مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 

راوية_عندما_تغضّب_النعاج_تصبح٠أشد_أفتراسآ_من_الذئاب. الفصل_الخامس والثلاثون   

#راوية_عندما_تغضّب_النعاج_تصبح٠أشد_أفتراسآ_من_الذئاب 

#الكاتبة_أروى_عادل 

#الفصل_الخامس_الثلاثون

قالت جملتها و اتجهت لباب الغرفة ٠

شهد ٠٠ رايحه فين 

تاليا ٠٠ رايحه ل سلين 

أميلى ٠٠ يعنى انتى فاكره أول ما هتروحى

ليها هتعترف انها عملت كده .. اهدى يا تاليا و أقعدى نفكر سوا هنعمل ايه فى الموضوع ده..انا خايفه عليكى من سلين

تاليا ٠٠ لأ يا ماما متخافيش انا هتكلم معاها لو هى فعلآ إللى عملت كده هعرف 

بقلم أروى عادل 

قالت جملتها ثم انصرفت 

بعد نصف ساعة سمعوا صراخ لذلك خرجت كل من أميلى و شهد هنا كانت الصدمة  التى جعلت أميلى تطلق صرخة قويه مدويه عندما رأت أمامها تاليا و هى  ملقيه على الأرض  الدماء تحيط بها  واضح انها سقطت من على الدرج 

بينما تقف كل من سلين و سلمى  أعلى الدرج ينظرون ل تاليا بصدمة

كان أول من وصل ل تاليا عمها سالم

هنا ركضت كل من أميلى و شهد  إلى تاليا 

بينما خرج مروان من غرفة المكتب عندما 

رأى تاليا بهذه الوضع ركض إليها وهو يصرخ بأسمها ثم قامه بفحصها 

و حاول وقف نزيف رأسها ثم حملها و ركضه بها  و هو يصرخ 

مروان ٠٠ هاتوا مفاتيح العربية من أوضتة المكتب

هنا ركضت شهد لجلب المفاتيح

///////////////////////////////

فى المشفى 

**********

دلف مروان المشفى هو يحمل تاليا  بين ذراعيه بجسد هامد لا يتحرك به شئ بلا حياة و يصرخ فمن حوله بغضب  حتى يسعفوها بسرعة 

بالفعل فى أقل من خمس دقائق كانت تاليا فى غرفة العمليات

بينما كان مروان يجوب فى ممر المشفى يمين و يسار بقلق خارج غرفة العمليات 

كانت أميلى تقف أمام الغرفة وهى تبكى بمرارة و يكاد قلبها يتمزق حزن على حالة ابنتها كما هو حال شهد 

بينما سالم  كان بيحاول يبدو متماسك

هنا هتف مروان بخوف ممزوج بغضب

مروان ٠٠ انا عايزه اعرف ازاى وقعت من على السلم و انتو كنتوا فين

سالم ٠٠ يابنى ماحدتش شاف حاجة كلنا جينا على صوت صراخها 

بقلم أروى عادل 

شهد ٠٠هى كانت رايحه لسلين  على أوضتها ايه إللى جابها عند السلم مش عارفه

مروان ٠٠ وهى كانت رايحه لسلين ليه

شهد ٠٠ معرفش   

هنا بدأ يتوافد جميع من فى المشفى عندما علموا أن تاليا فى غرفة العمليات

معتز ٠٠ فى ايه يا مروان  .ايه إللى حصل

بصوت ضعيف و مخنوق و حزين

مروان ٠٠ مش عارف .. مش عارف

سالم ٠٠ اهدى يابنى انشاء الله هتبقى كويسه

هنا هتف مروان بخوف و قلق

مروان ٠٠ همآ بيعملوا ايه كل ده فى العمليات 

لاء انا مش هقدر استنا هنا . انا هدخل اشوف اتأخروا ليه كل ده

هنا مانعة معتز هو يهتف

معتز ٠٠ مروان استنا رايح فين 

مروان ٠٠ سيبنى يا معتز 

هنا اتفتح باب غرفة العمليات 

ليخرج الطبيب لذلك ركضوا الجميع إليه 

مروان ٠٠ طمنى يا دكتور

الدكتور ٠٠ الحمدالله قدرنا نوقف النزيف

و اطمنا كمان مافيش أى نزيف داخلى

أميلى ٠٠ دكتور بليز اقدر أشوفها

الدكتور ٠٠ هى دلوقتى هتتنقل لغرفة الأفاقه 

و أول ما تفوق تقدرى تشوفيها

شهد ٠٠ يعنى هى هتفوق أمتى  

الدكتور ٠٠ المفروض خلال ساعة  

و دكتور مروان عارف كده

مروان ٠٠ طيب هى فيها أصابات تانيه غير إللى فى رأسها

بقلم أروى عادل 

الدكتور ٠٠ اه فيها ضلعين متحركين من مكانهم ده غير كسر فى دراعها اليمين .. وفيها كدمات فى كل جسمها

معتز ٠٠ طيب متشكرين يا دكتور

انصرف الطبيب و هنا قال سالم 

السالم ٠٠ الحمدلله انها جات على أد كده 

هنآ هتفت أميلى بغضب 

إميلى ٠٠ الحمدلله انها جات على أد كده ..

و امال كان المفروض تموت عشان ترتاحوا منها خالص

سالم ٠٠ ليه بتقولى كده.. انا أقصد ...

قطعت أميلى جملته بحده 

أميلى ٠٠ أنا اللى غلطانه انى ماخدتش بنتى ومشيت بعيد عن مشاكلكم

شهد ٠٠ طنط أميلى مش وقت الكلام ده دلوقتى 

أميلى ٠٠ أمال وقته امتى لما بنتى تروح منى

هنا خرجت تاليا من الغرفة العمليات 

و بعد مرور أربع ساعات كان  قلق و الخوف سيطر على الجميع لأن تاليا مازالت غائبه عن الوعى لم تفوق بعد 

مروان ٠٠ يعنى ايه  لسه مافقتش لحد دلوقتى

سالم ٠٠ اهدى يابنى مش كده 

أميلى ٠٠ لأ كده الموضوع بقى يقلق.. دى بقالها أربع ساعات بعد العمليه ولسه مافقتش

هنا دخل طارق و معاه ثريا و معاهم ساره

بقلم أروى عادل 

طارق ٠٠ تاليا عامله ايه دلوقتى

سالم ٠٠ لسه يابنى مافقتش

ساره ٠٠ طيب الدكتور قال ايه

شهد ٠٠ قال الضاربه على رأسها كانت قويه عشان كده يمكن تكون دخلت فى غيبوبة مؤقته

ثريا ٠٠انشاء الله هتبقى كويسه .. 

ثم اقتربت ثريا من مروان الذى كان فى حاله لا يرثه لها و ربتت على يده و هتفت

ثريا ٠٠ مروان انتى كويس يا حبيبى

هتف مروان بصوت مخنوق و قلب ممزق 

مروان ٠٠ انتى شايفه ايه

ثريا ٠٠ شايفه انك طول عمرك راجل قوى يعتمد عليه . ماينفعش تيجى دلوقتى و تضعف اجمد يابنى عشان.....

قبل أن تكمل جملتها   هتف مروان بأنهيار بوجع و حزن وهو يضع يده على صدره 

مروان ٠٠ مش قادر٠٠  حاسس انى مش قادر  التنفس .و روحى يتنسحب منى  . لو جرالها حاجة هموت فيها 

قال جملته ثم أرتمى فى حضن أمه الذى قالت ببكاء

ثريا ٠٠ بعد الشر عليك يا حبيبى .. انشاء الله ربنا هينجيها .. تاليا قويه و هتقوم منها بالسلامه 

بينما كان الجميع ينظرون ل مروان بأستغراب و دهشه.. لانه معروف عنه القوة و الصلابه 

بقلم أروى عادل 

/////////////////////////////

فى فيلا مروان 

************

غرفة سلين

٠٠٠٠٠٠٠

دلفت سلمى الغرفة سلين مندفعه

هتفت

سلمى ٠٠ انتى لسه قاعدة يلا معايا نروح المستشفى

سلين ٠٠ تفتكرى ماتت

سلمى ٠٠ لاء عايشه ٠٠و خرجت من العمليات من كام ساعة كمان

سلين ٠٠( بخوف) يبقى أكيد هتقول على حصل احنا خلاص انتهينا 

سلمى ٠٠ بقولك ايه انتى لازم تجمدى قلبك عشان محدتش يشك فينا

سلين ٠٠ أنا ماليش دعوة انتى إللى عملتى كل حاجة 

سلمى ٠٠ اسمعى احنا الأتنين كنا مع بعض

سلين ٠٠ بس انا   ماقولتش ليكى تعملى إللى عملتيه 

سلمى ٠٠ يعنى انتى كنتى عايزانى اسيبها 

بعدين ما انتى كنتى معايا هى إللى. استفزتنى..

سلين ٠٠ بس مش لدرجة انك تقتليها 

سلمى ٠٠اهى ياختى لسه عايشه طلعت زى القطط بسبع أرواح 

سلين ٠٠ انتى ايه مش حاسه انك عملتى حاجة .. انتى كنتى عايزه تموتى روح.

ملعون ابو الساعة إللى سمعت فيها كلامك 

سلمى ٠٠ اسمعى بقى ..لازم تعرفى اننا احنا فى الحوار ده مع بعض.  وانتى كنتى معايا فى كل حاجة .. فبلاش تعملى فيها بريئه دلوقتى

سلين ٠٠ انتى عايزه منى ايه دلوقتى

سلمى ٠٠ تقومى تلبسى عشان نروح المستشفى . لان وجدنا هنا هيخليهم يشكوا فينا 

سلين ٠٠ انتى مجنونه ما أكيد تاليا هتقول إللى حصل . 

سلمى ٠٠  أنا اتصلت على عمى سالم و قالى انها لحد دلوقتى لسه مافقتش و الدكتور بيقول ممكن تكون دخلت فى غيبوبه

سلين ٠٠ ماهى اكيد هتفوق

بقلم أروى عادل 

سلمى ٠٠ انتى دكتوره و عارفة انها وقعت على رأسها جامد فى احتمال كبير  انها تفضل فى غيبوبة وقت طويل .. وفى احتمال كمان انها متكونش فاكره ايه إللى حصل

سلين ٠٠ انتى عرفتى الكلام ده منين 

سلمى ٠٠ سألت .. بس انتى قوليلى الكلام إللى انا قولته مظبوط 

سلين ٠٠ علميآ أه .. خصوصآ لو دخلت فى غيبوبة غالبآ مابتكونش فاكره حاجة..

سلمى ٠٠ انتى ليه قولتى علميآ

سلين ٠٠ مخ الإنسان عضو معقد و حساس متقدريش تتوقعى  ممكن يكون الضرر إللى حصلها وصل لفين

سلمى ٠٠ بقولك ايه بلاش كلام الكبير ده .. المهم فى كل ده .. ان كلامى صح

/////////////////////////////

فى  مساء اليوم التالى

المشفى 

***********

غرفة التى بها تاليا فى المشفى

******

مازالت تاليا مستلقيه على الفراش فاقدة الوعى 

والجميع محطين بها الكل حزن فى انتظار انها تستعيد وعيها بين اللحظه و الأخرى لكن الأمر طال ممكن جعل الجميع متوتر 

معتز ٠٠ يا جماعة احنا مالناش لازمه هنا .. 

لازم الكل يروح يرتاح 

طارق ٠٠ معتز عنده حق تاليا كده كده مش حاسه بوجدنا . 

مروان ٠٠( بحزن) الكل يروح ينام فى بيته

سلمى ٠٠ وانتى كمان يا مروان .. محتاج ترتاح

مروان ٠٠ أنا مش هرتاح طول ما تاليا نايمة على السرير ده

سلين ٠٠ مروان حبيبى  انت كده بتجهد نفسك 

مروان ٠٠ ( بغضب) قولت انا هفضل هنا خلاص بقى مش عايز كلام من حد تانى

شعرت سلين بضيق من حديث مروان لذلك صمتت 

ثريا ٠٠ بس يا مروان همآ عندهم حق لازم  تنام شوية عشان تقدر تكمل يابنى 

مروان ٠٠ و هيجى منين بس النوم يا أمى

وعلى العموم انا ليه أوضة هنا فى المستشفى لو حسيت انى تعبان . هروح ارتاح فيها

شهد ٠٠ و حضرتك يا طنط إميلى 

أميلى ٠٠ أنا ايه . انا مش هسيب بنتى

ساره ٠٠ بس حضرتك مانمتيش من أمبارح  

شهد ٠٠ كمان ضغطك واطى 

ثريا٠٠ تعالى روحى معايا  الليله دى و من الصبح هنيجى انا وانتى

أميلى ٠٠ لاء انا هفضل.٠٠٠٠

قطع مروان جملتها و هتفت 

بقلم أروى عادل 

مروان ٠٠ مافيش لاء الكل هيروح ..ماما ياريت ترجعى على الفيلا 

ثريا ٠٠ لاء يا مروان انا مش هرجع٠٠٠٠

قبل أن تكمل عبارتها هتف مروان بضيق 

مروان ٠٠ ماما انا فيا إللى مكفينى.. ياريت تسمعى الكلام و ترجعى الفيلا 

لان ثريا تعلم ان مروان فى حالة لا تسمح لها بالجدال معاه هتفت

اقرا ايضارواية عِـشـق الـفـارسي الفصل الرابع والثلاثون 34بقلم رقة فراشه جديده وحصريه

اقرا ايضارواية فرحة لم تكتمل الفصل السادس 6 بقلم رحمة ابراهيم حصريه

اقرا ايضارواية دكتور قلبى الفصل السادس عشر 16 بقلم ملكه زماانى حصريه

اقرا ايضااسكربت شياطين الانس الحكاية الاولي رغبات قاتلة الفصل الرابع 4 بقلم سلمى سمير

ثريا ٠٠ حاضر يا مروان .. 

طارق ٠٠ طيب يالا عشان اروحكم 

بالفعل غادروا جميعآ ظل فقط مروان 

الذى استلقى بجوار تاليا على الفراش و حضنها و هنا أنهار ستار القوى المزيف الذى كان يطصنع به و ظل يبكى مثل الطفل الصغير وهو يهتف من بين دموعه  

مروان ٠٠ تاليا أوعى تفكرى تسيبنى بطريقة دى انا مقدرش أستحمل أعيش فى دنيا انتى مش فيها .. انا عارف انى أذيتك كتير و جيت عليك كتير بردوا. و استحملتى كتير منى . وعارف كمان  انى كنت انانى  معاكى .. بس واللهى بحبك . وعمرى فى حياتى كلها حبيت واحده غيرك . ولا اتمنيت ست غيرك

هنا ازاحه دموعه وهتف بوجع و قهر

مروان ٠٠ تمام ..اذا ده كان عقابك ليا..فأن بقولك انا مش قادر أستحمله واللهى صعب عليه. انى اشوفك فى الحاله دى ..

ثم صمت دقايق و رجع هتف مره اخره

مروان٠٠  طيب فوقى وانا مستعد أعملك كل إللى انتى عايزاه. حتى لو عايزه تسيبنى

و تمشى انا راضى بس قومى ماتعمليش  فيا كده

  

///////////////////////////////

بعد مرور أسبوع 

****************

الحال كما هو عليه مما جعل الجميع فى حالة قلق و رعب على حالة تاليا

بينما شعرت كل من سلمى و سلين بأطمئنان 

بينما لم يغادر مروان المشفى طول ذلك الأسبوع حيث كان يظهر عليه التعب و الأرهاق

بقلم أروى عادل 

فى الكافيه المشفى 

***************

كان يجلس مروان و معتز 

معتز ٠٠ انت شكك فى حاجة 

مروان ٠٠ مش عارف .. بس تاليا لو وقعت على السلم ماكنتش تكون فيها الإصابات دى كلها ..ماكنتش الواقعه هتبقى بقوة دى

معتز ٠٠ تقصد ان في حد هو إللى زقها

مروان ٠٠ متهيألى ده التفسير المنطقى للأصابات الكتير إللى فيها ده 

معتز ٠٠ عندك حق هى لو كانت وقعت عادى ماكنتش الإصابات هتبقى خطيره أوى كده 

مروان ٠٠ اقسم بالله لو فعلآ حصل و حد هو إللى. عمل فيها كده لأكون قتلو بأيدى 

معتز ٠٠انت شكك فى حد معين

مروان ٠٠ شهد قالتلى ان تاليا كانت رايحه على أوضتة سلين

معتز ٠٠ لاء ما أطنش أن سلين تعمل حاجة زى كده 

مروان ٠٠ ماهى سلين أو سلمى .. دول أكتر اتنين بيكرهوا تاليا وعندهم استعداد يأذوها 

معتز ٠٠لما أنت عارف كده ليه سيبهم عايشين مع تاليا فى نفس الفيلا 

لم يرد عليه مروان لأنه يعلم أن لديه حق لكنه لم يتوقع أن الغيره ممكن أن تدفع أحد للقتل من أجلها

معتز ٠٠ ساكت ليه 

مروان ٠٠ عشان عارف انك عندك حق.. أنا ماكنش ينفع اسيب سلمى و سلين فى نفس المكان إللى فيه تاليا ... تفتكر إللى حصل

ل تاليا انا كنت السبب فيه

معتز ٠٠ بص يا مروان هو الكلام دلوقتى مابقاش له لازمه إللى حصل حصل .. واحنا أساسآ مش متأكدين ان سلين أو سلمى ليهم أيد فى إللى حصل ل تاليا

مروان ٠٠ أنا اتصلت بسلين .. هى زمانها جايه عشان أعرف منها ايه إللى حصل

ما من دقائق حتى جاءت سلين و بعد ما جلست قال مروان

بقلم أروى عادل 

مروان ٠٠سلين .شهد قالتلى ان تاليا راحت أوضتك اليوم إللى وقعت من على السلم

هنا بلعت ريقها سلين بتوتر و هتفت

سلين ٠٠ مش فاهمه انت عايز تقول ايه

مروان ٠٠ مش فاهمه ايه انا سؤالى واضح تاليا جاتلك الأوضة

سلين ٠٠( بأرتباك) أه جات .. لاء ماجاتش 

مروان ٠٠ هو ايه إللى جات و ماجاتش 

   

حاولت سلين تسيطر على نفسها و أنفعالها حتى لا ينكشف أمرها لذلك قالت

سلين ٠٠ بصراحة هى جات و اتخنقت معايا زى عوايدها و بعد كده خرجت من الأوضة بعدها بثوانى سمعت صراخها ولم خرجت كانت وقعت من على السلم

  

مروان ٠٠ غريبه كل مره انتى إللى بتبدأى الخناق معاها . ايشمعنا المردى هى إللى جات على أوضتك و اتخنقت معاكى

سلين ٠٠ أنا هعرف منين ابقى أسألها 

مروان ٠٠ ياريت كان ينفع أسألها

معتز ٠٠ طيب يا سلين كان ايه سبب الخناقة المردى

سلين ٠٠ هو فى ايه انت و هو .. هو تحقيق ولا ايه.. عن أذنكم ان عندى شغل

قالت جملتها ثم انصرفت

معتز ٠٠ أيه رأيك فى كلامها

مروان ٠٠ مش عارف .. بس هى مش بتقول الحقيقه . فى حاجة هى مخبيها.  بس واللهى لو طلعت ليها أيد فى إللى حصل ل تاليا انا همحيها من على وش الدنيا

معتز ٠٠ عشان تخسر مستقبلك.  اسمعى

يا مروان . مهما يكون مين إللى عمل كده فى قانون هيحسبوا

مروان ٠٠ بس اتأكد الأول و ساعتها نبقى نشوف مين إللى هيتحاسب... انا هطلع اشوف تاليا

قال جملته ثم انصرف 

////////////////////////////

كانت سلين متوتر بعد حديث مروان معاها لذلك قالت بالأتصال بسلمى 

وأول ما ردت عليها سلمى هتفت سلين بخوف

بقلم أروى عادل 

بدايه المكالمة

سلين ٠٠سلمى بقولك انتى زى ما دخلتينى فى الحوار ده طلعينى منه  

سلمى ٠٠ يا حول الله يارب.. فى ايه 

سلين٠٠ مروان بيشك فيا

سلمى ٠٠ ( ببرود) طبيعى يشك فيكى .لأن الفتره الأخير كانت فى مشاكل بينك وبين تاليا كتير 

سلين ٠٠ كمان الزفته إللى اسمها شهد قالتلو انها كانت جايه عندى فى الأوضة قبل ماتقع من على السلالم

سلمى ٠٠ ماكناش عاملين حساب شهد دى كمان  .. قوليلى . قولتيلو ايه لما سألك ليه تاليا جاتلك الأوضة

حكت سلين ما قالته ل مروان ثم هتفت

سلين ٠٠ أنا خايفه مروان لو عرف إللى حصل هيم.........

قطعت سلمى جملتها بجده و هتفت

سلمى ٠٠ ماهو خوفك ده إللى هيكشفنا.. اسمعى يا سلين لازم تهدى خوفك و توترك ده إللى. هيخلى مروان يتأكد ان شكه فى محله

سلين ٠٠ ما انتى مش على بالك حاجة انا إللى فى وشك المدفع 

سلمى ٠٠ سلين مروان زى ما بيشك فيكى بيشك فيا . بس الشطاره هنا اننا نشيل الشك ده من قلب مروان اتجهنا .. 

سلين ٠٠ طيب ازاى هنعمل كده  

سلمى ٠٠  لازم نكون طبيعين . نتعامل عادى خالص . كأن مافيش حاجة حصلت فاهمة

سلين ٠٠ فاهمة.. لما اشوف اخرتها معاكى

قالت ما قالته ثم أغلقت الخط

انتهت المكالمة 

هنا هتفت سلمى 

سلمى ٠٠ أنا كنت ناقصة غبائك انتى كمان 

ثم  اقتربت من أحد الادراج و اخرجت حقنه و هتفت بشر  وهى مسكه الحقنة

سلمى ٠٠ أنا لازم اخلص من تاليا قبل ما تفوق 

بس ازاى . انا بقالى أسبوع ومش عارفة استفرد بيها لوحدها.. انا كل إللى محتاجاه دقيقة وحده أعرف أديها الحقنة دى .. واخلص منك بقى يا تاليا  . ساعتها تلبسها الغبية إللى اسمها سلين و اخلص منهم الأتنين و ارتاح

بقلم أروى عادل 

/////////////////////////

بعد ساعات

فى المشفى

***********

فى غرفة تاليا 

كانت أميلى حزينه و غاضبة و مقهوره وهى تحمل مروان مسؤولية ما حدث ل تاليا

ثريا ٠٠ يعنى انتى مش شايفه الحاله إللى فيها مروان .

أميلى ٠٠ شايفه.. بس ده مايمنعش انه هو السبب فى الحالة اللى فيها بنتى

ثريا ٠٠ قصدك ايه . إللى فيه تاليا ده قضاء ربنا

أميلى ٠٠ قضاء ربنا ولا عمايل مروان و نزواته

ثريا ٠٠ استغفرى ربنا إللى بتقوليه ده

شهد ٠٠ خلاص يا طنط أميلى مالهوش لزمه الكلام ده

سالم ٠٠ وانتى كمان يا ثريا ياريت تعذريها دى بردوا بنتها

ثريا ٠٠ واللهى عذراها . و عارفه انها قلبها محروق على بنتها ده من حقها.  بس مروان كمان قلبه محروق زيها و يمكن اكتر .. فحرام كمان يشيل حمل إللى حصل ل تاليا 

أميلى ٠٠ أنا متأكده أن إللى حصل ل تاليا مروان هو السبب فيه

كل ذلك كان يحدث و مروان جالس بجوار تاليا ماسك يديها و يتطلع بها ..  ولا يهتم بما يحدث حوله و كأن الأمر لا يعنيه

بقلم أروى عادل 

أميلى ٠٠على فكرة أعملوا حسابكم. بنتى هتخرج من المستشفى على الطياره  على طول فاهمين ..انا مستحيل اسيبها ليكم تانى

شهد ٠٠ طنط مش وقت الكلام ده

مروان ٠٠ بس تقوم هى بالسلام و إللى عايزاه انا هعملهولها 

فى المساء 

كافيتريا المشفى 

٠٠٠٠٠٠٠٠٠٠٠٠٠٠٠٠٠٠

كان يجلس مروان يحتسى القهوة عندما جاءه طارق و جلس على المقاعد الذى أمامه وهتف

طارق ٠٠ أنت هتفضل زعلان منى كتير

هنا لم يرد عليه مروان بل اكتفى بأرتشف  رشفة من فنجان القهوة

طارق ٠٠ يعنى مش عايز ترد عليا 

مروان ٠٠ طارق مش وقتك خالص انا فيا إللى مكفينى

طارق ٠٠ مروان و اللهى تاليا من يوم متجوزتك و هى أختى وبس

حاول مروان يسيطر على انفعاله وهو يقول

مروان ٠٠ وقبل  جوازى منها كانت ايه

طارق ٠٠ أنت مالكش تحاسبتى على مشاعرى اتجاه تاليا قبل ما تتجوزها .. بس إللى لازم تعرفو  ان من ساعة ما أرتبط بتاليا  وهى بقت بنت عمى و اختى بس

بقلم أروى عادل 

مروان ٠٠( بغضب) و المفروض انا اصدق الكلام ده . 

طارق ٠٠ لازم تصدق لان دى الحقيقة

اساسآ تاليا متعرفش حاجة عن مشاعرى ولا اى حد كان يعرف .. 

مروان ٠٠ وماما

طارق ٠٠ ماما الوحيده إللى كانت تعرف

مروان ٠٠ ورغم كده طلبت منى اتجوز تاليا

طارق ٠٠ ده نصيب..يمكن ربنا كان عايزك  تلاقى حب حياتك  

مروان ٠٠ مش عارف ده من حسن حظى ولا من سوء حظك

طارق ٠٠ مش مهم المهم  اننا كلنا راضين عن حياتنا و مقتنعين بشريك حياتنا

مروان ٠٠ صح عندك حق ..

٠٠٠٠٠٠٠٠٠٠٠٠٠٠

فى غرفة تاليا

٠٠٠٠٠٠٠٠٠٠٠٠٠٠

سالم ٠٠ يالا يا جماعة عشان تروحوا

سلمى ٠٠ طيب روحوا انتو . انا هستنا طارق أروح معاه. أصلى رايحه ازور عمتى نجوى عشان  تعبانه .

سالم ٠٠ هو طارق راجع تانى

سلمى ٠٠ أه هو  نزل يشرب قهوة فى الكافيتريا و طالع تانى على هنا

كانت سلمى تريد أن تظل بمفردها مع تاليا حتى تنتهز فرص لتخلص من حياتها لكن فشلت مخططها عندما هتفت أميلى

أميلى ٠٠ أنا هستنا لما مروان يجى 

سلمى ٠٠ أتفضلى انتى و انا معاها

هنا نظرت أميلى ل سلمى بضيق ثم دارت وجهها للجهة الأخرى وهتف

أميلى ٠٠ أنا مش هسيب تاليا لوحدها مع أى حد هستنا مروان

سالم ٠٠ طيب احنا هنستنكى تحت 

بعد دقائق من خروج ثريا و سالم 

وفجأة صرخت أميلى    

أميلى ٠٠ فتحت عينها

سلمى ٠٠ فى ايه 

أميلى ٠٠( فرحه) تاليا فتحت عينها انا شوفتها

سلمى٠٠ ( بتوتر) يمكن يكون متهيألك

أميلى ٠٠ لاء بقولك شوفتها ...انا هروح أنادى الدكتور

قالت ما قالته ثم خرجت مسرعة من الغرفة 

وهنا أخرجت سلمى حقنة من شنطتها

و هى تلتفت خلفها بأرتباك ثم  اقتربت من المحلول المعلق فى يد تاليا 

ثم دخلت الحقنه المحلول

هنا اتفضت من مكانها برعب  عندما سمعت صوت يقول 

#يتبع

الكاتبة الرواية/ أروى عادل 

توقعاتكم

من الذى دخل على سلمى

هل ستنجح سلمى فى لتخلص من تاليا

تكملة الرواية من هنااااااا