رواية الضيف الخفى الفصل الحادي عشر والثاني عشر والثالث عشر والرابع عشر والخامس عشر بقلم فاطمة عيد
رواية الضيف الخفى الفصل الحادي عشر والثاني عشر والثالث عشر والرابع عشر والخامس عشر بقلم فاطمة عيد
الفصل الحادي عشر:
عادت ميرال الي ڤيلاتها برفقه قطتها الصغيره اوريو لتتفاجئ بوجودهم في الحديقه وتقول:انتو لسه قاعدين زي ما انتو ليه
لينا:هنعمل اي يعني ملل جدا قولنا نلعب كوتشينا وكده تعالي العبي معانا
ميرال بمرح:انتو قدام اوي علي فكره وبعدين مش وقت لعب عايزة اعرفكم علي القمرمر الجديده دي قالت كلماتها وأخرجت القطه من صندوقها الصغير لتقول ميرال:بصو هسميها اوريو
لينا:الله حلوه اوي مين جبهالك
ميرال:بصراحه انا قولت لياسين وهو صمم يجيبها بنفسه ك هديه
ليقول فهد:طب بعد اذنك ابعديها عن هنا انا مش بحب القطط
ميرال بغضب:مقولتلكش حبها علي فكره عموما انا كده كده ماشيه
لينا:اهدو بقا وانتي هتروحي فين
ميرال:هغير هدومي وأشوف الكافيه والمطعم عشان اخد الايراد بالمره
لينا:طب هطلع معاكي عايزاكي
ميرال:مش وقته يالينا بليل نتكلم
قالت كلماتها وصعدت الي غرفتها ارتدت بدله نسائيه باللون الابيض وقميص باللون الازرق الغامق واستعدت للنزول مره اخري وهي تقول ل لينا:انا هتأخر عشان هعمل مشوار كده
قالت كلماتها واتجهت الي الكافيه ظلت تراجع كل شئ في من منتجات و عمال وحسابات أيضا استغرق الأمر منها ساعه تقريبا لتقول: الحمدلله خلصت
ليأتي أحد العمال من خلفها وهو يقول:بعد اذنك يا استاذه انا محتاج اجازه
لتقول ميرال:اي ياعادل انت هتلحنهالي كل شويه تاخد اجازات ليه
عادل :اصل انا هتجوز يعني وحضرتك فاهمه بقا
لتقول ميرال:الف مبروك ياسيدي بس بعد اذنك بقا لو اجازتك هتطول هات حد مكانك اديك شايف المكان زحمه ومحدش ملاحق
عادل:هو شهر حضرتك وهرجع
ميرال:لو فعلا عايز تاخد اجازه شهر تبقي اجازة بدون مرتب لاني مش لاقيه الفلوس دي ف كيس شيبسي عشان اديهالك بالسهوله دي لتكمل ..أما لو هتاخد اسبوعين فيبقي مش مشكله مرتبك زي ماهو والف مبروك
عادل:متشكر ياهانم
ميرال: الشكر لله وياريت تلاقي حد مكانك ومتخافش هيفضل شغال معانا علي طول اهو يساعدك وهديه نفس مرتبك يلا بقا اتفضل شوف شغلك انا مش فاضيه
لتخرج من الكافيه وتتجه الي سيارتها لتنطلق بسرعه شديده نحو الچيم
لتصل اليه وتتصل ب عمر وهي تقول :كابتن عمر انا وصلت ممكن تخرج بقا
عمر:معلش ياميرال ادخلي نتفاهم جوه
ميرال:حاضر
دخلت ميرال الي عمر وهي تقول:اديني جيت ياكاتبن اي بقا
عمر:بصراحه انا مش عارف ابدء منين
ميرال:لا بص من غير مقدمات والنبي لاني مش فالمود
عمر:طيب انا بحب لينا صاحبتك ومحبتش اكلمها عشان خايف يكون في ف حياتها حد
ميرال بجديه:لا الحقيقه هي مفيش حد ف حياتها
عمر:طب ممكن تكلميهالي
ميرال :انا شايفه أن حاجه زي دي انت المفروض تقولها ليها علي طول بدون وسيط وف مكان مناسب غير هنا
عمر:انا خايف من رد فعلها
ميرال:متقلقش خليك واثق ف نفسك شويه واطمن ثق فيا
عمر:مدام قولتي ثق فيا دي يبقي ربنا يستر
ميرال:متقلقش مش هترفضك
عمر:اممم شكلك عارفه حاجات انا معرفهاش
ميرال:اصبر علي رزقك ياكابتن وانت هتعرف اللي انا عارفاه
عمر:طب تشربي اي
ميرال:لا مش قادره كويس اني جيت اصلا
عمر:مبقتيش بتيجي ليه
ميرال: ابدا جبت الاجهزه فالبيت
عمر:اوعي تفتحي چيم وتنافسيني
ميرال:انا ملاحقه علي الكافيه أما انافسك كل الحكايه اني شايفه أن المشوار بعيد وكنت بكسل ساعات كده احسن
عمر:تمام اللي يريحك ياحماتي
ميرال بمرح:حمي اما تلهفك سلام ياكابتن
عمر:عنيفه بس موزه
لتغادر ميرال والإبتسامة علي وجهها اخيرا وقد وقع في حب صديقتها
علي الجانب الآخر في ڤيلا ياسين كانت تجلس زينه وهي ترتدي أحدي بيچامات ياسين يأتي هو وهو حامل الكثير من الشنط لترقض هي ناحيته وهي تقول:كل ده مع صحبتك انا قلقت عليك
ياسين:لا ياستي انا بعد ما مشيت صحبتي روحت مشوار شغل وبعدها روحت جبتلك اكل
لتقول زينه:كل الشنط دي اكل حد قالك اني مفجوعه
ياسين بابتسامه :لا بس واضح انك حوله لان الشنط باينه أنها بتاعت ملابس جبتلك شويه حاجات بدل بيچاماتي اللي احتلتيها دي
زينه:بس ده كتير اوي يا ياسين
ياسين:مفيش حاجه تكتر عليكي المهم روحي بقا شوفيهم مقاسك ولا لا عشان ناكل
لتقول زينه بحزن:شكرا
ياسين:يعني انا ممرمط البت معايا عشان افرحك شويه تكشري كده
زينه:انا حمل كبير عليك يا ياسين وكبير اوي كمان يمكن انت مش حاسس دلوقتي بس مع الوقت هتحس
ياسين وهو ينظر إلي عينيها:هتصدقيني لو قولتلك اني بحس بحاجات حلوه اوي اول ما بشوفك وأنك مش حمل عليا بالعكس شايف انك جيتي تشاركيني حياتي الكئيبه دي انا مبقتش محتاج وقت عشان اخد موقف معاكي لاني متأكد اني هختارك سواء بعقلي ولا بقلبي
زينه:ياسين احنا لسه عارفين بعض
لقترب منها ياسين اكثر وهو يقول:عارف انك دخلتي حياتي بطريقه غلط عارف ان المفروض متبقيش هنا بس انا بجد حبيتك مش عارف إذا كان ده بقلبي ولا بعقلي بس المهم اني حبيتك قال كلماته واقترب منها أكثر ولثمها بقوه تلعن عن عشقه لتلك الصغيره ابتعدت هي سريعاً وقبل اي رد فعل منها قال:تتجوزيني يازينه
زينه:القرار ده مش سهل وانت ممكن تندم كمان مينفعش اللي انت عملته
لتظهر ابتسامه علي وجه ياسين ويقول:عملت اي انا
زينه:انت عارف انت عملت اي
ياسين وقد لاحظ غضبها:طب خلاص انا اسف ممكن بقا تجاوبي
زينه :مش عارفه مش عارفه يا ياسين
ياسين وهو يشير الي أحدي الكراسي في الصالون:اقعدي هنا كده واهدي
زينه:اهو ها بقا
ياسين:ها اي يابنتي افهمي دلوقتي مينفعش تفضلي هنا من غير ما نتجوز الناس هتقول عليكي اي يازينه وبعدين الشيطان شاطر مش هنسلم ف قعدتنا سوا دي هسألك سؤال انتي عندك مشكله مع سني عشان انا اكبر منك ب12سنه
زينه:انا معرفش سنك اصلا وعمري ما اديتك السن ده
ياسين:انا 33سنه يازينه
زينه:مش باين عليك
وبالفعل كانت ملامحه الهادئه تشير الي سن العشرينات لا اكثر فكان طويل القامه وبشرته قمحيه وشعره اسود وعيونه بنيه ويمتلك لحيه خفيفه برغم من بساطه جماله كان وسيم علي حق شردت زينه في ملامحه قليلا ليقطع هو تلك الشرود وهو يقول:في اي مالك
زينه بتوتر:مفيش
ياسين:بصي بقا خدي قرار بس لو موافقتيش هرجعك لعزيز ولو وافقتي هرجعلك حقك حتي لو هتجوزك علي الورق بس وبعدين اطلقك
زينه:مش عايزاك تطلقني ولا عايزة ارجع حقي حتي مش عايزه غيرك انت وبس
ياسين:لازم نعرف اهلك
زينه:انا ماليش أهل ياسين مرات عمي وابنها مش أهلي هما اللي وصلوني لهنا ليه ارجعلهم بايدي وانا مش عبيطه عشان اخليك تقف قدام عزيز انت مش قده
ياسين:مش هبقي قده فعلا
زينه:ليه
ياسين:محدش بياخد كل حاجه يازينه وانا اختارتك انتي فلازم اخسر شئ مقابل مكسبي ليكي عشان كده بكره هتخلي عن حاجه مهمه ف حياتي هتخلي عنها قبل ما تتخلي عني
لاحظت زينه حزنه الشديد لتقول:اي هي
ياسين:بكره هتعرفي هتعرفي بعد ما اخد الخطوه دي
وصلت ميرال الي الڤيلا لتجد فهد قد ذهب إلي النوم ولينا تجلس بمفردها لتقول لها:كل ده تأخير كنتي فين
ميرال :كنت بتمشي بالعربيه عشان مش طايقه البني ادم ده
لينا:مش عارفه ليه حاسه انك مش كويسه وكمان مخبيه عليا حاجه
ميرال:لا انا كويسه ومش مخبيه حاجه ده خيالك المريض بس
يتابع........
الفصل الثاني عشر:
في الصباح استعد ياسين لتنفيذ قراره كان بالفعل قرار صعب التنفيذ ربما غير لائق بالمره حتي ولو كان ذلك العمل لم يكن رغبته فرغبته لن تتحقق بأنهائه فاق من ذلك الشرود وقام بأخضار الورقه التي كلماتها تحمل استقالته ونهايه مشواره قبل بدايته أخذ الاوراق ومفاتيح سيارته واتجه الي مقر امن الدوله قابل المسؤول عن القضيه التي يباشرها قائلاً :سامي بيه ممكن ادخل
سامي :اتفضل ياسين اخبار القضية اي
ياسين:للاسف يافندم اليوم اللي كان في العمليه خرجت عليا بنت قال كلماته وبدأ بسرد كل شئ يخص زينه من بدايه ركوبها سيارته الي الان
ليقول سامح:طب وبعدين هتعمل ايه
ياسين:مفيش حل غير اني اتجوزها انا عارف ان ده هيخسرني شغلي عشان خاطر بلاوي اللي اسمه عزيز وصله القرابه بينهم عشان كده انا مجبر اني اقدم استقالتي باحترامي قبل ما اترفد واتمني حضرتك توافق عليها
سامي بابتسامه :انا فخور بشهامتك وشجاعتك اللي تقريبا مبقتش موجوده بس طبعا انت عارف اننا هنا بنعرف كل كبيره وصغيره مهما طال الوقت ربنا بيظهرلنا حقيقه الناس اللي زي عزيز وبيكشف فسادهم عشان كده احب اقولك انك هتتجوزها لو حابب بس من غير ماتخسر شغلك
ياسين:ازاي مش فاهم
سامح:التحريات اثبتت أن عزيز مش ابن عمها ابدا ولا حتي ابن مرات عمها الولد ده ابن خدامه وغفير كانو شغالين عندهم وكانو علي علاقه ببعض من غير جواز وكانت نتيجه العلاقه دي حمل الست دي ف عزيز اول ما عرفت راحت لمرات عم زينه اللي اسمها بخيته تقريبا واترجتها تحاول تساعدهم يتجوزو أو حتي تعملها عمليه اجهاض عشان متتفضحش كان فالوقت ده بخيته وجوزها اتأكدو أنهم مش هيخلفو بسبب عيب خلقي في راشد الانصاري اللي هو أبو عزيز علي الورق عشان كده جابوا الغفير والبنت دي وادوهم مبلغ مالي كبير اوي مقابل عزيز وبالفعل سجله بأسمه رغم أن ده حرام طبعا بس هو عمل كده عشان الميراث كان مستعد يعمل اي حاجه عشانه
ياسين:وحضرتك كشفت السر ده ازاي
سامح:عزيز عارف أنه مش ابن عيله الانصاري اللي عرفه أبوه بعد ما حاول يرجعه كانت النتيجه أنه هدده بالقتل اليوم ده أبوه راح بلغ ف قسم الشرطه لكن بعدها بساعتين اتقتل
ياسين:يعني هنثبت ازاي الكلام ده
سامح:عشان نتأكد من مصداقيه الكلام ده هنعمل تحليل D N A لعزيز وولدته المزيفه وطبعا هتطلع النتيجة سلبيه مش هيطلع ابنها بكده انت هتكمل معانا وكمان زينه هتاخد كل حقوقها لان كده هي الوريث الوحيد لعيله الانصاري حتي الفلوس اللي عزيز حاول يكبرها بطرق غير شرعيه هتبقي ملكها أما عزيز وأمه ف هيبقو فالسجن طبعا نظراً لما البلاوي اللي عزيز عملها
ياسين:انا مش مصدق اللي بسمعه معقول في كده
سامح:في ابشع من كده وانت عارف كويس ياحضرت الظابط الموضوع كله مسأله وقت بالنسبة للفحص الأمني اللي بناخده كل ست شهور عشان نتأكد أن العيله مفيهاش حد فاسد هيبقي معروف فيها أن عزيز مش قريبكم لان هنكشفه قبل 6شهور لكن مش دلوقتي
ياسين:طب انا اعمل اي
سامح بابتسامه:انت تروح تحضر لفرحكم ياعريس اخيرا واحده عرفت توقعك ده انا كنت هفقد فيك الأمل
احتضنه ياسين بشده وقام بشكره ثم اتجه الي عمله ليباشره وكأن لم يحدث شئ
علي الجانب الآخر في ڤيلا البحيري كانت تجلس ميرال في غرفتها وبيدها هاتفها وكانت شارده تماما لتقطع ذلك الشرود لينا وهي تقول:اي كل ده يابنتي اصحي بقا
ميرال:انا صاحيه يا لينا لكن محتاجه ابقي لوحدي شويه انا مش طايقه نفسي
لتقول لينا:طب افتحي الباب انتي قافله بالمفتاح ليه
ميرال: عشان مش عايزة اكلم حد انا مخنوقه
لينا:طب خلاص هسيبك شويه وارجعلك
قالت كلماتها واتجهت الي الحديقه ليقول فهد:اي مش هتنزل
لينا:لا يافهد هي الظاهر نفسيتها تعبانه شويه بس نسيبها شويه وهترجع
فهد:هو انا السبب
لينا:لا طبعا ليه بتقول كده هي شويه وهترجع
أما امير وعلياء فهم تواعدو في السر خدعها امير هي الأخري بأسم الحب هل هذا حب حقا ام ستكون نزوه من نزواته التي لا تعد ولا تحصى ولا يخبر بها أحد ابدا كانت تجلس في غرفتها وتتكلم معه بصوت هادئ جدا ليقول هو:دي احسن قضيه ف حياتي عشان قابلتك وانا شغال فيها
علياء:اي الكلام الكبير ده بس
امير :انا بحبك
علياء :وانا كمان بحبك
ظلت تتحدث معه أكثر من ساعه ونصف ثم دخلت امها الغرفه فجأه وقالت:بتكلمي مين ياعلياء
علياء بتوتر:اقفلي دلوقتي يادعاء هكلمك تاني
والدتها بخبث:دعاء قاعده بره كانت جايه تاخد منك هدوم عشان رايحه عيد ميلاد بكره
علياء بتوتر أشد:لا مهو أصل دي واحده تانيه اسمها دعاء برضو
والدتها:لا ده امير بيه دعاء مش بره دعاء لسه ماشيه وانا حبيت اوقعك انا فعلا كنت جايه اقولك تحضريلها الطقم اللي هي عايزاه لكن سمعت كلامكم اللي مفيش بنت محترمه زيك تقوله
علياء:ياماما افهمي
والدتها:افهم اي بلاش قله ادب ده كلام يتقال برضو بتكلميه ولا كأنه جوزك اسمعي يازفته انتي ياتخليه يتقدملك ياما مسمعكيش بتكلميه تاني وهاتي التليفون ده هاتي
علياء ببكاء شديد: انتي بتعملي كده ليه
والدتها: عشان ده مش من توبك يابنت بطني انتي تحت وهو فوق عايز واحده تشرفه قدام الناس بلغتي عن الراجل اللي فاتح بيتنا من غير ماتتأكدي إذا كان لي يد فالموضوع ولا لا عشان ضميرك طب ضميرك مقالكيش أن الكلام الزباله ده حرام وعيب لا يشبه عاداتنا ولا تقاليدنا ليه تبصي لحته انتي مش قدها اللي يبص لفوق يتعب يابنتي
علياء:لا بقا انا بني ادمه زيي زيهم مفيش فيهم حاجه تميزهم عني
والدتها:في يابنتي مناصبهم وفلوسهم انا حذرتك وانتي حره
يتابع......
الفصل الثالث عشر:
في احدى الاماكن البسيطه بالاسكندريه عروس البحر المتوسط كان يجلس سليم يفكر في لعبته الجديده للانتقام من ذلك الفهد لتدخل عليه هي وهي تقول:انا زهقت من هنا يابيبي المكان هنا بيئه اوي ومش بنشوف حد كل حاجه وحشتني مامي والاماكن اللي كنا بنروحها
سليم:يوه بقا يادارين مش هنخلص من الاسطوانه القديمه بتاعتك دي الوضع خطر وانا معرفش امتي هنعرف نتحرك من هنا ولو سافرنا وحد حس أن لينا ايد فالموضوع ده هنتحرم نيجي هنا تاني
دارين:واي المشكله مش احسن من المكان ده
سليم:عرفتي يادارين انك رخيصه ومعندكيش انتماء لحاجه خالص لا لشخص ولا لمكان انا مش مستغربك ابدا
دارين بلا مبالاه:انت مش مستغربني عشان انت زيي
سليم:لا فرق كبير بيني وبينك انتي اللي لعبتي علي الطرفين وقبلتي تكوني زوجه فالخفا ليا وخطيبه لي هو العبيط اللي كان مخلص ليكي وعمره مالمس واحده ست تقريبا عشان انتي حبه الوحيد كنتي بتسبيه وتجيلي وطبعا انتي فاكره اتجوزنا ازاي
فلاش باك....
في ڤيلا الرشيد كان يجلس سليم أما التلفاز يقلب فيه بملل لتأتي هي وتدخل ليقول:انتي دخلتي هنا ازاي
دارين:البنت اللي شغاله هنا فتحتلي ومشيتها
سليم:وانتي بأي حق تمشيها انتي ليكي حاجه هنا اصلا
دارين ببرود :ممكن تهدا
سليم بغضب:مش هتنيل انتي عايزه اي بالظبط
دارين:انا بحبك ياسليم من اول يوم شوفتك فيه وعارفه انك بتحبني أو علي الأقل معجب بيا
سليم:وفهد ده مش مالي عينك
دارين:فهد مش هاممني انا كنت معاه بالغصب اهلي كانوا شايفين أنه مناسب وانا كمان كنت شايفه كده لحد ما جيت انت
سليم:في الف طريقه تبعدي بيها عنه دلوقتي وساعتها نبقي نشوف
كانت تتفحصه بنظرات جرئيه للغايه دهش هو من تلك المنظر وقال:احترمي الحجاب اللي انتي لبساه
دارين برقه مصتنعه:تقصد حته القماشه دي طيب اهي ولا تزعل نفسك
قالت كلماتها الاخيره وقامت بخلع حجابها ورميه علي الارض
ظلت تحاول معه بكافه الطرق حتي وصلت إلي غرضها حقاً أن كيدهن عظيم اغوته وتزوجت به بطريقه غير شرعيه تحت مسمي الزواج العرفي وبدأت لعبه الانتقام بينهما
باك...
دارين بغضب:الكلام ده من سنين كتير اوي
سليم:مبقتش فارقه انا كرهتكو كلكم انتي عشان انتي زباله وفهد عشان عبيط وغبي وكرهت نفسي عشان بعت صاحبي انا دخلت برجلي طريق مش عارف أخرج منه انا بقيت بكرهه اوي رغم أن انا اللي ازيته بس همشي ورا شري ولو انتي فتحتي معايا اي موضوع مش هيعجبني انتي حره وبالنسبة ل اني كنت بقولك هكتب عليكي رسمي بعد ما نخلص انسي انا مش بتاع جواز اساسا
دارين:مش بتاع جواز امال احنا اي
سليم:لا ده مش جواز ياحبيبتي دي نزوه وهتعدي قريب اوي اوي كمان
دارين:بالورقه اللي معايا هسجنك
سليم بلا مبالاه:لو لقيتيها اسجنيني الورقتين بقو معايا ازاي دي بقا مش بتاعتك وكمان اتقطعو من زمان انتي فكراني مختوم علي قفايه زيه وهشيل الليله
دارين:طب خلاص سيبني ارجع ومش هجيب سيرتك
ليجذبها هو من شعرها ويقول:ترجعي فين ياروح امك انتي بقيتي ارخص من اي واحده من الشارع انتي هتفضلي هنا زي ما كنتي وهاخد منك اللي انا عايزو وقت مااحب وهتطبخي وتغسلي وتنضفي ولا اجدعها شغاله لو متعدلتيش معايا
علي الجانب الآخر
كان يجلس عزيز برفقه والدته ويحاصره رجاله وهو يقول:يعني اي مش عارفين مكانها ولا عارفين تچيبو الواد اللي اخدها من اهنه
ليقول أحد رجاله:هنعمل اي ياكبير ما باليد حيله
عزيز:اخرس لو زينه مابجتش اهنه بعد يومين هينجطع عيشكم اهنه انتو فاهمين
ليقولو رجاله:امرك ياكبير
عزيز:يلا غورو من اهنه
خرجو رجاله واحد تلو الآخر وتأكدت والدته أنه لم يعد هناك غيرهم وقالت بابتسامه ماكره:اول ماترچع هتنجتل صوح
عزيز:لا هتچوزها
بخيته:شكلك عشجانها ياولدي
عزيز:من زمن ياما ويوم ما تاچي ياتكون ليا يايكون يومها
بخيته:بعد ما الناس عرفت انها بجت مع راچل غريب
عزيز:متجوليش راچل بس وبعدين محدش اخد باله اهنه خلاف البلد ياما
لحيته:عيني عليك ياولدي بقيت زي الحربايه تتلون حسب المكان
عزيز:وه جومي حضري الوكل مع الحريم ياما بدل الكلام الماسخ ده
قال كلماته وتنهد وقال :ياتري انتي فين يازينه جلبي
في ڤيلا ياسين الرفاعي كانت تجلس بجواره شارده وقالت فجأه:انت ما قولتليش انت اتخليت عن اي عشاني
ياسين:اصل ربنا اراد اني اكسبكم انتو الاتنين
زينه بغيره واضحه:انا ومين
ياسين:شغلي يازينه كنت هخسر شغلي لو اتجوزتك عشان صله القرابه بينك وبين عزيز
زينه:يانهار اسود دي حاجه تعملها ياياسين
ياسين بنبره حنونه:واخسر الدنيا كلها عشانك انتي بقيتي غاليه عندي اوي وبسرعه كمان
زينه:طب حافظت عليه ازاي مش هنتجوز خلاص
ياسين:انتي بتتلككي ولا اي هنتجوز طبعا وهتكوني احلي عروسه فالدنيا كلها اعملي حسابك بكره هنكتب الكتاب والفرح نحدده بعدين المهم تبقي مراتي عشان ابقي براحتي
زينه:تبقي براحتك ليه بقا
ياسين:عشان هبقي جوزك يلا بقا من هنا انا عايز انام
زينه:خليك شويه
ياسين:لا كفايه عليكي كده تصبحي ع خير
زينه بحزن:وانت من اهل الخير
في ڤيلا البحيري
كانت يقف كلا من فهد ولينا أما غرفه ميرال وتقول لينا:يازفته افتحي بالك يوم بحاله فالاوضه لا بتاكلي ولا بتشربي
ميرال:معايا اكل ومايه ممكن تمشو بقا
فهد:مش هنمشي وقدامك نص ساعه لو منزلتيش تقعدي معايا هروح اسلم نفسي وبكده تبقي قصرتي معايا وعمي هيزعل اوي
ميرال بغضب:متستغلش اني مقدرش ازعل المتر مش هتمسكني من أيدي اللي بتوجعني يافهد
فهد بلا مباله: بعد نص ساعه لو مبقتيش قدامي هحضر شنطتي وامشي انتي حره
#يتابع...
الفصل الرابع عشر:
استعدت ميرال للنزول وهي في غايه الغضب لتقوم بالنزول سريعا وينبهر هو بجمالها فكانت مختلفه قامت بقص شعرها لتجعله يصل الي رقبتها فقط وقامت بصبغه باللون الاصفر وكأنه خيوط من الذهب واروع ليقول هو بعد صمت دام طويلا: يعني انتي مخلينا نقلق عشان تعملي شعرك كده وتبقي شبه الكتاكيت
لينا:اهدي يابني مهي قمر اهي
ميرال بغضب:في اي الواحد ميعرفش يهدا شويه
فهد:خلاص ياستي انا اسف وكمان انا منزلتكيش عشان ازعجك انا محضرلك حاجه بسيطه كده
لتقول ميرال:اي هي
فهد:تعالي فالسفره
دخلت وراءه لتجد غرفه السفره مهندمه بطريقه مغريه وعلي الطاوله انواع مختلفه من المأكولات البحريه مزينه بطريقه احترافيه وايضا بعض الشموع لتضيف اجواء هادئه للمكان
ميرال:الله حلو اوي
فهد بمرح:عمايل ايديا وحياه عنيا
ميرال:عملت كل ده عشاني ليه
فهد:كنت عايز اعتذرلك حسيت اني ضايقتك من غير مااقصد بس بجد لو وجودي مضايقك انا ممكن امشي
ميرال:انا مش عايزاك تمشي مش عشان عمك بس لا انا بجد مش عايزاك تمشي
لينا:طب اجيبلكم المأذون ولا اعمل اي انا
ميرال:اتلمي يابت انتي اقعدو يلا عشان ناكل
فهد:لا لازم امشي وجودي هنا غلط هرجه الشاليه احسن
ميرال:اقعد كل معانا وبعدين ارجع
لينا:اقعد يافهد ونبقي نمشي سوا
ميرال:انتي رايحه فين
لينا باحراج وتوتر:عمر عايزني ...احم ..قصدي كابتن عمر
فهد:مين كابتن عمر
ميرال:هبقي اعرفك عليه لو حابب بس مش دلوقتي
فهد:انا زهقان بجد من كل حاجه مش عارف اكلم حد ولا بشوف حد ولا حد بيشوفني
ميرال:انا جبتلك فون اون لاين زمانه جاي وهجيبلك خط باسمي عشان تكلم اخواتك براحتك بس واتساب بس عشان ممكن يكون متراقب
فهد:مش عارف اقولك اي
ميرال:متقولش حاجه
مرت عشر دقائق وهم يتناولون طعامهم ف صمت ثم قالت لينا :طب يا جماعه لازم امشي عشان متأخرش
ميرال:مترجعيش متأخر
لينا :متقلقيش
علي الجانب الآخر في ڤيلا ياسين الرفاعي كان في انتظارها وهو يقول :يلا يازينه كل ده بتجهزي
زينه بتوتر:انا جاهزة
لينبهر هو بجمالها فكانت جميله علي حق ظل ينظر إلي عينيها شديده الخضار بشده وقال عنيكي حلوه اوي
لتبتعد زينه وهي تقول:اتلم يا ياسين هزعل بجد
ياسين :خلاص مقدرش علي زعلك ياقمر
لتقول هي :اي رأيك فالفستان
كانت ترتدي فستان بأكمام شفافه باللون الوردي وتركت لشعرها البني العنان
ليقول هو:زي القمر بس ليه الفستان شفاف من الكم
زينه بغضب:مش انت اللي جايبه
ياسين بابتسامه:خلاص طيب بطلي جنان يلا عشان منتأخرش ع المأذون واعملي حسابك الفرح بعد اسبوع
زينه:انت بتجري كده ليه
ياسين:عشان مش محتاج الوقت محتاج قربك وبس فهمتي
في ڤيلا البحيري
جلست ميرال علي الشاطئ وبجانبها فهد ليقول:انبسطي
ميرال بابتسامه: بصراحه مبسوطه اوي اول مره حد يعمل حاجه عشاني من فتره طويله اوي
فهد:كنتي حابسه نفسك ليه بقا
ميرال:مش عارفه يمكن كنت بعاقب نفسي علي عمري اللي ضيعته مع ناس غلط
فهد:طب كنتي زعلانه مني ليه
ميرال: صدقني مكنتش زعلانه منك انا كنت زعلانه من نفسي ومش عارفه السبب
علي الجانب الآخر وصلت لينا الي الكافيه الذي طلب عمر مقابلتها فيه لتجده في انتظارها لتقول:ازيك ياكابتن
عمر:اهلا يالينا اقعدي وبلاش كابتن دي
لينا:طب اقول اي
عمر:ماتقولي عمر عادي
لينا بتوتر:حاضر ياعمر
عمر:مش عارف اجبهالك ازاي بس انا معجب بيكي جدا وحابب اتقدملك
لينا :واي مانعك
عمر:عايز فرصه اسبوعين بس اعرفك فيهم كويس قبل مااتقدم
لينا بتوتر:انت فاجئتني ياعمر بصراحه
عمر بابتسامه:بس عارف انك بتحبيني زي مابحبك
لينا:قولت اي
عمر بغرور مصتنع:قولت بحبك
أما ف أحدي مكاتب المأذون الشرعي كان يجلس ياسين وامير وسامح أيضا وتمت إجراءات عقد القران
ليقول المأذون:بارك الله لكما وعليكما وجمع بينكما بالموده والرحمه وبالرفاء والبنين
لينهض ياسين ويحتضن زينه بشده وهو يقول:بقيتي مسؤوله مني قدام ربنا من دلوقتي
لتدمع أعينها وتقول بهمس:بحبك
يتابع......
الفصل الخامس عشر:
في الصباح استيقظت لينا بكامل نشاطها وهي في غايه السعاده ذهبت الي غرفه ميرال طرقت الباب وقامت بالدخول وهي تقول بابتسامه:صباح الخير يا ميرا
ميرال وهي تبادلها الابتسامه:صباح النور ياختي فايقه ورايقه كده ليه
لينا :اعقبال ماتفوقي وتروقي يانكد
ميرال:ما انتي كنتي نكد زيي اي اللي حصل
لينا بخجل وابتسامه طفوليه:اصله نطق
ميرال:بجد احلفي كده
لينا:والله نطق وكمان هيتقدملي قريب اوي
ميرال:طب الحمدلله هخلص منك قريب هو اخوكي عارف
لينا:لا هقوله أما اعرف احدد معاد امته
ميرال:ربنا يتمم بخير
لينا:انتي سهرتي مع فهد
ميرال بلا مبالاه :اها سهرت معاه
لينا:شكله معجب بيكي ومخبي
ميرال:وانا شايفه أنه مش مناسب
لينا: مين عالم يمكن تحبيه ويبقي ابو العيال كمان
ميرال بتوتر:لا مستحيل الأمور توصل لكده
لينا:طب اي متوتره ليه
ميرال بغضب:يوه يالينا مش عايزه ادخل حياتي حد تاني مش كفايه اللي حصل من أمير ده اولا ثانيا هو متهم وانا محاميه يبقي ازاي هو مش مناسب ليا
لينا بحماس:هو متهم اها بس احنا عارفين كويس أنه بريئ وواخد علي قفاه كمان
ميرال:انتي متحمسه كده ليه
لينا:خلينا نفرح بقا ياميرا احسن من حياتنا دي
ميرال :مالها حياتنا
لينا:السلاح اللى ماشيه بيه في كل حته من ساعه ما فهد جه هنا والتوتر ده مش عاجبني
ميرال:احنا متسترين علي مجرم في نظر القانون يعني لازم ابقي مأمنه نفسي ومأمناه
لينا:تعرفي ان حكايتكم معكوسه دايما الراجل هو اللي بيأمن حبيبته دلوقتي انتي اللي بتأمنيه ولسه هنشوف صحيح
ميرال بغضب:حبك برص انا بحافظ عليه عشان ده امانه سيبهالي المتر وبعدين كله منك مش انتي صاحبه الفكره لا واي الضيف الخفي حالا لقيتي اسم يبرر اللي بنعمله لا وكنتي متحمساله كمان
لينا بمرح:الله وانا مالي ياميرا الواد موز برضو وكان لازم ننقذه
ميرال:بقولك اي روحي كلمي كابتن فجله بتاعك انا عايزه انام
ليقطع حديثهم رنين هاتف ميرال لتقول:ده ياسين يلا بقا من هنا عشان اشوف ماله
أجابت وهي تقول:اي ياسينا اخبارك
ياسين:يخربيتك بكلم صاحبي علي القهوه انا المهم انا كتبت كتابي
ميرال بتوتر:يانهارك اسود وشغلك يا ياسين انت هتهزر
ياسين:لا مهو مطلعش قريبها زي ما كنا مفكرين بقولك اي الموضوع كبير هبقي احكيلك أما نكون لوحدنا لأنها متعرفش أنه مش قريبها
ميرال:انا مش فاهمه حاجه
ياسين:وانا مش مصدق اللي عرفته بس المهم انا عازمك علي الغدا عندي عشان تتعرفي عليها وكده وكمان عشان تساعدينا نحدد معاد الفرح
ميرال:حاضر هجيلك
ياسين:تعالي دلوقتي
ميرال:حاضر نص ساعه واكون عندك
وصلت ميرال الي ڤيلا الرفاعي وكان بأنتظارها كلا من ياسين وزينه القو جميعا التحيه علي بعض وقال ياسين:انا متأكد انكم هتبقو صحاب اوي
ميرال:اكيد طبعا انا حبيتك جدا يازينه والله
زينه بابتسامه:وانا حبيتك اوي من كلام ياسين عنك
ياسين :طب هنقضيها كلام ولا اي يلا الغدا جاهز
تناولو الطعام وسط احاديث كثيره لا نهايه لها قطعتها ميرال وهي تقول:فرحكم من أوله لاخره عليا ك هديه بسيطه ليكم شوفو المعاد المناسب وابعت العمال ومهندس الديكور يظبط الجنينه وأشوف باقي التحضيرات
ياسين:النهارده السبت تعرفي تخليه يوم الخميس
ميرال:اها طبعا ازود العمال
زينه:معلش بس انتي هتجبيهم منين
ميرال:انا عندي كافيه كبير علي شاطئ خاص بتاعي والمهم بنعمل ساعات في أفراح وكده فالعمال فاهمين شغلهم متقلقيش وهبقي انزل معاكي عشان فستانك بس قوليلي المعاد مناسبك ولا لا
زينه:مناسبني اللي تشوفوه
ياسين:مالك يازينه
زينه:شايفه أن ملهوش لزوم الفرح
ميرال:يا حبيبتي انتو اول مره تتجوزو وهتبقي اخر مره بإذن الله الفرح ذكري جميله ومميزه وبعدين خلاص احنا اتفقنا واتفقنا اننا صحاب يبقي متخلنيش ازعل منك
زينه بابتسامه: مقدرش علي زعلك خلاص موافقه
ظلو يتبادلون الأحاديث عن التحضيرات وغيرها وبعدما انتهو من التخطيط لتلك الزفاف المميز قالت ميرال:طب انا لازم امشي
ياسين بنظرات ذات معني :هوصلك
ميرال:ياريت مش معايا عربيتي اصلا مكنتش لاقيه المفاتيح
خرج كلاهما وقال ياسين:تعالي عربيتي هنا
ميرال:معايا عربيتي بس بعيد شويه كنت بقول كده عشان توصلني وتحكيلي اي حكايه مش قريبها ده
سرد لها ياسين ما حدث بينه وبين سامح
ميرال:بجد مبسوطه انك مخسرتش شغلك
ياسين:سيبك كل حاجه هتتحل انتي مالك بقا واي اللي عاملاه ف شعرك ده
ميرال:اهو تغيير بدل الفراغ ده
ياسين :حلو بصراحه مفيش كلام بس اي مضايقك
ميرال:عارف أما تبقي خايف تبقي لوحدك بس مش عايز تقرب من حد عايز تلاقي حد يحبك بجد بس خايف برضو ميحبكش أو متحبهوش الماضي مسيطر عليا رغم أن المستقبل قدامي بس انا مش شايفه الا الماضي يمكن شايفه حاجه حلوه فالمستقبل بس حاسه اني مستحقهاش
ياسين:كل ده ف قلبك يا ميرا يخربيتك
ميرال:المفروض اعمل اي
ياسين:لازم تنسي القديم عشان تبدأي من جديد
يتابع..........
تكملة الرواية من هناااااا
تعليقات
إرسال تعليق