رواية مزرعة الريان الفصل الاول والثاني والثالث بقلم خلود عبيد
رواية مزرعة الريان الفصل الاول والثاني والثالث بقلم خلود عبيد
الفصل الاول
" ضحية المجتمع "
تدور الايام والزمن ونكون نحن ضحيتها لم نتغير ولكن تغيرت وتغيرالاحوال معها ، فاصبح الفتاة المتروكة بعد خطبتها معابه ‘ المتاخرة فى الزواج عانس بلا اخلاق ‘ المطلقة فاسدة ‘ الارملة صائدة
كلهن مجرمات لم تنجى منهن الا المتزوجة التى وجب عليها الصبر والاحتساب حتى لا تكون مثلهن
مجرمة !
مجتمع بيه إعاقه وخلل ، يهاجم ويساند وكأنه شخص لديه انفصام بالشخصية "شيزوفرنيا "
بكلامه وافكاره محب وديموقراطى لكن ‘ بافعاله رجعى متخلف متمسك بالعادات الباليه الفاسدة منها .
لتبدأ قصتنا هناك فى مدينه الاسكندريه ،فى احدى الكافيهات المطله على البحر تقف فتاة مستندة على سور المطل على البحر تنظر الى البحر وامواجه تحاول ان تبحث عن "الجواب " لما هى؟ ما ذنبها ؟
تعاتبه وتناجيه بعينها الرماديه المدمعة التى ضاع بريقها من كثرة البكاء ، فحياتها اصبحت قاتمة سوداء مثل الرداء والحجاب التى ترتديهم الاسود لونهم ،لم تكن تشعر بنسمات الرياح الخفيفة المدله على اقتراب الشتاء وبدايه السقيع وكأنها فى عالم أخر يجول فى رئسها ، لتفيق على صوت ....
-رحيل ! يا رحيل ، انتى يا بنتى
رحيل منتبه لقدوم رفيقتها = ها ! ايه يا احلام ده كله اتاخرتى اوى
احلام = اسفة والله ، على ما احمد روح البيت
رحيل= اه ، الف سلامة ربنا يشفيه ويقوم بالسلامة
احلام بتنهيده = يارب يا رحيل يا رب جلسات الكيماوى دى تخلص ويخف
لتقترب رحيل من صديقتها وترتب على يديها برقه = ان شاء الله ، خلى املك فى ربنا كبير
احلام= ونعمة بالله ، ها كنتى عايزنى فيه
رحيل بخجل = انتى عارفة انى خلصت عدتى من شهرين الا عشرة ايام
احلام= الله يرحمه "على " تقريبا كده متوفى من 6شهور
رحيل = اه ، وانا من ساعة ما عدتى خلصت وبدور على شغل ، انتى عارفة انى دكتورة تحاليل رغم كده صعب الاقى شغل فى مجالى وبشتغل تمريض بالمعهد التمريض الخذته مع الكليه
احلام= ايوة ، بتشتغلى تمريض زى ، ايه المشكلة بقى !
رحيل= انا حولت اشتغل بمجالى فى شركة ادويه لكن مقدرتش
احلام = ليه!!
رحيل بحزن وضيق = كل شغل اقدم فيه وأقول انى (ارمله ) يتحول القدمى نظرته ليا وكأنى مرتكبه جريمة ونظرات غريبه ، تخلى الواحد يشتمئز ، نظرات شهوة وخبث كده مش مريحة و تخلينى اخاف واتراجع اخاف على نفسى يا احلام ، بقيت بخاف من الناس وبنظرتهم ليا
احلام بأس= معلش يا رحيل ، ربنا معاكى بس اكيد الكل مش كده
رحيل= انا عايزة تشوفيلى شغل ك ممرضة فى مستشفى ال انتى شغالة فيها ، مش جوزك تقريبا قريب صاحبها
احلام= اه يبقى قريبه بس يا رحيل انتى هتعملى ايه
رحيل= دلوقتى مصاريف البيت بقت كلها عليا غيرمصاريف رحيم (ابنها) بيبى ومحتاج لبن وغيارات وسليم (اخيها ذو 14 عام ) ومدراسته ، وماما وادويه الضغط والسكر المصاريف كتيير اوى يا احلام
احلام= ربنا معاكى يا رحيل الحمل تقيل عليكى هتقدرى
لتتنهد رحيل بملامح حزينه = معاد القرض الخذته ساعة ما "على " (زوجها المتوفى ) كان عيان تسديده قرب وفلوسه مش معايا حاجة منه
لتتفأجى احلام = انتى خذتى القرض باسمك !!
رحيل = اه امال انتى فاكرة ايه
احلام= انتى اكيد اتجننتى يا رحيل ، انا مش عارفة فرطى فى نفسك كده ، الاول رضيتى بالوضع بأنك تتجوزى " على " بالطريقه دى كأنك مزلولة وعينك مكسورة ، وبعد ده كله تربطى نفسك بسلاسل ديون ليه ليه يا رحيل
رحيل ببكاء = بس يا احلام بس
احلام= انتى مكنتيش اول ولا اخر واحدة خطبها يسبها قبل فرحها يثلاثه شهور ، عشان فى الاخر ترضى تتجوزى على
رحيل ببكاء= انتى مش عارفة انا سمعت ايه من 7 سنين ، كل واحد او واحدة يقول يا ترى الدكتور سابها ليه؟ ليه وليه ، هى مش دخلت كليه عاليه وهتبقى دكتورة تحاليل ادى الدنيا ، ليه خطبها الدكتور يسبها ويسافر ، اكيد معيوبه ، اكيد شاف حاجة وحشه فيها ، يمكن خد غرضه منها وسابها
كل فرد وجه أصابع الاتهام ليا ، لمجرد أنه كان انسان انانى فكر بنفسه وبس
لتقوم احلام من الكرسى وتحتضن رحيل= معلش يا رحيل سمحينى انى فكرتك بالحصل انا بس صعبان عليا البيحصلك والممكن يحصل من اهل رحيم
رحيل = محدش عارف حاجة عن رحيم ، ميعرفوش انه موجود اصلا ، انتى مفكرتنيش بحاجة يا احلام الدوامة رجعت من تانى ويمكن اكتر والهمس واللمز انى بقيت ارمله يا ترى بتروح فين ؟ متأخرة ليه ؟ شوفى منحوسه اتجوزت فيه و جوزها مات كويس ان الدكتور سابها يمكن كان يموت ، انا تعبت بجد مش عارفة اعمل ايه
احلام بحزم= يبقى لازم تكونى ارملة متزوجة
رحيل =ايه البتقوليه ده يا أحلام ، انا لا يمكن اتجوز بعد" على" كفايه عندى "رحيم "بالدنيا
أحلام =أنا ما بقولش تتجوزى ؛انا بقول تكونى أرملة متزوجة
رحيل =ده ال هو ازاى يعنى
احلام=افهمى يا رحيل طول ما أنتى لوحدك منغير رجل المجتمع والناس هتشوفك وحدة سهلة ورخيصة
رحيل باندفاع=أقوم اتجوز !!صح يا ستى طظ في ناس والمجتمع المريض ده
أحلام =اسمعى بس ، انتى تنقلى مكان تانى
وتقولى أن جوزك مسافر بره
رحيل =انقل!!
أحلام =كده كده لازم تنقلى أهل رحيم لو عرفوا بيه هياخدوا منك ، جوازك من" على "ظروفوا مختلفة غير لو ناسية عملوا قبل كده طرده من الكليه ، دول ناس ظالمة الدم عندهم رخيص لو وقعتى في أيديهم هايقتلوكى
رحيل =أنا أم رحيم مش...
أحلام مقاطعة =دول الفلوس هى طريقهم ، انتى وامك واخوكى صغير يقدروا ينهكوا بلحظة منغير ما حد ياخد باله
أنتم منغير رجل يقف ليهم ، الأفضل تهربى ابنك واخوكى وامك لازم يكونوا فى أمان ، قررى يا رحيل
رحيل = انا مش زيك يا احلام ، اهرب من المشاكل واتجوز واحد م ( لتصمت رحيل لتدرك انها تخططت الخطأ مع احلام ووضعت الملح على جروحها )
احلام= كملى يا رحيل كملى سكتى اتجوزت واحد مريض و ما عرفش عنه حاجة عشان حمانى من ابن عمى ومن الدنيا كلها ، بس انا متجوزتش "احمد " عشان كده بس ، انا حبيت احمد اعطانى الامان والقوة والسند وقف جنبى فى اشد وقت فى حياتى ، انا مخسرتش يا رحيل انا كسبت حب انسان مش موجود فى الدنيا "حب نقى " بنسند بعض وهنعدى المحنه وهيخف واعيش حياتنا مع بعض ونعدى كل الصعاب
رحيل= اسفة يا احلام ، مش قصدى انا اعصابى تعبانه وحسه ان الدنيا كلها فوق دماغى
احلام= انا عارفة ومقدرة ده ، ومش زعلانة منك ، يبقى تسمعى كلامى وتسيبى اسكندريه كلها ، ولو على شغل اخلى "احمد " يشوفلك فى مستشفى فى القاهرة انتى عارفة مستشفيات (فياض ) التخصصيه موجودة فى كل محافظات مصر كلها تقريبا دى اكبر مؤسسه طبيه فى الشرق الاوسط ، وهو قريبه ومن عيلته سهل انه يتوسط ليكى ويوفر سكن كمان
لترفع رحيل ببصرها لتفكر لتصدم بما امامها ..............
******************************************************
هناك فى مديريه (امن الاسكندريه ) بداخل مكتب احد الظباط الذى يجلس خلف مكتبه وامامه رفيقه ظابط مثله
- والله ليك وحشه يا حازم
حازم=انت اكتر يا درش
مصطفى =عامل ايه بعد ما سبت شغل الشرطة ووجع الدماغ ده
حازم بتنهيد= اهو الدنيا ماشيه
ليعمز له مصطفى بعينه = ايه يا عم ده انا سامع انك المدير العام لشركات الريان
حازم= تعال يا اخويا شوف الهنا ال انا فيه ،ده انا طالع عينى ما انت عارف " ازيد " من يوم ساب الشركات وكله فوق دماغى
مصطفى بأس= الله يكون فى عونه ، هو برده لسه رافض يخرج من المزرعة
حازم= اه يا سيدى ،غير انه بقى الكبير من بعد ابوه وبقى حاكم البلد ( مزرعة الريان ) ، الحادثة غيرت فيه خالص وتحول وبقى شخص تانى ، تعرف هناك اهل البلد مسمينه ايه (اسيد جهنم الريان ) من (ازيد جهم الريان ) ، على انه الشخص حول البلد جهنم وهو البيزيد نارها وعذابهم
مصطفى بصدمة = لدرجة دى !!
حازم= واكتر كمان ده ....
(ويقطع حديثهم صوت ضوضاء بالخارج )
بقلم / خلود عبيد
تفاعل ورايكم
انتظرونى
مزرعة الريان خلود عبيد
الفصل الثانى
"الجانى مثلها "
(من قال ان الرجل هو فقط من يظلم المراءة ‘ "لا" فالمراءة اكثر من يظلمها هو مراءة مثلها ‘ تكون من النساء مثلها حتى يكسرن شعور سطوة الرجال وقوتهم يفرضن جبروتهن على النساء الضعفاء منهن ، فالحماة تفعل ما فعلته حماتها فيها فى زوجة ابنها المسكينة ، المتزوجة تعاير العازبة كنوع من كبت زوجها بها ، المنجبه تزل العقيم وكأن امرها بيدها ، من تسلب زوج من زوجته وتهدم بيت دون وجه اى حق ، نساء يضربن نساء بعضهن البعض،وبلسانهن يكسرنا خواطر يصعب جبرها حتى الزمن يستعصى ان يدأويها .)
***
فى مديريه امن الاسكندرية
مصطفى = فى ايه يا عسكرى ايه الدوشه دى ؟
العسكريه = يا افندم قبضين على مجرم وعايز يهرب
مصطفى = يهرب!! ليه هو فاكرها وكالة من غير بواب
العسكرى = يا سعادة البيه بيقولوا جاى فى خطف هو بيقول مخطفتش حد
مصطفى = خلاص خلاص دخله (وينظر الى حازم ) معلش بقى يا حازم استنى اما اشوف ايه العبارة ؟
حازم= عادى يا ابنى شوف شغلك هو انا جاى اعطلك
** ليدخل العسكرى ممسك رجل فى 34 من العمر تقريبا بملابس عاديه لا غاليه ثمنها او قديمه نوعها يدل انه من الطبقة المتوسطة
مصطفى = انت مقبوض عليك فيه انطق ( بصوت عالى بنرفزة)
الرجل برتباك = ابدا يا بيه ، دى واحدة كان بيغمى عليها فبسندها مسكوا فيها وقالوا بخطفها
-ليأتى صوت أنثوى عالى من خلفه (واقفة عند باب غرفة المكتب ) =كداااااب
مصطفى باستغراب = انتى مين ؟وازى تقفى كده ادخلى خلى الموضوع يخلص
مصطفى = كداب ليه بقى ؟
-لتدخل شابتان وليس واحدة
- حضرتك انا شوفته بشممها ريحة برفان او حاجة كده والانسه راحت اغم عليها بعديها ، بقى يقول انها خطبته وجالها اغماء وهو هيروحها وعشان انا متابعة الموقف من الاول جريت عليه وانقذت البنت البريئة منه
- كان حازم يتابع تلك التى امامه وشجاعتها الباسلة لانقذ قتاة لا تعرفها وتعرض نفسها للخطر
مصطفى = البنت فين ؟
-بنت مين ؟
مصطفى بنفاذ صبر = المخطوفه !! اقصد الكانت هتتخطف ؟
-موجودة حضرتك فى غرفة الرعايه الخاصة بالقسم بتستعيد وعيها انا فوقتها عموما
مصطفى = طيب الاول هنأخد اقولها وهنكتب شهادتك كمان
مصطفى = بطاقتك لو سمحت
- البطاقة!!
مصطفى بسخريه = ايه مش معاكى بطاقة ؟ وعاملة فيها هيرو
-لا معايا بس !! بس!!
مصطفى= بس ايه خلصى انتى كمان ، هو يوم باين من اوله
حازم عندما لاحظ مضايقت الفتاه = اصبر بس يا مصطفى براحة يا عم
ليرفع مصطفى حاجبه وينظر الى حازم وكأنه يخبره ( يا حنيين هههههه)
-لتعطيه البطاقة ويقرأ مصطفى = رحيل صلاح فريد العقاد
مصطفى = امأل مالك كنتى مترددة
رحيل= اصل البطاقه محتاجة تتجدد
مصطفى = ليه ؟ ما هى شغالة وزى الفل اهو
رحيل (تبتلع ريقها منزلة رئسها للارض ) =مكان متزوجة ، يبقى "ارملة "
صدم مصطفى وحازم لم يتوقع أين منهما هذه الاجابه
*بدأ يلاحظ حازم ملابسها السوداء التى تدل على الحداد والحزن ليشعر بالحزن والاسئ لها فما يبدو امامه شابه غمرالحزن حياتها من ملامحها البريئة الطفوليه الحزينة
مصطفى بتلبك فلم يقع فى موقف محرج مثل ذلك من قبل = اه طيب مفيش مشكلة ، امضى على اقوالك وتقدرى تتفضلى
وينتبه مصطفى لشابه الاخرى = انتى شهادة بردوا ولا ايه النظام
احلام= حضرتك ان جيت معاهم انا فوقتها مع الدكتورة رحيل
مصطفى وحازم فى نفس واحد = دكتورة !!
رحيل بحرج= اه اظن قلت لحضرتك انى فوقت البنت وهى زمانها جايه دلوقتى ، على العموم انا دكتورة تحاليل عشان كده قدرت اعرف انها متخدرة ودى (تشير لاحلام ) مدام احلام ممرضه فى مستشفى فياض التخصصى
حازم= فياض التخصصى !!( مستشفى فياض لا يعين فيها الا النخبه )
رحيل= حضرتك زوجها (احمد عزمى فياض ) مدير بالمستشفى
حازم بانتباه = قصدك صاحبها !! اخو كاظم فياض صاحب مجموعة فياض التخصصى
(كاظم على معرفة بحازم وأزيد معرفة وثيقة )
احلام بسرعة= لا ! ده قريبه
حازم باستغراب = غريبه معرفش حد فى عيلة فياض بالاسم ده غير اخو كاظم
رحيل = عادى تشابه اسماء
حازم = يمكن
مصطفى= خلاص كده تقدروا تتفضلوا
*****************************
بعد خروج احلام ورحيل ، تجد رحيل احلام سارحة وتفكر فى شئ
رحيل= احلام احلام !!
احلام بانتباه = هااا ه فيه حاجة
رحيل= لا ما فيش خالص انتى مش معايا اصلا ، مالك من ساعة ما خرجنا وانتى فى دنيا تانيه
احلام= لا انا معاكى بيتهيالك
رحيل = يا شيخة ، بقالى ساعة عمالة اقولك همشى عشان عندى شفت مسائى وانتى مش سمعانى
احلام= رحيل ؟ هو تفتكرى كلامه صح
رحيل = كلام مين
احلام بنرفزه= ركزى يا رحيل ، ان احمد صاحب المستشفى؟
رحيل= لا يا شيخة مش لدرجادى كان زمان احمد قالك على الاقل
احلام= يمكن يعرف انى بكره الاغنيه وخاف انى..
لتقاطعها رحيل = لا لا انتى الفوبيه بتاعتك من الاغنيه زادة خالص ، بتشكى فى جوزك
احلام= انا معرفش حاجة عن احمد ، قالى انه مستنى يخف ويروح لاهله لانه خايف عليهم من الصدمه وهيعرفنى عليهم
رحيل= اهدئ يا احلام وانسى الكلام ده ، حتى لوكده احمد مختلف وانتى اكتر واحدة عارفة كده
احلام بتنهيده = انا بكرههم كل حاجة عندهم الفلوس ، بسبب فلوسهم حق اهلى ضاع ، القتلهم هرب بجرمته والخطأ اترمى على ان ابويا هو سايق مش مركز ، خرج واحد مجرم مستهتر من السجن بسبب فلوسهم والحصل ل..
رحيل= خلاص خلاص متقلبيش علينا المواجع ربنا على كل ظالم
رحيل = لازم امشى دلوقتى هتأخر عندى شفت فى المستشفى اهو باليوميه كده على ما ربنا يفرجها
احلام= ان شاءالله بس فكرى فى كلامى كويس
ماشى مع السلامة
****************************************************
لتدخل رحيل احدى المستشفيات الخاصة التى حصلت على عمل جزئى فيها (شفت مسائى بأجر يومى )
كممرضة
لتجد بعض الممرضات ملتفات حول طبيبه كانت صديقة لرحيل ايام الدراسة الثانويه يهنئوها بمناسبه خطبتها
عند روائيتهن لرحيل صمتن وبدأ بينهن نظرات اللمز والاحتقار لرحيل ومحاول ان تخفين عنها خبر الخطبة
لتتقدم لهن رحيل وتنظر لهن بتفحص على ان تخبرها احدهن ما يجرى
للتتكلم احدى الممرضات التى تشعر بالغيرة من جمال رحيل وطيبتها ومحبه الاخرين لها
= دة الدكتورة مرفت اتخطبت لدكتور منعم رئيس قسم الاوردة الدمويه فى المستشفى
رحيل وتنظر لمرفت = اه ، مبروك يا مرفت
مرفت بتكبر وتبين لها يدها = مرفت !! دكتورة مرفت وشكراا وعقبالك
(تضع يدها على فمها كخضه اصتناعيه )
مرفت بنظره احتقار وغرور = اسفة !! اصلى نسيت انك لسه ارملة جديد ، ان شاء الله ربنا يعوضك بقى
لتتشتت رحيل فى مكانها وتشعر كما لو كأن الارض انشقت وتود ان تبلعها لم تشعر ابدا ، ان احد يحتقرها وينظر لها بدنئة مثل ما يحدث الان ، فكان كبريائها دائما رمز لشموخها وتاجها
لتتحجر الدموع فى عينها من الاسئ لما بيها وتنظر للباقيات لتجد نفس نظر الاحتقار من البعض ونظر الشفقه من الاخريات
لتغادر مسرعة لداخل
لتجد الطبيب تعرفه انسان من الفروض عدم ان يطلق عليه هذا اللقب لم ينخذه من قسمه لعدم احترامه للاخرين واستغلال ظروف البعض
فهو دائما يتحرش بالممرضات ونظراته الخبيثه وغير المريحة ومحاوله التقرب من بعضهن بطريقة غير لائقة ادمية او انسانيه .
د/= اهلا اهلا إزيك يا رحيل اتفضلى
رحيل مبتلعه ريقها = اهلا دكتور توفيق ازيك حضرتك
د/بنظرة خبث = حضرتك ايه ودكتور ايه ، قولى توفيق على طول ما انتى دكتورة بردوا ،وليكى معزة خاصة
رحيل= للالقاب مقامات بردوا لازم تحفظ
د/=لا لا ازعل منك يا رى ري
لتصدم رحيل من تقربه اللفظى الزائد وتبتسم ابتسامة صفراء وتحاول تجنبه (فهو شريك بنسبه كبيرة فى المستشفى ويستغل هذا لمصلحته جدا)
د/ هو يشملها بنظرة من اعلها لاسفلها = تعرفى يا رحيل انتى لو غيرتى الاسود ده هتبقى اجمل بكتيييير
رحيل تصدم من كلامه فهو كهذا يعطيها اوامر بدون تصريح مباشر ان تنزع الاسود
د/ =اصله يبقى شؤم على مرضى بردوا (ويقترب منها ويحاول ملامسه يدها )
لترتبك رحيل وتغادر سريعا
*****************************
فى قصر يبدو عليه الفخامة والعظمة فى حجرة الصالون تجلس اسرة عائلة "غراب" احدى اكبر العائلات فى الوجه القبلى وتكن عداء خاص بعائلة"الريان "
المراءة الكبيرة فى السن بيدها عصا تتكئ عليها
فتضربها بها فى الارض بعزم وقوه ليصدع صوتها فى القصر = اسمع يا سراج انا عايزة ضنايا الباقى من ريحة الغالى
سراج= يا جدتى ان شاء الله قريب
الجدة بغضب= الكلام ده سمعت كتيير ، ولو مش قادر اشوف انى رجالة واجيب حفيد العيلة
سراج واقفا بغضب= ليه مش رجل قدامك اياك
الجدة= ماليش فيه الكلام ده انا عايزة ضنايا عايزة حفيد
سراج ملتف غاضبا = انا قولت بلاش الجوازه دى وانتم مشتوها من ورايا جايين دلوقتى تقولوا سراج سراج!!
الجدة بحزن بتهيدة = الحصل حصل ، كان العشق والغرام هو سبب تنزيل رؤسنا كده
سراج مكور يده بغضب= هعلى رؤسنا من تانى واخلى اسم عيلة غراب عالى من تانى فى البر كله ، واجيبلك ال انتى عايزة لغايه عندك وهما يجوا يبوسوا يدك كمان، وان كان تجرى بحور دم مش هيهمنى حد واصل
الجدة = اشوف هتعمل ايه يا كبير عيلة غراب
**********************************
فى الركن الاخر عند مزرعة الريان فى ارجاء البلد هناك رجل فلاح يصيح وينادى على اهل البلد
-يا اهل البلد يا اهل البلد الحقوا الحقوا .....
تفاعل ورايكم وايه الهيحصل
تصويت بقى ونجمه😉 تشجيع
الفصل الثالث
"قفص العذاب "
(بعض الذكريات نحبس بداخلها وتكون هى محرك حياتنا ،تؤثر علينا وكأنها محرك افعالنا، بعضها مؤلم نتمنى لو نستطيع ان ننسها 'والبعض الأخر مفرح نتمنى ان نبيقيها الى الابد،لكن فى كلا الحالتين ما هى إلا لحظات قضيناها وتبقى مجرد وقت مضئ ؛الأسوء هو ان تصبح هذه الذكريات مثل قفص يعذب أرواحنا فنكون أحياء نعيش كالاشباح {جسد بلاحياة} )
فى الركن الاخر عند مزرعة الريان فى ارجاء البلد هناك رجل فلاح يصيح وينادى على اهل البلد
بصوت عالى يرج انحاء المكان ليكسرسكونه ويزعزع أمانه الزائف لينتبه الناس ويقف سير المكان لمعرفه ما يحدث فما يستطيع ان يصيح احد بفوضى هكذا فى الارجاء الا لأمر مجل وخطير
الفلاح بصوت عالى = يا اهل البلد يا اهل البلد الحقوا الحقوا يا اهل البلد
احد الماره = فى ايه يا واد يا حسنين
حسنين يحاول ياخذ نفسه ليحاول الكلام = الحق يا عم مصلحى الحق رجاله الريان علقوا قفص الحديد فى نص السوق الكبير
مصلحى يختفى اللون من وجهه ويصبح اصفر وكأنه رأى شبح =ايه!! ليه؟
حسنين= معرفش ،باين المرار هيرجع تانى
مصلحى = متعرفش مين المرادى
حسنين= لا يا عم مصلحى ،بس سمعت واحد من رجاله بتقول الجمعة الجايه هيكون اجتماع فى السوق الكبير ،وان اللهم ما احفظنا "ازيد بيه " هيخرج ويعاقب المجرم
مصلحى بحيره = بس ايه الحصل هو حد عمل حاجة غلط ولا خرج وعد الجسر من غير أمره ولا خرج من حته تانيه
حسنين بستنكار=انت بتقول ايه يا عم مصلحى هو حد يقدر يعدى البر التانى منغير إذنه ، والجسر بينزل مره بالاسبوع البيخرج من عليه لازم يكون معاه الإذن ، ومكان تانى منين هو حد مجنون يعدى من ظهر البلد دى صحراء التعالب والديابه تأكله ، والجهه الشرقيه قصر الريان محدش يقدر يمشى من قدامه غير خدم القصر ،ده اكيد عمل مصيبه كبيره القفص لا يخرج الا اذا كان واحد مستغنى عن عمره
مصلحى بحزن= هو يا ابنى فى حد مستغنى عن عمره
حسنين = ايوه اليخالف كلام "ازيد بيه " يبقى عمره منتهى
ليقلب مصلحى يده باليد الاخرى مصفق = لا حول ولا قوة الا بالله ، ربنا على الظالم والمفترى
حسنين= ربنا يستر يا رب
-كان الناس الواقفين يتابعون الحوار الذى يجرى وكانت وجهوهم تتقلب مع كل حرف ينطق وكأنها سكاكين او أسهم يمكن ان تصيبهم ، واخذ البعض يتهامسون بينهم على ما سيحدث ومن سيتلقى عذابه هذه المره ، من الجانى؟ ماذا ارتكب ؟ لا يهمهم اذ كان المعاقب مظلوم ام حقا هو مدان المهم أنه سيلقى حدفه على يد "اسيد الريان "من هو مثل (ماء النار) يحرق الاخضر واليابس فى بلدهم ولا حد من البشر يقدر عليه اوينجدهم من بين يده
****************************
بعد ليلة شاقه قضتها رحيل فى الشفت الليلى بالمستشفى وفى حدود السابعة صباحا وهى تعود الى منزلها فى ذلك الحى القديم كمثله من الأحياء الشعبيه فى مصر
كانت تسير ومجهد جسدها ووكانها تجر قدميها للعوده من كثرة التعب لتسمع احد الجيران ....
-شوفى يا اختى البت جايه وش الصبح منغير خشى ولا حيا ،ناسيه انها بقت ارمله ماهو صحيح مالهاش ظابط ولا رابط ماشيه على حل شعرها
=عيب كده يا ام احمد ، رحيل عرفنها من صغرها زينت البنات
-لتضحك ام احمد بطريق خليعة ممزوجة بالسخريه = هههه بنات مين يا ابله اشجان ، ماهى خلاص بقت مركونه على الرف ،تنفع استبن بس
اشجان بضيق= لا لا لا ميصحش كده يا ام احمد
-كانت رحيل كمن شلت من هذا الكلام ، أى حمل اكثر ستحمله ،لما كلام الناس كالسكاكين ينغز ويقطع الروح كالاشلاء فما بقايا النفس باقية
-تحاول أن تسير وهى تلملم حطام نفسها وكانت( الجملة الاخيرة) هى القشة التى قسمت ظهر البعير
ام احمد= {ربنا يريحنا من الاشكال دى ،وينظف الحته من الزبالة الفيها}
-لتجرى رحيل الى منزلها وهى تضع يدها على فمها تكتم شهاتها المتتاليه ودموعها المنهمره على وجهها،لتقف خلف باب مدخل البيت وهى تبكى من الذل الملحق بيها ذل ليس لها آى يد بيه
لتصعد الى الشقه فى الطابق الاعلى بعد تمسكت بأخر عزمه نفس بها
-لتسمع صوت مرتفع قادم من داخل الشقة لتدخل مسرعة
-لتجد أمها تصيح على اخيها الصغير(البالغ من العمر15 عاما )
رحيل= فيه ايه يا ماما ؟
-لتصمت امها فجأة وينظر لها اخيها نظرات محقنه بالضيق
مجدة (الام)=لا مفيش حاجة ، اخوكى متاخر على المدرسة
لتنظررحيل الى اخيها (سليم )= ايه يا سليم يا اله على المدرسة
ليتربع بذراعيه امام صدره ويتكلم بضيق متناهى= مش عايز اروح
رحيل بصدمه = نعم؟!! ليه؟!
لتنظر مجدة الى سليم بنظره قاتله ،ليرتبك سليم ويتوتر
سليم بتوتر= مفيش عايز اريح النهارده وبس
رحيل بعتاب=لا مينفعش الكلام ده ، انت ثلاثة اعدادى ولازم تشد حيلك عشان تجيب مجموع ثانوى ،وتخش طب زى ما بابا (الله يرحمه ) كان عايز
سليم ومجدة= الله يرحمه
سليم حامل حقيبه المدرسه بعد ان أطال بنظره الى امه بنظره ذات معنى بينهم
سليم= حاضر يا ابلة رحيل
رحيل ببتسامة بسيطة ،وهى تتأمل اخيها الشاب الصغير،الذى اصبح طوله مقترب لطول اخته، طفل على مشارف ان يصبح رجل بالغ ،تعرف انه من سيتحمل المسؤاليه مبكرا
رحيل = ربنا يوفقك يا حبيبى
-غادر سليم
رحيل لأمها= رحيم فين؟ سامعة البيت ساكت
لتبتسم مجدة= لسه وأخد الرضعة وبيلعب فى سريره بالالعاب بتاعته
لتبتسم رحيل وهى تتذكر طفلها الجميل
مجدة= شكلك جعانة احضر الفطار ونفطر مع بعض
لتحاول رحيل الابتسام = اه والله يا ماما بس انا جعانة نوم اكتر،بالهنا والسعادة ليكى (وتمسك يد امها وتقبلها)
مجدة= ربنا يباركلك ويبعدعنك ولاد الحرام
رحيل بتنهيدة = آمين يارب ، ادعيلى يا ماما ادعيلى
وتدخل رحيل الى غرفتها لتجد رحيم بسريره يلعب ويضحك ،ليمتلئ وجهها ببتسامه من برائه طفلها وجماله
*****
وبعد دخول رحيل تتنهد مجدة وتحزن على حال ابنتها وتلوم نفسها ويتشربها الندم ،فهى تحمل نفسها ما تعانى منه رحيل الآن
Flash bake
رحيل بعصبيه= انتى سامعة انتى بتقولى ايه يا ماما ؟ اتجوز اتجوز على!! ،على ده الطول عمرى تقولى اخويا ،وانه ابنك المخلفتهوش
مجدة بجديه = ايوه يا رحيل اتجوزيه ،على مش اخوكى
رحيل= بس يبقى زوج ليلى ،ليلى بنت اختك ، ليلى اختى انا فى الرضاعة يعنى نصى التانى
مجدة برجاء= عشان ليلى ، عشان ليلى تعيش ، هى رفضة تعمل العمليه خايفة تموت وتسيبه لوحده
رحيل= يا ماما لو ليلى طلبت روحى هاعطهالها ، مش انى ابقى ام ولاد على
مجدة= بعد العمليه مش هتقدر تخلف
رحيل ببكاء = صعب يا ماما صعب ،ده زى اخويا
مجدة= يا ابنتى ارحمى امك الضعيفة ، انا عارفة انه صعب عليكى ،بس انا عندى ليلى تعيش
مجيدة (اختها) يوم ما اقبل وجه كريم هاقولها ايه؟ مقدرتش احافظ على بنتك ،موت بنتك
رحيل بانفعال= مش ذنبك انها رفضة تعمل العمليه
مجده =بس هى شرطة انك تتجوز على وتبقى ام ،عشان تعمل العمليه ،خايفة تموت وتسيبه لوحده ،عايزة حاجة تمسكه فى الدنيا ، وانتى تقدرى تحققى ده
رحيل= كل حاجة عشان ليلى ، هو ده المهم عندك ،تفتكرى بعد العمليه (انا){مشيره الى نفسها} موقعى من الاعراب ايه ، مكانى فى حياتهم ايه ، حياتى هتبقى ازاى
لتصمت مجدة وتكمل رحيل
رحيل= هبقى زوجة ؟ ولا ام ؟ ولا الاخت والصاحبه ؟ ولا اربى العيال، فهمينى يا ماما
التضحيه هيبقى ثمنها ايه
لتصرخ مجدة= حيااااة ليلى!!
bake
*****
لتدمع عين مجدة= الثمن حياة بنتى أنا ،بتدفع ثمن غلطة من 30سنة وبسببها مجيدة خدت وعد احافظ على حياة بنتها ، بنتها ماتت وبنتى انا بتموت قدامى وهى عايشة
*********************
وفى حجرة رحيل تحمل رحيم بين ذراعيها وهو يضحك ويبتسم وتتأمل ملامحه ،فهو يشبه ابيه (على ) الى حد كبير
رحيل = حبيب ماما ،قلب ماما ،روح ماما ،وحشتنى موت يا عيونى (وتقبله)
-وتضمه الى حضنها وتتنهد بعمق فهوطفلها العزيز
وتتذكر أخر كلمات( على)
Flash bake
على سرير المستشفى ،جسد شاب على ملامحه الارهاق والذبول ،وكأن شبابه يتسرب منه
تجلس امامه شابه بدموع تسير على وجهها،جالسة على ركبتيها ممسكة بيدها
رحيل ببكاء ورجاء= على!! ارجوك اتماسك وارجعلنا يا على، دلوقتى انا ماليش غيرك انت الاب والاخ والصديق والزوج ،متسبنيش لوحدى
على بضعف ويشد علىيدها تقوم وتقترب منه، لتقف وتقرب وجهها منه ويقبل جبهة وجهها
على بصوت ضعيف= سامحينى يا رحيل ،سامحينى
رحيل مسرعة= انا مسمحاك ،بس ارجعلنا ،عايزاك تقوم وتبقى قوى عشان نربى رحيم سوا
رحيم محتاجلك
على= خالى بالك منه يا رحيل ،ربيه وكبريه وعلميه يبقى رجل يعتمد عليه
رحيل بصوت هامس رقيق= انت الهتعلمه ،هتعلمه المشى والركوب العجل وكل حاجة كل حاجة ، زى ما علمتنى انا كمان (وتبكى وتحاول ان تمسك دموعها) هترجع يا على هترجع
على= رحيم امانه يا رحيل خالى بالك منه
Bake
رحيل بدموع وعى ممسكه رحيم وتنظر له = طلع بيحبها حتى اكتر منك يا رحيم ورحلها مقدرش على بعدها
**********************
-بصوت بوق انتباه سياره يعالى ويعالى ويزيد
-بصوته الصارخ =حاااااااااااااااسبى
ليفق من صراعه المستديم فى نومه وهو متعرق فأذع وينتبه اين هو ؟ ليجد نفسه فى حجرته التى يسودها الظلام والسواد وهو قابع على سريرة العريق الفخم ،وكانه نجده من كابوسه الدائم لتلك الحادثة التى غيرت حياته ودمرت كيانه
ليعيد انتباه يجد من كان يطرق على باب
بصوت راعد= مين؟
احداث جديدة وهيبتداء المشوار يا ترى رحيل هتقدر؟
تفاعل ورايكم
خلود عبيد 😊
تكملة الرواية من هنااااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق