راوية_عندما_تغضّب_النعاج_تصبح٠أشد_أفتراسآ_من_الذئاب الفصل 40الاخير
#راوية_عندما_تغضّب_النعاج_تصبح٠أشد_أفتراسآ_من_الذئاب الفصل 40الاخير
#الكاتبة_أروى_عادل
#الفصل_الاربعين_والاخير
تاليا.. انا لو قلبى اسود يبقى من اللى عملتو فيا.. يا بتاع سلين.
مروان.. خلاص بقى انسى. و أهى سلين اتسجنت و راحت لحالها
استغربت تاليا مما قاله مروان لذلك هتفت
تاليا.. اتسجنت.. سلين اتسجنت طيب ليه
مروان.. عشان اللى عملته معاكى
تاليا.. مش فاهمه وهى عملت معايا ايه تستحق تتسجن عليه. اه تقصد عشانها انها كانت بتبعت رسايل من تليفونى ل رحيم
بس دى حاجة ممكن تتسجن عليها
مروان.. لاء.. اتسجنت لانها رامتك من على السلم
بقلم أروى عادل
تاليا.. مروان انت عايز تقول ان سلين اتسحنت عشان رامتنى من على سلم طيب من امتى الكلام ده
مروان.. هى مسجون من ست شهور
تاليا.. ازاى ومحدتش يقولى.. و شهد عارفه الكلام ده
مروان.. لاء احنا مقولناش لحد عشان سمعة المستشفى
تاليا.. بس كده حرام و ظلم
مروان.. فى ايه يا تاليا انا مش فاهم حاجة
تاليا.. مروان مش سلين اللى رامتنى من على السلم
مروان.. يعنى ايه مش سلين.. و بعدين انت مش قولتى انك مش فاكره اللى حصل ازاى قدرتى تتأكدى انها مش سلين
تاليا.. لاء.. مروان. انا كدبت ساعتها. انا فاكره كل حاحة حصلت.
مروان..( بأستغراب) كدبتى طيب ليه..
ولو مش هى سلين اللى رامتك من على السلم.. امال مين اللى عملها
ارتبك تاليا وهو تنظر ل مروان ثم هتفت
بأرتباك
تاليا.. مش وقت الكلام ده دلوقتي لازم ننزل مصر حالآ.. لازم نخرج سلين من السجن
هنا ايقن مروان ان تاليا تخبئ شئ ما هو لا يعلمه لذلك ردد
مروان.. تاليا انتى مخبيه عليا ايه
اتوترت تاليا وهى تهتف
تاليا.. وانا هخبى ايه بقى ان شاء الله
مروان.. لاء يا تاليا فى حاجة انتى مش عايزانى اعرفها
تاليا.. مروان قولتلك مافيش حاجة
مروان.. طيب انا هحاول أسدقك..
و دلوقتي قوليلى طالما مش سلين اللى رامتك من السلم.. يبقى مين اللى رامتك سلمى
تاليا..(كاذبه) لاء. مش سلمى ولا سلين.. انا اللى وقعت لوحدى
لم يصدقها مروان لذلك ردد بقلم أروى عادل
مروان.. طيب طالما انتى فاكره و عارفه انك وقعتى من نفسك.. ليه قولتى فى المستشفى انك مش فاكره حاجة
تاليا.. عشان انا فى الأول ماكنتش فاكر و بعد كده افتكرت.. وبعدين فى ايه يا مروان هو تحقيق ولا ايه
لم يصدقها مروان.. لأنه متأكد ان فى احد حاول يقتلها.. لكنه لم يريد ان تلاحظ تاليا عدم تصديقو لها لذلك ردد
مروان.. لا ياحبيبتى مش تحقيق ولا حاجة انا بس كنت عايز افهم منك كل حاجة مش اكتر
تاليا.. طيب هننزل أمتى
مروان.. على أول طيارة رايح مصر .. بس الأول نروح نجيب الولاد من عند مامتك أوكى
تاليا.. أوكى
//////////////////////////////////////
بعد. مرور يومين فى مصر
فى الفيلا
******************
أول ما تاليا وصلت القاهرة صممة تذهب للنيابة. لكن مروان اقنعها بصعوبة ان يذهبوا لفيلا الاول من أجل إياد و إيلا
عندما وصلت تاليا ومروان الفيلا استقبلهم الجميع بالترحاب والتحية
بينما كانت سلمى تقف فى احد الاركان تتطلع الى تاليا بغيظ و غل وحقد.. هى كان تعتقد أنها تخلصت من تاليا نهائيآ لكنها لقد خاب أملها و تبدلت حساباتها برجوع تاليا
سالم.. حمدالله على سلامتكم
مروان.. الله يسلمك يا بابا
ثريا.. واللهى انتو متعرفوش الولاد كانوا وحشنى أد أيه
طارق.. خلاص يا ماما هما هيبقوا معاكى على طول لحد ما تزهقى منهم
ثريا.. انا عمرى ما أزهق منهم ابدآ دول حته من قلبى
نظر مروان ل تاليا هو يردد بقلم أروى عادل
مروان .. صح يا ست الكل اشبعى منهم قبل ما نمشى
ثريا.. تمشى.. تمشى تروح فين
مروان.. انا و تاليا ناوين نعيش فى شقتنا
سالم.. شقة ايه يا مروان و الفيلا
مروان.. بابا انا حابب اعيش فى بيت خاص بيا
فهم سالم ماذا يريد مروان بينما هتف طارق
طارق.. بس الفيلا دى بتاعتك.. و احنا اللى هنمشى من.......
قطع مروان عبارته بحده
مروان.. مافيش حاجة بينا اسمها بتاعتك و بتاعتى.. وبعدين الفيلا دى هتفضل مكان للعايله كلها.. انا بس اللى مش عايز اعيش فى الفيلا بعد اللى حصل
ثريا.. بس ده مش كلامك.. تاليا اللى مش عايزه تعيش هنا مش كده
تاليا.. طنط ثريا. انا من حقى ان يكون ليا بيت خاص بيا. و دى حاجة متزعلش حد
هتفت ثريا العكس المتوقع منها
بقلم أروى عادل
ثريا.. حقك.. حقك يابنتى.. انا معاكى فى القرر ده
مروان.. طيب كويس يا ماما انا كنت خايف انك تزعلى اننا هنسيب الفيلا
ثريا.. لا يا حبيبى دى حياتك وانتو حرين فيها
تطلعت تاليا بثريا بأستغراب من ما قالته
لذلك هتفت ثريا
ثريا.. بتبصلى كده ليه
تاليا.. بصراحة مستغربه من اللى قولتيه
ثريا.. متستغربيش انا عارف انى ادخلت فى حياتك كتير بس سدقنى انا ندمانه ياريت كان بأيدى كنت مسحت كل اللى عملتو معاكى بأستيكه
تاليا.. بس للأسف ماينفعش.. بس على العموم اللى حصل حصل ومافيش حاجة هتغيرو المهم دلوقتي انك عرفتى غلطتك. ده بالنسبالى كفاية
ثريا.. ربنا يقدرنى اعوضك على اللى عملتو معاكى
مروان.. انا شايف مالهوش لازمه الكلام ده دلوقتي
سالم.. عندك حق يابنى احنا ولاد النهاردة
مش صح يا تاليا
هزت رأسها بأيجاب و هتفت
تاليا.. صح يا عمى
قالت جملتها ثم تطلعت بمروان و قالت
بقلم أروى عادل
تاليا.. مروان مش يالا بينا
ثريا..(بضيق) هتمشوا دلوقتي ما لسه بدرى انا لسه ماشبعتش من الولاد
مروان.. لاء يا ماما الولاد هيفضلوا معاكى دلوقتي . احنا رايحين مشوار مهم
طارق.. مشوار ايه دلوقتي انتم لسه راجعين من السفر.. طيب حتى ارتاحوا شويه
و أجلوا مشواركم ده لبعدين
مروان.. معلش المشوار ده مهم أوى و تاليا مصممه عليه.. ماينفعش يتأجل
سالم.. قلقتنى يابنى مشوار ايه ده
تاليا.. مشوار لقسم الشرطه
الجميع بقلق
ثريا.. ليه.. هو فى حاحة
طارق.. هو فى حصلت احنا منعرفهاش
يا مروان
سالم.. ماتتكلم يابنى قلقتنا
مروان.. طيب أدونى فرصه أرد عليكم
تاليا.. مافيش حاجة ياجماعة الموضوع خاص بالحادثه بتعتى
طارق.. حادثة السلم
مروان.. اه هى.. تاليا بتقول ان سلين مش هى اللى رامتها من على السلم
هنا اتسعت عين سلمى و بلعت ريقها بخوف وهى تردد
سلمى.. قصدك ايه مش هى اللى ر.......
قطعت تاليا جملتها و هى تنظر لها و تتذكر عندما زقتها سلمى من على السلم
تاليا.. متهيألى انك بتسمعى كويس ولا ايه
مش سلين اللى زقتنى من على السلم
سلمى..(بخوف) ليه هو انتى فاكره اللى حصل
شعرت تاليا بخوف سلمى لذلك أرادت ان تجعلها ترتعب اكثر لذلك قالت
تاليا.. كان نفسى اجاوب على سؤالك
بس للأسف انا مستعجله.. بعدين ابقى اقولك
قالت جملتها التى جعلت سلمى فى دوامة كبيرة لا تعرف كيف ستخرج منها وهى لا تعرف كيف تتصرف. أو ماذا تفعل
بينما هنا قالت تاليا
تاليا.. يالا يا مروان انت مش قولت الظابط مستنينا هنتأخر
مروان.. يالا يا حبيبتى
انصرف كل من مروان و تاليا
ثريا.. معقوله سلين تطلع بريئة بعد كل ده
سالم.. صحيح ياما فى الحبس مظاليم
طارق.. واللهى عند حق يا بابا
بقلم أروى عادل
//////////////////////////////////
فى قسم الشرطة
مكتب الظابط مجدى
********************
مجدى.. يعنى حضرتك متأكده من كلامك
تاليا.. طبعآ متأكده. مش سلين اللى زقتنى من على السلم..
مجدى.. تمام احنا هنسجل اقوالك
تاليا.. يعنى كده سلين هتخرج من السجن
هنا تطلع الظابط مجدى ل مروان ثم هتف
مجدى.. انت ماقولتهاش
مروان.. لا هى متعرفش
هنا نظرت لهم تاليا بأستغراب و عدم فهم و هتفت
تاليا.. هو فى ايه.. مروان انت مقولتليش على ايه
هنا مسك مروان يد تاليا و ردد
مروان.. فى قضيه تانيه متهمه فيها سلين غير القضية دى
تاليا.. مش فاهمه قضية ايه دى
مجدى.. قضية محاولة قتلك يا مدام تاليا
تاليا.. ما انا قولتلك مش هى اللى رامتنى من على السلم
مروان.. مش قضية راميك من على السلم دى المحاوله الوحيدة لقتلك كان فى محاولة تانى
بذعر و استغراب هتفت دون ان تنتبه لكلماتها بقلم أروى عادل
تاليا.. يعنى ايه انا مش فاهمه هو كان فى حد عايز يقتلنى تانى
مروان.. تقصدى ايه بتانى.. يعنى كان فى حد كان عايز يقتلك أولانى صح
تاليا.. مروان سيبك من انا قولتو لأنى متخلبطة متوتره مش مركزه بقول ايه
دلوقتي معلش فهمنى هو ايه اللى بيحصل
مجدى.. افهمك انا يا مدام تاليا.. فى حد حاول يقتلك فى المستشفى. واحنا رابطنا حادثة السلم بحادثة المستشفى مع بعض عشان كده كان المشتبه الاول فى القضية هى سلين
مروان.. بس دلوقتي الموضوع اتغير يا مجدى طالما سلين مش هى اللى رامتها من على السلم.. يبقى ليه هتحاول تقتلها فى المستشفى
هنا أمسكت تاليا، رأسها و صاحت بألم
تاليا.. استنوا واحده واحده فهمونى هو ايه اللى بيحصل و أزاى انا معرفش حاجة زى كده
مجدى.. عشان حضرتك سافرتى.. حتى قبل ما تبدء تحقيق.. و مالحقناش نقولك على حاجة
شعرت تاليا بعدم اتزان و بألم يكاد بفتك برأسها وهى تهتف بصوت متعب
تاليا.. انا مش فاهمه انا ايه اللى بيحصلى ده
مروان.. تاليا انتى كويسه شكلك تعبان
تاليا.. انت شايف ايه.. دلوقتي عرفت ان فى حد حاول يقتلنى.. تفتكر هبقى كويسه
مروان.. عارف ان الموضوع صعب عشان كده ماكنتش عايز اقولك
تاليا.. انا عايزه اعرف كل اللى حصل
مروان .. انا هقولك.. فاكره اول ما فوقتى من الغيبوبة.. انا كنت عندك فى الاوضه والبنت بتاعت السرفيس لاقت حقنة تحت سريرك
تاليا.. اه فاكره
مروان.. الحقنة دى كان فيها مكس من
مواد الأفيونية.. انا يومها حسيت ان فى حاجة مش مظبوطه عشان كده بعت الحقنة لتحليل..وقتها اكتشفت انا الحقنة كانت كفيله تقتل اي حد فى ثوانى.. بعدها.......
بقلم أروى عادل
اتسعت عين تاليا وهى تسمع باقى القصة
وهى غير مستوعبه كيف يوصل الأمر بشخص ان يفكر بالقتل..
بعد ما انتهى مروان من سرد القصة ل تاليا
ردد مجدى
مجدى.. يعنى حتى لو سلين طلعت من قضية محاولة قتلك براميك من على السلم.. ده مش معناه انها ممكن تخرج من القضية التانيه
.. هو صح موقفها اتحسن بعد شهادتك دلوقتي. بس هى لسه هتفضل المشتبه بها الأوله فى الفضية التانيه عشان كده هتفضل محبوسه على ذمة القضية التانية
تاليا.. يعنى سلين هيفضل مقبوض عليها
مجدى.. اه.. مدام تاليا انتى قولتى مش سلين اللى دفعتك من على السلم.. طيب مين اللى دفعك
صمتت تاليا ثوانى وهى تفكر
مروان.. بتفكرى فى ايه.. تاليا أوعى تقولى ان مافيش حد زقك من على سلم زى ما قولتلى قبل كده. لأن مافيش حد هيصدق الكلام ده
مجدى.. مدام تاليا مروان عنده حق قوة الواقع اللى انتى وقعتيها كانت قوية جدآ
ده دليلان فى حد هو اللى دفعك بقوة
كان التعب واضح على تاليا لذلك هتف مروان بقلق. بقلم أروى عادل
مروان.. تاليا انتى مالك..
تاليا.. شكلى ضغطى واطى انا حاسه ان دماغى هتنفجر. مش قادرة.. كفاية كده مش قادره اتكلم تانى
مروان.. تحبى نمشى
تاليا.. ياريت
مجدى.. احنا لسه مكملناش كلامنا
مروان.. بعدين .. هى تعبانه دلوقتي
مجدى.. تمام.. تقدروا تتفضلوا بس هنرجع نتكلم تانى
هز مروان رأسه بأيجاب ثم انصرف
/////////////////////////////
فى سيارة
***********
منذ خروج مروان و تاليا من قسم الشرطة
لم تنطق تاليا.. ظلت صامته تفكر
بينما كان مروان ينظر لها من الحين للأخر
وهو يعلم جيدآ أن يوجد شئ تخفيه عنه تاليا وهو خاص بالحادثه
مروان.. هنروح المستشفى الأول اطمن عليكى و اقيس ليكى الضغط لان شكلك تعبانه
تاليا.. لاء انا كويسه.. انا بس عايزه ارتاح شويه و هبقى كويسه
مروان.. ماشى يا حبيبتى..
صمت مروان دقائق ثم ردد
يقلم أروى عادل
مروان.. تاليا انت فى حاجة عايزه تقولهالى
تاليا.. حاجة زى ايه
مروان.. انا اللى بسألك
تاليا.. مروان ياريت بلاش نتكلم فى اى حاجة دلوقتي. انا معنديش أى طاقة للكلام
مروان.. حاضر يا حبيبتى. بس هنتكلم بعدين تمام
تاليا.. تمام....... مروان احنا هنروح فين دلوقتي
مروان.. على الفيلا نجيب الولاد و نروح الشقة بتعتنا
تاليا.. مروان ممكن تخلينا النهاردة فى الڤيلا لانى تعبانى محتاجه ارتاح
مروان.. خلاص خلينا النهاردة فى الفيلا
و بكرة نمشى
شعر مروان بقلق هو لم يفهم لماذا طلبت تاليا ان تظل اليوم فى الڤيلا..وهو يعلم جيدآ ان تاليا تكره المكوث فى الڤيلا..
لكنه لم يظهر لها مروان قلقو وهتف
مروان.. انا هوديكى للڤيلا.. و أروح المستشفى..
تاليا.. مستشفى كده على طول..
مروان.. اطمن بس على احوال المستشفى انا باقى شهر غايب عنها
تاليا.. طيب خدنى معاك أروح اشوف شهد
مروان.. انتى مش كنتى عايزه ترتاحى
تاليا.. اه بس شهد وحشانى أوى.. اسلم عليها وبعد كده أرجع على الڤيلا
مروان.. تمام
عندما وصل كل من مروان و تاليا المشفى استقبلهم الجميع بالترحاب والتحية
بقلم أروى عادل
/////////////////////////////
فى مكتب مروان
*****************
معتز.. انتم رجعتوا امتى
مروان.. من كام ساعة بس
شهد.. كده يا تاليا ترجعى من غير ما تقوليلى
مروان.. واللهى انا كمان ماكنتش اعرف فجأة كده طلعت فى دماغها اننا نرجع
معتز.. ايشمعنا يعنى
تاليا.. اول ما عرفت ان سلين مسجونه.. انتى ازاى يا شهد متقوليش حاجة زى كده
هنا هتفت شهد بأستغراب
شهد.. استنى هى سلين مسجونه
تاليا.. يعنى انتى متعرفيش
شهد.. لاء واللهى.. وانا هعرف منين
رحيم.. هى فعلآ شهد متعرفش.. محدتش يعرف غير انا و مروان و معتز
تاليا.. ليه بقى
مروان.. عشان سمعة المستشفى
شهد.. طيب هى سلين مسجونه ليه
معتز.. عشان محاولة قتل تاليا
هنا قالت شهد دون انا تنتبه لكلماتها
بقلم أروى عادل
شهد.. بس مش سلين اللى حاولة تقتل تاليا
دى.......
قطعت تاليا جملتها بحده وهى تقول
تاليا.. شهههههههد
هنا اتبهت شهد لما كانت ستقوله لذلك صمتت بينما هتف
مروان.. كملى يا شهد مين دى
لم ترد شهد عليه بل اكتفت بالنظر بتاليا بأرتباك لذلك صاح مروان.. بهم
مروان.. فى ايه انتم الاتنين. بتبصوا لبعض كده ليه.. ماتفهمونا ايه اللى بيحصل
تاليا.. مافيش حاجة يا مروان
مروان.. يعنى متأكده أنكم مش مخبيين علينا حاجة
تاليا.. لاء طبعآ مش مخبيين. انت بس اللى متهيألك
لم يصدقها مروان رغم ذلك هتف
مروان.. تمام يمكن انا متهيألى
تاليا.. طيب انا هرجع على الڤيلا.. وهاخد شهد معايا
اقترب مروان منها و قبلها من رأسها و ردد بهدوء عكس ما بداخله
مروان.. ماشى روحى يا حبيبتى
بسرعة غادرة تاليا و معاها شهد
عندها هتف مروان
مروان.. ماشى يا تاليا لما اشوف اخرتها معاكى
معتز.. الأتنين دول مخبيين حاجة كبيرة علينا
رحيم.. بقولك ايه انت وهو مالكمش دعوة بشهد
مروان.. يا جمالك انت من أولها خايف عليها
رحيم.. ايه من حقى اخاف عليها مش خطيبتى. و قريب أوى هتكون مراتى
معتز.. ياخويا ربنا يهنيكم ببعض.. بس احنا دلوقتي. فى حوار مرات الاستاذ مروان
مروان.. اه انا متأكد دلوقتي ان تاليا عارفه مين اللى حاول يقتلها.. بس السؤال هنا ليه مش عايزه تقول هو مين
معتز.. تفتكر مين
مروان.. سلمى
رحيم.. بس لو سلمى تاليا هتخبى ليه
مروان.. اكيد عندها اسبابها
معتز.. بس يا مروان.. انت لازم تتأكد الأول
مروان.. و انا لحد دلوقتي ساكت و صابر لحد بس ما أتأكد. بس واللهى لو طلعت هى انا مش هرحمها. يمكن اقتلها فيها
رحيم.. اه عشان تخسر مستقبلك و حياتك كمان
معتز.. مروان. استعمل دماغك شوية
مروان.. بس اتأكد الاول و بعد كده اشوف هعمل ايه
///////////////////////////////
فى سيارة شهد
**************
تاليا.. انتى غبيه متعرفيش تتحكمى فى لسانك
شهد.. ماخلاص بقى يا تاليا.. وانا اعمل ايه يعنى اول ما قال ان سلين مسجونه عشانك معرفتش اسكت..... تاليا تفتكرى شكوا فينا
تاليا.. طبعآ شكوا.. اساسآ مروان شاكك من الأول و انتى بهبلك خلتيه متأكد اننا عرفين مين اللى كان عايز يقتلنى
شهد.. انا بس عايزه اعرف انتى ليه مش عايزه حد يعرف ان سلمى هى اللى زقتك من على السلم
تاليا.. ماكنتش عايزه بناتها يتربوا من غير أم زى ما انا اتربيت.. كمان و قولت انها ممكن ماكنتش قاصده تموتنى .لما زقتنى. .. لكن عمرى ماكتنش اتخيل انها كانت قاصده تموتنى و تلصق التهمه فى سلين
شهد.. لاء معلش فهمينى و انتى عرفتى منين انها كانت قاصده تموتك
تاليا.. الهانم حاولت تموتنى فى المستشفى
بدأت تاليا تحكى ل شهد ما حدث
بقلم أروى عادل
شهد.. يا نهار اسود دى مجرمه بقى.. طيب ازاى عرفت خطورة المواد اللى فى الحقنة
تاليا.. مش عارفه بس هى لعبتها صح جابت مواد طبيه و فى نفس الوقت مواد خطيرة
بتسبب الوفاه فى اقل من دقيقه..عشان سلين دكتوره يبقى اكتر واحده عارفه خطورة المواد اللى موجوده فى الحقنة و فى نفس الوقت سلين بردوا تقدر تجيب المواد الموجوده فى الحقنة بسهوله
شهد.. صح وعشان الكل عارف المشاكل اللى بينك وبين سلين.. يبقى سلين أول واحد الكل هيشك فيها
تاليا.. بالظبط كده
شهد.. البت دى ايه دماغها سم
تاليا.. هى سلمى كده.. بس ده معناه ان فى حد ساعد سلمى.. امال عرفت خطورة المواد الأفيونية ازاى.. كمان جابت المواد الموجودة فى الحقنة من فين
شهد.. اه عندك حق....... طيب قوليلى يا تاليا انتى ناويه على ايه
تاليا.. أواجهها.. و اخد حقى منها
شهد.. يبقى اكيد انتى اتجننتى.. دى حاولت تقتلك مرتين.. تفتكرى هيصعب عليها تعملها تالت مره
تاليا.. متخافيش سلمى اخرها تضرب فى الضهر.. انما انا هواجهها وشى فى وشها هى مش هتقدر تعملى حاجة
شهد.. انا مش معاكى يا تاليا. اللى زى سلمى لازم تخافى منها و تعملى ليها الف حساب اظها خلاص مبقاش عندها حاجة تخسرها
.تاليا و انتة لازم تبلغى البوليس و اخلصى منها
تاليا.. سدقنى نفسى اعمل كده بس صعبان عليا بناتها
شهد.. بس هى كانت عايزه تموتك و ماصعبش عليها ولادك اللى كانت عايزه تحرمهم من أمهم
تاليا.. اوعى تنسى انها بنت خالة مروان.. كمان طنط ثريا بتحبها أوى بتعتبرها بنتها
وعمرها ما هتسامحنى انى السبب فى سجن بنت اختها..
شهد.. تاليا مهم يحصل.. سلمى لازم تتعاقب على افعالها... ولو انتى سكتى انا مش هسكت.. متزعليش منى ياتاليا انا هقول ل مروان
صمتت تاليا وهى تفكر بحديث شهد
ثم هتفت بقلم أروى عادل
تاليا.. طيب سيبنى بس النهاردة.. انا لازم اتكلم معاها الأول
هنا وصلوا للڤيلا
شهد.. تاليا انا خايفه عليكى منها
تاليا.. متخافيش.. اساسآ أن مش هعيش هنا فى الفيلا.. انا بس طلبت من مروان انى افضل هنا النهاردة عشان اتحاسب مع سلمى
قالة تاليا جملتها ثم غادرة السيارة لداخل الڤيلا هنا شعرت شهد بالخوف على صديقتها لذلك اتصلت برحيم لتحكى له كل شئ حتى بفيدها برأيه
لكن رحيم قال لها يجب ان يخبر مروان
لذلك ركض رحيم ليخبر مروان
//////////////////////////
المشفى
مكتب مروان
************
كان مروان يجلس مع معتز يتحدثون فى احوال المشفى عندما دلف رحيم بذعر و ردد
رحيم.. مروان قوم على الڤيلا بتاعتك فورآ
معتز.. بسم الله الرحمن الرحيم فى ايه يابنى
رحيم.. تاليا
ردد مروان بسرعة و خوف
مروان.. مالها تاليا انتطق
رحيم.. ناويه تروح تصفى حسابها ما سلمى
لانها سلمى هى اللى حاولة تقتلها. و تال....
قبل ان يكمل رحيم باقى جملته كان مروان يركض لخارج الغرفة بينما هتف
معتز.. يالا بينا نحصلوا ده مجنون ممكم يعمل مصيبه
#يتبع
الكاتبة الرواية / أروى عادل
سنلتقى فى احداث النهاية 🔚
تعليقات
إرسال تعليق