رواية خيوط الحب الفصل السابع وعشرون والثامن وعشرون بقلم الكاتبه جنات حصريه وجديده على مدونة موسوعة القصص والروايات
رواية خيوط الحب الفصل السابع وعشرون والثامن وعشرون بقلم الكاتبه جنات حصريه وجديده على مدونة موسوعة القصص والروايات
بليل فى فيلا عزام اللى بيعوم فى حمام السباحه اللى فى الجناح ونورة قاعده على الحافه ورجليها فى الميا
نورة:عزام
عزام وقف وبصلها
نورة:عايزة انزل الميا
عزام عام وقرب منها وسند بدراعه على رجليها:كان نفسي بس انتى حامل يانورة
نورة:مش هتحرك كتير والله عشان خاطرى
عزام:هتنزلى كدا
نورة بصت على هدومها اللى كانت عبارة عن قميص بيتى لحد الركبه وبحملات رفيعه:وفيها ايه
عزام بغمزة:اللى اعرفه ان البيسين بيتنزل فيه بمايوه
نورة برقت:لا طبعااا خلاص مش عايزة انزل
عزام ضحك وشالها من خصرها ونزلها الميا براحه ونورة حاوطت رقبته وكانت فرحانه
عزام:شكلك بتحبى البحر
نورة:جداااا
عزام:مانا عارف هو انتى كنتى بتطلعى من الميا طول ماحنا فى المالديف
نورة بصت فى عينيه:وااو ياعزام دى كان احلى شهر قضيته فى حياتى
عزام قرب من وشها:اولدى انتى بس وهاخدك ونلف العالم كله
نورة:والبيبي هنسيبه فين
عزام:ونسيبه ليه هناخده معانا طبعااا مستحيل اروح مكان من غيره
نورة حضنته:عزام انا بحبك اوى اوى
عزام:وانا بعشقك ياقلب عزام ... يلا نطلع بقي
نورة:شويا كمان ونبي
عزام عام بيها لحد السلم وشالها:لا كفايه عليكى كدا
عزام شالها ودخل الاوضه وغيرو ونامو الاتنين فى حضن بعض
*****************
عند يوسف اللى نايم على السرير وفيروز فى حضنه
فيروز:مش يمكن يكون سافر برا مصر
يوسف:لا مخرجش من البلد
فيروز:كنت ادى لعمى مبلغ محترم وكان هيعترف عليه
يوسف:ميعرفش هو فين ورقابنا رقمه مش بيكلمه ومكلفين واحد مرقاب بيته بردو
فيروز:شادى ده شيطان يايوسف ربنا يبعده عننا
يوسف:هو احنا هنقضي وقتنا فى الكلام عن شادى وزفت
فيروز:اومال نتكلم عن ايه ياچو
يوسف:نقول انك وحشانى مثلاا
فيروز:وحشاك ايه يايوسف انا معاك على طول
يوسف:بردو وحشانى ياقمرى بقولك ايه
فيروز بصتله:نعم
يوسف:ماتيجى اقولك حاجه مهمه جداا
فيروز:لازم الوقت يعنى
يوسف:بقولك موضوع مهم لا يستعدى التأجيل
فيروز دخلت جوه حضنه بكسوف
يوسف:استعنا على الشقا بالله
يوسف قرب منها واخدها لعالم خاص بيوسف الصياد
************
صباح يوم جديد فى اميركاا
تقى صحت غيرت ولبست حجابها وخرجت من اوضتها نزلت كان امير قاعد فى الريسبشن
امير اول لما شافها قام وقف:صباح الخير
تقى:صباح الخير
امير:تقى انتى كويسه
تقى:كويسه ياامير
خرجت من المطبخ سعاد الداده:الفطار جاهز يابنتى
تقى:حضرى الفطار لبابا لدادة
سعاد:حاضر يابنتى
تقى لسه هتطلع
امير:تقى مش هتفطرى
تقى:هطلع اطمن على بابا
تقى طلعت وراحت على اوضه ابوهاا فتحت الباب ودخلت كان كمال نايم على السرير مكانه
تقى قعدت جمبه:بابا حبيبي اصحى عشان تفطر وتاخد علاجك....قوم بقي ياابو كمال انا جعانه وعايزة افطر معاك بقي
كمال نايم مش بيتحرك تقى بلعت ريقها بخوف وهزته براحه:بابا ... بابا رد عليا ونبي
تقى قامت وقفت وهزت بقوة:بابا ... يابابا ونبي رد عليا انا ماليش غيرك يابابا
تقى كانت هتجنن من الصدمه صرخت باعلى صوت:بااااااباااااااااا
امير طلع جرى لما سمع صوتها ودخل الاوضه كانت تقى حاضنه كمال وبتعيط:قوم يابابا ونبي عشان خاطرى يابابا
امير واقف مصدوم مش مستوعب اللى بيحصل وفاق على صوت تقى اللى بتعيط قرب منها وشدها بعيد عن خاله وحط ايده مكان النبض وغمض عينيها بحزن ولف لتقى اللى واقفه عينيها على والدها وبتعيط وقرب منها:تقى لازم تهدى شويا ده قضاء ربنا
تقى عيطت اكتر:بابا سابنى لوحدى مبقاش ليا حد
امير شدها لحضنه:انا معاكى لاخر نفس فى عمرى ياتقى
تقى فضلت تعيط فى حضن امير:احنا لازم نجهز عشان ننزل مصر
تقى بعدت عنه وبصتله:مصر ليه
امير:خالى اتكلم معايا امبارح وطلب منى اصفى كل الشغل اللى هنا وننزل مصر وكمان طلب لما يتوفى يتدفن فى مصر مع والدتك الله يرحمها
تقى حطت ايدها على وشها وعيطت جامد وامير مقدرش يشوف حالتها دى وقلبه وجعه عليها وقرب منها وشدها لحضنه وتقى عيطت اكتر
******************
امير عمل كل الاجراءات عشان ينقل خاله لمصر وكلم يوسف وقاله يجهز كل حاجه عشان الدفن
يوسف كلم عزام وراحو عشان يخلصو كل حاجه لان امير هيوصل صباح اليوم الجديد
ويوسف قال لفيروز ونورة وهناء وصفاء يروحو عشان يكونو مع تقى لانها لوحدها وملهاش حد
****************
تانى يوم عزام ويوسف راحو المطار واستقبلو امير وكانو مجهزين كل حاجه عشان نقل كمال وراحو على المسجد ووصلو الضهر وصلاه جنازة والبنات كانو مع تقى ومسبوهاش ابدااا لان حالتها كانت صعبه جداا
وخرجو من المسجد والكل ركبو العربيات وراحو على المقابر وتم الدفن وسط انهيار تقى اللى كانت هناء اخداها فى حضنها مسبتهاش
بعد وقت كبير كان الكل متجمعين فى فيلا يوسف وتقى اللى حالتها صعبه
يوسف:هتروح فين الوقت ياامير
امير:هروح على شقتى
هناء:خلاص يابنى سيب تقى معانا هنا هتروح فين لوحدها
يوسف:خليها هنا مع فيروز
امير:تقى مراتى يايوسف
عزام:مراتك
امير:خالى كانه كان حاسس باللى هيحصل وطلب منى اكتب كتابي انا وتقى عشان يطمن عليها واصفى كل الشغل وانقله مصر وهو اللى طلب انه يدفن هنا
صفاء:ربنا يرحمه يارب
الكل:يارب
امير قام وقف:يلا ياتقى
فيروز:شكلها تعبانه جداا طب خليها معانا النهارده بس
امير:لو حابه تفضلى هنا ياتقى خليكى معاهم
صفاء:خليكى ياحبيبتى معانا
تقى:حاضر
عزام:همنشي احنا بقي
امير:وانا كمان
عزام ونورة وامير خرجو وفيروز اخدت تقى على اوضه الضيوف وجابتلها بجامه وفيروز ساعدتها تغير وتنام ولما اتاكدت انها نامت خرجت من الاوضه
****************
صباح يوم جديد تقى صحت ولسه نايمه على السرير وباصه لسقف وبتعيط الباب خبط ودخلت فيروز:صباح الجمال
تقى قامت قعدت ومسحت دموعها:صباح الخير
فيروز قعدت جمبها على السرير:تقى انا عارفه ان الموضوع مش سهل عليكى ومش هقولك متعيطيش واجمدى والكلام ده .... بس هقولك ان ده قضاء ربنا ياحبيبتى وبعدين انتى قولتى انه كان تعبان جداا حتى بعد ماعمل العمليه تعبه زاد يعنى هو كدا ارتاح ياتقى وربنا رحمه من التعب اللى كان فيه اكيد كان ياحبيبي بيتعذب من الالم صح
تقى هزت راسها باه وهى بتعيط
فيروز:يبقي تدعيله برحمه ياتقى وبعدين هو الوقت فى مكان احسن مننا بمليون مرة وكمان مع حبيبه قلبه اللى طلب يدفن معاها واكيد الاتنين فرحانين انهم اتقابلو بعد الوقت الطويل ده يلا قومى ادخلى الحمام واتوضى وصلى ركعتين الصبح وادعيلهم ياتقى وخلصى وانزلى عشان نفطر سواا وااااه امير تحت من بدرى وهيموت ويطلع يطمن عليكى بس قولتله انك نايمه
تقى غصبن عنها ابتسمت
فيروز:ايوا كدا خلى الشمس تطلع يلا قومى وانا هجبلك هدوم من عندى
تقى:بجد شكراا ليكى على كل اللى بتعمليه عشانى
فيروز:اخص عليكى ياتقى انا بجد حبيتك من اول ماشوفتك وياستى اعتبرينى اختك صاحبتك اللى تحبيه
تقى حضنتها:احلى اخت والله
فيروز:يلا ادخلى الحمام
تقى:حاضر
فيروز خرجت من الاوضه وتقى دخلت الحمام واتوضت وخرجت من الحمام كانت فيروز جابتلها اسدال وطقم وسابتهم على السرير
تقى لبست الاسدال وصلت ركعتين الصبح ودعت لباباها ومامتها وخلصت وغيرت لبست الطقم اللى جابته ليها فيروز ولفت طرحتها ونزلت كان الكل قاعدين فى الريسبشن
تقى:صباح الخير
الكل:صباح النور
هناء قربت منها:صباح النور ياحبيبه قلبي يلا تعالى عشان نفطر كلنا سوا
تقى:حاضر
الكل قامو وراحو على السفرة وفضل امير اللى قرب منها:عامله ايه الوقت ياتقى
تقى:الحمدلله
امير:تقى انا عارف ان الموضوع صعب بس ده قضاء ربنا مش هنقدر نعترض
تقى:عارفه ونعمه بالله
امير:يلا عشان نفطر انتى ماكلتيش حاجه من امبارح
تقى:يلا
الكل راحو فطرو سواا وبعدها امير خرج مع يوسف وفيروز اللى قررت متروحش الكليه عشان تفضل مع فيروز وعزام وصل نورة اللى جت عشان تبقي مع فيروز وتقى
*****************
بعد ه شهور
تقى اللى بقت احسن عن الاول وطلبت من امير انه يستثمر فلوس والدها فى معارض العربيات ويبقي شريك مع يوسف وعزام اللى رحبو جداا بالموضوع
امير اللى قرر ان تقى تفضل عايشه فى فيلا يوسف لحد مايعمل فرح بعد سنه من معاد وفاة خاله وده فرح تقى جدااا
فيروز اللى عرفت انها حامل وفى الشهر التالت والعيله كلها كانت فرحانه بالخبر ده
وكمان بتنزل الكليه وبتدرب فى شركه عزام
نورة اللى بقت فى الشهر السابع وعرفت انها هتجيب تؤام ولد وبنت وده فرح عزام جداااا اللى رفض ان نورة تنزل الكليه مرة تانيه وانها هتنزل على الامتحانات بس
شادى اللى فى حاله غضب شديد عشان مش قادر يوصل لفيروز اللى عليها حراسه شديده جدااا طول الوقت ونورة اللى مبقتيش تخرج من الفيلا غير مع عزام وبس ......
&&&&&&&
اسفه انى اتاخرت عليكم كان عندى مشكله فى النت♥️♥️
🌹🌹🌹🌹🌹🌹🌹
روايه خيوط الحب
««الفصل ٢٨»»
فى احد الايام بليل تقى نزلت من عربيه وهى لابسه دريس رقيق جداا بلون الاسود اللى هى رفضه تقلعه جابه ليها امير وطلب منها انها تلبسه وتقبل عزومته على العشاا وهى كانت فرحانه جدااا
نورة دخلت المطعم كان امير واقف فى استقبالها وشايل بوكيه ورد بلون الاحمر وقرب من تقى واداها البوكيه
امير:تعرفى ان شكلك قمر اوى
تقى بخجل:مرسيي
امير مسك ايدها ودخلو المطعم اللى ماكنش فيه حد ومتزين بورد والبلالين والشموع وتقى كانت مبهورة من اللى هى شيفاه
امير مسك ايدها ومشي لحد التربيزة اللى متزينه وشد ليها الكرسي وتقى قعدت وحطت البوكيه على التربيزة وامير راح قعد قدامهااا
تقى:شكرا بجد ياامير على كل اللى بتعمله عشانى
امير:انتى مراتى ياتقى لو اطول اجبلك نجوم السما هعملها
تقى:ربنا يخليك ليا
فضلو يتكلمو كتير واكتشفو حاجات كتير مكنوش يعرفوها عن بعض واتعشو سواا واشتغلت موسيقى رومانسيه وامير قام وقف:تسمحيلى برقصه دى
تقى ابتسمت:طبعاا
تقى قامت وامير اخدها لمكان المخصص لرقص ورقصو سواا وامير بص فى عينيها:تقى انا بحبك
تقى بصتله بصدمه:قولت ايه
امير مسك كف ايدها ولفها اكتر من لفه وشدها لحضنه تانى:قولت انى بحبك ياتقى
تقى ابتسمت بحب
امير:عايزة اسمعها منك ياتقى زى مابشوفها فى عينيك
تقى بصتله بحب:انا بعشقك مش بحبك ياامير ومن زمان جداا
امير فجاه اشتالها ولف بيها كتيرر وتقى كانت فرحانه جداااا والاغنيه خلصت وراحو قعدو
امير:اول حاجه عايزها منك انك تقلعى الاسود الحزن فى القلب مش باللبس ياتقى وخالى لو معانا مش هيبقي مبسوط بحالتك وحزنك ده هو دايما كان بيحب يشوفك فرحانه وقويه مش كدا
تقى مسحت دمعه نزلت من عينيها:صح
امير:صح عزام قالى اعرفك لو حابه تنزلى تشتغلى فى الشركه بتاعته
تقى:فكره حلوة بردو وخصوصا ان فيروز بتدرب فيها
امير:ونورة احتمال تنزل معاكو كمان
تقى:بجد انا حبيتهم جدااا بنات جدعه اوى وكمان هنون وصفصف ونيرو بجد ربنا رزقنى باحلى عيله
امير:وهما كلهم حبوكى كمان .... وانا كمان ربنى رزقنى باحلى واطعم زوجه
تقى:ربنا يخليك ليا ياامير
امير مسك ايدها وباسها:ويخليكى ليا ياروح وقلب امير
*****************
صباح يوم جديد
فى فيلا عزام اللى بيلبس ونورة واقفه معاه
نورة:ياعزام لازم انزل الكليه وبعدين انا زهقانه من القاعده دى
عزام:تنزلى فين يانورة انتى ناسيه انك قربتى تولدى
نورة: اولد ايه ياعزام انا فى السابع لسه بدرى وبعدين مش هيحصل حاجه والله ياعزام عشان خاطرى خلينى انزل مع فيروز مع هى كمان حامل وبتنزل الكليه والشركه
عزام اتنهد:اعملى اللى يريحك يانورة
نورة قربت منه: وانا من امته عملت حاجه تريحنى انا لوحدى ... خلاص لو مش عايزنى انزل مش هنزل ياعزام
عزام:روحى يانورة والحراسه هتكون معاكى
نورة ابتسمت وحضنته:حبيبي ياناس
عزام:انا هنزل عشان عندى اجتماع فى الشركه وهرجع اروح المعرض
نورة:حاضر
*****************
فى الكليه قاعدين نورة وفيروز
فيروز:اخيراا وافق انك تنزلى
نورة:الزن ياحبيبتى الزن
فيروز ضحكت:والله جدعه
نورة:بس عزام خايف عليا يافيروز وانا لازم اقدر خوفه ده
فيروز:صح
نورة:مش هنروح الشركه
فيروز:تقى هتجيلنا ونروح سوااا
نورة:قشطاااا
بعد شويا تقى جت للبنات
تقى قدمت جمبهم:وحشتونى
فيروز ونورة بصولها لانها كانت لابسه سوت كاجول بلون الابيض
تقى ضحكت على منظرهم:مستغربين انى غيرت الاسود صح
نورة:كدا احلى على فكرة باباكى اكيد مكانش فرحان وهو شايفك بالاسود
فيروز:الحزن فى القلب ياحبيبتى
تقى بخجل:امير قالى كدا بردو
فيروز:اميييير قولتيلى
نورة:حصل جديد
تقى ابتسمت:اخيرااا نطق
فيروز ونورة مع بعض:بجد امته
تقى ضحكت:هحكيلكو
تقى حكت للبنات اللى امير عمله عشانها وكانو فرحانين جداا ليها لانهم عارفين هى بتحبه اد ايه
نورة:ربنا يخليكو لبعض
فيروز:ونفرح بيكو بقي
تقى:طب يلا عشان نروح الشركه
البنات قامو وخرجو من الكليه كانت عربيه واقفه
فيروز:ايه ده العربيات فين
تقى:العربيه اهى يابنات
فيروز:دى مش عربيتى
نورة:ولا انا
تقى:لا يوسف بعت معايا عربيه بسواق عشان توصلنا والعربيات التانيه مشوو
نورة:والحراسه فين
فيروز:الحراسه اهى بس واقفين بعيد ليه
السواق نزل من العربيه:يلا اتفضلو لان يوسف باشا قالى متقفوش برا كدا والحراسه هتيجى ورانا
البنات ركبو كلهم فى العربيه سواا
رأفت كبير الحرس شاف البنات ركبو فى عربيه غريبه ومش لاقى العربيات
رأفت كلم الحرس:اركبو بسرعه يلا
عربيه البنات مشت فى طريق الشركه وفجاه العربيه اللى فيها الحراسه عطلت ووقفت وعربيه البنات مكمله طريقها
رأفت:اتصل على السواقين شوفهم فين
واحد تانى:مش بيردو
جربو يتصلو عليهم كتير وهما بردو مش بيردو
رأفت:ازاى مش بيردو
واحد من الحرس:بنحاول مش بيردو
رأفت:لازم اكلم عزام باشا
*****************
فى المعرض كان قاعد يوسف وعزام وامير
امير:الشحنه وصلت ولا لسه
عزام:الشحنه وصلت ودخلت المخازن كمان
يوسف:نركز بقي فى شحنه قطع الغيار
عزام:متقلقش انا اتكلمت مع مدير الشركه وقالى الشحنه واقفه على موافقتنا
امير:ماحنا موافقين ياعم
يوسف:كنا بنستنى نخلص مش شحنه الاولى
فون عزام رن برقم كبير الحرس
عزام:ايه يارأفت
عزام قام وقف مرة واحده:ازاى يعنى اتحرك من غيركو
يوسف:فى ايه ياعزام
عزام:اتصل على الحيوان ده وانا هكلمهم اشوفهم هما فين
عزام قفل ولسه باصص فى الفون
يوسف:فى ايه يابنى
عزام:عربيه الحراسه عطلت والبنات راكبين العربيه مش بتاعتهم
امير:راحو فين يعنى
عزام:رأفت بيقول رايحين فى طريق الشركه
امير:اتصل على حد من البنات
عزام:نورة مش بترد
يوسف:استنى هرن على فيروز وانت رن على الشركه شوفهم وصلو ولا
عزام:حاضر
امير بيرن على تقى ويوسف على فيروز والبنات مش بيردو وعزام كلم الاستقبال وعرف منهم ان البنات موصلوش الشركه
امير:مش انت حاطط جهاز تتبع فى العربيه
يوسف:صح استنى
عزام:هما مش راكبين فى عربيتك ولا عربيتى دى عربيه تانيه
امير:طب شوفو العربيات الاساسيه فين
يوسف طلع فونه وفتح البرنامج عشان يشوف العربيه فين وعزام عمل زيه
يوسف:العربيه راحه فى اتجاه الصحرا
عزام:خليك فاتح ويلا نروح
امير:هنروح فين والبنات اصلا مش راكبين فيهم
عزام نادى بصوت عالى:محمووووود
محمود دخل المكتب بسرعه:نعم ياباشا
اعرفلى نورة هانم فين بظبط من تلفونها
محمود:حاضر ياباشا
*************
عند البنات فى العربيه قاعدين يتكلمو
فيروز بصت من الشباب:ايه ده احنا عدينا الشركه انت رايح فين
السواق.....
نورة:احنا بنكلمك على فكرة
تقى:الله انت اطرش ولا ايه
السواق لف بصلهم ورش بخاخ على وشهم والبنات صوتو وخلال ثوانى كانو فقدو الوعى
*************
فى المعرض
دخل محمود المكتب:عرفنا المكان ياباشا والبنات كلهم سوا وشكلهم فى عربيه وبيتحركو ناحيه الصحراا
عزام اخد مفاتيحه وخرجو من المكتب:محمود ابعتلى اللوكيشن وهات الرجاله وتعالو ورانا
محمود:حاضر ياباشا
الشباب خرجوو بسرعه وركبو عربيه يوسف
يوسف ومحمود بعت اللوكيشن لعزام ويوسف اتحرك بسرعه بالعربيه ومحمود كلم الحراسه ورأفت واتحركو ورا عزام
***********
فى المخزن فى صحرا اللى فيه شادى
دخل رعد:البنات برا ياباشا ومعاهم مرات امير كمان
شادى:وماله زياده الخير خيرين...عملت زى ماقولتلك
رعد:اه ياباشا رميت شنطهم فى منطقه بعيده عن هنا
شادى:حلو اوى دخلهم الاوضه جواا على مايفوقو
رعد:حاضر ياباشا
رعد خرج من عند شادى وراح على العربيه اللى فيها البنات وشال فيروز على كتفه ودخلها الاوضه ورجع شال نورة وحطها على السرير براحه لانها حامل ورجع شال تقى وحطها على الارض جمب فيروز وقفل الاوضه عليهم
******************
عند الشباب وصلو مكان مقطوع مافيش فيه بيوت ولا حتى ناس ونزلو من العربيه ومحمود ورأفت نزلو مع الحرس وانتشرو فى المكان
وكان شنط البنات مرمين على الارض
عزام بعصبيه:ولاد ال🐶
يوسف:معقول يكون شادى
امير:بس شادى جبان جداا ولما يعمل كدا اكيد هيتعرف هو فين وهيتحبس
عزام:اكيد فى حاجه فى دماغه
محمود قرب من عزام:عزام باشا المكان مقطوع مافيش فيه قطه
يوسف اتعصب وضرب عجله العربيه برجله
امير:انا هكلم مراد يمكن يقدر يساعدنا
عزام:كلمه بسرعه
يوسف:واحنا هنروح فين الوقت
عزام بعصبيه:مش عارف
يوسف:نورة وفيروز حوامل انا هتجنن
عزام:ورحمه امى لو فكر يمس شعره بس منهم هيكون اخر يوم فى عمره
امير قرب منهم:كلمت مراد وهيشوف الكاميرات عشان يتابع سير العربيه
يوسف:تقى خرجت من الفيلا واكيد ركبت العربيه دى من هناك
عزام:صح خلينا نرجع الفيلا ونراجع الكاميرات وانت ياامير هتروح لمراد وتروحو الكليه وتراجعو الكاميرات
امير:تمام
عزام ويوسف ركبو العربيه وراحو على الفيلا وامير ركب العربيه اللى فيها رأفت وراحو على الكليه
*************
فى فيلا يوسف اللى قاعد على كرسي المكتب وقدامه اللاب وشاف العربيه اللى ركبت فيها تقى واخدو رقمها
يوسف:كلم مروان صاحبنا اللى فى المرور نشوف العربيه دى تبع مين ويعرفلنا خط سيرها
عزام:حاضر
عزام كلم مراون وقاله على الرقم
ويوسف كلم امير وعرف منه ان البنات ركبو نفس العربيه وان العربيه مشت من طريق الشركه ومن بعدها مافيش كاميرات جابتها
***************
بليل عند البنات
تقى بدات تفوق ولاقت نفسها مرميه على الارض وجمبها فيروز
تقى اتحركت بصعوبه وقربت من فيروز وبدات تفوقها
تقى بتخبط على خدها براحه:فيروز ... فيروز فوقى يافيروز
فيروز بدات تفتح عينيها:اااااه راسي وجعانى
تقى:انتى كويسه
فيروز:اه فين نورة
تقى بصت لاقتها نايمه على سرير فى اخر الاوضه قامت بسرعه وقربت منها:نورة ... نورة فوقى يانورة
فيروز قامت بصعوبه وقربت منهم:نورة
تقى بصت لفيروز بخوف:هى مش بتفوق ليه
فيروز:اهدى اهدى مافيش ميا هنا
تقى بصت فى كل الاوضه لاقت ازازة ميا واقعه على الارض جابتها واديتها لفيروز اللى فتحتها وكبت شويا على ايدها ومسحت على وش نورة مرة وتانيه واخيراا فاقت نورة
فيروز:نورة انتى كويسه ياحبيبتى
نورة بتعب:راسي وجعانى اوى
تقى:احنا فين ومين الراجل اللى رش علينا مخدر ده
فيروز:مش عارفه
الباب اتفتح والبنات حضنو بعض بخوف ودخل شادى:نورتووو ياغاليين
نورة وفيروز:شااااادى....
&&&&&&
تعليقات
إرسال تعليق