راوية_عندما_تغضّب_النعاج_تصبح٠أشد_أفتراسآ_من_الذئاب. الفصل_الثالث_الثلاثون والرابع والثلاثون
#راوية_عندما_تغضّب_النعاج_تصبح٠أشد_أفتراسآ_من_الذئاب
#الكاتبة_أروى_عادل
#الفصل_الثالث_الثلاثون والرابع والثلاثون
رن هاتفها٠
سوزان ٠٠ الو سلين عامله
سلين ٠٠ الو سوزان فينك بقالى يومين
مسمعتش صوت
سوزان ٠٠ كنت مشغوله .. سلين ايه إللى مروان نشره ده
سلين٠٠ ليه هو ناشر ايه
سوزان ٠٠ يبقى لسه ماشوفتيش.. افتحى صفحته و شوفى البيه ناشر ايه
سلين ٠٠ طيب ثوانى اشوف
اتسعت عينيها بصدمة عندما رأت البوست المنشور على صفحة مروان وهتف بغضب
سلين ٠٠ مش ممكن ده أكيد أتجنن
سوزان ٠٠ أنا أتصدمت زيك أول ما شوفت البوست
سلين ٠٠انا مش قادره أستوعب ليه مروان ينشر بوست زى ده
سوزان ٠٠ واضح أن مراته مأثره عليه مش زى ما انتى كنت فاكره
سلين ٠٠ هو بس أكيد عمل كده عشان خاطر ولاده
سوزان ٠٠ عشان خاطر ولاده يقوم يكتب فى البوست حب عمرى و مراتى
سلين٠٠ ( بغضب) فى ايه يا سوزان انتى عايزه تحرقى دمى
سوزان ٠٠ أبدآ واللهى يا حبيبتى انا بس بعرفك المكتوب فى البوست
سلين ٠٠ أنا بعرف اقرأ و قريت المكتوب فى البوست مش محتاجه أنك تعرفنى المكتوب
سوزان ٠٠سيبك منى انا و قوليلى هتقولى لناس ايه لما تسألك على البوست
سلين٠٠ انا ماقكرتش فى الحكاية دى
أكيد كل قرايبنا و صحابنا و معارفنا شافوا البوست و الكل هيسألنى .. مش عارفه أنا ساعتها الرد اقولهم ايه
بقلم أروى عادل
سوزان ٠٠ مافيش غير حل وحيد .أنك تسيبى مروان ساعتها ..هتقولى انه كان مطلق وقت لما كنتوا مخطوبين..لما انفصلتى عنه رجع لمراته
سلين ٠٠ انتى مجنونه عايزانى اسيب مروان
سوزان ٠٠ أمال عايزه تكونى زوجه تانى
اسمعى يا سلين واضح أوى ان مروان بيحب مراته ..
سلين ٠٠ لاء مروان بيحبنى انا
سوزان ٠٠ متكدبيش على نفسك مروان لو كان بيحبك مكانش نشر بوست زى ده وهو عارف ان كل صحابك و معارفك هيشوفوا البوست ..ده معناه حاجة واحده انه مش همه أى حد ..انه كمان عايز يخلع منك
برغم ان سلين تعلم أن سوزان عندها حق فى كل كلمة قالتها إلا أنها قالت سلين بغضب
سلين ٠٠ انتى عايزه توصلى بأيه بكلمك ده انا عارفه انك بتغيرى منى و من حب مروان ليا
سوزان ٠٠ سلين انتى بتخرفى بتقولى انا اغير منك لي...........
هنا أغلقت سلين الخط قبل أن تكمل سوزان جملتها. ثم ظلت تصرخ و هى تضرب عجلة قيادة بيديها بغضب حارق
///////////////////////////////
المشفى
***********
تجلس تاليا مع شهد فى غرفة مروان فى المشفى و كل وحده تحكى للأخرى ما مرت به خلال الفترة الماضية
تاليا ٠٠ بس دلوقتى مروان اتغير معايا خلاص بيعمل كل جهده عشان يرضينى
شهد ٠٠ ربنا يهنيكم ببعض و يبعد عنكم شر سلمى و سلين
تاليا ٠٠ اللهم آمين يارب العالمين
أه أدعيلى يا شهد عشان انا حاسه انى هروح ضحية واحده فيهم
شهد ٠٠ بعد الشر عليكى .. اسمعى يا تاليا انتى لازم تقولى ل مروان على إتفاق سلين مع عزة
تاليا٠٠ مش هستفاد حاجة لو قولت ل مروان
عزة نفسها هتنكر عشان خايفه من سلين . غير كل ده أنا اكتر واحده طلعت كسبانه من الحوار ده . كفايه البوست إللى مروان نشره
ده لوحده رد اعتبار ليا . وضربه قوية
ل سلين
بقلم أروى عادل
شهد٠٠ أه أكيد هى دلوقتى مولع نار بعد ما شافت البوست و الناس كلها عرفت انها مرتبطه براجل متجوز و عنده ولاد كمان
تاليا ٠٠ أحسن خليها تشرب مش كانت عايزه تفضحنى .. اهى هى إللى بقت سيرتها على كل لسان و ك.............
قطع جملتها دخول سلين الغرفة مندفعه صاحت بغضب
سلين ٠٠ مروان . مروان . مروان فين
تاليا ٠٠( ببرود) اهدى شويه فى ايه
هنا صرخت سلين وهى تهتف
سلين ٠٠ بقولك ايه انا عفاريت الدنيا كلها بتتنطط فى وشى فأبعدى عنى أحسنلك وقوليلى مروان فين
شهد ٠٠( بسخريه ) بسم الله الرحمن الرحيم
فى ايه يا تاليا هو عندكم عفاريت بتتنطط هنا
تاليا ٠٠( بنفس السخرية ) لا يا حبيبتى متخافيش دى بتتنطط فى وشها بس
هنا نظرت شهد ل سلين وهتفت بمكر
شهد ٠٠ ما طبيعى الوش ده يتنطط فى عفاريت
تاليا ٠٠ واللهى عندك حق .. بقولك ايه
يا شهد انا هشغل صورة البقرة..أهو على أقل تصرف العفاريت
كانت سلين تطلع لهم بنظرات ثاقبة حاده وكأن عينيها تنفث نار من شدة الغضب و هى تصيح بهم
سلين ٠٠ بس اخرسى انتى وهى .. ايه هتعملوا عليه حفله يا ولاد ال.......
هنا صاحت بها تاليا بغضب
تاليا ٠٠ سلين أوعى تفكرى تنطقيها لو كنتى عايزه تحافظى على أخر جزء فاضل من كرامتك
سلين ٠٠ لو كنتى فاكره انك كده تبقى فوزتى تبقى غلطان . مروان ليا انا و هيفضل ليا انا برضاكى أو غصب عنك
تاليا ٠٠ انصحك تشوفى دكتور كويس يعلجك من التهيؤات لأنك بدأت تتخيلى حاجات مش موجوده غير فى عقلك المريض و بس
سلين٠٠ ( بشر) انا إللى بنصحك دلوقتى أنك
ت
ستعدى لحياتك الجديد .. لان كلها كام يوم وانا هخلى مروان هو بنفسه إللى يطردك من حياته كلها
بقلم أروى عادل
هنا ضحكت تاليا بثقة وهتفت٠
تاليا ٠٠ طيب و دى هتعمليها ازاى بأتفاق مثلآ مع عزة زى المرة إللى فاتت
هنا تطلعت بها سلين بدهشه
لكنها فهمت انها تعلم عن أتفاقها مع عزة لكى تفعل لها فضيحه لذلك هتفت
سلين ٠٠ طيب كويس أوى انك عرفتى انى ممكن اعمل إى حاجة عشان اخلص منك
تاليا ٠٠ أنا أول مره أشوف واحده فخورة أوى انها واحده وسخه و واطية و حقيرة
سلين ٠٠ احترمى نفسك . واوعى تنسى انتى بتكلمى مين
تاليا ٠٠ بكلم واحده ماعندهش دم هتموت على راجل متجوز لاء وأيه هو مش عايزها كمان..
هنا نظرات لها شهد و قالت بسخريه
بقلم أروى عادل
شهد ٠٠ بصراحة زيرو كرامة
هنا رفعت سلين يديها لتصفع شهد لكن تاليا مسكت يده بقوة
بينما هنا دخل مروان هو بنظر بدهشه
و سلين تصرخ بغضب
سلين ٠٠ سيبى ايدى
مروان ٠٠ فى ايه
سلين ٠٠ الحقنى يا مروان.
مروان ٠٠ فى ايه يا تاليا .. تاليا سيبى ايدها
تاليا ٠٠ اقسم بالله لو فكرتى ترفعى ايدك على أى حد يخصنى تانى انا هكسرهالك فاهمه
مروان ٠٠ تاليا بقولك سبيها
لم ترد عليه تاليا بل ظلت تنظر لسلين بغضب
مروان ٠٠تاليا سبيها
هنا جذب مروان أيد سلين من تاليا بالقوة
هنا قالت سلين بألم
سلين ٠٠ انتى واحده همجية
مروان ٠٠ (بصراخ) سلين لو سمحتى اسكتى
سلين ٠٠ أنت بتزهقى ليه المفروض تزهق للهانم انت مش شوفتها دى كانت عايز تكسر ايدى
مروان ٠٠سلين الاخر مره هقولك انا مش عايز مشاكل هنا فى المسشفى
سلين ٠٠ المشاكل انت إللى بتعملها
مروان ٠٠ اقصدك ايه
فتحت سلين هاتفها و رفعته أمام وجه مروان و هتفت بغضب
سلين ٠٠ تسمح تقولى معناه البوست ده
مروان ٠٠ زى ما انتى شايفه بوست ما عايلتى
بقلم أروى عادل
سلين ٠٠ دلوقتى بقيت عايلتك..لما خطبتنى ماكنتش عايلتك
مروان ٠٠ أنا اتكلمت معاكى فى الحوار ده امبارح و انتى إللى مش عايزه تفهمى
سلين ٠٠ افهم ايه انك فجأة كده اكتشفت انك مش عايز تكمل معايا
مروان ٠٠ لاء مش فحأة انا قولتلك الموضوع جه ازاى
سلين ٠٠ وانا قولتلك انى مش مقتنعه بكلامك
مروان ٠٠ خلاص انتى حره ..يبقى لازم تقبلى الوضع كما هو عليه ..
سلين ٠٠ يعنى ايه
مروان ٠٠ يعنى تقبلى وجود تاليا حياتى .. لانى مش ناوى أخبى جوازى من تاليا تانى..
و الكل لازم يعرف انها مراتى
سلين ٠٠ يعنى انت عايز الناس تقول عليا انى واحد خطافة رجاله
مروان ٠٠ سلين دى هى حياتى .. وانتى ليكى الحريه تتقبلى ده أو لاء
هنا نظرت سلين ل تاليا التى كانت تسمع حديثهم دون أن تتدخل ..
كانت سلين تعلم أن مروان و تاليا كانوا ينتظرون رافضها على هذا الوضع لكن خاب ظنهم عندما هتفت سلين بخبث
سلين ٠٠ تمام يا مروان انا موافقه أكون زوجه تانيه ليك حتى لو قدام الناس كلها
أتصدمت تاليا من ما قالته سلين لذلك اتسعت عينيها و هى تشعر بضيق لذلك كانت سوف تتحدث لكن شهد همست لها و هتفت
شهد ٠٠ أوعى تقولى أى حاجة دلوقتى . لان ده إللى هى عايزاه. أوعى يا تاليا تديها الفرصه
هنا هتفت سلين بمكر و مرواغة لأغاظت تاليا
سلين ٠٠ أظن كده كل حاجة بقت واضح للكل
قالت ما قالته ثم توجهت لباب الغرفة لكن قبل أن تخرج من الغرفة همست فى أذن تاليا
بقلم أروى عادل
سلين ٠٠ أيه كنت فاكره انى هسيبك تتهنى بيه لوحدك
قالت جملتها ثم خرجت
بينما كان مروان يتطلع بتاليا التى كان واضح على ملامحها الضيق و الغضب
مروان ٠٠ تاليا انا عارف أنك مدايقه من كلام........
قبل أن يكمل عبارته صاحت به تاليا بغضب
تاليا ٠٠ لاء انت مش عارف حاجة . ولا حاسس باللى انا فيه . انت فاكر ان سهل عليه لما الكل بيصلى على انى الزوجة العبيطه اللى قابله ان جوزها يتجوز عليها عادى.
مروان ٠٠ عارف ان الموضوع صعب عليكى بس قوليلى اعمل ايه . هى مش عايزه تفهم انى مش عايزها .و رغم كل إللى قولتو واللى عملتو هى لسه موافقه تكمل معايا عادى
تاليا ٠٠ واللهى دى بقى مش مشكلتى ٠٠ أنت إللى حطيت نفسك فى الورطه دى وانت إللى المفروض تحلها.. مروان خلاص انا تعبت اخرك معايا الاسبوع ده لو موضوع سلين
ما انتهاش .. انا هسافر لندن مع ماما
قالت ما قالته ثم غادرت الغرفة دون انتظار رد من مروان.
بينما هتف مروان
مروان ٠٠ شهد ياريت تخليكى معاها و تهديها شويه
شهد ٠٠ حاضر . بس على فكره تاليا عندها حق . انت جيت عليها كتير . و صدقني المردى تاليا لو مشيت مش هترجع تانى
انصرفت شهد
بينما ألقى مروان بجسده على المقاعدة بضيق ثم أغلق عينه هو يتذكر ما قالته سلين و تاليا لذلك فقدة السيطرة على انفعاله وهو يلقى بكل ما يوجد فوق المكتب بغضب
بقلم أروى عادل
///////////////////////////
بعد مرور يومين
**************
الوضع أصبح على حافة الهاوية بين مروان
و تاليا منذه ما حدث فى المشفى
لقد انتقلت تاليا من غرفة مروان إلى غرفة والدتها٠ حتى أنها تتجاهل مروان تمامآ
أميلى ٠٠ ممكن أعرف هتحلى مشاكلهم ازاى من غير حتى ما تتكلموا
تاليا ٠٠ خلاص يا ماما وقت الكلام انتهى .. دلوقتى وقت الأختيار .. مروان لو عايزنى هيطرد سلين من حياته . لو بقى لسه هيقولى وعد و التزام و الكلام ده يبقى انا إللى هطلع من حياته نهائى
أميلى ٠٠ انتى واثقه فى قرارك ده
تاليا ٠٠ أه يا ماما واثقه .. عشان كده ياريت تبدأى تلمى حاجاتنا من هنا
أميلى ٠٠ يعنى ايه انتى عارفه قرار مروان هيبقى ايه
تاليا ٠٠ مروان صاحب مبادئ عمره ما هيخلف وعده لدكتور شاكر . هو كان مستنى ان سلين هى إللى ترفض الأرتباط بيه . و ده مش هيحصل .
أميلى ٠٠ يعنى ايه كده خلاص إنتهت العلاقة بينك وبين مروان
تاليا ٠٠ أه إنتهت... اساسآ انا إللى غلطان كان لازم أفهم ان مروان مش هيخلف وعده حتى على حساب نفسه
بقلم أروى عادل
////////////////////////////////
المشفى
***********
شهد ٠٠ ممكن أعرف عايزانى ليه قلقتنى لما اتصلتى عليا و قولتلى عايزانى حالآ
تاليا ٠٠ طيب أقعدى الأول وهنا هقولك
بعد ما جلست شهد
شهد ٠٠ هااا قوليلى
تاليا ٠٠ شهد انتى عارفه انا هنا فى المستشفى بصفتى مندوبه عن المستثمر الأجنبى
شهد ٠٠ اه انا عارفه .بس مش فاهمه انا مالى بالحوار ده
تاليا ٠٠ شهد انا عايزاكى تمسكى مكانى فى المستشفى
استغربت شهد من طلب تاليا لذلك هتفت
شهد ٠٠ أمسك مكانك ليه .. وانتى روحتى فين
تاليا٠٠ انا همشى من هنا
شهد ٠٠ هتسيبى المستشفى
تاليا ٠٠ أنا هسيب مصر كلها .. انا قررت اسافر مع ماما
شهد ٠٠ انتى بتتكلمى جد . تاليا لو عملتى كده تبقى اكيد اتجننتى
تاليا ٠٠ لاء يا شهد انا كده عقلت. كفايه بقى لحد كده ..
شهد ٠٠ و ولادك
تاليا ٠٠ مالهم ولادى
شهد ٠٠ هتسيبهم
تاليا ٠٠ انتى بتخرفى بتقولى إيه.. ولادى معايا مش هسيبهم
شهد ٠٠ و مين قالك ان مروان هيوافق انك تخدى الولاد و تسافرى
تاليا ٠٠انا مش مستنيا منه يوافق انا كده كده هاخد ولادى و هسافر الاسبوع إللى جاى
شهد ٠٠ يبقى بتضحكى على نفسك انتى و الولاد متقدروش تسافروا غير بموافقة جوزك و ابو الولاد..
تاليا ٠٠ أوعى تنسى انى معايا الجنسية البريطانية . يعنى ممكن اخرج من البلد بالباسبور البريطانى
بقلم أروى عادل
شهد ٠٠ أيه ده انتى عامله حساب كل حاجة
تاليا ٠٠ أه خلاص ماما بتظبط موضوع جواز السفر . و الولاد هضفهم على الباسبور كلها أسبوع و كل حاجة هتكون جاهزه
شهد ٠٠ طيب يا تاليا انتى جاهزه للخطوة دى
هتقدرى تسيبى مروان كده بسهوله
تاليا ٠٠ انتى أكتر واحده عارفه انا عملت ايه و استحملت أد ايه عشان احافظ على العلاقة دى بس خلاص . انا تعبت و نفسى اعيش حياة مستقر من غير خوف ولا قلق ولا خطط
سلمى و سلين
شهد ٠٠ مش عارفه اقولك ايه
تاليا ٠٠متقوليش حاجة بس أقبلى أنك تكونى مكانى فى المستشفى
شهد ٠٠ حاضر رغم انى عارفه انى هكون فى وش المدفع و مروان أول ما هيعرف بسافرك هينفجر فيا
هنا وردة رساله ل تاليا و عندها نظرت تاليا لهاتفها بدهشه و أستغراب
شهد ٠٠مالك وشك قلب ليه
تاليا ٠٠ غريبة رحيم بعت ليا رساله عايز يقابلنى
شهد ٠٠ قصدك دكتور رحيم
تاليا ٠٠ ايوه هو ..
شهد ٠٠ طيب ليه عايز يقابلك
تاليا ٠٠ وانا هعرف من فين
شهد ٠٠ طيب ابعتى قوليلو عايز يقابلك ليه
يمكن حاجة خاص بالشغل هنا
تاليا٠٠ بقولك ايه انا هطنش لو عايزنى يجى هو يقابلنى .
//////////////////////////////
بعد يومين
فيلا مروان
**************
غرفة سلين
٠٠٠
سلمى ٠٠ عملتى إللى قولتلك عليه
سلين ٠٠ ايوه بقالى أربع ايام بنتهز أيه فرصه ل تاليا تكون فى غرفة العمليات و باخد تليفونها و ببعت رسايل لدكتور رحيم من تليفون تاليا
سلمى ٠٠ و أوعى تكون بتمسحى الرسايل من تليفون تاليا
سلين ٠٠ لاء زى ما انتى قولتلى بحطها فى الرسايل المؤرشفة
سلمى ٠٠ أيوه كده عشان لما مروان يدور فى تليفون تاليا يلقيها
سلين ٠٠ أمتى هنقول ل مروان
سلمى ٠٠ اصبرى مستعجله ليه
سلين ٠٠ عايزه اخلص بقى
سلمى ٠٠ هانت٠٠ انا بس مستنيا بس يقابلوا بعض ..أكيد رحيم هيطلب يقابل تاليا عشان يستفسر على الرسايل إللى بتبعتها له ..
سلين ٠٠ افرض دكتور رحيم متطلبش يقابلها
. أوعى تنسى ان رحيم صاحب مروان
سلمى ٠٠ متخافيش فى كل الحالات رحيم اكيد هيطلب يقابلها.. من باب الفضول
. أو عشان يخليها تبعد عنه ..أو عشان هو لسه بيحبها أى كان السبب هو هيطلب منها تقابلو
سلين ٠٠ لما اشوف..
سلمى ٠٠ انتى بس خلى عينك على تاليا و أول متعرفى انها رايحه تقابل رحيم بلغى مروان
بقلم أروى عادل
///////////////////////////////
فى غرفة أميلى
٠٠٠٠٠٠٠٠
طرق مروان الباب .. وعندما فتحت تاليا الباب هتفت بجديه
تاليا ٠٠ خير
مروان ٠٠ ممكن نتكلم
تاليا ٠٠ لاء خلاص مافيش كلام بينا
مروان ٠٠ يعنى عجبك إللى أحنا فيه ده
تاليا ٠٠ مروان باقى تلات ايام . ياريت قبل التلات ايام دول ما يخلصوا منتكلمش مع بعض
بنظرات ثاقبة حاده
مروان ٠٠ بعد التلات ايام ايه إللى هيحصل
تاليا ٠٠ إجابة السؤال ده عندك انت . مش عندى
بنفاذ صبر هتف
مروان ٠٠ تاليا انا قربت اتعصب .. ياريت تقولى إللى عندك بوضوح
تاليا ٠٠ أنا كل كلامى بوضوح . قولتلك قدامك أسبوع تقرر فيه إللى انت عايزه ..وخلاص فاضل تلات ايام
مروان ٠٠ تاليا انتى كنتى بتتكلمى بجد. تاليا سيبك من العند ده... الموضوع سلين مش هيتحل فى أسبوع واحد
تاليا ٠٠ ولا فى أسبوعين ولا فى شهر ولا حتى سنه .موضوع سلين مش هيتحل اساسآ . لأنك مش قادر تاخد القرار..
مروان ٠٠ انتى عارفه انا ملتزم بوعدى لدكتور شا٠٠٠٠٠
قطعت تاليا عبارته بحده
تاليا ٠٠ خلاص التزم بوعدك بعيد عنى و سيبنى بقى اعي٠٠٠٠٠٠
هنا الغضب اتمكن من مروان عندما صاح بغضب حارق و هو يمسك تاليا من فكها
بقلم أروى عادل
مروان ٠٠ أقسم بالله يا تاليا لو نطقتى كلمة سيبنى دى تانى لأكون قاطع لسانك فيها ..
انتى هتفضلى ليا و معايا لحد ما يفرقنا الموت .....حتى الموت بتمنى انى يومى يجى قبل يومك لأنى مش هستحمل فكرة ان ممكن أى حد يبعدك عنى حتى لو الموت
ياريت تفهمى و تستوعبى انك انتى بقيتى بتمشى فى جسمى زى الدم مافيش حاجة ممكن تفرقنا عن بعض
كانت تاليا تعلم انا مروان يحبها لكنها لأول مره تخاف من حب مروان لها
وهنا ابتعد مروان عن تاليا عندما سمع
أميلى ٠٠ مروان انت ماسكها كده ليه
مروان ٠٠ ياريت تعقلى بنتك عشان متزعلش منى
قال ما قاله ثم انصرف
أميلى ٠٠ ده مجنون انا بعد ما سمعت إللى قاله أخاف عليكى منه
تاليا ٠٠ متخافيش هو مش ممكن يأذينى هو بس مش مستوعب انى ممكن أسيبو
أميلى ٠٠ أمال هيعمل ايه لما تسافرى
تاليا ٠٠ معرفش ..بس يا ماما ياريت مروان مايعرفش حاجة عن موضوع السفر
أميلى ٠٠ بعد إللى سمعتو أستحاله أقوله على حاجة
/////////////////////////////////
اليوم التالى
المشفى
**********
كانت تاليا تحضر عملية جراحية فى ذلك الوقت اتسحبت سلين كعادتها فى الفترة الأخيرة و دلفت للغرفة الاطباء
و فتحت الحزنه الخاصه بتاليا ثم اخرخت هاتف تاليا ثم بعثت رساله إلى رحيم
محتوى الرساله بقول بالنص
بقلم أروى عادل
رحيم اكيد انت مستغرب انا ايه إللى غيرنى من ناحيتك .. بس انا متغيرتش انا مشاعرى اتجاهك زى ماهى لانى انا من أول يوم شوفتك فيه حبيتك. بس كان بعد فوات الأوان. لانى كنت متجوزه مروان غصب عنى
.لانى ست مش خاينه ماحبتش تعرف مشاعرى اتجاهك .. بس انا خلاص مابقتش قادرة استحمل و خصوصآ بعد ما مروان خطب سلين و هيتجوزها..
رحيم انا خلاص هطلق من مروان.
. عشان كده قررت ابعتلك الرسايل دى
و اقولك على إللى فى قلبى يمكن يكون لينا فرصه مع بعض
انا كده قولت كل إللى فى قلبى وانت قرر
ياريت تقابل و نتفاهم
هستنا منك رسالة
بعد ما كتبت سلين الرسالة قامت بأرسالها ثم وضعت الرساله فى الأرشيف الرسايل
ثم وضعت الهاتف مكانه و خرجت من الغرفة
دون أن يراها احد
/////////////////////////////
فى نفس الوقت
فى الكافيه المشفى
٠٠٠٠٠٠٠٠٠
كان رحيم يجلس مع مروان و معتز يحتسوا القهوة
هنا اتغيرت ملامح رحيم عندما وردة له رساله و قرأ محتواها
معتز ٠٠ أيه مالك شكل الرساله دى مهمه أوى عشان كده و شك اتغير
ارتبك رحيم وهتف بضيق و كأنه انكشف أمره
رحيم ٠٠ قصدك ايه يعنى. ومين قالك انها رسالة مهمه..هى رساله عاديه خالص ..
مروان ٠٠ طيب طيب . خلاص رساله عاديه
فى ايه يا رحيم مالك اتعصبت ليه
رحيم ٠٠ ولا اتعصبت ولا حاجة .. انت هتعصبنى بالعافية ..
استغرب معتز من توتر رحيم
بقلم أروى عادل
معتز ٠٠ هو فى ايه مالك
رحيم ٠٠ ولا مالى ولا حاجة .. عن أذنكم انا افتكرت حاجة مهمه لازم اعملها
قال جملته ثم انصرف بسرعة
مروان ٠٠ ماله ده
معتز ٠٠ واللهى ما أنا عارفه بس شكل الرسالة إللى جات له فيها حاجة
مروان ٠٠ يمكن يكون حب جديد.. الله اعلم
معتز ٠٠ قولى عملت ايه مع تاليا
مروان ٠٠ بالله عليك متجبليش سيرتها لانى بقيت اتعصب كل ما افتكر كلامها أمبارح
معتز ٠٠ طيب تعرف انها بقالها يومين بتجيب صاحبتها شهد بتعرفها على الشغل هنا
مروان ٠٠ غريبه ليه
معتز ٠٠ شكلها عايزه شهد تمسك مندوبه عن المستثمر الأجنبى مكان تاليا
مروان ٠٠ طيب ليه . هى تاليا ناويه تسيب المستشفى
معتز ٠٠ متهيألى أه
//////////////////////////////
بعد مرور ساعتين
***************
كانت سلين تقف خلف الباب غرفة الأطباء عندما سمعت تاليا تهتف
تاليا ٠٠ عرفتى يا شهد الشغل هنا ماشى ازاى
شهد ٠٠ اه عرفت
هنا وردة رسالة صوت من رحيم يقول بها
محتوى الرساله بالصوت
بقلم أروى عادل
رحيم .تاليا انتى لازم تعرفى انا مروان صاحبى و انا مقدرش اعمل فيه كده .. صحيح انا كان عندى مشاعر اتجاهك بس
تاليا ماينفعش الكلام فى رسالة
احنا لازم نتكلم وش لوش عشان كده انا هستنيكى دلوقتى فى غرفة التعقيم
ضروري اوعى تتأخرى
بعد ما سمعت تاليا الفويس
تاليا ٠٠ لاء كده كتير دكتور رحيم أكيد اتجنن
شهد ٠٠ ده اكيد اتجنن .. بس غريبه انا كنت فاكره ان دكتور رحيم راجل محترم
تاليا ٠٠ أنا هروح اشوف عايز ايه . و كمان اعرفو مقامه و ازاى يبعت ليا رسالة زى دى هو فاكرنى ايه
شهد ٠٠ استنى انا جايه معاكى
تاليا ٠٠ لاء خليكى هنا انا هروح لوحدى
هنا اتجهت تاليا لغرفة التعقيم
بينما ابتسمت سلين بشر ثم قامت بالإتصال بمروان وقالت
بداية. المكالمة
مروان ٠٠ الو سلين
سلين ٠٠ مروان فى مشكلة فى غرفة التعقيم ممكن تيجى حالآ
مروان ٠٠ تمام انا جاى
///////////////////////
غرفة التعقيم
٠٠٠٠٠٠٠٠٠٠
وقفت سلين أمام غرفة التعقيم فى انتظار مروان ..وعندما جاءه مروان
مروان ٠٠ مشكلة ايه إللى بتقولى عليها
سلين ٠٠ تعالى ادخل شوف بنفسك المشكلة
و عندما فتح مروان الباب اتسعت عينه وهو
#يتبع
بقلم أروى عادل
توقعاتكم
هل نجحت خططت سلين و سلمى
#راوية_عندما_تغضّب_النعاج_تصبح٠أشد_أفتراسآ_من_الذئاب
#الكاتبة_أروى_عادل
#الفصل_الرابع_الثلاثون
بداية. المكالمة
مروان ٠٠ الو سلين ٠
سلين ٠٠ مروان فى مشكلة فى غرفة التعقيم ممكن تيجى حالآ
مروان ٠٠ تمام انا جاى
بقلم أروى عادل
///////////////////////
غرفة التعقيم
٠٠٠٠٠٠٠٠٠٠
وقفت سلين أمام غرفة التعقيم فى انتظار مروان ..وعندما جاءه مروان
مروان ٠٠ مشكلة ايه إللى بتقولى عليها
سلين ٠٠ تعالى ادخل شوف بنفسك المشكلة
وعندما فتح مروان الباب اتسعت عينه عندما شهد مع رحيم .سمع رحيم يهتف
رحيم ٠٠ اتفضلى شوفى بعينك الرسايل إللى بعتها صاحبتك
بينما كانت سلين سوف تفقد صوبها عندما رأت شهد هى إللى مع رحيم
بينما تطلع كل من شهد و رحيم بصدمة عندما دلف كل من مروان و سلين الغرفة عليهم
مروان ٠٠ هو ايه إللى بيحصل هنا
ظل رحيم و شهد ينظروا إليهم بدهشة و أرتباك
رحيم ٠٠ هو .. هو.
شهد ٠٠ اه هو . هو
مروان ٠٠ هو ايه.. إللى هو هو
بينما سلين كانت تقف بصدمه وهى لا تعلم لماذا شهد مع رحيم المفروض تكون تاليا لذلك قالت دون أن تنتبه
سلين ٠٠ انتى ايه إللى جابك . و فين تاليا
مروان ٠٠ و تاليا مالها باللى بيحصل هنا
لعنت سلين زلة لسانها . ثم قالت لتبرر ما قالته
سلين ٠٠ مش شهد دى تبقى صاحبتها وهى إللى جيبها المستشفى.. تيجى بقى تشوف صاحبتها بتعمل ايه
شهد ٠٠ تقصدى ايه .. انتى عايزه تقولى انى.
قطعت سلين جملتها بسخرية وهتفت٠
سلين ٠٠ من غير ما اقول.. ما هى كل حاجة واضحه
شهد ٠٠ لو سمحتى انا مسمحش ليكى انك....
هنا قطع مروان عبارتها بقلم أروى عادل
مروان ٠٠ أنا سألت سؤال ياريت تجاوبنى عليه انتو بتعملوا ايه هنا
رحيم ٠٠ أنا عارف ان من حقك تفهم غلط بس صدقنى .. الحوار مش زى ما انتى فاهم
مروان ٠٠ تمام فهمنى انت ايه هو الحوار
هنا قالت شهد بدون سابق إنذار حتى تخرج من هذا المأزق
شهد ٠٠ رحيم بيحبنى و كان عايز يتقدملى عشان كده طلب نتكلم لوحدنا
نظر لها رحيم بذهول مما قالت
بينما تطلعت إليها سلين بحقد و هى تعلم انها كاذبه
كان على سلين تفعل شيئ حتى لا تخرج خسرانه بعد كل ما فعلته لذلك قالت
سلين ٠٠ بس احنا أول ما دخلنا سمعنا رحيم بيقولك أتفضلى شوفى بعينك الرسايل إللى بعتها صاحبتك
بلعت شهد ريقها بصعوبه وهى لا تعلم بماذا تجيب
مروان ٠٠ أه انا كمان سمعت الكلام ده
هنا اتكلم رحيم وهو يصدق على حديث شهد
رحيم ٠٠ أه فى واحد صاحبت شهد كانت بعتالى رسايل كانت بقول ل شهد عليها
سلين ٠٠ تقصد تاليا مش كده
شهد ٠٠ ليه هو انا مش عندى صحاب غير تاليا ولا ايه
بقلم أروى عادل
سلين ٠٠ طيب انا عايزه اشوف الرسايل دى
رحيم ٠٠ لو سمحتى دى حاجة شخصية
مروان ٠٠ سلين احنا مالنا بالرسايل دى
سلين ٠٠ بس انا مش مصدقه الكلام ده
شهد ٠٠ ليه مش مصدقه هو احنا هنكدب ليه يعنى
سلين ٠٠ بصراحة بقى انا حاسه انك انت وهى بتكدبوا.. ده مش شكل اتنين بيحبوا بعض
شهد ٠٠ ليه همآ إللى بيحبوا بعض ليهم شكل معين
هنا رن هاتف شهد و كانت تاليا
كانت شهد سوف تكنسل لكن سلين هتفت عندما رأت هوية المتصل
سلين ٠٠ استنى ردى و افتحى الصوت
مروان ٠٠ فى ايه يا سلين .
سلين ٠٠ مروان انا حاسه ان فى حاجة مش مظبوطه خليها ترد قدمنا هى مش هتخسر حاجة
هتفت شهد بغضب
شهد ٠٠ لاء كده الموضوع بقى أوفر أوى انتى عايزه ايه سلين
سلين ٠٠ عايزه اعرف الحقيقة
رحيم ٠٠ معلش بس انتى عايزه حقيقة تظبط على مقاس تفكيرك عشان تقتنعى بيها .. احنا قولنا على حصل أظن كفايه كده .. انا عندى عملية دلوقتى
هنا قامت تاليا بالإتصال بشهد مره أخرى
بقلم أروى عادل
سلين ٠٠ ماتردى
شهد ٠٠ انتى شايفه ان ده وقت أرد فيه على مكالمات
سلين٠٠ بس دى صاحبتك
شهد ٠٠ سلين انتى عايزه توصلى لأيه بالظبط
مروان ٠٠ و انا كمان عايز افهم يا سلين انتى عايزه توصلى ايه.. الموضوع انتهى و انتى عامله تقولى كلام مش متركب مع بعض
ما كان أمامها غير انها تقول
سلين ٠٠ بصراحة بقى انا شكه ان الرسايل إللى كان بيتكلم عليها رحيم هى من تاليا
مروان ٠٠( بغضب) انتى بتخرفى تقولى ايه هى حصلت تتكلمى على تاليا
شهد ٠٠ دى انسانه مريضه .. غيرتها من تاليا جننتها
سلين ٠٠ بس انا٠٠٠٠٠٠٠
بصوت قوى بث الرعب فى جميع أنحاء جسد سلين ٠عندما صرخ بها مروان
مروان ٠٠ سلين ولا كلمة تانى فاهمه
سلين ٠٠ أنا كنت عايزه اقو.......
مروان ٠٠ اخرسى .. قولتلك اخرسى
صمتت سلين وهى تعلم جيدآ ان فتحت فمها بأى كلمة تانى ماذا سيفعل بها مروان
وعندما كان كل من شهد و رحيم على وشك المغادرة جاءت تاليا مندفعه لداخل الغرفة وهى تقول بقلق دون أن تنتبه لأحد
بقلم أروى عادل
تاليا ٠٠ شهد اتأخرتى ليا قلقتينىىىىى
هنا تطلعت تاليا بالموجودين وهى لا تفهم ماذا يفعل مروان و سلين هنا
بينما سلين اتهزت الفرصه و هتفت
سلين ٠٠ أيه ده انتى كمان هنا .. ايه هو إلقاء كان ثلاثى ولا ايه
بينما مروان كان ينظر ل تاليا بأستغراب
من وجودها لذلك هتف
مروان ٠٠ انتى بتعملى ايه هنا
بينما هتفت شهد بسرعة قبل أن تقول تاليا اى شيئ
شهد ٠٠ تاليا كانت عارفه انى جاية هنا اقابل رحيم . عشان كده كانت بتتصل عليا كل شوية . وأكيد عشان انا مرديتش عليها قلقت عليا و جات عشان تشوفنى
كان حديث شهد مقتنع لكن تاليا تبدو متوتره لذلك شك مروان ان يوجد أمر ما هو لا يعلمو
و رغم ذلك قال
مروان ٠٠ طيب خلاص زى ما قولت الحوار انتهى
سلين ٠٠ يعنى ايه انتهى انت مش شايف ان فى حاجة غلط بتحصل
مروان ٠٠ لاء انا شايف الموضوع عادى
صح مبروك يا رحيم شهد بنت ممتازة
ربنا يهنيكم ببعض
قال جملته هو ينظر ل تاليا التى كان واضح عليها الاستغراب من كلمات مروان
ذلك ما جعل مروان يشك أكثر ان يوجد شئ هو لا يعلمو
انصرف كل منهم فى إتجاه
بقلم أروى عادل
/////////////////////
غرفة مروان فى المشفى
**********
معتز ٠٠ ما تهدى خيلتنى رايح جاى فى ايه
مروان ٠٠ هتجنن فى حاجة انا مش فاهمه بتحصل من وراه ضهرى
معتز ٠٠ لا إله إلا الله مش شهد و رحيم قالولك همآ كانوا بيعملوا ايه .. فى ايه بقى
ولا انت مصدق الهبل إللى قالتو سلين
مروان ٠٠ طبعآ مش مصدقها. بس فى حاجة انا مش فاهمها
معتز ٠٠ حاجة زى ايه
مروان ٠٠ ما هو بالعقل كده ازاى شهد قالت
ان تاليا عارفه انها رايحه تقابل رحيم ومنين تاليا استغربت أول لما باركت لرحيم لانه عايز يتقدم ل شهد.. و كأن الموضوع جديد بالنسبالها .و أول مره تسمعو
معتز ٠٠ يمكن متهيألك ..
مروان ٠٠ لاء .. انت ماشوفتش وش تاليا كان عامل ازاى كانت مصدومه لما باركت لرحيم
معتز ٠٠ طيب ما سألتهاش ليه
مروان ٠٠ خوفت تفهم سؤالى غلط و تحصل مشكله بينا و احنا اساسآ الفتره دى العلاقة بينا زى الزفت
معتز ٠٠ انت شكك فى حاجة
مروان ٠٠ مش عارف . بس وجود تاليا
فى حوار شهد و رحيم مش مريحنى .. وانا هوجع قلبى ليه٠ انا هروح أسألها واللى يحصل يحصل
قال جملته ثم انصرف ليبحث عن تاليا
سأل مروان عن تاليا أحد الممرضات و عرف انها فى غرفة الأطباء لذلك ذهب لها
/////////////////////////
فى غرفة الأطباء
*******
تاليا ٠٠ تعالى هنا فهمينى ايه إللى بيحصل
شهد ٠٠ اسكتى يا تاليا انا أول ماشوفت مروان دمى نشف
تاليا ٠٠ أيه إللى جاب مروان و سلين غرفة التعقيم
شهد ٠٠ مش عارفه ..
تاليا ٠٠ طيب قوليلى ليه مروان كان بيبارك لرحيم و ليكى
شهد ٠٠ هقولك عشان تشوفى الورطة إللى انا فيها .. انا بعد ما مانعتك تروحى تقابلى رحيم و قالتلك
بقلم أروى عادل
{ فلاش بالك }
●●●●●●
شهد ٠٠ استنى هنا يا تاليا رايحه فين
تاليا ٠٠ راحه اشوف البنى أدم ده عايز منى ايه .. واشوف اخرتها معاه
شهد ٠٠ انتى اتجننتى افرض حد شافك و راح قال ل مروان هيكون شكلك ايه
تاليا ٠٠ يعنى عايزانى أسكت
شهد ٠٠ لاء انا هروح اقابله و هقوله يبعد عنك و هددو انه لو مابعدش عنك انك هتقولى
ل مروان
تاليا ٠٠ طيب و انا هستنكى هنا لما اشوف اخرتها
ذهبت شهد لغرفة التعقيم و داخل الغرفة كان رحيم ينتظر و عندما رأه شهد هتف بأستغراب
رحيم ٠٠ انتى ..
شهد ٠٠ ايوه انا لو كنت فاكر ان تاليا هتيجى تقابلك تبقى غلطان
رحيم ٠٠ مش مهم مين إللى يجى يقابلنى المهم تفهمى صاحبتك إللى بتعملو ده غلط...
قطعت شهد عبارته بحد وهتفت٠
شهد ٠٠ إللى بتعملو هى ولا إللى بتعملو انت٠٠
انت ازاى كده انت مش خايف ان مروان يعرف إللى بتعملو ده صاحبك
رحيم ٠٠ وانا عشان خاطر صاحبى طلبت اقابل تاليا عشان إللى بتفكر فيه ماينفعش انا مستحيل أخون صاحبى
استغربت شهد من حديث رحيم
شهد ٠٠ هو انت مجنون تبعت رسايل لمراته
و عايزها تقابلك و بعدين تقول مستحيل أخون صاحبى.. و انت لما تقابل مرات صاحبك دى مش خيانه
استغرب رحيم و هتف بقلم أروى عادل
رحيم ٠٠ استنى مين إللى بعت رسايل الأول تاليا هى إللى بعتت رسايل وانا بس طلبت أقابلها عشان افهمها ان إللى بتفكر فيه مستحيل يحصل ..
شهد٠٠ انت بتقول أيه تاليا مابعتتش رسايل ليك . انتى إللى بعت
رحيم ٠٠ طيب اتفضلى شوفى بعينك الرسايل إللى بعتها صاحبتك
هنا اتفتح الباب لذلك اتسعت عين شهد بصدمة عندما رأت مروان وسلين أمامها
{ العودة من الفلاش بالك }
●●●●●●●●●●●●●●
شهد ٠٠ وبعدها دخل مروان و سلين عشان كده اخترعت قصة انى انا و رحيم بنحب بعض .. بس سلين إللى بقت تشكك فى كلامى
ثم حكت ما قالتو سلين
لذلك هتفت تاليا بصدمة
تاليا ٠٠ انتى بتقولى رسايل ايه إللى انا بعتها لرحيم و انا هبعتله رسايل ليه.. ده كداب
شهد ٠٠ بس شوفت الرسايل بعينى.. هى فعلآ مرساله من رقم الواتس بتاعك
تاليا ٠٠ مستحيل ازاى يعنى ..اهو عنك تليفونى قدامك شوفى بعينك انا مابعتش حاجة
أمسكت شهد هتف تاليا وهى تتفحص بها وهنا كانت الصدمة عندما رأت الرسائل المؤرشفة
عندها هتفت شهد.بذهول بقلم أروى عادل
شهد ٠٠ تاليا ايه الرسايل دى
كان الزهول و الصدمة واضح على تاليا عندما رأت الرسائل و هى تهتف بحيره
تاليا ٠٠ واللهى ما اعرف حاجة عن الرسايل
انا أول مره أشوفها.
شهد ٠٠ بس دى على تليفونك
تاليا ٠٠ عارفه انها على الزفت بس واللهى مش .....
بلعت باقى جملتها عندما قامت يد بسحب الهاتف من يدها و عندما نظرت من فعل ذلك اتسعت عينيها بصدمة عندما رأت مروان هو يمسك هاتفها و يتفحص الرسايل
كانه وجهه عباره عن كتلة من جحيم وعيون
بلون الدم و عروق جسده كلها بارزه كانت هيئتة مخيف لدرجة ارعبت كل من تاليا و شهد
بعد ما شاهد الرسايل قال بصوت مخيف بث الرعب فى قلب شهد
مروان ٠٠ شهد أطلعى بره
شهد ٠٠( بخوف) لاء انا مش هسيب تاليا . معاك
هنا انتفضت شهد عندما صاح بها مروان
مروان ٠٠ اخرجى دلوقتى حالآ أحسنلك
كانت تاليا فى وضع لا تحسد عليه هى تعلم جيدآ غيرة مروان لذلك كانت مرعوبة بل كانت تنتفض من داخلها وهى تتوقع الأسوأ من مروان لكنها استجمعت قوتها المزيفة و هتفت
تاليا ٠٠ اطلعى يا شهد
خرجت شهد وهى مرعوبة على تاليا
هنا هتفت تاليا بقلم أروى عادل
تاليا ٠٠ مروان واللهى انا معرفش حاجة عن الرسايل دى
هنا بدء مروان يردد الرساله الأخيره المرساله من هاتف تاليا إلى رحيم
مروان يقرأ الرسالة
مروان ٠٠ رحيم اكيد انت مستغرب انا ايه إللى غيرنى من ناحيتك .. بس انا متغيرتش انا مشاعرى اتجاهك زى ماهى لانى انا من أول يوم شوفتك فيه حبيتك. بس كان بعد فوات الأوان. لانى كنت متجوزه مروان غصب عنى..لانى ست مش خاينه ماحبتش تعرف مشاعرى اتجاهك .. بس انا خلاص مابقتش قادرة استحمل و خصوصآ بعد ما مروان خطب سلين و هيتجوزها..
رحيم انا خلاص هطلق من مروان.
. عشان كده قررت ابعتلك الرسايل دى
و اقولك على إللى فى قلبى يمكن يكون لينا فرصه مع بعض
انا كده قولت كل إللى فى قلبى وانت قرر
ياريت تقابل و نتفاهم
هستنا منك رسالة
بعد ما انتهى مروان من قرأت الرسالة تطلع
بتاليا بنظره جحميه تحمل بها كل الغضب الذى بداخله هو يصرخ بها ويهتف
مروان ٠٠ ايه الكلام المكتوب ده
اتفضت تاليا برعب من صراخ مروان لها و هتفت ببكاء بقلم أروى عادل
تاليا٠٠واللهى ما انا.. مروان انا معرفش حاجة عن الرسالة دى
مروان ٠٠ والرسالة إللى قبلها و إللى قبلها واللى قبلها
هنا صرخت تاليا بين بكائها
تاليا٠٠ معرفش . معرفش
مروان ٠٠ ده تليفونك يا هانم
تاليا ٠٠ عارفه . و معنديش تفسير. بس و اللهى انا معرفش حاجة عن الرسايل دى
هنا جلس مروان على احد المقاعد و وضع يده على رأسه هو بيحاول يسيطر على ثورة غضبه حتى لا يفعل بها شئ بندم عليه بعد ذلك ..
بينما تطلعت تاليا بمروان الذى كان يجلس بصمت ..وهى كانت فى انتظار انه سوف ينفجر بها فى اى لحظه لذلك كانت تنظر له بحذر
هنا قامة مروان من مجلسه ثم أعطى تاليا هاتفها ثم انصرف لذلك مما جعل تاليا تستغرب من مما فعله
بعد خروج مروان دخلت شهد مندفعه وهى تهتف بخوف
شهد ٠٠ عمل فيكى ايه
تاليا ٠٠ معملش حاجة .. بعد ما شاف الرسايل .. سابنى و مشى
شهد ٠٠ بس كده معملش حاجة تانى
تاليا ٠٠ أنا خايفه سكوت مروان ده يخوف
انا كنت فكره انه هيقتلنى.
شهد ٠٠ تفتكرى انه صدق انك ممكن تعملى حاجة زى دى
تاليا ٠٠ أنا عارفه بقى.. بس لو شك فيا يبقى عنده حق .دى الرسايل كلها من تليفونى
تاليا٠٠ انا رايحه اشوفو و اعرف هو ليه ساكت
شهد ٠٠ تاليا بلاش تتكلمى مع مروان دلوقتى هو متعصب ممكن يعمل فيكى حاجة
تاليا ٠٠ هو لو كان هيعمل فيا حاجة كان عملها فى وقتها بس انا خايفه يعمل فى دكتور رحيم حاجة و الراجل مالهوش ذنب
قالت جملتها ثم ذهبت إللى غرفة مروان
صحيح انها كانت مرعوبة من مروان لكن
ما كان يرعبها أكثر هو صمت مروان الغير مبرر
بقلم أروى عادل
//////////////////////
عرفة مروان
***********
كان مروان يجوب الغرفة بغضب هو يتذكر كلمات الرسالة
هنا دلفت تاليا مندفعه دون أن تطرق الباب ثم أغلقت الباب خلفها و هتفت
تاليا ٠٠ مروان ياريت بلاش حرب الأعصاب إللى بتعملها معايا . انا قدامك أهو اعمل فيا إللى انت عايزه طالما مسدق انى ممكن اعمل حاجة زى دى
هنا اقترب منها مروان بخطوات بطيئة لذلك رجعت تاليا بعض خطوات للخلف بخوف
إللى ان تصطدم ظهرها بالباب الغرفة خلفها
هنا اتسعت عينيها بدهشه عندما وضع مروان يده على خديها برفق ثم هتف
مروان ٠٠ ششش متخافيش
ثم قبلها من خديها
تاليا ٠٠ يعنى ايه . مروان انت........
هنا وضع مروان يديه على فمها لتصمت ثم هتف
مروان٠٠ خلاص أنسى
تاليا ٠٠ ( بذهول) أنسى .. انسى ايه مروان انت عايز تجننى
مروان ٠٠ ليه بس يا حبيبتى
تاليا ٠٠ ( بغضب) مروان انت بتعمل كده ليه معايا حرام عليك بقى
مروان ٠٠ كل ده عشان ساكت . آمال انتى عايزانى اعمل ايه
تاليا ٠٠ أي حاجة غير إللى بتعملو دلوقتى لانى عارفاك كويس .. و عارفه انك مش بالهدوء و السكنية إللى بتحاول تظهر بيه دلوقتى قدامى
مروان ٠٠ صح انا جوايا نار جهنم و غضب لو سيبتهم يخرجوا هتتحرقى بيهم و ده اللى انا مش عايزة يحصل .
تاليا ٠٠ مروان انا معرفش حاجة عن.......
قبل أن تكمل جملتها قال مروان بنفس الهدوء. بقلم أروى عادل
مروان ٠٠ عارف انك متعرفيش حاجة عن الرسايل . انا لو كان عندى شك فيكى ١% كنت قتلتك فى ساعتها .
قال جملته ثم ربت على خديها بأبتسامة
ثم هتف
مروان ٠٠ أنا عندى عملية دلوقتى تحبى تحضرى معايا
هزت تاليا رأسها بالنفى لذلك انصرف مروان
ترك تاليا خلفه وهى تشعر بحيره و استغراب من تصرف مروان لانها تعلم جيدآ ذلك ليس طبع مروان
///////////////////////////////
فى المساء
فى الفيلا
*************
غرفة أميلى
٠٠٠٠٠٠
مازالت شهد مع تاليا
و بعد ما حكت تاليا وشهد كل ما حدث لأميلى
هتفت أميلى
أميلى٠٠ بس مين إللى عمل كده .. و ازاى اخد تليفونك و بعت منه الرساله دى
تاليا ٠٠ دى مش رساله واحد دى اكتر من رساله و كل رسالة اتبعتت رحيم فى وقت غير التانى .
شهد ٠٠ تفتكرى سلمى ممكن تكونى هى إللى عملتها اخدت تليفونك والتي فى الفيلا و بعتت الرسايل
تاليا ٠٠ لاء الرسايل كلها أتعبتت الصبح يعنى وانا فى المستشفى
أميلى ٠٠ وانتى بتسيبى تليفونك لحد وانتى فى المستشفى
تاليا ٠٠ تليفونى بيبقى معايا على طول مش بسيبو غير ساعة لما أكونى فى العمليات
هنا تذكرت تاليا شيئ لذلك أمسكت هاتفها ثم رأت وقت آخر رساله ثم صرخت
بقلم أروى عادل
تاليا ٠٠ ايوه كده صح
شهد ٠٠ فى ايه
تاليا ٠٠ الرسالة الأخير.. أتعبتت النهاردة الصبح الساعة ١٢ ساعتها انا كنت فى العمليات
أميلى ٠٠ يعنى إللى بعت الرسايل بيخد تليفونك وانتى فى العمليات و يبعت الرسايل و يرجع التليفون مكانه تانى
تاليا ٠٠ يبقى سلين مافيش غيرها
شهد ٠٠ يا بنت الكل....ب عشان كده كانت عايزه مروان يشوف الرسايل من تليفون رحيم دى انسانه مريضه
تاليا ٠٠ اقسم بالله ما هسيبها
قالت جملتها و اتجهت لباب الغرفة
شهد ٠٠ رايحه فين
تاليا ٠٠ رايحه ل سلين
أميلى ٠٠ يعنى انتى فاكره أول ما هتروحى
ليها هتعترف انها عملت كده .. اهدى يا تاليا و أقعدى نفكر سوا هنعمل ايه فى الموضوع ده..انا خايفه عليكى من سلين
تاليا ٠٠ لأ يا ماما متخافيش انا هتكلم معاها لو هى فعلآ إللى عملت كده هعرف
قالت جملتها ثم انصرفت
بعد نصف ساعة سمعوا صراخ لذلك خرجت كل من أميلى و شهد هنا كانت الصدمة كانت التى جعلت أميلى تصرخ عندما رأت أمامها تاليا و هى
#يتبع
الكاتبة الرواية/ أروى عادل
توقعاتكم ماذا حدث مع تاليا
هل سيكتشفون ان سلين و سلمى وراء الرسايل
لماذا ظل مروان صامت
تعليقات
إرسال تعليق