رواية مزرعة الريان الفصل الرابع والخامس بقلم خلود عبيد
رواية مزرعة الريان الفصل الرابع والخامس بقلم خلود عبيد
(الفصل الرابع )
" قرار "(الجزء الاول )
(من المواقف تبنى قراراتنا ، تكون الظروف هى الدافع والمؤثر قوى على اختيارتنا ،احيانا نكون مجبورين ومرغمين على ان ناخد قرارات خارجه عن مبادئنا وقناعتنا الشخصيه ، فى نهايه الامر هى اختيارنا )
-بصوت بوق انتباه سياره يعالى ويعالى ويزيد
-بصوته الصارخ =حاااااااااااااااسبى
ليفق من صراعه المستديم فى نومه وهو متعرق فأذع وينتبه اين هو ؟ ليجد نفسه فى حجرته التى يسودها الظلام والسواد وهو قابع على سريرة العريق الفخم ،وكانه نجده من كابوسه الدائم لتلك الحادثة التى غيرت حياته ودمرت كيانه
ليعيد انتباه يجد من كان يطرق على باب
بصوت راعد = مين؟
بصوت متقطع مرتبك = ااانى رواحة يا ازيد بيه
ازيد بنفس الصوت الهجورى = عايزة ايه يا زفتة ؟
رواحة تبتلع ريقها برعب وقد ارتعش جميع اجزاء جسمها امام غرفه هذا الطاغيه
= ح حازم بيه تحت وطالب يشوف حضرتك
ازيد بتأفف= اوووووووووووف ، خليه ينتظرنى فى غرفة المكتب
رواحة = حاضر تآمر بحاجة تانى يا بيه
ازيد بغضب = غورى من هنا
**********************
بعد نصف ساعة فى حجرة مكتب عريقة التراث ،بأثاث مصنوع من خشب فخم مدهب وفضيات اثريه ولوحات تاريخيه يدل على انه مكتب من حقبه تاريخيه اثارية ممزوج بلمسه عصريه متطورة لما بيه من اجهزة حديثة
خلف المكتب يجلس بكتلته الضخمة وطوله الفاهر وعظمته اللامنتاهيه كأنه أحد ملوك العالم القديم ،ملامح وجهه القاسيه الجاده بحتناً
حازم بكحة شديدة = ايه يا عم على الصبح كده ، اتخنقت من ريحة سجارة الزفته دى
لينظر له أزيد بملل ويكمل سيجاره الامريكى الفخم = عايزة ايه يا حازم
حازم ومازال يكح= عايزايه؟؟ بقى انا جاى على مالى وشى من اسكندريه على هنا وتقولى عايز ايه ، وبعدين قولى فيه ايه المرادى ؟
ازيد وينظر لبعض الاوراق فى يد يرفع وجه وينظر له رافعاً حاجبه = ليه هو فى حاجة حصلت ؟
حازم يضيق عينه وينظر له بجد= ما انا مش عارف انت الهتقولى ، أهل البلد واول ما شفونى ،كانهم شافوا عفريت ايه الحصل ؟
ازيد بملل= عندهم حق انت شبه العفريت فعل !
حازم بغضب= ازيد ما تجنننيش ايه الحصل ، وايه القفص المتعلق فى السوق الكبير ده؟
ازيد= مفيش ده سراج غراب كان عايز يلعب معايا لعبه وانا مابحبهاش ، فهبعتله قرصه ودن كده عشان يفتكر مين ازيد الريان
حازم= سراج!! سراج تانى هو مش هيتهد بقى ويسكت
ازيد= شكله مستغنى عن عمره ، اهو بدأ يلعب فى عداد عمره ،البادى اظلم
حازم= اهدأ يا ازيد مش ناقصه جنان هى ،بلاش قتل
ازيد وينفخ بشد بسيجاره = هو أنا قولت قتل!! برأة يا سيادة الرائد سابقاً ،ايه مش قادر تنسى انك كنت ظابط قبل كده
حازم بضيق = انت عارف انا سبت الشرطة ليه ، وكلامى ملهوش علاقة بحس العادل والهبل ده ، انا كل خوفى من بحر الدم والضحايا الملهاش ذنب هتروح فى الرجلين ما بينكم ، انتم حيتان وهما شويه اسماك ضعيفه
ليبتسم ازيد بسخريه = يا ابو قلب رهيف ورقيق ، كل واحد يشيل ذنب اختياره محدش بيضرب حد على ايده ويقوله العب جنب الحيتان
حازم= ازيد ! انت عمال تضرب فى السوق وتضره جامد
ازيد= انا ما بضرش حد ، ده بيزنس يعنى الشاطر يقش(يكسب)
حازم= هى لعبه كوتشينه ده فلوس بملايين وبضاعة بالاطنان
ازيد= ملاكش دعوة انت بالحاجة دى ، البينى وبين سراج كتير صعب تفهمه
حازم= صبرنى يارب ، دلوقتى (كاظم فياض) اتصل وقالى انك عايز ممرضه جديدة
ازيد باهتمام =ايوه عايز ممرضة جديدة وشرط تكون متزوجة وتكون خبرة عاليه، عمليه (هلال) بعد 6شهور الدكتور جاى عرضت عليه التحاليل وهو اكد انها تكون اول حاله يهتم بيها فى مصر
حازم= ده اكبر دكتور جراحة فى العالم صح؟
ازيد= ايوه دكتور المانى ،رغم أنه سنة صغير إلا خبرة عاليه وسمعته مسمعه فى العالم وانجازاته مبهره
حازم= ان شاء الله تكون العمليه ناجحة
ازيد= يارب ، عشان كده عايز ممرضة متمرسه ومتمكنه عشان تهتم بيها
حازم= طب ليه تكون متجوزة؟ ما اى وحدة ممتازة والسلام
ازيد= لا انا مش عايز دلع وانت عارف الوضع ، وبعدين متجوزة هتكون واحدة مسؤاله وواعيه اكتر ، وكفايه انها ممكن تعطيها احساس الامومة المفقود عند هلال ، لازم اهتمام عالى دى وريثه عيله ريان الوحيدة
حازم= ليه يا عم ما انت تقدر تتجوز وتجيب عشرين عيل ويبقى عندك واحد وعشرين وريث
ازيد بوجه غاضب مشتعل بصوت صاعق= حااااااااازم!
ارتعد جسد حازم من صوت ازيد
ازيد محذرا= كلام فى الموضوع ده تانى مش عايز
ليعاند حازم لاول مرة من 7سنوات امام ازيد ،ويقف ويضع كف كلتا يداه على مكتب ازيد وينظر له بتحدى ظاهر
حازم بشد = اسمع انت بقى يا ازيد ، عشان الظاهر لازم حد يفوقك من ال انت فيه
مش الحادثة الحصلت من 7سنين تغير فيك كل ده ،مهما حوالت تبين انك قاسى وجبار انا عارف وواثق ان وراء القشور دى قلبك الطيب ، ومش بسبب واحدة شككت فيك حاولت تظهر عكس نفسك عشان الناس تخاف منك ، انت هو نفسه ازيد العارفة من 30سنه متغيرته بتحاول تدارى بصورة تانيه
ازيد بغضب ويصفق بيده بشد= انت بتتفلسف عليا انا وتحلل شخصيتى ،برافو برررافو اوى يا حازم باشا ، اه اسف مبقاش باشا صحيح نسيت انك سبت الشرطة بسبب موضوع امك!
ليقف حازم ويعتدل ويكور يده بغضب = انا مش هرد عليك عشان عارف انك مش فى وعيك دلوقتى واحاسبك على الهلفطه دى
حازم= انا هروح اقعد شويه مع هلال الطفله اليتيمه السجنتها فى قصربسبب جنونك وبعدتها عن كل الناس
ليغادر حازم وبمجرد غلقه الباب امسك ازيد طفايه السجائر الكرستال ويقذفها بالباب لتتهشم مائه قطعة ويزيد مع كل قطعة جراحه القاتلة
*******************************
لتقف ويدور حولها الظلام وهناك رياح خفيفه بارده ،فى مكان فارغ وكأنها فى صحراء خاليه
لتجد عيون ثاقبة تنظر لها وكأنها عيون ذئب مفترس ،وفجاة ترى عدة مخالب متوحشة تقترب منها وتحاول ان تؤذيها وتقترب تلك العيون المرعبه اكثر فأكثر ، وتبدأ بالهرب ومحاوله الجرى من المخالب المقطعه وتؤذيها المخالب وتقطع ايديها ،لتصرخ بصوت عالى
اااااااه،لتسمع صوت (على) من بعيد بصريخ {احميه يا رحيل احمييييه }
لتستيقظ بفزع على سريرها وتعتدل جالسه مسنده ظهرها على السريروتضع يدها على قلبها
وتحاول اخذ انفسها عدة مرات
رحيل يتنهد = اعوذ بالله من الشيطان الرجيم ، اعوذ بالله من الشيطان الرجيم (وترددها عدة مرات)
_لتسمع صوت صريخ امها ، لتقف مفزعة وتجرى على الصالة ، لتجد شقيقها (سليم ) مضروب والدماء تنزف من فمه وملابسه متقطعة ،وامها مفزوعة ومصدمه من منظر اخيها
كما تلبستها الصدمه هى الاخرى!
قلم/خلود عبيد
ايه البيحصل ؟ اخيراا شرف ازيد بسلامته توقعتكم
ده تعويض بس انا زعلانه التفاعل ضعيف ده يكاد مش موجود اصلا
عايزة رايكم وتوقعتكم وقرب لقاء الجبابرة ههههه
(الفصل الخامس)
"قرار" (الجزء الثانى )
_لتسمع صوت صريخ امها ، لتقف مفزعة وتجرى على الصالة ، لتجد شقيقها (سليم ) مضروب والدماء تنزف من فمه وملابسه متقطعة ،وامها مفزوعة ومصدمه من منظر اخيها
كما تلبستها الصدمه هى الاخرى!
-لتجرى عليه رحيل وتتلمس جروحه وملابسه الممزقه
وتسأله بفزع واضح عليها= ايه العمل فيك كده ؟ ايه الحصل ؟
لينظر لها بعصبيه وينفض يديها بعيداً عنه
سليم بغضب = انتى السبب
لتنظر له رحيل بصدمه = انا؟!!
مجدة(امه)= انت بتقول ايه يا سليم اتجننت
لينظر لامه
سليم بصوت عالى = اه اتجننت ، انا عرفتك وقولتلك الناس فى الشارع عماله تتكلم على بنتك ،انا مستحملتش حد يقول شوفوا( الخروف ) اخته جايه وش الصبح ويا ترى كانت وراحت فين
امه = احترام نفسك وانت بتتكلم عن اختك بالشكل ده
سليم ومؤشر باصابع الوسطى لرحيل= اسمعى يا رحيل شغل مفيش شغل تانى ،خروج من البيت ليكى مفيش ،انا مسكت احمد ابن ام احمد ضربته عشان هو امه بيقولوا اختك ماشيه مع رجاله وبتيجى وش الصبح ، انا هسيب المدرسه واشتغل واصرف على البيت ،سامعه انا راجل البيت من هنا وجاى ،مش هسمح لحد يقول اختى صايعة وماشيه على حل شعرها معندهاش ضابط ولا رابط
ليجد يد امه تهوى على وجهه تصفعه بشد
امه بغضب= احترام نفسك ،دى اختك الكبيرة ،اختك اشرف من الشرف ،بتشتغل تجيب حق لقمه العيش
*كانت رحيل بصدمه ولا تصدق ما تسمعه من (اخيها الصغير ) ، كانت كلاماته كساكين تقطعهاوتمزق اوصالها ،لم تكن تتخيل ان تسمع مثل هذه الكلامات من شقيقها أقرب الناس لها ويتهمها اويصدق مثل تلك الشائعات عليها ، وما زاد ألمها صفعه امها له كأنها طعنتها فى قلبها وليس صفع وجه اخيها
-لتعود جرى حجرتها ترتمى على سريرها وتنوح فى بكاء مرير
ديما دموع دموع دموع دايما دموع دموع دموع
ديما يا قلبى طرقنا شوك و فى تلاقى الناس
خانوك ديما الم دايما عزاب دايما جراح لكن
الفرح ممنوع ممنوع ممنوع اصبر ونصبر رحنا
نصرخ وجوانا جروحنا دايما اوقات احزانا
اكتر من وقت فرحنا مشيين فى طريقنا وسكتنا
رضيين بنصبنا وقسمتنا ونحاول نضحك وندارى
جوانا الحزن ومدارى صبرنا على نرنا ودمعتنا
عينيك فى الدنيا الغضارة و قلوبنا حزينة
ومحتارة بنقابل ناس و بنوفيلهم و بيخدوا
حياتنا وبندلهم و الاخر نرجع بخسارة
دايما دموع دموع دموع اه ديما دموع دموع دموع
***********************
فى جنينه قصرالريان يجلس حازم ،امام (هلال) تلك الطفلة الرقيقه ذات الملامح البريئه الملائكيه الشاحب من اثر المرض بخصلات شعرها الاسود الحرير الطويل وجسدها الصغير الهزيل ذات ست سنوات يلعب معها لعبت الدوائر الحمراء والصفراء كى يؤنس وحدتها
هلال بصوت فرح رقيق = فزت فزت يا حازم ، خمسة صفر اهم فوق بعض فزت (وتصفق بيدها فرحة)
ليبتسم ويضحك لها حازم = شاطره يا هلالى
لتبستم هلال بخجل من هلالى = بجد يا حازم ، انا شاطرة وهاروح المدرسة والعب زى العيال واجرى زى ما انا عايزة
لتختفى الابتسامه من وجه حازم ويحاول ان يبتسم بصعوبه
حازم يملس على شعرها = ان شاء الله يا حببتى قريب تعمل العمليه وتخفى وتجرى وتقفزى زى الارنب كمان زى ما انتى عايزة
هلال باستفسار= وعمو أزيد هيخلينى اخرج بره القصر ،واروح الملاهى
لينظر حازم فى امامه = اكيد يا حببتى (فى نفسه : يارب اصلح حال أزيد رئفه بحال اليتيمه دى )
ليجد صوت من قطع خلوتهم
-بتعملوا ايه يا وحشين من غيرى (وتبتسم ابتسامه ظريفه )
لتقوم هلال وتجرى بخف نحوها
هلال تحتضنها = هاااااى عمتو نفس جت هااااااى
لتنخفض لها نفس وتقبلها= مش قوالنا نقول ماما نفس
هلال بخجل ممزوج بإحراج = اسفة يا ماما نفس بنسى
لتحملها نفس وتتقدم نحو حازم = بتعملوا ايه يا شاطرين ؟
بانتصار طفولى هلال= انا وحازم بنلعب الكرات الحمرا والصفرا وانا فزت عليه ، حطيت خمسة فوق بعض
بانبهار مصطنع = ايه ! بجد! ورينى كده (وتاخد اللعبه وتنظر لها ) جميل اوى شاطرة يا هلالوله
لتبتسم هلال وتضحك
لتنظر لها نفس وتتأمل تلك الملاك الصغير التى حرمت من امها وابيها منذ ان قدمت للحياه ،وتعوضها هى عن حلم الامومة المفقود لديها لعدم قدرتها على الانجاب ،وتعتبرها طفلتها الصغيره
اخذت تلعب معاها وتلاغيها وتضحك معها ،وحازم يراقبهم ويبتسم لفرحه هلال بقدوم نفس
لتأتى رواحة وتاخذ هلال للاستحمام وتناول دوائها وطعامها
لتعتدل نفس وتجلس بجديه وتنظر لحازم نظره تفحص
نفس = مالك؟
حازم بلامباله = مفيش هيكون مالى يعنى ؟
نفس = لا انت مش طبيعى ، انت اتخنقت انت وازيد
حازم= لا ولو مش مصدقه روحى اسالى اخوكى ولا ابن خالك بنفسك ،انا مش ناقص وجع دماغ
نفس= يبقى اتخنقتوا ، ها فى ايه المرادى
حازم = نفس حلى عن دماغى ، اقولك انتى فين جوزك
نفس فهمت انه يريد تغيير الموضوع = نادر راح المستشفى ،عنده إشراف النهارده
بس قول ايه الحصل بينك وبين ازيد وما تحولش مش هسيبك إلا اما تقول احنا اصحاب من الحضانة، وانا وانت وهو مش صغيرين ، اظن 34سنه مش اطفال ف هات من الاخر ايه الحصل ؟ مش هستحايل عليك انجز
حازم بنفس عميق = اللهم ما طولك يا روح ، نفس انا زهقان وكفايه جنان ازيد ارجوكى
نفس= يبقى نفس الخناقه القديمه ، ها ايه الجد
حازم عرف انه لن يخلص من نفس حتى تعرف = مفيش داخل شمال فى سراج غراب ،وشكلها هتقوم حرب وهو مش سامع لحد
نفس= سراج تانى ، احنا مش هنخلص من القصه دى ، ايه هو ازيد اتجنن مش خايف على هلال
حازم= اهو شوفتى ،وبقوله اتجوز وهات ام لهلال وذريه ليك قام عليا
نفس وقد صدمت واختفى اللون من وجها ، (نعم ازيد اخيها بالرضاعه وابن خالها ولكن بعد الحادثه والزواج لأزيد هو حجيم لا يتحمل احد يتكلم عنه )
= نهارك اسود يا حازم ، انت اتجننت انت عارف ازيد وجنانه من الموضوع ده
حازم= يهوووووه ،ايه هيبقى راهب طول حياته بسبب واحدة أنانيه ومريضه وجشعه
نفس= حازم كلام فى الموضوع ده ميتفتحش تانى ازيد هو ادر بمصلحته ، واذا كان على موضوع عدم الجواز ده بص لنفسك عندك 34سنه ومتعقد من الموضوع انت كمان
فمتعبش فى ازيد وتنسى نفسك ، على الاقل ازيد معذورعشان ظروفه ، اما انت بقى ايه عذرك
حازم= ايه ده انتى لحقتى قلبتى الترابيزه عليا ،وتعملى دور الاخت الكبيرة
نفس= انت زيك زى ازيد عندى ، وخايفه على مصلحتكم انتم الاتنين زى بعض ، انا الضلع القاعدة لمثلث صدقتنا وطفولتنا
ليبتسم حازم لها (نعم يعتبرها مثل اخته {حنين}ولكن نفس بمثل عمره يعتبرها بنك اسراره وياخذ مشوراتها فى كثير من الاحيان )
حازم= حاضر يا ابله النظره ، هجوز حنين واشوفلى عروسه انا كمان (ويضحك)
نفس= حنين والله وحشتنى مش هتنزل بقى
حازم= اهو لسه بتدرس الديكور المولعه بيه ده ، ربنا يعنها وتخلص الجامعه بقى ، انا رايح ليها بكرا
نفس بإندهاش=انت مسافر باريس بكرا؟
حازم= اه ، بعد اخر لقاء ل الست الوالدة على التليفزيون كلمتنى وهى منهاره وبتعيط جامد
نفس= اه معلش يا حازم بس هى عندها حق ، انا سمعت اللقاء والضيقت ، امك مغيره شكلها جامد ولابسه لبس كانها بنت العشريبنات ،مش واحدة فى الخمسينات وداخله على الستنين
غير كلامها انها عازبه وبتنفى انها عندها اولاد
حازم بضيق وغضب مكبوت = امال انتى فاكرة تركت الشرطة ليه ، ماهو بسبب عمايلها وبلاويها المبتخلصش ، عايشه دور المراهقه وناسيه انها ام ، ام ايه دى انا عمرى لشفت ام اصلا وبقيت الام والاب لحنين (ويتنهد ) الله يرحمك يا والدى ، كان عنده حق انه طلقها دى متنفعش للام ولا زوجة ولا حتى ست من الاساس ،عايشه دور الممثلة اللامعه الساطعه وبس
نفس وشعرت بشفقه لاجله = ربنا يهديها يارب ، تروح وترجع بالسلامة
ليقوم ليغادر ثم يستدير لنفس مره اخرى = اه نسيت الممرضه الجديدة ممكن تيجى على نهايه الاسبوع خلى بالك منها ،لازيد يعمل حاجة ويطفشها ما انا عارفه رخم وجبار
لتضحك نفس = هههه ،لا متخفش فى الحفظ والصون
*********************************
مر يومان ورحيل كانت حبيسه غرفتها تتألم وتنوح بداخلها ،تريد الصراخ بأعلى ما فيها حتى يخفف عما بها ولوبمقدار ذرة ، خرجت ظهره اليوم بعد اتصال (احلام صديقتها ) لها وعادت
وهى تحمل بصميهما قرار الحاسم لقد اكتفت
لتجلس مع امها واخيها المحرج منها
رحيل بجديه = اسمعى يا أمى احنا لازم ننقل
مجدة= ايه ؟!!ننقل نروح فين ؟ وليه ؟
رحيل= ننقل عشان حاجات كتير ، اولها ان الحصل وكلام التلحقيح البنسمعه ميحصلش تانى ، نروح مكان تانى محدش يعرفنا فيه ، ثانيا حفاظا على (رحيم )
مجدة = رحيم !! وهو فى حد هيأذى رحيم
رحيل بتحمل ومحاوله عدم البكاء= النهارده الظابط الكان متابع قضيه (على ) وحادثه فرامل العربيه ، اكد ان الحادثه بفعل فاعل ، والقضيه فى حد بيحاول يقفلها وميدورش وراهم ، يعنى احتمال كبير يكونوا هما الوراء الحادثه
مجدة بخضه= يا عينى عليك يا على ،قتلوك فى غز شبابك ويتموا ابنك ، بس محدش يعرف حاجة عن رحيم
رحيل= رحيم بيكبر يا امى ، غير لو دوروا ورانا هيعرفوا انى مرات على الله يرحمه ،وهيعرفوا كل حاجة ، انتى نسيه ليلى الله يرحمها كانت بتحذرنا منهم ازاى
مجده= بس جوازك من على محدش عارفه منهم
رحيل= ماما العقد العرفى بقى رسمى عند مأذون شرعى واتسجل بيه رحيم ساعة ما اتولد لو ناسيه وبسهوله لو عملوا قيد عائلى ل(على )هيعرفوا انى مراته وعندى ابن منه ، انا خايفه على رحيم
مجده = طب هنروح فين؟
رحيل= زوج احلام زملتى وفرلى وظيفة ممرضه فى مستشفى فى مصر ، واذا كان على السكن شقه خاله احلام القديمه فاضيه اعطتنى مفاتيها وهتبقى قريبه كمان من المستشفى ومدرسه (سليم) الجديده ، انا سحبت ملف سليم النهارده من المدرسه وبعته لحد تبع زوج احلام وسجله هناك هنسافر بكرا
لتتفاجئ مجدة = بسرعه دى؟
رحيل= انا مش عايزه اكدب عليكى فى حاجة يا امى ، بس لما (على )عمل الحادثه وحياته كانت فى خطر أحتاجت فلوس ، انا خدت قرض بضمان البيت ومش عارفه هعرف اسدده ولا ايه النظام ومعاد التسديد اول دفعه قرب مش عايزه ننطرد من البيت ، غير عندى حياة رحيم فوق كل شئ
مجده= مش مهم البيت ،المهم رحيم يبقى بخير
رحيل= عن اذنك يا أمى (وتغادر لغرفتها )
لتنظر مجدة لسليم الذى لم يستطيع رفع عينه امام اخته ولا الكلام معاها
مجده= قوم رحلها صلاحها واعتذرلها وهتسامحك رحيل قلبها طيب وبتنسى بسرعة
سليم بندم= بجد يا ماما انا اسف مش عارف قولت او اتصرفت كده ازاى
مجدة بتهيده= مش مهم الحصل المهم تتعلم وتعرف متخليش حد يأثر عليك وعلى كلامك وتكون واثق من نفسك ومن اختك
سليم = حاضر
مجدة فى نفسها وهى تنظر الى ابنها = انا السبب انا العملت فيكوا كده ، يارب سامحنى واسترها مع اولادى
******************
-امام غرفه رحيل يطرق الباب بهدؤء
رحيل = مين؟
سليم = انا يا ابله رحيل ممكن ادخل
رحيل= ادخل
ليدخل سليم مخفض رئسه اسفا نادم
ليقترب من اخته الجالسه على السرير تعطى رحيم رضعته بالببرونه
سليم= انا اسف يا ابله رحيل ، مكنتش اقصد والله
لتزيح رحيل رحيم وتضعه فى مهده بعد ان بدء عليه اثار النعاس ،وتقترب من اخيها وترفع رئسه وتنظر فى عينه وتمسك يده
رحيل = انا ال اسفه يا سليم ،عشان خليتك تمر بالوضع ده ، وتسمع كلام ناس ميستهلوش ، بس غصب عنى مش بأيدى دى إرادة ربنا انى ابقى ارمله
ليرتمى سليم فى حضنها ويبكى= وحشنى اوى على وحشنى اوى يارحيل ، وبابا كمان وحشنى ليه مشيوا وسبونا لوحدنا
لدمع عين رحيل وتبكى هى الاخرى= استغفر الله دى إراده ربنا وده قدرهم ومعادهم
سليم وينظر لها= وحشونى اوى اوى
رحيل = ادعى لهم بالرحمه كل ما يوحشوك احسن
-اخذت تملس على شعر اخيها ونحاول ان تطيب خاطره ، تعلم كم تألم سليم عند موت(على ) فكان يعتبره الاخ الاكبر والاب الثانى له وبالخاص بعد وفاة والدها منذعامان وكم تعلق به سليم وكان مشجعا وسعيدا لزوجها منه ، عندما مات على ،شعر سليم كأنما فقد ابيه مرة اخرى وفى سنه الحرج (المراهقه ) تكون مشاعره متهوجه ومتقلبه يتأثر بسهوله ويحتاج الى اب ورفيق قريب منه ، وهو فقد الاثنان
رحيل= متصدقش حد يا سليم وكن واثق ان اختك عمرها ما تعمل حاجة غلط او حرام ، بابا الله يرحمه عرفنا الصح من الغلط وعرفنا دينا بيقول ايه ، ونمشى ونتبع شريعته، اختك شريفه وبتشتغل شغل شريف وعمرها ما غلطت
سليم بسرعه= انا عارف يا ابله رحيل ، اسف على كلامى ، انا بثق فيكى وعمرى ما شكيت ابدا فى اسلوب شغلك ،اسف وغلطان انى سمعت كلام الناس السيئه دول
رحيل= ربنا يجازيهم ، البيعمله ده رمى محصنات وده عند ربنا عقابه كبيروعظيم ،ربنا يهديهم ، قوم بقى جهز الحاجة الهتاخذها معاك وكتبك
سليم= حاضر (ويضع قبله على خدها ويخرج)
لتنتسم على اثره رحيل = ربنا يصلح الحال
**********************************
يسقط كل ما على المكتب بيده ويقذفه بشده
-لااااااااااااا ، هاقتلك يا ابن الريان هااااقتلك
ليرتعب الواقف امامه وينظر له بخوف ويحاول ان يبتلع ريقه = س سراج بيه
سراج بغضب واعين مشتعله = غور من وشى
ليفر هارباً
-اشتعل سراج وغضب عندما عرف ان ازيد قبض على الرجل التابع له وافسد مخططاته
سراج بصوت غاضب عالى= هاقضى عليك يا ازيد ، زى ما اخدوا حببتى منى وماتت بسببكم هاقتلك يا ابن الريان
ويمسك هاتفه ليتصل
سراج= اعطينى ...... (فى نفسه هحضر التقدر تقضى عليك للاخر ويا انا يا انت يا ابن الريان)
قلم/خلود عبيد
تفتكروا سراج هيعمل ايه ؟ وازيد هيسكتله ؟
التفاعل وحش اوى وانا زعلانه بجد
عايزه رايكم ومشاركه الاحداثه كده وتوقعتكم
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هنااااااا
 " قرا…){kind=link}
تعليقات
إرسال تعليق