رواية الضيف الخفى الفصل الثامن والتاسع والعاشر بقلم فاطمة عيد
رواية الضيف الخفى الفصل الثامن والتاسع والعاشر بقلم فاطمة عيد
الفصل الثامن :
انطلق ياسين بسرعه كبيره وهو يقول لها :اوديكي فين دلوقتي انا مش ساكن هنا اصلا
زينه :طب انت ساكن فين
ياسين:فالعين السخنه
زينه:طب وديني دار ايتام دار مسنين اي حته والنبي انشالله السجن
ياسين:هنروح عندي الفيلا بس بشرط تحكيلي كل حاجه فالطريق
ظلت صامته بضع دقائق وبعدها انفجرت فالبكاء وهي تقول:انا مكنتش عايزه اهرب بس هما كانو هيجوزوني عزيز بالعافيه
ياسين: انتي قريبته
زينه:بنت عمه وابويا وامي ماتو من شهر ف حادثه وهو اللي كان مدبرها عشان الورث وعشان ياخد كل حاجه قرر يتجوزني النهارده
ياسين بضيق:طب خلاص متعيطيش تحبي ارجعك
زينه:مش عارفه بس لو اتجوزته هموت نفسي ولو رجعت من غير ما اتجوزه هو هيموتني
ياسين:انتي هتيجي عندي لحد ما اشوفلك مكان تاني
فضلت زينه الصمت
علي الجانب الآخر في ڤيلا البحيري كانت تجلس ميرال علي سريرها وبجانبها لينا لتقول لينا:بصراحه طريقتك كانت وحشه مع فهد
ميرال :انا مش بطيقه من بدري كنت بشوفه من بعيد وبمشي من غير ما اسلم حتي
لينا:بس في حاجه تانيه مضايقاكي
ميرال بحزن:عيد ميلاد امير النهارده
لينا:لسه منستيش
ميرال:مش عارفه انسي هنسي اي هنسي سنين كتير اوي بنيناها سوا هو اللي علمني ازاي ابقي قويه علمني احلم وسابني وراح
لينا:كلهم كده اي الجديد يا ميرا هو معلمكيش القوه هو علمك القسوه القسوه وبس
ميرال :مش عارفه بقا
لينا:طب اي مش هنشوف الولد الغلبان ده هياكل اي
ميرال:مين ده
لينا :الله يخربيتك فهد يابنتي
ميرال:طيب يلا عشان اعتذرله
اتجهو نحو الشاليه وطرقو عده طرقات ليفتح لهم اخيرا
ميرال:اي ده ساعه عشان تفتح
فهد:معلش انا اسف
ميرال:انا اللي اسفه بس كنت خايفه علي مصلحتك
فهد:عيل صغير انا
ميرال:انا اسفه يلا عشان نتغدا سوا
علي الجانب الآخر وصل ياسين وزينه الي منزله ليقول:اتفضلي يازينه البيت بيتك
ثم يكمل:انا هروح اي حته ابات فيها
زينه:خليك زي ما انت انا هقعد فالاوضه بتاعت البواب اللي بره
ياسين:وده ينفع يعني
زينه:خلاص هقعد ف اي حته واقفل علي نفسي
ياسين بابتسامه :ماشي اللي يريحك هنزل انا اشوف حاجه تاكليها واجيبلك هدوم بدل لبس الغفير ده
زينه:لا ملهوش لزوم
ياسين:لا لي لزوم
زينه: انت بتشتغل اي
ياسين:انا رائد فالمخابارات ممكن تسبيني انزل بقا
زينه باحراج: ممكن طبعا
يتابع...............
الفصل التاسع :
كانت الساعه ال3صباحاً وفي وسط تلك الأجواء المظلمه كان يجلس فهد بغرفته وبيده مصحف كان يقرأ بعض الايات الكريمه بصوته العذب ولكنه توقف عندما سمع صوتها من الخارج كانت تجلس علي الشاطئ شارده وشعرها الحريري يطير بطريقه عشوائيه وكانت تغني "مكانك ف قلبي" ليأتي هو من خلفها ويقول :حد يغني فالساعه دي
ميرال:اسفه مكنش قصدي اصحيك
فهد:انا مكنتش نايم
ميرال:كنت بتعمل ايه طيب
فهد:كنت بقرأ قرآن لحد ما سمعت صوتك معرفتش اكمل بصراحه
ميرال: اممم اسفه بجد مكنتش اعرف انك بتقرأ بس جبت مصحف منين
فهد:كان مع عمي بس قوليلي انتي بقا كنتي بتجعري ليه
ميرال بغضب:متركزش فالصوت ركز فالاحساس ياحلوف
فهد:حلوف كمان مشاء الله عضلاتك مقوية قلبك
ميرال:عيب عليك جيت ف لعبتي انا ممكن اشلفطك
فهد :اشلفطك بقا ده كلام تقوله واحده متعلمه زيك
ميرال:اها طبعا عادي
فهد:المهم قوليلي بتلعبي رياضه
ميرال:بص انا بلعب رياضه اكتر ما بتنفس اصلا بحب كل الانواع وخصوصاً الفنون القتاليه
فهد:اي ده شكلك مسترجله
ميرال:لا مجرد دفاع عن النفس انا بمسك قواضي كبيره واكيد ليا أعداء ف حبيت احمي نفسي بكل الطرق واتعلمت كل حاجه تخص الدفاع عن النفس
فهد:ليه المرمطه دي ما تجيبي بوديجارد وخلاص
ميرال:لا طبعا مش بحب كده خالص ازاي اجيب واحد يروح معايا كل الاماكن اللي بروحها ويشوف كل حياتي كده لمجرد أنه يحميني
فهد :اي المشكله ما كل رجال وسيدات الأعمال كده
ميرال:انا بقا مش كده
فهد بابتسامه:كل حاجه فيكي مختلفه حتي اسمك
ميرال:انا عارفه أنه غريب بس هو اسم تركي مشهور
فهد:معناه اي بقا
ميرال:لي معاني كتير اوي يعني مشتق من كلمه اميرال فالايطاليه يعني اميره البحار فاللغه التركيه بقا يعني البحر المشرق أو الغزاله الصغيره
فهد:جميل اوي
ميرال بمرح:تسلم
فهد بابتسامه :ربنا يخليكي
ميرال:ويخليك
فهد :انتي مقولتليش زعلانه ليه بقا
ميرال:زي النهارده من 3سنين سابوني اهم اتنين ف حياتي كان يوم موت جدي
فهد:ومين الحد التاني بقا
ميرال وفي أعينها بعض الدموع:مش هتفرق المهم راح برضو بس الفرق أنه راح بمزاجه
فهد :حبيبك
ميرال:غير الموضوع بقا
علي الجانب الآخر كان يجلس ياسين وهو شارد تماماً وتوجد سيجاره مشتعله في يده نسي أمرها لتأتي هي من خلفه وتقول:مالك
ياسين:بفكر فيكي يا زينه هعمل معاكي اي هحميكي منه ازاي بقيت حاسس انك مسؤوله مني رغم اني معرفكيش ولا عمري حبيت اكون مسؤول عن حد انا حتي عمري ما ارتبطت يمكن هي مره فالمراهقه وبعدها قولت لا اعيش حر احسن دلوقتي جيتي انتي ف وقت مش متوقع وبقيتي ف حمايتي وانا معرفكيش لسه
زينه:ياااه كلامك كبير اوي طب عايز تعرف اي وانا اعرفك وبعدين نتفاهم فالباقي
ياسين:عرفيني بنفسك انا معرفش حاجه عنك غير اسمك
زينه:انا عندي 21سنه مش بدرس اخر حاجه درستها كانت ثانويه عامه وبعدها فضلت قاعده فالبيت بسبب عزيز برضو اصل انا من اول ما اتولدت والكل كان حاجزني لعزيز
ياسين باهتمام:واهلك وافقو
زينه:بص عندنا فالبلد معظمهم ماشين بمبدأ خيرنا لينا مش لواحد غريب اصلا معظم اللي زي عزيز بالظبط الموضوع مش غريب عليهم يعني بحس انهم بيشوفو العروسه شنطه فلوس مثلا
ياسين:ازاي يعني مش شايفه نفسك الا كده مش يمكن بيحبك او حتي بيحب جمالك
زينه:عمر ما حد قال كلمه حلوه ف حقي اصلا
ياسين بإعجاب:علي فكره انتي جميله اوي ويلا ادخلي جوه عشان وقفتك هنا غلط
زينه :غلط ازاي
ياسين بابتسامه وصوت عالي نسبياً:روحي نامي يازينه
زينه:حاضر تصبح على خير
ياسين:وانتي من اهل الجنه يا قمر
يتابع...............
الفصل العاشر:
في الصباح استعد الجميع لبدايه اليوم الجديد بنشاط ماعدا هي كانت حزينه للغايه فاقده للامل مستسلمه لتلك الماضي الأليم كانت شارده لمده طويله ولكن أفاقت من هذا الشرود سريعا وتناولت هاتفها وقررت ارسال رساله قصيره لمنتصر كانت محتواها:انا محتاجه إجازة لفتره طويله
ليجبها هو الآخر برساله:كنت هكلمك عشان اديكي اجازه مفتوحه لحد ما فهد يمشي من عندك
لترد بعدم فهم:ليه كده انا مالي بمشكلته
منتصر:اسمعي الكلام واهي فرصه تريحي اعصابك
أجابت:انت عرفت منين اني مخنوقه
منتصر:انا مش قولتلك قبل كده انتي زي بنتي يلا بقا بلاش رغي كتير عندي شغل
إجابته ميرال:مش عارفه اشكرك ازاي
وأغلقت هاتفها وتناولت دفترها القديم كان فارغاً تماماً تذكرت أنه كان هديتها الاخيره من أمير لتدمع عينها ولكن سرعان ما تختفي تلك الدموع وفتحت تلك الدفتر وكتبت :مكنتش متوقعه ان هيجي يوم واكتب اللي حاسه بيه ومكنتش متوقعه اني هكتب فيك مشاكلي يوم ما جيتلي هديه كنت مفكره هكتب فيك احلامي الورديه شبه لونك بالظبط بس انت جيت فالوقت الغلط جيت فالوقت اللي هلوثك في بحكايتي اللي لونها اسود واسوء من الأسود كمان ياتري ليه بنقابل شخص واحد بس يفضل يعلم فينا ويغير فينا وفالاخر يسبنا نواجه كل المشاكل دي لوحدنا اكتشفت ان القوه ملهاش علاقه من الخوف والخوف بيولد خوف اكبر منه خوف من اني اقع مره تانيه مع حد جديد مش ليا وخوفي بأنه يكون ليا وميصونيش أو ميبقاش فاهمني وخوفي من الوحده ياتري هفضل فيها كتير كنت شايفه أن خلاص مغامراتي خلصت بس طلعت لسه هبدأ من جديد
وظلت تكتب في كلمات شبيهه لهذه الكلمات قد تكون غير مرتبه نوعاً ما لكنها تعني لها الكثير وتوصف منها الكثير أيضاً قطع تلك الكتابه الطويله رنين هاتفها معلناً باسم ياسين لتجيب سريعا:ياسين ازيك
ياسين:اي يابنتي ده مال صوتك
ميرال:ابدا عندي برد بس
ياسين:طب انا هنا فالعين السخنه وحابب اقابلك
ميرال:امتي
ياسين :دلوقتي بصي هقابلك فالكافيه اللي قدام الڤيلا بتاعتي
ميرال:متيجي عندي يعني عندي كافيه واروح بره
ياسين:مش هقدر ابعد عن الڤيلا تقدري تقولي فيها امانه
ميرال:هلبس واجيلك علي طول حاضر اصلا انت واحشني
ياسين : وانتي كمان ياحبيبتي يلا مستنيكي
لتدخل عليه زينه وهي تقول :ممكن ادخل
ياسين:متستأذنيش ده بيتك تعالي
زينه:اصل لقيتك بتتكلم محبتش ازعجك
ياسين بابتسامه:دي ميرال تقدري تقولي اختي
زينه:هي قريبتك
ياسين:متربيه معايا
زينه:ممكن اسالك سؤال
ياسين:اتفضلي
زينه:هو انت ليه جبتني هنا ليه مسبتنيش فالشارع أو حتي مسلمتنيش لعزيز ليه اتحملت مسؤوليتي
ياسين:عارف ان في اسأله كتير ف دماغك بس انا راجل ازاي هسيب بنت جميله ورقيقه زيك فالشارع انتي طبعا عارفه ساعتها كنتي هتواجهي اي او كان هيحصلك اي انا نفسي مش مستوعب انك هنا معايا بس مقدرتش اسيبك رغم أنه مكنش وقتك اصلا
زينه:مش خايف علي نفسك لو وصل لينا
ياسين:مش خايف غير عليكي انا مش بخاف علي نفسي انا بشوف الموت كل يوم وشايف أن هو مش حاجه اهرب منها ده المفروض يكون اكتر حاجه مستعد ليها لان هو الحقيقه المؤكده ف حياتنا يمكن منعرفش هيجيلنا امتي بس اللي نعرفه أنه جاي يعني جاي
زينه:شكلك مخبي بلاوي
ياسين:طب اي بقا انا لازم اجهز عشان ميرال
لتفضل زينه الصمت
علي الجانب الآخر ارتدت ميرال ملابسها المكونه من بنطلون جينز ازرق غامق وبلوزه قصيره باللون الاسود وحذاء عالي وتركت لشعرها العنان نزلت إلي الأسفل لتجد كلا من لينا وفهد جالسان يتناولا الفطور لتقول لينا:رايحه فين ده مش لبس شغل
ميرال:هقابل ياسين
لينا بابتسامه:سلميلي عليه
غادرت ميرال وهي تتجنب الحديث مع فهد
ليقول فهد: مين ياسين ده حبيبها
لينا:لا ده متربي معاها يعتبر اخوها
فهد باختصار:اها فهمت
بعد مرور ربع ساعة وصلت ميرال الي الكافيه لتجد ياسين
ميرال:ياسين ازيك
ياسين بابتسامه:انتي اخبارك اي شكلك مش مطمني
ميرال بحزن:ما انت عارف يا ياسين
ياسين بنفس الابتسامه:يابت ياهبله انتي الف واحد يتمناكي عارفه انا لو ينفع كنت اتجوزتك من بدري بس انا عارف أنه اللي بالقلب هو ده اللي مانعني
ميرال:هتعاكس بقا وبعدين هو مبقاش فالقلب ولا حاجه بس غصب عني بفتكره هو كان واخد اماكن كتير ف حياتي فجأه مبقاش عايز يكمل ومبقتش مناسبه
ياسين:ميرا شوفي حياتك بجد هو كمان شاف حياته خلاص ويمكن يتجوز قريب
ميرال:انا مش مستنياه يا ياسين عشان أقرر اشوف حياته اول ما هو يشوف حياته كل الحكايه اني ملقتش حد فاهمني
ياسين:مش كل اللي فاهمك بيحبك ومش كل حد مختلف ومش قادر يوصل لتفكيرك يبقي وحش متاخديش بالفكر ولا بالمظاهر ولا بمستوي التعليم خدي قلب يحافظ عليكي ويكون بيخاف من ربنا وعلاقته بيه كويسه ناس كتير اوي من نفس المستوي الاجتماعي والفكري والثقافي ومش مرتاحين مع بعض
ميرال:قولي بقا جيت هنا ليه واي الامانه اللي عندك شكلها مخدرات
ياسين بمرح:الله يخربيتك هتحبسيني
ميرال:وهخرجك منها يباشا كمان
ياسين:لا جد بقا الامانه دي تبقي بنت
ميرال:نهارك اسود وانت جايب بنت عندك تعمل بيها اي
ياسين:الله يخربيت مخك هحكيلك
سرد لها ماحدث أمام ڤيلا الأنصاري
ميرال:حركه حلوه منك بس ياتري اي مصير البنت دي
ياسين:مش عارف بفكر اكتب عليها وارجعلها حقها وبعدها أطلقها
ميرال:لا انت مش اد عزيز ده اولا ثانيا عزيز مسجل عندكم وهي قريبته لو اتجوزتها هتتفصل عن شغلك متنساش ده مينفعش تهد كيانك اللي بنيته ف سنين
ياسين:البت حلوه وبريئه اوي مش وش بهدله
ميرال:شكلك وقعت
ياسين: ياشيخه اتنيلي كل الحكايه انها بنت ناس مينفعش تفضل معايا كتير من غير جواز ولو رجعت هتقتل واخاف اجيبلها شقه ايجار لوحدها حد يضحك عليها ولا تمشي غلط دي صغيره برضو
ميرال:يخربيت تفكيرك انت لو امها مش هتفكر ف كل ده
ياسين:مش يمكن ربنا بعتني ليها فالوقت المناسب
ميرال:طب وشغلك انا خايفه عليك
ياسين: انتي عارفه أن انا محبتش مجال الشرطه ده وكنت داخله غصب ربنا يحلها بقا بس الاول لازم اقبض علي عزيز قبل ما اعمل اي حاجه عشان اضمن أنها بقت ف امان او بقت ف جزء من الأمان
ميرال:ياريت كل الناس زيك
ياسين:بقولك اي تعالي معايا عايز اشتريلها هدوم لأنها بتلبس هدومي
ميرال:وهدومها فين
ياسين:ما انا قولتلك كانت لابسه هدوم الغفير
ميرال:حاضر وكمان انا عايزة اشتري قطه
ياسين:ليه كده
ميرال:نفسي يبقي عندي قطه من زمان مربتش قطط
ياسين:حاضر هجيبلك واحنا مروحين عايزاها اي
ميرال:عايزاها بنوته وتكون هيمالايا
ياسين:طب يلا
أخرج من جيبه بعض النقود ووضعها في الدفتر الذي أمامه وذهبا للتسوق معاً لتمر أكثر من ساعه وفي يديهم مشتريات كثيره
ياسين:كده كفايه ولا اي
ميرال:ياعم اهمد انت جبتلها حاجات مش هتخلصها
ياسين:فداها يلا بقا نجيب القطه
وبالفعل اشتري لها القطه التي تريدها وقال:دي هديتك انتي بقا
ميرال: بجد احلي حاجه جتلي يا ياسين
ياسين:هتسميها اي بقا
ميرال:امممم هسميها اوريو
ياسين:ده اسم ولد يابنتي
ميرال:لا لايق عليها
ياسين:مش عارف اشكرك ازاي ياميرا
يتابع...........
تكملة الرواية من هناااااا
تعليقات
إرسال تعليق