رواية خيوط الحب الفصل الواحد وعشرون والثاني وعشرون بقلم الكاتبه جنات حصريه وجديده على مدونة موسوعة القصص والروايات
رواية خيوط الحب الفصل الواحد وعشرون والثاني وعشرون بقلم الكاتبه جنات حصريه وجديده على مدونة موسوعة القصص والروايات
رواية خيوط الحب الفصل الواحد وعشرون والثاني وعشرون بقلم الكاتبه جنات حصريه وجديده على مدونة موسوعة القصص والروايات
#روايه خيوط الحب
#الكاتبة جنات
#البارررررت21/22
روايه خيوط الحب
««الفصل ٢١»»
فى الشقه اللى فيها شيرين وشادى
شادى واقف فى البلكونه شاف عربيه الشرطه وقفت قدام العمارة اللى فيها الشقه دخل بسرعه وبيلم فلوسه وحاجاته
شيرين:فى ايه مالك بتلمس الفلوس ليه
شادى...
شيرين:فى ايه مالك
فجاه سمعو صوت خبط قوى على الباب
شادى بيجرى عشان ينزل من الباب بتاع الخدم
شيرين مسكته:لا مش هتهرب من غيرى
شادى:ابعدى سيبى دراعى
شيرين:يانهرب سوا يانتمسك سوا
شادى ضحك:نتمسك احلمى
شادى زق شيرين بقوة وطلع يجرى على باب اللى فى المطبخ وشيرين وقعت وراسها اتخبطت فى ازاز التربيزة وراسها اتعورت ونزل منها دم كتير
فجاه الباب اتكسر ودخل مراد وامير واتفاجو بشيرين واقعه على الارض
مراد:مين اللى عمل فيكى كدا
شيرين بتعب قبل ماتغمض عينيها:شادى
مراد للعساكر:انزلو وراه بسرعه
شيرين بتعب:هو اللى اتفق مع صلاح من ورايا وعزام مالوش دخل
شيرين غمضت عينيها ومراد حط ايده على مكان النبض وبص لامير وهز راسها بان مافيش نبض
مراد طلع فونه وكلمه يبعتو عربيه عشان تاخد الجثه
امير:الوقت اعترافها ده هينفع
مراد:اه طبعاا كدا عزام هيطلع منها
امير:طب الحمدلله
بعد شويا وصلو واخدو الجثه ورفعو البصمات اللى فى شقه ومراد وامير رجعو على القسم عشان يخلص الاجراءات عشان عزام يخرج
**************
فى منتصف الليل
فيروز كانت قاعده فى اوضتها وبتكلم نورة
فيروز:يابنتى اهدى مش هو طمنك
نورة بعياط:الراجل مات يافيروز واكيد عزام اللى هيتحبس
فيروز:بدام هو مالوش دخل هيتحبس ازاى اكيد هيمسكو اللى كان السبب
نورة:يارب يافيروز يارب
فيروز:بقولك ايه انا مخنوقه اوى
نورة:من ايه
فيروز:من الصفرا بنت عمك
نورة:ليه عملت ايه
فيروز:بتحاول تقرب من يوسف بطرق قذرة زيها واكتر من مرة شوفتها وبهدلتها بس البعيده جبله
نورة:سيبك منها يافيروز كلها اسبوعين وتتجوزو وتبعدو عنها
فيروز:يارب بقي لانى بجد ممكن اقتلها
نورة:انا خايفه اوى
فيروز:من ايه يابنتى
نورة:الفيلا كبيرة وانا لوحدى
فيروز:مافيش حد فى الفيلا معاكى
نورة:لا فى الخدم بس اوضتهم جمب المطبخ يعنى بعيد عن الجناح وكمان فى حراسه كتير
فيروز:اومال خايفه من ايه يافالحه هانم
نورة:مش عارفه بقي
فيروز:طب يلاقومى نصلى قيام الليل
نورة:حاضر سلام
فيروز:لما اخلص صلى هكلمك
نورة:تمام
*************
عند نورة اتوضت ولبست اسدالها وبدات تصلى وتدعى ان ربنا يرجعلها عزام بسلامه ويحميه هو ويوسف وبعد وقت خلصت الصلاه وقعدت تقرأ فى المصحف سمعت صوت عربيات
نورة:صدق الله العظيم
نورة قفلت المصحف وقامت تبص من الشباب شافت عزام ويوسف وامير واقفين فى الجنينه نزلت بسرعه تجرى على تحت
********
فى الجنينه عند الشباب عزام بيبص على الفيلا
يوسف:هتلاقيها بترغى مع فيروز كالعاده او نامت ومش هتسال فيك
عزام بص لامير اللى واقف معاهم
يوسف:امير شال نورة من دماغه ياعزام ومن وقت كبير متقلقش
امير:اللى كان بينا كان اعجاب مش اكتر ويوسف اتكلم معايا فى الموضوع وهو خلاص انتهى بالنسبه ليا
عزام:تمام
يوسف:هنمشي احنا بقي
عزام بسخريه:لا ماتيجى نشرب قهوة على روح المرحومه
يوسف ضحك:اشربها لوحدك
عزام بجديه:تشكر يابن الصياد
يوسف ابتسم:عد الجمايل بقي
عزام ضحك:هعدها
امير فتح ايده ومدها:صحااااب
عزام ويوسف بصو لبعض وابتسمو ومدو ايدهم فوق ايد امير ورجعو التلاته حطو ايدها التانيه كمان:صحاااب
نورة نزلت:عزام
عزام غمز ليوسف:بترغى مع فيروز
يوسف ضحك:يلا سلام وعايزين نوصل للحيوان التانى ده انا عايز اتجوز بقي
عزام:متقلقش هنجيبه ونجوزك ياعريس عقبالك ياامير
امير:لا ابعدو عنى انا هحضر الفرح وهسافر لخالى امريكا
يوسف:بردو
امير:خالى تعبان ولازم اكون معاه
عزام عينه على نورة اللى واقفه على باب الفيلا
يوسف شافه:طب يلا احنا نمشي بقي سلام
عزام:سلام
يوسف وامير ركبو عربيتهم ومشو وعزام مشي فى اتجاه نورة اللى نفسها تجرى على حضنه عزام قرب منها
نورة:حمدلله على السلامه
عزام:الله يسلمك
عزام بصلها اوى ونورة اتوترت من نظراته:نورة
نورة بصتله:نعم
عزام:انا نفسي بعد التعب واليوم الطويل ده اعمل حاجه
نورة:حاجه ايه
عزام شدها لحضنه وغمض عينيه بيستمتع بدفى حضنها اللى بينسيه اى تعب او مشاكل
عزام:تعرفى حضنك ده كأن فيه سحر بينسينى كل التعب والمشاكل والعالم كله
نورة عيطت جوا حضنه:كنت خايفه اوى
عزام:هششش انا رجعت ومعاكى مش هسيبك ابداا
نورة بعدت عن حضنه
عزام:انا هموت وانام يلا نطلع
نورة:مش هتاكل حاجه
عزام:ماليش نفس...انتى اكلتى كويس النهارده
نورة بصتله وهزت راسها بلا
عزام:طب ليه كدا يانورة انا عايزك تاكلى كويس حتى لو انا مش فى البيت فاهمه
نورة:طب اجهز عشا وناكل سواا
عزام:صحى رحاب او مريم
نورة:لا حرام سيبهم نايمين بس ايه رايك اعمل سندوتشات وناكل فوق
عزام:تمام هطلع انا اخد شاور
نورة:حاضر
نورة دخلت المطبخ وعزام طلع
نورة خلصت وطلعت كان عزام خارج من الحمام لابس بنطلون قطنى وحاطط فوطه على كتفه
نورة اتحرجت وبصت فى الارض وحطت الصنيه على التربيزة وعزام دخل اوضه اللبس لبس تيشيرت وخرج قعد على الكنبه جمب نورة اللى قلعت الاسدال وكانت لابسه بجامه بلون الاحمر
نورة مسكت سندوتش واديته لعزام:اتفضل
عزام اخده:شكراا
نورة ابتسمت ومسكت سندوتش هى كمان وبدات تاكل فونها رن وكان على السرير قامت راحت مسكته كانت فيروز ردت عليها
نورة:ايه ياروزة
فيروز:نمتى ولا ايه
نورة:لا صاحيه هو يوسف لسه مرجعش ولا ايه
فيروز:مش المفروض مع جوزك فى القسم
نورة:لا ماهو عزام رجع ويوسف وصله لحد هنا وروح
فيروز:هيكون راح فين ده ...ايه ده جه اهو اقفلى اما الحقه قبل البت الصفرا ماتخرجله
نورة ضحكت اوى:روحى ياختى بس بلاش تتهورى ونبي
فيروز:اوعدك لو شوفتها هقتلها
نورة:هابقي اجبلك عيش وحلاوة فى السجن ياروزة
فيروز:ماشي ياستى وحمدلله على سلامه زوجك
نورة:الله يسلمك ياروزة يلا سلام
فيروز:سلام
نورة قفلت وراحت قعدت جمب عزام
عزام:صحاب انتو اوى
نورة:انا وفيروز اخوات مش اصحاب...صح انت كنت بتقولى مش هتيجى النهارده
عزام:ايه كنتى عايزانى اتحبس ولا ايه
نورة:لا طبعاا مقصدش كدا
عزام:على العموم ياستى طلعت منها شيرين اللى كانت ورا كل حاجه الله يرحمها بقي
نورة بصدمه:يرحمها هى ماتت
عزام:اه واللى قتلها شادى يوسف قالى انه ابن عم فيروز
نورة:وايه اللى لم شيرين على شادى
عزام:كان بيشتغل فى الشركه
نورة:انا مكنتش اعرف ان عندك شركه لانى بسمعك تتكلم عن المعرض بس
عزام:دى شركه عيله الشرقاوى اللى اسسها ابويا وصاحبه ابو شيرين وانا مش بحب الهندسه عشان كدا اشتغلت فى الحاجه اللى بحبها وهى العربيات وكل حاجه تخصها وعلى فكرة انا معنديش معرض واحد انا عندى فوق ٥ المعارض
نورة:ماشاء الله لا انا بقي عكسك انا بحب الهندسه جدااا كمان واللى حببنى فيها يوسف لانه كان بيحب الهندسه ونفسه يدخل كليه هندسه بس لما بابا اتوفى ساب الكليه عشان يمسك المحل وقالى عايزك تدخلى هندسه وتكملى حلمى
عزام:وانتى ماشاء الله امتياز كل سنه
نورة:انت عرفت منين
عزام:انا اعرف عنك كل حاجه يانورة من قبل مانتجوز لسالك سنه مش كدا
نورة:اه
عزام:عايزها امتياز بردو
نورة:يعنى انت مش هتمنعنى انى اكمل
عزام:لا طبعاا ده مستقبلك خلصى انتى بس وانا هشغلك انتى وفيروو فى الشركه والمرة دى ابن الصياد مش هيقدر يرفض
نورة باستغراب:يرفض ايه
عزام:الشركه اللى كنتو مقدمين فيها ورقكو شركتى
نورة:بجد .. ااااه عشان كدا يوسف لما وصل فيروز الشركه رفض انها تشتغل فيها
عزام:اممم
نورة:بس انا فرحانه ان انت ويوسف بقيتو صحاب
عزام:يوسف اثبتلى انه اجدع منى لما ساعدنى اول مرة ورجع ساعدنى تانى تعرفى ان لو يوسف وامير مكنوش ادخلو كنت هابقي فى السجن الوقت وانا مقدرش اكرهه بعد مساعدته ليا
نورة:طب ممكن ننام بقي لانى بجد تعبانه
عزام:مالك يانورة
نورة:عايزة انام وراسى مصدعه من كتر التفكير
عزام:طب يلا ننام
نورة وقفت وعزام وقف قدامها:تعرفى انك حلوة اوى فى الاحمر ده البسيه على طول بقي لانه بحبه وحبيته اكتر عليكى
نورة وشها بقب احمر من الكسوف
عزام:بقيتى شبه الفراولايه اهو
نورة ضحكت وراحو على السرير عزام نام واخد نورة فى حضنه اللى نامت على طول وهو كمان نام من تعب اليوم
**************
يوسف وصل وطلع العمارة واتفاجأ بفيروز مستنياه وقاعده قدام شقتهم على السلم
يوسف:ايه اللى مقعدك كدا يافيروز
فيروز:اتاخرت وكنت بستناك
يوسف قعد جمبها على السلم:كنت مع عزام مانتى عارفه
فيروز:فرحت انه رجع بيته
يوسف:عرفتى منين
فيروز:كلمت نورة وقالتلى ... مين بقي اللى كان ورا اللى حصل
يوسف:مش هتصدقى اللى اسمها شيرين وشادى ابن عمك
فيروز بصدمه:شادى
يوسف:اه والله هو اللى قتل شيرين وهربان لسه الشرطه بتدور عليه
فيروز:انت اكيد تعبان ادخل عشان ترتاح شويا
يوسف مسك ايدها:تصدقى انى بنسي كل التعب لما بشوف لهفتك دى عليا
فيروز اتجرئت وباسته من خده:ربنا يخليك ليا
يوسف عقد حواجبه:انتى اد الحركه دى
فيروز ضحكت:متحلمش انى اعملها تانى
يوسف ضحك:مانا قولت بردو
فيروز:يلا ادخل بقي تصبح على خير
يوسف:وانتى من اهلى يافراشتى يلا اطلعى
فيروز:لا ادخل انت الاول عشان انا مش ضامنه البت الصفرا دى تنزلك
يوسف ضحك اوى:حاضر هدخل
يوسف فتح الباب ودخل:يلا اطلعى بقي
فيروز:باى
يوسف قفل الباب وفيروز طلعت شقتها
**********
صباح يوم جديد عزام صحى ماكنتش نورة جمبه قام قعد وسند ضهره على السرير والباب اتفتح ودخلت نورة وهى معاها قطعه كيك وفنجان قهوة:صباح الخير
عزام ابتسم:صباح الجمال انتى صاحيه من بدرى
نورة:يعنى من شويا ونزلت لمريم وعملنا كيك وجبتلك حته تدوقها وقولى ايه رايك اتفضل
عزام لسه هيمد ايده على القهوة
نورة:لا كل الكيك الاول وبعد كدا اشرب القهوة
عزام:حاضر ياستى
عزام اكل حته من الكيك:تسلم ايدك حلوة اوى
نورة:بالف هنا اتفضل القهوة بقي
عزام:ماشي
نورة:عزام انت هتعمل ايه مع اهل الغفير
عزام:اول حاجه عملتها امبارح لما خرجت روحتلهم انا ويوسف واديت لمراته مبلغ عشان تقدر تصرف على ولادها وقولتلها انى هتكفل بتعليمهم وكل حاجه تخصهم خلاص بقو مسؤليتى
نورة:ربنا يصبرهم على فراقه
عزام:انا لازم اروح المعرض وانتى متخرجيش من الفيلا ابداا
نورة:حاضر
عزام:طول مااللى اسمه شادى ده هربان لازم ناخد بالنا كويس
نورة:هو ممكن يعمل ايه
عزام:مش عارف الصراحه يلا هقوم البس وهخلص شغلى وهروح ليوسف عشان نشوف موضوع شادى ده
نورة:حاضر
عزام لبس وخرج ونورة نزلت لرحاب ومريم كالعاده.......
🌹🌹🌹🌹🌹
روايه خيوط الحب
««الفصل ٢٢»»
عدى اسبوعين
عزام ويوسف وامير ومعاهم مراد لسه بيدورو على شادى اللى مختفى
يوسف اللى بيجهز الفيلا عشان خلاص الفرح لسه عليه ايام
نورة اللى طلبت من عزام تخرج مع فيروز عشان تشترى اللى حاجات اللى نقصاها وهو وافق بس طبعاا بيكون معاها حراسه شديده جداا
حتى يوسف حاطط حراسه لفيروز عشان يكونو معاها فى كل حاجه
سوسن وايه اللى مخططاتهم لسه مستمرة حتى بعد موت شيرين وقررو ينفذو خططتهم لما يقرب معاد الفرح
فيروز اللى نفسها تشوف الفيلا ويوسف رفض وبيقولها تبقي مفاجاه يوم الفرح
***************
بليل فى فيلا عزام
نورة قاعده فى الجناح وبتكلم فيروزة:انا هموت من الكسوف يافيروز
فيروز:يابنتى اسكتى بقي هو عشان الراجل سيبك براحتك هتسوقى فيها اعترفى بقي بام حبك ليك وخلصونا
نورة:ايه مسورة واتفتحت
فيروز:قوليلى شكلك ايه
نورة واقفت قدام المرايا:حلوة اوى
فيروز:صح الكيك وصلت
نورة:صح شكراا جداا يافيروز ده الكيك شكلها قمر
فيروز:عدى الجمايل بقي
نورة سمعت صوت عربيه:احيه احيييه عزام جه
فيروز:بت اقفلى كدا بدل ماجى اجيبك من شعرك والله
نورة ضحكت:سكت اهو
فيروز:يلا روحى طفى النورة وشغلى الشموع
نورة:بشغلهم وانا بكلمك اهو
فيروز:يلا سلام بقي
نورة:سلام
نورة قفلت وطفت النور وكانت ولعت الشموع ووقفت تستنى عزام وهى متوترة جدااا
عزام طلع وفتح الباب واتفاجأ بالانوار ونورة اللى لابسه دريس احمر كاب وقصير وضيق وعليه ورد من فوق وسايبه شعرها وكانت قمرايه
ولابسه طقم الماس كان جيبه ليها عزام
وفى تربيزة فى نص الاوضه وعليه كيك على شكل ورده بلون الاحمر وحوليها شموع
عزام دخل وقرب من نورة وهو مش مستوعب اللى هو شايفه قرب من نورة اللى بتبص فى الارض
عزام رفع وشها بايده:نورة اللى شايفه ده حقيقى ولا انا بحلم
نورة ابتسمت بحب:حقيقه ياعزام انا عايزة اقولك انى...
عزام:هاا انك ايه
نورة بصتله فى عينيه:انى بحبك اوى
نورة خبت وشها فى حضن عزام وعزام اتنهد بسعاده:واخيراا يانورة دانا كنت خايف اموت قبل مااسمعها
نورة بعدت عن حضنه وبصتله:بعد الشر عليك ياعزام
عزام ضمها لحضنه ورفعها عن الارض ولف بيها:وانا بعشقك يانور حياه عزام
نورة كانت فرحانه جداا
عزام نزلها ونورة بصتله:يلا نقطع الكيك
عزام:يلا
نورة مسكت السكينه وعزام مسك ايد نورة اللى على السكينه وقطعو الكيك وعزام اكلها حته فى بوقها ونورة بردو اكلته
عزام حاوط وشها بين ايديه:تعرفى انى بعشقك فى الاحمر
نورة ابتسمت بكسوف:عشان كدا لبست احمر
عزام:نورة انا اسف على كل حاجه عملتها فيكى عارف انــ
نورة حطت ايدها على بوقه:انا نسيت كل حاجه ياعزام والله
عزام قرب عليها:يعنى موافقه تبقي زوجه عزام الشرقاوى
نورة وشها بقي كتله حمار وعزام ضحك:يبقي السكوت علامه الرضااا
عزام شالها وراح على السرير وقرب منها بكل حنيه وليعيشو سوا فى عالم خاص بيهم ولتصبح زوجته قولاا وفعلاا
*****************
اشرقت شمس يوم جديد
فى عربيه يوسف راكب ومعاه فيروز
فيروز:طب ودينى اشوف الفيلا
يوسف:قولت لا
فيروز:يوووه هى كل حاجه لا لا
يوسف:مش كفايه اخدتك وشوفتى الفستان كفايه بقي
فيروز:لا والله كنتى عايزنى كمان مشوفش فستان فرحى يااستاذ يوسف
يوسف:اهدى يابنت المجنونه يلا وصلنا انزلى
فيروز:وانتى رايح فين
يوسف:رايح مع عزام وامير نجيب البدل تحبي تيجى معانا حضرتك
فيروز:حضرتك بتتريق يباى انا نازله
يوسف ضحك عليها:استنى بس كدا كل حاجه تمام ولا ناقصك حاجه عشان الحنه بتاعتكو دى
فيروز:لا خلاص كل حاجه جاهزة ونورة هتيجلى النهارده بليل عشان نظبط كل حاجه سوا
يوسف:عارفه يافيروز لو عرفت انك لبستى حاجه قصيرة ولا ضيقه بكرة فى الحنه هعمل فيكى ايه
فيروز:خلاص يايوسف حفظت والله
يوسف:طب ياريت متنسيش بقي
فيروز بصتله و نزلت وقابلت ايه على السلم فيروز لسه هتطلع ايه وقفت وسدت الطريق
فيروز:نعم ايه ده بقي
ايه:عايزة اقولك كلمتين متفرحيش اوى هاخده منك وقريب كمان
فيروز بصتلها بغيظ وزقتها بعدتها من طريقها وطلعت
****************
يوسف وصل عند محل كبير فى المول لبدل الرجالى وكان امير وصل قبله
امير:اخيراا حد منكو ظهر
يوسف:هو عزام مجاش
امير:لا
يوسف:استنى ارن عليه
امير:طب تعالى ندخل نتفرج وانت بترن عليه
يوسف:تعالى
******************
فى فيلا عزام اللى نايم واخد نورة فى حضنه
صحى على صوت رنه فونه جابه من على الكمدينو وكان يوسف رد عليه
عزام:يانعم
يوسف:ايه ياعم مالك انت مجيتش ليه
عزام:اجى فين
يوسف:انت فقدت الذاكرة ولا ايه عشان نشترى البدل
عزام:اوووبا تصدق نسيت خالص
نورة صحت على صوت عزام
يوسف بخبث:اللى واخد عقلك ياباشا
عزام:احمد ربك انك مش قدامى الوقت
يوسف:ولو قدامك هتعمل ايه يعنى
عزام:للاسف عريس ومحتاجين وشك القمر ده نأجلها لبعض الفرح
يوسف:هتيجى ولا ايه
عزام بص على نورة اللى فى حضنه وباس راسها:لا مش هاجى
يوسف:ماشي ياعم
عزام:بقولك ايه هاتلى معاكو بدله سوداا تليق بعزام الشرقاوى
يوسف:ياجامد من عيونى سلام
عزام:سلام
عزام قفل وحط الفون جمبه وبص لنورة وابتسم: صباح الجمال والحلاوة يانور حياتى
نوى ابتسمت:صباح النور .. انت مش المفروض تروح تختار بدلتك روح معاهم وبلاش تاجل اى حاجه
عزام:انا اجل اى حاجه عشان خاطر عيونك ياقمرى
نورة دفنت وشها فى حضنه:انا بحبك اوى ياعزام
عزام:وانا بعشقك ياروح وقلب عزام
نورة:خلينا نقوم بقي
عزام:مستحيل هتفضلى فى حضنى كدا علطول لحد مااشبع منك
نورة:انت نسيت انى هروح النهارده لفيروز عشان الحنه بكرة
عزام:انا مش عارف ممكن انام من غيرك ازاى
نورة:هما يومين لحد الفرح وهابقي فى حضنك دايماا
عزام:صح فستانك بقي جاهز
نورة:بجد مش احنا قولنا هننزل سوا نجيبه
عزام:لا انا جيبته على ذوقى
نورة:اكيد هيبقي حلو بدام على ذوقك
عزام:وهيبقي احلى لما تلبسيه
نورة:طب يلا قوم بقي وانا هنزل عشان اقولهم يحضرو الفطار انا جعانه اوى
عزام ضحك:طب يلا انزلى وانا هغير واروح المعرض اخلص شويا حاجات
نورة:حاضر بس متتاخرش بليل
عزام:حاضر
**********
الشباب جابو البدل العريس طبعاا بدله سودا وعزام كمان اما امير اختار بدله بلون الرمادى
وعزام خلص شغله فى المعرض وراح الفيلا اخد نورة عشان يوديها العمارة
قدام العماره وصل عزام ومعاه نورة اللى ماسك ايدها ومش راضي يسيبها
نورة:خلاص بقي ياعزام خلينى انزل
عزام:هتوحشينى اوى
نورة:وانت كمان...تعالى اطلع سلم على ماما
عزام:حاضر يلا
عزام ونورة نزلو وطلعو العمارة وخبطت على شقه مامتها فتحتلها فيروز:نووورة
فيروز حضنت نورة:كنت هزعل لو مجتيش
نورة:وانا اقدر
فيروز:ازيك ياعزام باشا
عزام:كويس الحمدلله الف مبروك
فيروز:الله يبارك فيك تعالو اتفضلو
عزام ونورة دخلو كانو صفاء وهناء موجودين اللى رحبو بعزام جداا وقعدو كلهم سوا فى الصاله
عزام:اومال يوسف فين
فيروز:تحت فى المحل عنده شويا شغل
الباب خبط
فيروز:اكيد هو
فيروز راحت تفتح كانو سوسن وايه
فيروز:اهلا
سوسن:وسهلا ياختى
سوسن وايه دخلو وبصو لعزام باستغراب لانهم اول مرة يشوفوه
ايه:ازيك يانورة فينك من زمان محدش بيشوفك
نورة:انا الحمدلله كويسه
سوسن:مش تعرفينا على ضيوفك ياهناء
نورة:بس هو مش ضيف عزام يبقي جوزى
سوسن اتصنعت الصدمه:جوزك وانتى اتجوزتى امته يابنتى
هناء:الموضوع جه بسرعه ياسوسن واتجوزو من غير فرح
سوسن بخبث:يامصيبتى اتجوزو بسرعه ومن غير فرح ليه ومش المفروض كنتى هتتخطبى لامير ولا تكونو غلطتو وبتصلحو الغلط ده وبيتستر علــ
عزام:اياكى تكلميها نورة الصياد مافيش اشرف منها ولو فكرتى تغلطى فيها بنص كلمه وقتها انا اللى هقف فى وشك
هناء:خلاص يابنى حصل خير هى متقصدش
عزام:ولا تقصد بس اللعب ده مش معايا دانا عزام الشرقاوى
فيروز:معلش ياعزام اصل الناس اللى بيبقي تفكيرهم شمال بيفكرو كل الناس شبههم
صفاء:عيب كدا يافيروز
نورة:لا مش عيب لما مرات عمى تقول عليا كدا اسيب ايه للغريب
ايه:ماما متقصدتش يانورة بس احنا استغربنا مش اكتر وخصوصا اننا فى بيت واحد ومنعرفش انك اتجوزتى
فيروز:اللى حصل حصل مش هنرغى كتير
عزام بص لنورة:انا هنزل ليوسف
نورة:حاضر
عزام خرج وفيروز بصت لنورة:تعالى نطلع فوق يانوره نجهز نفسنا احسن انا مخنوقه اوى هنا
نورة:ومين سمعك يلا نطلع
البنات طلعوو
سوسن:شايفه ياهناء بيتكلمو ازاى
صفاء:انتى اللى بداتى الغلط ياسوسن
سوسن:بقي كدا انا طالعه شقتى يلا يااايه
ايه:يلا
سوسن وايه خرجو وطلعو شقتهم
سوسن:اخدتى المفاتيح
ايه:اه اهم اخدتهم وانتو بتتكلمو
سوسن:طب يلا طلعى مفتاح الشقه بسرعه
ايه:هطلع اجرب اشوف انهو فيهم
سوسن:بسرعه واوعى حد يشوفك
ايه:حاضر
ايه طلعت وبعد شويا نزلت:هو ده ياما
سوسن:اطبعيه على الصابونه بسرعه وحطى المفاتيح على السلم كانهم وقعو منها
ايه:حاضر وهنزل اروح لراجل بتاع المفاتيح يطلعلى النسخه
سوسن:طيب يلا
ايه نزلت وسابت المفاتيح على السلم عشان فيروز تفكر انهم واقعين منها ونزلت ركبت تاكسي وبعد شويا رجعت
سوسن:عملتى ايه
ايه:هجيب النسخه بكرة
سوسن:تمام خليهم يفرحو ويهيصو بكرة وبعدها نقلبها نكد عليهم
سوسن وايه ضحكوو....
تعليقات
إرسال تعليق