رواية خيوط الحب الفصل الخامس وعشرون والسادس وعشرون بقلم الكاتبه جنات حصريه وجديده على مدونة موسوعة القصص والروايات
رواية خيوط الحب الفصل الخامس وعشرون والسادس وعشرون بقلم الكاتبه جنات حصريه وجديده على مدونة موسوعة القصص والروايات
#روايه خيوط الحب
#الكاتبة جنات
#البارررررت25/26
روايه خيوط الحب
««الفصل ٢٥»»
عزام ونورة وصلو الفيلا وكانت ضلمه جداا
نورة مسكت فى دراع عزام:عزام ايه الضلمه دى انا خايفه
عزام شالها فجاه وطلع السلم:عمرك متخافى وانا معاكى يانور حياتى
نورة:طب افتح النور لتقع
عزام ضحك:خايفه على نفسك ولا عليا
نورة ضحكت وحوطت رقبته اوى:مش المفروض اننا واحد
عزام:صح جدااا ياقلبي
عزام وصل عند الجناح وكان فى نور
نورة:اشمعنا مافيش نور تحت
عزام نزل نورة:متفكريش كتير انتى هتدخلى الجناح هتلتقى فستان بكل حاجاته هتلبسيه وتنزلى
نورة:فستان ليه مانا لابسه فستان اهو
عزام:نورة معاكى ربع ساعه لو اتاخرتى دقيقه بعدها هطلعلك سامعه يلا ادخلى
نورة:حاضر
عزام فتح الباب ونورة دخلت وعزام قفل الباب عليها وراح اوضه تانيه يغير
نورة دخلت وشافت فستان بلون الاحمر على السرير كان حلو جدااا ومعاه طقم الماس وفى فصوص بلون الاحمر
وشوز بكعب لونه احمر فرحت جداا واخدت الفستان ودخلت تغير بسرعه قبل الربع ساعه ماتخلص
لبست الفستان والطقم والشوز وكانت حلوة جدا وغيرت شويا فى المكيب عشان يناسب اللون الاحمر وعملت روج بلون الاحمر وفردت شعرها وكانت حلوة جداااا
فتحت الباب وخرجت من الاوضه وصلت عن السلم والفيلا كانت ضلمه جداا
نورة بخوف:عزام ... عزام انت فين
فجاه اتسلط نور عليها واتفتحت اضاءة خفيفه فى الفيلا
نورة ابتسمت لما شافت عزام واقف فى اخر السلم ولابس بنطلون اسود وقميص ابيض وفاتح اول ازراره وفى ايده بوكيه ورد احمر وفيه شوكلت
عزام طلع السلم وقرب من نورة ومسك ايدها وباسها واداها بوكيه الورد
نورة:كل ده ليا ياعزام
عزام:ولو اطول اجبلك الدنيا كلها لحد عندك هعملها يانورة
نورة ابتسمت اوى وحضنته بقوة:انا بحبك اوى ياعزام
عزام:روح وقلب عزام انتى
عزام بعد عنها ومسك ايدها ونزلو كان السلم كله متزين بالورد والارض كلها ورد بلون الاحمر ومشو على الورد لحد ماوصلو عن تربيزة متزينه بشموع وعليها كيك مكتوب عليها (كل سنه وانتى منورة حياتى)
نورة بصتله اوى وبرقت:انت عرفت ازاى دانا ناسيه خالص ان عيد ميلادى بكرة
عزام:الساعه عدت ١٢ ياقلبي كل سنه وانتى احلى حاجه فى حياتى
نورة:كل سنه وانت معايا وانا فى حضنك
عزام:يلا نقطع الكيك
نورة:عرفت ازاى بقي
عزام:من بطاقتك ياقمرى لما خطفتك كانت معاكى فى الشنطه ومن وقت كتب الكتاب وانا عارف تاريخ ميلادك
نورة حطت البوكيه على التربيزة ومسكت ايديه الاتنين:عارف ياعزام انا فكرت بخطفك ليا ان حياتى خلاص ادمرت بس بجد طلع احلى حاجه حصلت فى حياتى
عزام:وانا لو رجع بيا الزمن مليون مرة لورا كنت هخطفك بردو مستحيل تبقي لحد غيرى ... يلا قطعى الكيك بقي
نورة مسكت السكينه وبصت لعزام:يلا قطع معايا
عزام مسك ايدها اللى ماسكه السكينه وقطعو الكيك ونورة اخدت قطعه بشوكه وقربتها من عزام اللى مسك الشوكه واكلها ليها ونورة اخدت قطعه تانيه واكلتها لعزام
عزام مد ايده على التربيزة وجاب علبه قطيفه وفتحها كان فيها خاتم شيك جدااا على شكل حرف ع وجواه حرف ن
عزام مسكه ومسك ايد نورة ولبسه ليها:ايه رايك فيه
نورة:حلو اوى اوى ياعزام بجد احلى هديه جتلى ومستحيل اشيله من ايدى ابدااا بس ده اكيد غالى صح
عزام:كام مرة هنتكلم فى الموضوع ده يانورة اهم حاجه انه عجبك
نورة:جدااا جدااااا ربنا يخليك ليا
عزام:ويخليكى ليا ياقمرى
عزام شغل اغنيه رومانسيه ومد ايده لنوره :تسمحيلى برقصه دى
نورة بفرحه:طبعااا
رقصو سوااا وعينيهم فى عيون بعض وعزام رفعها عن الارض ودفن وشه فى رقبتها ولف بيها كتير ونزلها لما الاغنيه خلصت
نورة بصتله بعشق:انت عملت كل ده امته
عزام:كنت متفق مع رحاب ومريم وهما ظبطتو كل حاجه
نورة شهقت وبعدت عنه بسرعه وبصت على المطبخ:نهار اسود تعالى نطلع فوق لحد يشوفنا كدا
عزام ضحك اوى:يشوفنا كدا ازاى مش فاهم ده على اساس انى شاقطك مثلا
عزام ضمها لحضنه وهمس قدام شفايفها:ريحى نفسك مافيش فى الفيلا غير انا وانتى
نورة ابتسمت بخجل ووشها احمر
عزام:اموت انا فى الفراوله
نورة:عيب كدا على فكرة
عزام:عيب ايه ياام عيب بصى انا مش هتكلم انا هنفذ على طول
نورة لسه هترد عزام شالها وطلع على السلم
نورة:الشوكلت ياعزام نزلى ونبي
عزام:شوكلت ايه الوقت يانورة بكرة ابقي كوليها
نوة ابتسمت وحوطت رقبته وبصت فى عينيه
وعزام دخل الجناح وقفل الباب برجله وليعيشو ليله كلها عشق وغرام سوااا
*************
بعد شويا وقت
عزام قاعد وساند ضهره على السرير ونورة نايمه على صدره وبتبص على صورة عزام اللى مع والدته المتعلقه على الحيطه قدامهم
نورة:عزام
عزام:قلبه
نورة:مامتك حلوة جدااا
عزام بص على الصورة الكبيرة:عارف
نورة:بس انت مش شبهها خالص
عزام:قصدك انى وحش يعنى
نورة ضحكت:لا مش كدا والله بس انت مش شبه مامتك اكيد تبقي شبه باباك صح
عزام......
نورة سندت دقنها على صدره وبصتله:انت ليه كل ماتيجى سيرة والدك مش بتحب تتكلم
عزام:عادى يانورة
نورة:لا مش عادى اكيد فى حاجه صح
عزام:كل الحكايه انى كنت قريب من امى اكتر لكن هو لا
نورة:ليه
عزام:لانه كان اغلب وقته فى الشغل وكمان كان متجوز واحده تانيه وعايش معاها وماكنتش بشوفه كتير
نورة:ولما مامتك اتوفت عيشت مع مين
عزام:مع جدى ابو امى لاننا كنا عايشين معاه اصلاا
نورة:وليه ماروحتش تعيش مع والدك
عزام:مراته رفضت انى اروح اعيش معاه وهو متكلمش وبعتنى عند جدى بس انا كبرت واتخرجت وفتحت اول معرض عربيات ولما هو مات جدى طلب منى امسك الشغل فى الشركه بس انا محبتش الهندسه فوكلت كل حاجه لشيرين
نورة:ربنا يرحمهم
عزام:امير سافر لخاله
نورة بصتله ومردتش
عزام:انت كنتى بتحبي امير مش كدا
نورة بسرعه:لا كان مجرد اعجاب عمرى ماحسيت ناحيته اللى بحسه معاك ياعزام
عزام:اومال كنتى موافقه على الخطوبه ليه
نورة:لانى كنت مفكرة انى بحبه بس هو كان اعجاب من الكلام اللى كنت بسمع يوسف بيقوله عليه
عزام:ويوسف كان عارف
نورة:انا عمرى ماخبيت حاجه عن يوسف
عزام:عشان كدا ابن الصياد وافق عليه اول مااتقدملك
نورة:عزام بلاش نتكلم فى الموضوع ده تانى انا حياتى معاك انت وهو ربنا يصلح حاله ويرزقه ببنت الحلال
عزام:صح
نورة قامت قعدت وكانت لابسه قميص بيتى قصير وبحملات رفيعه وبصت لعزام اللى استغربها
عزام:مالك يانورة
نورة:ايه اللى كان بينك انت وشيرين ياعزام
عزام بصلها:بتسالى ليه ولا عشان سالتك على امير
نورة:لا والله ابداا ... عزام شيرين يوم ماجت جناحك وكانت لابسه قميص نوم وقالتلى انك مش بتقدر تنام غير فى حضنها يعنى انتو كان فى حاجه بينكو صح
عزام مسك ايد نورة:مش هكذب عليكى يانورة صح انا وشيرين كنا مع بعض فترة ومش هى بس لا انا عرفت بنات كتير
نورة عينيها اتملت دموع
عزام حاوط وشها بين ايديه:هتصدقينى لو قولتلك انى من يوم ماشوفتك فى المحل عند يوسف وانا مقدرتش اشوف ولا اقضي وقت مع اى بنت تانيه حتى شيرين وحتى لو كانت جت الجناح وانا موجود فيه لوحدى كنت همشيها انتى ملكتى قلب من اول نظرة يانورة ومستحيل حد ياخد مكانك مهما حصل
نورة رمت نفسها جوا حضن عزام وهو ضمها بعشق:مصدقانى يانورة
نورة:مصدقاك
عزام باسها من رقبتها واخدها لوصله عشق خاصه بيه هو ونور حياته
*************
صباح يوم جديد
يوسف صحى كانت فيروز نايمه فى حضنه ماكنش مصدق ان خلاص فراشه قلبه بقت ليه ومكتوبه على اسمه وكمان نايمه فى حضنه
باسها من راسها وفيروز فتحت عينيها واول ماشافته ابتسمت:صباح الخير
يوسف:صباح الجمال والحلاوة يافراشه قلبي يلا قومى عشان نحضر الشنط
فيروز:بردو مش هتقولى هنسافر فين
يوسف:مكان نفسك تروحيه جداا
فيروز فكرت شوياا وبرقت اوى وبصت ليوسف:اوعى تقول هتودينى المالديف
يوسف ضحك:ولو عايزة تلفى العالم كله انا معاكى
فيروز باسته من خده:ربنا يخليك ليا ياچو ياحبيبي
يوسف:كدا مش هخليكى تقومى من حضنى والطيارة هتفوتنا
فيروز قامت بسرعه:انا هروح احضر شنطتى
يوسف ضحك على جنانها وقام هو كمان ودخل اوضه اللبس وراهاا
بعد وقت طويل كانو حضرو الشنط ولبسو ونزلو كانت هناء وصفاء ونيرة وصلو الفيلا
فيروز جرت على مامتها وحضنتها:وحشتينى ياصفصف
صفاء:حبيبه قلب صفصف
يوسف قرب من امه وباس راسهاا وسلم على صفاء وفيروز حضنت هناء ونيرة
هناء:هتسافرو ياولاد
يوسف:ايوا ياست الكل
هناء:وشغلك ياحبيبي انا عرفت ان امير سافر
يوسف:المحل عمى حسن فيه اما المعرض عزام هيدير كل حاجه على ماارجع باذن الله
صفاء:ربنا يهنيكو ياولاد وترجعولنا بخبر حلو يفرحنا
يوسف حضن فيروز:قريب اوى ياصفصف
نيرة:انا هابقي خالتو
يوسف:احلى واصغر خالتو ياناس
هناء:يلا ياولاد عشان متتاخروش
يوسف وفيروز ودعو العيله وخرجو ركبو العربيه وراحو على المطار
*************
فى فيلا عزام
نورة صحت كان عزام بيلبس:صباح الخير
عزام راح قعد جمبها على السرير:صباح الجمال يانور حياتى
نورة:رايح فين من بدرى كدا
عزام:اخوكى هيسافر ينبسط وانا يطلع عين اللى خلفونى فى المعارض
نورة ضحكت:ربنا يهنيهم يوسف صبر كتير لحد ماوصل لليوم ده
عزام:مانا كمان صبرت كتير وعايز اسافر انا كمان
نورة:نسافر فين
عزام:اى مكان نكون فيه سواا اخوكى بس يرجع وهاخدك ونسافر
نورة بفرحه:بجد
عزام:جد الجد
نورة:والكليه
عزام:لسه بدرى هنسافر ونرجع قبلها
نورة:ان شاء الله
عزام باس راسها:هروح انا بقي ورحاب ومريم تحت
نورة قامت من على السرير بسرعه:هغير وانزلهم وحشونى اوى
عزام:بتحبيهم اوى كدا
نورة:جداااا
عزام ضحك:ماشي همشي انا بقي
نورة:حاضر
عزام خرج ونورة غيرت ونزلت لرحاب ومريم وفطرت معاهم كالعاده
*************
بعد وقت طويل جداااا يوسف وفيروز وصلو المالديف ودخلو الشاليه بتاعهم اللى كان على البحر وفيروز كانت فرحانه جداااا
وغيرو هدومهم ونامو عشان يرتاح من السفر ......
&&&&&&
وحشتونى ي حلوين😍
♥️♥️♥️♥️
روايه خيوط الحب
««الفصل ٢٦»»
بعد خمس شهور
يوسف قضى شهر العسل فى المالديف وعاشو احلى ايام سواا ويوسف ماكنش راضي يجى بس مع اصرار عزام انه يرجع عشان يتابع الشغل
يوسف رجع ودمجو المعارض سوااا وبقو اصحاب وشغلهم كمان سوااا
والمكان اللى كان يوسف وامير بيجهزوه جمب العمارة عشان ينقلو المعرض فيه يوسف وعزام فتحوه معرض تانى خاص بشغلهم وكبرو شغلهم سوااا
وعزام اخد نورة وسافرو دبي ومن دبي راحو المالديف بعد مااصرت نورة تزورها بعد فيروز ماحكتلها اد ايه جميله وقضو شهر فى عشق وحب سواا ورجعو بس على السعوديه لان يوسف قرر ياخد هناء وصفاء ونيرة وفيروز ويروحو يعملو عمرة كلهم سوااا وعزام ونورة كمان راحو معاهم خلصو العمرة ورجعو لحياتهم من تانى
امير اللى اتولى شغل خاله اللى عمل العمليه بس حالته مش احسن حاجه
امير اللى ماكنش عنده خلفيه عن شغل خاله فى ادارة الاعمال بس بنت خاله ساعدته يفهم الشغل وفى الوقت الحالى بقي هو مدير الشركه مكان خاله
نورة وفيروز اللى رجعو الكليه من تانى وفرحانين انهم بيقابلو بعض كل يوم
نورة اللى عرفت انها حامل فى الشهر التانى وعزام اللى طاير من الفرحه وكان رافض انها تنزل الكليه بس هى اصرت عشان السنه مضيعش عليها
ولسه مراد والشرطه بيدورو على شادى اللى مختفى تمامااا ومحدش قادر يوصله ويوسف وعزام حاطين حراسه على الڤيلل والمعارض وكل المخازن وفى حراسه على البنات وعلى اهلهم فى كل مكان
**************
فى امريكا
امير قاعد على راس تربيزة كبيرة وقدامه موظفين الشركه اللى كلهم مصريين
امير:عرفتو المطلوب منكو
الموظفين:تمام يافندم
امير:اتفضلو كل واحد على شغله
الكل خرجو وفضلت بنت خاله ( تقى )
!
(تقى ٢٥ سنه درست ادراة اعمال وبتساعد والدها فى الشركه شخصيتها قويه ومجنونه جدااا وبتحب امير ومن زمان جداا لانها كانت دايما بتابعه على انستجرام وفيس بوك ومعجبه بيه)
تقى:انت ناوي على ايه مع الشركه دى ياامير
امير:هنوقع العقد كمان اسبوع
تقى:تمام
امير:كدا خلصنا شغلنا خلينا نروح لخالو يلا
تقى:يلا
امير:سيبى عربيتك وتعالى معايا
تقى ابتسمت:وانا موافقه يلا
بعد شويا وصلو المستشفى اللى فيها خال امير وراحو لدكتور اطمنو على حالته والدكتور قالهم ان حالته لسه فى خطر وخصوصاا ان عمليه القلب المفتوح عمليه صعبه وهو راجل كبير فى السن وطلعو الاوضه اللى فيها كمال خال امير دخلو الاوضه سواا
امير:اخبار بطلنا ايه النهارده
كمال بتعب ظاهر:بخير ياابنى تعالو
تقى حضنته:عامل ايه يابابا الوقت
كمال:بخير طول مانتى بخير ياحبيبه بابا
امير:الدكتور قال انك مش بتاكل كويس يابطل فى ايه مالك
كمال:اتخنقت من جو المستشفى ده ياولاد عايز ارجع بيتى بقي
تقى:ياحبيبي انت لسه حالتك متحسنتش عشان تخرج
كمال:مافيش الكلام ده انا عايز اخرج وده اخر كلام عندى
امير:بس ياخالو
كمال بعصبيه وبدا يتعب:من غير بس انا مخنوق
امير:خلاص اهدى واحنا هنعملك اللى يريحيك
كمال بتعب:اللى يريحنى انك تمشينى من هنا
تقى بخوف على والدها:حاضر يابابا امير لو سمحت خلص اجراءات الخروج
امير:حاضر
امير خرج من الاوضه وتقى بدات تجهز شنطه والدها وساعدته يغير
****************
فى كليه هندسه وتحديداا فى الكافتيريا قاعدين نورة وفيروز
نورة:امبارح روحت مع عزام لدكتورة
فيروز:وعرفتى ولد ولا بنت
نورة:لسه انا فى الشهر التانى يافيروز
فيروز:سورى اصلى متحمسه اوى
نورة ضحكت:تصدقى وانا كمان مش مصدقه امتى اولد ويبقي بين ايديا
فيروز:انتى عايزة ولد ولا ايه
نورة:بصراحه مش هتفرق معايا اللى يجيبه ربنا نعمه
فيروز:ونعمه بالله
نورة:عقبالك ياروزة
فيروز:يارب
نورة:يلا عشان المحاضرة
فيروز:يلا
*******************
فى المعرض العربيات
عزام:الشحنه هتوصل كمان يومين المخازن جاهزة
يوسف:اه طلبت من محمود يجهزلنا كل حاجه
عزام:الشحنه دى كبيرة يايوسف مش عايزين غلطه
يوسف:ياعم متقلقش والله زيها زى اللى قبلها
عزام:الزفت اللى اسمه شادى ده مافيش اى اخبار عنه
يوسف:كانه فص ملح وداب مالوش اثر
عزام:معقول يكون سافر
يوسف:مراد مكلم كل المطارات ومخرجش من البلد لسه
عزام:انا كل خوفى على البنات واهلنا
يوسف:متقلقش الرجاله قايمين بالواجب وسيبها على الله ياصاحبي
عزام:ونعمه بالله انا كلمت امير وقالى ان خاله حالته صعبه
يوسف:مانا كلمته اطمن عليه وقالى
عزام ابتسم:بس صاحبك رايح جاى مع بنت خاله تفتكر هيرجعلنا متجوز
يوسف ضحك:والله ياريت يفرحنا بقي
عزام:يارب
يوسف:هروح امر على المحل كدا عشان اروح اجيب فيروز من الكليه
عزام:هخلص الشغل ده وهروح اجيب نورة بردو
يوسف:تمام ياصاحبي
يوسف مشي وعزام كمل شغل
*****************
فى امريكااا
امير وصل بالعربيه عند فيلا خاله ونزل من العربيه بسرعه ولف ساعده ينزل من العربيه وسنده هو وتقي لحد مادخل الفيلا وطلع الاوضه بتاعته وامير ساعده ينام على السرير
كمال بتعب:سبينى مع امير شويا يابنتى
تقى:فى حاجه يابابا
كمال:ريحينى ياحبيبتى
تقى:حاضر
تقى خرجت من الاوضه وقفلت الباب
امير:خير ياابو كمال
كمال:تعالى اقعد جمبي يابنى
امير باستغراب قرب وقعد جمبه:مالك ياخالو
كمال:انا حاسس انى خلاص يابنى مش هعيش كتير
امير:متقولش كدا ياخالى فى ايه مالك
كمال:خايف على تقى يابنى عايز اطمن عليها قبل مااموت
امير:بعد الشر عليك ياابو كمال اهدى وارتاح انت الوقت ونكمل كلامنا بعدين
كمال:سبنى اخلص كلامى ونبي يابنى
امير:اتفضل
كمال:هطلب منك طلب وتنفذه ليا
امير:طلب ايه
كمال بصله اوى .......
**********
تقى قاعده فى رسيبشن الفيلا لاقت امير نازل من على السلم وخرج برا الفيلا وبعد شويا دخل ومعاه راجل كبير فى السن
امير:اتفضل ارتاح ودقايق وهنجيلك
تقى قربت من امير وهمست:مين ده ياامير
امير:اطلعى لوالدك ياتقى وانتى تعرفى كل حاجه
تقى بقلق:فى ايه ماله بابا
امير:متقلقيش ياتقى هو كويس اطلعى لانه عايزك
تقى:حاضر
تقى طلعت وامير افتكر كلامه مع خاله
••فلاش باااك••
كمال:هطلب منك طلب وتنفذه ليا
امير:طلب ايه
كمال بصله اوى:ابعت هات الماذون واكتب على تقي يابنى
امير:انت بتقول ايه ياخالى
كمال:ريح قلبي يابنى انا خايف عليها لانها لوحدها وملهاش حد اتجوزها عشان تبقي معاك وفى حميتك وكمان عايزك تصفى كل الشغل اللى هنا عشان نرجع مصر عايز ادفن فى بلدى مع حبيبتى
امير:بس ياخالى
كمال بتعب:ريحنى يابنى والله بنتى مافيش فى طيبتها هى مجنونه بس والله طيبه ولو حصلى حاجه هتبقى لوحدها وانا خايف عليها وانا مش هأمن عليها غير معاك لانى عارف انها بتحبك
امير بصله بصدمه
كمال:اه يابنى تقى بتحبك ومن زمان كانت دايما تتفرج على صورك اللى بتنزلها ولما عرفتك انك هتخطب كانت حزينه جدااا
موافق تتجوز بنتى ياامير
امير:موافق ياخالى
••بااااااك••
امير افتكر كل الموافق اللى مرت بينه وبين تقى من وقت ماجه امريكاا وهو اصلا معجب بشخصيتها جداااا ومش مضايق من قرار خاله
***********
فى اوضه كمال
تقى بتعيط:ليه تعمل كدا يابابا ليه
كمال:عشان عايز اطمن عليكى ياحبيبتى
تقى:تقوم تطلب منه يتجوزنى وانت عارف انه كان بيحب البنت اللى كان هيخطبها
كمال:بالعكس امير شالها من راسه من زمان من وقت ماتجوزت ياحبيبتى
تقى قامت وقفت:بس انا مش موافقه على الكلام ده يابابا
تقى قامت من على السرير ولسه هتخرج
كمال تعب وحط ايده على قلبه وهمس بضعف:تقى
تقى لفت وشافت حاله ابوها خافت وجرت عليه:بابا مالك ياحبيبي انا اسفه والله .. بابا انت كويس ... هعمل اللى حضرتك عايزه والله
اميييييييييير
كمال بتعب:انا كويس يابنتى
امير طلع يجرى لما سمع صوت تقى:فى ايه ماله خالى
تقى وهى بتعيط:مش عارفه
كمال بتعب:انا ... كويس فين الماذون يابنى
امير:تحت
كمال:خليه يطلع يلا
امير:حاضر
امير نزل نادى على الماذون وواحد من الحرس وطلع والماذون بدا يكتب الكتاب والحارس وكمال شهدو على العقد وامير وتقى مضووو
الماذون:برفاء والبنين ان شاء الله
امير:شكرااا يامولانا ... عادل روح مع الشيخ
عادل الحارس:حاضر ياباشا
كمال:ريحتو قلبي ياحبايبى
تقى بتعيط:بابا انت كويس خلينا نروح المستشفى احسن
كمال:انا كويس ياحبيبتى عايز انام شويا بس
امير:سيبى خالى يرتاح شويا ياتقى وتعالى نخرج
تقى:حاضر
تقى وامير خرجوو وكمال غمض عينيه وناام
وتقى راحت على اوضتها من غير ماتتكلم مع امير وغيرت ونامت وامير راح اوضته اشتغل شويا ورجع نام
***************
عزام ويوسف وصلو قدام الكليه فى نفس الوقت والاتنين نزلو من العربيات
عزام قرب من يوسف:كلمت نورة وقالت خارجين اهو
يوسف:انا مشيت الحرس بدام احنا معاهم
عزام:تمام
بعد شويا خرجو البنات وقربو من الشباب ونورة حضنت يوسف
يوسف:عامله ايه يانوارة قلبي
نورة:بخير ياچو والله
يوسف:حبيبه خاله عامل ايه
نورة:حلوه الحمدلله
فيروز:وانا شفافه يعنى ولا ايه طب عبرنى طيب
يوسف ضحك وحاوط فيروز وقربها منه:دانتى قلبي ي قلبي
فيروز:حبيبي ياچو
عزام شد نورة عليه:انا هسيبكو فى وصله العشق الممنوع ده وماشي سلااام
نورة ضحكت:يلا سلام
فيروز:سلام
عزام ونورة ركبو العربيه ويوسف وفيروز كمان
**********
فى عربيه عزام اللى سايق وهو ماسك ايد نورة
عزام:تعرفى انك وحشتينى اوى
نورة:حبيبي وانت كمان
عزام ساب ايدها وحط ايده على بطنها:حبيبه ابوها عامله ايه
نورة ضحكت:زى الفل...بس اشمعنا بنت مش يمكن يبقي ولد
عزام:تؤ بنت وهتبقي شبهك كمان
نورة:يمكن يبقي ولد وشبهك
عزام بصلها وابتسم:ويمكن الاتنين
نورة بفرحه:تؤام يعنى
عزام:الله اعلم.... بس اللى يجيبه ربنا كويس والاهم من ده كله انه هيبقي حته منك
نورة قربت منه وسندت راسها على كتفه:حبيبي ربنا يخليك ليا
عزام باس راسها:ويخليكى ليا يانور حياتى
*************
يوسف وفيروز وصلو الفيلا
فيروز:سلامعليكووووووو
هناء ضحكت
صفاء:مافيش امل انها تتغير انا عارفه
يوسف حضن فيروز:بردو بحبها
نيرة:ياسيدى ياسيدى
فيروز:انا شامه ريحه محشي ده صح
هناء:اه ياحبيبتى يلا اطلعو غيرو وانزلو على مانحضر السفره
فيروز:فوريرة
يوسف وفيروز طلعو جناحهم يغيرو وبعد شويا نزلو اتغدو سوااا
**********
فى مكان اول مرة نزوره فى بيت قديم فى الصحرا
قاعد شادى وشعره ودقنه طوال جداا وقاعد قدامه راجل رعد دراعه اليمين
شادى:يعنى بيروحو الكليه كل يوم
رعد:ايوا ياباشا بس عليهم حراسه يااماا واكتر الاوقات بيروح عزام ويوسف ياخدوهم
شادى:كل ده ميفرقش معايا عايزهم الاتنين عندى مانا لازم انتقم من ابن الصياد وابن الشرقاوى على اللى عملو فيا وانى هفضل هربان طول عمرى
رعد:اؤمرنى ياباشا
شادى بصلها اوى وبدا يقوله اللى المفروض يعمله
رعد قام وقف:اعتبره حصل ياباشا
رعد خرج وشادى ابتسم بخبث:واخيراااا......
تعليقات
إرسال تعليق