رواية خيوط الحب الفصل الثالث وعشرون والرابع وعشرون بقلم الكاتبه جنات حصريه وجديده على مدونة موسوعة القصص والروايات
رواية خيوط الحب الفصل الثالث وعشرون والرابع وعشرون بقلم الكاتبه جنات حصريه وجديده على مدونة موسوعة القصص والروايات
عزام رجع الفيلا وطلع الجناح دخل اخد شاور وغير وقعد على السرير وبيفكر فى نورة ومش متخيل انه هينام وهى مش فى حضنه مسك فونه ورن عليها
ونورة اللى كانت قاعده مع فيروز وبيختارو الاغانى اللى هيشغلوها فى الحنه وفونها رن وخرجت البلكونه ترد
نورة:الو
عزام:تعرفى انك وحشانى جداا
نورة:دانت لسه سيبنى ياعزام من شويا
عزام:بس بردو وحشانى ومش عارف هنام ازاى وانتى مش فى حضنى
نورة:فى دى معاك حق الصراحه حتى انا مش بعرف انام غير فى حضنك
عزام قام من على السرير:يبقي اجيلك واخدك تنامى فى حضنى والصبح هوديكى تانى
نورة ضحكت:طب وليه كل التعب ده هو كلها بكرة وبعده ونخلص من دوشه الفرح وافضل فى حضنك على طول
عزام:اليومين دول هيعدو علينا كانهم سنتين...بتعملى ايه
نورة:كنت انا وفيروز بنختار الاغانى
عزام:انتى ناويه ترقصي
نورة:طبعااا داحنا هنولعها
عزام بخبث:امممم فكرة حلوة بردو
نورة:هى ايه دى اللى حلوة
عزام:انك ترقصي يعنى
نورة ضحكت:عزام انت شكلك عايز تنام
عزام:بالعكس عايز افضل اتكلم معاكى كدا على طول...صح هى مرات عمك وبنتها فى بينكو مشاكل
نورة:لا عادى ليه
عزام:مش عارف حسيت انها مش بتحبكو نظراتها كانت كلها غل وخصوصاا نظرات بنتها لفيروز
نورة:لان ايه طول عمرها بتحب يوسف ومش بتطيق فيروز عشان هو بيحبها
عزام:وانتو ليه مخلينهم عايشين معاكو
نورة:دى وصيه بابا الله يرحمه وكمان هو قبل مايتوفى كتب الشقه باسم عمى عشان يفضل عايش فيها
عزام:وعمك حسن زى مراته كدا
نورة:بالعكس ده طيب جداا والله مش عارفه هو عايش معاهم ازاى
فيروز دخلت البلكونه:هتفضلى تحبي فى التلفون وسيبانى لوحدى
عزام ضحك ونورة كمان:جيالك اهو والله
فيروز اخدت الفون من نورة وفتحت الاسبيكر وسمعت عزام بيضحك
فيروز:لو سمحت ياعزام باشا احنا مش فاضيين الوقت اتصل بيها فى وقت اخر
عزام:اسف ياعروسه هسيبها ليكى زى بعضه
فيروز:زى بعضه لا والله كتر خيرك بجد جميلك فوق راسي
عزام:والله انتى حكايه الله يكون فى عونك يابن الصياد
فيروز:دانا لقطه ومافيش منى اتنين يابااشا
عزام:ماهو صح لو فى منك اتنين كانت الدنيا خربت
فيروز بصت لنورة اللى بتضحك:انتى سامعه هو بيقول ايه
نورة بضحك:بصراحه معاه حق
فيروز:مااااااشي خليه ينفعك وابقي قبلينى لو اديتك افكار رومانسيه تانى
نورة برقت:يابنت المجنونه
فيروز:امسكى الفون ده كدا انا داخله انام
نورة مسكت الفون وهى بتضحك:هروح اشوفها ياعزام لترجع تنام بجد
عزام:تصبحى على خير ياقمرى
نورة:وانت من اهل الخير
نورة قفلت ودخلت لفيروز وبداو يختارو الاغانى سوا وبعد وقت طويل نامو من التعب
******************
تانى يوم كانت الحنه وحضر كل اصحاب نورة وفيروز اللى كانو معاهم فى الكليه وحفله الحنه كانت حلوة جدااا والكل كان فرحان ونورة وفيروز رقصو وهيصو وفرحو من قلبهم وفيروز لبست اكتر من طقم وكانت جميله فى كل اللبس وفى مرة كانت نورة تصورهاا لان يوسف طلب منها انها تصور فيروز بس متعرفهاش ان الصور ليوسف
وايه وسوسن اللى كانو حاضرين وجواهم غل اتجاه فيروز
وصفاء وهناء اللى عملو اكل كتير جداا والكل اكلو سواا ونزلو اكل كتير لشباب عشان ياكلو هما وشباب المنطقه
يوسف اللى احتفل بيه كل شباب المنطقه ومعاهم عزام وامير ورقصو سوا وعملو جو جميل والبنات طلعو من البلكونه واتفرجو عليهم وكانو فرحانين جدااا بلمتهم سواا
وخلصت الحفله وكان الكل فرحانين من قلوبهم
*****************
بليل فى وقت متاخر نورة وفيروز قاعدين سوااا فجاه سمعو صوت حد بيصرخ على سلم العمارة خرجت نورة وفيروز من اوضتهم بسرعه وصفاء ونيرة وكلهم خرجو من الشقه وكانت هناء طالعه تجرى على السلم
صفاء:مين اللى بيصوت
هناء:دى سوسن فى ايه
حسن طالع بسرعه:فى ايه
كلهم طلعو كانت سوسن واقفه فى اوضه نوم اللى فى شقه يوسف وايه لابسه قميص نوم ومغطيه نفسها بالغطا وبتعيط ويوسف واقف لابس بنطلون بس
الكل اتصدمو من المنظر وفيروز واقفه مش بتتحرك ويوسف عينه عليها
حسن:ايه اللى بيحصل هنا
سوسن بصوت عالى:بنتى راحت خلاص ابنك ضيعلى بنتى ياهناء
صفاء:وطى صوتك ده بلاش فضايح
سوسن:وانتو لسه شوفتو فضايح اصلا دانا ههد البيت فوق دموغكو ... شايفه ابنك عمل ايه فى بنتى ياهناء ماتنطقى
هناء مصدومه من اللى هى شيفاه:ايه اللى حصل يايوسف
يوسف عينه على فيروز اللى مش بتنطق:والله انا طلعت انام كنت تعبان فجاه صحيت على صوت صريخ مرات عمى ومعرفش ايه جت هنا امته ولا ازاى
ايه بعياط:حرام عليك يايوسف والله حرام دانا بنت عمك يااخى
حسن:اومال ايه اللى حصل
ايه بانهيار متصنع:دانا كنت نازله من على السطح وهو طالع وشكله كدا ماكنش فى وعيه فجاه هجم عليا وكتم بوقى ودخلنى الشقه بالعافيه
فيروز فاقت وبصتلها اوى وخرجت من الاوضه من غير ماترد
يوسف:فيرووووز .. والله الكلام ده ماحصل انا طلعت تعبان ودخلت اخدت شاور ونمت
نورة راحت ورا فيروز شافتها داخله اوضه المكتب اللى فى شقه
نورة جت تفتح لاقت الباب مقفول من جوا
نورة:فيروز بتعملى ايه عندك
فيروز فتحت اللاب بتاع يوسف وركزت فيه اوى
فيروز:يابنت🐶
نورة خبطت على الباب:فيروز افتحى يافيروز
فيروز خرجت من المكتب وهى متعصبه
ونورة مستغرباها وراحت على اوضه النوم وفجاه هجمت على ايه جابتها من شعرها وايه صوتت باعلى صوت والكل مستغرب ايه اللى بيحصل فيروز شدت ايه اللى لافه جسمها بالغطا ووقعتها من على السرير
سوسن:يالهوى سيبى البنت
فيروز بصت لسوسن:ابعدى عنى ياما قسما بربي هجيبك من شعرك زيها
سوسن:تجيبى مين من شعرها يابت انتى
سوسن لسه هتشد فيروز من شعرها فيروز سابت ايه وزقتها بقوة وسوسن وقعت على الارض
فيروز بعصبيه:ورحمه ابويا لو قربتى منى تانى لقتلك
صفاء:اهدى يابنتى
فيروز بصت لايه ومسكتها من شعرها تانى:بقي جوزى كان طالع مش فى وعيه وشدك ودخلك الشقه بالعافيه .... ليه هى الهانم بتطلع السطح بقميص النوم ولا يكون يوسف اللى لبسه ليكى بالعافيه كمان
ايه بصت لامها اللى قامت وقفت وحسن اللى واقف مصدوم من منظر بنته ومش قادر يستوعب اللى بيحصل
هناء:ايه اللى بيحصل انا مش فاهمه حاجه
فيروز:اقولكو انا ايه اللى بيحصل .. اللى حصل ان الهانم دى هى اللى طلعت بارادتها ودخلت نامت جمب جوزى على السرير
يوسف:انتى بتقولى ايه يافيروز
سوسن:ليه وانا بنتى هتعمل كدا ليه
فيروز وهى ماسكه ايه من شعرها:عشانك مربتيهاش ياسوسو عشان بنتك مش مترييه فيروز بصت لحسن:انا اسفه ياعمو حسن بس بنتك غلطت ولما فكرت تغلط غلطت فيا
فيروز نزلت لمستوى ايه اللى على الارض:قال ايه عايزة تاخد جوزى منى دانا فيروز يابت فيروز اللى جواكى غل منها عشان مش عارفه تبقي شبهها ولو حولتى طول عمرك بردو مش هتبقي شبههى عارفه ليه لان انا عندى اهم حاجه اللى انتى تقريبا مسمعتيش عنها وهى الادب والتربيه والاخلاق وان شرف البنت اهم من اى حاجه مش حضرتك بضحى بشرفك عشان خاطر يوسف يبقي ليكى
نورة:فهمينا فى ايه يافيروز
فيروز:اقولك انا....نورة هاتى اللاب اللى فى مكتب يوسف
نورة:حاضر
نورة جابته وفيروز زقت ايه واخدت اللاب من نورة وفتحته وكان فى كاميرا قدام باب الشقه جايبه ايه وهى طالعه تتسحب ولابسه اسدال وطلعت مفتاح من صدرها وفتحت الباب
فيروز بصت لسوسن:اهو اول دليل ان بنتك مش متربيه لا وكمان كذابه
فيروز بصت لايه:اللى متعرفهوش بقي ياحلوة ان فى كاميرات فى الشقه كلها عشان شغل يوسف كله هنا وكاميرات جيباكى وانتى داخله تتسحبي ويوسف نايم وقلعتى الاسدال ونمتى جمبه بمنظرك القذر ده
حسن قرب من ايه وضربها بالقلم
سوسن:اوعى تكون مصدقهم ياراجل ومكذب بنتك
فيروز:عايزة دليل اكبر يعنى
فيروز فتحت فيديوهات الكاميرات اللى فى الشقه كلها حتى اوضه النوم لما ايه دخلت وقلعت الاسدال وخبيته فى الدولاب ونامت جمب يوسف وبعدها بدقايق قليله سوسن طلعت وصوتت
حسن فضل يضرب فى ايه وهى بتصوت ولف بص ليوسف:انا اسف يابنى حقك على راسي
يوسف:متقولش كدا ياعمى انت مالكش ذنب
حسن:احنا هنلم حاجاتى ونمشي يابنى
هناء:هتروح فين ياحسن
حسن:هروح شقتنا القديمه يامرات اخويا كفايه اوى لحد كدا
سوسن:هترجعنا البيت اللى قرب يقع تانى ياراجل
حسن هجم على سوسن وضربها قلم ورا التانى ويوسف بعده عنها:خلاص ياعمى
حسن:ومين قالك ياوليه انك هتيجى معايا غورى وانتى طالق بثلاثه وخدى بنتك القذرة دى معاكى مش عايز اشوف وشكو مرة تانيه
سوسن:يعنى هتخرجنا من الجنه ياخويا يلا يابت
سوسن ساعدت ايه تقوم وخرجت من الشقه ونزلو شقتهم
حسن بص ليوسف:سامحنى يابنى الغلط غلطى انا معرفتش اربي بنتى
هناء:انت طول عمرك طيب ياحسن لكن سوسن اللى ماكنتش بتحمد ربنا عليك
يوسف:انت مش هتمشي من هنا ياعمى هتفضل فى شقتك ومش هتخرج منها ابدااا
حسن:بس يـابــ
هناء:من غير بس ياحسن دى كانت وصيه حسين الله يرحمه انك تفضل فى الشقه اللى كتبها باسمك
يوسف:صح ياعمى
حسن:حاضر يابنى ربنا يبارك فيك يارب
حسن خرج من الشقه ونورة قربت من فيروز وضحكت:صحبتى المفتش كرومبو ياولاد
صفاء وهناء ضحكو عليها
نورة:صح انتى عرفتى حوار الكاميرات ده منين ده محدش فينا كان يعرف اصلا
فيروز بصت ليوسف:يوسف اللى قالى
صفاء:يلا ننزل ياولاد
صفاء ونيرة وهناء نزلو
نورة قربت من يوسف وحضنته:حبيبي ياچو
يوسف ابتسم:حبيبتى يانوارة قلبي
نورة نزلت وفضلت فيروز اللى عينيها على يوسف اللى قرب منها:مالك بتبصيلى كدا ليه
فيروز:مستغرباك
يوسف:مستغربانى ليه انا عملت ايه
فيروز بصت عليه:انت هتفضل واقف بعضلاتك دى ماتروح تلبس تيشيرت
يوسف ضحك وراح جاب تيشيرت من الدولاب ولبسه:ادينى لبست اهو مستغربانى ليه بقي
فيروز:ليه كنت ساكت يايوسف مع ان انت عارف ان فى كاميرات وانها كذابه
يوسف:كنت مستنى اشوف فراشه قلبي هتصدق الكلام اللى بيتقال ولا لأ
فيروز:والله حتى لو من غير كاميرات عمرى ماكنت هصدق بردو
يوسف:وليه الثقه الزايده دى بقي
فيروز:يوسف الحب عبارة عن خيوط كتير وروابط واهمهم الثقه لان لو مافيش ثقه يبقي مافيش حب وانا ثقتى فيك كبيرة اوى يايوسف وعارفه ان عمرك ماتكسر قلب فراشتك صح كلامى
يوسف شدها لحضنه:تعرفى كلامك ده ريحنى اد ايه يافيروز
فيروز:انا بحبك اوى يايوسف وعايزة افضل جوا حضنك العمر كله
يوسف:عز الطلب وانا بوعدك لما نتجوز ونبقي فى بيت واحد مش هتخرجى من حضنى ابداا
فيروز ضحكت وبعدت عنه:يلا هنزل انا بقي
يوسف:صح يخربيت جمالك النهارده
فيروز:انت شوفتنى فين
يوسف:نورة بعتتلى الصور
فيروز برقت:يابنت الايه تقولى عشان يبقو ذكرى معانا
يوسف:ماكنتش عايزانى اشوفك ولا ايه
فيروز بكسوف:انا نازله سلام
فيروز خرجت بسرعه ويوسف ضحك عليها....
&&&&&&
واخيرااا خلصنا من سوسن وايه وفيروز قامت بالواجب معاهم💃💃💃
الناس اللى كانت قلقانه امير يحب ايه اتطمنو😂😂😂
♥️♥️♥️♥️♥️♥️♥️♥️♥️
روايه خيوط الحب
««الفصل ٢٤»»
واخيرااا جه يوم المنتظر وهو يوم فرح يوسف الصياد و فراشه قلبه فيروز
فى الفندق الكل بيجهزو اوضه لبنات فيروز ونورة ومعاها هناء وصفاء ونيرة
واوضه لشباب يوسف وعزام وامير
*************
فى اوضه الشباب
يوسف:يعنى مصمم بردو على السفر
امير:ياعم بقولك خالى تعبان وهيعمل عمليه ولازم اروح عشان اكون معاه هو وبنته مينفعش تبقي لوحدها
عزام:وبعد العمليه هترجع ولا هتفضل هناك
امير:والله على حسب صحه خالى
يوسف:ربنا يوفقك ياصاحبي والله هتوحشنى
امير ضحك:ده على اساس انك هتفتكرنى اصلا
عزام ضحك:ولا هيسال فيك وحياتك
يوسف:بقولكو ايه ابعدو عنى انا ماصدقت وصلت لليوم ده
امير:على رايك دانت عانيت يابنى والله
عزام:والله ياصاحبي الله يعنيك على فيروز
يوسف ضحك:فيروز مجنون بس جدعه
عزام:نورة لما حكتيلى على اللى حصل قولتها البنت دى مافيش زيها
يوسف:ولا هيكون فى زيهاا والله دى فراشه قلبي
امير وعزام:يااااااا جاااامد
يوسف:امشي ياض انت وهو من هنا خلونى اخلص
****************
فى اوضه البنات
نورة اللى لبست وفرحانه بفستانها البينك وطرحه وشوز بنفس اللون
فيروز:حلو اوى يانورة
نورة:بجد
فيروز:جدااا كمان
نورة:يلا عشان تلبسي الفستان بقي
فيروز:يلا
نورة ساعدت فيروز تلبس الفستان وبعدها البنت اللى بتساعدها لبستها الطرحه
نورة:ماشاء الله جميله اوى يافيروز
فيروز:ايه رايك فى الفستان
نورة:حلو جداا ورقيق او زى مانتى بتحبي
فيروز:يوسف اللى قال للمصممه على كل حاجه وطلع زى ماكان نفسي بظبط
صفاء:طول عمرك مش بتحبي فساتين الافراح اللى مليان شغل
هناء:فيروز طول عمرها رقيقه وبتحب الرقه
صفاء وهناء كانو فرحانين بفيروز حتى نيرة اللى كانت لابسه فستان بلون النبيتى وكانت قمرايه
بعد شويا الكل كانو خلصو والباب خبط وصفاء فتحت وكان يوسف والشباب
يوسف:فراشتى خلصتى ياصفصف
صفاء:خلصت ياحبيب صفصف تعالى ادخل
يوسف دخل وكانت فيروز واقفه وضهرها ليه
والبنت اللى بتصور بدات تصور الفريست لوك
يوسف دخل وقرب ووقف قدام فيروز وكان فرحان من قلبه وفيروز بتبصله بسعاده
يوسف:اخيرااا يافراشه قلبي
يوسف اداها البوكيه وحضنها وشالها ولف بيها والكل كانو فرحانين بيهم
يوسف بعد عن فيروز:احلى عروسه شوفتها فى حياتى
فيروز:لازم اكون حلوة عشان عريسى قمر ١٤
عزام دخل الاوضه:يلا ياعم الحبيب اتاخرنا
يوسف بص لنورة:كان يوم اسود لما اتعرفت على جوزك ده
نورة قربت من عزام اللى حاوطها من خصرها:ده عزام الشرقاوى يابابا انت تطول اصلا
يوسف:انت عملت ايه فى البت دى قلبت عليا
عزام باس راس نورة:مش مراتى ياعم
هناء وصفاء قربو من يوسف وفيروز وباركو ليهم وهناء بخرتهم ودعتلهم ربنا يحفظهم ويحميهم ويوسف مسك ايد فيروز وخرج من الاوضه وعزام نفس الكلام ونيرة قربت من امير
نيرة:مش هسيبك تمشي لوحدك تعالى زى بعضه
امير ضحك:وانا اطول امشي مع نيرو هانم يلا ياعروستى
والكل نزلو وراحو على المكان المخصص لتصوير واتصورو صور كتير وعزام اخد نورة فى ركن لوحدهم واتصورو كتير مع بعض وبعد شويا راحو القاعه اللى فى الفندق والكل دخلو قعدو على تربيزة سواا فى انتظار دخول العروسين
واشتغلت الاغنيه اللى اختارتها فيروز طلى بالابيض واتفتح الباب ودخل يوسف وفى ايده فيروز اللى الكل انبهرو بجمالهم ودخلو ووقفو فى نص القاعه المكان المخصص لرقص واشتغلت اغنيه رومانسيه ورقصو سواا ويوسف شال فيروز ولف بيها كتير والشباب صفروو والكل صفقو ليهم
**********
على تربيزة العيله
صفاء وهناء اللى فرحانين جداا بولادهم
وامير ونيرة اللى بيضحكو سوا
عزام قاعد وماسك ايد نورة
نورة:تعرف انك حلو اوى النهارده
عزام بثقه:مانا عارف
نورة:ايه الغرور ده
عزام:مانا لازم اكون حلو عشان معايا احلى بنت فى الدنيا دى كلها
نورة:ايوا كدا
عزام ضحك:تعرفى انك زى القمر وانا نفسي اخيبك من العالم كله
نورة:صح شكراا على الفستان قمر اوى
عزام:كنت متاكد انه هيبقي حلو عليكى
نورة:بصراحه فكرتك هتجيبهولى احمر لانك بتحب الاحمر عليا
عزام:عبيط انا عشان اجيبلك احمر تلبسيه قدام الناس كدا
عزام قرب من ودنها:الاحمر ده وانتى معايا فى اوضتنا
نورة وشها احمر:عيب كدا الله
عزام:شوفتى قلبتى فراولايه ازاى
نورة:خلصو سلو يلا نروحلهم
عزام مسك ايدها:يلا
الشباب والبنات كلهم قربو من يوسف وفيروز ورقصو وهيصو وفرحو من قلبهم
يوسف رقص مع اصحابه وفيروز نفس الكلام
وبعدها رقصو سلو وكل الكابلز طلعو رقصو
وعزام ونورة رقصو سواااا وامير رقص مع نيرة
عزام بيرقص مع نورة وهمس فى ودنها:تعرفى نفسي اعلم ايه
نورة بصتله:ايه
عزام شالها ولف بيها ونورة كانت مكسوفه جدااا بس فرحانه بحبيبها وكل الشباب اللى حوليهم صفرووو والبنات صفقو وكملو رقصهم سواا
وبعد وقت طويل من الرقص والكل كانو فرحانين جداا الفرح خلص والكل رجعو على بيوتهم
هناء وصفاء اللى قررو يرجعو على العمارة ويسيبو العرسان لوحدهم وعزام ونورة رجعو على الفيلا وامير اللى راح على شقته عشان يجهز شنطته ويسافر امريكا لخاله
**************
يوسف وفيروز وصلو عن الفيلا ويوسف دخل بالعربيه جوا الفيلا اللى فيروز عجبها شكلها جداا
يوسف نزل من العربيه ولف ساعد فيروز عشان تنزل هى كمان
يوسف:ايه رايك يافراشتى
فيروز:دى حلوة اوى يايوسف والورد حلو اوى
يوسف:يلا ندخل جوا محضرلك مفاجاه هتعجبك جداا
يوسف مسك ايد فيروز ودخلو الفيلا اللى كانت كلها بالوان فاتحه زى فيروز ماطلبت وفيروز فضلت تتفرج على الفيلا كلها وعجبتها جداا ويوسف شالها فجاه
فيروز:نزلنى يايوسف
يوسف:انسي هشتالك لحد جناحنا
يوسف وصل عند الجناح ونزل فيروز ودخلو وفيروز فرحت جداا بالجناح اللى كان واسع جدااا وفيه ريسبشن واوضه نوم واوضه لبس وحمام كبير وبلكونه كبيرة جدااا
يوسف:تعالى اوريكى حاجه
فيروز:ايه
يوسف:المفاجاه تعالى
فيروز دخلت البلكونه وكان فى مرجيحه على شكل فراشه فيروز فرحت جداا وحضنت يوسف من فرحتها:حلوة اوى يايوسف ربنا يخليك ليا
فيروز قعدت على المرجيحه ويوسف صورها وقعد جمبها واتصورو سيلفى سوااا
يوسف:تعالى بقي فى مفاجاه تانيه
دخلو الاوضه ويوسف جاب بوكس كبير وحطه على التربيزة:اتفرجى وقوليلى رايك
فيروز فتحته وكان فيه حاجات كتير وكلها حاجات على شكل فراشه كفرات للفون وماجات واكسسوار وتوك
فيروز:وااااو
يوسف:حلوين
فيروز:حلوين بس دول يجننو يايوسف ربنا يخليك ليا
يوسف حضنها من ضهرها:ويخليكى ليا يافراشتى يلا انا هروح اغير فى اوضه تانيه وانتى غيرى هنا براحتك
فيروز:حاضر
بعد شويا فيروز كانت غيرت ولبست بجامه ستان لونها ابيض عبارة عن بنطلون وبدى كط ودخلت الحمام اتوضت ولبست اسدال وخرجت من الحمام الباب خبط
فيروز فتحت كام يوسف اللى غير ولبس ترنج بيتى
يوسف:كويس انك لبستى الاسدال كنت لسه هقولك نصلى سوا
فيروز:يلا
يوسف صلى بفيروز وبعد ماخلصو دعو ربنا يبعد عنهم اى حاجه وحشه ويخليهم لبعض وفيروز دخلت اوضه اللبس وقلعت الاسدال وفردت شعرها وخرجت ويوسف اول ماشافها صفر:ايه الجمال ده كله انا بحلم مش كدا
فيروز بكسوف:يوووسف
يوسف قرب منها:عيون وقلب وروح يوسف ... فيروز بجد انا مش مصدق ان انا وانتى اتجوزنا وانتى معايا فى اوضتى دى كانت اكتر حاجه بتمناها وبطلبها من ربنا والحمدلله ربنا استجاب لدعواتى
فيروز:يوسف انت احسن نعمه ربنا انعم عليا بيها يمكن اتاخرت على ماعرفت قيمتها بس الاهم ان احنا سوا الوقت
يوسف حضنها:ربنا يقدرنى واسعدك العمر كله يافيروز
فيروز:كفايه انك جمبي ياحبيبي
يوسف بعد عنها وباسها بحب وشوق وفيروز كانت مكسوفه جدااا ويوسف بعد عنها وشالها ونيمها على السرير ليريها مدى عشقه لها ولتصبح زوجته شرعااا وقانونااا وعشقااا......
&&&&&&&&&
بحبكم جدا 🫂♥️
تعليقات
إرسال تعليق