رواية خيوط الحب الفصل الاول حتى الفصل العشرون بقلم الكاتبه جنات حصريه
وجديده على مدونة موسوعة القصص والروايات
رواية خيوط الحب الفصل الاول حتى الفصل العشرون بقلم الكاتبه جنات حصريه
وجديده على مدونة موسوعة القصص والروايات
#روايه خيوط الحب
#الكاتبه جناته
««الشخصيات»»
احداث روايتنا هتكون فى احدى المناطق فى القاهرة
فى عمارة راقيه بتتكون من ٦ طوابق
٭ الدور الاول (الارضي)
وهو محل كبير مجوهرات الصياد وهو ملك لصاحب العمارة
★★★
٭ الدور التانى
فيه شقه صاحب العمارة (حسين الصياد)
تعالو نتعرف على عيلته
←حسين الصياد
اتوفى بعمر ٥٠ سنه
كان عنده محل مجوهرات فى العمارة بتاعته وابنه هو اللى اتولى مسؤليته بعد وفاته
←هناء
زوجه حسين عندها ٥٠ سنه
طيبه جداا بتحب ولادها جداا اللى بتعتبرهم اهم حاجه فى حياتها
←يوسف
الابن الاكبر عنده ٣٠ سنه
شخصيته جد جداا فى الشغل لكن مع عيلته والناس القريبين غير
والده اتوفى لما كان فى سنه اولى فى كليه هندسه لان حلمه كان يبقي مهندس بس لما والده اتوفى ساب الكليه واتولى محل المجواهرات بتاع والده وعنده معرض عربيات بتاعه فى نفس المنطقه قريب من العمارة
←نورة
البنت الصغيرة الدلوعه عندها ٢٣ سنه
فى كليه هندسه لان دى رغبه اخوها اللى بتعتبره اقرب حد ليها ومش بتخبي عليه حاجه
شقيه ومرحه جداا الكل اللى حوليها بيحبوهاا
★★★
٭الدور التالت
شقه حسن الصياد اخو حسين الصياد الصغير
←حسن
عنده ٥٥ سنه
طيب جدااا وشخصيته ضعيفه جداا خصوصا قدام زوجته
بيشتغل مع يحيي فى محل المجوهرات
←سوسن
زوجه حسن ٤٩ سنه
شرانيه جداا من الاخر عقربه بتكره صفاء وولادها
←ايه
بنتهم الوحيده ٢٥ سنه
نفس شخصيها امها
بتحب يوسف لدرجه الهوس
★★★
٭ الدور الرابع
شقه مستأجرة سلوى
←صفاء
عندها ٤٥ سنه
زوجها محمد متوفى وكانو عايشين فى الاسكندريه فى بيت عيله محمد بس سابو البيت لان اهله كانو بيعاملوهم بطريقه مش كويسه واجو القاهرة واستاجرو شقه فى عمارة الصياد
لان محمد زوج صفاء كان صديق لحسين الصياد وصفاء وهناء زى الاخوات ولما هناء عرفت انها هتسيب البيت وقالتلها تيجى تعيش معاهم فى العمارة وصفاء رفضت تعيش كدا من غير ماتدفع فلوس وصممت انها تاجر الشقه وتدفع اجار كل شهر
وجت هى وبناتها
←فيروز
بنتها الكبيرة ٢٣ سنه
فى كليه هندسه مع نورة اتعرفو على بعض لما اجو العمارة وبقو صحاب جداا واكتر من الاخوات
مرحه وشقيه جداا وشخصيتها قويه اوى ومش بتسكت عن الحق
بتحب مامتها واختها جداااا
وكانت متعلقه بوالدها جداا ولما اتوفى ده اثر عليها
←نيرة
بنتها الصغيرة ١٠ سنين
فى سنه خمسه ابتدائى بنوته قمرايه محدش يشوفها الا ولازم يتعلق بيها وبشقاوتها
بتحب اختها فيروز جداا ومن حبها فيها بتقلدها فى كل حاجه تقريباااا
★★★
٭ الدور الخامس
دى شقه جاهزة وهى شقه يوسف الصياد وبيقضي اكتر وقته فيهاا
★★★
٭ الدور السادس
وهو سطح العمارة الكبير اللى كلها زرع وورد بجميع الالوان اللى بيهتم بيه فيروز ونورة اللى بيحبو الزرع وقررو يملو السطح كله زرع وورد
وفى كمان قاعده متزينه بالةرد والنور عشان اكتر الوقت نورة وفيروز بيذاكرو فوق على السطح
=================
امير
٣٠ سنه
صديق يحيي المقرب
شريك يوسف فى معرض العربيات
والده وولدته متوفين وهو عايش لوحده فى شقه فى احدى العمارات فى القاهرة
&&&&&&
روايه خيوط الحب
#الكاتبه جنات
#الباررررت1/2
روايه خيوط الحب
««الفصل الاول»»
تبدأ روايتنا فى واحد من احياء القاهرة وتحديدااا فى عمارة الصياد الدور التانى فى شقه محسن الصياد صاحب العمارة
اول مابندخل من باب الشقه بنلاقيها شقه راقيه وبسيطه وفيها رسيبشن متوسط الحجم وسفره بتتكون من ٦ كراسي وجمبها باب المطبخ والحمام وفى ٣ اوض اوضه الام هناء واوضه يوسف اللى بتتميز بطابع الشبابي وكلها بلون الرمادى واوضه نورة اللى كلها بلون الابيض اللى بتعشقه وفى حمام وبلكونه متوسطه الحجم فى كل اوضه ده غير البلكونه الكبيرة بتطل على الشارع الرئيسى الموجوده فى الريسبشن وكل شقق العمارة بنفس النظام ده
هناء خرجت من المطبخ ودخلت اوضه بنتها نورة
هناء:بت يانورة اصحى بقي هتتاخرى على الكليه
نورة بنوم:سبينى شويا بس ونبي ياماما
هناء:لما انتى هتصحى بدرى بتسهرى على السطح ليه
نورة قامت قعدت:كنا بنذاكر ياهنون ياقمر صباحك فل
هناء ضحكت:صباح الخير ياختى يلا قومى صلى وغيرى عشان تفطرى قبل ماتنزلى
نورة:حاضر
هناء خرجت ونورة دخلت الحمام واتوضت وصلت فرضها وغيرت وخرجت من اوضتها ودخلت المطبخ
نورة:هو يوسف لسه نايم
هناء:اخوكى صحى وفطر ونزل من بدرى ياحبيبتى
نورة:مافيش يوم يتاخر ابداا
هناء:اخوكى بيفكرنى بابوكى الله يرحمه كان روحه فى شغله
نورة ضحكت:بس ابنك روحه فى الشغل وحاجه تانيه ياهنون
هناء ضحكت:ويارب تبقي من نصيبه
نورة:يارب
هناء:خدى يلا كلى السندوتش ده
نورة اخدت سندوتش وبدات تاكله:هروح اكلم فيروز اشوفها صحت ولا
****************
نروح لدور التالت وهى شقه حسن اخو حسين والشقه اللى عايشين فيها حسين قبل مايتوفى كتبها باسم حسن
كانو قاعدين على السفره بيفطروو
سوسن:بت ياايه يلا كلى عشان تنزلى معايا نجيب الطلبات
ايه بفرحه عشان هتشوف يوسف:حاضر ياماا
حسن:انا هنزل الشغل عايزين منى حاجه
سوسن:لا يااخويا مش عايزين وياريت متنساش تكلم ابن اخوك يزودلك المرتب شويا
حسن:لا مش اقوله ولا هتكلم معاه فى حاجه والفلوس اللى باخدها اخر الشهر كتير اوى انا اصلا مش بعمل حاجه دانا طول النهار قاعد
سوسن:يووه ياراجل وبعدين ده حقك هو انت بتشحت منه
حسن:حقى فى ايه ياسوسن هانم
سوسن:مش انت ليك فى المحل ده يعنى ورثك من اخوك
حسن:مليون مرة نتكلم فى الموضوع ده حسين اخويا الله يرحمه كتبلى الشقه اللى احنا عايشين فيها وده ورثى منه وملناش حق لا فى المحل ولا فى العمارة وقفلى على الموضوع ده بقي
حسن خرج متعصب
سوسن بصت لبنتها:قومى ياختى غيرى عشان ننزل
ايه:حاضر
ايه دخلت اوضتها
سوسن بهمس:خليكى زى الخيبه كدا مش عارفه توقعى ابن هناء اااااه لو تبقي من نصيبه بس اقول ايه من يوم ماجت صفاء وبنتها اللى كلت عقله ومش شايف غيرهاا
***************
نطلع لدور اللى بعده الدور الرابع وتحديداا فى اوضه فيروز اللى كلها بلون البينك ورسومات الفراشات اللى هى بتحبها
نيرة اختها الصغيرة دخلت الاوضه كانت فيروز نايمه وشعرها الاسود مغطى وشهاا
نيرة فتحت ستارة وباب البلكونه والاوضه نورت وفيروز فتحت عينيها بضيق:ياماما اقفلى الستارة
نيرة نطت على السرير:اصحى بقي ياروزة
فيروز بصتلها:هو انتى
نيرة:صباح الفل
فيروز شدتها لحضنها:صباح الحلاوة يانيرو
نيرة:يلا اصحى بقي
فيروز:لسه مروحتيش المدرسه ليه
نيرة:الباص لسه مجاش
فيروز:هقوم اصلى والبس
فون فيروز رن وكانت نورة:صباح الحلويات
فيروز:صباح البقلاوة خلصتى
نورة:اه وفطرت كمان
فيروز:هصلى والبس واخد سندوتش وانزل بسرعه
نورة:قشطااا يلا
فيروز دخلت الحمام وخرجت صلت وغيرت وخرجت من اوضتها كانت صفاء واقفه بتحضر السفرة حضنتها من ضهرها:صباحك بيضحك ياصفصف
صفاء:صباح الخير ياروح صفصف يلا عشان تفطرى
فيروز:لا انا هاخد شندوتش على السريع كدا
صفاء:طب خدى واحد اهوو
فيروز اخدته:يلا يانيرو
نيرة خرجت من اوضه مامتها اللى هى بتنام معاها:جيت اهو
فيروز:نفسي اعرف هتنامى فى اوضتك امته بقي ياما فى حضنى او فى حضن ماما
نيرة:مانتى عارفه بخاف انام لوحدى
فيروز:طب يلا ياختى
فيروز ونيرة ودعو صفاء ونزلو وقابلو سوسن وايه خارجين من شقتهم
نيرة:صباح الخير
سوسن:صباح الخير ياختى
ايه بصت لفيروز بغل:مشكلوش خير يامااا
فيروز:كل واحد ونينه يايويو يلا يانيرو
سوسن بهمس:يابنت الـ...
ايه:خلاص ياما يلا ننزل
فيروز نزلت وخبطت على شقه نورة اللى فتحتلهم هناء:صباح الخير يابنات
فيروز ونيرة:صباح الخير ياهنون
فيروز:نورة فين
نورة:انا اهو
فى الوقت ده نزلت سوسن وايه
سوسن:صباح الخير ياهناء
هناء:صباح الخير ياسوسن تعالو اتفضلو
ايه:مرة تانيه يامرات عمى نازلين نجيب شويا طلبات مش محتاجه حاجه
هناء:تسلمى ياحبيبتى
سوسن بغيظ من بنتها:يلا عشان منتاخرش
فيروز:يلا يانورة
نورة:هجيب شنطتى
نيرة:الباص وصل ياروزة
فيروز:استنى هاجى معاكى حصلينى على تحت يانورة سلام ياهنون
هناء:سلام ياحبيبتى
فيروز نزلت هى ونيرة وباستها وركبتها الباص اللى اتحرك وبصت على باب العمارة كانت نورة لسه منزلتش:اوف عليكى يانورة
نورة نزلت جرى:جيت اهو تعالى بس هاخد فلوس من يوسف
فيروز:لا روحى انتى انا هستناكى هنا
نورة:ماشي ياختى
نورة دخلت المحل وكان يوسف قاعد بكل هيبته على المكتب
نورة:صباح الفل ياچوو
يوسف ضحك:صباح الجمال يانوارة قلبي تعالى
نورة:لا انا مستعجله
يوسف فتح الدرج وطلع ظرف:اتفضلى الفلوس اللى طلبتيها اهى
نورة اخدت الظرف:ربنا يخليك للغلابه ياخويا
يوسف:والله مانا عارف دخلوكى كليه هندسه ازاى
نورة:يابنى ده شرف ليهم والله
يوسف:ماشي ياختى
نورة:يلا سلام احسن فيروز هتقتلنى
يوسف:هى برا
نورة:ايون هتخرج معايا
يوسف:لا ورايا شويا شغل
نورة:اول مرة يعنى
يوسف:امشي يابت يلا من هنا
نورة:سلام
*****************
فيروز واقفه تبص فى الساعه:اوف هى هتنام جواا
نورة خرجت من المحل:سورى ياروزة يلا
نورة ركبت العربيه اللى يوسف مخصصها توصلهم وترجعهم من الكليه وفيروز لفت عشان تركب عينيها جت على المحل كان يوسف واقف على الباب وبيبصلها اوى فيروز ركبت العربيه بسرعه
نورة بتبص من الشباك:قال بيقولى عندى شغل قال
فيروز:قصدك ايه
نورة:تصدقى يابت انتى معندكيش دم مش ناويه تحنى على الغلبان اللى هيموت عليكى ده
فيروز:قفلى على الموضوع ده خالص يانوره لوسمحتى
نورة:قفلت ياختى قفلت
بعد شويا وصلو الكليه ودخلو المحاضرة
****************
فى محل مجوهرات الصياد
امير دخل:صبح صبح ياباشا
يوسف:تعالى ياامير
امير:حضرتك مش ناوى تيجى المعرض انا طالع عينى فيه لوحدى
يوسف:انت عارف اليومين دول جالى بضاعه جديده ومش عارف اسيب المحل خالص
امير:ربنا يعينك ياصاحبي
يوسف:اخبار الصفقه الجديده ايه
امير:ضن يامعلم والشحنه هتوصل على الاسبوع الجاى
يوسف:حلو الكلام
امير:انت مصمم تنزل العربيات بالاسعار دى
يوسف:اممم
امير:كدا الخسارة لينا
يوسف رجع ضهره على الكرسي:ولا خسارة ولا حاجه هنبيع بسعر اقل بس كميه اكبر
امير:دماغ الماظ يامعلم
يوسف:وقطع الغيار هتوصل امته
امير:كمان يومين
يوسف:تمام وانا هحاول افضي نفسي واجيلك المعرض نخلص كل الشغل قبل شحنه العربيات ماتوصل
امير:تمام ياصاحبي همشي انا بقي
يوسف:تمام
**************
فى الجامعه نورة وفيروز خلصو المحاضرة وقاعدين فى الكافتيريا
نورة:مالك ياروزة
فيروز:مالى مانا كويسه اهو
نورة:اصلك ساكته وده على غير العاده يعنى
فيروز:صدعت من ام المحاضرة دى
نورة:على رايك دكتور غبي
فيروز:خلينا نمشي يلا
نورة:يلا احسن هنون النهارده عامله حله محشي انما ايه
فيروز:ايواا بقي
نورة:هتيجى تاكلى معايا على فكرة
فيروز:لا
نورة:كنت عارفه انك هتقولى لا على فكرة بس متقلقيش هناخد طبقنا ونطلع على السطح
فيروز:اذا كان كدا اوك يلا بينا
البنات خرجو من الكليه وركبو العربيه ورجعو على البيت
******************
البنات وصلو البيت
فيروز:هطلع اغير واستناكى على السطح
نورة:قشطااا
نورة دخلت البيت:سلامعليكووووو
يوسف:الدوشه وصلت
نورة:اخص عليك ياچوو بقي انا دوشه
يوسف:لا بنت خالتها ياختى
هناء:يلا يا ولاد الاكل جاهز
نورة:لا ياهنون ياقمر انتى تحضريلى طبق محترم كدا عشان هطلع اكل انا وروزة على السطح
هناء:طب ماتيجى تاكل معاكى هنا
نورة:هناكل واحنا بنذاكر ياماما
هناء:حاضر غيرى هدومك على مااحضره
يوسف:انا طالع اجيب شويا ورق من شقتى ونازل
هناء:اوعى تشتغل وتنسي الاكل ياحبيبي
يوسف:لا نازل على طول ياست الكل
نورة بهمس:ورق مهم اوى يعنى
يوسف ضربها على راسها:امشي يابت من هنا
نورة بغمزة:ماشي هروح اغير وبراحتى خالص وعد الجمايل بقي
يوسف ضحك وخرج من الشقه وطلع وقف قدام شقته وسمع صوت الباب شقه فيروز بيتفتح
نيرة:هاجى معاكو ونبي
فيروز:يانيرة احنا هنذاكر ياحبيبتى تيجى تعملى ليه
صفاء:اسمعى الكلام يانيرة وادخلى اعملى واجبك يلا
نيرة:يوووووه طب اطلع اعمله معاهم فوق
صفاء:انا قولت لا يلا ادخلى اوضتك
نيرة بضيق:حاااااضر
فيروز ضحكت:مش هتاخر ياصفصف
صفاء:استنى ياحبيبتى خدى الطبق ده اتسلو بيه
فيروز:ياواد ياواد بسبوسه ومحشي كدا كتير علينا اوى
صفاء:يلا اطلعى
صفاء قفلت الباب وفيروز طلعت واتفاجت بيوسف واقف وساند على الحيطه
يوسف:مساء الفل
فيروز:مساء الخير
فيروز لسه هتمشي عشان تطلع السلم يوسف وقف قدامهاا
فيروز:نعم فى حاجه
يوسف:الصراحه فيه ان يومى كان وحش جداا النهارده
فيروز:وانا مالى يومك كان وحش ولا حلو
يوسف:ماهو بسببك
فيروز:بسببى انا ليه ان شاء الله هو انا كنت جيت جمبك
يوسف:ماهى دى المشكله انى مصبحتش على فراشتى النهارده عشان كدا يومى كان وحش
فيروز:انا بقي على عكسك الصراحه يومى كان جميل وهادى ورايق على الاخر عشان مشوفتكش النهارده
يوسف برفعه حاجب:لا والله
فيروز:اه والله عن اذنك بقي
يوسف اخد قطعه بسبوسه من الطبق:اتفضلى ياقمرى
فيروز بصتله بضيق وطلعت ويوسف عينه عليها لحد ماطلعت ونزل كانت ايه واقفه على السلم:ازيك ياابن عمى
يوسف:بخير يابنت عمى عن اذنك
يوسف نزل وايه كانت متغاظه لانها سمعت كلامهم ودخلت وقفلت الباب بقوة
نورة طلعت لفيروز واكلو سواا المحشي وحلوو بالبسبوسه وذاكرو كتير ولما تعبو نزلو عشان يناموو...
روايه خيوط الحب
««الفصل التانى»»
صباح تانى يوم فيروز ونورة نازلين من على السلم
نورة:ارحمى امى بقي
فيروز:انا جيت جمبك يابنتى
نورة:دانتى ملاك يابنتى والله
نيرة:انا حاسه انى ماشيه مع اطفال والله
نورة وفيروز بصو لبعض:اطفال
نيرة سابتهم وخرجت وقابلت يوسف
نيرة:صباح الخير يايوسف
يوسف:صباح الجمال والحلاوة يانيروو الجميل ماله زعلان
نيرة بصت على فيروز ونورة اللى خرجو من بوابه العمارة:الاطفال دول زهقونى
نورة:ايه البت دى ماتحترمى نفسك شويا
نيرة:مانتو نازلين تتشاكلو سوا بنات هايفه اوى
فيروز:نيرة عيب كدا ويلا الباص وصل
نيرة:باى باى
نورة وفيروز:باى
نيرة طلعت الباص
نورة بصت لفيروز:احنا بنات هايفه
فيروز ضحكت:يلا ياختى عشان نمشي
يوسف:اركبو انا هوصلكو
نورة:اومال فين السواق
يوسف:انا رايح المعرض هوصلكو فى طريقى
نورة:اوكى
يوسف ركب العربيه وفيروز ونورة ركبو ورا وطول الطريق فيروز ونورة بيتكلمو ويوسف عينه على فيروز فى المرايه فيروز لاحظت نظراته وبصت فى الشباك لحد ماوصلو عند الكليه ونزلو هما الاتنين ويوسف راح على المعرض
*****************
فى شقه حسن
سوسن:ماهو من خيبتك يابنت بطنى
ايه:وانا اعمل ايه ياما عماله البس واحط ايشي احمر وايشي اخضر وهو مش شايف غيرها
سوسن:كان يوم اسود يوم ماجت تعيش هنا بنت صفاء
ايه:اللى غيظنى ياما انه هيموت عليها وهى مش طيقاه ولا بتعبره وبردو بيجرى وراها
سوسن:لااا يوسف الصياد مبيجريش ورا حد هو اه بيعشقها بس هيجى الوقت اللى هيزهق من طريقتها معاه
ايه:يارب ياما يزهق منها ويبعد عنها بقي
سوسن:وحياتك حتى لو فكر بس يتقدملها انا اللى هبوظ كل حاجه وعد منى مش هيكون غير ليكى
ايه حضنت امها:حبيبتى ياسوسو
***************
فى معرض العربيات بتاع يوسف وامير
يوسف قاعد على المكتب وامير قاعد قدامه
يوسف:انا كلمتهم عشان الشحنه تيجى فى اسرع وقت
امير:وهتوصل امته
يوسف:كمان ٣ ايام
امير:تمام وكل حاجه جاهزة هنا متقلقش
يوسف:عملت اللى قولتلك عليه
امير:كله تم ياباشا
يوسف:كويس اوى خليك مفتح اوى ياامير
امير:متقلقش ياصاحبي
يوسف رجع ضهره على الكرسي
امير:مالك يايوسف انت تعبان
يوسف:هيكون مين اللى تاعب قلبي غيرها
امير:وانت هتفضل كدا ياصاحبي
يوسف بصله:كدا ازاى يعنى
امير:تحب فيها وهى ولا هيا من هنا
يوسف:والله مانا عارف بس اللى انا متاكد منه انى من اول مرة شوفتها لما جت العمارة وانا عشقتها مش بس حبيتها وكل حاجه فيها شديتنى ودى كانت اول واحده تشد يوسف الصياد اوى كدا
امير:ربنا يفرحك ياصاحبي
يوسف اتنهد:يارب ... انا همشي انا بقي
امير:تمام وانا لو فى جديد هعرفك
يوسف قام وقف واخد مفاتيحه وفونه:تمام
خرج من المعرض وركب عربيته وطلع فونه ورن على نورة
***************
فى الكليه نورة وفيروز خارجين من المحاضرة
نورة:محاضرة ممله
فيروز:اوى
نورة:لسه شهر على الامتحانات ربنا معانا
فيروز:يارب واحنا الحمدلله بنذاكر دايماا ونشد حيلنا الشهر ده عشان ناخد امتياز زى كل سنه
نورة:باذن الله
فون نورة رن:الوو ياچو.....اه خلصنا وهنرجع على البيت....خلاص هنخرج اهو
نورة قفلت وبصت لفيروز:يوسف برا عشان يوصلنا
فيروز:هو فين السواق
نورة:معرفش يلا نخرج
البنات خرجوو وركبو العربيه
نورة:انت هتوصلنا وترجع المعرض تانى ياچو
يوسف:لا خلصت شغل هناك هروح المحل وقولت اخدكو فى طريقى
نورة:حبيبي ياچو.....ياااالهوى
فيروز:فى ايه
نورة:نسيت الورق اللى هنصوره
فيروز:نسيته فين
نورة:فى المدرج
فيروز:طب تعالى نروح نجيبه بسرعه
نورة:خليكى وانا هروح بسرعه
فيروز:لا هاجـــ
نورة نزلت من العربيه قبل مافيروز تكمل كلامها
فيروز طلعت فونها وبصت فيه ويوسف عينه عليها فى المرايه
يوسف لف بالجانب وبصلها:هتفضلى لحد امته كدا يافيروز
فيروز بصتله:كدا ازاى يعنى
يوسف:انا اتقدمتلك اكتر من مرة وبردو مش موافقه
فيروز:انا قولتلك انا مش بفكر فى الموضوع ده الوقت خالص
يوسف:اومال هتفكرى امته
فيروز:الله اعلم والاحسن انك متشغلش نفسك بيا يكون احسن
يوسف بصلها اوى وفيروز حطت وشها فى فونها وفى الوقت ده جت نورة:لقيته الحمدلله
نورة بصتلهم وحست ان فى حاجه
يوسف اتحرك بالعربيه وبعدها بشويا وصلو عند العمارة والبنات نزلو ودخلو وايه كانت واقفه فى البلكونه وشايفه فيروز وهى نازله من عربيه يوسف وكانت هتموت من الغيظ
**********************
بليل نورة وفيروز قاعدين على السطح
نورة:روزة
فيروز:نعم
نورة:انتو كنتو بتتكلمو فى ايه لما سبتكو ونزلت من العربيه
فيروز:احنا مين
نورة:انتى ويوسف يافيروز
فيروز:ولا حاجه
نورة:هو انا عبيطه شكلكو كان باين اوى ان فى حاجه حصلت
فيروز:مافيش جديد يانورة نفس الكلام بتاع اخوكى ونفس ردى
نورة:طب ليه كدا يافيروز ده يوسف بيعشقك ليه مش بتديه فرصه
فيروز:عشان انا مش عايزة ياستى هو بالعافيه
نورة:لا مش بالعافيه طبعااا يافيروز تعرفى اوقات بحس ان انا ويوسف ملناش حظ فى الحب
فيروز بصتلها اوى
نورة:اه والله يوسف بيموت فيكى ويتمنالك الرضي ترضي وانتى مش شيفاه اصلا وانا بحب واحد شايف بنات مصر كلهم مزز ويجى عندى ويتعمى
فيروز ضحكت اوى والاتنين سكتو شويا
نورة:يوسف بيحبك بجد يافيروز
فيروز:نورة انا اول ماجينا هنا ماكنتش اعرف اى حد فيكو غير طنط هناء لانها كانت بتجيلنا على طول مع عمو حسين الله يرحمه وانتو كمان محدش فيكو كان يعرفنى فجاه كدا فى يوم وليله الاقى اخوكى بيقولى بحبك وبعشقك وكلام كتير ممكن تفهمينى بيحبنى ازاى هو شايفنى من كام يوم بس ودايما محاصرنى فى كل حته وهدايا ورسايل
مش سيبلى فرصه افكر مع نفسي وبعدين انا لا بفكر لا فى حب ولا فى جواز انا عندى دراستى اهم حاجه
نورة:يلا ننزل ننام احسن
فيروز:يلا
البنات نزلو وكل واحده دخلت شقتها
**************
فى شقه صفاء فيروز دخلت وراحت قعدت فى حضن مامتها
صفاء:مالك ياحبيبه قلبي
فيروز:مافيش ياماما
صفاء:النهارده هناء كلمتنى تانى عشان موضوعك انتى ويوسف
فيروز بعدت عن حضن مامتها:يووووه بجد انا زهقت انا داخله انام
صفاء:ربنا يهديكى يابنتى
**********************
فى اوضه فيروز قاعده على السرير وبتفتكر اول يوم جت فيه العمارة
••فلاش باااك••
تاكسي وقف قدام العمارة ونزلو صفاء وفيروز ونيرة
هناء راحت عليهم:نورتو الحته ياحبايبى
صفاء حضنت هناء:منورة باهلها ياحبيبتى
هناء حضنت فيروز ونيرة:اكتر حاجه مفرحانى انكو هتفضلو معانا والله
فيروز:حبيبتى ياهنون
هناء:يوسف يايوسف
يوسف خرج من المحل وقرب منهم
هناء:ده يوسف ابنى الكبير
صفاء:ماشاء الله كبرت يايوسف وبقيت زين الرجال ربنا يحميك
يوسف:الله يخليك نورتو العمارة
صفاء:منورة بيكو ياحبيبي
هناء:ودى فيروز ونيرة ولاد عمك محمد الله يرحمه يايوسف
يوسف عينه جت على فيروز وتاه فى جمالها اول مرة بنت تشده بشكل ده:اهلا
فيروز ابتسمت وهزت راسها
صفاء:اومال فين نورة
هناء:نورة فى الكليه ويوسف ان شاء الله هينقل ورق فيروز عشان تكون معاها
فيروز:هى فى كليه هندسه
هناء:اه ياحبيبتى هى فى سنك وان شاء الله هتبقو تروحو وتيجو سواا
فيروز:ان شاء الله
نيرة:وانا هروح مدرستى امته
يوسف:هنقلك ورقك فى اسرع وقت عشان تروحى مدرستك ياقمر
نيرة:اسمى نيرة
يوسف:احلى نيرو فى الدنيا
هناء:يلا نطلع
يوسف:الشقه بقت جاهزة اتفضلوو
صفاء:تسلم يابنى
الكل طلعو ويوسف عينه على فيروز وهى كانت مستغربه نظراته
مرت الايام وفيروز ونورة بقو اكتر من الاخوات وبيروحو ويجو الكليه مع بعض ويوسف بيحاول يقرب من فيروز واللى مش بتديه اى فرصه
بعد شهر
فيروز قاعده على السطح اللى بدوا يزرعو فيه هى ونورة
فيروز:اوووف اتاخرت ليه كدا
فيروز لفت عشان تنزل تشوف نورة لاقت يوسف فى وشها:مساء الخير
فيروز:مساء النور
يوسف:بتستنى نورة
فيروز:اه
يوسف:كانت تعبانه شويا ودخلت تنام
فيروز:مالها كانت كويسه واحنا سوا
يوسف:بتقول مصدعه شويا
فيروز:اممم طب تصبح على خير
فيروز لسه هتنزل يوسف مسك ايدها وفيروز استغربت وبعدت ايدها عنه
يوسف:فيروز انا عايز اتكلم معاكى شويا
فيروز:خير فى حاجه
يوسف:فى كتير الصراحه من يوم ماشوفتك وانا مشدود ليكى اول مرة تحصل معايا
فيروز:مش فاهمه قصدك ايه
يوسف:انا بحبك يافيروز ملكتى قلبي من اول مرة شوفتك فيها انا مش بس بحبك انا بعشقك يافيروز
فيروز:ايه اللى انت بتقوله ده
يوسف:دى الحقيقه يافيروز
فيروز:وانا هعمل نفسي مسمعتش حاجه انت فاهم ابعد عنى احسنلك
فيروز نزلت وسابته
ومرت ايام وشهور وسنين ويوسف اتقدم لفيروز بدل المرة عشره وهى فى كل مرة مش بتوافق وهو مش بييأس ابدااا وفى كل مناسبه بيجبلها هديه عيد ميلادها وعيد الحب ورمضان والاعياد ولما بتنجح وكل الهدايا بتكون على شكل فراشات اللى هى بتعشقها لانه عارف انها بتحب السلاسل وخواتم وانسيالات وبيكون عنده امل انه يشوفها فى يوم لابسه اى حاجه من اللى بيجبهالها بس بردو فيروز ولا مرة فكرت تلبس حاجه منهم وبتحاول تتجاهله على اد ماتقدر
••باااااااك••
فيروز قامت من على السرير فتحت الدولاب وفتحت درج صغير جوا الدولاب وكان جواه كل الهدايا اللى يوسف جبهالها
فيروز فضلت تبص عليهم وقفلت الدرج تانى وراحت نامت على السرير وغمضت عينيها ونامت.......
روايه خيوط الحب
#الكاتبه جنات
#البارررت 3/4
روايه خيوط الحب
««الفصل التالت»»
عدى شهرين والبنات امتحنو وبيستنو النتيجه تظهر
صباح يوم جديد فى شقه صفاء
فيروز دخلت المطبخ:ماما انا راحه المقابله
صفاء:بردو مصممه يابنتى
فيروز:ياصفصف ياحبيبتى دى هيكون زى تدريب ليا عشان لما اتخرج اكون جاهزة لشغل
صفاء:ربنا يوفقك ياحبيبه قلبي
فيروز:يارب ياصفصف
نيرة:ايه الجمال ده ياروزة
فيروز:حبيبه قلب روزة يلا سلام
فيروز خرجت من شقتهم ونزلت كانت نورة واقفه على السلم واول ماشافتها صفرت:ايه الحلاوة دى
فيروز:عيونك الحلوة ياقمرى
نورة:كان نفسي اكون معاكى بس يوسف مش موافق
فيروز:لما نتخرج باذن الله هنكون سواا
نورة:ان شاء الله
فيروز:يلا سلام
فيروز نزلت وكانت واقفه تستنى تاكسي اللى طلبته ويوسف خارج من المحل وهو بيتكلم فى الفون واول ماشافها قفل بسرعه فيروز كانت لابسه سوت رسمى بلون الاسود وطرحه وقميص بلون الابيض وشوز بكعب صغير بلون الاسود
فيروز شافت يوسف بيقرب منها:نهار اسود جاى ليه ده ... يووووه التاكسي ده اتاخر ليه
يوسف:انتى راحه فين كدا
فيروز:اظن حاجه متخصكش
يوسف بنفاذ صبر:راحه فين يافيروز
فيروز:يوووه مليون مرة اقولك مالكش دعوة بيا
التاكسي وصل
فيروز لسه هتمشي يوسف مسك ايدها وبص لسواق التاكسي وطلع فلوس وادهاله:خد دول وامشي انت
التاكسي مشي
فيروز بعصبيه:ممكن افهم انت بتعمل ايه
يوسف بحده:صوتك ميعلاش احسنلك انتى فاهمه
فيروز لسه هتمشي يوسف مسك ايدها وراح على عربيته وفتح الباب ودخلها ولف ركب هو كمان
فيروز:انت بتستعبط ايه اللى بتعمله ده
يوسف:راحه فين
فيروز:انت عامل كدا عشان تعرف انا راحه فين مش هقولك بردو
يوسف:يبقي خلاص تنزلى من العربيه وتطلعى على شقتكوو مافيش خروج
فيروز:اوووووف
يوسف:اخلصى راحه فين
فيروز قالتله على العنوان ويوسف اتحرك بالعربيه
*********************
فى محل المجوهرات نورة دخلت وراحت على المكتب ملقتيش يوسف
نورة:عم عبده فين يوسف
عم عبده:مش هنا يابنتى راح يوصل فيروز لو عايزة تستنيه اقعدى فى المكتب
نورة:حاضر ياراجل ياطيب
نورة دخلت قعدت على كرسي يوسف ورا المكتب ولفت بقي ضهر الكرسي للباب
فجاه الباب اتفتح ودخل امير:انت ياعم مش بترد عليا ليه من الصبح وانا برن عليك
نورة قلبها دق لانها عارفه ده صوت مين ويمكن ده اكتر صوت بتحب تسمعه رغم انها مش بتشوفه غير من البلكونه وهو جاى ليوسف وهو عمره ماشافها ابداا
نورة لفت بالكرسي وامير اتفاجأ:انا اسف فكرت يوسف اللى هنا
نورة:يوسف راح مشوار وجاى
نورة مشت ولسه هتخرج
امير:انتى بتشتغلى هنا
نوى لفت وبصتله:لا انا نورة اخت يوسف وكنت بستناه
امير بصلها بصدمه:نورة احلفى كدا انتى نورة
نورة غصبن عنها ابتسمت:اه والله انا نورة
امير:لا اصل اخر مرة شوفتك كنتى راحه المدرسه كنتى صغيرة اوى
نورة:دانت قديم اوى مدرسه ايه انا الوقت فى كليه هندسه
امير:ماشي ياباشمهندسه نورة انا امير صاحب يوسف
نورة بسرعه:مانا عرفاك
امير باستغراب:عرفانى منين
نورة:احم اكيد من يوسف بسمعه يحكى لماما عنك دايما
امير:بالخير ولا الشر بقي
نورة:اكيد بالخير
امير:طب الحمدلله
نورة:عن اذنك
امير:لا خليكى انتى استنى يوسف هنا وانا هخرج استناه برا
نورة:لا انا هطلع عن اذنك
امير:اذنك معاكى
نورة خرجت من المكتب وامير سرح مع نفسه:نورة اللى كنا بنوصلها المدرسه كبرتى وبقيتى الباشمهندسه نورة
*******************
فى عربيه يوسف وصل قدام شركه واتصدم
يوسف:انتى جايه تعملى ايه هنا
فيروز:جايه مقابله شغل ارتاحت كدا
يوسف شغل العربيه ومشي
فيروز:انت مجنون نزلنى
يوسف:مافيش شغل هنا
فيروز:نعم ليه ان شاء الله
يوسف:هو كدا
فيروز:وقف العربيه دى اخلص نزلنى بقي
يوسف:وانا قولت لا
فيروز:اظن دى حاجه تخصنى انا مش انت
يوسف:اللى يخصك يخصنى يافيروز ومافيش شغل هنا ولا فى اى مكان
فيروز:انت بجد مستفز انا عايزة انزل وقف العربيه ياما والله هنط منها
يوسف:نطى
فيروز:ماشي
فيروز جايه تفتح الباب كان مقفول بصت ليوسف:انت بتعمل كدا ليه قولتلك مالكش دعوة بيا وبردو بتتدخل فى كل حاجه تخصنى
يوسف وقف بالعربيه وبصلها اوى واتكلم بحده:لانك مش هتكونى غير ليا يافيروز انسي انك تكونى لغيرى لانك لو بقيتى لغيرى هقتله واقتلك بعده
فيروز خافت من طريقتك:انت بجد مش طبيعى انت مجنون
يوسف:سمينى زى ماتسمينى مش فارق معايا
يوسف اتحرك بالعربيه وبعد شويا وصلو ويوسف فتح الابواب:انزلى
فيروز نزلت بسرعه وطلعت العمارة ودخلت شقتهم وكانت متعصبه جداا ودخلت اوضتها وقفلت الباب عليها
نيرة:هى مالها
صفاء:مش عارفه
صفاء راحت تخبط على باب اوضه فيروز: فيروز ياحبيبتى عملتى ايه
فيروز من ورا الباب:معملتش حاجه ياماما
صفاء:انتى اترفضتى فى المقابله ياحبيبتى
فيروز:هو انا طلعت الشركه اصلا كله من المجنون اللى اسمه يوسف
صفاء ونيرة ضحكوو
صفاء:طب اهدى ياحبيبتى اهدى يمكن مش نصيبك يابنتى غيرى هدومك عشان هنتغدى سوا وهناء ونورة جايين يتغدو معانا
فيروز فتحت الباب:اوعى تقولى انه جاى ياكل معانا
صفاء:لا ياحبيبتى عنده شغل ومش هيطلع
فيروز:الحمدلله
نيرة:والله مانا عارفه بيحبك على ايه بنت فقر
فيروز بصدمه:فقر انا فقر طب تعاليلى بقي
فيروز فضلت تجرى ورا نيرة فى الشقه كلها وصفاء تضحك عليهم
وبعد شويا هناء ونورة جم واتغدو كلهم سواا وقضو وقت حلو مع بعض وبعدها نزلو هناء ونورة وخلص اليوم
*****************
تانى يوم فى مكان جديد اول مرة نزوره وهو معرض عربيات عزام الشرقاوى
(عزام عنده ٣٣ سنه صاحب شركه الشرقاوى وكمان عنده معرض عربيات وهو منافس الاول ليوسف الصياد وبيكره يسمع بس اسمه)
فى مكتب عزام اللى قاعد على كرسي مكتبه ورافع رجليه على المكتب واقف قدامه مساعده وايده اليمين اللى بيثق فيه جدااا محمود:لسه منعرفش الشحنه جديده بتاعه ابن الصياد هتوصل امته ياباشا
عزام نفخ دخان سجارة:لازم نعرف هتوصل امته عشان نضرب السوق
محمود:متقلقش ياباشا
عزام:لا لازم اقلق بعد اللى حصل المرة اللى فاتت لما جاب شحنته وكحوش على السوق كله يبقي لازم اقلق
محمود:مش هتكرر ياباشا
عزام:انا عايزك تشوف حد من اللى بيشتغلو فى المعرض وتخليه يشتغلنا جاسوس ويجبلنا كل اخباره
محمود:حاضر ياباشا
عزام:روح انت
محمود خرج وعزام اتكلم بحده:يانا يانت يابن الصياد
***********************
فى معرض العربيات بتاع يوسف
قاعدين فى المكتب
امير:الشحنه هتوصل بكرة بس انت مش عايز حد يعرف ليه
يوسف:اللى انا متاكد منه ان ابن الشرقاوى هيموت ويعرف هى هتوصل امته عشان ياكل السوق بس مش عليا انا
امير:بلاش نلعب قدامه يايوسف ده ملوش عزيز ياصاحبي
يوسف:وانا مش خايف منه
امير:ربنا يستر
يوسف:ظبطت المعرض هنا زى ماقولتلك
امير:كل حاجه زى مانت عايز واكتر
يوسف:تمام
امير:انا مش فاهم انت عايز تنقل المعرض ليه
يوسف:عشان يكون قريب منى
امير:دول ١٠ دقايق بتكون هنا
يوسف:لا انا بظبط المكان فى العمارة اللى جمبى واول ما يجهز هننقل كل حاجه هناك بس لوقتها محدش ابدا يعرف غيرى انا وانت
امير:تمام ياصاحبي
*********************
فيروز ونورة قاعدين على السطح
فيروز:يعنى ماكنش يعرفك
نورة:لا ياختى مكنتش يعرفنى قال ايه كان لسه بيوصلنى المدرسه مع يوسف
فيروز ضحكت اوى
نورة:اضحكى اضحكى ياختى
فيروز:اهو عرفك اهو ويمكن الصنارة تغمز
نورة:يارب ياختى يارب بس الواد ايه مز مز ياروزة
فيروز:ماشي ياختى
نورة:صح عملتى ايه فى المقابله
فيروز:ونبي بلاش تفكرينى
نورة:فى ايه
فيروز:اخوكى ياختى صمم يوصلنى واول ماوصلنا قدام الشركه كانه ركبه عفريت وقالى مافيش شغل هنا ولف بالعربيه ومشي
نورة:طب ليه
فيروز:معرفش وحياتك وشدينا سواا وسبته ونزلت
نورة:وهتعملى ايه هتروحى تانى
فيروز:للاسف كانت اخر فرصه ليا اكيد اختارو بنت تانيه من المقابلات
نورة:يوسف مش هيعمل كدا غير لو كان فى حاجه يافيروز
فيروز:معرفش بقي اللى حصل مش نصيبى
ايه دخلت السطح:صباح الخير
نورة وفيروز:صباح الخير
ايه راحت عند الورد عشان تقطع منه
فيروز:انتى بتعملى ايه
ايه:هاخد ورد عندك مانع
فيروز:اه طبعا عندى مانع الورد ده مش بنقطع منه
ايه:والله حاجه متخصكيش ده ورد على سطح عمارتنا واخد منه وقت مااحب ولا انتى متعوده تاخدى الحاجه اللى مش ليكى
فيروز فهمت معنى كلامها وانها تقصد يوسف:انا عمرى مااخدت حاجه مش بتاعتى ياايه والله بقي مش ذنبي ان الحاجه دى هى اللى عايزانى
ايه اتغاظت منها:ابعدى عنى انا هاخد من الورد وهنزل
نورة:لا ياايه فيروز قالتلك ان احنا مش بنقطع منه وده الورد بتاعى انا وفيروز وزى مانتى قولتلى مش لازم ناخد حاجه مش بتاعتنا ولا ايه يابنت عمى
ايه:هى بقت كدا يعنى
فيروز ونورة:اه
ايه اضايقت منهم ونزلت ودخلت شقتهم ورزعت الباب
حسن:مالك يابت بترزعى الباب ليه كدا
ايه:معلش يابا غصبن عنى
ايه دخلت اوضتها وسوسن بصتلها اوى ودخلت وراها:مالك يابت
ايه حكتلها اللى حصل
سوسن:متزعليش ياحبيبتى وهجبلك حقك منهم تالت ومتلت كمان
ايه:والست نورة هانم عملالى حبيبه وبتحب الواد صاحب يوسف اللى اسمه امير
سوسن:جبتى الكلام ده منين يابت
ايه:سمعتها وهى بتحكى لمقصوفه الرقبه اللى اسمها فيروز
سوسن:ده حلو اوى ده اوعى يابت تقولى حاجه لحد عن الكلام ده سيبه لوقته وانا هتعامل
ايه:حاضر ياما.....
♥️♥️♥️♥️♥️
روايه خيوط الحب
««الفصل الرابع»»
اشرقت شمس يوم جديد
فيروز نازله من على السلم فجاه لقت حد بيشدهاا تحت السلم واتصدمت لما شافت يوسف:صباح الجمال يافراشتى
فيروز بصدمه:ايه اللى انت عملته ده
يوسف:عملت ايه
فيروز بتحاول تبعده لانه محاصرها بين ايديها والحيطه:ابعد يايوسف اللى يشوفنا يقول ايه
يوسف:يقولو اللى يقولوه ميفرقش معايا
فيروز:لكن يفرق معايا والناس يقولو ايه عليا
يوسف:محدش يقدر يتكلم عنك نص كلمه
فيروز:ترضي حد يعمل كدا مع اختك
يوسف بعد وحط ايده فى جيبه:ادينى بعدت راحه فين على الصبح كدا
فيروز:هتعمل زى امبارح يعنى متقلقش مش راحه الشركه راحه اشترى شويا حاجات ونورة اختك جايه معايا
يوسف:اومال هى فين
فيروز:نازله ورايا ابعد بقي عشان اعدى وانت واقف سادد الطريق كدا
يوسف ضحك وبعد وفيروز خرجت من العمارة
نورة نزلت:حبيبي ياچو
يوسف:العربيه برا تروحى فيها وترجعو كمان فيها فاهمه
نورة:حاضر سلام
يوسف ركب عربيته وراح على المعرض
****************
فى معرض الشرقاوى
عزام بعصبيه:ازاى يعنى الشحنه وصلت ونزلت السوق من غير مانعرف
محمود:والله ياباشا انا اتفاجت زى زيك مكنش حد عنده علم ده نزلها فجاه كدا
عزام قام وقف ووقع كل حاجه من على المكتب:مااااشي ياابن الصياد حسابك تقل اوى معايااا
محمود:اهدى ياباشا احنا ممكن ننزل شحنتنا وبسعر اقل
عزام:بعد ايه ماهو اكل السوق وسعر اقل ازاى وهو منزل الاسعار فى الارض بقولك ايه عينك تفضل على ابن الصياد وعلى اى حد يخصه وتجبلى كل المعلومات عنه انت فاهم
محمود:حاضر ياباشا
**********************
فى شقه صفاء خرجت من المطبخ لما سمعت صوت الفون بيرن
صفاء:الوو
صفاء اتصدمت لما سمعت صوت اللى بيتكلم وكانت بتسمعه بخوف والفون وقع منها وهى قعدت على الكنبه
نيرة خرجت من اوضتها وشافت مامتها خايفه وبتعيط جرت عليها: مالك ياماما بتعيطى ليه
صفاء مسحت دموعها:لا ياحبيبتى متخافيش دانا كنت بقطع البصل بس
نيرة:فونك واقع على الارض ليه
صفاء:تلاقيه وقع من على الترابيزه يانيرة متخافيش تعالى ساعدينى فى المطبخ
نيرة:حاضر
******************
نورة وفيروز رجعو من مشوارهم وقابلو ايه على بابا العمارة
ايه:اهلا اهلا
نورة:اهلا بيكى ياايه
ايه بصت لفيروز:اهلا باللى عملالنا نفسها محترمه وشريفه
فيروز:انتى تقصدينى انا بكلام ده
ايه بصوت عالى:اومال هكون بقصد مين ياعينيا
نورة بصت على الناس اللى وقفت وبتبص عليهم:ماتتكلمى عدل ووطى صوتك ده
ايه:انا هقول ايه مانتى بقيتى شبهها يابت عمى من كتر سرمحتك معاها وبقيتى قال ايه بتحبي
نورة:انتى اتجننتى ياايه ايه الكلام ده
ايه:مش عجبك كلامى مش دى الحقيقه يابنت عمى
فيروز:انتى قصدك ايه بالفيلم اللى انتى عملاه ده
ايه:فيلم انتى شايفه كدا
فيروز:اه فيلم وبايخ جدااا لانك عارفه ومتاكده اننا محترمين غصبن عنك
ايه بصوت عالى:ولما الهانم المحترمه اشوفها وابن عمى ذانقها تحت السلم زى اى واحده مش متربيه بتتشقط بسهوله
فيروز بصت على الناس المتجمعين حوليهم وقربت من ايه وضربتها بالقلم:انا محترمه غصبن عن اى حد انتى فاهمه
ايه لسه هترد
فيروز:لو فكرتى تقولى نص كلمه زياده هقطعلك لسانك الطويل اللى حضرتك فرحانه بيه ده يلا يانورة
فيروز ونورة طلعو وايه كانت مصدومه من القلم اللى اخدته نزلت سوسن وشدتها واخدتها على شقتهم
سوسن:انتى اتهبلتى فى عقلك يابت
ايه.....
سوسن:انا مش قولتلك بلاش تدخلى وانا هعمل كل حاجه
ايه:مقدرتش ياما اشوفه مقرب منها كدا
سوسن:تقومى تعملى الهبل اللى عملتيه ده انتى مفكرة لما يوسف يعرف بكلام ده هيسكت
ايه:معرفش بقي
*******************
فيروز ونورة طلعو وكانو صفاء وهناء خرجو لانهم سمعو كل الكلام من البلكونه
هناء:تعالى ياحبايب قلبي قطع لسانها عشان تقول عليكم كدا
صفاء شايفه عصبيه فيروز:اهدى ياحبيبتى الناس كلها عارفه انك محترمه ومحدش هيصدق كلامها ده
هناء:يلا غيرو وتعالو عشان تتغدو
فيروز:انا طالعه انام لانى تعبانه
نورة:وانا كمان
نورة دخلت الشقه وفيروز طلعت وكل واحده راحت على اوضتها
هناء بصت لصفاء:مالك ياصفاء
صفاء بصتلها اوى وعيطت ودخلت فى حضنها
هناء:لا حول الله يارب فى ايه ياصفاء ماتخفيش محدش هيصدق اللى اتقال والله
صفاء بعدت عن حضنها ومسحت دموعها
صفاء:انا هطلع اشوفها
هناء:حاضر
********************
بليل يوسف رجع المحل وقابل عم عبده وشايفه زعلان
يوسف:مالك ياراجل ياطيب اوعى يكون حد زعلك
عم عبده:لا يابنى محدش زعلنى
يوسف قعد على مكتبه:اومال مالك
عم عبده:اصل يابنى
يوسف:فى ايه ياعم عبده اتكلم على طول
عم عبده:ايه بنت عمك وقفت قدام العمارة وقالت كلام مش ولابد عن نورة وفيروز والناس كلهم كانو متجمعين وبيسمعو وفيروز ضربتها بالقلم
يوسف قام وقف:كلام ايه ده
عم عبده قاله على كل اللى حصل
يوسف خرج بعصبيه من المحل وطلع العمارة وخبط على باب شقه عمه بقوة
صفاء وهناء كل واحده خرجت من شقتها لما سمعو صوت الخبط وراحو ليوسف ونورة وفيروز كمان كانو واقفين على باب شقتهم بيسمعو
حسن فتح الباب:فى ايه يابنى
يوسف بصوت عالى:بنتك فين
هناء:اهدى يابنى
يوسف:محدش يدخل ابدااا
سوسن خرجت هى وايه اللى هتموت من الرعب
سوسن:فى ايه يايوسف ايه الدوشه دى
يوسف قرب من ايه:انتى قد الكلام اللى قولتيه قدام الناس تحت ده
ايه.....
يوسف:الكلام ده صح ردى علييييياااا
ايه اتفزعت من صوته وهزت راسها باه:اه اختك بتحب صاحبك وكمان انا شوفتك وانت زانق قليله الربايه دى تحت السلم
يوسف ضربها بالقلم وبوقها اتعور
سوسن صوتت:يامصيبتى انت بتضرب البت
يوسف:لو نطقت الكلام ده تانى هقطعلها لسانها ده انتى فاهمه
حسن:ليه يابنى كدا هى عملت ايه
يوسف:اسال بنتك عملت ايه
حسن بص لبنته اللى بتعيط فى حضن امها:انتى عملتى ايه يابت
سوسن:معملتش حاجه هى قالت الحقيقه وبس
هناء:بنتك غلطت ياحسن وغلط كبير واتكلمت على نورة وفيروز قدام الحته كلها
هناء قالتله على اللى حصل
حسن بص لبنته وضربها بالقلم
سوسن:انت اتجننت ياراجل بتضرب بنتك
حسن:اخرسي كله منك ومن تريبتك ليهاا
يوسف:قسما بربي لو عرفت انك اتكلمتى نص كلمه مع نورة ولا فيروز متلوميش غير نفسك لان محدش هيندم غيرك وقسما بربي لو ده اتكرر تانى مس هيكون ليكى قاعده فى العمارة كلها
يوسف نزل شقتهم وهناء نزلت وراه وصفاء طلعت شقتها
حسن بص لمراته وبنته وسابهم ودخل اوضته وقفل الباب بقوة
*****************
يوسف نزل وشاف نورة واقفه على الباب قرب منها واخدها فى حضنه:حقك عليا يانوارة قلبي اخدلك حقك منها
نورة:دانا سامعه صوت القلم بيرن فى العمارة كلها
هناء بصت لبنتها:بنت عمك بتقول انك بتحبي صاحب اخوكى الكلام ده صح
نورة بصت ليوسف بخوف ومش عارفه تقول ايه
يوسف:اكيد بتقول اى كلام ياست الكل اعمليلنا اكل لانا ميت من الجوع
هناء:حاضر ياحبيبي
هناء دخلت المطبخ ويوسف بص لنورة:كلامها صح مش كدا
نورة نزلت وشها فى الارض ويوسف رفع وشها:مش بتعرفى تخبي عنى حاجه يانورة بتحبيه بجد
نورة:انا اسفه
يوسف:قلوبنا مش بايدينا يانورة بس فى حاجه لازم تعرفيها
نورة بصتله اوى
يوسف:انا هكون اسعد واحد لو انتى من نصيبه لان امير صاحبي واخويا
نورة ابتسمت
يوسف:بس هو عمره ماشافك ولا يعرفك حتى
نورة:احم هو شافنى مرة واحده
يوسف بحده:انتو بتقابلو بعض
نورة بسرعه:لالا والله ابداا انا كنت بستناك من يومين لما روحت توصل فيروز المقابله وهو جه المحل وانا موجوده وسالنى انا بشتغل هنا قولته لا انا نورة اخت يوسف بس
يوسف:انا عايزك تنسي كل الهبل ده وركزى فى دراستك انا عايزك تحققى حلمى وتبقي احلى باشمهندسه فى الدنيا
نورة حضنته:انا بحبك اوى يايوسف
يوسف:يابت دانتى بنتى اللى مربيها
نورة:يوسف
يوسف:نعم
نورة:ايه غلطت فى فيروز جامد وفيروز عصبيتها وحشه اوى وانا خايفه عليها
يوسف:صاحبتك دى هتجيب اجلى والله وانا متاكد انها هتطلع كل عصبيتها دى عليا وانا راضي لانها عندها حق الصراحه
نورة بهمس:هو انت كنت زنقها بجد تحت السلم
يوسف ضحك:الله يخربيتك امشي يابت حضرى الاكل مع امك
بعد شويا كانو خلصو اكل
يوسف:انا طالع الشقه فوق عندى شويا شغل ياست الكل نامو انتو محدش يستنانى
هناء:حاضر ياحبيبي بس بلاش تسهر انت بتقوم من بدرى
يوسف:حاضر
*******************
يوسف خرج من شقتهم وطالع على السلم سمع باب شقه فيروز بيتفتح وقف على السلم
نيرة:راحه فين الوقت ياروزة
فيروز:مخنوقه شويا هطلع اقعد على السطح ادخلى جوا
نيرة:لو ماما قامت وسالت عليكى
فيروز:قوليلها على السطح يانيرة يلا ادخلى جوا بقي
نيرة:حاضر
فيروز طلعت ويوسف طلع وراهاا وشافها لما دخلت قعدت وباين عليها انها مخنوقه ومضايقه جدااا وعارف انه لو اتكلم معاها كل ده هيطلع فيه هو
يوسف دخل السطح وقرب منها وهى حست بحد وراها لفت بسرعه وشافته وبصتله بغضب وعدت من جمبه عشان تمشي
يوسف مسك دراعها:فيروز
فيروز زقت ايده بقوة واتكلمت بعصبيه:متفكرش تمسكنى او تقرب منى تانى انت فاهم
يوسف:فيروز اهدى انا عارف انك مضايقه من كلام ايه بس انا اخدلك حقك منها
فيروز:لا والله اخدتلى حقى وبالنسبه لناس اللى كانو واقفين يسمعو كلامهم هتعمل معاهم ايه
يوسف:محدش يقدر يبصلك بطرف عينه حتى يافيروز
فيروز:انت عايز منى ايه هااا عايز منى ايه مليون مرة اقولك ابعد عنى مالكش دعوة بيا اييييييه مش بتفهم
يوسف:بصى انا راضي باى حاجه هتقوليها بس ياريت تهدى وبلاش عصبيه
فيروز عيطت:ومين سبب العصبيه دى مش انت بقي انا .. انا فيروز اللى كل الناس بتحلف بادبي وتربيه بابا الله يرحمه وماما ليا وتعبهم معايا عشان اوصل وابقي الباشمهندسه فيروز تيجى واحده متعرفش الفرق بين الالف وكوز الدرة تقولى شقطك وزنقك تحت السلم
يوسف:فيروز اهدى عشان خاطرى دموعك دى غاليه ومش لازم تنزل عشان واحده مستاهلش وانا هعمل كل اللى انتى عايزاه والله
فيروز مسحت دموعها:من النهارده مالكش دعوة بيا ولا باى حاجه تخصنى انت فاهم ورحمه بابا يايوسف لو قربت منى تانى وقتها متلومش غير نفسك
يوسف:بصى يافيروز انا هاتقدملك وتوافقى ووقتها محدش من الناس هيتكلم
فيروز:لا والله ده عشان تثبتلهم ان كلام اللى اسمها ايه ده صح مش كدا كاننا عاملين غلط وحضرتك بتصلح الغلط ده بتتستر عليا يعنى من الاخر
يوسف:ايه الكلام العبيط ده يافيروز
فيروز:صح كلامى عبيط بس ورحمه ابويا لو قربت منى تانى مش هيحصل طيب
يوسف:هتعملى ايه يافيروز يعنى
فيروز:هعمل اقل حاجه هروح اقدم بلاغ انك بتضايقنى فى راحه والجايه ووقتها هطلب يمضوك على محضر عدم التعرض ليا انت عارف ومتاكد انى اعملها ومش هيهمنى حد فبلاش تخلينى اعملها انت فاهم
يوسف قرب منها:وانا مش هبعد عنك يافيروز واعملى اللى انتى عايزاه
فيروز بصتله:وانا عمرى مااحلف برحمه ابويا كذب ابدااا
فيروز سابته ونزلت ويوسف فضل يبص عليها لحد مااختفت من قدامه:عارف انك مجنونه وتعمليها يافراشتى
*************
فى شقه صفاء اللى قاعده فى اوضتها بتفتكر المكالمه اللى جتلها
••فلاش باااااك••
صفاء خرجت من المطبخ وردت على فونها:الو
منصور:ازيك يامرات الغالى
صفاء .....
منصور:اتفاجتى مش كدا عرفت مكانك اخيرااا وجبت رقمك وهجيلك عشان اخد بنات اخويا الغاليين اوى ولا انتى ناسيه ان بنتك الكبيرة مقرى فاتحتها على ابن عمها اللى هو ابنى واحنا مش بنسيب حقنا ياصفاء هانم وهجيلك عشان اخد مرات ابنى سلاااام يامرات اخويا
منصور قفل المكالمه وصفاء الفون وقع منها على الارض
••باااك••
صفاء:سبتكو وبعدت عنكو وبردو مش عايزين تسبونى انا وبناتى فى حالنا .... هعمل ايه ياربي ده لو جه هياخد فيروز ووقتها مش هقدر اعمل حاجه ...... بس لا مستحيل بنتى تتجوز ابنه ده ابداااا مستحيل
صفاء فاقت على صوت خبط على باب الاوضه:ماما انتى نمتى
صفاء:ادخلى يافيروز
فيروز دخلت وقعدت جمب مامتها على السرير
صفاء:مالك ياحبيبتى
فيروز:ماما انا بكرة هروح القسم
صفاء شهقت:قسم ليه يابنتى
فيروز:هقدم بلاغ فى يوسف وهخليه يمضي على محضر عدم تعرض عشان يبعد عنى
صفاء:يامصيبتى عايزة تدخلى ابن الراجل والست اللى قعدونا عندهم وبعدونا عن عمك وابنه
فيروز:يعنى حضرتك عاجبك اللى حصل والكلام اللى قالته اللى اسمها ايه دى
صفاء:لا مش عاجبنى بس انتى سمعتى بودانك لما اخدلك حقك ده اداها قلم هيفضل معلم فى وشها لشهر قدام
فيروز قامت وقفت:بصى انا قولته يبعد عنى ياهعملك محضر وهو قالى اعمليه يبقي ميلومش غير نفسه بقي
صفاء وقفت قدام بنتها بعصبيه استغربتها فيروز لان والدتها اول مرة تتعصب عليها كدا
صفاء:بصي بقي يابنت بطنى انا الظاهر كدا اتساهلت معاكى كتير اوى وسكتلك وسيباكى تاخد قراراتك من دماغك لكن من النهارده مش هيحصل
فيروز:قصدك ايه ياماما
نيرة كانت واقفه على باب الاوضه وشيفاهم بيزعقو خرجت من الشقه بسرعه ونزلت على شقه يوسف وخبطت فتحتلها هناء:مالك يانيرة
نيرة:ماما بتزعق لفيروز جامد اوى وانا خايفه
نورة:ليه ايه اللى حصل
نيرة:معرفش انا سمعتهم بيزعقو نزلت انادى عليكم
يوسف نازل على السلم:فى ايه
هناء:الظاهر كدا صفاء وفيروز شادين سواا هطلع اشوفهم
يوسف:اجى معاكى
هناء:لا خليك تعالى انتى يانورة
نورة:حاضر ياماما
هناء ونورة ونيرة طلعوو ويوسف دخل الشقه وكان قلقان
*************
فى شقه صفاء
فيروز:يعنى ايه يعنى ياماما هتجبرينى اتجوزه غصبن عنى
صفاء:اه اجبرك وادوس على رقبتك كمان بدام انتى عيله ومش عارفه مصلحتك فين
فيروز:وانتى شايفه ان مصلحتى مع يوسف ياماما
صفاء:اه معاه
هناء ونورة دخلو الاوضه بسرعه
هناء:استهدو بالله ياجماعه فى ايه صوتكو عالى اوى
صفاء:ونعمه بالله
هناء:فى ايه ياصفاء دى اول مرة صوتك يعلى على حد من البنات
صفاء:عشان بنتى مش عارفه مصلحتها فين ومافيش حد عجبها ابدااا
فيروز:كل ده ليه هااا عشان عايزة ادافع عن نفسي ولا انتى عجبك الكلام اللى اتقال فى حقى قدام الناس اللى فى الحته
نورة:اهدى يافيروز مش كدا وبعدين يوسف جابلنا حقنا ومحدش هيقدر يتكلم علينا
صفاء:وانا اخدت قرارى خلاص
هناء:قرار ايه
صفاء:كتب كتاب فيروز على يوسف هيكون الاسبوع ده
هناء:ازاى من غير رضاها ياصفاء
صفاء:خلاص انا سكتلها كتير ومش هسكت تانى
فيروز:وانا مش موافقه ياماما
صفاء:انتى فى ايه يابت هااا انت شايفه نفسك علينا ليه عشان الواد شاركى وبيحبك عماله تتنططى عليه ولا يكون عجبك انه عمال يجرى وراكى من هنا لهنا وكل ما يتقدملك ترفضيه انتى مفكرة نفسك مين
فيروز بصدمه من كلام امها:انا ياماما الكلام ده ليا
هناء:اهدو ياجماعه مش كدا
صفاء:اه الكلام ليكى يافيروز مش كفايه اخرتها بتقوليلى هعمله محضر عدم تعرض دانتى اتجننتى على الاخر
هناء ونورة بصو لفيروز
هناء:محضر يافيروز
فيروز:اومال اعمل ايه مليون مرة اقوله ابعد عنى وهو بردو مصمم واخرتها واحده زى دى تقولى قدام الناس كلها زنقك تحت السلم
صفاء:اللى عندى قولته كتب كتاب يوسف على فيروز بنتى هيبقي الاسبوع ده ياهناء
هناء:طب اهدى وتعالى معايا نتكلم بهدوء وانتى يانورة خدى فيروز على اوضتها ترتاح شويا وخليكى معاها
نورة:حاضر ياماما تعالى يافيروز
نورة اخدت فيروز اللى ماشيه مصدومه ومش مصدقه كلام اللي قالته مامتها عنها
وهناء اخدت صفاء ونزلو شقتها تحت وكان يوسف قاعد على نار مستنى اى حد ينزل واتفاجأ بمامته ومعاها صفاء
يوسف:خير يا مرات عمى فى ايه مالكو
صفاء:انت بتحب بنتى بجد يابنى
يوسف بص لامه ومش فاهم فى ايه
صفاء:رد عليا يايوسف انت بتحب بنتى فيروز
يوسف:انتى عارفه الرد على سؤالك
صفاء:يبقي كتب كتابك عليها الاسبوع ده
يوسف:وهى رايها ايه
صفاء:ميفرقش معايا
يوسف:بس يفرق معايا انها تكون موافقه
صفاء:يعنى ايه
يوسف:مقدرش اجبرها على حاجه هى مش عايزاها
صفاء:خلاص لو مش هتكتب عليها هشوفلها اى عريس تانى
هناء:هو سلق بيض ياصفاء فى ايه مالك
صفاء:هو ده اخر كلام عندى هتتجوزها ولا اجوزها لغيرك
يوسف:غيرى دانا كنت هديت الدنيا ديه
صفاء:يبقي جهز نفسك الاسبوع ده مافيش وقت لتاخير
هناء:فى ايه ياصفاء طمنينى ياختى
صفاء قعدت على الكنبه بتعب واتنهدت وحكتلهم على مكالمه منصور عم فيروز
هناء:نهار اسود وهو وصلكو ازاى وازاى جاب رقمك
صفاء:مش عارفه انا خايفه على بنتى اوى
يوسف قعد على ركبته قدامها:اهدى يامرات عمى محدش يقدر يقرب منها وانا عايش بس فيروز لازم تعرف بكلام ده عشان تعرف انتى عملتى كدا ليه
هناء:صح ياصفاء البت كانت مصدومه من كلامك معاها كنتى فهميها الحكايه كلها
صفاء:من وقت ماكلمنى وانا حاسه راسي هتنفجر من التفكير وعصبيتى طلعت عليها هيا
يوسف:طب اهدى مافيش اى حد هيقرب من اى حد فيكوو وانا عايش
صفاء:ربنا يخليك يابنى
****************
فيروز قاعده فى اوضتها دخلت عليها نورة بتبصلها اوى
فيروز:مالك يانورة
نورة:فيروز فى حاجه حصلت لازم تعرفيها
فيروز:فى ايه
(نورة كانت نازله تجيب فونها وسمعت كل كلام هناء وصفاء ويوسف)
نورة بدات تحكى كل اللى سمعته لفيروز اللى خافت
فيروز:وهو عرف طريقنا منين
نورة:معرفش بس طنط صفاء شكلها خايفه اوى عليكى عشان كدا قررت تكتب كتابك انتى ويوسف
فيروز:بس انا.
نورة:انتى ايه يافيروز مامتك خايفه عليكى يعنى انتى لما عمك يجى ياخدك ويجوزك لابنه الشمال ده مامتك مش هتقدر تقف فى طريقه وبصراحه هى تفكيرها صح
فيروز بدات تفتكر كل اللى كان بيبعملو معاها ابن عمها شادى كان دايما بيحاول يتقرب منها واكتر من مرة كان بيدخل اوضتها وهى نايمه
فيروز جسمها بقي بيترعش
نورة:فيروز اهدى ياحبيبتى محدش هيقدر يقرب منك وخصوصاا انك هتبقي مرات يوسف الصياد
نورة اخدتها فى حضنها وفيروز عيطت كتير لحد مانامت نورة نيمتها على السرير وغطتها كويس وسمعت صوت مامتها وصفاء برا خرجتلهم
هناء:فيروز فين يابنتى
نورة:نامت ياماما هى عرفت كل حاجه
صفاء:حاجه ايه
نورة:موضوع عمها
صفاء:عرفت منين
نورة:بصراحه انا كنت نازله اجيب فونى وسمعت كلامكو وكان لازم فيروز تعرف لانها كانت مصدومه من طريقه كلامك معاها
هناء:ده صح ياصفاء لازم كانت تعرف
صفاء:حتى بعد ماعرفت مش هتسامحنى على كلامى معاهاا
نورة:فيروز خافت اوى لما عرفت ان عمها عايز يجوزها لابنه
صفاء:على جثتى انه يحصل مستحيل اجوز بنتى لصايع ده بقي انا هربت منهم عشان ابعد بنتى عنه يقوم يجى ورانا
هناء:الغريبه هو عرف طريقكو منين
***************
فى شقه حسن
سوسن قاعده فى الاوضه وبتتكلم بصوت واطى:فلوسى هتوصلى امته
منصور:بكرة هيكونو فى حسابك
سوسن:حلو اوى
منصور:انتى ايه اللى خلاكى تساعدينى
سوسن:مهانش عليا اعرف انك قالب الدنيا عليهم قولت اجيب رقمك وكلمتك
منصور:وجبتى رقمى منين
سوسن:انا ليا معارف فى اسكندريه واللى يسال ميتهوش والظاهر كدا انكو اشهر من النار على العلم فى اسكندريه وكان سهل اوصلك
منصور:تسلمى ياغاليه
سوسن:انا لازم اقفل الوقت
منصور:سلاااام.....
&&&&&&&&&
روايه خيوط الحب
#الكاتبه جنات
#البارررت5/6
روايه خيوط الحب
««الفصل الخامس»»
صباح تانى يوم
صفاء قاعده فى اوضتها على السرير الباب خبط:ادخل
فيروز دخلت:ماما ممكن اتكلم معاكى
صفاء اول ماشافتها فتحت دراعها وفيروز جرت عليها وارتمت فى حضنها وعيطت جامد
صفاء:انا اسفه ياروح قلبي سامحينى يابنتى
فيروز بعدت عن حضنها وباست ايدها:لا متتاسفيش ياماما انا اللى اسفه انى اتكلمت مع حضرتك كدا متزعليش منى ونبي انا مقدرش على زعلك ابدااا
صفاء باست راسها:ياحبيبتى ياروزة انا ممكن اعمل اى حاجه عشان احميكى ياقلب امك حتى لو جوزتك غصبن عنك متزعليش منى يابنتى
فيروز:مش زعلانه منك والله انا زعلانه عشان انتى مقولتيش انه بيكلمك وبيهددك كمان
صفاء:هى مرة واحده يابنتى اللى كلمنى وكانه شقلب حياتى بمكالمه دى
فيروز:محدش هيقدر يقرب مننا ياماما متخافيش وبلاش تفكرى كتير عشان متتعبيش ونبي
صفاء:يعنى انتى موافقه تتجوزى يوسف يافيروز
فيروز:موافقه ياماما
صفاء:يوسف بيحبك ياحبيبتى ده يتمنالك الرضي ترضى اديه فرصه يافيروز وصدقينى محدش هيسعدك زيه
فيروز:حاضر ياماما
صفاء:انا هكلم هناء واقولها
فيروز:حاضر
فيروز خرجت وصفاء كلمت هناء وقالتلها ان فيروز موافقه
**********************
فى شقه هناء اللى فرحت بمكالمه صفاء ليها
ودخلت اوضه يوسف وكان بيلبس عشان ينزل المحل
يوسف:مالك ياست الكل
هناء حضنته:الف مبروك ياحبيبي
يوسف باستغراب:الله يبارك فيك بس على ايه
هناء:فيروز وافقت ياحبيبي
يوسف:انتى بتتكلمى بجد
هناء:صفاء لسه قافله معايا وقالتلى ان فيروز اتكلمت معاها وقالتلها انها موافقه كمان مبروك ياقلب امك
يوسف:الله يبارك فيك
هناء:يوه انت مش فرحان ياوااد ولا ايه
يوسف:اكيد واقفت عشان خايفه من عمها او عشان مامتها عايزة كدا
هناء:حتى لو وافقت عشان كدا كفايه انها هتكون ليك وعلى اسمك ياحبيبي مش ده اللى عايزه
يوسف ابتسم:صح
هناء:جهز نفسك عشان نروح نتقدم النهارده ونقرا الفاتحه
يوسف:حاضر بس بلاش حد يعرف بالموضوع ده ياست الكل يكون احسن
هناء:حد مين ياحبيبي
يوسف:عمى ومراته وبنته
هناء:ليه كدا يابنى
يوسف:ريحينى بس ياست الكل
هناء:حاضر ياحبيبي اللى انت شايفه
هناء خرجت ويوسف قعد على السرير مش مصدق ان خلاص هتبقي ليه حتى لو غصبن عنها
نورة دخلت الاوضه وهى بتغنى:افرحى ياعروسه انا العريس ياعروسه ياعروسه انا العريس
يوسف:يخربيت جنانك ده مش ناويه تعقلى بقي يابت انتى
نورة حضنته بقوة:مبروك ياچو فرحانه اوى عشانكو انتو الاتنين
يوسف:الله يبارك فيك يانوارة قلب چو عقبال فرحتى بيكى
نورة ضحكت:حبيبي ياچو
يوسف:اسيبك وانزل الشغل عشان ارجع بدرى
نورة:حاضر
***************
فى اوضه فيروز قاعده على السرير فجاه الباب اتفتح ودخلت نورة ونيرة وهما بيغنو سوااا:النهارده هكلم ابوكى قالى وروحى راحت يانى
فيروز ضحكت عليهم
نورة حضنتها:فرحانه اوى عشانكو ياروزة واخيرااا هتبقي مرات اخويا
نورة بعدت عن فيروز وبصتلها وشايفه الحزن فى عينيها
نورة:روحى يانيرو هاتلنا حاجه نشربها
نيرة:من عيونى
نيرة خرجت وقفلت الباب ونورة بصت لفيروز اوى:مش فرحانه صح
فيروز بصتلها وعينيها دمعت
نورة:طب ليه قولتى موافقه
فيروز:عشان خاطر ماما يانورة ماما خوفت عليها من كتر التفكير فى عمى وابنه
نورة:تعرفى حتى يوسف مش فرحان رغم انك حلمه اللى بيحلم بيه دايماا بس زعلان لانه عارف انك وافقتى عشان مامتك
نورة قعدت على السرير:تعرفى يافيروز يوسف اخويا ده ممكن يضحى بنفسه هو شخصياا عشان خاطر اللى بيحبهم تعرفى انه كان مموت نفسه فى ثانويه عامه عشان يجيب مجموع هندسه ولما جابه كان طاير من الفرحه انه هيحقق حلمه بس وقتها بابا اتوفى وهو فى اول سنه وقرر يسيب الكليه عشان يمسك المحل وشغل بابا رغم ان ماما قالتله خليك فى كليتك ياحبيبى بس هو رفض وقالها مش عايز تعب ابوياا يروح مننا وساب كليته اللى كانت كل حياته ومسك شغل بابا وكبره كمان ولما اتعرف على امير قررو يفتحو سوا معرض عربيات يمكن دى حاجه الوحيده اللى كان نفسه فيها وعملها
نورة بصت لفيروز:حتى انتى كان بيحلم بيكى امته تبقي معاه وعلى اسمه ولما جه عشان يحقق الحلم ده كان ناقص اهم حاجه هى فرحتكوو رغم انه المفروض يفرح لانك هتبقي ليه بس لا ده زعلان عشانك حتى فى وقت فرحته بيفكر فيكى انتى
نورة سابتها وخرجت وفيروز بتفكر فى كل كلامها
*********************
بليل فى شقه صفاء الكل متجمعين فى الريسبشن ماعدا فيروز اللى فى اوضتها
هناء:واخيرااا ياولاد مش مصدقه والله
صفاء:مبروك يايوسف ياحبيبي
يوسف:الله يبارك فيك ياصفصف
هناء:قومى يانورة هاتى فيروز
نورة:حاضر
نورة دخلت لفيروز اوضتها كانت قاعده متوترة ولابسه دريس بلون البينك وطرحه وشوز ابيض
نورة:يلا يافيروز بينادو عليكى برا
فيروز حست ان نورة زعلانه عشان اخوها
نورة لسه هتخرج فيروز مسكت ايدها:انتى زعلانه منى يانورة
نورة:عادى يافيروز
فيروز:لا مش عادى يانورة انا ميهونش عليا تزعلى منى اضحكى بقي ونبي انا متوترة لوحدى وحاسه كانى اول مرة اشوف الناس اللى برا دول
نورة غصبن عنها ضحكت:طب يلا نخرج
فيروز:يلا
نورة مسكت ايدها وخرجو ويوسف اول ماشافها قام وقف وهناء قامت من مكانها وحضنت فيروز:مبروك ياروزة الف مبروك
فيروز:الله يبارك فيك
هناء مسكت ايدها:تعالى اقعدى جمب عريسك ياحبيبتى
هناء قعدتها جمب يوسف
هناء:اقعد ياحبيبي
يوسف قعد وبص لفيروز اللى بتبص فى الارض
هناء:طبعا كلنا عارفين احنا هنا ليه وانا والله ياصفاء ربي اللى يعلم ان انا بعتبر فيروز زى نورة والله
صفاء:عارفه ياهناء ياحبيبتى
هناء:خلونا نقرا الفاتحه ونحدد سوا معاد الخطوبه
صفاء:وكتب الكتاب
يوسف بص لفيروز اللى بصت لامها بصدمه:خلينا نتفق الاول على معاد الخطوبه يامرات عمى وبعد كدا نبقي نعمل كتب كتاب
صفاء:بس يا..
يوسف:صدقينى كدا احسن
هناء:سيبى الولاد يحددو سوا ياصفاء
صفاء:حاضر
نوة:يلا نقرأ الفاتحه بقي
الكل بداو يقرو الفاتحه يوسف بيقرا الفاتحه وعينه على فيروز اللى بصتله ولفت وشها تانى
بعد ماخلصو نورة ونيرة زغروطو سواا
هناء:هششش يابت انتى وهيا احنا مش عايزين حد يعرف اى حاجه لحد مانحدد معاد الخطوبه
صفاء:وانتو ياولاد ناويين تعملو خطوبه عائليه
نورة:لا طبعاا احنا عايزين نفرح ونعمل خطوبه بهيصه
هناء:اللى يحدد ده فيروز ويوسف يشوفو هما عايزين ايه
صفاء:قومو ياولاد اقفو فى البلكونه شويا يلا قومو
يوسف قام وقف وفيروز كمان وراحو البلكونه
********************
فى فيلا عزام الشرقاوى
عزام قاعد فى استراحه اللى فى جنينه الفيلا ومحمود واقف قدامه
عزام:يعنى هو بيحبها بجد
محمود:اه ياباشا الحته كلها عارفه الكلام ده بس البت شكلها كدا تقلانه عليه واللى عرفته انه اتقدملها اكتر من مرة وهى مش بتوافق
عزام:ومين بقي ست الحسن اللى وقعت ابن الصياد
محمود فتح صورة على فونه واداها لعزام:هى دى ياباشا
عزام مسك الفون:بقي هيا دى فيروز هانم
محمود:وكمان البت بنت عمه قالت ان اخته بتحب صاحبه اللى اسمه امير
عزام:ده ايه العيله الرومانسيه دى
محمود:صح ياباشا شحتنا وصلت المخازن تحب ننزل بيها امته
عزام:بكرة وزى مااتفقنا
محمود:حاضر ياباشا
محمود مشي وفى بنت لابسه فستان قصير قربت من عزام وقعدت جمبه
(شيرين ٣٠ سنه ابوها كان شريك ابو عزام فى شركته ولما اتوفى هى ورثت كل حاجه وبقت شريكه عزام بتعشقه واكتر الاوقات بتكون عايشه معاه فى الفيلا)
شيرين:مش كفايه شغل بقي ياعزام
عزام:خلصت خلاص
شيرين:تعرف انك وحشتنى اوى يابيبي
عزام بصلها:وانا ميرضنيش تعالى نطلع الجناح
شيرين:يلا يابيبي
***************
فى شقه صفاء وتحديداا فى البلكونه يوسف وفيروز واقفين وبيبصو على الطريق والصمت طال بينهم
يوسف:احم فيروز انا عارف انك مش حابه كل اللى بيحصل وانتى وافقتى خوفا من عمك وابنه بس حتى لو من غير خطوبه انا افديكى بروحى
فيروز:بس انا موافقتش عشان خايف منهم
يوسف فرح بكلامها بس رجع اتضايق لما كملت
فيروز:وافقت عشان خاطر ماما وبس
يوسف:عارف يافيروز شوفى حابه تعملى خطوبه عائليه ولا نعملها فى قاعه شوفى اللى يريحك وعرفينى وبالنسبه لكتب الكتاب انا طلبت ناجله شويا لانى شوفتك اضايقتى من كلام والدتك احنا ممكن نكتفى بخطوبه لحد ماعمك ينسي الموضوع خالص ولو حابه بعدها كل واحد يروح لحاله انا مش هقف فى طريقك يافيروز
يوسف خرج وفيروز اتصدمت من رده كانت مفكرة انه مصدق انه خلاص خطبها وهيكتب كتابه عليها بس لا ده بيدور على سعادتها ورايها وهو مش مهم خالص
فيروز خرجت وراه
يوسف:هنستاذن احنا ياجماعه وزى ماقولت لفيروز ياصفصف شوفو عايزين الخطوبه ازاى وانا هعمل كل اللى انتو عايزينه
صفاء:حاضر ياحبيبي
***************
بعد وقت طويل فى جناح عزام شيرين نايمه على صدره:مش ناوي تتجوزنى بقي ياعزام
عزام ضحك بصوته كله:جواز مرة واحده
شيرين لفت الغطا عليها وقعدت قدامه:وفيها ايه لما تتجوزنى ولا احنا هنقضيها كدا علطول
عزام:انا مش بتاع جواز ياشوشو
شيرين:يعنى انت طول الوقت ده بتلعب بيا ياعزام
عزام:تؤ تؤ انا ملعبتش بيكى يامزة انتى اللى بداتى اللعبه وحبتيها كمان مش انا هو انا من يوم ماعرفتك كنت عشمتك بجواز ولا حاجه لاسمح الله
شيرين:لا بس انا فكرت ان اخرة اللى بنعمله ده جواز
عزام:فكرتى لا متفكريش تانى ولو انتى عايزة ننهى اللى بنعمله انا ماعنديش مانع فى بدالك مليون يتمنو نظرة بس منى
شيرين حضنته:وانا ميفرقش معايا اى حاجه غير انى اكون فى حضنك بس
عزام:شطورة يبقي بلاش توجعى راسي بموضوع الجواز ده تانى انا والجواز دونت ميكس ياروحى
شيرين:بقولك ايه انت بقالك فترة سايب شغل الشركه كله عليا
عزام:انا واثق فيكى ياقمر وبعدين انا مشغول فى المعرض
شيرين:احنا كنا محتاجين مهندسين متدربين وجه شويا بنات على شباب كدا عشان نختار منهم
عزام:حلو
شيرين:المشكله انهم شويا فشله ولا واحد فيهم نافع وكان فى بنتين قدمو ورقهم للمقابله فى واحده منهم اسمها نورة الصياد اعتذرت وتانيه اسمها فيروز مجيتش المقابله والبنتين دول بينجحو بتقدير امتياز وورقهم كويس جدااا
عزام:نورة الصياد
شيرين:اه
عزام:نورة وفيروز ده ايه الصدف القمر دى
شيرين:انت تعرفهم
عزام:معرفه سطحيه وهما مجوش من يومها
شيرين:لا
عزام:اكيد ابن الصياد مش هيجبهم شركتى
شيرين:طب نعمل ايه نكلمهم
عزام:لا مجوش نشوف غيرهم مش مشكله
شيرين:حاضر ياروحى......
************
صباح يوم جديد فى معرض الصياد
يوسف بعصبيه:وازاى ده حصل اصلا
امير:اهدى يايوسف
يوسف:اهدى ازاى وهو نزل بضاعته فى نفس الوقت اللى كنا هنزل فيه
امير:ممكن تهدى عشان نقدر نفكر
يوسف:ابن الشرقاوى مش ناوى يجيبها لبرا ابدااا وفوق ده كله اتعامل مع الشركات اللى بتتعامل معانا وخلاهم ينهو عقودهم معانا
امير:انا مش عارف هو وصل لشركات دى ازاى اصلا ده تقريبا محدش يعرفهم جوا مصر غيرنا
يوسف:انا متاكد ان حد من عندنا هو اللى قاله
امير:قصدك حد من اللى بيشتغلو فى المعرض
يوسف:اكيد
امير:هراجع الكاميرات كلها
يوسف:تمام وانا همشي الوقت لو وصلت لحاجه عرفنى
امير:تمام
يوسف خرج وركب عربيته وبعد شويا عربيه وصلت قدام المعرض ونزل منها عزام ودخل المعرض وقابل امير
عزام:اهلا اهلا امير باشا
امير:عايز ايه ياعزام وجاى ليه
عزام:اصل محدش فيكو ظهر ولا باركلى قولت اجى اخد المباركه بنفسي
امير:والله سبناك تلعب مرة من نفسك وتكسب جوله احنا ياما كسبنا جولات قبل كدا
عزام بصله اوى:اومال فين ابن الصياد
امير:قصدك يوسف الصياد على العموم هو مش هنا
عزام:يبقي فى المحل بتاعه عن اذنك ياامير باشا
عزام خرج وركب عربيته وقال لسواق:روح على محل مجوهرات الصياد
*****************
يوسف وصل عند العمارة وطلع شقتهم ودخل سمع صوت فيروز ونورة جاى من اوضه نورة
نورة:الله مش انتى العروسه يابت
فيروز:عارفه انى النيله العروسه خلاص بقي
نورة:والله انتى رخمه يعنى عايزة شبكه وهيصه ولا احنا بس كدا
فيروز:انا مش عايزة هلوله اصل دى خطوبه
نورة:يبقي ننزل نجيب فستان بسيط والحاجات اللى عايزينها اى رايك
فيروز:ننزل النهارده
نورة:ايوا
فيروز:حاضر هطلع اغير
نورة:وانا كمان هغير اه ومتنسيش تكلمى يوسف تعرفيه
فيروز:اعرفه ايه
نورة:انك عايزة الخطوبه عائليه وكمان اننا خارجين
فيروز:قوليله انتى انا اصلا مش معايا رقمه يلا سلام
نورة:سلام ياختى
فيروز خرجت واتفاجت بيوسف واقف قدامها
يوسف:ازيك يافيروز
فيروز:كويسه
يوسف:قررتى عايزة الخطوبه ايه
فيروز:عائليه احسن
يوسف:تمام هتنزلو تجيبو حاجاتكو
فيروز:اه انا ونورة
يوسف قرب منها واخد فونها وكتب رقمه وسجله:ده رقمى معاكى اهو
فيروز اخدت فونها:تمام
فيروز خرجت من الشقه وطلعت عشان تغير ويوسف دخل لنورة:نورة ابقي عدى عليا فى المحل قبل ماتخرجو عشان اديكى فلوس
نورة:حبيبي ياچو
يوسف دخل اخد ورق من اوضته ونزل المحل
حسن:يوسف
يوسف:نعم ياعمى
حسن:فى واحد كان عايزك ودخل يستناك فى المكتب
يوسف:مقالش اسمه ايه
حسن:لا يابنى
يوسف:تمام ياعمى
يوسف دخل المكتب واتفاجأ بعزام قاعد على الكرسي
عزام:ايه مافيش اهلا نورت المحل ياعزام
يوسف دخل وقفل الباب:عايز ايه ياعزام
عزام:جاى اشوفك عامل ايه بعد الضربه بتاعتى
يوسف راح على على كرسي بتاعه ورا المكتب:ولا هزت فيا شعره عادى اصل بصراحه انت صعبت عليا قولت اسيبك تضرب مرة من نفسك
عزام اضايق من طريقته:بس مش هتكون اخر مرة ياابن الصياد
يوسف:ربنا يسهل
عزام:صح عرفت ان اختك وصاحبتها كانو مقدمين ورقهم فى شركتى وانهم مجوش
يوسف:مستحيل اخليهم يدخلو شركتك دى اصلا
عزام:وليه ان شاء الله
يوسف:والله اهل بيتى وانا حر
عزام بخبث:وهى صاحبه اختك من اهل بيتك كمان
يوسف فهم قصده وعرف انه عرف كل حاجه عن فيروز
يوسف:اه ماهى صاحبه اختى تبقي خطيبتى وهتبقي مراتى قريب اوى
فجاه الباب اتفتح ودخلت نورة:ياچو .. احم انا اسفه معرفش ان عندك حد
عزام عينه على نورة
يوسف:فى حاجه
نورة:انت نسيت ولا ايه ياچو مش انت قولتيلى اجيلك ... طب شويا كدا اجيلك
يوسف:لا تعالى
نورة دخلت وقربت من يوسف اللى فونه رن
يوسف:هرد على المكالمه دى واجيلك يانورة
نورة:اوكى
يوسف خرج من المكتب وقال لعم عبده يدخل المكتب عشان ميسبش نورة لوحدها مع عزام
عزام كل ده عينه على نورة
عزام:الف مبروك
نورة باستغراب:على ايه
عزام:على الخطوبه
نورة فهمت انه فكرها فيروز:اهاااا لا انا مش العروسه انا نورة اخت يوسف
عزام:اهلا وسهلا
نورة ابتسمت:اهلا بيك
دخل عم عبده وبص لعزام:تشرب حاجه يابيه
عزام:لا شكرااا
عم عبده:ازيك يانورة يابنتى
نورة:بخير ياعم عبده
عم عبده:تشربي كابتشينو بتاعك
نورة:شكراا ياراجل ياطيب انا هاخد حاجه من يوسف وهمشي على طول
عم عبده:حاضر يابنتى
فون نورة رن وكانت فيروز
نورة:ايه يابنتى....خارجه اهو اصبرى يوسف بيتكلم فى الفون.... ارحمى امى بقي يافيروز ....حاضر والله اول مايوسف يخلص هخرج مش هتاخر ...اوكى باى
نورة قفلت وبصت لعزام اللى عينه عليها ولفت وشهاا
يوسف دخل:روح انت ياعم عبده
عم عبده:حاضر يابنى
يوسف طلع الكارت:خدى دى يانورة وهاتو كل اللى عايزينه ومتخليش فيروز تدفع جنيه من معاها
نورة اخدت الكارت وباسته من خده:حبيبي ياچو ربنا يخليك للغلابه
يوسف ضحك:يلا بطلى غلبه وروحى وممنوع اى حاجه تيجى ضيقه سماعنى
نورة:طب ماتيجى معانا احسن
يوسف:يلا روحى ومتتاخروش والسواق معاكو
نورة:حاضر باى
نورة خرجت ويوسف بص لعزام اللى عينه على نورة
يوسف:فى حاجه ياعزام
عزام قام وقف:ولا حاجه ومبروك على الخطوبه يابن الصياد
يوسف:الله يبارك فيك
عزام خرج ويوسف كان على اخره منه
عزام خرج وشاف نورة وفيروز اللى واقفين برااا
فيروز شافته وخافت من نظرته
نورة:مالك ياروزة
فيروز:الراجل ده غريب اوى ونظرته تخوف
نورة بصت عليه ورجعت بصت لفيروز:اه ده صاحب يوسف كان عنده فى المكتب تصدقى كان مفكرنى العروسه وباركلى
فيروز:والله
نورة:اه والله يلا عشان يوسف قالى ممنوع تتاخرو وممنوع حاجه تيجى ضيقه
فيروز:ماشي ياختى يلا نمشي
البنات ركبو العربيه وعزام ركب عربيته وراح على فيلته
***********************
فيروز ونورة راحو المول وجابو كل حاجه كانو محتاجينها وفيروز كانت معترضه ان يوسف هو اللى يدفع الفلوس بس نورة قالتلها ده امر منه
وبعد وقت طويل خلصو ورجعو على البيت
*******************
بليل يوسف رن علي فيروز وقالها تنزله المحل
فيروز دخلت المحل
عم عبده:ازيك يابنتى
فيروز:بخير ياعمو انت عامل ايه
عم عبده:فى نعمه الحمدلله يوسف مستنيكى جواا فى المكتب
فيروز:حاضر
فيروز دخلت المكتب اللى كان بابه مفتوح وكان يوسف واقف وضهره ليها:مساء الخير
يوسف لف وابتسم اول ماشافها:مساء الجمال
فيروز:كنت عايزنى ليه
يوسف:هنتكلم واحنا واقفين تعالى اقعدى
فيروز قربت وقعدت على الكرسي ويوسف قعد قدامها:بكرة خطوبتنا يافيروز
فيروز:انت منزلنى عشان تقولى كدا مانا عارفه على فكرة
يوسف هز راسه بنفاذ صبر من طريقتها:مانا عارف انك عارفه يافيروز انا كلمتك عشان تشوفى صور الدبل والخواتم عشان تختارى منهم عشان اوصيهم يوصلو بكرة
فيروز:اى حاجه مش هتفرق يعنى
يوسف:مش هتفرق الخاتم اللى هتلبسيه فى ايدك علطول مش فارق معاكى شكله
فيروز حاست انه اضايق:مش قصدى على فكرة
يوسف لف اللاب عشان تشوفه:تمام اتفرجى على الصور واختارى
فيروز فضلت تقلب:كلهم احلى من بعض مش عارفه اقرر الصراحه
يوسف:طب اعمل ايه
فيروز:بص ممكن تختاريلى انت على ذوقك
يوسف:انا
فيروز:ايوا انت فى المجال ده من زمان واكيد ذوقك حلو
يوسف:ماشي يافيروز طب ده بالنسبه للخاتم باقى الحاجه ايه اختارها انا كمان
فيروز:حاجه ايه
يوسف:شبكتك يافيروز
فيروز:لا انا مش عايزة حاجه كفايه كدا
يوسف:فيروز انا هدخلك مجموعه اطقم وهتختارى منهم فاهمه
يوسف داس على جرس ودخل شاب ومعاه مجموعه اطقم وفتح العلب وحطهم على المكتب قدام فيروز وخرج
يوسف:يلا اختارى
فيروز:بس دول شكلهم غاليين اوى يايوسف مش كفايه الحاجات اللى دفعت تمنهم النهارده
يوسف:مافيش حاجه تغلى عليكى يافيروز يلا اختارى
فيروز فضلت تتفرج عليهم ومحتارة بصت ليوسف:طب ممكن تساعدنى
يوسف:حاضر ياستى هساعدك انتى عجبك انهو فيهم
فيروز شاورت على الاتنين:دول احلى حاجه بس مش عارفه اختار انهو فيهم
يوسف قفل العلبتين:مبروك عليكى الاتنين
فيروز برقت:لا طبعاا كده كتير انا هاخد واحد بس
يوسف:فيروز مش هنتكلم كتير
فيروز:حاضر انا هطلع بقي
يوسف:تمام تصبحى على خير
فيروز:وانت من اهل الخير.....
🌹🌹🌹🌹🌹🌹🌹🌹
روايه خيوط الحب
««الفصل السادس»»
اشرقت شمس يوم جديد
فى شقه هناء
هناء:يعنى حتى يوم خطوبتك ياحبيبي نازل الشغل
يوسف:عندى شويا حاجات هخلصها واطلع مش هتاخر عليكم
هناء:ربنا يقويك ياحبيبي يارب
نورة خرجت من اوضتها:ماما انا هروح اجيب حاجه بسرعه مش هتاخر
يوسف:حاجه ايه
نورة:امبارح وفيروز بتجرب الفستان والطرحه نيرة من غير ماتقصد وقعت المانكير على الطرحه هروح اشترى واحده واجى
هناء:بس متتاخريش الساعه الوقت واحده
نورة:حاضر والله هشوف فيروز قبل مااخرج بس
يوسف:السواق تحت خليه يوصلك
نورة:حاضر ياچو يلا سلام
هناء:خدينى معاكى هطلع اساعد صفاء
نورة:يلا
*************
فى شقه صفاء اللى صحت من بدرى وبتجهز الاكل الباب خبط
صفاء:افتحى يانيرة
نيرة:حاضر
نيرة فتحت الباب وكانت هناء ونورة
هناء:صباح الفل يانيرو
نيرة:صباح الخير ياهنون
هناء:اومال فين صفصف
نيرة:فى المطبخ من بدرى
هناء:طب تعالى نروحلها
نيرة:يلا فيروز فى اوضتها يانورة
نورة:حاضر
*************
فى اوضه فيروز قاعده فى البلكونه وسرحانه فى كل حاجه يوسف بيعملها عشانها الباب اتفتح ودخلت نورة:ياصباح الفل على عروستنا القمرايه
فيروز:صباح النور انتى راحه فين كدا
نورة:راحه اجيب الطرحه انتى نسيتى ولا ايه
فيروز:اه صح طب اجى معاكى
نورة:لا خليكى هنا جهزى نفسك على مااجيلك مش عارفه خطوبه اى دى اللى هتعملوها بنهار
فيروز:نهار ايه ياهبله ده المغرب
نورة:بدرى بردو كنا عملناها بليل بعد العشا كدا
فيروز:ماما ومامتك اللى اصرو
نورة وفيروز قعدو يتكلمو كتير اوى وفجاه الباب اتفتح
هناء:انتى لسه هنا يابت الساعه بقت ٢ ونص
نورة:احلفى
هناء:يلا يابت عشان متتاخريش
نورة:حاضر راحه اهو
************
نورة نزلت وقابلت يوسف طالع
يوسف:انتى لسه راحه الوقت
نورة:قعدت مع عروستك يااخويا ولما بنقعد سوا بننسي نفسنا
يوسف:يلا روحى متتاخريش
نورة:بص الطرحه هجيبها فى ثانيه لكن انا ناويه اجيب هديه لروزة ممكن دى اللى تاخرنى
يوسف:هتجيبلها ايه
نورة:المصيبه انى مش عارفه لما اروح هناك واقرر
يوسف:بس انجزى
نورة:حاضر ياعريس
*************
يوسف طلع شقتهم ومامته دخلت وراه:انت جيت ياحبيبي
يوسف:اه ياست الكل
هناء:جبت الشبكه يايوسف
يوسف:اه ياحبيبتى
هناء:مش ناوى تقول لعمك
يوسف:عمى على راسي بس مراته وبنتها مش طايقهم الصراحه
هناء:معلش ياحبيبي لازم نقولهم اطلع خبط عليهم وعرفهم يلا
يوسف:حاضر
*************
يوسف خرج وطلع خبط على شقه عمه فتحتله ايه اللى فرحت لما شافته:ازيك يايوسف اتفضل
يوسف بصلها بقرف لانها فاتحه من غير حجاب وكمان لابسه بجامه:انتى بتفتحى الباب علطول بالمنظر ده
ايه باحراج:اصل فكرته بابا وبعدين انت ابن عمى يعنى عادى
سوسن جت :تعالى يايوسف
يوسف:هو عمى مش هنا
حسن من وراه:انا جيت اهو يابنى خير فى ايه
يوسف:انا كنت جاى اعزمك على خطوبتى
سوسن:خطوبتك امته وعلى مين
يوسف:خطوبتى على فيروز النهارده المغرب فوق فى شقتهم مش هيكون فى حد غيرنا بس والموضوع جه بسرعه
حسن:الف مبروك ياحبيبي ربنا يفرحك
يوسف:تسلم ياعمى
سوسن:مبروك
يوسف:الله يبارك فيك
يوسف مشي وايه دخلت اوضتها وفضلت تعيط
*****************
نورة وصلت المول وراحت جابت الطرحه ولفت كتير اوى ومش عارفه تجيب هديه ايه بصت فى فونها:نهار ابيض دول هينفخونى فى البيت الساعه بقت ٥
نورة ماشيه وقفت عند محل للاكسسوارات ولفت انتباها خاتم على شكل فراشات
نورة:كنت فين من بدرى هو ده اكيد هيعجب فيروز
نورة دخلت المحل واشتريته وخرجت وراحت ركبت العربيه ومشوو
بعد شوياا العربيه وقفت
نورة:فى ايه
السواق:مش عارف هنزل اشوف
نورة:طب بسرعه ونبي
السواق:حاضر
السواق خرج من العربيه وبعد شويا رجع تانى
نورة:مالها
السواق:شكل فيها عطل وانا مش عارف اصلحه
نورة:وهنعمل ايه الوقت
فون نورة رن وكان يوسف
نورة:الو يايوسف
يوسف:اتاخرتى ليه كدا
نورة:العربيه عطلت فى نص الطريق
يوسف:عطلو ازاى يعنى
نورة:معرفش والسواق قال مش عارف مالها انا هنزل اشوف اى تاكسي واجى
يوسف:خليكى وانا هجيلك
نورة:لا يايوسف اجهز انت وانا هاجى متقلقش عليا ولو فى اى حاجه هكلمك
يوسف:حاضر شويا كدا وهكلمك
نورة:حاضر
نورة نزلت من العربيه واخدت الشنط ووقفت على الطريق تستنى اى تاكسي يعدى
نورة:اوووف بقي مافيش ولا تاكسي
فجاه عربيه لونها اسود وقفت قدام نورة اللى استغربت وخرج منها عزام
نورة لما شافته عرفته
عزام قرب منها:ازيك ياانسه نورة
نورة:الحمدلله
عزام:انتى مستنيه حد هنا
نورة:لا بس العربيه عطلت وانا بستنى اى تاكسي عشان اروح
عزام:طب اتفضلى اوصلك
نورة:لالا مش عايزة اتعبك
عزام:لا تعب ولا حاجه وبيتك نفس طريقى اتفضلى
نورة:حاضر
عزام فتحلها الباب اللى ورا ونورة ركبت ولف ركب جمبها وقال لسواق يروح على عمارة الصياد
عزام:شكلك مستعجله
نورة:النهارده خطوبه يوسف وانا كنت بشترى حاجه واتاخرت عليهم
عزام:اممم الف مبروك
نورة:الله يبارك فيك
فون نورة رن وكان يوسف
نورة:الو ياچو....متقلقش انا جايه فى الطريق اهوو....لا ماكنش فى ولا تاكسي انا راكبه مع صاحبك...حاضر والله متخافش انا كويسه
....ماشي باى
نورة قفلت وعزام بصلها:الظاهر كدا ان اخوكى بيحبك اوى
نورة:يوسف كل حياتى هو ابويا واخويا وسندى وهو اللى مربينى ممكن تقول انه بيعتبرنى بنته مش اخته
عزام:ربنا يخليكو لبعض
نورة:يارب
العربيه وقفت قدام العمارة
نورة:بجد مش عارفه اشكرك ازاى
عزام:ده واجبي
نورة:طب تعالى اتفضل
عزام:مرة تانيه وباركى ليوسف نيابه عنى
نورة:اكيد يوصل
نورة اخدت حاجاتها ونزلت وطلعت العمارة وكل ده وعزام عينه عليها لحد مااختفت قال لسواق يتحرك
********
نورة طلعت شقه فيروز اللى كانت لبست الفستان وعملت ميكب رقيق
نورة دخلت اوضه فيروز
فيروز:كل ده يابنتى
نورة:اسفه اسفه والله الطرحه اهى هنزل اتا كمان البس
فيروز:حاضر
بعد شويا كان يوسف لابس قميص اسود على بنطلون بنفس اللون وكوتشي ابيض وكان اخر جمدان وكان معاه نورة اللى لابسه دريس بسيط بلون اللافندر وطرحه وكوتشي بلون الابيض وهناء وحسن وسوسن وايه طلعو ويوسف رن جرس شقه صفاء اللى فتحتله
صفاء:اتفضل ياحبيبي اتفضلوو ياجماعه
هناء:قومى يانورة هاتى فيروز يلا
نورة:حاضر
نورة دخلت اوضه فيروز:ارق عروسه شوفتها ايه الجمال ده
فيروز:بجد شكلى حلو
نورة:اوى اوى
نورة مسكت ايد فيروز وخرجو ويوسف كان واقف برا الاوضه ولما شافها تاه فى جمالها ورقتها كانت لابسه فستان رقيق جداا بلون الابيض وطرحه بنفس اللون
قرب عليها ومسك ايدها وباسها:زى القمر
فيروز بكسوف:شكراا
يوسف اخدها وراحو قعدو مكانهم
هناء:يلا ياحبيبي لبس عروستك شبكتها
نورة جابت العلبه قطيفه كبيرة بلون النبيتى وجت وفتحتها ويوسف لبس فيروز الدبله والخاتم ولبسها طقم كامل من سلسله وخاتم واسورة
وفيروز لبسته دبلته
وصفاء وهناء زغرطووو والكل كانو فرحانين على عكس ايه اللى كانت بتبص لفيروز بغل وسوسن اللى مش حابه كل اللى بيحصل
الكل بدا يبارك ليهم ونورة بدات تقدم ليهم الجاتوه ونيرة بتساعدها فى تقديم العصير
يوسف بهمس:ايه رايك فى الدبله والخاتم
فيروز بصت عليهم كانت الدبله عريضه مع بعض الرسومات من على طرفها ومعاها توينز على شكل تاج حاجه كدا قمر
فيروز:حلو اوى
يوسف:كنت عارف انه هيعجبك تعرفى ان الشكل ده اتعمل منه قطعه واحده بس يعنى محدش هيلبسه غيرك
فيروز بصتله اوى:بجد
يوسف:جد الجد كمان وانا اللى اختارت شكله لاحلى ملكه فى حياتى
فيروز بصتله وابتسمت وايه قاعده متابعه همسهم لبعض وهتموت من الغيظ
بعد شويا كان حسن وعيلته مشو
نورة قربت منهم وحضنت فيروز وبعدها يوسف
نورة:مبروك ياحبايب قلبي
فيروز ويوسف:الله يبارك فيك
نورة قعدت جمب فيروز:بصى بقي هديتى
فيروز اخدت منها علبه قطيفه بلون الارزق وفتحتها وكان خاتم على شكل فراشات وجمبهم ورده
فيروز:وااااو قمر اوى يانورة ربنا يخليكى ليا
نورة حضنتها:ويخليكى ليا ياروزة
هناء نادت على نورة اللى راحتلها وفيروز لبست الخاتم وكانت فرحانه بيه اوى
يوسف:افهم من كدا لما كنت بجبلك هديه على شكل فراشه كنتى بتفرحى اوى كدا
فيروز:انا بحب الفراشات فوق ماتتخيل
يوسف:مش لبستى حاجه منهم ليه يافيروز
فيروز بصتله ومش عارفه تقول ايه:اكيد هيجى وقت وهلبسهم
يوسف:وقت ماالاقيكى لابسه حاجه منهم هعرف ان قلبك رضي عنى
فيروز:ربنا يسهل
يوسف:بصراحه فى حاجه جبتهالك ويارب تعجبك
فيروز:ايه هيا
يوسف طلع علبه من جيبه:اتفضلى
فيروز فتحته وكان خاتم على شكل حرف Y
يوسف:الخاتم ده هعتبره دليل على حبك ليا يعنى لما اشوفه فى ايدك هعرف وقتها ان قلبك اختارنى ووقتها هتكون فرحتى اللى بجد ماشي يافيروز
فيروز هزت راسها باه
صفاء:يلا ياولاد السفرة جاهزة
الكل قعدو واتعشو سوااا فى جو جميل وبعدها يوسف وعيله نزلو والكل ناموو من تعب اليوم.......
روايه خيوط الحب
#الكاتبه جنات
#البارررت7/8
روايه خيوط الحب
««الفصل السابع»»
اشرقت شمس يوم جديد
يوسف قاعد فى مكتبه فى المحل دخل عليه امير:انت ياعم مختفى فين وبرن عليك من امبارح مش بترد عليا
يوسف:ده على اساس انك مش عارف يعنى
امير:عارف ايه
يوسف:انت هتشتغلنى ياض مش نورة اختى قالتلك ان خطوبتى امبارح على فيروز
امير: بجد احلف
يوسف:انت مكنتش تعرف
امير:هعرف منين وبعدين هو انا بشوف اختك اصلا عشان تقولى
يوسف:اومال مين اللى وصل نورة
امير:قصدك ايه وصلها فين
يوسف:امبارح نورة كانت بتجيب حاجه من المول وهى راجعه العربيه عطلت بيها ونزلت عشان تشوف تاكسي وبعد شويا كلمتها قالتلى انها راكبه مع صاحبي انت اللى جيت فى بالى وقتها
امير:يمكن اى حد من معارفك وركبها معاه
يوسف:محدش يعرف نورة اختى اصلا انت ذات نفسك اقرب حد ليا ماكنتش تعرفها
امير:صح اومال مين اللى هيبقي وصلها
يوسف:مش عارف
امير:على العموم اسالها وهى تقولك
يوسف:اكيد
امير حضنه:مبروك ياصاحبي فرحتك عشانك والله
يوسف:الله يبارك فيك عقبالك ياصاحبي
امير:واخيراا وافقت وحنت عليك
يوسف:لا الموضوع مش زى مانت مفكر خالص
امير:اومال ايه
يوسف حكاله على موضوع عم فيروز وخناقتها مع مامتها وكل اللى حصل
امير:بس اكيد لما تقرب منك هتحبك ياصاحبي سيبها على الله
يوسف:ونعمه بالله
امير:هروح انا بقي المعرض وصح فى شركه كبيرة اتواصلت معايا عايزينا نصنعلهم كميه كبيرة من العربيات
يوسف:شركه مين دى
امير:انا لسه بدور حوليهم عشان مينفعش ناخد صفقه بالحجم ده من غير مانعرف هما مين
يوسف:صح كدا ياصاحبي وابعتلى معلومات عنهم وانا هدور معاك بردو
امير:تمام يلا سلام
امير خرج ويوسف طلع شقتهم بسرعه ونادى على اخته بصوت عالى:نــــــــــــوورة
نورة خرجت من اوضتها هى وفيروز وهناء خرجت من المطبخ:فى ايه يابنى بتزعق ليه
يوسف قرب من نورة:انتى امبارح قوليتلى ان صاحبي هو اللى وصلك صح
نورة:ايوا
يوسف:كان قصدك على امير
نورة:لا مش امير
يوسف بعصبيه:اومال مين صاحبي ده
هناء:اهدى يايوسف ف ايه اول مرة تعلى صوتك على اختك كدا
يوسف:اهدى ازاى وانا معرفش اختى كانت راكبه مع مين انا كل تفكيرى انه امير اللى وصلها
نورة:صاحبك اللى كان موجود عندك وانا باخد منك الفلوس لما كنت خارجه انا وفيروز
يوسف فكر شويا واتعصب اكتر لما عرف انه عزام:انتى ازاى اصلا تركبي معاه
فيروز:اهدى يايوسف فى ايه لكل ده
يوسف:محدش يدخل انتو فاهمين
يوسف بص لنورة:اتكلمى ايه اللى ركبك معاه
نورة بخوف:العربيه عطلت يايوسف وماكنش فى ولا تاكسي وهو كان معدى من نفس الطريق وعرض عليا يوصلنى وكان معاه سواق مش لوحدنا وانا فكرته صاحبك وعارفك عشان كدا واقفت اركب معاه
يوسف مسكها من دراعها واتكلم بحده:اياكى يانورة اعرف انك اتكلمتى معاه ولا شوفتيه تانى انتى فاهمه
نورة عيطت:حاضر
يوسف زقها:امشي على اوضتك يلا
نورة دخلت اوضتها وفيروز دخلت وراها
هناء:فى ايه يابنى اول مرة تتكلم كدا مع اختك هو مين ده اللى وصلها وخايف منه ليه كدا
يوسف:ده اكتر واحد بيكرهنى وهو عارف ومتاكد ان انتو نقطه ضعفى ومش هسمحله يستغلها ابداا
هناء:طب اهدى ياحبيبي اختك ماكنتش تعرف ادخل طيب بخاطرها ومتسبهاش زعلانه كدا
يوسف:مش الوقت انا نازل المحل
هناء:حاضر ياحبيبي
*******************
فى اوضه نورة عماله تعيط وفيروز بتحاول تهديها
فيروز:خلاص بقي يانورة اخوكى خايف عليكى والله
نورة بعياط:اول مرة يعلى صوته عليا او يتعامل معايا كدا
فيروز:كلنا عارفين يوسف لما بيتعصب بيبقي صعب ده اخوكى وانتى اكتر واحده عرفاه يابنتى ممكن تهدى بقي
هناء دخلت الاوضه:متعطيش ياحبيبه قلبي اخوكى خاف عليكى الظاهر كدا الراجل ده فى مشاكل بينه وبين اخوكى وهو خايف يعملك حاجه عشان ينتقم منه
فيروز:مش انا قولتلك يانورة امسحى دموعه دى بقي
نورة مسحت دموعها وهناء خرجت
فيروز:هو ده الراجل اللى كان خارج وكان بيبصلنا بطريقه غريبه
نورة:اه هو
فيروز:الصراحه يانورة نظرته بس ترعب ازاى ركبتى معاه اصلا
نورة:اللى حصل بقي وانا كنت متاخره عليكو عشان كدا ركبت
فيروز:يلا حصل خير انا هطلع فوق بقي
نورة:حاضر
******************
فيروز طالعه على السلم ولسه هتفتح باب شقتهم شافت يوسف نازل من شقته بصلها اوى
يوسف:مالك بتبصيلى كدا ليه
فيروز:انت كويس
يوسف:اه كويس ليه
فيروز:اصل كان فاضلك تكه وتنفجر من كتر العصبيه
يوسف:فيروز انا على اخر مش وقت تريقتك خالص
فيروز:نورة مموته نفسها عياط تحت على فكرة كان ممكن تفهمها بهدوء من غير عصبيه وهى كانت هتعرف غلطها وهى ايه اللى هيعرفها ان بينكو مشاكل
يوسف:مين قالك ان فى بينا مشاكل
فيروز:طنط هناء
يوسف:ماشي يافيروز متقلقيش على نورة انا هرضيها
فيروز:تمام
يوسف:ادخلى يلا
فيروز فتحت باب الشقه ويوسف نزل وهى دخلت وقفلت الباب
********************
فى شركه الشرقاوى الخاصه بالمنشأت المعماريه
شيرين قاعده فى مكتبها وفى اتنين قاعدين قدامها
احمد:بس كدا ممكن نتكشف لان المبنى مش هيستحمل
شيرين:اعمل اللى بقولك عليه ومتخافيش انا سالت اكتر من حد وقالو المبنى هيستحمل
شادى:طيب ده بالنسبه للمول طب الفيلا اللى فى التجمع هنعمل فيها ايه
شيرين:زى باقى شغلنا نقص فى المواد
شادى:قصدك نستعمل نص المواد سليم والنص التانى مضروب
شيرين:بظبط كدا ونسبتكو هتوصلكو متقلقوش
احمد:تمام ياهانم بس لو عزام بيه عرف
شيرين:عزام سايب كل الشغل عليا ومش بيجى محدش هيعرف اتفضلو يلا
احمد وشادى خرجو وشيرين طلعت سجارة وولعتها وبدات تدخن
(شادى ده هو نفسه ابن منصور عم فيروز)
************************
فى شقه حسن
ايه قاعده فى اوضتها وعماله تعيط دخلت عليها سوسن:هتفضلى قاعده تنحى كدا كتير يابت بطنى
ايه:ونبي سبينى ياماا فى حالى انا فيا اللى مكفينى
سوسن:ماحنا لازم نخطط كويس عشان نبعدهم عن بعض يابت مش تقعدى تنوحى كدا
ايه:هنعمل ايه يعنى ياما واديكى شوفتى اخر مرة قالى لو عملت حاجه ولا جيت جمب الهانم بتاعته هيمشينا من العمارة
سوسن:سيبك انتى انا هتصرف وصدقينى هاخدلك حقك منهم ياقلب امك
ايه حضنت امها:حبيبتي ياماما بس انتى ناويه على ايه
سوسن:اطلعى انتى منها انا هتصرف
ايه:حاضر
*********************
بليل يوسف خلص شغل وراح على سوبر ماركت قريب منهم وجاب ٣ شنط مليانين شيبسي وكانز وشوكلت وعصاير وكاندى وحاجات كتير واخدهم وطلع على شقه فيروز رن الجرس
نيرة فتحتله:اهلا اهلا بعريسنا
يوسف:اهلا باحلى عروسه فين صفصف وعروستى
نيرة:صفصف نامت وعروستك فى اوضتها
يوسف:طب روحى نادى عليها
نيرة لسه هتمشي يوسف نادى عليها:خدى يانيرو دى عشانك
نيرة اخدت الشنطه:الف شكر ياكبير
يوسف ضحك:روحى نادى لفيروز يلا
نيرة دخلت اوضه فيروز وقالتلها وبعد شويا فيروز خرجت لابسه اسدال ونيرة راحت اوضتها
فيروز:اتفضل يايوسف
يوسف:لا مينفعش عشان صفصف نايمه انا كنت جاى وجيبلك دى اتفضلى
فيروز اخدت الشنطه وبصت فيها:بس ده كتير اوى كان كفايه شنطه نيرة
يوسف:هرجع اقولك تانى مافيش حاجه تغلى عليك
فيروز:شكرااا
يوسف ضحك:العفو يلا هنزل اصالح القمر اللى تحت
فيروز:لا متقلقش هى هتنسي كل حاجه لما تشوف الشنطه دى
يوسف:مانا عارفه عشان كدا قصرت على نفسي الطريق يلا تصبحى على الخير
فيروز:تلاقى الخير
*******************
يوسف نزل ودخل شقتهم كانت هناء مستنياه
هناء:جيت ياحبيبي
يوسف باس راسها:اه ياست الكل
هناء:احضرلك العشا
يوسف:ياريت لانى واقع من الجوع اومال فين نورة
هناء:فى اوضتها من ساعتها مش راضيه تخرج
يوسف:وماكلتش حاجه
هناء:لا
يوسف:طب جهزى الاكل وانا هدخلها اهو
هناء:ماشي يابنى
**************
فى اوضه نورة قاعده على السرير الباب خبط ودخل يوسف:الجميل لسه زعلان
نورة اول ماشافته دفنت وشها بين ايديها وعيطت جامد ويوسف دخل وشدها لحضنه:حقك عليا يانوارة قلبي بس كنت خايف عليكى والله
نورة:انا اسفه مش هعمل كدا تانى والله
يوسف بعدها عن حضنه:نورة الراجل ده بيكرهنى جداا وبيتمنى موتى
نورة بسرعه:بعد الشر عليك ياحبيبي
يوسف ابتسم:انا خوفت لما عرفت انك ركبتى معاه لان انتى وماما وفيروز نقطه ضعفى ومش عايزه يستغلها ابداا فهمانى
نورة:فهماك وصدقنى مش هعملها تانى ابداا والله بس هو ليه مش بيحبك
يوسف:هو عنده معرض عربيات كبير ولما انا فتحت المعرض بتاعى الناس كتير من اللى كانو بيتعاملو معاه بقي بيتعاملو معايا انا وامير وده طبعاا ضايقه جدااا ومن وقتها وهو بينافسنى فى اى حاجه اعملها
نورة:بس خد بالك على نفسك يايوسف احنا من غيرك ولا حاجه
يوسف حضنها:حبيبه قلبي انتى
يوسف بعد عنها ومسك شنطه:اتفضلى
نورة:ايه ده
يوسف:شوفى بنفسك
نورة فتحت الشنطه وفرحت جداا:حبيبي ياچو يامدلعنى
يوسف:يلا قومى عشان تاكلى واياكى بعد كدا ترفضي الاكل مرة تانيه حتى لو قتلك من الضرب سامعه
نورة:حاضر
يوسف:يلا تعالى نتعشي سوا
نورة:يلا
يوسف خرج وفى حضنه نورة وبيضحكو وهناء لما شافتهم ابتسمت بفرحه:ربنا يخليكو لبعض ياحبايبى
يوسف باس ايديها:ويخليكى لينا ياست الكل
نورة حضنتها:انتى نور البيت ياماما ربنا يباركلنا فيكى
هناء:ويباركلى فيكو ياحبايبى يلا عشان نتعشي سوا
الكل قعدو على السفرة واتعشو سوااا فى جو عائلى جميل وبعدها كل واحد راح على اوضته عشان يناموو.....
&&&&&&
تفاعل كتير عشان انزل بارت كمان
🌹🌹🌹🌹🌹🌹🌹
روايه خيوط الحب
««الفصل التامن»»
عدى اسبوع على ابطالنا
البنات نتيجتهم ظهرت ونجحو بتقدير امتياز
عزام ويوسف المنافسه مابينهم كل يوم بتزيد
امير اللى معجب بنورة طلب ايدها من يوسف اللى وافق وهى طايرة من الفرحه وبيحضرو للخطوبه
عزام اللى حاطط ناس يراقبو يوسف وكل عيلته وبيعرف عنهم كل كبيرة وصغيرة تقريبااا
سوسن اللى زعلانه على بنتها ايه اللى حابسه نفسها فى اوضتها من وقت خطوبه يوسف وقررت تتنقم من فيروز على قهرة بنتها وبلغت منصور عم فيروز بخطوبتها ليوسف وبيخططو سواا ازاى يبعدوهم عن بعض
اما بقي بالنسبه لعلاقه فيروز ويوسف تقريبا لسه زى ماهما بس فيروز بدات تتكلم معاه واكتشفت فيه جوانب كتير ماكنتش تعرفها ويوسف كل مايشوفها بيبص على ايدها على امل يلاقيها لابسه الخاتم
******************
فى فيلا عزام قاعد فى اوضه المكتب ورافع رجليه على المكتب وفى ايده السجارة وواقف قدامه محمود
عزام:خطوبتها على مين
محمود:على امير صاحب يوسف الصياد
عزام ابتسم بخبث:حلو اوى يبقي لازم نباركلهم بطريقتنا
محمود:امرنى ياباشا
عزام بصله اوى وبدا يقوله هيعمل ايه
محمود:اعتبره حصل عن اذنك
محمود خرج وعزام نفخ دخان سجارته وضحك بصوته كله:قريب اوى هتبقي ليا ومش لحد غيرى
****************
فيروز طلعت السطح تسقى الورد قبل ماتخرج مع فيروز خلصت بتلف اتخضت لما لاقت يوسف قدامها
فيروز:حرام عليك يايوسف خضتنى
يوسف:انا اسف والله كنت فى شقتى ولما سمعتك طالعه قولت اجى اشوفك
فيروز:ليه فى حاجه
يوسف:انتى مش حاسه ان فى حاجه ناقصه
فيروز:حاجه ايه مش فاهمه
يوسف بجديه:حاجه مهمه جداا
فيروز:ايه هيا
يوسف:ان فراشتى نجحت وانا ماجبتلهاش هديه
فيروز:ياعم وقعت قلبي
يوسف قرب منها:سلامه قلبك
يوسف طلع علبه طويله من جيبه:الف مبروك يافيروز
فيروز بصت للعلبه:يوسف من وقت خطوبتنا وانت جبتلى حاجات كتير اوى
يوسف:بردو هنتكلم تانى فى الموضوع ده يلا افتحيها بقي
فيروز اخدت العلب وفتحتها كان فيها سلسلتين واحده على شكل فراشه وتانيه على شكل عضو القلب
!
!
فيروز:الفراشه حلوة جداا بس القلب ده غريب اوى
يوسف:الفراشه لانك بتحبي الفراشات فقولت اكيد هتفرحى بيها اما بقي القلب ده اعتبريه قلبي وانا بسلمه ليكى ياستى يعنى من الاخر قلبي بين ايديكى اهو وانتى وضميرك بقي لما اشوف هتحنى عليا امته
فيروز غصبن عنها ابتسمت:بجد شكراا يايوسف حلوين اوى
يوسف:وهيبقو احلى لما تلبسيهم تسمحيلى
فيروز بصتله اوى ومدت ايدها بالعلبه
يوسف اخد السلسله الفراشه:انا هلبسك دى
يوسف لبسها ليها وفيروز كانت فرحانه بيها
فيروز:حلوة اوى
يوسف:اما قلبي بقي هسيبه مع الخاتم لما تحسي انك عايزة تلبسهم البسهم
فيروز:حاضر
يوسف:انتى نازله مع نورة صح
فيروز:ايوا هنزل البس اهو
يوسف:خدو بالكو من نفسكو
فيروز:حاضر هنزل انا بقي
يوسف:انزلى
فيروز نزلت ويوسف اتنهد:هتجنينى يافراشه قلبي
****************
فى شقه هناء نورة قاعده فى اوضتها وبتكلم امير
نورة:هنزل انا وفيروز هنجيب شويا حاجات عشان الخطوبه
امير:تحبي اجى اوصلكو
نورة:لا يوسف هيبعت معانا السواق متقلقش
امير:تمام
نورة سكتت شويا:امير
امير:نعم
نورة:انت مشوفتنيش غير مرة واحده ايه اللى خلاك تطلبنى من يوسف
امير:اه انا شوفتك مرة واحده بس شوفت فيكى البنت المحترمه اللى تنفع تكون زوجه وام
نورة سكتت ومردتش عليه
امير:بصي يانورة انا مش هكذب عليكى واقولك انى بحبك لانى لو قولتلك كدا تعرفى انى بضحك عليك انا لما شوفتك وقتها اعجبت بيكى يانورة وعشان كدا طلبتك لكن مينفعش اكلمك واخرج معاكى او اقولك بحبك وكل ده من ورا صاحبي انا كدا ابقي بخون ثقته وانا مش كدا فهمانى
نورة ابتسمت وفرحت بكلامه:فهماك هقفل عشان اروح البس عشان ننزل ومنتاخرش
امير:خدى بالك على نفسك
نورة:حاضر
نورة قفلت وقامت تغير عشان تخرج مع فيروز
*********************
فيروز ونورة لبسو ونزلو وركبو العربيه
فيروز ملاحظه نورة سرحانه ومش بتتكلم وده على غير العاده
فيروز:مالك يانورة
نورة.....
فيروز:نورة
نورة:هااا
فيروز:فى ايه مالك بكلمك مش بتردى عليا
نورة:امير مش بيحبنى
فيروز:ولما هو مش بيحبك طلب ايدك ليه
نورة:بيقولى عشان شاف فيا البنت المحترمه اللى تنفع زوجه وام
فيروز:هو اللى قالك كدا
نورة:ايوا
فيروز:وقالك ايه تانى
نورة قالتلها على كل كلام امير
فيروز:المفروض تفرحى انه مكذبش عليكى يانورة والحب هيجى مع الوقت بعد ماتتجوزو
نورة بصتلها:وافرض مجاش الحب
فيروز بصتلها ومش عارفه تقولها ايه
نورة:انتى اهو يوسف بيعشقك ومن زمان وعمل عشانك كتير بس بردو فكرتيش تديه فرصه
فيروز.....
نورة:مش بتردى ليه يافيروز
فيروز:مش عارفه يانورة بس صدقينى لما اتكلمت مع يوسف اكتشفت فيه حاجات كتير اوى
نورة:يعنى بتفكرى تديه فرصه
فيروز:انا اديته الفرصه لما وافقت على الخطوبه يانورة
نورة:يعنى امير ممكن يجى يوم ويحبنى
فيروز:ده واحد حس انه معجب بيكى فطلب ايدك من اخوكى يعنى خطوه حلوة منه واللى عرفته انه عايش لوحده ومامته وباباه متوفين يعنى انتى هتبقي كل حاجه فى حياته
نورة بفرحه:بجد
فيروز:بجد ... اللى انا مستغرباه انتى متعرفيش اى حاجه عنه ازاى حبتيه اصلا
نورة:مش عارفه بس كنت بسمع يوسف بيتكلم عنه دايماا فيمكن عشان كدا اتشديت ليه من غير مااكلمه حتى
فيروز:انتى متاكده ان ده حب يانورة
نورة بصتلها وسكتت ومش عارفه ترد تقول ايه
فيروز:ممكن يكون اعجاب لانك بتسمعى اخوكى بيتكلم عليه دايماا صح
نورة:بس انا كنت بفرح جداا لو شوفته حتى من بعيد وبحس قلبي هيخرج من مكانه
فيروز:ربنا يفرحكو ياقلبي
نورة بصت على السلسله الفراشه:هديه النجاح مش كدا
فيروز ابتسمت:اه ياستى
نورة:ربنا يخليكو لبعض
بعد شويا وصلو المول ونزلو من العربيه ودخلو المول وبداو يتفرجو على الفساتين لحد ماعجبهم فستان رقيق بلون البينك نورة اشتريته وفيروز كمان اشتريت فستان واشترو حاجات كتير جدااا وبعد وقت طويل نزلوو ركبو العربيه
فيروز:تعبت اوى مش حاسه برجليا
نورة:يالهوى انا مش هتغير ابداا
فيروز:نسيتى ايه يااخره صبرى
نورة:الشنطه اللى فيها الشوز نسيتها فى محل الطرح
فيروز:تعالى ننزل نجيبها
نورة:لا خليكى انتى هروح اجيبها بسرعه
فيروز:طب متتاخريش
نورة:حاضر
نورة نزلت ودخلت المول وراحت على المحل اللى نست فيه الشنطه ودخلت اخدتها وخرجت منه وهى ماشيه بتبص جوا الشنطه خبطت فى جسم صلب رفعت وشها وشافت عزام قدامها نورة خافت لما شافته وافتكرت كلام يوسف عنه
عزام:ازيك ياانسه نورة
نورة بخوف واضح:الحمدلله انا اسفه عن اذنك
عزام استغرب خوفها ومسكها من دراعها:مالك مرعوبه منى ليه كدا
نورة بعدت ايده عنه:متفكرش تلمسنى مرة تانيه انت فاهم وبعدين اخاف ولا مخافش هو انت من بقيت عيلتى مالكش دعوة بيا
نورة مشت من قدامه بسرعه وعزام بص لطيفها:شكل ابن الصياد حكالك عنى
عزام طلع فونه ورن على محمود اللى رد عليه بسرعه:نفذ النهارده
محمود:حاضر ياباشا هى فى المول واحنا وراهاا
عزام:تمام وسيبله عروسته عشان ميعيطش
محمود:اعتبره حصل ياباشا
*******************
عند نورة خرجت من المول بسرعه وركبت العربيه وكانت خايفه
فيروز:مالك يابنتى
نورة:لا مافيش انا بس كنت بجرى عشان متاخرش عليكى يلا نمشي
فيروز استغربت:حاضر
نورة بصت من الشباك وشافت عزام وهو خارج من المول وعينه عليها وبيتسم ابتسامه غريبه نورة خافت اكتر
نورة لسواق:يلا اتحرك بسرعه
السواق اتحرك بالعربيه وعزام ركب عربيته وراح على الفيلا
****************
فى العربيه
فيروز:مالك يانورة
نورة:مافيش
فيروز:مافيش ايه دانا سامعه دقات قلبك من عندى
نورة:بقولك عشان كنت بجرى
فيروز لسه هترد عليه العربيه وقفت فجاه والبنات اندفعو بقوة لقدام
فيروز:فى ايه وقفت فجاه ليه كدا
نورة عينيها على العربيه السودا اللى واقفه قدامهم
السواق محروس:انا اسف يابنتى بس فى عربيه وقفت فجاه قدامى
فيروز بصت على العربيه:هما واقفين فى نص الطريق ليه كدا
نورة:مش عارفه
فجاه نزل رجلين من العربيه جسمهم زى بتوع المصارعه والبنات خافو لما شافوهم بيقربو منهم وواحد منهم فتح باب العربيه اللى قدام وضرب محروس على راسه اللى اغمى عليه والبنات صوتوو والرجلين قربو وكل واحد فتح باب من ناحيه البنات
واحد منهم شد نورة وخرجها من العربيه وهى بتحاول تقاومه بس دى نمله جمب فيل وطلع حقنه ودبها فى كتفها ونورة اغمى عليها والراجل شالها وراح على العربيه والتانى طلع حقنه حطها فى كتف فيروز اللى بتصوت بخوف على نورة بس مقاومتها قلت اثر الحقنه ووقعت على الكرسي الخلفى والراجل قفل الباب وراح ركب العربيه واتحركو بيها.......
&&&&&
تفتكرو عزام ناوى على ايه؟؟
روايه خيوط الحب
#الكاتبه جنات
#البارررت9/10
روايه خيوط الحب
««الفصل التاسع»»
بليل الساعه ١١ يوسف دخل شقتهم كانت هناء وصفاء قاعدين
هناء جرت عليه:يوسف انت مكلمتش اختك
يوسف:هى لسه ماجيتش
هناء:لا وانا وصفاء عمالين نرن عليهم محدش فيهم بيرد
يوسف:مكلمتنيش ليه
صفاء:رنينا كتير يابنى وانت مش بترد
يوسف طلع فونه ولقى مكالمات كتير من امه ومن صفاء بس الفون كان صامت
يوسف:طب متقلقوش هرن على محروس اهو
يوسف فضل يرن محدش بيرد ورن تانى الخط اتفتح
يوسف:محروس انتو فين ومرجعتوش ليه لحد الوقت
واحده ردت عليه:يااستاذ صاحب الفون ده فى المستشفى
يوسف:مستشفى ايه وانتى مين والبنات اللى كانو معاه فين
الممرضه:انا الممرضه المسؤله عنه واحنا فى مستشفى ...... وكان فى بنت معاه وكانت متخدرة
يوسف:ثوانى وهكون عندكو
هناء بخوف:فى ايه يابنى مستشفى ايه البنات مالهم
يوسف:اهدى ياست الكل انا هروح اشوف فى ايه وهطمنكو
صفاء:طب نيجى معاك
يوسف وهو بيفتح باب الشقه:لا
يوسف كلم امير وقاله على كل حاجه وقاله يروحله المستشفى
**********
يوسف وصل المستشفى فى وقت قياسي ودخل وكان امير بيتكلم مع واحده فى الاستقبال
يوسف:امير فى ايه
امير:تعالى نطلع واقولك
امير ويوسف طالعين على السلم
امير:الناس لاقو العربيه واقفه فى الطريق ومحروس كان مضروب على راسه ومتعور وفيروز متخدرة فى الكرسي اللى ورا
يوسف:ونورة
امير:قالو ان ماكنش فى غير الاتنين دول فى العربيه
يوسف:هتكون راحت فين
امير:اهدى نشوف فيروز ومحروس ونفهم منهم ايه اللى حصل
يوسف وامير وصلو عند اوضه فيروز
امير:ادخل شوفها وانا هشوف محروس
يوسف دخل اوضه اللى فيها فيروز وكانت نايمه على السرير والممرضه جمبها
يوسف:طمنينى عامله ايه
الممرضه:متقلقش هى بخير ومافيش فيها ولا خدش بس هى اخده حقنه مخدر ومش هتصحى غير بكرة
يوسف بصلها كتير وخرج من الاوضه وراح اوضه محروس اللى كان بدا يفوق وامير واقف جمبه
يوسف:حمدلله على السلامه يامحروس
محروس:الله يسلمك ياباشا
امير:احكيلنا ايه اللى حصل
محروس بدا يحكيلهم كل حاجه
يوسف:ونورة اختى فين
محروس:والله ياباشا انا الراجل ضربنى ومحستش باى حاجه غير وانا هنا ومعرفش حصلهم ايه
امير:مافيش قدامنا غير فيروز
يوسف بعصبيه:فيروز اخده حقنه مخدرة مش هتفوق غير بكرة
امير:اهدى يايوسف
يوسف بعصبيه زياده:اهدى ازاى وانا مش عارف اختى فين
الممرضه جت عليهم:لو سمحت وطى صوتك احنا هنا فى مستشفى
امير:احنا اسفين مش هتكرر تانى
الممرضه مشت وامير قرب من يوسف:اهدى يايوسف خلينا نعرف نفكر
يوسف بص لمحروس:انتو كنتو فين بظبط لما طلعو عليكم
محروس:كنا فى الطريق القريب من الحته ياباشا
يوسف خبط بايده بعصبيه فى الحيطه:مافيش كاميرات فى الطريق ده
امير:بس فى كاميرات عند المول وكمان باقى الطريق ممكن نشوفهم اكيد العربيه كانت متابعاهم
يوسف:صح خلينا نروح المول ونشوف باقى الكاميرات
امير:الساعه الوقت ١٢ يايوسف خلينا نستنى لحد الصبح وكمان عشان تطمن على فيروز
يوسف اتنهد:حاضر
فون يوسف رن وكان امه رد عليها:الو
هناء:طمنى يابنى البنات كويسين
يوسف:كويسين ياست الكل متقلقيش
هناء:طب لما هما كويسين بيعملو ايه فى المستشفى
يوسف:حادثه بسيطه
هناء:طب خلينى اكلمهم عشان قلبي يطمن
يوسف:نايمين ياست الكل
هناء:طب تحب نجيلك انا وصفاء
يوسف:لا خليكو مرتاحين احنا هنرجع الصبح
هناء:حاضر يابنى
يوسف قفل وراح اوضه فيروز وقعد على الكنبه قدامها وعينه عليها وفى الف سيناريو فى دماغه ياترى اخته فين ومين اللى طلع عليهم
****************
اشرقت شمس يوم جديد ويوسف قاعد مكانه وعينه على فيروز اللى بدات تفوق قام وقف وقرب منها وسند على السرير بايده الاتنين
فيروز بدات تفوق والرؤيه كانت مش واضحه فضلت تفتح عينيها وتقفلها تانى لحد مافتحتها والرؤيه وضحت وشافت يوسف واقف قدامهاا:يوسف
يوسف:حمدلله على السلامه
فيروز عيطت لما افتكرت اللى حصل:نورة
يوسف:ايه اللى حصل يافيروز ونورة فين
فيروز قامت قعدت:احنا كنا راجعين فى عربيه وقفت قدامنا ونزل منها ٢ عمالقه وضربو السواق وواحد منهم اخد نورة معاهم العربيه وتانى عطانى حقنه فى دراعى
يوسف:طب تعرفى حد منهم شوفتيه قبل كدا
فيروز:لا
يوسف:طب يلا عشان ترجعى البيت
فيروز:ونورة
يوسف:هرجعها متخافيش يلا
يوسف خرج ومعاه فيروز وامير قرب منهم
امير:عامله ايه يافيروز
فيروز:بخير الحمدلله
يوسف:هوصل فيروز ونروح المول
امير:حاضر انا هوصل محروس لانه تعبان
يوسف:تمام
يوسف نزل ومعاه فيروز وركبو العربيه
فيروز:انت هتروح المول ليه
يوسف:هنشوف الكاميرات يمكن تكون جايبه العربيه اللى طلعت عليكم
فيروز:تمام
بعد شويا وصلو تحت العمارة
يوسف:فيروز لو حد سالك على نورة قولى ان امير اخدها وراحو يجيبو اى حاجه عشان الخطوبه بكرة تمام واللى حصلكو حادثه بسيطه
فيروز:حاضر
فيروز نزلت من العربيه ويوسف مشي وراح على المول
****************
فيروز طلعت السلم وفجاه باب شقه يوسف اتفتح وخرجت هناء:حمدلله على سلامتك يابنتى عامله ايه
فيروز:انا كويسه ياهنون كانت حادثه بسيطه محدش حصله حاجه متخافيش
هناء:اومال فين نورة
فيروز:امير ياختى حب ينسيها خوفها اخدها عشان تختار معاه طقم الخطوبه
هناء:هى كويسه يعنى
فيروز:الحمدلله
هناء:طب اطلعى ياحبيبتى لصفاء كانت هتموت من القلق عليكى
فيروز:حاضر
فيروز طلعت وهناء قفلت الباب فيروز طلعت رنت جرس شقتها فتحلتها نيرة اللى اترمت فى حضنها
نيرة بصوت عالى:ياماما فيروز جت
صفاء خرجت من المطبخ:ياحبيبتى حمدلله على سلامتك سيبها تدخل يانيرة
نيرة بعدت عنها
فيروز:الله يسلمك ياصفصف
صفاء:عامله ايه ياحبت عينى حصلك حاجه
فيروز:لا ياحبيبتى كويسه والله محتاجه بس ادخل اخد شاور وارتاح شويا
صفاء:ادخلى ياقلب امك ادخلى
فيروز دخلت اوضتها وماصدقت قفلت الباب وعيطت بخوف على نورة اللى محدش يعرف هى فين وياترى ايه اللى بيحصل معاها
***************
يوسف وصل عند المول وفى نفس الوقت وصل امير وقرب منه:يلا ندخل
دخلو ولان صاحب المول يعرف يوسف وافق انه يشوف الكاميرات ويوسف شاف لما نورة خبطت فى عزام وكمان شافه وهو بيبص على عربيتهم وهما ماشين
يوسف:ورحمه ابويا لو كان هو مش هرحمه
امير:مصلحته ايه انه يخطفها كدا
يوسف:مش عارف انا هتجنن
امير:هنعمل ايه
يوسف:هنشوف باقى الكاميرات اللى على الطريق
امير:طب يلا
امير ويوسف شافو كل الكاميرات اللى على المحلات والبيوت وماكنش فى اى عربيات ماشيه وراهم
يوسف كان هيتجنن:انا هتجنن مافيش اى عربيه ماشيه وراهم
امير:بس وجود عزام فى المول فى نفس توقيت وجودهم غريب شويا
يوسف:كلم الرائد مراد عايزين نقابله
امير:ليه
يوسف:هنروح فيلا عزام ونفتشها
امير:هو لو خطفها بجد اكيد مش هياخدها فيلته
يوسف:انا مراقب كل المخازن بتاعته ومافيش اى حركه غريبه عندهم يبقي اكيد فى الفيلا
امير:حاضر هكلمه
امير كلم صاحبهم مراد اللى جاب بسهوله اذن تفتيش فيلا عزام واتحركو كلهم على الفيلا
*****************
فى فيلا عزام اللى قاعد فى الريسبشن بكل هدوء وبيدخن سجارته دخلت شيرين اللى لابسه شورت جينس وبدى بلون الاسود وقعدت جمبه:وحشتنى يابيبي
عزام بصلها ومردش عليها
شيرين:مالك ياعزام بقولك وحشتنى
عزام:ماليش مزاج
شيرين حست بالاهانه من طريقته ولسه هتتكلم دخل واحد من الحرس:عزام بيه الشرطه برا وعايزين يفتشو الفيلا ومعاهم يوسف الصياد
شيرين بخوف:شرطه
عزام ابتسم بخبث:خليهم يتفضلو
الشرطه دخلت وفى مقدمتهم مراد ويوسف وامير
وعزام قام وقف وجمبه شيرين اللى اترعبت من وجود الشرطه
عزام:اهلا نورتو فيلتى المتواضعه
مراد:عزام باشا عندنا اذن بتفتيش الفيلا
عزام:ممكن افهم ليه
مراد:يوسف الصياد بيتهمك انك خطفت اخته نورة الصياد واحنا لازم نفتش المكان كله
عزام:من غير ماتفتشه نورة هانم موجوده هنا
يوسف:يابن🐶 ياواطى هى فين
مراد:اهدى يايوسف احنا هنشوف شغلنا عزام باشا هتخلينا نشوفنا وتيجى معانا بدون شوشرة يكون احسن لحضرتك
عزام:تشوفها اوكى بس تيجى معاكو صعبه شويا
يوسف بصوت عالى:انت هتستعبط اختى فين
عزام نادى بصوت عالى:رحاااااب
جت كبيرة الخدم رحاب:امرك يابيه
عزام:نادى على الهانم بسرعه
رحاب:حاضر
رحاب طلعت السلم وبعد شويا نزلت ومعاها نورة اللى نازله السلم وبتحاول تدارى خوفها يوسف جرى عليها وشدها لحضنه وهى حضنته بقوة وهمست جمب ودنه من غير ماحد ياخد باله:سامحنى ياچو بس انا بحبكو وممكن اعمل حاجه عشانكو
يوسف بعدها عن حضنه وبصلها اوى ومش فاهم هى بتقول كدا ليه ومسك ايدها ولسه هيمشي عزام مسك ايدها التانيه:على فين يابن الصياد
يوسف:هاخد اختى وماشى وانت ليك حسابك مع الشرطه على انك خطفت اختى
عزام شد نورة من ايد يوسف وحاوطها بدراعه:هو فى حد بيخطف مراته اليومين دول
الجمله نزلت على يوسف وامير زى الصاعقه
امير:مراته
نورة عينيها جت فى عين امير ونزلت وشها الارض
وشيرين اتصدمت من كلام عزام
يوسف:مراته ازاى يعنى
عزام:مراتى نورة عزام الشرقاوى تحب تشوف القسيمه لحظه.....محمــــــود
محمود جه بسرعه:نعم ياباشا
عزام:قسيمه الجواز ليوسف باشا عشان يتاكد
محمود دخل اوضه المكتب وخرج معاه ورقه وقربها من يوسف:اتفضل
يوسف شافه قسيمه بجواز بتاريخ امبارح كان هيتجنن ومراد اخد منه الورقه ويوسف هجم على عزام وضربه بالبوكس فى وشه بكل قوته بس عزام كانه جبل متحركش من مكانه
مراد وامير مسكو يوسف
مراد:اهدى يايوسف القسيمه حقيقيه وللاسف مراته
يوسف:انا متاكد انه هددها واتجوزها بالغصب
عزام بعد عن نورة:عندك اهى اسالها لو تحب
مراد:مدام نورة انتى اتجبرتى عشان تمضي على قسيمه الجواز ولا كان بارادتك
نورة بصت ليوسف اوى كانها بتقوله سامحنى وهو كانه فهم عليها
مراد:مدام نورة ردى على سؤالى
نورة:لا محدش اجبرنى على حاجه
يوسف وامير اتصدمو من ردها
امير:انتى اكيد اتجننتى يانورة
عزام:مسمحلكش تتكلم مع مراتى بطريقه دى انت فاهم
يوسف قرب من نورة:نورة حبيبتى لو الكلب ده مهددك عرفينى وانا هقدر احميكى ومتفكريش فى اى حد هو هددك بيا وبماما صح متخافيش علينا انا هقدر احميكو اتكلمى يانورة قولى انه اجبرك على الجواز
مراد:مدام نورة هسالك لاخر مرة عزام باشا خطفك واجبرك على الجواز
نورة وعينيها فى عيون يوسف:لا
مراد:يوسف احنا لازم نمشي
يوسف بعصبيه:نمشي ازاى واختى
مراد:دى مراته ومتقدرش تاخدها معاك يلا يايوسف
يوسف بص لنورة وشايف نظرتها بتترجاه يسامحهاا
مراد شد امير ويوسف وخرجو من الفيلا..........
🌹🌹🌹🌹🌹🌹🌹🌹
روايه خيوط الحب
««الفصل ١٠»»
مراد خرج من فيلا عزام ومعاه يوسف وامير
شيرين قربت من عزام:انت بجد اتجوزت ياعزام ومين الجربوعه دى
نورة دموعها نزلت بس اترعبت لما عزام نزل بقلم بكل قوته على وش شيرين اللى وقعت على الارض
شيرين بصدمه:انت بتمد ايدك عليا ياعزام
عزام:ولو نطقتى حرف كمان هقطعلك لسانك ده
نورة كانت بتبصلهم بخوف وجسمها اترعش لما سمعت عزام:رحااااااااااب
جت رحاب بسرعه:نعم
عزام:خدى الهانم تانى على اوضتها وممنوع تخرج منها
رحاب:حاضر اتفضلى معايا ياهانم
نورة مشت معاها وحاسه ان قلبها هيقف من الخوف وجسمها كله بيترعش
شيرين قامت وقفت قدام عزام:فيها ايه زياده عنى عشان تتجوزها وتسبنى
عزام:امشي الوقت ياشيرين احسنلك
شيرين:بس
عزام بعصبيه وصوت عالى:قولت براااااااا
شيرين خافت منه واخدت شنطتها وخرجت من الفيلا وعزام دخل مكتبه
*****************
فيروز كانت واقفه فى بلكونه اوضتها ولابسه اسدال بتستنى يوسف يرجع وشافته نازل من عربيته وباين جداا انه متعصب ودخل العمارة وفيروز خرجت من اوضتها بسرعه ونزلت تجرى على السلم ونيرة شافتها
فيروز:يوسف نورة فين
يوسف بصلها ومش قادر ينطق وهناء سمعت صوت فيروز وفتحت الباب:اختك لسه مرجعتش ياحبيبي
يوسف:ومش هترجع
يوسف قال كدا وتخطى امه ودخل الشقه وهناء وفيروز بصو لبعض بصدمه وصفاء نزلت وشايفاهم مش بينطقو:فى ايه مالكو واقفين كدا ليه
هناء دخلت الشقه كان يوسف قاعد على الكنبه
هناء:يعنى ايه اختك مش هترجع
فيروز وصفاء دخلو وراها
هناء:نورة فين يابنى طمن قلبي
صفاء:ماترد عليها يايوسف اختك فين
فيروز:انت معرفتش مين اللى خطفها
هناء وصفاء بصولها بصدمه
هناء:خطفها ازاى بنتى مخطوفه مش انتى قولتلى يافيروز راحت مع خطيبها
فيروز:لا نورة مراحتش مع امير امبارح فى عربيه طلعت علينا واخدو نورة وضربو محروس وخدرونى
صفاء:يامصيبتى واخدوها فين
هناء بصوت عالى:ماتنطق يايوسف اختك فين سابنى ريح قلبي
يوسف:نورة فى بيت جوزها الوقت
هناء:امير وهما اتجوزو ازاى
يوسف:مش امير
فيروز:اومال فين
يوسف:عزام الشرقاوى
هناء خبطت على صدرها:يامصيبتى ازاى ده حصل
يوسف:مش عارف انا روحت مع الشرطه عشان نشوفها عنده ولا لأ لقيته بيدينى قسيمه جوازهم
فيروز:وانت شوفت نورة
يوسف:اه
صفاء:مسالتش اختك ليه
يوسف:سالتها والضابط سالها لو كان اجبرها بس هى قالك لا محدش اجبرها
هناء قعدت على الكرسي بتعب:بنتى راحت منى
صفاء:اهدى ياهناء اهدى ياختى
فيروز قربت من يوسف:وانت صدقتها يايوسف
يوسف:لا طبعاا مصدقتهاش بس فى قسيمه بتقول انها مراته وكمان هى قالت بنفسها محدش اجبرها ماكنش ينفع اخدها وامشي
هناء فضلت تعيط وصفاء تهدى فيهاا ويوسف مستحملش يشوف امه بالحاله وخرج من الشقه وطلع على السلم فيروز شافت حالته وخرجت وراه وطلعت لقيته طلع على السطح وراحت وراه لقيته قاعد على الكرسي وساند راسه بين ايديه
فيروز قعدت جمبه:ناوى على ايه يايوسف
يوسف رفع راسه وبص لسما:مش عارف حاسس انى متكتف ومش قادر اخد قرار
نظره عينيها هتموتنى وهمسها فى ودنى محفور جوا عقلى
فيروز:قالتلك ايه
يوسف:اول ماشوفتها نازله من على السلم جريت عليها حضنتها همست فى ودنى سامحنى ياچو انا بحبكو واعمل اى حاجه عشانكو
فيروز:اكيد مخوفها ومهددها يايوسف
يوسف:ده اللى هيجننى وعقلى عمال يصورلى اتصرف معاها ازاى ولا لسه هتصرف معاها ازاى بحكم انها مراته
يوسف مسك راسه:عقلى هيتفجر من التفكير
فيروز حطت ايدها على كتفه:اهدى يايوسف عشان خاطر طنط هناء لازم تكون قوى عشانا كلنا
يوسف رفع وشه وبصلها وهز راسه
فيروز:انزل ارتاح شويا فى شقتك انت شكلك مانمتش خالص ارتاح شويا ولما تصحى نفكر هنعمل ايه
يوسف:للاسف معتش فى حاجه فى ايدى اعملها بقت مراته خلاص
فيروز:بلاش نتكلم الوقت انزل ارتاح وبعدها نبقي نتكلم هو امير روح
يوسف:امير هو تانى مصدوم اللى كانت هتبقي خطيبته بكرة بقت مرات واحد تانى واكتر واحد بنكرهه
فيروز:طب يلا ننزل
يوسف قام ونزلو سوا ويوسف فتح شقته
فيروز:هنزل اشوف طنط هناء
يوسف:حاضر
*********************
نورة قاعده على السرير وبتعيط وبتفتكر اللى حصل معاها
••فلاش باااااك••
نورة بدات تفوق لاقت نفسها نايمه على السرير فى اوضه غريبه قامت قعدت وافتكرت اللى حصل معاها لما العربيه وقفت قدامهم قامت وقفت وحست بدوخه قعدت تانى على السرير لحد مادوخه راحت قامت وقفت وفتحت الباب كانو بليل وخرجت لاقت نفسها فى فيلا كبيرة وواسعه نزلت من على السلم مش عارفه هى فين ولا فى حد تساله شافت باب الفيلا مفتوح جرت بسرعه عشان تخرج منه وفجاه وقفت لما سمعت حد بيقولها بحدة:على فين ياحلوة
نورة لفت بخوف وشافت عزام واقف قدامها وخافت لما قرب منها نورة رجعت لورا:انا فين
عزام:فى فيلتى ياحلوة
نورة:انت اللى خطفتنى وجبتنى هنا صح
عزام قعد على الكنبه وحط رجل على رجل وولع سجارته وبدا يدخن:صح
نورة:ليه عملت كدا انا عايزة امشي من هنا حالا
عزام:انتى هنا عشان انفذلك اللى انتى عايزاه
نورة باستغراب:وانا هعوز منك ايه اصلا
عزام:نسيتى كلامك لما كنا فى المول
نورة بتحاول تفتكر كلامهم:انا ماطلبتش منك اى حاجه اصلا غير انك تبعد عنى ومالكش دعوة بيا
عزام:بقيت كلامك ياحلوة افتكرى كدا قولت ايه
نورة بتفتكر كلامها معاه
عزام:انا اقولك قولتى ايه (هو انت من بقيت عيلتى مالكش دعوة بيا )
نورة:وايه الطلب فى ده بقي
عزام:ابقي من بقيت عيلتك
نورة:مش فاهمه يعنى هتعمل ولا تكون هتغيرلى اسم عيلتى مثلا
عزام:حاجه زى كدا
نورة بصوت عالى:انت هتستعبط انا عايزة امشي من هنا
عزام قام وقرب منها ونورة اترعبت من نظراته ومسكها من دراعها بقوة:صوتك لو على مرة تانيه انتى اللى هتندمى فاهمه
نورة كانت مرعوبه منه وسرحت شويا وبصتله:فيروز ... فيروز فين
عزام ساب دراعها:لا مانا ماحبيتش اقهر اخوكى على اخته وعروسته قولت اقهره على واحده كفايه
نورة:انت عايز ايه منى
عزام:مانا لسه قايلك هابقي من بقيت عيلتك
وهعمل زى مانتى قولتى كدا هغيرلك اسمك
نورة فكرت شويا وخافت يكون اللى فى دماغها:ازاى ده
عزام:هخليكى نورة عزام الشرقاوى
نورة غمضت عينيها لان اللى خافت منه حصل:لو انت مفكر انى هتجوز واحد زيك تبقي غلطان
عزام:ليه امير باشا احسن منى فى ايه عشان توافقى عليه وانا لا
نورة:وانت مالك اصلا انا مش عارفه انا واقفه بتكلم معاك ليه انا ماشيه
نورة لسه هتمشي عزام شدها بقوة واتخبطت فى صدره الصلب لدرجه انها حست جسمها كله وجعها وبصلها بنظرة خلت جسمها كله بيترعش من الخوف:لما اكون بكلمك اياكى تسبينى وتمشي انا لحد الوقت بتكلم معاكى بذوق بلاش تخلينى اتعامل بعنف لانك انتى اللى هتندمى فاهمه
نورة هزت راسها باه وهى بتعيط
عزام بعد عنها واداها ضهره:الماذون جاى فى الطريق هنكتب كتابنا وافقتى او رفضتى هتبقي مراتى النهارده قبل بكرة
نورة وهى بتعيط:مستحيل انا خطوبتى بكرة
عزام:بح فضيناها ياحلوة
محمود دخل من باب الفيلا وهو باصص فى الارض:الماذون وصل ياباشا
عزام:خليه يدخل
محمود خرج وعزام قرب من نورة اللى منهارة:لو فكرتى ترفضى قدام الماذون هرجعك بيتكو بس عشان تاخدى عزا اخوكى وامك وصاحبتك وعيلتها كلها وامير حبيب القلب
نورة بصتله بصدمه والدموع اتحجرت جوا عينيها:انت ليه بتعمل كدا
عزام بنبرة رعبت نورة اكتر:عشان اقهر واحرق قلب ابن الصياد على اخته ولو اتكلمتى نص كلمه زياده هقهرك على عيلتك كلها
نورة عيطت اكتر وعزام بعد عنها ودخل الماذون مع محمود وعزام شد نورة من ايدها وقعدها جمبه على الكنبه :ابدا يامولانا
الماذون بدا يكتب الكتاب وعزام مضي ونورة مضت وايديها بتترعش ومحمود وواحد تانى من الحرس كانو الشهود
الماذون:بارك الله لكما وبارك عليكما الف مبروك
عزام:الله يبارك فيك يامولانا محمود ادى للماذون حلاوته
محمود:حاضر ياباشا اتفضل معايا يامولانا
محمود خرج ومعاه الماذون وعزام قرب من نورة اللى دموعها نازله فى صمت
عزام:مبروك يانورة هانم واخيراا بقيت من عيلتك يازوجه عزام الشرقاوى .... يوسف الصياد فى المستشفى
نورة بخوف:انت عملته ايه
عزام:اهدى شويا معملتش حاجه اصل انا قلبي حساس خليت ناس تبعى اخدو السواق وصاحبتك ودواهم المستشفى وهو اتصل على تلفون السواق والممرضه قالته وراح على ملا وشه بس اكيد هيتصدم لما يلاقى السواق وحبيبته بس واخته مش موجوده بس متقلقيش لما حبيبته هتصحى بكرة ان شاء الله تبقي تحكيله
نورة:بكرة
عزام:اصل انا خليتهم زودولها المخدر شويا عشان متفوقش غير بكرة والسواق حتى لو صحى هو ماشافش حاجه
نوره بانهيار:انت ايه شيطان ليه بتعمل كدا يوسف عملك ايه عشان تعمل فيه كدا
عزام بصوت عالى هز الفيلا كلها:هو اللى دخل طريق مش طريقه ايه اللى خلاه ينافسنى وكمان يتفق مع الشركات اللى بستورد منها قطع الغيار اخوكى اللى بدا لما حاول يعدى عزام الشرقاوى ملك صناعه العربيات وكان لازم يتعاقب فهمتى ليه بعمل كدا
نورة بتعيط وبس
عزام:بكرة لو اخوكى جه هنا هتقولى انا احنا متجوزين وبرضاكى انتى فاهمه
نورة:وانا ذنبي ايه فى كل ده
عزام:لان ببساطه بجوازى منك حرقت قلب ابن الصياد وقهرت صاحبه امير على حبيبه قلبه
نورة حطت ايدها على وشها وعيطت جامد
عزام بصلها اوى:رحااااااب
رحاب جت تجرى:اؤمر ياباشا
عزام:خدى الهانم على الجناح الصغير اللى جمب جناحى وخليها تغير وترتاح وممنوع تخرج منه غير لما انا اطلب
رحاب:حاضر ياباشا
رحاب مسكت ايد نورة اللى فى دنيا تانيه وطلعت بيها فوق وعزام عينه عليها واتكلم بهمس:ذنبك انك ملكتى قلبي من اول ماشوفتك ومستحيل تكونى لحد غيرى
••بااااك••
نورة قاعده مكانها على السرير وبتعيط لحد مانامت.....
ده هديه مني
روايه خيوط الحب
#الكاتبه جنات
#الباررررت 11/12
روايه خيوط الحب
««الفصل ١١»»
فيروز قاعده فى شقه هناء اللى قاعده تعيط فى حضن صفاء
صفاء:اهدى شويا ياهناء عشان صحتك ياحبيبتى
هناء:بنتى راحت منى ياصفاء راحت منى
فيروز:ممكن تهدى شويا ياطنط وصدقينى مافيش اى حاجه فى ايدينا هى الوقت مع جوزها
هناء: قلبي عليكى يابنتى ياترى بيعاملها ازاى
صفاء:دى مراته ياهناء اكيد يعنى مش هيأذيها
فيروز:ادعى ياهنون ربنا يحنن قلبه عليها ويعاملها كويس
هناء:يارب يارب
صفاء:قومى يافيروز حضرى الاكل عشان هناء تاكلها لقمه ويوسف ياحبت عينى على لحم بطنه من امبارح
فيروز:انا قولته يرتاح شويا لانه مانمش من امبارح
هناء:قلبي وجعنى على بنتى اللى راحت منى وعلى ابنى اللى حاسه انه متكتف ومش عارف يعمل ايه
صفاء:ربنا يطمن قلبك عليهم يارب ياحبيبتى
فيروز:انا هقوم احضر اكل
فيروز طلعت شقتهم وبدات تحضر الاكل ونيرة كانت بتساعدها
*****************
فى فيلا عزام
عزام دخل الجناح اللى فيه نورة وقف يبص عليها وهى نايمه وبيطلع منها شهقات بسيطه وفى اثار دموع على خدها ولسه بلبسها زى ماهيا حتى مقلعتش الطرحه وصنيه الفطار زى ماهيا ماكلتش اى حاجه ولا شربت ميا
رحاب دخلت الجناح:انا جبت الاكل زى ماحضرتك امرت
عزام:حطيه على التربيزة
نورة صحت على صوتهم قامت قعدت بسرعه بتظبط هدومها وطرحتها
عزام:كل ده نوم يلا قومى عشان تاكلى
نورة:ماليش نفس
عزام وهو بيبص على صنيه الفطار:انتى ماكلتيش اى حاجه من امبارح ولازم تاكلى يلا قومى
نورة بصوت عالى:قولت مش عايزة هو كل حاجه بالعافيه
عزام قرب منها ومسكها من فكها بقوه ونورة اتوجعت:صوتك لو على مره تانيه قسما بربي هتشوفى منى وش هتندمى طول عمرك انك شوفتيه
نورة عيطت وعزام ساب وشهاا:انا عندى مشوار هخلصه وهاجى لو لقيتك ماكلتيش مش هيحصل طيب
عزام خرج من الجناح ونورة عيطت جامد قربت منها رحاب واخدتها فى حضنها:اهدى يابنتى بلاش تعصبيه هو عصبيته صعبه ومش بيحب حد يعناده او يقوله لا يلا امسحى دموعه
نورة مسحت دموعها
رحاب:يلا قومى عشان تاكلى وتاخدى شاور وتغيرى
نورة:بس انا مش معايا هدوم
رحاب:عزام بيه جيبلك كل حاجه فى الدولاب بتاعك بس تعالى كلى عشان ميتعصبش عليكى لما يرجع
نورة:حاضر
نورة قامت وقعدت على الكنبه وقدامها الاكل وبدات تاكل بدون شاهيه
رحاب:الاكل مش عجبك يابنتى
نورة:لا حلو بس انا ماليش نفس بجد
رحاب:طب اشربي العصير انا عملتلك عصير مانجا بتحبيه
نورة هزت راسها باه
رحاب مسكت الكوبايه وقربته منها:اتفضلى
نورة شربت شويا وسابته:كفايه كدا
رحاب:انا هدخل احضرلك الحمام
رحاب دخلت الحمام وبعد شويا خرجت:يلا ياحبيبتى قومى وانا هطلعلك هدوم على ماتخلصى بتحبي تلبسي ايه
نورة:عايزة اسدال عشان اصلى
رحاب:حاضر ادخلى يلا
نورة دخلت الحمام وبعد شويا خرجت كانت لابسه روب الحمام
رحاب لما شافتها من غير حجاب:بسم الله ماشاء الله انتى جميله اوى بنتى
نورة:عينيكى اللى حلوة عشان كدا شيفانى حلوة
رحاب:يلا ادخلى البسي هدومك جوا
نورة:حاضر
نورة دخلت لبست بجامه بنص كم بلون البينك رقيقه ولبست فوقها الاسدال والطرحه وخرجت:انا عايزة اصلى
رحاب:السجاده اهى انا ظبطتها على مكان القبله هنزل انا اشوفهم تحت
نورة:شكراا جداا ليكى انتى شكلك طيبه اوى
رحاب:انتى اللى بنت حلال ربنا يحميكى يابنتى
رحاب نزلت ونورة وقفت تصلى وعيطت وهى بتدعى ربنا يحمى عيلتها ويحميها من شر عزام خلصت وقامت شالت السجاده وطويتها وحطتها على الكنبه وقعدت على السرير
******************
عند فيروز خلصت الاكل وحطيته على الصنيه ونزلت شقه هناء:يلا عشان تاكلو
هناء:طلعى اكل ليوسف يابنتى
فيروز:عامله حسابه ياهنون ومش هسيبه ياكل لوحده متقلقيش
هناء ابتسمت:ربنا يخليكو لبعض ياحبيبتى
صفاء وهناء ونيرة قعدو ياكلو وفيروز طلعت شقتهم حطت الاكل على الصنيه وطلعت خبطت على شقه يوسف بس مردش خبطت تانى اقوى يوسف فتحلها
فيروز:كل ده نوم يلا عشان تاكل انت ماكلتش من امبارح
يوسف:مش عايز يافيروز
فيروز:يعنى انا عماله احضر فى الاكل وطلعالك بنفسي تقوم تكسفنى وبعدين انا كمان جعانه اوى
يوسف:حاضر تعالى
فيروز:خلينا نطلع على السطح
يوسف بصلها:انتى مش واثقه فيا
فيروز:لا طبعاا واثقه فيك وواثقه فى نفسى اكتر
يوسف:طب ادخلى
فيروز كانت متردده وبعد كدا دخلت وحطت الصنيه على التربيزة وبصت على الشقه كانت كلها مودرن ورقيقه جداا
يوسف:عجبتك
فيروز:ماشاء الله حلوة جدااا يلا عشان تاكل
يوسف وفيروز بداو ياكلو سواا وبعد شويا خلصو
فيروز:عامل ايه الوقت
يوسف:هكون عامل ايه يافيروز يعنى
فيروز:طب انت ليه متاكد انه هيأذيهه دى بقت مراته يعنى
يوسف:عزام الشرقاوى ده شيطان يافيروز
فيروز:ان شاء الله ميعملش فيها حاجه
يوسف:ياريت انا اتمنى
فيروز:وامير عامل ايه
يوسف:بكلمه من الصبح مش بيرد عليا وبعد كدا قفل تلفونه
فيروز:الصدمه كانت صعبه على الكل وانت ناوى على ايه الوقت
يوسف:للاسف مافيش حاجه نعملها ولا هنقدر نرجع نورة
فيروز:سيبها على ربنا يايوسف وادعى ربنا يحميها
يوسف:يارب
فيروز:انا هنزل بقي
يوسف:حاضر
فيروز اخدت الصنيه وفتحت الباب وخرجت وكانت ايه واقفه على السلم مستخبيه عشان فيروز متشوفهاش
ايه استنت لما فيروز دخلت شقتهم ونزلت بسرعه على شقتها:ياماما
سوسن:فى ايه عامله دوشه ليه
ايه:البت اللى اسمها فيروز نازله من شقه يوسف ومعاها صنيه اكل
سوسن باستغراب:ماكلوش فى شقه هناء ولا صفاء ليه
ايه:مش عارفه انا هطق منها
سوسن:اهدى كلها وحياتك حياتهم هتتقلب فوقانى تحتانى بس اصبرى
ايه:يارب يا سوسو واخلص منها بقي
سوسن:قريب قريب يابنت بطنى
*******************
يوسف لبس ونزل من شقته واطمن على امه وراح المعرض وسال على امير قالو انه مجاش النهارده ركب عربيته وراح على شقه امير وخبط عليه كتير لحد مافتحله
يوسف:مش بترد عليا ليه من الصبح بحاول اوصلك
امير:معلش ياصاحبي
يوسف قعد قدام امير على الكنبه:انا عارف ان اللى حصل صعب علينا كلنا بس للاسف مافيش حاجه بايدينا نعملها
امير:يعنى هنسكتله
يوسف:بقت مراته ياصاحبي خلاص
امير:انا هتجنن يايوسف كانت هتبقي خطيبتى وفجاه راحت من ايدى وبقت على اسم اوسخ واحد نعرفه
يوسف:انا قلبي واجعنى عليها وخايف ابن🐶ده يأذيها
امير:وهنعمل ايه الوقت
يوسف:بقولك ايه الناس اللى كانو طلبو طلبيه كبيره ارفضها الناس دى مش تمام
امير:انا عرفت بردو كل حاجه عنهم وكنت هقولك نفس الكلام
يوسف:شحنه قطع الغيار هتوصل امته
امير:المفروض بكرة ليه
يوسف:المصنع اللى بنتعامل معاه خلص الشغل الجديد
امير:خلص دفعه ولسه الباقى
يوسف:حلو اوى احنا هننزل السوق بالدفعه اللى خلصت وانا متاكد انها هتعجب الشباب جداا ومعاهم قطع الغيار ونزل فى السعر وخليها تغطى على بضاعه الشرقاوى
امير:تصدق فكرة حاضر هعمل كدا من بكرة
يوسف:هو مفكر انه كدا هيكسرنى وادى اول ضربه منى
امير:انا هخايف ينتقم مننا فى نورة
يوسف:معتقدش بقت مراته واكيد مش هيأذى مراته
امير:انت بتطمن نفسك بكلام انت اصلا مش مصدقه
يوسف قام وقف:هعمل ايه ياامير انا هتجنن من ساعه مامشينا من الفيلا
امير قام وقف وطبطب على كتفه:خير ياصاحبي
يوسف:يلا قوم غير وانزل المعرض وعينك على البت السكرتيرة دى اكيد هى اللى بتوصله الاخبار
امير:انا اصلا شاكك فيها البت دى كانت على قد حالها الوقت بتلبس لبس شيك وغالى ده غير الفون اللى جبته جديد وكمان كانت طالبه فلوس عشان تعمل عمليه لاخوها الصغير عرفت انه عمل العمليه وفى مستشفى خاص كمان
يوسف:يبقي هى اللى بتوصله المعلومات وبتاخد فلوس على ده
امير:انا ركبت كاميرات فى مكتبها من غير ماحد يعرف وبدات اديها ملفات ارقامها غلط وهنشوف هتعمل ايه لازم نمسك دليل عليها
يوسف:انا هقوم اروح المحل واه انا وقفت شغل فى المكان اللى كنا هننقل فيه المعرض
امير:ليه
يوسف:لانى لما اتجوز هننقل الفيلا بتاعتى اللى بجهزها والمكان المعرض هيبقي قريب منى
امير:ومحل الدهب
يوسف:بفكر انقل فى مكان قريب للفيلا بس متاكد ان ست الكل مش هتوافق لما اتكلم معاها كدا واشوف
امير:تمام ياصاحبي
يوسف:يلا سلام
امير:سلام
يوسف خرج وامير دخل يلبس عشان ينزل المعرض
**************
بليل فيروز قاعده مع صفاء وهناء ونيرة فى شقه صفاء فجاه الباب خبط بقوة وكلهم خافو فيروز جابت اسدال ولبسته وصفاء وهناء غطو شعرهم وراحت صفاء تفتح واتصدمت لما شافت منصور عم فيروز وابنه شادى معاه
منصور بيبتسم بخبث:ازيك يامرات اخويا قولتك هاجى واخد عروسه ابنى ووفيت بوعدى .......
🌹🌹🌹🌹🌹🌹🌹
روايه خيوط الحب
««الفصل ١٢»»
بليل فيروز قاعده مع صفاء وهناء ونيرة فى شقه صفاء فجاه الباب خبط بقوة وكلهم خافو فيروز جابت اسدال ولبسته وصفاء وهناء غطو شعرهم وراحت صفاء تفتح واتصدمت لما شافت منصور عم فيروز وابنه شادى معاه
منصور بيبتسم بخبث:ازيك يامرات اخويا قولتك هاجى واخد عروسه ابنى ووفيت بوعدى
صفاء كانت مصدومه لدرجه انها مش قادرة تنطق
شادى:ايه يامرات عمى مش هتقوليلنا اتفضلوا
فيروز وقفت قدام مامتها قصاد عمها:انتو هتفضلو اه بس على برا واياكو تيجو هنا مرة تانيه
شادى:ايه ده هى القطه طلع ليها لسان وبتتكلم ولا ايه
فيروز:بتتكلم وبتخربش كمان يلا بقي من غير مطرود
الكل اتصدمو لما قلم قوى نزل على وش فيروز من عمها لدرجه ان جمب بوقها اتعور
صفاء:هى حصلت تمد ايدك على بنتى ياراجل انت
منصور:واقطم رقبتها كمان لو طولت لسانها مرة تانيه
سوسن كانت على علم ان منصور هيجى النهارده وطلعت جرى هى وبنتها متصنعين الصدمه
سوسن:فى ايه ياجماعه مالكو صوتكو عالى ليه مين دول ياهناء
ايه:ايه ده مال وشك يافيروز
فيروز كانت واقفه مكانها مش بتتحرك وعينها على عمها
منصور:ايه يابت ماتيجى تضربينى احسن
صفاء:انت جاى عايز مننا ايه سبنالكو كل حاجه ومشينا عايز ايه مننا حرام عليك
منصور:مانا قولتلك ياوليه جاى اخد عروسه ابنى
هناء:عروسه مين ياراجل انت فيروز الوقت مخطوفه وقريب اوى فرحها على ابنى
شادى:اللى هو ازاى يعنى فيروز مقرى فاتحتها ليا من وقت ماكانت عيله صغيرة
صفاء:بس خلاص اتخطبت لغيرك
منصور:نفضها عادى وكل واحد يروح لحاله
صفاء:ازاى يعنى ده
منصور شد فيروز من دراعها:يلا امشي معايا
فيروز:ابعد سيب ايدى مش هاجى معاك فى حته ابعد
منصور:الظاهر كدا امك معرفتش تربيتك ولا عرفتك ان كلام الكبار لازم يتسمع
منصور مسك فيروز من طرحتها وشدها ونزل السلم وصفاء وهناء كانو بيصوتو ونيرة منهارة وواقفه فى جمب خايفه من اللى بيحصل على عكس سوسن وايه اللى شماتين وجواهم فرحه كبيرة باللى حصل
*******
فى نفس الوقت وصل يوسف قدام العمارة ونزل من عربيته واتفاجأ بناس متجمعين قدام العمارة وسمع صوت صريخ جاى من جوا جرى بسرعه ودخل العمارة واتصدم والدم غلى فى عروقه لما شاف واحد بيشد فيروز من طرحتها ونزل السلم وجاررها وراه
منصور زق فيروز بقوة كانت هتقع من على السلم لولا دراع يوسف اللى كان حصن ليها عشان يحميها ومتقعش السلم كله
فيروز كانت مغمضه عينيها وبتنتظر جسمها يتخبط فى درجات السلم ولكنها حست بدفئ غريب فتحت عينيها ورفعت وشها لاقت نفسها فى حضن اللى مسكت فى قميصه بقوة ودموعها نزلت:يوسف
يوسف ضمها لحضنه وعينه على منصور اللى واقف يبص عليهم
منصور:والله عال يابنت اخويا واقفه فى حضن واحد غريب ونعمه التربيه
يوسف عرف ان ده عمها لانه عمره ماشافه وطلع فيروز من حضنه وراح قفل باب العمارة عشان محدش يدخل من الناس اللى متجمعه برا ووقف قدام فيروز اللى كانت حرفياا مستخبيه فيه
يوسف:ومين حضرتك بقي عشان تحكم على تربيتها
منصور:انا عمها الكبير وابعد بقي من طريقنا عشان عايز اخد عروسه ابنى
يوسف بص حوليه ورجع بص لمنصور:وايه اللى هجيب عروسه ابنك هنا معلش يعنى
شادى:ابويا قصده على فيروز بنت عمى
يوسف:لا والله هى تبقي عروستك
شادى:اه اصل عمى الله يرحمه وابويا كانو قارين فاتحتنا من واحنا صغيرين
يوسف:قول والله مش تقول من الصبح ياراجل
منصور:واديك عرفت خلينا نمشي بقي
يوسف:للاسف فى مشكله ومينفعش تمشو
شادى:مشكله ايه
يوسف مسك ايد فيروز اللى فيها دبله ورفعها قدامهم:اصل فيروز اتخطبت
منصور:عادى تتفركش
يوسف:بسهوله دى
شادى:اه تقلع الدبله ونرميها لصاحبها بس
يوسف:تصدق صح بس صاحب الدبله ايده تقيله واحنا مش قده
شادى:احنا قده ونص كمان
شادى قرب من فيروز ولسه هيمسك ايدها عشان يقلعها الدبله يوسف مسك دراعه وفجاه صوت كسر دوى فى العمارة والشهقات من الكل
شادى وقع على الارض بيتوجع من دراعه اللى اتكسر
يوسف:انا حذرتك وقولتلك صاحب الدبله ايده تقيله وانت مسمعتش منى
منصور:ايه اللى انت عملته ده
يوسف:عشان ميبقاش يفكر يمد ايده على حاجه مش بتاعته وبعدين هو انا مقولتلكش ان الدبله اللى دخلت جوا صابعها مستحيل تخرج منه ابدااا
منصور:يعنى انت خطيبها
يوسف:عليك نور انا خطيبها
منصور:يبقي الوقت حالا تقلع الدبله وتاخدها ويادار مدخلك شر وهناخد بنتنا ونمشي
يوسف:ليه حد قالك انها مخطوبه لمديحه
منصور:انت مالكش حق تتدخل واصلا الخطوبه دى تمت من غير موافقه الكبار فى عيلتها يبقي هتيجى معانا ونفضها سيرة بدام مبقتش على ذمتك
يوسف:دى مشكلتك يعنى طب لحظه واحده
يوسف طلع فونه ورن على امير اللى رد عليها:امير دقايق وتكون قدامى فى العمارة ومعاك ماذون ....لما تيجى هفهمك
منصور:انت اتجننت بقي
يوسف:سميها زى مانت عايز مش مشكلتك انها مش على ذمتى دقايق وهتبقي مراتى
منصور:وانا هكلم اعمامها ورجاله العيله وهخليهم يجو يتصرفو معاكو
فيروز خافت ومسكت فى قميص يوسف اللى حس برعشه ايديها
يوسف لف وبصلها وشاف خدها اللى عليه علامات صوابع وكمان بوقها اللى متعور ونازل منه خط دم
يوسف:مين اللى مد ايده عليكى كدا
منصور:انا اللى مديت ايدى عليها اصل بنت اخويا للاسف متعلمتش تحترم اللى اكبر منها
يوسف كل ده وعينه على فيروز اللى دموعها زى الشلال على خدها
*******************
فى فيلا عزام
نورة قاعده فى الاوضه زى ماهيا مش بتخرج منها ابداا والاكل بيجيلها لحد عندها
الباب اتفتح ودخلت رحاب:مساء الخير يابنتى
نورة:مساء النور
رحاب:البيه بيقولك انزلى عشان تتعشي معاه
نورة بخوف:لالا مش هنزل انا اصلا مش جعانه
رحاب:بلاش تعصبيه ونبي وانزلى كلى لقمه واطلعى بسرعه يلا يابنتى اللى يهديكى
نورة:حاضر
رحاب:هتنزلى بالاسدال
نورة:اه
رحاب:طب يلا
نورة نزلت ومشت ورا رحاب وعينها على الفيلا اللى اول مرة تاخد بالها منها واد ايه كبيرة وواسعه وحلوة جدااا
رحاب:اتفضلى دى اوضه السفرة
نورة بهمس:انتى مش هتيجى معايا
رحاب:لا ياحبيبتى ادخلى يلا
رحاب مشت ونورة كانت مرعوبه تدخل لحد ما سمعت صوته اللى بيرعبها:هتفضلى وافقه برا كتير
نورة بلعت ريقها ودخلت واتفاجت لما شافت شيرين قاعده على السفره جمبه من الناحيه الشمال
عزام وهو بيشاور على الكرسي اللى جمبه من الناحيه اليمين:يلا عشان تاكلى
نورة قعدت وكانت متوترة جدااا
شيرين ضحكت ونورة بصتلها
شيرين:والله عيب ياعزام بقي مش جايب لمراتك هدوم تلبسهم فى البيت
عزام بص لنورة اللى عينها على شيرين وبص فى طبقه تانى
عزام:كلى وانتى ساكته ياشيرين وياريت تخلصى اكلك وتمشي ومتجيش غير لما اكلمك
شيرين:لا يابيبي اصل الصراحه انا كلمت عمال عشان يعملو شويا الصيانه فى الفيلا فهفضل هنا عندك لحد مايخلصوو
عزام برفعه حاجب:تمام تقدرى تقعدى فى اوضه الضيوف
شيرين:بس انـ....
عزام بحده:سمعتى انا قولت ايه
شيرين بضيق:حاضر
عزام بص لنورة اللى عينها فى طبقها بس مش بتاكل واتخضت لما اتكلم معاها بحده:بطلى بحلقه فى الاكل وكلى يلا
نورة مسكت المعلقه وبدات تاكل
شيرين:صح ياعزام ناوى تعمل فرح او حفله تعلن فيها انك اتجوزت
عزام:لا مـش ...
شيرين قطعت كلامها:والله انا قولت كدا برده مستحيل تعلن جوازك من واحده زى دى
شيرين ونورة اتفزعو لما عزام خبط على التربيزة بايده بكل قوته لدرجه ان الاطباق اتحركت من مكانها
عزام:شيــــرين بعد كدا لما اتكلم بلاش تقطعى كلامى انا بقول مش هعلن الوقت بس اكيد هيجى وقت وهعلن قدام الناس كلها وتاني مرة تتكلمى عن مراتى باحترام
نورة بصتله وحطت المعلقه وقامت وقفت
عزام:على فين
نورة:شبعت الحمدلله ممكن ارجع اوضتى
عزام بص على طبقها:هو فين الاكل اللى اتاكل اصلا اقعدى كملى اكلك
نورة:ماليش نفس لو سمحت عايز اروح اوضتى
عزام نادى بصوت على:رحااااااب
رحاب جت تجرى بسرعه:امرك
عزام:خدى الهانم على اوضتها
رحاب:حاضر اتفضلى ياهانم
نورة مشت معاها وطلعت على اوضتها واول مادخلت نامت على سرير وعيطت على كل اللى حصل فى حياتها فى يوم وليله
وفضلت تعيط لحد مانامت مكانها بالاسدال
**************
يوسف واقف وعينه على فيروز ومش عايز يلف ويبص لمنصور لانه حاسس انه عايز يكسر عضمه لانه مد ايده على فراشه يوسف الصياد وقطع تفكيره صوت خبط على بوابه العمارة
يوسف فتح الباب كان امير ومعاه الماذون وعمه حسن دخلو ويوسف قفل الباب تانى
يوسف:يلا يامولانا
الماذون بص حوليه:هنكتب هنا على السلم
هناء:تعالى يابنى ادخلو الشقه
يوسف مسك ايد فيروز واتحرك من قدام عمها وابنه اللى لسه واقع على الارض
منصور نزل وساعد ابنه يقف والكل دخلو الشقه
الماذون قعد على الكنبه وحط الدفتر على التربيزة ويوسف قعد جمبه وجمبه فيروز وهناء وصفاء وايه وسوسن واقفين جمب بعض وامير قعد جمب الماذون هو حسن عم يوسف
يوسف:يلا اكتب يامولانا
منصور:مافيش حاجه هتتكتب ياشيخنا الواد ده بيجبر بنت اخويا على الجواز منه بالعافيه
الماذون بص لفيروز وشايف وشها المتعور ودموعها اللى خدها
يوسف:انت بتبص على ايه ياعم الشيخ
الماذون:انتى مجبورة على الجواز يابنتى
فيروز بسرعه هزت راسها بلا
امير:يلا يامولانا اكتب
الماذون بدا يكتب الكتاب وامير كانو شهد على الجواز ويوسف اجبر منصور انه يشهد على الجواز ومنصور وشادى وسوسن وايه كان الغل بياكلهم وماكنوش متخلين ان ده يحصل الكل فاقو على جمله الماذون الشهيرة
(بارك الله لكما وبارك عليكم وجمع بينكم فى خير)
هناء زغرطو بفرحه وصفاء رغم دموعها اللى على خدها بس كانت فرحانه لبنتها والكل بدا يبارك لفيروز ويوسف وامير راح يوصل الماذون
يوسف قرب من منصور:مافيش مبروك لبنت اخوك ولا ايه
منصور:انا مش هسكت على اللى انت عملته ده
يوسف:اعلى مافى خيلك اركبه ولا تهز فيا شعره
منصور:يلا يابنى خلينا نمشي
يوسف:استنى بس تمشي من غير ماتاخد وجبك
منصور لف وبص ليوسف ولسه هيتكلم اتفاجأ ببوكس قوى فى وشه من يوسف :ده عقابك عشان فكرت تمد ايدك على مرات يوسف الصياد
منصور لسه هيقرب من يوسف
شادى:يلا نمشي احسن
يوسف:اسمع كلام ابنك وامشى احسن
منصور خرج وهو وشادى وسوسن وايه وحسن خرجو هما كمان طلعو شقتهم
صفاء حضنت فيروز اللى لسه بتعيط:حقك عليا يابنتى مقدرتش اساعدك وهو بيعمل فيكى كدا
هناء:ماخلاص بقي انتى وهيا كفايه نكد
يوسف شايف نيرة واقفه بعيد وبتعيط قرب منها واخدها فى حضنه ونيرة عيطت بزياده
يوسف:خلاص بقي يانيرو متخافيش محدش هيقرب منكو
نيرو بعياط:انا خوفت على فيروز اوى
فيروز قربت منها وشدها لحضنها:انا كويسه اهو يانيرو بطلى عياط بقي
هناء بدموع:ونبي دى نورة هتفرح اوى لما تعرف
يوسف حضنها وباس راسها
هناء عيطت:اختك وحشتنى اوى يايوسف وحشتنى اوى
يوسف:هرجعها فى وسطنا صدقينى ياست الكل
صفاء بتحاول تنسيها:بتقولى علينا اننا نكدين وانتى اللى بتنكدى علينا اهو
هناء مسحت دموعها:مافيش نكد خلاص
صفاء:تعالى لما احطلك كريم ولا حاجه على وشك ده يافيروز عشان يخف
فيروز:الله يخربيته ايده زى المطرحه
كلهم ضحكو عليها ويوسف عينه عليها وفرحان انها بقت خلاص ملكه وعلى اسمه فيروز بصتله قبل ماتطلع مع مامتها ونيرة لشقتهم
**************
عدى شهر على ابطالنا
يوسف وفيروز اللى علاقتهم بتتحسن يوم عن يوم
نورة اللى دايما فى اوضتها مش بتخرج منها وقربت جداا من رحاب اللى حبيتها وبتعاملها زى بنتها ومطمنه لانها مش بتشوف عزام اللى بتترعب لما بتسمع صوته بس
وعزام اللى مش بيقدر ينام من غير مايشوف نورة وبعد مايتاكد من رحاب انها نامت يروح اوضتها ويشوفها وبعد كدا يروح ينام فى جناحه
امير اللى بيحاول يشغل نفسه بالشغل والمعرض عشان ميفكرش فى نورة وانها خلاص على ذمه راجل تانى
عزام اللى متعصب من تفوق يوسف عليه لدرجه ان اكتر الشركات اللى بيستورد منها عزام عايزة تتعاقد مع يوسف وده بيزود الغل فى قلب عزام اتجاه يوسف
سوسن اللى بتحاول تخرج بنتها من حزنها بعد كتب كتاب يوسف على فيروز وبتتواصل مع منصور عشان تخرج فيروز من حياه يوسف لكن منصور خايف يدخل بعد تهديد يوسف الاخير ليه لماراح بيت صفاء بعد كتب الكتاب ويوسف هدده لو رجله خطت جوا عمارة مرة تانيه مش هيشوف النور تانى ومن وقتها وهو بعيد عن فيروز وصفاء لكن شادى مش ناوى يستسلم ابداا
شيرين اللى مستمره فى صفقاتها مع احمد وشادى وبيستخدمو مواد مضروبه فى بناء المبانى وده طبعااا بدون علم عزام
****************
فى معرض عزام اللى قاعد على مكتبه وعينيه بتطلع شرار من الغضب:ازاى ده حصل
محمود:والله ياباشا انا عملت اللى امرت بيه بس تم التعاقد امبارح بين يوسف الصياد والشركات اللى بنتسورد منها
عزام قام وقف وضرب على المكتب بعصبيه:ابن الصياد مش ناوى يجيبها لبرا وانا مش هسكت
محمود:احنا قولنا لما اخته بقت فى بيتك هيهدى اللعب شويا
عزام:هو عايز يفهمنى انه مش هيكست وهيكمل مهما عملت فيه بس هو ميعرفش بيلعب مع مين
محمود:اؤمر ياباشا وانا انفذ
عزام:انا اخدت اخته منه وبقت مراتى الظاهر ده مفرقش معاه يبقي نجرب نلعب على نقطه ضعفه التانيه
محمود:قصدك امه ياباشا
عزام:تؤ مش امه حبيبته خصوصا انها بقت مراته
محمود:تحب نعمل ايه
عزام:عايزها تشرف عندنا يومين كدا لحد مايلغى التعاقد مع الشركات الاجنبيه
محمود:المشكله ياباشا انها من وقت ما خطفنا اخته وهى مش بتخرج ابدااا
عزام:مش مشكلتى عايزها فى اقرب فرصه تكون عندى
محمود:اعتبره حصل ياباشا
*****************
على السطح فيروز ويوسف قاعدين
فيروز:مانا مش هفضل محبوسه كدا انا زهقت يايوسف
يوسف:المفروض اوافق انك تخرجى بعد اللى حصل لنورة
فيروز:يعنى افهم من كدا مش هتنزلنى الكليه
يوسف:لسه بدرى على الكليه يافيروز ربنا يسهلها
فيروز:طب انا عايزة اشترى حاجات بجد ضرورى
يوسف:استنى لما اخلص شغلى وانزل معاكى
فيروز:وشغلك ده هيخلص امته بقي
يوسف:اصبرى يومين تلاته كدا
فيروز بصتله:لا والله
يوسف:انا متمرمط بين المحل والمعرض وانتى شايفه مش بدخل البيت غير لنومه اعمل ايه بقي
فيروز:متعملش حاجه يايوسف انا نازله
يوسف مسك ايدها:استنى بس ايه القمصه دى
فيروز:ولا قمصه ولا حاجه انا كنت طالعه اسقى الزرع وخلصت هنزل بقي
يوسف:فيروز
فيروز:نعم
يوسف:مش ناويه تلبسي الخاتم او السلسله بقي حرام عليكى تعبتى قلبي معاكى
فيروز:لسه شويا
يوسف:شويا على ايه ان شاء الله
فيروز:مجاش الوقت المناسب يايوسف الله
يوسف بضيق:وناوى يجى امته بقي
فيروز:سيبها بظروفهاا
يوسف:تمام يافيروز
فيروز:معرفتش حاجه عن نورة
يوسف اتنهد:مش بتخرج من الفيلا ابداا ولا حد من اللى حاططهم قدام الفيلا بيشوفها دى حتى مش بتخرج الجنينه
فيروز:ممكن تكون مش فى الفيلا اصلا
يوسف:لا مخرجتش منها ابدااا من وقت ماكنا عندها
فيروز:انا قلبي وجعنى عليها اوى ووحشتنى جداا ونفسي اكلمها
يوسف:بلاش الكلام ده قدامهم تحت ونبي يافيروز انا بحاول انسيها على قد مااقدر
فيروز:حاضر طب اقولك على حاجه
يوسف:قولى
فيروز: ماينفعش نروحلها زياره
يوسف:اه ده على اساس عزام هياخدنا بالحضن ويقولنا نورتو الفيلا مش كدا
فيروز:خلاص ماتجيش انت معانا اروح انا طنط هناء
يوسف:لا ونبي
فيروز:الله مش اهلها ورايحين نزورها
يوسف:الكلام ده لو كان جواز طبيعى مش جواز بالاجبار ومن ورا اهلها
فيروز:ياحبيبتى يانورة
كل ده كانت سمعاه سوسن اللى واقفه على باب السطح من غير ماحد يشوفها ونزلت على تحت
*******************
ايه قاعده فى اوضتها وعماله تعيط على حب عمرها اللى راح منها دخلت سوسن الاوضه وهى بتنهج جامد
ايه:مالك ياما شوفتى شبح
سوسن:بنت عمك اتجوزت
ايه:بنت عمى مين
سوسن:وهى فى غيرها
ايه:نورة مش لسه هيعملو الخطوبه الله هما اجلوها ليه
سوسن:ركزى معايا يابت نورة اتجوزت انتى ملاحظتيش ان يوم كتب كتاب يوسف والمشكله اللى حصلت ماكنتش موجوده
ايه:ايواا صح بس اتجوزت امته
سوسن:شكلها من زمان وكمان مجبورة على الجواز
ايه:ازاى يعنى ياما
سوسن حكتلها الكلام اللى سمعته من يوسف وفيروز
ايه:تصدقى ياما صعبت عليا
سوسن:مايصعبش عليكى غالى ياختى
ايه:نورة كانت طيبه وكويسه ياماا
سوسن:ماشي ياختى
سوسن سابت ايه وخرجت من الاوضه
*******************
نورة قاعده فى بلكونه اوضتها وكالعاده دموعها على خدها من وقت ماجت الفيلا وبتبص لسما سمعت صوت عربيه دخلت الفيلا بصت عليها ونزلت منها شيرين وعزام اللى رفع راسه وشافها واقفه فى بلكونتها ولابسه الاسدال اللى دايما بتلبسهم ورافضه تلبس اللبس الكتير اللى جيبه ليهاا
نورة دخلت بسرعه اوضتها وقفلت باب البلكونه
وعزام وشيرين دخلو الفيلا وقعدو فى الريسبشن
عزام:محموووود
محمود دخل بسرعه من باب الفيلا:امرك ياباشا
عزام:عملت ايه فى موضوعنا
محمود:زى ماحضرتك طلبت وعيونا هناك
عزام:تمام وكلمت الشركات ولا لسه
محمود:كلمتهم ورافضين فض الشراكه اللى مع ابن الصياد
عزام:تمام روح انت
محمود خرج وشيرين قربت من عزام
شيرين:بيبي انت وحشنى اوى
عزام بصلها برفعه حاجب:انا بقيت واحد متجوز ياشيرى هانم ومش عزام الشرقاوى اللى يخون مراته
شيرين:بس انا وانت عارفين الجواز ده هدفه ايه
عزام:وهدفه ايه
شيرين:عشان تمسك يوسف الصياد من ايده اللى بتوجعه
عزام:وقصدك بالايد اللى بتوجعه دى اخته اللى هي مراته صح
شيرين:صح وبعدين انا مش فاهمه مقعدها فى جناح والاكل بيوصلها لحد عندها ده غير الهدوم اللى جبتها ليها هو فى حد مخطوف بيتعامل المعامله دى بردو
عزام:المفروض اعاملها ازاى مش فاهم
شيرين:تشغلها خدامه عندك وتهنيها كمان يعنى من الاخر استفيد من قاعدتها هنا معاك
عزام:اممم وايه كمان
شيرين:انت فاهم قصدى ياعزام
عزام:قصدك اتمتع بيها وبكدا هاكون بهنيها صح
شيرين بعصبيه:لا طبعااا مش انت اللى تقرب منها قصدى سيبها لرجلتك يعملو فيها اللى هما عايزينه وبعد كدا ارميها لاخوها
شيرين صرخت لما عزام مسكها من شعرها بقوة لدرجه انها حست ان شعرها هيطلع فى ايده:اااااه شعرى ياعزام
عزام بعصبيه:مش مرات عزام الشرقاوى اللى تتهان يابنت🐶 لو فكرتى تعيدى الكلام ده تانى هعمل بنصيحتك بس معاكى مش معاها
عزام زقها بقوة وقعت على الارض:يلا غورى من هنا
شيرين:هتندم على اللى عملته ده ياعزام هتندم اوى كمان
شيرين اخدت شنطتها وراحت اوضتها
*******************
نوة قاعده فى اوضتها ومعاها رحاب اللى بقت بتقضى اكتر وقتها مع نورة بامر من عزام وبتحاول تخرجها من حزنها
رحاب:يعنى انتى بتدرسي هندسه
نورة:ااه
رحاب:هنزل اجبلك الغدا واطلعلك
نورة:ماليش نفس
رحاب:هتعملى زى كل يوم انتى يعتبر مش بتاكلى كويس وكدا هتتعبي يابنتى
نورة:طب تاكلى معايا مش بحب اكل لوحدى
رحاب ضحكت:هاكل معاكى
نورة ابتسمت ورحاب خرجت من الاوضه ونورة وقفت جمب الشباك الازاز اللى فى اوضتها والباب اتفتح
نورة فكرتها رحاب ولفت بس خافت لما شافت عزام دخل وقفل الباب نورة بلعت ريقها بخوف لما شافته بيقرب وقعد على السرير وعينه عليها
عزام:يارب تكون الاقامه عندنا عجبت الهانم
نورة بتحاول ماتبصش عليه وبتبص فى الارض
عزام قام وقف وقرب منها وورفع وشها بايده عشان تبصله:لما اكلمك تبصيلى انتى فاهمه
نورة هزت راسها باه
عزام:مش بتاكلى كويس ليه
نورة بتبصله ومش بتنطق
عزام بحده:لما اكلمك تردى عليا مش بتاكلى ليه
نورة بصوت مخنوق وبتحاول متعيطش:باكل
فى الوقت دخلت رحاب واتفاجت بعزام
رحاب:انا اسفه معرفش ان حضرتك هنا
عزام بص لنورة:يلا عشان تاكلى بس مش هنا
عزام لف وبص لرحاب:بعد كدا اكلها كله هيبقي تحت معايا فطار غدا عشا مفهوم
رحاب:حاضر
عزام:انا هنزل وهستناكى عشان نتغدى سوا فى ثوانى الاقيكى وراكى ومش عايز اشوفك لابسه الاسدال ده مرة تانيه الدولاب مليان هدوم البسي اى حاجه منهم انتى قاعده فى بيتك مش فى الشارع عشان لابسه الاسدال والطرحه طول الوقت حتى وانتى نايمه
نورة بصتله اوى
عزام:فاهمه
نورة هزت راسها بسرعه
عزام:رحاب طلعيلها هدوم و٥ دقايق وتبقي تحت
رحاب:حاضر
عزام خرج من الاوضه ورحاب راحت فتحت الدولاب وجابت بجامه بكم بلون السماوى
رحاب:يلا غيرى عشان ميتعصبش عليكى احنا ماصدقنا انه بقي هادى ومش بيضايقك
نورة:مش عايزة البس كدا قدامه
رحاب طبطبت على كتفها:ده جوزك يابنتى يعنى لا هو عيب ولا حرام يلا ادخلى غيرى
نورة اخدت منها الهدوم ودخلت الحمام
*******************
فيروز لبست وخرجت من الاوضه
صفاء:راحه فين يافيروز
فيروز:خارجه ياماما
صفاء:خارجه لوحدك
فيروز:لالا مع يوسف
صفاء:مش هو عنده شغل يابنتى
فيروز:لا ماهو قالى انزل وهياخدنى نشترى شويا حاجات وبعد كدا يروح شغله
صفاء:حاضر ياحبيبتى
فيروز خرجت من الشقه:انا اسفه ياماما بس انا مش هفضل محبوسه كدا
فيروز نزلت وركبت التاكسي اللى كانت طلباه وراحت على المول وطبعاا كان فى عيون عليها ومشو وراهاا......
روايه خيوط الحب
#الكاتبه جنات
#البارررت13/14
روايه خيوط الحب
««الفصل ١٣»»
فى فيلا عزام اللى قاعد على السفرة مستني نورة تنزل سمع صوت رحاب:اتفضلى
عزام لف بصلها وتاه فى جمالهاا بالبجامه وشعرها اللى نازل على ضهرهاا زى الحرير وسواده اللى زى سواد الليل
نورة قربت قعدت مكانها ومتوترة من نظراته
عزام:يلا كلى
نورة مسكت المعلقه وبدات تاكل وعزام بياكل وعينه عليها
دخلت رحاب:محمود برا وعايز حضرتك
عزام:خليه يدخل المكتب
رحاب:حاضر
عزام:كملى اكل واطلعى على اوضتك
نورة هزت راسها باه
عزام بعصبيه:هو انتى خرصه ماتنطقى
نورة عيطت وعزام اتعصب اكتر وقام وقف وشدها من دراعها وقفها قدامه:لما اكلمك تردى عليا كلامى مش بحب اعيده مرتين انتى فاهمه
نورة بخوف ودموع:فاهمه
عزام زقها على الكرسي وخرج ونورة انهارت ورحاب دخلت واخدتها فى حضنها:اهدى ياحبيبتى كملى اكلك وانا هروح اجبلك عصير ماشي
نورة:مش عايزة
رحاب:لا خليكى هروح اجبلك بسرعه
رحاب خرجت من الاوضه ونورة خافت تفضل لوحدها قامت عشان تروح المطبخ لرحاب وقفت فى نص الريسبشن مش عارفه المطبخ فين سمعت صوت عزام جاى من اوضه جمب الريسبشن
نورة لسه هتمشي بسرعه سمعته بيقول:يانا ياانت ياابن الصياد
نورة خافت يكون عمل حاجه فى اخوها قربت براحه من الباب عشان تسمع بيقول ايه
عزام:كدا اخته ومراته ف ايدى اما وريتك ياابن الصياد
محمود:احنا ودينها على المحزن اللى فى الشرقيه ياباشا
عزام:كويس محدش يعرف حاجه عن المخزن ده فى حد كان معاها
محمود:لا ياباشا كانت راحه المول لوحدها واخدناها من هناك
عزام:حلو اوى والاحلى انها بقت مراته خلاص انا هكلمه واتفاوض معاه ولو رفض يبقي حلال على رجالتنا
محمود ضحك:تسلم ياباشا
عزام:خلى الرجاله محدش يدخلها ابداا لحد ماابقي اكلم ابن الصياد
محمود:حضرتك ناوى تكلمه امته
عزام:يومين كدا لما يتقهر بزياده يلا روح انت
محمود:حاضر ياباشا
نورة جرت بسرعه وطلعت السلم وعماله تلف مش عارفه اوضتها منين لان الفيلا كبيرة واترعبت لما سمعت صوته:بتعملى ايه عندك
نورة بصتله:راحه اوضتى
عزام:ماتروحى
نورة:مش فاكرة هى فين
عزام ظهر على وشه شبح ابتسامه واختفت بسرعه:تعالى ورايا
عزام مشي ونورة مشت وراه لحد ماوصل عند اوضتها فتحلها الباب:اتفضلى
نورة دخلت الاوضه ولفت عشان تقفل الباب
عزام:تقدرى تنزلى وتتحركى فى الفيلا براحتك بلاش تحبسي نفسك فى الاوضه كدا
نورة:مش عايزه انزل
عزام بصلها بحده ونورة خافت من نظرته واتنفست براحه لما لف ومشى وهى قفلت الباب بسرعه
نورة عيطت:فيروز ... خطفو فيروز لالا مستحيل لازم اكلم يوسف بس ازاى ازاى ياربي ...اكيد فى تلفون ارضي هنا
نورة سمعت صوت عربيات بصت من الشباك شافت عزام خارج مسحت دموعها وخرجت من الاوضه بسرعه
*******************
يوسف رجع وطلع شقتهم دخل كانت صفاء قاعده مع هناء
يوسف:السلام عليكم
هناء وصفاء:وعليكم السلام
هناء:اومال فيروز مادخلتش معاك ليه
يوسف:تدخل معايا فين
صفاء:مش انتو كنتو سوا يابنى
يوسف:انا كنت فى المعرض
صفاء قامت وقفت:ازاى مش انت كنت اخدها تجيب الحاجه اللى هى محتاجاها
يوسف:هى فيروز خرجت من البيت
هناء:قالت انها خارجه معاك
يوسف اتعصب وضرب التربيزة برجله
صفاء:اهدى يابنى ان شاء الله خير انا هرن عليها اشوفها بقت فين
صفاء مسكت فونها ورنت على فيروز بس فونها مقفول:فونها مقفول يابنى
يوسف طلع فونه وكلم محروس السواق اللى قاله انه مراحش فى حته النهارده
يوسف:اكيد راحت المول هروح اشوفها هناك
هناء:روح يابنى يارب استر يارب
يوسف نزل بسرعه وكلم امير يروحله المول بسرعه
*******************
فى المول
يوسف وامير عمالين يلفو ويدورو على فيروز ويوسف بيحاول يتصل بيها بس فونها مقفول
يوسف:هتكون راحت فين
امير:اهدى ياصاحبي يمكن راحت تجيب من مكان تانى
يوسف:لا دى دايما بتيجي هنا مع نورة
امير:طب تيجى نشوف الكاميرات
يوسف:تعالى بسرعه
يوسف وامير كلمو صاحبهم صاحب المول وطلبو يشوفو الكاميرات وهو وافق ودخلو اوضه التحكم وبداو يشوفو الكاميرات
امير:دى مدخلتش المول اصلا
يوسف:هتكون راحت فين
امير:معقول يكون هو بردو
يوسف فكر شويا:لو هو مش هياخدها الفيلا ياترى انتى فين يافيروز
*******************
نورة نزلت تحت شافت واحده من الخدم:لو سمحتى فين المطبخ
شاورتلها على المكان وراحت دخلت المطبخ كانت رحاب و٤ بنات قاعدين معاها بيشربو شاى
رحاب لما شافتها قامت وقفت:محتاجه اى حاجه ياحبيبتى
نورة شافت بنت منهم ماسكه فون فى ايدها
نورة:لا اقصدى كنت عايزة عصير
رحاب:صح دانا نسيت والله اعذرينى
نورة:لا عادى ولا يهمك
البنت اللى ماسكه الفون:خليكى وانا هجبلها العصير
البنت قامت وسابت الفون على الرخامه
نورة بصت لرحاب:انا عايزة اشرب
رحاب:استنى هجبلك
نورة:لالا خليكى انا هشرب
رحاب:بس
نورة:دانا هشرب يعنى مش هعمل حاجه وكملو انتو الشاى بتاعكو
رحاب :حاضر
نورة راحت مسكت كوبايه وقربت من التلاجه وهى معديه اخدت الفون من غير ماحد يشوفها وحطته فى جيب البجامه
البنت جابت العصير واديته لنورة
نورة:شكراا لو سمحتى كنت عايزة اغير طقم السرير لانه بقاله اكتر من يوم
البنت:حاضر هغيره فورا
البنت خرجت من المطبخ
نورة:انا هطلع اوضتى
رحاب:اتفضلى ياحبيبتى
نورة طلعت بسرعه ودخلت اوضتها وطلعت الفون بس كان محتاج رقم سري عشان يفتح
نورة:ياربي بقي
الباب خبط ونورة فتحت كانت البنت
نورة:اتفضلى
البنت دخلت وجابت طقم جديد عشان تفرشه على السرير
نورة:انتى اسمك ايه
البنت:اسمى مريم
نورة ابتسمت:مريم ممكن تساعدينى
مريم:اؤمرى ياهانم
نورة:نورة اسمى نورة احنا قد بعض تقريبااا
مريم:عايزانى اساعدك فى ايه
نورة طلعت الفون من جيبها:انا اخدت فونك مريم بخوف:لا ونبي لو البيه عرف ممكن يقتلنى ونبي
نورة عيطت:مش هجيب سيرتك والله حتى لو عرف والله مش هقوله انا محتاجه اعمل مكالمه بسرعه ابوس ايدك ونبي
مريم:حاضر بس بسرعه قبل ماحد يشوفنا
نورة:حاضر طب افتحيه
مريم:طيب
مريم فتحت الفون واديته لنورة اللى كتبت رقم يوسف اللى حفظاه رنت مرة وتانيه وبردو مش بيرد
مريم:بسرعه ونبي
نورة:لحظه بس اقفى انتى عند الشباك لو حد جه عرفينى
مريم:حاضر
نورة رنت تانى على يوسف
*************
يوسف واقف مع امير قدام المول ومش عارف يعمل ايه وفونه عمال يرن
امير:رد يايوسف يمكن مكالمه مهمه
يوسف رد:الو
نورة عيطت لما سمعت صوته:يوسف
يوسف بصدمه:نورة
امير اتصدم لما سمع اسمها وبص ليوسف
يوسف:نورة انتى كويسه طمنينى عامله ايه ياحبيبتى عملك حاجه يانورة
نورة:سيبك من كل ده يايوسف عزام هو اللى خطف فيروز
يوسف:عزام
نورة:ايوا انا سمعته بيتكلم مع الراجل اللى معاه دايما انه اخدوها وهى راحه المول وهو طلب منهم يحبسوها فى محزن فى الشرقيه
يوسف:الشرقيه
نورة:ايوا هو قال كدا وقال انه هيتفاوض معاك عشان تفض الشراكه مع شركات الاجنبيه الحق فيروز ونبي يايوسف ده شيطان الله اعلم هيعمل فيها ايه
يوسف:حاضر متخافيش انتى بس طمنيني انتى كويسه
نورة:انا كويسه متقلقش عليا
امير شد الفون من يوسف:نورة
نورة عيطت اكتر لما سمعت صوت امير
امير:نورة انتى كويسه طمنينى ونبي
نورة:كويسه انا لازم اقفل بسرعه
امير:خدى بالك على نفسك يانورة وانا هفضل مستنيكى العمر كله
نورة:عيش حياتك ياامير انا خلاص بقيت على ذمه راجل انا اسفه
امير :يعنى ايه الكلام ده يانورة
يوسف اخد الفون من امير وسمع صوت عياط نورة
يوسف:اهدى ياحبيبتى وخدى بالك على نفسك
نورة:حاضر ماما عامله ايه يايوسف
يوسف:كويسه ياحبيبتى
نورة: انا هابقي اكلمك من الرقم ده عشان اطمن على فيروز بس اوعى تتصل انت
يوسف:حاضر يانورة
نورة قفلت وادت الفون لمريم وحضنتها:شكراا شكرااا يامريم بجد
مريم:العفو انا لازم انزل بقي
نورة:حاضر
مريم خرجت من الاوضه ونورة قعدت على السرير بخوف من ان عزام يعمل حاجه فى فيروز ويوسف ولو عرف انها كلمت يوسف اكيد هيقتلها
نورة فضلت تفكر كتير لحد مانامت مكانها.....
*********
يوسف قفل مع نورة وبص لامير اللى متعصب:اهدى بامير
امير:يعنى هى هتستلم وهترضي باللى حصل
يوسف:وهى فى ايدها ايه اذا كان احنا مش قادرين نعمل حاجه هى هتعرف وهى لوحدها معاه يلا خلينا نشوف موضوع فيروز الاول
امير:هو اللى خطفها
يوسف:ايوا
يوسف حكى لامير الكلام اللى نورة قالته
امير:احنا نعرف كل المخازن بتاعته بس مافيش ولا واحد فيهم فى الشرقيه
يوسف:هنعرف يلا تعالى وانا اقولك هنعمل ايه
يوسف وامير ركبو العربيه واتحركوو
***********
فجر يوم جديد فيروز بدات تفوق لاقت نفسها فى مكان كله كراتين وصناديق وهى مربوطه وهى قاعده على كرسي وبوقها ملزوق فيروز كانت بتحاول تتحرك بس مش عارفه وافتكرت اللى حصل معاها
••فلاش باااك••
فيروز ركبت التاكسي عشان تروح المول وبعد شويا وصلت حسبت السواق ونزلت من التاكسي وهى ماشيه واحده خبطت فيها
فيروز:انا اسفه
الست:ولا يهمك ياحبيبتى
فيروز سابتها ولسه هتمشي عربيه سودا وقفت جمبها فجاه ونزل منها واحد ورش حاجه فى وشها ودخلها بالعافيه العربيه وربطلها شريط اسود على عينيها
••باااااك••
فيروز بتحاول تفتكر اللى حصل بعد كدا بس مش قادرة وبتحاول تفك ايدها بس الحبل جامد ومش قادرة حتى تحرك ايدها
فيروز لنفسها:انتى غبيه يوسف قالك متخرجيش لوحدك ياترى عرفو انى مخطوفه ولا لسه يارب ابعتلى يوسف يارب خرجنى من هنا باى طريق
************
عند يوسف وامير اللى بعد ماقفل مع نورة وركبو عربيتهم وطلب من امير يروح العمارة ويفضل مع امه وام فيروز ويجيب رجاله يفضلو تحت العمارة من غير ماحد ياخد باله ويوسف راح على الشرقيه وطول ماهو فى الطريق بيحاول يعرف مكان المخزن ده
يوسف كلم واحد صاحبه فى الشرقيه وتقريبا يعرف كل كبيرة وصغيره بتحصل هناك وطلب منه يعرفله مخزن عزام الشرقاوى فين بظبط وصاحبه قفل معاه وبعد دقايق طلبه وقاله على المكان وقاله انه هياخد رجاله ويروح يستناه هناك لان فى حراسه كتير على المحزن
ويوسف وافق
***************
يوسف وصل الشرقيه الفجر وكان صاحبه ومعاه رجاله كتير مستنينه هناك
يوسف نزل من عربيته وقرب من صاحبه وحضنه:واحشنى ياصقر
صقر:وانت واحشنى ياغالى
يوسف:هو ده المخزن
صقر:ايوا هو مقولتليش عايز تهجم عليهم ليه
يوسف:عزام الشرقاوى خطف مراتى وحسبها هنا
صقر:هى حصلت يدخل الحريم فى اللعب
يوسف:ده واطى اهم حاجه مصلحته يلا خلينا ندخل
صقر طلب من رجالته يعملو تمثليه كانهم بيتخانقو عشان يلفتو انتباه رجاله اللى على المخزن وبالفعل عملو كدا ولما الرجاله قربو منهم عشان يخلصوهم رجاله صقر هجمو عليهم وبضربه بسيطه فى الرقبه بيغمى عليهم
رجاله صقر عملو كدا مع رجاله عزام كلهم
يوسف:تسلم ياصاحبي
صقر:يلا ادخل هات مراتك
يوسف دخل المخزن وفيروز كانت سامعه اصوات الخناقات برا وكانت خايفه واتفاجت لما شافت يوسف قدامها واطمنت
يوسف قرب عليها وشالها اللزق اللى على بوقها:انتى كويسه يافيروز
فيروز هزت راسها ويوسف بدا يفكلها الحبل اللى مربوطه بيه ومسك ايدها ولسه هيخرجو لاقى واحد من رجاله عزام دخل من الباب الخلفى للمخزن ورافع مسدس فى وشهم
يوسف شد فيروز وراه
الراجل:مفكر انك هتاخدها وتمشي كدا بسهوله
يوسف:لو خايف تحصل اصحابك اخلع من هنا وانا هعمل نفسي من شايفك
الراجل:انسي انا اخلص عليك وبكدا عزام باشا هيدينى مكافأه انى خلصته منك
يوسف:طب يلا خلص
فيروز وقفت فى حضن يوسف:لالا يايوسف
يوسف عينه على الراجل وشايف ايده داس على المسدس زق فيروز والرصاصه جت فيه وفيروز وقعت على الارض وصرخت باعلى صوت لما سمعت طلقه المسدس وبصت على يوسف اللى واقع فى الارض:يوووووووسف
صقر دخل هو ورجالته وضرب الراجل برصاص وجرى على يوسف
فيروز بدموع:يوسف انت سامعنى خليكى معايا ونبي
صقر:اهدى اهدى يامدام
صقر فتح القميص بتاع يوسف عشان يشوف الرصاصه فين وكانت فى كتفه الشمال
صقر:الحمدلله بعيد عن القلب
صقر شاور لواحد من رجالته يجيب عربيه بسرعه وشال يوسف هو ورجالته وراحو على عربيه واخدو على بيته
*******************
فى فيلا عزام قاعد على السفره بيفطر ونورة قاعده جمبه ولابسه بجامه بكم لونها اسود ورافعه شعرها ديل حصان
فون عزام رن وكان واحد من رجالته
عزام:الو
عزام وقف بعصبيه:ومين اللى عملها.....وازاى عرف مكانها وانتو كنتو فين يااغبيه ....مشغل معايا شويا بهايم اقلبو الشرقيه كلها لحد ما تجيبوهم وتعرفولى مين اللى ساعده وعرف مكان المخزن ده ازاى
نورة اطمنت لما عرفت ان يوسف وصل لفيروز بس فى نفس الوقت خايفه عليهم من رجاله عزام
نورة اتصدمت لما سمعت كلام عزام:يعنى علمتو عليه واخد رصاصه معتبره .... يبقي دورو عليهم فى المستشفيات اللى هناك اكيد هياخدوه عشان يتعالج
عزام قفل ورجع قعد مكانه ونورة بتحاول تبان طبيعيه كانها متعرفش حاجه عشان ميعرفش انها ساعدت اخوها
عزام بصلها وشايفها سرحانه:مبتاكليش ليه
نورة فاقت:هااا لا انا باكل اهو
نورة بدات تاكل وعزام كمان
****************
عند فيروز وصلو بيت صقر ودخلو يوسف اوضه ونيموه على السرير
فيروز:احنا هنا ليه خلينا نروح مستشفى بسرعه
صقر:يامدام مينفعش نروح مستشفى اكيد هيعرف ان يوسف اضرب وهيدورو عليكم فى المستشفيات
فيروز:طب هنعالجه ازاى الوقت
صقر:انا طلبت دكتور وهيجى فى اسرع وقت متقلقيش
بعد شويا الدكتور وصل وبدا يعالج يوسف اداه بنج وبدا يخرج الرصاصه ويطهر ويخيط مكانها واداه حقنه عشان ميصحاش بليل عشان الوجع هيبقي صعب وكتبله على علاج يمشي عليه عشان يتحسن
الدكتور خرج وصقر معاه وفيروز قعدت جمب يوسف ومسكت ايده وعيطت:انا اسفه اللى حصلك ده بسببى انا غبيه عشان مسمعتش كلامك انا اسفه
الباب خبط وفيروز قامت فتحت كانت مرات صقر:ازيك يامدام عامله ايه
فيروز:كويسه الحمدلله
مرات صقر:انا سلوى مرات صقر
فيروز:انا فيروز مرات يوسف
سلوى:اهلا وسهلا بيكى والف سلامه عليه
فيروز:الله يسلمك
سلوى:انا جبتلك هدوم نضيفه عشان تغسلى وتغيرى وتاكلى لقمه وتنامى اكيد تعبانه
فيروز اخدت الهدوم:فعلا انا تعبانه وعايزة انام انا هاخد الهدوم عشان هدومى متبهدله بس ماليش نفس للاكل
سلوى:بس ...
فيروز:والله مش هقدر اكل اى حاجه
سلوى:على راحتك لو حبيتى تاكلى نادى عليا بس
فيروز:حاضر
فيروز قفلت الباب ودخلت الحمام الصغير اللى فى الاوضه واخدت شاور وغيرت هدومها لعبايه بيت جميله بلون الارزق وكان معاها طرحه بنفس اللون فيروز لفيتها بشكل عشوائى على شعرها وقعدت على الكنبه اللى جمب السرير وعينها على يوسف لحد مانامت مكانها هى كمان
*********************
نورة طلعت اوضتها وافتكرت كلام عزام
نورة:ياترى مين اللى اضرب برصاص ....معقول يوسف ....لالالا ان شاء الله ميكونش هو ...استر يارب
فجأه الباب اتفتح ونورة اتخضت لما شافت عزام وجسمها اترعش وفكرته سمعها
عزام دخل وقرب منها وشايف توترها وخوفها:مالك خوفتى ليه شوفتى عفريت
نورة هزت راسها بلا
عزام بصلها بغضب ونورة افتكرت كلامه انها ترد عليه لما يكلمها
نورة:اتخضيت مش اكتر
عزام:اظن محدش يقدر يدخل عليكى بطريقه دى غيرى
عزام مضايق من الخوف اللى شايفه فى عينيها وقرب منها:انتى خايفه ليه هو انا جيت جمبك ولا عملتلك حاجه عشان الخوف ده كله
نورة نزلت عينيها فى الارض
عزام رفع وشها عشان تبصله:لما اكلمك تبصيلى فاهمه
نورة:حاضر
عزام:صح اخوكى كتب كتابه على صاحبتك
نورة ابتسمت بفرحه:بجد
عزام ابتسم لما شاف فرحتها:اه بجد
نورة ضحكتها اختفت وهزت راسها
عزام:بكرة هيكون فى حفله هنا فى الفيلا مش عايزك تطلعى من اوضتك لان التحضيرات هتبدا من النهارده لو احتاجتى اى حاجه رحاب هتجيبهالك لحد عندك هنا
نورة:حاضر
عزام:هسيبك ترتاحى شويا
عزام خرج وقفل الباب وراح على جناحه:كنت رايح وناوى اقولها ان اخوها اضرب بنار .... للاسف مقدرتش ازعلها لانى عارف هى بتحب اخوها اد ايه ..... كدا احسن بلاش تخوفها منك بزياده كفايه الرعب اللى بيتكون فى عينيها لما بتشوفك او بتسمع صوتك
******************
هناء نزلت من شقتها وراحت لامير اللى وافق تحت العمارة مع الرجاله
هناء:اتفضل القهوة يابنى
امير:معلش تعبك معايا ياست الكل
هناء:تعبك راحه ياحبيبي يوسف مكلمتكش تانى
امير:هو قالى هيقفل فونه ولما يوصل لفيروز هيبقي يطمنى
هناء:ربنا يرجعهم بسلامه يابنى
امير:اطلعى انتى فوق ومتقلقوش انا هنا ولو احتاجتو حاجه كلمونى
هناء:طب اطلع ارتاح فى شقه يوسف شويا يابنى
امير:متقلقيش عليا ولو تعبت هطلع انا معايا المفتاح
هناء:حاضر ياحبيبي
هناء طلعت وامير مسك فونه:انت فين يايوسف
امير كلم صقر اللى رد عليه:امير باشا
امير:ازيك ياصقر عامل ايه
صقر:بخير الحمدلله
امير:هو يوسف وصل الشرقيه عندك اصل برن عليه فونه مقفول
صقر:يوسف عندى هو ومراته متقلقش عليهم
امير:الحمدلله وفيروز كويسه
صقر:اه الحمدلله بس يوسف اخد رصاصه فى كتفه واحنا بنخرج مراته
امير بخوف:وهو عامل ايه
صقر:بخير متخافش والدكتور طمنا ولما يفوق هخليه يكلمك
امير:حاضر وابقي طمنى عليه
صقر:حاضر
امير:سلام......
🌹🌹🌹🌹🌹🌹
روايه خيوط الحب
«« الفصل ١٤ »»
بليل فى الشرقيه يوسف بدا يفوق وفتح عينيه وشاف فيروز نايمه على الكنبه وهى قاعده واتنهد لما شافها بخير
يوسف بدا يتحرك عشان يقوم يقعد فيروز حست بحركته وقامت بسرعه وجرت عليه:انت بتعمل ايه يايوسف بلاش تتحرك
يوسف:انا كويس بس عايز اقعد
فيروز ساعدته يقعد وحطتله المخدات وراه عشان يقعد مرتاح:كدا كويس
يوسف:ايوا
فيروز:حاسس بايه
يوسف:الحمدلله يافيروز انتى كويسه حد من الكلاب ده جه جمبك
فيروز هزت راسها بلا وعيطت ويوسف خاف:فى ايه يافيروز حد عمل فيكى حاجه
فيروز هزت راسها بلا ولسه بتعيط
يوسف مسك ايدها وخلاها تقعد جمبه على السرير:طب بتعيطى ليه الوقت
فيروز:عشان اللى حصلك ده بسببى انا غبيه عشان مسمعتش كلامك وخرجتش من البيت لوحدى
يوسف:خلاص يافيروز حصل خير بس ياريت تبقي تسمعى الكلام بعد كدا
فيروز:حاضر
يوسف بص عليها وهى لابسه العبايه والطرحه ملفوفه بشكل عشوائى:تعرفى شكلك حلو اوى فى العبايه
فيروز ضحكت من وسط دموعها:دى سلوى مرات صاحبك جبتهالى دى اول مرة البس عبايات
يوسف بغمزه:بس شكلك قمر
فيروز اتكسفت وحولت تغير الموضوع:هو جوز نورة اللى خطفنى يايوسف
يوسف:اه هو تعرفى ان نورة اللى قالتلى على مكانك
فيروز:نورة هى كلمتك
يوسف هز راسه وبدأ يحكيلها على مكالمه نورة ليه
فيروز:وهى كويسه
يوسف:كانت بتتكلم بسرعه تقريبا خايفه انه يسمعها وملحقتش اسالها على ايه حاجه
فيروز:طب نكلمها على نفس الرقم
يوسف:قالتلى اوعى تطلبنى انت انا هابقي اكلمك
فيروز:وحشتنى اوى والله
يوسف بحزن:وحشتنا كلنا .... مش قادر انسي صوتها فيه حزن كبير وخوف بقي دى نورة اختى اللى كانت دايما تضحك وتهزر
فيروز:ان شاء الله هترجع وسطنا تانى متقلقش
الباب خبط وفيروز عدلت طرحتها وقامت تفتح كان صقر اللى شايل صنيه الاكل ومراته
صقر:حمدالله على سلامتك يابطل
يوسف:الله يسلمك ياصاحبي
سلوى:حمدلله على السلامه
يوسف:الله يسلمك
صقر:ام جمال عملالكو شويا اكل هتاكلو صوابعكو وراه يلا بسمالله
فيروز:معلش تعبناكى معانا
سلوى:تعبكو راحه والله
يوسف:عايز اسافر الفجر ياصقر
صقر:خليك لما ترتاح وكمان صاحبك باعت رجالته بيدورو عليكم فى المستشفيات
يوسف:لا هسافر عشان اهلى لوحدهم ومعلش هتعبك تبعت معانا حد يسوق لانى مش هقدر
صقر:هابعت معاك رجلين لزوم الحمايه كمان
يوسف:تسلم ياصاحبي
صقر:يلا هسيبكو تاكلو عشان تاخد علاجك
يوسف:حاضر
صقر ومراته خرجو وفيروز قربت الاكل من يوسف وبدات تاكله وبعد شويا خلصو وجبتله العلاج وقالتله يرتاح شويا لحد مايجى يمشوو
يوسف نام وفيروز قاعده على الكنبه جمبه وبتصله وبتفتكر لما زقها واخد الرصاصه مكانها وكل حاجه بيعملها عشانها من اول ماسكنو فى العمارة وحبه ليها فضلت تفتكر كل اللى عمله معاها لحد مانامت هى كمان مكانها على الكنبه
**********************
عدى باقى اليوم والفجر صقر ساعد يوسف لحد ماوصل للعربيه وركب هو وفيروز ورا وقدام رجلين من رجاله صقر
يوسف شكره على وقفته جمبه ومشوو وكلم امير وقاله انهم جايين فى الطريق وامير طمن هناء وصفاء اللى كانو هيموتو من القلق عليهم
*******************
بعد وقت طويل يوسف وفيروز وصلو وامير كان فى استقابلهم وساعد يوسف لحد ماوصلو لشقه هناء اللى جرت على ابنها وصفاء نفس الحكايه
هناء:حبيبي يابنى انتو بخير
يوسف اتوجع بس حاول مايبينش عشان مامته ماتخافش
صفاء حضنت فيروز:ياحبيبه قلبي كدا يافيروز تخوفينا عليكى حرام عليكى يابنتى
فيروز:انا اسفه والله ياماما
هناء بعدت عن يوسف وبصت على دراعه المربوط:مال دراعك يايوسف
يوسف:دى اصابه بسيطه ياست الكل متخافيش
صفاء:سلامتك يابنى انا مش عارفه اشكرك ازاى انك رجعتلى بنتى لحضنى
يوسف:الله يسلمك ياصفصف وبعدين بتشكرينى على ايه دى مراتى ولا نسيتى
هناء:تعالى عشان ترتاح شويا
صفاء:واحنا كمان هنطلع
صفاء وفيروز ونيرة طلعو ويوسف بص لامير اللى واقف:تشكر ياصاحبي تعبتك معايا
امير:متقولش كدا يايوسف اهلك هما اهلى
يوسف:طول عمرك جدع
امير:انا همشي انا بقي
هناء:طب كل لقمه مع يوسف
امير:مرة تانيه ياست الكل
امير خرج ويوسف دخل اوضته عشان يرتاح شويا
*******************
فى فيلا عزام
نورة قاعده فى اوضتها زهقانه ونفسها تعرف اخوهاا وفيروز رجعو البيت ولا لسه بس عزام مانعها تنزل عشان الحفله اللى هتحصل بليل
الباب خبط ودخلت رحاب:تقدرى تنزلى يابنتى براحتك
نورة:والحفله
رحاب:عزام بيه اجلها يومين
نورة:دى كانت حفله ايه
رحاب:علمى علمك والله تعالى يلا عشان تفطرى البيه مستنيكى تحت
نورة بضيق:حاضر
نورة نزلت ودخلت اوضه السفره وكانت شيرين قاعده على السفرة واتفاجت لما شافتها من غير حجاب واد ايه جميله حتى مش محتاجه ميكب
نورة:صباح الخير
عزام بصلها:صباح النور
نورة قعدت مكانها وعينها جت على شيرين اللى بتبصلها بغل وبدات تاكل وعزام عينه عليها وشيرين ملاحظه نظرات عزام لنورة ومستغرباه
شيرين:الحفله اللى كنت هتعملها كانت بمناسبه ايه ياعزام
عزام:شغل
شيرين:واجلتها ليه
عزام بصلها بحده:حاجه ماتخصكيش ياشيرين وبعدين انتى كنتى فين من يومين مش قولتى فى صيانه فى فيلتك وهتقعدى هنا
شيرين بتوتر:اصل العمال كانو اتاخرو ولسه جايين النهارده
عزام بصلها بخبث لانه مراقبها كويس وعارف هى بتروح فين:اممم تمام
شيرين بصت لنورة اللى قاعده بهدوء ومالهاش دعوة بيهم:ده شعرك ده
نورة بصتلها:بتكلمينى
شيرين بصت حوليها:اظن مافيش بنات غيرنا ولا ايه
نورة.....
شيرين:هاا مجوبتيش عليا ده شعرك
نورة اضايقت منها:اه اكيد شعرى اومال شعر الجيران
شيرين بغيظ:لا ممكن يكون باروكه اصل طويل وناعم ممكن اتاكد
نورة:تتاكدى ازاى يعنى
شيرين قامت من مكانها وعزام بصلها بحده:متخافش يابيبي مش هاكلها يعنى
عزام بدا ياكل وشيرين قربت من نورة اللى مستغربه هى بتقربلها ليه وفجاه عزام بص لنورة لما صرخت بقوة
نورة:انتى اتجننتى ازاى تشدى شعرى كدا
شيرين:سورى كنت بتاكد
عزام بحده:شيرين اقعدى كملى اكلك ياتطلعى اوضتك يلا
شيرين مشت وطلعت اوضتها ونورة حاطه ايدها على راسها اللى بتوجعها لانها شدت شعرها بغل وقامت وقفت
عزام:راحه فين
نورة:راحه اوضتى
عزام:اوصلك عشان متوهيش
نورة:لا شكراا
نورة طلعت وعزام فونه رن وكان واحد من رجالته اللى بيرقبو عمارة يوسف
عزام:يعنى رجعو النهارده عادى سبوهم يتنهو يومين وخليك مكانك ماتتحركش
عزام قفل وراح اوضه المكتب وكلم محمود يجيله
********************
فى بيت هناء اللى قاعده مع يوسف
هناء:يعنى انت كلمتها طمنى ونبي يابنى اختك كويسه
يوسف:كويسه ياست الكل متقلقيش وهى بنفسها طمنتنى
هناء:الف حمد وشكر ليك يارب طمنتنى يابنى والله
يوسف:معلش هتعبك معايا ياست الكل عايز فنجان قهوة
هناء:حاضر ياحبيبي
هناء راحت المطبخ ويوسف بص عليها:انا اسف
الباب خبط ويوسف قام يفتح كانت نيرة
نيرة:عامل ايه ياچو يابطل
يوسف:بخير يانيرو اتفضلى
نيرة دخلت ويوسف قفل الباب ونيرة مدت ايدها اللى فيها طبق:اتفضل ياچو
يوسف اخد الطبق:ايوا بقي كيكه قولى لصفصف تسلم ايدها
نيرة:بس دى روزة اللى عملتها مش ماما
يوسف ابتسم:قوليلها تسلم ايديها واديها دى
نيرة:اديها ايه
يوسف باس نيرة من خدها:وصليلها دى
نيرة:من عيونى
يوسف ضحك:تسلم عيونك يااحلى اميرة
نيرة:انا همشي انا يابطلى
يوسف:بطلك
نيرة:اصل روزة حكيتلى انك غامرت واخدت الرصاصه مكانها وانقذتها زى البطل عشان كدا انت بطلى
يوسف باسها:روح قلب بطلك
نيرة:يلا سلام بقي
يوسف:سلام
******************
فى بيت حسن عم يوسف
ايه:والله انا شيفاه بعينيا
سوسن:هيكون ماله يعنى
ايه:معرفش دراعه مربوط وهى نازله مسنداه وصاحبه امير جرى عليه سنده ودخلو العمارة
سوسن:بقولك ايه قومى البسي هننزل نشوفهم
ايه:حاضر
**************
هناء ويوسف قاعدين سوا بيشربو القهوة الباب خبط وهناء قامت تفتح
سوسن:ازيك ياهناء ياختى
هناء:بخير ياسوسن اتفضلى ازيك ياايه
ايه:بخير يامرات عمى
هناء:تعالو اتفضلو
سوسن بصدمه مصتنعه:يوووه مالك يايوسف يابنى
يوسف:حادثه بسيطه يامرات عمى
سوسن:سلامتك الف سلامه ياحبيبي انشالله عدوينك
يوسف:الله يسلمك يامرات عمى
ايه:سلامتك يايوسف
يوسف:الله يسلمك ياايه
هناء:تشربو قهوة ولا شاى
سوسن:مش عايزين نتعبك
هناء:تعبكو راحه
سوسن:انا قهوة وايه شاى
هناء:من عيونى
سوسن:تسلم عيونك ياختى
هناء دخلت المطبخ
ايه:اومال نورة فين يايوسف
يوسف:نورة بتجيب حاجه وجايه
ايه:والله وحشتنى من زمان مشوفتهاش
الباب خبط يوسف لسه هيقوم يفتح
ايه:خليك هفتح انا
ايه قامت تفتح كانت فيروز اللى استغربت وجود ايه
فيروز:ازيك ياايه
ايه وهى ساده الباب:كويسه
فيروز زقتها:ابعدى ياحبيبتى جايه اطمن على جوزى
فيروز دخلت:ازيك ياطنط سوسن
سوسن:بخير
فيروز قعدت جمب يوسف اللى استغربها
فيروز بهمس:عامل ايه الوقت
يوسف بنفس الهمس:بقيت كويس لما شوفتك
فيروز ابتسمت وايه بتبصلهم بغل وهتموت من الغيظ
هناء خرجت من المطبخ:ازيك ياروزة
فيروز:بخير ياهنونه
هناء:اعملك حاجه تشربيها
فيروز:لا شكراا ياهنون لو عايزة حاجه هقوم اعمل متقلقيش
ايه بسرعه وغل:ليه مفكرة نفسك فى بيتكو
فيروز:طبعاا بيت يوسف هو بيتى مش جوزى
ايه ابتسمت ابتسامه صفراا:طبعاا
سوسن وايه شربو القهوة والشاى
سوسن:طب هنطلع احنا بقي ياهناء ياختى
ايه:لما نورة تيجى ابقي سلميلى عليها يامرات عمى
هناء:تيجى منين
يوسف:من مشوارها ياست الكل
هناء:اهاا ماشي ياحبيبتى
سوسن وايه خرجو وهناء دخلت اوضتها عشان تسيب يوسف وفيروز سوا
فيروز بهمس سمعه يوسف:بت صفراا يباااااى
يوسف ضحك:هى جت جمبك الوقت ولا انتى عايزة تتخانقى وخلاص
فيروز:وهى تقدر تيجى جمبى بعد القلم اللى لسعتهولها اخر مرة
يوسف:فى دى معاكى حق الصراحه
فيروز:دراعك عامل ايه الوقت
يوسف:الحمدلله احسن
فيروز:انا كل ماافتكر اللى حصل بزعل اوى من نفسي
يوسف:خلاص يافيروز اللى حصل حصل
فيروز:لولا غبائى مكنش هيحصل كل ده
يوسف مسك ايدها:فيروز خلاص بقي انسي اللى حصل
فيروز:حاضر هى نورة متكلمتش تانى
يوسف:لا
فيروز:طب ماترن عليها
يوسف:مش عايز اعملها مشاكل يافيروز وخايف عليها من ابن الشرقاوى
فيروز:ان شاء الله خير
**************
صباح يوم جديد فى فيلا عزام
نورة صحت من النوم دخلت الحمام واتوضت وصلت فرضها ولبست بجامه بكم لونها ابيض وعملت شعرها ضفيرة طويله ونزلت دخلت المطبخ كانت رحاب ومريم بيجهزو الفطار
نورة:صباح الخير
رحاب:صباح النور ياحبيبتى
مريم:صباح الجمال
نورة:هو مافيش حد هنا ولا ايه
رحاب:البيه فى مكتبه وشيرين هانم خرجت من بدرى
نورة:احسن بردو
مريم ضحكت:الفطار جهز على السفره يلا عشان تفطرى
نورة:بجد مش عايزة اكل
رحاب مسكتها من ايدها وخرجو من المطبخ:مينفعش كدا يابنتى انتى يعتبر مش بتاكلى اصلا يلا هتفطرى بدون كلام
عزام:فى ايه
نورة اتخضت لما اتكلم فجاه
رحاب:مافيش نورة الهانم ماكنتش عايزة تفطر
عزام:مافيش الكلام ده يلا على السفرة
عزام مشي ونورة بصت لرحاب:اوووف بكرهه
رحاب ضحكت:يلا روحى
نورة دخلت السفرة وقعدت مكانها وبدات تاكل وعزام تاه فى رقتها وجمالها فى الابيض وبعد شويا خلص اكله وقام وقف:انا عندى شغل كتير وهتاخر برا ياريت تاكلى كويس سمعانى
نورة:حاضر
عزام خرج ونورة اتنفست براحه وراحت المطبخ:رحاب انا عايزة عصير مانجا من ايديك ياقمر
رحاب:غريبه اخده راحتك يعنى
نورة بهمس سمعه رحاب ومريم بس:اصل الوحش بح
مريم:وحش مين
رحاب برقت:اوعى يكون قصدك ... يالهوى اوعى تنطقيها تانى دى فيها قتلنا والله
نورة:حاضر سكت ... انا هطلع اوضتى شويا
رحاب:هعملك العصير واجيبه ليكى
نورة:حاضر
نورة لسه هتمشي شافت التقويم متعلق فى المطبخ وطلعت اوضتها
****************
يوسف قاعد فى المحل بتاعه فجاه الباب اتفتح ودخلت فيروز:صباح الخير
يوسف:ده صباح الجمال صباح القشطه
فيروز ابتسمت
يوسف:اول مرة تيجيلى المحل من غير اطلبك
فيروز:زهقت يايوسف من قاعده البيت قولت انزل اتسلى هنا شويا بقولك ايه
يوسف:ايه
فيروز:ماتشغلنى معاك هنا اى حاجه لحد ماتيجى الكليه لانى زهقت
يوسف:طب بذمتك مهندسه هتشتغل ايه فى محل صاغه
فيروز بملل:مش عارفه ونبي..انت عندك شغل كتير النهارده
يوسف:لا شويا شغل هنا وهروح المعرض لامير اشوف اخر التطورات وهرجع على البيت
فيروز:اوكى هسيبك انت شكلك مشغول يلا سلام
يوسف:سلام
*********************
عند نورة اتغدت واصرت ان رحاب ومريم ياكلو معاها وقضت يومها مابين الاوضه والمطبخ وافتكرت انها شافت التاريخ وان بكرة عيد ميلاد يوسف فكرت تاخد الفون من مريم وتكلمه وفرصه وعزام مش موجود
نورة نزلت المطبخ وكانت مريم لوحدها
نورة بهمس:مريم لو سمحتى عايزه فونك
مريم بخوف:بلاش ونبي انا بحمد ربنا انه معرفش حاجه المرة اللى فاتت
نورة:هو قال مش هيرجع غير متاخر هتكلم بسرعه وهجيبه ليكى
مريم طلعت الفون من جيبها وفتحته واديته لنورة اللى اخدته وطلعت اوضتها
*******
نورة دخلت اوضتها وكتبت رقم يوسف ورنت عليه
يوسف كان رجع من الشغل وقاعد فى اوضته واول ماشاف الرقم عرف انها نورة ورد عليها على طول
نورة:وحشتنى ياچو
يوسف:وانتى يانوارة قلب چو
نورة:انت عامل ايه وفيروز
يوسف:كويسين ياحبيبتى انتى عامله ايه
نورة:كويسه صح الف مبروك على كتب كتابك انت وفيروز
يوسف:الله يبارك فيك ياحبيبتى بس عرفتى منين
نورة:هو اللى قالى .. كل سنه وانت طيب انا عارفه ان عيد ميلادك لسه بكرة بس ممكن معرفش اكلمك
يوسف:وانتى طيبه وبخير ياقلبي
نورة لسه هتتكلم فجاه الباب اتفتح بقوة ودخل عزام وعينيه كلها شر:انتى بتكلمى مين ....هاااا انطقـــــــــــى
نورة من خوفها الفون وقع منها وعزام اخده من على الارض وشاف الرقم ولان هو عارف الرقم كويس:بتكلمى ابن الصياد
يوسف:لو قربت منها ياعزام هيكون اخر يوم فى عمرك
يوسف كان هيتجنن لما سمع صرخه نورة اللى عزام ماسكها بقوة من شعرها
عزام:ورينى هتعمل ايه يابن الصياد
عزام رمى الفون بكل قوته فى الحيطه واتكسر ١٠٠ حته
عزام بغضب وهو ماسك نورة من شعرها:جبتى التلفون ده منين انطقى مين اللى ادهولك
نورة بخوف:محدش ادانى حاجه والله
عزام مسكها من فكها وعينيه فى عينيها:انتى اللى قولتيله على مكان مراته صح
نورة كانت منهارة
عزام بعصبيه صرخ بغضب:انتى ... انتـــــــى
****************
عند يوسف اول ماسمع صوت صرخه نورة والمكالمه اتقفلت خرج زى الصاروخ من اوضته
هناء:مالك يابنى بتجرى ليه
يوسف خرج ومردش على امه ونزل ركب عربيته وساق باقصى سرعه وراح على فيلا عزام
****************
عزام زق نورة بقوة وقعت على الارض وفتح الدولاب جاب اسدال ورماه فى ووشها:البسي ده فى ثانيه يلاااااا
نورة لبست ولفت الطرحه وهى بتترعش من الخوف وعزام مسكها من طرحتها ونزل بيها على تحت ونادى على كل الخدم اللى جم فى ثانيه وقفو صف قدامه
عزام:مين فيكو اللى اتجرأ واداها التلفون
الخدم كلهم وشهم فى الارض
عزام:انطقو تلفون بتاع مين
مريم بخوف:انا
عزام قرب منها:ازاى تتجرئى وتخالفى اوامرى
نورة وقفت قدام مريم وكانت منهارة:والله هى ماتعرفش انى اخدته انا اخدته من وراها والله ماكانت تعرف عاقبنى انا لكن هى ملهاش ذنب والله
عزام مسك نورة فى دراعها بقوة:انتى مفكرة انى هعديلك اللى عملتيه ده من غير عقاب دانا هخليكى تندمى على اليوم اللى فكرتى تخونى ثقتى
عزام لسه هيمشي وهو ماسك نورة سمع صوت يوسف برا
عزام طلع المسدس من ضهره:جيت لقضاءك ياابن الصياد
نورة:لالا ونبي متعملوش حاجه ابوس ايدك ونبي
عزام زقها وخرج برا الفيلا ونورة جرت على برا كان عزام واقف ورافع المسدس على يوسف
يوسف:اختى فين ياعزام عملتها ايه
عزام:المرة اللى فاتت الصبي بتاعى كان غشيم معرفش يقتلك بس المرة دى انا هقتلك بجد
نورة صرخت وجرت وقفت قدام يوسف: ابوس ايدك متعملش حاجه فيه عشان خاطرى سيبه يمشي هو مش هيجى هنا تانى ونبي
نورة لفت ليوسف:امشي يايوسف ونبي امشي انا كويسه قدامك اهو عشان خاطر ماما امشي ونبي
عزام:المرة دى هسيبك تخرج من هنا حى بس متحلمش بيها مرة تانيه
نورة:امشي يايوسف ونبي
يوسف:انتى مجنونه عايزانى امشي واسيبك معاه وانا مش عارف ممكن يعمل فيكى ايه
نورة عيطت اكتر:ورحمه بابا امشي يايوسف لو بتحبنى امشي بقي
يوسف شدها لحضنه ونورة عيطت كتير جوا حضنه
نورة بعدت عنه:امشي عشان خاطرى يلا
يوسف خرج من الفيلا وعزام قرب من نورة ومسكها من طرحتها ودخل الفيلا وزقها بقوة وقعت على الارض وكل الخدم واقفين وشهم فى الارض ورحاب ومريم خايفين على نورة من شره
عزام نادى باعلى صوت:محموووووووود
محمود دخل الفيلا:امرك ياباشا
عزام:افتح البدروم
محمود بصله اوى
عزام:ايه مش سامع قولت ايه اتحرك يلا
محمود راح تحت سلم الفيلا كان فى باب فتحه وعزام مسك نورة من طرحتها وشدها ودخل الباب ده كان فى سلم نزلو عليه والمكان كان ضلمه ومافيش غير اضاءة خفيفه جداا ونزلو اوضه واسعه جداا كانت ضلمه مافيش فيها غير لمبه ضعيفه جداا منوره جزء بسيط من الاوضه وباقيتها كلها زى سواد الليل
عزام زق نورة على سرير من الحديد وعليه فرشه:عقابك انك هتفضلى هنا عشان بعد كدا تفكرى ميت مرة قبل ماتفكرى تلعبي من ورايا
نورة كانت بتبص حوليا بخوف وجرت على عزام اللى اتحرك عشان يخرج من الاوضه ومسكت ايده واتكلمت بانهيار:لالا ونبي متسبنيش هنا لوحدى عشان خاطر ربنا انا بخاف من الضلمه ابوس ايدك مش هعمل كدا تانى انا اسفه والله اسفه خرجنى من هنا ونبي ونبي
عزام بصلها وشايف الخوف جوا عينيها غمض عينها وزقها وخرج وقفل الباب وطلع وهو سامع صوت صريخها مالى المكان وبتترجاه يخرجها من هناك
عزام طلع ووقف قدام الخدم:ممنوع حد ينزل تحت غير باذنى مفهوم
الكل هزو راسهم
عزام:يلا على شغلكو
الكل اتحركو ودخلو المطبخ وعزام كان سامع صوت صريخ نورة واصل لعنده قلبه وجعه عليها بس لازم يعاقبها عشان متفكرش تعمل كدا تانى وخرج من الفيلا كلها عشان ميسمعش صوت صريخها اللى مالى المكان.......
#روايه خيوط الحب
#الكاتبه جنات
#الباررررت15/16
روايه خيوط الحب
««الفصل ١٥»»
عند نورة فى البدروم
قاعده وسانده على الباب وخلاص صوتها راح من الصريخ وبتبص حوليها بخوف قامت بتعب وهى حرفياا من قادرة تقف على رجليها من الخوف وراحت نامت على السرير الحديد وغمضت عينيها وبتكلم نفسها بصوت مسموع وهى منهارة:غمضي عينيك يانورة ... متخافيش... انتى كويسه اوعى تفتحى عينيك..فكرى فى الناس اللى بتحبيهم وبيحبوكى....فكرى فيهم هما وبس بلاش خوف....فكرى فى ماما وبدات تفتكر مواقف ليها مع مامتها
وفى يوسف وفضلت تفتكر مواقفها مع يوسف وكل مرة وهو بينادى عليها نوراه قلبي
وفى فيروز بدات تفتكر جنانها هل وفيروز وموافقهم سواا وضحكت بصوت عالى
وصفصف ونيرو .....كل دول بيحبوكى يانورة .....
نورة سكتت شويا:فكرى فى امير يانورة بدات تفتكر لما امير جه عشان يتقدملها
••فلاش بااااااك••
فى اوضه نورة كان واقفه قدام المرايه ولابسه دريس بسيط بلون اللافندر وفى ورد بلون الابيض وطرحه وشوز بلون الابيض مع بعض اللمسات الخفيفه من الميكب وكانت قمرايه بس كانت متوترة وجسمها كله بيترعش
فيروز:ماتهدى بقي يابنتى هتموتى من التوتر
نورة:قلبي هيقف يافيروز سامعه بيدق ازاى
فيروز ضحكت عليها:والله مجنونه مش انتى اللى كنتى بتستنى اللحظه دى من زمان
نورة لسه هترد عليها اتخضت لما الباب اتفتح
فيروز ضحكت عليها
يوسف دخل وقرب منها:زى القمر يانوارة قلبى
نورة بفرحه:بجد حلوة
يوسف:حلوة بس دانتى جميله فوق الوصف
نورة:الحمدلله
فيروز:اخيراا اقتنعتى بقالى ساعه بقولك حلوة حلوة
يوسف:يلا ياحبيبتى عشان نخرج
نورة بخوف:اخرج فين لالا مش خارجه انا هنا حلوه
يوسف:هنا حلوة ازاى والراجل اللى قاعد برا ده اقوله ايه
فيروز:قوله مش موافقه
نورة:لا طبعاا موافقه
يوسف وفيروز ضحكو عليها
يوسف:طب يلا
يوسف مسك ايد نورة وخرجو ماكنش فى غير مامتها وصفاء ونيرة وامير مش معاه حد لانه اهله متوفين ومالوش غير خال عايش فى امريكا
نورة سلمت على امير ويوسف قعدها جمبه وراح قعد جمب فيروز وقرو الفاتحه وكانو مبسوطين
بعد شويا امير ونورة واقفين فى البلكونه سوا
امير شايف توتر نورة وايدها اللى بتترعش:مبروك يانورة
نورة بصتله:الله يبارك فيك
امير:نورة انا شوفتك مرة واحده بس لما اتقابلنا فى مكتب يوسف ومن وقتها وانا معجب بيكى وعشان كدا طلبت ايدك من يوسف ويارب تكونى مبسوطه
نورة ابتسمت بخجل وهزت راسها باه
امير:طب الحمدلله ان شاء الله ننزل نجيب الشبكه من محل باباكى الله يرحمه انا ويوسف اتخنقنا كتير عشان هو عايز يجيبلك شبكتك بس انا موافقتش الصراحه لان شبكتك لازم انا اللى اجيبها مش هو ولا انتى ايه رايك
نورة:اكيد من حقك
نورة وامير اتكلمو كتير اوى سوا ونورة ارتاحت ونست توترها واتكلمت بطبيعتها مع امير اللى اكتشف انها شقيه ومجنونه جداا وبعدها استاذن ومشي ونورة كانت طايرة من الفرحه
••باااااااك••
نورة كانت لسه مغمضه عينيها وبتفتكر وهى مبتسمه وافتكرت مواقف كتير لحد مانامت من التعب
****************
يوسف رجع على البيت وكان موعوب على نورة وهناء شافته:مالك ياحبيبي كنت متعصب وخرجت وانت بتجرى
يوسف:مافيش ياست الكل مشكله فى الشغل
هناء:واتحلت ياحبيبي
يوسف:الحمدلله
هناء:فيروز رنت عليك كتير وانت كنت سايب فونك هنا
يوسف:هكلمها اهو
*****************
فى منتصف الليل عزام رجع الفيلا ودخل قرب من باب البدروم وبدا يسمع لكن مسمعش اى صوت فتح الباب ونزل وبص على نورة من الفاتحه اللى موجوده فى باب الاوضه شافها وهى متكومه زى الجنين ونايمه على السرير وسامع شهقاتها اللى بتدل انها نامت وهى معيطه وطلع تانى وراح على جناحه ودخل اخد شاور وخرج نام على السرير بس مش قادر ينام ولا قادر ينسي شكلها وهى بتترجاه عشان يخرجها وانها بتخاف من الضلمه وصوت صريخها اللى كان مالى الفيلا كلهااا وقام من على السرير وخرج البلكونه الكبيرة اللى فى جناح ورمى نفسها فى حمام السباحه وخرج كل غله وخنقته فى اكتر حاجه بيحبها وفضل رايح جاى فى حمام السباحه الكبير
*******************
عند يوسف دخل الاوضه ومسك فونه ورن على فيروز اللى ردت عليه :انت فين يايوسف
يوسف:كان عندى شغل ونزلت ونسيت التلفون فى البيت
فيروز حست انه مخنوق:يوسف انت كويس
يوسف:كويس يافيروز انتى كنتى عايزانى فى حاجه ضروريه
فيروز:اه فى حاجه ضرورى وانا قاعده مستنياك من بدرى على السطح
يوسف اتنهد بتعب:مينفعش تستنى لبكرة
فيروز:لا يايوسف دى حاجه ضروريه جدااا تخص عمى
يوسف:عمك هو جالكو تانى
فيروز:ممكن تطلع الاول
يوسف:جيلك اهو
يوسف خرج من شقتهم وطالع على السلم ووصل عن شقته وشاف الباب مفتوح حته صغيرة وهو استغرب لان مافيش حد معاه مفتاح الشقه دى غيره وفتح الباب ودخل واتفاجأ بالصاله متزينه بالبلالين والشموع وفى كيك على التربيزة وفيروز واقفه فى نص الصاله ولابسه دريس طويل سك بلون الازرق وسايبه شعرها نازل على ضهرها وعمله ميكب بسيط وكانت جميله جدااا ودى كانت اول مرة يوسف يشوف فيروز بشعرها
يوسف دخل وقفل الباب وقرب منها واضاءه الشقه كانت خفيفه
يوسف:ايه كل ده
فيروز ضحكت:كل سنه وانت طيب يايوسف
يوسف كان نسي عيده ميلاده اصلا بسبب اللى حصل
يوسف ابتسم:وانتى معايا يافراشه قلبي
فيروز:ايه رايك فى المفاجأه بقي
يوسف افتكر لما قالتله على عمها:ياشيخه حرام عليكى وقعتى قلبي لما جبتى سيره عمك
فيروز:مانت ماكنتش راضي تطلع يايوسف
يوسف:معلش يافيروز كانت دماغى مشغوله شويا
فيروز شافته مضايق حولت تخفف عنه:طب يلا نقطع الكيك اللى قرب يسيح ده
يوسف ضحك:يلا
يوسف لسه هيمسك السكينه عشان يقطع
فيروز:استنى استنى انت بتعمل ايه
يوسف:هقطع
فيروز:مش نغنى وطفى الشمع كمان
فيروز جابت شمعه وحطيتها فى الكيك وولعتها وبدات تغنى ويوسف بيبصلها بعشق
فيروز:يلا اتمنى امنيه واطفى الشمعه
يوسف:اكتر حاجه اتمنيها بقت معاياا خلاص
فيروز ابتسمت لانها عارفه انه بيقول عليها ويوسف طفى الشمعه وقطع حته من الكيك واكل فيروز وهى كمان عملت كدا
فيروز:وقت هديتك بقي ممكن تفتح النور
يوسف:من عيونى
فيروز اتنهدت ويوسف راح فتح النور ورجع وقف قدامها وعينه جت على السلسله اللى على شكل عضو القلب اللى كان قالها وقت ماتلبسيها هعرف انى ملكت قلبك وشاف الخاتم اللى بحرفه فى ايدها
يوسف بصلها اوى:فيروز انتى بجد لابساهم ولا انا من الفرحه بدات اهيس
فيروز ضحكو ومسكت ايد يوسف:لا بجد يايوسف انا لابساهم ...يوسف
يوسف:عيونه
فيروز:انا بحبك اوى ونفسي اكمل الباقى من عمرى كله معاك
يوسف ماكنش مصدق نفسه معقول فيروز اللى بتقوله الكلام ده
فيروز:بجد انا اسفه انى كنت عايزة اضيعك من ايدى انت نعمه اى بنت تتمنى انك تكون حبيبها وزوجها بس اياك تفكر فى اى بنت غيرى فاهم يابن الصياد
يوسف ضحك بصوته كله:عيون وقلب ابن الصياد مش بيشوفو غيرك يافراشه قلبي بجد احلى هديه ممكن تجيلى
يوسف شد فيروز وحضنها بقوة وشوق السنين وفيروز كانت فرحانه جدااا
فيروز بعدت عن حضنه بصتله بكسوف ويوسف حاوط وشها بايده:انتى حلوة اوى يافيروز
فيروز بعدت عنه:استنى اجبلك هديتك
يوسف:انتى احلى هديه ليا يافيروز
فيروز:لا لازم هديه طبعاا لحظه
فيروز راحت جابت بوكس كبير:اتفضل ويارب ذوقى يعجبك
يوسف قعد على الكنبه وفيروز جمبه وفتح البوكس وكان فيه ساعه شيك جداا وبرفان اللى يوسف بيحبه وقميص وبنطلون وتيشرت ومج عليه صورتهم سوا يوم الخطوبه
فيروز:ايه رايك بجد
يوسف:حلوين جداا ياقلبي ربنا يخليكى ليا
فيروز:ويخليك ليا يارب صح شقتك حلوة جدا
يوسف:فيروز صح انتى دخلتى هنا ازاى
فيروز:لما كنت جيتلك هنا مرة وجبتلك الاكل فاكر
يوسف:ايوا
فيروز وقتها وانا خارجه شوفتك ناسي المفاتيح فى الباب نزلت جبت صابونه وطبعت رسمه المفتاح وعملت نسخه
يوسف ضحك
فيروز قامت جابت المفتاح:اتفضل اهو
يوسف:لا خليه معاكى
فيروز:مش هحتاجه يايوسف
يوسف:لا خليك معاكى
فيروز:هو احنا هنتجوز فى الشقه دى
يوسف:لا
فيروز:لا اومال فين
يوسف:انا بقالى فترة بجهز فيلا وقريب هننقل فيها كلنا
فيروز:بس انا كنت عايزة ابقي مع ماما ونيرة فى نفس العمارة
يوسف:عادى ماهى مامتك واختك هيبقو معاكى فى نفس الفيلا
فيروز:بجد هتاخد ماما ونيرة كمان
يوسف:انتى عبيطه اومال اسيبهم لوحدهم
فيروز:المفروض هننقل امته
يوسف مسك ايدها:لما نتجوز ياقلبي
فيروز ابتسمت بخجل ويوسف باس راسهاا
فيروز:يوسف انت كان مالك وانا بكلمك كان فى حاجه مضايقك صح
يوسف اتنهد:صح
فيروز:لو حابب تحكيلى انا كلى اذان صاغيه
يوسف بدا يحكيلها على مكالمه نورة ولما راح الفيلا وحاله نورة
فيروز:ياحبيبتى يانورة
يوسف:انا ماكنتش عايز امشي بس هى حلفتنى كتير
فيروز:ماهى خايفه عليك لمجنون ده يعملك حاجه
يوسف:بس انا خايف عليها منه الله اعلم عمل فيها ايه
فيروز:دى مراته يايوسف اكيد يعنى مش هياذيها
يوسف:عزام ده شيطان مالوش عزيز
فيروز:ان شاء الله خير ادعيلها يايوسف
يوسف:باذن الله
فيروز:يلا عشان انزل بقي لانى اتاخرت
يوسف:يلا هنزل معاكى البسي طرحتك يلا
فيروز:مافيش حد يايوسف دانا نازله الدور اللى تحت
يوسف:افرض عمى طالع فوق او مراته او بنته يلا البسيها
فيروز جابت طرحتها ولبستها
فيروز ويوسف نزلو وهما ماسكين ايدين بعض وصلها قدام شقتها وباس ايدها واستناها لما دخلت ونزل شقتهم
**************
عزام فضل يعوم فى حمام السباحه لوقت طويل وخرج منه ودخل اخد شاور وقعد فى البلكونه يدخن لحد النهار ماطلع غير ونزل فى معاده ودخل اوضه السفره كانت مريم بتحضر السفره
عزام:رحااااب
رحاب جت بسرعه:اؤمر ياباشا
عزام:نزلى الفطار للهانم فى البدروم
رحاب:حاضر ياباشا
رحاب اتحركت بسرعه وراحت حطت الاطباق على الصنيه ونزلت وفتحت الاوضه ودخلت وكانت نورة نايمه زى ماهيا فى مكانها
رحاب حطت الصنيه على الارض وقربت من نورة
رحاب:نورة يابنتى اصحى عشان تفطرى
نورة....
رحاب:نورة
نورة قامت مفزوعه:اييييه
رحاب:اهدى ياحبيبه قلبي دانا اهدى
نورة اول ماشافتها دخلت جوا حضنها وعيطت كتير ورحاب كانت بتهديها
رحاب جابت الصنيه:يلا عشان تاكل ياحبيبتى انتى من امبارح ماكلتيش حاجه وانا عملتلك عصير المانجا اللى بتحبيه
نورة:ماليش نفس
رحاب:لازم تاكلى يابنتى
نورة لسه هترد جسمها اترعش لما سمعت عزام بينادى على رحاب
رحاب:انا لازم اطلع يابنتى
نورة هزت راسها ورحاب خرجت وقفلت الباب ونورة شالت الصنيه حطتها على الارض وقعدت على السرير خايفه
*****************
يوسف صحى وكان فرحان ان اخيراا فيروز بقت ليه قام غير وخرج وفطر مع هناء وخرج ونزل المحل وخلص شويا شغل وراح على المعرض كان امير هناك
يوسف:ازيك ياامير
امير:بخير ياصاحبي
يوسف:ايه اخر الاخبار
امير:جبتلك شويا معلومات عن شركته هو اصلا مش بيروحها كل تركيزه على المعارض بتاعته بس
يوسف:ومين اللى بيدير الشركه
امير:بنت شريك والده الله يرحمه اسمها شيرين بس فى حاجه نسيت اقولهالك
يوسف:ايه
امير:شادى ابن عم فيروز شغال معاها وتقريبا دراعها اليمين هو وواحد اسمه احمد
يوسف:بس اللى اعرفه ان الواد ده شمال فى كل تعاملاته
امير:هما تقريبا مقضينها سوا ولما خليت واحد تبعى راقبها قالى انهم بيتقابلو فى شقه بتاعه شادى وكمان شادى ده بيتعامل مع ناس بيجيبو مون ومواد بناء مضروبه فاكيد فى رابط بين الناس دى والشركه
يوسف:ده حلو اوى ده خليك وراهم هما الاتنين واللى معاهم اللى اسمه احمد ده خلينا نشوف اخرهم
امير:ده اللى انا عملته مخلى ناس مرقبينهم
يوسف:تمام فى اى اخبار من الشركات اللى بتتعامل مع عزام
امير:اه كلمونى كتير وانا قولتلهم لسه بنفكر
يوسف:تمام صح السكرتيرة اللى كانت هنا عملت معاها ايه
امير:هى اللى كانت بتوصل اخبارنا لعزام انا مشيتها وجبت واحده تانيه مكانها
يوسف:تمام سلام انا بقي
امير:سلام
*****************
فى شركه الشرقاوى شيرين قاعده ومضايقه من نورة وبتفتكر نظرات عزام ليها
دخل شادى وباسها من خدها:قلبي عامل ايه
شيرين:كويسه يابيبي
شادى:مالك كنتى سرحانه فى ايه
شيرين:فى بنت عايزاك تجبلى كل حاجه عنها
شادى:مين سعيده الحظ
شيرين:نورة الصياد اخت يوسف الصياد
شادى بصدمه:ودى عايزة منها ايه
شيرين:انت تعرفهم
شادى بغل:ماهو ابن الصياد ده اللى اخد بنت عمى منى واتجوزها
شيرين:انت بتتكلم بجد
شادى:اومال ههزر يعنى
شيرين:حلو اوى يبقي نفكر ونخطط ننتقم منهم سوا
شادى:وانا هجبلك معلومات بزياده كمان
شيرين:حلو اوى
شادى قرب عليها:تعرفى انك وحشتينى اوى
شيرين بدلع:وانت كمان
شادى:خلاص هستناكى النهارده فى شقتى
شيرين:من عيونى
*****************
بليل عزام رجع من المعرض ودخل الفيلا:رحاااب
رحاب جت بسرعه:نعم
عزام:نزلتى للهانم الغدا
رحاب:ايوا ياباشا
عزام:اكلت
رحاب:لما نزلتيلها الغدا كانت صنيه الفطار زى ماهيا مش بتاكل حاجه ومش بتبطل عياط
عزام:انزلى نزليها العشا وقوليلها لو ماكلتش مش هتخرج من البدروم ده ابداا
رحاب:حاضر
رحاب اخدت صنيه العشا ونزلت كانت نورة نايمه على السرير وصنيه الغدا زى ماهيا حتى مش بتشرب ميا
رحاب:نورة يابنتى قومى ياحبيبتى
نورة.....
رحاب حطت الصنيه على الارض وقربت من نورة وحطت ايدها على وشها كانت متلجه وايدها سقعه جداا بدات تضرب على وشها ضربات خفيفه بس نورة بردو مش بتفوق
رحاب خرجت بسرعه وطلعت وراحت اوضه السفره:عزام باشا
عزام شاف الخوف فى عينيها قام وقف:فى ايه
رحاب:الهانم متلجه وبصحيها مش بتصحى ابداا
عزام نزل جرى ودخل الاوضه وشد نورة لحضنه وبدا يصحيها واخد كوبايه الميا ورش على وشها بردو مش بتصحى
عزام شالها بسرعه وخرج من الاوضه وطلع على فوق:رحاب كلمى دكتوره بسرعه
رحاب:حاضر يابيه
رحاب كلمت الدكتورة بسرعه
**************
عزام دخل جناحه وهو شايل نورة ونيمها على السرير وفك طرحتها وملس على شعرها ووشها وفضل قاعد قدامها
بعد شويا الباب خبط ودخلت رحاب ومعاها الدكتورة اللى بدات تكشف على نورة واديتها حقنه
عزام:هى مش بتفوق ليه
الدكتورة:الظاهر كدا انها كانت خايفه من حاجه وكمان ماكلتش من فترة ولان جسمها ضعيف جداا اغمى عليها لازم تاكل كويس وكمان تاخد العلاج اللى انا كتبته ده عشان تتحسن ومحتاجه رعايه ياعزام باشا
عزام:وهتفوق امته
الدكتورة:انا اديتها حقنه عشان تهديها شويا من الخوف اللى هى فيه ومش هتفوق غير بكرة
عزام:تمام شكراا رحاب وصلى الدكتورة وخلى محمود يجيب العلاج
رحاب:حاضر اتفضلى يادكتورة
رحاب خرجت ومعاها الدكتورة وعزام قعد جمب نورة على السرير ومسك ايدها:انا اسف يانور حياتى وعد منى مش هتكرر تانى ومش هكون قاسي معاكى مرة تانيه
عزام دخل اخد شاور وخرج الباب خبط وعزام فتح كانت رحاب ومعاها العلاج اخده منها ودخل وحطه على التربيزة وقرب من نورة وقلعها الاسدال ونام وشدها لحضنه ودفن وشه فى شعرها اللى ريحته جننته ونااااام لاول مرة من غير مايفكر فى اى حاجه
****************
فى شقه شادى نايم على السرير وفى حضنه شيرين
شيرين:وانت ايه اللى عرفك ان مرات عمها دى مش بتحبهم
شادى:مرات عم يوسف هى اللى قالت لابويا على مكان مرات عمى وفيروز
شيرين:بس هى هتفيدينا فى ايه مش فاهمه
شادى:بنتها بتعشق يوسف وبتتمنى تتجوزه
شيرين:والله عندها حق الصراحه يوسف جامد اخر حاجه
شادى:نعم ياروح امك
شيرين حضنته:انت اللى فى القلب ياشوشو
شادى:شوشو بدلعى بنت اختك
شيرين ضحكت:بموت فيك وانت متعصب كدا
شادى فى ثانيه بقي بيعتليها:وانا بموت فيكى وغاصو معااا فى بحر شهواتهم
**************
فى عمارة الصياد وتحديداا على السطح
يوسف وفيروز قاعدين سوااا وبيتفرجو سوا على ديكورات واوض نوم واطفال واثاث كتير وبيختارو سوا عشان يوسف بدا يجهز الفيلا بتاعتهم
وبعد وقت طويل
فيروز:كدا اختارنا كل حاجه بس انت مفرجتنيش على الفيلا يايوسف
يوسف:كنت ناوى اول ما تخلص هاخدك وتتفرجى عليها
فيروز:اعمل حسابك هاخد كل الورد بتاعى ده معايا مش هسيبه للبت ايه الصفرة تطلع تقطف منه ماشي
يوسف ضحك:ماشي ياقلبي ناخده معانا مع ان انا موصي جناينى يزرعلك كل انواع الورد وخصوصا الورد البينك اللى بتحيبه
فيروز:بجد يايوسف
يوسف:بجد ياعيون يوسف
فيروز:تعرف مين اكتر حد كان هيفرح باننا سوا
يوسف:نوارة قلبي
فيروز:صح كانت دايما تقولى يوسف بيحبك اديله فرصه امته هتحنى عليه
يوسف:دانتى مرمطتى قلبي معاكى يافراشتى
فيروز:بجد كنت غبيه اوى وضعينا وقت كتير من عمرنا المفروض كنا نبقي فيه سوا
يوسف مسك ايدها:ولا ضيعنا ولا حاجه لسه قدامنا باقى عمرنا
فيروز:صح هنقضيه سوا فى سعاده ان شاء الله
يوسف:باذن الله ياقلبي
فيروز:وانت ناوى تعمل فرحنا ونورة مش معانا
يوسف:الظاهر كدا نورة مستحيل ترجعلنا تانى
فيروز:لا يايوسف متقولش كدا ونبي
يوسف:نورة دخلت سجن عزام الشرقاوى وانا بحاول على قد مااقدر اوصل لاى حاجه عشان اقدر انتقم منه وارجع نورة بس مش لاقى
فيروز:دور وبلاش تيأس واكيد هتلاقى ان شاء الله
يوسف:ان شاء الله
فيروز:يلا عشان ننزل ننام بقي
يوسف:يلا ياقمرى
****************
عزام نايم وفى حضنه نورة وصحى على صوت شهقات بخوف فتح عينيه كانت نورة بتحلم وبتحرك راسها يمين وشمال وملامحها كلها خوف وبتتكلم بخوف:خرجنى ابوس ايدك ... انا بخاف من الضلمه .. يوسف انا خايفه
عزام ضمها لحضنه اكتر وهمس فى ودنها:هششش انا معاكى متخافيش اهدى
نورة ملامحها هديت وعزام نام هو كمان..........
&&&&&&&
واخيرااا فيروز نطقت ياجدعان💃💃
تفتكرو عشق عزام لنورة هيكون سبب فى تغيره للاحسن ولا نورة هترجع وتجوز امير؟؟
🌹🌹🌹🌹🌹🌹🌹
روايه خيوط الحب
««الفصل ١٦»»
صباح يوم جديد فى فيلا عزام اللى صحى من بدرى وبيتأمل ملامح نورة اللى بيعشقها وحس بيها بدات تصحى بعد عنها وعمل نفسه نايم عشان يشوف رد فعلها
نورة بدات تصحى بتفتح عينيها وتقفلها تانى وافتكرت الاوضه الضلمه اللى كانت فيها وفتحت عينيها بخوف على امل انها لسه موجوده فى البدروم لاقت نفسها فى اوضه اول مرة تشوفها لسه هتقوم بصت جمبها شافت عزام نايم جمبها استغربت هى جت هنا امته وازاى اخر حاجه فكراها انها كانت فى الاوضه الضلمه وبصت لملامحه اد ايه هادى جداا وهو نايم وملامحه حلوة مع بشرته السمرا وشعره الاسود الناعم اللى نازل على وشه مخلياه وسيم جدااا نورة بعدت نظرها عنه لما افتكرت اللى عمله فيها وقامت قعدت
عزام عمل نفسه لسه بيصحى ولما شافها قاعده قعد وسند ضهره على السرير:صباح الخير
نورة جسمها اترعش لما سمعت صوته:انا جيت هنا ازاى
عزام:انا اللى جبتك لما اغمى عليكى
نورة بصتله:اغمى عليا
عزام:ايوا
عزام مسك فونه وكلم رحاب فى المطبخ وقالها تحضر الفطار وتطلعه الجناح
عزام:دقايق والفطار هيكون هنا عشان تفطرى وتاخدى علاجك
نورة:علاج ايه
عزام:انتى شكلك بتخافى من الضلمه وكمان ماكلتيش اى حاجه عشان كدا اغمى عليكى وجبتلك الدكتورة وكتبتلك شويا علاج
نورة:انا مش عايزة اكل ولا اخد علاج
نورة قامت من على السرير
عزام قام وقف قدامها:راحه فين
نورة بتحاول ماتبصش فى عينيه:راحه اوضتى
عزام:لا انتى مش هتروحى اوضتك
نورة خافت فكرت انه هينزلها البدروم وانهارت:لالالا مش عايزه انزل تحت تانى لوسمحت انا مش بحب الضلمه ولا انى افضل لوحدى هعمل كل اللى انت عايزه بس بلاش تنزلى تحت تانى ونبي
عزام:مش هتكلمى اخوكى تانى ولا اهلك
نورة عيطت اكتر وعزام مقدرش يشوف دموعها بشكل ده وضمها لحضنه ونورة حاولت تبعد بس عزام شدد على حضنها فمسكت فى التيشرت بتاعه وعيطت اكتر وعزام كان حاسس بقلبه هيخرج من مكانه من قربها
نورة بتعيط فى حضنه:انا مقدرش ابعد عن ماما ولا يوسف وفيروز مقدرش والله مش هقولهم حاجه تاني بس بلاش تبعدنى عنهم عشان خاطر ربنا
عزام:هششش اهدى ادخلى اغسلى وشك وتعالى يكون الفطار جه عشان تاكلى
نورة بعدت عن حضنه بكسوف ودخلت الحمام ووقفت قدام المرايه وبتفكر اد ايه حضنه دافى
نورة فاقت من تفكيرها وغسلت وشها وخرجت كان عزام قاعد على الكنبه وقدامه الفطار على التربيزة
عزام قام وقف:هدخل الحمام واخرج نفطر سوا
نورة هزت راسها باه
وبعد شويا عزام خرج وفطرو سوا وعطى لنورة علاجها ولبس عشان يروح المعرض وقال لنورة ترتاح فى الجناح ومتخرجش منه
****************
فى معرض الصياد
يوسف:يعنى كانت عنده امبارح
امير:اه ولسه عنده لحد الوقت
يوسف:امير عايزك توصل لحد من اللى بيتعامل معاهم شادى
امير:قصدك اللى بيتاجرو فى مواد البناء المضروعه
يوسف:ايوا لان لو طلعو بيستخدمو مواد مضروبه يبقي دى احلى ضربه لابن الشرقاوى
امير:بس عزام سمعته معروفه فى السوق واستحاله يدمرها بسهوله هو اصلا مش محتاج فلوس عشان يعمل كدا
يوسف:اهو نشوف اى حد وخلاص ونعرف اخرهم
امير:اللى تشوفه هخلى رجالتى يعرفو مين اكتر حد بيتعامل معاه شادى
يوسف:تمام شحنه قطع الغيار هتوصل امته
امير:ده الموضوع اللى كنت عايزك فيه
يوسف:موضوع ايه
امير:الشركه عايزة تعلى السعر ياما هتغلى الطلبيه
يوسف بعصبيه:نعم ماهما اخدين فلوسهم وفوقهم زياده كمان
امير:انا اصلا مش مطمن لشركه دى حاسسهم بيلعبو معانا معقول يبقو متفقين مع عزام
يوسف بتفكير:معقول
امير:مش عارف يايوسف انا اتكلمت معاهم كتير وهما رافضين يبعتو البضاعه غير لما ياخدو باقى المبلغ
يوسف:طالبين كام
امير:١٠٠ الف
يوسف:ليه ان شاء الله بلاش تتواصل معاهم تانى هتلاقيهم هما اللى بيجرو ورانا
امير:بس احنا محتاجين بضاعه
يوسف:اطلب من الشركه اللى كنا بنتعامل معاها الاول
امير:تمام صح الواد اللى اسمه شادى الراجل اللى ماشي وراه قالى انه راح قابل واحد وانا قولته يمشي وراه يشوف طلب منه ايه بس المفاجاه بقي انه الراجل اللى قابله كان واقف عند العمارة وبيسال عليكم
يوسف:ابن🐶باعت حد يجيبله معلومات
امير:الظاهر كدا
يوسف:خلي عيونك عليه ياامير
امير:ده اللى انا عامله ..يوسف
يوسف عرف انه عايز يسال على نورة:كلمتنى ياصاحبي
امير:وهى عامله ايه
يوسف حكاله اللى حصل
امير بخوف:والكلب ده عملها حاجه
يوسف:مش عارفه بحاول اتصل على الرقم بس اتقفل اكيد كسره
امير:واحنا هنفضل ساكتين وسايبنها معاه كدا
يوسف:بقت مراته ياصاحبي وده اللى معجزنى
... انا لازم ارجع المحل لان جيلى بضاعه جديده
امير:تمام ياصاحبي
********************
شادى قاعد فى صاله شقته وجمبه شيرين وبيرن على ابوه
شادى:ازيك يا والدى
منصور:لسه فاكر ان ليك اب
شادى:مشغول يابابا والله
منصور:دراعك عامل ايه
شادى:لسه اسبوع وهفك الجبس بقولك ايه
منصور:عايز ايه
شادى:انا عايز رقم سوسن مرات عم يوسف الصياد
منصور:هتعمل بيه ايه مش عايزين نلعب معاه انت شوفت اخر مرة عمل فيك ايه
شادى:اطلع منها انت هاتلى رقمها يلا
منصور:هقفل وابعته ليك
شادى:تشكر ياوالدى سلام
منصور:سلام ياخويا بس انا ماليش دعوة بيك
شادى:حاضر
شادى قفل وابوه بعت الرقم
شيرين:حلو اوى هات اكلمها
شادى:وماكلمهاش انا ليه
شيرين:عشان انت معروف لكن انا لا وبعدين احنا ستات وهنفهم دماغ بعض
شادى:اتفضلى ياست
شيرين اخدت الرقم واتصلت عليه
سوسن:الو
شيرين:سوسن هانم
سوسن ضحكت:هانم ايوا ياختى سوسن هانم مين معايا
شيرين:انا شيرين وعايزاكى فى موضوع مهم
سوسن:شيرين مين انا معرفش حد بالاسم ده
وايه الموضوع اللى عايزانى فيه
شيرين:صح انا وانتى منعرفش بعض بس هدفنا واحد
سوسن:هدف ايه ده
شيرين بغل:عيله الصياد
سوسن:شكلك بتحبيهم اوى
شيرين:جداااا
سوسن ضحكت:وعايزه ايه منهم بقي
شيرين:بنتهم اخدت حبيبي منى
سوسن:قصدك نورة يعنى هى اتجوزت بجد
شيرين:انتى متعرفيش
سوسن:سمعت طراطيش كلام كدا بس لما سالت عنها بيتهربو
شيرين:اتجوزت وجوزها اتجوزها بالغصب عشان ينتقم من اخوها
سوسن:الله الله وايه المطلوب منى
شادى شاورلها انهم يبعدو فيروز عن يوسف
شيرين:فى الوقت الحالى عايز ابعد يوسف عن مراته
سوسن:دانتى جيتيلى فى ملعبي وده نفس طلبي
شيرين:انا عارفه انك عايزة تنتقمى منها عشان بنتك
سوسن:وانتى عرفتى منين
شيرين:مصادرى ياسوسن هانم
سوسن:والمطلوب
شيرين بدات تقولها اللى المفروض يعملوه وسوسن كانت مبسوطه انها هتاخد حق بنتها سوسن:فهمت وهعمل كل اللى انتى عايزاه بس مش ببلاش طبعاا
شيرين:دانا يعتبر بساعدك
سوسن:لااا انا من غيرك كنت هعمل كدا يعنى انتى اللى محتاجانى
شيرين:عايزة كام
سوسن:٢٥٠
شيرين باستغراب:٢٥٠ ايه جنيه
سوسن:جنيه ايه ياحلوة ٢٥٠ الف
شيرين:بس ده كتير اوى
سوسن:ولا كتير ولا حاجه
شادى شاورلها توافق
شيرين:حاضر هجهز المبلغ واول ما تنفذى هبعتهملك
سوسن:حلو اوى سلام ياحلوة
سوسن قفلت ودخلت اوضت بنتها وحكتلها اللى حصل عشان تساعدها وايه فرحت وحلفت انها تبعدهم عن بعض
******************
نورة قاعده زهقانه قررت تقوم تتفرج على الجناح لانه كبير جدااا
وهى كانت قاعده فى الاوضه اللى كانت كبيرة جداا وكانت بالوان فاتحه
وخرجت لريسبشن الكبير اللى فيه شباك كبير من الازاز بيخرج على البلكونه الكبير الخاصه بالجناح وفيها حمام سباحه
وفى اوضه اللبس والحمام ومطبخ خاص بالجناح واوضه جيم ومكتب لعزام
نورة:ايه كل ده ... وانا اللى كنت مفكرة شقتنا واسعه .... اوووف انا زهقت وقالى ممنوع تنزلى تحت
نورة بصت على صورته الكبيرة اللى فوق السرير وقربت منها وسرحت:حلو اوى ... حلو ايه ده مز المزز الصراحه...الله يخربيتك يانورة بتعملى ايه انتى ناسيه هو عمل فيكى ايه
نورة بصت لصورة تانى:بقولك ايه انا مش هتخدع فى وسامتك دى ولا تهز شعره فيا انا بقولك اهو ... انا هروح اتفرج على مسلسل ولا فيلم احسن
******************
بليل شيرين رجعت على الفيلا
شيرين:رحاب عزام بيه هنا
رحاب:لا ياهانم لسه مرجعش
شيرين:حاضر
شيرين طلعت وقررت تعمل مفاجاه لعزام لما يرجع وراحت اوضتها الاول اخدت شاور ولبست قميص نوم قصير لا يستر شئ ولبست فوقه روب قصير وعملت ميكب كامل وخرجت من اوضتها وراحت على جناح عزام وفتحت دخلت واتفاجأ بنورة قاعده على الكنبه وبتتفرج على مسلسل على الشاشه الكبيرة الموجوده فى الجناح واتفاجت بشيرين قدامها بالمنظر ده وقفت مصدومه ازاى جايه هنا وباللبس ده
شيرين بعصبيه:انتى بتعملى ايه هنا
نورة.....
شيرين:ياانتى بتعملى ايه هنا
نورة:هكون بعمل ايه يعنى
شيرين:طب يلا امشي روحى على اوضتك ولما عزام يجى هقولك انك دخلتى جناحه فى غيابه
شيرين قربت من نورة اللى واقفه متسمرة مكانها وزقتها بقوة:يلا برا
نورة وقعت وراسها اتخبطت فى التربيزة ومسكت راسها وجع
شيرين:يلا يابتاعه انتى اخرجى
نورة قامت وقفت:انتى بتستعبطى ازاى تعملى كدا وانا مش هخرج من هنا
شيرين:ده جناح عزام انتى فاهمه
نورة:لا الظاهر كدا انتى اللى مش فاهمه حاجه واديكى قوليتلها بلسانك ده جناح عزام يعنى جوزى يعنى انا افضل هنا وانتى تغورى برا ولمعلوماتك انا مدخلتش فى غيابه لا ده هو اللى جابنى هنا بنفسه كمان فيلا كدا يابتاعه انتى اخرجى برا
شيرين:انتى ازاى تكلمينى كدا وبعدين جناح ايه اللى عايزة تفضلى فيه ياروحى انتى اخرك تنزلى تقعدى فى المطبخ مع الخدمه ماهما من نفس الطبقه الحقيرة اللى انتى منها وانا اللى هفضل هنا اصل زومى مش بيقدر ينام بعيد عن حضنى
نورة برقت بصدمه:انتى بتقوليلى انا الكلام ده
شيرين بصت حوليها:انتى شايفه حد غيرك هنا اوجهله كلامى
نورة:انتى اللى جبتيه لنفسك
شيرين:مش فاهمه
نورة:افهمك انا
نورة هجمت على شيرين جابتها من شعرها وشدتها وخرجتها برا الجناح كله ووقعتها على الارض
شيرين:يابيئه ازاى تعملى كدا
نورة بصوت عالى سمعه عزام اللى لسه واصل الفيلا:انا بيئه ياللى مشوفتيش بربع جنيه تربيه اما وريتك
نورة هجمت عليها وقعدت فوقها وشديتها من شعرها وكانت بتضربها بغل وطلعت فيها كل غيظها من عزام ومنها
عزام لما سمع صوتها طلع جري ورحاب ومريم كمان طلعو يجرو وعزام اتصدمو من المنظر وجرى على نورة شالها من فوق شيرين وبعدها عنها
نورة:ابعد عنى سيبنى اربيها
شيرين:ااااه شايف ياعزام البت البيئه دى عملت فيا ايه
نورة بتحاول تفك نفسها من قبضه عزام:والله العظيم لو مسكوتيش هتشوفى هعمل فيكى بقي انا جايه من طبقه حقيرة والله مافى احقر منك
شيرين قامت وقفت بتعب واستغلت ان عزام ماسك نورة ولسه هتهجم عليها عزام مسك ايدها:ايدك لو اتمدت عليها هتندمى
شيرين:البت الحقيرة دى غلطت فيا وضربتنى ياعزام وكمان دخلت جناحك بدون علمك تلاقيها كانت بدور على اوراقك المهمه تديها لاخوها ماهى خانتك مرة قبل كده
شيرين صرخت لما عزام ضربها بكل قوته قلم على وشها ووقعت على الارض ونورة اتصدمت ومش مصدقه انه عمل كدا
عزام:اياكى تانى مرة تغلطى فى مرات عزام الشرقاوى وانا اللى جبتها الجناح لان ده مكانها هى ست البيت كله والهانم اللى هنا انتى سامعه يلا قومى روحى على اوضتك احسنلك
شيرين قامت بتعب وبصت لنورة بغل وغيظ ونورة كانت بتبصلها بانتصار وراحت على اوضتها وهى مش قادرة تمشي
نورة بصت لعزام وجواها فرحان انه دافع عنها وكمان جبلها حقها منها
عزام بصلها وشاف فوق حاجبها متعور:ايه ده انتى اتعورتى من ايه
نورة حطت ايدها على الجرح واتوجعت:وقعت واتخبطت فى التربيزة
عزام بص لرحاب:هاتى علبه الاسعافات بسرعه
رحاب:حاضر
عزام مسك ايد نورة ودخلو الجناح وقعد على الكنبه وهى قدامه ورحاب جت وجابتله علبه الاسعافات وبدا يمسح الدم اللى نازل وعقمها ولزق عليها لزق طبي
نورة بصاله اوى وافتكرت كلام شيرين انه مش بينام غير فى حضنها وقامت وقفت بسرعه
عزام:مالك
نورة:مافيش انا راحه اوضتى
عزام:اوضه ايه انتى هتفضلى هنا فى الجناح
نورة بغيظ:لا شكراا مش بحب اخد مكان حد
عزام وقف قدامها باستغراب:تاخدى مكان مين مش فاهم
نورة:اصلك مش بترتاح ولا بتنام غير فى حضن شيرين هانم مش كدا
عزام ابتسم ودى كانت اول مرة نورة تشوفه بيتسم:وهى اللى قالتلك كدا ... ادخلى غيرى هدومك يانورة عشان ننام يلا
نورة:ننام فين حضرتك هو انت خدت عليها ولا ايه انا هروح انام فى اوضتى مش هفضل معاك هنا
عزام مستغرب قوتها وفرح ان اخيراا نورة رجعت تانى هى دى البنت القويه اللى عشقها قلبه وكان نفسه يشكر شيرين انها رجعت حبيبته ليه
عزام قرب عليها:اه اخدت عليها وانتى مش هتنامى غير هنا فى جناحى وفى حضنى كمان
نورة برقت:مستحيل ده يحصل
عزام:لا هيحصل وبلاش تعندى معايا احسنلك
نورة خافت من تهديده:اوووف
نورة راحت قعدت على السرير والباب خبط وعزام فتح ودخلت رحاب ومريم ومعاهم كل هدوم نورة
نورة:دى هدومى
عزام:بما انك هتفضلى هنا فطلبت منهم ينقلو كل حاجاتك هنا
نورة راحت اخدت بجامه من الهدوم ودخلت الحمام وقفت قدام المرايا وحطت ايدها على قلبها:ماتهدى ياعم انت عمال تدق ليه كدا
نورة غيرت وخرجت كان عزام قاعد على الكنبه بيدخن وراحت نامت على طرف السرير وبعد شويا عزام اتاكد انها نامت راح نام جمبها وشدها لحضنه ونام
******************
عند فيروز كانت واقفه فى البلكونه بتستنى يوسف لانه اتاخر فى المحل اوى اول مالمحته داخل العمارة وهى عارفه انه هيطلع شقته لانه لما بيجيله بضاعه جديده بيطلع شقته عشان يظبط كل حاجه تخص الشغل والحسابات خرجت من شقتهم ولسه هتنزل السلم وقفت لما سمعت صوت ايه
ايه:اااه يايوسف
يوسف:انتى كويسه
ايه بدلع:رجلى يايوسف رجلى
يوسف:انا اسف والله ماخدتش بالى
فيروز نزلت بسرعه وشافت يوسف مسند ايه وهى لابسه بجامه ضيقه جداا وبشعرها
ايه لمحت فيروز واقفه على السلم بصتلها بصه غريبه فيروز استغربتها ونزلت وقربت منهم:فى ايه يايوسف
يوسف:ولا حاجه ياحبيبتى انا كنت طالع مستعجل وخبطت فى ايه ووقعت على السلم
فيروز:لا والله وانتى ايه اللى مخرجك من شقتكو ياايه هانم
ايه بدلع:كنت طالعه اشم شويا هوا ياچو والله
فيروز زقت يوسف بعيد عن ايه اللى كتم ضحكته على فراشه قلبه اللى اول مرة تبقي غيرانه عليه كدا
فيروز:عنك ياحبيبي انا هسندها
فيروز فتحت شقه ايه لان المفتاح كان فى الباب:ادخلى ارتاحى يايويو ولو تعبانه خلى عمو حسن يوديكى المستشفى يمكن تكون انكسرت انشالله
ايه:فال الله ولا فالك ياروزة
فيروز زقتها جوا شقتهم وقفلت الباب وبصت ليوسف بغيظ وهو كاتم ضحكته
فيروز:اضحك اضحك بلاش تكتمها
فيروز طلعت السلم ويوسف طلع وراها وهو بيضحك اوى:انتى رهيبه ياروزة
فيروز وقفت قدام شقتها وقربت من يوسف: اياك تقرب من البت الملزق دى تانى يايوسف والله هقلب عليك
يوسف:ابوس ايدك بلاش قلبتك انا ماصدقت انك رضيتى عنى وريحتى قلبي ياقلبي
فيروز ابتسمت:ماااشي هعيدها المرة دى بس يابن الصياد
يوسف:قلب وروح وعقل ابن الصياد يلا ادخلى نامى عشان عندى شغل كتير
فيروز:انت ماكلتش حاجه من زمان صح اعملك عشاا
يوسف:لا ياروحى انا هشتغل شويا وانام
فيروز:وتفضل تشتغل وقت طويل من غير اكل لا انا هعملك سندوتشات خفيف خفيف ايه رايك
يوسف:ماشي ياقلبي
فيروز:هجهزهم واطلعلك
يوسف:هستناكى
************
يوسف دخل شقته واخد هدوم ودخل الحمام ياخد شاور وبعد شويا فيروز طلعت معاها صنيه فيها سندوتشات وكوبايه عصير وحطيتها على تربيزة الركنه وقربت من اوضه النوم عشان تنادى يوسف سمعت صوت ميا عرفت انه بياخد شاور بعدت بسرعه وراحت قعدت على الركنه
بعد شويا يوسف خرج وهو لابس بنطلون قطنى وحاطط فوطه على كتفه ولما فيروز شافته شهقت:نهارك مش فايت ايه ده ادخل البس بسرعه
يوسف قعد على الركنه جمبها واتكلم بمكر:الجو حر يافراشتى
فيروز قامت وقفت:يووووسف ياصيااااد بلاش تلعب معاايا
يوسف:العب معاكى انتى عبيطه يافيروز دانتى مراتى ياهبله
فيروز:قول كدا بقي مفكر عشان مكتوب كتابنا تمشي كدا قدامى لاااا يابابا انسي دانا فيروز
يوسف:ماشي ياست فيروز وانا متعوده افضل كدا ولا تكونى مش واثقه فى نفسك
فيروز:مش واثقه فى نفسي ازاى يعنى
يوسف:انى اثر عليكى وتضعفى
فيروز برقت:ده على اساس انك هتغرينى بعضلاتك دى مثلا لا فوق يابابا ولا تقدر تقرب منى
يوسف ضحك:والله انتى هبله يافيروز مانتى قدامى طول الوقت لو عايز اعمل حاجه هعملها وخصوصاا انك الوقت حلالى بس انا مقدرش اعمل كدا لانك قلبي وانا مقدرش اوجع قلبي او ازعلها وبعدين دى مش اخلاق يوسف الصياد انا خرجت كدا قدامك لانك مراتى وانا جوزك فده عادى لكن عمرى مااخون ثقه صفصف وثقتك ابدااا
فيروز:تعرف انى بحبك اوى
يوسف بغمزة:وانا بعشقك يافراشتى ... صح فكرتينى فى حاجه جتلى النهارده مع البضاعه وعجبتنى اوى استنى اجيبها
يوسف دخل الاوضه وطلع علبه من البنطلون بتاعه ولبس تيشرت وخرج لفيروز ومد ايده ليها:ايه رايك
فيروز مسكت العلبه وفتحتها وكانت سلسله على شكل فراشه ودخلها لون البينك
!
فيروز:حلوة جداا وشيك
يوسف:مبروك عليكى
فيروز بصتله:ليا انا
يوسف:اومال ليا انا اول ماشوفتها قولت دى لفراشتى
فيروز:لا يايوسف انت جبتلى هدايا كتير اوى وكلهم غاليين جدااا كفايه بجد
يوسف:مافيش حاجه تغلى عليكى ياقلبي
فيروز ابتسمت:ربنا يديمك احلى نعمه فى حياتى ياچو
يوسف ضحك وقرب منها وباس راسهااا
فيروز:يلا كل بقي السندوتشات عشان تشتغل وانا هنزل بقي تصبح على خير
يوسف:وانتى من اهلى ياروزة
فيروز نزلت ويوسف قعد عشان ياكل ولما خلص دخل المكتب عشان يشتغل........
&&&&
واخيراا نورة رجعت لطبيعتها واخدت حقها من شيرين😂😂
احنا بناتنا مافيش اقوى منهم😂😂
تعليقات
إرسال تعليق