رواية بريق حياه الفصل الاول والثاني والثالث والرابع والخامس بقلم نرمين قدرى
رواية بريق حياه الفصل الاول والثاني والثالث والرابع والخامس بقلم نرمين قدرى
الفصل الاول
في منزل متوسط الحال وبالتحديد داخل غرفة المطبخ تجلس فتاه ذات العشرون عام قرفصاء علي أرض المطبخ
نورين قالت: عارفة أن انا موحشتكش بس انت وحشتني جداا يا بكبوزتتي انت . تعالي في حضني بقي قولي عملت ايه في غيابي. قول بقي
ثم التقطت قطعة سمك من الطبق الموضوع أمامها علي الارض . واعطتها للقط الضخم المكوم في حضنها
قالت نورين ضاحكة للقط : تعرف لو كنت أعرف أن حقعد اكلك بايدي كنت قاعدت وقت اكتر في مستشفي و مكنتش خرجت .
تعرف أن امك مدلعاك قوي وهي السبب انك بقيت كسلان خالص كده
وفجاءة رن جرس الباب
التفت الفتاه والقط ناحية الصوت
مسحت نورين أيدها في سروالها الجينز من آثار السمك و قامت ببطء شديد تفتح الباب أسرعت قليلا في خطوتها وكادت أن تتعثر في القط الذي اندفع بين قدميها محاولا أن يسبقها اللي الباب وما إن وصلا معا حتي ألقت نورين نظرة حذرة للقط . بان يفضل مكانه ولا يتحرك خارج الباب .
مدت ساقيها لتحجز القط من الخروج وفتحت الباب ولكنها فجاءة شعرت بألم شديد في رجلها اليسري من أثر الحادث الأليم و لم تقدر علي حفظ توازنها وفور فتحها الباب وجدت نفسها تندفع معه للخارج ثم تهوي علي الارض.
-انتي كويسة حصلك حاجة يا آنسة
كان الصوت السائل صوت رجل خشن
رفعت نورين عينيها لاعلي لتري المتحدث
حمزه قال بجدية تامة :
- انتي سمعاني يا آنسة انتي كويس. تحبي اساعدك علشان تقومي
قالت له وهي تحاول النهوض بمفردها :
- لاء شكرا انا تمام حقوم لوحدي شكرا مش محتاجه مساعده
أومأ بكتفافه بلا مبالاة :
-احسن بردو بصراحة ريحة السمك اللي خارجة منك صعبة قوي الصراحة
نظرت له بغضب ثم قامت ببطء حتي لا يلاحظ نسبة الإعاقة اللي في كاحلها
ثم قالت له وهي تسند علي الحائط :
-,معلش كده سمعني كنت بتقول ايه تاني كده
قال. لها بعجرفه :
-كنت بقول انتي طايقة ريحتك دي ازاي صعبة قوي صراحة
ولكن قبل أن يتلقي منها رد فتح فاه من الدهشة لقد وقعت عليه هذه المرة ساقها خانها ولم يتحمل ثقل جسدها رغم أنه نحيل ووقعت عليه ولكنه تماسك بسرعة ورفعها من علي الارض وحملها
قالت له بخجل :
- معلش اسفة بجد ما كنش قاصدي بعتذر منك من فضلك نزلني خلاص انا بقيت كويسة نزلني بقا
قال لها وهو حاملها وبتزمر:
ممكن بس كلام بقي شوية ما بتعرفيش تفضلي خالص فين زرار الباور بتاعك خليني افصله
ثم اخدها ودخل بيها الي داخل المنزل
تسلل الي نورين شعور غريب بالأمان بعد أن فقدت هذا الشعور منذو أن توفي والدها وتخللت الي أنفها راحت عطره المميز وشعرت أن هذا ناقوس خطر
قالت له بارتباك :
- خلاص نزلني بقا هنا
قال لها بعدم اكتراث :انتي حرة ونزلها علي الارض بحده
نورين انتبهت لنفسها أنه دخل الي منتصف المنزل وهي بمفردها معاه
قالت له بغضب وهي تتلفت حولها:
-انت يا اخ استني عندك انت داخل فين هي وكاله من غير بواب استني عندك انت مين اصلا وازاي تسمح لنفسك تخش البيت كده من غير استاذنا
نظر لها حمزة بتعجب شديد و قال لها وهو يضع يده في جيبه :
- انتي مجنونه صح لا بجد قولي لو مجنونه نعالجك مافيهاش مشكلة ايه هو خيرا تعمل شرا تلاقي انتي مش كنتي متكومة علي الأرض من شويا ولا انا بيتهيقلي
قالت له بتعجب :
-ولنفرض أن انا وقعت ده ميداكش الحق انك تلمسني وتشلني كده ولاء كمان تخش لحد نص البيت وانا لوحدي و ما عرفكش كمان
قال بستياء شديد :
- لا حولا ولا قوه الا بالله هو انا ناقص مجانين في حياتي لما حتكمل بيكي الله يسمحك يا تيته
قالت بسخرية :
- ها اخلص انت جاي تشهر إسلامك عندنا انت مين و عاوز ايه انجز مش فاضيالك ومين تيتة دي لتكون تايهة من تيتا يا حرام و جاي تدور عليها عندنا
قال لها بفراغ صبر وهو يخرج يده من جيبه :
- الله يا طولك.ياروح . و الله جد اه انا تايه فعلا ثم أكمل بتزمر بس معلش سؤال ! هو انتي عندك حفله سمك جوا الله يكرمك تعرفي تسكتي بريحتك دي انتي اصلا خليتي رحتي كلها سمك شبهك
قالت له بغضب مفتعل :
- اخلص بقي انت مين وجاي ليه
قال لها وهو يهرش راسه :
-انا اول مرة اشوف طفله لسنها طويل كده
قالت بعصبية و هي تحاول رفع رجلها من الأرض قليلا: -هي مين دي اللي طفله اصلا شكلك عاوز تركب نظاره
قال لها وكأنه يستمتع بغضبها :
-انا بلكتير اديكي 15سنة و كارمك كمان في سنتين
قالت وهي تحاول الصمود من كثرة الالم :
-معلش بس ممكن تعرفني بنفسك علشان انا صبري بيخلص بسرعة وتقريبا انا معنديش صبر اصلا
قال لها وقد ارتسمت الجدية علي ملامح وجه :
انا جاي هنا علشان اخدت حاجات من بيت جدتي و ماشي وهي اللي قالتلي اخبط عليكم علشان اخد المفتاح
نورين بشقاوتها المعتاده و قد تغيرت ملامح و شها اللي شقاوة :
-ااااه انت بقي حازم ولا حاتم
قال بتعجب و قليل من دهشة وقد استمتع بطريقة كلامها :
- لا انتي عارفة بقي العيله كلها علي كده
قالت له بغرور مصتنع :
،-امال ايه يا بني هو احنا بنلعب انت بقي حفيد ماما إحسان صح
رفع حاجبية بتعجب:
-ماما إحسان امممم أيوة انا حفيدها بس لا حازم ولا حاتم انا حمزه اخوهم الكبير
فجاءة اعدلت نورين في و قفتها فور سماعها لاسم حمزة كتير من الأوقات كانت ترسم له صورة من وحي خيالها من كثره حكايات الجده احسان لها عنه لقد شغفها حبا دون أن تراه لقد احببت شخصيتة بمجرد حديث جدته عنه لقد كان من الشخصيات الأكثر تميزا وآثاره
ولكن الحقيقة طلعت اجمل بكتير مما تخيلت نورين لقد رسمت صاحب الشخصية صورة في خيالها و لكن كان يملك هيبة مخيفة و علامات القسوة واضحة في عينية
قال لها وهو مستاء :
- اايه يا آنسة سرحتي في ايه من فضلك المفتاح انا مش فاضيلك
قالت بشقاوتها المعتاده:
- ايه مش فاضيلك دي يا باش مهندس وهو انا قلتلك اقعد نحكي سوا
رفع حاجبية لاعلي ثم قال :
-باش مهندس شكلك عارف عني كتير وغمز لها بعينية
قالت في خجل اذدات حمره الخجل في و شها ولكنها تماسكت :
-اه عادي يعني جدتك بتقعد تحكي عنكم كلكم مش انت بس يعني
قال لها بخبث :
- طايب اخلصي بقي وهاتي مفتاح بصراحة مش طايق ريحة دي اكتر من كده ااووف
نورين استشاطت غيظا من أسلوبه الفظ وخطرت فكره في بالها و بمكر شديد ابتسمت
وقالت :
- اه تمام ثواني والمفتاح يكون معاك
مشت نورين لكي تحضر المفتاح ولكن ماشت ببطء شديد حتى لا يلاحظ نسبة العرج في ساقيها
فقال بنفاذ صبر وهو يسند ظهره علي الحائط :, الله ما طولك ياروح يابنتي مدي شوية اتحركي انتي عرجه يا ساتر عليكي
نزلت الكلمة علي نورين كالسهم داخل قلبها أدمعت عينيها ولكن قلبها كان ينزف من الالم دارت حزنها
وصلت عنده وهي تحمل المفتاح
قال لها وهو يعتدل في وقفته :
- هاتي بقي ياساتر اكتر انسان بيعصبني الشخص البطء اللي زيك و
خطف من أيدها المفتاح وتركها ومشي وقبل أن يحصل الباب
قالت له بمكر علي وجهها شبه ابتسامة ساخرة :
-استني عندك رايح فين
التفت إليها حمزة في تعجب ثم قال :
-حكون رايح فين يعني اكيد الشقة التانية لو مش عند حضرتك مانع
قلت و هي تجلس القرفصاء وتحمل القط من الأرض : طيب منا عارفه مش محتاجة توضيح اقصد رايح فين وسايب ابن جدتك
حمزة بدهشة مبالغ فيها ابن مين يا ختي
قالت و قد كتمت الضحك داخله وحملة القط بين أحضانها ويدها تحسس علي راسة : اتفضل استلم اعرفك ده شوجر ابن جدتك
قال بعصبية : افندم بردو معرفتش يعني عاوزه ايه مش فاهم انا مالي بيه ابن جدتي اخوها انا مالي انا جاي اقعد يومين استجم واخلص شغل واخد حاجات من هنا و ماشي مش جاي علشان اربي قطط حضرتك
فجاءة دخلت عليهم أمراءه في العقد الرابع من عمرها
وفيه باستغراب شديد وهي تنظر إلي حمزة باستياء وتعجب : مين ده يا نوري وبيعمل ايه هنا وازي يخش وانتي لوحدك
قالت لها وهي تتكاء علي الأريكة : ده الباش مهندس حمزه حفيد ماما إحسان جاي ياخد المفتاح شقة ماما إحسان
قالت له وفية وهي تبتسم : واهلا وسهلا يابني اتفضل خش اقعد انا وفيه ولدت نورين هي مدام احسان اخبارها ايه طمني عليها ليها وحشة قوي
قال بضيق وفراغ صبر : تمام بقت احسن كتير وخرجت من المستشفى وقاعده معانا دلوقتي علشان ما ينفعش تقعد.لوحدها وطلبت مني اجبلها شوبة حاجات من شقة عن اذنكم بقي علشان اتاخرت ورايا شغل
قالت له نورين وهي تعدل : استني و القط ده حعمل في ايه انا مليش خلق ليهم جدتك سابته عندنا لحد ما ترجع بسلامة
قال بعجرفه ورفع كنافه بلا مبالاة : وانا مالي حعملك ايه لما تبقي تيجي جدتي ادهولها انا مليش دعوة وسابها ومشي من غير استاذنا
قالت بغضب : ياساتر هو في ناس قليله زوق قوي كده وقفلت الباب بعصيبة وأصدر صوت عالي
الفصل الثاني
شعرت نورين بالم يشتد عليها لقد وقفت علي قدميها اكتر من اللازم
فضلت تحجل علي قدميها إلي أن وصلت لأقرب مقعد جلست نورين وعلامات الحزن في عينيها و استرجعت كل ذكريات الماضي
فلاش باااااك
منذو عام أو أكثر و بلاخص في كلية الهندسة حفلة تخرج الدفعة كلها متجمعه
نورين قالت وهي تنظر لساعة يدها : يلا بقا يا بنات اخلصوا الحفله خلصت عاوزة امشي بقا اتاخرت عندي تدريب علشان الفرقة كلها مسافرة عندنا عرض بالية في في كل الدول العربية وانا فرحانة جدا أن يتم ترشيحي
نورين كانت فتاه تشع حياه و نشاط وقد عشقت الفن المعماري و تخصصت هندسة قسم عمارة فاهي من صغرها تجيد الرسم و الرقص لذلك اشبعت كل هوايتها في الرسم ورقص البالية أصبحت من أشهر راقصات و تخرجت من كلية الهندسة بتقدير امتياز رغم ظروفها القاسية ولكنها تمردت علي هذه الظروف ونجحت وحققت ذاتها
قالت روان صديقة نورين المقربة وهي تعدل طرحتها:
خلاص اهو يا نوري انا خلصت بس باقي شله لسة
قالت لها نورينن بفارغ صبر: يلا احنا انا مش حقدر اتاخر اكتر من كده انا بطله الفرقة ما ينفعش اتاخر وزمان التمرين بداء
قالت لها وهي تستعد للمشي معها : يوووو يا نوري امري لله يلا بينا احنا
خرجت نورين و روان من باب الكلية واستقلو تاكسي لمكان التمرين
قالت وروان وهي تفتح الموبايل : انا حعمل ايه لحد ما تخلصي تمرنتك انتي عارفه مليش خلق للرقص ده
قالت لها وهي تنظر لساعة : اسمة باليه يا.جاهل ده ارقي أنواع الرقص
و
قالت بتزمر : ارقي ولا اوحش انا مالي انا مليش خلق انا حروح اكل في المطعم اللي جنب صاله التمرين بتاعتك خلصي وتعالي هناك
قالت لها : تمام أن شاء الله وانا مش حتاخر عليكي بس يارب بس اللحق ما يكونوش بدأو
قالت لها روان باستغراب : انتي معاكي عذرك انهاردة حفلة تخرجك و انتي الأولي علي دفعة كمان يعني المفروض ليكي عذر تاخير وكمان الكابتن الحب الحب الشوق الشوق يعني مش حا يتكلم المفروض يكون معاكي دلوقتي
قالت لها وقد بدي علي وجهها علامات الحزن :تعرفي يا روان انا ساعات بحس أنه بيتعمد يحرجني قدام الفرقة معرفش ليه و زعلت قوي كنت عشمانه أنه حيكون جانبي انهاردة وانا يتكرم من كليه بس خيب ظني
قالت لها وهي تعدل في جلستها : اتكلم ولا حا تنزعل مني كا العاده
قالت لها وعينها ودموع : قولي يا روان عاوزه تقولي
قالت وهي تنظر في عينيها : انتي عارفة كويس بس بتكدبي علي نفسك عارفة انه شخص اناني وانتهازي وعيوبه كتير معرفش ليه مكملة معاه لحد دلوقتي صدقني يا نوري اقسم بالله حاول معايا انا شخصيا ولولا خاف أن اقولك علشان كده بعد
قالت و أوشكت الدموع علي الانهيار: عارفه كل ده بس بحبه مش عارفه اعمل ايه يا روان حاولت كتير ابعد
قالت بعصبية مبالغ فيها : ينعل الحب اللي يضيع كرامة الإنسان ده. فوقي انتي بنت حلوة وناجحة في حياتك العلمية والعملية وهو يطلع ايه ولا حاجة قدامك
قالت لها بحسرة : اه ناجحة بس معنديش حظ يا روان واللي معندهوش حظ مش بيعرف يعيش مش المثل بيقولك ايراط حظ ولا فدان شطارة
وصلوا مكان التدريب نزلت نورين تجري علي تمرين و كانوا بداو فعلا التدريب فور دخولها
سهمت نورين فور وصولها لقد كانت فرح هي بطلت العرض
وليد بصوت اشبع صوت الرعد وقدام كل الفريق : نورين انتي ايه اللي اخرك كل ده .
الشخص اللي ميحترمش التمرينه ما يستهلش يبقي بطل الفرقة انتي محرومة من دور البطوله لمده اسبوع حتنزلي راقصة عادية اتفضلي روحي غيري بسرعة واقفي جانب زميلاك
نورين بتحدي رفعت راسها بكبرياء وقدام الفريق تحدثت بمنتهي الثقة
اولا: حضرتك عارف انا اتاخرت ليه مش بمزاجي أو انا مش بحترم التمرين زي ما حضرتك قولت انا كانت حفلة تخرجي انهاردة وانا الأولي علي دفعة ازاي محضرهاش
ثانيا: بقي وده الاهم اكون بطله الفريق ولا راقصة عادية ماتفرقش علشان احنا هنا كلنا بنكمل بعض زي سلسلة ملضومة في حبل واحد ماينفعش تقع منه عقده لو وقعت واحده منه مش حينفع باقي الفريق وانا برقص علشان بحب البالية مش علشان اكون البطله
ردت فرح اللي ماسكت مكانها البطولة
وهي تعدل من ملابسها : ممكن بقي يا استاذة كفايا فلسفة ويلا علشان التمرينه بدأت من بدري
نظرت ليها نورين نظرة تجاهل و تركتها و ذهبت لحجرة تبديل الملابس بدلت ملابسها وخرجت تكمل التمارين دون النظر لاحد ولكنها لاحظت نظرات خافية بين وليد و فرح من هنا بدات تفهم
انتهت التمرينه و خرجت نورين لاستبدال ملابسها
وليد من بعيد /نوري ثواني لو سمحتي عاوزك
التفتت نورين له وقالت بدون اهتمام: حغير واجي
انتهت نورين من استبدال ملابسها وذهبت لصاله الرقص لتقابل مع وليد ولكنها وقفت مصدومة كان وليد بيتغزل في فرح زميلتها .
ذهبت لهم وكأنها لم تلاحظ أو تسمع شيء وقالت باستهزاء : هاي ايه دنيا عاملين ايه
قالت فرح لها بشماته واضحة :هاي ازيك
قالو نورين بنفس الاستهزاء : تمام يا .... سوري انتي اسمك ايه معلش اصلي بنسي
قالت بغيظ وهي تنظر لو لوليد: فرح اسمي فرح
قالت وهي تلعب في سلسال عنقها : اه فرح سوري معلش. عمتا شدي علي نفسك شوية لو نفسك تبقي بطلت العرض اصلي من غير زعل اللي كنتي بتعمليه انهاردة مش رقص خالص ده غسيل بطاطين في البانيو بتاع بتكم
قالت بغيظ ودلع مبالغ فيه: بس عاجبني وعاحب كابتن وليد صح يا كوتش مش رقصي عجبك ولا ايه
التفت إليها وليد. وهو ينظر لها نظرات محذرة : بلجلجة اه اه تمام يا فرح اشوفك التمرينه الجاية
تركتهم فرح و ماشت وبداخلها بتستحلف لنورين فاهي بتغير منها حد الجنون
التفتت له نورين وقلت بزهق : وبعدين معاك يا وليد مش ناوي نبطل اللي بتعمله ده انا خلاص قربت اجيب أخري معاك
قال وهو يحمل حقيبته : انا بعمل ايه يا نوري هي اللي بتيجي تكلمني مش انا
قالت وهي ترفع اصبعها محذرة : ماشي تمام يا وليد بس خاليك فاكر الكلام ده كويس يلا سلام
قال لها بهيام وهو يغمز بعينه : تعالي هنا هو اية اللي يلا سلام هو انا لحقت اقعد معاكي انتي وحشاني قوي بقولك ما تيجي نقعد جوا شوي. عاوز اقولك علي حاجة كده فرصة بنات كلهم رواحوا
قالت له بحده شديده : وليد انت مش حتبطل بقي اسلوبك ده قلتلك الف مرة مش بحب طريقة دي في كلام
قال بتأفف : بصراحة يا نورين انا مابقتش عارف ارضيكي كل ما اقرب منك بتبعدي وترجعي تاني تلومي عليا لما تشويني وافق مع أي واحده من البنات اضحك و اهزر معاها
التقت إليه نورين في غضب : والله جد انت مصدق نفسك هو يا اما اخش معاك جوا يا اما تقعد تهزر وتضحك مع البنات ايه القاعده الغريب دي
الفصل الثالث
بااااااك
فاقت نورين علي صوت ولدتها تصيح بصوت عالي : نوري انتي مش سامعة جرس الباب افتحي ايدي مش فاضية هو لازم كل حاجة اعملها أنا بنفسي في البيت ده ولا ايه
قالت وهي تحاول استيعاب نفسها: حاضر حاضر انت قايمة هو اللي بيخبط ده متسربع كده ليه اوف ما فيش صبر خلاص بجد انا زهقت من ابنك ده
قامت نورين ببطيء تفتح الباب فتحت الباب ودون أن تنبه لشخصية الطارق لقد افتكرته احمد اخوها الصغير
قالت بصوت عالي : ايه الدنيا حطير مش قلتلك كذا مرة متعلقش الجرس كده بتعصبني الحركه دي..وانت بردو مصمم تعملها و لما اتعصب.....
قطعت كلامها فجاءة عندما لاحظت أن الطارق ليس أخيها وانه هو ذالك العملاق اللي كان موجود من شوية
قال لها وهو يسند علي الحائط و مستمتع بعصببها : هو انتي علي طول كدا
قالت له بتعجب: كدا اللي هو ازي يعني
قال لها بمشاغبه : علطول مش شايفة قدامك و شايطة في أي حد يقابلك . لاء وكمان لسة بنفس الريحة ايه يا بنتي هو انتي طايقة نفسك كده اذاي
وكأن حمزة لقي ملاذ في عصبيتها
قالت بعصبية : قصر علشان انا مش طايقة نفسي بتخبط عاوز ايه مش ماشيت و خلتني اكلم نفسي من شوية
قال وهو يتصنع الخوف: انا يا انسة بردو اللي سبتك معلش براحة علشان بخاف منك . ثم اكمل كلامة بنفس نبرة السخرية
والله مش انا اللي عاوز مامتك أحسان اللي عاوزه مش هي عاملة تتصل بيكي من بدري و تليفونك مقفول بس انا مش عارف تيته حتتوقع تليفون واحده بشخصيتك حيكون عامل ازاي يعني
قالت بنفاذ صبر وهي تحاول أن تسند رجليها :الله مطولك يا روح اقصر و هاتها اكلمها علشان تليفون شاحن باظ وفاصل ومش عارفه اوصلها ولما صدقت أنها اتصلت بيا
مد يده بالهاتف النقال يعطيه لها .
أطلقت نورين صافر اعجاب بالهاتف
ثم قالت : واووووو ايفون لا انت واصل قوي بقي
قال وقد تصنع الغرور : دي اقل حاجة عندي علي فكرة
قالت بضحك : ياربي حتفرقع من الغرور هات التليفون
اخذت التليفون منه وا بتعدت قليلا
لاحظ حمزة نسبة عرج بسيطة في خطوتها مع محاولتها الشديدة في أنها تداريها ولكن ما تشعر به من الالم قد فاق قدرتها
مازل ينظر لها ولا يدري ما سبب تعلقة بهذه الشخصية رغم أنه ورد عليه كتير من البنات ولكن تلك الفتاه المشاكسة العنيده البسيطة جدااا في نفسها وملابسها شده انتباه بطريقة شديده لدرجة أنه أصبح يتعمد يثير غضبها .
لاحظ حمزة لهفتها الشديدة علي الحديث مع جدته وعلي الدموع المختزنه في عينها وتود أن تطلق لهما العنان ومن و كأنها كانت منظرة الحديث مع جدته كي تطلق لهما العنان
حاول حمزة أن ينصت لما تقول نورين لجدته
قالت بلهفة : الو ماما إحسان وحشتيني قوي قوي انتي فين بقي تعالي انا محتاجلك انا تعبانه قوي أنا حياتي كلها ادمرت تعالي محتجاكي جامبي
ونزلت الدموع دون إرادتها وكأنه كانت في انتظار هذا المكالمة لكي ترمي من علي أكتافها أعباء كتيرة وكان الجده هي الملاذ لكل تفريغ شحنات الغضب لديها
قالت لها احسان بحنانها المعتاد :نوري انتي اقوي من كده. فين نورين القوية اللي قدرت تتغلب علي اكتر من كده ايه يا نوري كفايا انك خسرانه بشرف كفايا انك بينتيهم علي حقيقتهم قدام الناس
قالت بصوت محبط مخنوق : بس قدام ده كله انا خسرت كل حاجة خسرت صحتي وباقيت معاقة و خسرت الرقص اللي كنت بحبه وحلمي أن أسافر والف العالم واكون اكبر راقصة باليه انتهى
شهقات متتالية ورا بعض ثم أكملت
انتي عارفة يا ماما دكاترة قالوا ايه عارفه قالوا ايه
وبدأت نبرة صوتها ترتفع ولكن كانت مخنوقة .
قالوا أن انا حفضل طول عمري عرجة عرجة عارفه يعني ايه عارجة يعني حياتي خلصت خلاص يعني انا معندتش حاجة اكمل علشنها
جاء صوت من وراها أجش ولكن كأنه طاقة نور
قال وهو ينظر لها كأنه يود أن يحتضنها لكي يطمئن قلبها : ومين قال إن الإعاقة نهاية طريق لا ابدا الإعاقة بداية تحدي و امل جديد بداية حياه جديدة بدايه تحدي كأنها رساله بتصرخي فيها وتقولي انا موجوده ومش شكلي هو اللي بيكملني عقلي هو انا شخصيتي وروحي هما أساس تكويني
نزلت نورين الهاتف من علي اذونها والتفت ببطيء وعينها تفيض بكتير من الدموع
وقالت بصوت مخنوق يكاد يسمع : عمرك شوفت راقصة باليه عرجة انا مش حرجع ارقص تاني خلاص انا انتهيت كاراقصة و للابد
قال لها بتحدي لكي يخرج القط الشرس بداخلها :ومين قال انك حترقص هي حياه رقص وبس
قالت باستغراب : منا مش بعرف اعمل حاجة غير الرقص
قال لها وهو يتكأ علي الأريكة و باستفزازا ليه مخك مبرمج علي رقص وبس ولا ايه يا آنسة الإعاقة الحقيقه هنا وشاور علي مخها عمر الإعاقة ما كانت في الجسم
وبدون اي مقدمات اختل توازن نورين للمرة الثالثة إمامة ولم تقدر قدميها علي حملها ولكن هذا المرة فقدت وعيها أيضا .
احتضنها حمزة مسرعا وكان قلبه أخفق معاها وشعر بشعور غريب عليه ولأول مرة قلبه يخفق و يرتجف بهذه الطريقة نعم قلبه ارتجف معاها بشده وأصبح يدق لها
حملها حمزة ووضعها علي أقرب أريكة و صاح بصوت مرتفع ينادي علي ولدتها: مدام وفية مدام وفية لو سمحتي من فضلك
جاءت وفية تركض علي صوت حمزة المرتفع
وقالت بخضه : خير يا بني بتنادي عليا كده ليه في ايه
قطعت كلامها فور ما وقعت عينيها علي نورين
قالت بشهقه : بنتي مالها يا بني ايه اللي حصل فوقي يا نوري مالك يا حببتي حرام بقي اللي بتعمليه نفسك ده
قال وهو يمسك هاتف : لا الحال كده مش حايمش كده انا حتصل بالاسعاف
فعلا اتصل بالمستشفى الخاصة الذي هو أحد رؤساء مجلس إدارتها
و أحضرت سيارة إسعاف في الحال حملت سيارة الإسعاف نورين و هي ما زلت غاءبه عن الوعي وعادت شريط الذكريات داخل ذاكرة نورين و هي في سيارة الإسعاف
فلاش باااااك
لمحت فرح نورين تدخل صاله الرقص لقد حان معاد التمارين
ثم تعمدت أن تذهبت الي وليد في حجرة تبديل الملابس لمحتها نورين من بعيد وتتبعها
دخلت عليه بدلع وقالت : وليد ايه يا حبيبي اتاخرت عليك معلش الموصلات زحمة كان نفسي اوصل بدري عن كده
قال بلهفة وهو يمسك يدها: اتاخرتي ايه انتي جيتي في معادك مظبوط وشدها وليد لغرفته واغلق الباب خلفة
شهقت نورين من المنظر ولكن شخصيتها ابت ذلك جرت عليهم وفتحت الباب فجاءة وكانا في وضع مخل مع بعضهم
قالت لهم بقرف : اتصدقوا بالله انتم الاتنين شبه بعض و لايقين علي بعض بلظبط انا بقرف كل ما ابص في وشكم أنتم الاتنين
ايه كمية القرف اللي انتم فيها دي يع بجد قرف وسابتهم ومشت
الفصل الرابع
تجمعت كل الراقصات علي صوت نورين وكلهم شاهدو فرح مع وليد في غرفة تبديل الملابس
قالت فرح بعصبية : اقسم بالله يا نورين ما حعديهالك
قال لها بعصبية وهو يرتدي ملابسه: انا كده ضعت عارفة لو المجنونه دي اتكلمت في أي حاجة انا انتهيت مستقبلي كا مدرب انتها انتي فاهمة
قالت له بمكر شديد : ما تقلقش مش حتلحق تتكلم اصلا وانا كمان اللي حكون بطلة الفرقة وحسافر العرض بتاع لبنان مش هي
قال لها وهو يستعد للرحيل : و كل ده هيحصل ازاي يا ام العريف ايه هتدعكي الفانوس السحري ولا ايه
قالت بضحكات متقطعة : الاحسن انك متعرفش ايه اللي هيحصل خليك اتفاجاء علشان تبان طبيعي
التفت وليد إليها وقال بتركيز : فرح انا كده بداءت اقلق انتي ناوية علي ايه بلظبط
قالت بابتسامة مكر وهي تضع حقيبتها علي ظهرها : كل خير ان شاء الله سلام دلوقتي علشان اتاخرت
باااااك
وصلت سيارة الإسعاف المستشفى وبسرعة حملوا نورين الي قسم الطوارئ
دخل حمزة بكل هيبته قسم الطوارئ قام كل ما في قسم احتراما له
قال بجدية وهو يضع يده في جيبه / انا عاوزة كل الدكاترة هنا عظام و مخ و اعصاب وباطنه كل رؤساء الاقسام هنا بسرعة
انقلبت المستشفى فور وصول حمزة و استداعاءة لكبار.التخصصات في المشفي حضر جميع الدكاترة وتم فحص كامل لحاله نورين
دكتور العظام قال وهو يعدل نظارته الطبية : من الواضح أن في نسبة عرج في الساق اليسري نتيجة تعرض لحادث هي من الواضح أنها كانت بتستخدام.رجليها كتير لانها القدم محتاجة راحة شديدة
قالت الأم ببكاء : أيوة يا دكتور هي كانت بترقص باليه
قال حمزه بحزم : دكتور هو في امل ترجع ترقص تاني
قال الدكتور وهو برفع اكتافه : مافيش حاجة اسمها مافيش امل هو في بس يحتاج منها مجهود وصبر ولازم تخضع لعملية تانية بس مش دلوقتي لسة قدمنا وقت كل المطلوب دلوقتي ما ماتجهدتش رجلها كتير و ما تعملش أي حركة عنيفه فجاءة
قال له وبدي الإهتمام علي وجه : طايب وحالة الإغماء اللي جتلها دي
قال دكتور وهو يرفع حاجبيه لا اعلي : لا دي طبيعية هروب عقلها ترجمة في شكل اغماء هي الحمد لله بقت احسن وممكن تخرج معاكم حالا
تنهد بارتياح وقال : شكرا يا دكتور تعبناك معانا
ثم التفت إلي الست وفية ولدتها
وقال وهو يفتح عينية :يلا يا ست وفيه خشي ظبطيها علشان نمشي
قالت له باستعطاف: واللهي يا بنتي انا مش عارفه اقولك ايه لو افضل اشكرك العمر كله
قال لها وهو يمسك يدها : علي ايه بس احنا اهل وجدتي بتشكر فيكم جداا يا مدام وفية يلا بقي خشي خليها تجهز
ثم ركز كأنه تذكر شيء فالتفت مسرعا وقال: مدام وفية ممكن دقيقه بس
الفتتت وافية وابتسمت له ورجعت تاني و قالت : خير يا ابني في ايه
هرش في راسة ثم قال : بصي يا مدام طول ما احنا بنطبطب علي نورين حتفضل مستسلمة الأمر الواقع وحتسلم لليأس نورين لازم تقوم من جديد علشان لو اليأس تملكها حتسلم له
قالت له وهي معحبه بكلامة : وانا ايه المطلوب مني يابني نورين كانت قمة في نشاط متحركة علي الارض مش سهل عليا اشوفها كده قلبي بيتقطع عليها
قال لها وهو يمسك يدها: بيقي لو عاوزة بنتك ترجع زي الاول بلاش تعارضي علي اي حاجة اعملها لازم ثقتها بنفسها ترجعلها الاول وكل حاجة بعدين سهله
قالت له وهي تشد علي يده : ربنا يكرمك يابني مش عارف. اقولك ايه
ترك يداها وقال :يلا خشي خليها تجهز
دخلت وافية عليها لقت دمعها علي خدها
قالت لها بحزن : خير يا قلب امك ما كفياكي دموع بقي انا عمري ما شوفتك ضعيفة كده. يا نوري
قالت لها بوهن : مش ضعف يا امي والله ما ضعف بس هي قلت حيلة مش اكتر انا خلاص معدتش نافعة في حاجة
دخل عليها حمزة و قد سمع حديثها و بصوت كله تحدي
قال لها نورين اسمعي كلمتين دول كويس علشان مش حعدهم تاني اعرفي كويس أن نهاية السقوط بدء لبدايه جديده فاهمة
إذا فقدت شيئاً تُحبه ..فتذكر أن الأشجار تفقد كل أوراقها في الخريف
لتكتسبَ غيرها في الربيع ..فــ الحياة ما هي إلا مراحل
لكل مرحلة حلوها و مُرها...نهاية السقوط بدء لبدايه جديدة
ثم أكمل ولكن بحده وقليل من القسوة : اتفضلي قومي علشان نروح كفايا بقي دلع
اتعدلت في جلستها وقالت له بغضب : انت باي حق بتكلمني ومين سمحلك اصلا تخش هنا انت عاطيت لنفسك حقوق مش بتاعتك
نظر لها بتحدي: انا اخش وقت ما أحب و في اي حتة ا اتفضلي عشر ثواني و تكوني قدامي في عربية
وتركها ومشي ثم رجع بظهرة قليلا وقال بتحذير : ولوحدك محدش يساعدك من فضلك يا مدام وفية سيبها تعتمد علي نفسها ما تسعدهاش
قالت وفية وبتزمر: طايب اسندها لحد.ما تقوم
قال بحده :لا حتقوم لوحدها هي مش صغيرة وبزعيق اخلصي وقومي معندناش وقت يضيع اكتر من كده
استعجبت نورين من طريقتة ولكنها حاولت النهوض بمفردها لتثبت له انها قدها وليس محتاجة لمعاونة أحد
ابتسم حمزه عندما رآها تخرج من المشفي في اقل من المهلة اللي عطهالها وبمفردها
ركبت نورين السيارة بدون أن تتفوه بأي كلمة
انطلق حمزة بالسيارة الي أن وصل تحت المنزل الخاص بهما
قال في هدوء تام :اتفضلي حضرتك مدام وفية اطلعي و بستاذنك حاخد نورين مشوار وه٠رجعا
قالت وفية متردده بس يابني متزعلش مني ده مايصحش انا واثقة فيك عشرتي مع جدتك مش سنة ولا اتنين ده عمر بحاله بس كلام ناس مش بيرحم
التفت إليها حمزة وهو يغمض في عينة وقال :,حضرتك ناس مهما عملتلها حتتكلم وانا واخد نورين في شغل ممكن حضرتك اتفضلي معانا عادي
التفتت له نورين وقالت بحده ممزوجة بغضب : انا نفسي اعرف انت جايب الثقة اللي بتتكلم فيها بالنيابة عني دي منين انا قلت إن انا موافقة اروح معاك في أي حتة صدر من ده
ضحك حمزة ضحكه مصتنعة وقال بسخريه : ومين قالك أن انا مستني منك إذن ده امر واجب النفاذ يا آنسة
وضعت نورين يدها علي خسرها بحركة طفوليه : يعني ايه مش فاهمة انتي فاهمة حاجة يا ماما
قالت وفيه وهي بداري وشها:شوفيه عاوزة ايه منك يا نوري يمكن يكون لمصلاحتك يا حببتي
شهقت نورين باستعجاب شديدوقالت: ماما انتي بتقولي ايه عاوزاني اسمع كلام المتصلت ده
نزلت وفيه من سيارة دون أن ترد عليها أو تلتفت لهم وفور نزولها انطلق بالسيارة ولم يترك لها فرصة للتفكير اخذها بعنصر المفاجأة
التفتت إليه بغضب شديد : متهيقلي بقي انا من حقي اعرف احنا رايحين فين
قال لها وهو مركز في القياده : اولا حاجة اتعلمي تتكلمي وانتي صوتك و اطي وبطريقة محترمة عن كده
انا دلوقتي حا خدك علي اقرب محل نجيب هدوم غير اللي رحتها تقرف دي
اتعدلت في جلستها وقالت طايب محنا كنا تحت البيت ماسبتنيش اطلع اغير ليه دلوقتي
قال لها دون أن ينظر لها :مزاجي كده واعملي حسابك من هنا ورايح حتمشي علي مزاجي انا
ضحكت ضحكات متقطعة: هههههههههههه هههههههههههه هههههههههههه انت سقف طموحاتك ببعالي قوي اسال ماما إحسان عني وهي حا تقولك مين نوري
نظر إليها نظره سريعة ثم رجع للقياده : لا عارفك كويس وحافظ شخصيتك و تيته حكيالي عنك من الاخر فرسة حرنانه وعاوز لجام وانا لجام
اتعصبت نورين ويغضب عارم : من فضلك اركن علشان انا نزله لو سمحت بدل ما اتعصب اكتر من كده
ابتسم ابتسامة غريبة لانه كان يريد أن يخرج القطة الشرسه بداخلها و يثير روح التحدي داخلها
من حكم حكاوي جدته عنها فكون شخصيتها فتاه عنيده لابعد حد غير مسالمة مجنونه جداواللي بيطلع في دماغها بتعملوا من غير ما تفكر شبه القطة الشرسه تهبش قل من اقترب منها
واخيرا وصلوا محل الملابس
قال لها وهي يرفع حزام الامان من عليه : اتفضلي انزلي يلا
صمتت ولم تلتفت إليه ولم تنظر له كأنه لم تسمع ما قال ولم تتحرك من مكانها
أعاد عليها الكلام ولكن هذه المرة بصوت مرتفع مما أثار فزعها
انتفضت من مكانها نزل وفتح لها باب السيارة وقال بهدوء مصتنع وهو بيضغط علي الكلام : اتفضلي انزلي واخلصي وخاليني هادي وعدي اليوم بقا
نزلت مجبرة دون أن تتفوه بأي كلمة
دخلا معا محل الملابس وبداء يختار لها طقم مناسب
تقدم منها و مد يده لها وقال بصيغة الأمر : اتفضلي خشي جربي ده بسرعة
خطفت من يده الطقم مسرعة دخلت غرفة تبديل الملابس
بدأت في تبديل ملابسها وعلي وجهها ابتسامة غريبة لا تعرف معناها ونبضات قلبها في ازدياد و رعشة في يديها واحمرار شديد في وجهها
عندما خرجت لم تجده أمامها بحثت بعينها عنه في أنحاء المكان
اتا صوت من وراها اتفضلي : ها وريني كده شكله عليكي عامل ازاي
انتفضت من الخضه والتفت له:. ايه يابني انت عامل زي العفريت كده بتخضني كل شوية كح ولا اعطس
سند ضهرة علي الحائط وأطلق صافرة اعجاب بملابسها
شعرت نورين بخجل شديد و سرعة في ضربات قلبها لقد بداء قلبها يخفق بحبه نعم لقد تعلقت به نورين
الحب عندما يطرق الباب لا يحتاج لاستأذان ولا وقت. أن الحب عندما يأتي يخطفك من نفسك لا تعلم اين ومتي بداء خفقان القلب
مد يده لها واعطاها حذاء وقال لها : حربي كده ده مقاسك
مدت يدها و بدأت تخلع حذائها وتجرب هذا الحذاء ثم رفعت عينيها فجأة بنظرة دهشة وقالت : اده انت عرفت مقاسي ازاي غير أن الجزمة دي مخصصة لحالتي علشان تداري نسبه العرج انت عملتها ازاي دي ولحقت امتي تعمل كده
مد يده و ساعدها أنها تقف وهي كانها مغيبة
قال لها بحنان شديد : اسمعي يا نورين بعد خروجك من الباب ده حياتك الجديدة حتبداء نورين التانية راحت مع لبسها اللي هنا انتي فاهمة عاوز اقولك ايه
هزت نورين رأسها و بأنها فاهمت
ثم قالت له بإلحاح شديد: بس انا عندي اسءلة كتير عاوزة إجابتها منك
مسك يدها وقال لها : تعالي بس نركب العربية وانا حجاوب علي كل اسءلتك بس لازم انتي كمان تسمعي كلامي
خرجت نورين معه وكأنها فعلا تعلن عن مولد حياه جديدة معه
ركبا معا السيارة وبدأ في القياده مسرعا
التفتت له نورين وقالت وهي تعدل ملابسها : بص بقي انا عاوزة أسألك علي حاجة بس لو مقلتش الصراحة حنزل من هنا
ضحك حمزة وكأنه عارف السؤال فأجاب: لا مش صدفه يا نورين مافيش حاجة صدفة
قالت له متعجبة: انت عرفت ازاي أن عاوزة اسال كده
قال ضاحكا : من معرفتي بشخصيتك توقعت سؤال انا عارف كل حاجة عنك واهمها انك ذكيه جدا
قالت له : يعني انت جيت علشاني مش علشان تاخد حاجه من بيت ماما إحسان صح
اجاب وهو ينظر إلي الطريق بتركيز : صح يانوري مش دي كلمة اللي بتناديكي بيها تيتا احسان
قالت: هي اللي بعتاك علشان تساعدني صح
ضحك وبص ليها نظرة خاطفة : مش كده بالظبط ولكن فضولي ثارني أن اشوف البنت اللي تيتا مافيش علي لسنها غيرها وقد ايه كانت متأثرة لما عملتي حادث لدرجة أنها تعبت ودخلت المشفي بصراحة حبيت اشوف واعرف هي مين دي اللي عمله قلبان عندنا في البيت وسيرتها مش بتقف
نورين بشبه ضحكه: امممم و لاقتني زي ما تخيلت ولا اوحش
ابتسم وقال:احلي بكتير من كل تخيلاتي بصراحة جمالك فاق كل التخيلات بجد يا نوري انتي جميلة قوي
احمر وجهها بشده وبدأت علامات الخجل عليها و رجعت ظهرها للوراء واغمصت عينيها إلي أن يوصلوا
تركها ترتاح قليلا وأتاح فرصه لها أن تختلي بتفكيرها في القادم
ولكن تفكيرها سافر بعيد جدااا لحد يوم الحادث
الفصل الخامس
سرحت نورين ليوم الحادث
فلاش باااااك
دخلت نورين صاله الرقص بعد الفضيحة وراسها مرفوع لاعلي التقت عينها بوليد
تقدم منها قليلا و هو يحك رأسه وقال لها : انتي عجبك الفضيحة اللي حصلت مبسوطه كده
قالت له وهي ذاهبا لتغير ملابسها : وليد خلص الكلام بنا اصلا مافيش اي كلام يتقال وانا اصلا مش عاوزة اسمع صوتك من أساسه
وتركته وذهبت لكي تبدل ملابسها
التفت وليد إليها وشدها من يدها بعنف وقال لها: بعملتك دي انتي ضيعتي مستقبلي بس وغلاوتك ما حعدهالك يا نورين .
شدت يدها منه بقوة و رفعت إصبعها. محذره : اياك اياك تاني مرة تحط ايدك عليا أو تلمسني اخر و اول مرة تعملها فاهم
وتركته وذهبت
وضع وليد يده علي راسه من الغيظ ثم التقت عيناه بفرح
بعثت له فرح نظرة مطمئنه ثم ابتسمت بخبث
بدأت نورين في عرض رقصاتها أمام اللجنة النهائيه لكي تختار بين الراقصات من ستمثل مصر في الخارج
اندمجت نورين في الرقص غير مباليه باي شيء حولها لم تدرك أن خشبه المسرح مفرغة من الداخل بدأت نوري العرض واندمحت وفجاءة وبدون سابق انذار وقعت بها خشبة المسرح وقعت نورين و لم تقدر علي نهوض علي قدميها انقلب المسرح علي قدما وساق و اسرعت عربات الإسعاف تم نقلها لأقرب مشفي من المسرح وفور دخولها المشفي خضعت لإجراء عملية جراحية في ساقها مما ترك لها اصابه في الساق اليسرى
وبعد مضي مدة طويلة خرجت من المشفي بعد علاج خضع شهور وهي علي كرسي متحرك و وقد تسرب إليها اليأس من كل شيء
وفقدت معاها كل شغف الحياه بل وفقدت الحياه
باااااك فاقت نورين علي صوت حمزة ينبها بوصولهم
التفتت له نورين بعينان مدمعتان و قالت : احنا وصلنا فين متهيقلي من حقي اعرف دلوقتي انا رايحة فين
لمح الدموع في عينها ولكنه تغافل عنها قال لها وهو يفك حزام الامان استعدادا للنزول : طبعا لازم تعرفي احنا وصلنا لاول خطوة في طريقك الجديد من هنا حتتولد نورين جديده يلا بقي كفايا تضيع وقت وانزلي
نزلت من السيارة وهي تجهل كل ما حولها دخلت معه لمبني كبير أدركت بعد ذلك أنها شركه كبيرة للانشاءات
دخلت نورين المصعد معه وقلبها يخفق بشده التقت عيناهم مرة أخري ولكن هذة المرة نظراتهم مختلفة فكل واحد كان يحمل مشاعر اعجاب للآخر
نظر لها حمزة وكأنه يراها لاول مره كانت في عينية نظرة مختلفة كان الشوق في عينية يتحدث
اخجلت نورين من نظراته و توردت وجنتيها من الخجل
ونظرت في الأرض هروبا من نظراته
ولكنه سيطر علي مشاعره كالعاده فهو لديه قدرة في التحكم في مشاعره ولديه قدرة أخري في إظهار عكس ما يشعر به وارتسم علي وجهه الجمود
تعحبت نورين من شخصيته ولكنها فضلت الصمت
وصل المصعد اللي الطابق المقصود
قال لها وهو. يخرج من المصعد بصيغة الأمر / يلا تعالي وصلنا
ذهبت ورأه وهي كالمغيبه لاتدري علي اي ارض ترسو
وصل حمزة عند مكتب كبير وأنيق أطرق الباب ودخل كانت وراء المكتب تجلس سيده حسناء وأنيقة جدا
قال لها حمزة وهو يثني على جمالها بعينية: صباح الخير أستاذة نجلا
قالت له بقليل من الدلع وهي تعدل من شعرها لتلفت انتباهو : صباح الخير استاذنا ايه الزيارة الجميلة دي
قال لها وهو يتجاهل طريقتها في الحديث : اتفضلي استلمي الأستاذة نورين مهندسة جديدة معانا عاوزها تعرف كل حاجة عن شغلنا وعن الصفقات اللي دخلنها وعن المشاريع الجديدة و عاوزك تخصصلها اصعب مشروع ويكون من نصببها
قلت له متعجبة : معقول انت حمزة الانصاري حيمسك مهندسة جديدة تحت التدريب مشروع صعب للدرجة دي انت واثق في قدرتها طايب نجربها في مشروع صغير ونشوف حتصد معانا و لا ايه
ثم نظرت لها من فوق لتحت وقالت: اصل بصراحة شكلها مش بتاعت شغل
ثم التفت لها وقالت : سوري يا آنسة انا صريحة وده شغل وانا اللي مسؤله قدام الإدارة وشكلك يعني مش بتاعة شغل
نظرت لها نورين وقالت وهي تجلس علي المقعد أمامها وتضع ساق فوق الأخري وبتحدي: هو انتي تعرفيني منين يا آنسة علشان تحكمي عليا حاقدر اشتغل ولا لاء قبل ما تحكمي علي حد ما تعرفهوش شوفي شغله الاول و بعدين اتكلمي ولا هو كلام وبس
قامت نجلا من علي مكتبها وقربت من نورين وقالت بهلجة تهديد :تمام يا آنسة حانشوف حتقدري تصدي لحد امتي يوم يومين اسبوع هنشوف
قربت منها نورين بشده وقالت و هي تغمز بعينيها : حتشوف يا قمر
قطع كلامهم حمزة وقال بجدية تامة ولقد عاد حمزة الانصاري رئيس مجلس إدارة شركات الانصاري للبناء والتعمير والرسم الهندسي : تمام يا انسات هاسبكم انا علشان عندي اجتماع مهم .وانتم شوفوا شغلكم
ثم تذكر شيء ما :اه نجلا حضري الملف فيلا الشرقاوي و خالي نورين تشوف الرسم الهندسي للجدار اللي عاوزين يوسعوا بيه ثم التفت إلي نورين وقال :وانتي يا آنسة حتشوفي الملف وعاوز في ظرف ساعة يكون الرسم الهندسي قدامي وتركهم و غادر المكتب دون النظر لهم
قامت نجلا من مكانها وهي تتباهي بملابسها : اتفضلي الملف اهو و مكتبك هيكون برا اتفضلي يا آنسة اشتغلي
اخذت منها الملف و غادرة هي الأخري. المكتب وبدأت تشعر بألم حاد في ساقها ولكنها تحملت الالم ولم تظهر أي علامات علي وجهها خرجت تبحث عن مكتبها
وجدت فتاه تجلس علي مكتب مجاور تقدمت منها وابتسمت وقالت لها: انا نورين المهندسة الجديده بصراحة بدور علي المكتب بتاعي مش لاقياه
ابتسمت لها الفتاه وقتلت لها وهي تشير الي المكتب المحاور: اقعدي هنا هو ده مكتبك
ومدت يدها تصافحها وقالت لها: انا رنا زميلتك في مكتب هنا اتشرفت بيكي يا نورين
ابتسمت لها نورين وقلت بمرح : نوري قوليلي نوري
ابتسمت رنا وقلت بحب: ماشي يا نوري واجمل نوري والله
دخل عليهم شاب في الخامسة والعشرين من عمره يتحدث في الهاتف ولكنه توقف فجاءة فور و قوع عينه علي نورين أطلق صافرة اعجاب وقال وهو يتكاء علي المكتب : بت يا رنا هو من امتي القمر بيطلع بالنهار مين دي هو حمزة زوقه اتحسن أمتي
قالت رنا ضاحكة: ونبي منا عارفه وخد التقيله بقي انهاردة شوفته بيبتسم
قام من علي المكتب وقال بتعجب واضح احلفي كده حمزة هولاكو ابتسم ومخافش احسن وشه يشقق
سمعوا ضاحكات متقطعة وعيون ضاحكة مراقبة حديثهم
قال لها وهو ينظر بها : يالهوي هو القمر بيضحك معانا كمان قلتيلي بقي انتي اسمك ايه
قالت له بشقاتها المعتادة ومدت يدها تصافحه : علي فكرة مقلتش اسمي بس انا نورين مهندسة جديدة معاكم
اتعدل باهتمام وقال غير مصدق: احلفي انتي نورين أسطورة تيته احسان صح
قالت نورين باستغراب :امممم انا بقي نورين انت بقي مين فيهم حازم ولا حاتم
أطلق صافرة اعجاب ثانية وقال : ارفع القبعة احتراما بذكاء الآنسة دي تيته احسان حكيالك تاريخ حياتنا بقي انا ياستي حازم بس قوليلي انتي ايه اللي عرفك علي هولاكوا
ابتسم وضحكت عينها : جدتك طبعا اللي صحيح هي عامله ايه
وفجاءة عما الصمت أنحاء المكتب و صمت الجميع عن الكلام دخل عليهم حمزة بهيبته المعتاد وأطلق نظره غضب علي نورين وقال بتحفظ تام: خلصتي الرسم المطلوب منك يا انسه ولا لسة
ارتبكت نورين من طريقته وقالت باهتزاز: لاء اصلي كنت لسة بتعرف علي المكتب و وعلي ..
قطع كلامها و هو ينظر لها نظرات غاضبة وقال بعصيبة: متهيقلي يا آنسة احنا مش جاين هنا نلعب ونتكلم ونتعرف علي بعض احنا هنا جاين نشتغل وبس لكن القهوة اللي انتم عاملينها دي مش هنا اتفضلي يا آنسة خلصي شغلك قدامك ربع ساعة ويكون الرسم عندي وتجبية بنفسك علشان تحضري الاجتماع.
ثم التفت إلي حازم و قال له بصيغة الأمر: حاصلني علي مكتبي بسرعة والتفت ونظر لها نظرة محذرة دون أن يتفوه بكلام وغادر المكتب
قام حازم من مكانه و هو يحك راسه : ينهار مش فايت روحنا ورا الشمس نظرات حمزة ما طمتش استرها يارب انا رايح عنده بدل ما يجيلي تاني
دخل حمزة مكتبة وهو في قمة غضبة و الغيره تنهش بداخله نعم لقد غار عليها من هزارها مع اخية ولا يدري لماذا تسرب له هذا الشعور بالغيرة
حاول أن يبعد هذا الشعور عنه ولكن كان مسيطر عليه بل و متامكن منه اللي اقصي حد
اطرق الباب ودخل حازم بشقاوته المعتاده وقال وهو بتصنع البسمة خوفا من رد فعل اخيه : نعم يا ميزو كنت عاوزني في ايه
خبط حمزة بيده علي المكتب بشده و قام من مكانه وقرب بشده من حازم وقال بصوت يشبه الفحيح : احنا هنا في شركة مش في البيت وانا هنا مديرك انا اسمي الباش مهندس حمزة. وانت هنا المهندس حازم احنا مش قاعدين في بتنا و تاني مرة يا محترم ماينفعش تقعد تهزر مع الموظفين كده مفهوم
لم يرد حازم عليه
كرر حمزه سؤاله ولكن بصوت مرتفع / مفهوم
انتفض حازم وقال مفهوم مفهموم يا حمزة خلاص بقا بس بيني وبينك البت اااايه اجمل بكتير من حكاوي تيته عنها جامده زي ما قال الكتاب
خبط حمزة علي مكتب بعصبية مبالغ فيها وقال وهو يعتصر قبضة يده : خلاص بقا نسيب شغلنا و نقعد نتغزل في الموظفين اللي عندنا
لاحظ حازم عصيبة أخيه المبالغ فيها و ابتسم في خبث علي حال أخيه فقد أصيب بداء العشق
دخل عليهم شادي وهو صديق حمزة المقرب وقال في مرح اية هلاوكو صوته طالع ليه خير
نظر له حمزه في غضب وقال :يلا علي الاجتماع ما عندناش و قت يضيع اكتر من كده
نظر شادي الي حازم وغمز له بعينية سأله ما به
رد عليه حازه نظرة بعدم اكتراث ورفع اكتافه دليل علي عدم معرفته
دخلا جميعا غرفة الاجتماعات وبداء الاجتماع
في حين انهمكت نورين التدقيق في الملف و رسم التخطيط المطلوب منها بدقه و حرفيه تامة انتهت من الرسم وجمعت جميع اوراق الملف وقامت بحركة مفاجأة شعرت بألم شريد في ساقها لم تقدر على تحمله لدرجة أدمعت عينيها من الالم
لاحظت رنا تهجم وشها وعلامات الالم ظاهره عليه
رنا بصوت لا يخلو من القلق: خير يا نوري مالك ملامح وشك ما تتفسرش في حاجة تعباكي
أجابت نورين بصوت مخنوق :لاء لاء مافيش انا كويسة جدا
في هذه لحظة طلعت نجلا من مكتبها وعلي وشها ابتسامة سخرية و قالت باستفزازا : يا تري بقي موظفتنا النشيطة خلصت الرسم و لا محتاجة استعانة بصديق
قامت نورين وتحملت الم ساقها : وردت بثقة خلصت طبعا دي حاجة بسيطة خالص
نجلا و قد تغير ملامح وشها تمام يلا بسرعة علي اوضة الاجتماعات باش مهندس منتظر الرسم
قامت نورين ببطيء بسبب الالم في ساقها و تناولت الملف من علي المكتب
قالت نجلا في استهزاء خير يا آنسة اجي اشيلك اوديكي ولا ايه الباش مهندس ماعندهوش صبر البطيء ده شكلك مش حتعمري كتير معانا هنا أنا حروح انا و تعالي علي مهلك مش ناقصة علل بصراحة
ذهبت نورين بدون أن تتطلع علي نجلا وكأنها لم تتحدث
وصلت اللي غرفة الاجتماعات وقد وصل الالم اللي أقصاه طرقت الباب و دخلت
التفت إليها كل الجالسين في الاجتماع
نزل شادي قدمه من علي الأخري وأطلق صافرة وقال:اوبا اوبا مين القطة دي يا واد يا حازم هو في جمال كده يالهوي هو زوق اخوك اتغير خالص في الموظفين مش كفايا علينا قرفنا بنجلا الواحد بيصطبح بوشها
لاحظ حمزة نظرات الإعجاب في عيون كل الجالسين استشاط غيظا اكتر وقال بصوت متهجم: انتي حاتفضلي واقفة كده كتير ايه جاية من مكتبك تقفي اتفضلي خشي يا آنسة اقعدي
دخلت نورين ببطيء شديد لاحظ حمزة حركتها وأدرك أن ساقها يؤلمها اغمض عينية بشده وقال: اقدم ليكم المهندسة نورين جديده معانا وهي اللي ماسكة رسم فيلا الشرقاوي . اتفضلي يا آنسة اعرضي رسمك علي فريق العمل
قامت نورين ببطيء و فتحت لوحة مخطط الرسم وعلقتها علي الحائط المخصص لذلك وبدأت الشرح بكل دقة اعجب حمزة بطريقة شغلها ودقتها المبالغ فيها ولكن اثار غضبة نظرات حازم وشادي لها فقال بصوت مرتفع
اتفضلي اشرحي وانتي قاعده مش لازم جو الاستعراض ده يا آنسة
احمر وجهها من الخجل لقد أ حرجها أمام كل الحاضرين و أدمعت عينيها قليلا
ابتسم نجلا في شماته و بعثت لها نظرة تؤكد صدق حديثها أنها لم تتطول في العمل هنا
تجاهلت نورين نظرات نجلا واستمرت في شرح المخطط
نالت نورين اعجاب كل الحاضرين من طريقة شغلها وطريقة شرحها السهلة و المبسطة فور أن انتهت من شرح شغلها قام كل الحاضرين من مجالسهم وتصفيق حار لها
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق