رواية الضيف الخفى الفصل الاول والثاني والثالث والرابع والخامس بقلم فاطمة عيد
رواية الضيف الخفى الفصل الاول والثاني والثالث والرابع والخامس بقلم فاطمة عيد
في احدي الاماكن الراقيه بالتحديد في القاهره استعد بطلنا لبدايه يومه الجديد بنشاط كبير والتقط هاتفه ليحدث دارين ولكنها لاتجيب حاول عده مرات أخري واخيرا قامت بالرد عليه لتقول:حد يصحي حد كده
فهد:صباح الخير يا حبيبتي
دارين بصوت ناعس:صباح النور بتصحيني ليه بقا
فهد: مهندس الديكور خلص الفيلا خلاص وانا روحت شوفتها بنفسي وكل حاجه بقت زي ما انتي عايزة عرفي باباكي بقا اني هقابله النهارده عشان معاد الفرح
دارين:وانت مستعجل ليه يافهد
فهد بغضب:نعم ياختي فين الاستعجال ده انتي بقا عندك 30سنه ونعرف بعض من وانتي عندك عشر سنين بقالك معايا عشرين سنه واحنا مش محتاجين المده دي كلها تقدري تفهميني هتفضلي تضيعي ف عمري وعمرك لحد امتي
دارين:طب انت بتزعق ليه
فهد:عشان ده الطبيعي تقدري تقوليلي انتي مستنيه اي الڤيلا خلصت واتفرشت وكل حاجه بقت مظبوطه وجايبلك مهندس ديكور اجنبي مكنتيش تحلمي بتصميماته اعمل اي تاني انا
دارين ببرود : خلاص اللي تشوفه يافهد
ليغلق هو الخط دون أن يخبرها
تأتي والدتها من خلفها بابتسامه خبيثه وتقول:دودي حبيبتي عملتي اي
دارين: هو خلاص هيحدد معاد الفرح
نازلي هانم والدتها :وماله ياحبيبتي خليه يحدده نكون خلصنا اللي ورانا
لتعلو ابتسامه خبيثه فوق شفاه دارين أيضا ويفضلو الصمت
علي الجانب الآخر في مكتب منتصر الصياد يجلس علي مكتبه في توتر شديد ويطلب السكرتاريه الخاصه به لتأتي ويقول لها :رحمه من فضلك اول ماتيجي ميرال دخليهالي بسرعه
لتقول رحمه :حاضر يافندم
لتمر نصف ساعه أخري وتصل ميرال اخيرا الي المكتب وعلي وجهها علامات الانتصار لتجد رحمه تجلس في توتر وتقولها لها:منتصر بيه منتظرك ف مكتبه
ميرال:تمام متقلقيش كده اثبتي
رحمه:مش عارفه الجو في توتر ليه
ميرال :معلش هدخل اشوف المتر بقا
لتطرق الباب عده طرقات ليقول هو :تعالي ياميرال
ميرال:القضيه تمام كده
منتصر:الجاني اخد مؤبد
ميرال:لا اعدام
منتصر:هموت واعرف انتي مبتسمه ليه صحيح كسبنا القضيه وخدنا حق اللي اتقتل لكن في واحد تاني هيموت
ميرال:العدل هو اللي مخليني ابتسم ماهو الجاني ده لو مكنش قتل واحد بدم بارد عشان يسرقه مكنش حصل كده ده شرع الله من قتل يقتل ولو بعد حين وكمان ده القانون ولا اي رايك يامتر
منتصر: رأيي من رأيك بس مستغرب من ثباتك
ميرال:جدي علمني كده علمني مسكتش عن الحق كان الكل وانا صغيره يقول اني هبقي محاميه شاطره بسبب اسلوبي منكرش انه مكنش حلمي لكن كان حلم جدي ورغم مجموعي الكبير حققة حلمه ده وبعدها حبيت الموضوع لما بقيت اجيب لكل مظلوم حقه وحضرتك طبعا شجعتني علي ده
منتصر:طب مش ناويه تفتحي مكتبك بقا
ميرال:لا انا هفضل معاك هنا مش انت بتعتبرني بنتك برضو وبعدين انا هنا مطمنه للاقضايه اللي بشتغل فيها عارفه انها مفيهاش فساد اخاف أما اشتغل لوحدي معرفش اميز
منتصر:انا فخور بيكي وبصراحتك
ميرال:طب بعد اذنك بقا ممكن إجازة يومين لاني لازم اكون شايفه تجهيزات الشاليه الاخيره
منتصر:شاليه اي ده
ميرال:ما انت عارف ان الشاطئ مساحته كبيره بعد ما عملت المطعم والكافيه والفيلا ف قولت اعمل شاليه صغير عشان الضيوف وخصوصاً اختي وجوزها
منتصر بابتسامه:اللي عاجبني فيكي أن حياتك مختلفه
ميرال بغرور وثقه:انا استثناء دايما وعاجبني ده جدا
منتصر:وهناك الجو تحفه ما تشوفيلي مكان جنبك
ميرال:للاسف بعدي بشويه بقا كله قري سياحيه ومنتجعات ده حتي عايزين ياخدو اللي عندي غصب وعرضو عليا مبلغ خيالي
منتصر:طب وانتي اي رايك
ميرال:المكان ده كان حلم مشترك ليا ولجدي هو بدأه وانا كبرته وانت عارف ده كويس كمان تخيل كده يبقي عندك شاطئ ليك انت لوحدك في مكان هادي وجنبه مشروعك اللي كنت بتحلم بيه بيت جميل ميتعوضش بفلوس الدنيا كلها اكيد هتحارب عشانه مش كده
منتصر :اكيد
تنهدت ميرال وهي تقول:وده اللي انا بعمله انا مبحبش اخسر احلامي مبحبش حد ياخد حاجه بتاعتي ممكن يكون غرور وممكن تكون قوه بس انا مش بعرف وخلاص
منتصر:انا واثق فيكي وف أحلامك وف ثقتك وقوتك والغرور مباح ليكي فعلا لانك مختلفه جدا
ميرال:يبقي اسمحلي بالاجازة دي بقا
منتصر:خلاص مفيش مشكله بس هما يومين مش اكتر
ميرال:تمام هما يومين
خرجت من المكتب والإبتسامة تحتل وجهها واتجهت الي سيارتها لتنطلق الي مكانها المميز بالعين السخنه
يتبع......................
الفصل الثاني.
وصلت ميرال الي الڤيلا الخاصه بها لتجد لينا صديقتها المقربة في انتظارها لتقول ميرال:اي اللي مقعدك هنا مدخلتيش ليه
لينا:عيب يعم قولت استناكي
ميرال:امال اي لازمه مفتاحك مش فاهمه المهم اقنعتي اخوكي انك هتقعدي معايا
لينا:هو قالي اقعدي بس مش اكتر من شهرين
ميرال:حلو يخلصو بس ونزن عليه تاني
لينا:أما يخلصو ياضامن
ميرال:اعوذ بالله بلاش تشاؤم قوليلي مالك
لينا بحزن:عمر ياميرا كل ما يشوفني يتخانق معايا ياما يقول كلمتين ويسبني ويمشي مش طايقني اصلا وانا بتنيل طول الوقت بفكر فيه وهو ولا هنا
ميرال: ومين قالك أنه مش طايقك يمكن خايف يغامر بس
لينا :تفتكري
ميرال:ده اكيد عموما انا هقولك تتعاملي معاه ازاي وبكده يا هيبعد خالص أو هيقرب اوي
لينا:افرض بعد خالص اعمل اي
ميرال:ما تنشفي يابت انتي شويه امال لو مكنتيش من الصعيد كنتي هتعملي اي
لينا:والنبي انتي خوط الصعيد بذات نفسه
ميرال:وماله ياحبيبتي مش احسن مااحب ف واحد من بعيد
لينا:طب كنت اعمل اي
ميرال بلا مبالاه:قوليلو بحبك بعد ما تصاحبيه
لينا: ماهو مش مخليني اصاحبه اصلا
ميرال:بقولك اي قومي انتحري انا زهقت منك
في ڤيلا الصياد ......
اجتمع الجميع علي طاوله الغداء فكان هذا يجري بحضور منتصر الصياد ودارين وفريد وفيروز أيضاً ليأتي فهد إليهم ويقول:اسف ياجماعه اتاخرت عليكم ثم يضيف ..انا جامعكم عشان أبلغكم ان فرحنا انا ودارين بعد شهر ونص
لتقول دارين:بس احنا لسه متفقناش
فهد بغضب:انا أما اكون بتكلم محدش يقاطعني هي كلمه قولتها وخلاص
لتقول دارين:تمام عايزه مصمم مشهور يعملي الفستان
فهد :انا اتفقت مع مصممه خلاص وهي شغاله ع تصميمه عامله مخصوص عشانك عشان يناسب الحجاب
دارين ببرود:بس انا عايزه ابقي بشعري
فهد:اشمعنا
دارين:عادي طب ما فيروز مش محجبه ولا مش قادر تسيطر ع اختك بتسيطر عليا
فهد بغضب:انا ما اجبرتكيش علي الحجاب انتي اللي اختارتيه إنما هي لسه مش مقتنعه ومين قالك أنها بتلبس براحتها انا بساعدها عشان تلبس كده مش ملفت وف نفس الوقت شيك من امتي وانتي الحجاب مش عاجبك
دارين ببرود شديد:اصله بقا Old Fashion اوي أن العروسه تبقي محجبه
لتقول فيروز بصوت لايكاد مسموع:الله يرحم
منتصر بغضب:وبعدين معاكم بقا انتو مش عاملين احترام لوجودي
فهد:ازاي ياعمي بتقول كده خلاص انا اسف حقك عليا
ليكمل منتصر:انا اصلا مكنتش موافق علي البنت دي قولتلك كتير سيبها واجيبلك ست ستها انت اللي مصمم عليها
لتقول دارين بحزن مصتنع:طب عن اذنكم
ليقول منتصر:ف داهيه ثم يكمل ويقول:فهد تعالي عايزك
فهد:حاضر بعد الغدا
منتصر بحزم:قولت دلوقتي
فهد :حاضر تعالى نتكلم فالمكتب
ليدخل منتصر و وراءه فهد ويغلق خلفه الباب قائلا:خير ياعمي
منتصر:ياحبيبي انا مش مرتاح للبنت دي صدقني هي مش بتحبك
فهد:ليه ياعمي بتقول كده عليها دي واقفه معايا وشايله عني بلاوي فالشغل
منتصر:انا مش فاهم اي الثقه الزياده اللي بينك وبينها من ناحيتك دي يابني الغدر بيجي من اقرب الناس
فهد:ما انا اعرفها من بدري ياعمي معملتش حاجه وحشه اشمعنا دلوقتي
منتصر:الاول كنت حته طالب ف صيدله دلوقتي انت رجل اعمال مشهور ومعرض للخطر وأعداء شركتك كتير خلاف اعدائك علي الجانب الشخصي
فهد :انا ماليش أعداء علي المستوي الشخصي
منتصر :مش لازم عدوك يقولك ممكن يكون عدوك متصنع الود والحب عشان تثق فيه بعدين يظهر عداوته الحقيقيه
فهد:كلامك حلو بس مش هي اللي تعمل كده
منتصر:ممكن فعلا متعملش الوحش لكن مش هتقدملك الحلو لما تحتاجه يابني انا نصحتك وانت حر
فهد:يعني لو هي مش بتحبني هتقعد معايا ده كله ليه
منتصر:عشان بتاعت مظاهر انت حلو ومعاك فلوس وشايفاك كل مالك وبتعلي ليه متفضلش
فهد:بس هي مستواها كويس من غيري
منتصر:هما دول اللي يتخاف منهم بجد يابني وبكره تفهم كلامي كويس يلا نقعد مع اخواتك قبل ما يسافرو
يتابع..............
الفصل الثالث :
خرج منتصر برفقه فهد من المكتب متجه إلي الصالون حيث يجلس هناك كلا من فريد وفيروز ليقول منتصر:مش فاهم اي لازمته السفر مالها الدراسه هنا
لتقول فيروز:هنا وهناك واحد بس احنا بنحب السفر ومرتاحين هناك انا مش فاهمه ليه فهد مش بيجي معانا
ليقول فهد:انتي عارفه اني ماليش فالسفر
ليقول منتصر:انا مش فاهم انت مش بتزهق
فهد:لا انا بحب كده انا ضد التغيير اصلا
منتصر :عامل اي ف شغلك
فهد:مكدبش عليك مبقتش بروح الشركه سلمت كل حاجه لسليم لحد ما اخلص تجهيزات الفرح
ليقول فريد:فرح اي بس اللي معطلك عن شغلك ما اي حد يتابع التجهيزات دي مش لازم انت وبعدين بلاش لامبالاتك دي فالشغل دي الحاجه الوحيده اللي متنفعش معاها اللامبالاه
فهد :هو اسبوع واحد وهنزل تاني بس بجد مخنوق حاسس ان في حاجه بتحصل أو هتحصل
لينظر جميع الحاضرين الي بعضهم بعض ويفضلو الصمت فلا يوجد من يفهم ذلك الفهد وماذا يريد
علي الجانب الآخر تجلس ميرال علي الشاطئ برفقه لينا
لتقول لينا :انتي ساكته ليه
ميرال بحزن وبعض الدموع في عينيها ولكنها تقاومهم لتمنع نزولهم وتقول:ابدا بفكر فالماضي
لينا :لسه منستيش
ميرال:انسي اي انسي أن جدي اللي علمني كل حاجه سابني وراح وبعدها أقرب حد ليا يسبني ويمشي بشكل مؤذي ومتخلف من غير سبب
لينا:قصدك أمير انتي لسه بتفكري في ده عدت سنين كتير اوي ياميرال
ميرال:مش عارفه ابطل تفكير في ابدا بس مش حب صدقيني انا بس بفكر ازاي كنت كده كنت ضعيفه
لينا:مكنتيش ضعيفه ابدا انتي كنتي معترفه بحبك لي وده ف حد ذاته قوه
ميرال:عارفه لكن انا قررت اني مش عايزة حد في حياتي تاني بس انا خايفه ابقي لوحدي وخايفه اتعود علي حد تاني ويسبني
لينا:كل فتره ربنا بيحط في طريقنا حاجه حلوه موهبه أو شخص أو وظيفه حاجات حلوه كتير بتتمثل ف كذا شكل لو معرفناش نستغلها صح حياتنا بتدمر للابد وبنفضل ندمانين وبس حتي مش بنعرف نعوضها مش يمكن امير بعد عشان الشخص المناسب ميضعش أما يجي
ميرال: افرض اللي جه مش المناسب برضو
لينا:مش انتي قولتي أن كل شخص بيدخل حياتك بيسيب حاجه كويسه فيكي خدي الكويس وانسي الوحش هتتعودي وانتي عارفه انك هتتعودي
ميرال:وازاي ممكن اعرف الشخص المناسب أو الفرصه الحلوه دي
لينا:امشي ورا قلبك هو هيدلك احتفظي بقوتك وعقلك لكن شغلي قلبك اللي صدي من كتر الركنه ده
ميرال:بس يابيئه
لينا:هي صبا مش هتنزل مصر ولا اي
ميرال :هتنزل هي وجوزها قريب بس مقالتش امتي هما حابين دبي اوي
لينا:ربنا يسعدهم ويسعدنا يارب
ميرال:يارب ياختي تعالي نعك ف اي حاجه عشان ناكل
لينا بابتسامه: يلا
في شركه الفهد الادويه ......
سليم يجلس في مكتبه ويتحدث في الهاتف:طبعا ياقلبي انا أقدر علي زعلك برضو الفلوس اللي طلبتيها هتكون عندك بكره
سماح:اما نشوف ما انت كل مره بتقول كده وفالاخر مفيش
سليم بغضب:جرا اي يابت هتنسي نفسك ولا اي غوري دلوقتي عشان مش فاضيلك
مرت دقائق قليله وسمع طرقات خفيفه علي الباب ليقول :ادخل
علياء السكرتاريه:بعد اذن حضرتك في حاجات كتير لازم تعرفها بما أن فهد بيه مش موجود لازم نتكلم
سليم :اتفضلي اقعدي وقولي اللي عندك
علياء باختصار:الفحص الطبي الدوري الخاص بالعمال اللي بيتعامله مع المواد الكيميائيه مباشره بتقول أن كلهم جالهم كانسر فالرئه نتيجه استنشاق المواد دي من غير ملابس وقايه و ادوات الوقايه
سليم:لا اكيد في حاجه تانيه ماهم عندهم اليونيفورم بتاعهم
علياء:فعلا يافندم لكن مفيش ادوات وقايه ليهم كمان المواد اتغيرت بمواد تانيه خطيره وحضرتك عارف كده كويس
سليم :مش انتي اللي تعرفيني شغلي انا الكل فالكل هنا ف غياب فهد انتي سامعه اتفضلي علي مكتبك ومخصوم منك يومين
علياء:ميرسي لذوقك عن اذنك لتخرج وتغلق الباب خلفها بقوه
بعد مرور ثلاث ساعات كانت تجلس علياء ف منزلها البسيط برفقه والدتها سعاد لتقول والدتها :مالك يابنتي
حاولت علياء الصمت لبضع دقائق لتفكر هل هذا من اسرار العمل إلا يحق لها التكلم وعليها الصمت كي تحافظ علي تلك السر الملوث بالدماء البريئه ودموع أهالي الضحايا الضحايا المعرضين للموت بدماء بارده ليس لها من يدافع عنها فكرت كثيرا واخيرا سردت لامها كل شئ يحدث بتلك الشركه التي أصبحت مستودع للفساد
سعاد والدتها:خلاص انتي كده تبلغي الشرطه بالمستندات اللي معاكي بس قبلها لازم تحاولي توصلي لفهد بيه يمكن يرفد سليم ده وكل حاجه تتحل بشكل ودي
علياء بتفكير:معاكي حق بكره هروح الڤيلا بتاعته عشان أقابله وهقوله كل حاجه بتحصل
يتابع...............
لايك وكومنت عشان استمر فى التنزيل .
الفصل الرابع.
في ڤيلا الصياد استعد كلا من فيروز وفريد المغادره وقامو بتوديع شقيقهم ليقول فهد: مش كنتو فضلتو شويه الدراسه مش هتبدأ دلوقتي اصلا
فيروز:معلش بس هناك بنرتاح وبعدين انت كده كده مش معانا مع دارين دايما يبقي اي المشكله هنا وهناك واحد بالنسبالك
فهد:هنا ببقي مطمن عليكم وعليكي انتي بالذات وبعدين ما انا بقعد معاكي يومين فالاسبوع ودارين ياستي بفضل معاها عشان الشغل
فيروز:مش هقولك هي غيرتك لأنها معاك من بدري وانت كده من ساعه ما كنتو صغيرين لكن كل اللي متأكده منه أنها هي السبب في بعدك عننا
ليقول فريد:خلاص يا روز بقا كل واحد حر في حياته وهو مش مقصر معانا في حاجه يبقي هو حر
فيروز:ليا كلام معاك لما ارجع يافهد
فهد:حاضر يلا عشان هوصلكم المطار
لم يكمل كلماته لتأتي دارين من بعيد وتقول :اي ده يابيبي انت لسه مجهزتش
فهد:في اي
دارين:متقولش انك نسيت اننا خارجين مع بنت خالتي وجوزها
فهد:مش ناسي هوصل اخواتي المطار واعدي عليكي
دارين :بس كده هنتأخر
فيروز بغضب:مش لازم توصلنا احنا عارفين المكان والشوفير موجود يلا يافريد
فهد:استنو بس
دارين:متقلقش هي بس غيرانه عليك
فهد:انا عايز افهم اي البرود اللي بقيتي في ده اقولك حاجه لا انتي ولا هما اتفضلي علي بيتكم يلا
قال كلماته الاخيره ودلف الي الداخل وأخرج هاتفه ليحدث عمه منتصر
اجاب منتصر:السلام عليكم
فهد:عمي انت فين
منتصر:فالبيت يافهد حصل حاجه ولا اي
فهد :لا انا مخنوق شويه وهاجي لحضرتك
منتصر :تمام مستنيك
علي الجانب الآخر جلست ميرال برفقه لينا لتقول فجأه بعد صمت دام لمده طويله:بقولك اي انا عايزة اجيب الاجهزه اللي بستخدمها فالجيم هنا
لتقول لينا:يابنتي ارحمي نفسك انتي كده هتنعزلي اكتر
ميرال:بصراحه زهقت من الجو هناك
لينا :ليه ده حتي الچيم هناك لطيف
ميرال بسخريه:انتي عندك عمور هناك انا معنديش حاجة خالص
لينا:اتنيلي قال يعني معبرني
ميرال:فعلا معندهوش دم
لينا:يابنتي احترمي نفسك ماهو مش عارف اصلا اني بحبه وطبيعي ميعرفش لان مفيش تعامل بينا
ميرال:طب ازاي حبيتيه من غير ما تقربي منه
لينا بلا مبالاه:مش عارفه
ميرال:طب اي الوقت اتأخر والناس مشيت والعمال كمان يلا ندخل بقا
لينا:انتي مشغله ناس فالكافيه ليه
ميرال:يعني كنت هعرف اشغله لوحدي مثلا والنبي اسكتي وبلاش غباء
لينا :بلاش غلط بقا يلا ندخل
وصل فهد الي شقه منتصر عمه وفتح له منتصر قائلا:مش متعود تيجي فالوقت ده يعني
فهد:مش عارف اعمل اي ياعمي كل حاجه بقت غلط حاسس ان في حاجه فالشركه بس مش لاقي دليل أن في حاجه مش مظبوطه وكمان ف حياتي عموما كلها بقت متلخبطه
منتصر بجديه:عارف السبب
فهد:اي السبب
منتصر:انك مكنتش مهتم بحاجه صح كل حاجه حواليك وبتشوفها لكن مش باهتمام انت زاهد الدنيا بس بطريقه غلط
فهد :و اي الصح
منتصر:الصح مش انك تكبر اللي عملته من غير ما تهتم بالناس اللي ساعدتك وبالمصدر سواء كان كويس ولا لا
الصح انك تعرف انت بتعمل اي الصح انك تدرس كل خطوه قبل ما تعملها مش فالشغل بس في حياتك عموما
فهد:وليه هعمل كده الدنيا مش مستاهله
منتصر:كلنا هنموت فعلا وده شئ مؤكد بس لحد مايجي الوقت ده شغلك هنا وحياتك هنا لازم تهتم عشان تعرف تفرق بين الحق والباطل عشان تفوز بدنيتك واخرتك كمان ما انت لو معرفتش تميز مش هتفرق الحلال من الحرام انت حافظ مش فاهم ماشي بطريقه عشوائيه ساعه متدين وساعه لا ساعه مجتهد وعشره لا وده غلط انت كنت محتاج واحده تعلمك ازاي تهتم مش واحده تخليك تكبر دماغك اكتر
فهد:حتي دارين مبقتش متأكد من مشاعري ناحيتها
منتصر:عارف ليه عشان مكنش في مشاعر اصلا ده اسمه تعود مش اكتر دي صديقه الطفوله والمراهقة والجامعه كمان مكنتش شايف غيرها ومكنتش مدياك فرصه تشوف غيرها انا بقا متاكد انك لو شوفت غيرها هتسيبها وهتعترف انك كنت بتحب شبشب ومقطع كمان
فهد:هههههههه انا مش فاهم انتو ليه مش طايقنها للدرجه دي
منتصر:عشان انا وأخواتك شايفنها علي حقيقتها اللي انت رافض تشوفها
فهد :طب الوقت اتأخر وانا تعبان بصراحه ف همشي بقا
منتصر:لا الوقت أتأخر ادخل بات فالاوضه اللي هنا
فهد:مش عايز اتقل عليك
منتصر:اتنيل هو في حد معايا يعني خليك وبكره نفطر سوا قبل ما ننزل
فهد:حاضر تصبح على خير
منتصر:وانت بخير
في ڤيلا البحيري لينا تخلق جو مزعج غير مألوف لتقول ميرال:يابنتي اتخمدي
لينا:مش انتي قولتيلي اقعد معاكي مضايقه ليه دلوقتي
ميرال:,بقولك اي روحي نامي ف اوضه تانيه نقي اللي تعجبك وسبيني ف حالي والنبي
لينا:انا غلطانه اني عبرتك وجيتلك
ميرال بابتسامه:انتي لو ما قومتيش من هنا دلوقتي هقوملك واقعدك فالشارع
لينا:تقدري
ميرال:تحبي تجربي
لينا وهي تركض:خلاص ياباشا انا فالاوضه اللي جنبك بقا
ابتسمت ميرال وحاولت الخلود إلى النوم مره اخري
يتابع............
الفصل الخامس:
استعدت علياء ليوم خطير فكانت قلقه من ردود أفعال فهد الغير متوقعه فهي لا تعلم هل هو مشترك بهذه الجريمه ام جريمته الوحيده هي إهمال عمله ولامبالاته ظلت غارقه في تلك الأفكار لتقطع شرودها والدتها وهي تقول:انا عارفه أن انتي خايفه بس مش لازم تخافي خدي الورق بتاعك وروحي لو رفض يقابلك يبقي هو عارف كل حاجه تطلعي علي القسم تبلغي بالمستندات
علياء:حاضر ياماما
في ڨيلا البحيري استيقظت ميرال ولينا وظلو يتابعون التغييرات الجديدة واخر التجهيزات التي تخص الشاليه وايضا الأجهزة الرياضيه الجديده لتذهب لينا الي ميرال وتقول بأرهاق شديد:حرام عليكي مش كنتي تجيبي حاجه حاجه مش كله مع بعضه كده
ميرال: مينفعش بعدين انا راجعه الشغل بكره مفيش وقت
لينا:انا تعبت مش قادره
ميرال بضيق مصتنع:لينا انتي مش استرونج ليه
لينا:الله يخربيتك طلعت السلم 500مره لحد دلوقتى وتقوليلي استرونج
ميرال:الله وانا مالي يالمبي ما احنا لازم تبقي وراهم بدل ما الحاجه تتكسر عموما خلاص كل حاجه بقت تمام
لينا :تمام انا هروح الچيم بقا
ميرال:اي ده صحتك رجعت بسرعه
لينا بابتسامه:عايزة اشوفه بقالي كتير ماروحتش
ميرال:تمام متتأخريش
علي الجانب الآخر في منزل منتصر الصياد استيقظ فهد ببطئ وتكاسل غير معتاد ليطرق منتصر باب غرفته ويدخل وهو يقول:كل ده نايم يافهد
فهد:انا صاحي لكن تعبان شويه
منتصر بقلق:مالك ياحبيبي
فهد:الظاهر اخدت برد بس جامد شويه
ليضع منتصر يده علي رأس فهد ويقول باهتمام:حرارتك عاليه اوي أنا هتصل بالدكتور
فهد:استني ياعمي بلاش دكتور ولا حاجه انا هاخد شاور وابقي كويس
منتصر:زي ما تحب بس مش هتمشي من هنا الا اما تخف خالص
وافقه فهد باستسلام
وصلت علياء الي ڤيلا الصياد لتجد أحد افراض الحرس يمنعها من الدخول قائلا:اي خدمه ياانسه
علياء:ممكن اقابل فهد بيه
الحرس:مفيش حد جوه يافندم
علياء:خلاص هستني أما يجي
الحرس:فريد بيه وفيروز هانم سافرو وهو مشي بعدهم مااعتقدش أنه راجع دلوقتي
عليا لنفسها:يبقي اكيد هرب وهرب اخواته لازم اروح القسم مفيش حل تاني
ليقول الحرس:اي خدمه تاني ياانسه
علياء بتوتر:لا ابدا شكرا
قالت كلماتها واتجهت الي اقرب قسم شرطه كانت تسير وهي متوتره وقلقه كانت ترتعش من شده الخوف ولكن قلبها وعقلها اقسمو علي افضاح ذلك الثبات ظلت تسير داخل ذلك القسم الكبير لتصدم به وتقع علي الارض وهي تصرخ وترتعش بشده أكثر من قبل ليقول هو:انا اسف والله بس انتي اللي خبطي فيا قومي معايا
لتقوم علياء وهي علي نفس الحال ليقول هو :اي التوتر ده انتي اتسرقتي وجايه تبلغي
علياء:لا انا جايه ابلغ عن حاجه تانيه بس متوتره شويه
هو:انا الرائد امير البحيري اتفضلي في مكتبي عشان نعرف نتكلم واساعدك
وافقه علياء وظلت خائفه وصلو إلي مكتبه وطلب من العسكري إحضار عصير ليمون لها لتقاوم ذلك الخوف وتهدأ
سردت له علياء كل شئ يخص تلك الشركه والفساد الذي يدور بداخلها لكنها لم تذكر سليم بالموضوع ابدا فضلت أن لا تذكر اي اسم اكتفت بأسم الشركه فقط
ليقول امير بجديه:انتي كده بقيتي معرضه للخطر ياعلياء عشان كده انا هخلي في حراسه عليكي وبعد اذنك اديني رقمك عشان اتابع معاكي بنفسي
علياء:هتتحركو امتي
امير:من دلوقتي قضيه زي دي لايمكن تتساب
فضلت علياء الصمت و عادت الي منزلها بسلام
يتابع............
تعليقات
إرسال تعليق