيبه لحتة سيكرتيره
وبعدين انتو كلها يومين وترجعو مش طلبه بقي سواقه اربع ساعات رايح جاي
عاصي وهو مبتسم له:تمام اوي يا حبيبي انت عليك في اليومين دول بقي تبقي بدالنا احنا الاثنين في الشركه تقعد في مكتبي وكأن انا الموجود بالظبط
وانا هبقي معاك دقيقه بدقيقه علي التليفون
عاصي الصغير:حاضر ياعمي عن اذنكو بقي هاطلع اجهز واجهز حاجاتي وانزل
كل هذا كان يحدث امام مرأها وهي تقف بين اختها وصديقتها
كانت تعلم انه يفعل هذا فقط ليهرب من عيناها التي تلومه في كل لحظه تقع عينه اسيره لها ولكنها افاقت علي صوت والدها وهو يجذبها اليه
عاصي: الجميل سرحان في ايه ومش معبر بابي اللي عمال يقوله وحشتني
ليا بهدوء:حبيبي يا بابي وانت كمان وحشتني اوي
عاصي وهو ضامم حاجبيه اومال مالك انتي وشك دبلان كده ليه
ليا:هاه مافيش حاجه انا بس لسه صاحيه من النوم واتخضيت لما لقيتكو بتزعقو
اخرجتها صديقتها من هذا الموقف وصاحت
كده بردو يا انكل حضرتك مأختدش بالك مني هوانا مش زي ليا وتيا ولا ايه
عاصي:هههههه لاء اذاي يا حبيبة انكل دانتي زيهم واكتر بس
الهوانم بصراحه النهارده وخدين كل تفكيري و القلق اللي حصل ده نكد عليا
حمزه:يلا الحمد لله انها جات علي قد كده عالله عاصي بس يعرف يعمل اللي قولتله عليه وميخذلناش
عاصي الكبير وهو يحتضن ابنته وينظر لها ويبتسم:انا متأكد انه مش هيخذلني
////////////////////////////////الحمد لله حتي يبلغ الحمد منتهاه
صعدو خلفه هم الاثنان ودلف عليه غرفته
زين : فكره ب٢مليون جنيه جاتلك علي صينيه من ذهب
عاصي:اه يا اخي الحمد لله انا اصلا مش عارف ارفع راسي في وش حد فيهم
عدي :بس لو معملتش اللي عمك قالك عليه ولا الشيك ضاع يا حلو ده هينفخك بجد
عاصي:لاء ان شاء الله هاعمل كل اللي قالي عليه
عدي:طب ايه رأيك اجي معاك
عاصي:لاء ليه خليك معاهم مش هخاف يعني وانا لوحدي
زين:عاصي انت حطيت نفسك في امتحان كبير اوي ولازم تبقي قده ده اللي هيرجع ثقة الكل فيك تاني
عاصي: انشاء الله يا زين هبقي اده
بقولك ايه يا عدي خد علبتين الهديا دول بتوع البنات انا كنت جايبهم معايا عشان يعني عيد ميلادهم وكده وركز الحمره بتاعت تيا والزرقا اديها ليا يا عدي ها ابوس ايدك ركز
عدي:حاضر يا عاصي بس خلي بالك انت من نفسك
زين وهو يحتضنه:احنا هانتابعك بالتليفون ومش هانسيبك وهنبعتلك كمان صور الحفله
عاصي:ربنا يخليكو ليا ياأجدع اخوات في الدنيا
//////////////////////////بقلمي/كنزي حمزه(مياده)
ترجلو علي الدرج هم الثلاثه وعدي يجر من خلفه حقيبته
ووقف هو امامهم حتي يلقي السلام عليهم
عاصي الصغير: اشوف وشكم علي خير انابقي
الجد:توصل بالسلامه يا حبيبي خلي بالك من نفسك يا عاصي
عاصي وهو يقبل يده:حاضر يا جدي ماتقلقش
روقيه بعد ان رق قلبها اليه:تعالي يا حبيبي في حضني سوء علي مهلك ربنا يسلمك من كل شر وتوصل بالسلامه
عاصي:خلاص بقي ياتيتا متعيطش ربنا مايحرمني من دعواتك وقبلها في وجنتها
وقف امامها وهي تنظر له بغضب:ماما مش هتسلمي عليا ولا ايه
غزل بكلمه واحده:مع السلامه
تنهد بفارغ صبر واحني رأسه وهمس: الله يسلمك يا ماما.
كاد ان يرحل من امامها الا انها جذبته من يده وتعلقت في عنقه
وهتفت والدموع تغرق وجهها:خلي بالك من نفسك وكل كويس ومتشيلش الغطا من عليك باليل وانت نايم
عاصي براحه :حاضر يا حبيبتي ربنا يخليكي ليا وتركته اخيرا
التفت ليبحث عنها ولكنه لم يجدها فعلم انها مازلت لم تصفح عنه
فاتجه الي معذبته وهي تقف وسط الفتايات وتشبثت بهم جيدا عندما رأته يتجه لها
عاصي بصوت خفيض:سلام يا بنات وهمس لها ليا انا اسف حقك عليا
ثم تركهم وخرج من امامهم واتجهه الي سيارته ليهتف
والده :خلي بالك من نفسك يا عاصي
ومتشيلش السماعة من ودنك احنا هنفضل معاك طول الطريق علي التليفون
عاصي: حاضر يا بابا
عاصي الكبير:اول ماتوصل القاهره تروح علي الشركه هما مش بيمشو قبل الساعه ٥
تخلص اللي قولتلك عليه وبعدين ترجع علي البيت تاني
عاصي:حاضر اصلا انا هاعمل كده
عاصي الكبير اوعي تنسي تقفل الخزنه اوالمكتب لما تخرج منه
ولو عوزت فلوس ابقي خد من الخزنه اللي كفيك
عاصي الصغير:ماشي يا حبيبي ربنا يخليك ليا بس انا معايا الڤيزا ومش هاحتاج حاجه
عاصي:ماشي يلا بطل توصل بالسلامه
حمزه:مع السلامه يا حبيبي
عاصي الصغير وهو يتحرك بالسياره:سلامو عليكو
//////////////////////////////
دلفو اليهم بعد ان ذهب بسيارته من امامهم ليجدها قد ظهرت امامه مره ثانيه وهي تجلس بين غزل وروقيه وزوجة صديقه
عاصي:الله انتي كنتي فين ده عاصي سافر من غير ماتسلمي عليه
غمزه ببرود:اه يوصل بالسلامه انا كنت بنده لدراين عشان تيجي تفطر معانا
ارتاب في امرها لابد انه يوجد شيء يخفوه عنه
هي لوكانت في وقت اخر لمنعت ذهابه واحيدا
بل كان من الممكن ان تتشاجر معه من اجله اوحتي تخبره بأن يذهب هو
ولكنه فضل الصمت حتي لا يفسد ما يريد ان يفعله اليوم
عاصي :طب اوك يلا شباب عشان نبدا العمل
العاصي /2
((مغامرات ابناء العاصي))
البارت الثلاثون
انتهي الحفل وبدؤو جميعا في تسليم الهدايا لهم ووقف عدي امامهم وه يهتف
عدي: كل سنه وانتو طيبين يا نسانيسي🐒🐒
تيا:اخص عليك ياعدي متقولش علينا كده وبعدين فين الهديه بتاعتنا
عدي :اصبري علي رزقك شويه بصو انا جبتلكو هديه واحده وانتو بقي تقسموها مع بعض
وقفت تيا امامه وهي جاحظة العينان
والتفتت الي توؤمها الصامته طول الحفل :انتي هتفضلي ساكته كده بيقولك جايب لينا احنا الاتنين هديه واحده
ليا بحزن:خلاص بقي يا تيا ميرسي يا عدي
تيا:هو ايه اللي ميرسي ده والله ياعدي لو الهديه مش هتنفع تتقسم لأقتلك
التفت عدي الي زين الواقف بجانبه
عدي:شرسه اوي البت دي
زين:اه اوي ربنا يستر عليا
تيا بصراخ :اخلص بقي وهاتها
عدي:يخرب بيتك خرمتي طبلة ودني اتفضلي
فتحت تيا الهديه امام الجميع وجدتها زجاجة برفيوم باهظة الثمن صحيح لكنها واحده فكيف بها ان تقسمها مع اختها
تيا:ام حلو جدا بس تقدر حضرتك تقولي اقسمها ازاي دي مع اختي قبل ما اكسرها علي دماغك
عدي ببرود:انتي بخه وهي بخه
قررت ان تهشم تلك الزجاجه فوق رأسه واقتربت منه وامسكته من ياقة قميصه ورفعتها بيدها لفوق
واذا به ياتي بالزجاجه الثانيه من خلف ظهره وهو يصيح: الهديه التانيه اهيه يا متوحشه امسكي
تيا:اه كده تمام ناس مابتجيش الا بالعين الحمرا وبهدوء ميرسي يا عمو عدي حلوه خالص
عدي:كيوت اوي ياختي استني خدي هدية عاصي هو سبهالكو معايا
تيا دون ان تعي ما تقوله:لاء ابقي رجعها ليه تاني احنا مش عايزين منه حاجه
انتبه والدها وعمها لما تقوله و وقف زين امامها بغضب وهمس:ايه اللي بتقوليه ده يخرب بيتك هاتخليهم ياخدو بالهم كده
عاصي: ومش عايزه تاخدي هدية ابن عمك ليه يا تيا
لدقيقه كامله وقفت كمن القي علي رأسها دلو ماء مثلج
تيا:اصله اكيد حاطت لينا فيها حاجه وعامل مقلب زي عاويده
عاصي بمكر:اه طب خدي هدية ابن عمك. يلا عشان ميزعلش وانتي كمان يا ليا خدي هدية عاصي
وقف عدي امامها حين رأي الدموع تلمع في عينها واحنت رأسها وهي تهزها بالنفي
عدي :خدي ياليا هدية عاصي وامسحي عينيكي ابوكي واخد باله
ليا:لاء يا عدي مش عايزه حاجه منه
عدي:طب عشان خاطري انا خديها دلوقتي وابقي اكسريهابعد كده او حتي رجعيها ليه تاني
ليجده يجذبها من امامه وامسك وجهها بين يديه ونظر الي الجميع بريبه
عاصي:من ساعة ما شوفتك الصبح وانا شاكك ان في حاجه انتو كلكو مخبينها عليا
عايز اعرف دلوقتي حالا كل حاجه😈
بماذا تصارحه الان هل تقول له ان من بدأ اليوم في كسب ثقته والا عتماد عليه
هو هو من كان يريد ان يعتدي علي شرفه يخونه ويكسر عينه
ليصيح عاصي:بطلي عياط وقوليلي عاصي ضربك تاني ليه
تفاجيء الجميع بما تفوه به ها هو الان يعلم نصف الحقيقه فكيف يخفون عليه الباقي
ولكن والدتها قررت ان تنقذ الموقف
غمزه:اصله شافها وهي خارجه من اوضتها بمايوه وكانت عايزه تنزل بيه البسين
فزعق ليها بس هي عندت معاه وقالت ليه انت ملاكش انك تفرض سيطرتك عليا
وبابي بس هو اللي من حقه يقولي البس اي وملبسش ايه فضربها بالقلم انت عارفه ديما ايده سابقه تفكيره
ترك عاصي وجهها وابتعد عنها ونظر اليها هو واختها
وهتف : انتو ايه فاكرين نفسكم لسه بنات صغيرين انتو مش شايفن نفسكم بلاش مش شايفين جسمكم بقي عامل ازاي
مايوه ايه اللي انتي عايزه تلبسيه يا هانم يا محترمه الظاهر اني دلعتكو زياده عن اللزوم من هنا ورايح مافييش لبس ديق ولا قصير والحجاب هيتلبس مفهوم ولا لاء
تيا وليا:مفهوم يا بابي
عاصي :انتو الاثنين اي كلمه يقولها ليكو عاصي او زين تتنفذ بدون نقاش
عاصي و زين بالنسبه ليكو هما انا فاهمني ولا لاء ودي تاني مره بلفت نظرك للكلام ده يا ليا كلام ابن عمك يتسمع سمعاني يا ليا
اجهشت بالبكاء وما كان منها الا انها جرت علي غرفتها فها هي الان انقلبت عليها الايه واصبحت الجانيه بدلا من ان تكون المجني عليها
صعدت والدتها خلفها وجذبتها من علي الفراش واحتضنتها
غمزه: غصب عني يا روحي كان لازم اجي عليكي انتي عشان مهدش العيله كلها وهو بردو حس بغلطو وعمال يأنب في نفسه عشان كده قرر انه يهرب من نظراتك ليه
ليا بصراخ: انا بكرهه يا مامي بكرهه
غمزه وهي مبتسمه:اه عارفه انا الكره ده جربته قبل كده بس المهم دلوقتي
ان احنا معرفناش بابي حاجه براحتك بقي مش عايزه تكلميه خالص ماتكلميهوش عايزه تسامحيه سامحيه
ليا:عمري ما هاسامحه عمري ماهكلمه تاني
تنهدت غمزه واحتضنت ابنتها جيدا وهي تقول:الواد ده فعلا نسخه من عمه يلا بكره نشوف الايام مخبيه ليكو ايه
//////////////////استغفرك ربي واتوب اليك
جالس علي مكتب عمه الان يتفقد ذلك الملف ويمسك بيده الاخري هذا الشيك الذي انقذه من المأزق كله واذا بهاتفه يعلن عن اتصال من زين فأمسكه وفتحه ليحدثه
عاصي: يا بني ارحموني بقي كلتو دماغي
زين:اتنيل واسمعني كويس عمك عرف انك ضربت ليا
هب واقفا مفزوعا مما القاه علي مسامعه الاخر
عاصي:ايه وبعدين كمل قولي عرف ايه بالظبط
زين :اهدي كده وركز معايا عشان هو بيحاول يتصل بيك دلوقتي
هوعرف انك ضربتها اه بس غمزه طلعتك من الموقف زي كل مره يا حيوان
عاصي بسخريه:غمزه اذا كانت مش طيقاني دي اختفت وانا ماشي من عندكو عشان متسلمش عليا
زين:اكيد مش هتعمل كده عشان خاطرك يعني هي عملت كده عشان العيله كلها
عاصي:طب اخلص وقولي قالتله ايه بالظبط
زين:قالتله انك ضربتها عشان شوفتها لابسه مايوه وكانت عايزه تنزل بيه البسين
وانها قالتلك انت ملاكش انك تقولها تلبس ايه ومتلبسش ايه
فأجبرهم علي لبس الحجاب وقالها كمان ان اي كلمه حضرتك تقولها ليها تنفذها
كأن هو اللي قايلها بالظبط شوفت عمك بيثق فيك اد ايه يا حيوان انت
عاصي بحزن:كفايه يا زين كفايه ابوس ايدك والله لوكنت قدامها لكنت ركعت علي رجليها وفضلت ابوسها عشان تسامحني
انا عارف انها مش هتقدر تنسي بسهوله بس والله هاتغير عشانها هاعمل المستحيل عشان ارجع ثقتها فيا تاني
زين:امانشوف انا هاقفل عشان هو هيتجنن عشان مش بترد عليه يلا سلام
عاصي:سلام
اغلق معه الهاتف وقرر ان يغلقه نهائي الان حتي لا يجيبه وهوعلي وضعه هذا
وانتبه الي الاوراق التي امامه وفعل مثلما طلب منه عمه وضع الشيك في الملف ووضع الملف بالكامل في هذا الظرف الابيض واغلقه
ولكنه ابي ان يسلمه الي السكرتيره وفضل وضعه في الخزنه مره اخري لحين عودته في الصباح واخذه الي البنك
واذا به يستمع دق علي باب المكتب
عاصي وهو يجفف وجهه:ادخل
دلفت اليه تلك الفتاه الجميله الهادئه الانيقه في ملابسها المحتشمه
و هتفت:استاذ عاصي حضرتك مش هتديني الملف عشان اشيله معايا عشان بكره اوديه البنك
عاصي:لاء يا انسه داليا الملف انا شيلته خلاص انا بنفسي هاوديه بكره البنك وانتي طبعا هاتكوني معيا
اومئت له برأسها وهتفت:طب حضرتك عايز مني اي حاجه تاني مواعيد العمل انتهت والموظفين كلهم مشيو
عاصي: ليه هي الساعه كام ياخبر دي الساعه سبعه انا اسف اني اخرتك بالشكل ده اتفضلي انتي
السكرتيره:مافيش اسف ولا حاجه عن اذن حضرتك وذهبت من امامه بدأ هو يجمع اشيائه وتمم علي مكتب عمه وخزنته
واتجه للخروج بعد ان اغلق باب المكتب جيدا
////////////////////////////////////اللهم اغفر لي خطيئتي
كانو الرجال يجلسون علي الشاطيء وهو يقف ويمسك الهاتف بيده ومنفعل جدا
عاصي:الحيوان تيلفونه اتقفل اعمل فيه دلوقتي
حمزه:اهدي شويه بقي تلاقيه فصل شحن منه
عاصي:فصل شحن ماشي بس وربي وما اعبد ماهسيبه الحيوان اللي ايده ديما سابقه تفكيره ده
فضالي:هو يعني هيجيبه من بره ماهو طالعلك
عاصي بعد ان جلس ركز في كلام والده بهدوء:اه والله عندك حق يا حج الله يكون في عونك يابنتي
واخيرا حضر اليهم هذا الصديق المحبب لهم
اوقف سيارته بجانب صف السيارات وقبل ان يتجه الي الشاليه خاصته
رأه زين وهو جالس معهم فقرر ان يغرد له بصفارته المعروفه للجميع فانتبهو له وانتبه هو أيضا واتجهه اليهم
زين:ابويا جاي لابس ابيض فابيض هو ناقص بياض ده شويه وهاينور لوحده هههههههه
عاصي وهو يحتضنه: ملاگ يا خواتي وداخل علينا حمدلله علي السلامه
احمد:طبعا ملاك يا اومال شيطان زيك ههههههه الله يسلمك يا حبيبي
حمزه:حمدلله علي السلامه يا سيادة العميد مش كنت جيت معانا امبارح عشان تحضر الحفله
احمد: والله غصب عني كان عندي شغل جامد انا حتي مكنتش هاعرف اجي النهارده كمان بس مانستش الهدايا بتاعتهم طبعا ازيك يا عمي عامل ايه
فضالي: الحمد لله يا حبيبي حمدلله علي سلامتك المهم انك جيت تقعد معانا يومين ترتاح فيهم من الشغل شويه
احمد وهو ينظر لعدي: اه والله صدقت يا عمي ايه يا عدي مش هاتسلم عليا ولا ايه
نظر عدي لزين وعلم انه مزال لم يصفح عنه فاحني رأسه امامه وهتف
عدي:ازي حضرتك يا عمي حمدلله علي سلامتك
احمد بجديه:الله يسلمك يا عدي الله يسلمك
وجلسو مره ثانيه وهمس عدي لزين:الحقني يا زين ابوك شكله مش ناسي وناوي يقلب الترابيزه عليا
زين:تصدق ياض انا زهقت منكم اذا كنت انت ولاا الحمار التاني اسكت ومتخافش كده وانا هكلمه لما نبقي لوحدنا
انتبه احمد لعدم وجود هذا المشاكس فسأل عنه
احمد:غريبه يعني انا مش شايف المشاغب بتاعكو وسطكو اومال هو فين
حمزه:المشاغب رجع مصر تاني
احمد:عاصي رجع لوحده غريبه دي اوي رجع ليه
عاصي:اصل انهارده حصلت شوية كوارث كده ورا بعضها وبدأ يقص عليه كل ما حدث في يومهم هذا
/////////////////////////////////////لا اله الا الله محمد رسول الله
كان نائما علي الفراش ومستندا بجزعه العلوي علي الوساده من خلفه
وهي تضع رأسها علي صدره العاري يلف خصلات شعرها البنيه علي اصابعه ويطعمها بيده الاخري حبات العنب
الاحمر
احمد:اه يا روحي ماتتصوريش انتي كنتي وحشاني اد ايه
دارين:وانت كمان يا حبيبي كنت واحشني اوي كنت مفتقداك اوي اوي
احمد:حبيبتي انتي ربنا مايحرمنيش منك ابدا يا قلبي
دارين:طب كفايه بقي وسيبني انام
احمد:تنامي ايه بس احنا لسه قعدنا مع بعض خليكي صاحيه معايا شويه
دارين: ولو حمزه ولاعاصي اتصلو بيك دلوقتي هاتسيبني وتجري عليهم علطول
احمد: ههههههه دلوقتي دلوقتي لاء ده ولا وزير الدخليه نفسه يقدر يحركني من هنا
////////////************بقلمي/كنزي حمزه(مياده)
اقبل عليهم الصباح واستيقظو جميعا وبعد ان اتمو فطورهم ذهبو الي الشاطيء
قرر حمزه الاتصال بأبنه الذي حاول طول الليل ان يهاتفه ولكنه فشل في الوصول اليه
عاصي:ها يا حمزه فتح تليفونه
حمزه:استني ياعاصي بيرن اهو الو انت فين ياحيوان انت قافل تليفونك من امبارح باليل ليه
عاصي الصغير: اكيد يعني كان هايفصل شحن بعد كل المكالمات دي
امسك عاصي الهاتف من اخيه وصرخ في الاخر: ورحمة امي يا عاصي لو انت قدامي دلوقتي لا كنت كسرت رقبتك في ايدي
ابتلع الاخر لعابه بصعوبه والتفت الي تلك الجالسه بجواره في سيارته وخرج صوته بصعوبه:يا عمي والله انا
صرخ عاصي مره ثانيه:اخلص قولي نيلت إيه من امبارح
عاصي الصغير:خلاص انا روحت البنك وقدمت الملف للمدير
وكل حاجه تمام
وراجع دلوقتي انا وداليا السكرتيره علي الشركه
واخيرا ماتنفس الصعداء واطمئن قلبه ليهدأ وهو
يحدثه:ماشي يا عاصي وحاسابي معاك علي انت عملته هيبقي لما اشوفك
دلوقتي هتروح علي الشركه ومعاك كل الصلحيات بس ماتمضيش عل اي ورقه انت مش فاهمها من غير ماترجع لي وانا بنفسي هبلغ كل رؤساء الاقسام بكده
عاصي الصغير واخير قد كسب ثقة عمه:حاضر ياحبيبي عمي انا بجد اسف عشان خاطري اقبل اسفي
عاصي:لاء يا عاصي الكلام مش هيبقي في التليفون اقفل يلا من غير سلام
وضع يده علي عجلة القياده بغضب وبدأ يدق عليها بقوه ويخرج من صدره كل غضبه
وهو يصيح بقوه:يعني مافيش فايده بردو كل ما احلها من ناحيه تتعقد من ناحيه تانيه
خير يااستاذ عاصي ههو في حاجه:كان هذا صوت تلك الجالسه بهدوء بجواره منكمشه علي نفسها
التفت اليها وقد نسي لوهله انها معه ولكن هل ينقصه ان يخيفها هي ايضا
عاصي:هههههه انتي ايه انتي تصدقي انا نسيت انك معايا في العربيه انا اسف يا انسه مش قصدي اخوفك كده
داليا: لاء عادي انا واخده علي كده
عاصي:نعم لاء مش فاهمك قصدك ايه
داليا:اصل حضرتك شخصيتك زي شخصية عمك بالظبط
عاصي بهدوء وصوت لم تسمعه جيدا:يارتني زي عمي و انا ايه وصلني ليه بس
داليا:نعم حضرتك بتقول حاجه
عاصي:هاه لاء مافيش هو انتي عندك كام سنه يا انسه داليا
داليا:عندي٢٧ سنه حضرتك بتسأل ليه
عاصي وهو يضحك:نعم ازاي دانتي اللي يشوفك يقول عليكي يدوب ١٧ سنه هههههههه اصلك بصراحه اوزعه اوي
داليا :اه ماهو كل الناس بتفتكر زي حضرتك كده
عاصي:طب وهو ينفع بردو تبقي حضرتك اكبر مني ب٧ سنين.وتقوليلي حضرتك
داليا بمرح: ياه دانت صغير اوي مع ان اللي يشوفك يقول عندك ٣٠ سنه
عاصي:هههههههه كدابه علي فكره اتي بتردهلي بشياكه صح
داليا :هههه ام تقريبا كده علي فكره حضرتك اد اخويا الصغير في السن
عاصي:طب وهو انتي بتقولي لأخوكي الصغير حضرتك بردو اظن ما ينفعش مش كده ولا ايه
داليا:ايوا بس يعني ماينفعش حضرتك
عاصي:لاء ينفع بيني وبينك انتي قولتي اني زي اخوكي الصغير وانا هاعتبرك اختي الكبيره بصراحه انتي جيتلي في وقتك وهحتاجك اوي اليومين الجايين دول
داليا: انامش فاهمه حاجه
عاصي:بعدين يا انسه داليا هافهمك كل حاجه
/////////////////////////////الحمد لله الذي لا يحمد علي مكروه سواه
كان يقف امام الشاطئ يتحدث مع رئيسه في الكتيبه
زين: والله يافندم الواحد كان راسم علي اجازه سعيده بس طلما رايح مع العيلة كلها هتبقي سعيده اذاي بس
ليجد من تخطف من يده الهاتف وهي تصيح بمرح
تيا : هو كل شويه تليفون يأما تقعد مع عدي ترغو سوي وانا ايه ولا علي بالك كده
زين وقد غضب من فعلتها وصرخ في وجهها:هاتي الزفت اللي في ايدك ده واياكي تعملي كده تاني.
اندهشت من غضبه الغير مبرر واعطته الهاتف واتجهت لتجلس بجانبهم واكمل هو حديثه مع رئيسه الذي مزال علي الخط
دانا:مالك وشك قلب كده ليه
تيا :مافيش يادانا سيبني بقي واسكتي شويه اقولك ركزي مع ليا احسن
دانا:والله انا زهقت منكم انتو الاتنين وانتي يا ست ليا هاتفضلي قاعده ساكته كده
ليا:عايزاني اعمل ايه بس يا دانا
دانا : قوليلي فتحتي الهدايا امبارح عرفتي عاصي جابلك ايه
ليا: لاء ومش هافتحها واول مانرجع هارميها ليه في وشه
 الفصل السادس وعشرون والسابع وعشرون والثامن وعشرون والتاسع وعشرون والثلاثون بقلم/كنزي ح…){kind=link}
تعليقات
إرسال تعليق