مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 

رواية كبرياء ابنة الخادمة الفصل السادس والسابع والثامن والتاسع والعاشر  بقلم سحر السحرتي 

رواية كبرياء ابنة الخادمة الفصل السادس والسابع والثامن والتاسع والعاشر  بقلم سحر السحرتي 

كبرياء ابنة الخادمة 

حلقة ٦

*رد عليه سامح بخوف ورعب عليا ان ممكن اكون عملت حاجه في نفسي

 :لا يا استاذ احنا لقيناها ماشيه لوحدها بالليل بتعيط ومش بترد و الظابط اخدها تحري  ...... وهي معانا في القسم فالظابط اداني التليفون وقال لي احاول اتصل على حد من اهلها .... لكن  لقيته فاضي ما فيش عليه مكالمات وقلت الحمد لله انك رنيت

: انتم في قسم ايه انا جاي حالا 

*لما دخل لقى الظابط مقعدني بعيد عن المجرمين لانه حاس اني بنت ناس ....  كنت عايزه اضحك واقول له لا انا بنت الخدامه قعدني معاهم عادي

 *زي ما اكون الة وحد فصل فيشه الكهرباء عنها عماله تسرب ميه من عينيها بس 

*سامح شافني اترعب كنت تقريبا جثه بدموع وقف و حضني .... كل اللي اتغير دموعي بقت شهاقات ما نطقتش ولا كلمه قعدني ثاني ودخل للظابط .... و اتفاجا لما شافه

:مش ممكن يوسف ازيك يا ندل

 :سامح ابن الاكابر هو مين اللي ندل خير جاي تسلم ولا تبلغ عن حد انفخهلك

: لا جاي اخد حلا البنت اللي بره 

:انت تعرفها انا فكرتها في الاول شاربه حاجه وهي ماشية لوحدها في وقت متاخر  بس لما ما نطقتش ودموعها بتنزل بس قلت مظلومه

 :هي من ناحيه شاربه فهي شاربه المر اقدر اخذها 

:اه بعد ما تضمنها انا لقيت بطاقتها وعرفت انها في ثانويه عامه والنهارده النتيجه كلمتها وقلت لها ايا كان مجموعك ما يستاهلش اللي انت عاملاه في نفسك كده ما ردتش عليا 

:بالعكس دي جايبه 96%

 :امال مالها دي من ساعه ما لقيناها و حنفيه دموع مفتوحه ما وقفتش لحظه

: ظروف يا يوسف مش هقدر اتكلم عنها دلوقتي انت شايف حالتها 

:دي محتاجه مستشفى ضروري انا كنت هوديها بس قلت استنى اشوف حد من اهلها 

:انا هوديها اقفل المحضر

 :هي تقرب لك يا سامح

: اختي في الرضاعه بس ماما مش بتحبنا نقول بس انت عشان صاحبي

: طب ابقى طمني عليها امسك بطاقتها و تليفونها 

بقلمي سحر السحرتي 

*خرج يوسف مع سامح عشان يستلمني

 :قومي يا حلا مع سامح عشان تمشي وما تعمليش في نفسك كده معقوله اسمك حلا وانت فعلا حلا وتعملي كده في نفسك 

*ما ردتش او وقفت بس سامح فهم اني منفصلة عن العالم اللي حواليا ..... قومني و شدني من ايدي عشان امشي مع اول خطوتين فقدت الوعي 

:حلا .... حلا فوقي يا حبيبتي ... حلا  .... ما تعمليش كده مفيش حاجه تستاهل 

يوسف :معاك عربيه ولا اوصلك بعربيتي 

:لا معايا 

:خلاص شيلها واطلع بيها على اقرب مستشفى وانا اول ما اخلص شغل هحصلك انا قربت اخلص 

*سامح شالني وجري بيا في المستشفى 

*الدكتور خرج مش عارف يفسر حالتي من اللي قاله سامح

 :يعني ايه مش عارف تفسر حالتها 

:مش قادر احدد هو انهيار عصبي ولا اكتئاب حاد لازم دكتور نفسي هو اللي يحدد حالتها  .... عموما احنا عملنا الاسعافات وركبنا محاليل  .... بس اللي مش قادر افهمه ايه اللي يوصل بنت عندها 18 سنه لحاله زي دي انتم عملتوا فيها ايه ....  السن ده ورده لسه بتتفتح حرام عليكم بجد 

*كان يوسف داخل وسمع الدكتور

 :في ايه يا دكتور ما تهدى شويه سامح ما عملش حاجه هو مجرد نقلها هنا

: اسف بس حالتها خلتني منفعل سنها صغير وتمر بحاله زي دي امر صعب 

:شكرا يا دكتور واحنا هنهتم بيها ونحاول نعالجها 

*بعد الدكتور ما مشي 

:سامح انت عارف مين اللي عمل فيها كده وليه 

:للاسف عارف وعشان هي يتيمه بهدلوها وباعوا واشتروا في كرامتها 

:قلي وانا اظبطهم

 :للاسف مش هقدر اعمل لهم حاجه لانهم اقرب الناس ليا

: ايه حرام عليهم حقيقي يتيمه طب ما تساعدها تبعدها عنهم

 :ده اللي ناوي اعمله بس يا رب يسيبوها في حالها 

*فضلت نايمه يومين ماما كانت بتزورني ساعتين اللى سمحت بيهم مدام شاهنده ام قلب كبير  ..... مش فاهمه هي كمان كانت عايزة تمنع عني امي ما تمنع عني الهواء كمان يمكن ترتاح ..... 

بس سامح كان على طول بيطول معايا 

بقلمي سحر السحرتي 

*وفي يوم جه يزورني لقاني اختفيت مش موجوده في المستشفى طبعا زعق بس هيعمل فيهم ايه غير الشكوى 

*اتصل على يوسف يدور معاه  .... لكن عاجزين مش عارفين يدورا عليا فين الاماكن اللي بروحها يا الفيلا يا الحاره بس .... هيدوروا فين تاني

*لغايه لما سامح لقى صافي صاحبه هنا بتكلمه و بتحكي له 

:انا اسفه يا سامح بس عرفت دلوقتي من صاحبتنا شيري انها كانت عند حلا في المستشفى وقالت لها كلام صعب فحبيت اطمن عليها هي كويسه

: هي مش موجوده 

: ازاي يعني ايه تفتكر بسبب كلام شيري معاها

: صافي انطقي ارجوك صاحبتك قالت لها ايه

 : يظهر أن لما هنا نشرت صور خطوبتها ومن ضمنهم صوره مع مامت حلا وكاتبه احلى داداه فاديه في الدنيا ....  وبعدها صوره ليها هي وحلا كاتبه بنت داداه فاديه اكثر واحده فرحت بخطوبتي شكرا بجد يا حلا .... فشيري عرفت منها عنوان المستشفى وجت قالت لها 

*صمتت قليلا كانت عاجزة عن التحدث

:انطقي يا صافي عشان الحق اتصرف

 :قالت لها كنت فارده نفسك علينا وعامله نفسك بنت ناس وبتخرجي معانا وانت بنت الداده عموما اما تخرجي عندي لك شغل من مقامك محتاجين عندنا حد يغسل الحمامات وينظف ومش هلاقي احسن منك واخده المهنه ابا عن جد  .... ولا اقول ابا عن ام .... وقال كنت عايزه تدخلي طب المفروض كنت كملتي دبلوم ده مقامك

:بنت ال ..... وديني وما اعبد لو حلا جرى لها حاجه ما حسبهم 

:انا اسفه كمان مره ... هي كانت بتحكي لي انك حنين عليها قوي فقلت اكلمك تلحقها ارجوك طمني حلا طيبه وما تستاهلش ده كله 

*قفل معاها ويوسف ساله ماله في ايه حكى له

 :هو في بني ادمين كده

: في العن من كده بس الاقيها خايف تعمل في نفسها حاجه 

*حاول يدور حوالين المستشفى بس مفيش امل 

*بعد ساعتين صافي اتصلت ثاني بسامح رد بعصبيه

 :في ايه ثاني يا صافي لسه مش لاقيها ومش عارف ادور فين

: اسمعني كويس يا سامح الحق حلا واحد صاحبنا من النادي اتصل عليا وقال انه شاف حلا في ديسكو 

*سكتت وما قدرتش تكمل

:في ايه يا صافي كملي بتعمل ايه في الديسكو

:بترقص بطريقه وحشه كانها شاربه و حواليها رجاله كثير 

*جري سامح بسرعه رهيبه لما وصل لقاني برقص بطريقه مثيره و حواليا الرجاله .....  كنت رابطة البلوزة بتاعتي من نصها من تحت عشان تبين بطني وقطعت البنطلون الجينز من على الركب .... شدني من ايدي جامد كان في واحد هيضربه ... 

:انت مش شايفها واقفة مع راجل انا شفتها الاول

 يوسف وقفوا وقال لهم 

:اهدوا يا شباب ما تخلونيش اقفل لكم المكان ازاي تدخلوا  بنت قاصر وتشرب كمان وهي تحت 18 سنه 

:رديت وانا بطوح انا لسه ما شربتش بس هشرب كنت بقدم نمره عشان صاحب المكان يتفق معايا  يشغلني هنا وبناء على نمرتي يتفق هاخد كام

 *سامح اتنرفز من كلامي وشدني جامد فتح بقي يشمه وهو بيقول 

:انت بتخرفي بتقولي ايه .....  انت فعلا مش شاربه ضربتي حبوب هلوسه 

*كنت لسه بتطوح من اللي حصل فيا

 :لا لسه بس ما تقلقش هاخذ سيبني بقى اشوف شغلي ما تبوظش التحاقي بالديسكو زي ما مامتك بوظت التحاقي بالجامعة 

:طب تعالي نمشي ده مش مكانك

 *نفضت ايدي وقلت بصريخ وعياط له 

: لا ده هيبقى مكاني مش هغسل حمامات يا سامح مش بعد ما كنت عايزه ابقى دكتوره اغسل حمامات بنت الداده هتطلع ايه غير داداه 

بقلمي سحر السحرتي 

*كملت بهستيريا 

:فكر فيها كدة هنا احسن هتبسط وابسط الرجاله وهم هيقدروا ده حتى شوف التقدير 

 *بدات افك زراير القميص ولسه هقلع سامح ضربني بالقلم

#يا ترى حلا هتعمل ايه وسامح هيقدر يمنعها عن الطريق اللي اختارته

كبرياء ابنة الخادمة 

حلقة ٧

*لما ضربني يوسف مسكه و زعق فيه 

:اهدى يا سامح هي مش في وعيها وقدر اللي مرت بيه 

*ضحكت ليوسف و اترميت عليه

 :سيبه يضربني زعلان ليه مامته متعوده على كده وضيوفها جت عليه يعني  .... بس انت حلو كده ليه ما تيجي نروح عندك هبسطك الخدامين بيبسطوا اه انا لسه مبتدئه بس هتعلم بسرعه اصل دي حاجه اسهل من غسل الحمامات وانا ذكية وبجيب مجموع كبير 

*طبطب عليا وقال لي

 :طب ماشي تعالي نروح عندي البيت ونشوف هتبسطيني ازاي 

*لسه سامح هيزعق معاه غمزه بمعنى انه بياخذني على قد عقلي عشان امشي معاه قلت له 

:انا ممكن اوري لك عينه هنا 

*و فاجئته لما بوسته في شفايفه زقني بسرعه بس بالراحه 

:بلاش هنا تعالي هناك احسن الناس حوالينا

 *سامح كان لسه هيولع فيا بس شاور له يهدى و شدني من ايدي يخرجني

بقلمي سحر السحرتي 

*شاورت لسامح بايدي

: روح انت يا سامح لمدام شاهي وابقى سلم على هنا وخطيبها  .... ولو عندك زباين تاني هاتهم هكرمهم عشان خاطرك وبما ان اول زبون من عندك هروقه 

*كان لسه هيجيبني من شعري يوسف شد ايدي و خرجني بسرعه

: اهدي بقى عشان نتبسط هعمل تليفون اشوف الشقه فاضيه 

:ما تتاخرش يا مز هو انت اسمك ايه  .... اقول لك لا  مش عايزه اعرف اسم الزباين 

:انت صح اقعدي بقى في العربيه دقيقتين وراجع 

:عربيتك حلوه و واسعه لو الشقه مشغوله خلينا هنا 

*سامح زعق مش طايق نفسه

: ما تخرسي بقى احسن ادفنك مكانك انت اتهبلتي ولا جرى لك ايه 

:بتزعق ليه يا موحه مش ده الطبيعي ولا انا ما انفعش غير للخدمه في البيوت ....  ما دي خدمه برده بس فلوسها احلى 

يوسف: خلي بالك منها هعمل تليفون اشوف هنوديها فين 

بقلمي سحر السحرتي 

*غاب دقيقتين ورجع 

:يلا اركب جنبها احسن تعمل حاجه

 :رايحين فين

: مصحه نفسيه فيها دكتور كويس

 *قعد معايا في الكنبه ورا جاله تليفون من صافي

: ايوه يا صافي

:انت لقيتها

:اه لقيتها هي معايا دلوقتي 

 :ممكن اكلمها اطمن عليها 

:مش عارف هي عماله تهلوس من ساعتها

 :معلش خليني اسمع صوتها واطمن عليها بنفسي

*ميل عليا وقال لي 

:حلا صافي عايزه تكلمك قادره تردي عليها

 *اخذته منه التليفون وانا بضحك بهستريا 

:صافي بنت الناس الاغنياء انتم هتقطعوا نفسكم عليا عشان اشتغل عندكم .... اسفه انا لقيت شغلانه تانيه غير غسيل الحمامات ما تنفعش غير لاولاد الخدامين اسكتي هو انت ما عرفتيش مش طلعت بنت الداده و شايفه نفسي عليكم 

:لا يا حبيبتي ما تقوليش كده انت احسن صديقه ليا انا بحبك قوي وما تصدقيش كلامهم دول مغلولين منك مش عارفين يبقوا بطيبة قلبك 

*كانت بتعيط بصدق 

:انا ما اصدقش كلامهم في ايه ....  انا فعلا بنت الداده بس عمري ما شفت نفسي عليكم ولا اخذت حاجه من حد انا كنت بدافع عن واحده فكرتها صاحبتي

*سبت التليفون من ايدي و بصيت لسامح 

:عمري ما اخذت لعبه منها ولا حلمت العب بحاجتها  ..... يا سامح عمري ما استغلتها طول الوقت عارفه اني بنت الداده ليه عملت كده .... اخذته مني هو كان بيطبطب عليا وقلت ده العوض

بقلمي سحر السحرتي 

*بدات و كأني بكلم نفسي 

:حبيته اول ما شفته حب الطفوله قلت هيعوضني عن حضن بابا اللي اتحرمت منه وعمري ما شفته  ... وعن حضن ماما اللي بحكم الظروف كانت بعيده عني 

*دموعي كانت نازله بتحرق جوه سامح ويوسف من اللي بقوله 

:انا ما كنتش عايزه فيلتكم والحاره كانت احسن بالنسبه لي  ... انتم كنتم عايزيني ليه عشان تذلوني و تهنوني ليه عملت فيكم ايه 

*سامح خدني في حضنه وقال لي

 :معلش الحياه ابتلاء

: ابتلاء صعب قوي انا عايزه اروح لبابا 

:حاضر هكلم ماما تيجي

*كان مفكرني غلطت 

: بقول لك بابا وديني ليه المكان اللي هو فيه احسن من هنا  ... ما حدش بيهين حد ولا يذله  ....كمان ما حدش بيضرب حد بالقلم ويكسر نفسه ... انت ... انت ضربتني بالقلم اه صح افتكرت 

*زقيته بعنف : ابعد عني انا عايزه بابا

 *كنت هفتح باب العربيه و انط وهي ماشيه بس يوسف تقريبا كان عامل حسابه و قافل اللوك بتاعها وسامح اول ما استوعب مسكني و شدني و زعق

: انت يا مجنونه عايزه تعملي ايه

 :سيبني عايزه اروح لبابا ماسكني ليه زعلان ان الخدامين هينقصوا واحده 

*يوسف زعق وقال لسامح

 :ما ينفعش كده مش عارف تهديها تعالى سوق انت هي مش طبيعيه وكلامها بيطلع بشكل هستيري حاول تقدر اشحال يا اخي ما انت عارفها و حافظها 

:حاضر هنوصل امتى

 :10 دقائق 

*سحبني سامح في حضنه وطبطب عليا وقال لي 

: هششش كل حاجه هتبقى كويسه

*هديت ونمت او فقدت الوعي مش عارفه وصلنا مصحه نفسيه عشان يبقى فيها حراسه وما اقدرش اهرب زي المستشفى 

*الدكتور قعد مع سامح حكى له كل تاريخ حياتي لغايه وقت الديسكو 

*يوسف كان مصر يفضل لغايه ما يطمن عليا وسمع حكايتي مع الدكتور 

*كان راي الدكتور اني شخصيه قويه و هتعافى بسرعه بس طلب من سامح الفتره الاولى بلاش زيارات ...  ولما يسمح بالزياره هيكلمه 

*فات اسبوعين والتنسيق فتح سامح كتب لي الرغبات وبعد تماما عن الطب .... كان عايز يكتبها رغبه اولى و يتكفل بيا انا وماما بس خايف عليا  من والدته تعمل شيء غير متوقع  .... بس كتب صيدله 

*كانت وجهه نظره اني هبقى دكتوره وكمان هقدر امارس هوايتي صح وانا بعمل تركيبات العطور ومستحضرات التجميل بشكل علمي ويمكن اخترع حاجه مهمه في يوم من الايام 

*اقول لكم و اسبق الاحداث طلع فعلا عنده حق

 *الدكتور سمح بالزياره ماما طبعا جات الساعتين بتوع الاذن  

*جه سامح ومعاه يوسف حب يطمن عليا  ..... اول ما دخل بصيت ليوسف باستغراب وسالت سامح 

:مين الاستاذ

 :انت مش فاكراه ازاي انت شفتيه مرتين مره في القسم ومره في الديسكو

: قسم ايه و ديسكو كمان انا من امتى بروح الاماكن دي 

*يوسف فهم اني مش فاكره حاجه فضغط على ايد سامح وسلم عليا

 :انا يوسف صاحبه قال لي انه رايح يزور اخته اللي زي القمر جيت اتاكد بنفسي اصل سامح زي ما انت شايفه ما لوش علاقه بالجمال 

*ابتسمت من كلامه وقلت له

: هو فعلا ما لوش علاقه بالجمال بس الرجال افعال وهو ابو الرجال

 :مين هيشهد له مش اخته 

:لا مش اخته انا بنت الداده وهو بيعطف عليا بس خلاص من هنا و رايح ما فيش حد هيعطف عليا 

سامح : ايه الكلام ده يا حلا

: اللي لازم يحصل في جميع الاحوال انا هشتغل و اذاكر وكفايه على امي شغل لحد كده 

*مسك ايدي وقال لي

 :انا اخوكي مهما تقولي او تعملي وانت ملزمه مني

: معاك ورقه بتقول انك اخويا اسفه يا سامح انا عايزه اقطع اي رباط بيني وبين اسرتك ...  ارجوك ساعدني مش عايزة اشوف حد فيهم وانت بتفكرني بكل اللي حصل لي .... عايزه ابدا صفحه جديده من غيرهم عايزه انسى اني قابلتهم في حياتي ما تزعلش مني 

:عندك حق خلاص خفي وقومي بالسلامه و هنفذ كل اللي تطلبيه 

:متشكره طول عمرك كريم وحنين هتوحشني 

:ايه هتوحشني دي انا معاكي لغايه لما تخرجي من هنا و اطمن عليك مش هتخلصي مني بالسرعه دي

 *الباب خبط ودخلت صافي بتبكي من الفرحه

: حمد لله على السلامه يا حبيبتي جيت جري اول ما سامح قال لي انهم سامحوا بالزياره 

*قابلتها ببرود 

:جايه ليه يا صافي عندك كلمتين زي شيري ولا جايه تاخدي مني حاجه زي هنا ما بقاش عندي اي حاجه 

:اخص عليك يا حلا انت عارفه اني مش زيهم وانك الوحيده اللي فتحت لها قلبي و حكيت لها على كل حاجه وعمرك ما خزلتيني وطلعت سري لحد وزي ما بيقولوا صوابعك مش زي بعضها 

*وضحكت :مش بتقولوا كده 

*ضحكت بسخريه : اه في الحاره بيقولوا كده

: اسفه والله مش قصدي ارجوكي ارجعي حلا بتاعه زمان وحشتني قوي 

:خلاص يا صافي حلا بتاعه زمان اتكسرت و اتفشفت 100 حته

: احنا عايزين منهم حته واحده اللي فيها ضحكتك .... انا جبت لك السجاير اللي طلبتيها مني فاكراها 

*طلعت علبه سجائر من شنطتها 

*سامح لسه هيزعق يوسف بص له ان يهدى لما يشوف اخرتها

#هي حلا وصافي بيشربوا سجائر يا جماعه هو في ايه بالظبط هما بايظين من زمان

كبرياء ابنة الخادمة 

حلقة ٨

*اتكلم سامح بهدوء بعد ما يوسف بص له 

:سجاير ايه يا صافي اللي طلبتها حلا ومن امتى هي بتشرب سجاير

 :دي سجاير خفيفه مش مضره طلبتها قبل النتيجه بكام يوم كانت جربتها وقالت سامح لازم يجربها هتعجبك قوي ودوخت على ما لقيتها 

:ازاي يعني جربتها

 :امسك خد واحده حتى شوف مكتوب عليها غير مضره بالصحه 

*افتكرت وقلت لها: اااه انت لقتيها كويس  ادي صاحبه واحده هو كمان

 يوسف :بس التدخين ممنوع هنا 

صافي: ده دخانها خفيف وهفتح الشباك ما تقلقش ما تكسفوش حلا لان اهم حاجه صحتها النفسيه 

*فعلا كل واحد اخذ سيجاره وصافي طلعت ولاعه ولعت لهم السجاير وجت جري تقعد جنبي وحطينا ايدينا على وداننا 

بقلمي سحر السحرتي 

 *اول سامح ويوسف ما بداوا يستوعبوا حركتنا كانت السجاير مفرقعه في وشهم عملت صوت جامد  .... و نطرت لون احمر على وشهم ضحكنا جامد انا وصافي و حضنتني و باستني من خدي 

:حمد لله على سلامه ضحكتك يا حبيبتي انا خفت تكشفي المقلب لقيتك اندمجتي و عزمتي على صاحبه

: ما قدرتش انت طلعت الوحش اللي جوايا وفكرتيني بمقالب زمان 

:ولسه كل يوم هكون عندك ونفكر في مقلب جديد

 يوسف :وانا بصفتي ظابط هقبض عليكم

 *انا ضحكت وقلت له

: ظابط ايه بحبوب الحصبه اللي على وشك دي

 *سامح ضحك :معلش يا يوسف سامحهم طالما حلا ضحكت انا موافق كل يوم اجي تعمل فيا مقلب هي وصافي 

*صافي بصت لسامح باعجاب وقالت له بمعاكسه

 :اعتبر ده موعد نتقابل فيه 

*ضحكت وحبيت اساعدها 

:معاكسه عيني عينك وعامله زيارتي كوبري 

*يوسف ضحك هو كمان

: استاذن انا احسن هكون عزول في قاعده التعارف دي 

:نورت يا حضره الظابط وشكرا على زيارتك ليا اتمنى ما تتكررش

 *بصي لي مستغرب اللي قلته 

:ليه انا زعلتك في حاجه

: لا بس سامح قال اني شفتك مرتين وانا مش فاكراك خالص والاماكن اللي شفتك فيها مش بتاعتي فمحرجه اشوفك ثاني فبطفشك ده اسلوبي حا ول تتاقلم وما تزعلش مني

: مش زعلان بس عايزه اقول لك خفي بنفسك وقومي على رجلك انت قويه وما فيش حاجه تستاهل تزعلي عليها

 :شكرا هسمع كلامك وناويه اقوم بنفسي ولنفسي

: اتمنى اشوفك مره ثانيه في ظروف احسن من كده 

*قلت بحزن وانكسار 

:وانا اتمنى ما تشوفش واحده زيي

*ما علقش لانه فاهم ان حالتي النفسيه في الفتره دي متقلبه بشكل كبير شويه ضحك وشويه حزن

 *خرج ودور على الدكتور يساله عن حالتي وازاي ما عرفتوش 

:هي اول مره كانت في حاله صدمه وتقريبا مش سامعه ولا شايفه اي حاجه وبالتالي كأن اليوم ده ما حصلش ....  انما المره الثانيه الدوا اللي اخذته في المستشفى كان له اعراض جانبيه غير أنه تعارض مع دواء تاني عملها هلوسه ....  بجانب الاهانه اللي حصلت من صاحبتها فمش فاكره منه اي شيء او اللاوعي عندها مسحه  ... بس ده اكيد هترجع تفتكره هتاخود وقت على ما حالتها النفسيه تتحسن 

:طب شويه تضحك وشويه تزعل ده طبيعي

 :اه هي كانت جايه و نفسيتها متدمره ما تقلقش هترجع مع الوقت 

بقلمي سحر السحرتي 

*قضيت كام شهر الدراسه كانت بدات بقى لها اسبوعين خرجت و اصريت ابدا والحق اللي فاتني ساعدني سامح وصافي اللي كانت كتبت رغباتها زيي وبقت معايا في نفس الجامعه 

*سامح فضل واقف جنبي

 *بعد شهرين من بدايه الدراسه بدات ارجع لشغلي الخاص وطورت فيه حاجات من اللي اتعلمتها في الكليه صافي سوقت لي بين عيلتها غير انها كانت بتشتري مني معظم منتجاتي

*جمعت مبلغ كويس بعد الترم الاول ما خلص جريت على الفيلا وانا كلي اصرار ان ده يبقى اخر يوم عمل لامي هناك 

*وللاسف قد كان

*سامح كان في الشغل وفضلت اني اروح وهو مش موجود لان اي مواجهه بيني وبين امه كنت هطلع اللي جوايا واكيد هيدافع عن امه فرفضت احطه في الموقف ده او يسمع مني كلمه مش كويسه هقولها لامه 

*شاهنده  اول ما شافتني الغضب مسكها مش عارفه هي بتكرهني قوي كده ليه  ...بس الحب من الله ومش مهم واحده زيها تحبني 

*زعقت بكل غرور 

:مين دخلك هنا وعايزه ايه 

*رديت بسخرية 

:هكون دخلت من اين دخلت من الباب وعايزه امي هتبطل شغل عند واحده زيك

: واحده زيي شغلت اللي زي امك عطف وشفقه لكن هي ما تستحقش تشتغل هنا ولا كانت تطول

*بكل كرامة وكبرياء 

: احنا  يا ستي مش عايزين نطول اشبعي بالبيت بتاعك اللي عامل زي السجن مليان طاقه سلبيه وغرور وحقد 

*الكلام وجعها فردت بعند وغرور

:طب امك مش هتمشي الا بمزاجي

: لا هتمشي هو انت واخده عليها وصل امانه ولا حاجه وانا معرفش

*رديت بلكنه تهديد واضحة 

: ايه رايك لو مشيت من غير موافقتي هبلغ البوليس واقول انها حراميه و اسجنها وبدل ما تبقي بنت الداده هتبقي بنت الحراميه 

*ضحكت بسخريه وتحدي أدركت اني هنفذه

 :اعمليها عشان بدل ما هي اللي تتسجن اخذ فيكي مؤدبد بعد ما اشوه وشك الحلو اللي انت فرحانه بيه ده  .... ولا نسيتي لما رحت مع بنتك اول يوم مدرسه .... واحتمال كبير ما اخدش فيك يوم حبس ....  اسكتي مش انا خارجه من مصحه نفسيه و معايا ورق يثبت كلامي 

*دخل بابا من المكتب وماما من المطبخ وهما بيسمعوني وانا بتكلم 

*ماما ما قدرتش تسكت المره دي اكتر من كده  .... لانها كانت بتتالم كل ما تشوفني في المستشفى وشكلي كان زي الورده الدبلانه  ... بصت لشاهنده و زعقت

: كفايه بقى ظلم  و افترى حرام عليك استحملتك كثير وقلت لنفسي عدي و فوتي عشان خاطر بنتي تعرف تعيش وبيت اختي اللي مفتوح معايا لكن خلاص فاض بيا 

:انت بتقولي ايه يا مجنونه انت بتخرفي صح

: انت اللي ست مغروره و حقوده وطالعه فيها و مفكره ان اللي خلقك ما خلقش غيرك عشان كده ماشيه تدوسي على خلق الله  .... فوقي انت انسانه تافهه فاضيه من جوه ما لكيش لازمه في الحياه  عملتلك ايه بنتي عشان تاذيها كدة

*شاهنده ما استحملتش الاهانه وضربت امي بالقلم ونادت على الشغالين يمسكوني  .... وجابت امي من شعرها 

*امي بصت لبابا عشان يلحقها ويطلع راجل مره في حياته لكنه كان اجبن انسان شفته وبص الناحية الثانية 

*شاهنده ماسكه امي من شعرها جامد

 :انت يا جربوعه يا بتاعه الحواري بتشتميني ....  انا هوريكي وارميك باره رميه الكلاب بعد ما اقلعك هدومك اللي عليك انت وبنتك 

*فجاه ماما وقعت وما نطقتش لما بابا عمل نفسه كأنه مش شايف اهانتها على ايد مراته

.....  بعدت اللي مسكوني بالعافيه وجريت عليها حضنتها  ....وحاولت افوقها زي ما اتعلمت في الكليه وانادي وانا بصرخ 

:ماما .... ماما  .... فوق يا حبيبتي 

بقلمي سحر السحرتي 

*قست النبض لقيته مش موجود بصيت لشاهنده وقمت مسكتها من هدومها 

:قتلت -يها .....  قتلت -يها 

*الشغالين رجعوا مسكوني تاني وهي جريت طلعت على غرفتها تستخبى مني 

*دخل سامح جري من الباب على صوت صريخي وشاف ماما واقعه 

*حاول يفوقها صرخت فيه وقلت له 

:ابعد عنها مامتك قت -لتها ومش هسيبها فاهم مش هسيب حقها

*سامح نده على واحد من الشغالين يشيل معاه ماما ونقلها على المستشفى 

*الدكتور خرج من غرفه الكشف

#يا ترى ايه اللي جرى لمامت حلا وحلا هتعمل ايه بعدها

كبرياء ابنة الخادمة 

حلقة ٩

*خرج الدكتور من غرفه الكشف وكان شكله حزين توقعت هيقول في ايه  ... وفعلا زي ما توقعت قال

: اسف البقاء لله هي جت ميته 

*اتصدمت رغم اني كنت متوقعة اللي هيقوله بس كان عندي امل كاذب اتمنيت يتحقق قررت ما انهارش

*سبتهم وجريت على القسم ابلغ في شاهنده وقابلت يوسف  ... اتردد قبل ما يعمل البلاغ وكلم سامح اللي وافق وقال له

: انا ما كنتش موجود خلي العداله تاخد مجراها واللي غلط يتحاسب 

*طبعا مش محتاجه اتكلم و احكي اقول ان حقي وحق امي ضاع وكل اللي بيشتغلوا عندها ما حدش شهد باللي حصل في النيابه 

*شاهنده وهي خارجه براءه بصيت لي بتكبر وقالت 

:حاولي بقى تعرفي حجمك الطبيعي

 *رديت عليها بكل اصرار و جديه 

:حجمي الصغير  اللي  كان مضايقك قوي هكبره عشان يضايقك اكثر  ... و كليه الطب اللي منعتيني عنها هعرفك ان برده هنجح واسمي هتشوفيه  كل شويه وحق امي مش هسيبه بس خليك فاكره ايدك اللي اتمدت عليها كل صلاه هدعي انها تتشل و تشوفيها بعينك وانت مش قادره تحركيها 

*وحطيت عيني في عينيها 

:افتكري كل ما تمسكي حاجه قولي يا ترى دي اخر مره امسكها لاني عارفه و متاكده ان ربنا هيستجيب ليا و تشوفي الذل و تعيشيه كل لحظه

بقلمي سحر السحرتي 

*ردت عليا بسخريه :انت بقى اللي هتنتقمي مني و تشليني 

:لا مش هنتقم هسيبك لربنا انتقامه هيبقى اصعب الف مره من اللي كان ممكن اعمله فيك ...  و نجاحي في الثانويه العامه اللي حرق قلبك وملاها غيره  وحقد هتلاقيني ناجحه في حاجات ثانيه تقهرك وتحرق قلبك اكثر و افتكري كلامي بنت الداده هتبقى في العالي 

*سبتها ومشيت وانا مصرة على النجاح

 *بعد فترة سامح جه زارني وكان باصص في الارض من الخجل  ....مسكت وشه بايدي ورفعته لفوق 

:انت اجمل راجل شفته في حياتي نفسي ربنا يرزقني براجل زيك اتجوزه

*فجاه طقت في دماغي فكره مجنونه تحرق دم شاهنده شاف لمعه في عيني

: مش مستريح لبصتك دي 

: انت عارف اني اتظلمت

: اه وكان نفسي اساعدك بس ما فيش في ايدي حاجه

: لا في ايدك ارجع جزء صغير من حقي بحرقه دمهم شويه ينفع تساعدني 

:قولي اللي في دماغك واشوف 

:نتجوز

: انت اتجننتي

 :كده وكده مش حقيقي هقعد معاك في الفيلا افرسهم شويه 

:اتجوزك ازاي وانت اختي

: مفيش ورق رسمي يقول اني اختك حتى مامتك مش معترفه وكل اللي شغالين اللي عندكم ما حدش يعرف المعلومه دي 

:حلا هتفرسيهم شويه بس صح 

*بصيت له بخبث يعني شويتين ثلاثه اللي ربنا يقدرني عليه 

:تصدقي يستاهله بس من غير ما تمدي ايدك على حد

: كفايه عليهم لساني

 :هنفذ امتى 

:بعد امتحاناتي

 :بس انت بعد شويه هتبقي مطلقه وده غلط عليك بعد كدة 

:خلاص نضرب ورقتين عرفي ده هيغيظهم اكثر ونقول لهم هنجرب الجواز عجبنا نقلبه رسمي تصدق انا كده هروح اذاكر بنفس مفتوحه قوي 

:خلاص هاجي لك بعد ما تخلصي امتحانات و اوضب غرفتي و ابلغهم اني ناوي اتجوز و احط كنبه سرير عشان تبقي تنامي عليها 

*مشي سامح  بعد ما اتفقنا ننفذ الخطة المجنونه هي اينعم خطة تافهة بس احساسي انهم هيتفرسوا مني واني قاعدة على قلبهم ومحدش يقدر يطردني احساس رائع غير أن شاهنده هانم هتلاقي ابنها اتجوز من بنت الدادة تخيلوا ممكن يحصل لها ايه يا خبر حتة احساس هموت واشوف تعبيرات وشها ....تفتكروا ممكن توصل لجلطة ربنا كريم 

*دخلت خالتي وهي وشها احمر من الغضب

 :انت ناويه تعملي ايه بالظبط 

:زي ما سمعت بالظبط

: بس ده اخوكي وده حرام

: هم مش معترفين انه اخويا ومش هنعمل حاجه حرام هخلص امتحانات و اتسلى عليهم اجازه الصيف

: انا خايفه عليك في حقائق لو اتكشفت هتنجرحي قوي 

:حقائق ايه وما افتكرش ان بقى في حاجه تجرحني اكثر من كده

: انت حره انا حذرتك ما تلوميش الا نفسك 

: تعالى هنا انت هتقلبي دماغي ليه هو في حاجه مخبياها عليا 

: لا هخبي عليك ايه ذاكري وبعد الامتحانات لينا قعدة طويلة مع بعض 

*خلصت ايام الامتحانات اخر يوم قعدت مع صافي و بدات احكي لها انا ناويه اعمل ايه

: بتقولي ايه ناويه تتجوزي سامح 

*حسيت انها اتصدمت وزعلت قوي فلحقتها

:اه وضع مؤقت هدايق مامته واخته شويه

*كانت لسة زعلانه وقالت بقهرة

 :و بتقولي لي ليه 

:لاني حسيتك معجبه بيه

*ردت عليا بانفعال واضح 

 :ولما حسيتي اني معجبه بيه بتاخديه زي اخته ما اخذت ادم منك

:لا عشان افهمك يا بقرة  ان جوازنا لعبه وكمان باطل فبفمهك قبل ما تعرفي من بارة لاني بحبك أكثر من اخت

 :بس ما تقوليش بقرة .... وباطل ليه بقى ان شاء الله 

: لان هو وهنا اخواتي في الرضاعه

*الفرحة كانت هتنط من عنيها

: اخواتك بجد انا اول مره اعرف

 :ما هي مدام شاهنده  كانت مستعريه مني اكمني بنت الداده زي ما انت عارفه وكانت مانعة اي حد يعرف  .... وغيرت طقم الخدامين من عندها بعد ماما ما فطمت هنا  .... بس اتمسكت بماما لان هنا كانت متعلقه بيها قوي 

:يعني هنا اختك وعملت فيك كده 

:تخيلي مش بس لاني بنت الداده لا و كمان اختها ورثت من امها الطابع الوحش بس بقول لك موضوع اننا اخوات تعملي نفسك ما تعرفيهوش عشان اللعب يحلو 

:تمام طمنتيني وانا هاجي لك في الصباحيه اهني و ابارك هتكتبي الكتاب امتى 

:هنضرب ورقتين عرفي لان سامح فهمني أن بعد ما نخلص هبقى مطلقة فبلاش تبقى رسمي

:قشطه انا معاكي نوريهم النجوم في عز الظهر

 *كنت قاعده في البيت بتفرج على التلفزيون بملل بقلب لقيت برنامج ديني .... وواحده بتسال عن اخوها في الرضاعه والشيخ شرح لها ازاي الاخوه في الرضاعه 

*اكتشفت من شرحه ان انا وسامح مش اخوات زي ما كنا مفكرين انا وهنا بس كلمت صافي بسرعه

: الحقيني يا صافي انا وسامح طلعنا مش اخوات 

:ازاي هو مش اخو هنا 

:اخوها بس هشرح لك 

بقلمي سحر السحرتي 

*بعد ما شرحت لها

 :وانت ايه اللي مزعلك كملي في خطتك كده هيصدقوا انكم متجوزين بجد بس بقول لك اوعي يحلو في عينيك فاهمه

: يا شيخه اتلهي كده هخاف انام معاه في نفس الاوضه

: انت مش بتقولي عمل لك كنبه سرير قلقانه من ايه وبعدين سامح محترم واعترف لي امبارح بحبه وحكى لي ناوي يعمل ايه عشان اعذره و استناه على ما يساعدك تاخذي جزء من حقك 

*بفرحة :بتهزري  ...  بقول لك ايه يا بت يا صافي 

:حاسه ان جات لك فكره مجنونه 

: هههههه ااجل جوازي منه ويتقدم لك و تتجوزيه ويدخل عليهم واحده مننا في ايده اليمين والثانيه في الشمال

: هههههه انت مجرمه كده هيجي لهم جلطه مش هتعلميهم الادب ...  لا يا ستي انا عايزه فرح كبير وشهر عسل ولسه الجامعه اما اخلصها او حتى يبقى فاضل لي سنه

: ماشي براحتك سلام بقى عشان اكلمه واقول له على الجديد 

بقلمي سحر السحرتي 

*كلمت سامح 

:حلا انت متاكده انك هتقدري تدخلي الفيلا بعد اللي حصل نفسيتك هتستحمل

: انا حاسه انك عايز ترجع في كلامك

: لا يا حبيبتي انا معاكي لاني شايف حقك مهدور في حاجات كثير وعايز ارجع حقك اللي ما تعرفيش عنه حاجه 

:يعني ايه يا سامح مش فاهمه

 :حلا كل اللي عايزك تفهميه ان دخولك الفيلا هيكشف حقيقه صعبه ولازم نتاكد انك مستعده للخطوه دي نفسيا اهم حاجه عشان ما يحصلش زي المرة اللي فاتت 

: لا ما تقلقش بس مش عارفه ليه كلامك قلقني بس انا عايزه ارد جزء من حق امي اللي اتهانت وماتت بسبب ظلمهم ....  قتلوها بدم بارد ومشيوا في جنازتها  ....شفت باباك كان ماشي يعيط عليها اوي  .... ومامتك عاشت حياتها عادي 

:خلاص جهزي نفسك بكره هنبدا

# يا ترى اهل سامح هيتصرفوا ازاي لما يعرفوا ان متجوز حلا

كبرياء ابنة الخادمة 

حلقة ١٠

*ثاني يوم سامح جاب الورق ومسك ايدي وشال شنطه هدومي فسحبت ايدي وقلت 

:خليك امسكها قدامهم مش عايزين نزودها وخصوصا انك مش اخويا 

*باس راسي :حلا انا اخوك مهما كان او حصل ما تقلقيش مش هيحصل بينا اكثر من اللي بيحصل بين الاخوات 

:انا فعلا رغم الحقيقه بحس انك اخويا 

:احساسك حقيقي

 *حسيت انه بيجاملني و يطمني كان عندي احساس ان في حاجه كبيره هتحصل فهديت نفسي قلت ايه اللي هيحصل شاهنده هتتصدم ويمكن تتشل يا ريت

بقلمي سحر السحرتي 

*وصلنا الفيلا قلبي اتاخد اول ما دخلتها وبدا يدق جامد لان استرجعت يوم وفاة ماما سامح حس بيا 

:اهدي يا حلا و ارجوكي انا هساعدك بس ما تنسيش ان شاهنده امي هي غلطت بس بلاش كلام جامد يجرحني  و يخليني اندم اني ساعدتك

: هو ده اللي قالقني بس هحاول اقول اللي نفسي فيه وانت مش موجود 

:طب امسكي نفسك كويس من اللي هيحصل ومهما عرفتي أو اتقال قدامك بلاش توصلي نفسك للحالة النفسية بتاعه زمان 

*فكرته بيقول كده قصده أن أمه هتجرحني بالكلام 

*دخلنا وكان تقريبا كل واحد في غرفته فزغردت عشان يسمعوني و يطلعوا طبعا اول واحده ظهرت وجت جري تزعق قبل ما تنطق جريت عليها و حضنتها واتكلمت بطريقة سوقية شويه حاولت إتقانها واتمرن عليها 

:حماتي رغم اني زعلانه منك بس سامحتك عشان موحه يلا قولي لي مبروك و حضري لي عشاء عروسه

: ايه انت بتقولي ايه ودخلت ازاي امشي اطلعي باره 

*رديت بطريقه الحواري

 :لا لا لا بلاش غلط بقى عشان انا سامحتك في القديم لكن هحاسب على الجديد والحساب هيبقى تقيل قوي 

*بصت لسامح بصدمه

 :ممكن تفهمني البنت دي بتعمل ايه هنا يظهر انك نسيت انها كانت عايزه تسجني 

*رديت : ما خلاص بقى يا حماتي ما قلنا هنقفل القديم ونبدا صفحه جديده وبلاش تحسسيني انك مظلومه 

*اتكلم سامح : يا ماما انا اتجوزت حلا مش انا كنت بجهز غرفتي و بلغتكم اني ناوي اتجوز 

*بابا رد بعصبية : بس دي اختك وانت عارف ان ده حرام

*كملت بطريقة الحواري وانا بمد في الكلمة 

: اسكت يا حمايا مش طلعنا مش اخوات ....  اولا انتم ما كنتوش معترفين بده وكمان رحنا لشيخ بعد ما حسينا ان الحب قاتلنا من جوه و شرحنا له الحاله قال اننا مش اخوات لو مامته ما رضعتنيش رديت وقلت للشيخ كانت رضعت بنتها اولى 

*سامح وقتها بصله بصة التحدي ما فهمتهاش غير بعد كام دقيقه

 :ها يا بابا مفيش مبروك 

*من صدمته الراجل ما نطقش

بقلمي سحر السحرتي 

:عموما انا كنت عامل حسابي انكم مش هتباركوا لي ....  يلا يا حلا عشان نعمل عريس وعروسه عن اذنكم انا طالع عارفين اني لسه عريس جديد بلاش ازعاج و راعوا اننا في شهر العسل

*المره دي بابا زعق

: الجوازه دي لا يمكن تتم على جثتي انك تلمسها

 :ليه يا بابا مش هلمسها احنا متجوزين وده حقي 

:لا مش حقك دي مش من مستواك

 :هو ده اللي يمنع المستوى عمري ما بصيت له في حاجه غير ده تمنعني 

:اه انا بمنعك بالقوه انك تلمسها 

*شاهنده كانت مبسوطه قوي ان صوت جوزها طلع وهو اللي بيعترض سكتت يمكن قالت تدي له فرصته يمكن يقدر على سامح اللي مش بتعرف تسيطر عليه 

*سامح اتحداه اكثر و شدني من وسطي وباس خدي 

:يلا يا حبيبتي هخليك تعيشي ليله من الف ليله وليله

 *اتفاجئت لما عمل كده بس اندمجت معاه وحطيت ايدي ورا ظهره وقلت

: يلا يا حبيبي اما انا جايبه لك كام قميص نوم يجننوا 

*مش عارفه طلعت مني ازاي يمكن عشان افرسهم 

*ابويا الحاج زعق بطريقه زلزلت الدنيا عمري ما شفته متعصب كده وحقيقي خفت بس ما كانش ينفع يسكت بقى المرة دى مش زي كل مره 

: سامح تعالى هنا انا بامرك ترجع عن اللي في دماغك و اوعى تلمسها او تحط ايدك عليها

: ليه مش عايزني المسها دي مراتي وحقي الا لو في سبب ثاني

 :مفيش اسباب

: خلاص لو رافض جوازنا هنا في الفيلا انا ممكن امشي من هنا لاي فندق وبعدين نشوف اي شقه

 *رديت وقلت : ليه يا حبيبي ما  شقتي موجوده اي نعم هي صغيره بس عش العصفوره يقضينا خصوصا ان الحب بيجمعنا  .... ولا ايه يا هنون مش الحب كفايه يعني لو ادم مسكنك في عشه مش هتبقى احسن من القصر

*هنا كانت واقفة ساكتة بتحاول تستوعب ايه اللي بيحصل 

*سامح كان منتظر بابا يرد ويقول السبب الحقيقي بس جبنه كان منعه إلى حد كبير 

:موحه يلا بقى احسن تعبانه نشوفكم الظهر بقى اصل هنفضل سهرانين طول الليل عرسان 

*وضحكت ضحكه مايصه مسكنا ايدين بعض ولسه هنطلع السلم بابا وقع وفقد الوعي

 *جرينا عليه وسامح كان لسه هيدمع انا قست النبض وقلت بسخريه

 :قوم يا حمايا بلاش تمثيل اي اينعم انا ما دخلتش الطب بس الصيدله ليها في الطب برده وانت عارف انا شاطره قوي في الدراسه 

*سامح بص لي بذهول وقلت بمنتهى السخريه

: ما تبصليش كده ده بيمثل يلا يا حبيبي عشان متاخرين على جوازنا 

*و مسكت ايده لقيت بابا مسك ايدي بقوه انت مش طالعه معاه على جثتي 

:ما تزعلش نفسك يا حمايا قوي كده صحتك يلا يا سامح على شقتي هي في حاره اه بس فله نظيفه و طراوه غير الطاقه الايجابيه اللي فيها 

:انا قلت مش هتروحي معاه في اي مكان لو طولت احبسك في اوضه هعملها

*سامح نبرته فيها تحدي واضح 

 :ليه يا بابا عايز تمنع جوازنا بقالي ساعه مستنيك تنطق باللي مخبيه سنين وبرده رافض خلاص سيبني استمتع بمراتي حلالي ما احنا طلعنا مش اخوات في الرضاعه ولا يمكن اخوات بطريقه ثانيه

بقلمي سحر السحرتي 

*شاهنده حست ان في حاجه سامح بيلمح لها وانا كمان بس هي قالت

: سامح هو في ايه بالظبط حاسه انك عايز تقول حاجه

: لا انا عايز بابا اللي يقول دي اخر فرصه يا بابا تقول انت ولا اقول انا

: هتقول ايه يا سامح انت تعرف حاجه

 :عرفت كل حاجه يا بابا و مستغرب انت ليه ساكت عن حق حلا بالشكل ده 

:عرفت منين حد قالك

: لا  ايام ما حلا دخلت المستشفى دخلت مكتبك كنت محتاج حاجه ضروري وعارف انك لما بتدخل المكتب مانع اي حد يدخل خبطت كثير لكن انت ما سمعتش فدخلت وسمعت صوت داداه فاديه وهي بتزعق  .... بس مش عارف الصوت كان جاي منين ... كانت بتترجاك تاخد موقف مع حلا وتقف جمبها  اقل حاجه تحقق حلمها انها تدخل كليه الطب ...  ما يبقاش بنتك تخطف حبيبها و مراتك تخطف حلم عمرها اللي تعبت عشان تحققه  ....انت بكل لا مبالاه قلت لها احنا متفقين من الاول ان ما ليش علاقه بيها  ...وصوتك ما يعلاش والا انت عارفه انا بعمل فيك ايه 

*اتصدمت من كلامه وحاولت استوعب هو بيقول ايه وسألته

 :ايه اللي يخلي امي تتكلم مع محمد بيه بالشكل ده ومعناه ايه ما لوش علاقه بيا 

:سامح بص لوالده وقال له 

:تكمل انت ولا اكمل انا

 *ردت شاهنده 

:كمل يا سامح لانه جبان انا كنت حاسه ان في بينهم حاجه بس قلت ما يقدرش ده اجبن من انه يبقى لواحده غيري وكمان الخدامه عارف يا محمد لو طلع اللي في بالي هعمل فيك ايه

*وكانها اخرجت الوحش اللي كان نايم بقاله سنين زعق بصوت عالي 

:اه اللي في بالك واكتر ....  كنت متجوزها  ....واه كنت بحبها فوق خيالك ما يجيب  .... بس ما عملتش لها اي حاجه ومكانتش منتظره مني حاجه وانا اللي قتل -تها مش انت

#يا ترى محمد يقصد ايه بان هو اللي قت -لها

تكملة الرواية من هنااااااا