مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 رواية كبرياء ابنة الخادمة الفصل الحادي عشر والثاني عشر والثالث عشر والرابع عشر  بقلم سحر السحرتي 

رواية كبرياء ابنة الخادمة الفصل الحادي عشر والثاني عشر والثالث عشر والرابع عشر  بقلم سحر السحرتي 

كبرياء ابنة الخادمه

الحلقه 11

: قتلتها بجبني ..... قتلتها باني عمري ما كنت راجل او زوج لها ولبنتها .... كل ده عشان كنت خايف منك لكن دلوقتي لا  ..... هقولها لكل الناس وفي وشك حلا بنتي من فاديه ... اللي كانت بتخدم جوزها بكل حب واخلاص وانا عملت لها ايه  .... شفتها بتضرب وتتهان هي وبنتها و اتشليت ما عملتش حاجه ماتت بقهرتها مني 

*شاهنده مسكت في هدومه

 :انت بتتجوز عليا انا  .... وكمان من شغاله و بتخلف منها 

*الراجل يا عيني ما قدرش بقى له 25 سنه مطاطي مصدق خرج من القمقم اللي كان عايش فيه  .... نزل ايديها وضربها يمين شمال كام قلم على ما استوعب سامح ومسك ابوه يبعدوا عن امه  .... وهنا عيطت وجابت منديل مسحت لامها الدم اللي نزل من شفايفها

*انا طبعا حالتي اعجز عن وصفها بحاول استوعب ابويا رجع من الموت امتى واربط الاحداث ببعض من اول ما كنت طفله 

بقلمي سحر السحرتي 

*شوشو بتزعق : انت بتضربني يا 

*كانت لسه هتكمل صرخت صرخه هزت ارجاء الفيلا واتكلمت باعلى صوت

 :باااااس انت كل همك انه اتجوز عليك مش شايفه حجم الكارثه اللي عملها  ..... بسبب سوء معاملتك له و تكبرك وغرورك راح ضحيتها امي وانا  .... ده جاب مراته تشتغل عندك خدامه وكان بيشوف اهانه بنته منك وساكت  .... كان بيعطف عليا وكأني شحاته مش ده دورك كاب يا ليل  اسود انا كنت يتيمه وابويا عايش

: يا بنتي اسمعي القصه مش زي ما فهمتي كده

*اتكلمت بغضب رهيب وعيني بتبرق بطريقه مرعبة

: بنتك ما تقولش الكلمه دي بقى لي 19 سنه يتيمه وانت ميت بالنسبه لي و هتفضل كده  .... مش عايزه اعرف حكايات ولو كانت امي لسه عايشه كنت هحاسبها ازاي تقبل بوضع زي ده و ازاي تتنازل عن حقي ....  لكن انا مش هتنازل عن حقي بعد كده  .... هتعترف بيا قدام الناس كلها 

شاهنده بغضب عارم  : ده بعدك انا اقتله لو فكر يعمل كده 

*شافت واحده من الغضب وشها احمر لدرجه انها بقت شبه القنبله اللي على وشك تنفجر في وشها بلعت لسانها

 :انت تسكتي خالص لو سمعت صوتك هخليك دراسه  لدكاتره التجميل بيحاولوا يفهموا لسانك ازاي لف حوالين رقبتك  وفردة عين من عينك الاثنين طلعت بقت في وسط راسك اخرسي

 سامح  :حلا اهدي يا حبيبتي كل اللي انت عايزاه هيعملوه وانا معاكي وفي ظهرك عمري ما هقبل تتظلمي تاني

*ما حسيتش غير وانا راميه نفسي في حضنه و بعيط بشده يمكن قلبهم اتقطع من طريقتي 

:انا كنت حاسه انك الوحيد اللي ليا في الدنيا  ... فهمت دلوقتي وانت بتقول لي انا اخوك مهما حصل ... بس ليه ما قلتش 

:كنت عايزك تستردي صحتك النفسيه اللي دمروها عشان تقدري تستحملي اللي انت هتعرفيه وبعدين داداه فاديه اتوفت فكنت مستني ياخد اي خطوه ...  بس للاسف ما كانش قدامنا غير الطريقه دي 

شاهنده : انت معايا ولا مع بنت الخدامه

 :لو سمحت يا امي حلا اختي وواضح ان طنط فاديه كانت بتخدم في بيتها فما تقوليش ثاني انها خدامه

: بيت مين ده بيتي انا

 :بيت بابا يبقى بيت مراته وبنته دي حقيقه بلاش تنكريها .... زي ما كنت بتنكري ان حلا اختي في الرضاعه واهي طلعت اكثر من كده بكثير و استوعبي الصدمه لان حلا هتقعد هنا معانا

: تقعد فين

: استنى يا سامح سيب الطلعه دي ليا انا  ..... انا مستنياها من زمان قوي  .... شوفي يا مرات ابويا انا كان ممكن اقع وافقد الوعي واتنح زي المره اللي فاتت من الصدمه  ..... بس سامح اخويا حبيبي .... سامعه اخويا ...  وداني عند دكتور شاطر علمني ان اي صدمه بدل ما اسيبها تكسرني اخليها تقويني ....  وكنت فعلا همشي حالا .... بس ده حقي ومتمسكه بيه  ...فهقعد على قبلك  .. وهتشوفيني ... يوميا على السفره وفي كل ارجاء الفيلا هتشوفيني ..داخله ..خارجه... بنجح ... وبتفوق 

:مش ممكن هتقعدي هنا يا انا يا انت 

بقلمي سحر السحرتي 

*المره دي بابا رد :اللي تشوفيه 

*اتصدمت من استسلامه المستمر بس كمل وعيونه مليانه غضب لشاهي 

:هي اللي هتقعد حابه تمشي مع السلامه عايزه تقعدي في الملحق بتاع فاديه اكيد حلا مش هتمانع هي طول عمرها طيبه زي امها انت

*شاهي بتحاول تستوعب الصدمات اللي ورا بعض أولهم جواز بابا وأنه هيعترف بيا وضربه لها واخيرا طرده ليها من غير عينه ما تطرف

:بتطردني من بيتي

*رد عليها ببرود استفزها

: انت بتخيريني وانا اخترت بنتي اللي غلطت في حقها هي وامها سنين طويله ...  ولو رجع بيا الزمن كنت اخترت اعيش معاهم في شقه الحاره ... انت ما تعرفيش الساعه اللي كنت بقضيها مع فاديه  كنت ببقى سعيد ازاي كانت بسنه معاكي ... كانت ست طبعا انت ما تعرفيش من معنى الكلمة دي غير اللبس والسيطرة .... كانت محسساني ان انا الراجل بتاعها .... وان انا حاميها وان انا فوق راسها ما كانتش عمرها بتقول لي لا كل كلامها حاضر وطيب و اوامرك مش زيك انت

*وزقها بصوابعه في صدرها

*بصلي وقال لي بدموع

 :انا عارف ان هيجي يوم تسامحيني لانك واخده قلبها الطيب وهي ما كانش في اطيب منها عمرها ما زعلتني ... كفايه قبلت تخدمني وتخدم مراتي و اولادي  .... كانت بتهتم بالدواء والاكل بتاعي في الوقت اللي المتعجرفه دي عمرها ما بصيت لي بصه حب 

بقلمي سحر السحرتي 

*بصيت له انا كمان ودموعي في عينيا

:تفتكر يا محمد بيه ان ممكن اسامحك بعد كل اللي عملته فيا انا وامي .... عارف اليوم اللي رحت فيه المصحه قبلها بكام ساعه كنت بعمل ايه وكان ممكن اوصل لايه اكيد هي او سامح حكولك ....  كنت هشتغل في الدعاره فضلتها على غسيل الحمامات  ..... الوقت ده سامح اللي لحقني اللي كان المفروض انت اللي تلحقني وانت اللي تدافع عني وتقف في وش مراتك وتقول لها لا حلا بنتي هتدخل كليه الطب وتحقق حلمها وده حقها عليا

: حقك عليا يا بنتي اعتبري اني كنت عاجز و مشلول من الخوف ربنا ما يكتبه على حد ده مر قهر الرجال .... اديني فرصه اعوضك قبل ما اقابل والدتك لاني حاسس انه اليوم ده قرب قوي 

*تخيلته فعلا ممكن هيحصلها من قسوتي عليه وخصوصا ان شاهنده مش هتفوت الحقيقه اللي اتكشفت واكيد ناويه تنتقم لكرامتها منه .... قلت اكيد امي حبته لدرجه فوق الوصف عشان تقبل بكل اللي مرت بيه ..... وحسيت ان ربنا بيعوضني عن فقداني لامي بأنه رجع لي ابويا اللي اتحرمت منه طول عمري

*تقولوا عليا هبلة أو عبيطة بس الحرمان من حنان الاب كان قاتلني

*لقيتني زي الهبله بجري عليه واترميت في حضنه واقول له 

:بعد الشر عليك يا حبيبي انا بحبك من زمان وكنت بتمناك تكون ابويا يمكن دي الحاجه الوحيده اللي كان نفسي تبقى عندي زي هنا وسامح بلاش تبعد عني انت كمان ماما سابتني مسامحاك .... لكن لو سبتني مش هسامحك 

*ضحك سامح لكنه ما استغربش رد فعلي وقال لي

 :يا هبله يا عبيطه انا كنت مفكرك هتعذبيه على ما تسامحيه

: الدكتور قال لي الايام قصيره قوي بلاش اضيعها في الزعل  ..... خلاص يا بابا من اللحظه دي هنبدا صفحه جديده ومش هطلب منك تطرد مرات ابويا ولا ايه يا طنط

بقلمي سحر السحرتي 

: طيب يا محمد لو مفكر اني هسيب لك البيت تتهنى بيه انت وبنتك تبقى بتحلم

 :بقول لك يا مرات ابويا الكلمه هنا بقت كلمتي كفايه 25 سنه اخذتي فرصتك كفايه كده ... بس ما تقلقيش مش هبقى صوره منك هغير شويه حاجات منها  قائمه الاكل كانت دائما بتضايقني ... وشويه حاجات كده هروح انام بقى احسن كان يوم مجهد بشكل ... يلا يا بابا اطمن انك خدت الدواء وبعد اذنك هروح انام في الملحق بتاع امي لغايه لما اشوف غرفه جنب مرات ابويا ولا ايه رايك اروح انام في حضنها

: لو عايزه غرفتها دقيقه وتكون فاضيه 

:لا الست مره واحده كل حاجه تروح من ايديها سيب لها الغرفه من كرم اخلاقي

 هنا:  لو سمحت يا بابي مش معقول كده ماما ما ينفعش تعمل معاها ده 

*انا بصيت لها :هنون انت هنا تصدقي قربت انسى انك موجوده ما انا اختك برده ولا ما صعبتش عليك

: ده كان اختيار والدتك لو كنت عايزه تعتبي على حد فاعتبي عليها ما تحمليناش ذنب اختياراتها 

:عندك حق بس الحمد لله بابا موجود و هيعوضني بس انا مش بعتب عليك اصل هرمونات مامتك طاغيه على اي هرمونات ثانيه فطلعت نسخه منها 

*وتثائبت وتمطعت اسيبك يا هنون انت و طنط شوشو واروح انام ....  الفطار الساعه 8:00 الصبح هيبقى فطار  ...عظمه فول وطعميه وباذنجان مخلل انما ايه حاجه تفتح النفس مش باتيه و كرواسون ... اوعى تتاخر على الفطار يا موحه ....  واه اللي هيتاخر منكم ما فيش اكل له غير الغداء افهموا نظامي بقى

سامح : حلا حبيبتي الكلام ده ينطبق عليا 

:لا  طبعا يا موحه انت ابواب المطبخ والتلاجه والجنه مفتوحه لك ربنا يكرمك ويسعدك يا حبيبي تصبحوا على خير 

*كله راح لسريره اللي نام مستريح زي سامح  ...واللي هيطق من التفكير زي شاهي  ...واللي راحت في غيبوبه زيي  .... بس اللي متاكده منه ان بابا نام مستريح الضمير بعد ما اتكشفت الحقيقه وقرر يعوضني 

*فعلا الصبح لقيت ايده الحنينه بتطبطب عليا و يصحيني اول ما قمت حضني و باسني 

:صباح الورد على اجمل زهره في الدنيا 

:صباح الفل والياسمين على احن اب هقوم عشان احضر الفطار 

:لا انا بلغتهم يعملوا اللي نفسك فيه ومن هنا و رايح تؤمري والكل ينفذ 

:لا يا حبيبي انا مش من الصنف اللي يؤمر انا بطلب بس

: لا يا حبيبتي خذي فرصتك بعد الفطار هروح للمحامي يغير اسمك في شهاده الميلاد ويضيف اللقب ويعمل اعلان يعرف الناس كلها انك بنتي

 :ما لوش لزوم دي كان مجرد هلفطه من الصدمه  

: لا ده حقك و هعمل حفله كبيره و اعرفك بالناس

: مش عايزه بجد يا بابا ما يفرقش معايا بس بستاذن حضرتك هرجع للتمرين واشترك في البطولات اللي حرمتني منها مراتك

: اعملي اللي يريحك وشوفي عايزه اي غرفه

 :لا انا هفضل هنا في الملحق حاجه من ريحه ماما

: زي ما تحبي

*قمنا وفطرنا وكانت شوشو وهنا قاعدين بابا عرفهم القرارات الجديده وان اخر الاسبوع في حفله كبيره وهيعترف قدام الناس اني بنته 

*سامح انتهزها فرصه

: ايه رايك يا حلا تبقى خطوبتي كمان 

:ماشي يا حبيبي تستاهل واهو نوفر في المصاريف هههههه 

*يوم الحفله 

#يا ترى يوم الحفله هيعدي على خير ولا لسه في مفاجات مستنيه حلا

كبرياء ابنة الخادمة 

حلقة ١٢

*يوم الحفله بابا قدمني للناس قال  اني بنته من والدتي بجواز شرعي ولظروف خاصه كان مجموعه قليله هي اللي تعرف 

*كانت خالتي واولادها موجودين و فرحانين ليا 

*بدات احتفال خطوبه سامح من صافي كانت فرحانه بوجودي و بترقص معايا بفرحه حسيتها من قلبها

: تصدقي انا كنت بموت انك هتنامي مع سامح في نفس الغرفه وانت مش اخته وكنت جايه لك حسب اتفاقنا عشان نغيظهم فرحت قوي لما حكيتي لي اللي حصل

 :عارفه يا حبيبتي ولما قالي  الحفله نعمل الخطوبه فيها فرحت لك شدي حيلك وعجلي الجواز عشان نذاكر مع بعض

: لا انا متفقه معاه ناجل شويه 

:براحتك بس مش قوي احسن يستوي منك 

*بدات الرقصه الهاديه بين كل اثنين  .... هنا عشان تغظني مسكت ايد ادم و رقصت معاه وهي بتبص لي ....... بقيت ابتسم لاني شايفه فرحه سامح لقيته بيشدني من ايدي و بيرقص معايا 

:تسمحي لي بالرقصه دي اصل خطيبتي رفضت تيجي معايا وانا وحيد ومكسوف اقف لوحدي 

: هههههه حظابط ازيك مبروك انت خطبت 

:اه لسه عريس طازه سبقت اخوكي بشهرين

 :كان نفسي اشوفك عشان اشكرك كويس انك جيت 

:تشكريني على ايه

: بصراحه الدكتور اللي ودتني عنده كان شاطر جدا و عالجني و خلاني اقوى

: انت اخت صاحبي يعني اختي وما فيش بين الاخوات شكر ...  بس لو تديني برفان من اللي راشش منه سامح اكون انا اللي شاكر لك

: بس كده واحد ليك وواحد لخطيبتك كمان اتفضل معايا في الملحق هناك كل حاجه بتاعتي وتقدر تختار منهم

بقلمي سحر السحرتي 

 *بعد الرقصه اتجهنا للملحق دخل واختار  .... كان عايز لخطيبته نفس النوع اللي بحطه اعتذرت انه خاص بيا مش ببيع او اهادي به اي حد أتفهم ده وما زعلش .... بس اخترت له حاجه احسن 

*دخلت هنا وهي جايبه بابا يشوف بنته المحترمه وهي مدخله راجل الملحق اللي قاعده فيه والناس كلها مشغوله .... بعد ما شافتنا بنرقص مع بعض وبعدها بنمشي زي ما وصفت بنتسحب ..... بمعنى آخر مقرطساهم

*بابا بص لها بغضب 

: هنا انت قلتي تعالى يا بابا لكن لو اعرف من الاول انك عايزه تتهمي اختك الاتهام ده كنت وقفتك عند حدك انا بثق في حلا جدا وعارف فاديه مربياها ازاي

 :انت مش شايفها لوحدها مع راجل ما تصدق انها تربيه خدامين 

*ابتسمت بطريقه مستفزه

 :لو مفكره انك بتهنيني قدام يوسف فهو يعرف كل حاجه عني ...... وخاطب لو فاهمه ان في حاجه بينا .....  اخرجي يا هنا بلاش تحرجي نفسك اكتر من كده ...  لاني مش لوحدي في الملحق على فكره 

*خرجت خالتي من جوه كانت بتريح من صوت الحفله سمعت هنا

 :في ايه يا حلا

*ابتسمت بسخرية 

:مفيش يا خالتو هنا كانت عايزه شويه عطور من عندي و عايزه تدفع فلوسها قلت لها عيب احنا اخوات

بقلمي سحر السحرتي 

*بصيت لبابا بحب 

:معلش يا بابا روح شوف الضيوف وانا هخلص مع يوسف و جايه قاعده معانا يا هنا ولا هتمشي مع بابا 

*يوسف بص باحراج وكان عايز يمشي

 :استنى يا يوسف تفتكر انا جايباك هنا عشان تختار ولا عشان اجر رجلك وتبقى عميل عندي انت و خطيبتك .... سيبك من الهبل اللي حصل واخده عليهم و متوقعه اكثر من كده ما انت عارف القصة انت ما بقتش غريب يا راجل هههههه 

:اتغيرت كثير عن من سنه

: البركه في الدكتور بتاعك شاطر وبعدين اللي حصل ده بيحسسني اني سندريلا وهنا ومامتها زوجته الاب الشريره وبنتها هههههه بس لسه ما قابلتش الأمير ..... هاه شوف هتختار ايه كمان ادبسك فيه 

: هههههه انت مشكله كل مره بكتشف فيكي حاجه جديده بحترمك اكتر 

:اهم من الاحترام تصرف اكتر وقريب قوي هتسمع اخبار حلوه  عني

: خير ينفع اخذ فكره

 :مش خساره فيك ...  هعمل براند للمنتجات بتاعتي و هتشاركني صافي بمبلغ صغير هنبدا شركه صغيره وسامح واولاد خالتي هيدخلوا معايا كمان 

:ينفع ادخل بمبلغ صغير انا كمان

 :هسال شركائي بس اكيد مش هيرفضوا بعد اللي عملته معايا 

*رجعنا الحفله ورقصت وكنت فرحانه لان يوسف اتفق معايا انه هياخد هديه عيد ميلاد خطيبته من عندي و خلاني اختار لها حاجه على ذوقي و ابعتها في اليوم والعنوان اللي ادهولي

بقلمي سحر السحرتي 

*لقيت ادم بيشاورلي انه عايز يتكلم معايا رحت

: ازيك يا ادم عامل ايه

 :مبروك انا فرحان عشانك بس ارجوك تسامحيني

: سامحتك من يومها لانك قبل ما تكون حبيب كنت صديق غالي عليا  .... بس الصدمه هي اللي خلتني اقول كلامي ده لاني كنت متوقعه منك تصارحني ... عارفه ان الحب مش بايدينا وفي لحظه والثانيه القلوب بتتغير

: يعني نقدر نرجع اصحاب و نتمرن تاني مع بعض

: نقدر بس تفتكر مامتك و خطيبتك هيوافقوا

: انا كبرت خلاص وما فيش حد له سلطه علي من سنه كنت صغير لكن كل ما بكبر بفهم و بستوعب واحتمال ما اكملش انا وهنا

: ليه دي بتحبك

: لا واضح اني كنت عاجبها بس تصدقي لغايه دلوقتي بكتب لها انا عايز ايه لسه ما اتعلمت لغتي 

:ما تبصش اني اتعلمته بسرعه يمكن صعب عليها وما تقارنش حد بحد ثاني

: مش بقارن غير تصرفاتها معايا في الاول عن دلوقتي 

:فكر كويس وحط في اعتبارك انك لو سبتها انا مش بديل واللي بينا انتهى خلاص 

:متاكد اني ضيعتك من ايدي بس سيبيها للظروف

 :انا بحاول افهمك اني نسيتك خلاص و اتخطيت المرحله دي 

:فكري يا حلا ارجوكي

 : مفيش امل يا ادم كل شيء نصيب 

*جت هنا و لقيتنا بنتكلم وكانت هتطق لانها كمان مش فاهمه حاجه

: خير يا حلا احلو في عينك دلوقتي وقلت تجربي حظك معاه بما ان بابا اعترف بيكي 

*كان نفسي ابرر لها بس قلت ما تستاهلش تعرف حاجه  وقلت ادبسها فيه اكثر وتتمسك بيه 

:تصدقي فكره ما فكرتش فيها فعلا المشكله اللي بينا اتحلت خلي بالك منه بقى احسن يرجع لي 

*سبتها هتولع فيه لقيت يوسف جه وقف جنبي وقال لي

: هو ده ادم اللي كنت بتحبيه

: اه اللي كنت

 :وكان عايز ايه 

:الظاهر احلويت في عينه لما بابا اعترف بيا 

:وانت ايه رايك

 :اللي ما يقبلش بيا ويفتخر ان بنت الداده ما يستاهلنيش وانا بنت البيه وعموما هو بقى حاجه قديمه بس احنا كنا اصحاب جدا كام سنه قبل ما يعترف بحبه ليا و هنرجع نتمرن مع بعض بس هو كان عشمان في اكثر من كده حبيت اوضح له يلم عشمه

: ربنا يرزقك باللي احسن منه انت جدعه و تستاهلي 

:انا لسه بدري ااسس شركتي وانتبه لمستقبلي الاول ماما كان نفسها في كده

: لو احتاجتي حاجه ما تتكسفيش معاكي رقمي ما تنسيش توصلي حاجتي احسن فسخ الخطوبه يبقى على ايدك هههههه 

:احلى حاجه هتوصل لها وتمسك فيك بزياده

 *انتهت الحفله و بدأت اجراءات تاسيس الشركه  .... بابا حاول يساعدني بس رفضت لكن اخذت منه فلوس سلف 

*يوسف بعث لي رساله بيشكر في المنتجات عجبت خطيبته وادى لها رقمي عشان تطلب براحتها هي واصحابها و وصاني على الخصم بتاعهم 

*الشركه لسه صغيره بس مكسبها مرضي و بيتوزع علينا وكلنا فرحانين بيه 

*مرت سنه ونجحت وتفوقت وكمان فزت بكام ميداليه ذهبيه وده طبعا خلى الساحره الشريره وبنتها يحطوني اكثر في دماغهم و يضايقوني بكل الطرق 

*فكرت كثير قبل ما اخذ القرار و اسيب الفيلا لان القاعده معاهم منهكه نفسيا خصوصا انهم بداوا في تنفيذ خطط قذره منهم مره جابوا لي تسمم

: بابا لو سمحت عايزه ارجع شقتنا عند خالتي

: ليه يا حلا

 :بصراحه مش مبسوطه هنا الجو كل يوم مشاحنات مع هنا و مامتها ....  البيت اتقسم احزاب ضد بعض انا وانت وسامح ضد هنا و مامتها ....  انا كده هبقى مستريحه وانتم كمان هترجع حياتكم الطبيعيه انت وهما

: طب اشتري فيلا تقعدي فيها

 :لوحدي لا انا متعوده على الحاره بس هطلب منك ان انت اللي تزورني لو تقدر 

:للدرجه دي مش عايزه تدخلي هنا

: انا حسبتها بكل الطرق كده اريح للجميع لو سمحت 

بقلمي سحر السحرتي 

: زي ما تحبي يا حبيبتي اهم حاجه عندي راحتك

 *رجعت فعلا الحاره لقيت هناك نفسي بابا بيزورني باستمرار لانه بيستمتع باكل خالتي لانه من ريحه ماما ....  وسامح كمان كان بيجي معاه 

*الشركه الصغيره كبرت شويه صغيره كمان لاني مع التمرين والدراسه مش متفرغه لها بس ماشيه

 *ادم خلاص اعترف انه خسرني وما فيش فرصه نرجع .... ورجعنا أصحاب زي الاول  ... وهنا كمان اتاكدت من ده بس لسه مرتبطين كل واحد بيحاول يصارح الثاني لكن بيتردد في اخر لحظه

*الفتره دي بدا مؤيد يقرب مني ده لاعب كره قدم متميز وله مستقبل وكل البنات هتتهبل عليه 

*اللي ما حدش يعرفه غيري ان مؤيد ساكن معانا في نفس الحاره ونبه عليا ما حدش يعرف نفذت طلبه هو حر

 :بس المفروض تخلي الناس تقبلك زي ما انت

: انا غيرك يا حلا انت عندك قوه غريبه معقول تسيبي الفيلا و ترجعي الحاره بارادتك

: انا مستريحه كده فقريه تقول ايه

: هههههه طول عمرك عشان كده انا معجب بيكي

*فهمت هو بيلمح لايه حبيت احط النقط على الحروف 

:خلينا اصحاب احسن يا مؤيد بصراحه انا مش ناويه ارتبط دلوقتي غير انك وكل اولاد الحاره اللي كنت بلعب معاهم اخواتي

 :شكرا على صراحتك الناقصه حته انك هتبقي دكتوره وانا مجرد واحد معاه دبلوم

: مؤيد انت عارفني كويس لو كنت اقصد كده كنت قلته لساني مش ناقص حته .....  وبعدين ما يهمنيش الحاجات دي المهم الشخص وانت  عارف كده كويس  ..... بصراحه اكثر عشان عارفاك و  مواصفاتك ما فيهاش فتى احلامي

: ليه 

:مؤيد انت عينك زايغه و علاقاتك كثير وعمري ما هاثق فيك 

:ده بس اللي منعك

: ده اكثر شيء غير ان مشاعري ناحيتك مش اكثر من اخ لو كانت اكثر من كده ما كانش همني وكنت ارتبطت بيك

: ماشي يا اختي اروح اشوف مزه اقعد معاها 

: هههههه اه يا ندل رمتني من اول محطه

: هههههه ما انت عارفه طبعي بقى لازم واحده في حياتي وكنت ناوي اتوب على ايدك لما ادور على واحده تتوبني 

*هنا جت واحنا بنضحك

 :مش تعرفيني يا حلا جو جديد ده 

:مؤيد هنا اختي وده مؤيد صديق قديم ولاعب كره قدم لسه منقول النادي جديد

 :معقول يا حلا القمر دي اختك 

:اه اختي من بابا يا دوب تلحق تشوف كنت بتدور على ايه

: لقيته خلاص يا حلا عندك مانع 

:هنا مخطوبه يا مؤيد وعموما ما تنفعوش بعض 

:تسمحيلي يا هنا نبقى اصحاب 

*سلم عليها وباس ايديها من باب الذوق و المعاكسه 

*ضحكت:  الحركه دي خلصت من ايام الابيض واسود 

*ولسه هنكمل كلامنا ادم شاف هنا وكان وشه غضبان قوي

#يا ترى هيفسخ الخطوبه هي دي الفرصه اللي كان مستنها

كبرياء ابنة الخادمة 

حلقة ١٣

*طبعا بيشاور وهي مش فاهمه حاجه ...  هنا اتكلمت من غير ما تحرك شفايفها عشان ما يسمعش 

:ترجمي وخليه يهدى احسن انا جبت اخري و هزعله قدام الناس 

:في ايه يا ادم مالك متضايق كده ليه

 :الهانم كام مره اقول لها ما تقفش مع رجاله غريبه وكمان يبوس ايديها 

:ده صديق قديم ليا و بيسلم عليها بلاش تحبكها و عديها 

*ادم استغل انها مش فاهمه هو بيقول ايه

 :بلغيها ان كل شيء قسمه ونصيب 

*رديت عليه بلغه الاشاره من غير ما اتكلم

 :ادم معلش اتلكك في حاجه ثانيه انت بتسبب لي مشكله كده هتقول ان خطوبتها اتفسخت بسببي وانت عارف العلاقه بيننا لطيفه قد ايه ارجوك بحكم الصداقه اللي بينا بلاش تفسخ الخطوبه دلوقتي كفايه كلامهم اللي بيقولوه عليا

: حاضر عشان خاطرك بس خليها تلم نفسها 

:مؤيد لو سمحت اعتذر لادم لانه اتضايق انك بوست ايد خطيبته وبلاش تسبب مشكله بينهم 

بقلمي سحر السحرتي 

:و هيفهمني ازاي

 :اتكلم عادي وهو بيفهم حركه الشفايف 

*اعتذر مؤيد ومرت الايام كان بيحب يقعد معايا كتير ... هنا لاحظت ده وفكرت ان في بينا حاجه ... اتلككت لادم و فسخت الخطوبه 

*بدات هنا تتحجج و تقعد معانا وتحاول تشد مؤيد لها ... حاولت انصحها لكن فكرتني بحبه 

:هنا بلاش مؤيد ما ينفعكيش اذا كنت بتدوري على علاقه دايمة 

:ليه بقى ما ينفعنيش اظن ينفعك انت

 :مؤيد علاقاته كثير وروحي اسالي النادي اللي كان فيه لو بتكذبيني 

:مش محتاجه اسال اكيد انا مختلفه بالنسبه له 

:هو انت لحقتي تنسي ادم بالسرعه دي

: انا اصلا كنت معجبه بيه بس ما كانش حب ولما قربت منه لقيته مش فارس احلامي

 :ومؤيد هو فارس احلامك انا نصحتك وانت حره احنا رغم كل شيء اخوات 

:اه متاكده طبعا انك خايفه عليا متشكره خافي على نفسك لانه هيختارني قريب و يسيبك انت 

:انا مش معاه عشان يسيبني واذا ده هيخليك مستريحه ومبسوطه اه كان نفسي يرتبط بيا بس للاسف فضلك عليا زي ادم كلهم بيسيبوني و يختاروكي بس افتكري اني قلت لك بلاش مؤيد

: اكيد و هفكرك اني مختلفه بالنسبه له 

*مرت سنه كمان وبقيت في اخر سنه

بقلمي سحر السحرتي 

 *هنا بتنجح بالعافيه ومعاها ماده او اثنين وده قاهر مرات ابويا وانا بنجح بتفوق غير البطولات 

*سافرت اصيف مع خالتي في راس البر اللي بموت فيها و عودت بابا وسامح كمان اللي حبوها جدا حتى صافي جت معانا واخذنا شقتين حطينا الرجاله في واحده و الستات في واحده رفضت الفندق لان المصيف له اكلات مخصوص من ايد خالتي 

*حبيت اقعد على الصخور مكاني المفضل عند اللسان طبعا ممنوع الجلسة فوق الصخور بس انا مش بسمع الكلام  .....لقيت كام شاب غلسوا علي طبعا لساني و ايدي اتمدت و روحنا القسم اتفاجئت ان يوسف هناك

: العيال دي عاكستني عايزه اعمل فيهم محضر 

:انا شايف انهم مشلفطين فمش عارف مين يعمل محضر في مين

 *العيال اتشجعت  : احنا اللي عايزين نعمل محضر يا باشا 

:الاول قبل ما تعملوا محضر عارفين انها اختي تحبوا نعمل لكل واحد محضر ولا محضر جماعي 

:لا خلاص يا باشا اخت حضرتك سلام عليكم 

*و جريوا من قدامه زي الفئران 

:ازيك يا حالظابط 

:مش هتبطلي حالضابط دي انا حتى من يوم خطوبه اخوكي ما قابلتكيش

: بس بتشتري مني باستمرار ومتابعه طلبياتك بنفسي عشان توصل لك احسن حاجه انت و خطيبتك ولا اتجوزت وما عزمتنيش 

:لا ما حصلش نصيب

*من جوايا اتبسطت مش فاهمه ليه تفتكروا بقيت شريرة

: معلش خيرها في غيرها بس كده سامح هيسبقك

: لا خيرها ولا غيرها 

:ما تقولش كده ايه اللي حصل بس 

:هحكي لك باره تعالي نقعد في اي كافيه اطمن عليك وتحكي لي اخر اخبارك 

:لا تعالي اتغدى معانا الاول وسلم على سامح .....  خالتو عامله ملوخيه بالجمبري تجنن

: هو سامح هنا ابن الاكابر ساب الساحل وجاي هنا طب انت مش مستغرب انما هو

 :من زمان جرجرته على هنا البلد جميله وفيها حاجات تبسط عن الساحل مش كده بذمتك 

:طب بينا شوقتيني للملوخيه 

*زارنا في البيت و اتغدى معانا وكانت قاعده حلوه ونزلنا نتمشى بعد المغرب  ....سامح مشي مع صافي وانا اتمشيت مع يوسف اللي كان الكلام معاه سهل ومريح

: احكي لي بقى اخبارك ايه

: مفيش جديد نفس اخر مره تقدير وبطولات و الشركه اه كمان رجعت الحاره

: نعم سبت الفيلا ورجعت الحاره

 :اه انا بحب الحياه البسيطه من زمان الجيران داخلين خارجين على خالتي في ونس انما الفيلا تحسها حته مقطوعه  .... انت بقى سبت خطيبتك ليه دي كانت لطيفه في التعامل ولو سر تحب تحتفظ بيه بلاش انا قلت ندردش

*دردشه ايه طبعا انا هموت واعرف 

: ابدا لما اتنقلت هنا عشان ما ليش واسطه تمنع النقل وكنا هنجهز للجواز جت شافت شقق الظباط ما عجبتهاش .... طلبت شقه تانيه تمليك او ممكن ايجار ما عندهاش مانع تتنازل شويه وتقعد في شقه ايجار بس على مستوى عالي 

:هو انت مش عندك شقه في القاهره

 :عندي كبيره و تمليك وقلت لها هنا وضعه مؤقت على مرجع نجهز شقه الظابط على قدنا رفضت

: ليه

 :هي حابه تعيش في مستوى معين وانا مش معقول هصرف كل امكانياتي على الشقق اللي بتنقل لها او اضيع المرتب على ايجار شقه بالمواصفات بتاعتها 

:طب ليه ما فهمتهاش ان مسيرك ترجع القاهره

: فهمتها وهي طلبت تسكن في القاهره وانزل اجازات

بقلمي سحر السحرتي 

 : ده حل كويس طب ليه ما وافقتش 

:انا متجوز عشان استقر مراتي تبقى معايا مكان ما اروح مش عايز يبقى جواز ترانزيت اشوفها مرة في الأسبوع أو كل اسبوعين 

: يمكن صعب عليها تسيب حياتها اللي اتاقلمت عليها اعذرها

 :من اول ما خطبتها و فهمتها ظروفي ووضع شغلي يظهر بقى لما لقت اننا هندخل في الجد وما كانتش متوقعه اني اتنقل بلد زي هنا نطت من المركب قبل الرحله ما تبدا

: معلش ربنا يعوضك بس كده اظن احسن من غير جواز وعيال الانفصال بيكون اسهل وانتم على البر

: انا فكرت كده برده بس ما اعتقدش هلاقي واحده ترضى بظروفي

: لا اكيد هتلاقي البلد هنا جميله جدا

 :بس انا ممكن اتنقل الصعيد مثلا 

: هههههه اجدع ناس اصبر واخره الصبر الفرج في بنات كثير ممكن تقبل وضعك مش صعب قوي 

*رن تليفوني كان علاء ابن خالتي 

:ايوه يا زفت اتغديت وجريت لما عرفت ان عادل جاب نتيجتك ... شايل ماده و مستنيين يباركوا لك و محضرين لك هديه نجاح انما ايه ...سينما ايه وانت هتاكل علقه لوز .... هي دي اللي بتعرض كذا فيلم و نقعد فيها لمتاخر و نتهزق ... معاك يا ريس انا اقدر افوتها 

*وضحكت و قفلت 

:مجنون تخيل بيحملني مسؤوليه اني شال الماده

: ليه 

:اصله اخويا في الرضاعه بيقول اني كنت بخلص اللبن المفيد و بيتبقى له شويه شرش كده اثر على ذكائه هههههه 

*حسيت بغيرة من طريقته وهو بيسأل 

:سينما ايه اللي بتخلص اخر الليل انت رايحه بجد

: اه تيجي معانا احنا متعودين عليها تجنن ونفضل طول الليل نحول اكل و فشار ولب ونرجع نتضرب من خالتي وجوزها

: بتتاخري بره البيت كده

*يا خبر هو حمش كده ولة بيتهيقلي ولة عشان ظابط دي طريقته المعتادة 

: ده بس هنا البلد صاحيه 24 ساعه وعادل اخوه الكبير جاي وسامح وصافي هاتيجي 

*وافق و علمناه يسهر واتاخر على شغله تاني يوم 

*قضينا مع بعض اسبوع لذيذ بنخرج و نتفسح كلنا مع بعض وكنا هنرجع  ... حسيت اني عايزه اقعد شويه فطلبت من بابا احجز في فندق كام يوم كمان فوافق وطلب سامح من يوسف يخلي باله مني طلبت من علاء يقعد معايا خالتي رفضت

: هنديله مكافاه على الماده اللي شايلها والسنه دي اخر سنه له لا كويس انه كمل الاسبوع معانا الواد ده طول عمره واجع قلبي 

:خلاص يا علاء انت اللي جبته لنفسك ما تقطعش الجوابات 

:طيب يا ندله اكيد هتزهقي و ترجعي تقولي المصيف من غيرك ما لوش طعم

: اكيد وانا اقدر استغنى عنك بس انت شايف خالتو لما بتربس ما فيش كلمه ترجعها 

*وشوشني : يومين و اجيلك ماشي

 :ماشي

 بابا  :هترجعي امتى 

:لما ازهق رغم ان البحر هنا ما يزهقش 

:لو احتاجتي حاجه يوسف موجود ما تتكسفيش هو وسامح اصحاب من زمان

 :حاضر يا بابا مع السلامه

*مش عارفه ليه حسيت ان بابا فاهمني و بيحاول يسهل الامور  .... او يمكن عادي ... بس اللي مش عادي ان عايزه اقعد شويه كمان مع يوسف اللي لما عرف اني لوحدي اخذ اجازه يومين و قضاهم معايا  ...ما كناش بنام يمكن غير اربع او خمس ساعات 

*في يوم يوسف سالني

 :حلا هو انت ممكن تتجوزي حد من الحاره

: طبعا لو حبيته اه ليه لا 

:يعني بما ان اسمك رجع و باباك اعترف بيكي وبقيتي من الأغنياء 

:انت عاشرتني فتره صغيره حسيت انه فرق معايا ده انا سبت الفيلا ورجعت الحاره ولسه لبسي بسيط زي ما هو مش برندات ولا حاجه

: ما ده اللي مستغربه 

:اصلي فقريه زي اخواتي ما بيقولوا 

:ليه بيقولوا لك كده

 :بلاقي السعاده في ابسط الاشياء بعيدا عن الفلوس

: انا لاحظت كده فعلا

: وبعدين انت بتسال السؤال ده ليه حد اتقدم لك من الحاره هو اصلا ما فيش حد من الحاره او غيرها هيتقدملي 

:ليه عليك احكام هههههه 

:مين هينسى اني بنت الداداه اللي ابوها كان مستعر يعرف الناس بيها و يتجوزني غير لو حد طمعان في فلوسه

: انت مقلله من قيمه نفسك 

:قصدك عارفه حقيقه نفسي

 : اسمحيلي  انت دكتوره بطله اي نعم تنس طاوله اللي ما حدش بيشوفها

: هههههه كثر خيرك

 :غير ان ليك شركه اينعم لسه مبتدئه بس بكره تكبر

: اه انا ناويه اكبرها لما اتخرج و اتفرغ لها و معروض عليا اسافر دبي افتح فرع صغنن فيها

: انت بجد ممكن تسافري

 :اه بس لو في حاجه تقعدني اكيد هقعد 

:حاجه زي ايه

 *في عقلي هو انت مش فاهم ولا بتستعبط 

:يعني لو بابا او سامح رفضوا مش هقدر ازعلهم مهما كان دول اهلي

: بابا بس هو اللي ممكن يخليك تغيري رايك

بقلمي سحر السحرتي 

 *اتكسفت قوي لما فهمت هو يقصد ايه وغيرت الموضوع 

:تيجي نركب عجل

 *بص لي بنظره انه فهم

: تعالي

 *اخذنا عجلتين و اتسابقنا ... وصلنا مكان بعيد اقترح نريح شويه و نقعد على البحر لانه تعب ... ومن غير ما اخد بالي او اخذت بالي وعملت عبيطه بوظ العجله بتاعتي

*لما جينا نمشي اتفاجئ يا سبحان الله ان عجلتي بايظه

: ايه ده مش هقدر امشي المسافه دي كلها 

:خلاص تعالي اركبي قدامي ونقول للراجل يجي يستلم عجله البايظ 

*طبعا كنت  هرقص من الفرحه بس لازم ارفض و يتحايل عليا

: لا كده هتتعب واحنا الاثنين على العجله همشي وخلاص وانت سوق بالراحه

: لو تعبت هبقى اريح تعالي احسن نتاخر

 *فعلا ركبت كنت مبسوطه قوي  كنت حاسة اني جوة حضنه بس هو كان محترم 

:انت هترجعي القاهره امتى

 :مش عارفه لسه بس اكيد مش هزود عن عشره ايام لان عندي بطوله هي مش مهمه بس بسلي نفسي في الاجازه  وبعدين انت اكيد عندك شغل ومش عايزه اعطلك و الندل علاء قال يومين وجاي ...  اكيد خالتي نفضته و خايفه ازهق لوحدي 

:انت عجباك البلد هنا

: اه  بفكر اخلي بابا يشتري شقه هنا و اقعد طول الصيف

: لو جات لك فرصه تقعدي هنا توافقي 

:حسب الظروف اوافق 

:ظروف ايه 

:هقعد مع مين لاني مش بحب الوحده بحب الناس 

*لفيت له وانا متحمسه احكي له 

:عارف خالتي كانت بتطلعني من الشارع بالعافيه

 *فجاه لقيت اننا قريبين من بعض قوي اتكسفت و بصيت قدام 

:مش كفايه عليك كده باقي جزء  صغير اقدر امشي

: زي ما تحبي 

*يا ترى هو عمل كده لانه حس نفس الاحساس خايفه اكون انا بس اللي حاسه وهو احساسه ناحيتي اني  مجرد اخت صاحبه قررت ان لازم اعرف و احط النقط على الحروف ما افضلش معلقه نفسي على السلم 

*ثاني يوم رفضت اخرج معاه بحجه ان حاسة بدور برد 

:طب انزلي نكشف

: لا مش قادره 

:ما انت لازم تنزلي اطمن عليك مش هينفع اطلع

 :لا اطمن انا بعت اشتريت دواء وهبقى كويسه بس انام واستريح 

بقلمي سحر السحرتي 

:طب انا همشي وهكلمك كل شويه اطمن عليك 

*مش عارفه ليه قفلت التليفون ونزلت اتمشى على البحر مكان ما بحب اقعد 

*قعدت افكر وجريت الدموع من عيني لقيت اللي بيطبطب علي كتفي و بيقول لي 

#يا ترى احساس حلا من ناحيه يوسف صح وهل يوسف بيبادلها نفس الاحساس

كبرياء ابنة الخادمة 

حلقة ١٤

: بتهربي مني ليه

*بصيت له بدهشة 

 :انت عرفت انا هنا منين 

*تليفونك مقفول سالت في الفندق قال لي خرجت قلت اجرب مكانك المفضل 

*ابتسمت :لا ظابط بجد

 :بتعيطي ليه ورافضه تشوفيني 

:افتكرت شويه حاجات وبعدين انا مش رافضه اشوفك انا لقيت نفسي اتحسنت شويه فحبيت اتمشى وافكر في شويه امور 

*مسح دموعي بايده 

:ممكن وانا معاكي ما اشوفش الدموع دي

 :حاضر مش هعيط النهارده 

:لا النهارده ولا بكره ولا اي يوم وانا معاكي

: لا ما انا بفكر اسافر بكره كفايه كده 

:ليه زهقتي مني 

:حاسه اني معطلاك عن شغلك 

:ولو قلت لك اني كنت كاره الشغل هنا ولما جيتي بقى له طعم حلو مش عارف لما ترجعي هعمل ايه

 :بجد يعني ما زهقتش مني انا قلت انك محرج بما اني اخت صاحبك مضطر تجامله وخصوصا انه وصاك عليا 

:صدقيني لو مش عايز كنت قلت له مشغول و هيعذرني لانه عارف قد ايه القضايا نازله ترف على دماغي 

: هههههه ما هو واضح

: ايه قادره تركبي عجل

بقلمي سحر السحرتي 

*لو قلت اه هيعرف اني كنت بكذب واني مش تعبانه

 :لا طبعا مش قادره 

*سحبني من ايدي وقال لي 

:خلاص تعالي نركب مركب سوا 

*حسيت احساس غريب قوي وهو ماسك ايدي بس احساس جميل 

*كان نفسي اركب معاه لوحدنا جبتها بطريقه ثانيه

: بلاش يا يوسف تعبانه و دوشه الناس والاغاني في المركب هتصدعني 

:لا احنا هنركب لوحدنا عندي كلام مهم عايز اقوله لك

: ماشي بس بلاش نتاخر اصل لسه تعبانه عايزه انام و اريح 

*قلت ارسم الدور شويه ...  فعلا اخذ مركب صغيره و ساقها هو 

*على قد ما الموضوع رومانسي مش عارفه ليه خفت برده قلت بلاش اقولها بشكل مباشر 

:هو انت بتعرف تسوق

: اه خايفه

 :خايفه تعطل زي العجلة  والمراكب هنا قديمه

: لو حصل حاجه نتصل عليهم ما انا اخدت رقمه عامل حسابي 

*وصل بينا لمكان شبه فاضي وقعد جنبي ومسك ايدي الاثنين بحنية وكان ضاممهم قوي 

: حلا انا من يوم ما شفتك وانا معجب بيكي بس كنت بقاوم لانك كنت بتحبي واحد ثاني وخفت لو اتكلمت وقتها ابقى بديل له مش حبيب

 :امال خطبت ليه لما انت معجب بيا 

:حاولت انساك ما عرفتش بس الكام يوم اللي قضيناهم مع بعض حسيت فيهم قد ايه بحبك

*كنت سعيدة قوي باللي قاله وكنت لسة هتكلم 

*قام حضني بعدها مسك وشي بايده و باسني بوسه حب وكان لسه هيتمادى زقيته جامد ولقاني بعيط 

*على قد ما حسيت الموضوع رومانسي على قد ما حسيته اهانه  .... مش عارفه ليه وقتها بالذات حضرني مشهد دنيا سمير غانم في فيلم الفرح وهي بتقول 

:انا ما بتزنقش في خرابات يا روح امك

*لقيتني انا كمان بتكلم بعصبيه ودموعي ماليه عينيا بس ما رضيتش اهينه افتكرت أنه وقف جنبي 

:روحني لو سمحت

بقلمي سحر السحرتي 

 *رد عليا بقلق وقال لي 

:حلا مالك يا حبيبتي ايه اللي زعلك 

:انت شايف ان ما فيش حاجه تزعل

 :اه انا بعترف وبعبر لك عن حبي 

:صح انت ما عملتش اي حاجه تزعل أو تضايق لان بمنتهى البساطة بنت الداده تطلع في مركب تحضنها و تبوسها و لازم  تسكت وترضى بقليلها مش كده .... ما انا بنت سايبه عايشه لوحدها وابوها كان مستعر منها انما بنات الناس بتروح تخطبهم ارجوك روحني 

:حلا اهدي مش قصدي والله انت فهمتيني غلط

: فعلا غلط ...  الغلط اللي انت عملته وحتى ما رعيتش ان اخت صاحبك  ...واخت صاحبك ليه ما هو ما كانش يعرف بيا وبيعطف عليا لاني بنت الداده رجعني لو سمحت 

:لا مش هرجعك الا لما اصلح الغلط اللي عملته وتفهميني صح

: بقول لك يا يوسف رجعني والا انت مش عارف انا ممكن اعمل ايه

: اعملي اللي تعمليه لازم تسمعيني الاول  

*قبل ما يكمل كلامه كنت نطه في الميه وعمت لغايه الشط والدنيا كانت ضلمه بس كنت شايفه الشط من النور اللي عليه لكن يوسف ما قدرش يشوفني وفضل كثير يدور عليا

*رجعت الفندق غيرت هدومي المبلوله ولميت شنطتي بسرعه واخذت عربيه مخصوص نزلتني القاهره 

*وبعثت رساله ليوسف 

:شكرا على كل حاجه حلوه عملتها بس ارجوك تنسى انك تعرف واحده اسمها حلا بنت الداده و جدعنه مني مش هقول لسامح على حاجه انا رجعت الحاره اللي انا منها 

*قفلت التليفون واول ما وصلت بلغت بابا وسامح اني رجعت و هفصل التليفون لاني عايزه اعمل شويه تركيبات جديده محتاجه تركيز 

*طلعت كل غضبي في شغلي وعملت منتجين من احسن المنتجات اللي عملتها ...  غير اني ركبت عطر و سميته فاديه من احلى العطور الرجالي و الحريمي وقررت انزله السوق عشان شاهنده وكل الناس يشوفوا اسم امي الداده بقى منتشر ازاي 

*الناس عجبها قوي في فتره قصيره حقق ارباح عالية وبقى مطلوب 

*يوسف حاول يكلمني من أرقام مختلفة بس كل مره بسمع صوته بقفل الخط 

*كان سامح بيحضر لفرحه هو وصافي اللي بدات تسحلني  معاها في التجهيز 

*يوم الفرح لبست فستان حلو وملفت لاني كنت متاكده ان يوسف هيحضر وكنت عايزه اندمه بطريقة مختلفة .... و عزمت ادم 

*هنا عزمت مؤيد اللي ارتبط بيها واوهامها انه بيحبها وعايز يتجوزها 

*يوسف انتهز الفرصه انه يقف جنب صاحبه وكان اول واحد وصل القاعه و بيشرف مع بابا على كل حاجه ....  ولاد خالتي كمان كانوا واقفين جنبه اتعمدت   اتاخر دخلت بعد زفه العروسه بحجه اني كنت مشغوله بتجهيز العروسه فتاخرت على ما جهزت بعدها .... بس طبعا كان قصدي ادخل وكل الناس تشوفني و وزعت على الضيوف بعض منتجات الشركه هديه عينات مجانيه دعايه وكنت بسلم على الناس كلها لغايه مؤيد ما شافني صفر ومسك ايدي لففني حوالين نفسي 

: ايه الجمال ده لا ما اقدرش على كده العروسه جنبك ولا حاجه 

*ضحكت لاني كنت متاكده انه هيعمل ده باس ايدي زي الافلام القديمه ....  ضربته في كتفه بهزار 

:مش هتبطل شغل الافلام العربي الحمضانه بتاعتك دي تعرف اني باكل من الكلام ده 

:نفسي يجيب معاكي بس للاسف حافظاني 

:اسيبك يا بكاش واشوف الضيوف

 *يوسف كان متابعني و متضايق من اللي عمله مؤيد وكان مستني اي فرصه يقدر يكلمني بس تجاهلته 

*ادم حضر الفرح و شافني بان قوي في عينيه انه منبهر بيا  ... كنت مقضيه معظم وقتي معاه لانه كان صديق مخلص بمعنى الكلمه 

*عرفت ان رقصه الكابلز هتبدا بعدت واخذت ركن  ... دموعي كانت ماليه عينيا  ...بس عيب انا مسيطره ما نزلتش غير لما يوسف وقف جنبي وقال بكل ادب

: ممكن ترقصي معايا الرقصه دي اخر حاجه ومش هتشوفي وشي ثاني اوعدك

بقلمي سحر السحرتي 

 *لقيت نفسي وافقت من غير ما احس ودموعي نزلت مسحها واحنا بنرقص بايده وقال لي

: انا اسف انا حاولت اخلق جو رومانسي اعترف فيه بحبي ليكي ... لو شكيت ذره واحده انك ممكن تفهميها كده كنت عمري ما هعملها ولما حضنتك و بوستك انجرفت ورا مشاعري و احاسيسي مش لانك رخيصه انت غاليه قوي يا حلا 

:حقيقي يا يوسف شايفني غاليه مش بنت الداده

: لو اديتيني فرصه هثبت لك انا شايفك غاليه قد ايه وبعدين انت ظلمتيني قوي

: ظلمتك ازاي

: لما بوستك كنت برجع البوسة بتاعتك من اليوم إياه  حقك بالفوائد مش انا اللي اكل حق حد

 *ضحكت قوي : ما تفكرنيش باليوم ده كل ما افتكره بقول انا كنت هعمل في نفسي ايه 

:ده انا اللي علقني بيكي اكتر طريقه رقصك كان ايه 

:اخرس بس لا مش فاكره كل ده 

:احكي لك انا و افكرك 

:ولا كلمه عشان اسامحك 

*الرقصه خلصت وكل الناس بدات ترجع على مكانها  ...جيت امشي انا كمان يوسف مسكني من ايدي 

:استني رايحه فين

 :هرجع ما بقاش فاضل غيرنا حتى سامح رجع قعد في الكوشه 

*فجاه النور اتطفى

#يا ترى النور اتطفى  عشان في مفاجاه هتبسط حلا ولا هتزعلها

تكملة الرواية من هنااااااااا