رواية الضيف الخفى الفصل السادس والسابع بقلم فاطمة عيد
رواية الضيف الخفى الفصل السادس والسابع بقلم فاطمة عيد
الضيف الخفى
الفصل السادس:.
استعد امير هو وبعض رجال الشرطه الي البدء في تلك المهمه بعدما أخذ كل الإجراءات القانونيه التي تخص تلك القضيه وفي تلك الوقت علم سليم بالأمر وهرب الي مكان بعيد دون أن يخبر احد ليصل الي ذلك المكان ويختبئ وبعدها قرر الاتصال ب فهد وأخباره بكل شئ التقط هاتفه وبدأ بالاتصال به
ليرد منتصر:ايوه ياسليم فهد تعبان اوي مش هيقدر يرد
سليم :اسمعني كويس انا عارف ان اللي عملته ده غلط كبير اوي بس انا اهو بحاول اصلحه فهد لازم يهرب
منتصر:هروب اي وغلط اي في اي ياسليم
سليم:عملت صفقه بمواد خطير أدت لمرض عدد كبير من العمال والسكرتاريه اخدت كل الورق اللي يثبت الكلام ده وقدمته للشرطه
منتصر: انت عملت كده ازاي من غير علم فهد
سليم:فهد مكنش مركز وانا استوردت المواد دي تحت التهديد
منتصر بسخرية:ومين هددك بقا ياخويا
سليم بغضب:انا قولت اللي عندي يامنتصر وقولت اعمل بالعيش والملح اللي كان بينا سلام
قال تلك الكلمات واغلق الخط بغضب
منتصر بتوتر:قوم يافهد بسرعه
فهد:في اي بس
منتصر:مش عارف في اي ده انت هتتحبس لو فضلت اكتر من كده هنا اوديك فين دلوقتي بس
لم يكمل كلماته ليجد هاتفه يعلن اتصالا من ميرال
اجاب منتصر بسرعه ليقول بلهفه:انتي فين ياميرال
ميرال:فالبيت عندي كنت بتصل بحضرتك عشان اقولك
قاطعها منتصر وهو يقول:بس مش مهم تقولي حاجه انا جايلك مسافه السكه وابقي عندك
قال كلماته الاخيره واغلق الخط بسرعه وقال لفهد:البس يلا
فهد:انا مش فاهم حاجه
منتصر:هفهمك فالطريق
استسلم فهد الي كلمات عمه وبدأ احساس الخوف يحاصره من كل الاتجاهات
ارتدي ملابسه بسرعه واتجهو الي سياره منتصر
انطلق منتصر بسرعه كبيره وقال:اخرت لامبالاتك اهي شوفت وصلنا لفين
فهد:ممكن تفهمني في اي
منتصر:سليم صاحبك عمل صفقه ضرت العمال اللي عندك وكلهم جالهم امراض
فهد بصدمه:هو عملها
منتصر:انت كنت عارف
فهد:هو عرض عليا من فتره وانا رفضت بس ازاي استورد الحاجات دي من غير امضتي
منتصر بجديه: انت مش عامل اي توكيل
فهد:لا طبعا أنا عامل توكيل لدارين
لم يكمل كلماته وقال بغضب :اتفقو مع بعض عليا
منتصر:حذرتك منها كتير مصدقتش
فضل فهد الصمت وبعد مرور ساعه تقريبا وصلو إلي العين السخنه وبالتحديد الي ڤيلا البحيري
دخل كلا من فهد ومنتصر ليتعجب فهد من تلك المظهر الساحر ويقول:هي بتاجر فالمخدرات ولا اي عشان تعمل كل ده
منتصر:حتي وانت ف مصيبه دبش اخرس خالص
وصلو الي الداخل ليجدو ميرال ولينا في انتظارهما لتقول ميرال بابتسامه:اهلا منتصر بيه المكان كله نور
منتصر:بنورك يابنتي ممكن ندخل جوه نتكلم
ميرال:اها طبعا اتفضلو
لينا:طب انا همشي عشان تبقو براحتكم
منتصر:لا يابنتي تعالي معانا عشان نفكر فالمصيبه دي
دلف الجميع الي الداخل لتقول ميرال بجديه :مصيبه اي يامتر
سرد لهما منتصر تلك المشكله اللعينه ثم أضاف الي كلماته:انا ملقتش مكان ابعد من هنا عشان اعرف افكر اسف اني ازعجتك
ميرال:انت عارف انك زي والدي متقولش كده
ليقول فهد بجديه:من غير تفكير يا جماعه انا غلطت اني وثقت فيهم ولازم اتعاقب علي الغلط ده انا هسلم نفسي
ليقول منتصر:انت لو اتحبست اسم عيلتنا هيبقي فالارض كل ممتلكات الصياد هتروح اخواتك سمعتهم هتبقي وحشه الناس هتفكر انك كنت عارف كل حاجه
لينا:انا عندي فكره مجنونه شويه
ميرال:مش وقت افكارك خالص
منتصر بانتباه:بس ياميرال قولي فكرتك يابنتي
لينا:حضرتك قولت أن المكان هنا بعيد مش هيخطر علي بال الشرطه صح
منتصر:اها صح
لتكمل لينا:الشاليه جهز كمان معني كده فهد ممكن يفضل في
ميرال:والصحافه أما تعرف أن هنا والناس أما تشوفه وتعرفه
لينا :فهد انت عندك اكونت أو بيدج علي السوشيال ميديا
فهد:لا مش فاضي للكلام ده
لينا:معني كده هو وشه مش معروف بين الناس العاديه هو ممكن يكون معروف بين رجال الأعمال بس
منتصر:هو كده فعلا هو حتي مش بيطلع في اي لقاءات اعلاميه ولا الصحافه بتكتب عنه ولا اي حاجه من الكلام ده
لينا :فاضل حاجه عشان الناس اللي تشوفه متعرفهوش
ليقول فهد بسخريه :اي هيبقي اللهو الخفي
لينظر جميع الحاضرين الي بعدهم بعض نظرات ذات معني وتقول لينا:لا هتبقي الضيف الخفي
يتابع..............
الفصل السابع:
فهد بعدم فهم:ضيف خفي اي وبتاع اي انتو اتجننتو انتو الاتنين بنات وقاعدين لوحدكم فاهمين يعني اي اقعد معاكم
ميرال:اولا انت هتقعد لوحدك فالشاليه مش معانا تعاملك معانا هيكون ف جنينه الفيلا أو علي الشاطئ والمطعم والكافيه ولو أن الاحسن متروحش هناك يعني تعاملنا معاك هيبقي ف مكان مفتوح فهمت
منتصر:وكمان مش هتخرج بره المكان ده لاي سبب اي شئ تحتاجه هبعته مع حد من رجالتي
فهد:طب ما كده كده دي حبسه خلاص الاحسن اروح اسلم نفسي
ميرال:خلاص بقا مش هنقول حاجه تاني مفيش تسليم نفسك انت مظلوم اصلا ولو دخلت السجن محدش هيصدق
فهد:ولو فضلت هربان هبقي جبان
ميرال بصوت عالي نسبياً:فكر ف اخواتك فكر فالناس اللي حواليك مره واحده من غير ما تبقي اناني انانيتك هي اللي وصلتك لكده وجودك مع انسانه طماعه وصلك لكده كنت عارف انها مش سهله وكملت عشان انت عايزها عشان ترضي غرورك عايز تسلم نفسك روح يلا اتفضل بس ساعتها محدش هيقف معاك ولا حتي عمك عارف ليه لان كل واحد لي طاقه وانت استنزفت طاقه كل اللي حواليك ب انانيتك دي اخر فرصه ليك عشان نثبت برائتك بعدها تثبت نفسك ف مجال انت بتحبه لو ملقتش استسمر فلوسك بعيدا عن تصنيع الادويه وضرر الناس انت فاهم
منتصر :عموما انا همشي وهات تليفونك عشان ممكن يوصلو للمكان من خلاله فكر يوم ولا اتنين واعمل اللي يريحك
لتقول ميرال:اتفضل معايا عشان تشوف الشاليه
فهد:طب وهدومي وحاجتي
منتصر:هبقي ابعتهالك
وبالفعل اتجه هو وميرال الي الشاليه قامت بفتحه له وغادرت وقبل مغادرتها قال لها:شكرا
ميرال:العفو يادكتور
واتجهت نحو الفيلا مره اخري
علي الجانب الآخر امير يجلس بغضب ويقول لصديقه:جالي البلاغ من هنا والواد اختفي من هنا
ياسين:انا مش فاهم انت شاغل نفسك ليه ما هي مجرد قضيه
امير:قضيه كبيره يعني ترقيه وكمان البنت اللي بلغت دي شغلاني
ياسين:غريبه مش كنت قفلت صفحه البنات دي من ساعه ميرال
امير:واديني فتحته تاني بس قولي انت بتتكلم مع ميرال
ياسين:اها بس مش كتير متنساش اننا كلنا كنا صحاب وانا ماليش دعوه بمشاكلكم
امير:ماشي
ياسين:معلش بقا لازم امشي ورايا قضيه
امير:في اي
ياسين: النهارده معاد تهريب صفقه سلاح وآثار مع بعض حاجه كده من العيار التقيل
امير:مين المهرب
ياسين:عزيز الانصاري
امير:ربنا معاك الراجل ده مش سهل
ياسين:ومعفن بصراحه شبه الجاموسه كده ف نفسه
امير:ههههههههه من امتي وانت بتتنمر
ياسين:دي حاله استثناء حضرتك يلا بقا انا ماشي
في ڤيلا الانصاري صعدت بخيته الي الطابق العلوي لتدخل احدي الغرف وهي تقول:زينه اصحي يازينه العرايس
زينه بتكاسل:في اي يامرات عمي
بخيته:جومي ياعروسه ابني كتب كتابك النهارده يابتي
زينه:كتب كتاب مين ازاي مش موافقه طبعا
بخيته بغضب:انتي تطولي تاخدي العزيز الغالي زينه الشباب ده حتي خسراه فيكي
لتقول زينه:أما انتي وليه منافقه بصحيح من شويه زينه العرايس ودلوقتي خسراه فيا
بخيته :انا هجوم يازينه لكن واجفلك علي الباب الغفير يكش تحاولي تروحي أكده ولا أكده
زينه:لا متقلقيش
خرجت بخيته من الغرفه وجلست زينه بضع دقائق تفكر بتلك المصيبه واخيرا وجدت حل لتقول ف نفسها:هحل مشكله ب مشكله يلا بقا نار الشارع ولا جنه عزيز الكلب
فتحت باب غرفتها لتجد علي الباب تلك الغفير اللعين كانت تتسلل ببطئ وتمسك عصاه كبيره وضخمه بيديها قامت بخبط تلك الغفير وسقط علي الارض لتكمل السير وهي ترتدي ملابس تشبه ملابسه وأثناء سيرها استيقظ الغفير مره اخري وهو يصرخ ويقول :ست زينه هربت
قام بعض الحرس بضرب الطلقات النارية ك محاوله لايقافها لتعبر هي الطريق وتجد سياره وبداخلها شاب وسيم ركبت بجواره وهي تقول:اطلع ابوس ايدك عزيز هيموتني
ليقول ياسين:انزلي ياست انتي مش فاضيلك ولم يكمل كلماته ونظر إليها بضع ثوانً ليقول انتي مين
زينه:انا زينه اسمي زينه
كاد أن يرد عليها ولكن وجد بعض من الحرس يتجهو نحوهم لتقول هي :اطلع بسرعه والنبي
يتابع........
تعليقات
إرسال تعليق