رواية نور حياتى الفصل الرابع والخامس بقلم رحمة محمد
رواية نور حياتى الفصل الرابع والخامس بقلم رحمة محمد
نور حياتي ☀️❤️٤
سليم :مش نواره ازاي يعني
نواره :انا اسمي نور بس ده اسمي في الجامعه
سليم :جامعه مره واحده كيف يعني وكيف ابوكي كان سامح انك تروحي مدارس اصلا
نواره :مهي امي قدمتلي باسم تاني نور واهو قريب من نواره بس ده يبقى اسم خالتي اتوفت صغيره ومعملوش وقتها شهاده وفاه فأنا دخلت المدرسه باسمها وكنت بروح على الامتحانات بس وابوي كان فاكر فكل مره اني بروح مشوار اطلع العب كدا يعني ولما امي ماتت أحمد كملي وبقي يعمل كدا لحد ما دخلت الجامعه وكنت بنزل معاه بحجه اني بخدمه لكن انا دلوقتي في سنه ٣ كليه هندسه يعني نفس جامعه أحمد ودلوقتي فاضل سنتين ومكناش انا واحمد عارفين نتصرف هو كان بيدور علي شغل في المحافظه واقعد معاه برضو بس ابوي رفض لحد ما ربنا حلها من عنده وبعتك ليا بص انا عارفه انك مش مجبور تخليني اكمل بس، وسليم ضربها قلم جامد على وشها وجابت من بقها دم
سليم :ولسه مخبيه ايه تاني يا بت ****المفروض اعمل ايه دلوقتي اطلقك وارجعك لبوكي علشان يعرف شغله معاكي اسمعي كلامي زين يا بت مفيش جامعه ولا تعليم واياكي حد يعرف الموضوع ده يموت هنا وفي أرضه سامعه بدل ما ادفنك هنا حيه، وسبها ومشى
نواره قامت غسلت وشها واتوضت وصلت وقعدت تشكي حزنها لربها فمين غيره هيسمعها ويساعدها
سليم :أحمد عايزك
أحمد :خير يا سليم، بس لقى بوكس في وشه جامد اوي في التاني
أحمد:انت اتجننت يا سليم
سليم :انت بتضحك على انا وابوي ها طب ابوك راجل مش إلى هو وكنتوا بتستغفلوه ايه انا كمان عايزين تعملوا معايا كدا برضو بقى انا سليم العزايزي يضحك على ده انا اموتك انت وهي وياتري كنت بتصرف عليها منين كنت بتشغلها راقصة ولا بتعزم اصحابك
أحمد :ضرب سليم بالبوكس جامد لدرجه انه كان هيقع بس تماسك نظرا لجسمه، نواره ديه أشرف منك بمليون مره انت سامع وإذا كان على التعليم من ورا الراجل ده احنا بس اخدنا ابسط حقوقنا نواره تبقى بت عمي واختي في الرضاعه بس مش بته ابدا
سليم :انت بتقول ايه، ازاي يعني هو انا كل يوم هكتشف حاجه جديده ولا ايه اسمع انا هقول لبوك وهو يتصرف معاك
أحمد :مسك دراعه. اسمع إلى عندي الأول وبعدها إلى انت عايزه قرره، نواره تبقى بت عمي ابوها مات من لما كانت لسه عيله في اللفه وطبعا انت عارف التقاليد هنا لما يموت الزوج مراته تبقى لخوه اتجوزها وقتها وامها رضعتني علشان الحرمانيه كنت أكبر بسنتين بس رضعتني وامي ماتت وبعدها.....
نور حياتي ☀️❤️٥
احمد :بعدها كانت أم نواره امي واكتر شويه كانت بتحبني قوي وعمرها ما فكرت انها تفرق بيني وبين نواره ابدا بس ابوي مكنش كدا ابوي بيكره نواره كره العمى ومحدش عارف ليه كان يضرب فيها من وهي عندها ٣سنين كان أقل غلطه يضرب فيها وامها متقدرش تعمل حاجه ولا انا حتى اقدر ولما نواره وصلت لسن المدرسه امي ودتها معاي بس ابوي لما رجعت ضربها وكسرلها رجلها امي وقتها تعبت فققرت انها تزور شهاده ميلاد لنواره علشان تدخل المدرسه لأن تعليمها هو الحاجه الوحيده اللي تقدر تحميها بعد ربنا من ابوي وشره بس ماتت ونواره في ٢ثانوي وانا كنت في أولى هندسه مكنش قدامي حل غير اني أخدها معاي بحجه انها تخدمني ورجعها في الخفي تمتحن ونرجع كنت بشتغل جمب دراستي علشان اقدر أوفر مصاريف تعليمها لأن ابوي مكنش بيديني غير على كدي انا وبس حتى أكلها هي كان يقلي ارميلها البواقي لسه بعد كل ده جاي انت وتتكلم معاي كدا، يبقى اسمعني زين نواره تبقى بتي انا الي ربتها وعندي أغلى من الدنيا ومافيها إذا كنت انت عايز تطلقها طلق وانا هخدها وامشي بس انا مش عايز اخرب بيت اختي بأيدي فكر وحط اختك شهد مكان نواره وانت مكاني وشوف نفسك هتعمل ايه سلام
سليم قعد شويه يستوعب إلى قاله هو في حد ممكن ياذي إلى ليه كدا بس قرر يسمع منها وبعدها يقول قراره، بعدها روح البيت لقى نواره قاعده بتدعي ربنا انه يهديه ويحنن قلبه وأنه ميكنش زي عمها ابدا، سليم بعد ما سمع كل ده قرر انه ميظلمهاش ابدا وبعدين هو عمل زيهم بس احمد كان ارجل منه بكتير عرف يحافظ عليها وعلى سرها
سليم :اسمعي بكرا الصبح هننزل مصر حضري الشنط واه أحمد اخوكي هيحصلنا بعد ما يخلص إجراءات نقلك في السر يعني هيكون في مصر على بدايه السنه الجديده
نواره 😲😲:انت بتتكلم جد وجريت عليه حضنته، احلى سليم في الدنيا، سليم وقف صنم مش عارف يتحرك بس كل الي حاسه انه عايزها قريبه كدا ومش عايزها تبعد
نواره :احم اسفه بس اصلي متعوده على كدا مع احمد
سليم :في واحده تعتزر على حضنها لجوزها وبعدين لما تحبي تحضني تحضنيني انا بس ايه أحمد ده، حتى طلع ابن عمك مش اخوكي لازم ولا حاجه
نواره :لا كله إلا الغالي ده ابويا التاني عوض ربنا وكرمه عليا
سليم :وهو راجل فعلا بس المهم في حاجات مهمه لازم نتفق عليها من قبل ما نسافر وأولها انك مش مرتي خالص
نواره :اومال ايه هتاخدني على اني الجرل فريند بتاعتك ولا ايه
سليم :......
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق