راوية_عندما_تغضّب_النعاج_تصبح٠أشد_أفتراسآ_مم_الذئاب
#راوية_عندما_تغضّب_النعاج_تصبح٠أشد_أفتراسآ_مم_الذئاب
#الكاتبة_أروى_عادل
#الفصل_الثلاثون
تاليا ٠٠ ليه بس قولتلها كده يا مروان ٠
مروان٠٠ مش عارف بس كانت لازم تفهم أنها لازم تسيبنى اعيش حياتى زى ما انا عايز
تاليا ٠٠ تقوم تقولها انها ماتنفعش تكون أم
كمان تسيبها تخرج من الفيلا
مروان ٠٠ يمكن كده يكون احسن . و لما تبعد تقدر تحس انها كانت غلطانه
بقلم أروى عادل
٠٠٠٠٠٠٠٠٠٠٠٠
أمام غرفة مروان و تاليا
************************
كانت تقف كل من سلمى و سلين امام غرفة مروان يتنصتون على حديث مروان و تاليا
سلمى ٠٠ سمعتى بودانك كلام مروان .. ياريت دلوقتى تكونى صدقتنى
برغم صدمت سلين من ما سمعتو من حديث مروان إلا أنها كانت بتبرر ما قاله مروان
ل تاليا لذلك هتفت
سلين ٠٠ لاء اكيد فى حاجة غلط انا متأكده من حب مروان ليا.. مروان قلبه طيب عشان كده قال لها الكلام ده من باب جبر خاطرها مش أكتر .اه يعنى أكيد مش هيقولها انه مش بيحبها و بيحبنى انا
سلمى ٠٠ بعد إللى كل سمعتيه ولسه بتبررى كلام مروان فوقى بقى . كل إللى هنا عارفين أد ايه مروان بيحب تاليا
سلين ٠٠ انتى عايزه توصلى لأيه بالظبط
سلمى ٠٠عايزاكى تفهمى ان وجود تاليا مع مروان خطر علينا
سلين ٠٠ عليكى انتى بس انما انا لاء
سلمى ٠٠ لاء خطر عليكى اكتر منى .و أديكى شوفتى مروان عمل فى خالتى ايه عشان خاطر تاليا
سلين ٠٠ لاء هو عمل كده عشان خاطرى انا
سلمى ٠٠ انتى مابتفهميش دماغك دى متركبه ازاى .بقولك مروان بيحب تاليا و مستعد يستغنى عن الدنيا دى كلها عشانها
سلين ٠٠ لما انتى عارفه كده بتجرى وراه ليه
سلمى ٠٠ لأنى بحبه و مش قادره اكمل حياته من غيرو
بقلم أروى عادل
سلين ٠٠ أه عشان كده بتلعبى فى دماغى عشان البس انا و تاليا فى بعض و انتى الساحه تبقى فاضيه ليكى مش كده
سلمى ٠٠ لاء مش كده . انا خلاص
خسرت مروان و مبقاش عندى أمل أن مروان يرجعنى لذمته تانى . و خلاص آخر كارت كنت بلعب عليه اتحرق وهو خالتى ثريا
سلين ٠٠ طيب هتستفيدى ايه ان مروان يبعد عن تاليا طالما انتى كده كده خسرانه مروان
كانت تتحدث سلمى و الشر يملأ قلبها عندما هتفت
سلمى ٠٠ أشفى غليلى من مروان و تاليا . نفسى يتعذبوا بالحب زى ما انا اتعذبت
انا خلاص مش فارق معايا مروان يكون مع اي واحده. بس تاليا لاء . مش هسيبهم يتهنوا ببعض
سلين ٠٠ ياااه ايه الحقد و الكراهية دى انتى الواحد يخاف منك
سلمى ٠٠ طول ما انتى معايا متخافيش..
بس تسمعى كلامى
سلين ٠٠( بتعالى) بقى انا الدكتوره سلين اسمع كلامك انتى .
سلمى ٠٠ واللهى براحتك بس انا بقولك كلها يوم او اتنين بكتير و يجى مروان يخبط على باب أوضتك و يقولك انه مش عايز يكمل معاكى وانه بيحب تاليا
سلين ٠٠ انتى بتخرفى ده مش مستحيل يحصل
سلمى ٠٠ و لو حصل
سلين ٠٠ ساعتها انا هسمع كلامك. و هعمل إللى هتقوليلى عليه
سلمى ٠٠ يبقى اتفقنا .. بس عايزه منك حاجة واحده بس. لما مروان يجى يقولك انه مش قادر يكمل معاكى . عايزاكى تعملى .........
بعد ما قالت سلمى ل سلين ماذا تفعل مع مروان ان قال لها انه يريد الانقصال عنها
ذهبت كل منهم لغرفتها
بقلم أروى عادل
********************
اليوم التالى
فى منزل سالم القديمة
*********************
منذ وصول ثريا للمنزل وهى لم تكف عن البكاء لقد كان كلمات مروان لها صدمه بكل المقاييس
طارق ٠٠ خلاص بقى يا ماما كفايه عياط
ثريا ٠٠ مش قادره يابنى مخنوقه و حاسه بنار فى قلبى .
طارق ٠٠ يا ماما ماتعمليش فى نفسك كده . أكيد مروان ماكنش يقصد الكلام إللى قاله
ثريا ٠٠ بعد كل إللى حكيتهولك و تقولى ماكنش يقصد ده كان ناقص يطردنى من الفيلا .
طارق ٠٠ لاء يا ماما ماحصلتش كده وانتى بنفسك قولتى أن قالك خليكى فى الفيلا وهو إللى هيمشى
ثريا ٠٠ بس لما مشيت ماقاليش لاء
ما مانعش أنى أمشى سابنى اطلع من البيت ولا على باله . كل ده عشان عايزه مصلحته
طارق ٠٠ و ايه مصلحته بقى انه يرجع
ل سلمى مش كده
ثريا ٠٠ سلمى بتحبه و هتفضل خدامه تحت رجله مش احسن من تاليا إللى مطلعه عينه
طارق ٠٠ بس هو مش عايز إللى تفضل خدامه تحت رجله .. هو عجبه إللى مطلعه عينه و بيحبها مالناش دعوة احنا
ثريا ٠٠ انت معايا ولا معاه
طارق ٠٠ أنا مع الحق
ثريا ٠٠ و أيه هو الحق ده ياروح أمك
طارق ٠٠ أنك تسيبى مروان يعيش حياته زى ماهو عايز . مع إللى أختارها قلبه
هو حر
ثريا ٠٠ يعنى انا غلطانه انى بفكر فى أصح ليكم
طارق ٠٠ و تفكرى ليه لينا.. احنا خلاص كبرنا بنعرف نفكر ..سيبنا بقى نفكر لنفسنا
ثريا ٠٠ انتى كمان يا طارق هتقول زيهم
كلكم دلوقتى استغنتوا عنى
طارق ٠٠ لا إله إلا الله.. يا ماما هو احنا
لا نسمع كلامك لا نبقى استغنينا عنك
هو فى ابن بستغنا عن امه
ثريا ٠٠ اه مروان استغنا
طارق ٠٠بالعكس مروان اكتر واحد فينا كان حريص انه يعمل كل إللى انتى عايزاه على حساب نفسه و حياته و حضرتك كان لازم تقدرى ده مش تضغطى عليه اكتر لحد
ما انفجر .. يا ماما كل إنسان له طاقة
و مروان جاب آخره
بقلم أروى عادل
ثريا ٠٠ و اللهى انا كنت فاكره انى بعمل إللى يخليه مبسوط و سعيد
طارق ٠٠ خلاص و أديكى عرفتى انه مش مبسوط و سعيد بأختياراتك.. سيبى بقى هو يختار حياته زى ما هو عايز ..صح غلط هو إللى يتحمل نتيجة اختياره
ثريا ٠٠ عندك حق شكلى ذوتها
طارق ٠٠ خلاص بقى انسى قومى أغسلى وشك و نطلع فوق على شقتى نفطر
ثريا ٠٠ لاء روحى افطر انت انا هفطر شوية كده
طارق ٠٠ خلاص هخلى ضحى تنزلك الفطار
و عندما كان طارق على وشك مغادرة المنزل هتفت ثريا بندم
ثريا ٠٠ طارق هو انت و مروان لسه زعلانين من بعض
طارق ٠٠ متشغليش بالك احنا اخوات و أكيد مش هنستغنا عن بعض
ثريا ٠٠ لسه بتحبها
طارق ٠٠ تقصدى مين
ثريا ٠٠ هى فى غيرها تاليا
طارق ٠٠( بحزن) خلاص يا أمى ماينفعش الكلام ده تاليا دلوقتى مرات أخويا و أم أولاده . وبس
ثريا ٠٠ ربنا يكملك بعقلك يابنى
انصرف طارق
بينما ظلت تفكر ثريا فى طارق هل هى ظالمته يوم ما حرمته من حبه ل تاليا
ثم فكرت فى كل ما قاله لها مروان
بقلم أروى عادل
********************
بعد يومين
المشفى
غرفة مروان
//////////////////
مروان ٠٠ ياريت تلغى كل العمليات إللى عندى النهاردة.. لو فى حاجة مهمه حوليها لدكتور رحيم
ممرضة ٠٠ خير يا دكتور فى حاجة
مروان ٠٠ لاء بس مصدع شويه
ممرضة ٠٠ سلامتك يا دكتور . هبلغهم ان حضرتك لاغيت عمليات النهاردة
بعد ما انصرفت الممرضة
معتز ٠٠ أيه يا مروان من امتى و المشاكل الشخصية بتأثر على الشغل
مروان ٠٠ اعمل ايه انا مش قادر افصل بين الأتنين. حاسس انى فى دوامه و مش عارف اخرج منها . إللى حصل بينى وبين ماما
و سلين إللى متعلقه فى رقبتى ومش عارف اهرب منها. و حركات سلمى إللى بقت مستفزه و أتفقى مع تاليا ان خلال شهر هتكون قصة سلين انتهت.. كل ده مش عايزنى اتأثر ..
بقلم أروى عادل
معتز ٠٠ طبعآ ده غير ضغط الشغل .. بصراحه إللى يكون فى عونك
مروان ٠٠ تعرف انا بفكر أنى اسيب كل حاجة و اروح اقضى يومين فى أى مكان اريح دماغى من التفكير
معتز ٠٠ تعرف الحل ده كويس أوى .
هنا دلفت سلين للغرفه مندفعه بغضب
وهى تهتف
سلين ٠٠ اسمع يامروان فهم إللى اسمها تاليا دى انى أنا شريكه هنا فى المستشفى و كلمتى مسموعه عند الكل .
هنا نظر مروان ل معتز وهتف
مروان ٠٠ اتفضل شوف إللى انا فيها
معتز ٠٠ بصراحه ربنا يعينك.
سلين ٠٠ فى ايه انت و هو
معتز ٠٠ مافيش حاجة. انا ماشى و هخليهم يعملوا ليك فنجان قهوة دوبل
غادر معتز
مروان ٠٠ عملت ايه تاليا
سلين ٠٠ بتعارض قرارتى بتتحدانى قدام الموظفين
مروان ٠٠ ازاى يعنى
سلين ٠٠ دخلت حالة المستشفى بعد ما انا رافض استقبالها...
قبل ان تكمل جملتها هفت
بقلم أروى عادل
مروان ٠٠ و رافضتى استقبال الحالة ليه
سلين ٠٠ أنت كمان هتحقق معايا .. انا حره
مروان٠٠ سلين احنا هنا فى المستشفى يعنى خلافاتك مع تاليا تبقى بره المستشفى مش على حساب المرضاه
سلين ٠٠ بس انا مش بدخل الخلافات فى الشغل انا كشريكة من حقى ارفض ادخل أى حالة مدفعتش رسم تأمين دخول
مروان ٠٠ بس احنا عندنا قسم مجانى فى المستشفى بيستقبل الحالات إللى مش قادرة تدفع
سلين ٠٠ كوبليه يا حبيبى القسم المجانى مافهوش ولا سرير فاضى
هنا دلفت تاليا لان الباب كان مفتوح سمعت آخر جملة ل سلين لذلك هتفت
تاليا ٠٠ مافيش سرير فاضى و مافيش ضمير كمان
سلين ٠٠ اتكلمى كويس
تاليا ٠٠ هو إللى ناقص كمان تعلمينى اتكلم ازاى
مروان ٠٠ بس بس خلاص ولا كلمة انتى
و هى
سلين ٠٠ بس انا مش هسكت المستشفى دى فى سيستم لازم الكل يمشى عليه ..
انا هنا المسؤوله عنه
تاليا ٠٠ زى ما انتى مسؤوله انا كمان مسؤوله
و أوعى تنسى أنى انا هنا مندوبه عن
مس إميلى
سلين ٠٠ مروان انت ساكت ولا عجبك إللى بيحصل
مروان ٠٠ واتكلم اقول ايه ما كفايه انتو الأتنين بتتكلموا. ولا عاملين حساب ليا نهائى
سلين ٠٠ لا يا حبيبى . انا عامله حساب ليك طبعآ بس انا بتكلم بعمليه مش كفاية اننا نزلنا مبلغ التأمين ل ٥٠٠٠ تلاف بس . احنا اقل مستشفى استثمارى بناخد تأمين
كمان هندخل المرضاه ببلاش
بقلم أروى عادل
تاليا ٠٠ أه قوليلى كده كل الهيصه اللى انتى عاملها دى عشان المريض ما دفعش مبلغ التأمين
سلين ٠٠ أه عشان مبلغ التأمين . و عشان دى مش مستشفى باباكى الخاصه عشان تعملى فيها إللى يجى فى دماغك مره تدخلى تطبخى فى مطبخ المستشفى و مره تدخلى مريض من غير ما يدفع التأمين و الله اعلم بكره هتعملى ايه تانى
تاليا ٠٠ توقعى منى أي حاجة . ممكن دلوقتى يطلع فى دماغى اجيبك من شعرك و امسح بيكى بلاط قدام كل الموجودين فى المستشفى عادى خلاص
بعد ما سمعت سلين تهديد تاليا رجعت خطوتين للخلف بخوف من تاليا
بينما ابتسم مروان من هيئة سلين
سلين ٠٠ انتى بتهددينى.
تاليا ٠٠ لاء انا بقولك بس انا هعمل فيكى ايه لو جبتى سيرة بابا تانى على لسانك فاهمه
سلين ٠٠ مروان انت عجبك الكلام ده
مروان ٠٠ أنا جبت أخرى منكم
هنا اخرج من درج المكتب بعض المال
و اخرج منها ٥٠٠٠ و هتف
مروان ٠٠ سلين اتفضلى ٥٠٠٠ تلاف جنيه مبلغ التأمين . و أنهى بها الحوار ده
شعرت سلين بالخذلان من مروان
سلين ٠٠ هو ده إللى قدرت تعملو . انت فاكر كده الموضوع اتحل
تاليا ٠٠ لا إله الا الله. انتى مش كل همك كان مبلغ التأمين .. ولا إللى فرق معاكى انى انا إللى دخلت المريض
سلين ٠٠ لاء إللى فرق معايا تدخولك فى شئون المستشفى
مروان ٠٠ أنا قولت الموضوع انتهى خلاص
سلين ٠٠( بضيق) ماشى يا مروان .. انا ليا معاك كلام تانى بس مش دلوقتى لان عندى عمليه
قبل أن تخرج سلين قال مروان
مروان ٠٠ سلين أحنا دكاترة قبل كل حاجة
و ماينفعش مريض يجى لحد باب المستشفى و نرجعو عشان مش معاه مبلغ التأمين
بقلم أروى عادل
سلين ٠٠ بس دى فى الاخر مستشفى أستثماري و الربح المادي ضرورى
مروان ٠٠ تمام و المريض إللى مش معاه مبلغ التأمين . انا هدفعو من حسابى الخاص
تأملت تاليا بمروان بحب بينما تطلعت لهم سلين بضيق وهتفت
سلين ٠٠ تمام عايز تدفع من حسابك انت حر
قالت جملتها ثم انصرفت
تاليا ٠٠ متشكره يا مروان انك تدعمتنى
مروان ٠٠ على فكره انتى غلطانه بردوا
ماكنش ينفع تقفى قدامها و تتحديها قدام الموظفين الاستقبال هى بردوا ليها مكانتها فى المستشفى .
تاليا ٠٠ زعلان عشان خاطرها ولا ايه
مروان ٠٠ تاليا متخلطيش الأمور ببعضها سلين هنا شريكه فى المستشفى واحنا لازم نتعامل معاها على هذا الأساس
تاليا ٠٠ أنا عارفه الكلام ده كويس .بس هى إللى استفزتنى
مروان ٠٠ طيب ايه إللى حصل بالظبط
تاليا ٠٠ بنت جايبه أبوها المستشفى و الراجل حالته كانت صعبه كان عنده أزمه قلبيه ست سلين رافضت أستقبال الراجل عشان مش معاه يدفع مبلغ التأمين
مروان ٠٠ روحتى انتى دخلتى الراجل غصب عن سلين
تاليا ٠٠ أه بس واللهى اتكلمت معاه بذوق الأول بس هى دماغها مشفره ..كنت اسيب الراجل يموت يعنى
مروان ٠٠ لاء طبعآ انتى عملتى الصح بس بعد كده لو حصلت حاجة زى دى تانى .. تعالى قوليلى و انا إللى هتصرف تمام كده
تاليا ٠٠ تمام
وضع مروان يده على رأسه بتعب
تاليا ٠٠ مالك
مروان ٠٠صداع... راسى هتنفجر
تاليا ٠٠ اجبلك مسكن
مروان ٠٠ لاء هشرب فنجان قهوة و هبقى احسن
تاليا ٠٠ طيب اروح انا اعملك القهوة
مروان ٠٠ لاء بالله عليكى متشكرة انا مش ناقص زن سلين.
تاليا ٠٠ تحب اعملك مساج.
مروان ٠٠ ياريت يا تاليا
هنا وقفت تاليا خلف المقاعد الجالس عليه مروان و بدأت فى تدليك رأسه برفق
لذلك أغلق مروان عينه هو مستمتع بلمساتها
ثم فجأة سحبها من يديها و اجلسها على قدمه لذلك هتفت
بقلم أروى عادل
تاليا ٠٠ مروان ايه إللى بتعملو ده
مروان ٠٠ ايه رأيك نهرب من كل حاجة نروح مكان فاضى مايكونش موجود غير انا و انتى بس
تاليا ٠٠ ياريت يا مروان ينفع . انا نفسى أغمض عينها و افتحها ألقى إنتهت جميع مشاكلنا و نعيش بقى حياه طبيعيه زى أى أتنين بيحبوا بعض
هنا دفن مروان وجهه فى عنق تاليا وبدأ يستنشق عبيرها ..
مروان ٠٠ تعرفى انا بقيت مدمن ريحتك
هنا اتفتح الباب فجأة و دلفت الممرضة عزه وهى تحمل فنجان قهوة عندما رأت وضع مروان و تاليا خافضت رأسها بتوتر
بينما ابتعدت تاليا عن مروان بأرتباك
مروان ٠٠( بغضب) انتى ازاى تدخلى من غير
ما تخبطى
ممرضة عزة٠٠ أسفه انا كنت فاكره حضرتك لوحدك
مروان ٠٠ حتى لو لوحدى المفروض انك تخبطى الأول
عزة ٠٠ أسفه مش هتحصل تانى
مروان ٠٠ اتفضلى روحى على شغلك
عزة ٠٠ و القهوة
مروان ٠٠ سيبها و روحى
خرجت عزة مسرعة من الغرفة
تاليا ٠٠ عجبك كده هتقول عليا ايه دلوقتى
مروان ٠٠ ما تقول إللى تقوله . انتى مراتى
تاليا ٠٠ بس ماحدتش فى المستشفى يعرف انى مراتك
مروان ٠٠ خلاص يعرفوا ايه المشكله
تاليا ٠٠ و سلين
مروان ٠٠ أنا مبقاش يهمنى حاجة غيرك انتى
هنا حضنها مروان بينما ابتعدت تاليا
تاليا ٠٠ بلاش يا مروان لحد يدخل تانى
مروان ٠٠ طيب بقولك ايه انا لاغيت العمليات إللى عندى النهاردة تعالى نروح ايه مكان نبقى فيه لوحدنا
تاليا ٠٠ حاضر استنانى فى العربية و انا هجيب شنطتى و حصلك
بقلم أروى عادل
///////////////////////
غرفة الممرضين
****************
الممرضة ١ ٠٠ عزة انتى بتقولى إيه
عزة ٠٠ واللهى العظيم زى ما بقولك كده دخلت لاقيتها قاعده على رجله هو عامل يبوس فيها
الممرضة ٢ ٠٠ بصراحه انا شغاله بقالى مدى كبيره مع دكتور مروان و عمرى ما شوفت
ولا سمعت عنه حاجة زى دى
الممرضة٣ ٠٠ اه و الكل بيشهد للدكتور مروان بأخلاقه
عزة ٠٠شكله مقدرش يستحمل جمال الدكتور تاليا ماهى بصراحة حلوه أوى
الممرضة ١ ٠٠ هى حلوه بعقل دى هبله نص دكاترة المستشفى
الممرضة ٢ ٠٠ بس انا بردوا لسه مش مسدقه ان الدكتور مروان يعمل كده . و بعدين هو لو هيعمل حاجة زى دى كان عمل مع الدكتوره سلين أهى حتى أسمها خطيبته
بقلم أروى عادل
عزة ٠٠ هى الرجالة كده زى القرع تمد لبره
على العموم انا بعت رباب تتأكد من حاجة
هنا دلفت للغرفة الممرضة رباب
عزة ٠٠ عملتى ايه يا رباب
رباب ٠٠ زى ما قولتلى . و طلع كلام صح
الممرضة ٣ ٠٠ ماتفهمونا فى ايه
عزة ٠٠ هقولك انا لما شوفت الدكتور مروان مع الدكتوره تاليا بعدها الدكتور مروان خرج على طول من المستشفى عشان كده بعت رباب تشوف الدكتوره تاليا
رباب ٠٠ لاقيتها هى كمان ماشيه مشيت وراها لحد ما شوفتها ركبت عربية الدكتور مروان
الممرضة ١ ٠٠ معقوله ربنا يستر علينا
///////////////////////////
اليوم التالى
غرفة مروان
*************
تاليا ٠٠ صباح الخير يلا قوم يا كسلان
مروان ٠٠ صباح الجمال على اجمل عيون شوفتها فى حياتى
تاليا ٠٠ لا انت مزاجك عالى النهاردة..بتقول كلام الحلوه على الصبح
مروان ٠٠ طول ما انا جانبك بيبقى مزاجى عالىىىىى
تاليا ٠٠ أيه شكل الخروجه بتاعت أمبارح أثرت فيك
مروان ٠٠ أه يا تاليا لو تعرفى انا أد ايه كنت محتاج الخروجه دى و اننا تقضى وقت مع بعض
تاليا ٠٠ طيب اتجدعن و احنا نقضى العمر كلها مع بعض من غير عزول
مروان ٠٠ تقصدى سلين .. حاضر انا قررت اتكلم معاها النهاردة و اخلص بقى من الحوار ده
تاليا ٠٠ ياريت يا مروان عشان انا تعبت . بصراحه بقى انا مش قادره استحمل البت الصفره دى .
مروان ٠٠(بضحك) صفره انتى بتجيبى الكلام
ده من فين
تاليا ٠٠ ماهى إللى صفره من جوه من بره كمان
بقلم أروى عادل
////////////////////////
المشفى
*************
لاحظت تاليا منذ وصولها المشفى ان يوجد شئ غريب الجميع ينظرون لها هم يتهمسون مع بعض . وفى من ينظر لها بمكر .
وفى بعد الرجال من الموظفين أو الممرضين أو الدكاتر ينظرون لها بجرأه
ذلك جعلها متوتره بعض الشيئ
كانت تاليا تمشى فى ممر المشفى
هنا نظرت لبعض الممرضات وقالت
تاليا ٠٠ فى ايه مالكم واقفين كده ليه
ممرضه١ ٠٠ لاء ولا حاجة يا دكتوره أحنا واقفين عادى
تاليا ٠٠ طيب كل واحده تروح على شغلها
ممرضة ٢ ٠٠ حاضر يا دكتوره
٠٠٠٠٠٠٠٠٠٠٠٠٠٠٠
غرفة سلين
***************
عزة ٠٠ واللهى يا دكتورة زى ما بقولك انا شوفتهم بعنيه دول .. كمان رباب شافتهم ماشين من المستشفى سوا
شعرت سلين بضيق و أهانه لكرامتها بعد
ما سمعت حديث عزة .. لذلك قالت
سلين ٠٠ أنا كنت عارفه ان وجود تاليا فى المستشفى غلط من الأول
عزة ٠٠ أه يا دكتوره عندك حق
المفروض تطرديها من المستشفى كلها
سلين ٠٠ هيحصل هى لازم تمشى النهاردة من المستشفى بأى تمن
#يتبع
الكاتبة الروايه/ أروى عادل
توقعاتكم
ماذا ستفعل سلين لكى تطرد تاليا من المشفى
هل سيقول مروان لسلين اليوم انه
لا يستطيع ان يكمل معاها خطبته
#راوية_عندما_تغضّب_النعاج_تصبح٠أشد_أفتراسآ_من_الذئاب
#الكاتبة_أروى_عادل
#الفصل_الحادى_الثلاثون
واللهى يا دكتورة زى ما بقولك انا شوفتهم بعنيه دول .. كمان رباب شافتهم ماشين من المستشفى سوا٠
شعرت سلين بضيق و أهانه لكرامتها بعد
ما سمعت حديث عزة .. لذلك قالت
سلين ٠٠ أنا كنت عارفه ان وجود تاليا فى المستشفى غلط من الأول
عزة ٠٠ أه يا دكتوره عندك حق
المفروض تطرديها من المستشفى كلها
سلين ٠٠ هيحصل هى لازم تمشى النهاردة من المستشفى بأى تمن ..
عزة ٠٠ طيب انا ماشيه عايزه حاجة يا دكتوره
سلين ٠٠ لاء
عندما كانت عزة على وشك الخروج من الغرفة قالت سلين
سلين ٠٠ عزة انا مش عايزه اي مخلوق يعرف أنى انا قولتلك تنشرى إللى حصل بين الدكتور مروان و تاليا فى المستشفى
عزة ٠٠ لاء طبعآ مستحيل حد يعرف حاجة
سلين ٠٠ و آنا عند وعدى انتى هتمسكى كبيرة الممرضين فى المستشفى
عزة٠٠( بفرحه) متشكره يا دكتوره. واللهى انا عملت كده بس عشان صعبتى عليا . انا ست بردوا حاسه بوجعك
سلين ٠٠ ميرسى يا عزة
عزة٠٠ ولا يهمك يا دكتوره
غادرت عزة هنا تذكرت سلين أتفاقها مع عزة
بقلم أروى عادل
############
فلاش بالك
############
عندما رأت عزة مروان مع تاليا كانت مصدومة
لذلك خرجت من الغرفة تركض وكان واضح عليها التوتر و عدم التركيز لذلك خبطت فى سلين التى كانت متوجها لغرفة مروان
سلين ٠٠ فى ايه ما تحسبى
عزة ٠٠ ( بأرتباك)اسفه يا دكتور مخدش بالى
سلين ٠٠ فى ايه مالك
عزة ٠٠ هااا
سلين ٠٠ هو ايه إللى هااا فى ايه يا عزة
عزة ٠٠ مافيش حاجة
سلين ٠٠ طيب انتى جايه منين كده
عزة ٠٠ من عند دكتور مروان
سلين ٠٠ طيب هو موجود فى أوضته
عزة ٠٠ هو انتى رايحه عند دكتور مروان
سلين ٠٠ أه
عزة ٠٠ بلاش يا دكتور تروحى دلوقتى
سلين ٠٠ عزة فى ايه .انت مش عايزانى اروح عند مروان ليه دلوقتى
عزة ٠٠ هقولك يا دكتوره بس لازم تمسكى أعصابك الأول
سلين ٠٠( بضيق) عزة اخلصى انا مش فاضيلك
عزة٠٠ حاضر حاضر هقول انا دلوقتى كنت رايحه أودى القهوة لدكتور مروان و شوفت
حكت عزة ما رأته داخل غرفة مروان
عندها فكرت سلين فى فكرة شيطانيه
لذلك هتفت وهى تطصنع الصدمة
سلين ٠٠ مش ممكن مستحيل معقوله مروان يعمل كده
عزة ٠٠ معلش يا دكتوره بس الغلط مش من الدكتور مروان الغلط من الدكتور تاليا هى إللى إللى ست شمال ده انا حتى سمعت أنها متجوزه
هنا رأت تاليا تخرج من الغرفة و بعدها مروان
بقلم أروى عادل
سلين ٠٠ شوفتى أكيد ماشين مع بعض
عزة٠٠ انا هبعت رباب تشوف دكتورة تاليا هتمشى معاه ولا لاء
سلين ٠٠ اسمعى يا عزة انا ممكن اطلب منك طلب لو عملتيه انا هديكى عنيه
عزة ٠٠ انتى تأمرى يا دكتورة
سلين ٠٠ أنا عايزاكى تقولى للممرضين إللى معاكى على انتى شوفتيه فى أوضتة الدكتور مروان
عزة٠٠ يا خبر ليه بس يا دكتوره دى تبقى فضيحة
طصنعت الحزن و البراءة وهى تهتف
بقلم أروى عادل
سلين ٠٠أعمل ايه دى الطريقة الوحيدة إللى تخلى الدكتوره تاليا تمشى من المستشفى
و تبعد عن خطيبى .لانها حاطه عينها ..
أنا مش طالبه منك غير أنك تقولى الحقيقة ..و تنقذينى من إللى اسمها تاليا
اللى عايزه تخطف خطيبى منى
نظرت عزة إلى سلين وهى تفكر فى حديثها
عزة ٠٠ أنا عشان انا ست و مقدره إللى انتى فيه انا هعمل إللى انتى طلبتيه منى
###############
العوده من الفلاش بالك
################
هنا هتفت سلين لنفسها
سلين ٠٠ ورينى بقى هتقدرى تقعدى فى المستشفى ازاى بعد الفضيحة دى يا ست تاليا. عشان تبقى تتحدينى تانى
////////////////////////////
فى غرفة مروان
*************
مروان ٠٠ انت بتقول أيه
معتز ٠٠ بقول إللى سمعتو المستشفى كلها مالهش سيرة غير عنك انت وعن تاليا
مروان ٠٠ يا خبر طيب تاليا عرفت حاجة عن الكلام ده
معتز ٠٠ معرفش بس اكيد هتعرف
مروان ٠٠( بضيق) انا من ساعة ما عزة شافتنا وانا كنت خايف حاجة زى دى تحصل
معتز ٠٠ يعنى انت خلاص هبكت فى مكتبك
ما انتو عندكم بيت تعملوا فى إللى عايزينوا
مروان ٠٠ ما تلم نفسك انتى كمان..
ايه إللى بتقوله ده
معتز ٠٠ خلاص يا دكتور اسفين ليك.. قوليلى هتعمل ايه
مروان ٠٠ هعمل إللى كان المفروض يحصل من أول ما تاليا جات المستشفى
معتز ٠٠ هتقول انها مراتك
مروان ٠٠ طبعآ ده حقها
معتز ٠٠ طيب و سلين .. أوعى تنسى أنك وعدتها أن مافيش حد فى المستشفى هيعرف ان تاليا مراتك
بقلم أروى عادل
مروان ٠٠ عارف . بس الموضوع هنا متعلق بسمعة تاليا إكيد مش هقف ساكت والكل بيتكلم عليها كلام بطال
معتز ٠٠ عندك حق .. و أساسآ دلوقتى ولا بعدين لازم الكل هيعرف ان تاليا مراتك
مروان ٠٠ أنا بس كنت مستنى اخلص من حوار سلين ده و أعلن جوازى من تاليا
لكن خلاص بعد إللى حصل لازم المستشفى كلها تعرف ان تاليا مراتى
هنا دلفت سلين مندفعه و قالت بغضب
سلين ٠٠ عجبك إللى حصل ده ايه مش قادر تمسك نفسك انت و هانم قدام الممرضين
هنا انتفضت سلين عندما صاح بها مروان بصوت مخيف
مروان ٠٠ سلين أحترمى نفسك و أوعى تتجاوزى حدودك معايا فاهمه
معتز ٠٠ اهدى يا مروان مش كده
سلين ٠٠ انت بتزعقلى انا ليه . انا بتكلم من خوفى على مصلحة المستشفى
مروان ٠٠ يبقى تتكلمى معايا بأسلوب محترم
معتز ٠٠ يا جماعة احنا هنا فى مشكلة لازم نحلها بدل ما نتخانق مع بعض
سلين ٠٠ الحل الوحيد ان تاليا تسيب المستشفى
مروان ٠٠ لاء فى حل تانى .أنى اقول للكل ان تاليا مراتى
سلين٠٠( بغضب ) لاء مستحيل . أوى
يا مروان تعمل كده . انت وعدتنى ان ماحدش يعرف بجوازك من تاليا
مروان ٠٠ بس وعدى ليكى مش أهم من سمعة مراتى و بنت عمى
سلين ٠٠ مروان انا بحذرك لو عملت كده انا...
قطع مروان عبارتها بحده وهتف
مروان ٠٠ من غير تهديد اعملى إللى انتى عايزاه انا خلاص اخدة قرارى
قال جملته ثم ترك الغرفة و انصرف يبحث عن تاليا
و ترك سلين تصرخ بغيظ لقد انقلبت خططها عليها.. هى كل ما كانت تريده هو خروج تاليا من المشفى دون راجعه ليس إعلان زواجهم أمام الجميع
بقلم أروى عادل
//////////////////////////////
كانت تاليا تمر على بعض المرضاه عندما قال لها دكتور سامح
د.سامح٠٠ دكتوره تاليا
تاليا ٠٠ نعم يا دكتور
د.سامح ٠٠ كنت عايزك اتكلم معاكى
تاليا ٠٠ خير يا دكتور فى حاجة
د٠سامح ٠٠ أه فيه .بس هنتكلم واحنا واقفين كده . اتفضلى على مكتبى
تاليا ٠٠ حاضر يا دكتور ..
///////////////////////////
فى جهة أخرى من المشفى مروان يبحث عن تاليا
٠٠٠٠٠٠٠٠٠٠٠
فى مكتب د.سامح.
٠٠٠٠٠
كان دكتور سامح معجب بتاليا منذ أن رأها
لكن كان خايف يقرب منها لكنه عندما سمع انها لديها علاقة مع مروان قرر بتقرب منها
تاليا ٠٠ خير يا دكتور كنت عايزنى ليه
سامح ٠٠ طيب أقعدى الأول
جلست تاليا على المقاعد أمام المكتب
بينما جلسه د.سامح على المقاعد الذى أمامها
ثم هتفت
سامح ٠٠ تعرفى انك هتكونى دكتوره شاطره و ليها وزنها
تاليا ٠٠ متشكره يا دكتور دى شهادة أعتز بيها
بنظرات غير مفهومه بالنسبال ل تاليا هتف
سامح ٠٠ انتى تستاهلى اكتر من كده
تاليا ٠٠ ( بجديه) تمام متشكره يا دكتور
عن أذنك
قامت تاليا من مجلسها عندها هتف سامح
بقلم أروى عادل
سامح ٠٠ استنى رايحه فين أقعدى انا لسه مخلصتش كلامى
لذلك رجعت جلست تاليا من جديد هنا هتف
سامح٠٠ انا كنت عايزك معايا
تاليا ٠٠ يعنى ايه عايزنى معاك مش فاهمه
سامح ٠٠ عايزك تكونى مساعدتى هنا فى المستشفى.. و تكونى معايا على طول هااا قولتى ايه
تاليا ٠٠ ده شرف ليا يا دكتور . انك تختارنى انا من ضمن فريق العمل فى المستشفى
رغم انى لسه بدرس
سامح ٠٠ انتى اكتر واحده مناسبه تكونى مساعدتى .. انتى بس اللى مش عارفه قيمة نفسك
كانت نظراته توضح نيته القبيحه لذلك هتفت تاليا بضيق
تاليا ٠٠. نعم يا دكتور حضرتك تقصد ايه
سامح ٠٠ تاليا بصراحه كده انا معجب بيكى
قال جملته ثم وضع يده على قدميها
و هنا اتسعت عين تاليا بصدمه وهى تنهض من مجلسها لتبتعد و تهتف بغضب
تاليا ٠٠ أنت ايه إللى عملته ده . هو انت فاكرنى ايه
سامح ٠٠ اهدى فى ايه مالك .. متخافيش انا هبسطك
تاليا ٠٠ انتى بنى أدم قليل الأدب . انتى ازاى تتكلم معايا بطريقه دى . انت فاكر نفسك مين.
٠٠٠٠٠٠٠٠٠٠٠٠٠٠٠٠
فى الجهة الأخرى مروان بيبحث عن تاليا
عندها سأل أحد الممرضين
مروان ٠٠ مشوفتيش الدكتور تاليا
الممرضة ٠٠ أه شوفتها كانت رايح مع الدكتور سامح على مكتبة
مروان ٠٠ تمام متشكره
بقلم أروى عادل
٠٠٠٠٠٠٠٠٠٠٠٠٠٠٠٠
نرجع لمكتب د.سامح
سامح ٠٠( بغضب ) انتى إللى فاكره نفسك مين . ايه هتعملى عليا انا الشريفه هانم
ما خلاص المستشفى كلها عرفتك على حقيقتك
تاليا ٠٠ أنا شريفه غصب عنك . مش مستنيا رأى واحد زى فيا .. بعدين حقيقة ايه إللى بتتكلم عنها دى
سامح ٠٠ حقيقة علاقتك مع الدكتور مروان ولا هو حلال له و حرام ليا .
هنا صفعته بقوة وهى تصرخ به بغضب
تاليا ٠٠ اخرس .. ولا كلمة تانى.. دايمآ إللى انسان الوسخ الشمال بيفتكر كل الناس زيه
سامح ٠٠ انتى بتمدى أيدك عليا يا بن......
بلع جملته عندما صرخت به تاليا
تاليا ٠٠ قولتلك تخرس و أحمد ربنا انى مديت ايدى بس . بس اقسم بالله كلمة تانى فى حقى هخليك تندم على اليوم إللى جيت فيه على الدنيا
هنا وصل مروان لباب غرفة د.سامح كان على وشك طرق الباب لكنه سمع صوت زعيق تاليا لذلك فتح الباب دون استأذن وهتف
مروان ٠٠ فى ايه
اتلخبطت تاليا و خافت من رد فعل مروان و غضبه لذلك هتفت
تاليا ٠٠ مافيش حاجة يا دكتور يالا بينا من هنا
أوقفها مروان و هتف بتحذير
مروان ٠٠ استنى انتى كنتى بتزعقى ليه .
تاليا ٠٠ قولتلك مافيش حاجة
لم يصدقها مروان و خصوصآ أن كان واضح عليها الأرتباك كما كان واضح أثار صوابع يديها على خد سامح لذلك اقترب مروان من سامح و أمسكه من وجه و هتف
مروان ٠٠ أمال ايه ده
هنا قال سامح بمكر
سامح ٠٠ الدكتوره إللى المفروض تكون مثال لشرف و الأخلاق حاولت تستدرجنى و٠٠٠٠٠٠٠
لكمة مروان بقوة قبل أن يكمل عبارته و قال بصراخ
بقلم أروى عادل
مروان ٠٠ كلمة تانى و هقتلك فيها
سامح ٠٠ أنت اتجننت بدافع على واحده زى دى
هنا لكمة مروان عدة لكمات وصاح به
مروان ٠٠ أخرس إلا اقسم إللى أدفنك مكانك
هنا جاء معتز و سلين و دكتور رحيم
و الممرضة عزةعلى صوت صراخ مروان
تاليا ٠٠ كفاية فضايح يا مروان و سيبو
هنا نظر لها مروان وقال بصوت مخيف أرعبها
مروان ٠٠ ايه إللى حصل . انطقى
هنا أمسكها مروان من ذراعيها و صاح بها
مروان ٠٠ انطقى ساكته ليه
هنا نظرت تاليا للجميع بخجل
رحيم٠٠ فى ايه يا مروان اهدى مش كده
مروان ٠٠ لما افهم الأول ايه إللى حصل هنا
سلين ٠٠ هيكون حصل ايه اكيد مصيبة من مصايب الدكتورة
مروان ٠٠ مش عايز اسمع منك ولا كلمة انتى كمان
معتز ٠٠ تاليا ايه إللى حصل اتكلمى متخافيش
تاليا ٠٠ د. سامح حاول يتقرب من.........
قبل أن تكمل جملتها هجم مروان على سامح
بصعوبه استطعوا كل من رحيم و معتز ابعاد مروان عن سامح
هنا هتف سامح الذى كان على وشك فقدانه للواعي
سامح ٠٠ أنت بتعمل معايا انا كده عشان خاطر
قبل انا بكمل جملته هتف مروان
مروان ٠٠ عشان خاطر مراتى يا غبى . اللى انت اتجرأت و حاولت تتعدى حدودك معاها
كان كل من فى الغرفة يعلم أن تاليا زوجة مروان إلا سامح و عزة الذى كانت واضح عليهم الصدمة
سامح ٠٠ انت بتقول أيه مراتك ازاى ..
معتز ٠٠ هو ايه إللى ازاى بدل ما تسأل المفروض تنكسف من نفسك على عملتو
خافض سامح رأسه بخجل و هتف
بقلم أروى عادل
سامح ٠٠ أنا آسف يا دكتوره تاليا ..انا سدقت الكلام إللى سمعتو عندك
مروان ٠٠ أسفك مرفوض يا دكتور و دلوقتى من غير شوشره ماشوفش وشك هنا فى المستشفى تانى مفهوم
هنا قالت سلين التى أصبحت مثلى كتله من النار من شدة الغضب
سلين ٠٠ كفاية بقى لحد هنا انا شريكة فى المستشفى دى . ومش من حقق تطرد حد من غير ماترجعلى..و بعدين انتو كلهم متأكدين ان الدكتور سامح هو إللى غلطان مش يمكن تاليا هى...........
صاح به مروان قبل أن تكمل عبارتها لذلك انتفضت برعب
مروان ٠٠ أخرسى ولا نفس أحسنلك
هنا قالت عزة بندم
عزة ٠٠ أنا أسفه يا دكتور انا ماكنتش أعرف أن حضرتك و الدكتوره تاليا متجوزين
مروان ٠٠ و أديكى عرفتى زى ما نشرتى خبر انى انا و تاليا كنا مع بعد . أنشرى خبر اننا متجوزين .وانا ليا معاكى حساب بعدين
سلين ٠٠ لاء يا مروان بلاش ...بلاش حد يعرف انكم متجوزين
مروان ٠٠ الموضوع إنتهى.. وانتى من الأول قابلتى بالوضع ده انا مضحكتش عليكى
هنا استغربت عزة و هتفت بدهشه
عزة ٠٠ ايه ده حضرتك يا دكتوره سلين كنت عارفه ان د. مروان متجوز من د. تاليا
اتوترت سلين و هى تنظر ل عزة بأرتباك
خاوفآ ان تقول عزة عن أتفاقهم
بقلم أروى عادل
////////////////////////////////
غرفة مروان
***************
كانت تاليا تشعر بأهانه و قهر مما حدث لذلك كانت تبكى بصمت دون توقف
مروان ٠٠ كفايه بقى يا تاليا انا مش قادر أشوفك بالحالة دى
لم ترد عليه بل اكتفت فقط بالبكاء
لذلك اقترب منها ثم جلس أمامها وهتف
مروان ٠٠ طيب عشان خاطرى كفاية . تاليا متخلنيش أروح دلوقتى اقتل سامح الزفت ده
تاليا ٠٠ أنا صعبان عليا نفسى أوى .. أزاى يفكروا فيا بطريقه دى .. بسرعة الكل سدق عنى انى واحده شمال
مروان ٠٠ أحنا إللى غلطنا عشان اخفينا جوازنا عن الموجودين فى المستشفى
تاليا ٠٠ بس انا كنت عايزه اثبت وجودى. بعيد عن أسمك
مروان ٠٠ يعنى انتى مش عايزه اسمك بتذكر مع اسمى
تاليا ٠٠ لاء يا حبيبي مش ده قصدى انا كنت عايزه اعملى كيانى الخاص بيا كدكتوره بعيد عن أى حسابات تانيه .. أنما دلوقتى الكل هيعاملنى على أنى مرات دكتور مروان الدكتور النابغة سابق جيله صاحب النسبة الأكبر فى المستشفى
مروان ٠٠( بسخرية) ياستى ليكى عليا انى هخلى الكل فى المستشفى يعاملك بطريقه وحشة
تاليا ٠٠ مروان انت بتهزر
مروان ٠٠ آمال اعمل ايه انت مش عجبك كده ولا كده.. بعدين تعالى هنا يعنى انتى ماكنتيش عايزه حد يعرف اننا متجوزين عشان نفسك مش عشان سلين
تاليا ٠٠ أه طبعآ عشان نفسى . سلين ايه دى إللى اعمل لها حساب
مروان ٠٠ انا استغربت بردوا انتى ليه مقولتيش لحد انك مراتى . حتى من باب انك تدايقى سلين
تاليا ٠٠ خلاص بقى ما الكل عرف
هنا طرق احدهما الباب
مروان ٠٠ أدخل
عزة ٠٠ دكتور مروان انا كنت عايزه اتأسف لحضرتك و لدكتوره تاليا على إللى حصل
مروان ٠٠ تتأسفى بعد ايه بعد الفضيحة اللى عملتيها..كان ممكن تسألني ببساطه على انتى شوفتيه ..و ساعتها انا كنت قولتلك انها مراتى
كانت تشعر بأحراج من فعلتها لذلك هتفت وهى مرتبكة
عزة ٠٠ يا دكتور انا واللهى ماكنت عايزه اتكلم بس الموضوع هو جه كده و آنا بتأسف مره تانيه
مروان ٠٠ وانا هعمل ايه بأسفك دلوقتى .. كلامك هو إللى جرأ سامح انه يتجاوز حدوده مع تاليا
تاليا ٠٠ خلاص يا مروان . هى كانت هتعرف منين ان كل ده هيحصل
مروان ٠٠بس هى لازم تتعاقب على إللى عملته
عزة ٠٠ بلاش يا دكتور بالله عليك
تاليا ٠٠ معلش يا مروان سامحها عشان خاطرى
مروان ٠٠ خلاص عشان خاطرك انتى بس . بس اسمعى لو اتكررت غلطة زى دى تانى اعتبرى نفسك مفصوله مفهوم
عزة ٠٠ ( بخوف) واللهى مش هتكرر تانى
وانا بعتذر للمره التانيه .
مروان ٠٠ خلاص روحى على شغلك
عزة ٠٠ ربنا يخليك يا دكتور و يرزقك و يعوض عليك بالزريه الصالحة
مروان ٠٠ أحنا فعلآ عندنا طفلين إياد و إيلا
توأم
عزة ٠٠ بجد يا دكتور ربنا يحفظهم ليكم من كل شر
قالت جملتها ثم انصرفت
بقلم أروى عادل
تاليا ٠٠ مروان انتى ليه قولتلها اننا عندنا ولاد
مروان ٠٠بأكد معلومة اننا متجوزين كمان انا عارف انها هتروح تقول للكل اننا عندنا ولاد كمان
عنا دخلت سلين عليهم مندافع وهى تهتف بغضب
سلين ٠٠ عجبك إللى حصل . فى اخر اطلع خطافة رجاله
مروان ٠٠ لا إله الا الله. فى ايه انتى
على طول كده تدخلى بزعبيبك
هنا نظرت سلين ل تاليا و هتفت
سلين ٠٠ أنا عارفه انك انتى مبسوطه اوى باللى حصل مش صح و أخيرآ حصل إللى انتى عايزاه و الكل عرف انكم متجوزين
هنا نظرت تاليا ل مروان و هتفت بتحذير
تاليا ٠٠ مروان ابعدها عنى عشان انا فيا إللى مكفينى. عشان لو قومت ليها مش هخلى الدكتور يعرف يخيط فى حته
سلين ٠٠ انتى كمان بتهددينى
تاليا ٠٠ بت انتى اخلع من نفوخى أحسنلك
سلين.. ايه الطريقة البيئة اللى بتتكلمى بيها دى
تاليا.. احسنلك تبعدى عنى عشان ما امسحش بيكى البيئة النهاردة
مروان ٠٠ سلين كفاية كده
سلين ٠٠ أنت بتقولى انا كفاية و سايبها هى تقول إللى عايزاه
مروان ٠٠ انتى إللى جيتى عليها .و عايزه تعملى مشكلة من مافيش
سلين ٠٠ من مافيش ازاى انت عارف شكلى بقى ازاى دلوقتى لما المستشفى كلها عرفت انها مراتك . لاء و ايه كمان الهانم راحت قالت انكم كمان عندكم ولاد
مروان ٠٠ تاليا ماقالتش حاجة انا إللى قولت
سلين ٠٠( بدهشه) انت مستحيل ..طيب ليه كده يا مروان
مروان ٠٠ ايه عايزانى أنكر ولادى
سلين ٠٠ أنا مقولتش كده بس ماكنش وقته. دلوقتى الكل بيبصلى على أنى واحده رخيصة عايزه اخطف راجل من مراته و ولاده
بقلم أروى عادل
تاليا ٠٠ طيب مستغربه ليه كده ..ما دى هى الحقيقه
قالت تاليا جملتها ثم انصرفت دون أن تترك مجال ل سلين ان ترد عليها
لذلك هتفت سلين بغضب
سلين ٠٠ عجبك الكلام إللى قالته ده
مروان ٠٠ سلين ممكن تقعدى عايز اتكلم معاكى
سلين ٠٠ أنا اللى عايزه اتكلم معاك لان الوضع ده بقى أوفر اوى .. و وجود تاليا بينا مش مرياحنى
مروان ٠٠ تاليا عمرها ما كانت بينا .. انتى
يا سلين إللى واقفه بينى و بين تاليا
سلين ٠٠ مش فاهمه تقصد ايه
مروان ٠٠( بتوتر) سلين انا عارف انى وعدة دكتور شاكر انى هتجوزك بس بصراحة انا متقيد بالوعد ده.. سلين انا مش قادر أوفى بيه
اذدات ضربات قلبها وهى تشعر انها لا تستطيع تتنفس بأريحيه
سلين ٠٠مروان انت ب
#يتبع
الكاتبة الروايه/ أروى عادل
توقعاتكم
ماذا سيكون رد فعل سلين على مروان
هل دور سلين هينتهى هنا أما أنها ستقاوم من أجل ان تفوز بمروان
تعليقات
إرسال تعليق