رواية الضيف الخفى الفصل السادس عشر والسابع عشر والثامن عشر والتاسع عشر والعشرين بقلم فاطمة عيد
رواية الضيف الخفى الفصل السادس عشر والسابع عشر والثامن عشر والتاسع عشر والعشرين بقلم فاطمة عيد
الفصل السادس عشر :
مر اسبوع تقريبا من دون احداث جديده كانت ميرال منشغله من أجل زفاف زينه وياسين وكانت لينا تبدأ في رسم أحلامها الورديه مع عمر أما سليم فكان يخطط لشئ غامض ولكن تردد ف تنفيذ هذه الخطه ...
اليوم هو زفافها كانت تجلس برفقه ميرال و بعض خبراء التجميل ومصففي الشعر لتقول:انا مش فاهمه اي لازم دول كلهم
ميرال:عشان نخلص بسرعه يابنتي عادي انتي اتنين وانا اتنين فيها اي
زينه:نفسي افهم انتي متسرعه ليه كده ف حياتك كلها
ميرال:اي اللي مستغرباه مانا حياتي طبيعيه اهو
زينه:مش طبيعيه خالص ياميرا سلاح ف عربيتك ويمكن اكتر بتميلي للعنف ليه
ميرال بابتسامه:عشان لو مدافعتش عن نفسي محدش هيدافع عني
زينه:ومالك فخورة وانتي بتقوليها ليه
ميرال:بصي القوه مبتجيش بالسهل ومش معني اني قويه مبضعفش بس عارفه انتي أما تبقي حياتك كلها خطر ومغامرات أهو انا كده أما اقف ف وش متهم عارفه أنه جاني واجيبله حكم كبير او اعدام وارجع حقوق الناس التانيه ساعتها بقا لو كان ده ابن ناس معروفين بتبقي ليله سوده
زينه:ومش خايفه من الموت
ميرال:أنا مش بخاف من الموت لا
زينه:طب مستعده لي
ميرال:أنا مش مثاليه بس احسن من ناس كتير واكيد ربنا هيغفرلي وبعدين هو ده كلام يتقال دلوقتي أنا هروح البس فستاني وانتي خلصي يلا هنتأخر
ارتدت ميرال فستان طويل باللون الاسود بتصميم رائع ومختلف كانت في غايه الجمال طرق ياسين الباب وفتحت له وقال:اي القمر ده بس كده انا هغير العروسه واتجوزك انتي
ميرال:اتلم عشان زينه لو سمعت هتزعل اوي
ياسين:لا طبعا هي واثقه فيكي
ميرال:طب انا هنزل وانت ادخل عشان تنزل بعروستك
ياسين:بس
ميرال:مش وقته انا نازله بقا
ياسين لنفسه :ربنا يستر واليوم يعدي علي خير
اخذت هاتفها من السياره واتصلت ب لينا لتقول:كل ده يازفته انتي فين
لينا:موجوده من بدري انا وعمر وبندور عليكي تعالي
ميرال:حاضر جايه
لتغلق لينا الخط ويقول عمر:هنكد عليكي بسبب الفستان ده
كانت ترتدي فستان قصير باللون الوردي لتقول:ميرال اللي جابتهولي
عمر:نشوف الموضوع ده بعدين حاضر
كانت تبحث عن صديقتها لتجد صوت مألوف بالنسبه لها يناديها لترفض هي النظر اتجاه ذلك الصوت ولكن جاء من خلفها سريعا و اوقفها ليقول:ميرال استني
ميرال:عايز اي ياامير
امير:استني بس هفهمك
ميرال:تفهمني اي بالظبط تفهمني اختفائك المفاجئ اللي ملهوش اي عذر الا انك زهقت زهقت وبس فاكر أما ترجع هاخدك بالحضن يعني
لتقطع حديثهم علياء لتقول :مين دي يا أمير
ميرال:انا ميرال البحيري عن اذنكم
ليحاول امير اللحاق بها ولكن أوقفته علياء قائله:رايح وراها ليه انت جبتني معاك يبقي تحترم وجودي
امير بغضب:مش كنتي احترمتي نفسك ومجتيش اساسا ازاي تسمحي لنفسك تسافري معايا وهنرجع متأخر كمان
علياء:ما انت هتبقي خطيبي عادي
امير:نجوم السما اقربلك ياحلوه شايفه اللي كانت هنا دي عامله ازاي وبرضو مفضلتش معاها هفضل معاكي انتي
لتقول بغضب:روحني
امير:اترزعي ف اي داهيه اعقبال ما الفرح يخلص أو روحي لوحدك
بعد مرور عشر دقائق نزل ياسين وزينه وسط ترحيب شديد من الحاضرين وبدأت أجواء الاحتفال وكان كل شئ جميل ومرتب ومر اليوم بسلام من ناحيه الزفاف....
بعد انتهاء الزفاف غادره ميرال برفقه لينا وعمر ليلحق بها امير مره اخري ويقول بخبث:هو ممكن ابات فالڤيلا النهاره
ميرال:انا مش فاهمه انت عايز اي لا مش ممكن يا امير عن اذنك بقا
وصلو إلي ڤيلا البحيري وصعدت ميرال ولينا وكانت لينا تستعد الي الخلود الي النوم بينما ميرال كانت تبدل ملابسها وارتدت ترنج رياضي
لتقول لينا:لابسه اسبورتيڤ ليه
ميرال:هنزل اتمشي شويه
لينا :فين
ميرال:علي الشاطئ مش هطلع بره
لينا :ماشي تصبحي علي خير
همت بالنزول إلي الأسفل لتجد فهد جالس بالخارج ايضا
قامت بالجلوس بجانبه وقالت:شكلك مضايق
فهد: شويه وانتي برضو
ميرال:مش اوي
فهد :اي اللي حصل
ميرال:مش مهم
قالت كلماتها وسمعت صوت يشير أن هناك أحد يحاول اقتحام الڤيلا لتقول :فهد ادخل جوه بسرعه
فهد:ليه
ميرال:تعالي معايا
قامت بأدخاله الي الشاليه وأغلقت عليه الباب بالمفتاح وقالت :خليك جوه متحاولش تفتح لحد
قالت كلماتها واخدت سلاح كانت تخبئه بجانب الشاليه
ليقول فهد لنفسه:هي قافله علي ابن اختها مالها دي
أما هي ف عرفت جيدا أن شكها اصبح حقيقه أوقفته لتقول:امير لو اتحركت خطوه كمان هضرب نار
امير:حلو الشغل ده انا اعلمك مسكه السلاح وتلف السنين وترفعيه عليا
ميرال:واقتلك كمان عشان اخلص النار اللي جوايا عارف ليه عشان الموت مش عايز سبب عشان نعرف انت موت ليه الموت مفيهوش احتمالات لكن بعدك سبب اكتر من الف سؤال ف تفكيري
امير:انا بعيد عشان مليش مكان
ميرال:ولا هيكون ليك
امير:انا مش راجع عشان سواد عيونك انا عارف انك مخبيه حاجه كبيره ولازم تكشفها
ميرال:وانا موافقه معاك إذن نيابه بقا
امير وهو يخطو عده خطوات تجاهها :لا بس ده بيت جدي
ميرال:ده حقي من الميراث وانت اخدت حقك كمان امشي من هنا متخلنيش اعمل حاجه تندم عليها
امير:هتعملي اي مش هتقدري عليا ياميرال
لتوجه المسدس ناحيه كتفه وتقول وهي تضرب بعض الطلقات:دي عشان طار جدك اللي موته بحسرته ودي عشان قلبي اللي مات من ساعه ما عملت الارف ده ودي عشان اتعديت حدودك دلوقتي
ليسقط هو في الأرض وكان في حاله اغماء تقريبا طلبت هي الإسعاف وبدأت في اتخاذ جميع الإجراءات القانونية تجاه ما فعلته وتحول لشئ عادي نظرا لتعديه علي منزلها ليأتي ياسين مسرعا ويقول:دي عامله تعمليها
ميرال:هو اللي بدأ واتعدي عليا
ياسين بشك:هو عملك حاجه
ميرال:لا بس كان هيعمل
ياسين بغضب:تقومي تضربيه 3 طلقات ف نفس المكان
ميرال:كنت اعمل اي يعني روح لعروستك دلوقتي
ياسين:لا هفضل هنا لحد ما يفوق
ميرال:براحتك انا مروحه
يتابع.......
الفصل السابع عشر:
عادت الي المنزل وهي في حاله انهيار رغم تلك القوه لا تصدق ما فعلته كانت طريقه بشعه للانتقام ذهبت الي فهد وفتحت له الشاليه ليقول هو:انا مش فاهم هو انا عسل صغير عشان تعملي معايا كده وتحبسيني الحبسه السوده دي
ميرال:فهد لو سمحت انا مش حمل اي نقاش دلوقتي انا كنت هقتل واحد من شويه ف لو رديت كلامي مش هيعجبك سيبني ارجع الفيلا دلوقتي وبالفعل غادرت هي ودخلت الي غرفتها لتجد لينا ف انتظارها لتقول لينا:دي عامله تعمليها
ميرال:انتي شوفتي
لينا بغضب:شوفت كل حاجه وعارفه ان امير حطمك بدل المره الف بس مش دي الطريقه الصح للتعامل معاه كان ممكن تطرديه بالذوق تعشميه بحبك وتغدري بيه زي ما عمل معاكي زمان وهيبقي انتقام برضو بس مش وصل بيكي الحال بانك خلتيه عاجز امير مش هيعرف يحرك دراعه بسببك لمده معينه ويمكن علي طول مش بس كده ده أتوقف عن العمل ياسين اتصل بيا وقالي كل حاجه لانه قلق عليكي أما مشيتي ومرجعتيش البيت ولا رديتي عليه
ميرال بغضب شديد :دلوقتي كلكو اتعاطفتو مع امير عشان دراعه اللي اتشل مايتشل ولا يموت عايزه تعرفي عملت كده ليه عملت كده بسبب البلوه اللي بليتني بسبب فكرتك الغبيه امير ماسك قضيه فهد تخيلي لو كان دخل وشافه كانت الأمور هتوصل لفين
لينا:هو مفيش الا امير يعني اللي يمسك القضيه دي اي الحظ المهبب ده
ميرال بغضب:انا محتاجه ابقي لوحدي وكل واحد مسؤول عن نفسه انا تعبت خلاص بلغي فهد مايخرجش بره الشاليه بتاعه مش عاجبه يمشي من هنا خالص مش ناقصه قرف هي
لينا:حاضر هسيبك لوحدك وهبلغه عن اذنك
علي الجانب الآخر جلس سليم في شرود تام وبعد نصف ساعه من التفكير التقطت هاتفه المحمول وقرر الاتصال ب منتصر الصياد
كان منتصر يجلس في مكتبه برفقه رحمه السكرتاريه يتناولون الغداء ليتفاجئ برنين هاتفه معلناً اسم سليم الرشيد
ليقول منتصر :مش معقول ده سليم
رحمه :طيب يافندم اكيد عايز يتفاوض هطلع بره وانت رد وشوف هتعمل اي
استجاب لها وخرجت هي وقام بالرد عليه قائلا:خير ياسليم بيه
سليم:انا حاسس انك مش مستغرب انا بتصل بيك ليه
منتصر:خمنت وقولت ف بالي يمكن عندك عرض وحابب نتفاوض
سليم:فعلا في عرض حلو اوي بس تمنه غالي شويه
منتصر باقتضاب:عايز كام ياسليم
سليم:التمن مش فلوس التمن هيكون قصاد حريه فهد حريتي انا لحد دلوقتي مفيش ولا دليل ضدي وياريت تكون انت كمان مجبتش سيرتي يامتر
منتصر: انا متهمتش حد
سليم:يبقي المتهم الحقيقي هو اللي يتحاكم وياخد جزاءه بقا
منتصر:مين هو وهثبت عليه ازاي
سليم:دارين
منتصر:انت اي علاقتك بيها بالظبط
سليم بغضب:لا الأمور الشخصية دي بلاش ندخل فيها دي اعراض ناس المهم انا معايا كل المستندات اللي عليها امضتها طبعا بموجب التوكيل اللي معاها ودارين نفسها معايا ياريت تيجي تاخدها هي والمستندات وبكده فهد هيطلع بسهوله وممكن بعدها يبيع الشركه ويخلص من مشاكلها للابد وانت وشطارتك يامتر بقا
منتصر:اديني العنوان هجيلك مع رجالتي
سليم :العنوان..........
اغلق الهاتف ودخل الي الغرفه الموجوده بها دارين وقال بصوت مزعج :ياريت تكوني مرتاحه دلوقتي وانتي مربوطه كده يادارين هنام
دارين ببكاء:هتعمل فيا اي ياسليم
سليم:هاخد بطاري وطار صاحبي اللي خسرته بسببك هتروحي المكان اللي تستاهليه
دارين بغموض:فين
سليم وعلي وجهه علامات الانتصار :هتروحي السجن عشان تعرفي تخونيني كويس
دارين:انت انت عرفت منين
سليم:هو انتي فكراني فهد عشان تضحكي عليا
دارين ببكاء:والله ما خونتك
سليم :بس كنتي هتعمليها الاتنين واحد ياقطه زمان منتصر جاي هو ورجالته وهرتاح منك ومن قرفك للابد
دارين:هقولهم انك مشترك معايا
سليم: وريني شطارتك بس ساعتها متلوميش الا غبائك
يتابع.........
الفصل الثامن عشر:
في الصباح استيقظت ميرال بتكاسل لتجد رساله نصيه من صبا كان محتواها:صباح الخير يا ميرا انا نازله مصر النهارده انا ومؤمن وهنكون عندك بليل أن شاء الله
لتقول ميرال وهي تنهض بسرعه:يانهار اسود هنروح ف داهيه
ذهبت الي غرفه لينا وقالت:اصحي يا زفته انتي شوفيلي حل
لينا بتكاسل:في اي بس
ميرال بتوتر :في مصيبه صبا نزاله مصر أن مكنتش نزلت اصلا وجايه هنا بليل
لينا بتوتر:يانهار اسود ومهبب طب وفهد
ميرال:مش عارفه والمصيبه ليكونو عرفو اللي عملتو مع امير
لينا:شكلهم فعلا عارفين حاجة
قطع حديثهم رنين هاتف لينا معلناً اسم عمر
ميرال: ردي
لينا:لا مش مهم خلينا نشوف هنعمل اي
علي الجانب الآخر قام منتصر بإحضار دارين بمساعده رجاله ليقول لها:فعلا كيدهن عظيم شابوه ليكي بس ياتري هتعملي اي تاني وقعتي بين اتنين صحاب اخدتي سليم ف سكه مكنش يتوقع أن ممكن يكون فيها ولو ثانيه و ضيعتي عمر فهد
دارين بجراءه:هو اللي ضيع عمره بنفسه كنت عايزني أقوله اي صاحبك عاجبني اكتر منك وبعدين مابلاش انت اللي تتكلم عن ضياع العمر علي الاقل هو كان عنده سبب لكن انت معندكش وبقيت راجل وحيد خلاص صح مش باين عليك انك أربعيني لكن ده واقع
منتصر بغضب:,انتي قليله الادب
أشار إلي أحد رجاله وقال:متخرجش من المخزن ده ومتنفذش ليها اي طلب لا اكل ولا شرب ولا حتي مسموح أنها تروح الحمام مفهوم
ليقول الحرس:مفهوم
منتصر:هروح اجهز الورق وادرسه وهوديكي ف داهيه النهارده عشان تعرفي مين اللي عمره هيضيع بجد بقا
علي الجانب الآخر قررت ميرال مصارحه شقيقتها وزوجها بخصوص أمر فهد
قاطع حديثها مع لينا اتصال من عمر مره اخري
لتقول لينا:يوه بقا هرد واجيلك
ميرال بلا مبالاه:ماشي
أجابت ليقول هو بغضب:مش بتردي ليه
لينا:كنت نايمه
عمر باختصار:طب انا مستنيكي ف كافيه.......متتأخريش
علي الجانب الآخر في ڤيلا ياسين الرفاعي كانت تجلس زينه شارده في حاله زوجها لتجده يدلف الي الداخل ليقول:اي ياحبيبتي قاعده كده ليه
زينه:زعلانه عليك ووحشتني اوي بصراحه من ساعه ما اتجوزنا وانا مش لاقياك ودي حاجه مجنناني
ياسين:انتي وحشتيني اكتر متقلقيش امير يخف ويرجع شغله واطمن علي ميرال وهنسافر بره واعوضك عن كل ده
زينه: بحبك
ياسين: وانا بحبك
كان يجلس في انتظارها جلست هي امامه وقالت:في اي ياعمر مالك
عمر بضيق:احنا مش هينفع نكمل مع بعض انا زهقان جدا ومش لاقي سبب لزهقي ده بس مش مرتاحه
لينا بغضب:انا ميرضنيش انك تكون زهقان عن اذنك ياكابتن ومتتصلش بيا تاني
عمر بتوتر:لينا استني اسمعيني
لينا: بعد اذنك
قالت كلماتها وخرجت وقالت في نفسها:كلامك جرحني لكن مكنش لازم ابينلك ده
يتابع.......
الفصل التاسع عشر:
عادت لينا الي المنزل وهي في غايه الحزن وكانت توجد اثار الدموع علي وجهها رأتها ميرال من بعيد بهذه الحاله ركضت نحوها وقالت:لينا مالك حصل اي
لينا:عمر سابني
ميرال بدهشه:ليه
لينا ببكاء:معرفش انا اول ما قالي مش هينفع نكمل مع بعض سيبتو ومشيت وهطلع الم الحاجه بتاعتي وارجع شقتي فالقاهره
ميرال:لا مش هسمحلك تمشي وتسبيني لوحدي اطلعي فوق ارتاحي وانا هروحله دلوقتي قبل ما صبا توصل
اخذت مفاتيح سيارتها وانطلقت نحو الچيم الخاص بعمر دخلت وهي في شده الغضب ليقول هو :اهلا ميرال
ميرال:ممكن افهم انت ولينا سبتو بعض ليه
عمر:انا نفسي معنديش اجابه بس زهقت أو حاسس اني مش مستعد واني لما فكرت اني هتغير عشانها كنت غلطان
ميرال بغضب:اسمحلي اقولك انك مش راجل ايوه مش راجل عشان تضحك علي بنت في سنها وتضحك عليا انا شخصيا وصدقت حبك ليها اللي كان مزيف
عمر:مش مزيف صدقيني بس انا مش عارف اكمل معاها مش مرتاح من غير سبب
ميرال:كان لازم تفكر مليون مره قبل ما ترتبطت بيها وقبل ماتقرر تسيبها كان ابسط حقوقها انك تعرف وتعرفها اي اللي مش مريحك سلام ياكابتن ومتقربش ناحيت لينا تاني
عادت الي المنزل لتجد فهد يجلس في الحديقه وهو شارد لتقول : سرحان ف اي
فهد:ابدا زهقان بس
ميرال بابتسامه :معلش فتره وهتعدي ولو تحب ممكن نخرج بكره الناس هنا بدأت تقل لان المعظم بيجي مصيف بس قليل اوي لو لقيت حد حياته كلها هنا
فهد:طب اشمعنا انتي هنا علي طول
ميرال:عشان ده مكاني بجد في رابط قوي بيني وبين المكان ده
فهد:يمكن
ميرال:هو انا ممكن اطلب منك طلب
فهد:اكيد اتفضلي
ميرال:ممكن تدخل الشاليه ومتخرجش منه النهارده
فهد:طب ليه
ميرال:اختي وجوزها جايين النهارده وهما لسه ميعرفوش انك هنا وحابه اعرفهم بطريقه كويسه
فهد:ماشي هدخل اهو
ميرال :هتدخل دلوقتي
فهد باقتضاب: ايوه
دخلت هي الأخري لتبحث عن صديقتها
أما في ڤيلا الأنصاري .....
عزيز:يعني اي اتجوزت يابهيم انت
الحارس:ده اللي عرفناه يابيه مش بس كده لا ده جوزها ظابط فالمخابارات
عزيز:انشالله يكون جوزها مدير الأمن بنفسه هات العنوان وتعالي معايا ولو مطلقهاس بهدوء هقتله
سمعت بخيته حديثهم من بعيد وقامت بأخضار جميع اغراضها انتظرت تحركهم وغادرت هي الأخري الي بلدها
لتقول في نفسها:يعز عليا فراقك ياولد بس انت حفرت قبرك برجليك
التقطت هاتفها وقامت بالاتصال لتقول:نفذ يا صبري
صبري (أحد راجالها):هو فين ياكبيره
بخيته:هو ف الطريق لمكان معرفهوش اعرف بطريقتك
صبري:امرك ياكبيره
اغلق الخط وفتح جهاز الGbs وحدد مكان عزيز واتجه نحوه
وبعد مرور نصف ساعة اقترب صبري من مكان عزيز وقام بإطلاق طلقه واحده في رأس عزيز وهرب قبل أن يلحق به رجال عزيز
وبعد مرور عده ساعات قام بالحاق ببخيته وجلس بجوارها في أرضها الزراعيه ليقول:نفذت ياكبيره
بخيته:لو كان راح للظابط وعداه مش بعيد ينكشف السر وكل حاجه تضيع مني لكن بعد موته كل حاجه بقت بتاعتي صحيح يعز عليا فراقه لكن كده كده بعد جنانه ده كان مسيرنا نتفارق بس يمكن ساعتها كنت اموت معاه أو اتحبس
في ڤيلا البحيري وصلت صبا هي وزوجها واستقبلتهم ميرال برفقه لينا بحراره شديده لتقول ميرال:هاتو الشنط يلا
صبا بدهشه:فين البواب والخدم
ميرال:اجازة كلهم اجازة
مؤمن :تمام هدخلهم انا
ميرال:فالڤيلا يامؤمن
صبا:بس الشاليه جهز
ميرال:في ضيف موجود فالشاليه حاليا ادخلوا وهفهمكم
دخل الجميع الي الڤيلا وسردت لهم ميرال كل ما حدث
صبا:دي عامله تعمليها تجيبي راجل غريب يستخبي عندك وكمان تضربي امير بالنار
ميرال:مين قالك موضوع امير
مؤمن:امير نفسه
ميرال:جماعه الضيف ده امانه عندي مش اكتر وبعدين هو مدخلش بيتي هو قاعد ف مكان تاني وبعدين انتي مش هتحاسبيني ياصبا
صبا:مش هتتهدي ابدا صح ما انتي لو كنتي اتجوزتي كنتي لقيتي حاجه تشغلك
ميرال:علي فكره انا ممكن اقولك الف كلمه توجعك لكن كلامك موجعنيش انتو مرضي بجد كل حاجه جواز جواز جواز كأن الناس اللي متجوزتش ناس جربانه بقولكم اي انتو جايين شويه وهتمشو يبقي نبقي لطاف مع بعض وعلي فكره انتو كمان ضيوف وانتو عارفين ده كويس كنت فاكره انكم ضيوف غالين بس طلعت غلطانه عن اذنكم
قالت كلماتها وصعدت غرفتها تبكي بشده ولحقتها لينا
أما صبا ومؤمن جلسو في صمت دام دقائق ثم قال لها مؤمن:مكنش ينفع اسلوبك معاها ده
صبا:يعني انت مش زعلان علي امير
مؤمن:امير كسرها زمان وكان هيكسرها دلوقتي وانتي كسرتيها ياصبا
صبا:بس مكنش قصدي
مؤمن:مهو مينفعش نقول اللاعمي هو انت اعمي ونزعل من رد فعله ميرال زي كده هي مختارتش حياتها هي مجبره عليها ومجبره علي الضيف ده عارفه ليه
صبا بانتباه :ليه
مؤمن:اولا لأن قدرها اختار أن شخص زيه يقع في طريقها ثانيا هي معرفتش ترفض عشان هي بتحب المتر منتصر ثالثا أن ضيفها ده اللي احنا منعرفش اسمه اتنصب عليه من اقرب الناس لي خطيبته وصاحبه اكيد ده موقف يخليه يصعب عليها هو صح متهم لكن بريئ
صبا:بس
مؤمن:مفيش بس ياصبا يلا نطلع نرتاح من السفر وبكره تعتذري لميرال وعلي فكره هي قويه وجدعه وكلامك هو اللي كان عيب وانا مش هسمحلك تقولي كده تاني ياحبيبتي مش هسمحلك تكرهي اختك فيكي
يتابع..........
الفصل العشرون:
في غرفه ميرال كانت تبكي وتقول ل لينا:انا مش عارفه انا عملت ليها اي ليه مصممه تجرحني وخلاص انا ذنبي اي ان امير سابني زمان وملقتش حد ينسيني بعده واحس معاه بالأمان هو انا يعني لازم اتجوز وخلاص عشان هما متجوزين
لينا:لا ياحبيبتي احنا المفروض نتجوز لما نلاقي الشخص اللي نحس معاه بالأمان والراحه اللي بجد اللي هما أساس القبول أو حتي نحس بالقبول ناحيته بشكل عام مش عشان نتجوز وخلاص بس الناس بقت بتتجوز وخلاص فعلا عشان كده الخيانه كترت والطلاق كتر والخناق وحاجات كتير اوي الناس فاهمه الموضوع غلط في ناس بتجيب حد متعرفش عنه حاجه وتتخطب لي شهرين ويتجوزو وأما تعرفه علي حقيقته تطلق وتقول أصله كان صالونات المشكله مش ف صالونات ولا حب المشكله فالتصنع الناس بقت بتمثل كل حاجه وفالاخر يكشفو بعض ويطلقو ويقولو بعد ما يعايرونا بيبي احنا اتحسدنا
ميرال بابتسامه:والنبي انتي رايقه قال بيبي قال
لينا:طب تعالي نخرج
ميرال:يلا وهناخد معانا فهد عشان زهقان وخلاص مبقاش في ناس كتير والوقت أتأخر يعني كله ف صالحه
لينا طب بلغيه عشان يجهز
ميرال :هجهز اعقبال ما تبلغيه انتي
لينا:ماشي هبلغه واجهز
وبالفعل أخبرته وارتدي هو بدله باللون الرمادي وقميص باللون الاسود وحذاء باللون الاسود اللامع يناسبها كان في غايه الاناقه
اما ميرال ارتدت بلوزه باللون الازرق وكانت رائع التصميم وبنطلون باللون الاسود وحذاء عالي يبناسبهم وحقيبه باللون الاسود اللامع
ولينا أيضا ارتدت فستان قصير باللون الاسود وكان تصميمه بسيط وراقي يناسب الخروج ليلاً
نزلت الفتاتان ولكن اوقفهم صوت مؤمن قائلا :ميرال انتي خارجه
ميرال:ايوه في حاجه
مؤمن :كنت عايز اعتذرلك علي اللي قالتو صبا
ميرال:لا هي مقالتش حاجه غلط انا مش متجوزه فعلا بس فخوره بكده عن اذنك
خرجت وقابلت فهد ليقول :شكلك حلو اوي النهارده
ميرال:ميرسي لتضيف الي كلماتها ..ممكن انت اللي تسوق
فهد:اها طبعا
انطلقو جميعا بسيارتها بسرعه كبيره وسط أجواء مرحه واغاني عاليه نسبيا ليقول فهد:هنروح فين
ميرال:في مكان حلو اوي قريب من هنا تعالو نسهر في
فهد:لا ماليش فالكلام ده
ميرال:يابني ده مكان عادي جدا شبه الكافيهات بالظبط بس فاتح 24ساعه وعلي طول في ناس بتغني وفي باند تبع المكان نفسه بس مش بيغنو علي طول
فهد:ماشي بس بعدها نروح مكان هادي
ميرال:كده هنرجع الصبح
وصلو الي المكان وكانت ليله مميزة وبدايه جديده بين فهد وميرال كل واحد منهم اكتشف اشياء كثيره عن الآخر جعلتهم في غايه الانبهار بتلك الاشياء رغم اختلافهم
في ڤيلا ياسين الرفاعي ..
عاد ياسين من المستشفى ليجد أجواء هادئه ومختلفه طاوله عشاء مميزه علي ضوء الشموع وموسيقي هادئه للغايه ومريحه للاذن ورائحه عطر مميز في الجو ولتخرج هي في كامل أناقتها كانت ترتدي فستان طويل باللون الاحمر بدون اكمام وكانت تضع بعض مساحيق التجميل بطريقة محترفه وتركت لشعرها العنان لينبهر هو من تلك الأجواء ومظهرها ويقول بابتسامه:كل ده عشاني
زينه:ايوه عشانك انا عارفه أن الوقت مش مناسب للرومانسيه دي والمبالغه فالمشاعر بس
قاطعها هو قائلا:مبالغه فالمشاعر لا انتي تسكتي احسن
زينه: لا بجد حبيت اعملك جو تريح بالك في شويه كنت خايفه تضايق وتحس اني مش مقدره اللي بتمر بيه بس بجد انا عارفه انك محتاج تخرج من الجو ده شويه
ياسين:اضايق من اي ياعبيطه انتي وبعدين لازم اراعي أن في زوجه معايا ليها حقوق عليا انا كنت ناوي اخرجك اصلا بس انتي عامله جو مريح اجمل من الف خروجه
زينه:صح انا ليا حقوق عليك بس انا فعلا متنازله عن جميع حقوقي مقابل انك تبقي كويس ومرتاح بس
احتضنها بقوه وقال:بحبك
زينه:انا اكتر
ياسين:انتي اثبتيلي أن الوقت مش مهم ف اي حاجه يا زينه لانك قدرتي تكوني كل حاجه في حياتي بسرعه
زينه:في ناس بتحاول سنين عشان يوصلو لبعض وبيفشلو انت حاولت اسبوع ولا اتنين ووصلت وده دليل أن الوقت ممكن يكون ضدك مش لصالحك
ياسين:والدليل الاقوي انك أعظم انتصاراتي انتي الانتصار اللي كنت هخسر شغلي عشان واقعد افكر اعمل اي حاجه انا مش مقتنع بيها عشان اعيشك ف نفس المستوي بس عشان كانت نيتي كويسه من ناحيتك ووقفت جنبك بجد ربنا عوضني بيكي وكملت ف شغلي من غير ما اخسر حد فيكو مهما اوصفلك مش هقدر اشرحلك انتي بالنسبالي اي
زينه بهمس:انا مراتك
ياسين:عارف
زينه بمرح:وممكن اطلقك ف اي وقت عادي يعني
ياسين:ماشاء الله عضلاتك مقوية قلبك طب تعالي بقا
لتركض هي وسط اجواء مرحه وتقول:خلاص مش هطلقك خلاص
علي الجانب الآخر وصلو جميعا الي ڤيلا البحيري وقالت له ميرال:بجد ميرسي علي كل حاجه وكمان ميرسي علي الورد الجميل ده
فهد:رغم أن المفروض مكنتيش تبقي معايا وانا بشتريه بس ماشي اليوم كان حلو بجد من بدري اوي ما فرحتش كده
لينا :وانا كمان
فهد بمرح:اسكتي انتي كلامك بيجيب مشاكل
دخلو الڤيلا في أجواء مرحه ودخل هو ذلك الشاليه
لتقول صبا:هو انتي في اي بينك وبينه انا شايفاكم من البلكونه
ميرال:انا مش مجبره اشرحلك اي حاجه تخصني روحي نامي ياصبا كان يوم اسود يوم ما رجعتي مصر
صبا:انا مش فاهمه ليه بتعملي كده انا بحبك
ميرال:وانا بحبك بس انتي اسلوبك وحش وبتخليني اقولك حاجات مش المفروض اقولها اخر حاجه هقولهالك مفيش حد حياته كامله انتي فاهمه
يتابع......
تكملة الرواية من هناااااااا
تعليقات
إرسال تعليق